ကိုယ်ဝန်တားဆေး ဒီပို ထိုးပြီး ရာသီလာနေလို့ (အမျိုးသမီးများ ဖတ်ရန်)



လေးစားစွာဖြင့် မေးအပ်ပါသည် ဆရာ။ ကိုယ်ဝန်တားဆေး ၃ လ ခံဆေး ထိုးထားပြီး ရာသီနည်းနည်း စီလာနေတာ တပတ်လောက်ရှိပါပြီ ဆရာ။ သူများတွေက ၃ လဆေးက ရာသီ မလာဘူးပြောပါတယ်။ တစ်ခါမှမထိုးဘူးပါ။ ကလေးခွဲမွေးပြီး ၂ လ ကျော်မှ ထိုးတာပါ။ ရာသီလာနေတော့စိတ်ပူပြီး မေးတာပါဆရာ။ စိတ်မချရမှာစိုးလို့ပါ။

Depo ထိုးဆေး ကိုယ့်အတွေ့အကြုံတွေကို (အွန်လိုင်း) မှာပြောကြတဲ့ အမျိုးသမီး ၅ဝ ကိုရွေးပြီး မျှဝေလိုက်ပါမယ်။ ပြောသူအားလုံးက အမေရိကန်တွေပါ။ မြန်မာအမျိုးသမီးတွေပြောတာကိုလဲ သိချင်ပါတယ်ဗျာ။

