ကန်စွန်းရွက်ဖြင့် အသားအရေထိန်းသိမ်းနည်း



ကန်စွန်းရွက်ဟာ ကျန်းမာရေးအတွက် ဘက်ပေါင်းစုံမှ အထောက်အကူဖြစ်စေရုံသာမက၊ အသားအရည်ကို ကောင်းမွန်သန့် ရှင်း စေလို့  ပျိုပျိုမေတို့  အတွက်အကောင်းဆုံးအဖော် မွန်ပါဘဲ။
(က) ၀က်ခြံစို၊ ၀က်ခြံခြောက်၊ ၀က်ခြံပုန်း၊ တင်းတိပ်၊ အမည်းစက် များနှင့် မျက်နှာအသားအရေ အရောင်မညီခြင်းများအတွက် စိတ်မပျက်ပါနှင့်။ ကန်စွန်းရွက်ကိုကြိတ်ချေပြီး၊ ထိုသတ္တုရည် တစ်မျိုး တည်းကိုသာ စိတ်ချလက်ချလိမ်းပေးခြင်းဖြင့် သက်သာလာစေနိုင်ပါတယ်။
(ခ) ပျားရည်စားပွဲတင်ဇွန်း ၁-ဇွန်း နှင့် ကန်စွန်းရွက် သတ္တုရည် စားပွဲတင်ဇွန်း ၄-ဇွန်းကို သမေ အာင်ရောမွှေကာ ခြေလက်များကို လိုးရှင်းအဖြစ် နံက် နှင့် ည ပုံမှန်လိမ်းပေးခြင်းဖြင့် အသား အရေ ၀င်းလက်စိုပြေ တောက်ပလာစေနိုင်ပါတယ်။
(ဂ) ကန်စွန်းရွက် ကို အရည်ညှစ်၍ ခေါင်းဦးရေပြားထဲ စိမ့်ဝင်အောင် နှိပ်နယ်ပေးခြင်းဖြင့် ဆံပင်သန်စွမ်းကာအရှည်မြန်စေပါတယ်။ ဒါ့ပြင်ဦးရေပြားကိုအေးမြစေ လို့ ၊ ဗောက်များ ကင်းစင်စေပါတယ်။
(ဃ) မီးဟပ်ခြင်း နှင့်မီးလောင်ဒဏ်ရာများအတွက် ကန်စွန်းရွက်သတ္တုရည်ကို သကြားနဲ့ ရောစပ် လိမ်းပေးခြင်းဖြင့် အပူ လောင်ခြင်းကို သက်သာစေကာ၊ အမာရွတ်မကျန် ပျောက်ကင်းစေနိုင်ပါတယ်။
မှတ်ချက်။ (က) များသောအားဖြင့် ကန်စွန်းပင်များကို စိုက်ခင်းထဲတွင် သဘာဝရေမှော် ကဲ့ သို့ စိုက်ပျိုးထားလေ့ရှိတာမို့ ၊ ကပ်ပါး ပိုးများပါလာတတ်၍ အသုံးမပြုမီ ရေများများဖြင့် စင်စင်ေ ဆးကြောသင့်ပါတယ်။ (ခ) ညှိးပျော့၍အ၀ါရောင်သန်းနေသော ကန်စွန်းရွက်များသည် မလတ် ဆတ်ဘဲ ကျန်းမာရေးအာနိသင်လဲ ပျက်ပြယ်စေလို့  အရွေးမမှားဘို့ လိုပါတယ်။

ခေတ်မီတိုးတက်လျှက်ရှိသော ယနေ့ ကမ္ဘာတွင် ကျန်းမာရေးအမြင်ရှိသူတိုင်းက၊ သစ်သီးဝလံနှ င့် ဟင်းသီးဟင်းရွက်များသည်၊ ကျန်းမာရေးအထောက်အကူပြု အာဟာရအစားအစာများအဖြစ်၊ အရေးပါပုံကိုသိမြင်လက်ခံလာကြပြီဖြစ်၏။
ထို့ ကြောင့် မိမိတို့  ပတ်ဝန်းကျင်တွင် ရာသီမရွေးရ ရှိနိုင်ကာ၊ ငွေကုန်သက်သာလွယ်ကူစွာချက်ပြုတ်နိုင်ပြီး၊ ခံတွင်းလဲမြိန်၊ ကျန်းမာရေးကိုလဲ များ စွာ အထောက်အကူပြုစေသည့် " ဆေးစွမ်းထက်မြက် ကန်စွန်းရွက် " ကို မီးဖိုချောင်သုံးဆေးဝါး အဖြစ် စားသုံးပေးကြပါရန် တိုက်တွန်းလိုက်ရပါသည်။

Myawady News

Ovarian Cyst ကိုယ်ဝန်မဟုတ်တဲ့ ဗိုက်ထဲကအလုံး (၁)



(၁) ဆရာရေ Ovarian Cyst at Ovary ရောဂါက ဘယ်လိုဟာမျိုးလဲဆရာ။ ကျနော် အင်တာနက်မှာ သွားကြည့်တော့ အမျိုးသမီး လိင်အင်္ဂါမှာ ဖြစ်တဲ့ရောဂါဆိုတာနဲ့ အမျိုးသမီးအများစုဖြစ်လေ့ဖြစ်ထ ရှိတယ်လို့တွေ့ရတယ်။ ဒါပေမဲ့ ဒီရောဂါကို အရင်က ကျနော်တခါမှ မကြားခဲ့ဖူးဘူး။ ရေးထားတာတော့ အများစုက သူ့ဖာသာ ပျောက်သွားကြတယ်၊ ဖြစ်လို့ ဖြစ်မှန်း မသိလိုက်တဲ့လူတွေတောင် ရှိတယ်၊ စိုးရိမ်စရာ မရှိသလို ရေးထားတယ်ဆရာ။ ကုထုံးအနေနဲ့ ကျတော့ ရောဂါ အတိမ်အနက်၊ ရောဂါရှင် အသက်အရွယ်ကိုလိုက်ပြီး ခွဲစိတ်ရတာလည်း ရှိတယ်၊ မခွဲပဲ သာမန်ကုသရတာလည်းရှိတယ်လို့ ရေးထားတယ်။ ဒီထက်လည်း ပိုမတွေ့ရဘူး။ ဒီရောဂါကနေ ကင်ဆာဆက်ဖြစ်နိုင်လားဆရာ။ ကြောက်စရာကောင်းတဲ့ ရောဂါလား။ လုံးဝပျောက်ကင်းအောင် ကုသလို့ကော ရလား။ ကျနော့် မြို့က ညီမ၀မ်းကွဲတစ်ယောက်မှာ ဒီရောဂါ ဖြစ်နေတယ်။ သူက့့ မှာ အလုပ်လုပ်နေတာ။ စင်ကာပူနဲ့ ဘန်ကောက်က ဆေးရုံတွေမှာ မကြာမကြာ ဆေးကုသမှု ခံယူရတယ်တဲ့။ ခွဲစိတ်ရတာလည်း သုံးကြိမ်ရှိပြီ ပြောတယ်။ သူ့က အိမ်ထောင်ရှိတယ်။ အသက်က လေးဆယ်နီးပြီ။
(၂) ဆရာရှင့် ၁။ ကျွန်မ အသက် ၂၅ တုံးက ရေအိတ် ထုတ်ဖူးပါတယ်။ သားဥပြွန်တခုပါ ထုတ်လိုက်ရလို့ ယခု အသက် ၃၃ နှစ်မှာ ကလေးယူဖို့ လွယ်ကူနိုင်ပါသလား။ ဘာအခက်အခဲများ ရှိနိုင်ပါသလဲ။ နောက်နှစ်မှာ ကလေးယူဖို့အတွက် ခုချိန်မှာ အစားအသောက်နဲ့ ဆေးဝါး၊ ဘာတွေ ကြိုတင် မှီဝဲဖို့ လိုပါသလဲ။ ၂။ ရေအိတ်က ဘာကြောင့်ဖြစ်ပါသလဲ သေချာသိချင်ပါတယ်။ အပျို-အအို မရွေး အသက်အရွယ် မရွေး ဖြစ်နေတာကိုလဲ တွေ့နေရပါတယ်။ Ovarian Cyst လို့ ရေးထားပါတယ်။ မခွဲခင်က ဗိုက်မသိမသာလေး ပူပါတယ်။ နဂိုက ပိန်တဲ့လူဆိုတော့ ဝလာသလို ထင်ရတယ်။ ဗိုက်ဆာလို့ အစာစားမယ်ဆိုတော့ နဲနဲဘဲ စားရသေးတယ်၊ ဗိုက်က ပြည့်သွားပြီး၊ ဗိုက်တင်းသွားတယ်။ ဆက်စားချင်ပေမဲ့ မစားနိုင်တော့သလိုဖြစ်တယ်။ ရင်ပြည့်နေသလို ဖြစ်ပါတယ်။ အဲလောက်ဘဲ ခံစားရပါတယ်။ အိတ်ထမတင် လေ့ကျင့်ခန်း လုပ်ကြည့်တော့လဲ ဘာမှမထူးခြားဘူး။ ဗိုက်ထဲမှာ အလုံးဖြစ်နေမလားဆိုပြီး။ စိုးရိမ်လို့ ဆေးခန်း သွားတော့မှ ရေအိတ်ဖြစ်နေတယ်ဆိုတာ သိရပါတယ်။ ရေအိတ်ထဲမှာ အရည်နောက်နောက်တွေလို့ဘဲ ပြောပါတယ်။ တခြားဟာတွေ တွေ့တယ်လို့တော့ မပြောပါဘူး။ သားဥပြွန်မှာ သွေးကြောတွေ ရစ်ပတ်နေလို့ ရေအိတ် ထုတ်ရ ခက်တဲ့အတွက် အဲဒါပါ ထုတ်လိုက်တယ်လို့ ပြောပါတယ်။

အရွယ်ရောက် အမျိုးသမီးတိုင်း မျိုးဥအိတ်မှာ အလုံးဆိုတာတွေ ဖြစ်ကြပါတယ်။ ကုစရာမလိုဘဲ ပျောက်သွားတာက များပါတယ်။ ကုစရာလိုတဲ့ Ovarian Cyst ဆိုတာကလည်း အဖြစ်များတဲ့ ရောဂါတခုပါ။ အရွယ်မရွေး ပြောရမလားဘဲ။ အပျိုလေးတွေရော အဖွါးကြီးတွေကိုပါ ခွဲပေးရဘူးတယ်။ Tumor ခေါ်တဲ့ အလုံး-အကြိတ်တွေဟာ ကင်ဆာ မဟုတ်တာရော ဟုတ်တာပါ၊ ဘာလို့ဖြစ်သလဲ အတိအကျ ပြောမရတဲ့ အမျိုးအစားပါ။ ကံတရားကိုသာ လွှဲချကြရအောင်။

Ovary ဆိုတာ အမျိုးသမီးတိုင်းမှာ ဘယ်နဲ့ညာ တခုစီရှိတယ်။ Uterus သားအိတ်ဘေးက ချိုလိုထွက်နေတဲ့ Uterine tubes သားအိတ်ပြွန် နှစ်ဘက်ရဲ့ အဖျားဘက် အောင်နားမှာ တွဲလောင်းလေး ရှိနေတယ်။ အရွယ်ရောက် အမျိုးသမီး တဦးရဲ့ မျိုးဥအိတ်က ၃ x ၁့၅ x ၁့၅ စင်တီမီတာ အရွယ်ရှိတာပါ။ လက်တဆစ်လောက်ပေါ့။ ဒီဟာလေးကနေ Ovarian Cyst ဖြစ်ရင် ကိုယ်ဝန်ရင့်မာ အရွယ်လောက်ထိ ကြီးလာနိုင်တယ်။

