Yingluck Shinawatra ဆန်စပါးကိစ္စ ပေါ့ဆ


ထိုင်းဝန်ကြီးချုပ်ဟောင်း Yingluck Shinawatra။ (မေ ၇၊ ၂၀၁၄)

ရာထူးက ဖယ်ရှားခံလိုက်ရတဲ့ ထိုင်းဝန်ကြီးချုပ်ဟောင်း ယင်းလပ် ရှင်နာဝပ်ဟာ ဥပဒေကြောင်း နောက်ထပ် အရေးနိမ့်မှုတခုနဲ့ ထပ်ပြီး ရင်ဆိုင်ရပါတယ်။ အငြင်းပွားဖွယ် ဆန် ရောင်းဝယ်ရေးအစီအစဉ်မှာ ပေါ့ဆမှုအတွက် အပြစ်ရှိတယ်ဆိုပြီး ထိုင်းနိုင်ငံ အကျင့်ပျက်ခြစားမှု တိုက်ဖျက်ရေး ကော်မရှင်က ဆုံးဖြတ်လိုက်တာပါ။

ဆန်အစီအစဉ်နဲ့ပတ်သက်ပြီး မစ္စယင်းလပ်အပေါ် အရေးယူဖို့ လုံလောက်တဲ့ အထောက်အထားရှိတယ်လို့ ကော်မရှင် ဒီကနေ့မှာ တညီတညွတ်ထဲ ဆုံးဖြတ်လိုက်တာပါ။ အဲဒီအစီအစဉ်ဟာ လာဘ်စားမှုတွေနဲ့ပြည့်နေပြီး ဒေါ်လာ ဘီလီယံပေါင်းများစွာ အလဟဿ ဖြစ်ခဲ့ရတယ်လို့ ၀န်ကြီးချုပ်ဟောင်း ကို ဝေဖန်သူတွေက ပြောကြပါတယ်။

ဒီအမှုဟာ အခု အထက်လွှတ်တော်ရှေ့ ရောက်သွားပြီဖြစ်ပြီး မစ္စယင်းလပ်ကို အရေးယူရေး မဲခွဲဆုံးဖြတ်ကြမှာဖြစ်ပြီးတော့ အတည်ဖြစ်ခဲ့မယ် ဆိုရင် နိုင်ငံရေးကနေ ငါးနှစ်အထိ ပိတ်ပင်တားမြစ်ခံရမှာဖြစ်ပါတယ်။

ဒီအတောအတွင်းမှာပဲ ထိုင်း အခြေခံဥပဒေတရားရုံးက တရားသူကြီးတဦးရဲ့ အိမ်ထဲကို ဒီကနေ့မှာပဲ လက်ပစ်ဗုံးတလုံး ပစ်သွင်းခဲ့ တယ်လို့ ထိုင်းရဲတပ်ဖွဲ့ ကပြောပါတယ်။ ၀န်ကြီးချုပ်ကို ရာထူးကဖယ်ရှားပစ်ဖို့ အခြေခံဥပဒေ တရားခုံရုံးက ဗုဒ္ဓဟူးနေ့မှာ ဆုံးဖြတ် ခဲ့တာပါ။

ဒီကနေ့မနက်အစောပိုင်းက ပစ်ခဲ့တဲ့ လက်ပစ်ဗုံးကြောင့် တရားသူကြီးရဲ့ ဘန်ကောက်မြို့တော်က နေအိမ်ခေါင်မိုးနဲ့ ကားတစီး အနည်းငယ်ပျက်စီးသွားပြီး ဘယ်သူမှ ထိခိုက်ဒဏ်ရာရတာ မရှိခဲ့ဘူးလို့ ရဲတပ်ဖွဲ့က ပြောပါတယ်။

VOA

အပြည့်အစုံသို့ »

မိခင်နို့ကို အေးခဲပြီး တိုက်သည့်နည်း


မွေးကင်းစမှ အသက် ၆ လအထိ မိခင်နို့ရည်တစ်မျိုးတည်းသာ တိုက်ကျွေးရမည်ဟု ကျန်းမာရေးပညာရှင်များက လမ်းညွှန်ထားသော်လည်း မည်သို့တိုက်ကျွေးရမည်ကို အသေးစိတ်မသိရှိသောကြောင့် မိခင်နို့တိုက်ကျွေးရေးတွင် အားနည်းချက်များရှိနေသည်။

မွေးပြီးတစ်နာရီအတွင်း မိခင်နို့တိုက်ကျွေးရမည်။ ရေနှင့်ဖြည့်စွက်စာများကို ကလေးအသက် ၆ လအထိ မတိုက်ကျွေးရ။ နို့ဘူးနှင့် ချိုလိမ်များ အသုံးမပြုရ၊ ကလေးငယ်ဆာသည့်အခါတိုင်း မိခင်နို့ကိုသာတိုက်ကျွေးရမည်ဟု ကမ္ဘာ့ကျန်းမာရေးအဖွဲ့ကြီးနှင့် UNICEF တို့က မိခင်နို့တစ်မျိုးတည်း တိုက်ကျွေးရေးဆိုင်ရာ စည်းမျဉ်းများကို ချမှတ်ပေးထား၏။

‘‘အသက် ၆ လအထိ မိခင်နို့တစ်မျိုးတည်း တိုက်ရမယ်လို့ကြားဖူးတယ်။ ဒါပေမဲ့ ရုံးအလုပ်နဲ့က အဆင်မပြေလို့ ရုံးသွားတဲ့အချိန်မှာ နို့မှုန့်ပဲတိုက်တယ်’’ဟု အသက် ၅ လအရွယ် ကလေး၏မိခင်ဖြစ်သူ ကုမ္ပဏီဝန်ထမ်း မရတနာက ပြောသည်။

မိမိ၏ရင်သွေးငယ်အား မိခင်နို့ကိုသာ တိုက်ကျွေးလိုသော်လည်း ရုံးသွားချိန်တွင် မည်သို့ဆောင်ရွက်ရမည်ကို မသိရှိသောကြောင့် နို့မှုန့်ကို သုံးစွဲရခြင်းဖြစ်သည်ဟု မရတနာကဆိုသည်။

‘‘အလုပ်လုပ်နေတဲ့မိခင်တွေမှာ မိခင်နို့တစ်မျိုးတည်း တိုက်ကျွေးရေးမှာ အဆင်မပြေမှုတွေရှိတယ်ဆိုတာ သိပါတယ်။ အလုပ်လုပ်နေတဲ့အချိန်မှာ ကိုယ့်ကလေးအတွက် အဆင်ပြေအောင် မိခင်နို့ကို သိမ်းဆည်းလို့ရတဲ့နည်းတွေရှိတယ်’’ဟု ရန်ကုန်ကလေးဆေးရုံကြီးမှ ကလေးအထူးကုဆရာဝန်တစ်ဦးကပြောသည်။

သာမန်အခန်းအပူချိန်ဖြစ်သော ၇၃-၇၇ ဒီဂရီဖာရင်ဟိုက်တွင် အချိန်လေးနာရီ ရေခဲထည့်ထားသောရေခဲပုံးဖြင့် သိမ်းဆည်းပါက ၂၄နာရီ၊ အပူချိန် ၃၉ဒီဂရီဖာရင်ဟိုက်နှင့် အောက်ရှိသော ရေခဲသေတ္တာတွင် ၂ရက်မှ ၈ရက်အထိ၊ အပူချိန်သုညဒီဂရီဖာရင်ဟိုက်ရှိသော ရေခဲသေတ္တာတွင် ၃ လမှ ၄လနှင့် သုညဒီဂရီဖာရင် ဟိုက်အောက်ရှိသော ရေခဲသေတ္တာတွင် ၆လမှ ၁၂လအထိ မိခင်နို့ကို ထိန်းသိမ်းထားနိုင်သည်ဟု ကလေးသူငယ်ကျန်းမာရေးဆိုင်ရာ သုတေသနပြုမှုများတွင် ဖော်ပြထားသည်။

ဆက်သွယ်ရေးကုမ္ပဏီတစ်ခုတွင် အလုပ်လုပ်နေသည့် အသက်လေးလခွဲအရွယ် ကလေး၏မိခင်ဖြစ်သူ မစန္ဒာက ‘‘ကုမ္ပဏီကိုလာရင် ရေခဲပုံးလေးယူလာတယ်။ နို့တွေသက်ရင် ညှစ်ပြီး အဖုံးပါတဲ့ခွက်ထဲထည့်ပြီး ရေခဲသေတ္တာထဲမှာ သွားထားတယ်။ ပြန်ရင် ရေခဲပုံးထဲထည့်ပြီး ပြန်သယ်သွားတယ်။ ကိုယ်က ၀န်ထမ်းဆိုတော့ ကိုယ့်ကလေးကို မိခင်နို့တိုက်ရေးနဲ့ပတ်သက်ပြီး ကလေးအထူးကုက ညွှန်တဲ့အတိုင်းလုပ်တာပါ’’ဟု ပြောသည်။

