အပစ်ရပ်ရေးကို နောက်အစိုးရနဲ့ ဆွေးနွေးမယ်။


အပစ်ရပ် လက်မှတ်မထိုးထားတဲ့ လက်နက်ကိုင်အဖွဲ့တွေနဲ့ ဝပြည်သွေးစည်း ညီညွတ်ရေးအဖွဲ့တို့ ၃ရက်ကြာ ဆွေးနွေးခဲ့ကြ

တနိုင်ငံလုံး အပစ်ရပ် လက်မှတ် မထိုး ထားတဲ့ တိုင်းရင်းသား အဖွဲ့တွေက အပစ်အခတ် ရပ်စဲရေးနဲ့ နိုင်ငံရေး ဆွေးနွေးပွဲတွေကို ရွေးကောက်ပွဲ အပြီး တက်လာမယ့် အစိုးရနဲ့ ဆက်လက် ဆွေးနွေးဖို့ နိုဝင်ဘာလ ၃ရက်နေ့က ဆုံးဖြတ်လိုက်ကြပါတယ်။
NCA တစ်နိုင်ငံလုံး အပစ်အခတ် ရပ်စဲရေး စာချုပ်မှာ လက်မှတ် မထိုးရသေးတဲ့ တိုင်းရင်းသား လက်နက်ကိုင် ၁၁ ဖွဲ့က UWSA ဝပြည် သွေးစည်း ညီညွှတ်ရေး ဌာနချုပ်မှာ ၃ ရက်ကြာ ဆွေးနွေးခဲ့အပြီးမှာ အခုလို ကြေညာချက် ထုတ်ပြန်လိုက်တာပါ။
ရွေးကောက်ပွဲ အပြီး ဖြစ်ပေါ်လာမယ့် အစိုးရသစ် အနေနဲ့ တိုင်းရင်းသားတွေ လိုလားတဲ့ ဖယ်ဒရယ် ပြည်ထောင်စု စနစ်ကို အကောင်အထည် ဖေါ်ပေးရမယ်၊ ဖွဲ့စည်းပုံ ပြင်ပေးရမယ်၊ လက်ရှိ ကာလမှာလည်း အစိုးရ စစ်တပ်က ထိုးစစ်ဆင် တိုက်ခိုက်နေတာကို ရပ်ဆိုင်းရမယ်၊ စတဲ့ ဆုံးဖြတ်ချက်တွေကိုလည်း အဲဒီ အစည်းအဝေးမှာ ဆုံးဖြတ်ခဲ့ပါတယ်။
နောင်တက်လာမယ့် အစိုးရနဲ့ ဆက်လက် ဆွေးနွေးဖို့ကိုလည်း လက်မှတ် မထိုးထားတဲ့ အဖွဲ့တွေ စုပေါင်းပြီး အဖွဲ့တစ်ဖွဲ့ ဖွဲ့စည်းသွားမှာ ဖြစ်ပါတယ်။
အဲ့ဒီအဖွဲ့မှာ အရင်က တခြားအဖွဲ့တွေမှာ မပါခဲ့တဲ့ ဝတပ်ဖွဲ့နဲ့ မိုင်းလားအဖွဲ့ တို့ ပါဝင်မယ်လို့ သိရပါတယ်။
တာဝန်ပေးရင် ဝတပ်ဖွဲ့က ဦးဆောင် ဖွဲ့မယ်လို့ ဝတပ်ဖွဲ့က ပြောတဲ့အကြောင်း AA ရခိုင့်တပ်မတော် ဒုတိယ စစ်ဦးစီးချုပ် ဗိုလ်မှူးကြီး ဒေါက်တာ ညိုထွန်းအောင်က ပြောပါတယ်။
အခု ရွေးကောက်ပွဲမှာ ဘယ်ပါတီက အနိုင်ရမယ် ဆိုတာကို အစည်းအဝေးမှာ ခန့်မှန်း ပြောဆိုတာမျိုး မရှိပဲ ဦးသိန်းစိန် အစိုးရပဲ ဆက်ရှိနေနေ ၊ NLD အစိုးရ တက်လာတက်လာ ဖြစ်လာတဲ့အစိုးရနဲ့ ဆက်လက် ဆွေးနွေးသွားမယ်လို့ ဒေါက်တာ ညိုထွန်းအောင်က ဘီဘီစီကို ပြောပါတယ်။