အလုံးဖြစ်လာတာကို အတော်များများ သတိမထားမိတတ်ပါ။ ရာသီလာတာလည်း ပုံမှန်။ နာတာကလည်း မသိမသာ။ ကိုယ်ဝန်ဆောင်သလို ဗိုက်ကလေး ပူလို့ စူလာမှ သိရတာ များတယ်။ အလုံးက ဗိုက်ထဲမှာ (အမှန်က ဗိုက်အောက် တင်ပါးဆုံရိုးကွင်းထဲမှာပါ) သူနဲ့ တွယ်နေတဲ့ သားအိတ်ပြွန်က နောက်တို့ ဘေးတို့မှာ ကပ်နေတာ မဟုတ်လို့ ခပ်လွယ်လွယ် ရွေ့ရှား လှုတ်ရှားနိုင်တယ်။ လှုတ်ရင်း၊ ရွေ့ရင်းနဲ့ အညှာနဲ့တူတဲ့ နေရာက လိမ်ပြီး၊ သူ့ဟာသူ ချည်သလို ဖြစ်တတ်သေးတယ်။ အဲလိုဖြစ်ရင် နာတာခံစားရတော့မယ်။ မခွဲရင် သွေးထွက်၊ ပေါက်ထွက်ဖြစ်နိုင်တယ်။

ဒီရောဂါကို ခွဲကုရတာပါ။ ဖြစ်လာတဲ့အလုံး သပ်သပ်ကို ခွဲစိတ်ထုတ်လိုက်တာက အကောင်းဆုံး။ အလုံးဖြစ်လာတာက မျိုးဥအိတ် တခုလုံးကနေ ဖြစ်လာတာ မဟုတ်ပါ။ တနေရာကသာ ဖြစ်တာ။ ဒါ့ကြောင့် ကောင်းနေသေးတဲ့ မျိုးဥအိတ်ကို ချန်ထားဘို့လိုတယ်။ အလုံးက အဖုံးနဲ့ရှိလို့ ခွဲစိတ်ရှင်းရတာ ပိုလွယ်တယ်။ တခါတလေ မလွယ်ဘူး။ ကြာမှ ခွဲရရင်၊ ကြီးလွန်းရင်၊ မျိုးဥသာမကာ ပြွန်ကိုပါ ချန်မရတာ ဖြစ်နိုင်တယ်။ မျိုးဥအိတ်တဖက်နဲ့ ပြွန်တဖက် မရှိရင် သားသမီးရဘို့ တဝက်တော့ အခွင့်အလမ်း နည်းသွားစေတယ်။ မျိုးဥအိတ်နဲ့ ပြွန်၊ နှစ်စုံလုံး ရှိနေပါမှ အမျိုးသမီး ပီသစေနိုင်လို့ပါ။ မ-ဟော်မုန်းတွေ ပုံမှန်ထွက်၊ လင်ယူ-သားမွေး၊ ကလေးယူဘို့လဲ စိတ်ချရမယ်။

Ovarian cyst တခါ ဖြစ်ဘူးရင် နောက်ထပ် မဖြစ်နိုင်တော့ဘူးလို့ မပြောနိုင်ပါ။ ရာသီ မမှန်ရင်။ သိပ်ငယ်ငယ်ကတည်းက ၁၁-၁၂ နှစ် သမီးကစ ရာသီကလာရင်၊ ကလေးမရတဲ့သူ၊ လည်ပင်းကြီးဟော်မုန်း နည်းသူ၊ ကိုယ်အပေါ်ပိုင်း အဆီများသူ တွေမှာ ဖြစ်တတ်လေ့ရှိတယ်။

အိတ်ထဲမှာရှိနေတာက အမျိုးမျိုး။ အများအားဖြင့် ခပ်ဝါဝါအရည်။ ချွေးထွက်အိတ်ထဲက အရည်မျိုးပါရင် ခပ်မြစ်ပြစ် ဖြစ်မယ်။၊ အဆီတွေ ပါနိုင်တယ်။ တချို့ကြ ထူးဆန်းတာတွေ ပါနေတတ်တယ်။ ဆံပင်လို အမွှေး၊ အရိုးလို၊ သွားလို၊ အရိုးနုလို စတာတွေ။ တောမှာ “အပင်းထည့်တယ်” လို့ ပြောတတ်ကြတာမျိုးပေါ့။ Dermoid cyst ခေါ်တယ်။ အမှန်က လူ့ကိုယ်ခန္ဓာမှာ ရှိနေတဲ့ (တစ်ရှူး) အမျိုးအားလုံးက ပါနေနိုင်တယ်။ မျိုးဥအိတ်သာ မဟုတ်ပါ အရေပြားမှာလည်း ဒါမျိုး ဖြစ်တတ်တယ်။

အဲလို ခွဲထားခံရသူအတွက် စိတ်မပျက်ပါနဲ့။ ကင်ဆာကို မပြောင်းစေတတ်ပါ။ ကလေးရဘို့ ၅ဝ% ဆိုတာ နည်းတဲ့ အခွင့်အလမ်း မဟုတ်ပါ။ သေခြာပါတယ်ဆိုတဲ့ တားဆေးတွေက ၉၉% စိတ်ချပါဆိုတဲ့ အထဲကနေ ကိုယ်ဝန် ဆောင်သူ ရှိတယ်။ အစား ရှောင်စရာ မလိုပါ။ ကျန်းမာအောင်သာ မျှတတဲ့အစာ စားပါ။ ဆေးလည်း ပုံမှန် အားဆေးသာ လိုပါတယ်။

ကိုယ်ဝန်ဆောင်ပြီဆိုရင် OG နဲ့ ပြပါ။ အရင် ခွဲစိတ်မှတ်တမ်းတွေ သိမ်းထားဘို့ လိုမယ်။ ခွဲစိတ်ထားပြီး၊ ချက်ချင်း ကိုယ်ဝန် မယူသင့်သေးပါ။ သန္ဓေ တားဆေးသုံးရင် မျိုးဥမထွက်စေတာမို့ Ovarian cyst ဖြစ်မှာကို တားဆီးပေးရာကျတယ်။ ကလေး ယူတော့မယ်ဆိုရင် ကိုယ်ဝန်တားဆေး မသုံးဘဲ၊ ကြာရင် IUCD မကြာရင် Condom သုံးသင့်တယ်။ တဖက်ထဲကသာ မျိုးဥ ထွက်နေရသူမို့ ထွက်နေစေချင်တယ်။ ၃-၄ လအကြာ၊ ဘာမှ မတားတော့ရင် ကလေးအမေ အခေါ်ခံရပါတော့မယ်။

Dr. တင့်ဆွေ
၁၄-၆-၂ဝ၁ဝ
၁ဝ-၄-၂ဝ၁၄

စိန်ရွှေရတနာဆိုင်မှ ပစ္စည်းများဝယ်မည်ဟုဟန်ပြကာ ရတနာများခိုးယူ သွားသူ ပါကစ္စတန်နိုင်ငံသား (၂)ဦးကို ဖမ်းဆီးရမိ




ရန်ကုန်၊ ဧပြီ ၁၀

ကမာရွတ်မြို့နယ်၊(၇)ရပ်ကွက်၊ပြည်လမ်းနှင့် ကျွန်တောလမ်းကြား
Junction Square စင်တာရှိ မန်နေဂျာ ဒေါ်မျိုးမမလွင်၏ Rose Mary
စိန်ရွှေရတနာဆိုင်၌ နိုင်ငံခြားသားဟုယူဆရသော ကုလားအမျိုးသား(၂)ဦးမှ စိန်ထည်ပစ္စည်းများကြည့်ရှုကာမ၀ယ်ဘဲထွက်သွားစဉ် အသဲပုံစိန်လော့ကတ်
(၁)ခု၊ ကာလတန်ဘိုးငွေကျပ်(၁၁၈၀၀၀၀၀)နှင့် မိုးစက်ပုံစိန်လေ့ကတ်(၁)ခု၊ ကာလတန်ဘိုးငွေကျပ် (၉၆၃၀၀၀၀)ခန့်တို့ခိုးယူသွားသဖြင့် ကမာရွတ်မြို့မ
ရဲစခန်း(ပ)၁၄၉/၂၀၁၄၊ ပြစ်မှုပုဒ်မ ၃၈၀ဖြင့် အမှုဖွင့်လှစ်ကာ စုံစမ်း
ဆောင်ရွက်ခဲ့ပါသည်။

အမှုမှပြစ်မှုကျူးလွန်သူများအား ဖမ်းဆီးရမိရေးအတွက် စုံစမ်းဆောင်ရွက်
ခဲ့ရာ ပြစ်မှုကျူးလွန်သူ (၂)ဦး၏ဓါတ်ပုံများကို ရှာဖွေရရှိခဲ့သဖြင့် ရန်ကုန်
အပြည်ပြည်ဆိုင်ရာလေဆိပ်၊ ပူးပေါင်းအဖွဲ့နှင့် ရန်ကုန်တိုင်းဒေသကြီး
ရဲတပ်ဖွဲ့မှူးရုံး၊ လုံခြုံရေးတပ်ခွဲ(၂)မှတပ်ဖွဲ့ဝင်များ၊ အနောက်ပိုင်းခရိုင် အထူးမှုခင်းနှိမ်နင်းရေးဌာနစုမှ တပ်ဖွဲ့ဝင်များ၊ ကမာရွတ်မြို့နယ်ရဲတပ်ဖွဲ့မှ တပ်ဖွဲ့ဝင်များမှ လေဆိပ်တွင်စောင့်ဆိုင်း၍စိစစ်ရှာဖွေခဲ့ရာ ၁၀.၄.၂၀၁၄ ရက်နေ့ ၀၉၃၀ အချိန်ခန့်တွင် ထိုင်းလေကြောင်းခရီးစဉ် TG-304၊
လေယာဉ်အမှတ် HS-TEK၊ လေယာဉ်အမျိုးအစား A-330 ဖြင့် လိုက်ပါမည့်
ခရီးသည်များအနက် ၎င်းတို့(၂)ဦးကိုတွေ့ရှိခဲ့သဖြင့် စစ်ဆေးရှာဖွေခဲ့
ပါသည်။

ထိုသို့စစ်ဆေးရှာဖွေခဲ့ရာ ၎င်းတို့မှာ ပါကစ္စတန်နိုင်ငံသားများဖြစ်ကြသည့် Mr.Ali Asifi နှင့် Mr. Hussain Baqir တို့ဖြစ်ကြောင်း သိရှိရပြီး ၎င်းတို့၏
ခရီးဆောင်အိတ်အတွင်းမှ အမှုမှခိုးယူခံရသည့် အသဲပုံစိန်လော့ကတ်
(၁)ခုနှင့် မိုးစက်ပုံစိန်လေ့ကတ်(၁)ခုတို့ကို ရှာဖွေတွေ့ရှိသိမ်းဆည်းရမိခဲ့
ပါသည်။

ယင်းကဲ့သို့ပြစ်မှုကျူးလွန်သူ ပါကစ္စတန်နိုင်ငံသားများဖြစ်ကြသည့် Mr.Ali Asif နှင့် Mr. Hussain Baqir တို့(၂)ဦးကို အမှုဖြင့်ဖမ်းဆီးစစ်ဆေးကာ ဆက်လက်အရေးယူဆောင်ရွက်လျက်ရှိကြောင်း သတင်းရရှိပါသည်။



Yangon Police

ဆီးရီးယားမှာ ကားဗုံး ၂ နေရာ ပေါက်ကွဲမှုကြောင့် လူ ၂၁ ဦး သေဆုံး

ဓာတ်ပုံ – AFP



ဆီးရီးယားနိုင်ငံ ဟုမ်းမြို့မှာ ပြီးခဲ့တဲ့ ဧပြီ ၉ ရက်နေ့က ကားဗုံးပေါက်ကွဲမှု ၂ ခုဆက် ဖြစ်ပွားခဲ့ပြီး အမျိုးသမီးတွေနဲ့ ကလေးတွေအပါအ၀င် အနည်းဆုံးလူအယောက် ၂၁ ဦး သေဆုံးခဲ့ကြပါတယ်။


ပထမပေါက်ကွဲမှုဟာ လူစည်ကားရာ ကုန်စုံဆိုင်အနီးမှာ ပေါက်ကွဲခဲ့တာ ဖြစ်ပြီး နောက် ၁ လုံးကတော့ ပထမပေါက်ကွဲမှု ဖြစ်ပွားခဲ့တဲ့ တမြို့နယ်မှာပဲ နာရီဝက်လောက်ခြားပြီး ပေါက်ကွဲခဲ့တာ ဖြစ်ပါတယ်။
အခြားလူအယောက် ၁၀၀ ကျော် ဒဏ်ရာရခဲ့ကြပြီး တချို့မှာ ပြင်းထန်တာကြောင့် သေဆုံးသူဦးရေ တိုးလာအုန်းမယ်လို့ ဆိုပါတယ်။

