ဟူစတန်မြို့က မိမိအိမ်အတွင်း ဖောက်ထွင်းဝင်ရောက်သူကို ဖမ်းခဲ့သည့် သူရဲကောင်း အဘွားအို



ဟူစတန်မြို့က အသက် ၈၃ နှစ်အရွယ်ရှိသူ အဘွားအိုတစ်ဦးဟာ မိမိအိမ်ကို ဖောက်ထွင်းသူလို့ ယူဆရသူတစ်ဦးကို ပွက်ပွက်ဆူနေတဲ့ ရေနွေးအိုးနဲ့ ပက်ပြီး ဖမ်းဆီးပေးနိုင်ခဲ့ပါတယ်။

လီလီမက်ကလန်ဒွန် လို့ အမည်ရတဲ့ အဘွားအိုဟာ ပြီးခဲ့တဲ့ တနင်္ဂနွေနေ့က သူ့ရဲ့ အိမ်ပြတင်းပေါက်တံခါးတစ်ချပ် ဖွင့်နေတာကို သတိပြုမိပြီးနောက် အိမ်ထဲမှာ အဘွားအိုကို လည်ပင်းကို ညှစ်ပြီး အကြပ်ကိုင်ကာ ငွေတောင်းမယ့် အမျိုးသားတစ်ယောက်ဦးနှင့် ထိပ်တိုက်တိုးခဲ့ပါတယ်။

အဖွားအိုဟာ သူကို ဖမ်းချုပ်ဖို့ ကြိုးစားသူကို ချက်ချင်းဘဲ တုတ်တစ်ချောင်းနဲ့ ပြန်လည်တိုက်ရိုက်ပြီး ခုခံခဲ့ပါတယ်။ နောက်ဆုံးအချိန်မှာတော့ မိဖိုပေါ်မှာတင်ထားတဲ့ ပွက်ပွက်ဖူနေတဲ့ ရေနွေးအိုးကို တွေ့ရှိခဲ့ပြီး ထိုအကြမ်းဖက်သူကို ရေနွေးပူတွေနဲ့ ပက်လောင်းလိုက်ပါတယ်။ နောက်ဆုံး အဆိုပါ ဖောက်ထွင်းဝင်ရောက်လာသူ အမျိုးသားလဲ အဘွားအိုကို အရှုံးပေးပြီး အဖမ်းခံလိုက်ရပါတော့တယ်။

Ref : Fox News

#YangonMediaGroup
Yangon Media Group

အပြည့်အစုံသို့ »

သေသွားတဲ့ ခွေးပုံတက်တူးထိုးပစ်လိုက်တဲ့ Miley Cyrus



၂၀၁၄ခုနှစ်အစပိုင်းကတည်းက ပရိသတ်တွေကြား အကြောင်းအရာ တစ်မျိုးမဟုတ်တစ်မျိုးနဲ့ မရိုးရအောင် နေရာယူထားတဲ့ Miley Cyrus က ခုတစ်ခါလည်း တက်တူးအသစ်ထိုးပြီး လှုပ်လှုပ်ခတ်ခတ်ဖြစ်အောင် လုပ်လိုက်ပြန်ပါပြီ။  သေသေချာချာစီစဉ်ပြုလုပ်ထားတဲ့ သူမရဲ့Holiday ဓါတ်ပုံမှတ်တမ်း အတွက် ကျေးဇူးတင်ရပါလိမ့်မယ်။ သူမဟာ ဇူလိုင်လ(၄) ကနေ ဒီမနက်အထိ instagram မှာ ဓာတ်ပုံ ၄၃ ပုံတင်ခဲ့ပါတယ်။



အဲ့ဒီပုံတွေကတော့ အ၀တ်အစားကို ကိုယ်တစ်ပိုင်းလောက်သာ ၀တ်ဆင်ထားတဲ့ စိတ်ဝင်စားစရာ မိန်းမချောလေးတွေနဲ့ ရှုပ်ယှက်ခတ်နေတဲ့ ရောင်စုံမီးတွေနဲ့အတူ  ဆူညံတဲ့ပါတီမြင်ကွင်းပုံတွေ၊ သူမရဲ့ခန္ဓာကိုယ်ပေါ်မှာ တက်တူးအသစ်ထပ်ထိုးနေတဲ့ selfie ပုံတွေ၊ တက်တူးအသစ်ကို အနီးကပ်ရိုက်ထားတဲ့ပုံတွေပါပဲ။ သူတို့ထိုးထားတဲ့ တက်တူးအသစ်ကတော့  သေသွားတဲ့ သူမရဲ့ ခွေး pooch Floyd နဲ့ ပတ်သက်ပြီး အောက်မေ့သတိရတဲ့အနေနဲ့ လုပ်ဆောင်ခဲ့တာဖြစ်ပြီး ခွေးပုံကို With Alittle Help From My Fwends ဆိုတဲ့ စာတန်းနဲ့အတူ တက်တူးအသစ်ထပ်ထိုးလိုက်တာပဲ ဖြစ်ပါတယ်။

Ref:justjared.com,mtv.com
Trend Myanmar

အပြည့်အစုံသို့ »

သမ္မတ ဦးသိန်းစိန် တိုင်းပြည်ကို တည်ငြိမ်အောင် မဆောင်ကျဉ်းနိုင်ဘူးလား



နိုင်ငံတော်သမ္မတ ဦးသိန်းစိန် နိုင်ငံကိုမိန့်ခွန်းပြော။ (မေ ၁၊ ၂၀၁၄)

ဦးစည်သူအောင်မြင့်။             ။ အားလုံးသိကြပြီးဖြစ်တဲ့အတိုင်း မြန်မာနိုင်ငံရဲ့ ယဉ်ကျေးမှုမြို့တော် မန္တလေးမှာ အလွန် အရုပ်ဆိုးအကျည်းတန်းတဲ့ အကြမ်းဖက်မှု တစ်ခု ဖြစ်ပွားသွားခဲ့ပါပြီ။ လူနှစ်ယောက်သေ၊ တစ်ချို့ ဒါဏ်ရာရ၊ နေအိမ်တွေ၊ ကားတွေ၊ ဆိုင်ကယ်တွေ တိုက်ခိုက်ဖျက်ဆီး ခံရတာတွေ ဖြစ်ပွားခဲ့ပါပြီ။ ထုံးစံအတိုင်း နည်းပညာခေတ်ကြီးမှာ ဒီ သတင်း ကမ္ဘာတစ်လွှား တမုဟုတ်ခြင်း ပျံ့နှံ့သွားခဲ့ပြီလည်း ဖြစ်ပါတယ်။ ဒီ ထက်ပိုဆိုးတာက မန္တလေးနေ ပြည်သူတွေရဲ့ စိတ် မလုံခြုံမှု၊ အထူးသဖြင့် အစ္စလာမ် ဘာသာ ကိုးကွယ်သူ နိုင်ငံသားတွေရဲ့ စိတ်မလုံခြုံမှုကတော့ ကြီးမားစွာ ဖြစ်ပေါ်ခဲ့ပါပြီ။ ရခိုင်ပြည်နယ်က စ လိုက်တဲ့ ဒီ ဘာသာရေး လူမျိုးရေးဆန်တဲ့ ပြသနာဟာ မိတ္တီလာ၊ ရှမ်းပြည်နယ် လားရှိုး၊ ပဲခူးတိုင်း၊ ရန်ကုန်တိုင်းတွေမှာ ဖြစ်ပွားခဲ့ပြီး ရပ်ဆိုင်းမသွားရုံမက အခု မန္တလေး ရွှေမြို့တော်ကြီးမှာလည်း ဖြစ်ပွားခဲ့ပြန်ပါပြီ။ ပြသနာ ဘယ်လိုဖြစ်ရတာပါလဲ၊ ဒီ ပြသနာနဲ့ ပါတ်သက်ပြီး သမ္မတ ဦးသိန်းစိန် ကိုင်တွယ်ဆောင်ရွက်နိုင်ပါရဲ့လား ဆိုတာ ခုတစ်ပါတ် ဆွေးနွေးတင်ပြသွားပါ့မယ်။      