1) Depo ဆေး မထိုးဘဲနေတာ ၁၅ လကြာတော့ ကိုယ်ဝန် ပျက်တယ်။
2) Depo ကို ၁၂ နှစ်ကြာထိုးထားပြီး ၈ လစောင့်နေတာ ကိုယ်ဝန် မရသေးပါ၊
3) ဆေးမထိုးတာ ၃ လကြာပြီ၊ ရာသီပြန်မှန်အောင်လို့ ဆရာဝန်က စားဆေး စားခိုင်းထားတယ်၊ ၁-၂ နှစ်နေမှ ကိုယ်ဝန်ယူဘို့ ဆရာဝန်က ပြောတယ်။
4) ၆ လထိုးထားတယ်။ အခု ၁ နှစ်နဲ့ ၁ဝ လရှိနေပြီ၊ ရာသီက မမှန်သေးဘူး၊ ဒီကြားထဲမှာ ရာသီ ၆ ခါဘဲ လာတယ်။
5) ၁ နှစ်ထိုးထားတယ်။ မထိုးတာ ၁၆ လရှိပြီ။ Clomid ဆေးကြောင့် မျိုးဥတော့ ထွက်တယ်။ ကိုယ်ဝန် မရသေးဘူး။
6) ၅-၆ နှစ် Depo ထိုးခဲ့တယ်။ ၁၃ လကြာတော့ ကိုယ်ဝန်ရပါတယ်။
7) Depo မထိုးတော့တာ ၄ လရှိပြီး ကလေး မရသေးဘူး။
၁ဝ လ ထိုးထားပြီး အခု Othro tricylen (Norgestimate/Ethinyl estradiol) သောက်နေရတယ်။ ရာသီပြန် မှန်အောင်လို့။ ၆ လ ရှိနေပြီ။ ကလေးထပ်လိုချင်သူတွေ မထိုးစေချင်ဘူး။
9) ၂ နှစ်ခွဲ ထိုးထားတယ်။ မထိုးဘဲ ၄ လနေတော့ ရာသီပြန်လာတယ်။ ဒါပေမဲ့ ၂ ပါတ်တခါ လာနေတာ ၃ လရှိပြီ။ ၁ နှစ် ကျော်စပြုပြီ၊ ကိုယ်ဝန် မရသေးဘူး။
10) ၁ နှစ်ကြာ ထိုးထားတယ်။ ဆရာဝန်က ပြောတယ် ဆေးရဲ့ ဘေးထွက်ဆိုးကျိုးတွေ ပျောက်အောင် စောင့်ရအုံးမယ်တဲ့။
11) Depo ၅ နှစ်ထိုးခဲ့တယ်။ ဆေးရပ်တာ ၁ နှစ်ကြာပြီ။ ကိုယ်ဝန်လဲမရသေးပါလား။ စိတ်ပိန်လိုက်တာ။
12) ၂ နှစ်ကြာ ထိုးခဲ့တယ်။ ၁၃ လရှိပြီ၊ ရာသီ တခါမှ မပေါ်သေးဘူး။ ဘယ်လောက်ကြာအုံးမယ်လဲ မပြောတတ်ဘူး။
13) သားလေးရပြီး ဆေးထိုးခဲ့တာ အခု သားက ၆ နှစ်ရှိပြီ။ ထိုးဆေးရပ်ပြီး Patch ပြောင်းသုံးနေတယ်။ ဒါကိုလဲ ဖြတ်လိုက်ပြီ။ ရာသီတော့ မှန်ပေမဲ့ ကိုယ်ဝန်မရသေးဘူး။ ခုဆို ၆ လရှိပြီပေါ့။
14) ၄ နှစ်ထိုးထားတယ်။ မထိုးတာက ၁ နှစ်ခွဲ။ မရသေးဘူး။ မရတော့မှာ သိပ်စိုးရိမ်နေတယ်။
15) ၇ နှစ်ထိုးခဲ့တယ်။ ၁ နှစ်စောင့်တော့ ကိုယ်ဝန်ပြန်ရပါတယ်။ ဒီကလေးမွေးပြီး ဆေးထပ်ထိုးနေတယ်။ ကြည့်အုံးမယ်လေ။
16) ဆေးမထိုးဘဲ နေခဲ့တာ ၄ လတော့ ရှိပြီ။ ၃ လနေတဲ့အထိ ရာသီမလာဘဲ အခု တပါတ်ခါ လာနေတယ်။
17) ကိုယ်ဝန်ပျက်ပြီး တခါဘဲ Depo ထိုးဘူးသေးတယ်။ ၈ လရှိပြီ ရာသီမလာဘူး။ လတိုင်း စိတ်ညစ်မိတယ်။
18) ၃ နှစ်ခွဲထိုးထားတယ်။ ကိုယ့်မျိုးပွါးစနစ်ကို ဒုက္ခပေးနေတာဘဲလို့ မြင်လာတယ်။ ဆရာဝန်ကတော့ ဘာမှ မဖြစ်ပါဘူး ပြောပေမဲ့ စိတ်ထဲမှာ သိနေတယ်။ ဆေးမထိုးတာ ၂ နှစ် နဲနဲကျော်ခဲ့ပြီ။ ကိုယ်ဝန် မရသေးဘူး။ ရာသီက ၆ လတော့ မှန်ပါရဲ့ နောက် ၂ လမှာ ၂ ပါတ်တခါ ဆင်းတာကလဲ များလိုက်တာ။ ကလေးမရတော့မှ သိပ်ပူတာဘဲ။ ဘယ်သူမှ မထိုးကြဘို့ ပြောချင်တယ်။
19) ကလေးဘယ်တော့မှ မယူတော့ဘူးဆိုပြီး Depo ဆေး ၂ နှစ်ကျော် ထိုးခဲ့တယ်။ အဲဒီကတည်းက သွေးမဆင်းဘူး။ ၁၉-၆-ဝ၆ မှာ ရပ်လိုက်တာ အခု ၁၃-၂-ဝ၇ အထိ ရာသီမလာသေးပါ။ လိင်စိတ်လဲ လုံးဝ လျှော့ကျသွားတယ်။
20) နောက် Depo ဆေးထိုးရက်က အောက်တိုဘာ ၂ဝဝ၆။ ကလေးယူချင်နေတယ်။ ရာသီက ပြန်မပေါ်သေးဘူး။ ကြွက်တက်တယ်။ အားကုန်သလို ဖြစ်နေတယ်။ အဲဒါ ကိုယ်ဝန်လား။ တခါမှ ကိုယ်ဝန်မရဘူးတော့ မသိဘူးပေါ့။ ရာသီမပေါ်ဘဲ ရတတ်သလားရှင်။
21) ကလေး ၂ ယောက်ရပြီး အောက်တိုဘာ ၂ဝဝ၅ မှာ Depo ထိုးတယ်။ ဧပြီ ၂ဝဝ၆ မှာ မထိုးတော့ဘူး။ ရာသီလဲ မလာဘူး။
22) နိုဝင်္ဘာ ၂ဝဝ၆ ကတည်းက ဆေးဆက်မထိုးတော့ဘူး။ သွေးပြန်ဆင်းပါတယ်။ ဆေးထိုးတုံးက လုံးဝမဆင်းခဲ့ဘူး။ အခု ၃ လ ကြာတော့ နောက်ကိုယ်ဝန်ရနေပြီ။
23) ကျမလဲ မထူးဘူး။ Depo မထိုးတာ ၂ဝဝ၆ ဒီဇင်္ဘာကတည်းက အခု ဖေဖေါ်ဝါရီအထိ သွေးမဆင်းဘူး။
24) ဆေးထိုးတာ ၂၃-၃-၂ဝဝ၇ မှာ ရပ်လိုက်တယ်။ အခု ၁၉ လရှိပြီ။ အရင် စားဆေးစားတုံးက ရာသီ ပြန်ဆင်းပါတယ်။ ရပ်တော့လဲ ကိုယ်ဝန် တန်းရတာဘဲ။
25) Depo ၂ နှစ်ထိုးခဲ့တယ်။ ဝလဲ ဝမလာပါဘူး။ ဆေးရပ်တော့ သွေးနဲနဲလေး ဆင်းတယ်။
26) ၈ နှစ် Depo ထိုးထားတယ်။ သွေးဆင်းများခဲ့တာ အတော်အဆင်ပြေတယ်လေ။ သြဂုတ် ၂ဝဝ၆ မှာ ရပ်လိုက်တယ်။ နောက်လ သွေးဆင်းတယ်။ အခု ဖေဖေါ်ဝါရီ။ ၂ ခါလောက် ရာသီထိန်လို့ စစ်တော့ ကိုယ်ဝန် မဟုတ်ဘူး။ နောက် သွေးဆင်းတာက များလိုက်တာ။
27) Depo ၁ ခါထဲ ထိုးဘူးတယ်။ ၁၉-၁-ဝ၇ မှာပါ။ ရာသီနဲနဲလေး လာတယ်။ နောက်လလဲ နဲနဲလေးဘဲ။
28) ၁၅ နှစ်သမီးကတည်းက ရာသီမှန်အောင် တားဆေးတွေသုံးခဲ့ရတယ်။ ၂ဝဝ၃ မှာ ထိုးဆေးထိုးတယ်။ သြဂုတ်မှာ ရပ်ပြီး ဖေဖေါ်ဝါရီအထိ ရာသီလာအောင်စောင့်ရတယ်။ ဘာဆေးမှမပါဘဲ ငယ်ကတည်းက သူ့ဖါသူဆင်းတာပါ။ အခု ကိုယ်ဝန် ရပါ့မလားလဲ မသိဘူး။
29) ၁ နှစ်တိတိ ထိုးဆေးသုံးတယ်။ နောက်ဆေး ထိုးရမဲ့ရက်လောက် နဲနဲဆင်းတယ်။ ကိုယ်ဝန်တော့ စောင့်ရတုံးဘဲ။
30) ၈ နှစ်လောက် ထိုးဆေးနဲ့ နေခဲ့တယ်။ ၂ဝ-၁ဝ-ဝ၅ မှာ နောက်ဆုံးထိုးတယ်။ ၆ ခါရာသီလာပြီး ရပ်သွားလို့ ဆရာဝန်က Provera pills ဆေးပေးတယ်။ ကြွက်တော့တက်တယ်။
31) ၁ နှစ် Depo ထိုးတယ်။ မထိုးတာလဲ ၁ နှစ်ရှိပြီ။ ရာသီက မဖြစ်စလောက်တော့ လာပါတယ်။
32) ၁ နှစ် ဆေးထိုးပြီးတော့ ဇန္နဝါရီကနေ အောက်တိုဘာအထိ ရာသီလာအောင် စောင့်ရတယ်။ ကိုယ်ဝန်တော့ စောင့်ရတုံးဘဲ။
33) မတ်လ ၂ဝဝ၅ မှာ သမီးမွေးပြီး ဆေးထိုးတယ်။ ဇွန် ၂ဝဝ၅ မှာ နားလိုက်တယ်။ ၂ဝဝ၆ စက်တင်္ဘာအထိ ရာသီလာဘို့ စောင့်ရတယ်။ ထိန်တာ ၂ လတော့ရှိပြီ ကိုယ်ဝန်ဖြစ်ကောင်းပါရဲ့။
34) သြဂုတ် ၁၉၉၅ မှာ ဆေးစထိုးခဲ့တယ်။ နိုဝင်္ဘာ ၂ဝဝ၃ မှာရပ်လိုက်တယ်။ ၂ဝဝ၄ ဒီဇင်္ဘာမှာ ရာသီပြန်လာတယ်။ အခု ဧပြီ ၂ဝဝ၇ ရှိပြီ ကိုယ်ဝန်လဲ မရသေးပါ။
35) ၁ဝ နှစ် Depo ထိုးခဲ့ပါတယ်။ သွေးက စောစောဆုံးမလို နေလို့။ အရိုးအားနည်းတာလဲ ရှိတယ်။ စိတ်မလာဘူး။ အရေပြား ပါးသလိုဘဲ။ ဆေးမထိုးတာ ၁၅ လရှိနေပြီ။ ရာသီ ၃ ခါလောက်တော့ လာတယ်ထင်တယ်။ ကလေး ရချင်တယ်။ ဒါပေမဲ့ ဆေးကြောင့် မရဘဲနေမလား မသိဘူး။
36) ၅ နှစ်ဆေးထိုးခဲ့ပါတယ်။ ၂ဝဝ၅ နိုဝင်္ဘာမှာ ရပ်လိုက်တယ်။ (မိုင်ဂရင်း) ဖြစ်လာတယ်။ စိတ်မူလဲ ပြောင်းနေတယ်။ ပြန်မှန်အောင် ၁၂ လစောင့်ရတယ်။ ခုထိလဲ ရင်သားနာတယ်၊ မောသလိုဘဲ။ နောင်တရနေမိတယ်။
37) ၁၁ နှစ်ထိုးခဲ့တယ်။ ဇွန် ၂ဝဝ၆ ကနောက်ဆုံးပေါ့။ ဆရာဝန်ကတော့ ၁ နှစ် ၁ နှစ်ခွဲကြာတခါ နားဘို့ပြောပါတယ်။ အောက်တိုဘာ ၂ဝဝ၆ ကစပြီးမှန်ပါတယ်။ ဆေးထိုးနေတုံး မကောင်းကျိုးလဲ မရ၊ ရာသီလဲမလာ၊ ကိုယ်ဝန်လဲ မရှိဘူး။ အခု တလရနိုးရနိုး စောင့်နေပါတယ်။ ဆေးက သူတို့ ကြော်ညာသလို ဖြစ်တာမို့ အပြစ်မတင်ချင်ပါ။
38) ၉ နှစ်ထိုးခဲ့တယ်။ ၁ နှစ်မှာ ရာသီ ၁ ခါဆင်းတယ်။ နောက် စားဆေး ပြောင်းခဲ့တယ်။ အဲတော့ ရာသီမှန်ပါတယ်။ ကိုယ်တယောက်ထဲ မဟုတ်တာ သိရလို့ တော်သေးရဲ့။
39) ၁၈ လထိုးထားတယ်။ မထိုးတာ ၁ လရှိပါပြီ။ ကိုယ်ဝန်ရမလားလို့ ဒါတွေဖတ်ရတော့ ဝမ်းနည်းမိတယ်။ အစက ဒီလို ဖြစ်တတ်တာ သိရင် မထိုးခဲ့ပါဘူး။ မပြောပြတဲ့ ဆရာဝန်တွေကို ဆဲချင်တယ်။
40) ၂ နှစ် Depo ထိုးထားတယ်။ ဧပြီ ၂ဝဝ၆ ကနောက်ဆုံးပါ။ နိုဝင်ဘာမှာ ကိုယ်ဝန်ရတယ်။ ဒီလောက် စောမယ် မထင်တာ အမှန်ပါ။ ရာသီလဲ မလာဘဲ ဆက်ရတာ။ ဒါကြောင့် ဒီဇင်္ဘာမှာ ဖျက်ပြစ်လိုက်တယ်။ ဖေဖေါ်ဝါရီမှာ ဆေးပြန်ထိုးတယ်။ ၅ဝ% ဟာ ၆ လ အတွင်း ကိုယ်ဝန်ပြန်ရတယ် ဆိုတယ်လေ။ ကိုယ်က ၅ဝ% ထဲ ပါမယ်ထင်တာဘဲ။
41) ၁ နှစ်ခွဲ ဆေးထိုးထားတယ်။ ရာသီမလာဘူး။ ဝလဲမလာဘူး။ အဲလိုမျိုး ၃ ခါရှိပါပြီ။ အပျိုပေါက်တုံးကတခါ၊ ပဌမ အိမ်ထောင်နဲ့တခါ။ အခု အိမ်ထောင်နဲ့ တခါပေါ့။
42) သူငယ်ချင်းက ပြောလို့ Depo ၂ ခါထိုးထားတယ်။ ကလေး ၂ ယောက်ရှိပါတယ်။ အခု ဆေးရပ်မယ်လို့ ဆုံးဖြတ်ထားတယ်။ ဆေးတခါ ထိုးပြီးတိုင်း ၁ လအကြာမှာ စိတ်မူပြောင်းနေတယ်။ နောက်လူတွေကို ဆေးထိုးဘို့ ကျမကတော့ အကြံမပေးချင်ဘူး။
43) အသက် ၁၆ မှာစထိုးပြီး ၁၉ နှစ်မှာရပ်တယ်။ အခု ၂၄ ရှိပြီ။ ကလေးမရှိသေးဘူး။ လတိုင်း သွေးစွန်တာကလွဲရင် ရာသီရယ်လို့ မလာပါ။ ကလေးမရတော့မှာတော့ အတော်စိုးရိမ်နေတယ်။ ကယ်ကြပါအုံး။
44) သမီးမွေးပြီး ကတည်းက ဆေးထိုးတယ်။ ဆေးရဲ့ဆိုးကြိုးတွေက သိပ်ဆိုးတာဘဲ။ (မိုင်ဂရင်း) ဖြစ်တယ်၊ ၃ လထဲ ၁၃ ပေါင် တိုးလာတယ်။ စိတ်မူပြောင်းတယ်၊ မျက်နှာတွေ နီမြန်းတယ်၊ မောနေတယ်၊ ကိုက်ခဲတယ်၊ အိပ်မပျော်ဘူး။ မေလထဲ ထိုးရမှာ မထိုးတော့ဘူး။ ကလေးရချင်သေးတယ်။ သမီးကို အဖေါ်ရစေချင်တယ်လေ။ သွေးကလဲ စွန်းယုံဘဲ။ ကံဆိုးချင်တော့ သားအိမ်ကင်ဆာ ဖြစ်တော့ ဒီနှစ် ဖေဖေါ်ဝါရီမှာ ခွဲရတယ်။ ကလေး ယူလို့လဲ မရတော့ဘူး ထင်တယ်။
45) ၃ နှစ်ရှိပြီထင်တယ် ဆေးထိုးတာ။ ကျမ အသက်က ၁၅ နှစ်ဘဲ ရှိသေးတာ။ အခုတော့ ၂ဝ ပေါ့။ အခု စားဆေးသုံးနေတယ်။ ရာသီလာတယ်။ ဆိုးတယ်နော်။ ကျန်းမာရေး အာမခံ မရှိတော့ဘူး။ ဆေးမထိုးတော့ဘူးပေါ့။ ကိုယ်ဝန်ပျက်-ဖျက်တာလဲ အဆန်း မဟုတ်ဘူး မဟုတ်လား။ အိမ်ထောင်လဲ မကျသေးဘဲ၊ ကိုယ်ဝန်မပျက်ဘူးတဲ့သူ တယောက်မှ မတွေ့သေးဘူး။ ဆေးထိုးပြီး ၁ နှစ်နေတာတောင် ကိုယ်ဝန် မရတာလဲ များလှတယ်။ အစိုးရကို ဆန္ဒပြကြတာ ကောင်းမယ်ထင်တယ်။
46) ၂ဝဝ၄ တုံးက Depo ထိုးတယ်။ ၂ဝဝ၆ မှာ နားလိုက်တယ်။ ကလေး ယူမလို့ပေါ့။ ကံဆိုးချင်တော့ ဆေးကနေ ကျမ အထဲက မျိုးဥအိမ် ခဲသွားပြီတဲ့။ အလုပ်မလုပ်တော့ဘူးတဲ့။
47) ၂ဝဝ၅ ဧပြီမှာ သမီးမွေးပြီးကတည်းက Depo ထိုးတယ်။ လွယ်တယ်ထင်တာကိုး။ ကျန်းမာရေး အာမခံ မရှိတော့တာနဲ့ ဒေသခံဌာနသွား ဆေးအလကား ရတာမေးရတယ်။ ကလေးလိုချင်တာနဲ့ ၂ဝဝ၆ ဇွန်မှာ နောက်ဆုံး ထိုးပြီး ရပ်လိုက်တယ်။ ရာသီပြန်လာတယ်။ အစက ကလေးမရတော့နိုင် ဖြစ်တတ်တာ မသိခဲ့ဘူး။ ဘုရားသခင်ဘဲ အားကိုးရတော့မှာဘဲ ထင်တယ်။
48) ဇူလိုင် ၂ဝဝ၆ မှာ နောက်ဆုံးထိုးတယ်။ အခု သြဂုတ် ရာသီမလာလူး။ အရင်လက အစက်နဲနဲစွန်းတာဘဲရှိတယ်။ ကိုယ်ဝန်လက္ခဏာတွေ အကုန်ရှိပေမဲ့ စစ်တော့ မဟုတ်ဘူးတဲ့။ ပျို့တယ်၊ အားယုတ်တယ်။ ရင်သားတင်းတယ်။ စားချင်တာ စားမရဘူး။ လူတိုင်းကလဲ ကျမကို ကိုယ်ဝန်ရှိပြီ ထင်ကြတာပေါ့။ ဘယ်လောက်စောင့်ရမလဲ မသိဘူး။ ဆေးကို ၂ နှစ်ခွဲ ထိုးခဲ့တာပါ။
49) နောက် Depo ထိုးမဲ့ရက်က သြဂတ်စ် ၁ဝ ရက်။ ထိုးမလား-မထိုးဘူးလား စဉ်းစားနေတယ်။ အခုလို ပြောကြတာတွေ ဖတ်ရတော့ မထိုးတော့ပါဘူးရှင်။
50) ကိုယ်ဝန်ပျက်ပြီး Depo တခါဘဲ ထိုးဘူးသေးတယ်။ ၁၈-၁-ဝ၇ တုံးကပေါ့။ ဧပြီမှာ ထိုးရမှာ မထိုးတော့ဘူး။ ၂၇-၄-ဝ၇ က လာတဲ့ရာသီက မရပ်တော့ဘူး။ ဆရာဝန်က Tranexamic pills ဆေးပေးတယ်။ ကိုယ်ဝန် မရသေးပါ။ ကျမလိုဘဲ ဖြစ်ကြသလားဟင်။

