ကလေးငယ်တွေ ဈေးရောင်းခိုင်းသူ မြန်မာနိုင်ငံသား ထိုင်းရဲတပ်ဖွဲ့ ဖမ်းဆီး


ဆောက်လုပ်ရေးလုပ်ငန်းခွင်တွေမှာ အလုပ်လုပ်နေကြတဲ့ မြန်မာကလေးအလုပ်သမားများ။


အသက်မပြည့်သေးတဲ့ ကလေးငယ်တွေ အဓမ္မ အလုပ်လုပ်ခိုင်းတဲ့အတွက် အသက် ၂၂ နှစ်အရွယ် မြန်မာနိုင်ငံသား မောင်မြန်ဦးဆိုသူကို ထိုင်းနိုင်ငံ လူမှောင်ခိုကူးမှု တိုက်ဖျက်ရေး ရဲတပ်ဖွဲ့တွေက ဘန်ကောက်မြို့ Phar Nakhon ဒေသမှာ ဖမ်းဆီးရမိလိုက်တယ်လို့ ဇွန်လ ၂၁ ရက်နေ့ထုတ် ထိုင်းနိုင်ငံက အဓိက သတင်းဌာနကြီးတွေဖြစ်တဲ့ Bangkok Post နဲ့ The Nation သတင်းစာတွေမှာ ဖော်ပြထားပါတယ်။

ဒေသခံတွေက သတင်းပေးပို့တဲ့အတွက် ဘန်ကောက်မြို့က ကမ္ဘာလှည့်ခရီးသည်တွေ အလာများတဲ့ ခေါက်ဆန်လမ်းမှာ တာဝန်ရှိသူတွေက စောင့်ကြည့်စစ်ဆေးတဲ့အခါ မောင်မြန်ဦးက အသက် ၁၅ နှစ်အောက် ကလေးငယ် ၂ ဦးရဲ့ မိခင်ကို ပိုက်ဆံပေးပြီး အဲဒီကလေးတွေကို နှင်းဆီပန်း ရောင်းခိုင်းထားတာ တွေ့ရတယ်လို့ ဆိုပါတယ်။

အမည်ဖော်ပြထားခြင်းမရှိတဲ့ ကလေးငယ်တဦးရဲ့အဆိုအရ သူတို့ကို ကျပ် ၅ သောင်းစီနဲ့ သူတို့မိခင်ထံက ၀ယ်ယူလိုက်တာဖြစ်ပြီး တနေ့ကို နှင်းဆီပန်း ၂၄ ခုစီ ရောင်းခိုင်းပြီး ပိုက်ဆံလလည်း တပြားမှ မပေးဘူးလို့ ဆိုပါတယ်။ ဒါ့အပြင် သူတို့အနေနဲ့ ပန်း ၂၄ ပွင့် မရောင်းနိုင်ရင် အရိုက်ခံကြရတယ်လို့ ဆိုပါတယ်။
အဲဒီကလေးတွေကို မြန်မာပြည်ကနေ ၀ယ်ယူခဲ့တာဖြစ်ပြီး သူတို့ ပန်းရောင်းလို့ရတဲ့ ၀င်ငွေဟာ တလမှာ ဘတ် ၃ သောင်းစီရှိတယ်လို့ မောင်မြန်ဦးကပြောတဲ့အကြောင်း ထိုင်းရဲတပ်ဖွဲ့က ပြောတာကို ကိုးကားပြီး သတင်းစာမှာ ဖော်ပြထားပါတယ်။

သူ့အနေနဲ့ ကလေးတွေ မိခင်ထံ တလမှာ ကျပ် တသိန်းခွဲစီ ပို့ပေးနေတယ်လို့ ပြောပါတယ်။ မောင်မြန်ဦးကို ဘယ်လို ပြစ်ဒဏ်မျိုး စီရင်မယ်ဆိုတာတော့ မသိရသေးပါဘူး။

ဗွီအိုအေ (မြန်မာဌာန)

အပြည့်အစုံသို့ »

အွန်လိုင်းမှ ဆေးလိပ်သောက်သည့်ဓာတ်ပုံကိစ္စ ရွှေမှုံရတီ မိခင်ရှင်း



အွန်လိုင်းတွင် ပျံ့နှံ့နေ သော ဆေးလိပ်သောက်နေသည့် ပုံသည် ရှေးခေတ်အမျိုးသမီး ဆေးပြင်းလိပ်သောက်သည့် ပုံစံ အတွက် ဓာတ်ပုံအထူးပြုလုပ် ချက်ဖြင့် ပြုပြင်ရန် ရိုက်ကူးခဲ့ခြင်း ဖြစ်ကာ ယင်းပုံကို တရားဝင်အ သုံးပြုခဲ့ခြင်းမရှိကြောင်း    ရွှေမှုံ ရတီ၏ မိခင်က ပြောသည်။

