စနစ်ဆိုး၏သားကောင် မြန်မာပြည်ရှိ ဆရာဝန် ဆရာမများ



ခေတ် ၏တိုးတက်မှုပြရန်ညွှန်းကိန်း (Indicator)အဖြစ် ဆေးရုံဘယ်နှရုံ၊ ခုတင်ဘယ် နှလုံးတည်ဆောက်ပေးခဲ့သည်ဟု မြန်မာ့ရုပ်မြင်သံကြားနှင့် သတင်းစာများတွင် မကြာခဏတွေ့မြင်ကြရမှာဖြစ်သည်။ သို့သော်လည်း အဆိုပါဆေးရုံ၊ ဆေးခန်းများအတွက် ဆရာ ဝန်၊ သူနာပြု ဆရာမဘယ်နှဦးခန့်ထားမည်။ တစ်နှစ်လျှင် ဆေးဝါးအတွက်သုံးစွဲရန် ငွေမည်မျှတွက်ချက်လျာထား ခြင်းမရှိပါ။ ထို့အပြင် ဓာတ်မှန်စက်၊ ဓာတ်ခွဲခန်းတည်ဆောက် ပေးထားသော်လည်း နေ့စဉ်၊ လစဉ်၊ နှစ်စဉ်ကုန်ကျမည့် ကုန်ကြမ်းပစ္စည်းတန်ဖိုးကို ထည့်သွင်းတွက်ချက်ထားခြင်း မရှိပါ။ ဆေးရုံများတွင် တပ်ထားသည့်ဆိုင်းဘုတ်များက တော့ 'ငွေကြေးတတ်နိုင်သူများကို စရိတ်မျှပေးကျန်းမာရေး စနစ်ကျင့်သုံးရန်' 'ဆင်းရဲချို့တဲ့သောသူများကို အခမဲ့ကုသ ပေးသည်'ဟူသော ဆိုင်းဘုတ်သည် လူနာများနှင့် ဆရာဝန်၊ သူနာပြုများကို ရန်တိုက်ပေးထားသလိုဖြစ်နေပါသည်။
ပြည်သူ့ဆေးရုံသို့လာသောလူနာများမှာ ဆင်းရဲသ ဖြင့် ပြင်ပဆေးရုံ၊ ဆေးခန်းသို့မသွားနိုင်၍ လာသူများသာ ဖြစ်ပါသည်။ တချို့လူနာများမှာ မိမိတို့နေထိုင်ရာရပ်ကွက် ရုံးတွင် ဆင်းရဲကြောင်းထောက်ခံစာများကိုယူလာသည် ကိုတွေ့ရပါသည်။

ဆိုင်းဘုတ်တပ်ထားသည့် ဆင်းရဲချို့တဲ့ သူများကို အခမဲ့ကုသပေးရမည်ဆိုသော်လည်း အဆိုပါ ဆေးရုံများအတွက် လုံလောက်သောဆေးဝါးများပေးထား ခြင်းမရှိ၍ ဆရာဝန်၊ ဆရာမများမှ ပျောက်စေဆရာများ ကဲ့သို့ ရေမန်းဖြင့်ကုသမှသာရမည်ဖြစ်ပါသည်။ ဥပမာ- ခုတင် ၃ဝဝဆေးရုံတစ်ရုံတည်ဆောက်မည်ဆိုပါက ဆရာ ဝန်ဘယ်နှဦး၊ သူနာပြုဘယ်နှဦး၊ အခြားဝန်ထမ်းဘယ်နှဦး နှင့် လူနာ ၃ဝဝ အတွက် နေ့စဉ်ဆေးဝါးမည်မျှကုန်ကျမည်၊ ခွဲစိတ်မည့်လူနာအတွက် တစ်ဦးလျှင် ဆေးဖိုးမည်မျှကုန်ကျ မည်ကို တွက်ချက်ထားခြင်း၊ ချထားပေးခြင်းမရှိဘဲ 'အခမဲ့ ကုသပေးမည်'ဟု ဆိုင်းဘုတ်တပ်ထားခြင်းမှာ လူနာနှင့် ဆရာဝန်များအား ရန်တိုက်ပေးနေသလိုပင်ဖြစ်ပါသည်။
အခြေခံလိုအပ်ချက်ဖြစ်သောဆေးဝါးများပင်လောက် ငအောင် အစိုးရမှမထောက်ပံ့သည့်အတွက် လူနာစောင့်မှ သွားဝယ်ရသည့်ဒုက္ခတွေ့နေရပါသည်။ ထို့အပြင်လူနာ တစ်ဦးဆေးရုံတက်ပါက ဆေးဝယ်ခိုင်းရန်ငွေရှိရမည့်အ ပြင် လူနာစောင့်တစ်ဦးလည်းလိုသည့်အတွက် ထိုသူ၏ လုပ်အားခဆုံးရှုံးနေသည်ကို တွေ့ရမည်ဖြစ်ပါသည်။ ထို့ ကြောင့် ပြည်သူ့ဆေးရုံသို့ လူနာတစ်ဦးတက်ရောက်ပါက ဆရာဝန်၊ သူနာပြုမှ လူနာစောင့်ပါသလား။ ငွေကြေးမည် မျှတတ်နိုင်သလဲဟု မိမိတို့၏ကုသရေးနှင့်မဆိုင်သည့်အပို မေးခွန်းကို မေးနေရပါသည်။

ကျွန်တော်ဖတ်ဖူးသော Facebook စာမျက်နှာတစ်ခုတွင် လမ်း၌မူးလဲသောလူနာ အား ဆေးရုံသို့သွားပို့သောအခါ ဆရာဝန်၊ သူနာပြုမှ လူနာစောင့်ပါမှဖြစ်မည်ဖြစ်ကြောင်းပြောဆို၍ အဆိုပါ ဆရာဝန်၊သူနာပြုများကို ဝိုင်းပြီးဆဲသည့် Comment အများ ရေးထားသည်ကိုတွေ့ရ၍ စိတ်မကောင်းပါ။ အဓိကတရား ခံမှာ စနစ်ကြောင့်သာဖြစ်ပါသည်။ ကျွန်တော်တို့ တိုင်းပြည် တွင် ကျန်းမာရေးအာမခံစနစ်ကလည်းမရှိ၊ ဆေးဝါးက လည်းမပြည့်စုံ၊ ဆရာဝန်၊ သူနာပြုအင်အားနှင့် လူနာအခြေ အနေ (Doctor Patient Ratio) (Doctor Nurse Ratio) ကလည်း မမျှသည့်အခြေအနေတွင် စနစ်ကိုမပြင်ဘဲ အဆို ပါစနစ်၌ ပါဝင်ကပြအသုံးတော်ခံနေရသည့် ကျန်းမာရေး ဝန်ထမ်းများကိုသာ လက်ညှိုးထိုးနေသည်မှာ မတရားဟု ထင်ပါသည်။

ကျန်းမာရေးဝန်ကြီးဌာန၊ ကျန်းမာရေးစီမံကိန်းဦးစီး ဌာနမှ ထုတ်ဝေသည့်စာရင်းများအရ မြန်မာနိုင်ငံရှိ လူဦး ရေအများစုမှာ ကျန်းမာရေးအသုံးစရိတ်ကို မိမိတို့အိတ် ကပ်ထဲမှ စိုက်ထုတ်သုံးစွဲနေရခြင်း (ဥကအ သ် ဏသခုနအ)ဖြစ် နေကြောင်း သိရှိရပါသည်။ ထို့အပြင် ၂ဝ၁၂ ခုနှစ်တွင် ပြုလုပ်ခဲ့သည့် သုတေသနစစ်တမ်းအရ ကျေးလက်နေ ပြည်သူများအနေဖြင့် ၂၆ရာခိုင်နှုန်းမှာ ကျန်းမာရေးစရိတ် ကြောင့် ဒုက္ခဖြစ်နေကြောင်း Catatirphic Effect တွေ့ ရပါမည်။
မြန်မာနိုင်ငံတွင် ဆရာဝန်တစ်ဦးဖြစ်ရန် မလွယ်ကူ ပါ။ ရှစ်တန်း၊ ကိုးတန်း၊ ၁ဝ တန်းတွင် ငွေကြေးများစွာ အကုန်အကျခံ၍ ကျူရှင်ကောင်းကောင်းထားရပါသည်။ ကျောင်းသား၊ ကျောင်းသူများသည်လည်း သူများကဲ့သို့ ရုပ်ရှင်မကြည့်ရ၊ မကစားရပါ။ ညဘက်လည်း အိပ်ချိန် လျှော့ရပါသည်။ မိဘများလည်း ပင်ပန်းကြရပါသည်။ ၁ဝ တန်းဖြေသူ သိန်းချီရှိသည့်အထဲမှ ယခင်ကလူ ၅ဝဝ ကျော်၊ ယခုလူ ၂၅ဝဝ ကျော် ဆေးတက္ကသိုလ်ဝင်ခွင့်ရပါ သည်။

ဆေးတက္ကသိုလ်၏ပြဋ္ဌာန်းချက်စာအုပ်များမှာ အင်္ဂလန်နိုင်ငံမှပြဋ္ဌာန်းထားသော ဆေးပညာစာအုပ်များ ကို သင်ကြားရပါသည်။ မူရင်းစာအုပ်ဝယ်လျှင် ဈေးအလွန် ကြီးပါသည်။ ဆေးတက္ကသိုလ်တွင် စာသင်နှစ်ခုနစ်နှစ်နီး ပါးသင်ကြားရပါသည်။ တချို့တစ်ဝက်မှာလည်း ကျူရှင် တက်ကြပါသည်။ ထိုသို့ ဆေးတက္ကသိုလ်တက်ရောက်ရန် တစ်လလျှင် ကျပ်နှစ်သိန်းမှ သုံးသိန်းဝန်းကျင် မိဘများမှ ထောက်ပံ့ရပါသည်။ ဆေးကျောင်းတက်သည့် ကျောင်း သား၊ ကျောင်းသူမှာလည်း အပတ်စဉ်၊ လစဉ်စာတွေ့လက် တွေ့ စာမေးပွဲဖြေဆိုနေရပါသောကြောင့် အခြားကျောင်း သားများကဲ့သို့ အပျော်အပါးလိုက်စားရန်အချိန်မှာ လွန် စွာနည်းပါးပါသည်။ ကြိုးစားပြီး ငွေကုန်ကြေးကျခံ၍ ဆရာ ဝန်ဖြစ်ပါကလည်း အစိုးရလက်ထောက်ဆရာဝန်ရာထူး ခေါ်ချိန်နှစ်နှစ်၊ သုံးနှစ်စောင့်ရပါသည်။ ကျူရှင်တက်ရ ပါသည်။ အင်္ဂလိပ်စာ IELTS အတွက် ကျူရှင် တက်ရပါသည်။

