ဂါရ၀ပြုသူများ အဆင်ပြေရေးကို ဦးစားပေးခဲ့ခြင်းဖြစ်ပြီး ဘယ်မီဒီယာကိုမှ စော်ကားလိုစိတ်မရှိဟု ဝေဠုကျော်ပြော



အာဇာနည်နေ့တွင် အာ ဇာနည်ကုန်း အလေးပြုသောနေ ရာ၌  ကြက်ခြေနီအဖြစ် တာဝန် ထမ်းဆောင်သော ဝေဠုကျော်နှင့် မီဒီယာသမားတစ်ဦးတို့    က တောက်ကဆဖြစ်ခဲ့ပြီး  ၎င်းအ နေဖြင့် လာရောက်ဂါရ၀ပြုသူများ အဆင်ပြေစေရေးကိုသာ ဦးစား ပေးဆောင်ရွက်ခြင်းဖြစ်ကြောင်း သရုပ်ဆောင်ဝေဠုကျော်က ပြော သည်။

အာဇာနည်ကုန်းပေါ်တွင် ဒီဗီဘီသတင်းဌာနမှ သတင်း ထောက်တစ်ဦးကို အလေးပြုပြီး ပြန်ဆင်းရန် ပြောရာမှ ကတောက်ကဆဖြစ်ပြီး   သတင်းထောက် ကတ်ပြခိုင်းခဲ့ရာ သတင်းထောက် က မကျေနပ်သဖြင့် လူမှုကွန်ရက် ဖေ့စ်ဘွတ်ခ်တွင် ဖြစ်ခဲ့သည့်အ ကြောင်းအရာကို    ရေးတင်ခဲ့ ခြင်းဖြစ်သည်။

ထိုသို့ရေးခြင်းနှင့်ပတ်သက် ၍ ဝေဠုကျော်က လာရောက်ဂါရ ၀ပြုသည့် ပြည်သူများ အဆင်ပြေ ပြေ ဂါရ၀ပြုနိုင်ရေးအတွက်ကို သာ ဦးစားပေးဆောင်ရွက်ခဲ့ပြီး အားလုံးကို တစ်ပြေးညီ ဆက်ဆံ ခဲ့ကြောင်း ပြောသည်။

‘‘ဘယ်မီဒီယာကိုမှ စော် ကားလိုစိတ်မရှိပါဘူး။ သူဘယ် သူလဲဆိုတာလည်း   ကျွန်တော် မသိဘူး။ သူက ကျွန်တော့်ကိုပြော ပါတယ်။ သူက ဒီဗီဘီသတင်း ထောက်ပါတဲ့။ အဲဒါနဲ့ ကျွန်တော် က ကတ်ပြားလေးပြပါလို့ ပြောပါ တယ်။ သူ ကတ်ပြားပြလို့ သတင်း ယူမယ်ဆိုရင်   ယူခွင့်ပေးရမှာ လေ။ သူက ကတ်ပြားမရှိတော့ ဘူး၊ ပျောက်သွားတယ်ဆိုတော့ သူဘယ်သူလဲ ကျွန်တော်မသိဘူး လေ။ အဲဒါကြောင့် ဟိုဘက်က သွားရိုက်ပေးလို့ ကျွန်တော်ပြောခဲ့ တာ။ အဲဒီအပေါ်မှာ သူ့ဘက်က အကောင်းမမြင်တာတော့ ကျွန် တော်လည်း   မတတ်နိုင်ပါဘူး’’ ဟု ၎င်းက ပြောသည်။

မီဒီယာကတ်ပြားပြနိုင်သူကို မောင်းချပါက ၎င်း၏ အမှားဖြစ် ပြီး ၎င်းဘက်မှ မီဒီယာကတ်ပြား မပြနိုင်သောကြောင့် ဂါရ၀ပြု သည့်နေရာတွင် ဓာတ်ပုံရိုက်နေ သူများကဲ့သို့ ဂါရ၀ပြုသည့်နေရာ မှဆင်း၍ တစ်ဖက်တွင် သွား ရောက်ရိုက်ကူးရန် ပြောခဲ့ခြင်းဖြစ်ကြောင်း ဝေဠုကျော်ကပြောသည်။

ကြက်ခြေနီတစ်ဦးအနေ ဖြင့်   နိုင်ငံတော်ပွဲတိုင်းတွင်   ပါ ၀င်လေ့မရှိသော်လည်း အာဇာ နည်နေ့တွင် လာရောက်ဂါရ၀ပြု သူ အလွန်များသောကြောင့် အ ဆင်ပြေပြေ ဂါရ၀ပြုနိုင်ရန် စေတနာ့ဝန်ထမ်းအဖြစ် ဆောင်ရွက် ခဲ့ခြင်းဖြစ်သည်ဟု  ၎င်းက ပြော သည်။

ဝေဠုကျော်သည် ရန်ကုန် တိုင်း ကြက်ခြေနီအဖွဲ့တွင် တပ် ခွဲမှူးရာထူးဖြင့်   စည်းရုံးရေးမှူး တာဝန်    ထမ်းဆောင်လျက်ရှိ သည်။

7day daily

အပြည့်အစုံသို့ »

မန္တလေးပဋိပက္ခဖြစ်ပွားစေခဲ့သည့် အဓမ္မပြုကျင့်မှုကို စသုံးလုံးနှင့် စီအိုင်ဒီတို့ ပူးပေါင်းဖော်ထုတ်ဟုဆို



မန္တလေးပဋိပက္ခ ဖြစ်ပွားစေခဲ့သည့် အဓမ္မပြုကျင့်မှုကို စသုံးလုံးနှင့် စီအိုင်ဒီတို့ ပူးပေါင်းဖော်ထုတ်ခဲ့ကြကြောင်း မန္တလေးခရိုင်ဒုတိယရဲမှူးကြီး စိန်ထွန်းက မဇ္ဈိမကို ပြောသည်။