‘‘အဲဒီပုံမှာ ၀တ်စားဆင်ယင် ပုံကိုကြည့်ရင်လည်း အရင်ခေတ် က ပုံဆိုတာ သိနိုင်ပါတယ်။ ရုတ် တရက် ဆေးပြင်းလိပ်ရှာမတွေ့ တဲ့အခါ လက်ထဲမှာ စီးကရက်ကို ညှပ်ပြီးရိုက်ထားတာ။ နောက်မှ ဖိုတိုရှော့လုပ်မယ်ဆိုပြီး ရိုက်ခဲ့ တာ။ ဒါပေမဲ့လည်း သူတို့လုပ်လို့ အဆင်မပြေလို့လား၊ အမြင်မ တော်လို့လားမသိဘူး အဲဒီပုံကို လည်း မထုတ်ဖြစ်ခဲ့ပါဘူး’’ ဟု ရွှေမှုံရတီ၏ မိခင်က ပြောသည်။

ထို့အပြင် အဆိုပါ ဓာတ်ပုံ ကို လွန်ခဲ့သည့် ခြောက်လခန့်က တည်းက   ရိုက်ကူးခဲ့ခြင်းဖြစ်၍ ယခုကိစ္စသည် ၎င်း၏ သမီးကို    တိုက်ခိုက်ချင်သောကြောင့် တင်ခဲ့ခြင်းဖြစ်နိုင်သည်ဟု  ၎င်းက သုံး သပ်သည်။

‘‘အန်တီ ညံ့သွားလို့၊   အ တွေးတွေ နည်းနည်းမှားသွားလို့ ဒါက မဖြစ်လောက်ဘူးဆိုပြီး ထင် လို့ လုပ်ခဲ့တာဆိုတော့ နောက် နောင်ကို ဒါမျိုးဘယ်သောအခါမှ အဖြစ်ခံမှာမဟုတ်ဘူး’’ ဟု ရွှေ မှုံရတီ၏ မိခင်က ပြောသည်။

7day daily

အပြည့်အစုံသို့ »

အိမ်မြေ၊ ဂိုဒေါင်၊ ဆိုင်ခန်းငှားရမ်းမှု အခွန်နှစ် ထပ်မဖြစ်စေရန် သက်သာခွင့်ပေးထားဟုဆို



ရန်ကုန်မြို့ တစ်နေရာ ဓာတ်ပုံ − ဂျေမောင်မောင်(အမရပူရ)
ယူနီဆက်က ရန်ကုန် ရုံးချုပ်အတွက် တစ်လကျပ်သိန်းရှစ်ရာဝန်းကျင်တန် ခြံမြေငှားရမ်း မှု ပြုလုပ်ခဲ့ပြီးနောက် အဆောက် အအုံ ငှားရမ်းမှုအပေါ်  ပြည်တွင်းအခွန်များဦးစီးဌာနက အခွန်စနစ်တကျ ကောက်ခံရန် စီစဉ်လာခြင်းဖြစ်သည်ဟု စီးပွားရေးလုပ်ငန်းရှင်များက ပြောကြားလာသည်။

အိမ်မြေ၊ ဂိုဒေါင်၊ ဆိုင်ခန်းများ အပါအ၀င် အဆောက်အအုံများ ငှားရမ်းမှုအခွန် ကောက်ခံရာတွင် အများပြည်သူများစိုရိမ်နေသော အခွန်နှစ်ထပ်မဖြစ်စေရန်သက်သာခွင့်များစွာ ပေးထားကြောင်း ပြည်တွင်းအခွန်ဦးစီးဌာနမှ သတင်းရရှိသည်။

‘‘ဒီအခွန်က ၁၉၇၄ခုနှစ်က ပြဋ္ဌာန်းထားတယ်။ ဥပဒေမှာက တည်းက ပါပြီိးသားပါ။ အခုဥပဒေ သစ်ကြမှ ကောက်တာမဟုတ်ပါ ဘူး’’ဟုအဆိုပါဌာနမှဒုတိယညွှန် ကြားရေးမှူး ဦးကျော်ကျော်က ပြောသည်။

အဆောက်အအုံများ ငှား ရမ်းမှုအခွန်ကောက်ခံရာတွင်ဖြေ လျှော့မှုများအနေဖြင့် စည်ပင်ခွန်၊ ပွဲစားခ၊ရေခွန်၊ မီးခွန်၊ အိမ်မွမ်းမံ စရိတ်စသည်တို့ကို သက်သာခွင့် ပြုမည်ဖြစ်သည်။ ထို့အပြင်အခြေ ခံသက်သာခွင့် ၂၀ရာခိုင်နှုန်း လည်း အိမ်ငှားခမှရသောဝင်ငွေ တွင်အကျုံးဝင်သည်။

ထို့အပြင် တစ်ဦးချင်းထမ်း ဆောင်ရသည့် ၀င်ငွေခွန်မှာကဲ့သို့ ပင် အိမ်ထောင်ဖက်မှီခိုဖြစ်ပါက တစ်နှစ်လျှင် ကျပ်ငါးသိန်း၊ သားသမီးတစ်ဦးလျှင် ကျပ်သုံးသိန်းသက်သာခွင့်များပါဝင်သည်။

သို့သော် ကုမ္ပဏီများ လုပ် ငန်းအတွက်ငှားရမ်းမှုမျိုးမှာသက် သာခွင့်များမရှိဘဲ ၂၅ရာခိုင်နှုန်း ထမ်းဆောင်ရမည်ဖြစ်သည်။