 ဒေါက်တာတင့်ဆွေ
HIM

အပြည့်အစုံသို့ »

လေယာဉ်ပစ်ချမှု ရုရှားနဲ့အပေါင်းပါတွေကို အရေးယူပေးဖို့ မလေးရှားပြည်သူတွေ တောင်းဆို


မလေးရှားလေယာဉ် ပေါ်မှာ ပါသွားတဲ့ ဘယ်လ်ဂျီယံကလေးငယ် Steven Noreilde ရဲ့ ဓာတ်ပုံနဲ့ လွမ်းသူ့အမှတ်တရများ။


မလေးရှားနိုင်ငံသားအများအပြားဟာ နိုင်ငံပိုင် ခရီးသည်တင်လေယာဉ်ပစ်ချခံခဲ့ရမှုနဲ့ ပတ်သက်ပြီး ရုရှားနိုင်ငံနဲ့ ရုရှားကိုလိုလားတဲ့ ခွဲထွက်ရေး သူပုန်တွေအပေါ် ထိထိရောက်ရောက် အရေးယူ အပြစ်ပေးဖို့ သူတို့ရဲ့အစိုးရနဲ့ နိုင်ငံတကာ ခေါင်းဆောင်တွေကို တောင်းဆိုနေကြပါတယ်။

တချို့ကလည်း စီးပွားရေးအရ အရေးယူဒဏ်ခတ် ပိတ်ဆို့ဖို့ တောင်းဆိုကြပါတယ်။

ကြာသပတေးနေ့က ယူကရိန်းနိုင်ငံအရှေ့ပိုင်း ရုရှားနယ်စပ်အနီးမှာ လေယာဉ်ပစ်ချခဲ့မှုအပေါ် သူပုန်တွေနဲ့ ယူကရိန်းအစိုးရတို့ကြားမှာ အပြန်အလှန် စွပ်စွဲနေကြတာပါ။ ရုရှားအစိုးရကိုတော့ လေယာဉ်ပျက်နဲ့ပတ်သက်ပြီး လုံလောက်တဲ့ စစ်ဆေးဆောင်ရွက်မှုတွေ ပြုလုပ်နိုင်အောင် ပြည့်ပြည့်၀၀ ဆောင်ရွက်မပေးဘူးဆိုပြီး စွပ်စွဲကြပါတယ်။

စိတ်ဆိုးဒေါသထွက်ကြသူအများစုဟာ မွတ်ဆလင်ဘာသာဝင်တွေဖြစ်ကြပြီး သေဆုံးသွားသူတွေကို ဘာသာရေး ထုံးစံအတိုင်း အမြန်ဆုံး မြေမြှုပ်သင်္ဂြိုဟ်နိုင်ဖို့ မဆောင်ရွက်နိုင်တဲ့အတွက် ဖြစ်ပါတယ်။ လေယာဉ်ပေါ်မှာ လိုက်ပါလာသူ ၂၉၈ ယောက်အနက် ၄၃ ယောက်ဟာ မွတ်ဆလင် ဘာသာဝင် အများစုနေထိုင်တဲ့ မလေးရှားနိုင်ငံသားတွေနဲ့ ၁၂ ဦးဟာ မွတ်ဆလင်ဘာသာဝင် အများဆုံးရှိတဲ့ အင်ဒိုနီးရှား နိုင်ငံသားတွေဖြစ်ကြပါတယ်။

မလေးရှားနိုင်ငံသားတွေဟာ ရုရှားသမ္မတ မစ္စတာ ဗလာဒီမီယာ ပူတင်ကို ဝေဖန်ပြစ်တင်နေကြပြီး နိုင်ငံရေးသမား အများစုကလည်း ဘယ်သူဘယ်ဝါရယ်လို့ တိုက်ရိုက် စွပ်စွဲတာမျိုးမရှိပေမဲ့ စိတ်ဆိုးဒေါသထွက်နေကြပါတယ်။

ဗွီအိုအေ (မြန်မာဌာန)

အပြည့်အစုံသို့ »

ဘဝလက်တွဲဖော်ကို ကိုယ့်ဆုံးဖြတ်ချက်နဲ့ သေချာလေ့လာ ရွေးချယ်သွားမယ်လို့ ဆိုတဲ့ စံရတီမိုးမြင့်




အနုပညာလမ်းကြောင်းမှာ ဖြေးဖြေးနဲ့မှန်မှန် ကြိုးစားနေတဲ့ စံရတီမိုးမြင့်နဲ့တွေ့ဆုံခိုက် သူမရဲ့ လတ်တလောအနုပညာရှင်အကြောင်းကို  “အခု လတ်တလောမှာတော့ ဗီဒီယိုဇာတ်ကားတွေ ဆက်တိုက်ရိုက်ဖြစ်နေပါတယ်။ တစ်ကားနဲ့ တစ်ကား မတူအောင်လို့ ကာရိုက်တာအစုံ ရိုက်ဖြစ်နေပါတယ်။ စံရတီ ပရိသတ်တွေအတွက် ဇာတ်ကားတစ်ကား ရိုက်တိုင်း ဇာတ်ဝင်ခန်းတစ်ခန်း ရိုက်တိုင်း သေချာကြိုးစားရိုက်ကူးနေပါတယ်။ အခုတလောမှာတော့ အရမ်းဟာသဆန်တဲ့ ပုံစံလေးတွေ မရိုက်ဖြစ်ဘူး။” လို့ သူမက ပြောပါတယ်။

အခုလက်ရှိ အချစ်ရေးနှင့်ပတ်သက်ပြီးတော့လည်း သူမက “ဒီအရွယ်မှာတော့ အိမ်ထောင်ပြုဖို့ အစီအစဉ်မရှိသေးပါဘူး။ အိမ်ထောင်ပြုတယ် ဆိုတာပြောရတာ လွယ်ပေမယ့် လက်တွေ့မှာ အခက်အခဲတွေရှိတယ်။ တစ်ယောက်နဲ့တစ်ယောက် နားလည်ပြီး သစ္စာရှိဖို့ကလည်း လိုသေးတယ်။ ပြီးတော့ ငွေကြေးလည်း ထိုက်သင့်သလောက်တော့ ရှိဖို့လိုမယ်ထင်ပါတယ်။ အခု စံရတီအသက် ၂၀ပဲရှိသေးတာဆိုတော့ အိမ်ထောင်ရေးကို အသက်၂၆နှစ်လောက်မှ စဉ်းစားမှာပါ။ ဖူးစာပါမှ အိမ်ထောင်ပြုဖို့ ဖြစ်လာမှာပါ။ အရင်ကဆို ရည်းစားဦး၊ ချစ်သူဦးကို ယူရမယ်ဆိုတဲ့ စိတ်ကူးရှိတယ်။ နောက်ပိုင်းတော့ ဒီလိုမျိုးမရှိတော့ဘူး။ ကိုယ့်ဘဝအတွက် လက်တွဲဖော်ကို ကိုယ့်ဆုံးဖြတ်ချက်နဲ့ သေချာလေ့လာပြီး ရွေးချယ်ခွင့်ရှိသလို ရွေးချယ်သင့်ပါတယ်”တဲ့။

Trend Myanmar

အပြည့်အစုံသို့ »

သင်သတိမထားမိတဲ့ ရွံစရာကောင်းတဲ့ အရာများ




သတိမထားမိပေမယ့် တကယ်စစ်ဆေးကြည့်လိုက်မှ ရွံစရာကောင်းတဲ့အရာတွေ ပတ်ဝန်းကျင်မှာ အများကြီးရှိပါတယ်။ အဖြစ်အများဆုံးနဲ့ သင့်အနေနဲ့ ရှောင်ဖို့သိပ်မခက်ခဲတဲ့အချက်တွေကို စုစည်းပေးထားပါတယ်။

၁။ Birthday Cake ပေါ်ထွန်းထားတဲ့ ဖယောင်းတိုင်မီးမှုတ်ခြင်း

ပျော်စရာကောင်းတဲ့ အပြုအမှုဖြစ်ပေမယ့် မှုတ်ထုတ်လိုက်တဲ့ လေထဲမှာ တံတွေးအမှုန်တွေ အများကြီး ပါသွားပါတယ်။ နှာစေး၊ချောင်းဆိုး၊ ခံတွင်းရောဂါအထိ ကူးနိုင်ပါတယ်။ အဲဒါကြောင့်  ဖယောင်းတိုင်မှုတ်မယ့် ကိတ်ကို ဘေးမှာ အသေးတစ်လုံးထားပြီး မှုတ်ခိုင်းသင့်ပါတယ်ဆိုပြီး ဆရာဝန်တစ်ယောက်မှ အကြံ ပေးထားပါတယ်။

၂။ ရေချိုးခန်းထဲ ကော်ဖီခွက်ယူသွားခြင်း

တစ်ခုခုကျန်ခဲ့လို့ဆိုပြီး ရေချိုးခန်းထဲဝင်ရင်း ကော်ဖီခွက်ပါ အမှတ်မထင် ယူသွားတတ်ကြပါတယ်။ ဒါသေချာစဉ်းစားမယ်ဆိုရင် ရွံစရာအရမ်းကောင်းပါတယ်။ ပြန်ထွက်လာတဲ့အချိန်မှာ အဲဒီကော်ဖီခွက်ကိုပဲ စားပွဲပေါ်တင်ပြီး ပြန်သောက်တယ်။ ရေချိုးခန်းထဲက ဘက်တီရီးယားတွေအားလုံး ကော်ဖီခွက်အတူ သင့်ပါးစပ်ထဲ ရောက်နေပြီဆိုတာ သင်သတိထားမိမှာ မဟုတ်ပါဘူး။

၃။ နားကြပ်မျှပြီး အသုံးပြုခြင်း

သင်နားလည်လောက်ပြီထင်ပါတယ်… ပြောချင်တာကတော့ နှာဖာချေးကိစ္စပါပဲ။ ရွံဖို့ကောင်းရုံတင် မဟုတ်ပါဘူး… ရောဂါကူးနိုင်ပါတယ်။ ဒါကြောင့် ကိုယ့်နားကြပ်ကို ဘယ်သူ့ကိုမှ မျှပြီး အသုံးပြုခွင့် မပေးသင့်ပါဘူး။

၎။ ဘူဖေးမှ ဗိုက်အပြည့်နဲ့ ပြန်လာခြင်း

ဘူဖေးကနေ ဗိုက်အပြည့် အမျိုးစုံစားသောက်ပြီးမှ ဝမ်းသာအားရ ပြန်လာကြတာ အားလုံးမြင်တဲ့ အတိုင်းပါပဲ။ ဒါပေမယ့် သူတို့ကို အားကျစရာ မကောင်းတဲ့အချက်တွေကို သူတို့ သတိထားမိမလားမသိဘူး။ လူစုံ အရွယ်စုံ ဇွန်းတစ်ချောင်းကို လက်တစ်ရာလောက်ကိုင်ပြီးမှ စားတဲ့အစားအစာထဲ ရောဂါပိုးမပါပဲ သန့်ရှင်းနေမလားဆိုတာ စဉ်းစားစရာပါပဲ။

Ref:today.com
Trend Myanmar

အပြည့်အစုံသို့ »

