လှိုင်သာယာမှ ရိုက်နှက်ခံရမှု ဗိုလ်ကြီးတစ်ဦးပါဝင်ဟု စွပ်စွဲ


လှိုင်သာယာမြို့နယ်တွင် ဇွန် ၅ ရက် ည ၁၀နာရီခွဲခန့်ကဖြစ်ပွားခဲ့သည့် အုပ်စုဖွဲ့ ရိုက်နှက်
မှုတွင် တပ်မတော်မှ ဗိုလ်ကြီးတစ်ဦးပါဝင်နေသည်ဟု အရိုက်ခံရသူများက
 စွပ်စွဲပြောဆိုလိုက်သည်။ဖြစ်စဉ်မှာ အရိုက်ခံရသူ ဦးချစ်ဟန်သည် ၎င်းဦးလေးတော်စပ်သူနေအိမ်မှ ပြန်လာရာ အိမ်ရှေ့လက်ဘက် ရည်ဆိုင်အနီးရပ်တန့်ထားသည့် ကားမှအချက်ပေးသံများ ထွက်ပေါ်နေသည်ကိုသတိထားမိခဲ့သည်ဟု မဇ္ဈိမကို ပြောသည်။

ထို့နောက် ရပ်ကွက်တွင်းနေ ဦးကျော်သိန်းထံသွားရောက် ပြောကြားခဲ့သည်ဟု အရိုက်ခံရသူက ဆိုသည်။
“အဲ့ဒီနေ့က သူလာပြောတော့ ကျွန်တော်က ပိုင်ရှင်ကိုရှာခိုင်းလိုက်တယ်။ မင်္ဂလာဆောင်နဲ့ အသုဘရှိနေ တော့ အဲ့ဒီနေရာက ဧည့်သည်တွေပဲလို့ တွေးမိလို့ သွားမေးဖို့လွှတ်ခဲ့တာပါ”ဟု တိုင်းရင်းသားစည်းလုံး ညီညွတ်ရေးပါတီ အတွင်းရေးမှူး ဦးကျော်သိန်းက ပြောသည်။

ကားပိုင်ရှင် သွားရောက်ရှာဖွေရာ အသုဘအိမ်သို့ ရောက်ရှိချိန် ပိုင်ရှင်ကိုတွေ့ရှိသဖြင့် ကားမှာအော်နေပြီး ကားရွေ့ပေးရန်ပြောရာ ကားပိုင်ရှင်နှင့် လိုက်ပါလာသူတစ်ဦးက အနီးရှိ ထင်းဆိုက်ရန်ထားသော ပျဉ်းက တိုးသား တုတ်များဖြင့် ရိုက်ခဲ့သည်ဟု ဆိုသည်။

“ရိုက်လိုက်တော့ ကျွန်တော်က မေ့သွားတယ်။ ဘာမှမသိတော့ဘူး”ဟု ဦးချစ်ဟန်က ဆိုသည်။ထိုသို့ ရိုက် နေစဉ်အတွင်း လက်ဘက်ရည်ဆိုင် တာဝန်ခံ ဦးအညာသားက ၀န်ရောက်ပြောဆိုရာ ၎င်းကိုပါ ထပ်မံ ထိုးနှက်ခဲ့သည်ဟု ဆိုသည်။

ထိုအချိန်တွင် အရိုက်ခံရသူ ဦးချစ်ဟန်၏ အစ်မတစ်ဝမ်းကွဲရောက်လာပြီး “ကျွန်မကို ထိုးပါတယ်။ ကျွန်မကို ထိုးနေတာကို ကျွန်မသမီးလေးတွေ့တဲ့အခါ အမေ့ကို မလုပ်ပါနဲ့ ပြောတော့ သမီးကိုပါထိုးတယ်။ ပြီးတော့ ငါကဗိုလ်ကြီး၊ အရာရှိတွေကွလို့ ပြောပြီး ကားပေါ်တက်မောင်းပြေးသွားပါတယ်”ဟု အထိုးခံရသူ မမြင့်မြင့် ခိုင်က ပြောသည်။

အရိုက်ခံရသူ ဦးချစ်ဟန်ကို အင်းစိန် ဆေးရုံသို့ တင်ပို့သော်လည်း ရန်ကုန်ဆေးရုံကြီးသို့ ထပ်မံလွှဲပြောင်း ပေးခဲ့သည်ဟု မမြင့်မြင့်ခိုင်ကဆိုသည်။

အရိုက်ခံရသည့် ဒဏ်ကြောင့် ဦးခေါင်းတွင် ၄၂ ချက်ခန့်ချုပ်ထားရပြီး ဆေးရုံမှ ဇွန် ၇ ရက်နံနက်တွင် ပြန် လည်ဆင်းခဲ့သည်။

“အမှုက အခုမှစစ်ဆေးနေတုန်းပဲ ရှိ သေးပါတယ်။ တရားခံက ဘယ်သူဘယ်ဝါဆိုတာ သေချာမသိသေး ပါဘူး”ဟု အမှုစစ်ဆေးနေသည့် ဒု-ရဲအုပ် ဦးစိုးနိုင်က ပြောသည်။

ရိုက်နှက်သွားသူများသည် Aerosoft ဖိနပ်တစ်ရံနှင့် ZTE အမှတ်တံဆိပ် ၀၉၄၉ နှင့်စသည့် ဖုန်းတစ်လုံး ကျန်ရှိခဲ့ပြီး ဖုန်းမှတ်တမ်းများအရ ဖုန်းပိုင်ရှင်မှာ မောင်မောင်ကျော် ဖြစ်သည်။

ကျော်စွာဝင်း
Mizzima Burmese


အပြည့်အစုံသို့ »

ကားအသုံးပြုမှု ဆန့်ကျင်သူ ထောင်ပေါင်းများစွာ အ၀တ်ဗလာဖြင့် စက်ဘီးစီးဆန္ဒပြ

၂၀၁၄ ဇွန်လ ၇ ရက်တွင် ကျရောက်သော ၁၁ နှစ်မြောက် ကမ္ဘာ့အ၀တ်ဗလာစက်ဘီးစီးနေ့အတွက် ပေါ့လန်းမြို့လမ်းမများတွင် လှည့်လည်၍ ပြင်ဆင်နေသော စက်ဘီးစီးသူများ (REUTERS/Steve Dipaola)