http://www.bbc.com/burmese/burma/2015/11/151103_uwsa_nca_statement

သူရဦးရွှေမန်းကို ပြည်ခိုင်ဖြိုးပါတီမှ ထုတ်ပယ်လိုက်ပြီဟုဆို


ရန်ကုန်၊နိုဝင်ဘာ ၄

မကြာသေးခင်က ပြည်ခိုင်ဖြိုးပါတီရဲ့ ပူးတွဲဥက္ကဌ တာဝန်ကနေ ဖယ်ရှားခံထားရတဲ့ ပြည်ထောင်စုလွှတ်တော်နာယက သူရဦးရွှေမန်းကို
ဒီနေ့မှာတော့ ပါတီကနေ အပြီးတိုင် ထုတ်ပယ်လိုက်ပြီဖြစ်ကြောင်းသတင်းရရှိပါတယ်။

ယမန်နေ့ နိုဝင်ဘာ ၃ ရက်နေ့ညကပြုလုပ်တဲ့ ပြည်ခိုင်ဖြိုးပါတီ ထိပ်တန်းခေါင်းဆောင်တွေသာ ပြုလုပ်တဲ့ အစည်းအဝေးရဲ့ ဆုံးဖြတ်ချက်ဖြစ်တယ်လို့ ပါတီထိပ်တန်းခေါင်းဆောင်နဲ့ နီးစပ်သူတစ်ဦးက ပြောတာဖြစ်ပါတယ်။

မကြာမီပြုလုပ်မယ့် ၂၀၁၅ ရွှေးကောက်ပွဲမှာ ပြည်ခိုင်ဖြိုးပါတီဟာ အကြီးအကျယ်ရှုံးနိမ့်မယ်လို့ သူရဦးရွှေမန်းဟာ အခုလို ပါတီကနေ
ထုတ်ပယ်ခြင်းမခံရမီ ရက်ပိုင်းအလိုက ထုတ်ဖော်ပြောဆိုခဲ့ဖူးပါတယ်

https://www.facebook.com/popularnewsjournal/

နောက်ဆုံး မဲစာရင်း ဆက်လက် မှားယွင်း

နောက်ဆုံး မဲစာရင်း ဆက်လက် မှားယွင်းလျက် ရှိနေပါတယ်
ရွေးကောက်ပွဲ မဲပေးခွင့် ရှိသူ တွေရဲ့ နောက်ဆုံး အတည်ပြု စာရင်းတွေကို စစ်ရာမှာ အမှား အယွင်းတွေ ဆက်လက် ရှိနေပါတယ်။

ပထမအကြိမ် မဲစာရင်းဟာ အိမ်ထောင်စု ဇယားကို အခြေခံ ထုတ်ပြန်တာဖြစ်ပြီး၊ ဒုတိယ အကြိမ်မှာတော့ အက္ခရာစဉ် အလိုက် ထုတ်ပြန်ခဲ့ပါတယ်။

အခုနောက်ဆုံး မဲစာရင်းမှာတော့ မဲရုံအလိုက် ထုတ်ပြန်ပေးခဲ့တာ ဖြစ်ပြီး ပုံစံ အပြောင်းအလဲကြောင့် မဲစာရင်း စစ်ရတာ အခက်အခဲ ရှိသလို မဲစာရင်း အမှားအယွင်း တွေလည်း ရှိနေပါတယ်။

ထုတ်ပြန်လိုက်တဲ့ မဲစာရင်းမှာ အသက်ပြည့်ပေမဲ့ မဲပေးခွင့်စာရင်းမှာ မပါပဲ ကျန်နေခဲ့သူတွေ၊ မဲ ဆန္ဒရှင် တစ်ဦးတည်းက သက်သေခံ မဲလက်မှတ် အပို ရနေတာတွေ ရှိနေပါတယ်။

မဲစာရင်းကို စစ်လို့ ကို မဖြစ်နိုင်လောက်အောင် အခက်အခဲ ဖြစ်နေကြောင်း၊ ပထမစာရင်းနဲ့ ဒုတိယစာရင်း အခုတစ်ခါ နောက်ဆုံး စာရင်းတွေဟာ ပုံစံ မတူတော့တာကြောင့် ဖြစ်ကြောင်း အမျိုးသား ဒီမိုကရေစီ အဖွဲ့ချုပ် ပါတီက ဗဟို အလုပ်မှုဆောင် ဦးထွန်းထွန်းဟိန်က ဘီဘီစီကို ပြောပါတယ်။