AGD ဘဏ်မှာ၆၀%အစုရှယ်ယာဝင်ထားတဲ့ ကိုကျော်နေ၀င်းနှင့်အင်တာဗျုး



ကျနော်တို့ ပြန်ထွက်လာပြီးတဲ့နောက်ပိုင်းမှာ ဘယ်လိုမျိုး တိုင်းပြည်ကို အကျိုးပြုလို့ 
ရမလဲ စဉ်းစားတယ်။ ဘာတွေ့ လဲဆိုတော့ ကျနော်တို့ မိသားစုကို စုစုစည်းစည်း
ဖြစ်အောင်၊ မိသားစုအချင်းချင်း ပြန်တွေ့ အောင် လုပ်ပေးတာ ယခင်ဗိုလ်ချုပ်ကြီး
သိန်းစိန်။ သူက ကျနော်တို့ ကို အခုလိုမျိုး နေနိုင်အောင် လုပ်ပေးတယ်။
ဒါ ဗိုလ်ချုပ်မှူးကြီးသန်းရွှေလည်း မဟုတ်ဘူး။ သူလုပ်ပေးတဲ့အတွက် ဗုဒ္ဓဘာသာ
နည်းလမ်းအရ သူ့ ကျေးဇူး ကျနော့်မှာ ရှိသွားပြီ။ ဒီတော့ ကျနော်သူ့ ကို ကျေးဇူးဆပ်
ချင်တယ်။ ကျေးဇူးတင်ပါတယ်ဆိုပြီး ညတိုင်းထိုင်ကန်တော့နေမယ့်အစား လက်တွေ့ 
အကောင်အထည်ဖော်ချင်တယ်။ လက်တွေ့  အကောင်အထည်ဖော်ချင်တယ်ဆိုတော့
သူဘာလုပ်ချင်လဲ၊ တိုင်းပြည်မှာ လုပ်ပေးဖို့  သူ့ စိတ်ထဲမှာ ဘာတွေရှိနေလဲဆိုတာ
သိဖို့  ပထမကြိုးစားရတယ်။ သူလုပ်ပေးချင်တာတွေ အများကြီးဘဲ။

ကျနော်တို့ လို မိသားစုမျိုးနဲ့  ကိုတေဇလို လူတွေ လုပ်တယ်ဆိုတာ အံ့သြစရာလည်း
ဖြစ်သလို စိတ်ဝင်စားစရာလည်း ဖြစ်တယ်။ ဘာလို့ လုပ်နိုင်လဲဆိုတော့ ကျနော်တို့ မှာ
တပ်မိသားစုတွေ၊ ကျနော့်အဖိုးက သနက (၄)ဆိုတဲ့ တပ်ရင်းမှာ တပ်ရင်းမှူး လုပ်ခဲ့
တယ်။ အဲဒီအချိန်မှာဘဲ ကိုတေဇရဲ့ အဖေ အဲဒီတုန်းက ဗိုလ်မှူးကြီးမြင့်ဆွေက
အဲဒီတပ်မှာ တပ်စုမှူးလေ။ အဲဒီတော့ ကျနော်တို့ က ရင်းနှီးမှု ရှိခဲ့တယ်။ နောက်ပိုင်း
မှာလည်း တပ်မတော် ထောက်လှန်းရေးကို ကျနော့်အဖိုး တည်ထောင်တဲ့အချိန်မှာ
ကိုတေဇ အဖေရဲ့  Input တွေ ပါခဲ့တယ်။ တပ်မတော် ထောက်လှန်းရေးတင်မကဘူး၊
တပ်မတော်ရဲ့ တည်ထောင်မှုမှာလည်း ကူညီမှုတွေ အများကြီး ပေးခဲ့တယ်။
ကိုတေဇအဖေ တပ်က အနားယူပြီး နောက်ပိုင်းမှာလည်း ကျနော့်အဖိုးက သူ့ ကို
BPI ဆေးဝါးထုတ်လုပ်ရေးအတွက် နိုင်ငံတော်က လိုအပ်တဲ့နေရာမှာ ပြန်ပြီးအသုံးပြု
ခဲ့တယ်။ ကိုတေဇအဖေက တိုင်းပြည်အတွက် တတပ်တအား လုပ်ပေးခဲ့တယ်။
ဒါမျိုးတွေက ကျနော်တို့ မှာ ရှိတယ်။ ကိုတေဇကို အမြင်တွေက လက်ရှိ ဒီမိုကရေစီ
ဖြစ်နေချိန်မှာ သူ့ ကို မကောင်းဘူးလို့  မြင်ခွင့်လည်းရှိတယ်။ ကောင်းတယ်လို့ လည်း
မြင်ခွင့်ရှိတယ်။ သူအရင်က လုပ်ခဲ့တဲ့ ကောင်းမှုဆိုးမှုက ကျနော်နဲ့ မဆိုင်ဘူး။
သူ့ သမိုင်းဘဲ။ အရင်က သူနဲ့ ကျနော်ကြားမှာ ဘာမှ မရှိဘူး။ တပ်မိသားစု ဆိုတာဘဲ
ရှိတယ်။ ထောင်ထဲမရောက်ခင် လွန်ခဲ့တဲ့ (၁၂) နှစ်လောက်က သူနဲ့ ကျနော်
အလုပ်လုပ်ခဲ့တာ ဘာမှ မရှိဘူး။ ဘာမှလည်း မပက်သက်ဘူး။ ဒီဘက်နောက်ပိုင်းမှာ
ပြီးခဲ့တာတွေ အားလုံး ပြီးခဲ့ပြီ။ ဒီဘဏ်ကို လုပ်မယ်ဆိုတဲ့အချိန်မှာ ကိုတေဇနဲ့ 
စကားပြောကြည့်တော့ ရည်ရွယ်ချက်တူတယ်။ လက်တွဲလုပ်လို့ ရတယ်။ အိုကေ၊
ဒါ ပုဂ္ဂိုလ်ရေးအရပါ။

ကျနော်က စီးပွားရေးသမားဖြစ်တဲ့အတွက် အကုန်လုံးနဲ့  အဆင်ပြေပြေ နေသွား
မယ်။ စီးပွားရေးနဲ့  နိုင်ငံရေးမှာ တခုကွာတာက နိုင်ငံရေးမှာက ခုံတစ်လုံးဘဲ
ရှိတာ။ အဲဒီခုံကို ၀ိုင်းလုရတာ။ စီးပွားရေးကကျတော့ ဒီလုပ်ငန်းတခုကို တွဲလုပ်မယ်
ဆိုလို့ ရှိရင် သိန်းတစ်ရာရရင် ကိုယ်ထည့်သလောက် ကိုယ်ရတယ်။ အခုဆို
ကျနော့်ဘဏ် ကျနော် (၆၀)ရာခိုင်နှုန်းထည့်ရင် ကျနော် (၆၀)ရာခိုင်နှုန်း အမြတ်ရ
မယ်။ အကို (၁၀)ရာခိုင်နှုန်းထည့်ရင် (၁၀)ရာခိုင်နှုန်းရမှာဘဲ။ နိုင်ငံရေးနဲ့  ကွာတယ်။
နိုင်ငံရေးကျတော့ ခုံက တစ်လုံးဘဲ ရှိတာ။ အားလုံးက ၀ိုင်းလုနေရတာ။ စီးပွားရေးက
ကျတော့ ပေါင်းလုပ်ရတာ။

နောက်ကြောင်းက ဖြစ်ခဲ့တာ အရမ်းများတဲ့အတွက် အခုအချိန်အထိ သို့ လော
သို့ လော ဖြစ်နေတာပေါ့ဗျာ။ နိုင်ငံရေးပလက်ဖောင်း ယူနေပြီလားလို့ ၊ ဒါမှမဟုတ်ရင်
ဂိုဏ်းတခုဖွဲ့ နေပြီလားတို့ ၊ ပွင့်ပွင့်လင်းလင်း ပြောရရင် စကော်ပီယံဂိုဏ်းကိုရော
ဘာလုပ်နေလဲ၊ ညာလုပ်နေပြီလဲဆိုတာ သိချင်ကြမှာပေါ့။ ကျနော် အသေးဆုံး
စပြောမယ်။ စကော်ပီယံကို ကျနော်မပါဘူး။ ဘာလို့ မပါလဲ၊ ကျနော် အဲဒီလောက်
အဆင့် မဟုတ်ဘူးဗျ။ ရိုးရိုးပြောရရင် ဂိုဏ်းထောင်ပြီးမှ နာမည်ကြီးအောင်လုပ်ရမယ့်
အဆင့် မဟုတ်ဘူး။ အမှန်အတိုင်းပြောရရင် စကော်ပီယံဆိုတာ ဘာမှမဟုတ်ဘူးဗျ။
အပွင့်လင်းဆုံးပြောရရင် စကော်ပီယံဆိုပြီး လူတွေက စွတ်ပြီး အထင်ကြီးနေကြတာ။

အဲဒီမှာပါတဲ့လူတွေ ထောင်ထဲမှာ တွေ့ ခဲ့တာဘဲ။ သူတို့  ဘာမှ ဒီလောက်ကြီး
ဂျိုပါနေတာ မဟုတ်ဘူး။ စူပါမင်းလို အတောင်ပါနေတာလည်း မဟုတ်ပါဘူး။
အဲဒီလောက်ကြီး လူဝင်ဆံ့လောက်တာ မဟုတ်ပါဘူး။ သူတို့ ပြောသလောက်လည်း
မလုပ်ခဲ့ပါဘူး။ လုပ်လို့ လည်း မရဘူးဗျ။ လူတယောက်ကို သတ်တယ်ဆိုတာ
လွယ်တာမှ မဟုတ်တာ။ ဖုံးထားလို့ ရတာလည်း မဟုတ်ပါဘူး။ တခုတော့ရှိတာပေါ့
ဗျာ၊ ငါးလောင်းပြိုင် လူသတ်မှုမျိုး မပေါ်တာတော့ ကျနော်လည်း မသိဘူး။ ဒါကတော့
ဘာကြောင့်လဲဆိုတော့ လုပ်တဲ့သူဘဲ သိမှာဘဲ။ နောက်ဆုံး ကိုယ့်ကိုယ်ကိုယ်တောင်
ငါတော်တော် ကံကောင်းတာဘဲ၊ ထောင်ထဲရောက်နေတာ။ ငါထောင်ထဲမရှိရင်
ငါသတ်တာလို့  ပြောဦးမှာလို့ ၊ အဲဒီလိုပေါ့ဗျာ။ ကျနော့်အနေနဲ့  ဒါဆွေးနွေးစရာ
မဟုတ်ဘူး။ ဒါပေမယ့် မေးတဲ့လူ အရမ်းများတယ်။ အခုအချိန်အထိ စကော်ပီယံလို
ဘာလိုလို ပြောနေလို့  ပြောတာ။ စိတ်ပူစရာ စကားထဲ ထည့်ပြောလောက်ရမယ့်
အဖွဲ့ လည်း မဟုတ်ဘူး။