ပေါ့လန်း- မော်တော်ကားဖြင့် မောင်းနှင်သွားလာခြင်းအစား စက်ဘီးစီးသူပိုများလာစေရန် ဆန္ဒပြသည့် (၁၁) နှစ်မြောက် ကမ္ဘာ့အ၀တ်ဗလာဖြင့် စက်ဘီးစီးနေ့တွင် အမေရိကန်နိုင်ငံ အော်ရီဂွန်ပြည်နယ် ပေါ့လန်းမြို့၏ လမ်းမများတွင် အ၀တ်ဗလာဖြင့် လူထောင်ပေါင်းများစွာသည် စက်ဘီးများ စီး၍ ဆန္ဒပြခဲ့ကြသည်။၎င်းတို့သည် စက်ဘီးတာယာများတွင် တပ်ထားသော မီးများဖွင့်၍ ခေါင်းလောင်းများတီးကာ ဆန္ဒပြခဲ့ကြပြီး ပရိသတ်များက သြဘာပေးခဲ့သည်။

အလားတူ ဆန္ဒပြပွဲများကို အမေရိကန်နိုင်ငံရှိ မြို့ပေါင်း ၇၅ မြို့နှင့် အခြားနိုင်ငံပေါင်း ၂၀ တို့တွင် ပြုလုပ်ခဲ့သော်လည်း ပေါ့လန်းမြို့တွင် ယမန်နှစ်က ဆန္ဒပြသူ ၈၀၀၀ ခန့်ရှိပြီး အင်အားအများဆုံး ဖြစ်သည်ဟု သိရသည်။

သို့သော် အခြားမြို့များတွင်ကဲ့သို့မဟုတ်ဘဲ ပေါ့လန်းမြို့ စက်ဘီးစီးချီတက်မှုမှာ ဒေသဆိုင်ရာ ရဲတပ်ဖွဲ့နှင့်ပူးပေါင်းဆောင်ရွက်ခြင်းဖြစ်ပြီး ဆန္ဒပြပွဲတစ်ခုအဖြစ် အများက မှတ်ယူကြသည်။

ယခု ဆန္ဒပြပွဲမှာ စက်ဘီးစီးသူများ၏ ထိခိုက်လွယ်မှုကို ပြသခြင်းဖြစ်သည်ဟု ဆန္ဒပြသူများက ပြောသည်။

‘‘ဘေးပတ်ဝန်းကျင်က လူနည်းနည်းလောက် ကျွန်တော်တို့ဆီ တိုင်ထားပါတယ်။ ဒါပေမဲ့ အားလုံးခြုံကြည့်ရင် စိုးရိမ်စရာ ကိစ္စ များများစားစား မရှိပါဘူး’’ ဟု ရဲတပ်ဖွဲ့ပြောရေးဆိုခွင့်ရှိသူ ပီတာဆင်ဆွမ်က ယင်းစက်ဘီးစီးဆန္ဒပြပွဲ မတိုင်မီ ပြောကြားပြီး မိမိအနေဖြင့် အကောင်းဆုံး အကြံပေးလိုသည်မှာ အ၀တ်ဗလာဖြင့် စက်ဘီးစီးဆန္ဒပြသူများကို မမြင်တွေ့လိုသူများအနေဖြင့် အိမ်အပြင်မထွက်ကြရန်ပင်ဖြစ်သည်ဟု ၎င်းက ထပ်လောင်းပြောကြားသည်။

—Ref: Reuters
7day daily

အပြည့်အစုံသို့ »

အချစ်သစ်တွေ့နေသည့် Mr Bean

အချစ်သစ်တွေ့နေသည့် Mr Bean  

Mr Beanအဖြစ် ကမ္ဘာ့ရုပ်ရှင်ပရိသတ် အသိများသည့် ရိုဝမ်အတ်ကင်ဆန်တစ်ယောက် အချစ်သစ် တွေ့နေပြီဟု သတင်းများက ဖော်ပြခဲ့သည်။ အသက်(၅၉)နှစ်ရှိ ရိုဝမ်သည် ဇနီးဖြစ်သူ ဆူနက်ထရာ ဆက်စ်ထရီနှင့် လမ်းခွဲရန် ပြင်ဆင်နေပြီး ထိုအတောအတွင်း ၎င်းထက်များစွာ အသက်ငယ်သည့် အမျိုးသမီး တစ်ဦးနှင့် ဆက်ဆံရေး တိုးတက်လာနေကြောင်း သိရသည်။ ရိုဝမ်သည် (၁၉၉၀)ပြည့်နှစ်က လက်ထပ်ခဲ့ပြီး ကလေး(၂)ဦး ရထားသည့် ဆူနက်ထရာနှင့် ကွာရှင်းရန် ယခုနှစ်အတွင်း တရားရုံး၌ လျှောက်ထားခဲ့ပြီး ဖြစ်သည်။ ၎င်းသည် ပြီးခဲ့သည့် သီတင်းပတ်ကမူ သရုပ်ဆောင် တစ်ဦးပင်ဖြစ်သော လူဝီဖို့ဒ်နှင့် အကျွမ်းတဝင် ရှိနေသည်ကို တွေ့မြင်ခဲ့ရသည်။

အသက်(၃၁)နှစ်ရှိ လူဝီသည် ရိုဝမ်နှင့်အတူ ဝက်စ်ကောင်တီတွင် အေးအေးလူလူ အနားယူရင်း အရက်သောက်နေခဲ့သည်ကို ဗြိတိသျှ မီဒီယာများက ဓာတ်ပုံရိုက်ယူနိုင်ခဲ့သည်။ လူဝီနှင့် ရိုဝမ်တို့သည် ပြီးခဲ့သည့်နှစ်က Quartermaine’s Terms ပြဇာတ်တွင် အတူတွဲဖက် သရုပ်ဆောင်ရင်း စတင်ရင်းနှီး ကျွမ်းဝင်လာခဲ့သည်။ ရိုဝမ်သည် ဗြိတိန်တွင် အချမ်းသာဆုံး စာရင်းဝင် သရုပ်ဆောင် တစ်ဦးဖြစ်ပြီး စတာလင်ပေါင် သန်း(၇၀)မျှ ကြွယ်ဝသူ ဖြစ်သည်။ လူဝီနှင့် ရိုဝမ်တို့သည် ယင်းမတိုင်မီက ဘရမ်စတေပယ်လ်ရှိ ကဖေးတစ်ခုသို့ စုံတွဲလည်ပတ်ခဲ့သေးကြောင်းလည်း သိရှိရသည်။