စာကျက်ရပါသည်။ ဝန်ထမ်းရွေးချယ်ရေး စာမေးပွဲအောင်မြင်၍ လက်ထောက်ဆရာဝန်ဖြစ်ပါက ယခုနောက်ဆုံး(ဧပြီလ၊ ၂ဝ၁၄ ခုနှစ်)လစာအရ တစ်လ လျှင် ကျပ်တစ်သိန်းခွဲရရှိမည်ဖြစ်ပါသည်။ အဆိုပါလစာမှာ အသက်၁၈နှစ်ပြည့် မည်သည့်ပညာမှမတတ် ကားမောင်း တတ်ပါက ယာဉ်မောင်းတစ်ဦးရမည့်လစာဖြင့် အတူတူဖြစ် ပါသည်။
ဆေးရုံအများစုတွင် နေစရာအိပ်ခန်းမရှိပါ။ စီးစရာ ကား၊ ဆိုင်ကယ်၊ စက်ဘီးလည်းမပေးပါ။ ညဂျူတီ၊ ပိတ် ရက်ဂျူတီလည်း ဆင်းရပါသည်။ ဆေးကုရာတွင်လည်း စာအုပ်ထဲ၌ သင်ကြားပေးလိုက်သော၊ ပြည်ပနိုင်ငံများတွင် လေ့ကျင့်ပေးလိုက်သော အကောင်းဆုံးဆေးဝါးကုထုံးများ ကို ခေါင်းဖြူအောင်စဉ်းစား၍ ပေးရပါသည်။ မြန်မာပြည် မှ ဆရာဝန်လောက်တော်သောသူ ကမ္ဘာတွင်ရှိမည်မထင် ပါ။ မလေးရှားနိုင်ငံတွင် ဆရာဝန်တစ်ဦးတစ်လသိန်း ၂ဝ၊ ၃ဝ ခန့်၊ အမေရိကန်ပြည်ထောင်စု၊ အင်္ဂလန်နိုင်ငံတွင် တစ်လ လစာသိန်း ၆ဝ၊ ၈ဝ လောက်ရနေချိန် အဆိုပါ ဆရာဝန်များအနေဖြင့် စီးပွားရှာရန်မလိုဘဲ လူတန်းစေ့ နေနိုင်ချိန်တွင် တစ်လလျှင် ကျပ်တစ်သိန်းခွဲဝင်ငွေဖြင့် မသထာရေစာအငတ်ခံလုပ်ကိုင်နေသောစနစ်ဆိုးမှ မြန် မာနိုင်ငံမှဆရာဝန်၊ သူနာပြုများကို ကျွန်တော်သမ္မတကြီး ကိုယ်စားနိုင်ငံသားကောင်းဆုချီးမြှင့်ချင်ပါသည်။ နိုင်ငံ တော်သမ္မတကြီးမှ 'ပြည်ပတွင် ရောက်ရှိနေသော ပညာ တတ်များပြန်လာရန် ဖိတ်ခေါ်နေပါသည်' ကျွန်တော်တစ် ခုဖြည့်စွက်ချင်ပါသည်။ အဆိုပါပြန်လာမည့်သူများအနေ ဖြင့် ပြည်တွင်း၌ လုပ်ကိုင်နေကြသော နိုင်ငံတကာအသိ အမှတ်ပြုဘွဲ့ရပညာတတ်များသည် 'ပြည်ပ၏လုပ်ခလစာ ၏အပုံ ၁ဝဝ ပုံတစ်ပုံမျှဖြင့် ပြည်သူကို အလုပ်အကျွေးပြု နိုင်ပါမည်လော'ဟု ဖြည့်စွက်မေးချင်ပါသည်။
စနစ်၏သားကောင်ဖြစ်ကြသော ဆရာဝန်၊ သူနာပြု တို့သည် မိမိတို့၏လစာဖြင့် မရပ်တည်နိုင်၍ 'ဆရာဝန် လုပ်လျှင် စီးပွားမလုပ်ရပါ'ဆိုသော စကားကို မလိုက်နာ နိုင်ဘဲ မိမိတို့၏ကိုယ်ပိုင်ချိန်တွင် နိုင်ငံခြားတိုင်းပြည်မှာရှိ သည့် ဆရာဝန်များကဲ့သို့ အနားမယူနိုင်၊ စာလေးဘာလေး မဖတ်နိုင်ဘဲ ဟိုဆေးခန်း၊ ဒီဆေးခန်းပြေးရနှင့် ည ၁၁ နာရီ၊ ၁၂ နာရီမှ အိမ်ကိုရောက် ညစာစား၊ ရေချိုးပြီးအိပ်ရာ ဝင်ရပါသည်။ မနက်စောစော ၅ နာရီထပြီး ဆေးရုံမသွား ခင် ဆေးခန်းလေးပြေးထိုင်ပြီး လူနာစောင့်နေရပါသည်။ သို့မှသာ 'ငတ်၍သေသောဆရာဝန်မိသားစု'ဟု ကျော်မ ကောင်းကြားမကောင်းမဖြစ်ရန်အတွက် ရုန်းကန်နေရခြင်း ဖြစ်ပါသည်။

နံနက်၈နာရီခွဲအမီ ခွဲစိတ်ခန်းဝင်ရန်(သို့မဟုတ်)လူ နာလှည့်လည်ကြည့်ရှုရန် (Ward Round)ဆေးရုံသို့ အူ ယားဖားယားပြေးရပါသည်။ လူနာများအား ကျန်းမာရေး နှင့်ညီညွတ်အောင် နေထိုင်ရန် ပြောဆိုနေရသော်လည်း ပြောနေသူဆရာဝန်၊ ဆရာမကိုယ်တိုင်မှာမူ မျက်တွင်း ဟောက်ပက်နှင့် တီဗွီကြည့်ချိန်၊ လမ်းလျှောက်ချိန်မရှိပါ။ ဆေးရုံရောက်သည့်အခါလည်း လူနာများက ပြည့်ကျပ်နေ ပြီး လူနာစောင့်များကလည်း ပြည့်နှက်နေပါသည်။ ဆရာ ဝန်၊ သူနာပြုအချိုး (Doctor Nurse Ratio) မှာ ကျန်းမာ ရေးဝန်ကြီးဌာနမှထုတ်ဝေထားသည့် Health in Myanmar မေ ၂ဝ၁၃ အရ ဆရာဝန်တစ်ဦးလျှင် သူနာပြုတစ်ဦး(၁း၁)သာရှိ၍ အမှန်တကယ်ရှိရမည့် (၁း၃)ထက်များစွာ လျော့ နည်းနေပါသည်။ သူနာပြုများမှာလည်း မနိုင်ဝန်ထမ်းနေ ရ၍ အလုပ်သင်ဆရာဝန်များမှကူညီပြီး ဆေးထိုးခြင်း၊ သွေးဖောက်ခြင်း ပြုလုပ်ပေးနေရပါသည်။

နံနက်ခင်းမှသည် ညနေအထိတိုင်အောင် လူနာများ ကို ဆေးကုသခြင်းအပြင် အခြားနိုင်ငံခြားမှာလိုအတွင်း ရေးမှူးမရှိသည့်အတွက် ဆေးရုံစာရင်းဇယားများကိုလည်း ဖြည့်စွက်နေရပါသည်။ ဘွဲ့လွန်တက်ရန်လည်း စာကျက် နေရပါသည်။ ကျူရှင်တက်နေရပါသည်။ တော်ဝင်သမား တော်ဖြစ်ရန် MRCP , MRCS Exam ဖြေရန် အင်္ဂလိပ်စာ ကျူရှင်လည်းတက်နေရပါသည်။ ကိုယ့်ပိုက်ဆံဖြင့် ကိုယ်စာ မေးပွဲဖြေဆိုရန် ငွေလည်းစုရပါဦးမည်။ 'ဆင်းရဲသောလူ နာများအား အခမဲ့ကုသပေးသည်'ဆိုသော ဆိုင်းဘုတ်အရ ပေးစရာဆေးကလည်းကုန်နေ၍ လူနာများ၏ပြောဆိုခြင်း လည်း ခံရပါသည်။
နိုင်ငံတကာအဆင့်မီ ဆေးကုသရေးပန်းတိုင်သို့ လျှောက်လှမ်းလိုပါက 'နိုင်ငံတကာအဆင့်မီလစာပေးရ မည်'။ 'နိုင်ငံတကာအဆင့်မီဆေးဝါး၊ ရောဂါရှာဖွေရေး ကိရိယာဖြည့်တင်းပေးရမည်'ဆိုပါလျှင် ဆရာဝန်၊ ဆရာမ များ၏ နွေးထွေးသောအပြုံးတင်မကပါ ရှူးရှူးပေါက်၊ အီး အီးပါလျှင်တောင်အိမ်သာကို ကိုယ်တိုင်လိုက်ပို့ကြမည် သာဖြစ်သည်။ ဆိုက်ကားဆရာ၊ မော်တော်ကားဆရာလစာလောက်ပင်မရသောအခြေအနေဖြင့် နိုင်ငံတကာ အရည်အသွေးဝန်ဆောင်မှုကို ရောက်အောင်ဆောင်ရွက် မည်ဆိုပါက 'ဝ'မရှိဘဲ'ဝိ'လုပ်နေခြင်းသာဖြစ်ပြီး လာမည့် ၂ဝ၁၅ အေအီးစီတွင် ဦးနှောက်ယိုစီးမှုတွေ့မြင်နိုင်ပြီး ပြည်သူ့ဆေးရုံများတွင် ဆရာဝန်၊ သူနာပြုမရှိဘဲဖြင့် နေနိုင် သည်ကို သတိပြုသင့်ပါသည်။

ပါမောက္ခကြီးတစ်ဦးက ပြောဆိုခဲ့သည်မှာ MRCP Exam တွင် စာမေးပွဲစစ်ရင်း မြန်မာပြည်က ပါမောက္ခ လစာဘယ်လောက်ရသလဲဟု အင်္ဂလန်မှ ပါမောက္ခက မေးရာ ''ဒေါ်လာ၃ဝဝရသည်'' ဟု ပိုပိုသာသာပြောခဲ့ရာ အင်္ဂလန်ပါမောက္ခကရယ်ပြီး ''လာနောက်မနေပါနဲ့ Professor''ဟု ပြန်လည်ပြောဆိုကြောင်း ပြောကြားခဲ့ပါ သည်။ ဒါတောင် ပိုပိုသာသာဒေါ်လာ ၃ဝဝ ဟု ပြောခဲ့ ခြင်းဖြစ်ပါသည်။