“ပျဉ်းမနားရဲစခန်းက စစ်ဆေးမှုပြုလုပ်ပြီးတော့ စသုံးလုံး၊ စီအိုင်ဒီတို့နဲ့ ပူးပေါင်းလုပ်ဆောင်တာ ဖြစ်ပါတယ်။ မန္တလေးခရိုင်အနေနဲ့ကတော့ ဖြစ်စဉ်အတွက် လိုအပ်တာတွေ လုပ်ဆောင်ပေးပါတယ်။ ဖမ်းဆီး အရေးယူမှု ချက်ချင်း မလုပ်ဆောင်တာက နှစ်ဖက်ဖြစ်တယ်။ တစ်ဖက်ကလည်း ဗုဒ္ဓဘာသာဖြစ်တယ်။ တစ်ဖက်ကလည်း အစ္စလာမ်ဘာသာဝင်တွေ ဖြစ်တယ်။ အဲဒါကနေ လူမျိုးရေးပဋိပက္ခမဖြစ်အောင် ထိန်းရင်းထိန်းရင်းကနေ လူစုလူဝေး ဖြစ်သွားတာပါ။ အခုဖြစ်စဉ်မှာ လိမ်လည်တိုင်တန်းတယ်လို့ စစ်ဆေးတွေ့ရှိထားပါတယ်” ဟု မန္တလေးခရိုင်ဒုတိယ ရဲမှူးကြီးစိန်ထွန်းက မဇ္ဈိမကို ပြောသည်။

မြန်မာနိုင်ငံရဲတပ်ဖွဲ့က အဆိုပါဖြစ်စဉ် စုံစမ်းစစ်ဆေးမှုများ ပြုလုပ်ခဲ့ရာ လိမ်လည်တိုင်ကြားခဲ့သူ ဖြူဖြူမင်း(ခ) ကတုံးမက ဇူလိုင် ၉ရက်တွင် ပျဉ်းမနားမြို့နယ် တရားရုံး၌ အမှုဖြစ်စဉ်ကို ဖြောင့်ချက်ပေးခဲ့သည်ဟုဆိုသည်။

ထို့ပြင် ပျဉ်းမနားနှင့် ပြင်ဦးလွင်တို့တွင် တိုင်ကြားခဲ့သည့် သားမယားအဖြစ် ပြုကျင့်မှုများမှာ ဟေမာကျော်၏ ဦးလေးတော်စပ်သူ ခင်မောင်ဌေး(ခ)ကိုထွေးနှင့် ဆက်စပ်သက်သေ ဇင်မင်းထွန်း(ခ)ဇင်လေးနှင့် ဖိုးခွား(ခ) ပြားကြီး(ခ)တင်မင်းထက်တို့ကလည်း ယင်းအမှုများသည် လိမ်လည်တိုင်တန်းခဲ့ခြင်းသာဖြစ်ကြောင်း ချမ်းမြသာစည်မြို့နယ် တရားရုံး၌ ကြိုတင်ထွက်ဆိုချက်များပေးခဲ့သည်ဟု ဆိုသည်။

“လိမ်လည်တိုင်တန်းတဲ့ ကိစ္စတစ်ခုက ဒီလောက်အထိဖြစ်သွားတာတော့ မကောင်းဘူး။ ဥပဒေဘက်တော်သားတွေလည်း လျင်လျင်မြန်မြန်လုပ်ဖို့ လိုတယ်။ ဖြစ်စဉ်မှာ ဘေးတီးတဲ့သူတွေကို ဖော်ထုတ်ဖို့လည်း လိုတယ်။ မန္တလေးမြို့ လက်ရှိအနေအထားကလည်း ငြိမ်းချမ်းတဲ့အဆင့်တော့ မရောက်သေးပါဘူး။ တည်ငြိမ်တဲ့ အဆင့်ပဲရှိပါတယ်။ ဘာလို့လဲဆိုတော့ ညမထွက်ရ အမိန့်ရှိတဲ့အတွက်ပါ။ ညမထွက်ရအမိန့် ရုပ်သိမ်းပြီး စောင့်ကြည့်ဖို့လိုပါသေးတယ်”မန္တလေး မြို့ခံတစ်ဦးက ပြောသည်။

အဆိုပါကိစ္စ ကိုနေ ကဖေးနှင့် ဆန်း ကဖေးသို့ ဆက်သွယ်မေးမြန်းခဲ့သော်လည်း ပြန်လည်ဖြေကြားခြင်း မရှိပေ။ ဖြူဖြူမင်း(ခ)ကတုံးမ လိမ်လည်တိုင်ကြားခဲ့ခြင်းအပေါ် ပျဉ်းမနားမြို့မ ရဲစခန်း က(ပ)၂၉၃/၂၀၁၄ ပြစ်မှု ဆိုင်ရာဥပဒေ ပုဒ်မ ၃၇၆ အမှုကို ဇူလိုင်လ ၁၇ ရက်တွင် ပိတ်သိမ်းခဲ့သည်ဟုဆိုသည်။ လိမ်လည် တိုင်တန်းသူ ဖြူဖြူမင်းနှင့် ညွှန်ကြားစီစဉ်သူ မနုနုမြတ်တို့ကို ဖမ်းဆီးထားပြီး ရဲထွဋ် (ခ) သူရရဲထွဋ်မှာ ထွက်ပြေး တိမ်းရှောင်နေကြောင်း ပြည်ထဲရေးဝန်ကြီးဌာနက သတင်းထုတ်ပြန်သည်။

Mizzima

အပြည့်အစုံသို့ »

မှတ်သားဖွယ် အလှအပရေးရာ အဖြေရှာ



အလှပြင်တဲ့အခါ မကြာခဏတွေ့ ကြုံရလေ့ရှိတဲ့ ပြဿနာလေးတွေကိုရိုးရှင်း လွယ် ကူတဲ့နည်းလေးတွေနဲ့ အောက်ပါအတိုင်း အဖြေ ညှိလိုက်ကြရအောင်။