Planet Myanmar Network

အပြည့်အစုံသို့ »

ကေအင်န်ယူ ပြောစကား ဒီမိုကရေစီအရေး ကျောခိုင်းသလို ဖြစ်သွားလား


စည်သူအောင်မြင့်

ပြီးခဲ့တဲ့ ဇွန်လ ၄ ရက်က ကေအင်န်ယူ ကရင်အမျိုးသား အစည်းအရုံးခေါင်းဆောင်တွေ နေပြည်တော်သွားပြီး သမ္မတဦးသိန်းစိန်ကို တွေ့ဆုံပါတယ်။ အဲလို တွေ့ဆုံတဲ့အခါ သူတို့အနေနဲ့ ဦးသိန်းစိန်ကို နောက်ထပ် ဒုတိယအကြိမ် သမ္မတသက်တမ်းဆက်ပြီး ဦးဆောင်စေချင်တယ်ဆိုပြီး ပြောခဲ့တယ်လို့ သတင်းဌာနတွေကို ထုတ်ပြန်ပါတယ်။ ဒီပြောစကား အလျင်အမြန်ပျံ့နှံ့ သွားပြီး ဝေဖန်မှုတွေလည်း အဆက်မပြတ် ထွက်ပေါ်လာပါတယ်။ ဒီစကားဘယ်လိုအဓိပ္ပာယ် သက်ရောက်မှုရှိစေပါသလဲ၊ ဒီလိုပြောလိုက်လို့ တိုင်းရင်းသား လက်နက်ကိုင်အဖွဲ့တွေ၊ တိုင်းရင်းသားပါတီတွေ ဘယ်လိုသဘောထားကြမလဲ၊ ဗမာအပါအ၀င် ပြည်သူတွေကရော ဘယ်လိုမြင်ကြမလဲ၊ ဒါကိုဘယ်သူက တာဝန်ယူမလဲဆိုတာ ဒီကနေ့ဆွေးနွေးတင်ပြသွားပါ့မယ်။

သမ္မတ ဦးသိန်းစိန်ကို သွားတွေ့တဲ့ ကေအင်န်ယူခေါင်းဆောင်အဖွဲ့ထဲမှာ ဥက္ကဋ္ဌ စောမူတူးစေးဖိုး၊ စောရော်ဂျာခင်၊ စစ်ဦးစီးချုပ် ဗိုလ်ချုပ်ကြီး စောဂျော်နီ၊ ဖဒိုမန်းငြိမ်းမောင်နဲ့ ဥက္ကဋ္ဌရဲ့ နိုင်ငံရေး၊ စစ်ရေးအကြံပေး စောတူးတူးလေးတို့ ပါဝင်ပါတယ်။ တွေ့ဆုံပွဲနဲ့ပတ်သက်ပြီး သတင်းမီဒီယာတွေကို ထုတ်ပြန်ပြောဆိုသူကတော့ ဖဒိုမန်းငြိမ်းမောင် တစ်ယောက်တည်းပါ။ သူပြောခဲ့တဲ့စကား အပြည့်အစုံကတော့-

“ဒုတိယသက်တမ်း အနေနဲ့လည်း သမ္မတကြီးဆက်ပြီး ဦးဆောင်ပါဦးဆိုပြီးတော့၊ ဘာဖြစ်လို့လဲဆိုရင် ဒီငြိမ်းချမ်းရေးဖြစ်စဉ်က သမ္မတကြီးက ဖော်ဆောင်ခဲ့တာဆိုတော့ ဒီငြိမ်းချမ်းရေးဖြစ်စဉ်ကို သမ္မတကြီးက အသိရှိဆုံး ဖြစ်တယ်။ ဒါကြောင့်မို့လို့ သမ္မတကြီးက ဒုတိယသက်တမ်းမှာ ဆက်ပြီး ဦးဆောင်မယ်ဆိုရင် ငြိမ်းချမ်းရေး မလွဲမသွေ ရရှိမယ်လို့လည်း ကျွန်တော်တို့ ယုံကြည်တဲ့အတွက် ဒုတိယသက်တမ်းကို ဆက်ပြီးတော့ တာဝန်ထမ်းဆောင်ဖို့ ဆိုပြီးတော့ ကျွန်တော်တို့အကြံပြုပါတယ်” ဆိုပြီး ဖြစ်ပါတယ်။

ဆွေးနွေးပွဲတက်ရောက်ခဲ့တဲ့ အစိုးရဘက် တာဝန်ရှိသူတွေကို မေးမြန်းကြည့်တော့ သမ္မတကို အဲလိုပြောဆိုလိုက်သူဟာ ဖဒိုမန်းငြိမ်းမောင် ကိုယ်တိုင်ပဲလို့ သိရပါတယ်။ ဆွေးနွေးပွဲမသွားခင် ခေါင်းဆောင်တွေ တိုင်ပင်ပြီးမှ ပြောတာလား၊ ဒါမှမဟုတ် ကိုယ့်တစ်ဦးချင်းသဘောနဲ့ကိုယ် ပြောဆိုခဲ့တာလား မသဲကွဲပေမယ့် မီဒီယာတွေကို ပြောဆိုရာမှာတော့ “ကျွန်တော်တို့” ဆိုပြီး တောက်လျှောက်သုံးစွဲခဲ့တော့ ဒါဟာအဲဒီ ကေအင်န်ယူခေါင်းဆောင် ကိုယ်စားလှယ်အဖွဲ့ရဲ့ သဘောထားအဖြစ် အများက မှတ်ယူလိုက်ကြတာ ဖြစ်ပါတယ်။