အဆောက်အအုံ ငှားရမ်းခ  အခွန်မှာ ၀င်ငွေခွန်အမျိုးအစား တွင်ပါဝင်ပြီး တစ်နှစ်လျှင်ကျပ် သိန်း ၂၀အထက် ၀င်ငွေရှိလျှင် အခွန် ၅ရာခိုင်နှုန်းထမ်းဆောင်ရ မည်ဖြစ်သည်။ သို့သော်သက်သာ ခွင့်များစွာကိုလည်း ငှားရမ်းသူက ခံစားခွင့်ပေးထားကြောင်း ပြည် တွင်းအခွန်ဦးစီးဌာနမှ စုံစမ်းသိရ သည်။

အဆောက်အအုံ ငှားရမ်းမှု အခွန်များမှာ ၀င်ငွေခွန်၏ ခေါင်းစဉ်အောက်တွင် ပါဝင်သဖြင့် သက်သာခွင့်များ ဖယ်ရှားပြီး တစ်နှစ်အဆောက်အအုံ ငှားရမ်းမှုမှ  ၀င်ငွေ ကျပ်သိန်းနှစ်ဆယ် အထက်မှ သိန်းငါးဆယ်ကြားကို အခွန် ၅ရာခိုင်နှုန်း၊ သိန်းငါးဆယ်မှ သိန်းတစ်ရာကြားကို အခွန် ၁၀ ရာခိုင်နှုန်း၊ ကျပ်သိန်းတစ်ရာမှ နှစ်ရာကြားကို အခွန် ၁၅ ရာခိုင်နှုန်း၊ကျပ်သိန်းနှစ်ရာမှ သုံးရာကြား ကို အခွန် ၂၀ ရာခိုင်နှုန်း၊ ကျပ်သိန်းသုံးရာနှင့် အထက်ကို အခွန် ၂၅ ရာခိုင်နှုန်း သတ်မှတ်ထားသည်။

‘‘အိမ်လခဈေးကြီး၊ အထွေ ထွေကုန်ဈေးနှုန်းက မကျနဲ့ ပြည် သူတွေ ၀န်ထုပ်ဝန်ပိုးဖြစ်မှာစိုးရ တယ်’’ဟု မြန်မာနိုင်ငံအိမ်ခြံမြေ ၀န်ဆောင်မှုလုပ်ငန်းရှင်အသင်းဒုတိယဥက္ကဋ္ဌဦးသန်းဦးက ပြော သည်။

အဆောက်အအုံများ ငှား ရမ်းမှုနှင့် ပတ်သက်၍ အခွန်စနစ် မှာ ၁၉၇၄ခုနှစ်မှစတင်ခဲ့သော် လည်း အိမ်မြေအဆောက်အအုံ များ ငှားရမ်းမှုတွင် စည်ပင်သာ ယာမှကောက်ခံသော အခွန်ကို သာ ပြည်သူများက ပေးဆောင်နေ ခဲ့ကြသည်။

စည်ပင်သာယာ အခွန်မှာ ပုံသေ သတ်မှတ်ထားမှု မရှိဘဲ ကျပ်သုံးသိန်းတန် တိုက်ခန်းတစ် ခန်းကို ငှားရမ်းပါက တစ်နှစ်စာအ တွက် ကျပ်ငါးသောင်းမှ တစ်သိန်း ခွဲကြားပေးဆောင်ရကြောင်းအိမ် ခြံမြေအကျိုးဆောင်ကုမ္ပဏီလုပ် ကိုင်နေသူ အချို့ကပြောသည်။

အိမ်၊ ဆိုင်၊ မြေ၊ ဂိုဒေါင်၊ စက် ရုံအဆောက်အအုံများ ငှားရမ်း ခြင်းဖြင့် ရရှိသော ၀င်ငွေများကို တည်ဆဲအခွန် ဥပဒေအရ အခွန် စည်းကြပ်ရန် ထည့်သွင်း သောဝင်ငွေ အမျိုးအစားတွင် ပါဝင်သဖြင့် ၀င်ငွေရရှိသူများမှာ သက်ဆိုင်ရာမြို့နယ်အခွန်ဦးစီးဌာနမှူးရုံးသို့ သတင်းအချက်အလက်များမပြတ်ပေးပို့ရန် ကြေညာစာများထုတ်ပြန်ခဲ့သည်။

7day daily

အပြည့်အစုံသို့ »

Facebook ကျေးဇူးကြောင့် တလခန့် ပျောက်ဆုံးနေသောခွေး သခင်နှင့်ပြန်လည်ဆုံစည်း


ကိုမင်းဇာနည်သည် ရန်ကုန်မြို့ တရုတ်တန်း၌ ညစာစားပြီးအိမ်အပြန် စဥ့်အိုးတန်းလမ်းအနီးတွင် ဂုတ်ကြိုးတန်း လန်းနှင့် မျက်စိလည်လမ်းမှာနေသယောင် ရှိသော ဘိုခွေးတကောင်ကို ကောက်ရခဲ့ သည်။
‘‘လမ်းဘေးမှာတွေ့နေကြခွေးမျိုး လည်းမဟုတ်၊ သခင်လည်း အနားမှာ မတွေ့လို့ ကူညီမယ်ဆိုပြီးတော့ ဒီကောင် ကိုဆင်းခေါ်တာ။ ပထမ အကပ်မခံဘူး၊ အန္တရာယ်ပေးမယ့် လူတွေမဟုတ်မှန်း သိလို့လားမသိဘူး။ ခဏနေတော့ အနား ကပ်ခံတယ်’’ဟု ယင်းကပြောသည်။