ဒါဟာ ကမ္ဘာမှာ လစာအနည်းဆုံးနဲ့ ကျန်းမာရေး ဝန်ဆောင်မှုပေးနေသော မြန်မာနိုင်ငံမှ ဆရာဝန်၊ သူနာ ပြု၊ ကျန်းမာရေးဝန်ထမ်းများသာဖြစ်ပါတယ်။
ပြည်ထောင်စုဝန်ကြီးပြောခဲ့သလိုများဖြစ်နေမလား သုံးသပ်ပါသည်။ ဘာတဲ့ ''ခပ်ထက်ထက်သူတွေကတော့ ပြည်ပနိုင်ငံကို ထွက်သွားကြပြီး ခပ်တုံးတုံးသူများကတော့ မြန်မာပြည်တွင် နေကြသည်တဲ့''အင်း.. အဲဒီလိုများ ဖြစ်နေမလားဆိုပြီး စနစ်၏သားကောင်များအကြောင်း မျှဝေပေးလိုက်ပါတယ်။ ။


Yangon Media Group

အပြည့်အစုံသို့ »

ဗိုလ်စိန်တွေ မှန်စေချင်တယ်


Author:
ဘစီ



ကဲဗျို့ ကျုပ်တို့ ရွှေပြည်ကြီးရဲ့ နိုင်ငံရေးကတော့ တဖြည်းဖြည်းနဲ့ ပွဲကြမ်းမဲတင်းဖြစ်လာပြီခင်ဗျ။ ရှေ့လျှောက်ပြီးလည်း ဘာတွေဆက်ဖြစ်လာမယ်ဆိုတာ ဘယ်ပရောဟိတ်မှ မခန့်မှန်းတတ်သေးဘူး။ သုံးနှစ်လောက် ဟန်ရ ပန်ရသရုပ်ဆောင်ပြခဲ့တဲ့ အာဏာရများလည်း အခုတော့ လက်ပန်းကျပြီထင်ပါရဲ့။ ‘ကြောင်ဟာ ကြာကြာ ရေမငုပ်နိုင်’ ဆိုတဲ့ စကားပုံလိုပေါ့လေ။ ခေတ္တခဏ ဖုံးဖိထားလို့မို့ ငုပ်လျှိုးနေရတဲ့ ဗီဇစိတ်ကလေးက တစ်စစနဲ့ ပြန်ပေါ်လာတာ အထင်းသားပါလားဗျာ။

ပြုပြင်ပြောင်းလဲရေး သမ္မတ အဖြစ် နိုင်ငံတကာက ဂုဏ်တင် ခံခဲ့ရတဲ့ အဘကလည်း အခုကျ တော့ မခုတ်တတ်တဲ့ကြောင် မဟုတ်တော့ဘူးခင်ဗျ။ ကျဉ်းထဲ ကျပ်ထဲ ရောက်လို့ကတော့ ဇာတ် တူသားတွေရဲ့ အကျိုးစီးပွားကို သာ ကာကွယ်ရမှာဆိုတာ အခု နောက်ပိုင်း သူ့လုပ်ရပ် ပြောချက် တွေက ပြသနေတာ အထင်အရှားပဲဟာ။ သိကြတဲ့အတိုင်း နဂိုကနဦးက သူတို့ပဲ လူထုဆန္ဒလေးစားပါတယ် ပြောပြီး အခု ပြည်သူအများ သဘောထားပေးလာတဲ့ ဖွဲ့စည်းပုံ ပြင်ရေးကျတော့ အတိတ်မေ့သလို လုပ်နေတာမဟုတ်လားဗျာ။

ဒါတင် ဘယ်ကမလဲ။ ဟို တစ်လောက သမ္မတ အူယားဖား ယားပြောလိုက်တဲ့ စကားတစ် ခွန်းရှိပါသေးတယ်။ ဘာတဲ့ဗျာ။ အဲ...မှတ်မိပြီဗျ။ ဖွဲ့စည်းပုံပြင်ဆင်ရေးနဲ့ ရွေးကောက်ပွဲကိစ္စတွေကြောင့် တိုင်းပြည်ဆူဆူပူပူ ဖြစ်မှာကို စိုးရိမ်မိတယ်ဆိုပဲ။ သမ္မတနှယ် ရယ်ရတယ်ပဲ ပြောပါရ စေတော့။ အနှီကိစ္စတွေကြောင့် တိုင်းပြည်မှာ ဆူပူတာတွေ မဖြစ်စေချင်ရင် ပြည်သူတွေရဲ့ ဆန္ဒကို လိုက်လျောရုံရှိတာပဲဟာ။ ပြည်သူနဲ့ ဆန့်ကျင်ဘက်မလုပ်နဲ့ပေါ့ဗျာ။ သို့ကလိုသာဆိုရင် သမ္မတလည်း နှလုံးမတုန်ရင်မခုန်ရတော့ဘူး။

ပြည်သူအများက သူတို့ရဲ့ ရင်တွင်းဆန္ဒကို လမ်းပေါ်မှာ ဒါမှ မဟုတ် စုရုံးစည်းဝေးပွဲတွေမှာ တစ်ခဲနက် ထုတ်ဖော်ပြသတာ တွေကို သမ္မတတို့ရဲ့ အစိုးရက ဆူ ဆူပူပူလုပ်တာရယ်လို့ သတ်မှတ် တွေးထင်ရင်တော့လည်း မတတ် နိုင်ဘူးပေါ့ဗျာ။ တကယ်လို့ ဆူပူ လာခဲ့တယ်ဆိုရင်လည်း အဲဒီဆူပူ မှုတွေရဲ့ နံပါတ်တစ် တရားခံဟာ လူကြီးမင်းတို့ရဲ့ အစိုးရပါပဲခင်ဗျ။ ဘာကြောင့်ဆိုလူကြီးမင်းတို့ အ စိုးရကပဲ လူထုတွေ ပြင်ချင်နေတဲ့ ၂၀၀၈ ဖွဲ့စည်းပုံကြီးကို ဖက်တွယ် ထားတာ မဟုတ်လား။ လူကြီး မင်းတို့ စိတ်ကြိုက် ခေါင်းခေါက် ခန့်ထားတဲ့ ရွေးကောက်ပွဲကော်မ ရှင်ကြီးကပဲ မတရားတဲ့၊  တစ်ဖက်သတ်ကျတဲ့ ရွေးကောက်ပွဲ ဥပဒေတွေကို သတ်မှတ်ဖို့ စိုင်းပြင်းနေတာ မဟုတ်လား။

 ဆိုတော့ကာ လူထုကို စိတ် ကုန်လက်ပျက် ဖြစ်အောင်တော့ မလုပ်နဲ့ခင်ဗျ။ ဒီကနေ့ လူထုဟာ အစိုးရရဲ့ အပြောတစ်မျိုး အလုပ် တစ်မျိုးတွေအပေါ်မှာ အတော် ကြီး ဒေါသထွက်နေကြတာတော့ အမှန်ပဲ။ ဒါပေသိ လိမ္မာတဲ့ လူထု ဟာ သမိုင်းသင်ခန်းစာတွေကို ယူ တတ်တယ်ဗျ။ သူတို့သာ ဒေါသ ပေါက်ကွဲ ဆန္ဒပြပွဲကို အခုလို နိုင်ငံရေးအရ မဲတင်းနေတဲ့အချိန်မျိုးမှာ ထပြီးနွှဲလိုက်ရင် အရပ်စကားဖြစ်တဲ့ ‘ကြားကား’ ဆွဲတယ်ဆိုတာကို အကြောင်းပြကောင်းကောင်းနဲ့ အာဏာသိမ်းရာမှာ တစ်ဖက်ကမ်းခပ်တဲ့ တပ်မတော်ရဲ့ခွင်ထဲကို တန်းဝင်သွားမယ်ဆိုတာ သိပြီးသား။

အနှီလိုဖြစ်လို့မို့ ကျုပ်တို့ရဲ့ လူထုဟာ ရှိနေတဲ့ ဥပဒေဘောင် အတွင်းကနေ သူတို့ရဲ့ ဆန္ဒကို ပါး နပ်စွာ ထုတ်ဖော်ပြသနေကြတာ ဖြစ်ပါတယ်။ ဒီတော့ သမ္မတ စိုး ရိမ်တကြီးဖြစ်နေပါတယ်ဆိုတဲ့  ဖွဲ့ စည်းပုံပြင်ရေးနဲ့ ရွေးကောက်ပွဲ ကိစ္စများကို အကြောင်းပြပြီး တိုင်း ပြည်ဆူဆူပူပူဖြစ်မယ်ဆိုတဲ့နေရာ မှာ လူထုကြောင့်တော့ဖြစ်ဖွယ် ရာ မရှိဘူးခင်ဗျ။ ဖြစ်ချင်းဖြစ်ရင် လူထုအရေခြုံပြီး လက်သီးပုန်းနဲ့ ထိုးချင်တဲ့ အာဏာရှင်များရဲ့ ပါး ကွက်သားတွေ လက်ချက်နဲ့သာ တိုင်းပြည်ဟာ ဆူဆူပူပူဖြစ်ဖို့ရာ လတ်တလောမှာ အကြောင်းရှိနေ ပါတယ်။

အဲဒီအာဏာရှင်များရဲ့ ပါး ကွက်သားတွေဟာလည်း အခုဆို ရင်  လူထုကြားထဲမှာ  ရောက်နေ ပြီဗျ။ မိမိတို့အလိုရှိရာ ပန်းတိုင်ကို လှမ်းကိုင်ဖို့ ငြိမ်းငြိမ်းချမ်းချမ်းနဲ့ကြိုးစားချင်တဲ့ လူထုရဲ့ လုပ်ရပ်တွေ ဖျက်လိုဖျက်ဆီးလုပ်ဖို့နဲ့ ပုံပျက်ပန်းပျက်ဖြစ်စေဖို့ ခြေပုန်း တွေလည်း ခုတ်နေကြတာလည်း မြင်နေရတာပဲ။ လူထုနဲ့ ဒီမိုကရေ စီအင်အားစုတွေက ၂၀၀၈ ဖွဲ့ စည်းပုံကြီးကို ပြင်ဆင်ဖို့ ရှေ့ကို တွန်းပြီး လုပ်လာလေ အနှီလက် သီးပုန်းအုပ်စုကလည်း ခြေလှမ်း သွက်သွက်လှုပ်ရှားလေပဲဆိုတာ ကျုပ်တို့လူထုက သိပ်ကို သိနေသဗျ။