ရွေးကောက်ပွဲ ကော်မရှင် အနေနဲ့ ဒုတိယအကြိမ် မဲစာရင်းမှာ မပါခဲ့ သူတွေကို ပုံစံ(၃) နဲ့ အတိအကျ ပြန်လည် လျှောက်ထား ဆောင်ရွက် စေခဲ့တာကြောင့် မပါတာ မဖြစ်နိုင်ကြောင်း၊ သာသနာ့ဝန်ထမ်းနဲ့ ထောင်ကျ နေသူများ နောက်ဆုံး မဲစာရင်းမှာ ပါမှာ မဟုတ်ကြောင်း ရွေးကောက်ပွဲ ကော်မရှင်ရုံး ညွှန်ကြားရေးမှူး က ပြောပါတယ်။

ကော်မရှင်အနေနဲ့ နောက်ဆုံး အတည်ပြု ထုတ်ပြန်တဲ့ မဲစာရင်း ဖြစ်တာကြောင့် နာမည် စာလုံးပေါင်း အမှားအယွင်း နဲ့ နေရပ်လိပ်စာ အမှားတွေလောက်တော့ ပြန်လည် ပြင်ပေးမဲ့ အကြောင်းနဲ့ ကြိုတင်မဲ ပေးခဲ့ရာမှာ တံဆိပ်တုံး ထုရမဲ့ အစား အမှန်ခြစ် ခဲ့တာတွေ အတွက် ကော်မရှင်က ပယ်မဲအဖြစ် သတ်မှတ်မှာ မဟုတ်ကြောင်း ညွှန်ကြားရေးမှူး ဦးသောင်းလှိုင်က ဘီဘီစီ ကို ပြောကြား ခဲ့ပါတယ်။


Credit-->http://www.bbc.com/burmese/burma/2015/11/151103_final_voter_lists

မြန်မာ့စီးပွားရေးကို ခရိုနီများက ဆက်လက် ချုပ်ကိုင်ဦးမည်

လာမယ့်  ရွေးကောက်ပွဲမှာ ဘယ်သူဘယ်ဝါ အနိုင်ရရ စီးပွားရေးလုပ်ငန်းကြီးတွေဖြစ်တဲ့ ဟိုတယ်လုပ်ငန်း၊ ဆိပ်ကမ်းလုပ်ငန်း ဒါမှမဟုတ် သတ္တုတွင်း လုပ်ငန်းတွေကို စစ်တပ်နဲ့ ဆက်စပ်တဲ့ လုပ်ငန်းရှင်ကြီးတွေကပဲ ဆက်လက် ချုပ်ကိုင်ထားမယ်လို့ AFP သတင်း တစ်ရပ်က မနေ့က ဖော်ပြလိုက်ပါတယ်။

မြန်မာ့စီးပွားရေးဟာ ကမ္ဘာမှာ စတုတ္ထမြောက် အမြန် တိုးတက်လာတယ်လို့ ကမ္ဘာ့ဘဏ် အဖွဲ့က ပြောနေပေမဲ့ နိုင်ငံတကာရင်းနှီးမြှုပ်နှံသူတွေ ကျေနပ်လက်ခံနိုင် တဲ့ အနေအထားမှာ မရှိဘူးလို့လည်း ဆိုပါတယ်။

ဒါနဲ့ ပတ်သက်လို့ မြန်မာစီးပွားရေးသုတေသီ ဦးစိန်ဌေးကတော့ စည်းမျဉ်းစည်းကမ်း လိုအပ်ချက်လို့  ပြောပါတယ်။