ပေါက်ကွဲမှုတွေဖြစ်ပွားခဲ့တဲ့နေရာဟာ ဆီးရီးယားသမ္မတ ဘာရှား အယ်လ်အာဆတ်ရဲ့ အာလ၀ီလူမျိုးစု မွတ်စလင်တွေ နေထိုင်တဲ့ ရပ်ကွက် ဖြစ်ပြီး သမ္မတ အာဆတ်ကို ဖြုတ်ချဖို့ တိုက်ပွဲဝင်နေတဲ့သူပုန်တွေဟာ ဆွန်နီဂိုဏ်းဝင် မွတ်စလင်တွေ ဖြစ်ကြပါတယ်။

ပြီးခဲ့တဲ့ ဧပြီ ၆ ရက်နေ့ကလည်း ဟုမ်းမြို့မှာပဲ ဗုံးပေါက်ကွဲမှု ဖြစ်ပွားခဲ့ပြီး ဆီးရီးယားစစ်တပ်အရာရှိ ၂ ဦးအပါအ၀င် လူအနည်းဆုံး ၂၉ ဦးသေဆုံးခဲ့ပါတယ်။

၃ နှစ်ကြာ ဖြစ်ပွားနေတဲ ဆီးရီးယားပြည်တွင်းစစ်မှာ ဆီးရီးယားပြည်သူ ၁ သိန်းခွဲကျော် သေဆုံးခဲ့ကြရပြီး သန်းနဲ့ချီပြီး အိုးအိမ်စွန့်ခွာ ထွက်ပြေးခဲ့ကြရပါတယ်။

DVB Burmese

သင်္ကြန်ကာလအတွင်း မူယစ်သောက်စားထားသည့်ယာဉ်မောင်းများကို စခန်းတွင်း ခေါ်ယူထိန်းသိမ်းမည်



သင်္ကြန်ကာလတွင် မူးယစ်သောက်စားထားသည့် ယာဉ်မောင်းများကို ချလန်ဖြတ်အရေးယူခြင်းအစား စခန်းတွင်းခေါ်ယူထိန်းသိမ်းသည့် စနစ်ကို ယခုနှစ်တွင် ပြုလုပ် မည်ဟု နေပြည်တော်ရှိ ယာဉ်ထိန်းရဲတပ်ဖွဲ့မှ သိရသည်။ ယာဉ်ပေါ်ပါ သင်္ကြန်ပျော်ပါးသူများနှင့် လမ်းသွား လမ်းလာပြည်သူများ အဆိုပါယာဉ်မောင်းကြောင့် ယာဉ် အန္တရာ ယ်မဖြစ်စေရန် ကြိုတင်ကာကွယ် ခြင်းဖြစ်ပြီး ထိန်းသိမ်းခံရသည့် သူကို စိတ်ချရသည့် အနေအထားရှိမှသာ လွှတ်ပေးမည်ဟု အဆိုပါ ရဲတပ်ဖွဲ့မှ ရဲမှူးကြီးဦးကျော်ထွေးက ဆိုသည်။ ပြီးခဲ့သော ၂ဝ၁၃ သင်္ကြန်တွင် တစ်နိုင်ငံလုံး၌ ယာဉ်မတော်တဆမှု ၃ဝ၃ မှုဖြစ်ခဲ့ပြီး လူပေါင်း ၈ဝ သေဆုံးကာ ၇၂၂ ဦးထိခိုက်ဒဏ်ရာရခဲ့သည်ဟု ရဲမှူး ကြီးထံမှ သိရသည်။ ”ဒီလိုဖြစ်တာတွေကို လျှော့ချရမယ်”ဟု ၎င်းက ပြောသည်။

ယခင်နှစ်က ယာဉ်မတော်တဆ ဖြစ်မှုတွင် ရန်ကုန်တိုင်းဒေ သကြီး၊ ပဲခူးတိုင်းဒေသကြီးနှင့် စစ်ကိုင်း တိုင်းဒေသကြီးတို့က အများ ဆုံးဖြစ်နေ သဖြင့် ယင်း တိုင်းဒေသကြီးတို့ ကို အထူး အရေးပေး စောင့်ကြ ည့်ခြင်း နှင့် ကျန်ဒေသတို့ကိုလည်း လွတ်မသွားအောင် ပုံမှန် ထက် ယာဉ် ထိန်းရဲအား နှစ်ဆတိုးချ ထားပေးမည်ဟု သိရသည်။

ယာဉ်မတော် တဆဖြစ်မှု မရှိစေရေးအတွက် ပြည် သူများက ဝိုင်းဝန်း ပူးပေါင်းပါဝင်ကြရန် တပ်ဖွဲ့မှူးရုံးက မေတ္တာရပ်ခံမှုကို ဧပြီ ၆ ရက်နေ့ က နိုင်ငံပိုင်သတင်းစာ နှင့် ရုပ်သံများမှ တစ် ဆင့် ပြုလုပ်ခဲ့သေးသည်။

ရဲမှူးကြီး ဦးကျော်ထွေးက ”အများပြည်သူတွေ ရေကစားနေတဲ့ အချိန်မှာ ယာဉ်အန္တရာယ်မဖြစ်စေဖုိ့ ယာဉ်ထိန်းရဲတွေက တာဝန်ယူပေးပါ့မယ်။ အဲဒီအခါ မှာလည်း ထိပ် တိုက်ရင်ဆိုင်ရမှုတွေကို တပ်ဖွဲ့ဝင်တွေသည်းခံကြဖို့ မှာထားပြီးပါပြီ”ဟု ပြောသည်။ သင်္ကြန်ကာလမဟုတ်သော ပြီးခဲ့သည့်နှစ်က တာမွေအပါအဝင် နေရာ အချို့တို့ တွင် ယာဉ်ထိန်းရဲ အတိုက်ခိုက်ခံရမှုမှာ ငါးမှုနှင့်အထက်ရှိခဲ့သည်ဟု ရဲမှတ်တမ်းများအရ သိရသည်။

Popular Myanmar News Journal

တစ်ယောက်တစ်ခွန်း စကားများရာမှ ဇနီးဖြစ်သူအား ယောက်ျားဖြစ်သူက ဓါးဖြင့်ခုတ်



တောင်ငူ ဧပြီ ၁၀

ပဲခူးတိုင်းဒေသကြီး၊ တောင်ငူမြို့၊ ကသဲစုကျေးရွာတွင် ဧပြီလ (၆) ရက်၊ (၂၃း၅၀)နာရီအချိန်က ဇနီးဖြစ်သူအားဓါးဖြင့်ခုတ်သည့်အမှုဖြစ်ပွားခဲ့သည်။
ဖြစ်စဉ်မှာ ကိုဇော်နောင်(၃၅)နှစ်၊ (ဘ)ဦးသာချို၊ ကျဘမ်းလုပ်သူ သည် နေအိမ်တွင် ဇနီးဖြစ်သူ မဝိုင်းလေး ၂၄နှစ်၊ (ဘ)ဦးသောင်းကြည်၊ ကျဘမ်း၊ ကသဲစုရွာနေသူနှင့် တစ်ယောက်တစ်ခွန်း စကားများရန်ဖြစ်ကြရာ ကိုဇော်နောင်မှ အနီးတွင်အသင့်တွေ့ရှိသော အိမ်သုံးဟင်းခုတ်ဓါးမ အပြားဖြင့် မဝိုင်းလေးအားခုတ်လိုက်ရာ မဝိုင်းလေးတွင် ဦးခေါင်း ထိပ်ပြတ်ရှ ဒဏ်ရာ၊ ဝဲလက်ညှိုးပြတ်ရှဒဏ်ရာ (အတွင်းလူနာ၊ မစိုးရိမ်ရ)ရရှိခဲ့ပြီး ကိုဇော်နောင်မှာ ထွက်ပြေးတိမ်းရှောင်သွားခဲ့သည်။

ကိုဇော်နောင်အားအရေးယူပေးပါရန် မဝိုင်းလေးမှ တရားလိုပြုလုပ် တိုင်းတန်းသဖြင့် တောင်ငူမြို့၊ အမှတ်(၃)နယ်မြေရဲစခန်းမှ အမှုဖွင့် အရေးယူဆောင်ရွက် ထားရှိကြောင်း သတင်းရရှိသည်။

MOI Webportal Myanmar

မူးကြရူးကြပေါ့ - မြင်သမျှ ကြားသမျှ





ဘယ်တိုင်း ဘယ်နိုင်ငံမှ ရှိပုံမရပါဘူး။ နွေခေါင်ခေါင်မှာ နှစ်သစ်ကူးတာမျိုးပါ။ ကျွန်တော် သိသမျှ တိုင်းပြည် အတော် များများဟာ အေးချမ်း လှသော ဆောင်းရာသီလို အချိန် မျိုးမှာ နှစ်သစ်ကူးလေ့ရှိပါတယ်။ ဒါပေမဲ့ ကျွန်တော်တို့ နိုင်ငံကတော့ ထူးခြားစွာပဲ နွေခေါင်ခေါင်မှာ ပူပူလောင်လောင် အရက်တွေသောက်ပြီး တားမြစ်ထား တဲ့ ရေ ကိုပ က်ပြီးမှ နှစ်ကူးပါတယ်ခင်ဗျ။

ဒါပေမဲ့ ထူးခြားတာက အခြားအချိန်တွေမှာ ဒီလိုပူတဲ့ အချိန်မှာ နံနက် ၉နာရီက ညနေ ၅ နာရီအထိ ပူပြင်းလွန်းလို့ ရေမချိုးရဘူး။ အန္တရာယ်ရှိ တယ်လို့ ကြေညာထားပေမယ့် သင်္ကြန်ကာလမှာတော့ ဘယ်လိုဖြစ်ဖြစ် ဘာအန္တရာယ်မှ မရှိတာကလည်း အံ့သြစရာတစ်ခုပါ။

ဒီထက်ပိုထူးဆန်းတာက သင်္ကြန် နေပူပူမှာ ရင်ပူစေတဲ့ အရက်သေ စာ သောက်စားပြီး ရေကစားတာတောင် ဘာဥပါဒ်မှ မဖြစ်ဘူးခင်ဗျ။ ဒါထက် ပိုထူးတာက ကျွန်တော် တို့ မြန်မာလူမျိုးများဟာ အဲဒီလို သင်္ကြန်တွင်းကိုမှ အဲဒီလို ပေးမလုပ်ရင် ထွက်ပေါက်မရှိတော့ဘဲ အားလုံး ရူးသွားကြမလားပဲ။ ဒီလိုမှ ထွက်ပေါက် မပေးရင် တစ်နှစ်လုံး ငုတ်ထားတဲ့ အပူတွေနဲ့ ရူးသွားနိုင်ကြပါတယ်။ ဒါကြောင့် ဘာပဲပြောပြော၊ ဒီ သင်္ကြန်မှာလည်း မူးကြရူးကြပေါ့။

သင်္ကြန်နဲ့ ယာဉ်ကြောပိတ်ဆို့မှု

ဒီနှစ်သင်္ကြန်အတွက် စိတ်ပျက်စရာအကောင်းဆုံး အကြောင်း ဖြစ် ပါလိမ့်မယ်။ ခါတိုင်းနှစ်တွေတောင် မဏ္ဍပ်တစ်ခုရှေ့ ကို နေ ကုန်အောင် ဖြတ်နေရတယ်ဆိုရင် အခု လို မော်တော်ကားတွေ သိပ်သည်းဆများလာတဲ့ ကာလမှာ မော်တော်ကားနဲ့ လည်ဖို့ဆိုတာ အင်မတန်စဉ်းစားစရာပါပဲ။ ဒီကြားထဲ သင်္ကြန်တွင်းမှာ မဖြစ်မနေခရီး သွားရတဲ့ သူတွေအတွက်ဆို ပိုလို့တောင် အသက်တိုနိုင်ပါသေးတယ်။ သင်္ကြန်လည်သူတွေအတွက်ကလည်း ရှိစုမဲ့စု မဏ္ဍပ်သုံးလေးခုမှာ စုပြုံတိုးရင်းနဲ့ပဲ စိတ်ပျက် စရာကောင်းေ လာက်အောင် နေကုန်ကြ မှာ မြင်ယောင်ပါတယ်။ ဒါကြောင့် သင်္ကြန်တွင်းမှာ သွားရေးလာရေး လွယ် ကူဖို့ ဘယ်လိုမျိုးပြင်ဆင်ထားတယ်ဆို တာကလည်း စိတ်ဝင် စား စရာပါ။