ဒေါ်အင်ကြင်းနိုင်။        ။ လက်ရှိ မန္တလေးမှာ ဖြစ်ပွားခဲ့တဲ့ အကြမ်းဖက်မှုဟာ အထူးအဆန်း ဖြစ်စဉ်မျိုးတော့ မဟုတ်ပါဘူး။ ကြိုတင် မသိရှိ၊ မတားဆီး လို့ မရတဲ့ အဖြစ်အပျက်မျိုးလည်း မဟုတ်ပါဘူး။ ဇတ်လမ်းကတော့ ထုံးစံအတိုင့်း မန္တလေး ၂၇ လမ်းနဲ့ ၂၈ လမ်းဒေါင့်က နေ လဖက်ရည်ပိုင်ရှင် အစ္စလာမ် ဘာသာဝင်နှစ်ယောက် ပျဉ်းမနားမြို့ရဲစခန်းမှာ မုဒိန်းမှုနဲ့ အမှုဖွင့် တိုင်ကြားခံရတယ် ဆိုတာ ကနေ စ ပါတယ်။ ဒါက တိုင်ကြားထားတဲ့အဆင့်မှာပဲ ရှိသေးပြီး ရဲတပ်ဖွဲ့ကိုယ်တိုင်က စုံစမ်း မေးမြန်းနေဆဲ အခြေအနေပါ။ စွတ်စွဲခံရသူတွေကိုလည်း ဖမ်းတာ ဆီးတာ မလုပ်ပါဘူး။ ဒါပေမယ့် ပြသနာက အဲလောက်နဲ့ ရပ်မနေပါဘူး။ ဒီ တိုင်ကြားခံရမှု ပြသနာကို အခြေပြုပြီး အစွန်းရောက်သူ တစ်ချို့ဟာ အင်တာနက် လူမှုကွန်ယက် စာမျက်နှာကနေ တဆင့် တကယ်ကျူးလွန်ခဲ့တဲ့ မှုခင်းကြီးဖြစ်သယောင်၊ အမုန်းတရား ပေါ်ပေါက်လာအောင် လှုံ့ဆော်မှုတွေ တရစပ် လုပ်ခဲ့ကြပါတယ်။

          ထင်ရှားတဲ့ အမုန်းတရား ဖြန့်ဖြူးသူတွေထဲမှာ မတူကွဲပြားခြင်းနှင့် ငြိမ်းချမ်းရေးပါတီ ခေါင်းဆောင် ဦးနေမျိုးဝေ၊ မန္တလေး မဘသ အဖွဲ့ခေါင်းဆောင် အရှင်ဝီရသူနဲ့ အခြား သူတွေ ပါဝင်ကြပါတယ်။ ဒီ အမုန်းတရား ဖြန့်ဖြူးမှု အခြေခံက စပြီး မန္တလေး ၂၇ လမ်းနဲ့ ၂၈ လမ်းဒေါင့် က လက်ဖက်ရည်ဆိုင် ပါတ်ဝန်းကျင်မှာ မငြိမ်မသက်ဖြစ်ပါတယ်။ ဒါကို ရဲတပ်ဖွဲ့က အခြေအနေကို ထိန်းသိမ်းဖို့ ကြိုးစားတယ်လို့ ဆိုပါတယ်။ ဒါပေမယ့် ရဲတပ်ဖွဲ့က အဲဒီလို ထိန်းသိမ်းနေတဲ့ကြားက စောစောက ပြောခဲ့သလို လူသေဆုံး၊ ထိခိုက်ဒါဏ်ရာ ရသူရ၊ နေအိမ်အဆောက်အဦနဲ့ ကားဆိုင်ကယ်တွေ ဖျက်ဆီးခံရတဲ့ အထိ ဖြစ်ပွားခဲ့တာပါ။ ဒီနေရာမှာ မေးစရာ တစ်ခုရှိပါတယ်။ အခုလို ဘာသာခြားက မုဒိန်းကျင့်တယ် ဆိုတဲ့ အတည်မပြုနိုင်သေးတဲ့ သတင်းကို ပျံ့အောင် ဖြန့်၊ တဆက်တည်း ဘာသာခြား အမုန်းတရား ပျံ့နှံ့အောင်လုပ်၊ နောက်ပိုင်း အကြမ်းဖက်မှုတွေ ဖြစ်ပွား ဆိုတဲ့ ဖေါ်မြူလာဆန်ဆန် လုပ်ရပ် သမ္မတ ဦးသိန်းစိန် အစိုးရက မသိ၊ မတားဆီး နိုင်ဘူးလားဆိုတဲ့ မေးခွန်းဖြစ်ပါတယ်။ တကယ်တော့ ဒီ ပြသနာကို သမ္မတ ဦးသိန်းစိန် နဲ့ အစိုးရအဖွဲ့ ပြီးခဲ့တဲ့ နှစ်ကတည်းက သိခဲ့ပါတယ်။

ဦးစည်သူအောင်မြင့်။             ။ သမ္မတ ဦးသိန်းစိန်ရဲ့ ၂၀၁၃ ဇူလိုင် ၂ ရက် မိန့်ခွန်းကို နည်းနည်း ပြန်နားထောင်ကြည့်ရအောင်ပါ။ သမ္မတရဲ့ မိန့်ခွန်းတစ်နေရာမှာ အဲဒီ အချိန်က မလေးရှားရောက် မြန်မာအလုပ်သမားတစ်ချို့ တိုက်ခိုက်ခံရတာနဲ့ ဆက်စပ်ပြီး ခုလို ပြောဆိုထားပါတယ်။ “ ဒီဖြစ်ရပ်ကနေ ကျွန်တော်တို့ အနေနဲ့ သင်ခန်းစာအဖြစ် ရယူရမယ့် ကိစ္စကတော့ နိုင်ငံတွင်းမှာ မွန်မြတ်တဲ့ ကိုးကွယ်ယုံကြည်မှုကို ခုတုံးလုပ်ပြီး လူတစ်စုရဲ့ အစွန်းရောက်လုပ်ရပ်တွေ၊ မတူညီတဲ့ ကိုးကွယ်ယုံကြည်မှုတွေအကြား အမုန်းတရား တိုးပွားအောင် လုပ်ဆောင်မှုတွေ၊ ကိုယ်ကျိုးစီးပွားနဲ့ ယှဉ်တဲ့ နိုင်ငံရေး စီးပွားရေး အမြတ်ထုတ် လုပ်ဆောင်မှုတွေကြောင့် ပေါ်ပေါက်ခဲ့တဲ့ အကြမ်းဖက်လုပ်ရပ်တွေဟာ ပြည်ပ နိုင်ငံများမှာ ရောက်ရှိနေထိုင်ကြရတဲ့ ကျွန်တော်တို့ရဲ့ နိုင်ငံသားများကို မလုံခြုံမှုတွေနဲ့ စိုးရိမ်သောကတွေ ဖြစ်စေခဲ့တာပဲ ဖြစ်တယ်။ ” လို့ ဆိုပါတယ်။ ပြောရရင် သမ္မတ ဦးသိန်းစိန်ဟာ Hate Speak လို့ခေါ်တဲ့ အမုန်းတရား ဖြန့်ဖြူးမှုရဲ့ အန္တရာယ်ကို သိနေတဲ့ သဘော သက်ရောက်ပါတယ်။