 ဘယ့်နှယ်ပဲဖြစ်ဖြစ် လူထု ကြီးဟာ သူတို့လိုချင်တဲ့ ဒီမိုကရေ စီပန်းတိုင်ကို ဆက်ပြီးချီသွားဖို့ ပိုင်းဖြတ်ပြီးသွားပြီ။ လက်ရှိအစိုး ရနဲ့ တပ်မတော်သားတွေက သူ တို့ဆန္ဒဖြစ်တဲ့ ဖွဲ့စည်းပုံပြင်ဆင် ရေးကို မလိုက်လျောရင် အင်အား ပြဖို့လည်း စုစည်းမှုနဲ့ ညီညွတ်မှု က ခိုင်မာနေပြီဖြစ်တယ်။ ဒီအချိန် မျိုးမှာ တိုင်းပြည်ဆူဆူပူပူဖြစ်မှာ ကို စိုးရိမ်နေတဲ့ သမ္မတအနေနဲ့ ဘာဆက်လုပ်မလဲ။ ပြည်သူ့တပ် မတော်ဖြစ်ရပါစေမယ်လို့ မနက် တိုင်းသစ္စာဆိုနေတဲ့ တပ်မတော် အနေနဲ့ ဘယ်ဘက်က ရပ်တည် မှာလဲဆိုတာ ကျုပ်တို့ဖြင့် အရမ်း စိတ်ဝင်စားမိနေတော့တာပဲ။

ဘစီတို့ဖြင့် ရှေ့မှာဖြစ်လာ နိုင်စရာ အရေးတွေကို တဖြည်း ဖြည်းမြင်မိလေ၊ သမ္မတနဲ့ သူ့ရဲ့ အပေါင်းပါ လူကြီးမင်းများကို အ ပြစ်တင်မိလေပဲဗျာ။ ဘာကြောင့် လဲဆိုတော့ ဒေါ်အောင်ဆန်းစု ကြည်က ဖွဲ့စည်းပုံပြင်ဆင်ရေး ကိစ္စမှာ ချောချောမောမောအေး အေး ချမ်းချမ်း သိမ်သိမ်မွေ့ မွေ့နဲ့ ဖြစ်သွားစေရေးအတွက် လေးပွင့် ဆိုင်ပြီး တွေ့ဆုံဆွေးနွေးရအောင် ပါလို့ဆိုတာကို မသိချင်ယောင် ဆောင်နေခဲ့တာကိုး။

အောင်မယ်... အဲသလိုတိုင်း ပြည်ရဲ့ အနာဂတ်အတွက် အရေး ကြီးတဲ့ အဆုံးအဖြတ်ကို ပြုနိုင်တဲ့ သမ္မတ၊ ကာကွယ်ရေးဦးစီးချုပ်နဲ့ လွှတ်တော်နာယကများပါဝင်တဲ့ ‘လေးပွင့်ဆိုင်’ တွေ့ဆုံရေးကို ဘာသိဘာသာ နေခဲ့တာ။ ကျုပ်တို့ရဲ့ ပြုပြင်ပြောင်းလဲရေးသမ္မတဟာ ပေါက်ဖော်ကြီးတို့ဆီကလာတဲ့ ယဉ်ကျေးမှုသံတမန် မျောက်မင်းစွန်းဝူခုန်းကိုကျတော့ အချိန်ပေးပြီးလက်ခံတွေ့ဆုံမတဲ့ဗျာ။

ပြည်သူတွေကတော့ အခု လိုတိုင်းပြည်မှာ  တလှုပ်လှုပ်နဲ့ သေရေးရှင်ရေးဖြစ်နေတဲ့အချိန် မှာ သမ္မတဟာ မျောက်မင်းဝူခုန်း နဲ့တွေ့မယ်ဆိုတော့ တချို့က မ ကျေနပ်ဘူးခင်ဗျ။ ကျုပ်တို့က တော့ သမ္မတဟာ ကလေးစိတ် မကုန်သေးလို့ နေမှာပေါ့လို့ပဲ ဖြေ တွေးပါတယ်ဗျာ။ သိတယ်မဟုတ် လား။ မျောက်မင်းစွန်းဝူခုန်းပါတဲ့ အနောက်သို့ ခရီးသွားခြင်းဆိုတဲ့ ဇာတ်လမ်းတွဲဟာ မြန်မာပြည်က ကလေးတွေ သိပ်ကြိုက်တာ။

ကျုပ်တို့ သမ္မတဟာလည်း အဲဒီပရိသတ်ထဲက တစ်ယောက် ပဲဖြစ်လို့နေမှာပေါ့။ ဒါမှမဟုတ် လည်း ‘ရှေ့သို့ချီကြ’ လို့ တဖွဖွ တစာစာပြောလာတဲ့ သမ္မတဟာ ၂၀၁၅ နီးလာတဲ့အခါ တစ်မျိုး ပြောင်းကာ ‘အနောက်ကို ပြန် လှည့်’ ဆိုတဲ့ ဇာတ်ရုပ်ကို ပြောင်း ချင်လို့များ မျောက်မင်းဝူခုန်းနဲ့တွေ့သလားတော့ မသိ။ ဘာပဲဖြစ်ဖြစ် မျောက်နဲ့ တွေ့ဖို့တော့ သမ္မတဟာ အားတက်သရောရှိပါကလား။

ကဲ ဒါတွေ ထားပါတော့ဗျာ။ ဘစီတို့ ဆွေးနွေးခဲ့တဲ့ စကား ရှေ့ ဆက်ရရင် တိုင်းပြည်ဟာ အကျပ် အတည်းတစ်ခုဆီကို ဦးတည်နေ ပြီခင်ဗျ။ အဲဒါရဲ့ အကြောင်းရင်း က ဒီမိုကရေစီနှုန်းမမီ စံမရတဲ့ ၂၀၀၈ ဖွဲ့စည်းပုံကြီးကို ပြင်ဆင် ရေးဆွဲချင်တဲ့ လူထုအင်အားစု များ အနှီဖွဲ့စည်းပုံကြီးကို ကိုယ် ကျိုး စီးပွားအလို့ငှာ ဖက်တွယ် ထားချင်တဲ့ အာဏာအင်အားစု များဟာ မကြာမတင်မှာ ထိပ်တိုက်တွေ့ကြရာကနေ စတင်မှာပဲ။

ပြီးခဲ့တဲ့ ရက်တွေအတွင်းက ရန်ကုန်က ‘ဗိုလ်စိန်မှန်’ အားက စားကွင်း၊ မန္တလေးက ‘အောင်ပင် လယ်’ ကွင်းပြင်တွေမှာ အမျိုး သားဒီမိုကရေစီအဖွဲ့ချုပ်နဲ့ ၈၈ မျိုးဆက်ကျောင်းသားတို့ရဲ့ ပူး ပေါင်းပြီး ပြုလုပ်ခဲ့တဲ့ ဖွဲ့စည်းပုံ ပြင်ဆင်ရေး လူထုဟောပြောပွဲ ဟာဆိုရင် တစ်ခဲနက် အုန်းအုန်း ကျွက်ကျွက်ဖြစ်ခဲ့တာ ကိုယ့်လူ တို့လည်း အသိသားပဲ။ အဲဒီပွဲမှာ ပဲ ဒေါ်အောင်ဆန်းစုကြည်နဲ့ ကို မင်းကိုနိုင်တို့ဟာ ရဲရဲတောက် တရားတွေ ဟောခဲ့တယ်ဗျာ။

အနှီသို့သော အတိုက်အခံ များရဲ့ ရဲတောက်တဲ့ မိန့်ခွန်းတ ရားကို နာရတဲ့အခါ ကျုပ်တို့ဖြင့် ကိုယ့်နားတောင်မှ ကိုယ်မယုံနိုင် ဖြစ်ရတယ်ခင်ဗျ။ သုံးနှစ်လုံးလုံး အ စိုးရကို အကောင်းမြင်ပြီး အပြုသ ဘောနဲ့ ဆက်ဆံလာတဲ့ အတိုက် အခံများဟာ တော်လှန်ရေးတရား ဟောတတ်သေးပါကလားဆိုတာ သိရလို့ အားလည်းတက်မိပါရဲ့။ အစိုးရနဲ့ ရင်ချင်းအပ်လို့ ဟန်ပုံမ ရဘူး။ လူထုနဲ့သာ ကျောချင်းကပ် ရမယ်ဆိုတာ သုံးနှစ်လောက်ကြာ မှ သဘောပေါက်လာပေတဲ့ မ ပေါက်တာထက်စာရင် တော် သေးရဲ့လို့လည်း ကျေနပ်ရပါတယ်။

အတိုက်အခံများဟာ လူထု ဘက်ပြန်လှည့်၊ လူထုအင်အားကိုရယူမှဖြစ်မယ်လို့ သဘောပေါက်သွားတဲ့အတွက် အပျော့ဆွဲနဲ့ အတိုက်အခံကို ရင်ခွင်ပိုက်ဖို့ ကြိုးစားချင်တဲ့သူတွေက ကျေနပ်မှာမဟုတ်ဘူးဆိုတာလည်း ကျုပ်တို့သတိရှိဖို့ လိုတယ်ဗျ။ အတိုက်အခံနဲ့ လူထုက တစ်သားတည်းဖြစ်လေ၊ တစ်ဖက်မှာရှိတဲ့ ဖွဲ့စည်းပုံမပြင်ရေး၊ အာဏာကို ရာသက်ပန်ဆွဲကိုင်ရေး အလိုရှိ နေတဲ့ အင်အားစုတွေကလည်း တဖြည်းဖြည်းနဲ့ ကြမ်းလာမယ်။ ရမ်းလာမယ်။ တင်းလာမယ်။ ရစ် လာမယ်ဆိုတာကျုပ်တို့ မမေ့သင့်ဘူးဗျာ။