သို့သော် ထိုကဲ့သို့ အအေးခံသိမ်းဆည်းထားသော မိခင်နို့ရည်အတွက် လိုက်နာရမည့်အချက်လည်း ရှိနေပါသည်။ စတင်သိမ်းဆည်းသည့်အချိန်ကို အညွှန်းကပ်၍ မှတ်သားထားခြင်း၊ ရေခဲသေတ္တာထဲတွင် သိမ်းဆည်းသည့် မိခင်နို့ရည်ထည့်ထားသောဘူးကို အဖုံးလုံအောင် ပိတ်ထားခြင်း၊ မိခင်နို့ရည်ဘူးတစ်ခုလျှင် သိမ်းဆည်းရမည့် ပမာဏမှာ ၂အောင်စမှ ၄ အောင်စအထိသာ ရှိရမည်ဟု သတ်မှတ်ထားသည့်အပြင် မိမိ၏ရင်သွေးအား တိုက်ကျွေးရာတွင် သိမ်းထားချိန်အကြာဆုံးဘူးကို ပထမဆုံးအသုံးပြုရမည်ဖြစ်ပြီး အနည်းငယ်ပူနွေးသောရေဖြင့် အအေးခံထားသောဘူးကို အပြင်ဘက်မှလောင်း၍ သာမန်အခန်းအပူချိန်ထိရောက်အောင် ပြုလုပ်ရမည်ဟု မိခင်နို့သိမ်းဆည်းရေးဆိုင်ရာ စည်းမျဉ်းစည်းကမ်းများတွင် ဖော်ပြထားသည်။

‘‘မိခင်နို့ကိုညှစ်ပြီး အိမ်မှာထားခဲ့ခိုင်းတာ။ ဒါမှမဟုတ် အလုပ်ထဲကနေ အိမ်ကိုယူခိုင်းတာတွေရှိပါတယ်။ အရေးကြီးတာက သန့်ရှင်းမှုနဲ့ မိခင်နို့ကို မီးဖိုပေါ်တင်ပြီးအပူမပေးမိဖို့ပဲ’’ဟု အထွေထွေရောဂါကုဆရာဝန် ဒေါက်တာစည်သူက သတိပေးသည်။

မိခင်နို့တိုက်ကျွေးခြင်းမခံရသော ကလေးငယ်သည် မိခင်နို့တိုက်ကျွေးသည့် ကလေးငယ်နှင့် နှိုင်းယှဉ်လျှင် အဆုတ်ရောင်ဖျားနာရောဂါ(pneumonia) ဖြစ်ပွားနိုင်ခြေ ၁၅ရာခိုင်နှုန်းနှင့် ၀မ်းပျက်ဝမ်းလျှောဖြစ်ရန် ၁၁ရာခိုင်နှုန်း ပိုများနေသည်။ မိခင်နို့ရည်သည် ကလေးများအတွက် မည်သည့်ဖြည့်စွက်စာမျှ ထပ်မံမလိုသော ပြီးပြည့်စုံသည့် အာဟာရရည်ဖြစ်သည်ဟု WHO က သတ်မှတ်ပေးထားသည်။

သို့သော် နာတာရှည်တီဘီရောဂါခံစားနေရသူများ၊ HIV/AIDS ဝေဒနာရှင်များ၊ မိခင်နို့တစ်ဝိုက်တွင် ကူးစက်ရောဂါဖြစ်နေသူများ၊ အာဟာရချို့တဲ့သူများ၊ အသည်းရောင်အသားဝါရှိသူများနှင့် မူးယစ်ဆေးဝါး အလွန်အကျွံသုံးစွဲထားသည့် မိခင်များတွင် အဆိုပါ မိခင်နို့တစ်မျိုးတည်း တိုက်ကျွေးရေးအတွက် ခြွင်းချက်ဖြစ်သည်ဟု ဆိုသည်။

‘‘ဆရာဝန်က အသက် ၆လအထိ မိခင်နို့တစ်မျိုးတည်းတိုက်လို့ မှာထားတယ်။ ဒါပေမဲ့ တစ်လခွဲလောက်ကတည်းက ကျွန်မကလေးကို ထမင်းရယ်၊ မုန်လာဥနီရယ်၊ ပဲနီလေးရယ်ရောနယ်ပြီး ကျွေးတယ်။ ပြီးတော့ အလုပ်ကလည်း မအားတော့ နို့မှုန့်နဲ့ နို့ဘူးပဲ အဓိကအားကိုးရတယ်’’ဟု အသက် (၃၀)ကျော်အရွယ် မိခင်တစ်ဦးကပြောသည်။

မိခင်၏နို့ရည်သည် ကလေးငယ်အတွက် ရောဂါကာကွယ်ပေးနိုင်သော အရာတစ်ခုတည်းသာမဟုတ်ဘဲ မိခင်နှင့် ကလေးငယ်ကြား ဆက်ဆံရေးပိုမိုနွေးထွေးစေခြင်း၊ ကုန်ကျစရိတ်သက်သာခြင်း စသည့်ကောင်းကျိုးများကို ပေးစွမ်းနိုင်သည်ဟု ဆိုသော်လည်း မြန်မာနိုင်ငံတွင် မွေးကင်းစမှ အသက်  ၆လအရွယ် ကလေးငယ်တစ်ရာတွင် ၂၄ဦးသာ မိခင်နို့တစ်မျိုးတည်း အပြည့်အ၀တိုက်ကျွေးမှုကို ရရှိနေသည်ဟု UNICEF မြန်မာက သတိပေးမှု ပြုလုပ်ထားသည်။

7day

အပြည့်အစုံသို့ »

ကောသလမင်း အိပ်မက် အကြောင်း မသိသေးသူများ၊ သေချာ မသိသေး သူများ၊ သိသလို မသိသလို ဖြစ်နေသူများအတွက် ဖြစ်ပါတယ်။ ပတ်ဝန်းကျင်မှာ ဖြစ်နေတာတွေနဲ့ နှိုင်းယှဉ် ကြည့်ပြီး စဉ်းစားစရာ လေးတွေပေါ့။