CCTV

သင်္ကြန်ကာလမှာ မဏ္ဍပ်တိုင်း CCTV တပ်ဖို့ ထုတ်ပြန်ထားတာ တွေ့ ရပါတယ်။ လုံခြုံရေးအတွက်လို့လည်း ဆိုပါတယ်။ ကောင်းပါတယ်။ တစ်ခုခု သာဖြစ်ခဲ့ရင် CCTV က တစ်ဆင့် ပြန်ကြည့်နိုင်တဲ့အတွက် လုံခြုံရေးအတွက် စိတ်ချရတယ်လို့ ဆိုရမှာပါပဲ။ ဒါပေမဲ့ စိတ်မချရတာက ဒီ CCTV တွေက ခွေပြန်မထွက်ဘူးလို့ ပြောနိုင်ရဲ့လား။

ခါတိုင်းဆိုရင်တောင် CCTV ကမဟုတ်ဘဲ ဗီဒီယိုအခွေတွေနဲ့ ကိုးရိုး ကားယားတွေ ဖြစ်နေကြောင်းကို မြင်မြင်နေရတဲ့နောက်၊ အခု CCTV ကနေ အခွေမထွက် ဖူးလို့ရယ်လည်း မပြောနိုင်ပါဘူး။ ဒီတော့ လုံခြုံစေချင် လို့ CCTV တပ်ထားခါမှ မလုံမခြုံပုံ တွေ ပြန်ထွက်လာရင်ရော၊ ဘယ်သူက တာဝန်ယူကြမှာလဲ။

နယ်မှာဆိုင်ကယ်

ခါတိုင်းနှစ်တွေ ကျွန်တော်သင်္ကြန် ဆိုနယ်တစ်ခုခု သွားလေ့ရှိပါတယ်။ အဲဒီမှာအဆိုးဆုံးက ဆိုင်ကယ်တွေပါပဲ။ ဆိုင်ကယ်ဆိုတာ တစ်စီးစနှစ်စီးစ မဟုတ်ပါဘူး။ တချို့ဆို ဆိုင်ကယ် အစီးလေးငါးဆယ်ကို အုပ်စုဖွဲ့ပြီး စီး သွားကြတာပါပဲ။ ပိုဆိုးတာက ဆိုင်ကယ်အုပ်စုတွေဟာ တူညီဝတ်စုံတွေ ဝတ်ထားပြီး တုတ်ဓားလက်နက်တွေကိုယ်စီ ကိုင်ဆောင်ပြီး လမ်းသလားနေကြတာပါပဲ။ တစ်ခုခု ဖြစ်ရင် အဆင်သင့်ပဲဆိုတဲ့ ပုံစံတွေနဲ့ ပေါ့။နောက်ပြီး အခုခေတ်ကလည်း တရုတ်ဆိုင်ကယ်တွေက အလွန်ပေါလှ ပါတယ်။ ပြဿနာမရှိရင် သင်္ကြန်တစ် တွင်းလုံး စီးပြီး ပြဿနာဖြစ်တဲ့အခါ ထားသွားလို့ ရပါတယ်။ ဒါကြောင့် သင်္ကြန်မှာ အရမ်းကာရောပေါများလာတဲ့ ဆိုင်ကယ်တွေနဲ့ အသက်အန္တရာယ် ကို ဘယ်လိုထိန်းချုပ်ကြမှာလဲ။

ဆိုင်ကယ်သမားတွေကလည်း ပျော်တာတော့ ပျော်ပေါ့။ ဒါပေမဲ့ ကိုယ် ကိုယ်တိုင်ရော တခြားသူတွေပါ ဥပါဒ် မဖြစ်ဖို့ အရေးကြီးပါတယ်။ ဒီအတိုင်းတောင် တစ်နေ့တစ်နေ့ ဆိုင်ကယ်ကြောင့် အသေအပျောက် သတင်း နေ့စဉ်လေးငါးဆယ်ခု ကြားနေ ရတယ်ဆိုရင် သင်္ကြန်ကာလ မှာဆို ရင် တော့ ဂရုစိုက်ဖို့ သတိပေးချင်ပါတယ်။

သင်္ကြန်နဲ့အရက်

သင်္ကြန်နဲ့အတူ မခွဲနိုင်မခွာရက် ပါဝင်ပတ်သက်နေတာ ယမကာပါပဲ။ လူတိုင်းနီးပါးဟာ နေပူပူမှာ ရေတွေရွှဲ နေလည်း ယမကာကွဲနေတာ မနည်းလှပါဘူး။ ဒါပေမဲ့လည်း ဂရုစိုက်ဖို့ လိုပါတယ်။ အခုခေတ်ထုတ်တဲ့ အရက်တွေက ဘယ်လိုစံညွှန်း၊ ဘယ်သူတွေက ဘယ်လို ခွင့်ပြုပြီး ထုတ်ထားတယ် မသိနိုင်ပါဘူး။ တံဆိပ်မှာ ရေးထားတဲ့ အယ် ကို ဟောပါဝင်မှုကရော မှန်ရဲ့လားလည်း မသိရပါဘူး။ သင်္ကြန်မှာဆိုရင် ပိုဆိုးပါတယ်။ အရက်အတုကိုမှ ပြန်တုတဲ့ အရက်တွေလှိုင်လှိုင်ကြီး ထွက်ပေါ်လာတော့ မှာဖြစ် ပါ တယ်။ ဒီလို အရက်တွေ သောက်ပြီးသင်္ကြန်မှာ ဘဝမကူးအောင်လည်း ကြိုးစားကြရမှာ အမှန်ပါပဲ။

ခါးပိုက်နှိုက် သတိပြု

နှစ်စဉ်နှစ်တိုင်း သင်္ကြန်ချိန်ဆို ပေါ်ထွက်လာနေကျပါပဲ။ သင်္ကြန်မဏ္ဍပ် လူထူထူမှာ လူကြားထဲတိုးပြီး လုပ်စားနေကျ ဖြစ်ပါတယ်။ အားလုံးကလည်း သိတဲ့အတိုင်း မူးရူးပျော်ပါးနေကြတဲ့အတွက် ကိုယ့်မှာပါတာကို ခဏတော့ မေ့သွားတတ်ကြပါတယ်။ ဒါကို အခွင့်ကောင်းယူပြီး ခါးပိုက်နှိုက်သမားများက လှုပ်ရှားသွားတော့ တာပါပဲ။ ခက်တာက အဲဒီခါးပိုက်နှိုက်တွေ ဟာ တစ်ယောက်တည်း၊ နှစ်ယောက် တည်းလည်း မဟုတ်ပါဘူး။ အုပ်စုဖွဲ့ပြီး လူကြားထဲ ရောက်နေလေ့ ရှိပါတယ်။ပြဿနာ တစ်ခု တစ် စုံတစ်ရာဖြစ်ရင် အုပ်စုလိုက်ကြီး ပြန်လည်တုံ့ပြန်ပြီး ဒုက္ခ ပေးတတ်တာပါပဲ။

ခါးပိုက်နှိုက်၊ လူဆိုးလူမိုက်တွေဆိုတဲ့အတိုင်း မြင်သမျှ ရမ်းကားတတ်ကြ ပါတယ်။ ဒါကို လည်း လုံခြုံရေးအရ ဘယ်လိုထိန်းချုပ်မယ်ဆိုတာ မသိရနိုင်ပါဘူး။ အဲဒီထက်ပိုဆိုးတာက ဒီလို ရုတ်ရုတ်ဖြစ်ရင် ဘေးနားက ဘာမဆိုင်ညာမဆိုင် ဆွမ်းကြီးဝင်လောင်းဖို့ လက် ယားနေသူများကိုလည်း သတိထားရမှာပါ။ ဒီတော့ ပြဿနာက ကိုယ်လည်း ခါးပိုက်အနှိုက်ခံရသေး။ ကိုယ်လည်း အထုထောင်းခံရသေး ဆိုတာမျိုး ဖြစ်နိုင်ပါ တယ်။ ဒါကြောင့် ဘာပဲပြောပြောပါ။ ကိုယ့်အန္တရာယ်ကို ကိုယ်တိုင်ပဲကာကွယ်ကြရမှာပါ။ သင်္ကြန်မှာ စိတ်ချမ်းသာကိုယ်ချမ်းသာနဲ့ ပျော်ရွှင်ဖွယ် နှစ်ကူးဖြစ်ကြပါစေ။

အကြည်တော်
Popular Myanmar News Journal

စစ်တွေ စုံစမ်းစစ်ဆေးရေး ကော်မရှင်က ပဋိပက္ခတွင် ပါဝင်သူများကို မဖော်ထုတ်



စစ်တွေ ပဋိပက္ခ စုံစမ်းစစ်ဆေးရေးကော်မတီ ဥက္ကဋ္ဌ နယ်စပ်ရေးရာ ဒုတိယဝန်ကြီး ဗိုလ်ချုပ်မောင်မောင်အုန်းက စစ်တွေ ပဋိပက္ခ စုံစမ်းစစ်ဆေးရရှိမှုများနှင့် ပတ်သက်၍ ၂၀၁၄ခုနှစ် ဧပြီလ ၉ရက် မွန်းလွဲပိုင်းက ရန်ကုန်မြို့ ရွှေလီလမ်းရှိ မြန်မာ့ငြိမ်းချမ်းရေးစင်တာတွင် သတင်းထောက်များကို ရှင်းလင်းပြောကြားနေစဉ်။ (ဓာတ်ပုံ - ဟိန်းထက်)


စစ်တွေ၌ ဖြစ်ပွားခဲ့သည့် ကုလသမဂ္ဂ အဖွဲ့အစည်းများ အပါအ၀င် နိုင်ငံတကာ ကူညီရေးအဖွဲ့များ တိုက်ခိုက်ခံရမှုနှင့် ပတ်သက်၍ သမ္မတက ဖွဲ့စည်းထားသည့် စုံစမ်းစစ်ဆေးရေးကော်မရှင်က အစီရင်ခံစာ ထုတ်ပြန်ရာတွင် နောက်ဆက်တွဲဆိုးကျိုးများကို ကြိုတင်ရှောင်ရှားပြီး တိုက်ခိုက်မှုတွင် အမှန်တကယ်ပါဝင် ခဲ့သူများကို မဖော်ထုတ်ဘဲ ထုတ်ပြန်ထားသည်ကို မဇ္ဈိမက လေ့လာတွေ့ရှိရသည်။

ဧပြီ ၉ ရက် ရက်စွဲဖြင့် နိုင်ငံပိုင် သတင်းများမှတစ်ဆင့် ထုတ်ပြန်ခဲ့သည့် စစ်တွေ စုံစမ်းစစ်ဆေးရေး ကော်မရှင်၏ ထုတ်ပြန်ချက်တွင် “လူစုလူဝေးဖြင့် အဓမ္မဖျက်ဆီးခဲ့ရာတွင် ပါဝင်ကျူးလွန်သူများ” နှင့် “အမှန်မကန် သတင်းဖြန့်၍ စည်းရုံးလှုံ့ဆော်သူများ” ကို ဥပဒေနှင့်အညီ ထိရောက်စွာ အရေးယူဆောင်ရွက်သွားမည်ဟု ဆိုသော်လည်း ထိုသူများ မည်သူမည်ဝါဖြစ်သည်၊ မည်သို့အရေးယူမည်ကိုမူ ထည့်သွင်း အစီရင်ခံထားခြင်း မရှိပေ။

သို့သော် စစ်တွေပဋိပက္ခဖြစ်စဉ်တွင် ရည်ရွယ်ချက်ဖြင့် ဦးဆောင်လှုပ်ရှားသည့် အဖွဲ့ကို ဖော်ထုတ်နိုင်ခြင်း မရှိသေးဟု စစ်တွေစုံစမ်းရေး ကော်မရှင်ဥက္ကဋ္ဌ ဗိုလ်ချုပ်မောင်မောင်အုန်းက ၀န်ခံပြောဆိုသည်။ ပဋိပက္ခကို လုံခြုံရေးရဲများက သေနတ်ဖောက် လူစုခွဲခဲ့ရာတွင် မငြိမ်းမ ဟူသည့် အသက် ၁၃ နှစ်အရွယ် ကလေးငယ် တစ်ဦး သေနတ်ထိမှန် သေဆုံးခဲ့သည်ကိုလည်း ထည့်သွင်း ဖော်ပြမထားသည်ကို တွေ့ရှိရသည်။

