စစ်ကိုင်းတိုင်းဒေသကြီးအတွင်း ပုတ်ပွသေဆုံးနေသည့် အလောင်းတစ်လောင်အပါအ၀င် အမည်မသိ လူသေအလောင်းနှစ်လောင်းအား တစ်ရက်တည်းမှာပင် တွေ့ရှိ


သတင်း၊ ကိုတိုးကြီး
မုံရွာ၊ မေ ၃၁
သေမှုသေခင်ဖြစ်စဉ်များ တစ်နေ့တခြားများပြားလာသည့်အမျှ အမည်မသိပုတ်ပွသေဆုံးနေသူ အရေအ တွက်သည်လည်း များပြားလာခဲ့ရာ စစ်ကိုင်းတိုင်းဒေသကြီးအတွင်း၌ မေလ ၃၀ ရက်နေ့ တစ်ရက်တည်းမှာ ပင် ပုတ်ပွသေဆုံးလျက်ရှိသော အမည်မသိ လူသေအလောင်းနှစ်လောင်းအားတွေ့ရှိခဲ့ရသည်ဟု တိုင်းဒေ သကြီး ရဲတပ်ဖွဲ့မှူးရုံးမှ သိရသည်။
အမည်မသိသေဆုံးနေသူများ တွေ့ရှိခဲ့ရာအရပ်မှာ စစ်ကိုင်းမြို့၊ မကျီးစင်ကျေးရွာအနီး၊ စစ်ကိုင်း - မုံရွာ ကားလမ်းမိုင်တိုင်အမှတ်(၁၇/၂)နေရာအနီး မိုးနှံခြုံဘေးနေရာနှင့် ရွှေဘိုခရိုင်၊ ကျွန်းလှမြို့နယ်၊ တပူးတော ကျေးရွာ၏ မြောက်ဘက်(၇)ခန့်အကွာ ဦးသိန်းစိုး ဆိုသူ၏ ယာတဲဟောင်းအနီးနေရာများတွင်ဖြစ်ကြောင်း သိရသည်။
အဆိုပါ အမည်မသိ သေဆုံးနေသူများမှ အသက်(၄၅)အရွယ်နှင့် အသက်(၂၃)နှစ်အရွယ်ရှိ အမျိုးသားများ ဖြစ်ကြောင်း သက်ဆိုင်ရာ ရဲစခန်းများက မှုခင်းဆေးပညာများအရ ခန့်မှန်းထားသည်ဟု သိရသည်။
စစ်ကိုင်းမြို့မရဲစခန်းက အဆိုပါ အမည်မသိ ပုတ်ပွသေဆုံးနေသည့် အလောင်းတစ်လောင်းတွေ့ရှိရမှုနှင့် ပတ်သက်၍ သေမှုသေခင်းအမှတ်စဉ် ၁၂/ ၂၀၁၄ အရ အမှုဖွင့်ထားသကဲသို့ ကျွန်းလှမြို့နယ်၊သဖန်းဆိပ် နယ်မြေရဲစခန်းကလည်း သေမှုသေခင်းအမှတ်စဉ် ၃/၂၀၁၄ အရ အမှုရေးဖွင့်ထားကြောင်း သိရသည်။
စစ်ကိုင်းတိုင်းဒေသကြီးအတွင်း သေမှုသေခင်းဆိုင်ရာ လူသေဆုံးမှုများ၊ ယခုနှစ် ပထမလေးလပတ်အတွင်း များပြားလာလျက်ရှိရာ ဟုမ္မလင်းမြို့နယ် မိုင်းကိုင်းနယ်မြေရဲစခန်းတွင်(၁၉)မှု၊ မုံရွာမြို့မရဲစခန်းတွင်(၁၄)မှု၊ စစ်ကိုင်းမြို့မရဲစခန်းတွင်(၁၂)မှု၊ ထီးချိုင့်မြို့မရဲစခန်းတွင်(၇)မှု၊ ကောလင်းမြို့မရဲစခန်းတွင်(၈)မှု၊ ဗန်း မောက်မြို့နယ်၊ မံစီကြီးနယ်မြေရဲစခန်းတွင်(၁၂)မှု၊ မင်းကင်းမြို့မရဲစခန်းတွင်(၅)မှု၊ ၀န်းသိုမြို့မရဲစခန်းတွင်( ၈)မှု၊ ပင်လယ်ဘူးမြို့မရဲစခန်းတွင်(၈)မှု တန့်ဆည်မြို့မရဲစခန်းတွင်(၂)မှု၊ စသဖြင့် သေမှုသေခင်းဆိုင်ရာ လူသေဆုံးမှုများရရှိခဲ့ကြောင်း တိုင်းဒေသကြီးရဲတပ်ဖွဲ့မှူးရုံးမှ လေ့လာသိရှိခဲ့ရသည်။