ဆက်ပြီးပြောတာက “ကျွန်တော်တို့ အနေနဲ့ နိုင်ငံအတွင်းမှာ တစ်ဖက်နဲ့ တစ်ဖက်အကြား အမုန်းတရားတွေ ကြီးထွားအောင် လှုံ့ဆော်ဆောင်ရွက်မှုတွေကို ဥပဒေနဲ့ အညီ ထိထိရောက်ရောက် အရေးယူ ဆောင်ရွက်ဖို့နဲ့ ထပ်မံပေါ်ပေါက်ခြင်း မရှိအောင် ကာကွယ်တားဆီးဖို့ အရှိန်အဟုန်မြှင့် ကြိုးပမ်းကြရမှာ ဖြစ်တယ်” လို့ ဆိုပါတယ်။ အခုဆို သမ္မတ အဲဒီ မိန့်ခွန်းပြောတာ တစ်နှစ်တိတိ ရှိသွားပါပြီ။ အကြမ်းဖက်မှုတွေ ဖြစ်ပွားမှုရဲ့ အဓိက လက်သည်တရားခံဖြစ်တဲ့ အဲဒီ အမုန်းတရား ဖြန့်ဖြူးသူ တစ်ဦးတစ်ယောက်ကိုမှ အစိုးရက အရေးယူတာ မရှိခဲ့ပါဘူး။ ဒါကြောင့်လည်း အမုန်းတရား ဖြန့်ဖြူးသူတွေဟာ ပိုပြီး အတင့်ရဲ ပိုပြီး ဆိုးရွားလာ၊ နောက်ထပ် အကြမ်းဖက်မှုတွေ အချိန်မရွေး ဖြစ်လာနိုင်သေးတယ် ဆိုတဲ့ အနေမျိုး ကြုံတွေ့ရလာတာ ဖြစ်ပါတယ်။

ဒေါ်အင်ကြင်းနိုင်။        ။ သမ္မတ ဦးသိန်းစိန်ဟာ အမုန်းတရားဖြန့်ဖြူးတဲ့သူတွေကို အရေးယူမယ် ဆိုတဲ့ မိန့်ခွန်းပြောပြီး တစ်နှစ်အကြာ အခု ဇူလိုင် ၃ ရက်နေ့မှာ နောက်ထပ် မိန့်ခွန်းတစ်ခု ပြောခဲ့သလို မန္တလေးမှာ အကြမ်းဖက်မှုကြီးတစ်ခုကလည်း တိုက်တိုက်ဆိုင်ဆိုင် ပြန်ဖြစ်လာတာ ကြုံရပါတယ်။ သမ္မတ ဦးသိန်းစိန် ပြောတာက “ ပြုပြင်ပြောင်းလဲရေး အာင်မြင်နိုင်ဖို့အတွက် တိုင်းပြည်အတွင်းမှာရှိတဲ့ ပြည်သူများအကြားမှာ မုန်းတီးမှုများဖြစ်ပွားစေမယ့် ပြုမူပြောဆို ရေးသားမှုများနဲ့ လှုံ့ဆော်မှုများကို ရှောင်ရှားကြဖို့ တိုက်တွန်းအပ်ပါတယ်။ နိုင်ငံသား အချင်းချင်း၊ တိုင်းရင်းသား အချင်းချင်း၊ အမုန်းတရားတွေကြောင့် စည်းလုံးညီညွတ်မှု ပျက်ပြားပြီး ပြည်သူတွေဒုက္ခမျိုးစုံ တွေ့ကြုံနေကြရတာကို ကမ္ဘာ့ဖြစ်စဉ်ဖြစ်ရပ်များက သက်သေပြ နေပါတယ်။ ဒါကြောင့် နိုင်ငံသားများအကြား အမုန်းတရားများ ပွားစေမယ့် အပြုအမူ၊ အပြောအဆို၊ အရေးအသားများကို ကျွန်တော်တို့ လူ့အဖွဲ့အစည်းအနေနဲ့ ရှုတ်ချပြစ်တင် ဆန့်ကျင်ကြရမှာလည်း ဖြစ်ပါတယ်။” လို့ဆိုပါတယ်။

ဦးစည်သူအောင်မြင့်။             ။ သမ္မတ ဦးသိန်းစိန် ပြောတာ ရှင်းပါတယ်။ လွန်ခဲ့တဲ့ တစ်နှစ်က အမုန်းတရား ဖြန့်ဖြူးနေသူတွေကို အရေးယူရမယ် ပြောခဲ့ပေမယ့် အခုတစ်နှစ်ပြည့်တဲ့ အချိန်မှာတော့ သူတို့ အစိုးရ အာဏာပိုင်တွေအနေနဲ့ ဘာတာဝန်မှ ယူတော့မှာ မဟုတ်ပဲ လူ့အဖွဲ့အစည်းကသာ ရှုတ်ချပြစ်တင် ဆန့်ကျင်ကြပါ ဆိုပြီး ပြည်သူတွေ လက်ထဲ ပြန်ထိုးထည့်သွားခဲ့တာပါ်။ အဓိပ္ပါယ်ကတော့ ဒီပြသနာကို ကိုင်တွယ် အရေးယူနိုင်တဲ့ စစ်တပ်က ချုပ်ကိုင်ထားတဲ့ ပြည်ထဲရေးဝန်ကြီးဌာနကို သမ္မတ ဦးသိန်းစိန် ညွှန်ကြားလို့ မရဘူး ဆိုတဲ့ သဘောဖြစ်ပါတယ်။ ပြောရရင် နိုင်ငံ့အကြီးအကဲ အထွတ်အထိပ် လို့ ခေါ်ဝေါ်သမုတ်နေကြတဲ့ သမ္မတ ဦးသိန်းစိန်ရဲ့ မိန့်ခွန်းကိုကြည့်ရင် သူ့အစိုးရလက်ထက် ဖြစ်ပွားခဲ့တဲ့ ဘာသာရေး လူမျိုးရေးဆန်တဲ့ အကြမ်းဖက်မှုတွေနဲ့ ပါတ်သက်ပြီး ဘာမှ အရေးယူနိုင်တာ မရှိသလို လုပ်နိုင်စွမ်းမရှိတာလဲ ပေါ်လွင်နေပါကြောင်း သုံးသပ်တင်ပြလိုက်ရပါတယ်။

VOA

အပြည့်အစုံသို့ »

လူသိ၊ သူသိ နည်းခဲ့ရှာသော နန်းကျ မိဖုရား


စုဖုရားလတ်နဲ့ ပတ်သက်လာရင်… ဘိသိက်ခံတဲ့အချိန် အစ်မကို တွန်းဖယ်ပြီး အတင်း နေရာဝင်လုတဲ့ မိဖုရား..လင်ကို အရမ်းနိူင်တဲ့ မိဖုရား… ပြင်ပဗဟုသုတ အားနည်းတဲ့ မိဖုရား…ကင်းဝန်မင်းကြီးကို သနပ်ခါး ကျောက်ပျဉ်တွေ ပို့ခိုင်းတဲ့ ခပ်ရင့်ရင့် မိဖုရား… စသည်..စသည်ဖြင့် မကောင်းတာတွေချည်းပဲ ခပ်များများ ဖတ်ခဲ့ရတော့ ဘယ်လို မိဖုရားပါလိမ့်လို့ တွေးမယ်ဆို တွေးချင်စရာချည်း ပါပဲ။

ဒါပေမယ့်.. ဒါပေမယ့်လည်းဗျာ… ပါတော်မူတဲ့အချိန်မှာ ဗီရိုလှည်းနဲ့ နှိမ့်ချ သယ်ဆောင် ခံရတော့ လှည်းဘေးက အင်္ဂလိပ်စစ်သားဆီ မီးခြစ်တောင်းပြီး (ဆေးလိပ် သိတ်မကြိုက်လှပေမယ့်) “နင်တို့လောက်တော့ ငါက ဆေးလိပ်သောက်တောင် မပျက်ဘူး ” ဆိုတဲ့ မျက်နှာပေးနဲ့ ရန်သူကို ထီမထင် လုပ်ပြခဲ့တဲ့ မိဖုရား…
သူရိယသင်္ဘောပေါ်က အခန်းထဲမှာ ခေတ္တ လဲလျောင်း နေတဲ့အချိန် တံခါးမခေါက်၊ ခွင့်မတောင်းပဲ ဗြုန်းဆို အခန်းထဲ ဝင်လာတဲ့ အင်္ဂလိပ် ဗိုလ်မှူးကို ထွေးခံနဲ့ ကောက်ပေါက်လိုက်တဲ့ ဆတ်ဆတ်ကြဲ မိဖုရား…