မိဘုရားကြီး တိုက်တွန်းချက်အရ ကောသလမင်းကြီး သွားရောက် လျှောက်ထား၍ မြတ်စွာဘုရားသည် အစဉ်အတိုင်း ဖြေကြား နှစ်သိမ့်တော်မူ၏။
(၁) အရပ်လေးမျက်နှာမှ လေးခုသော နွားလား ဥဿဘတို့သည် လာလတ်၍ မင်းရင်ပြင်၌ ဝှေ့မည်ဟု တွန်မြည် ကြုံးဝါးလျက် မဝှေ့ပဲသာလျှင် ဖဲလေကုန်သည်ဟု မြင်မက်ပါသည်။
နောင်အခါ တရားမစောင့်သော မင်းတို့ လက်ထက်၌ အရပ်လေးမျက်နှာမှ မိုးတို့သည် ရွာအံသကဲ့သို့ ထစ်ကြိုးလျက် မရွာပဲသာလျှင် ပျောက်ပျက် ကုန်လတ္တံ့။ ထိုအခါ ကောက်ပဲသီးနှံတို့ ပျက်ဆီး၍ လူတို့၌ အစာရေစာ ရှားပါး ငတ်မွတ်ခြင်း ဖြစ်လတ္တံ့။
(၂) နုနယ်သေးငယ်စွာသော အပင်တို့သည် ပွင့်ကြ သီးကြသည်ကို မြင်မက်ပါသည်။
နောင်အခါ ဆုတ်ယုတ်သောကာလ လူတို့ အသက်တမ်း တိုသော ကာလ၌ ယောင်္ကျား မိန်းမတို့သည် ထက်သန် ပြင်းသော ရာဂ ရှိကုန်သည် ဖြစ်၍ ငယ်ရွယ်စဉ် အခါ၌ပင် အိမ်ထောင်ပြုခြင်း၊ သားမွေးခြင်း တို့ကို ပြုကုန်လတ္တံ့။
(၃) နွားမကြီးတို့သည် မိမိတို့ မွေးစဖြစ်သော နွားမငယ်တို့၏ နို့ကို စို့သည်ဟု မြင်မက်ပါသည်။
နောင်အခါ ကြီးသောသူတို့အား အရိုအသေပြုခြင်း ပျောက်ကွယ်သော ကာလ၌ အမိအဖ၊ ယောက္ခမ စသူတို့သည် ကိုးကွယ်ရာ မရှိကုန်သည် ဖြစ်သဖြင့် မိမိတို့၏ သားသမီး သားမက် ချွေးမ စသူတို့ထံ၌ ကပ်ရပ်၍ ငြိုငြင် ညှိုးငယ်စွာ အသက်မွေးရကုန်လတ္တံ့။
(၄) လှည်းတို့၌ ဝန်ကို ဆောင်နိုင်သော နွားကြီးတို့ကို မကမူ၍ နွားငယ်တို့ကိုသာ ကစေကုန်၏။ နွားငယ်တို့လည်း ဝန်ကို မနိုင်၍ လှည်းတို့ကိုလည်း ဆွဲခြင်းငှာ မတတ်နိုင်သည်ကို မြင်မက်ပါသည်။
နောင် တရားမစောင့်သော မင်းတို့ လက်ထက်၌ အသက်ကြီး ဝါကြီး ပညာရှိကုန်သော သူတို့အား အမတ်၊ တရားသူကြီး စသော ရာထူးစည်းစိမ်တို့၌ မခန့်ထားမူ၍ အသက်၊ ဝါ၊ ပညာ ငယ်ကုန်သော လူငယ်တို့အားသာ ခန့်ထားကြလတ္တံ့။ ထိုအခါ အခွင့်အရေးမသိ၊ မတော် မမှန်ဖြစ်၍ အမှု မပြီး၊ အကျိုးမပြီး ရှိသောအခါ လူငယ်တို့သည် မိမိတို့၏ ရာထူး စည်းစိမ်ကို စွန့်ကြလတ္တံ့။ လူကြီးတို့သည်လည်း ငါတို့မှာ ပြင်ပကသာ ဖြစ်၏ဟု လျစ်လျှုပြု၍ နေကြလကုန်လတ္တံ့။ သို့ဖြစ်၍ တရားမစောင့် အမှုမပြီးကြသည်နှင့် မင်းနှင့်တကွ တိုင်းပြည်ပါ ဆုတ်ယုတ် ပျက်ဆီးကြလတ္တံ့။
(၅) ခံတွင်း နှစ်ခုရှိသော မြင်းသည် ကျွေးလာသော မုယောစပါး စသည်တို့ကို ခံတွင်းနှစ်ခုဖြင့်ပင် စားသည်ဟု မြင်မက်ပါသည်။
နောင် တရားမစောင့်သော မင်းတို့လက်ထက်၌ တရားမစောင့်သော တရားသူကြီးတို့သည် နှစ်ဖက်သော အမှုသည်တို့မှ ပေးသော တံစိုးလက်ဆောင်တို့ကို စား၍ အမှုတို့ကို မမှန်မကန် ဆုံးဖြတ်ကြကုန်လတ္တံ့။
(၆) အဖိုးတသိန်း ထိုက်သော ရွှေခွက်ကို မြေခွေးဖိုအား ကျင်ငယ်စွန့်ရန် ပေး၏။ မြေခွေးလည်း ထိုရွှေခွက်၌ ကျင်ငယ်စွန့်သည်ဟု မြင်မက်ပါသည်။
နောင် တရားမစောင့်သော မင်းတို့ လက်ထက်၌ အမျိုးမြတ်သော သူတို့သည် အချီးအမြှောက် မခံရ၊ ဆင်းရဲကြ၍ အမျိုးယုတ်သော သူတို့ အစိုးတရ ကြွယ်ဝ ချမ်းသာကြလတ္တံ့။ ထိုအခါ အမျိုးမြတ်တို့ အသက် မွေးခြင်းငှာ မတတ်နိုင်ကုန်သည် ဖြစ်၍ မိမိတို့ သမီးတို့ကို အမျိုးယုတ်တို့အား ပေး၍ အသက်မွေး ကြကုန်လတ္တံ့။
(၇) တယောက်သော ယောင်္ကျားသည် အင်းပျဉ်၌ ထိုင်လျက် လွန်ကို ကျစ်၍ ခြေရင်း၌ ထား၏။ ထို အင်းပျဉ်အောက်၌ရှိသော ဆာလောင်သော မြေခွေးမသည် ထိုယောင်္ကျား မသိစဉ်လျှင် ထိုလွန်ကို စား၏ ဟု မြင်မက်ပါသည်။
နောင်အခါ မိန်းမတို့သည် အစားအသောက်၊ အဝတ်၊ အနေအထိုင် စသည်တို့၌ လော်လည်ခြင်း ရှိ၍ မိမိတို့ လင်ယောင်္ကျားသည် ဆင်းရဲငြိုငြင်စွာ ရှာဖွေ စုဆောင်းအပ်သော ဥစ္စာ ပစ္စည်းတို့ကို အဝတ်အစား၊ အစားအသောက် တို့၌ လည်းကောင်း၊ သောက်စား ကစားခြင်းတို့၌ လည်းကောင်း၊ အပျော်အပါးတို့၌ လည်းကောင်း၊ သဘောက် လင်ငယ်ထားခြင်း တို့၌ လည်းကောင်း အရမ်းမဲ့လျှင် ဖြုန်းတီးလေလတ္တံ့။ ခွေးမသည် မသိ စဉ်းစား သကဲ့သို့ အိမ်သူ မိန်းမတို့သည် ဤသို့ တိတ်တဆိတ် ဖြုန်းတီး ခိုးစားကြလတ္တံ့။
(၈) ရေမရှိသော အိုးတို့ဖြင့် ခြံရံအပ်သော ရေပြည့်အိုးကြီး တလုံးကို မြင်ရ၏။ လူတို့သည် အရပ် ၈ မျက်နှာမှ ရေကို ယူလာကြ၍ ထိုရေပြည့်အိုးကြီး အတွင်းသို့သာလျှင် လောင်းထည့် ကြ၏။ လောင်းထည့်သော ရေတို့သည် ပြည့်လျှံ၍ ကျကုန်၏။ ဤသို့လျှင် အဖန် တလဲလဲ ရေပြည့်အိုးသို့သာ လောင်းလျှက် ရေမရှိသော အခြံအရံ အိုးတို့ အတွင်းသို့ကား မည်သူမျှ မလောင်း မထည့်ပဲ နေသည်ကို မြင်မက်ပါသည်။
နောင်အခါ မကောင်းသော မင်းတို့ လက်ထက်၌ မင်းနှင့်တကွ လူတို့ တရားပျက်ကွက်၊ သြဇာညံ့ဖျင်း၊ ဆင်းရဲခြင်းသို့ ရောက်ကြကုန်လတ္တံ့။ ထိုအခါ မင်းအစိုးရတို့သည် ဆင်းရဲသားတို့အား မင်း၏ အကျိုးစီးပွား အတွက်ကိုသာ လုပ်ကိုင်စေအံ။ ဆောင်ရွက် စေအံ။ ထမ်းရွက်စေအံ။ သို့ဖြစ်ရကား မင်းတို့၌သာ ပြည့်စုံ အကျိုးခံစားကြရ၍ ဆင်းရဲသားတို့မှာ ရေမရှိသော အိုးတို့ပမာ တစုံတရာ မရှိ ငတ်မွတ် ခေါင်းပါးခြင်းသို့ ရောက်ကုန်လတ္တံ့။
(၉) နက်ရှိုင်း ကျယ်ဝန်းသော ရေကန်ကြီး တခုတွင် သတ္တဝါတို့ ဆင်း၍ ရေသောက်ကြ၏။ ကန်၏ အလယ် ရေနက်ရာ၌ ရေသည် နောက်၍ ကန်နားဝန်းကျင် ရေတိမ်ရာ သတ္တဝါတို့ နင်းရာ၌ ရေသည် ကြည်လင်၏ဟု မြင်မက်ပါသည်။