အခုအတိုင်းသာ အတိုက်အ ခံနဲ့ လူထုဟာ ညီညွတ်စွာ ဆက် သွားမယ်ဆိုရင်တော့  ကျုပ်တို့ ဟာ လိုချင်တဲ့ ပန်းတိုင်ကို ရောက် မှာပဲ။ အတိတ်နိမိတ်အရဆိုရင် လည်း ကျုပ်တို့ လူထုအင်အားပြ ခဲ့တဲ့ ကွင်းတွေနဲ့ အမည်နာမက လည်း ရန်ကုန်မှာဆိုရင် ‘ဗိုလ်စိန် မှန်’ တဲ့။ မန္တလေးမှာဆိုရင်လည်း ‘အောင်ပင်လယ်’ တဲ့။ အဲဒီကွင်း ထဲမှာ ပြခဲ့တဲ့ လူထုရဲ့ သဘောထားဟာ နာမည်မှာ ‘စိန်’ ပါတဲ့ ဗိုလ်တွေရဲ့ နှလုံးသားကိုပဲ ထိမှန် မလား။စိန်လိုကျောက်လို သဘောထားတင်းမာတဲ့ ‘ဗိုလ်’ တွေကို လူထုအကျိုးငှာ မှန်မှန်ကန်ကန်ဖြစ်လာအောင် ဆွဲဆောင်နိုင်ပြီး ပင်လယ်လောက် ကြီးမားတဲ့ အောင်ပွဲကို ပြည်သူတွေ နွှဲနိုင်မယ်ဆိုတဲ့ နိမိတ်များပေလားပဲ။

ကျုပ်ကတော့ ဒီအရေးမှ စစ်ဗိုလ်တွေ မပါရင် ပွဲပြီးမှာမဟုတ်ဘူးလို့ ထင်တယ်။ ဒါကြောင့် စိန်လိုကျောက်လို သဘောထား တင်းမာတဲ့ ဗိုလ်တွေဟာ ဖွဲ့စည်းပုံပြင်ရေး လူထုဆန္ဒကို မှန်မှန် ကန်ကန်နဲ့ လိုက်လျောစေချင်တယ်။ တစ်နည်းအားဖြင့် ဗိုလ်စိန်တွေ မှန်စေချင်တယ်ခင်ဗျ။ နာမည်မှာစိန်ပါတဲ့ ပြုပြင်ပြောင်းလဲရေး သမ္မတလည်း ဒီအရေးမှာ မှန်ဖို့တော့ လိုပါတယ်။ မမှန်ရင်တော့ သမ္မတနှပ်ကြောင်းပေးထားတဲ့ ဆူဆူပူပူဆိုတာတွေဟာ ဖြစ်နိုင်တာပဲ။

ဗိုလ်စိန်တွေ မှန်ရင်တော့ တိုင်းပြည်အရေးဟာ သားရွှေအိုး ထမ်းလာသလို ဖြစ်မှာပေါ့ဗျာ။ သို့ကလိုဖြစ်တာကြောင့် သဘော ထားတင်းမာတဲ့ ဗိုလ်စိန်တွေ ဖွဲ့ စည်းပုံပြင်ရေးမှာ မှန်မှန်ကန်ကန် ပူးပေါင်းပါဝင်ပါလို့ ဗိုလ်စိန်မှန်နဲ့ အောင်ပင်လယ်ကွင်းတွေမှာ လုပ်ခဲ့တဲ့ လူထုစည်းဝေးပွဲမှာ ဒေါ် အောင်ဆန်းစုကြည်ကလည်း ပြတ်ပြတ်သားသား ဟောပြော တိုက်တွန်းသွားခဲ့တာ တွေ့ရတယ်။အဲ...တစ်ခုပဲ ဒေါ်အောင်ဆန်းစုကြည်ကို သတိပေးချင်တယ်ဗျာ။ဗိုလ်စိန်တွေ မှန်လာအောင်လည်းစည်းရုံးတာလည်း စည်းရုံးပါခင်ဗျ။ အရေးကြီးတာက ဖေဖေတည်ထောင်ခဲ့တဲ့ တပ်မတော်ဆိုပြီးလည်းအရမ်းကြီး မယုံနဲ့ဦး။ အခုတပ်မတော်က ဗိုလ်ချုပ်အောင်ဆန်းစိတ်ဓာတ်နဲ့ ရပ်တည်နေတာ ဟုတ်ချင်မှ ဟုတ်မှာ။

ဘာပဲပြောပြော ဒီတစ်ပွဲမှာ ဗိုလ်စိန်တို့တစ်တွေဟာ မှန်မှန် ကန်ကန် ရပ်တည်မယ်ဆိုရင်တော့တိုင်းပြည်အတွက် အကောင်းဆုံးပေါ့လဗျာ။

(ဖော်ပြပါ သရော်စာသည် စာရေးသူ ဘစီ၏ အာဘော်သာဖြစ်သည်။)

7day daily

အပြည့်အစုံသို့ »

အလှူမှ ကျွေးသော ဆန်ပြားသုပ်နှင့် ဒီတိုး အချိုရည် သောက်သုံးမိ၍ လူပေါင်း(၆၀)ကျော် အစာအဆိပ်သင့်



တောင်ငူမြို့၊ ဇေယျာသီရိသီလရှင် စာသင်တိုက်နှင့် မိဘမဲ့ အမျိုးသမီးကျောင်းတွင် အလှူရှင်မှ ကျွေးသော ဆန်ပြားသုပ်နှင့် ဒီတိုး အချိုရည်ကို သောက်သုံးမိရာမှ ကလေးငယ် အများစု အပါအ၀င် လူပေါင်း (၆၀) ကျော် အစာအဆိပ်သင့်မှု ဖြစ်ပွားခဲ့သည်။
အဆိုပါ အစာအဆိပ်သင့်ဖြစ်ပွားမှုကြောင့် တောင်ငူပြည်သူ့ ဆေးရုံသို့ စုစုပေါင်း လူဦးရေ (၆၈)ဦး လာရောက် ကုသခဲ့သည်။ အဆိုပါ လူနာများထဲမှာ (၂၂) ဦးကို အတွင်း လူနာအဖြစ် လက်ခံခဲ့ပြီး၊ (၄၆) ဦးကို ပြင်ပ လူနာ အဖြစ် လက်ခံကာ ကျန်းမာရေးကုသမှု ပြုလုပ်ပေးခဲ့ကြာင်း တောင်ငူပြည်သူ့ ဆေးရုံမှ လက်ထောက် ဆေးရုံအုပ် ဒေါက်တာ ကြည် သာစိုးက The Messenger သတင်းစာသို့ ပြောသည်။
““အခြေအနေ အားလုံး ကောင်းပါတယ်။ တစ်ယောက်၊ နှစ်ယောက်လောက်ပဲ စိုးရိမ် ရတာပါ””ဟု ၎င်းက ပြောသည်။
တောင်ငူပြည်သူ့ ဆေးရုံသို့ လာရောက်၍ ဆေးကုသသူ များအားလုံးတွင် အစာ အဆိပ်သင့် ရောဂါလက္ခဏာများ တွေ့ရှိရပြီး၊ အစားအသောက်များနှင့် အသုံးပြုသော ပစ္စည်းများကို နမူနာယူကာ ဓာတ်ခွဲခန်းသို့ ပေးပို့ စစ်ဆေး သွားမည် ဖြစ်ကြောင်း ဒေါက်တာ ကြည်သာစိုးက ဆက်ပြောသည်။
““မနက်(၈)နာရီမှာ ဆန်ပြားသုပ် ကျွေးတယ်။ (၁၀) နာရီလောက်မှာ ဒီတိုး အချိုရည် တိုက်တယ်၊ ကျောင်းက လူအားလုံးနီးပါး ဖြစ်တယ်””ဟု ဇေယျာသီရိ သီလရှင် စာသင်တိုက်နှင့် မိဘမဲ့ အမျိုးသမီးကျောင်းမှ တာဝန်ရှိသူ တစ်ဦးက ပြောသည်။
လက်ရှိအချိန်တွင် တောင်ငူပြည်သူ့ ဆေးရုံတွင် တက်ရောက် ကုသနေသူ (၂၂) ဦး(ကလေး ကိုးဦးနှင့် လူကြီး(၁၃) ဦး) သည် အစာအဆိပ်သင့်မှု အတွက် ဆေးဝါးကုသမှု ခံယူနေကြရဆဲ ဖြစ်ကြောင်း သိရသည်။

Messenger News Journal

အပြည့်အစုံသို့ »

မထွက်ပေါ်သေးသော မျိုးစောင့် ဥပဒေနှင့် ပတ်သက်၍ ငြင်းခုံနေခြင်းသည် အကျိုးမရှိဟု ဦးရဲထွဋ် ဝေဖန်