(၁) ပွထောင်နေတဲ့ ဆံပင်တွေအတွက် အုန်းဆီ-ခေါင်းလိမ်းဆီ က သပ်သပ် ရပ်ရပ်ဖြစ်စေသော်လဲဘဲ၊ ဆီ(လုံးဝ)မကြိုက်သူများ အတွက် baby hair
oil(ခေါ်)ကလေးခေါင်းလိမ်းဆီ လေးတွေလိမ်းပေးပါ(သို့ မဟုတ်)ဆံပင်ကို အပေါ်ကနေ hairspray ဖြန်းပေး ပါ။

(၂) နှုတ်ခမ်းဆိုးဆေးအနီရဲရဲတွေကို တခါတလေမှသုံးသူများက၊လက်မငြိမ်ဘဲဆိုးမိ တာကြောင့် အခန့် မသင့်ရင် ဆေးတွေဘေး သို့ ပြန့် သွားတတ်ပါတယ်။ အဲဒီ လိုမဖြစ်စေဖို့  ဦးစွာအနီရောင်နဲ့ အနီးစပ်ဆုံးတူတဲ့ နှုတ်ခမ်းဆိုးဆေး ခဲတံလိုင် နာဖြင့် နှုတ်ခမ်းကို အနားသတ်လိုင်းဖော်ရပါမယ်။ ပြီးမှ အနီရဲရဲနှုတ် ခမ်းနီကို ဆိုးပေးပါ။

(၃) ဆောင်းတွင်းမှာ အသားပပ်လို့ ခြေသလုံးတွေ ပက်ကျားအက်နေခြင်းအတွက်၊
ထွေထွေထူးထူးစဉ်းစားမနေပါနဲ့ ။ အုန်းဆီ ၃-စက်လောက်ကို လက်ထဲလောင်းချ၍
လက်ဖ၀ါး ၂-ဘက်ကိုပွတ်ကာ၊ ခြေသလုံးသားထဲစိမ့်ဝင်သွားအောင် ပွတ်သပ် လိမ်းပေးပါ။

(၄) အကြောင်းတခုခုကြောင့် လက်သည်းတွေပဲ့ထွက်တဲ့အခါ လက်သည်းညှပ် အလွယ်တကူမရှိဘူးဆိုပါစို့ ။ ဥပမာ ပဲ့နေသော လက်ညှိုးရဲ့ လက်သည်းကို လက်မရဲ့ လက်သည်းဖြင့် လက်သည်းချင်းပွတ်ကုတ်ပေးပါ(သို့ မဟုတ်) မိမိဝတ် ဆင်ထားတဲ့ ပိတ်စ ကြမ်းကြမ်းအ၀တ်ထည်ဖြင့် အဲဒီလက်သည်းကိုပွတ် တိုက်ပေးပါ။ (လက်သည်းညှပ်သေးသေးလေးတွေ၊ ဆံညှပ် နဲ့ တွယ်ဂျိပ် လေးတွေ vကို ခရီးသွား ဟန်လွှဲ အရေးပေါ်သုံးနိုင်အောင် ပိုက်ဆံအိတ်ထဲမှာ အမြဲဆောင်ထားသင့်ပါတယ်)

(၅) မျက်တောင်မွှေးကို အလှပြင်တဲ့ Mascara တွေကို
နည်းနည်းသာသုံးသင့်ပါတယ်။ Mascara အမျိုးအစားတွေက တခုနဲ့ တခု
မတူညီတာကြောင့် မိမိသုံးနေကျ အမျိုးအစားမဟုတ်တဲ့ ပစ္စည်းအသစ်ကိုဝယ်တဲ့အခါ
အရောင်းကောင်တာမှာ စမ်းသပ်၍သော် လည်းကောင်း၊ အရောင်းစာရေးကို
ပစ္စည်းအသုံးပြုနည်းမေးမြန်း၍သော်လည်းကောင်း လေ့လာပြီးမှဝယ်ပါ။ အကယ်၍
Mascara သုံးတာများသွားတဲ့အခါ မျက်တောင်မွှေးကိုသုံးတဲ့  ဘရက်ရ်ှလေးဖြင့်
အသာအယာဖြီးလိမ်း သုတ်သင်ပါ။

(၆) အမျိုးသားများ မုတ်ဆိတ်မွှေးရိတ်တဲ့အခါ(သို
့မဟုတ်)အမျိုးသမီးတွေဂျိုင်းမွှေး နဲ့ ခြေသလုံးမွှေးရိတ်တဲ့အခါ အမွှေးရဲ
့လား ရာလမ်းကြောင်းအတိုင်း သင်တုန်းဓားကို အလိုက်သင့်ရိတ်ပေးရပါမယ်။
အကယ်၍ အမွှေးရဲ့ လားရာလမ်းကြောင်းနဲ့ ဆန့် ကျင် ရိတ်တဲ့အခါ
အရေပြားနာကျင်တတ်ပြီး မွှေးညှင်းပေါက်တွေပိတ်သွားတတ်ပါတယ်။
နာကျင်မှုသက်သာအောင်နဲ့  မွှေးညှင်းပေါက် တွေမပိတ်ရအောင် ရေဆွတ်၍ရိတ်ပေးပါ။

(၇) မျက်ခုံးမွှေးသွယ်သွယ်တန်းတန်းလေး ဖြစ်အောင် ဓား(သို
့မဟုတ်)ဇာဂနာဖြင့် အနားသပ်ညှိတဲ့အခါ တခါတရံ လက်လွန်ပြီး
မျက်ခုံးမွှေးတွေပါသွားတတ်ပါတယ်။ အဲဒီအခါ မိမိမျက်ခုံးမွှေးအရောင်နဲ
့အနီးစပ်ဆုံးဆင်တူတဲ့ မျက်ခုံးမွှေးဆွဲခဲတံကိုသုံး၍ လို အပ်တဲ့နေရာမှာ
မျက်ခုံးမွှေးဖြည့်ဆွဲပေးလိုက်ပါ။