သင်္ဘောကပ္ပတိန်ရဲ့ ဇနီးက သူထိုင်နေတဲ့ ဆိုဖာပေါ် ခွင့်မတောင်းပဲ ဝင်ထိုင်လို့ သစ်သီးထည့်တဲ့ ပန်းကန်ပြားနဲ့ မျက်နှာကို ပေါက်ထည့်လိုက်တဲ့ အထိမခံ မိဖုရား…

ထမင်းပွဲ ပြင်ပေးတဲ့ ကုလားစားပွဲထိုးက အောက်ကျသွားတဲ့ ခက်ရင်းကို မဆေးပဲ စားပွဲပေါ် ဒီအတိုင်း တင်ပေးလိုက်လို့ အဲဒီခက်ရင်းနဲ့ပဲ ကုလားလက်ကို ထိုးစိုက်ပစ်ခဲ့တဲ့ အာဂမိဖုရား…

အရှင်နှစ်ပါး ရှေ့တော်ဝင်ရင် ဘာလက်နက်မှ ကိုင်ဆောင်ခွင့်မရှိတဲ့ မြန်မာ့ထီးနန်း ဓလေ့ထုံးစံ ရှိနေတာ သိသိကြီးနဲ့ ခြောက်လုံးပြူး ခါးချိတ်ပြီး ခပ်တည်တည် ဝင်လာတဲ့ မျက်နှာဖြူအရာရှိကို ( လင်တော်မောင် ဆွဲထားတဲ့ကြားက ) အလှစိုက် ပန်းအိုးနဲ့ ပေါက်ပစ်ခဲ့တဲ့ သတ္တိခဲ မိဖုရား…

ရတနာဂီရိမှာ သီပေါမင်း နတ်ရွာစံတော့ မသာစရိတ် မစို့မပို့ လာဆက်တဲ့ အင်္ဂလိပ် အရာရှိက အရင်တုန်းကလို Your Majesty လို့ မခေါ်တော့ပဲ ( သီပေါမင်း မရှိတော့လို့ နှိမ့်ချတဲ့ သဘောနဲ့ ) Queen Su Phaya Latt လို့ တမင် ခေါ်ခဲ့တဲ့အတွက် အဲဒီငွေထုပ်နဲ့ မျက်နှာကို ပစ်ပေါက်ခဲ့တဲ့ မာနခဲ မိဖုရား…

အင်္ဂလိပ်က သီပေါမင်း အလောင်းတော်ကို မြန်မာပြည် ပြန်သယ်ခွင့် မပေးပဲ ရေခြား မြေခြား တိုင်းတစ်ပါးက ရတနာဂီရိ မှာအတင်း သင်္ဂြိုလ်ခိုင်း။ ယုတ်စွအဆုံး ဗုဒ္ဓဘာသာ ထုံးတမ်း အစဉ်အလာအရ သေသူအတွက် သရဏဂုံလေးတောင် တင်ခွင့်မပေးခဲ့လို့ လင်ဖြစ်သူရဲ့ အလောင်းကို လုံးဝ ထုတ်မပေးပဲ သူ့အနားမှာ ၂ နှစ်နဲ့ ၃ လကြာအောင် ထားခဲ့တဲ့ အချစ်ကြီးသူ မိဖုရား…

အလောင်းတော်ကို ထုတ်မပေးရင် အိမ်ပေါ်က အတင်းဆွဲချမယ် ဆိုပြီး လာဝိုင်းတဲ့ အင်္ဂလိပ်စစ်တပ်ကို မုဆိုးမ ပူပူနွေးနွေးပေမယ့် အံကို တင်းတင်းကြိတ်ပြီး အိမ်မှာ မွေးထားတဲ့ ခွေးတွေနဲ့ ရှူးတိုက်ကာ အတင်း ကိုက်ခိုင်းတဲ့ မကြောက်မရွံ့ မိဖုရား…

သီပေါမင်း မရှိတော့လို့ သူတို့ မိသားစုတွေ ရန်ကုန် ပြန်ပို့ခံရတဲ့အချိန် မကျန်းမမာ ဖြစ်နေတာတောင် အင်္ဂလိပ်ဘုရင်ခံက လွှတ်လိုက်တဲ့ ဖာရစီဆရာဝန်ရဲ့ ဆေးကုသမှုကို လုံးဝ လက်မခံပဲ အသက်သာ အသေခံသွားတဲ့ ကုန်းဘောင် မင်းဆက်ရဲ့ နောက်ဆုံး နန်းကျ မိဖုရား…

ဒါတွေဟာ အားမတန်ပေမယ့် မာန်ကို မလျှော့ခဲ့တဲ့.. ဒူးလည်းမထောက် လက်လည်း မမြှောက်ခဲ့တဲ့ စုဖုရားလတ်ရဲ့ မာနတွေလား… ???

တစ်တိုင်းပြည်လုံး သူ့ကျွန်ဘဝမှာ ပြားပြားဝပ် နေတာတောင် ရတဲ့နည်းနဲ့ နယ်ချဲ့ကို ဆန့်ကျင် ဆန္ဒပြခဲ့တဲ့ နန်းကျ မိဖုရား တစ်ဦးရဲ့ တော်လှန်ရေး စိတ်ဓာတ်တွေလား ဆိုတာကတော့ သူပဲ အသိဆုံး ဖြစ်မှာပါဗျာ…..။ ……… အသက် ငယ်ငယ်ရွယ်ရွယ်၊ ချောမော လှပတဲ့ အားနွဲ့သူ မိန်းမပျိုလေး တစ်ယောက်က ယောင်္ကျား ရင့်မာကြီး အယောက် ၅၀ လောက် ဝိုင်းပြီး အနိူင်ကျင့် စော်ကားမှာကို လုံးဝ ခေါင်းငုံ့ မခံပဲ ဓါးကလေး တစ်လက်နဲ့ မကြောက်မရွံ့ ခုခံ ကာကွယ်ခဲ့တယ် ဆိုရင် ဖြစ်နိူင်ပါ့မလား… ???

ဒါ့အပြင် အဲဒီ မိန်းမပျိုလေးဟာ… နူတ်ကြမ်း၊ အာကြမ်း၊ စရိုက်ကြမ်း တဲ့ အမျိုးအနွယ်ထဲက မဟုတ်ပဲ တစ်သက်လုံး သိမ်မွေ့ နူးညံ့စွာ နေလာခဲ့ပြီးမှ သူနဲ့ သူ့မိသားစုရဲ့ အရှက်နဲ့ ဂုဏ်သိက္ခာအတွက် သူ့ဘဝမှာ ပထမဆုံး အကြိမ်အဖြစ် ဓါးကို မနိူင့်တနိူင် ကိုင်ဆွဲပြီး အရှက်နဲ့ အသက် လဲဘို့ ကြံစည်ခဲ့တာ ဆိုရင်ကော…

ပိုပြီး အံ့သြဘို့ ကောင်းတာက သူဟာ ရေခြား မြေခြား တိုင်းတစ်ပါးမှာ မွေးစ ကတည်းကနေ အဲဒီအချိန်ထိ တစ်သက်လုံး မျက်စိသူငယ် နားသူငယ်နဲ့ ညိုးငယ်စွာ နေလာခဲ့ရတဲ့ မြန်မာမလေး တစ်ယောက်ဖြစ်ခဲ့ပြီး သူ စိန်ခေါ်ခဲ့တဲ့ သူတွေကတော့ ဘာသာမတူ၊ အသွေးအရောင်မတူတဲ့ နိူင်ငံခြားသားတွေ… သူ စိန်ခေါ်ခဲ့တဲ့ နေရာကလည်း ကိုယ့်ပြည် ကိုယ့်မြေမှာ မဟုတ်ပဲ အားလုံးက မျက်စိ ဒေါက်ထောက် ကြည့်နေတဲ့ နိူင်ငံရပ်ခြား တိုင်းတပါးမှာ ဆိုရင်ကော….. ဒီ အဖြစ်အပျက်တွေက ကြာတော့လည်း ကြာခဲ့ပါပြီ… တိတိကျကျ ပြောရရင်တော့ လွန်ခဲ့တဲ့ နှစ်ပေါင်း ၉၄ နှစ်ကျော်၊ ၁၉၁၉ ခုနှစ်၊ ဖေဖော်ဝါရီ ၁၉ ရက်နေ့မှာ ဖြစ်ခဲ့တာပါ။ အတိတ်ကို ပြန်လည် တူးဆွတာ မဟုတ်ပေမယ့် မမေ့သင့်တဲ့၊ သင်ခန်းစာ ယူစရာကောင်းတဲ့ ဖြစ်စဉ်တစ်ခုလို့ ယူဆမိတာမို့ ရင်နာနာနဲ့ပဲ တင်ပြပေးပါရစေ…