နောင်အခါ တရားမစောင့်သော မင်းတို့သည် မတရား အုပ်စိုးခြင်း၊ တံစိုးစားခြင်း၊ လော်လည်ခြင်း၊ သနားညှာတာ ဂရုဏာ မဲ့ခြင်း၊ ကြမ်းကြုတ် ရက်စက်ခြင်းတို့ ရှိလျှက် လူတို့အပေါ်၌ အထူးထူး အပြားပြားသော အချင်းအရာဖြင့် အခွန်အတုတ်တို့ကို ခွဲခန့် ကောက်ယူလတ္တံ့။ ထိုအခါ လူတို့မှာ တစ်စုံတစ်ရာ မပေးဆောင်နိုင် ပင်ပန်းဆင်းရဲလျက် မြို့ကြီးရပ်ကြီးတို့၌ မနေနိုင်ပဲ ရပ်စွန် ပြည်နားသို့ သွားရောက်နေကြရသည် ဖြစ်လတ္တံ့။ ကန်အလယ်တွင်နောက်၍ ကန်ဘေးတွင် ကြည်သကဲ့သို့ မြို့လယ်ရွာလယ်၌ တိတ်ဆိတ်၍ ရပ်စွန်ပြည်နား၌ လူစည်ကားလတ္တံ့။
(၁၀) တစ်လုံးတည်းသော အိုးဖြင့် တချိန်တည်းချက်သော ထမင်းသည် အချို့ပျော့၏၊ အချို့ မနပ်၊ အချို့နပ်၏။ ဤသို့ မြင်မက်ပါသည်။
နောင် တရား မစောင့်သော မင်းတို့ လက်ထက်၌ မိုးကွက်ကြား ရွာလတ္တံ့။ ထိုအခါ အချို့နေရာ၌ မိုးရွာလွန်း၍ ကောက်ပဲသီးနှံ ပျက်အံ့။ အချို့နေရာ၌ မရွာ၍ ပျက်အံ့။ အချို့နေရာ တွင်ကား မိုးမှန်၍ ကောင်းအံ့။ ဤသို့လျှင် ထမင်းအိုးတွင် မြင်သော ထမင်းကဲ့သို့ ကောက်ပဲသီးနှံ သုံးထွေ ပြားလတ္တံ့။
(၁၁) အဖိုးတသိန်းထက်သော စန္ဒကူးနှစ်ကို ယက်တက်ပုပ်ရည်ဖြင့် ရောင်းစားသည်ကို မြင်မက်ပါသည်။
နောင်အခါ ငါဘုရား၏ သာသနာတော် ဆုတ်ယုတ်သော ကာလတွင် လော်လည်၍ လာဘ်လာဘကို မက်မော ကုန်သော ရဟန်းအလဇ္ဇီ လူအလဇ္ဇီတို့သည် ဆွမ်း၊ ဆေး၊ ကျောင်း၊ သင်္ကန်း ဥစ္စာပစ္စည်း စသည် တို့ကို အလိုရှိကုန်သည် ဖြစ်၍ လမ်းခရီးဆုံ၊ အိမ်ဝ၊ အိမ်ကြို အိမ်ကြားတို့၌ ငါဘုရား၏ တရားတော်ကို ဟောကြားလတ္တံ့။ နိဗ္ဗာန် အလို့ငှာ ဟောတော် မူအပ်သော အလွန် မွန်မြတ်သော တရားတော်ကို တစ်ပဲ၊ တစ်မူး၊ တစ်ကျပ် စသည်တို့ အကျိုးငှာ ရောင်းစား ဟောပြော ကြသည် ဖြစ်၍ တသိန်းထိုက်သော စန္ဒာကူးနှစ်ကို ယက်တက်ပုပ်ရည်ဖြင့် ရောင်းစား သကဲ့သို့ ဖြစ်ကုန်လတ္တံ့။
(၁၂) ဘူးတောင်းတို့သည် ရေ၌ နစ်သည်ဟု မြင်မက်ပါသည်။
နောင်အခါ တရား မစောင့်သော မင်းတို့ လက်ထက်၌ အမျိုးယုတ်သော သူတို့ကိုသာ ရာထူး စည်းစိမ် ပေးသည် ဖြစ်၍ အမျိုးယုတ်တို့ တန်ခိုး အာဏာ ကြီးမား ထင်ပေါ် အရာရာတွင် တွင်ကျယ်လျက် ၄င်းတို့ စကားသာလျှင် ဘုးတောင်း နစ်သကဲ့သို့ နစ်၍ တည်ကုန်လတ္တံ့။
(၁၃) ကျောက်ဖျာကြီး ရေတွင်ပေါ်သည်ဟု မြင်မက်ပါသည်။
နောင်အခါ တရား မစောင့်သော မင်းတို့ လက်ထက်၌ တော်မှန် လိမ္မာ ပညာရှိသော သူတို့၏ စကားသည် မည်သည့် အရာ၌ မဆို လေးသော ကျောက်ဖျာ ရေတွင် ပေါ်သကဲ့သို့ နစ်တည် ခြင်းမရှိ၊ မခိုင်မမြဲ ရှိကြကုန် လတ္တံ့။
(၁၄) ဖားငယ်မ တို့သည် ကြီးစွာသော မြွေဟောက်ကြီးများကို စားမြိုသည်ဟု မြင်မက်ပါသည်။
နောင်အခါ လူတို့သည် ပြင်းသော ရာဂ ရှိကုန်သည် ဖြစ်၍ ကိလေသာ အလိုသို့ လိုက်လျက် ငယ်ရွယ်ကုန်သော မယားတို့၏ အလိုသို့ လုံးဝ လိုက်ကြကုန် လတ္တံ့။ အလုပ်အကိုင်မှု၊ ဥစ္စာ ပစ္စည်းမှု၊ ကျေးကျွန်မှု၊ စီမံခန့်ခွဲမှု စသော အရပ်ရပ်တို့၌ လင်ပေါ်တွင် လွှမ်းမိုး အုပ်စိုးခြင်းကို ပြုကြမည် ဖြစ်ရကား ဖားငယ်မသည် အဆိပ်လျင်သော မြွေကို စားမျိုသကဲ့သို့ ဖြစ်ကုန်လတ္တံ့။
(၁၅) မည်းနက် ရုပ်သွင်၊ အဆင်း ဆိုးဝါးသော ကျီးတို့ကို ရွှေ၏ အဆင်းနှင့် တူသော ရွှေဟင်္သာ တို့က ခြံရံ နေကြသည်ကို မြင်မက်ပါသည်။
နောင်အခါ အားနည်းသော မင်းတို့ လက်ထက်၌ ထိုမင်းတို့သည် ဆင်စီး မြင်းစီး စသော အတတ်တို့၌ မလိမ္မာ၍ စစ်ထိုးခြင်း၌ မရဲရင့်ဘဲ ဖြစ်ကြကုန်လတ္တံ့။ ထိုအခါ တိုင်းပြည် နိုင်ငံ ဆုံးရှုံးမည်ကို စိုး၍ တူသော ဇာတ်ရှိသော သူကောင်းသား တို့အား အစိုးရခြင်းကို မပေးမူ၍ မိမိတို့ထံ၌ ခစား ကြကုန်သော အမျိုး ယုတ်သော ကျေးကျွန်တို့အားသာ ပေးကုန်လတ္တံ့။ သို့ဖြစ်၍ အမျိုးကောင်းသားတို့ ကိုးကွယ်ရာ မရှိပဲ အစိုးရခြင်း၌ တည်ကုန်သော အမျိုးယုတ်တို့ထံ၌ ခစားကြကုန် လတ္တံ့။
(၁၆) ဆိတ်တို့သည် သစ်ကို သတ်စားကြသဖြင့် သစ်တို့သည် ကြောက်လန့်လျက် ဆိတ်တို့ကို အဝေးမှ မြင်လျှင်ပင် တောချုံရှိရာသို့ ပြေးကြသည်ကို မြင်မက်ပါသည်။
နောင်အခါ တရား မစောင့်သော မင်းတို့ လက်ထက်၌ အမျိုးယုတ်သော သူတို့ အစိုးရ ကုန်သည် ဖြစ်၍ အမျိုးမြတ်သူတို့ မထင်ရှား ဖြစ်လတ္တံ့။ အမျိုးယုတ် သူတို့မှာ မင်းကျွမ်းဝင်သည် ဖြစ်၍ တရားရုံးတို့၌ သြဇာအာဏာ လွှမ်းမိုးလျက် အမျိုးမြတ်သူတို့၏ ဘိုးဘွားပိုင် လယ်မြေ ဥစ္စာ အရပ်ရပ်တို့ကို ငါတို့ လယ်မြေဥစ္စာ ဖြစ်သည်ဟု သိမ်းယူကြ၍ တရားတဘောင် ဖြစ်လျှင် တန်ခိုးမဲ့သူတို့အား ဖိနှိပ်ပုတ်ခတ် ခြိမ်းခြောက် နှင်ထုတ်လျက် အနိုင်ကျင့် ကြကုန်လတ္တံ့။ ထိုအခါ အမျိုးမြတ်သူတို့ ကြောက်လန့် စက်ဆုတ်ကုန်သည် ဖြစ်၍ လယ်ယာ ဥစ္စာတို့ကို ပေးအပ်ကုန်လျက် အိမ်သို့ပြန်၍ အိပ်နေကြကုန်အံ့။ ထိုမှ တပါးလည်း အကျင့်သီလရှိသော ရဟန်းတို့သည် အကျင့်သီလမဲ့သော ရဟန်းတို့က ချုပ်ချယ် ဖိနှိပ်ကြလေသဖြင့် တောသို့ ပြေးဝင် ပုန်းအောင်း ကြကုန်လတ္တံ့။ ဤသို့လျှင် အမျိုးကောင်း၊ သူတော်ကောင်း တို့လည်း လွတ်ရာ ကျွတ်ရာ တောတော တောင်တောင် တို့ကို ပြေးပုန်း ကြကုန်လတ္တံ့။