အိမ်၌ကျွေးမွေးထားပြီး နောက် ရက်အနည်းငယ်အကြာ ပိုင်ရှင်အမှန်နှင့် ပြန်လည်ဆုံစည်းနိုင်ရန် သူ၏ကိုယ်ပိုင် Facebook မှ တဆင့် ‘‘ခွေးတကောင် ကောက်ရထားသည်”ဟု ဓာတ်ပုံနှင့်တကွ ကြေညာခဲ့ရာ လက်ဆင့်ကမ်းကြေညာ ပေးသူ ၁၅၀ ကျော်ရှိခဲ့သည်။ ရက်အတန် ငယ်ကြာသော်လည်း အကြောင်းမထူး သဖြင့် NewsWatch ဂျာနယ်အား အကူ အညီတောင်းခံ၍ ဇွန် ၁၅ ရက်နေ့တွင် NewsWatchဖေ့စ်ဘွခ်စာမျက်နှာမှ တဆင့် ထပ်မံကြေညာပေးခဲ့သည်။ ဇွန်လ ၁၆ ရက်နေ့တွင် ပိုင်ရှင်အမှန်နှင့်အဆက် အသွယ်ရခဲ့ကြောင်း သိရသည်။

NewsWatch ဖေ့စ်ဘွခ်ကကြေညာပြီးနောက် ပိုင်ရှင်မတွေ့သေးရင်လည်း မွေးပါရစေဆို ပြီးဝယ်မယ့်သူတွေက ဖုန်းတွေဆက်ကြ သေးတယ်၊ သူ့သခင်အစစ်နဲ့ ပြန်တွေ့စေ ချင်လို့ပါ။ ဖုန်းဝင်လာရင် ကျွန်တော်က ပျောက်ဆုံးတဲ့နေရာ အထီး၊ အမ စသဖြင့် မေးတယ်”ဟု ကိုမင်းဇာနည်ကဆိုသည်။
ခွေး၏မူလအမည်မှာ အာနိုးဖြစ်ပြီး ယာယီထိန်းသိမ်းစဉ်က ဂျက်စပဲရိုးဟူသော အမည်သစ်ရခဲ့သည်။

‘‘တခါမှ မပျောက်ဖူးပါဘူး၊ အဲဒီနေ့ က အိမ်ကအထူးသဖြင့် ကျွန်တော့်အဒေါ် ဆိုငိုတယ်၊ ဖေ့စ်ဘွခ်ကကြော်ငြာကိုတွေ့ တာပါ၊ ပြန်ဆုံစည်းရတာ ဝမ်းလည်းသာ တယ်၊ ကျေးဇူးလဲတင်တယ်’’ဟု ပိုင်ရှင် ဖြစ်သူ ကိုစိုးငြိမ်းဇော်က ပြောသည်။

ပုံ - Arnold နှင့် ကိုစိုးငြိမ်းဇော် ပြန်လည်ဆုံစည်းပြီးနောက် တွေ့ရစဉ်

News Watch(စောင့်ကြည့်သတင်းဂျာနယ်)

အပြည့်အစုံသို့ »

တရားမျှတခြင်းနဲ့ အမှန်တရားရဲ့ တိုင်းပြည်ကို ဆာလောင်မွတ်သိပ်သောပြည်သူများ


(နိဒါန်း)
ပြောရလျှင်ရသစာပေဟူသည်ကားရေးဟန်တစ်ခုတည်းပေါ်တွင် မတည်
  ဘဲ (အကြောင်းအရာနှင့် ခံစားမှု) ကို ထိ ထိမိမိဖော်ပြနိုင်ခြင်းပေါ်ထပ်
သည်ဟုထင် ၏။ ဖန်တီးအပ်သောဇာတ်ကောင်သည် လူသားဖြစ်၏။လူပုဂ်္ဂိုလ်ဖြစ်၏ သို့သော်၎င်းင်းသည်
ပုံသဏ္ဌာန်သစ်ကိုဆောင်သောဇာတ် ကောင်ဖြစ်၏။
ပုံစံသစ်ဖြစ်သော ဇာတ်ကောင်ဆို ၍ မိုးပေါ်ကကျလာသည့်မိုးကျရွှေကိုယ် ကဲ့သို့လူထုအသွင်သဏ္ဌာန်ကင်းမဲ့သော  ဇာတ်ကောင်မဟုတ်။