၁၅.၁၂.၁၉၁၆ နေ့မှာ နတ်ရွာစံခဲ့တဲ့ သီပေါမင်းရဲ့ အလောင်းတော်ကို အင်္ဂလိပ်က မြန်မာပြည် ကို ပြန်သယ်ဆောင်ခွင့်မပေး၊ ယုတ်စွအဆုံး မြန်မာပြည်က ဗုဒ္ဓဘာသာ ရဟန်းတော်တွေကို ပင့်ဆောင်ပြီး သရဏဂုံလေးတောင် တင်ခွင့်မပေးတဲ့အတွက် စုဖုရားလတ်က အသည်းနာစွာနဲ့ အလောင်းတော်ကို ထုတ်မပေးပဲ ၂ နှစ်နဲ့ ၃ လခန့် သူနဲ့အတူထားပြီး တင်းခံ နေတဲ့အချိန်… အဲဒီအချိန်မှာ အင်္ဂလိပ်က ဂျာမဏီနဲ့ ပထမ ကမ္ဘာစစ် ဖြစ်နေတော့ ဒီ အလောင်းတော် ကိစ္စကို ခေါင်းထဲ သိတ်ထည့် မထားဘူး။ ၁၉၁၈ ခုနှစ်၊ နိူဝင်ဘာလမှာ ဂျာမဏီ စစ်ရှုံးလို့ ပထမ ကမ္ဘာစစ်ကြီး ပြီးသွားတော့ မှ မုဆိုးမ စုဖုရားလတ်တို့ သားအမိ တတွေကို မြန်မာပြည် ပြန်ပို့ဘို့ စဉ်းစားပြီ။ ထွက်လာပါပြီ… အင်္ဂလိပ်ရဲ့ ရာဇသံ။ “၂၃.၂.၁၉၁၉ နေ့ နောက်ဆုံးထားပြီး စုဖုရားလတ်နဲ့ သမီးတော်တွေ ရတနာဂီရိက ထွက်။ သီပေါမင်း အလောင်းကို ဒီအတိုင်း ထားခဲ့။ ရတနာဂီရိမှာပဲ ဂူသွင်း သင်္ဂြိုလ်ပေးမယ် “…တဲ့။ မာနခဲ စုဖုရားလတ်ကလည်း ခပ်ပြတ်ပြတ်ပဲ အကြောင်းပြန်တယ်။ ” ငါ့ယောင်္ကျား အလောင်း မပါပဲ ပြည်တော် မပြန်ဘူး။ နင်တို့ ကြိုက်သလိုလုပ် “…တဲ့။ အလောင်းတော် တိုက်ပွဲက နှစ်ဖက်စလုံး တင်းခံနေတော့ အင်္ဂလိပ်က ဘီလူးဆိုင်း စတီးပါပြီ။ ရတနာဂီရိ စံအိမ်တော်ကို အင်္ဂလိပ် စစ်တပ်နဲ့ဝိုင်း။ အလောင်းတော်ကို အသာတကြည် ထုတ်မပေးရင် အင်အားသုံးပြီး လုစေ… ကြံရာမရဖြစ်သွားရှာတဲ့ စုဖုရားလတ်ခမြာ အေးအတူ ပူအမျှ နေလာခဲ့တဲ့ ချစ်လင်ဖြစ်သူရဲ့ အလောင်း ပါသွားမှာ စိုးရိမ်တာနဲ့ စံအိမ်မှာ မွေးထားတဲ့ ခွေးတွေကို ရိုက်နှက်ပြီး လက်နက် အပြည့်အစုံပါတဲ့ အင်္ဂလိပ် စစ်တပ်ကို ရှူးတိုက်ပြီး ကိုက်ခိုင်း။ ချစ်လင်ရဲ့ အလောင်းပေါ် အလျားလိုက် မှောက်ပြီး ” ငါ သေမှ ငါ့လင် အလောင်းကို ရမယ်။ သတ္တိရှိရင် ပစ်ကြ “… လို့ စိန်ခေါ်… စံအိမ်တော်ပေါ်မှာ ကမ္ဘာပျက်သလို အော်ဟစ် ငိုယို နေကြပြီ။ မယ်ကံဆိုး သားအမိတွေရဲ့ကံက ဒီလောက်ပဲလား ဆိုတော့ မဟုတ်သေးဘူး။ ဗူးလေးရာ ဖရုံဆင့်ဆိုသလို စံအိမ်တော် အရာရှိဆိုပြီး အင်္ဂလိပ်အစိုးရ ခန့်ထားတဲ့ မျက်နှာဖြူကောင်က အိမ်ပေါ် ခပ်တည်တည်နဲ့ တက်လာ… သီပေါမင်းရဲ့ သမီးတော် လေးယောက်ကို ကုလားထိုင်ပေါ် ထိုင်ခိုင်း… နောက်ပြီး စံအိမ်တော် အလုပ်သမား အိန္ဒိယ အမျိုးသား အယောက် ၅၀ ကျော်လောက်ကို စု… ” အခု သီပေါဘုရင် သေပြီ။ ဒီနေ့ကစပြီး ဒီမိန်းမတွေကို မင်းတို့တတွေ ရိုသေစရာ မလိုတော့ဘူး။ ဒီတော့.. ဒီမိန်းမ လေးယောက်ထဲက မင်းတို့ ကြိုက်တဲ့သူ ယူနိူင်တယ် “..ဆိုပြီး ပြောချလိုက်တော့ ဟိုကောင်တွေကလည်း သမီးတော်တွေကို ထဆွဲမယ် တကဲကဲ လုပ်။ အို… ရုတ်ရုတ်သဲသဲတွေ ဖြစ်ကုန်ပါရော။

ကျန်တဲ့ သမီးတော် သုံးယောက်က ရှက်လွန်းလို့ အသားတွေ တဆတ်ဆတ် တုန်ပြီး ငိုယိုနေတဲ့အချိန်…
အငယ်ဆုံး သမီးဖြစ်တဲ့ စတုတ္ထသမီးတော်က မပြောမဆိုနဲ့ သူ့ခမည်းတော်ရဲ့ ခေါင်းရင်းမှာ ချိတ်ထားတဲ့ ငှက်ကြီးတောင် ဓါးကြီးကို ဗြုန်းဆို ဆွဲထုတ်… မျက်နှာဖြူကောင် ထိုင်နေတဲ့ ရှေ့က စားပွဲကြီးပေါ် (ထဘီ ဝတ်ထားပေမယ့် ) ဒေါသတကြီးနဲ့ လွှားကနဲ ခုန်တက်… ငှက်ကြီးတောင်ဓါးကို ကျစ်ကျစ်ပါအောင် ဆုပ်ပြီး ” ခွေးကောင်တွေ.. ရှေ့တိုးရဲ တိုးကြည့်စမ်း ” လို့ ဒေါသ အံကြိတ်သံနဲ့ စိန်ခေါ်။ စံအိမ်တော် ပေါ်က မြန်မာမလေး တစ်ယောက်ရဲ့ အရှက်နဲ့ သိက္ခာကို အသက်နဲ့ လဲတဲ့ပွဲ… ဟိုကောင်တွေ တစ်ကောင်မှ ဝင်မဆွဲရဲတော့ဘူးလေ။