ကိုတိုး ချင်းတွင်း

အပြည့်အစုံသို့ »

ရွေးကောက်ပွဲလုပ်ရန် ကြေညာပြီးနောက် ထိုင်းတွင် စစ်တပ်များ ပိုတိုးချထား


ဆန္ဒပြမှုများကို နှိမ်နင်းရန် ထိုင်းနိုင်ငံ ဘန်ကောက်မြို့တွင် စနေနေ့က စစ်သားနှင့် ရဲများကို မြို့ထဲသို့ ပိုမိုတိုး၍ ချထားလိုက်ပြီဖြစ်သည်။

မေလ ၃၀ ရက်က ရုပ်သံမှ မိန့်ခွန်းပြောကြားရာတွင် ဗိုလ်ချုပ်ကြီး ပရာယွတ်က စစ်တပ်အနေဖြင့် ထိုင်းနိုင်ငံ၏ နိုင်ငံရေး ကွဲပြားမှုများကို ရင်ကြားစေ့ရန်နှင့် ပြုပြင်ရေးလုပ်ရန် အချိန်လိုသည်ဟု ပြောဆိုခဲ့သည်။

ဝန်ကြီးချုပ် ယင်လပ်ကို ဖြုတ်ချခဲ့သည့် ပရာယွတ်က ထိုင်းနိုင်ငံကို ပြန်လည်ပြုပြင်မည့် ၎င်း၏ အစီအမံများအတွက် စိတ်ရှည်ကြရန် နိုင်ငံတကာကို တောင်းဆိုလိုက်သည်။

သို့သော်လည်း နိုင်ငံတကာအစိုးရများကမူ ရွေးကောက်ပွဲအမြန်ဆုံးကျင်းပရန် ထိုင်းအစိုးရကို ဖိအားပေးနေကြသည်။

စင်ကာပူနိုင်ငံတွင် ညီလာခံတစ်ခု၌ အမေရိကန်ကာကွယ်ရေးဝန်ကြီး ဟေဂယ်လ်က လွတ်လပ်ပြီး မျှတသော ရွေးကောက်ပွဲများမှတစ်ဆင့် ထိုင်းပြည်သူများအား အာဏာပြန်ပေးပါဟု တိုက်တွန်းခဲ့သည်။

သြစတြေးလျအစိုးရကမူ ထိုင်းစစ်ခေါင်းဆောင်များကို သြစတြေးလျသို့ ခရီးသွားလာခွင့် ပိတ်ပင်ထားလိုက်သည်။

ထိုင်းဗိုလ်ချုပ်ကြီး ပရာယွတ်က ‘‘ကျွန်တော်တို့လည်း ဒီမိုကရေစီကမ္ဘာကြီးမှာ နေတာပါ။ ကျွန်တော်အခုတောင်းဆိုနေတာက ကျွန်တော်တို့ကို ပြုပြင်မှုလုပ်ဖို့ အချိန်ပေးပါဆိုတာပါပဲ’’ဟု ထိုင်းဘုရင်နှင့် မိဘုရားပုံများ ချိတ်ဆွဲထားသည့် နံရံကို နောက်ခံထားသည့် ထိုင်ခံတွင် ထိုင်ပြီး မိန့်ခွန်းပြောကြားသွားသည်။

Ref: REUTERS
7day daily

အပြည့်အစုံသို့ »