လူထုစွမ်းအားနှင့် လူသားတို့၏ စွမ်းအားကိုဖော်ပြရမည့်ဇာတ်ကောင်ဖြစ် ၏။
လူ့ဘ၀ကို လေ့လာသုံးသပ်သည်ဆို ရာမှာ လူတစ်ဦး၏ဘ၀ (သို့မဟုတ်) မိသားစု၏ဘ၀ဖြစ်ရပ်ကိုသာလေ့လာရုံ နှင့် မလုံလောက်။
တစ်ဦးချင်းကနေပြီး၊ လူ့အဖွဲ့အစည်း  ကိုကြည့်ခြင်း၊ လူ့အဖွဲ့အစည်းကနေတစ် ဦးချင်းကိုပြန်ကြည့်ခြင်းပြုရသည်ဖြစ်ရာ  လူ့သမိုင်းမှာဖြစ်ပွားပေါ်ပေါက်လျက်ရှိ သောကိစ္စရပ်များအားလုံးမှာထိုအတိုင်းပင်  ဆက်စပ်မှုများရှိခဲ့၏။


လူသားတစ်ဦးတစ်ယောက်၏အရေး အခင်းသည်လူတန်းစားတစ်ရပ်လုံး၏အရေး   ကိစ္စနှင့် သက်ဆိုင်၏။ လူတန်းစားတစ် ရပ်လုံး၏အရေးမှာတစ်ဦးတစ်ယောက်၏ အရေးသည်လည်း အကျုံးဝင်လျက်ရှိ၏။
ထို့အတူလူတစ်ဦးတစ်ယောက်၏ အရေးသည်ပြည်သူတစ်ရပ်လုံး၏အရေး နှင့် သက်ဆိုင်ပြီးလျှင်ပြည်သူတစ်ရပ်လုံး ၏အရေးမှာတစ်ဦးတစ်ယောက်သောသူ  သည်လည်းအကျုံးဝင်လျက်ရှိ၏။ ထိုမှ တစ်ဆင့်တက်၍အဓိပ္ပာယ်ဖွင့်သော်
“ကျွန်တော်တို့တိုင်းပြည်၊ ကျွန်တော် တို့အမျိုးသားအရေး” ဟူ၍ဖြစ်လာသည်။


ကျွန်တော်၏မေမေသည်အတ္တ အကျိုးစီးပွားနှင့် ပုဂ္ဂလိက၀ါဒကို ဆန့်ကျင်သည်။ ကျွန်တော်၏ ဖေဖေကား အတ္တအကျိုးစီးပွားနှင့် ပုဂ္ဂလိက၀ါဒကို ထူထောင်သည်။ ကျွန်တော်၏မေမေက ပြောသည်။
“တကယ်တမ်းမှာတော့သားရယ်၊ တခြားလူတွေအပေါ်ကျရောက်တတ်တဲ့ အပူဟာကိုယ့်အပေါ်ကျရောက်တာမဟုတ်  ပေမယ့် ကိုယ့်အပေါ်ကျရောက်တဲ့အပူ လိုခံစားတတ်ရမယ်သားရဲ့ အဲဒီစိတ်ဝိညာဉ် ကိုအခြေခံပြီး မေမေ၀တ္တူရေးတာပဲသား ရယ်”


“ဘာတဲ့မေမေ။တခြားလူတွေအပေါ် ကျရောက်တဲ့အပူဟာ ကိုယ့်အပေါ်ကျ ရောက်တဲ့ အပူလိုခံစားတတ်ရမယ်။ ဟုတ်လားမေမေ”
“အေးပေါ့သားရဲ့။ ဒါမှသာလူတွေ ဟာပိုပြီး ညီညွတ်ကြမှာပေါ့။ပိုပြီးချစ်ခင် ကြမှာပေါ့”
“ဖေဖေ့ရဲ့ စိတ်ဓာတ်ကရော အဲဒီ အတိုင်ပဲလားမေမေ”

“သား ဖေဖေနဲ့ မေမေနဲ့က စိတ်ဝိဉဉ်  ချင်းမတူကြဘူးကွယ့်။စိတ်ဝိဉဉ်ချင်းမတူတဲ့ အခါမှာ ဘ၀အဓိပ္ပာယ်ဖွင့်ဆိုတဲ့ဘာသာ စကားတွေလည်းမတူကြတော့ဘူးပေါ့”
ကျွန်တော့်အသက် ၁၆ နှစ်ပြည့်ချိန် မှာ မေမေက စာတွေပိုရေးလာသည်။ မေမေစာများ၊ မေမေ့စကားလုံးများသည်  သစ်ပင်တစ်ပင်က ရွက်နုသစ်ကလေးတွေ ထွက်လာသလိုပင်မေမေ့ခန်္ဓာကိုယ်ထဲမှ စီးဆင်းထွက်အန်ကျသည်။
မေမေကိုင်သောအကြောင်းအရာများ သည်သာမန်မဆန်ဘဲလူအများဆန်လာ သည်။ တိုင်းပြည်ဆန်လာသည်။ ပြည်သူ  ဆန်လာသည်။

 မေမေ့အနေအတိုင်များ ကမူပိုမိုတစ်သီးတသန့်ဆန်လာသည်။ ဖေဖေနှင့် အတူနေသည့်အခန်းတစ်ခန်း ထဲမှ ထွက်လာကာဝရံတာနှင့် နီးကပ်သည့်  အခန်းမှာ မေမေတစ်ဦးတည်းပဲနေထိုင် သည်။ စက်ရုံအလုပ်စားပွဲလည်းမထိုင် တော့။