အားနွဲ့သူ ဆိုပေမယ့် မြန်မာ့သွေးက ရဲရဲနီ… သာကီမျိုးဟေ့ ဒို့ဗမာ… ပြီးတော့ မျက်နှာဖြူကောင်ကိုပါ ဓါးနဲ့ရွယ်ပြီး ” ငါ့ခမည်းတော် နတ်ရွာစံပေမယ့် ငါတို့ဟာ မြန်မာ မင်းသမီးတွေပဲ။ စစ်တိုက်လို့ စစ်ရှုံးခဲ့တာ မဟုတ်ဘူး။ နင်တို့ အကောက်ကြံပြီး မတရား နန်းချ ခံခဲ့ရတာ။ အခုလို စော်ကားတာကို အထက် စာတင်မယ်။ နင် သတ္တိရှိရင် နောက်ထပ် အမိန့်ပေးစမ်း။ နင့်ကိုပါ ခုတ်ပစ်မယ်”..လို့ ရဲရဲတောက် စိန်ခေါ်… ပေါ်လီတီကား ဆိုတဲ့ မျက်နှာဖြူကောင် က အဲဒီတော့မှ ကျီစယ်တာပါဆိုပြီး လျှောချ။ ဒေါသ ဖြစ်စရာ… အသည်းနာစရာ ကောင်းလိုက်လေဗျာ…

သီပေါမင်းနဲ့ စုဖုရားလတ် အုပ်ချုပ်ခဲ့တဲ့ ၇ နှစ်တာ ကာလအတွင်းမှာ ဖြစ်ပျက်ခဲ့တဲ့ မြန်မာပြည်ရဲ့ သမိုင်းကြောင်းတွေကို သမိုင်းဆရာပေါင်းစုံက စာအုပ်ပေါင်းစုံ ရေးသားထုတ်ဝေခဲ့ပြီးလို့ အဆိုး အကောင်း မဝေဖန်ချင်ပေမယ့်

နန်းကျ မုဆိုးမ တစ်ဦးရဲ့ မာန၊ ဖခင် ကွယ်လွန်သွားတာနဲ့ မြေနိမ့်ရာ လှံစိုက်ချင်ကြတဲ့ သူတွေကို ဓါးဆွဲပြီး အရှက်နဲ့ သိက္ခာကို အသက်နဲ့ လဲရဲတဲ့ မြန်မာမလေး တစ်ယောက်ရဲ့ မြန်မာ့ မာနကိုတော့ ဘယ်သူတွေ ဘာပြောပြော ကျွန်တော်တော့………….…။
သမိုင်းမှတ်စုများမှကူးယူဖော်ပြသည်!!!!

Credit to Thet Soe Htike
The Express Times

အပြည့်အစုံသို့ »

မန္တလေးတွင် ထိတ်လန့်ဖွယ်မှုခင်းများ အယောင်ဆောင်တိုင်ကြားမှုများရှိဟုဆို



 မန္တလေးမြို့ တည်ငြိမ် အေးချမ်းစပြုချိန်တွင် တိုင်းရဲတပ် ဖွဲ့သို့ သတင်းအမှားများ၊ ထိတ် လန့်ဖွယ် မှုခင်းများအကြောင်းကို   လက်ကိုင်ဖုန်းများစွာဖြင့်  အ ယောင်ဆောင်တိုင်ကြားမှုများရှိ နေပြီး  မြို့ခံများနှင့် ရဲတပ်ဖွဲ့ဝင်များအား  ရှုပ်ထွေးမှုများဖြစ်စေရန် ပြု လုပ်နေသေးကြောင်း သတင်းရရှိသည်။

‘‘ဘယ်ဗလီနားမှာ လူတစ် ယောက်ကို  ၀ိုင်းရိုက်နေပြီတို့၊ ဘယ်နေရာမှာ မီးလောင်နေပြီဆို ပြီး ၁၅၀၀ တန်ဖုန်းတွေနဲ့ တိုင်း ရဲတပ်ဖွဲ့ကို လှမ်းဆက်တာ။ တပ် ဖွဲ့ဝင်တွေက ချက်ချင်းစုံစမ်း တော့လည်း မဟုတ်ပြန်ဘူး။  ဖုန်း တွေကိုပြန်ဆက်ပြီး ဘယ်သူလဲလို့ ပြန်မေးရင် ဖုန်းကိုချပစ်တယ်။ ပြန်ဆက်တော့ ဒါလမ်း ဘေးဖုန်းတို့၊ ဖုန်းခဏ ငှားဆက်တာတို့ဆိုပြီး ပြောတယ်။ ဖုန်းတွေကို လက်ပြောင်းပစ်တယ်။ ဒီနေ့ထိ (ဇူလိုင် ၇) ရက် ဖုန်းတွေရနေတုန်းပဲ’’ဟု အမှတ် (၃) လုံခြုံရေးကွပ်ကဲမှုအဖွဲ့ဒုတိယကွပ်ကဲရေးမှူး ရဲမှူးကြီးအောင်မြတ်စိုးကပြောသည်။
အဆိုပါ အယောင်ဆောင် ဖုန်းများမှာ တိုင်းရဲတပ်ဖွဲ့ကြိုး ဖုန်းများကို ဆက်သွယ်ခြင်းလုံးဝမ ရှိဘဲ တပ်ဖွဲ့ဝင်များ၏ လက်ကိုင် ဖုန်းများကို သိရှိပြီး ဆက်သွယ် လာခြင်းမှာ  အံ့အားသင့်ဖွယ် ကောင်းကြောင်း ၎င်းကဆိုသည်။ ထို့အပြင် နည်းပညာတိုးတက်မှု နှင့် ထိန်းချုပ်မှုများ အားနည်းနေ သည့်အတွက် အယောင်ဆောင် ဖုန်းများကို ခြေရာခံ၍ ဖမ်းဆီး ဖော်ထုတ်ရန် ခက်ခဲကြောင်း ၎င်း ကပြောသည်။

‘‘မြို့ကို ထိတ်လန့်အောင်၊ စိတ်ရှုပ်အောင် လုပ်တာ။ နိုင်ငံ ရေးရည်ရွယ်ချက်တွေလည်း ပါ မှာပေါ့။ ကျွန်တော်တို့က အခု ဆိုင်ကယ်၊ ကားတွေမှာ တုတ်၊ ဓားလက်နက်ပါရင် လက်နက်မှု နဲ့ အရေးယူခိုင်းထားတယ်။ ဘယ် ဘာသာဆိုပြီး ခွဲခြားမှာမဟုတ် ဘူး။ လက်နက်ပါရင် လက်နက်မှု နဲ့ ဖမ်းတယ်’’ဟု ၎င်းကပြော သည်။

လက်ရှိတွင် မန္တလေးမြို့ အခြေအနေမှာ အေးဆေးနေပြီး ကောလာဟလများနှင့် အွန်လိုင်းတွင် တက်နေသည့် လှုံ့ဆော်ရာ ရောက်သော သတင်းမှားများကို မယုံကြည်ကြရန် မြန်မာနိုင်ငံ ရဲ တပ်ဖွဲ့က တိုက်တွန်းပြောကြား ထားသည်။

မန္တလေးမြို့၌ ဖြစ်ပွားသည့် ဖြစ်စဉ်တွင် ပြစ်မှုကျူးလွန်သူ ၁၆ ဦးအား အမှုဖွင့်အရေးယူထားပြီး ကျန် ၇ မှုမှာ ပြစ်မှုကျူးလွန်သူ များကို စုံစမ်းဆဲဖြစ်၍ ပုဒ်မ ၁၄၄မလိုက်နာသူ ၃၄၆ ဦးအား ပုဒ်မ ၁၈၈ ဖြင့်အရေးယူထား ကြောင်း အစိုးရက သတင်းထုတ် ပြန်ထားသည်။

7day daily

အပြည့်အစုံသို့ »

မန္တလေးဆူပူမှု လူ ၄၀၀ နီးပါး ဖမ်းဆီး


ဒုရဲမှူးကြီး ဇော်မင်းဦး (မန္တလေးတိုင်း ဒေသကြီး ရဲတပ်ဖွဲ့)