copy by honey james


အပြည့်အစုံသို့ »

သား ယောကျာ်းလေးများကို ထိန်းကျောင်းခြင်း


ခေတ်ဘုန်းသစ် ~

ပြီးခဲ့တဲ့တပတ်က စိတ်ဥာဏ်ရည် မြင့်မားစေဖို့အတွက် ကလေးများကို ငယ်စဉ်ကတည်းက သင်ကြား စောင့်ရှောက်ဖို့ လိုတယ်ဆိုတဲ့အကြောင်း ကျမ တင်ပြဆွေးနွေးခဲ့ပါတယ်။

ဒီတပတ်မှာတော့ သားယောကျာ်းလေးများရဲ့ စိတ်ပိုင်းဆိုင်ရာ ထိန်းသိမ်းနိုင်မှုစွမ်းရည် မြင့်မားစေ ဖို့အတွက် မိဘများအနေနဲ့ ဘယ်လို ထိန်းသိမ်းပြုစု စောင့်ရှောက်ပေးရမယ်ဆိုတဲ့ အကြောင်းကို ကျမ တင်ပြဆွေးနွေး ချင်ပါတယ်။ ကိုယ့်ရဲ့ စိတ်ပိုင်းဆိုင် ရာကို မှန်ကန်စွာနဲ့ ထိန်းသိမ်းနိုင်မှုရှိခြင်းဆိုတဲ့ စွမ်းရည်ဟာ လူတဦးချင်းစီ အတွက်ရော၊ လူမှုအဖွဲ့အစည်းအတွက်ပါ အင်မတန်မှ အရေးကြီးတဲ့ စွမ်းရည်တခုပါ။ ဒီစွမ်းရည်လေးကို ရရှိစေဖို့အတွက် နောင်တချိန် မှာ  လူကြီးဖြစ်လာမယ့်  ကလေးတို့ကို  ငယ်ငယ်ကတည်းက လေ့ကျင့်ပေးဖို့ လိုပါတယ်။

မပြောသင့် မပြောအပ်တဲ့ အရာကို မပြောဖို့၊ ကိုယ်ချင်းစာတရားရှိဖို့၊ ကိုယ့်ရဲ့ လောဘ ဒေါသ စတာတွေကို ပတ်ဝန်းကျင်ကို ရိုက်ခတ်စေတဲ့ အထိ မပေါက်ကွဲမိစေဖို့ စတာတွေကိုထိန်းချုပ်နိုင်ဖို့အတွက် ဟိုးငယ်စဉ် ကလေးဘဝကတည်းကိုက မိဘ ဆရာများက ကလေးတို့ကို သင်ကြားပေးကြရမှာပါ။

သင်ကြားပေးတဲ့ နေရာမှာလည်း နည်းလမ်း မှန်ကန်ဖို့လိုပါတယ်။ ကျမတို့ရဲ့ မြန်မာ လူမှုအသိုင်း အဝိုင်းမှာ တော်တော်များများ လက်ခံထားတဲ့ အယူ အဆတခု ရှိပါတယ်။ ဒါကတော့ ယောကျာ်းလေး မငိုရဘူးဆိုတဲ့ အယူအဆပါ။ ယောကျာ်းလေး ကလေး ငယ်ငယ်လေးတွေကို မိဘများက “မင်း ယောကျာ်း မဟုတ်ဘူးလား။ မငိုနဲ့” ဆိုပြီး တားမြစ်တတ်ကြပါ တယ်။ အမှန်တော့ ဒါဟာ အင်မတန်မှ မှားယွင်းတဲ့ တားမြစ်ချက် တခုပါပဲ။ ဝမ်းနည်းမှု၊ ဒေါသထွက်မှု၊ အားငယ်မှု၊ ကြောက်ရွံ့မှု စတာတွေ အားလုံးဟာ လူသားရဲ့ ခံစားချက်များပေမို့ ယောကျာ်းလေးမှာ ရော၊ မိန်းကလေးမှာပါ အတူတူပါပဲ။
 ယောကျာ်းလေး မငိုရဘူးလို့ တားမြစ်လိုက်တဲ့အတွက် ယောကျာ်း လေးများမှာ  သူတို့ရဲ့ ဝမ်းနည်းမှုကို ငိုကြွေးခြင်းနဲ့ ဖြေသိမ့်လို့ မရရှာတော့ပါဘူး။
ငါ ယောကျာ်းပဲ၊ ငါ ဝမ်းမနည်းဘူး ဆိုပြီးတော့ ကိုယ့်ရဲ့ ခံစားချက်ကို ကိုယ့်ဘာသာ  လိမ်ညာတတ်လာပါတယ်။  ဒီလို ခံစားချက်ကို လိမ်ညာခြင်းကနေတဆင့် ကိုယ်ဒေါသ ထွက်နေရင်တောင်မှ ကိုယ့်ဘာသာကိုယ် ဒေါသ ထွက်နေမှန်း မသိ လိုက်ဘဲ စိတ်နောက်ကိုယ်ပါ လုပ်တတ်တဲ့ အပြုအမူတွေ ဖြစ်လာကြတာပါပဲ။

တချို့ ပြောတတ်ကြပါတယ်။ မျက်လုံးထဲမှာ ရုတ်တရက် ဘာမှမမြင်တော့ဘူး ဖြစ်သွားတယ်။ ဒါကြောင့်မို့ လုပ်လိုက်မိတယ် ဆိုတာမျိုးပါ။ ဒါဟာ ကိုယ့်ကိုယ့်ကိုယ်  အတွက်ရော  ကိုယ့်ရဲ့မိသားစု၊ ကိုယ့်ရဲ့ ပတ်ဝန်း ကျင်၊ ကိုယ့်ရဲ့ လူမှုအသိုင်းအဝိုင်းနဲ့ နိုင်ငံအတွက်ပါ အင်မတန်မှအန္တရာယ်ရှိတဲ့ စိတ်ပိုင်း ဆိုင်ရာ ချို့တဲ့မှုပါ။
အထူးသဖြင့် ရာထူးကြီးကြီး ယူထားတဲ့ လူတွေ၊ လုပ်ပိုင်ခွင့် များများရထားတဲ့ လူတွေအတွက် စိတ်ပိုင်းဆိုင်ရာ ထိန်းချုပ်နိုင်မှု စွမ်းရည်က ပိုပြီးတော့ လိုအပ်လှပါတယ်။

အမှန်တော့ မိန်းကလေးနဲ့ ယောကျာ်းလေးမှာ ကျမတို့ထင်ထားသလိုမျိုး မိန်းကလေးက ယောကျာ်း လေးထက် စိတ်ပိုင်းဆိုင်ရာ လှုပ်ရှားခံစားမှုစွမ်းရည် မပိုပါဘူး။ တကယ်တော့ ယောကျာ်းလေးများဟာ မိန်းကလေးများ ထက် စိတ်ပိုင်းဆိုင်ရာ လှုပ်ရှားခံစားမှုစွမ်းရည် ပိုပြင်းထန်ကြပါတယ်။ ယောကျာ်းလေးများက မိန်းကလေးများ ထက် ပိုခံစားနိုင်၊ ပို ဝမ်းနည်းနိုင်၊ ပိုဒေါသထွက်နိုင်၊ ပိုပြီးတော့ နာကျင် နိုင်ကြတာပါ။ ဘာကြောင့်များ မိန်းကလေးများက ပိုပြီးတော့ ခံစားနိုင်တယ်လို့ ပတ်ဝန်းကျင်မှာ ထင်ရ သလဲဆိုရင်ဖြင့် ခံစားမှုကို ထုတ်ဖော်ပြ တဲ့နေရာမှာ သဘာဝချင်း ကွာခြားသွားလို့ပါပဲ။

မိန်းကလေးများက သူတို့ ဝမ်းနည်းရင်၊ ဒေါသ ထွက်ရင်  သူတို့  ယုံကြည်စိတ်ချရတဲ့လူ  (မိဘ၊ သူငယ်ချင်း) စတဲ့လူတွေဆီကို သွားပြီးတော့ ရင်ဖွင့် တတ်ကြပါတယ်။ ယောကျာ်းလေးများကတော့ အဲဒီ လိုမျိုး ပြောဆို ရင်ဖွင့်တာမျိုး မရှိကြပါဘူး။ သူတို့ ဝမ်းနည်းရင်ပဲဖြစ်ဖြစ်၊ ဒေါသထွက်ရင်ပဲဖြစ်ဖြစ် စိတ်လှုပ်ရှား ခံစားရတဲ့အခါ မျိုးမှာ ကားလျှောက်မောင်း ပစ်တာမျိုး၊ ဘောလုံးကန်တာမျိုး၊ လမ်းလျှောက်ပစ် လိုက်တာမျိုးနဲ့ ဖြေသိမ့်တတ် ကြပါတယ်။