လက်ပံတောင်းမှာ တောင်သူတွေကို ရဲ ၅၀၀ လောက် ပိတ်ဆို့


လျော်ကြေးယူမထားတဲ့ မြေယာတွေပေါ်မှာ ဒီကနေ့ ထွန်ယက်ဖို့အသွား ရဲတပ်ဖွဲ့အင်အား ၅၀၀ လောက်ရဲ့ တားဆီးမှုခံခဲ့ရတယ်လို့ လက်ပံတောင်းဒေသခံတွေက ပြောပါတယ်။

လက်ပံတောင်းတောင်ဒေသမှာ မြေယာလျော်ကြေးယူမထားတဲ့ ဆည်တဲနဲ့ မိုးကြိုးပြင်ရွာက တောင်သူ ၃၇ ဦးပိုင်မြေ ၂၅၀ ဧကကို ၀မ်ပေါင်ကုမ္ပဏီက သံဆူးကြိုးခတ်ထားတာ ဖြစ်ပါတယ်။ ဒီမြေတွေကိစ္စကို အာဏာပိုင်တွေက ညှိနှိုင်းပေးမယ်လို့ ကတိပေးထားပေမယ့် ဆောင်ရွက်ပေးခြင်းမရှိဘူးလို့ ဒေသခံတွေက ပြောပါတယ်။

ခြံစည်းရိုးခတ်ထားတဲ့ မြေတွေပေါ်မှာ ထွန်ယက်ခွင့်အတွက် မေလ ၂၇ ရက်နေ့က အာဏာပိုင်တွေထံစာပို့ခဲ့ပြီး ဒေသခံ၃၀ကျော် မနေ့ကနဲ့ ဒီကနေ့ သွားရောက်ခဲ့ပါတယ်။  ဒီကနေ့မနက်က ကြုံတွေ့ရတဲ့ အခြေအနေနဲ့ပတ်သက်ပြီး ဆည်တဲရွာသူ မရီရီဝင်းက ခုလိုပြောပါတယ်။

“ဒီနေ့ကျတော့လည်း ကျမတို့ကလာမယ်လို့ သူတို့ကို ပြောထားခဲ့တဲ့အခါကျတော့ သူတို့ဘက်က အကြံအစည်တွေနဲ့ လာပြီးတော့  ကျမတို့ဒေသခံတွေက အရမ်းဝင်လိုက်လို့ရှိရင် သူတို့ကလက်နက်အားကိုးနဲ့ ကျမတို့ကိုပစ်မှာ ခြိမ်းခြောက်မှာပဲ၊ အခုလည်း သေနတ်ကြီးတွေနဲ့ ထောင်ထားတယ်၊ ရဲကားတွေက အများကြီးပဲ၊ မီးသတ်ကားတွေရော”

ခုလိုရဲတပ်ဖွဲ့နဲ့ တားဆီးတာဟာ မဖြစ်သင့်တာမဖြစ်ရအောင် ဆောင်ရွက်ရခြင်းဖြစ်တယ်လို့ ယင်းမာပင် မြို့နယ်အုပ်ချုပ်ရေးမှူး ဦးဇော်မျိုးညွန့်က ပြောပါတယ်။ ဒေသခံတွေကတော့ ဒီကိစ္စကို တနင်္လာနေ့မှာ ဆက်ဆံရေးရုံးမှာ ဆွေးနွေးရှင်းလင်းဖို့ရှိတယ်လို့ RFA ကိုပြောပါတယ်။

ဒီအကြောင်းနဲ့ ပတ်သက်ပြီး RFA ၀ိုင်းတော်သား ဦးတင်အောင်ခိုင်ရဲ့ ဆက်သွယ်မေးမြန်းချက်တင်ပြချက်ကို နားဆင်နိုင်ပါတယ်။

နားဆင်ရန်

rfa burmese

အပြည့်အစုံသို့ »

ပြောမရဆိုမရတဲ့ ရုပ်ရှင်လောက စောလူးမင်း လိုသာ သေရစ်ခဲ့ပေတော့၊ ကျွန်တော်ကတော့ ကိုယ့်လမ်းကိုယ် သွားမှာပဲလို့ဆိုလာတဲ့ ဇာဂနာ