မန္တလေးမြို့မှာ လူသေဆုံး၊ ထိခိုက်ဒဏ်ရာတွေ ရခဲ့တဲ့အထိဖြစ်ပွားခဲ့တဲ့ ပြီးခဲ့တဲ့ သီတင်းပတ်အတွင်း ဆူပူမှုတွေနဲ့ ဆက်နွယ်ပြီး အာဏာပိုင်တွေက လူ ပေါင်း ၄၀၀ နီးပါးကို ဖမ်းဆီးခဲ့ပါတယ်။ ညမထွက်ရ အမိန့်ထုတ်ပြန်ပြီး ဖမ်းဆီးအရေးယူမှုတွေ ရှိလာတာကြောင့် မန္တလေးမှာ တည်ငြိမ်စ ပြုလာပေမယ့် ပုံမှန်အခြအနေအထိတော့ မဖြစ်သေးဘူးလို့ မြို့ခံတွေက ပြောပါတယ်။ မန္တလေးမြို့ရဲ့ နောက်ဆုံး အခြေအနေတွေကိုတော့ ဆက်သွယ်စုံစမ်းထားတဲ့ မဆုမွန်က တင်ပြပေးထားပါတယ်။

ဇူလိုင်၁ရက်နေ့ကစလို့ ဖြစ်ပွားခဲ့တဲ့ လူနှစ်ဦးသေဆုံးပြီး လူ ၁ ဒါဇင်ကျော် ထိခိုက်ဒဏ်ရာရခဲ့တဲ့ မန္တလေးမြို့က ဆူပူအကြမ်းဖက်မှုတွေမှာ သံသယရှိသူ ၁၆ ဦး အပါအ၀င် ပုဒ်မ ၁၄၄ ညမထွက်ရ အမိန့်ကို ဖောက်ဖျက်သူ စုစုပေါင်း ၃၆၂ ဦးကို ဖမ်းဆီးခဲ့တဲ့အကြောင်း မန္တလေးတိုင်း ရဲတပ်ဖွဲ့က ပြောပါတယ်။ လူသတ်မှု (၂) မှု၊ နာကျင်စေမှု (၃) မှု၊ မီးရှို့မှု (၁) မှုတွေအတွက် သံသယရှိသူတွေကိုတော့ အာဏာပိုင်တွေက စုံစမ်းနေဆဲ ဖြစ်တယ်လို့လည်း သတင်းထုတ်ပြန်ထားတာပါ။ ပုဒ်မ ၁၄၄ ညမထွက်ရအမိန့် ချိုးဖောက်မှုနဲ့ ဖမ်းဆီးခဲ့တဲ့ ၃၄၆ ယောက်အနက် ၁၄၅ ယောက်ကိုတော့ ခံဝန်နဲ့ ပြန်လွှတ်ပေးခဲ့သလို ကျန်လူတွေကိုလည်း စစ်ဆေးမေးမြန်းပြီးရင် ပြန်လွှတ်ပေးကောင်း လွှတ်ပေးနိုင်တယ်လို့ မန္တလေးတိုင်း ဒေသကြီးက ဒုရဲမှူးကြီး ဇော်မင်းဦးက ပြောပါတယ်။ ဒါပေမဲ့လည်း လုံခြုံရေးအတွက် မန္တလေးမြို့မှာ လုံခြုံရေး တပ်ဖွဲ့ဝင်တွေအနေနဲ့ အခုအခါ နေ့ဖက်တွေမှာပါ ရှောင်တခင် စစ်ဆေးမှုတွေ လုပ်ဆောင်နေရတယ်လို့လည်း သူကပြောပါတယ်။

“လက်ရှိကတော့ နေ့ခင်းလည်း လိုအပ်တဲ့နေရာတွေမှာ ကျနော်တို့ နေရာလုံခြုံရေးတွေ ချထားတယ်။ ညဘက်ဆိုလည်း ကျနော်တို့က နယ်မြေ စိုးမိုးရေးအတွက် ကားတွေရော၊ ဆိုင်ကယ်တွေရော၊ လှည့်ကင်းတွေနဲ့ဆက်ပြီးတော့ နယ်မြေစိုးမိုးရေးကို ဆက်ပြီးတော့ ဆောင်ရွက်နေပါတယ်ဗျ။ အခုလက်ရှိကတော့ အခြေအနေ အေးအေးဆေးဆေးပါပဲခင်ဗျ။ ပုဒ်မ ၁၄၄ က ထုတ်ထားတုန်းပါ။ အခြေအနေပေါ်မှာပဲ မူတည်ပြီး ရုပ်သိမ်းသင့်၊ မရုပ်သိမ်းသင့်ကတော့ ကျနော်တို့ တိုင်းဒေသကြီး အစိုးရအဖွဲ့ကပဲ ဆောင်ရွက်မှာ ဖြစ်ပါတယ်ခင်ဗျ။ ၁၆ ဦးကတော့ ခဲတွေနဲ့ ပေါက်တဲ့သူတို့၊ တုတ်တွေ ဘာတွေကိုင်လိုက် လူတို့၊ အဲလို အခင်းဖြစ်စဉ်မှာ အဲလိုတွေ့တဲ့ဟာတွေကို လိုက်လံ ဖမ်းဆီးထားတဲ့ဟာတွေပါ။ အထူးအမှုစစ်တွေနဲ့ သေချာ ကျနော်တို့ စုံစမ်းဖော်ထုတ်နေပါတယ်ခင်ဗျ။ မျက်မြင်သက်သေတို့၊ ပတ်ဝန်းကျင်သက်သေတို့ ကျန်တဲ့ တခြား အထောက်အထားတွေနဲ့ တရားခံ ဖော်ထုတ်ရရှိရေးတော့ ဆက်လက် ဆောင်ရွက်နေပါတယ်။”

ပဋိပက္ခတွေ ဖြစ်ပွားခဲ့ပြီးနောက် အာဏာပိုင်တွေက လုံခြုံရေးအတွက် တင်းတင်းကျပ်ကျပ် စောင့်ကြည့်နေသလို၊ မန္တလေးမြို့မိမြို့ဖတွေ၊ အရပ်ဖက် အဖွဲ့အစည်းတွေနဲ့ ဘာသာရေး ခေါင်းဆောင်တွေကလည်း အခြေအနေကို ၀ိုင်းဝန်းထိန်းသိမ်းဖို့ ကြိုးစားနေကြတဲ့အတွက် အခုအခါ ဆူပူ အကြမ်းဖက်မှုတွေ မရှိတော့ဘဲ ပြန်လည်တည်ငြိမ်စပြုလာနေပြီလို့လည်း မန္တလေးမြို့ခံတွေက ပြောပါတယ်။ ဒါပေမဲ့လည်း အထက်မြန်မာနိုင်ငံရဲ့ မြို့တော် မန္တလေးမြို့ရဲ့ အခြေအနေဟာ  ပုံမှန်အနေအထား မရောက်သေးဘူးလို့ ဒေသခံ သတင်းသမားတစ်ဦးဖြစ်တဲ့  ကိုမင်းထက်ငြိမ်းချမ်းက ပြောပါတယ်။

ညမထွက်ရအမိန့်ကြောင့် ပုဒ်မ ၁၄၄ မရုပ်သိမ်းသေးတဲ့ အတွက်လည်း ကုန်စည်စီးဆင်းရာ အချက်အခြာလည်းဖြစ်တဲ့ မန္တလည်းမြို့က သွားရေးလာရေး၊ လမ်းပမ်းဆက်သွယ်ရေးနဲ့ စီးပွားရေး  လုပ်ငန်းတွေမှာ အခက်အခဲတွေ ကြုံနေရတယ်လို့လည်း မန္တလေးမြို့ တည်ငြိမ်အေးချမ်းရေးနဲ့ သတင်းမှန် ထုတ်ပြန်ရေး ကော်မတီရဲ့ သတင်း ပြန်ကြားတာဝန်ခံလည်းဖြစ်တဲ့ ကိုမင်းထက်ငြိမ်းချမ်းက ပြောပါတယ်။