မတ် ၂၆ နှင့် ၂၇ ရက်က ဖြစ်ပွားခဲ့ သည့် ပဋိပက်္ခများအတွက် ဖွဲ့စည်းခဲ့သည့် “စစ်တွေ စုံစမ်းရေးကော်မ ရှင်” သည် တတိယအကြိမ်မြောက် ဖွဲ့စည်းခဲ့သည့် ကော်မရှင်ဖြစ်သည်။ ကော်မရှင်သည် စစ်တွေ ပဋိ ပက္ခတွင် ပါဝင်ပတ်သက်သူများ ကိုမူ ဥပဒေနှင့်အညီထိရောက်စွာ အရေးဆောင်ရွက်သွားမည်ဟု ထုတ် ပြန်သည်။

သို့သော် ၂၀၁၂ ခုနှစ် ဇွန်လအတွင်းက ဖြစ်ပေါ်ခဲ့သည့် ရမ်းဗြဲမြို့နယ်မှ မသီတာထွေး ဖြစ်စဉ်နှင့် ပတ်သက်၍လည်း

နောက်ကွယ်တွင် အဖွဲ့အစည်းနှင့် လှုံ့ဆော်သူများ ရှိသည်ဟု အစိုးရက ဆိုသော်လည်း နှစ်နှစ်နီးပါ ကြာမြင့်ချိန်အထိ ထိုနောက်ကွယ်တွင် ရှိနေသည်ဆိုသူများကို ဖော်ထုတ် အရေးယူနိုင်ခြင်း မရှိသေးပေ။

မတ်လ ၂၈ ရက်တွင် “စစ်တွေ စုံစမ်းရေးကော်မရှင်”ကို သမ္မတက ဖွဲ့စည်းခဲ့ပြီး ဗိုလ်ချုပ်မောင်မောင်အုန်းနှင့်အဖွဲ့ စစ်တွေသို့ ရောက်ရှိလာပြီးနောက် သုံးရက်အကြာ ဧပြီ ၁ ရက် နံနက်(မတ် ၃၁ ရက် ည သန်း ခေါင်) ၁၂ နာရီကျော်တွင် ဓည၀တီနှင့် မန်ကျည်းမြိုင်ရပ်ကွက်တို့မှ ရခိုင်လူမျိုး ၁၂ ဦးကို ပြည်နယ် ရဲတပ်ဖွဲ့က တိုက်ဆိုင်စွာပင် ဖမ်းဆီးခဲ့သည်။ သို့သော် ယင်းအထဲတွင် အသက် ၇၀ ကျော်အရွယ် အဖွားအို တစ်ဦး ပါဝင်နေရာ ပြန်လွှတ်ပေးခဲ့ရသည်။

မတ် ၂၆ နှင့် ၂၇ ရက်တွင် ယူအင်န် အပါအ၀င် နိုင်ငံတကာရုံးများ ဖျက်ဆီးခံ ရပြီး ရခိုင်ပြည်နယ်အတွင်းမှ ထွက်ခွာသွား ခဲ့ရကာ ၂၉ ရက်တွင် ၀န်ကြီးဦးခင်ရီရောက် ရှိလာပြီး ၃၀ ရက် နံနက်တွင် ရခိုင်ပြည်နယ် တွင် သန်းခေါင်စာရင်းကောက်ခံရာတွင် ရိုဟင်ဂျာဟု လက်မခံဟု ထုတ်ပြန်ကြေညာခဲ့သည့် ဖြစ်စဉ်များ သည် တစ်ပတ်အတွင်း စဉ်ဆက်ဖြစ်ပွားခဲ့သည်။

သန်းကောင်စာရင်း ကောက်ယူမှုသည် ဧပြီ ၁၀ ရက်တွင် ပြီးဆုံးမည်ဖြစ်ရာသင်္ကြန်ရုံးပိတ်ရက်များအပြီး ဧပြီ ၂၁ ရက်တွင် နိုင်ငံတကာ အကူအညီပေးရေးအဖွဲ့များ ရခိုင်ပြည်နယ်အတွင်း ပြန်လည် ကူညီပေး နိုင်မည်ဟု ရခိုင်ပြည်နယ် အစိုးရ ပြန်ကြားရေးအဖွဲ့ဝင် ဦးဝင်းမြိုင်က ပြောဆိုခဲ့သည်။

စစ်တွေတွင် ဖြစ်ပွားခဲ့သည့် ဖြစ်စဉ်တွင်လည်း မတ် ၂၆ ရက် ညက Malteser အင်န်ဂျီအိုမှ နိုင်ငံခြားသူ အမျိုးသမီးကြောင့် စတင်ခဲ့သည့် ပဋိပက္ခသည် ၂၇ ရက်တွင် လည်း ထပ်မံဖြစ်ပွားခဲ့သည်ကို တွေ့ရပြီး စတင်ဖြစ်ပွားခဲ့သည့်နေ့တွင် အစိုးရက ဒေသငြိမ်းချမ်းအောင် မဆောင်ရွက်နိုင် ခဲ့သည်ကို တွေ့ရသည်။

စစ်တွေမြို့မိမြို့ဖ ဦးသန်းထွန်းက “လုံခြုံရေးအင်အားနည်းတယ် ဆိုတာထက် ပြဿနာဖြစ်ဖြစ်ချင်းမှာ အသုံး မပြုခဲ့တာဆိုရင် ပိုမှန်ပါလိမ့်မယ်။ လှုံ့ဆော်တဲ့အဖွဲ့တစ်ဖွဲ့ ရှိတာတော့ အသေအချာပါပဲ။ သုံးဘီးဆိုက် ကယ်နဲ့ အော်ဟစ်ပြီးကို ရုံးခန်းတွေ ဖြိုသွားတာပါ”ဟု မဇ္ဈိမကိုပြောသည်။

စစ်တွေ စုံစမ်းစစ်ဆေးရေး ကော်မရှင်၏ ထုတ်ပြန်ချက်တွင်လည်း “အချိန်တိုအတွင်း ထိရောက်သော ကာကွယ်မှုများ မပေးနိုင်ခြင်းကြောင့် ပျက်စီးဆုံးရှုံးမှုများ ဖြစ်ပေါ်ခဲ့”ဟု ထုတ်ပြန်ထားသည်။ ပဋိပက္ခ စတင် ဖြစ်ပေါ်ခဲ့သည့် နိုင်ငံခြားသူနှင့် ပတ်သက်၍မူ “သာသနာ့အလံကို မဖွယ်မရာ ပြုလုပ်လိုသော စိတ်ဆန္ဒ အလျှင်းမရှိကြောင်း ပေါ်ပေါက်သည်”ဟု ဖော်ပြထားသည်။

ရခိုင်ပြည်နယ်အတွင်းမှ ထွက်ခွာခဲ့ရသော နိုင်ငံတကာ အဖွဲ့အစည်းများကို အကူအညီပေးရေး လုပ်ငန်းများ ပြန်လည်ဆောင်ရွက်နိုင်ရန် ဗိုလ်ချုပ်မောင်မောင်အုန်း ဦးဆောင်သောအဖွဲ့က ဧပြီ ၁၀ ရက်တွင် ရခိုင်ပြည် နယ်သို့သွားရောက်၍ ဒေသခံများနှင့် ညှိနှိုင်းမှုများပြုလုပ်မည်ဟုဆိုသည်။

မဇ္ဈိမ

Mizzima - News in Burmese


ရှမ်းပြည်မြောက်ပိုင်း တိုက်ပွဲများကြောင့် နမ့်ခမ်းနှင့် တရုတ်နယ်စပ်သို့ ရွာသားများ ထွက်ပြေးတိမ်းရှောင်


တရုတ်စစ်သားများက ဒုတ္ခသည်များအား တရုတ်ဖက်ခြမ်းသို့ မဝင်ရန်တားစီးထားစဉ် (ဓာတ်ပုံ – စိုင်းဇင်မင်းအေး)

ရှမ်းပြည်နယ်မြောက်ပိုင်း နမ့်ခမ်းမြို့ပေါ်နဲ့ တရုတ်နယ်စပ်ဘက်မှာ တိုက်ပွဲများကြောင့် ကချင်ပြည်နယ်က ရာနဲ့ချီတဲ့ ရွာသားတွေ ထွက်ပြေးတိမ်းရှောင်လာကြတယ်လို့ နမ့်ခမ်း ကျားဖြူ ပါတီဥက္ကဋ္ဌ ဦးစိုင်းဆိုင်ဝမ်းက ဒီဗွီဘီကို ပြောပါတယ်။

ကချင်ပြည်နယ် မံစီမြို့နယ် မန်ဇန့်ကျေးရွာအနီး လွယ်ဟိုဆေတောင်ဘက်မှာ ဧပြီလ ၁၀ ရက် မနက် ၈ နာရီကနေ ညနေ ၂ နာရီကျော်ထိ ကေအိုင်အေ ကချင်လွတ်လပ်ရေးတပ်မတော်နဲ့ အစိုးရတပ်ကြား တိုက်ပွဲဖြစ်ပြီး လက်နက်ကြီးတွေနဲ့ ပစ်ခတ်နေတဲ့အတွက်  ရွာသားတွေ မနေရဲတော့ဘဲ  ထွက်ပြေးတိမ်းရှောင်လာကြတယ်လို့  ရွာသားတွေနဲ့ စကားပြောခဲ့ရတဲ့  ဦးစိုင်းဆိုင်ဝမ်းက ဆက်ပြောပါတယ်။

ရွာသားတွေဟာ မန့်ဆွမ်း၊ ကောင်းနောင်နဲ့ ကွန်ကျိုင်း စတဲ့ ရွာကဖြစ်ပြီး တချို့က နမ့်ခမ်းမြို့ ပေါ်မှာ ရှိတဲ့ ဆွေမျိုးအိမ်မှာ ၀င်ရောက်ခိုလှုံနေကြသလို တချို့ကလည်း တရုတ်နယ်စပ်ဘက်ကို ထွက်ပြေးသွားကြောင်း၊ ထွက်ပြေးသူ လူဦးရေ အတိအကျ မသိရပေမယ့်လည်း အိမ်ခြေ ၃၀၀ ကျော်ရှိတဲ့ မန့်ဆွမ်းကျေးရွာမှာဆိုရင် ရွာလုံးကျွတ်ပြေး လာတဲ့အတွက် အားလုံးရာနဲ့ချီ ရှိနိုင်တယ်လို့ သူက ခန့်မှန်းပြောဆိုပါတယ်။

ထွက်ပြေးလာသူတွေ အများစုဟာ ရှမ်းရွာက ဖြစ်ပြီး သူတို့ကို ကူညီနိုင်မယ့် နည်းလမ်းတွေ ရှာဖွေဖို့ ကျားဖြူပါတီအဖွဲ့ဝင်တွေ ဒီကနေ့ ညနေခင်းမှာ အရေးပေါ်အစည်းအဝေးတရပ်လုပ်ဖို့ ခေါ်ယူထားတယ်လို့ ဦးစိုင်းဆိုင်ဝမ်းက ဒီဗွီဘီကို ပြောသွားပါတယ်။

ဒီပစ်ခတ်မှုတွေနဲ့ ပတ်သက်လို့ အစိုးရဘက်ကရော ကေအိုင်အိုဘက်ကရော ထုတ်ပြန်ချက် တစုံတရာ မရှိသလို ဒီဗွီဘီကလည်း ဆက်သွယ်မေးမြန်းလို့ မရသေးပါဘူး။

ဒီပစ်ခတ်မှုဟာ အစိုးရနဲ့ တိုင်းရင်းသား လက်နက်ကိုင်တော်လှန်ရေး အဖွဲအစည်းတွေအကြား တနိုင်ငံလုံး အပစ်အခတ်ရပ်စဲရေး သဘောတူညီချက် ပထမမူကြမ်းကို ရေးဆွဲပြီးကြောင်း ထုတ်ပြန်ပြီး တရက်အကြာ ဖြစ်ပွားခဲ့တာဖြစ်ပါတယ်။

DVB Burmese

သဘာဝကို လွန်ဆန်ဖို့ မကြိုးစားပါနဲ့



တစ်နေ့မှာ အဘိုးအို တစ်ယောက်ဟာ ရေနစ်နေသော ကင်းမြီးကောက် တစ်ကောင်ကို တွေ့ခဲ့တယ်။ ထိုအခါ သူဟာ ကယ်ဖို့ ဆုံ့းဖြတ် လိုက်ပါတယ်။ အဘိုးအိုဟာ ကင်းမြီးကောက်၏ လက်ကို ကိုင်လိုက်တဲ့ အခါ ကင်းမြီးကောက်က အဘိုးအိုအား ကိုက်လိုက်ပါတယ်။

ထိုအခါ အဘိုးအိုဟာ လက်ကို ခါရမ်းလိုက်တယ်။ ကင်းမြီးကောက်ကို မကယ်နိုင်တဲ့ အပြင် လက်လည်း အရမ်းနာကျင် သွားတယ်။ အဘိုးအို ကယ်မြီးကောက်ကို ကယ်တင်နေတာကို ဘေးနားကနေ ကောင်လေး တစ်ယောက်က ရပ်ကြည့် နေပါတယ်။

ထိုအခါ ကောင်လေးက အဘိုးအိုကို အခုလိုပြောတယ်...