(၈) အချို့  အမျိုးသမီးများက မိတ်ကပ်လိမ်းပြီးနောက် မိတ်ကပ်ညှိတဲ့
ဘရက်ရှ်(အမွှေးလေးတွေ)ကိုသုံးတတ်ကြပါတယ်။ အဲဒီ ဘရက်ရ်ှတွေက ကြာလာတဲ့အခါ၊ အမွှေးလေးတွေလုံးခဲ၍ကျွတ်သွားတတ်ပါတယ်။ ဘရက်ရ်ှသုံး လို့ ကောင်းစေဖို့ အတွက် ကလေးရေချိုးဆပ်ပြာ ပျော့စားဖြင့် ဆေးကြောသန့် စင်၍၊ ဘရက်ရ်ှတံရဲ့ အမွှေးကိုအောက်သို့ ထား၍ တွဲလောင်းချိပ်ကာ (လုံးဝ) ခြောက် သွားတဲ့အထိ နေပူလှန်းပေးပါ။

(၉) အိုင်းလိုင်နာအရည်တွေ လေသလပ်ပြီး ပုလင်းဗူးလေးထဲမှာ ခြောက်ကပ်နေ တယ်ဆိုပါစို့ ။ ရေ ၁-စက် (သို့ မဟုတ်) ၂-စက် ထဲ့၍ ပုလင်းလေးကို နာနာလှုပ်ခါပြီး သုံးကြည့်ပါ။

ပျိုမေတို့သိစေဖို့ မှ ပြန်လည်မျှဝေပါသည်။

(တင်ထက်ထက်ဇော်……မျှဝေသည်)
(ကိုးကား…Women’s Tips)
*promise.pauk*

အပြည့်အစုံသို့ »

မြင်သမျှ … ကြားသမျှ



ဖြစ်တတ်တဲ့အကြောင်းတရားဆိုလည်း

ကျွန်တော်ပြောပြမယ်ဗျာ။ ဒါဟာ ကျွန်တော့် အမြင်သာဖြစ်လို့ သဘော ထား တိုက်ဆိုင်ချင်မှ တိုက်ဆိုင်ပါလိမ့် မယ်။ ဒါပေမဲ့ ပြောရမယ့်ကိစ္စမို့ လို့ ပြောရ တာပါ။ မကြာသေးခင်ကမှ ကျင်းပပြီးစီး သွားတဲ့ မြန်မာနဲ့ထိုင်း ရိုးရာလက်ဝှေ့ ပွဲကို တစ်နိုင်ငံလုံးအတိုင်းအတာနဲ့ အခမဲ့ပြသခဲ့လို့ လူတိုင်းလောက်နီးနီး ကြည့်လိုက်ရမှာပါ။ ပွဲစဉ်ေ တွရော၊ လက်ဝှေ့သမားတွေပါ စွဲမက်စရာချည်းပါပဲ။ ကိုယ်တိုင်လည်း အားကစား သမားဖြစ်ခဲ့တာမို့ ဒီကစားပွဲကို အလွန်နှစ်သက်ခဲ့ပါတယ်။ ကျွန်တော့်အဖေ ကိုယ်တိုင် လက်ဝှေ့ဝါသနာအိုးမို့ လက်ဝှေ့ပွဲကို ကျွန်တော်တို့ စွဲလန်းတာသိပ်တော့ ပြောစရာမရှိပါဘူး။

လက်ဝှေ့ပွဲဆိုတာ ရန်သူနှစ် ယောက်က စိန်ခေါ်တိုက်ခိုက်ကြတာ မဟုတ်ပါဘူး။  ပညာရှင်နှစ်ဦးက ပန်းချီကားတစ်ချပ်ကို အတူရေးဆွဲကြသလို အနုပညာဆန်လှပါတယ်။ ဒါကြောင့် ဒေါသမောဟပါတဲ့သူဟာ ရှုံးနိုင်ခြေများလေ့ရှိပါတယ်။ အဲဒီနေ့မှာ ထိုးသွားတဲ့ စိုးလင်းဦးရဲ့ လက်ဝှေ့ပွဲအကြောင်းပြောချင်တာပါ။ စိုးလင်းဦးဟာ ကျွန်တော် သာ မက တစ်နိုင်ငံလုံး အသည်းကျော်လက်ဝှေ့ သမားပါ။ ဘာလို့လဲဆိုတော့ စိုးလင်းဦး ဟာ ကြောက်စိတ်ကင်းတယ်။ မာရည် မြင့်တယ်။ ဘယ်လောက်ပဲ လူကောင် ကွာပါစေ။ နောက်မဆုတ်တမ်း ထိုးတတ်တဲ့အပြင် ထိုးသတ်ပုံ အင်မတန်မှကို သန့်ရှင်းရိုးသားပါတယ်။

အဲဒီနေ့မှာ သူဟာ ထိုင်းလက်ဝှေ့ ကျော် ‘ပါဝိ’ နဲ့ ထိုးသတ်ရပါတယ်။ ပါဝိဆိုတာကလည်း သိကြတဲ့အတိုင်း မြန်မာအကြိုက်ဆုံး နိုင်ငံခြားသား လက်ဝှေ့ သမား ပါ။ မြန် မာနိုင် ငံက နာမည်ကြီးလက်ဝှေ့သမား အတော်များများ နဲ့ လာရောက်ယှဉ်ပြိုင်ပြီး မြန်မာအကြိုက်ဆုံး နိုင်ငံခြားသား လက်ဝှေ့ သမားအဖြစ် သတ်မှတ်ထားကြတာပါ။ သူတို့ နှစ်ယောက်ပွဲက ကြည့်ကောင်းတဲ့ပွဲတစ်ပွဲဖြစ်မယ်လို့ လူတိုင်း ယုံကြည်ကြပါတယ်။ ဒါပေမဲ့ အဲဒီပွဲဟာ ရုပ်ပျက်ဆင်းပျက် ဖြစ်ခဲ့ရပါတယ်။