နောက်တခုက နိုင်ငံရေး ပလက်ဖောင်းပေါ့။ လက်ရှိ ရှိနေတဲ့ နိုင်ငံရေး၊ လက်ရှိ
ဖွဲ့ စည်းပုံနဲ့  နိုင်ငံရေးကို လုံးဝ စိတ်မ၀င်စားဘူး။ ဒါ ကျနော် အမှန်အတိုင်း ပြောတာ၊
ပါလည်း မပါချင်ဘူး။ ကျနော် စီးပွားရေးသမားတယောက်အပြင် ကျနော်တို့ က
ယုံကြည်ချက်နဲ့ လုပ်တာ။ ကျနော်တို့ တိုင်းပြည်မှာ ယုံကြည်ချက်မရှိရင် ဘာမှ
လုပ်လို့ မရဘူး။ ကျနော် ဒီအခြေခံဥပဒေကိုရော၊ ဒီနိုင်ငံရေးကိုပါ ယုံကြည်ချက်
မရှိဘူးဗျ။ ဒါ အပွင့်လင်းဆုံး အမှန်အတိုင်းပြောတာ။ ဘယ်လိုအနေအထားနဲ့ 
ဒီအခြေအနေကို ရောက်လာတာလဲဆိုတာ ကျနော်တို့  ထောင်ထဲကကောင်ပါ။
ကျနော်သိတာ နည်းနည်းလေးပါ။ ဘယ်လိုဖြစ်လာလဲဆိုတာ အပြင်ကလူတွေ
အသိဆုံးပါ။ ဘယ်လိုပြောရမလဲဗျာ၊ ကျနော် နောက်ဆုံးတခုပြောရရင် စီးပွားရေး
တခုလုပ်လို့  ရှုံးမယ်ဆိုရင် ကျနော် ပိုက်ဆံ မထည့်ဘူးလေ။ ဒါဘဲ။ ဒါကြီးက
တချိန်မှာ တဖက်နဲ့ တဖက်လို့ ဘဲ ပြောမယ်ဗျာ။ တဖက်ကလည်း ဒီလှေကြီးကို
ဒီကမ်းကို မရောက်ရောက်အောင် သွားမယ်ဆိုပြီး သွားနေတယ်။ နောက်တဖက်က
လည်း မရရတဲ့နည်းနဲ့  လှေဝမ်းကို ဖောက်နေတယ်။ ပေါက်လည်း တော်တော်
ပေါက်နေပါပြီ။ ဟိုကလည်း စွတ်လှော်နေတယ်။ အဲဒီအပေါ်ကိုတက်ရင် ဖြုတ်ရင်
ကိုယ်ပါ ပါသွားမှာ။ အဲဒီလောက်အထိ ကျနော် မရူးဘူးဗျ။ နိုင်ငံရေး မလုပ်ဘူးဆိုတာ
အဲဒါလည်းပါတယ်။

နောက် စိတ်လည်းမ၀င်စားဘူး။ တခုတော့ ရှိတာပေါ့နော်။ လက်ရှိ ဦးဆောင်နေတဲ့
ဦးသိန်းစိန်တို့ ၊ ဦးရွှေမန်းတို့  တပ်မတော်မှာ အဆင့်ဆင့် ဖြတ်ကျော်လာတာ။
ဒီနေရာကို ဗြုန်းခနဲဆိုပြီး ရောက်လာတာ တယောက်မှ မပါဘူး။ သူတို့ တွေသည်
တိုင်းပြည်ကို သူတို့ အိမ်လည်းမဟုတ်၊ သူတို့ ရွာလည်းမဟုတ်တဲ့ တောင်ကုန်းလေး
တခုမှာ လူလေး လေးငါးယောက်နဲ့  လေးငါးဆယ်လ တာဝန်ယူပြီး ကင်းစောင့်နေခဲ့
ဖူးတဲ့နေ့ တွေလည်း အများကြီးဘဲ။ သူတို့ တွေသည် တိုင်းပြည်ကို တကယ်ချစ်လို့ 
တကယ်လုပ်နေတာ။၊ ဒီနေရာကို ရောက်နေတာလို့  ယူဆတယ်။ ဒါကြောင့် သူတို့ 
ဦးဆောင်နေတာဘဲ။ ကိုယ့်အနေနဲ့  လုပ်စရာမလိုဘူးလို့  ယူဆတယ်။ နောက်တခု
ကြီးကြီးစုလို လူမျိုးသည် ဘ၀မှာ သူဘယ်လောက်ပေးဆပ်ခဲ့ရသလဲ။ ဒီလိုပေးဆပ်ဖို့ 
ဆိုတာ လွယ်တဲ့ကိစ္စတော့ မဟုတ်ဘူးလေ။ သူတို့ လို လူတွေကလည်း တိုင်းပြည်ကို
ဦးဆောင်မယ်ဆိုပြီး တာဆူနေကြတာ၊ လုပ်ပြနေကြတာ၊ ကျနော်တို့  မလိုပါဘူး။
တဖက်တလမ်းက ဘဏ်တွေနဲ့ ကူညီတာလည်း ရပါတယ်။ ကျနော် အခုလို
ရှင်းပြနေတာ ကြီးကြီးကျယ်ကျယ် ရှင်းပြနေတာ မဟုတ်ဘူး။ ကျနော်တို့  နိုင်ငံရေး
မလုပ်ဘူးလို့ ပြောရင် ဘယ်သူမှ မယုံဘူး။ ဒါ အပွင့်လင်းဆုံးပြောတာ၊ ဘာကြောင့်
မလုပ်တာလဲဆိုတာကို ရှင်းပြတာ။ အခု လုပ်နေတာ အားလုံးက ပုန်းလျှိုးကွယ်လျှိုး
လုပ်စရာ ဘာမှမရှိဘူး။

ကျနော်တို့ ထောင်ကလွတ်လာပြီး နှစ်ပတ်လောက်အကြာမှာ ဗိုလ်ချုပ်အောင်မင်းတို့ 
ငြိမ်းချမ်းရေးစင်တာမှာ ခေါ်တွေ့ တယ်။ ဦးအောင်မင်းက နိုင်ငံရေးလုပ်ရင် လုပ်ပါ၊
ကျောင်းတက်ရင်လည်း တက်ပါ၊ ပတ်စ်ပို့ ထုတ်ပေးမယ်လို့  ပြောတယ်။ ကျနော်တို့ 
ကလည်း အခါအားလျော်စွာ လုပ်နေတာတွေ တင်ပြတယ်။ ဦးလှမောင်ရွှေကတဆင့်၊
ဦးအောင်မင်းကတဆင့် တင်ပြတယ်။ နောက်တခါ ၀န်ကြီး ဦးစိုးသိန်းကိုလည်း
စီးပွားရေးလုပ်နေတာတွေ ပြောတယ်။ ကျနော် အခုပြောနေတာတွေအားလုံး သူတို့ 
အကုန်သိပါတယ်။ သတင်းပို့ ပြီးမှ လုပ်တာပါ။ နောက်တခုကလည်း သွားတာလာတာ
ကအစ SB က ဗိုလ်မှူးကြီးကျော်ကျော်ဟန်ကို သတင်းပို့ တယ်။ နောက်တခါ
စစ်/လုံက ဗိုလ်မှူးကိုကိုမောင်ကို ကျနော် သတင်းပို့ တယ်။ သွားတယ်။ ကျနော်
ညာစရာ မရှိဘူး။ အားလုံး အဆင်ပြေတယ်။

ဦးတေဇနဲ့ မတွေ့ ခင်၊ ကျနော် ထောင်ထဲမရောက်ခင် အလုပ် စလုပ်ခါစ၊
နှစ်နှစ်သုံးနှစ်နဲ့  ကျနော် ထောင်ထဲ ရောက်သွားတာကိုး။ အဲဒီတုန်းက Key Player
တွေက ဦးခင်ရွှေတို့ လို လူမျိုးတွေ ခင်ပါတယ်။ အဲဒီတုန်းက Pepsi ကိုဖိုးနီလို
လူမျိုးတွေ၊ အဲဒီတုန်းက ကျောက်မျက်မှာ တော်တော်နာမည်ကြီးတဲ့ ကျနော်တို့ 
ခေါ်တာတော့ ဦးချောင်လို့ ခေါ်တယ်။ သူက ယိုးဒယားလူမျိုး။ သူဆိုရင် ကျနော်နဲ့ 
အလုပ်တွေ အများကြီးလုပ်ဖူးတယ်။ နောက် ကျနော့်အမှုကိစ္စဖြစ်တော့ ရှေ့ နေ
ငှားတာကအစ အကုန်လုံး သူဘဲတာဝန်ယူထားတာပေါ့။ အဲဒီလို ပုဂ္ဂိုလ်မျိုးတွေ။
နောက် မောင်ဝိတ်တို့ လို လူမျိုးတွေ။ ကျနော် အရမ်းခင်တဲ့၊ အရမ်းတွဲဖြစ်တဲ့
ဗိုလ်ချုပ်ညွန့် တင်ရဲ့ သား မျိုးညွန့် ဆိုတာ အဲဒီတုန်းက Key Player တွေပေါ့ဗျာ။

ဒီဘက်ခေတ်ရောက်လာတော့လည်း ကျနော်လွတ်လာတော့ ဆရာကျောင်း
ဦးအောင်ကိုဝင်းပေါ့။ သူနဲ့ တွေ့ တယ်။ ကျနော်တို့ ထောင်ထဲမှာရှိနေတုန်းကလည်း
ဆရာကျောင်းက ကျနော့်ညီလေးကို သေချာစောင့်ရှောက်ပေးထားတယ်။၊
အလုပ်တွေလည်း အတူတူလုပ်ကြတယ်။ ဒါရှက်စရာ မဟုတ်ပါဘူး။ ကျနော့်
ကျေးဇူးရှင်တွေပါ။ ကျနော်မရှိတုန်း ကျနော့်ညီကို စောင့်ရှောက်ထားတယ်ဆိုတာ
ကျနော်ဦးလေးလိုပါဘဲ။ ဦးအောင်ကိုဝင်း (ဆရာကျောင်း)နဲ့ တော့ ရံဖန်ရံခါ
တွေ့ ပါတယ်။ နောက် ကိုဇော်ဇော်ဆိုလည်း ကျနော်ထောင်ထဲမရောက်ခင်ကတည်း
က ရင်းနှီးတာပါ။ သူနဲ့ တော့ စီးပွားရေးလုပ်ငန်းလုပ်ထားတာ ဘာမှမရှိပါဘူး။
နောက် ကိုအောင်သက်မန်း (သူရဦးရွှေမန်း၏ သား)တို့ နဲ့ လည်း ခင်ပါတယ်။
ကိုယ့်တပ်မိသားစုတွေဘဲလေ။ ဗိုလ်ချုပ်ကြီး သူရတင်အောင်မြင့်ဦးသားနဲ့ လည်း
ရင်းနှီးပါတယ်။ ရင်းနှီးတာက သူက ကျနော့်အကိုရဲ့ ကျောင်းနေဖက် သူငယ်ချင်း။
အကုန်လုံးနဲ့ လည်း အဆင်ပြေပါတယ်၊ ဘယ်သူနဲ့ မှလည်း ကျနော်ပြဿနာဖြစ်ထား
တာ မရှိပါဘူး။ ဦးခင်ရွှေဆိုလည်း အခုထိ ခင်ပါတယ်။ သူ့ ကိုတော့ ဂျာနယ်တွေမှာ
တွေ့ လိုက်တယ်။ ဒါပေမယ့် ဒါဟာ ဘာမှ မဆိုင်ဘူးလေ။ ကျနော် ဦးလေးလို
ခင်တာပါ။ ဒီထဲမှာမပါလို့  ကျန်တဲ့လူတွေနဲ့  ကျနော်ပြဿနာတက်ထားတယ်လို့ 
ဆိုလိုတာ မဟုတ်ပါဘူးနော်။