"ဒီတိုင်းပဲ ဒီစနစ်နဲ့သွားရင်တော့ သူတို့ကအသာရနေမှာပဲ၊ တကယ်လို့ အဲ့လိုမဟုတ်ဘူး၊ တကယ့်ဒီမိုကရေစီတွေမှာ ကျင့်သုံးတဲ့ဈေးကွက်စီးပွားရေးစနစ်နဲ့ သွားရင်တော့ ကျနော်တို့မှာ စည်းမျဉ်း၊ စည်းကမ်းတွေရှိတယ်၊ ဒီတိုင်းသွားရမယ်၊ သူတို့ကို နှိပ်ကွပ်ပြီး မတရားမလုပ်ဖို့မဟုတ်ဘူး၊ စည်းမျဉ်းစည်းကမ်းဘောင်ထဲ ကသွားရင်တော့ တစ်ဘက်က တိုင်းပြည်အကျိုးရှိမယ်၊ တစ်ဘက်ကလည်းသူတို့က စည်းနဲ့ကမ်းနဲ့ သွားတဲ့ဟာမျိုးကိုမြင်တယ်"

ဒါပေမဲ့ ခရိုနီတွေကို အစိုးရက အထူးအခွင့်အရေးပေးထားတယ်လို့ AFP က ဖော်ပြပါတယ်။ သူတို့ဟာ လုပ်ငန်းကြီးတွေကို ချုပ်ကိုင်ထားနိုင်တဲ့အပြင် စီးပွားရေးယှဉ်ပြိုင်မှုတွေမှာ အစိုးရက အကာအကွယ်ပေးထားတာမို့ အသာစီးရမြဲရနေတယ်လို့ မြန်မာ့စီးပွားရေးဆိုင်ရာ ပညာရှင် Sean Turnell ကပြောပါတယ်။

အာဏာသိမ်းဖို့ကြံရွယ်မှုနဲ့ အကျဉ်းကျခံရပြီး ပြန်လွှတ်လာတဲ့အခါ ဦးနေ၀င်းရဲ့ မြေး ဦးအေးနေ၀င်းဟာ ဆောက်လုပ်ရေး၊ ဟိုတယ်နဲ့ ဘဏ်လုပ်ငန်းတွေ လုပ်ကိုင်နေပြီး တော့ ၊ ဘိန်းဘုရင်လော်စစ်ဟန်ရဲ့သား Steven Law ဟာ Asia World ကုမ္ပဏီ ထူထောင်ထားပြီး ခရီးသွားလုပ်ငန်း၊ သင်္ဘောလုပ်ငန်း နဲ့ ဆောက်လုပ်ရေးလုပ်ငန်းတွေ အပြင် ရန်ကုန်နိုင်ငံတကာ လေဆိပ်အဆင့်မြှင့်ရေး စီမံကိန်းအတွက် အစိုးရဆီက ကန်ထရိုက်ရထားတယ်လို့ ဖေါ်ပြထား ပါတယ်။

မြန်မာနိုင်ငံမှာ အပြောင်းအလဲရှိမယ့် အရိပ်လက္ခဏာ ပြလာတာနဲ့ နိုဝင်ဘာ ၈ ရက် ကျင်းပမယ့်ရွေးကောက်ပွဲဟာ လွတ်လပ်ပြီး တရားမျှတမယ်ဆိုရင် အနိုင်ရ မယ့် အလားအလာရှိတဲ့ NLD အမျိုးသားဒီမိုကရေစီ အဖွဲ့ချုပ်ကို တချို့ လုပ်ငန်းရှင်ကြီးတွေ က ချဉ်းကပ်လာတာရှိတယ်လို့ ပြောပါတယ်။

Max Myanmar ဦးဇော်ဇော်၊ ထူးကုမ္ပဏီ ဦးတေဇ၊ Skynet မီဒီယာ ဦးကျော်ဝင်းတို့ဟာ NLD ကို ငွေကြေး အများအပြား လှူဒါန်းထားတာတွေရှိတယ်လို့လည်း သတင်းမှာ ဖော်ပြထားပါတယ်။

ရွေးကောက်ပွဲနောက်ပိုင်း မြန်မာနိုင်ငံ စီးပွားရေး အခင်းအကျင်းတွေနဲ့ ပတ်သက်ပြီး အမေရိကန်ပြည်ထောင်စုမှာ လောလောဆယ်နေထိုင်နေတဲ့ စီးပွားရေး သုတေသီ ဦးစိန်ဌေးကို ဒေါ်စမ်းစမ်းတင်က ဆက်သွယ်မေးမြန်းထားပါတယ်။






Credit-->http://www.rfa.org/burmese/news/crones-control-myanmar-economy-11022015214807.html