ကျွန်တော် ပြောပြပါ့မယ်။ အဲဒီပွဲမှာ စိုးလင်းဦးဟာ ပါဝိကိုသုံးချီမှာနှစ်ကြိမ် အမှတ်စဉ်ရေတွက်ရသည်အထိ ထိုးလှဲထားပြီးပါပြီ။ အဲဒီအချိန်မှာပဲ ခုံဒိုင်ဆိုတဲ့သူက တားပြီး ”စိုးလင်းဦးက ပါဝိကို အလဲထိုးအနိုင်ယူရင် ဆယ့်ငါးသိန်းထပ်မံ ဆုချမယ်” ဆိုပြီးကြေညာလိုက်ပါတယ်။ အဲဒီကစပြီး ပွဲကပရမ်းပတာ ဖြစ်တော့ တာပါပဲ။ ပထမအကြိမ် စိုး လင်းဦးလက်နဲ့ ပါဝိမျက်လုံးခိုက်မိတယ်။ ဟုတ်တယ်။ တကယ်လည်း ခိုက်မိသွားတယ်။ ဒါကို ပရိသတ်က ပါဝိအမူပိုတာလို့ မြင်တယ်။ ထားပါ။ မမြင်ရတဲ့ အနေအထားကိုး။

နောက်တစ်ကြိမ် စိုးလင်းဦးက ပါဝိရဲ့မတော်ရာကို ဒူးနဲ့ တိုက်ပြီး တစ်ချက်ထပ်ကန်ထည့်လိုက်တယ်။ ဒါလည်းထားဦး မတော်တဆပေါ့။ အရှိန်လွန်သွားတာပေါ့။ ဒါ့ အပြင် လေးချီအပြီး ခေါင်းလောင်းသံကြားပြီးမှ စိုးလင်းဦးဟာ ပါဝိကို နှစ်ချက်ဆက်ထိုးပါသေးတယ်။ ဒါကတော့ များပြီပေါ့ဗျာ။ ကဲ..ဒါလည်းထားဦး။ ငါးချီရောက်တော့ စိုး လင်းဦးဟာ နိုင်ချင်စိတ်များပြီး ဘာလုပ်လို့ လုပ်ရမှန်းတောင် သိပုံမပေါ်တော့ဘူး။ အကွက်တွေ ပျောက်ပြီး ဘာလုပ်လို့လုပ်ရမှန်း တောင် မသိအောင်ပါပဲ။ တစ်ဖက်ပြိုင် ဘက် ဘယ်လိုနည်းနဲ့ပဲလဲလဲ။ မလဲလဲအောင်လုပ်ဖို့ အဆင်သင့် ရှိနေတဲ့ပုံပါပဲ။ ဒီလိုနဲ့ ငါးချီအပြီး ဒိုင်အတားမှာမှ ခြေနဲ့နှစ်ချက်ဆင့်ခတ်ပြီး ခေါင်းနဲ့ပါ တစ်ချက် တိုက် ချ လိုက်ပါတော့တယ်။

ဆိုပါတော့ဗျာ။ သုံးချီမှာ နှစ်ခါကျအောင် ထိုးလှဲထားတဲ့ လက်ဝှေ့သမားဟာ နောက်တစ်ခါကျအောင် ထိုးဖို့ဆိုတာ ဘယ်လောက်မှ မခဲယဉ်းတော့ပါဘူးဗျာ။ ဒါပေမဲ့ အဲဒီ အချိန်မှာ အလဲထိုးရင် ဆုတော်ငွေ ဆယ့်ငါးသိန်းဆိုတာက သူ့စိတ်ကို ပြောင်းလဲသွားစေတော့တာပါပဲ။ သူဟာ ပြိုင်ဘက်ကို ဘယ်လိုနည်းနဲ့ နိုင်နိုင်၊ နိုင်ဖို့သာ အဓိက ဖြ စ်ပေါ်သွားတာပါပဲ။ ဒီတော့ သူဟာပြိုင်ဘက်ကို ရန်သူလိုသဘောထား မိသွားပါပြီ။ ဒီတော့ပြိုင်ပွဲဟာ အဲဒီဆုကြေးငွေပေါ်လာတာနဲ့ ပရမ်းပတာစ ဖြစ်ပါပြီ။

ဆုပေးသူ(ကုမ္ပဏီနာမည် မပြောတော့ပါဘူး။) ကလည်း မြန်မာကို နိုင်စေချင်လို့ ဆုပေးတာ ဖြစ်ကောင်းဖြစ်ပါလိမ့်မယ်။ ဒါပေမဲ့ ကိုယ့်ရဲ့မက်လုံးတစ်ခုက အားကစား သမားရဲ့ စိတ်အခြေအနေကို ရုတ်ချည်းပြောင်းလဲ သွားစေပါတယ်။ ဆိုလိုတာကဗျာ။ ဆုပေးချင်ရင် ပွဲစမှာပေး။ ဒါမှမဟုတ် ပွဲပြီးမှပေး။ ပေးချင်ရင်မရဘူးလား ခင်ဗျာ။ အခု သူပေးလိုက်တဲ့ မက်လုံးတစ်ခုက အားကစားသမားရဲ့ စိတ်ကို ချက်ချင်း ပျက်စီးသွားစေပြီ မဟုတ်လား။ ခါတိုင်းပွဲတွေမှာ ကိုယ်နဲ့ယှဉ်ပြိုင်သူက ကိုယ့်ထက် အ သက်ကြီး ခဲ့ရင် ဂါရဝတရားနဲ့ ထိုင်ကန်တော့တတ်တဲ့ လက်ဝှေ့သမားရဲ့ စိတ်ကို အရိုင်းစိတ်ဝင်သွားစေတာပါပဲ။ တစ်သက်လုံး ရိုးသားခဲ့သမျှ မိနစ်ပိုင်းအ တွင်း မှာ ပြောင်း လဲသွားတော့တာပါပဲ။