ခင်ဆွေသက်

မြန်မာနိုင်ငံ လူငယ်များအစည်းအရုံးက ကြီးမှူးကျင်းပတဲ့ ရုပ်ရှင်ပွဲတော်နဲ့ပတ်သတ်ပြီး ဇာဂနာရဲ့ အမြင်ကို မေးမြန်ဖြစ်တဲ့အခါ “ဒါကတော့ မြန်မာနိုင်ငံ လူငယ်များ အစည်းအရုံးက ကြီးမှူးကျင်းပတဲ့ ရုပ်ရှင်ပွဲတော်အတွက် ပထမဆုံးအတွေ့အကြုံက နည်းနည်းများမှားယွင်းမှာ စိုးတဲ့တွက် ကျွန်တော့်ကို အကူအညီတောင်းတယ်။ အဲဒီအတွက်ဝင်ပြီး ကူညီပေးမဲ့ သဘောပါ။ အဲဒီကနေ ဒိုင်လူကြီးပါ လုပ်ပေးပါဆိုတော့ ဆက်ပြီး ပါသွားတာပေါ့။ ရုပ်ရှင်ပွဲတော်ကတော့ ဘယ်သူလုပ်လုပ် ကြိုက်တဲ့သူလုပ် ကျွန်တော်ကတော့ ပါတယ်။ အမြဲတမ်းပေါ့။ ဘာကြောင့်လဲဆိုတော့ ရုပ်ရှင်ပွဲတော်မှ မရှိတာကိုး ။ နိုင်ငံခြားမှာဆို ဒေါ်ဆွေဇင်ထိုက်ပြောသွားသလိုပဲ။ ၃၆၅ ရက်ဆို ၃၆၅ ပွဲရှိတယ်။ မြန်မာနိုင်ငံမှာ ခုမှအားလုံးပေါင်းရင် ၃ ပွဲပဲရှိသေးတယ်။ ပြောရရင် နည်းသေးတယ်။ လူငယ်တွေက ကျွန်တော်တို့နိုင်ငံမှာဆို နည်းတဲ့အင်အားမှ မဟုတ်တာ။ လောလောဆယ် ဘယ်လိုပဲဖြစ်ဖြစ် လူငယ်ဟာ သန်း ၃၀ထက် မနည်းဘူး။ အဲဒီလောက် လူငယ်အင်အားစုများနေတဲ့ ဒီတိုင်းပြည်ကြီးမှာ လူငယ်တွေရဲ့လမ်းတွေကို လူငယ်တွေက သူတို့ဟာသူတို့ရှာတဲ့ လမ်းတွေ ရှိစေချင်ပြီ။ အဲဒီတော့ လူငယ်တွေဟာ ပွင့်လင်းတယ်။ လူငယ်ဆို တာ ရဲရင့်တယ်။ လူငယ်ဆိုတာ ရိုးသားတယ်။ သူတို့မြင်တဲ့ အမြင်တိုင်း ဖော်ထုတ်လိုက်တဲ့အခါမှာ တချို့ကျွန်တော်တို့ မသိတာတွေ လူငယ်တွေ သိနေတာမျိုးတွေရှိတယ်။ လူငယ်တွေနဲ့ ပတ်သတ်လာရင် စကားလှတာလေးတွေ ရှိတယ်။ ကျွန်တော်တို့က လူငယ်တွေကို အလေးပေးပါတယ်။ အရေးထားပါတယ်။ ဆိုပြီး လူငယ်တွေနဲ့ ပတ်သတ်တာတွေ ပျောက်နေတယ်။ အဲဒီတော့ လူငယ်ဆိုတာ ဘယ်လောက်အရေးကြီတယ်ဆိုတာကို ပြချင်လို့ကျွန်တော်တို့က ၀ိုင်းဝန်းပံ့ပိုးကြတဲ့ သဘောပါ။ တစ်ခုရှိတာက ဒီလိုမျိုး လုပ်လိုက်ခြင်းအားဖြင့် လူငယ်တွေရဲ့ ရိုးသားမှုနဲ့ ပွင့်လင်းမှုကို ကျွန်တော်တို့မြင်လာရမယ်။ သေချာပါတာတစ်ခုက ဒီပွဲတော်ကြီးပြီးသွားတဲ့အခါကျရင် လူငယ်တွေရဲ့ အသံတွေကို ကျွန်တော်တို့ ပိုပြီးကြားလာရပါမယ်။”လို့ သူက ပြောပါတယ်။