ကျနော်တို့  ဗုဒ္ဓဘာသာအရ ဦးသိန်းစိန်ကတော့ ကျနော့်ကျေးဇူးရှင်ပါ။ ကျေးဇူးရှင်
ဖြစ်တဲ့အတွက် ဦးသိန်းစိန်ကို ကျနော်မကြိုက်ရင်တောင် မကြိုက်ဘူးလို့  မပြောဘူး၊
မပြောတော့ဘူး။ ဒါ ကိုယ့်ကျေးဇူးရှင် ဖြစ်သွားပြီလေ။ အဲဒီတော့ သူကောင်းကောင်း
မကောင်းကောင်း ကျနော်ကတော့ ကိုယ့်ကျေးဇူးရှင် ကျေးဇူးရှင်လို့ ဘဲ ပြောရတော့
မယ်။ ဦးသိန်းစိန်ကိုတော့ ဖယ်ထားလိုက်ပါ။ နောက် သူရဦးရွှေမန်းတို့ ၊ ကိုယ်ကျေးဇူး
တင်ထိုက်တဲ့လူတွေ ကျနော်ဖယ်လိုက်ပြီနော်။ သူတို့ တွေ အတိုက်အခံ အများကြီး
လုပ်ပြီး ကျနော်တို့ ကို လွှတ်ရတာ။ အဲဒီတော့ သူတို့ ကို ဖယ်ထားပါ။

အစိုးရအဖွဲ့ က အရှိန်အဟုန်မြှင့်နေတယ်ဆိုတာ အမှန်ဘဲ။ ဒါပေမယ့် လိုအပ်တဲ့နေရာ
တွေ ပြောပါဆိုရင် အားလုံးက လိုအပ်တယ်။ ဘာကြောင့် အားလုံး လိုအပ်နေသေးလဲ
ဆိုတော့၊ ဒါ ကျနော့်ရဲ့  ခံစားချက်ပါ။ အားလုံးတော့ ကျနော် မသိဘူးပေါ့။ ကျနော်တို့ 
က ထောင်သေးသေးလေးကနေပြီးတော့ မြန်မာနိုင်ငံဆိုတဲ့ ထောင်ကြီးထဲ ရောက်သွား
တာ။ အကုန်လုံး ဘာမှ လုပ်ခွင့် မရှိသေးတာ။ သေချာပြန်စဉ်းစားကြည့်ပါ။ ရထားတဲ့
Freedom ဆိုတာက ဒါ ကျနော့်ရင်ထဲက ခံစားချက်ပါ၊ ထောင်သေးသေးလေးကနေ
လွတ်ပြီး ထောင်ကြီးကြီးထဲ ရောက်တာ၊ ဒါပါဘဲ။ အဲဒီလိုပြောကြေးဆို အကိုတို့ ရော
လွတ်လပ်ပြီလား၊ လုပ်ခွင့်ရှိပြီလား။ ဘယ်သူမှ လုပ်ခွင့်မရှိတဲ့ ထောင်သေးသေးလေး
ကနေ ထောင်ကြီးကြီးထဲ ရောက်နေကြတာ။

မေး။ ။ Messenger

ဖြေ။ ။ ကျော်နေ၀င်း

(Messenger ဂျာနယ် အတွဲ ၅၊ အမှတ် ၈ တွင် ပါရှိသော “ကျော်နေ၀င်းနှင့်
အင်တာဗျူး” မှ မြန်မာ့စီးပွားရေး ရင်းနှီးမြှုပ်နှံမှုကဏ္ဍတွင် ဗိုလ်နေ၀င်းမြေး
ကျော်နေ၀င်းတို့ မှ ကန်ဒေါ်လာ ၄ ဒသမ ၉ ဘီလီယံ မြှုပ်နှံရန် လုပ်ဆောင်နေခြင်း၊
စစ်ခရိုနီ တေဇပိုင် AGD ဘဏ်၏ ပိုင်ဆိုင်မှု ၆၀ ရာခိုင်နှုန်းမှ ၈၅ ရာခိုင်နှုန်းအထိ
ဝယ်ယူရန် ပြင်ဆင်ခြင်း စသည့် စီးပွားရေးဆိုင်ရာ ဖြေဆိုမှုများကို ချန်လှပ်ထားပြီး
နိုင်ငံရေးနှင့် သက်ဆိုင်သည့် အပိုင်းများကိုသာ ထုတ်နုတ်ဖော်ပြခြင်းဖြစ်သည်)

Messenger

အပြည့်အစုံသို့ »

ဒေသအချို့တွင် ရေကြီး၊ မြေပြိုနိုင်၍ ကြိုတင်ပြင်ဆင်ရန် ဒေါက်တာထွန်းလွင်သတိပေး



နာဆာဂြိုဟ်တုများ၏ တိုင်းတာ ချက်များအရ မြန်မာနိုင်ငံရှိ ဒေသ  ခြောက်ခုတွင် ရေဖုံးလွှမ်းရန်အ လားအလာများနေပြီး ဒေသနှစ်ခု တွင် မြေပြိုကျရန်အလားအလာ များနေသည့်အတွက် ကြိုတင်ပြင် ဆင်မှုများပြုလုပ်ရန် မိုးလေ၀သ ပညာရှင်ဒေါက်တာထွန်းလွင်က သတိပေးပြောကြားလိုက်သည်။

ရေဖုံးလွှမ်းရန်အလားအ လာများနေသော ဒေသခြောက်ခု မှာ ရန်ကုန်၊ ဧရာဝတီ၊ ပဲခူးတိုင်း ဒေသကြီးနှင့် မွန်၊ ရခိုင်တောင်ပိုင်း၊ ရှမ်းတောင်ပိုင်းတို့ဖြစ်သည်။
မြေပြိုကျရန်အလားအလာ များနေသော ဒေသများမှာ ကချင် ပြည်နယ်မြောက်ပိုင်းနှင့် ရခိုင် ပြည်နယ်တောင်ပိုင်းတို့ဖြစ်ပြီးသ တိထားကြရန်၊ လိုအပ်သောကြို တင်ပြင်ဆင်မှုများပြုလုပ်ရန်လို အပ်ကြောင်းဒေါက်တာထွန်းလွင် က ၎င်း၏ဖေ့စ်ဘွတ်ခ်တွင် ဇူလိုင် ၂၀ည ၁၁နာရီခွဲဝန်းကျင်တွင်ရေး သားသတိပေးထားသည်။

နာဆာဂြိုဟ်တုများ၏ ဇူလိုင် ၂၀တိုင်းတာချက်များအရ ပြည် နယ်နှင့်တိုင်းဒေသကြီးဆယ်ခု တွင် မိုးသည်းထန်စွာရွာသွန်းခဲ့ သည်။

7day daily

အပြည့်အစုံသို့ »

မန္တလေးမြို့တွင် ဖြစ်ပွားခဲ့သော ပဋိပက္ခများ စတင် ဖြစ်ပေါ်စေသည့် ဖြစ်စဉ် အများပြည်သူတို့ သတင်းအမှန် သိရှိစေရန် သတင်းထုတ်ပြန်



မန္တလေးမြို့ ချမ်းအေးသာစံမြို့နယ် ၂၈ လမ်းနှင့် ၈၂ လမ်းထောင့်ရှိ ဆန်းကဖီး လက်ဖက်ရည်ဆိုင်၌ ၁-၇-၂၀၁၄ ရက်နေ့တွင် ပဋိပက္ခအသွင် လူအုပ်စုစတင် ဖြစ်ပေါ်ခဲ့ပြီး လုံခြုံရေး ပူးပေါင်း အဖွဲ့ဝင်များက ထိန်းသိမ်း ဆောင်ရွက်ခဲ့သည်။ လူအုပ်စုချင်း ပဋိပက္ခများ ဆက်လက် ဖြစ်ပွားခြင်းကြောင့် လူနှစ်ဦးသေဆုံးပြီး ၁၄ ဦး ဒဏ်ရာရရှိကာ အဆောက်အအုံများနှင့် မော်တော်ယာဉ်များ ဖျက်ဆီးခံရပြီး တည်ငြိမ် အေးချမ်းရေး ထိန်းသိမ်းရန် လိုအပ်လာသဖြင့် ၄-၇-၂၀၁၄ ရက်နေ့တွင် မြို့နယ် ခုနစ်မြို့နယ်၌ ပြစ်မှုဆိုင်ရာကျင့်ထုံး ဥပဒေပုဒ်မ ၁၄၄ ထုတ်ပြန်၍ ထိန်းသိမ်းခဲ့သည်။

ထိုသို့ ဖြစ်ပွားရခြင်းသည် နေပြည်တော် ပျဉ်းမနားမြို့တွင် မြန်မာ အမျိုးသမီး တစ်ဦးအား အခြားဘာသာဝင် ညီအစ်ကိုနှစ်ဦးက သားမယားအဖြစ် အဓမ္မ ပြုကျင့်ကြောင်း သတင်းကို ဇွန်လ ၃၀ ရက်နေ့ အင်တာနက်၊ လူမှုကွန်ရက် စာမျက်နှာများ၌ စတင်ဖော်ပြရာမှ လူအုပ်စုဖြင့် ပဋိပက္ခများ စတင်ဖြစ်ပွားခဲ့ခြင်း ဖြစ်သည်။

မှုခင်းဖြစ်ရပ်မှာ ၂၈-၆-၂၀၁၄ ရက်နေ့ ည ၁၀ နာရီတွင် မန္တလေးမြို့ ၂၈ လမ်းနှင့် ၈၂ လမ်းထောင့်ရှိ "ဆန်းကဖီး" လက်ဖက်ရည်ဆိုင်၌ ဆိုင်ဝန်ထမ်း မစိုးစိုး (၂၅ နှစ်) ဗန္ဓုလရပ်ကွက် ဘုတလင်မြို့နယ် နေသူသည် ဆိုင်ပိတ်သိမ်းနေစဉ် ဆိုင်ရှင်ဖြစ်သူ ဆန်းမောင် (၄၄နှစ်) (ဘ) ဦးမောင်မောင် အောင်မြေသာစံမြို့နယ် မေဃဂီရိရပ်ကွက် လေလာဝန်း အကွက်အမှတ် (၁၄၆) နေသူနှင့် ယင်း၏ အစ်ကို နေဝင်း (၄၅နှစ်) (ဘ) ဦးမောင်မောင် အောင်မြေသာစံမြို့နယ် ပုလဲငွေရောင် ရပ်ကွက် အကွက်အမှတ်(၁၄၇) နေသူတို့နှစ်ဦးက အမျိုးအစားနှင့် ယာဉ်အမှတ် မမှတ်မိသည့် အဖြူရောင်ယာဉ်ဖြင့် နေပြည်တော်တွင် လက်ဖက်ရည်ဆိုင် အသစ်ဖွင့်မည် ဖြစ်ကြောင်းနှင့် အလုပ်လုပ်ရမည်ဟု ပြောဆို ခေါ်ဆောင်ပြီး ၂၉-၆-၂၀၁၄ ရက်နေ့ နံနက် ၃ နာရီခန့်တွင် ပျဉ်းမနားမြို့ ယောက်သွားအင်း အုပ်စု ပျဉ်းမနား- တောင်ညို ကားလမ်း တော်ဝင်နန်း စားသောက်ဆိုင် အနီး ကားလမ်းဘေး၌ ကားကိုရပ်၍ ညီအစ်ကိုနှစ်ဦးက ၎င်းအား သားမယားအဖြစ် ပြုကျင့်၍ တိမ်းရှောင် သွားကြောင်း တရားလို မစိုးစိုး၏ တိုင်ကြားချက် အရ ယင်းနေ့ည ၇ နာရီခွဲတွင် ပျဉ်းမနားမြို့မ ရဲစခန်း (ပ)၂၉၃/ ၂၀၁၄ ပြစ်မှုဆိုင်ရာဥပဒေ ပုဒ်မ ၃၇၆ ဖြင့် အမှုဖွင့် အရေးယူခဲ့မှု ဖြစ်သည်။