ဆိုလိုတာက ဆုပေးဒဏ်ပေးစနစ်က မကောင်းဘူး မဟုတ်ဘူး။ ကောင်းပါတယ်။ ဒါပေမဲ့ နေရာကျဖို့လည်း လိုပါသေးတယ်။ မြန်မာဘောလုံးအသင်းပဲ ကြည့်ပါလား။ ဂိုး သွင်းသူကို ငါးသိန်းဆုချမယ်ဆိုတာနဲ့ ဘောလုံးသမားတွေက ဘယ်သူ့မှ မပေးတော့ဘူး။ ကိုယ်တိုင် ဂိုးသွင်းပြီး ငါးသိန်းရဖို့သာ ကြိုးစားနေကြတော့ ဘာဖြစ်လဲ ရှုံး တာပေါ့။ အခုလည်း ဒီလိုပေါ့။ ပွဲနိုင်တယ်။ ဂုဏ်သိက္ခာရှုံးတာပေါ့ဗျာ။ ဒါပါပဲ။ နောက်ပြီး လက်ဝှေ့ပွဲတွေမှာ နိုင်ငံတကာနဲ့ခြားနားစွာ ကြိုးဝိုင်းဒိုင်က ဘာသြဇာမှမရှိဘဲ လက်ဝှေ့သမားတွေကို အတင်းထိုးပဲ ထိုးခိုင်းနေတာပါပဲ။ မလုပ်ရဘူးလေဗျာ။ ပထမတန်း လက်ဝှေ့သမားတွေရဲ့ အင်အားဟာ သေတတ်တဲ့ ကိစ္စတွေ။

ဆယ်နှစ်၊ ဆယ်နှစ်

မကြာသေးခင်မှာပဲ ဂျာနယ်တစ်စောင်ရဲ့ သတင်းဖော်ပြမှုအတွက် သတင်းထောက်နဲ့ အယ်ဒီတာကို အလုပ်ကြမ်းနဲ့ ထောင်ဒဏ်ဆယ်နှစ်စီ ချမှတ်လိုက်တယ်ဆိုတာ စိတ် မကောင်းစွာ ကြားရပါတယ်။ ရတဲ့လခက သိန်းဂဏန်းမပြည့်၊ ဆောင်းပါးရေးခ ထောင်ဂဏန်းလောက် ကလေးရပြီး အဲဒီဆောင်းပါးရဲ့ရလဒ် က ဆယ်နှစ်ဆိုတော့ ”တန်ရဲ့ လား” ဆိုတဲ့အတွေးမျိုး ဖြစ်မိပါတယ်။ အခု ပြစ်ဒဏ်က ပြစ်ဒဏ်တွေထဲက အမြင့်ဆုံး ပြစ်ဒဏ်စာရင်းထဲ ပါဝင်နေတာမို့ တုန်လှုပ်ရပါတယ်။ မဟုတ်တာတွေ လုပ်၊ မဟုတ် တာတွေ ပြောပြီး ဘာမှ မဟုတ်တဲ့ ပြစ်ဒဏ်ကျခံနေရသူနဲ့ နှိုင်းယှဉ်ရင် တနင့်တပိုးပါပဲ။

ဒီလိုသာ ပြစ်ဒဏ်တွေ ဆက်တိုက် ကျခံရရင် နိုင်ငံတော်တည်ဆောက် ရေးမှာ အဓိကပါဝင်နေတဲ့စတုတ္ထမဏ္ဍိုင်ဆိုတာ အရင်ဆုံး ပြိုလဲသွားမှာပါပဲ။ တချို့ကလည်း ဒီ လိုဖြ စ်နေရင် ဒီမှာ မရေးတော့ဘူး။ နိုင်ငံတကာပဲ ပို့တော့မယ်လို့ ဆိုသူလည်း ဆိုနေကြပါပြီ။ နိုင်ငံတကာပို့တာက ပိုလုံခြုံတယ်ဆိုတဲ့သဘော ဖြစ်မနေဘူးလားခင်ဗျာ။ ဘယ် လိုပဲဖြစ်ဖြစ်၊ အပြစ်ရှိရင်တောင် မျှတတဲ့ပြစ်ဒဏ်ဖြစ်ဖို့တော့ လိုတာပေါ့ဗျာ။ ဒီလိုဆိုပြန်တော့လည်း အယောင်ဆောင် သတင်းစာရှင်းလင်းပွဲ လုပ်တဲ့ လူကြီး ဘယ် လို ပြစ် ဒဏ်မျိုးကျမယ်ဆိုတာ သိချင်ပြန်တယ်။

အိမ်ဖော်ဆို မြန်မာမှ…

အခုတလော ကျယ်ကျယ်လွင့်လွင့်  ကြားနေရတာကတော့ မြန်မာအိမ်ဖော်ဇာတ်လမ်းပါပဲ။ အရှေ့တောင်အာရှရဲ့ အိမ်ဖော်တင်ပို့မှု အများဆုံးနိုင်ငံဆိုတာ ကလည်း နိုင်ငံရဲ့ စီးပွားရေးအခြေ အနေကို ဖော်ပြနေတော့တာပါပဲ။ တချို့နိုင်ငံရဲ့ ဈေးတွေအရှေ့မှာတောင် အိမ်ဖော်တွေဟာ ကလေးထိန်းပြခြင်း၊ အိမ်ရှင်းလင်းခြင်းများကို သရုပ်ပြလုပ်ပြီး ကြိုက်တာ ရွေးယူကြပါဆိုတဲ့ ဈေးခေါ်စနစ်နဲ့ အိမ်ဖော်ကို ရောင်းချနေပါသတဲ့။