“မေမေက ဖေဖေ့အလုပ်စားပွဲမှာ ဘာဖြစ်လို့မထိုင်တော့တာလဲ”
“ဒီအလုပ်ရုံမှာ မေမေက ဆုံးဖြတ်  ချက်မှ မချနိုင်တာပဲသားရယ်။နောက်ပြီး  သားဖေဖေရဲ့ အပြုအမူမျိုးကိုရွေးချယ်ပြီး မေမေ့ဘ၀လမ်းကိုမလျှောက်လှမ်းချင်ဘူး။  မေမေ့ကိုယ်ပိုင်အပြုအမူနဲ့ပဲမေမေလှုပ်ရှား ချင်တယ်။

မိုးတွေရွာနေချိန်မှာ စက်ရုံထဲက အလုပ်သမလေးတစ်ဦးထီးမပါဘဲသူ့အလုပ်  သမားတန်းလျားကို ထမင်းစားပြန်သွား  တာမြင်ရတော့ မေမေက အဲဒီမိန်းကလေး  ကိုထီးအနီကလေးတစ်လက်ဝယ်ပေးဖူး တယ်။ ဒါမျိုးကိုသားဖေဖေက မကြိုက် ချင်ဘူး။ မေမေကအလုပ်သမားတန်းလျား  မှာ ဘယ်သူတွေဆန်မရှိဘူးလဲသွား ကြည့်တတ်တယ်။

သူတို့မှာ ဆန်မရှိတာ တွေ့ရင် မေမေတို့မီးဖိုချောင်ထဲက ဆန်ကိုယူပေးလိုက်တယ်။ ကျောင်းဖွင့် ချိန်မှာဆိုရင် အလုပ်သမားတွေရဲ့ သား သမီးတွေအတွက်မေမေကကျောင်းစာအုပ် တွေ စိုက်ဝယ်ပေးလိုက်တယ်။

သားရဲ့ ဖေဖေက မေမေ့ကိုပြောတယ်။ လူတွေ ကို ဒါလောက်လိုက်လျောနေဖို့မလိုဘူး တဲ့။
မေမေသည်းမခံနိုင်တဲ့နေ့တစ်နေ့က တော့ မေမေတို့ရဲ “တန်ပေး”သမားတစ်ဦး  ဆီက ငွေတွေရစရာရှိတာများလာလို့ဆို ပြီးသားရဲ့ဖေဖေက သူတို့စက်ရက်ကန်း စင်ကိုသွားပြုတ်ပြီးသိမ်းဆည်းယူငင်လိုက် တဲ့နေ့ပဲ။

အဲဒီနေ့ကတည်းက မေမေဟာ သား ဖေဖေရဲ့ အလုပ်စားပွဲမှာမထိုင်ခဲ့ တာပဲ” သည်ကိစ္စမှာ ဖေဖေမှန်သလား။ မေမေမှန်သလား။ စက်ရုံထဲက စက်ရက် ကန်းခတ်သံတွေမှာ ပိုမိုဆူညံမြည်းဟည်း  ပဲ့တင်ထပ်နေ၏။
(နိဂုံး)
ကျွန်တော်မေမေ့အခန်းထဲကနေ အပြင်သို့ပြန်ထွက်လာသောအခါမိုးအငွေ့  အသက်တွေပါသောလေနှင့်ထိတွေ့လိုက် ရ၏။ မကြာမီမှာပင် မိုးရွာကာ၊ မိုးစက် တွေသယ်ဆောင်လာသည့်လေသည် ကျွန်တော်၏ပိတ်ထားသော ပြတင်းပေါက်  ကိုတိုးဝှေ့ပေတော့မည်။ မေမေ အခန်း ထဲမှာ ၀တ်္ထုရေးနေပြီလား။

ကျွန်တော်က တော့ ဂစ်တာတစ်လုံးကိုတီးခတ်ရင်း၊ သီချင်းတစ်ပုဒ်ကိုအော်ဟစ်သီဆိုရင်း ကျွန်တော့်စိတ်ဝိညာဉ်ကို ဟိုးမိုးကောင် ကင်ထက်ဆီသို့လွှင့်မြောက်ပစ်တင်လိုက်  ပါပြီ။
တရားမျှတခြင်းနဲ့ အမှန်တရားရဲ့ တိုင်းပြည်ကို ဆာလောင်မွတ်သိပ်တာ ဘယ်သူတွေလဲ။

       စည်သူမြသန်း
Hot News Journal

အပြည့်အစုံသို့ »

အသက်၁၅ နှစ်အရွယ်မယားပါသမီးငယ်အားအကြိမ်ကြိမ် အဓမ္မပြုကျင့်ပြီး အကြပ်ကိုင်ငွေတောင်း


အသက်၁၅ နှစ်အရွယ် မယားပါ သမီးငယ်အားအကြိမ်ကြိမ် အဓမ္မပြုကျင့်ပြီး အကြပ်ကိုင်
၍ငွေေ ကြးပါ ထပ်မံတောင်းခံသဖြင့် MAT နှင့် FED တို့ က နယ်မြေခံရဲဖြင့်ဖမ်းဆီး
အရေးယူထားကြောင်း သိရှိရသည်။