ကောင်းပါပြီ။ ကေအင်န်ယူရဲ့ အနှစ် ၆၀ ကျော် လက်နက်ကိုင်တော်လှန်ရေး သမိုင်းကြောင်းကို ပြန်ကောက်ကြည့်ရအောင်ပါ။ စစချင်းတုန်းကတော့ ခေါင်းဆောင်ကြီး စောဘဦးကြီး ချမှတ်ပေးခဲ့တဲ့ မူဝါဒ လေးချက်အတိုင်း ကရင့်အမျိုးသားလွတ်မြောက်ရေး လမ်းစဉ်အတိုင်း သွားခဲ့တာပါ။ တိုင်းရင်းသား တန်းတူအခွင့်အရေး တိုက်ပွဲဝင်တဲ့အဖွဲ့လို့ ပြောရင် ရပါတယ်။ လက်နက်ကိုင် တိုက်ပွဲကာလတစ်လျှောက်လုံး တခြား တိုင်းရင်းသားလက်နက်ကိုင်အဖွဲ့တွေနဲ့ ပူးပေါင်း၊ တပ်ပေါင်းစုဖွဲ့၊ ခေါင်းဆောင်မှုပေးခဲ့တဲ့ ကာလတွေလည်း ရှိခဲ့ပါတယ်။ နောက်ပိုင်းကာလတွေမှာ မြန်မာပြည်မှာ အပြောင်းအလဲဖြစ်ဖို့ရာ တိုင်းရင်းသားအရေး သက်သက်ပဲ လုပ်လို့မရ၊ ဒီမိုကရေစီရေးကိုပါ အားပေးထောက်ခံရမယ်ဆိုတာ နားလည်လက်ခံလာပြီး အဲဒီအတိုင်း အကောင်အထည်ဖော်ခဲ့ပါတယ်။

အာဏာရှင်ဦးနေ၀င်းကို ဆန့်ကျင်ပုန်ကန်ဖို့ ၀န်ကြီးချုပ်ဟောင်း ဦးနု ဦးဆောင်ပြီး ပြည်သူ့ပြည်ချစ်ပါတီနဲ့ လက်နက်ကိုင်တပ်ဖွဲ့တဲ့အခါ ကေအင်န်ယူက အကူအညီပေးခဲ့ပါတယ်။ ထိုင်းနယ်စပ် သူ့နယ်မြေမှာ ပြည်ချစ်တပ်ဖွဲ့တွေကို ခြေကုပ်ယူလှုပ်ရှားခွင့်ပေးခဲ့ပါတယ်။ ၁၉၈၈ မြန်မာနိုင်ငံမှာ ပြည်သူလူထု တစ်ရပ်လုံးရဲ့ ဒီမိုကရေစီ တောင်းဆိုဆန္ဒပြပွဲတွေ ပေါ်ပေါက်ပြီး စစ်တပ်က အကြမ်းဖက် အာဏာသိမ်းနှိပ်ကွပ်တဲ့အခါ ကျောင်းသားတွေ၊ ပြည်သူတွေ အတော်များများနယ်စပ်ကို ထွက်ပြေးခိုလှုံရောက်ရှိသွားကြပါတယ်။ အများစုကတော့ ကေအင်န်ယူ ထိန်းချုပ်နယ်မြေထဲကိုပါ။ ကေအင်န်ယူအဖွဲ့ကြီးရဲ့ အားပေးမှုတွေကြောင့်ပဲ အဲဒီ နယ်မြေထဲမှာ ABSDF လို့ခေါ်တဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးဆိုတာ ပေါ်ပေါက်လာတာ ဖြစ်ပါတယ်။ အဲဒီနယ်မြေတွေထဲကနေပဲ စစ်အစိုးရကို တန်ပြန် တိုက်ခိုက်ကြတာ ဖြစ်ပါတယ်။

၁၉၈၈ နောက်ပိုင်း တိုင်းရင်းသားတွေရော၊ ဒီမိုကရေစီအရေး တိုက်ပွဲဝင်တဲ့ ဗမာအများစု ပါဝင်တဲ့ အဖွဲ့တွေ ပေါင်းစည်းပြီး ကေအင်န်ယူနယ်မြေထဲမှာပဲ DAB လို့ ခေါ်တဲ့ တပ်ပေါင်းစုကို ဖွဲ့စည်းခဲ့ကြပါတယ်။ ပြောရရင် ကေအင်န်ယူဟာ သူ့သမိုင်းမှာ တိုင်းရင်းသားအရေးအတွက်သာမက ဒီမိုကရေစီရေးအတွက်ပါ ထဲထဲဝင်ဝင်ပါဝင် တိုက်ပွဲဝင်ခဲ့တာဖြစ်ပါတယ်။ ဒါကြောင့်လည်း ၁၉၈၈ နောက်ပိုင်း စစ်အစိုးရဟာ အခြားသော လက်နက်ကိုင်အဖွဲ့ ၁၇ ဖွဲ့လောက်နဲ့ အပစ်အခတ် ရပ်စဲလုပ်ခဲ့ပေမယ့် ကေအင်န်ယူကိုတော့ မြန်မာပြည်တော်လှန်ရေးရဲ့ ခေါင်းဆောင်အဖွဲ့အစည်းတစ်ခုအဖြစ် ချေမှုန်းပစ်ဖို့ အသည်းအသန် ကြိုးစားခဲ့တာ ဖြစ်ပါတယ်။ ကြီးမားတဲ့ စစ်ဆင်ရေးနဲ့ တိုက်ခိုက်တာအပြင် စစ်ထောက်လှမ်းရေးတွေက အလွန် စက်ဆုပ်ရွံရှာဖို့ကောင်းတဲ့ နည်းလမ်းတွေနဲ့ ကေအင်န်ယူအဖွဲ့ကြီး အစိတ်စိတ်အမြွှာမြွှာဖြိုကွဲတောင် လုပ်ခဲ့ပါတယ်။ ဒါကြောင့်လည်း ကရင်အချင်းချင်း ရက်ရက်စက်စက် သက်ဖြက်မှုတွေ ပေါ်ပေါက်ခဲပါတယ်။