အမှန် ပြန်စဉ်းစားကြည့်ပါ။ ဒါဟာ ကျွန်စနစ်ကို ပိုမိုထိရောက်ပေါ်လွင်အောင် ဖော်ပြလိုက်တာပါပဲ။ အဲဒီကျွန်တွေက ဘယ်ကသွားကြတာလဲ။ ဒါဆိုရင် အဲဒီလိုနိုင်ငံက ဘယ်လိုနိုင်ငံမျိုးပါလဲ။ ပြည်တွင်းမှာလည်း ပြဿနာပေါင်းစုံမို့ လုပ်စားလို့မရ။ ပြည်ပ ထွက်သွားတော့လည်း ကျွန်တွေလို သဘောထားခံရမို့ ပြောပြစရာတောင် မရှိတော့ပါဘူး။ ဒါကြောင့် ဖွံ့ဖြိုးတိုးတက်တယ်ဆိုတာ ဘာလဲဆိုတဲ့ မေးခွန်းထုတ်စရာပဲ ရှိပါတော့တယ်။

နောက်တစ်ပတ်ပေါ့ဗျာ။

အကြည်တော်

popular journal


အပြည့်အစုံသို့ »

အသံပျောက်ဆုံးနေတဲ့ ဆယ်ကျော်သက်ကို အသံပြန်ထွက်အောင် လုပ်ပေးနိုင်ခဲ့တဲ့ Harry Styles ရဲ့အံ့သြဖွယ်အနမ်း


ဟယ်ရီကတော့ နောက်တဖန် နာမည်ကြီးဖြစ်သွားပြန်ပါပြီ။ သူ့ရဲ့အနာရောဂါပျောက်သွားစေနိုင်တဲ့အနမ်းကြောင့် အသံမထွက်နိုင်တဲ့ကောင်မလေးတစ်ယောက် ရောဂါကုသပေးလိုက်ပါတယ်။

၁၅ နှစ်အရွယ်သာရှိတဲ့ Laura Yeates ဟာ သူမရဲ့လေချောင်းကနေ အသံမထွက်နိုင်တာ ခြောက်လကြာခဲ့ပါပြီ။ ဆေးကုသခံခြင်းမျိုးစုံခံခဲ့ရပေမယ့် ဘာမှထူးခြားမလာခဲ့ပါဘူး။ အမေဖြစ်သူမှ သူမအား Wembley Stadium မှာကျင်းပတဲ့ One Direction ရှိုးပွဲကို ကြည့်ဖို့ခေါ်သွားခဲ့ပါတယ်။ အဲဖျော်ဖြေပွဲမှာပဲ ဟေရီရဲ့အဝေးကလာတဲ့အနမ်းကြောင့် သူမပြန်ပြီး အသံပြန်ထွက်လာနိုင်ခဲ့တာဖြစ်ပါတယ်။

Laura က “အဲဖျော်ဖြေပွဲနေ့မှာ အခြားလူတွေလိုပဲ ပျော်ပျော်အော်ပြီးမနေနိုင်တဲ့အတွက် အရမ်းဝမ်းနည်းခဲ့ပါတယ်။ ဒါပေမယ့် စင်ရဲ့အနားကို ကျွမ်တို့ကပ်ပြီးရောက်သွားခဲ့တယ်။ ပြီးတော့ ဟယ်ရီကကျွန်မတို့ရပ်နေတဲ့နေရာနားရောက်လာပြီးတော့ ကျွန်မတို့အားလုံးရဲ့အပေါ်မှာ ရေလှမ်းဖြန်းလိုက်တယ်… ကျွန်မက သူသတိထားမိသွားအောင်ဆိုပြီး အော်ဖို့ကြိုးစားခဲ့တယ်… အဲချိန်မှာပဲ သူ့ရဲ့အနမ်းကို ကျွန်မရှိတဲ့ဘက်သို့ လှမ်းပြီးချွေလိုက်တဲ့အချိန်မှာပဲ ကျွန်မရဲ့အော်သံက ထွက်လာခဲ့ပါတယ်။” ဆိုပြီးတော့ ရှင်းပြခဲ့ပါတယ်။

Trend Myanmar

အပြည့်အစုံသို့ »

ကလေးအား တိပ်နဲ့ပတ် ဓာတ်ပုံရိုက်ကာ အင်တာနက်ပေါ်တင်ခဲ့သည့် မူကြိုဆရာမ



တရုတ်နိုင်ငံ Hebei ပြည်နယ်က မူကြိုဆရာမဟာ အင်တာနက်ပေါ် ကလေးတစ်ယောက်ရဲ့ ပုံကို တင်ခဲ့တာကြောင့် အကြီးအကျယ်ဝေဖန်ခံနေရပါတယ်။

သူ့တပည့်ဖြစ်တဲ့ ဒီကလေးရဲ့ခေါင်းနဲ့လက်များကို ပုံပါအတိုင်း ပလတ်စတစ်တိပ်နဲ့ အထပ်ထပ်ပတ်ပြီး တရုတ်နိုင်ငံရဲ့ လူကြိုက်များ မက်ဆေ့ဂ်ျအပ်ပလီကေးရှင်းဖြစ်တဲ့ WebChat ပေါ် တင်ခဲ့တာ ဖြစ်ပါတယ်။