မိဘများအနေနဲ့ ကလေးတို့ ဝမ်းနည်းတဲ့အခါ၊ ဒေါသထွက်တဲ့အခါမျိုးတွေမှာ သူတို့ ခံစားနေရတဲ့ ဝမ်းနည်းမှု၊ ဒေါသ စတာတွေကို အသိအမှတ်ပြုပေး ဖို့ လိုပါတယ်။ အနည်းဆုံး ဘာမှ မပြောတတ်ရင် တောင်မှ ကလေးကို ထွေးပွေ့ဖက်ထားမယ် ဆိုရင် ဖြင့် သူတို့ရဲ့ စိတ်ဆိုးဒေါသထွက်မှု၊ ဝမ်းနည်းမှုတို့ ပြေပျောက်သွားနိုင်ပါတယ်။

သူတို့ ဖြစ်လာတဲ့ ပြဿနာ၊ သူတို့ခံစားရတဲ့ ခံစားချက်တွေကိုပြောပြတဲ့အခါမျိုးမှာလည်းကလေးတို့ကို အပြစ် မတင်ဘဲ ကိုယ်ချင်းစာစိတ်နဲ့ ငြိမ်ငြိမ် သက်သက် နားထောင်ပေးဖို့လိုပါတယ်။ ပြီးရင်တော့ ဘာကြောင့် ဘယ်လို ဖြစ်ရတယ်ဆိုတာကို အပြစ်တင် ဝေဖန်တာမပါဘဲနဲ့ သူတို့လေးတွေနဲ့ အတူတူ ကူညီ စဉ်းစားပေးရပါမယ်။

ဒါဆိုရင်ဖြင့် ကိုယ့်ရဲ့ စိတ်လှုပ်ရှား ခံစားမှုကို သိတဲ့၊ ထိန်းသိမ်းနိုင်စွမ်းရှိတဲ့ စိတ်ဥာဏ်ရည် မြင့်တဲ့ ကလေးတွေ ဖြစ်လာကြမှာအမှန်ပါပဲ။ လူ့လောက မှာ လူတိုင်း လူတိုင်းဟာ ဒေါသနဲ့ မကင်းပါဘူး။ ဝမ်းလည်း နည်းတတ်ကြ ပါတယ်။ စိတ်ဆိုးတယ်၊ ဒေါသထွက်တယ်၊ ဝမ်းနည်းတယ်၊ ကြောက်တယ် ဆိုတာ လူ့စိတ်အခြေခံမှာကိုက ပါ လာတဲ့ အရာတွေပါ။
ဒါပေမယ့် ဒီစိတ်ပိုင်းဆိုင်ရာ ခံစားမှုတွေကို အဆုံး စွန့်လွှတ်ပေးလိုက်တဲ့အထိ မဖြစ်စေဖို့ ဆိုတာကတော့ တဦးချင်းစီရဲ့ စိတ်ပိုင်းဆိုင်ရာ ဥာဏ်ရည်နဲ့ ဆိုင်ပါတယ်။

စိတ်ဥာဏ်ရည် မြင့်မားသူများဟာ လူတဖက် သားကိုလည်း ကိုယ်ချင်းစာတရားမြင့်မားတတ်ကြပါတယ်။ ကိုယ့်ရဲ့ စိတ်ခံစားမှုကို ကိုယ်သိသလို၊ လူအများရဲ့ စိတ်ခံစားမှုကိုလည်း နားလည်ခံစားသိမြင် နိုင်စွမ်းရှိတာမို့ လူ့လောကအတွက်၊ လူ့အသိုင်းဝိုင်း အတွက် အင်မတန်မှ အဖိုးတန်တဲ့လူမျိုးတွေ ဖြစ်ကြ ပါတယ်။ ဒါကြောင့်မို့ တချိန်မှာ နိုင်ငံရဲ့တာဝန်ကို ထမ်းဆောင်ကြရမယ့် သားယောကျာ်းလေးများကို စိတ်ဥာဏ်ရည် မြင့်မားတဲ့ ယောကျာ်းကောင်းများ ဖြစ်စေဖို့အတွက် မိဘ ဆရာများအနေနဲ့ ငယ်စဉ် ကတည်းက ကလေးတို့ကို လေ့ကျင့် ပေးကြပါဦးလို့ အကြံပြုလိုက်ပါတယ်။

ဧရာဝတီ

အပြည့်အစုံသို့ »

တယ်လီနောမှ ရောင်းချမည့် မိုဘိုင်းဖုန်း လက်ရှိထက် အင်တာနက်မြန်နှုန်း မြင့်မည်


Telenor မှ စတင်ရောင်းချမည့် မိုဘိုင်းဖုန်း တစ်ဦးချင်း အင်တာနက်သုံး စွဲနိုင်မှုမြန်နှုန်း 1M ရရှိမည်ဟု ယင်းကုမ္ပဏီ အမှုဆောင်အရာရှိချုပ် Mr. Petter Furberg ကပြော သည်။

” 1M ဆိုပေမယ့် တစ်နေရာနဲ့ တစ်နေရာတော့ speed နည်းနည်း ကွာခြား မှာပါ။ တာဝါတိုင်နဲ့ နီးတဲ့အပိုင်းမှာ မြန်နှုန်းပိုကောင်းသလို တာဝါတိုင် နဲ့ ဝေးတဲ့နေ ရာတွေ မှာမြန်နှုန်း အတက်အကျ ရှိနိုင်ပါတယ်” ဟု ၎င်းကပြောသည်။

ကွန်ရက် ဖြန့်ကြက်မှု အနေဖြင့် တစ်ပြေးညီ လုပ်ဆောင် သွား မည် ဖြစ်ကြောင်း၊ အင်တာနက် သုံးစွဲမှု အတိုင်းအတာ အပေါ် မူတည်၍ အင်တာနက် စနစ်အတွက် International Gateway ကို ငှားရမ်းခြင်း အပြင်လိုအပ်ပါက Bandwidth ကို တိုးသွားမည်ဖြစ်ကြောင်း ၎င်းက ဆက်လက်ပြောသည်။

”လက်ရှိ အခြေအနေအရတော့ အင်တာနက် လိုင်းကို မြန်မာပြည်မှာရှိတဲ့ လိုင်းနဲ့ပဲ ချိတ်ဆက်သွားမှာပါ။ နောက်ပိုင်းတော့ ပြည်ပနိုင်ငံတွေနဲ့ တိုက်ရိုက် ချိတ်ဆက်ဆောင်ရွက်သွားဖို့ ရှိပါတယ်” ဟု ၎င်းက ဆက်ပြောသည်။

အင်တာနက် သုံးစွဲခ ကောက်ခံမှုကိုလည်း အများပြည်သူ သုံးစွဲမှု လွယ်ကူစေ မည့် နည်းလမ်းများကို အသုံးပြု သွားမည်ဖြစ်ကြောင်း၊ မိနစ်ဖြင့် ကောက် ခံခြင်း၊ Data စနစ်ဖြင့် ကောက်ခံခြင်းစသည့် အဆင်ပြေမည့် စနစ်ကို အသုံးပြုပေး သွားမည်ဖြစ်ကြောင်း ၎င်းက ဆက်ပြောသည်။

နော်ဝေ အခြေစိုက် ဆက်သွယ်ရေး ကုမ္ပဏီ Telenor Myanmar သည် လိုင်စင်ရယူပြီး ရှစ်လအတွင်း မိုဘိုင်းဖုန်းများ ရောင်းချပေးမည်ဟု ထုတ်ဖော် ပြောကြားထားပြီး ကနဦးအနေဖြင့် အချက်အချာကျ သည့် မြို့သုံးမြို့ကို ရောင်းပေးမည်ဟု သိရသည်။

လက်ရှိတွင် Telenor Myanmar ကုမ္ပဏီသည် မိုဘိုင်းဖုန်းရောင်းချရန် အတွက် အဓိကကျသည့် Data Center ကို ရန်ကုန်တွင် တည်ဆောက် ထားပြီး ယခုလ အတွင်းမှာလည်း မန္တလေးမြို့တွင် Data Center တစ်ခုအပြီးသတ် တည်ဆောက်မည်ဟု ယင်းကုမ္ပဏီမှ သိရသည်။ ယင်းကြောင့် Telenor မှ ပထမဆုံးရောင်း ချမည့် မို ဘိုင်းဖုန်း၏ အင်တာနက်သည် လက်ရှိ မြန်မာ့ဆက်သွယ်ရေး မှ ပေးနေ သည့် မြန်နှုန်း ထက် ပိုမိုမြန်ဆန်နေ မည် ဖြစ်ကြောင်း၊ မြန်မာ့ ဆက်သွယ်ရေး မှ လက်ရှိပေး ထား သည့် မိုဘိုင်းအင်တာနက်မြန်နှုန်းမှာ 2G စနစ်ကို 200kbps ဖြစ်ပြီး 3G စနစ်ကို 2 kbps speed သာရှိကြောင်း သိရသည်။