မျိုးစောင့်ဥပဒေ မပေါ်ထွက်သေးဘဲ တစ် ယောက်နှင့်တစ်ယောက် ရန်ဖြစ်နေမည် ဆိုပါက အကျိုးမရှိ နိုင်ကြောင်း သမ္မတ၏ ပြောခွင့်ရ ပုဂ္ဂိုလ် ဦးရဲထွဋ်က The Messenger သတင်းစာသို့ ပြောသည်။
““အခုဟာက ဥပဒေကြမ်းက ဘယ်လို ပေါ်မယ်ဆိုတာ မသိသေးဘူးလေ။ ကန့်ကွက်တယ် ဆိုတဲ့ လူတွေကလည်း နာမည်ကိုကြည့်ပြီး ကန့်ကွက်တာကို။ တကယ်တော့ ကျွန်တော်တို့ ရေးဆွဲမယ် ဆိုတာ လေ့လာ သုံးသပ်နေတုန်း ပဲရှိသေးတယ်။ နဂိုကတည်းက ဗုဒ္ဓဘာသာ လက်ထပ် ထိမ်းမြားခြင်း ဥပဒေ ဆိုတာရှိခဲ့ပြီးသားပဲ၊ အဲဒီ ဥပဒေကို ပြင်မှာလား၊ အဲဒီ ဥပဒေမှာ အချက်အလက် ထပ်တိုးမှာလား၊ အဲဒီ ဥပဒေနဲ့ လုံလောက်ပြီလား ဆိုတာ အဖွဲ့အစည်းတွေက စဉ်းစားနေတုန်း ပဲရှိသေးတယ်”” ဟု ဦးရဲထွဋ် က ပြောသည်။
လက်ရှိ မြန်မာနိုင်ငံတွင် မျိုးစောင့်ဥပဒေနှင့် ပတ်သက်၍ ကန့်ကွက်သူနှင့် ထောက်ခံသူ များကြား အငြင်းပွားလျက်ရှိပြီး၊ အမျိုးဘာသာ ထိန်းသိမ်း စောင့်ရှောက်ရေး အဖွဲ့ (မ.ဘ. သ) မှ မျိုးစောင့် ဥပဒေကို ကန့်ကွက်သူ တချို့အား အမျိုးသား သစ္စာဖောက် အဖြစ် ကြေညာချက် ထုတ်ပြန် ထားသည်။ အခြား တစ်ဖက်တွင်လည်း မျိုးစောင့်ဥပဒေသည် အမျိုးသမီးများ ကိုချုပ်ချယ်ရာ ရောက်ကြောင်းလည်း ဝေဖန် ပြောဆိုမှုများ ရှိနေသည်။
ထိုကဲ့သို့ တစ်ယောက်နှင့် တစ်ယောက် ရန်ဖြစ်နေမည် အစား ဥပဒေကြမ်း တစ်ခုလုပ်မည် ဆိုပါက မည်သည့် အချက်အလက်များ ပါဝင် သင့်သည်ကို အကြံပေးခြင်း၊ ဆွေးနွေးခြင်း များလုပ်သင့်ကြောင်း ဦးရဲထွဋ်က ဆိုသည်။ အချို့ ဥပဒေများသည် ဘာသာ တစ်ခုတည်းကို ရည်ညွှန်းခြင်း မဟုတ်ဘဲ တခြားဘာသာများ ကိုကာကွယ်၍ ရသကဲ့သို့ အမျိုးသမီးများ အခွင့်အရေး ကာကွယ်ခြင်းများ ပါဝင်ကြောင်း၊ ဥပဒေအား စောင့်ကြည့်ပြီးမှ ပြောဆိုခြင်းသည် ပို၍ ကောင်းကြောင်းလည်း ဦးရဲထွဋ်ကဆို သည်။
““မျိုးစောင့် ဥပဒေကို ဘယ်လိုရေးဆွဲပြီးမှ တင်လာမလဲဆိုတာ စိတ်ဝင်စားပါတယ်။ ဥပဒေဆိုတာ ပြည်သူ့ အတွက် အကျိုးရှိတဲ့ ဥပဒေဆိုရင် တကယ် ကောင်းပါတယ်။ ထိရောက်တဲ့ ဥပဒေဖြစ်ဖို့ အားလုံး လက်ခံပြီးသုံး နိုင်တဲ့ ဥပဒေ ဖြစ်မဖြစ်ဆိုတာ ဥပဒေကြမ်းတင်း ပြီးမှသိမှာ၊ ဟိုပြောဒီပြော အကျိုးမရှိ ဘူး””ဟု ပြည်သူ့ လွှတ်တော် ကိုယ်စားလှယ် ဒေါ်ဒွဲဘူ က The Messenger သတင်းစာသို့ ပြောသည်။
မျိုးစောင့် ဥပဒေ ရေးဆွဲနိုင်ရန် အတွက် အမျိုးဘာသာ၊ သာသနာ ထိန်းသိမ်းစောင့် ရှောက်ရေးအဖွဲ့မှ သမ္မတထံ တင်ပြခဲ့ပြီး၊ သမ္မတက ယင်းဥပဒေ ရေးဆွဲနိုင်ရန် လွှတ်တော်သို့ ပြန်လည် တင်ပြခဲ့သည်။ လွှတ်တော်မှ တစ်ဆင့် သက်ဆိုင်ရာ ၀န်ကြီးဌာန များကို ပြန်လည် ပေးပို့ထားသည်။
““ဒီအချက်ကို မကြိုက်ဘူးဆိုတာလည်း လက်ခံနိုင်တယ်။ ဘယ်အချက်ကို မကြိုက်ဆိုတာလည်း လက်ခံနိုင်တယ်။ ဘယ်ဥပဒေမှာမှ လုံးဝမှန်တာ လုံးဝမှားတာ မရှိဘူး။ အဲဒီထဲမှာ အားနည်းချက် ရှိတယ်၊ အားသာချက် ရှိတယ်။ အပြည်အစုံ မသိသေးဘဲနဲ့ ကန့်ကွက်တယ် ဆိုတာ ရည်ရွယ်ချက် ရှိလိမ့်မယ် ထင်တယ်”” ဟု အမျိုးသား လွှတ်တော်ကိုယ် စားလှယ် ဒေါ် ခင်ဝိုင်းကြည်က The Messenger သတင်းစာသို့ပြောသည်။
အဆိုပါ မျိုးစောင့် ဥပဒေသည် နိုင်ငံရေး အမြတ်ထုတ်ရန် အတွက် လုပ်နေခြင်းဖြစ်ပြီး သံဃာတော် များက အသုံးချ ခံနေခြင်းဖြစ် ကြောင်း ရွှေည၀ါ ဆရာတော် ဦးပညာသီဟက The Messenger သို့မိန့်ကြား ထားသည်။ အဆိုပါ ဥပဒေအား အမျိုးသမီး အဖွဲ့များ အပါအ၀င် လူမှုအဖွဲ့အစည်း (၉၀) ကျော်ကန့်ကွက် ထားသည်။




messenger news journal



အပြည့်အစုံသို့ »

ထိုင်းစစ်တပ် စစ်အုပ်ချုပ်ရေး ကြေညာ


Thai soldiers take their positions in the middle of a main intersection in Bangkok's shopping district

ထိုင်းစစ်တပ်က နိုင်ငံတွင်း ဥပဒေပြန်စိုးမိုးဖို့ စစ်အုပ်ချုပ်ရေးဥပဒေကို ဒီနေ့ ကြေညာလိုက် ပါတယ်။

နိုင်ငံတွင်း ၆လကြာ အစိုးရဆန့်ကျင်ရေး ဆန္ဒပြပွဲတွေအပြီး အစိုးရလုပ်ဆောင်ချက်တွေ မလည်ပတ်နိုင်တော့တဲ့နောက် ခုလိုကြေညာလိုက်တာပါ။

ဒါ့အပြင် အစိုးရလိုလားသူနဲ့ ဆန့်ကျင်သူ ဆန္ဒပြသမားတွေကိုလည်း ရှိမြဲနေရာမှာပဲ နေကြဖို့နဲ့ ဘယ်လို ချီတက်ပွဲကိုမှ မလုပ်ကြဖို့ ကြေညာလိုက်ပါတယ်။

ထိုင်းစစ်တပ် ကာကွယ်ရေးဦးစီးချုပ် ပရာယွတ်သ် ချန်အိုချာက တည်ငြိမ်ရေးနဲ့ တရားဥပဒေ စိုးမိုးရေးကို ထိန်းသိမ်းဖို့၊ အုပ်စုတွေ အားလုံးနဲ့ ဘက်အားလုံး အမြန်ဆုံး ငြိမ်းချမ်ရေးရဖို့ စစ်အုပ်ချုပ်ရေးဥပဒေ ၂၄၅၇ အပိုဒ် ၂ နဲ့ ၄ အရ ထိုင်းတနိုင်ငံလုံးမှာ စစ်အုပ်ချုပ်ရေး ကြေညာလိုက်တယ်လို့ ပြောပါတယ်။



ဖြစ်နိုင်သမျှ အမြန်ဆုံး အဖြေကို စရှာဖို့ ဘက်အားလုံး၊ အုပ်စုအားလုံးက ဘယ်လိုလှုပ်ရှားမှုကို မဆို ရပ်တန့်ရမယ်လို့ ဆိုတယ်။

ဒီကြေညာချက်ဟာ အာဏာသိမ်းတာ မဟုတ်ဘဲ နိုင်ငံတွင်း လုံခြုံရေးအခြေအနေ ယိုယွင်းနေမှုကို တုံ့ပြန်ဖို့သာ ဖြစ်တယ်လို့ စစ်တပ်ဗိုလ်ချုပ်တယောက်က သီးခြား ပြောပါတယ်။

ဘန်ကောက်မြို့ထဲမှာ စစ်တပ်တွေ ကင်းလှည့်နေပြီး ရုပ်သံသတင်းဌာနတွေနဲ့ ထိုင်းကွန်း ဂြိုဟ်တုဆက်သွယ်ရေး အများပိုင်ကုမ္ပဏီတို့ အပြင်ဘက်မှာ လုံခြုံရေးချထားတယ်လို့ ဒေသခံတွေက ဆိုပါတယ်။

အခြေခံဥပဒေခုံရုံးက ၀န်ကြီးချုပ် ယင်းလပ်ရှင်နာဝပ်နဲ့ သူ့ရဲ့အစိုးရအဖွဲ့ ၀န်ကြီး ၉ ယောက်ကို အာဏာအလွဲသုံးစားမှုနဲ့ မေ ၇ ရက်နေ့ ရာထူးက ဖယ်ရှားလိုက်ပြီးကတည်းက ထိုင်းနိုင်ငံရေးအကျပ်အတည်းဟာ မရေမရာ ဖြစ်လာခဲ့တာပါ။

ထိုင်းစစ်တပ်ပြောခွင့်ရ ၀င်ထိုင်း စူဝါရီကတော့ ဒီနေ့မနက် ၃ နာရီမှာ ရုပ်သံကနေ ရုတ်တရက် ကြေညာချက်အပြီး အိမ်စောင့်အစိုးရက ရုံးထဲမှာ ရှိဆဲပဲလို့ ပြောပါတယ်။

ထိုင်းစစ်တပ်ဟာ ၂၀၁၀ ပြည့်နှစ်တုန်းက ဆန္ဒပြမှုကို ရပ်စဲခဲ့ဖူးပါတယ်။ ၁၉၃၂ ခုနှစ်က စည်းမျဉ်းခံ ဘုရင်စနစ်ကို ကျင့်သုံးတဲ့ နိုင်ငံ ဖြစ်လာတဲ့ ထိုင်းနိုင်ငံမှာ ၂၀၀၆ ခုနှစ်က နောက်ဆုံးအကြိမ်အဖြစ် တယ်လီကွန်သူဌေးကြီး ၀န်ကြီးချုပ် သက်ဆင်ကို အာဏာသိမ်းခဲ့ပါတယ်။ ထိုင်းစစ်တပ်ဟာ နှစ် ၈၀ အတွင်း ၁၈ ကြိမ် အာဏာသိမ်းခဲ့ဖူးပါတယ်။

DVB Burmese

အပြည့်အစုံသို့ »

ရဲတပ်ဖွဲ့ဝင်များနှင့် ဒေသခံများအကြား ပဋိပက္ခ ဖြစ်ပေါ်ခဲ့ပြီးနောက် ဆည်တည်းရွာသားများက ၀မ်ပေါင်ကုမ္ပဏီမှ တရုတ်ဝန်ထမ်း နှစ်ဦးအား ပြန်လွှတ်ပေး