ခုဆိုရင် ကေအင်န်ယူဟာ နှစ်ပေါင်း ၆၀ ကျော်ကြာ ဖြစ်ပွားခဲ့တဲ့ လက်နက်ကိုင် ပဋိပက္ခ ရပ်ဆိုင်းဖို့ ကြိုးစားနေပါပြီ။ လက်ရှိ အစိုးရ၊ တပ်မတော်နဲ့ အဆင်ပြေရင်းနှီးတဲ့ ဆက်ဆံရေးရှိနေတာကလည်း အလွန်ကောင်းမွန်တဲ့ ကိစ္စပါ။ ဒါပေမဲ့ အခြားတစ်ဖက်မှာတော့ လက်ရှိတိုင်းပြည်ကို မင်းလုပ်အုပ်ချုပ်နေတဲ့ သမ္မတ ဦးသိန်းစိန်၊ လွှတ်တော်ဥက္ကဋ္ဌ သူရဦးရွှေမန်းတို့ဟာ ပြည်သူတွေက ဒီမိုကရေစီနည်းကျ ရွေးကောက်တင်မြှောက်ထားသူတွေ မဟုတ်ဘဲ အရင်စစ်အာဏာရှင်ကြီးက စိတ်တိုင်းကျနေရာချထားပေးခဲ့သူတွေဖြစ်တယ်ဆိုတာ မမေ့ဖို့လိုပါတယ်။ ဒီအတွက် လာမယ့် ၂၀၁၅ ရွေးကောက်ပွဲမှာ ပြည်သူတွေ ရွေးကောက်တင်မြှောက် လိုက်တဲ့အမတ်တွေက ပြည်သူ့ဆန္ဒနဲ့အညီ ရွေးချယ်တဲ့ သမ္မတနဲ့ အစိုးရအဖွဲ့ပေါ်ပေါက်လာဖို့ကြိုးစားနေရပါတယ်။ မြန်မာပြည် ဒီမိုကရေစီအရေးဟာ စတောင်မစရသေးပါဘူး။ ဒီလိုအခြေအနေမှာ ပြည်သူလူထုရဲ့ ဆန္ဒသဘောထားကို လျစ်လျူရှုပြီး စစ်ဘုရင်မင်းဆက်တစ်ယောက်ကို နောက်ထပ်သမ္မတ ဆက်လုပ်ပါဦးလို့ ပြောလိုက်တာဟာ ကေအင်န်ယူအနေနဲ့ ဒီမိုကရေစီအရေးကို ကျောခိုင်းသွားပြီလားဆိုတာ မေးခွန်းထုတ်စရာ ဖြစ်လာပါတယ်။

ဒီအတွက် ဦးသိန်းစိန်ကို အဲလို ပြောခဲ့တာဟာ ဖဒိုမန်းငြိမ်းမောင် တစ်ယောက်တည်းရဲ့ သဘောထားလား၊ ကေအင်န်ယူ ဥက္ကဋ္ဌ အပါအ၀င် ကိုယ်စားလှယ်တစ်စုရဲ့ သဘောထားလား၊ ကေအင်န်ယူအဖွဲ့တစ်ခုလုံးရဲ့ သဘောထားလား၊ ဒါဟာ ကရင်တစ်မျိုးသားလုံးကိုရော ကိုယ်စားပြုပါသလားဆိုတာ ပြန်လည်ဆန်း စစ်သင့်ပါကြောင်း သုံးသပ်တင်ပြလိုက်ရပါတယ်။

Mizzima Burmese

အပြည့်အစုံသို့ »

ဘာသာကူးပြောင်းခြင်း ဥပဒေမူကြမ်းပါပြစ်ဒဏ် တိုးမြှင့်ရန် မဘသ တောင်းဆို


ယုဝေ| အင်္ဂါနေ့၊ ဇွန်လ ၁၀ ရက်၊ ၂၀၁၄ ခုနှစ်

ကိုးကွယ်ရာဘာသာကူးပြောင်းခြင်းဆိုင်ရာ ဥပဒေမူကြမ်းတွင်ပါရှိသည့် ပြစ်ဒဏ်တစ်နှစ် သတ်မှတ်ချက်သည် နည်းလွန်းသည်ဆိုကာ ငါးနှစ်အထိ တိုးမြှင့်ရန်အကြံပြုစာကို (အမျိုးဘာသာသာသနာ) ဥပဒေကြမ်းရေးဆွဲရေး ကော်မရှင်သို့ ဇွန်လ ၉ ရက်တွင် တောင်းဆိုလိုက်သည်ဟု အမျိုးသာဘာ၊ သာသနာစောင့် ရှောက်ရေးအဖွဲ့ (မဘသ) ဗဟို အလုပ်အမှုဆောင် ဓမ္မစက္က ဦးမောင်မောင်က ပြောသည်။

“လိုအပ်ချက်တွေကို ကော်မရှင်ကိုပေးပို့ဖို့ စီစဉ်ခဲ့တာပါ။ ထောင်ဒဏ်သတ် မှတ်ထားတဲ့ကာလက နည်းနေပါတယ်။ အမှုတစ်ခုဖြစ်လာရင် တရားရင်ဆိုင်တဲ့ရက်ကိုတွက်ပြီး လျှော့ရက်နဲ့တင်ပြီးသွားနိုင်ပါတယ်” ဟု ပြောသည်။

ကိုးကွယ်ရာဘာသာကူးပြောင်းခြင်း ဆိုင်ရာဥပဒေမူကြမ်းတွင်ပါရှိသည့် ပြစ်မှု၊ ပြစ်ဒဏ်တွင် ပြစ်မှုထင်ရှား စီရင်ခြင်းခံရပါက တစ်နှစ်ထက်မပိုသောထောင်ဒဏ်ဖြစ်စေ၊ ကျပ်တစ်သိန်းထက်မပိုသော ပြစ်ဒဏ် ဖြစ် စေ၊ ဒဏ်နှစ်ရပ်လုံးကို ဖြစ်စေချမှတ်ရမည်ဟူသောအချက်အစား ငါး နှစ်ထက်မပိုသော ထောင်ဒဏ်ဖြစ် စေ၊ ကျပ်ငါးသိန်းထက်မပိုသော ပြစ်ဒဏ်ဖြစ်စေ၊ ဒဏ်နှစ်ရပ်လုံးဖြစ်စေချမှတ်ရမည် ဟု ပြင်ဆင်သတ်မှတ် သင့်ကြောင်း အကြံပြုထားခြင်းဖြစ်သည်။

မဘသအဖွဲ့ ဥပဒေအကြံပေးနှင့် ဗဟိုအလုပ်အမှုဆောင် ရှေ့နေဦးအေးပိုင်က ဥပဒေမူကြမ်းပါ ပြစ်ဒဏ် သတ်မှတ်ချက်နည်းနေပြီး ထိုပြစ်မှုမျိုးကို ရဲအရေးပိုင်မှုအဖြစ် သတ်မှတ်ပေးရန်နှင့် အားပေးကူညီသူများကို လည်း ပြစ်ဒဏ်ပေးရန်လည်းတောင်းဆိုထားသည်။