အဆိုပါအမှုအား မြန်မာနိုင်ငံ ရဲတပ်ဖွဲ့၊ မှုခင်းရဲတပ်ဖွဲ့က စစ်ဆေးခဲ့ရာ တရားလို မစိုးစိုး၏ တိုင်ကြားချက်ပါ ယင်းတို့၏ ကိုယ်ရေးအချက်အလက်များ၊ "ဆန်းကဖီး" တွင် အလုပ်လုပ်ကိုင်ခဲ့ခြင်းနှင့် စပ်လျဉ်းသည့် အခြေအနေများ၊ အတူတကွ အလုပ်လုပ်ခဲ့သည် ဆိုသော တောင်သာ မြို့နယ်မှ အလုပ်သမားများ၊ ယခင်က အလုပ် လုပ်ကိုင်ခဲ့ဖူးကြောင်း ထွက်ဆိုခဲ့သည့် လားရှိုး၊ မူဆယ်နှင့် နမ့်ခမ်းမြို့များသို့ အသေးစိတ် စုံစမ်းစစ်ဆေး ခဲ့သည်။ စစ်ဆေးချက်များ အရ ၎င်း၏ အမည်ရင်းမှာ ဖြူဖြူမင်း(ခ)ကတုံးမ (၃၀နှစ်)ဖြစ်ကြောင်း၊ အဖအမည်မှန်မှာ ဦးအောင်မင်း (ကွယ်လွန်) ဖြစ်ကြောင်း၊ မွေးရပ်ဇာတိမှာ မန္တလေးမြို့ ချမ်းအေးသာစံမြို့နယ် ဖြစ်ကြောင်း၊ "ဆန်းကဖီး"တွင် အလုပ်လုပ်ကိုင်ခဲ့ဖူးခြင်း မရှိကြောင်း၊ မှုခင်းဆိုင်ရာ ဆေးပညာနှင့် ဓာတုဗေဒဆိုင်ရာ စစ်ဆေးချက်များ အရလည်း ယင်းအပေါ် အဓမ္မ ပြုကျင့်ခံထားရသည့် လက္ခဏာနှင့် ပြင်ပ ဒဏ်ရာများလည်း မရှိကြောင်း စစ်ဆေး ပေါ်ပေါက်ခဲ့သည်။ ထို့ကြောင့် ယင်းအား အသေးစိတ် ဆက်လက် စစ်ဆေးခဲ့ရာ ကိုယ်တိုင် ဝန်ခံချက်အရ ရဲထွဋ် (ခ) သူရရဲထွဋ်နှင့် နုနုမြတ်တို့၏ ငွေပေး၍ စေခိုင်းမှုအရ ဆန်းမောင်နှင့် နေဝင်းတို့က ယင်းအပေါ် သားမယားအဖြစ် ပြုကျင့်ကြောင်းဖြင့် ပျဉ်းမနားရဲစခန်းတွင် လီဆယ်အမှုဖွင့်ခဲ့ခြင်း ဖြစ်ကြောင်း ပေါ်ပေါက်သည်။

မှုခင်းဆိုင်ရာ စစ်ဆေးချက်များအရ မစိုးစိုးအမည်ခံ၍ လီဆယ်တိုင်ကြားသူ ဖြူဖြူမင်း(ခ) ကတုံးမသည် ၂၀၀၇ ခုနှစ် ဖေဖော်ဝါရီလအတွင်း အဖ ဦးကျော်ဆန်း၊ အမိ ဒေါ်မာလာတို့၏သား မင်းသူရဇော်(ခ) နိုမိုဟာမက်နှင့် အိမ်ထောင်ကျခဲ့ကြောင်း၊ ၂၀၁၃ ခုနှစ် စက်တင်ဘာလတွင် ခင်ပွန်းဖြစ်သူမှာ မူးယစ်ဆေးဝါးမှုဖြင့် တရားရုံးတွင် ရင်ဆိုင်နေရစဉ် အမှုမှ လွတ်မြောက်ရေး အကူအညီပေးသူ ရဲထွဋ်(ခ) သူရရဲထွဋ်နှင့် နုနုမြတ်တို့အား ရင်းနှီးခဲ့ကြောင်း၊ အမှုအား ၁၀-၄-၂၀၁၄ ရက်နေ့တွင် မန္တလေး ခရိုင်တရားရုံးက တရားခံ မင်းသူရဇော်(ခ) နိုမိုဟာမက်အပေါ် ထောင်ဒဏ် ၁၆ နှစ်နှင့် ပူးတွဲတရားခံ မင်းသူရဇော်(ခ) နိုမိုဟာမက်၏ အဒေါ် ခင်မာလွင်နှင့် နီနီဌေးတို့အပေါ် ထောင်ဒဏ် ၁၂ နှစ်စီ ပြစ်ဒဏ် ချမှတ်ခဲ့ကြောင်း သိရှိရသည်။ ထိုသို့ ပြစ်ဒဏ် ချမှတ်ခံရမှုအပေါ် ခင်မာလွင်၏ ခင်ပွန်း ခင်မောင်ထွေး(ခ) ကိုထွေး၊ ရဲထွဋ်(ခ) သူရရဲထွဋ်နှင့် မင်းသူရဇော်(ခ) နိုမိုဟာမက်၏ မိခင် ဒေါ်မာလာတို့က မကျေနပ်၍ တရားရုံးအတွင်း အော်ဟစ်ဆဲဆို ခြိမ်းခြောက်မှုများ ပြုလုပ်ခဲ့ခြင်းကြောင့် မန္တလေးခရိုင် တရားရုံးမှ စာရေး ဦးတင်မောင်ဝင်းက တရားလိုပြုလုပ် တိုင်ကြားသဖြင့် အမှတ်(၃)ရဲစခန်း (ပ)၁၄၉/ ၂၀၁၄၊ ပြစ်မှုဆိုင်ရာ ဥပဒေပုဒ်မ ၂၉၄/ ၅၀၆/ ၃၅၃ အရ အမှုဖွင့် အရေးယူခံရကာ ချမ်းအေးသာစံ မြို့နယ် တရားရုံးတွင် စစ်ဆေးနေဆဲ ဖြစ်သည်။

ထိုသို့ ပြန်လည် အမှုဖွင့် အရေးယူခံရမှုအပေါ် ခင်မောင်ထွေး(ခ) ကိုထွေး၊ ရဲထွဋ်(ခ) သူရရဲထွဋ်နှင့် ဒေါ်မာလာတို့က မကျေနပ်သဖြင့် မန္တလေးခရိုင် တရားရုံးမှ စာရေး ဦးတင်မောင်ဝင်းက ဟေမာကျော်အား သားမယားအဖြစ် ပြုကျင့်ကြောင်း လီဆယ်တိုင်တန်းရန် စီစဉ်ခဲ့ပြီး၂၁-၅-၂၀၁၄ ရက်နေ့တွင် ရဲထွဋ်(ခ) သူရရဲထွဋ်နှင့် နုနုမြတ်တို့သည် ခင်မောင်ထွေး(ခ) ကိုထွေး၊ ဒေါ်မာလာနှင့် သမီး ဟေမာကျော်တို့အား နေအိမ်သို့ ခေါ်ယူ၍ လီဆယ် တိုင်ကြားမည့် အစီအစဉ်ကို သင်ကြား ပေးခဲ့ကြောင်း၊ ယင်းနေ့ နေ့လယ်ပိုင်းတွင် ခင်မောင်ထွေး(ခ) ကိုထွေး၊ ဒေါ်မာလာနှင့် ၎င်း၏သမီး ဖြူမ(ခ) ဖြူဖြူဇော်၊ ဟေမာကျော်တို့သည် မော်တော်ယာဉ်ဖြင့် ပြင်ဦးလွင်သို့ သွားရောက်ပြီး ဟေမာကျော်အား လီဆယ် တိုင်ကြားမည့်ဖြစ်စဉ်နှင့် သက်ဆိုင်သည့် လက်ဖက်ရည်ဆိုင်၊ တည်းခိုခန်းနှင့် စတိုးဆိုင်တို့အား ပြသခဲ့ကြောင်း၊ ထို့နောက် ဒေါ်မာလာ၊ ဖြူမ(ခ) ဖြူဖြူဇော်နှင့် ဟေမာကျော်တို့သည် ပြင်ဦးလွင်မြို့မ ရဲစခန်းသို့ သွားရောက်ပြီး ရဲထွဋ်(ခ) သူရရဲထွဋ်နှင့် နုနုမြတ်တို့ သင်ကြားပေးသည့် အတိုင်း ပုလဲတည်းခိုခန်းတွင် ဦးတင်မောင်ဝင်းက ၎င်းအား သားမယား အဖြစ် ပြုကျင့်ခဲ့ကြောင်းဖြင့် ဟေမာကျော်က တရားလို ပြုလုပ်၍ လီဆယ် တိုင်ကြားခဲ့ရာ ပြင်ဦးလွင်မြို့မ ရဲစခန်း (ပ)၁၀၇/ ၂၀၁၄၊ ပြစ်မှုဆိုင်ရာ ဥပဒေပုဒ်မ ၃၇၆ ဖြင့် ဦးတင်မောင်ဝင်း အပေါ် အမှုဖွင့် အရေးယူခဲ့သည်။

ထို့ပြင် ရဲထွဋ်(ခ) သူရရဲထွဋ်နှင့် နုနုမြတ်တို့သည် မန္တလေးမြို့ စစ်ကိုင်းလမ်းခွဲနေ ဟာဂျီထွန်းထွန်း ဆိုသူနှင့် ရင်းနှီးမှုရှိပြီး ဟာဂျီ ထွန်းထွန်းနှင့် "ဆန်းကဖီး" ပိုင်ရှင် ဆန်းမောင်၊ "နေကဖီး" ပိုင်ရှင် နေဝင်းတို့မှာလည်း လူမှုရေး ပြဿနာများကြောင့် မှုခင်းများ အပြန်အလှန် ဖြစ်ပွားမှုများ ရှိကြောင်း စစ်ဆေး သိရှိရသည်။ ဟာဂျီထွန်းထွန်းသည် ၎င်း၏ ကြက်ခြံမှ အလုပ်သမား မကေသီခိုင်(ခ) ချယ်ရီသိန်း (၂၇နှစ်) (ဘ) ဦးရဲမြင့်အား ၉-၅- ၂၀၁၄ ရက်နေ့တွင် စစ်ကိုင်းမြို့ တည်းခိုခန်း၌ သားမယားအဖြစ် ပြုကျင့်ကြောင်း တိုင်ကြားခံရသဖြင့် ၁၇-၅-၂၀၁၄ ရက်နေ့တွင် စစ်ကိုင်းမြို့မရဲစခန်း (ပ)/၂၈၁/ ၂၀၁၄၊ ပြစ်မှုဆိုင်ရာ ဥပဒေပုဒ်မ ၃၇၆ အမှုဖြင့် အရေးယူခံရသည်။ ယင်းသို့ အရေးယူခံရမှု အပေါ် ဆန်းမောင်နှင့် နေဝင်းတို့က သွေးထိုး မြှောက်ပင့်ခဲ့သည်ဟု ဟာဂျီထွန်းထွန်းက ယူဆ ယုံကြည်ခဲ့သည်။ ထို့နောက် ဟာဂျီထွန်းထွန်းသည် ဆန်းမောင်နှင့် နေဝင်းတို့အပေါ် ပြစ်ဒဏ်ကြီးစွာ ရရှိနိုင်သည့် အမှုတစ်ခုဖြင့် လီဆယ် တိုင်ကြားနိုင်ရေး အတွက် ရဲထွဋ်(ခ) သူရရဲထွဋ်ထံ အကူအညီ တောင်းခံခဲ့သည်။ ရဲထွဋ်(ခ) သူရရဲထွဋ်နှင့် နုနုမြတ်တို့က ခင်ပွန်းဖြစ်သူ မူးယစ်ဆေးဝါးမှုဖြင့် ထောင်ကျပြီး ငွေကြေး လိုအပ်နေသူ ဖြူဖြူမင်း(ခ) ကတုံးမအား အသုံးချ၍ သားမယား ပြုကျင့်မှုဖြင့် လီဆယ်တိုင်ကြားရန် စီစဉ်ခဲ့သည်။ ဇွန်လအတွင်း၌ ရဲထွဋ်(ခ) သူရရဲထွဋ်နှင့် နုနုမြတ်တို့သည် ဖြူဖြူမင်း(ခ) ကတုံးမအား မန္တလေးမြို့ရှိ ခေါ်ယူနေထိုင်စေကာ သားမယား ပြုကျင့်သည့် လုပ်ကြံဖြစ်စဉ်ကို အသေးစိတ် ဇာတ်လမ်းဆင် သင်ကြားပေးခဲ့ပြီး အောင်မြင်ပါက ဖြူဖြူမင်း(ခ) ကတုံးမအား ငွေကျပ် ၁၀ သိန်း ပေးမည်ဟု သွေးဆောင်စည်းရုံးခဲ့ကြောင်း စစ်ဆေး ပေါ်ပေါက်သည်။