အရင်က ကျွန်တော်လုပ်ခဲ့တဲ့ ရုပ်ရှင်ပွဲတော်အကြောင်းကိုလည်း သူက“အနုပညာဆိုတာ လွတ်လွတ်လပ်လပ်ဖန်တီးလို့ ရတယ်ဆိုတာ သိစေချင်လို့ လုပ်ခဲ့တာပါ။ အခုက ဒီလူငယ်လေးတွေ လုပ်တာကို ကျွန်တော်က ၀င်ကူညီတာပါ။ တိုင်းပြည်မှာ လူငယ်ကိုမှ အားမကိုးရင်ကျွန်တော်တို့တိုင်းပြည်က မြောင်းထဲရောက်တော့မယ်။ သေချာမှုတစ်ခုက ကျွန်တော်တို့အားကိုးရမှာက လူငယ်တွေပဲ၊ ကျွန်တော်တို့အားကိုးရမဲ့ လူငယ်တွေရဲ့အိုင်ဒီယာတွေကို ဒီနေရာကနေ ဖော်ထုတ်ရမှာပဲ။ အနုပညာလောကကို ဘယ်လိုမြင်မိလဲဆိုတော့ ပရိသတ်တစ်ယောက်အနေနဲ့ပြောရရင်မြန်မာကားတွေ တော်တော်ချာနေတယ်ဆိုတာ လူတိုင်းအသိပဲ၊ ဆရာကြီး ဦးဝင်းဖေက စကားတစ်ခွန်းပြောဖူးတယ်။ အဲဒီစကားက ၂၀၀၀ခုနှစ်လောက်ကတည်းက ပြောတာ။ ဗမာ လူမျိုးတွေ ဒီတိုင်းနေရင် ရုပ်ရှင်ပျောက်တော့မယ်။ Jarmen Types documentary ရိုက်ရလိမ့်မယ်ဆို့ ဆရာကြီးကပြောဖူးတယ်။ ဘယ်သူ့ကမှ ဂရုမစိုက်ခဲ့ကြဘူး။ အဲဒီဟာကို သဘောကျတယ်။ အဲဒီတုန်းက ဆရာကြီးက နိုင်ငံခြားရောက်သွားပြီ။ ဟိုမှာသွားခိုလှုံနေပြီပေါ့။ အဲဒီစကားလေးကို ကျွန်တော်တောင်ကြိုက်လို့ မဂ္ဂဇင်းတစ်စောင်မှာတောင် ရေးဖြစ်သေးတယ်။ ဒါပေမဲ့ခုချိန်ထိ ရုပ်ရှင်နဲ့ ထမင်းရှာစားနေတဲ့ လူတွေ အဲဒီလမ်းကို မနင်းလာသေးဘူး။ ခုလူငယ်တွေက အဲဒီလမ်းကို နင်းလာပြီ။ ဒီနည်းနဲ့ပဲကျွန်တော်တို့ ကမ္ဘာကို သွားလို့ရတယ် ဆိုတာမြင်လာတယ်။ အဲဒီတော့ ရုပ်ရှင်လောကကြီး ဘယ်လိုဖြစ်သွားမလဲဆိုတော့ ကျွန်တော်တို့ပြော လို့လဲ နားထောင်မှာမဟုတ်ဘူး။ အဖက်လဲလုပ်မှာ မဟုတ်တဲ့ အတူတူ ကျွန်တော်တို့လဲမပြောတော့ဘူး။ သူ့ဟာနဲ့သူ စောလူးမင်းလိုပဲ သေရစ်ခဲ့ပေတော့ ။ ကျွန်တော်ကတော့ ကိုယ့်လမ်းကိုသွားမှာပဲ”တဲ့။

Trend Myanmar

အပြည့်အစုံသို့ »