လက်ပံတောင်းတောင် ကြေးနီစီမံကိန်းရှိ ၀မ်ပေါင်ကုမ္ပဏီမှ တရုတ်နိုင်ငံသား ၀န်ထမ်းနှစ်ဦးအား ဆည်တည်းရွာသားများ ဖမ်းဆီးခဲ့သဖြင့် ရဲတပ်ဖွဲ့နှင့် ဒေသခံများအကြား ပဋိပက္ခများ ဖြစ်ပေါ်ပြီးနောက် မေ ၁၉ ရက် ညနေ ၆ နာရီခန့်တွင် အဆိုပါ ၀န်ထမ်းနှစ်ဦးအား ဒေသခံများမှ ပြန်လည် လွှတ်ပေးခဲ့ကြောင်း သိရသည်။

ထိုသို့ ပြန်လည်လွှတ်ပေးရန်အတွက် ဆည်တည်း-ဇီးတောရွာသစ် ဆက်ဆံရေးရုံးတွင် သက်ဆိုင်ရာ တာဝန်ရှိသူများနှင့် ဒေသခံများသည် မေ ၁၉ ရက် မွန်းလွဲပိုင်း တွင် တွေ့ဆုံဆွေးနွေးမှုများ ပြုလုပ်ခဲ့ပြီး မေ ၁၈ ရက် ညပိုင်းတွင် ဖြစ်ပွားခဲ့သည့် ပဋိပက္ခ နှင့်ပတ်သက်၍ ဒေသခံတောင်သူများအား အရေးမယူရန်နှင့် လယ်ယာမြေများတွင် သံဆူးကြိုးခတ်နေခြင်းအား ရပ်ဆိုင်းပေးရန် စသည့်အချက်များအား တောင်းဆိုကာ တရုတ်နိုင်ငံသား ၀န်ထမ်းနှစ်ဦးအား ပြန်လည်လွှတ် ပေးခဲ့ခြင်းဖြစ်ကြောင်း သိရသည်။

“လက်ပံတောင်းတောင် ဒေသခံတောင် သူ ၃၇ ဦးရဲ့ ယာခင်းတွေကို သံဆူးကြိုးခတ်တာ ဖြေရှင်းပေးဖို့၊ မိုးဦးကျချိန်မှာ လျော်ကြေးမယူထားတဲ့အခင်းက သူတို့ဘက်က ဘာမှအဆောက်အဦတွေ ဆောက်မထားရင် ၀င်ပြီးတော့ထွန်ဖို့၊ နောက်ထပ် သံဆူးကြိုးအသစ် တိုးမခတ်ဖို့ တောင်းဆိုတာကို ယင်းမာပင်ခရိုင် အုပ်ချုပ်ရေးမှူး ဦးဇော်မျိုးညွန့် ကိုယ်တိုင်တာဝန်ခံတာပါ။ တိုင်းရဲမှူးကြီးရှေ့မှာ တရုတ်နှစ်ယောက်ကိုလည်း ခန္ဓာကိုယ်မှာ နှိပ်စက်တာမျိုး မလုပ်ဘူးဆိုတာ အင်္ကျီချွတ်စစ်ဆေးပြီး ပြန်အပ်လိုက်ပါတယ်။ တောင်းဆိုတာတွေမရရင် သတ်ပစ်မယ်ဆို တာလိုမျိုးတွေ မခြိမ်းခြောက်ခဲ့ပါဘူး” ဟု ဆည်တည်းကျေးရွာဟောင်းမှ ဒေသခံတစ်ဦးက ပြောကြားသည်။

အဆိုပါကိစ္စနှင့်ပတ်သက်၍ စစ်ကိုင်းတိုင်းဒေသကြီး အစိုးရအဖွဲ့က မေ ၁၉ ရက်ည နိုင်ငံပိုင်ရုပ်သံ သတင်းမှတစ်ဆင့် ထုတ်ပြန်ခဲ့ရာတွင် ဖမ်းဆီးခံထားရသူနှစ်ဦးအား ပြန်လည်ညှိနှိုင်း ခေါ်ယူရန်အတွက် စစ်ကိုင်းတိုင်းဒေသကြီး ရဲတပ်ဖွဲ့မှူး ဦးစီးသည့် ရဲတပ်ဖွဲ့ဝင်များ၊ ယင်းမာပင်မြို့နယ်နှင့် စလင်းကြီးမြို့နယ် အုပ်ချုပ်ရေးမှူးတို့ ပါဝင်သည့် အဖွဲ့သည် မေ ၁၈ ရက် ည ၁၀ နာရီ ၄၅ မိနစ်ခန့်တွင် အခြေပြုရာ ကျောက်ဖြူ တိုင် ကျေးရွာမှ စတင်ထွက်ခွာလာပြီး ည ၁၁ နာရီခန့်တွင် ဇီးတောကျေးရွာဟောင်း ဘုန်း ကြီး ကျောင်း သို့ရောက်ရှိစဉ် ဆည်တည်း၊ မိုးကြိုးပြင်၊ တုံပြင်ကျေးရွာတို့မှ ဒေသခံတို့ ကဘုန်းကြီးကျောင်းဝင်းအတွင်းမှ ခဲ၊ လောက်လေးခွ၊ မီးတုတ်များဖြင့် ပစ်ပေါက်ခဲ့ ကြသဖြင့် တစ်စုံတစ်ရာ ညှိနှိုင်းနိုင်ခြင်းမရှိဘဲ ကျောက်ဖြူတိုင်ကျေးရွာသို့ ပြန်လည်ဆုတ်ခွာခဲ့ရကြောင်း ထုတ်ပြန်ချက်၌ပါရှိ သည်။

ဆက်လက်ပြီး ၎င်းအဖွဲ့ဝင်များသည် ည ၁၂ နာရီခန့်တွင် ရဲတပ်ဖွဲ့ဝင်များ အခြေပြုစခန်းဖြစ်သည့် ကျောက်ဖြူတိုင်ကျေးရွာ အခြေခံပညာ မူလတန်းလွန်ကျောင်းဝင်းအတွင်း ရောက်ရှိလာပြီး ရဲတပ်ဖွဲ့ဝင်များအား တိုက်ခိုက်ခဲ့သဖြင့် ရဲတပ်ဖွဲ့ဝင်များက အဓိက ရုဏ်းနှိမ်နင်းရာတွင် အသုံးပြုသည့် ရာဘာကျည်ဖြင့် လူစုခွဲရန် ကြိုးစားသော်လည်း မရရှိသည့်အတွက် ဒေသခံများနှင့် ထိပ်တိုက်ရင်ဆိုင်မှုမဖြစ်စေရန် တိမ်းရှောင်ဆုတ်ပေးခဲ့ကြောင်း၊ ထုတ်ပြန်ချက်တွင် ဖော်ပြသည်။

ယင်းကဲ့သို့ ဒေသခံများနှင့် ရဲတပ်ဖွဲ့တို့ အကြား ပဋိပက္ခဖြစ်ပွားခဲ့သဖြင့် ရဲတပ်သားနှစ်ဦး ဒဏ်ရာများရရှိပြီး ဆေးရုံတက်ကုသ နေရကြောင်း၊ ရဲတပ်ဖွဲ့ဝင်များနှင့် ညှိနှိုင်းရေးအဖွဲ့၏ ဆိုင်ကယ်၁၂ စီး၊ မော်တော်ယာဉ်ငါး စီးဖျက်ဆီးခံခဲ့ရကြောင်း ထုတ်ပြန်ခဲ့သည်။

“ရွာထဲကို ရဲတပ်ဖွဲ့က အတင်းဝင်ရောက် လာလို့သာ လက်ခံထားတာ၊ ရွာသူရွာသား တွေအနေနဲ့က သဘောမတွေ့ကြဘူး။ ဆည်တည်းရွာဟောင်းက ခေါ်ထားတဲ့ တရုတ်နှစ် ယောက်ကို ကယ်ထုတ်ဖို့အတွက် ကျွန်တော်တို့ ကျောက်ဖြူတိုင်ကျေးရွာ စာသင်ကျောင်းထဲကို သူတို့လာပြီး ခြေကုပ်ယူပြီးတော့ ဆည်တည်းရွာဟောင်းကို ၀င်ရောက်စီးနင်းဖို့အတွက် ဇီးတောဘုန်းကြီးကျောင်းကို ၀င်စီးတာ ဘာမှမဆိုင်တဲ့ ဘုန်းကြီးကျောင်းကို ၀င်စီးလို့ ကျောက်ဖြူတိုင် ရွာသူရွာသားတွေ သည်းမခံနိုင်ကြတော့လို့ ရွာစာသင်ကျောင်း ထဲမှာအခြေချထားတဲ့ ရဲတွေနဲ့ စပြီးတော့ ပြဿနာတက်ကြတာပါ။ ဇီးတောဘုန်း တော်ကြီးကျောင်းကို ၀င်စီးတော့ သူတို့ ရဲ တပ်ဖွဲ့ကစပြီး သေနတ်တွေ ဖောက်တယ်။ နောက်ပြီး မျက်ရည်ယိုဗုံးတွေနဲ့လည်း ထုတယ်” ဟု ကျောက်ဖြူတိုင်ရွာမှ ဒေသခံများက ဆိုသည်။

အလားတူ မြန်မာဝမ်ပေါင်ကုမ္ပဏီမှ မန်နေဂျင်းဒါရိုက်တာ Mr.Geng Yi သည် မေ ၁၉ ရက် ညနေပိုင်းတွင် ဒေသခံမီဒီယာ များနှင့် တွေ့ဆုံခဲ့ကာ ဒေသခံများ၏ တောင်းဆိုချက်များဖြစ်သည့် လက်ပံတောင်းတောင် စီမံကိန်းရပ်ဆိုင်ရေး၊ ပြီးခဲ့သည့် နှစ်နှစ်တာ ကာလအတွင်းက လက်ပံတောင်းတောင် အနေအထားအတိုင်း ပြန်လည်ပြုလုပ်ပေးရန် အချက်များသည် လုံးဝမဖြစ်နိုင်ကြောင်း၊ စီမံကိန်းအား နိုင်ငံတော်ပိုင်စီမံကိန်းဖြစ်အောင် စာချုပ်ပြင်ဆင်ချုပ်ဆိုပြီးဖြစ်ကြောင်းနှင့် မြေယာလျော်ကြေးများကိုလည်း ထပ်မံတိုးမြှင့်ပေးပြီး ဖြစ်သည့်အတွက် စီမံကိန်းကို ရှေ့ဆက်လုပ်ဆောင်မည် ဖြစ်ကြောင်း ရှင်းလင်းပြောကြားခဲ့သည်။