ထို့နောက် ဖြူဖြူမင်း(ခ) ကတုံးမ၊ ရဲထွဋ်(ခ) သူရရဲထွဋ်၊ နုနုမြတ်၊ ဖြူဖြူဇော်(ခ)ဖြူမတို့သည် ဆန်းမောင်နှင့် နေဝင်းတို့အပေါ် သားမယားအဖြစ် ပြုကျင့်မှုဖြင့် လီဆယ်အမှုဖွင့်ရန် ၂၈-၆-၂၀၁၄ ရက်နေ့ညပိုင်းတွင် ပျဉ်းမနားသို့ ရဲထွဋ်(ခ)သူရရဲထွဋ်၏ တိုရိုတာမတ်တူးယာဉ်ဖြင့် အမြန်လမ်းမကြီး အတိုင်း သွားရောက်ခဲ့ကြောင်း၊ ပျဉ်းမနားသို့ ရောက်ရှိပြီး ရွှေတောင် တည်းခိုခန်းတွင် တည်းခိုခဲ့ကြောင်း၊ သားမယားအဖြစ် ပြုကျင့်ခံရသည်ဟု လုပ်ကြံဖော်ပြမည့် နေရာနှင့် ပျဉ်းမနားမြို့၏ အနေအထားကို ရဲထွဋ်(ခ) သူရရဲထွဋ်နှင့် နုနုမြတ်တို့က မော်တော်ယာဉ်ဖြင့် လိုက်လံပြသခဲ့ကြောင်း၊ ၂၉-၆-၂၀၁၄ ရက်နေ့ နေ့လယ်ပိုင်းတွင် ဖြူဖြူမင်း(ခ) ကတုံးမအား ငွေ ၂၅၀၀၀ ပေး၍ ပျဉ်းမနားမြို့ မြင်းရတနာရုပ်တု အနီးတွင် ထားခဲ့ပြီး မန္တလေးသို့ ပြန်သွားခဲ့ကြောင်း သိရသည်။ ဖြူဖြူမင်း(ခ) ကတုံးမသည် ဆိုင်ကယ်ကယ်ရီဖြင့် ပျဉ်းမနား ရဲစခန်းသို့ သွားရောက်ကာ မစိုးစိုး အမည်ခံ၍ နေဝင်းနှင့် ဆန်းမောင်တို့က ၎င်းအား သားမယားအဖြစ် ပြုကျင့်ကြောင်း လီဆယ် တိုင်ကြားခဲ့သည်ကို စစ်ဆေး ပေါ်ပေါက်သည်။

ဖြူဖြူမင်း(ခ) ကတုံးမသည် ရဲထွဋ်(ခ)သူရရဲထွဋ်နှင့် နုနုမြတ်တို့၏ စည်းရုံးသင်ကြားပေးမှုအရ ဆန်းမောင်နှင့် နေ၀င်းတို့က ၎င်းအား သားမယားအဖြစ် ပြုကျင့်ကြောင်း လီဆယ်တိုင်ကြားခဲ့ရခြင်းဖြစ်သည်ကို အမှုစစ်ရဲအရာရှိထံ ဝန်ခံထွက်ဆိုခဲ့သည်။ ထို့နောက် ၉-၇-၂၀၁၄ ရက်နေ့တွင် ပျဉ်းမနားမြို့နယ်တရားရုံး၌ ပြစ်မှုဆိုင်ရာ ကျင့်ထုံးဥပဒေပုဒ်မ ၁၆၄/ ၃၆၄ အရ ထိုသို့ လီဆယ်အမှု တိုင်ကြားခဲ့ရသည့် ဖြစ်စဉ်အပြည့်အစုံကို ဖြူဖြူမင်း(ခ)ကတုံးမက ဖြောင့်ဆိုချက်ပေးခဲ့၍ ပျဉ်းမနားမြို့နယ် တရားရုံးမှ ပြစ်မှုသေးအမှတ် ၁၂၂/ ၂၀၁၄ ဖြင့် လက်ခံခဲ့သည်။

ထို့ပြင် ပျဉ်းမနားနှင့် ပြင်ဦးလွင်တို့တွင် တိုင်ကြားခဲ့သည့် သားမယားအဖြစ် ပြုကျင့်မှုများမှ ဟေမာကျော်၏ ဦးလေး တော်စပ်သူ ခင်မောင်ထွေး(ခ) ကိုထွေး၊ ဆက်စပ်သက်သေ ဇင်မင်းထွန်း(ခ) ဇင်လေးနှင့် ဖိုးခွား(ခ) ပြားကြီး(ခ) တင်မင်းထက်တို့ကလည်း ယင်းအမှုများသည် လီဆယ် တိုင်ကြားခြင်းသာ ဖြစ်ကြောင်း ချမ်းမြသာစည်မြို့နယ် တရားရုံး၌ ပြစ်မှုဆိုင်ရာ ကျင့်ထုံးဥပဒေပုဒ်မ ၁၆၄ အရ ကြိုတင် ထွက်ဆိုချက်များ ပေးခဲ့ကြသည်။

မြန်မာနိုင်ငံရဲတပ်ဖွဲ့၊ မှုခင်းရဲတပ်ဖွဲ့သည် စစ်ဆေးပေါ်ပေါက်ချက်များနှင့် ပြည်ထောင်စုရှေ့နေချုပ်ရုံး၏ ဥပဒေအကြံပြုချက်အရ စိုးစိုး(ခ) ကတုံးမက တိုင်ကြားခဲ့သော ပျဉ်းမနားမြို့မရဲစခန်း(ပ)၂၉၃/ ၂၀၁၄၊ ပြစ်မှုဆိုင်ရာဥပဒေပုဒ်မ ၃၇၆ အမှုကို ၁၇-၇-၂၀၁၄ ရက်နေ့တွင် လီဆယ်မှုဖြင့် ပိတ်သိမ်းပြီး လီဆယ်တိုင်တန်းသူ ဖြူဖြူမင်း(ခ)ကတုံးမ (ဖမ်းမိ)နှင့် ထိုသို့ လီဆယ်တိုင်တန်းရန် ညွှန်ကြားစီစဉ်သူ နုနုမြတ်(ဖမ်းမိ)၊ ရဲထွဋ်(ခ) သူရရဲထွဋ်(တိမ်းရှောင်) တို့အပေါ် ဥပဒေနှင့်အညီ အရေးယူဆောင်ရွက်လျက်ရှိသည်။ အလားတူ ပြင်ဦးလွင် မြို့မရဲစခန်း(ပ) ၁၀၇/ ၂၀၁၄ ပြစ်မှုဆိုင်ရာဥပဒေပုဒ်မ ၃၇၆ အမှုကိုလည်း စစ်ဆေးပေါ်ပေါက်ချက်နှင့် ပြင်ဦးလွင်ခရိုင် ဥပဒေရုံး၏ ဥပဒေ အကြံပြုချက်အရ ၁၈-၇-၂၀၁၄ ရက်နေ့တွင် လီဆယ်မှုဖြင့် ပိတ်သိမ်းခဲ့ပြီး လီဆယ်တိုင်တန်းသူ ဟေမာကျော် (တိမ်းရှောင်)နှင့် ဒေါ်မာလာ(တိမ်းရှောင်)တို့အပေါ် ဥပဒေနှင့်အညီ အရေးယူရန် ဆောင်ရွက်လျက် ရှိသည်။

ထိုသို့ ပျဉ်းမနားမြို့တွင် လီဆယ် တိုင်ကြားခဲ့သောအမှုကို အကြောင်း ပြု၍ မန္တလေးမြို့၌ ၁-၇-၂၀၁၄ ရက်မှ စတင်ဖြစ်ပွားခဲ့သည့် လူအုပ်စုချင်း ပဋိပက္ခ ဖြစ်စဉ်များတွင် ဥပဒေနှင့်အညီ အရေးယူ ဆောင်ရွက်မှုများ ပြုလုပ်ခဲ့ရာ လူသတ်မှု၊ နာကျင်စေမှု၊ မီးရှို့မှု၊ ဘာသာရေး အဆောက်အအုံများ ဖျက်ဆီးမှု၊ ရုန်းရင်းဆန်ခတ်မှု၊ ငြိမ်ဝပ်ပိပြားရေးကို ပျက်ပြားစေရန် သွေးထိုးလှုံ့ဆော်မှု၊ လက်နက်မှုနှင့် ရဲအက်တို့ဖြင့် အမှုပေါင်း ၁၉မှု အရေးယူနိုင်ခဲ့ပြီး တရားခံ ၄၉ ဦး ဖမ်းဆီးရမိကာ တရားခံရှစ်ဦးမှာ ထွက်ပြေး တိမ်းရှောင်လျက် ရှိသည်။

ပြစ်မှုဆိုင်ရာ ကျင့်ထုံးဥပဒေ ပုဒ်မ ၁၄၄ အရ ထုတ်ပြန်ထားသော အမိန့်ကို ချိုးဖောက်သဖြင့် ပညာပေး၍ ခံဝန်ချုပ်ဖြင့် ပြန်လည် စေလွှတ်သူ ၁၅၇ ဦး၊ ပြစ်မှုဆိုင်ရာ ဥပဒေပုဒ်မ ၁၈၈ အရ အရေးယူမှုမှာ ၁၇-၇- ၂၀၁၄ ရက်နေ့အထိ အမှုပေါင်း ၃၄၉ မှု၊ အရေးယူခံရသူပေါင်း ၈၃၄ ဦးဖြစ်သည်။ ကျူးလွန်ခဲ့သော တရားခံများနှင့် ဆက်စပ် ပါဝင်သူများကို ဥပဒေအရ အရေးယူရန် ဆက်လက် စစ်ဆေး ဖော်ထုတ်လျက် ရှိပြီး အများပြည်သူတို့ သတင်းအမှန် သိရှိစေရန် အတွက် ဆက်လက် ထုတ်ပြန်သွားမည် ဖြစ်သည်။

MOI Webportal Myanmar

အပြည့်အစုံသို့ »