PN-052

အပြည့်အစုံသို့ »

ဒီဗွီဘီ သတင်းထောက် မြန်မာနိုင်ငံက နှင်ထုတ်ခံရ



မင်္ဂလာဒုံလေဆိပ်ကနေ မထွက်ခင် ဒီဗွီဘီသတင်းထောက် Angus Watson
ရန်ကုန်အခြေစိုက် ဒီဗွီဘီ Democratic Voice of Burma ဒီမိုကရက်တစ် မြန်မာအသံ မာလတီ မီဒီယာ သတင်းဌာနရဲ့ သတင်းထောက် သြစတြေးလျ နိုင်ငံသား Angus Watson ကို ပြည်ဝင်ခွင့် ဗီဇာ စည်းကမ်းချိုးဖေါက်မှုနဲ့ မြန်မာနိုင်ငံကနေ ပြည်နှင်ဒဏ်ပေးလိုက်ပါတယ် ။

ဒီဗွီဘီရဲ့ အင်္ဂလိပ်ဘာသာနဲ့ ရေးတဲ့ အင်တာနက်စာမျက်နှာအတွက် သတင်းထောက်ဖြစ်တဲ့ မစ္စတာ ဝပ်ဆင်ဟာ ဒီကနေ့ မြန်မာနိုင်ငံကနေ ထိုင်းနိုင်ငံကို ထွက်ခွာသွားခဲ့ပြီ ဖြစ်ပါတယ်။

သူဟာ ဒီဗွီဘီသတင်းထောက် ကိုဇော်ဖေ အဖမ်းခံရတဲ့ တလ ပြည့် သတင်းလွတ်လပ်ခွင့်ဆိုင်ရာ ဆန္ဒပြ ပွဲကို သတင်းယူဖို့ ရုံးက လွှတ်တဲ့အတွက် တခြား ဒီဗွီဘီ သတင်းထောက် ၂ ယောက်နဲ့ အတူ ဆန္ဒပြပွဲကို သွားသတင်းယူခဲ့တယ်လို့ ထိုင်းနိုင်ငံကို မထွက်ခွာခင် မင်္ဂလာဒုံလေဆိပ်မှာ ရှိနေခိုက် ဘီဘီစီက ဆက်သွယ်မေးမြန်းရာမှာ သူက ပြောခဲ့ပါတယ်။

ဆန္ဒပြပွဲအပြီး ဟော်တယ်ပြန်လာ သတင်းရေးနေချိန်မှာ လူဝင်မှုကြီးကြပ်ရေးအရာရှိတွေ ရောက်လာပြီး သူ့ကို business visa လုပ်ငန်းဗီဇာနဲ့ သတင်းယူတယ် ၊ မကွေးဆန္ဒပြပွဲမှာ ပါတယ် ဒါကြောင့် ဗီဇာစည်းကမ်းကို ချိုးဖေါက်တယ်လို့ စွပ်စွဲခဲ့တယ်လို့ ဆိုပါတယ်။ သူ့ကို မကွေးကနေ ရန်ကုန်ကို မနေ့က ခေါ်လာခဲ့ပြီးဒီကနေ့မှာ လေဆိပ်ကနေ ထိုင်းနိုင်ငံကို ပြန်ပို့လိုက်တာ ဖြစ်ပါတယ်။

ဆန္ဒပြရာမှာ ပါဝင်တယ်ဆိုတဲ့ စွပ်စွဲချက်ကို သူက ငြင်းခဲ့ပြီး၊ ဒီဗွီဘီမာလတီမီဒိယာသတင်းဌာနမှာ လုပ်ကိုင်နေတဲ့အတွက် business visa ရှိတာကြောင့် သတင်းယူခွင့်ရှိတယ်လို့ ဒီဗွီဘီ ရုံးက သူ့ကို ပြောတယ်လို့ ဆိုပါတယ်။

သူကို ဆန္ဒပြရာမှာ ပါဝင်ကြောင်း စိစစ်တွေ့ရှိရတဲ့ အတွက် business visa ကိုင်ဆောင်ထားသူတဦးအနေနဲ့ ဗီဇာစည်းကမ်းကို ချိုးဖေါက်တာကြောင့် ပြည်နှင်လိုက်တာ ဖြစ်တယ်လို့ သမ္မတ ပြောခွင့်ရ ပြန်ကကြားရေးဒုဝန်ကြီး ဦးရဲထွဋ်က ပြောပါတယ်။

ပြန်ကြားရေးဝန်ကြီးဌာန သတင်းထောက်ဗီဇာထုတ်ပေးထားသူတွေ ထဲမှာ မစ္စတာ ဝပ်ဆင်ပါဝင်ခြင်းမရှိတာကြောင့် အခုလို မြန်မာနိုင်ငံထဲ ဝင်ရောက် သတင်းယူတာဟာလည်း မသင့်တဲ့ လုပ်ရပ်လို့ ပြောပါတယ်။

ဒီဗွီဘီ ဒီမိုကရက်တစ် မြန်မာ့အသံ မာလတီ မီဒီယာ သတင်းဌာနရဲ့ ဒုတိယညွှန်ကြားရေးမှုး ဦးခင်မောင်ဝင်းက တော့ သတင်းလုပ်ငန်း လုပ်ကိုင်နေတဲ့ ဌာန တခုအတွက် ထုတ်ပေးတဲ့ business visa ဟာ သတင်းလုပ်ငန်း လုပ်ကိုင်ခွင့်ရှိရမယ်လို့ ပြောပါတယ်။

ဒီလို အငြင်းပွားစရာကိစ္စကို တရားရုံးမှာ ကြားနာ ရှင်းလင်း ချေပခွင့်မရှိဘဲ အခုလို့ သူတို့ သတင်းထောက်ကို နှင်ထုတ်လိုက်တာကို နားလည်ရခက်တယ်လို့ ဆိုပါတယ်။

ပြည်နှင်ဒဏ် ပေးလိုက်ပေမယ့် ဘယ်သူ့က ဘယ်လို ဆုံးဖြတ်ချက် ချခဲ့သလဲ ဆိုတဲ့ စာရွက်စာတမ်း အထောက်အထား တွေကို လူဝင်မှုကြီးကြပ်ရေး အရာရှိတွေဆီက သူတောင်းကြည့်ပေမယ့် ဘယ်အရာရှိကမှ ပြသနိုင်ခဲ့ခြင်း မရှိတာကြောင့် မစ္စတာဝပ်ဆင် ကို ဘာပြစ်မှုကို ကျူးလွန်လို့ ဘယ်လို အရေးယူခံခဲ့ရတယ်ဆိုတာ ကာယကံရှင် ကိုယ်တိုင် မသိခဲ့ရဘူးလို့ ဒီဗွီဘီ ဒုတိယ ညွှန်ကြားရေးမှုး ဦးခင်မောင်ဝင်းက ပြောပါတယ်။

bbc

အပြည့်အစုံသို့ »

ကွန်ပျူတာနှင့် နည်းပညာ တက္ကသိုလ် ၁၀ ခု နီးပါး လာမည့် ပညာသင်နှစ်တွင် ပေါင်းစည်း ဖွင့်လှစ်မည်


တိုင်းဒေသကြီးနှင့် ပြည်နယ်အချို့မှ ကျောင်းသားဦးရေ နည်းပါးသော ကွန်ပျူတာ တက္ကသိုလ်နှင့် နည်းပညာတက္ကသိုလ် ၁၀ ခု နီးပါးကို ၂၀၁၄-၂၀၁၅ ပညာသင်နှစ်တွင် ကျောင်းအဆောက်အအုံ ပေါင်းစည်း ဖွင့်လှစ်သွားမည် ဖြစ်ကြောင်း သိပ္ပံနှင့်နည်းပညာ ဝန်ကြီးဌာန စက်မှုနှင့် သက်မွေးပညာ ဦးစီးဌာန ညွှန်ကြားရေးမှူးချုပ် ဒေါက်တာဇော်ဝင်းက The Voice သို့ ပြောကြားသည်။