မေ ၁၈ ရက် ညပိုင်း ပဋိပက္ခများနှင့် ပတ်သက်၍ ဒေသအာဏာပိုင်များက လက် ပံတောင်းတောင် ဒေသခံများဖြစ်သည့် ဦးသိန်းအောင်၊ ဦးစန်းမောင်၊ ဦးခင်ငြိမ်း၊ မ၀င်းထွေး၊ မရီဝင်း၊ မဖြူနှင်းထွေးတို့အား အမှုဖွင့်ထားခဲ့ပြီး တရုတ်နိုင်ငံသား နှစ်ဦးကို ပြန်လည်လွှတ်ပေးခြင်းအတွက် ဒေသခံများက အမှုဖွင့်ထားခြင်းအား ပယ်ဖျက်ပေးရန် တောင်းဆိုခဲ့ကြကြောင်း သိရသည်။

(ဆည်တည်းရွာသားများ ထိန်းသိမ်းထားသည့် ၀မ်ပေါင်ကုမ္ပဏီမှ တရုတ်ဝန်ထမ်းနှစ်ဦးအား မေ ၁၉ ညနေပိုင်းက သက်ဆိုင်ရာတာဝန်ရှိသူများထံ ပြန်လည်အပ်နှံနေစဉ် (ဓာတ်ပုံ-အောင်သူ))

Eleven Media Group

အပြည့်အစုံသို့ »

ယာဉ်မတော်တဆထိခိုက်သေဆုံးမှု အာရှနိုင်ငံများတွင် မြန်မာဒုတိယအများဆုံးဖြစ်


အဂ္ဂမင်း၊ ထိန်လင်းဦး

ရန်ကုန်၊ မေ ၁၆- အရှေ့တောင်အာရှနှင့် အာရှနိုင်ငံများတွင် မြန်မာနိုင်ငံမှာ ယာဉ် မတော်တဆ ထိခိုက်သေဆုံးမှု ဒုတိယအ များဆုံးနိုင်ငံဖြစ်ကြောင်း နေပြည်တော်တွင် ကျင်းပသည့် စာနယ်ဇင်းရှင်းလင်းပွဲတွင် ကျန်းမာရေးဝန်ကြီးဌာန ဒုတိယဝန်ကြီး ဒေါက်တာဒေါ်သိန်းသိန်းဋ္ဌေးက ပြောသည်။

မေ ၁၅ ရက်က နေပြည်တော် ရှိ ရထားပို့ဆောင်ရေးဝန်ကြီးဌာနတွင် ကျင်း ပခဲ့သော ရာဇာမင်း ယာဉ်တိမ်းမှောက်မှု နှင့်ပတ်သက်သည့် သတင်းစာရှင်းလင်းပွဲ ၌ ဆောက်လုပ်ရေးဝန်ကြီးဌာန ဒုတိယဝန် ကြီးဦးစိုးတင့်နှင့် ကျန်းမာရေးဝန်ကြီးဌာန ဒုတိယဝန်ကြီး ဒေါက်တာဒေါ်သိန်းသိန်း ဋ္ဌေးတို့ တက်ရောက်ခဲ့ကြပြီး ယာဉ်တိမ်း မှောက်မှုများနှင့် ပတ်သက်၍ ရရှိထားသော အချက်အလက်များကို သတင်းထုတ်ပြန် ခဲ့ခြင်းဖြစ်ကြောင်း သိရသည်။

ကမ္ဘာ့ကျန်းမာရေးအဖွဲ့၏ လေ့ လာမှုအရ ယာဉ်အန္တရာယ်သေဆုံးမှု မြင့် နေခြင်းကို သိရပြီး ၂ဝ၁၄ ဇန်နဝါရီ ၁ ရက် မှ မေ ၁၂ ရက်အထိ မြန်မာနိုင်ငံတွင် ယာဉ် မတော်တဆမှု ၁၈၆ မှု ဖြစ်ပွားခဲ့ကြောင်း သိရသည်။
၂ဝ၁၃ ခုနှစ်အတွင်း အမြန်လမ်း တွင် စည်းကမ်းမဲ့ယာဉ် ၂ဝ၇၃ စီး အရေး ယူနိုင်ခဲ့ကြောင်း ယာဉ်တိမ်းမှောက်မှုများ တွင် ယာဉ်မောင်းကျွမ်းကျင်မှု အားနည်း ခြင်းကြောင့် ဖြစ်ပွားရခြင်းမှာ ရာခိုင်နှုန်း ၆ဝ ကျော်ရှိသည်ဟုသိရပြီး လမ်းအနေအ ထားနှင့် လမ်းပျက်စီးမှုကြောင့်မှာ တစ်ရာခိုင် နှုန်းသာရှိကြောင်း၊ ကျန်အမှုများမှာ ယာဉ် ကြံ့ခိုင်မှု အားနည်းခြင်းကြောင့်ဟု အဆိုပါ သတင်းစာရှင်းလင်းပွဲမှ သိရသည်။

''အခုလမ်းမကြီးက အမြန်လမ်း လို့ ဆိုလို့မရသေးပါဘူး။ ရှစ်လမ်းသွားလုပ် ဖို့ကတော့ အစီအစဉ်ရှိပေမယ့် ဘယ်တော့ လဲဆိုတာ အတိအကျပြောလို့ မရသေးပါ ဘူး''ဟု ဆောက်လုပ်ရေးဝန်ကြီးဌာန ဒုတိ ယဝန်ကြီးဦးစိုးတင့်က ပြောသည်။

နောက်ဆုံးဖြစ်ပွားခဲ့သည့် ယာဉ် တိုက်မှုတွင် လမ်းပိုင်းပြုပြင်ရန် လိုအပ်မှုအ ပြင် ယာဉ်မောင်းလိုအပ်ချက်၊ လုံခြုံရေးဆိုင် ရာနည်းပညာလိုအပ်ချက်များရှိကြောင်း၊ အဆိုပါ အမြန်လမ်းမကြီးအား ပြုပြင်ရာ တွင် လမ်းသတိပေးစနစ်များ တပ်ဆင်ခြင်း၊ အရေးပေါ် အကူအညီပေးနိုင်ရန် စီစဉ်ထား ရှိခြင်းများအပြင် လိုအပ်ချက်ကို ပညာရှင် များမှ ဝိုင်းဝန်းထောက်ပြသင့်ကြောင်းလည်း လွှတ်တော်ကိုယ်စားလှယ်တစ်ဦးဖြစ်သည့် ဒေါ်ခင်ဝိုင်းကြည်က ပြောသည်။
ရန်ကုန်-မန္တလေး ကွန်ကရိလမ်း မကြီးသည် အမြန်လမ်းဖြစ်စေရန် ၁ဝ ရာ ခိုင်နှုန်းသာ လုပ်ဆောင်နိုင်သေးကြောင်း၊ ရာခိုင်နှုန်း ၉ဝ လိုအပ်ချက်ရှိသေးကြောင်း၊ အမြန်လမ်းပေါ်တွင် ယာဉ်တိမ်းမှောက်မှု များ မကြာခဏဖြစ်ပွားနေသည်ကို ဖြေရှင်း ရန် အမြန်လမ်းဥပဒေသစ်ကို လွှတ်တော် သို့ တင်ပြထားကြောင်း အဆိုပါသတင်းစာ ရှင်းလင်းပွဲမှ သိရသည်။

ရန်ကုန်-မန္တလေး လမ်းအသုံး ပြု ခရီးသွားပြည်သူများအတွက် လုံခြုံစိတ် ချမှုပေးနိုင်ရန် အဝေးပြေးလမ်းမကြီး ဂိတ် ခုနစ်ဂိတ်၌ အရေးပေါ် စီမံခန့်ခွဲမှုကော်မ တီအဖွဲ့ကို ၂ဝ၁၅ မတိုင်မီ အကောင်အ ထည်ဖော် ဆောင်ရွက်သွားမည်ဖြစ်ကြောင်း ရန်ကုန်-မန္တလေး အမြန်လမ်း ပြုပြင်ထိန်း သိမ်းရေးအဖွဲ့မှ သိရသည်။

အဆိုပါကော်မတီ၌မီးသတ်ယာဉ်၊ လူနာတင်ယာဉ်၊ ကရိန်းယာဉ်၊ အုပ်ချုပ်မှု ယာဉ်များဖြင့် ၂၄ နာရီ အသင့်ရှိစေရေး ဖွဲ့ စည်းဆောင်ရွက်သွားမည်ဖြစ်ပြီး လမ်းစခန်း များအလိုက် တယ်လီဖုန်း ၄၉ လုံးကိုလည်း အသစ်ထပ်မံ အင်အားတိုးချဲ့ထားပြီး အမြန် လမ်း ရဲတပ်ဖွဲ့မှလည်း တယ်လီဖုန်းအလုံး ၃ဝ ထားရှိပေးထားမည်ဖြစ်ကာ Hot Line Phone No : 1880 ကိုလည်း ဆက်သွယ် ခေါ်ယူနိုင်မည်ဖြစ်ကြောင်း သိရသည်။
သတ်မှတ်ထားသည့် ဂိတ်ခုနစ် ခုမှာ (၁)အမှတ်-၃လမ်းဆုံ တိုးဂိတ်၊ (၂) ဘောနတ်ကြီး ယာဉ်ရပ်နားစခန်း၊ (၃) မြို့ ချောင်းစခန်း၊ (၄) ဖြူးတိုးဂိတ်၊ (၅) နေပြည် တော်တိုးဂိတ်၊ (၆) မိတ္ထီလာ(သီးကုန်း)တိုး ဂိတ်၊ (၇) စကားအင်းတိုးဂိတ်များဖြစ်ပြီးBlue Ocean Operating Management Co.,Ltd မှ ပါဝင်ကူညီ ဝန်ဆောင်မှုပေး သွားမည်ဖြစ်ကာ ဖုန်းနံပါတ် များမှာ ဝ၉-၂၅ဝ၉ဝ၂ဝဝ၁၃၊ ဝ၉-၂၅ဝ ၉ဝ၂ဝဝ၂၄၊ ဝ၉-၂၅ဝ၉ဝ၂ဝဝ၃၅၊ ဝ၉- ၂၅ဝ၉ဝ၂ဝဝ၄ တို့ကို ဆက်သွယ်နိုင်ကြောင်း သိရသည်။

Yangon Media Group

အပြည့်အစုံသို့ »