ရွှေလင်ပန်းအိမ်ရာရှိ အခန်းပေါင်း (၇၀၀) ကျော် လာမည့် လတွင် စတင်ရောင်းမည်


ရန်ကုန်

စိုးစည်သူ

လှိုင်သာယာ မြို့နယ် အတွင်းရှိ ရွှေလင်ပန်း တန်ဖိုးမျှတ အိမ်ရာမှ အခန်းပေါင်း (၇၀၀) ကျော်အား ဇွန်လ ဆန်းတွင် ၀ယ်ယူခွင့် လျှောက် လွှာများ ပထမအကြိမ် စတင် ရောင်းချ ပေးမည်ဖြစ်သည်။

အဆိုပါ အိမ်ရာအား လျှောက်ထားရာတွင် ၀င်ငွေနည်းသော နိုင်ငံ့ဝန်ထမ်း၊ အစိုးရ ပင်စင်စား၊ ကုမ္ပဏီ ၀န်ထမ်းနှင့် အမှန်တကယ် အိမ် ပိုင် မရှိသေးသူများ ကိုသာ လျှောက်ထား ခွင့်ပြုမည် ဖြစ်ကြောင်း မြို့ ရွာ နှင့် အိုးအိမ် ဖွံ့ ဖြိုးရေး ဦးစီးဌာနမှ သိရသည်။ ရွှေလင်ပန်း အိမ်ရာကို ရောင်းချ လို့ ပြီးသွားတာနဲ့ ကျန်စစ်သားအိမ်ရာက အခန်းတွေကို ဆက်ပြီး ရောင်းချပေးသွားမှာပါ။အခန်း ဈေးနှုန်းကလည်း ၀င်ငွေနည်းတဲ့ဝန်ထမ်းတွေ လက်လှမ်း မီတဲ့ ဈေးနှုန်းတစ်ခုပါ ဟု မြို့ ရွာ နှင့် အိုးအိမ် ဖွံ့ ဖြိုးရေး ဦးစီးဌာနမှ ညွှန်ကြားရေးမှူး တစ်ဦးက ပြောသည်။

ယင်းအိမ်ရာရှိ ရောင်းချမည့် အခန်းများ၏ ဈေးနှုန်းမှာ Steel Construction  အခန်း မှာ မြေညီထပ်တွင် ကျပ်သိန်း (၁၂၀)၊ ပထမ ထပ် (၁၁၅) သိန်း၊ ဒုတိယထပ် (၁၁၃) သိန်း နှင့် တတိယထပ် (၁၁၀) သိန်းဖြစ်ပြီး၊ RC  အခန်းဈေးနှုန်းမှာ မြေညီထပ် (၁၂၅) သိန်း၊ ပထမ (၁၂၂)သိန်း၊ ဒုတိယ (၁၁၉)သိန်းနှင့် တတိယ ထပ် (၁၁၆) သိန်းတို့ဖြစ်ကြောင်း သိရသည်။

ဒီဈေးနှုန်းက အခြေခံ ၀န်ထမ်းတွေပါ လက်လှမ်းမီနိုင်တဲ့ ဈေးတစ်ခုပါ။ ဒါပေမဲ့ တကယ် လိုအပ်လို့ မဟုတ်ဘဲ စီးပွားရေးလုပ် စားမယ့် သူတွေ ကိုတော့ စိစစ်ပေးသင့်တယ် ဟု Lion Myanmar  ကုမ္ပဏီမှ ၀န်ထမ်း တစ်ဦးဖြစ်သူ မသူဇာက ပြောသည်။

ရွှေလင်ဗန်းအိမ်ရာတွင် အခန်းပေါင်း နှစ်ထောင်ကျော်ရှိကာ၊ ယင်းအခန်းများကို ယခုနှစ်အတွင်း အပြီးသတ် ရောင်းချပေးသွား မည်ဖြစ်သည်။ ရောင်းချရာတွင် အရစ်ကျစနစ်ဖြင့် ရောင်းချ ပေးမည်ဖြစ်၍ ပထမအရစ် ပေးသွင်းပါက တန်ဖိုး၏ (၃၀) ရာခိုင်နှုန်းကို ပေးသွင်းရမည်ဖြစ်ကြောင်း သိရ သည်။