သိပ္ပံနှင့်နည်းပညာ ဝန်ကြီးဌာန လက်အောက်ရှိ ယင်းတက္ကသိုလ်များကို အဆောက်အအုံ ပေါင်းပြီး လစ်လပ်သွားသော နေရာများတွင် အသက်မွေးဝမ်းကျောင်းပညာ သင်တန်းကျောင်းများ ဖွင့်လှစ်ရန် စီစဉ်နေကြောင်း သိပ္ပံနှင့်နည်းပညာ ဝန်ကြီးဌာန စက်မှုနှင့် သက်မွေးပညာ ဦးစီးဌာန ညွှန်ကြားရေးမှူးချုပ် ဦးဇော်ဝင်းက The Voice သို့ ပြောကြားသည်။

သိပ္ပံနှင့်နည်းပညာ ဝန်ကြီးဌာန လက်အောက် နည်းပညာတက္ကသိုလ် အချို့ကို အသက်မွေးဝမ်းကျောင်း သင်တန်းကျောင်းများ အဖြစ် ပြောင်းလဲဖွင့်လှစ်မည် ဖြစ်သောကြောင့် ယင်းကဲ့သို့ တက္ကသိုလ် ပေါင်း၍ ဖွင့်လှစ်ရန် စီစဉ်ခြင်းဖြစ်ကြောင်း ၎င်းက ရှင်းပြသည်။
“ကျောင်းတွေကို ဖျက်လိုက်မယ်လို့တော့ မဟုတ်ပါဘူး။ အဆောင်တစ်ခုမှာ တစ်ခြမ်းက ကွန်ပျူတာတက္ကသိုလ်၊ တစ်ခြမ်းက နည်းပညာတက္ကသိုလ် ထားမယ်ဆိုတဲ့ သဘောပါ” ဟု ၎င်းကဆိုသည်။

ထားဝယ်၊ ကျောက်ြဖူနှင့် သီလဝါတို့တွင် အကောင်အထည် ဖော်နေသော အထူးစီးပွားရေးဇုန်များ အတွင်း ဝင်ရောက်လာမည့် စက်ရုံအမျိုးအစားနှင့် လိုအပ်မည့် အလုပ်သမား အရေအတွက်ပေါ် မူတည်၍ အသက်မွေးဝမ်းကျောင်းပညာ ကျွမ်းကျင် အလုပ်သမားများ မွေးထုတ်ပေးခြင်း၊ ပြည်တွင်းပုဂ္ဂလိက လုပ်ငန်းရှင်များ တောင်းဆိုသော အသက်မွေးဝမ်းကျောင်း ပညာများကိုလည်း သင်ကြားပေးမည် ဖြစ်ကြောင်း ၎င်းက ပြောကြားသည်။
“အလုပ်အကိုင် အဆင်သင့်ဖြစ်အောင်၊ ချိတ်ဆက်မိအောင်၊ ဘယ်လို စက်ရုံတွေ ဝင်လာမလဲ၊ အလုပ်သမား ဘယ်လောက် လိုအပ်မလဲ ဆိုတာကို Data ကောက်နေတယ်” ဟု ၎င်းကဆိုသည်။

အဆိုပါ တက္ကသိုလ် နေရာများတွင် နိုင်ငံတော်အတွက် လိုအပ်လျက်ရှိသော အသက်မွေးဝမ်းကျောင်းပညာ သင်တန်းကျောင်းများအဖြစ် ဖွင့်လှစ်ရန် စီစဉ်ထားပြီး ကျွမ်းကျင်လုပ်သားများ မွေးထုတ်ပေးရန် ရည်ရွယ်ထားကြောင်း၊ သင်တန်း အမျိုးအစားအလိုက် သုံးလမှ ခြောက်လအထိ ကြာမြင့်ဖွယ်ရှိကြောင်း ၎င်းကပြောဆိုသည်။

တက္ကသိုလ်များ ပူးပေါင်းလိုက်၍ လစ်လပ်လာမည့် ကျောင်း ၁၀ ကျောင်းနှင့် အသုံးမပြုသည့် အဆောက်အအုံဟောင်း အချို့ကို ပြင်ဆင်၍ အသက်မွေးဝမ်းကျောင်းပညာ သင်တန်းကျောင်းများ ဖွင့်လှစ်မည် ဖြစ်သည့် အတွက် သင်တန်းကျောင်းပေါင်း ၂၀ ကျော်အထိ အကောင်အထည်ဖော်ရန် ခန့်မှန်းထားကြောင်း ၎င်းက ဆက်လက်ပြောကြားသည်။

“ပညာရှင်အဖွဲ့နဲ့ ဝန်ကြီးဌာန ထိပ်တိုက်တွေ့နေပြီ။ ပညာရှင်က ပိတ်ရမယ်။ ဝန်ကြီးဌာနကျတော့ ပြည်သူ့အသံ နားထောင်ပြီးမှ လုပ်မယ်ပြောတယ်” ဟု ရန်ကုန်တက္ကသိုလ် စိန်ရတုခန်းမတွင် အခြေစိုက်သော အသက်မွေးဝမ်းကျောင်း ပညာရေးဆိုင်ရာ လုပ်ငန်းအဖွဲ့ဝင် ဦးအောင်ဝင်းက The Voice သို့ ပြောဆိုသည်။

မြန်မာနိုင်ငံ၏ လုပ်သား လိုအပ်ချက်အရ အင်ဂျင်နီယာ ဘွဲ့ရများထက် ကျွမ်းကျင်ပညာရှင်များကိုသာ လိုအပ်လျက် ရှိကြောင်း၊ သိပ္ပံနှင့်နည်းပညာ ဝန်ကြီးဌာနက ဖွင့်လှစ်ထားသော နည်းပညာတက္ကသိုလ် အချို့တွင် ဆရာအရေအတွက် ရှားပါးခြင်း သို့မဟုတ် ကျောင်းသားနည်းပါးခြင်းတို့ ဖြစ်ပေါ်နေသည့် အတွက် ယင်းတက္ကသိုလ်များကို ပိတ်သိမ်းသင့်ကြောင်း ၎င်းက အကြံပြုသည်။

ဆောက်လုပ်ရေး လုပ်ငန်းများ ဆက်တိုက် လုပ်ဆောင်နေရချိန်တွင် အင်ဂျင်နီယာဘွဲ့ရများ များပြားနေပြီး ကျွမ်းကျင်အလုပ်သမား ရှားပါးလျက် ရှိကြောင်း ထားဝယ်မြို့ အခြေစိုက် ဆောက်လုပ်ရေး အင်ဂျင်နီယာတစ်ဦးက ဆိုသည်။

သိပ္ပံနှင့်နည်းပညာ ဝန်ကြီးဌာန လက်အောက်တွင် စက်မှုလက်မှု အထက်တန်းကျောင်း၊ ကောလိပ်နှင့် နည်းပညာတက္ကသိုလ် စုစုပေါင်း ၆၀ ကျော် ရှိကြောင်း ယင်းဝန်ကြီးဌာနက ထုတ်ပြန်ထားသည်။

တပ်မတော်အစိုးရ လက်ထက်တွင် နိုင်ငံအတွင်း နည်းပညာတက္ကသိုလ်၊ ကွန်ပျူတာ တက္ကသိုလ်၊ ဝိဇ္ဇာသိပ္ပံ တက္ကသိုလ်နှင့် စက်မှုဇုန်များ အထူးဖွံ့ဖြိုးရေးဇုန် ၂၄ ခု ချမှတ်ပြီး တက္ကသိုလ် အများအပြား ဖွင့်လှစ်ခဲ့သည်။

ယခင်က စက်မှုအထက်တန်းကျောင်း၊ အစိုးရစက်မှုလက်မှု သိပ္ပံများနှင့် နည်းပညာတက္ကသိုလ် အနည်းငယ်သာ ရှိပြီး သက်ဆိုင်ရာ နယ်ပယ်အလိုက် ကျွမ်းကျင်လုပ်သားများစွာ မွေးထုတ်ပေးခဲ့သည်။

ယင်းနောက် အစိုးရနည်းပညာ ကောလိပ်များကို ၁၉၉၉ ခုနှစ် ဝန်းကျင်တွင် တိုင်းနှင့်ပြည်နယ်အနှံ့ ဖွင့်လှစ်ခဲ့ပြီး ယင်းကောလိပ်များကို တက္ကသိုလ်အဖြစ် ၂၀၀၇ ခုနှစ်တွင် အဆင့်တိုးမြှင့် သတ်မှတ်ခဲ့သည်။

ယင်းကြောင့် နယ်ဒေသများရှိ နည်းပညာတက္ကသိုလ် အများစု၏ သက်တမ်းမှာ ခုနစ်နှစ် ဝန်းကျင်သာ ရှိသေးသည်။

The Voice Weekly

အပြည့်အစုံသို့ »