" အဘိုး ကင်းမြီးကောက်က အဆိပ်ရှိတယ် ဘာကြောင့် ကယ်ရတာလည်း "

" ကင်းမြီးကောက်ဆိုတာ ကတော့ ကိုက်တတ်တဲ့ သတ္တဝါမို့လို့ ကိုက်မှာပဲ "

ကောင်လေး နားမလည် ဖြစ်သွားတယ်။ ထိုအချိန်မှာပဲ အဘိုးအိုဟာ ဘေးနားမှာ ရှိတဲ့ သစ်ရွက် တစ်ရွက်ကို အသုံးပြုပြီး ကင်းမြီးကောက်ကို ကယ်လိုက်တယ် ဆိုပါတော့။

ထိုအခါ ကင်မြီးကောက်လည်း မြေပေါ်သို့ရောက်ရှိ သွားပြီး အသက်ဘေးမှ လွတ်မြောက် သွားပါတယ်။

အဘိုးအိုက ကောင်းလေးကို နောက်ထပ် စကားတစ်ခွန်း ထပ်ပြီးပြော လိုက်ပါတယ်..

လောကမှာ သဘာဝတရားဆိုတာ ပြောင်းလဲလို့ မရတဲ့ အရာပဲ။ ပြောင်းလဲရမှာက လူတွေရဲ့စိတ်။

ကင်းမြီးကောက်ကတော့ ကိုက်တတ်တဲ့ သတ္တဝါ မိုလို့ ကိုက်မှာပဲ။

ကျော်လင်းနိုင် (ရိုးရာလေး)



NGO ရုံးတွေကိုအကြမ်းဖက်တာ လှုံ့ဆော်တဲ့အဖွဲ့ရှိတယ်လို့ ဗိုလ်ချုပ်မောင်မောင်အုန်းပြော


စစ်တွေမှာ ကုလသမဂ္ဂနဲ့ နိုင်ငံတကာ ကူညီကယ်ဆယ်ရေးရုံးတွေကို အကြမ်းဖက်တိုက်ခိုက်ခဲ့တာဟာ မမှန်မကန် စည်းရုံးလှုံ့ဆော်ခဲ့တဲ့အဖွဲ့ရဲ့ ပယောဂကြောင့်ဖြစ်တယ်လို့ ရခိုင်စုံစမ်းစစ်ဆေးရေးကော်မရှင် ဥက္ကဌက ပြောလိုက်ပါပြီ။ ဘယ်အဖွဲ့က ဘယ်သူတွေက ဒီလိုလှုံ့ဆော်ခဲ့တာလဲ။

စစ်တွေဒေသခံ ၁၂ယောက်ကို ဖမ်းဆီးစစ်ဆေးမှုတွေ လုပ်နေပြီး Malteser International အဖွဲ့က အမေရိကန်နိုင်ငံသူဟာ သာသနာ့အလံကို ဖယ်ရှားပြီး မဖွယ်မရာလုပ်တယ်လို့ မမှန်မကန် ဝါဒဖြန့်သွေးထိုးလှုံ့ဆော်တဲ့အဖွဲ့ကိုတော့ အခုထိ မစုံစမ်း မဖော်ထုတ်နိုင်သေးဘူးလို့ ဗိုလ်ချုပ် မောင်မောင်အုန်းက ဆိုပါတယ်။

ရခိုင်တိုင်းရင်းသားတွေဟာ ရိုးသားပေးမယ့် ဥပဒေနဲ့အညီနေထိုင်ဖို့လိုတဲ့အကြောင်း၊ ကုလသမဂ္ဂနဲ့ နိုင်ငံတကာအဖွဲ့အစည်းတွေကို တိုက်ခိုက်လိုတာထက် ဝန်ထမ်းအချို့ရဲ့ဆောင်ရွက်ချက်ကို မကျေနပ်တဲ့ စိတ်ခံစားချက်ကနေ ဒီအကြမ်းဖက်တဲ့အထိ ဖြစ်ခဲ့ရတာလို့ ဧပြီ ၉ရက်နေ့က သတင်းစာရှင်းလင်းပွဲမှာ ဆိုပါတယ်။

ဒီလို ပဋိပက္ခမဖြစ်ဖို့ အရေးပေါ်ပေါင်းစပ်ညှိနှိုင်းရေးဌာန ECC ကို ပြည်နယ်အဆင့်ဖွဲ့လိုက်ပြီး ရခိုင်ပြည်နယ်ကို နိုင်ငံတကာ ကူညီထောက်ပံ့ရေးအဖွဲ့တွေ ပြန်လည်လုပ်ကိုင်နိုင်ဖို့ အမြန်ဆုံးလုပ်သွားမယ်လို့ ဆိုပါတယ်။ စစ်တွေပဋိပက္ခ ပြစ်မှုကျူးလွန်သူနဲ့ ပြည်နယ်အစိုးရရဲ့ အားနည်းချက်ရှိသလို ဒေသခံလူထုကိုယ်တိုင်က ပူးပေါင်းဖြေရှင်းမှု အားနည်းတယ်လို့ အပြစ်တင်ခဲ့ပါတယ်။

ဒီလိုပဋိပက္ခတွေဖြစ်နေရင် တိုင်းပြည်ဘယ်တော့မှ ငြိမ်းချမ်းမှာမဟုတ်ဘူးလို့ ဗိုလ်ချုပ်မောင်မောင်အုန်းက သတိပေးလိုက်ပြီး တိုင်းပြည်နဲ့ တိုင်းရင်းသားတွေရဲ့ ဂုဏ်သိက္ခာ ကျဆင်းခဲ့ရတယ်လို့ ဆိုပါတယ်။ ကုလသမဂ္ဂရဲ့ လူသားချင်းစာနာတဲ့ ကူညီထောက်ပံ့မှုတွေကို ဒေသခံတွေ နားမလည်တဲ့အတွက် စိတ်မကောင်းဖြစ်ရတဲ့အကြောင်းနဲ့ ရခိုင်လူထုနဲ့ နီးနီးကပ်ကပ် ပူးပေါင်းလိုပြီး နားလည်မှုလွဲတာတွေကို ဖြေရှင်းလိုတယ်လို့ ကုလသမဂ္ဂ ဌာနေညှိနှိုင်းရေးမှူးက ဆိုပါတယ်။

Kamayut Media

နေအိမ်တွင် ညအိပ်တည်းခိုသူမှ ပစ္စည်းများခိုးယူသွားသဖြင့် အရေးယူပေးရန်တိုင်တန်း


ရန်ကုန်၊ ဧပြီ ၁၀

သာကေတမြို့နယ်နေ ဦးသိန်းမြင့်မှ ၎င်းသည် ၈.၄.၂၀၁၄ရက်နေ့ ၂၄၀၀ အချိန်ခန့်တွင် နေအိမ်၌ ရှိနေစဉ် လွန်ခဲ့သောတစ်လခန့်ကစ၍ ခင်မင်ရင်းနှီးခဲ့သူ ပန်းဘဲတန်းမြို့နယ်နေ မန၀ရတ်ထွန်း(ခ)သွန်းသံသာ (၂၅)နှစ်မှာ ၎င်း၏နေအိမ်သို့ အငှားယာဉ်ဖြင့်ရောက်ရှိလာကာ မပြန်လိုတော့ကြောင်း၊ ညအိပ်လိုကြောင်းပြောသဖြင့် အိပ်ခွင့်ပြုခဲ့ပြီး တစ်ယောက်တစ်နေရာစီအိပ်ခဲ့ကြောင်း၊ ၄.၄.၂၀၁၄ ရက်နေ့၀၄၀၀အချိန်ခန့်
တွင် အိပ်ယာမှနိုးစဉ် မန၀ရတ်ထွန်း(ခ)သွန်းသံသာ ကိုမတွေ့ရှိရတော့
ကြောင်း၊ ၎င်းမှ မသင်္ကာ၍ နေအိမ်အတွင်းစစ်ဆေးကြည့်ရာ သံသေတ္တာ
အတွင်းမှ ငွေကျပ်သိန်း(၂၀)၊ မန၀ရတ်ထွန်းပေါင်နှံထားသဖြင့် ၎င်းမှ
ရွေးပေးထားသည့် စိန်လက်စွပ်(၁)ကွင်း၊ စိန်လော့ကတ် သီး(၁)ခုနှင့်
ငွေကျပ်(၁၀)သိန်း၊ မှတ်ပုံတင်၊ ၎င်း၏ငွေကျပ်သိန်း(၃၀၀)ခန့်ရှိ ဘဏ်စာအုပ်(၁)အုပ်တို့ ထည့်ထားသော ဘေးလွယ်အိတ်(၁)လုံးမှာ
ပျောက်ဆုံးနေသည်ကိုတွေ့ရှိရကြောင်းနှင့် ယင်းကဲ့သို့ခိုးယူသွားသူ မန၀ရတ်ထွန်း(ခ)သွန်းသံသာ ကိုအရေးယူပေးပါရန်တိုင်တန်းလာခဲ့
ပါသည်။

ထိုသို့တိုင်တန်းချက်အရ မန၀ရတ်ထွန်း(ခ)သွန်းသံသာကို သာကေတမြို့မ
ရဲစခန်း(ပ)၁၄၉/၂၀၁၄၊ ပြစ်မှုပုဒ်မ ၃၈၀ဖြင့်အမှုဖွင့်ကာဖမ်းဆီးရမိရေးစုံစမ်း
ဆောင်ရွက်လျက်ရှိကြောင်း သတင်းရရှိပါသည်။

Yangon Police

လင်မယားချင်း စကားများရာက လက်ပစ်ဗုံးနဲ့ထပစ်




သီဟနိုင် on 2014-04-10 12:38
 လင်မယားချင်း စကားများကြတဲ့ နောက်ဆက်တွဲအနေနဲ့ ယောကျာ်းဖြစ်သူက လမ်းထဲမှာရှိနေတဲ့ မိန်းမကို လက်ပစ်ဗုံးနဲ့ ပစ်ခဲ့တယ်ဆိုတဲ့ အမှုတစ်ခုတက်လာပါတယ်။ အဲ့ဒီ့နောက်မှာတော့ မိန်းမဖြစ်သူရဲ့ ၀မ်းဗိုက်က ဗုန်းဆန်တွေကို ဖယ်ရှားဖို့အတွက် ခွဲစိတ်ကုသမှု ခံယူနေရပါတယ်။
Switzerland, Aargau ဒေသမှာ ဖြစ်ပွားခဲ့တဲ့  အမှုနဲ့ပတ်သတ်ပြီး အသက် ၅၅နှစ်ရှိပြီဖြစ်တဲ့ Bosnia နိုင်ငံသားဟာ အစစ်ဆေး အမေးမြန်းခံနေရပါတယ်။