မဘသ၏တောင်းဆိုမှု ကိုးကွယ်ရာဘာသာ ကူးပြောင်းခြင်းဆိုင်ရာ ဥပဒေ ပြဋ္ဌာန်းရန် ကြိုးပမ်းနေမှုများ သည် လူ့အခွင့်ရေးရှုထောင့်မှကြည့်ပါက မလိုအပ်သည့် ဥပဒေတစ်ခုဟု လူ့အခွင့်အရေး လေ့လာသူများ က ထောက်ပြမှုများရှိသည်။အလားတူပင် မလိုလားအပ်သည့်အခြားအခြေအနေများလည်းပေါ်ပေါက် လာ နိုင်သည်ဟု လူ့အခွင့်အရေးအဖွဲ့အစည်းတစ်ခုဖြစ်သည့် Equality Myanmar ရိုက်တာဦးအောင်မျိုးမင်း က ဆိုသည်။

“ဘာသာကူးပြောင်းတာတကယ် ဟုတ်၊ မဟုတ်စောင့်ကြည့်ဖို့ လိုအပ်တယ်ဆိုပြီး တခြားနိုင်ငံတွေလို ဘာ သာရေး ရဲတွေပေါ်လာမှာစိုးရိမ်တယ်” ဟု ပြောသည်။

မဘသအဖွဲ့မှ အထက်ပါ ပြစ်ဒဏ်အပြင် ဥပဒေမူကြမ်းပါ အခန်း(၂)ပါ ကိုးကွယ်ရာ ဘာသာကူးပြောင်း လို သူသည် အသက် ၁၈ နှစ်ပြည့်ပြီးသူဖြစ်ရမည် ဆိုသောအချက်အစား အသက်(၂၀)ပြည့်ပြီးသူ(သို့မဟုတ်) မိဘသဘောတူညီချက်ပါဝင်ရမည်ဟု အကြံပြုထားသည်။သာသာရေးကူးပြောင်းမှုဆိုင်ရာများတွင် ကျေးရွာ အုပ်ချုပ်ရေးမှူး၊ ရပ်ကွက်အုပ်ချုပ်ရေးမှူးများ ပါဝင်ဆောင်ရွက်ရန်၊ ဘာသာကူးပြောင်းနိုင်သည့်နေရာ သတ် မှတ်ပေးရန်၊ ဥပဒေဆိုင်ရာ အသုံးအနှုန်းများ ပြုပြင်ပေးရန်ကိုလည်း တောင်းဆိုထားသည်ဟု ရှေ့နေ ဦးအေးပိုင်ကဆိုသည်။

ကိုးကွယ်ရာ ဘာသာကူးပြောင်းခြင်းဆိုင်ရာဥပဒေ(မူကြမ်း)ကို အများပြည်သူ အကြံပြုနိုင်ရန်ဟုဆိုကာ မေ ၂၇ ရက် နိုင်ငံပိုင်သတင်းစာများတွင်ဖော်ပြခဲ့ပြီး ထိုအကြံပြုချက်များကိုလည်း ဥပဒေကြမ်း ရေးဆွဲရေးကော် မရှင်သို့ ပေးပို့နိုင်သည် ဟုဆိုထားသည်။

မဘသ အဖွဲ့အနေဖြင့် အရပ်ဘက်အဖွဲ့အစည်းများအနေဖြင့်လည်း မျိုးစောင့်ဥပဒေအပေါ် လေ့လာသုံး သပ်သင့်ကြောင့် တိုက်တွန်းပြောကြားခဲ့ဖူးသည်။

သမ္မတ ဦးသိန်းစိန်သည် မတ်လ ၇ ရက်က မျိုးစောင့်ဥပဒေရေးဆွဲပြီး လွှတ်တော်ကိုတင်ပြနိုင်ရန် မျိုးစောင့် ဥပဒေ ရေးဆွဲရေးကော်မရှင်ကို အဖွဲ့ဝင် ၁၂ ဦး ဖြင့် ဖွဲ့စည်းခဲ့ခြင်းဖြစ်သည်။

Mizzima Burmese

အပြည့်အစုံသို့ »

ပြင်ဦးလွင်မြို့ရှိ တောင်ပေါ် မြေကွက်များ တစ်ဧကသိန်း ၆၀၀ ပေါက်ဈေး ရှိနေဟုဆို


မျိုးသန့်| အင်္ဂါနေ့၊ ဇွန်လ ၁၀ ရက်၊ ၂၀၁၄ ခုနှစ်

ပြင်ဦးလွင်မြို့ရှိ တောင်ပေါ်မြေကွက်များကို ငွေကြေးချမ်းသာသူများနှင့် ရာထူးကြီးသူများက ၀ယ်ယူလာသောကြောင့် တစ်ဧက ငွေကျပ်သိန်း ၆၀၀ အထိ ဈေးနှုန်းရှိလာကြောင်း အိမ်ခြံမြေပွဲစားဖြစ်သူ ဦးသိန်းထိုက်က မဇ္ဈိမကို ပြောသည်။

“ရန်ကုန်က ရာထူးကြီးပိုင်းတွေကလာရောက်ပြီး ၀ယ်ယူတာများတယ်။ ဘန်ဂလိုဆောက်ပြီး ရှုခင်းတွေ ကြည့်ဖို့အတွက် ၀ယ်တာဖြစ်တယ်လို့ပြောပါတယ်။ ဈေးနှုန်းအနေနဲ့ကလည်း တစ်ဧကကို သိန်း ၃၀၀ ကနေ သိန်းခြောက်ရာဝန်းကျင်အထိရှိတယ်”ဟု ၎င်းက ပြောသည်။

နောင်လုံးထုံးဘို၊ ရေသရောက်ကုန်း၊ ကုန်းဘောဝန်းကျင်တွင်အများဆုံး ၀ယ်ယူရန်မေးမြန်းမှုများရှိပြီး သစ် တောပိုင် မြေများကိုဦးစီးဌာနက ရောင်းချလျက်ရှိသည်။