အင်းစိန်ထောင်မှာ အစာငတ်ခံ ဆန္ဒပြသူနှစ်ဦး စစ်ခွေးတိုက် ပို့ခံရ

ရြန်ကုန်မြို့၊ အင်းစိန်ထောင် အဝင်ဝကို တွေ့ရစဉ်
Photo: RFA

နိုင်ငံရေးအကျဉ်းသားတွေအားလုံး အမြန်ဆုံးလွှတ်ပေးဖို့အတွက် အင်းစိန်ထောင်မှာ အစာငတ်ခံဆန္ဒပြနေတဲ့ ကိုတင်ထွဋ်ပိုင်နဲ့ ကိုနိုင်ဇော်ကြည်ဝင်းတို့ကို ထောင်တွင်းပြစ်ဒဏ်ပေးတဲ့ စစ်ခွေးတိုက်ကို ဒီနေ့ ပို့လိုက်တယ်လို့ သိရပါတယ်။

သာယာဝတီထောင်မှာ ဗကသ ကျောင်းသားခေါင်းဆောင် ၇ ယောက် အစာငတ်ခံတိုက်ပွဲဝင်နေတဲ့အတွက် အင်းစိန်ထောင်က နိုင်ငံရေးအကျဉ်းသားတွေဖြစ်တဲ့ ကိုတင်ထွဋ်ပိုင်နဲ့ ကိုနိုင်ဇော်ကြည်ဝင်းတို့လည်း ပါဝင်လာတာလို့ သိရပါတယ်။

သူတို့ကို စစ်ခွေးတိုက်ဆီ ပို့လိုက်တယ်လို့ သိရတဲ့အကြောင်း ကိုနိုင်ဇော်ကြည်ဝင်းရဲ့ မိခင် ဒေါ်ခင်ကြည်က RFA ကိုပြောပါတယ်။

"ကိုတင်ထွဋ်ပိုင်က ၂ ရက်နေ့ အရင်စဝင်တယ်၊ အင်းစိန်ထောင်က စစ်ခွေးတိုက်ကို ခေါ်သွားတယ်တဲ့၊ ဒီနေ့မနက် ၇ နာရီမှာ ကျမသားအငယ်ကောင် နိုင်ဇော်ကြည်ဝင်းကို ခေါ်သွားတယ်၊ ဒီအတိုင်းကြီးပေါ့နော် ခါးဝတ်ခါးစားနဲ့ပဲ သူတို့နေတဲ့တိုင်ကနေပြီးတော့ အဲ့ဒီ စစ်ခွေးတိုက်ကို မနက်က ၇ နာရီက ခေါ်သွား တယ်ပေါ့နော်"

ကိုတင်ထွဋ်ပိုင်ဟာ လက်ပံတောင်းတောင် ကြေးနီးစီမံကိန်းဒေသမှာ တောင်သူဒေါ်ခင်ဝင်းကို ရဲတပ်ဖွဲ့ က သေနတ်နဲ့ပစ်လို့ သေဆုံးသွားရတဲ့ကိစ္စအတွက် အမှုမှန်ဖော်ထုတ်အရေးယူပေးဖို့ တောင်းဆိုဆန္ဒပြတဲ့ အတွက် နှစ်ရှည်ထောင် ချခံထားရတာဖြစ်ပါတယ်။

ကိုနိုင်ဇော်ကြည်ဝင်းက အလုပ်သမားတွေ လုပ်ခလစာတိုးတောင်းတဲ့ ဆန္ဒပြတာတွေမှာ ကူညီခဲ့တဲ့အတွက် တရားစွဲခံနေရတာ ဖြစ်ပါတယ်။

သာယာဝတီထောင်မှာ အစာငတ်ခံတိုက်ပွဲဝင်နေတဲ့ ဗကသများအဖွဲ့ချုပ်ဝင်တွေကတော့ ကိုအောင်မှိုင်းဆန်း၊ ကိုသန်းထိုက်၊ ကိုမျိုးမြတ်စံ၊ ကိုဖြိုးဓန၊ ကိုဆွေလင်းထွန်း၊ ကိုမာနော်၊ ကိုကျော်စွာလင်းတို့ ဖြစ်ပါတယ်။ သူတို့ကိုလည်း တစ်ယောက်တစ်နေရာစီ သီးခြားခွဲထားတယ်လို့ သိရပါတယ်။

Credit --> http://www.rfa.org/burmese/news/two-students-dog-cell-11032015101627.html