SDA သတင်းအေဂျင်စီရဲ့ သတင်းထုတ်ပြန်ချက် တစ်ရပ်အရ အသက် ၅၉နှစ်ရှိ အမျိုးသမီးဟာ သူ့ယောကျာ်းရဲ့ ခပ်တန်းတန်း ဆက်ဆံမှုကို ခံခဲ့ရပါတယ်။ သူမဟာ အခင်းဖြစ်ပြီး ၁နာရီလောက် ကြာမှ ရဲတွေဆီ အကြောင်းကြားတယ်လို့ သိရပါတယ်။

သူမဟာ အစပိုင်းမှာတော့  လက်ချောင်း တစ်ချောင်းပဲ ဒဏ်ရာရတာပါဆိုပြီး အမှုကို သေးအောင် လုပ်ဖို့ ကြိုးစားခဲ့ပါတယ်။

ဒါပေမဲ့ ဆေးရုံးရဲ့ ဖြောင့်ချက်မှာတော့ သူမရဲ့ ၀မ်းဗိုက်မှာ ဗုံးဆန်များထိထားပြီး ဝေဒနာ ခံစားနေရတယ်လို့ တင်ပြထားပါတယ်။

စုံစမ်းစစ်ဆေးသူတွေဟာ လမ်းပေါ်က လက်ပစ်ဗုံး အစအနတွေကို ရှာဖွေတွေ့ရှိခဲ့ပါတယ်။ အဲ့ဒီ့ လက်ပစ်ဗုံးရဲ့ ပေါက်ကွဲမှုအားပြင်းလွန်းလို့ အနီးအနားက ပြူတင်းပေါက်ကိုပါ ထိမှန်ခဲ့တယ်လို့ သိရပါတယ်။

Ref:dailymail.co.uk

Trend Myanmar

ဖုန်းကို စက္ကန့် ၃၀ တည်းနဲ့ အားအပြည့်သွင်းနိုင်မည့် ဘက်ထရီ ပေါ်ပြီ




ဖုန်းများ၌သုံးစွဲသည့် ဘက် ထရီနည်းပညာသစ်ကို Tel Aviv ၌ ပြုလုပ်သော နည်းပညာကွန်ဖ ရင့်တွင် ထုတ်ဖော်ပြသခဲ့ပြီး အဆိုပါ နည်းပညာသုံးစွဲထား သည့် ဘက်ထရီမှာ အားဖြည့်ရန် စက္ကန့် ၃၀ သာ ကြာမြင့်သည်။

အဆိုပါ ဘက်ထရီကို အား ကုန်နေသည့် Samsung S4 စမတ်ဖုန်း၌ တပ်ဆင်အသုံးပြု သည့်အခါ၌ အားပြန်လည်ဖြည့် ရန်အတွက် ၂၆ စက္ကန့်သာ ကြာ မြင့်ခဲ့သည်။

အဆိုပါ ဘက်ထရီမှာ စမ်း သပ်အဆင့်သာရှိသေးပြီး သုံးနှစ် အတွင်းဖြန့်ချိသွားဖွယ်ရှိသည်။

Store Dot တည်ထောင်သူ Dr Doron Myersdorf က ဘက် ထရီထုတ်လုပ်မှုလောက၌ နည်း ပညာအသစ်ကို မိတ်ဆက်နိုင်ခဲ့ ပြီးဖြစ်ကြောင်းနှင့် အဆိုပါ နည်း ပညာမှာ ရူပဗေဒအသစ်၊ ဓာတု ဗေဒအသစ်နှင့် device များအ တွက် ချဉ်းကပ်မှုအသစ်ဖြစ် ကြောင်းဆိုသည်။

Dr Mysesdorf က ယခု ထွက်ပေါ်လာမည့် ဘက်ထရီမှာ လက်ရှိဈေးကွက်ထဲရှိ ဘက်ထရီ များထက် ၃၀ မှ ၄၀ ရာခိုင်နှုန်းအ ထိ ဈေးပိုများနိုင်မည်ဟု ပြော သည်။

—Ref: BBC
7Day Daily

ဆရာဖြစ်သူ၏ အရိုက်လွန်မှုကြောင့် တပည့်ဖြစ်သူသေဆုံး



ကျောင်းသား ခေါင်းကို ခါး ပတ်နဲ့ အကြိမ်ကြိမ် ပြင်းထန်စွာ ရိုက်နှက်မှုကြောင့် ရရှိသော ဒဏ်ရာဖြင့် ကျောင်းသား သေဆုံးသွားသဖြင့် တောင်အာဖရိက ကျောင်းဆရာ တစ်ယောက် ကို လူသတ်မှုဖြင့် ဖမ်းဆီး စစ်ဆေးလျက် ရှိကြောင်း သိရ သည်။

ဆရာ၏ ရိုက်နှက် မှုကြောင့် အသက် ၁၆ နှစ် အရွယ် ကျောင်း သား ဆီဇယ်ကူဟီကာ သည် မျက်နှာများ ရောင်ကိုင်းကာ နားပါထိုင်းသွား ပြီးနောက် သေဆုံး သွားခြင်းဖြစ် ကြောင်း မိခင်ဖြစ်သူက ဒေသတင်း စာ အမေ သို့ ပြောသည်။ သေဆုံးသွား သော ကျောင်းသား အပါအ၀င် အခြား ကျောင်းသား အချို့ စာသင်ခန်းတွင်း ဆူညံ သောကြောင့် ပြစ်ဒဏ် ပေး ခြင်းဖြစ်သည် ဟု သိရသည်။

““ဆရာကို ဖမ်းဆီး ထိန်းသိမ်း ထားပါတယ်။ ကျောင်းသားကို ကိုယ်စိတ် ထိခိုက် လောက်အောင် ရိုက်နှက် ဆုံးမတာမျိုးကို တောင်အာဖရိက မှာ တားမြစ် ထားတဲ့ အတွက် ပြစ်ဒဏ်ကြီးကြီး ခံရနိုင်ခြေ ရှိနေပါတယ်””ဟု အခင်းဖြစ်ပွားရာ ဂေါင်တန်ပြည်နယ် ပညာရေး ၀န်ကြီး ဌာန ပြောရေး ဆိုခွင့်ရှိသူ ဖမ်မလာ ဆက်ဟွန်ရိန်း က ပြောကြား သည်။

ရိုက်နှက်မှု ဖြစ်ပွားသည့် မတ်လ ၁၇ ရက်နေ့ ကျောင်းဆင်းချိန် သည် သားဖြစ်သူသည် ပါးလ်စပရင်းမြို့ရှိ အိမ်သို့ပြန်လာ သည်တွင် ခေါင်း တအားကိုက် သည်ဟု ညည်းညူပြီး ပြန်လာကြောင်း မိခင်ဖြစ်သူ က ပြော သည်။ မိဘ နှစ်ယောက်လုံး အလုပ် လက်မဲ့ဖြစ်ကာ အစိုးရ ထောက်ပံ့ ကြေးဖြင့် နေရသည်ဖြစ်သော ကြောင့် ဆေးရုံ မသွားနိုင်ဘဲ အိမ်တွင်သာ အကိုက်အခဲ ပျောက် ဆေးတိုက်ခဲ့ရ ကြောင်း မိခင်ဖြစ်သူက ပြောသည်။

““ကျွန်မသား နောက်ဆုံး အချိန် နားရောက်တော့ ကျွန်မတို့ ပြောတာလည်း မကြားတော့ဘူး။ မြင်လည်း မမြင်တော့ဘူး””ဟု မိခင်ဖြစ်သူ မစ္စစ်ကူဟီကာ က ပြောသည်။

တောင်အာဖရိက နိုင်ငံတွင် ၁၉၉၆ ခုနှစ်မှ စပြီး ကျောင်းသားများ အား ကိုယ်စိတ်ထိခိုက် သည်အထိ ရိုက်နှက်ခြင်း ကို တားမြစ်ထား သည်။ သို့ဖြစ်သည့် တိုင် ကျောင်းသား ထက်ဝက် နီးပါးသည် ယခုထိ တိုင် ရိုက်နှဏ် ခံနေရ ဆဲဖြစ်ကြောင်း ကိပ် တောင်းမြို့ အခြေစိုက် တရားမျှတ မှုနှင့် မှုခင်း ကာကွယ်ရေး စင်တာက ထုတ်ပြန် ပြောကြား သည်။

Source: BBC
The Messenger


ယုဇနပလာဇာဈေးတွင် အဲယားကွန်း ဂတ်စ်ပိုက်ပေါက်ထွက်




ရန်ကုန်၊ ဧပြီ ၁၀

၁၀.၄.၂၀၁၄ ရက်နေ့၀၉၁၅ အချိန် မင်္ဂလာတောင်ညွန့်မြို့နယ်၊
သာယာကုန်းရပ်ကွက်၊ ယုဇနပလာဇာဈေး(ပ)ထပ်ရှိ ဆိုင်အမှတ်
ဂျေ-၂/၃/၄၊ဝေဒီ ဖိနပ်ဆိုင်ရှေ့မျက်နှာကျက်အတွင်း ယုဇနပလာဇာ
အုပ်ချုပ်ရေးမှူးရုံးမှ တာဝန်ယူတပ်ဆင်ထားသော မီဆူဘီရှီအမျိုအစား (၁၀)ကောင်အားအဲယားကွန်းနှင့်ဆက်သွယ်တပ်ဆင်ထားသည့်
၅ မူးလုံးအရွယ်ရှိကြေးဂက်စ်ပိုက်မှာ ပေါက်ထွက်မှုဖြစ်ပွားခဲ့သည်။

ထိုသို့ အဲယားကွန်းဂတ်စ်ပိုက်ပေါက်မှုကြောင့် လူထိခိုက်ဒဏ်ရာရရှိမှု
မရှိကြောင်းနှင့် မျက်နှာကျက်အတွင်းရှိဖုံမှုန့်များမှာ လေ၀င်ပေါက်မှ
တစ်ဆင့် စံပယ်လမ်းဘက်သို့ ပြန့်လွင့်သွားခဲ့ကြောင်း သိရှိရပါသည်။

အဆိုပါအဲယားကွန်းဂတ်စ်ပိုက်အား ယုဇနပလာဇာဈေးအုပ်ချုပ်ရေးအဖွဲ့မှ
ပြန်လည်ပြုပြင်ဆောင်ရွက်လျက်ရှိကြောင်း သတင်းရရှိပါသည်။

Yangon Police

ကုမ္ပဏီဒါရိုက်တာ၏ယာဉ်ကို ကုမ္ပဏီမှ ယာဉ်မောင်းကခိုးယူသွားသဖြင့် အရေးယူပေးရန်တိုင်တန်း




ရန်ကုန်၊ ဧပြီ ၁၀

၈.၄.၂၀၁၄ရက်နေ့ ၁၂၃၀အချိန်ကမာရွတ်မြို့နယ်နေကုမ္ပဏီဒါရိုက်တာ
ဖြစ်သူဒေါ်အေးအေးမှ ၎င်းသည် ဗဟန်းမြို့နယ်၊ဆရာစံရပ်ကွက်၊
ပုလဲကွန်ဒိုမြေညီထပ်ရှိ အလှပြင်ဆိုင်သို့ ၎င်း၏ ယာဉ်အမှတ် ၃ဃ/---- ဆက်စီယာဆလွန်အဖြူရောင်ကိုယ်ပိုင်ယာဉ်ဖြင့် ခေါင်းလျှော်ရန်သွားရောက် ခဲ့ပြီး ယာဉ်ကိုဆိုင်ရှေ့တွင် သော့ခတ်ရပ်ထားခဲ့ကြောင်း၊ ၎င်းဆိုင်တွင်
ခေါင်းလျှော်နေစဉ် ယာဉ်၏သော့အား ဆိုင်ရှိမှန်တင်ခုံပေါ်တွင် တင်ထား
ခဲ့ကြောင်း၊ ခေါင်းလျှော်ပြီး၍ ယာဉ်သော့ အားကြည့်ရာ မတွေ့ရှိတော့ဘဲ ယာဉ်မှာလည်း ပျောက်ဆုံးနေခဲ့ကြောင်း၊ ထိုသို့ယာဉ်ပျောက်ဆုံးနေသဖြင့်
စုံစမ်းခဲ့ရာ ၎င်း၏ကုမ္ပဏီမှ ခွင့်(၁)ရက်ယူထားသည့် ယာဉ်မောင်းဖြစ်သူ
ရန်နိုင်ထွန်း၊(ဘ)ဦးဌေးလွင်၊ စောရန်ပိုင်တောင်ရပ်ကွက်နေသူမှခိုးယူ
မောင်းနှင်သွားခဲ့သည်ကိုသိရှိခဲ့ရပြီး ယာဉ်မှာသန်လျင်မြို့နယ်တွင် ယာဉ်တိုက်မှုဖြစ်ကာ ၀ဲဘက်ဘေးခြမ်းပျက်စီးလျက်ရှိနေသည်ကို သိရှိခဲ့ရ
ကြောင်းနှင့် ယင်းကဲ့သို့ ယာဉ်ကိုခိုးယူသွားခဲ့သူ ရန်နိုင်ထွန်းအား အရေးယူပေးရန် တိုင်တန်းလာခဲ့ပါသည်။