“သစ်တောပိုင်မြေတွေကို သစ်တောကနေပြန်လည်ရောင်းချတာဖြစ်ပါတယ်။ ၀ယ်တဲ့သူကလည်း ရာထူး ကြီးတဲ့သူတွေ ၀ယ်ပါတယ်။ အနည်းဆုံးညွှန်ချုပ်အဆင့်ရှိသူတွေ ဖြစ်ပါတယ်” ဟု ဦးသိန်းထိုက်က ပြော သည်။

နောင်လုံးထုံးဘိုဝန်းကျင်ရှိ တောင်ကုန်းများပေါ်တွင် တစ်ဧကလျှင် ကျပ်သိန်း ၃၀၀ ခန့်၊ ကုန်းပေါ်တွင် သိန်း ၃၀၀ ကျော်နှင့် ရေသရောက်ကုန်းဘက်တွင် ပေ ၆၀ ထ ၈၀ တစ်ကွက်လျှင် ကျပ်သိန်း ၆၀၀ နှင့်အထက် ဈေးနှုန်းရှိပြီး ၀ယ်ယူမေးမြန်းသည့်အရေအတွက်များပြားသည်ဟု ဆိုသည်။

တောင်ပေါ်ရှိမြေကွက်များအပြင် ပြင်ဦးလွင်မြို့တွင်း လမ်းမကြီးဘေးရှိနေရာများမှာ ပေ ၄၀ ထ ၆၀ တစ် ကွက်လျှင် ကျပ်သိန်းသောင်းဂဏန်းအထိ မြင့်တက်နေပြီး၊ မန္တလေး-လာရှိုးလမ်းဘေးရှိ မြေကွက်များမှာ ကျပ်သိန်းပေါင်းနှစ်သောင်းမှ သုံးသောင်းအထိ ဈေးနှုန်းရှိနေသည်။

ယခုကဲ့သို့ မြေဈေးနှုန်းမြင့်တက်လာခြင်းနှင့်အတူ ပြင်ဦးလွင်မြို့နယ်အတွင်း လယ်ယာမြေပြဿနာများလည်း ဆက်တိုက်ဖြစ်ပေါ်နေကြောင်း ထို့ပြင် ပဋိပက္ခများ၊ အုပ်စုဖွဲ့ပြဿနာများပါ နောက်ဆက်တွဲဖြစ်ပေါ်လာပြီး မြေဈေးနှုန်းထိန်းညှိပေးရန်နှင့် မြေယာကိစ္စကို ဖြေရှင်းပေးသည့်အဖွဲ့အစည်း ကောင်းတစ်ခုလိုအပ် လျက် ရှိကြောင်း ပြင်ဦးလွင်မြို့နယ် ဒေသခံများက ပြောသည်။

“မြေယာဈေးနှုန်းတွေက မြင့်မားလာပါတယ်။ ယခင်ပိုင်ဆိုင်ခဲ့တဲ့သူနဲ့ စီမံကိန်းအတွက် သိမ်းဆည်းခံခဲ့ရပြီး လက်ရှိစီမံကိန်းမလုပ်တော့တဲ့နေရာတွေမှာ အကွက်ရိုက်ရောင်းချတာတွေကို ယခင်ပိုင်ဆိုင်တဲ့သူနဲ့ ရောင်း စားနေသူကြား ပြဿနာတွေ ဖြစ်ပွားလာပါတယ်” ဟု ပြင်ဦးလွင်မြို့နယ်ရှိ အိမ်ခြံမြေ၀ါရင့်ပွဲစားတစ်ဦးဖြစ်သူ ကိုမျိုးသူက ပြောသည်။ သစ်တောမြေများကို ရောင်းချခြင်းတွင် သစ်တောဦးစီးဌာနက အဆိုပါမြေများကို ပလပ်မြေဟုသတ်မှတ်ထားကာ မြေကိုဝယ်ယူလိုသည့်သူများက ပြည်ထဲရေးဝန်ကြီးဌာနထံသို့ လျှောက် ထားလျှင် တခြားသုံးစွဲခွင့်များအားလုံးကိုရရှိ မည်ဖြစ်သည်ဟု မြန်မာနိုင်ငံရှေ့နေများ ကွန်ရက်အတွင်း ရေးမှူး ဦးသိန်းသန်းဦးက ပြောသည်။

Mizzima Burmese

အပြည့်အစုံသို့ »

တရားဝင်ငြိမ်းချမ်းရေးယူထားသည့် အဖွဲ့မှ ဒု-ဗိုလ်မှူးကြီးအား ရိုက်နှက်ခြင်းကို တိုင်ကြားသော်လည်း အရေးယူမှုမရှိ


မျိုးသန့်| အင်္ဂါနေ့၊ ဇွန်လ ၁၀ ရက်၊ ၂၀၁၄ ခုနှစ်

National Democratic Army(N.D.A) အဖွဲ့မှ ဒု-ဗိုလ်မှူးကြီး စောအယ်ဆေးထူးနှင့် အရာရှိတစ်ဦးအား အမည်မသိအဖွဲ့ အစည်းတစ်ခုက ရိုက်နှက်ဖမ်းဆီးခေါ်ဆောင်မှုကို တိုင်ကြားသော်လည်း သက်ဆိုင်ရာက မည်သည့်အရေးယူခြင်းမျှ လုပ်ဆောင်ချက်မရှိကြောင်း ၎င်းက ဇွန်လ ၈ ရက်က မဇ္ဈိမကို ပြောသည်။

“မူဆယ်မြို့၊ စိန်ကမ္ဘာကားဝင်းထဲက တည်းခိုခန်းရှေ့မှာ သူတို့ကကားထဲက ထွက်ခိုင်းပြီး အရင်ကအဖွဲ့မှာ တပ်ရင်းမှူး အဖြစ်လုပ်ကိုင်ခဲ့တဲ့သူက ဒါဟာသူကား ဖြစ်တယ်။ ပြန်ပေးဖို့အတွက် ၀ိုင်းလုကြပါတယ်။အဲဒီ အတွက်ကျွန်တော်နဲ့ ပါလာတဲ့ တပ်သားက မူဆယ်ရဲစခန်းကို အကြောင်းကြားပေမယ့် ကိုယ့်ကိစ္စကိုယ် ရှင်းဆိုပြီး ပြန်ပြောလွှတ်လိုက်ပါတယ်။ အရေးယူတာ ကူညီတာဘာမှမလုပ်ပေးခဲ့ပါဘူး” ဟု ဒု- ဗိုလ်မှူးကြီး စာအယ်ဆေးထူးက ပြောသည်။