 အဖြစ်အပျက်တို့အား ၈လအကြာတွင် မိခင်ဖြစ် သူက သိရှိခဲ့သည်။

  ဇွန်လ ၁၈ ရက်နေ့က ၁၅ နှစ်အရွယ် ကလေးမ၏ မိခင်ဖြစ်သူထံသို့ အသက်၄၂ နှစ်အရွယ် ဦးခင်မောင်တင့် ဆိုသူက အဓမ္မပြုကျင့်ထားခြင်းများအား လူအများမသိစေ လိုပါက ဘတ်ငွေ၂၀,၀၀၀ ပေးရမည်ဖြစ်ေ ကြာင်း အကြပ်ကိုင် တောင်ခံလာခဲ့သည်။

အကယ်၍ မပေးအပ်ပါက မြန်မာပြည်သို့လည်း လူသိအောင် အရှက်ခွဲမည်ဟု ပြောပြန်သဖြင့်  မိခင်ဖြစ်သူက ဘန်ကောက်မြို့အခြေစိုက်ထိုင်းနိုင်ငံရောက်မြန်မာနိုင်ငံသားများ အဖွဲ့ M.A.Tသို့ အကူညီတောင်းခံလာခဲ့သည်။

M.A.T အဖွဲ့က ထိုင်းတောင် ပိုင်း တကွန်ပါ  အခြေစိုက်ပညာရေးဖွံ့ဖြိုးရေးဖေါင်ဒေးရှင်းFE နှင့် ညှိနှိုင်းပြီးေ နာက် ချက်ခြင်းအကောင်အထည်ဆောင်ရွက်ခဲ့ခြင်းဖြစ်သည်။


      M.A.T အဖွဲ့ ဒါရိုက်တာ ဦးကျော်သောင်း က“ ခွင့်မလွှတ်ချင်အောင် ယုတ်မာတဲ့အမှုကိစ္စဖြစ်တယ်။ ကျနော်တို့ အတွေ့အကြုံအရ ရဲဆေးရုံ စစ်ဆေး ချက်တို့ သက်သေခံအထောက်အထားတို့ တစ်စုံတစ်ခု ရရှိဖို့ ခက်ခဲနေတယ်။ ဒါပေမယ့်ဖြစ်ရပ်ကမှန်နေတယ်။ ကလေးမလေးဘက်က အလွန်နစ်နာနေ တယ်။

ကျနော်တို့  အတော်စဉ်းစားပြီးတော့လုပ်ရတယ်။ တစ်ခုခုမှားယွင်းမှာ စိုးရိမ်တယ်။ နယ်မြေခံ ရဲအရာရှိကို အကျိုးအကြောင်းတင်ပြတယ်။ အချက်အလက်တွေမှန်ကန်တိကျတယ်ဆိုတော့မှ ပထွေးဆိုသူကို ပိုက်ဆံ လာယူ  ဆိုပြီးခေါ်ဖမ်းလိုက်ရတယ်” ဟုပြောသည်။


   ဘန်ကောက်မြို့ ဖက်ကဆင်....လမ်းတွင် အလုပ်လုပ်ကိုင်နေထိုင်သော အသက်၁၅နှစ်အရွယ် မိန်းကလေး၏မိခင်က“ကျမတို့ ထိုင်းမှာ ပေါင်းသင်းလာ တာ ၇နှစ်လောက်ရှိပြီ။

သမီးလေးအရွယ်ရောက်လာတာနဲ့ ခေါ်လိုက်တာ။ ကျမ မသိတဲ့အချိန်မှာ သမီးကို အဓမ္မပြုကျင့်တယ်။ တစ်ခါတစ်ရံ သမီး မျက်နှာညှိးနေတာမြင့်လို့ ကျမမေးတော့ သူဆူထားလို့ ဆိုပြီးပြောတာ။

ကျမကတောင်မှ အဖေဆူတာ သမီးကို ဆုံးမတာဆိုပြီးတော ပြောပြသေး တယ်။ ကျမ ဒီလိုပက်စက်မယ်လို့မထင်ဘူးလေ။ သမီး နေမကောင်း လို့ ဆေးရုံသွားပြတော့ ဆရာဝန်က ကလေးဟာ လိင်ဆက်ဆံခံဖူးတဲ့ လက္ခဏာ ရှိတယ်လို့ပြောမှ သမီးကိုမေးကြည့်တယ်။

ဒီတော့မှ ကျမသိတာ။ သိတော့ ကျမကသူ့ကို မပေါင်းတော့ဘူးဘာညာပြောတော့ သူက အရှက် မကွဲချင်ရင် ဘတ်ငွေ၂၀,၀၀၀ ချက်ခြင်းပေးဆိုပြီး အကြပ်ကိုင်တောင်းတာ” ဟုပြောသည်။  