အဆိုပါ အိမ်ရာ စီမံကိန်း (၁) တွင် ခြောက်ခန်းတွဲလေးထပ် (၃၂) လုံး ပါဝင်ပြီး ကြမ်းခင်း ဧရိယာ (၄၆၈) မီတာ ရှိသည့်အပြင် သံဖရိန်များဖြင့် ဆောက်လုပ်ထားကြောင်း သိရသည်။ RC စနစ်ဖြင့် တည်ဆောက်ထား သော အခန်း၏ ကြမ်းခင်း ဧရိယာမှာ ၅၄၀ မီတာ ကျယ်ဝန်းကြောင်း သိရသည်။ ထို့ပြင် လက်ရှိ ဆောက်လုပ်နေသည် ကျန်စစ်သားအိမ်ရာ၊ ဧရာဝဏ်အိမ်ရာနှင့် ရတနာအိမ်ရာ စီမံကိန်းများရှိ အခန်းများကို လည်း မကြာမီ ရောင်းချပေး သွားမည်ဖြစ်ပြီး၊ အဆိုပါ အိမ်ရာတစ်ခုတွင် အခန်းပေါင်း နှစ် ထောင်ကျော် ပါဝင်ကြောင်း မြို့ ရွာနှင့် အိုးအိမ် ဖွံ့ဖြိုးရေး ဦးစီးဌာနမှ သိရသည်။

the messenger

အပြည့်အစုံသို့ »

နတ်မောက်မှာ မြေကွက်ရောင်းစားတဲ့ အုပ်ချုပ်ရေးမှူးကို ဆန္ဒပြ


မကွေးတိုင်းဒေသကြီး၊ နတ်မောက်မြို့ ရန်အောင်မြင်ရပ်ကွက် ဒေသခံတွေက စာသင်ကျောင်းဆောက်ဖို့ဆိုပြီး သတ်မှတ်ထားတဲ့ မြေနေရာတွေထဲက ၂ ဧကလောက်ကို ရပ်ကွက်အုပ်ချုပ်ရေးမှူးက မြေကွက်တွေရိုက် ပြီးပြန်ရောင်းစားနေတာကြောင့် ဒေသခံ ၁၀၀ ကျော်လောက် ဒီနေ့ဆန္ဒပြခဲ့ကြပါတယ်။

အဲဒီမြေနေရာကွက်နေရာကို မရောင်းဖို့ တောင်းဆိုဆန္ဒပြကြသူတွေထဲက နတ်မောက်မြို့ဒေသခံ  ကိုဇော်မင်းထိုက်က ပြောပါတယ်။

“ကျောင်းလျာထာမြေကွက်များကို ကျောင်းကော်မတီဝင်တွေနဲ့ ရပ်မိရပ်ဖများက အကြိမ်ကြိမ် ကန့်ကွက်ခဲ့တာတွေရှိခဲ့တယ်လေ၊ ၂ဝဝ၇ ခုနှစ်နောက်ပိုင်းမှာ ရယကဥက္ကဌ ဦးမြင့်မောင်၊ အတွင်းရေးမှူး မောင်ဝင်းလှိုင်တို့မှ မရယဥက္ကဌ ခွင့်ပြုချက်ဆိုပြီးတော့ ၈၃ ဝိုင်းရိုက်မယ်လို့ ပြောပြီးတော့ အမှန်တကယ်က ဝိုင်းပေါင်း ၂၄၇ ဝိုင်းကို ရောင်းစားပစ်လိုက်လို့ ဒီဆန္ဒထုတ်ဖော်ပွဲကို ပြုလုပ်ရခြင်းဖြစ်တယ်”

၁၉၉၀ ခုနှစ်မှာ ရန်အောင်မြင်ရပ်ကွက် ကျောင်းကော်မတီက ကျောင်းဆောက်ဖို့အတွက် ရပ်ကွက်ထဲမှာ အလှူခံခဲ့တဲ့မြေ ၂ ဧကကျော်နဲ့ စေတနာရှင်တွေက ၁ ဧကကျော် ပါဝင်လှူဒါန်းခဲ့တဲ့အတွက် စုစုပေါင်း ၃ ဧက အကျယ်ရှိပါတယ်။