“သွားရေးလာရေးတွေကတော့ အခိုက်အတန့်အားဖြင့် တန့်သွားတဲ့အတွက် မန္တလေးလို မြို့ကြီးတွေမှာကျ လုပ်ငန်းပေါင်းစုံ ကိုယ်မသိတဲ့လုပ်ငန်းရော၊ သိတဲ့လုပ်ငန်းရော၊ လက်လုပ်လက်စား အသေးစား အလတ်စားတွေရော နောက် ဒါနဲ့ ဆက်နွယ်နေတဲ့ သယ်ယူပို့ဆောင်ရေးတွေရော ဆိုတော့ ပုံမှန်တော့ မဖြစ်သေးဘူး၊ အခုနကပြောတဲ့ အရပ်စကားနဲ့ ပြောရရင် ရုတ်ရုတ် ရုတ်ရုတ်ဖြစ်တယ်ဆိုတာတွေတော့ သိပ်မကြားရဘူး၊ မနေ့ကအထိတော့ ဟိုနည်းနည်း၊ ဒီနည်းနည်း ကောဠဟာလတွေတော့ ရှိသေးတယ်။ ဒီရက်ကဆိုရင် အထူးသဖြင့် လမ်းဘေးလက်ဖက်ရည်ဆိုင်လေးတွေမှာက ကမ္ဘာ့ဖလား ဗိုလ်လုပွဲအထိ အားခဲပြီးတော့ ရောင်းမှာတွေလေ။ ပြီးရင် ပရီမီယာတို့ ၊ ဘာတို့ အဲဒါတွေလည်း အများကြီး ရပ်သွားတယ်။ ဆိုင်ကယ်လ် တက္ကဆီတွေ၊ ညပိုင်း ကုန်စိမ်းတွေ၊ နောက် လက်လုပ်လက်စား ဈေးလေးတွေမှာ ပြန်ပြီးတော့ ဒိုင်တွေကနေ ပြန်ဝယ်မယ်ပေါ့။ ဒါတွေက အများကြီး အနှောင့်အယှက် ဖြစ်သွားတာပေါ့။ တည်ငြိမ်သလားဆိုရင်တော့ ရုတ်ရုတ်သည်းသည်း ပဋိပက္ခဆန်ဆန်တွေတော့ ဒီနေ့ ဘာမှ မကြားဘူး။ ဒါပေမယ့် လုပ်ငန်းကိုင်ငန်းတွေက ပုံမှန်ပြန်ဖြစ်သွားပြီလားဆိုတော့ ဆိုင်တွေ ဘာတွေတော့ ပြန်ဖွင့်ပါလိမ့်မယ်။ သို့သော်လည်းပဲ အရင် မူလ ပုံစံတော့ ပြန်မရောက်သေးဘူးလို့ ပြောလို့ရပါတယ်။”

ဒီလ ဇူလိုင်လ (၁) ရက်နေ့က စတင် ဖြစ်ပွားခဲ့တဲ့ ဘာသာရေးအသွင်ဆောင် အကြမ်းဖက် ဆူပူမှုတွေကို ထိန်းသိမ်းဖို့ မန္တလေး စည်ပင်သာယာ နယ်နိမိတ်အတွင်းက အောင်မြေသာဇံ၊ ချမ်းအေးသာဇံ၊ မဟာအောင်မြေ၊ ချမ်းမြသာစည်၊ ပြည်ကြီးတံခွန်နဲ့ အမရပူရ မြို့နယ် ၆ မြို့နယ်မှာ ည ၉ နာရီကနေ မနက် ၅ နာရီအထိ ညမထွက်ဖို့ ဇူလိုင်လ ၃ ရက်နေ့က အမိန့်ထုတ်ပြန်ခဲ့တာပါ။ အမိန့်ထုတ်ပြန်ပြီး နောက်တနေ့မှာပဲ ဆူပူမှုတွေ ထပ်ဖြစ်ခဲ့တဲ့အတွက်လည်း မန္တလေးတိုင်း ပုသိမ်ကြီး မြို့နယ်မှာပါ ပုဒ်မ ၁၄၄ ထပ်မံကြေညာခဲ့တာဖြစ်ပါတယ်။

VOA

အပြည့်အစုံသို့ »

ငရုတ်သီးစားခြင်းကြောင့် အသက်ရှည်စေနိုင်ဟု သိပ္ပံပညာရှင်များ ပြောကြား


ခန္ဓာကိုယ်မှာ နာကျင်မှုကို အာရုံခံနိုင်စွမ်းအား ဟန့်တားခြင်းက အသက်ရှည်စေကြောင်း၊ ငရုတ်သီးမှာပါဝင်တဲ့ Capsaicin့ ဒြပ်ပေါင်းက နာကျင်မှုအာရုံခံပရိုတိန်း TRVPI  ကို ဟန့်တားပေးကြောင်း၊ ဒါကြောင့်မို့ ငရုတ်သီးတောင့်တွေနဲ့ ငရုတ်သီး ပါဝင်တဲ့ အစပ်ဟင်းတွေ ပုံမှန်စားသုံးခြင်းဖြင့် အသက်ရှည်နိုင်ကြောင်း သိပ္ပံပညာရှင်တွေက ပြောကြားခဲ့တယ်။
ကယ်လီဖိုးနီးယားတက္ကသိုလ်က သုတေသီအင်ဒရူးဒီလင်းနဲ့ သုတေသီတွေက ကြွက်တွေကို TRVPI ခေါ် နာကျင်မှုအာရုံခံ ပရိုတိန်းမထုတ် လုပ်နိုင်အောင် မျိုးရိုးဗီဇပြုပြင်ပြီး အဲဒီလေ့လာမှုကို ပြုလုပ်ခဲ့ကြကြောင်း သိရသည်။
TRVPI  ခေါ် နာကျင်မှုအာရုံခံ ပရိုတိန်းမထုတ်လုပ်နိုင်တဲ့ အဲဒီကြွက်တွေဟာ ထူးထူးခြားခြား အသက်ရှည်ကြောင်း ၊ တခြားပုံမှန်ကြွက်တွေထက် ၁၄ ရာခိုင်နှုန်းပိုပြီး အသက်ရှည်တဲ့အပြင် ပိုမိုကျန်းမာကြောင်း၊ ကင်ဆာရောဂါ ဖြစ်ပွားမှုလျော့နည်းပြီး အသက်အရွယ်ကြောင့် မှတ်ဉာဏ် စွမ်းရည်ကျဆင်းမှုနှုန်း လျော့နည်းကြောင်း၊ ဒါ့အပြင် ပုံမှန်ထက် ကိုယ်လက်လှုပ်ရှားမှု ပိုမိုပြုလုပ်စရာ မလိုဘဲ အဆီပိုတွေကို လောင်ကျွမ်းစေ နိုင်ကြောင်းနဲ့ အသက်အရွယ်အိုမင်းလာတဲ့တိုင် ခန္ဓာကိုယ်တွင်း သကြားဓာတ် ချေဖျက်နိုင်စွမ်းအပါအ၀င် ဇီဝရုပ်ဖြစ်စဉ်ဟာ အသက်ငယ် စဉ်ကလို ကောင်းမွန်နေတုန်းဖြစ်ကြောင်း သုတေသီတွေက တွေ့ရှိခဲ့တယ်။
သို့ဖြစ်ရာ ခန္ဓာကိုယ်မှာ နာကျင်မှု အာရုံခံနိုင်စွမ်းကို ဟန့်တားခြင်းက လူတွေမှာ နာကျင်မှုသက်သာစေရုံမက အသက်ရှည်ကျန်းမာစေပြီး၊ အထူးသဖြင့် ဆီးချိုရောဂါနဲ့ အ၀လွန်မှုတို့ကို ကုသရာမှာ အလွန်အသုံးဝင် နိုင်ကြောင်း ဆဲလ်ဂျာနယ်မှာ ဖော်ပြခဲ့တဲ့ အဲဒီလေ့လာမှုမှာ ပါမောက္ခ သုတေသီဒီလင်းက ပြောကြားခဲ့တယ်။
ညွန့်လွင် (စက်မှုတက္ကသိုလ်)

Health Updates Journal

အပြည့်အစုံသို့ »