   ပထွေးဖြစ်သူ ဦးခင်မောင်တင့် အား ယခုအခါ  ရဲစခန်းတွင် ဖမ်းဆီး ချုပ်နှောင်ထားပြီး အမှုရင်ဆိုင်နေရ ဆဲဖြစ်သည်။ ၎င်းသည် မွန်ပြည် နယ် မော်လမြိုင်မြို့နယ်၊ ခရ်ိတ်သစ်ကျေးရွာမှဖြစ်ပြီး အဓမ္မပြုကျင့်ခံရသည့် မိန်းကလေးငယ်မှာ ကရင်ပြည်နယ်၊…………….မြို့နယ်၊ ……….ကျေးရွာမှဖြစ်ကြောင်းသိရှိရသည်။


ထိုင်းနိုင်ငံအနှံ့အပြားတို့တွင် မြန်မာအလုပ်သမားအချင်းချင်း သတ်ဖြတ်မှု၊ အဓမ္မမှု၊ လိမ်လည်မှု  စသည့် ရာဇ၀တ်မကင်းသော အမှုများနေ့စဉ်ဖြစ် ပွားလျှက်ရှိသော်လည်း ဖေါ်ထုတ်အရေး
ယူဆောင်ရွက်နိုင်မှုနည်းပါးသည်။

ရွှေလုပ်သား

အပြည့်အစုံသို့ »

လှည်းတန်းဈေးအနီး ဓာတ်ကြိုးပြတ်ကျရာ နှစ်ဦးသေ၊ နှစ်ဦးဒဏ်ရာရ


ရန်ကုန်- ရန်ကုန်မြို့ လှည်းတန်းဈေးအနီးတွင် ယနေ့ညနေက ဓာတ်ကြိုးပြတ်ကျရာ နှစ်ဦးသေဆုံးပြီး နှစ်ဦးဒဏ်ရာရ
ရှိခဲ့သည်။



ဇွန်လ ၂၁ ရက် ညနေ ၅ နာရီခွဲခန့်တွင် ကမာရွတ်မြို့နယ်၊ လှည်းတန်းဈေး ၇လမ်းထဲရှိ ဖိနပ်ဆိုင်သို့ ဖိနပ်လာပို့သော ကားပေါ်သို့ Main Service လျှပ်စစ်ဓာတ်ကြိုးပြတ်ကျသောကြောင့် ဓာတ်လိုက်၍ လူနှစ်ဦးသေဆုံးပြီး နှစ်ဦးဒဏ်ရာရရှိခဲ့ခြင်းဖြစ်ကြောင်း ကမာရွတ်မြို့နယ် အုပ်ချုပ်ရေးမှူးရုံးနှင့် မျက်မြင်တွေ့ရှိသူများထံမှ သတင်းရရှိသည်။

‘‘ဖိနပ်လာပို့တဲ့ကားပေါ်ကို ကျသွားတာ ကံကောင်းသွားတာ အဲဒီကားသာမရှိရင် မိုးကရွာနေတော့ လမ်းထဲမှာ ဈေးရောင်းတဲ့လူတွေ အားလုံးတစ်သီကြီး သေသွားနိုင်တယ်’’ဟု ဓာတ်လိုက်သူများအား ရန်ကုန်ဆေးရုံကြီးသို့ လိုက်ပို့ခဲ့သူ ဦးဉာဏ်မြင့်ကဆိုသည်။

အခင်းဖြစ်ပွားသည့်အချိန်တွင် မိုးရွာနေပြီး လျှပ်စစ်မီးပြန်လာသည့်အချိန်၌ ဓာတ်ကြိုးပြတ်ကျခြင်းဖြစ်ကြောင်း ၇ လမ်းထဲတွင် ယိုးဒယားအကင်ရောင်းနေသည့် ဒေါ်ချိုကပြောသည်။

လက်ရှိတွင် လူနာများအား ရန်ကုန်ဆေးရုံကြီးသို့ ပို့ထားပြီး နှစ်ဦးမှာ ပွဲချင်းပြီး သေဆုံးသွားသလို ကျန်နှစ်ဦးမှာလည်း အရေးပေါ် အခြေ အနေတွင်ရှိကြောင်း ဓာတ်လိုက်သူများအား ဆေးရုံကြီးသို့ လိုက်ပို့ခဲ့သူ ကိုဉာဏ်မြင့်ကပြောသည်။ သေဆုံးသူနှစ်ဦးမှာ ဖိနပ်လာပို့သော ကားပေါ်မှ တစ်ဦးနှင့် ကုန်စိမ်းအရောင်းဆိုင်မှ တစ်ဦးတို့ဖြစ်သည်။ ဖိနပ်ဆိုင်သို့ ဖိနပ်လာဝယ်သူတစ်ဦးနှင့် ကုန်စိမ်းရောင်းသူတစ်ဦးတို့ ဒဏ်ရာရရှိခဲ့ခြင်းဖြစ်သည်။

ပြတ်ကျခဲ့သည့် ဓာတ်ကြိုးမှာ လှည်းတန်းဈေး ၇ လမ်းနှင့် ထန်းတပင်လမ်းထောင့်ရှိ ဓာတ်တိုင်မှဖြစ်ပြီး မကြာသေးခင်ကလည်း တစ်ခါပြတ်ကျခဲ့ပြီး မကြာခဏပြတ်ကျလေ့ရှိကြောင်း ဒေါ်ချိုကပြောသည်။

7Day News Daily


အပြည့်အစုံသို့ »