Shanghaiist ရဲ့ဖော်ပြချက်အရ ဒီလူငယ်ဆရာမဟာ Yu Tian မူကြိုကျောင်းက ဆရာမတစ်ဦးဖြစ်ပါတယ်။
သူမဟာ ကျောင်းသားကလေးရဲ့ နှာခေါင်းနဲ့ မျက်လုံးတွေကိုသာချန်ပြီး ကျန်တဲ့နေရာအားလုံးကို တိပ်နဲ့ ရစ်ပတ်ခဲ့တာ ဖြစ်ပါတယ်။  ပြစ်ဒဏ်ပေးတဲ့အနေနဲ့ ဒီလိုလုပ်ခဲ့ပုံရပါတယ်။

အခန်းထောင့်မှာထိုင်နေတဲ့ ကလေးဟာ မသက်မသာနဲ့ ဒုက္ခရောက်နေပုံ ပေါ်ပေမဲ့ သူမသူငယ်ချင်းတွေကိုပြဖို့ သူမက ဓာတ်ပုံရိုက်ကာ WebCaht မှာ ရှယ်ယာ ပြုလုပ်ခဲ့ခြင်းဖြစ်ပါတယ်။
ဓာတ်ပုံဟာ တရုတ်ဆိုရှယ်ဝက်ဆိုက်ဒ် Weibo မှာပါ ပြန့်နှံ့သွားခဲ့ပြီး တရုတ်နိုင်ငံသားတွေ ဒေါသထွက်နေကြတယ်လို့ Apple Daily က ဖော်ပြခဲ့ပါတယ်။

တော်တော်များများက ဒီလိုပြစ်ဒဏ်ပေးမှုကြောင့် ကလေးဟာ ရုပ်ပိုင်းဆိုင်ရာ နာကျင်ရုံမက စိတ်ပိုင်းဆိုင်ရာပါ ဒဏ်ရာရသွားနိုင်တယ်လို့ ဆိုပါတယ်။
အချို့ကတော့ ဒီဆရာမကို ပြစ်ဒဏ်ပေးဖို့ တောင်းဆိုခဲ့ကြပါတယ်။



credit: phothutaw

အပြည့်အစုံသို့ »

ရန်ကုန်မှာနွှဲမယ့် ဖြူဖြူကျော်သိန်း တစ်ကိုယ်တော်ပွဲ


 ရော့ခ်အဆိုတော် ဖြူဖြူ ကျော်သိန်း၏ တစ်ကိုယ်တော်ဖျော်ဖြေပွဲကို လာမည့်နိုဝင်ဘာ၁ရက်တွင် ရန်ကုန်မြို့ကမ်းနားဟိုတယ်၌ ပြုလုပ်မည်ဖြစ်ကြောင်း သတင်းရရှိသည်။

‘‘လုပ်ချင်နေတာတော့ ကြာ ပြီ။ ဒီရက်မှာ အဆင်ပြေလို့ လုပ် ဖြစ်တာပေါ့နော်။ ပရိသတ်ကလည်း မျှော်နေတာ ကြာပြီဆိုတော့လေ’’ ဟု ဖြူဖြူကျော်သိန်းကပြော သည်။ ယခုတစ်ကိုယ်တော်ဖျော် ဖြေပွဲသည် ငါးကြိမ်မြောက်ဖြစ်ပြီး လေးကြိမ်မြောက်တစ်ကိုယ် တော်ဖျော်ဖြေပွဲကို ၂၀၁၀ပြည့်နှစ်၊အောက်တိုဘာတွင်  အမျိုးသား ကဇာတ်ရုံ၌ ပြုလုပ်ခဲ့သည်။ ဖြူဖြူကျော်သိန်း၏ တစ်ကိုယ်တော် ဖျော်ဖြေပွဲများကို ၂၀၀၆၊ ၂၀၀၇ ၊၂၀၀၈ ခုနှစ်တို့တွင် ကျင်းပခဲ့ဖူး သည်။

တစ်ကိုယ်တော်ဖျော်ဖြေ ပွဲတွင် Lazy Club တီးဝိုင်းနှင့် တွဲဖက် သီဆိုမည်ဖြစ်ပြီး အကအဖွဲ့Jade Dragon လည်း ပါဝင်မည်ဖြစ်သည်။ ပွဲနှင့် ပတ်သက်သော ကျန်အကြောင်းအရာ များကို ပွဲကျင်းပခါနီးမှ ကြေ  ညာပေးသွားမည်ဖြစ်ကြောင်း ဖြူဖြူကျော်သိန်းက ပြောသည်။

‘‘ဖြူဖြူကိုယ်တိုင်ပုံစံအသစ် တစ်ခုဖြစ်မှာ ဖြစ်တဲ့အတွက် စိတ် လှုပ်ရှားတယ်။ ပရိသတ်တွေ  အ တွက်လည်း အမြင်သစ်တစ်ခုဖြစ် မှာပါလို့။ ပွဲကတော့ တခြားအရင် လုပ်လေ့ရှိတဲ့ပွဲနဲ့မတူတဲ့ ပုံစံတစ် ခုတော့ဖြစ်မယ်။ ကိုယ့်ကိုယ်ကိုယ်လည်း လေးနှစ်ကြားထဲမှာ အများ ကြီးပြောင်းလဲသွားခဲ့တာရှိတယ်။ ဒီပွဲမှာတော့ ပရိသတ်အတွက် လည်းစိတ်ကျေနပ်မယ်၊ ကိုယ်ကိုယ်  တိုင်လည်းစိတ်လှုပ်ရှားစရာဖြစ် နိုင်မယ်လို့ ယုံကြည်တယ်’’ဟု ဖြူဖြူကျော်သိန်းကပြောသည်။

၎င်း၏ ငါးခွေမြောက်အယ် ဘမ်လ်‘‘နာမည်ကျန်နေရစ်မယ်’’ အခွေကို သြဂုတ်(သို့) စက်တင်ဘာတွင်  ထွက်ရှိနိုင်ရန်ပြင်ဆင်နေ ကြောင်း သိရသည်။

7day daily

အပြည့်အစုံသို့ »