အဲဒီမြေနေရာမှာ ကျောင်းဆောက်လုပ်ဖို့အတွက်ဆိုပြီး အထက်အာဏာပိုင်အဆင့်ဆင့်ကို ခွင့်ပြုမိန့်တင်ပြထားပေမယ့် အခုအချိန်ထိ ခွင့်ပြုမိန့်ပြန်မကျသေးဘူးလို့လည်း သိရပါတယ်။

rfa burmese

အပြည့်အစုံသို့ »

စစ်ကိုင်းတိုင်းဒေသကြီး၊ မုံရွာခရိုင်၊ ချောင်းဦးမြို့နယ်တွင် မီးလောင်မှု ဖြစ်ပွား


မုံရွာ မေ ၃၁

စစ်ကိုင်းတိုင်းဒေသကြီး၊ မုံရွာခရိုင်၊ချောင်းဦးမြို့နယ်၊ ချောင်းဦးရွာမတွင် မေလ(၃၁)ရက်နေ့ ညနေ(၀၂း၄၅) နာရီတွင် မီးလောင်ကျွမ်းမှုဖြစ်စဉ်တစ်ခု ဖြစ်ပွားခဲ့သည်။ အဆိုပါ မီးလောင်မှုဖြစ်ပွားသည့် နေရာသို့ တိုင်းသကြီးမီးသတ်ဦးစီးဌာနနှင့် မြို့နယ်မီးသတ်တပ်ဖွဲ့ဝင်များမှ မီးသတ်ယာဉ်များဖြင့် သွားရောက်ပြီး မီးငြှိမ်းသတ်မှုကြောင့် ညနေ(၀၃း၄၅)နာရီအချိန်တွင် မီးညွန့်ကျိုးသွားကြောင်း သိရှိရသည်။
ဖြစ်စဉ်မှာ ချောင်းဦးမြို့၊ အနောက်ရပ်ကွက်နေ ဒေါ်ခင်သင်းဦး(ဘ) ဦးပေါစ အသက်(၄၇)နှစ်မှ နေအိမ်တွင် ထမင်းအိုး တည်ရာမှာ မီးစတင် လောင်ကျွမ်းခဲ့ပါသည်။ အဆိုပါ မီးလောင်ကျွမ်းမှုကြောင့် အိမ်ခြေ(၅၇)လုံး၊ စပါးကျီ(၈)လုံးမီးလောင်ဆုံးရှုံးခဲ့ရပြီး အိမ်ထောင်စု(၄၅)စုမှ ကျား(၇၂)ဦး၊ မ(၈၈)ဦး ပေါင်း(၁၆၀)ဦး အိုးမဲ့ အိမ်မဲ့ ဖြစ်ခဲ့ရသည်။

မီးလောင်မှုဖြစ်ပွားရာသို့ စစ်ကိုင်းဒေသကြီးအစိုးရအဖွဲ့ ဝန်ကြီးချုပ် ဦးသာအေးနှင့် တိုင်းဒေသကြီး အစိုးရ အဖွဲ့ဝင် ဝန်ကြီးများ၊ တိုင်းဒေသကြီး၊ ခရိုင်၊ မြို့နယ်မှ တာဝန်ရှိသူများ၊ လူမှုရေးအသင်းအဖွဲ့များ၊ သွားရောက်ပြီး လိုအပ်သည်မှားကို ကူညီဆောင်ရွက်ပေးလျက်ရှိပါသည်။

မီးဘေးသင့်သူများအတွက် ချောင်းဦးမြို့၊ မဟာအောင်မြေသာဇံ ဘုန်းတော်ကြီးကျောင်းတွင် ကယ်ဆယ်ရေး စခန်းဖွင့်လှစ်ကာ တာဝန်ရှိသူများက ကူညီဆောင်ရွက်ပေးလျက်ရှိကြောင်း သတင်း ရရှိပါသည်။

MOI Webportal Myanmar

အပြည့်အစုံသို့ »