ဖြစ်ပွားခဲ့ပုံမှာ မေလ ၁၉ ရက်၊ နေ့ လယ်နှစ်နာရီခန့်က မူဆယ်မြို့၊ စိန်ကမ္ဘာ ကားဝင်းတည်းခိုခန်းရှေ့၌ ကားအတွင်း စောင့်ဆိုင်းနေစဉ်ယခင် NDA အဖွဲ့မှ တပ်ရင်းမှူးလုပ်ဆောင်ခဲ့ဖူးသူ (လက်ရှိတခြား အဖွဲ့ အစည်းတွင် လုပ်ကိုင်နေသူနှင့် လူဆယ်ဦးပါဝင်သောအမည်မသိ အဖွဲ့တစ်ဖွဲ့က ၎င်းတို့လက်ထက်က ကားဖြစ်သောကြောင့် ပြန်ပေးရန်နှင့် အတူပါလာသောမည့်သည် အဖွဲ့အစည်းမှန်းမသိသူများက ၀ိုင်းဝန်း ရိုက်နှက်ပြီး ကရင်ပြည်နယ်သို့ သတ်ရန်ခေါ်ဆောင်သွားခဲ့သည်ဟု ဆိုသည်။

ထို့သို့ ရိုက်နှက်ခြင်းအပြင် မူဆယ်မှ စစ်ကိုင်းအထိ ကားပေါ်တွင်ကြိုးဖြင့်တုတ် နှောင်ကာ ဖမ်းဆီးခေါ်ယူ ခဲ့ပြီး ဖမ်းဆီးခဲ့သူများက စစ်ကိုင်းမြို့ရှိ စစ်ဘက်ဆိုင်ရာ နှင့် လုံခြုံရေးအဖွဲ့(စအဖ)ကို ဖုန်းဆက်ပြီး ဖမ်းဆီ ထားကြောင်းကို ပြောကြားခဲ့သည်။

ထို့ပြင် တဲတစ်ခုထဲတွင် တစ်ရက်ခွဲခန့် အစားအစာမကျွေးဘဲထားပြီး စအဖကလာရောက်ခေါ်ယူခဲ့သည် ဟုဆိုသည်။

“ဖမ်းခေါ်သွားပြီး သူတို့ကရင်ပြည် နယ်ခေါ်ပြီးသတ်ပစ်လိုက်လို့လည်း ပြောသံကြားပါတယ်။ လက်ရှိမှာ လည်း ကျွန်တော်တို့အဖွဲ့ရုံးရှိတဲ့ နေရာဝန်းကျင်မှ ကျွန်တော်ကို လိုက်ကြည့်တာနောက်ယောင် ခံလိုက် တာတွေကို လုပ်နေဆဲပါ။ အဲဒီအတွက် သက်ဆိုင်ရာကို ပြောပေမယ် မထူးပါဘူး”ဟု အထက်မြန်မာပြည် တာဝန်ခံအဖြစ် ဆောင်ရွက်နေသည့် ဒု-ဗိုလ်မှူးကြီး စောအယ်ဆေးထူးကပြောသည်။

ထို့သို့ ဖြစ်ပွားပြီးနောက် ရိုက်နှက်ခဲ့သူကို စစ်ကိုင်းမြို့၌ မည်သည့် အရေးယူမှုမှမရှိကြောင်း၊ မိမိတို့က နိုင် ငံတော်နှင့် တရားဝင်ငြိမ်းချမ်းရေးယူထားသော အဖွဲ့အစည်းဖြစ်သောကြောင့် တရားဥပဒေ ဘောင်အ တွင်းတွင်မရှိသော ယခုကဲ့သို့သော အပြုအမူကို သက်ဆိုင်ရာနယ်မြေရဲစခန်း၊ နယ်မြေအလိုက်တာဝန်ရှိ အဖွဲ့ အစည်းများက လုံခြုံရေးအရအကူအညီ တောင်းခြင်းကိုမည်သည့် အကူအညီမပေးသည့်အပြင် ညှိ နှိုင်းဖြေရှင်းပေးခြင်း လုံးဝလုပ်ဆောင်ပေးခဲ့ခြင်းမရှိဟု ၎င်းက ဆက်လက်ပြောသည်။

“အဲဒီရိုက်နှက်ခဲ့တဲ့အဖွဲ့က အစိုးရနဲ့ အပစ်အခတ်ရပ်စဲထားတဲ့အဖွဲ့ဖြစ်တဲ့ အတွက်ကြောင့် လက်နက်တွေ ရှိပါတယ်။ အဲဒီအတွက် ကျွန်တော်တို့အနေနဲ့ လုံခြုံ ရေးအရကူညီပေးဖို့လိုပါတယ်။ ဒါပေမဲ့ သက်ဆိုင်ရာ က အဖွဲ့ချင်းဖြစ်တာ၊ အဖွဲ့ချင်းသဘောပြောတဲ့အတွက် လက်နက် နှင့် ငြိမ်းချမ်းရေးလဲထားသော်လည်း ပြည်သူတစ်ဦးအနေနဲ့ စောင့်ရှောက်မှုမရှိတာ လွန်စွာဝမ်းနည်းပါတယ်” ဟု ဒု-ဗိုလ်မှူး စောအယ်ဆေးထူး က ပြောသည်။

ယခုကဲ့သို့ NDA အဖွဲ့က ပြောဆိုမှုကို အတည်ပြုမေးမြန်းရန် စစ်ကိုင်းမြို့၊ စစ်ဖက်ရေးရာနှင့် လုံခြုံရေးအ ဖွဲ့ကို ဖုန်းခေါ်ဆိုမှုအကြိမ်ကြိမ် လုပ်ဆောင်သော်လည်း ခေါ်ဆို၍မရခဲ့ပေ။

National Democratic Army သည် ၂၀၀၄ ခုနှစ် ၉ ရက်က နိုဝင်ဘာလ လက်နက်နှင့် ငြိမ်းချမ်းရေး ရယူ ထားတာပါ။

Mizzima Burmese

အပြည့်အစုံသို့ »