ထိုသို့တိုင်တန်းချက်အရ ရန်နိုင်ထွန်းအားဗဟန်းမြို့မရဲစခန်း(ပ)၁၂၉/၂၀၁၄၊
ပြစ်မှုပုဒ်မ ၃၈၁ဖြင့် အမှုဖွင့်လှစ်ပြီး ဖမ်းဆီးစစ်ဆေးလျက်ရှိကြောင်း သတင်းရရှိပါသည်။

Yangon Police

ထိုင်းနိုင်ငံအလယ်ပိုင်းတွင် ကားမတော်တဆ ထိခိုက်ဖြစ်မှုကြောင့် မြန်မာ ၁ ဦး သေဆုံး


ထိုင်းနိုင်ငံအလယ်ပိုင်း နခွမ်းဆ၀မ်ခရိုင် ဖဟွန်ယိုးထင်းလမ်းမပေါ်မှာ မြန်မာ ၇ ဦး လိုက်ပါ စီးနင်းလာတဲ့ မှန်လုံကားတစီး မတော်တဆ ယာဉ်တိုက်မှု ဖြစ်ပွားပြီး အမျိုးသမီး ၁ ဦး သေဆုံးကာ ၆ ဦး ဒဏ်ရာရတယ်လို့ မန်နေဂျာအွန်လိုင်း ထိုင်းသတင်းမှာ ဖော်ပြပါတယ်။

ဓာတ်ပုံ – manager.co.th

နခွမ်ဆ၀မ်ခရိုင် ဖယုဟဆီရီမြို့မရဲစခန်း တာဝန်ကျစခန်းမှူးးက သတင်းထောက်တွေကို ပြောကြားခဲ့တာမှာ ဧပြီ ၈ ရက် မနက် ၅ နာရီခွဲလောက်က ဖယုဟဆီရီဆေးရုံကြီးအနီး လမ်းဆုံမှာ ယာဉ်တိုက်မှု ဖြစ်ပွားကြောင်း သတင်းပေးချက်အရ လူနာတင်ယာဉ်တွေနဲ့အတူ သွားရောက်ခဲ့ကြောင်း၊ ဆေးရုံနဲ့ မီတာ ၅၀၀ ကွာဝေးတဲ့နေရာမှာ အဖြူရောင် မှန်လုံကား ၁ စီသစ်ပင်နဲ့ ၀င်ဆောင့်ထားတဲ့ ဒဏ်တွေနဲ့ အတူ လူနာတွေ လွင့်စင် ပြန့်ကျဲနေတာ တွေ့ရကြောင်း ၊ ကားရဲ့ အပြင်ဘက်မှာ အသက် ၃၅နဲ့ ၄၀ ကြားအရွယ်ရှိ အမျိုးသမီး သေဆုံးနေပြီး ကားသမား အပါအ၀င် ၇ ဦး ဒဏ်ရာရရှိကြောင်း၊ အားလုံးကို အနီးက ဆေးရုံကို ပို့ဆောင်ပေးခဲ့ပြီး ၃ ဦးမှာ ဒဏ်ရာပြင်းထန်တယ်လို့ ဆိုပါတယ်။
ဆက်လက်စစ်ဆေးချက်အရ ကားပေါ်ပါလာသူတွေ ၇ ဦးစလုံးဟာ မြန်မာလူမျိုးတွေ ဖြစ်ပြီး ဘန်ကောက်ကနေ မဲဆောက်ကို သွားပြီး အဲဒီကနေတဆင့် မြန်မာပြည်ထဲ ပြန်ဝင်ဖို့ ဖြစ်ကြောင်း ၊ သူတို့ဟာ ကားကို စင်းလုံးငှားခဲ့တာ ဖြစ်ပြီး ကားသမားက ကားကို အမြန်မောင်းတဲ့အတွက် မီးပွိုင့်လမ်းဆုံအလွန် အရှိန်နဲ့ လမ်းဘေးထိုးကျကာ သစ်ပင်နဲ့ ၀င်ဆောင့်မိခဲ့တယ်လို့ စခန်းမှူး က ပြောပါတယ်။

လောလောဆယ် လ၀ကရဲဘက်က အဲဒီ မြန်မာနိုင်ငံသားတွေကို တရားဝင် အထောက်အထားရှိ၊ မရှိ စစ်ဆေးနေပြီး ကားမောင်းသမားကိုလည်း ယာဉ်စည်းကမ်း ချိုးဖောက်မှုနဲ့ စစ်ဆေးအရေးယူဖို့ ရှိကြောင်း၊ ဒါပေမယ့် ယာဉ်မောင်းသူမှာ ဒဏ်ရာပြင်းထန်တဲ့အတွက် ထွက်ဆိုချက်မပေးနိုင်သေးဘူးလို့ စခန်းမှူးးက သတင်းထောက်တွေကို ပြောသွားပါတယ်။

DVB Burmese

သမီးကလေးရွာသားတွေအတွက် ဒေါက်တာစင်သီယာမောင် ဆေးခန်းဖွင့်လှစ် ကူညီ


ဓာတ်ပုံ – မျိုးဇော်လင်း

သမီးကလေးကျေးရွာကနေ အဓမ္မရွှေ့ပြောင်းခံခဲ့ရတဲ့ ရွာသားတွေအတွက် နယ်စပ်နေ ပြည်သူတွေကို ကူညီပေးနေတဲ့ ဒေါက်တာစင်သီယာမောင်က ယာယီဆေးခန်း ဖွင့်လှစ်ပြီး ကျန်းမာရေးစောင့်ရှောက်မှု ပေးနေပါတယ်။

နေအိမ်တွေ ဖျက်ဆီးခံလိုက်ရတဲ့ လှည်းကူးမြို့နယ် သမီးကလေးကျေးရွာက ဒေသခံတွေကို ဒီကေဘီအေ ကရင်လက်နက်ကိုင်တပ်ဖွဲ့က မြ၀တီကျောက်ခတ်ကျေးရွာမှာ နေစရာပေးခဲ့ပြီးနောက် ရွာသားတွေရဲ့ ကျန်းမာရေးနဲ့ စားဝတ်နေရေးအတွက် ပြင်ပအကူအညီတွေ လိုအပ်နေတာ ဖြစ်ပါတယ်။



လတ်တလော ကျန်းမာရေးအကူအညီအတွက် ဒေါက်တာစင်သီယာမောင်က ယာယီ ဆေးခန်း ဖွင့်လှစ် ကူညီပေးနေတဲ့အကြောင်း ပြောင်းရွှေ့ခိုင်းခံထားရတဲ့ အောင်သိဒ္ဓိ ဘုန်းတော်ကြီးကျောင်းထိုင် ဆရာတော် ဦးအဂ္ဂဓမ္မက မိန့်ပါတယ်။
ကျောက်ခတ်ကျေးရွာမှာ လက်ရှိ အိမ်ခြေ ၈၀ ကျော်ရှိပြီး နောက်ထပ်ပြောင်းလာတဲ့သူက ၂၀၀ ကျော်လောက် ရှိနေတာ ဖြစ်ပါတယ်။

ပိုမို တိုးပွားလာတဲ့လူဦးရေကြောင့် ကျေးရွာလူထုရဲ့ ကျန်းမာရေးကို အစိုးရက ကူညီ ဆောင်ရွက်ပေးသင့်တယ်လို့ ကျောက်ခက်ရွာသား ရပ်မိရပ်ဖတဦးက ပြောပါတယ်။

အစိုးရက ရန်ကုန်တိုင်း လှည်းကူးမြို့နယ်အတွင်းမှာ ရှိတဲ့နေအိမ်တွေ ဖျက်ဆီးလိုက်တဲ့ အတွက် သမီးကလေးကျေးရွာ၊ အင်းပတီးကျေးရွာနဲ့ ထော်ကာလီကျေးရွာက အိမ်ထောင်စု ၉၀ ကျော်ကို ဒီကေဘီအေက နယ်စပ်မြို့ဖြစ်တဲ့ မြ၀တီမြို့နယ် မြိုင်သာယာကျောက်ခတ်ကျေးရွာမှာ ဧပြီ ၅ ရက်နေ့က နေစရာပေးခဲ့တာ ဖြစ်ပါတယ်။
ကျောက်ခတ်ကျေးရွာမှာ လာရောက်နေထိုင်သူအများစုဟာ ကြုံရာကျပန်း လုပ်ကိုင် စားသောက်နေရသူတွေ ဖြစ်ပါတယ်။

ဒီကေဘီအေတပ်ဖွဲ့က ဗိုလ်မှူးစောဆန်းအောင်ကတော့ မြန်မာနိုင်ငံအတွင်း အ်ိမ်ရာအဖျက်ခံလိုက်ရလို့ နေစရာ ဒုက္ခရောက်နေတဲ့ ဘယ်တ်ိုင်းရင်းသားမဆို ဆက်လက် အကူအညီ ပေးသွားမယ်လို့ ပြောပါတယ်။

အသံဖိုင် နားဆင်ရန်
DVB Burmese

ပြင်သစ်နိုင်ငံကို မူးယစ်ဆေးခိုးသွင်းခဲ့သူလို့ သံသယရှိတဲ့ ဗြိတိန်နိုင်ငံသားတဦးကို ထိုင်းရဲဖမ်းဆီး

ဓာတ်ပုံ – AP

၂၀၀၈ ခုနှစ်က ပြင်သစ်နိုင်ငံကို မူးယစ်ဆေးခိုးသွင်းခဲ့သူလို့ သံသယရှိတဲ့ ဗြိတိန်နိုင်ငံသားတဦးကို ပြီးခဲ့တဲ့ ဧပြီ ၉ ရက်နေ့က ထိုင်းရဲတွေက ဖမ်းဆီးခဲ့ရပါတယ်။

အသက် ၅၄ နှစ်အရွယ် မိုက်ကယ်အလန်ဖရန့်စ်ဟာ အခြားအပေါင်းပါ ၄ ဦးနဲ့ ပြင်သစ်နိုင်ငံ မြောက်ပိုင်းမှာ ကိုကင်းနဲ့ ဘိန်းဖြူ စုစုပေါင်း ၃၇၅ ကီလို ၂၀၀၈ ခုနှစ်က ခိုးသွင်းခဲ့တယ်လို့ ထိုင်းရဲတွေက ဆိုပါတယ်။


ဖရန့်စ် (France)ဟာ ပြင်သစ်နိုင်ငံကနေ ထွက်ပြေးလာပြီး ၂၀၀၈ ခုနှစ် အောက်တိုဘာလကတည်းက ထိုင်းနိုင်ငံမှာ ၀င်ရောက်နေထိုင်နေတာ ဖြစ်ပါတယ်။
ထိုင်းအမျိုးသမီးတဦးကို လက်ထပ်ထားပြီး ထိုင်းနိုင်ငံတောင်ပိုင်း ပက်ချဘူရီခရိုင် ချာအမ်မြို့က အဆင့်မြင့်ကွန်ဒိုမီနီယံတခုကို ၀ယ်ယူ နေထိုင်နေတာလည်း ဖြစ်ပါတယ်။
ထိုင်း လူဝင်မှုရဲကော်မရှင်နာမင်းကြီး ပနုခပ်ဒ်ဒလာပိုလ်း (Panu Kerdlabpol)က ပြင်သစ်နိုင်ငံမှာ အမှုရင်ဆိုင်ဖို့ ပြင်သစ်နိုင်ငံကို လွှဲပြောင်းပေးမှာ ဖြစ်ပြီး ၆ လလောက်တော့ ကြာအုန်းမယ်လို့ ဆိုပါတယ်။

ထိုင်းပြင်သစ် နှစ်နိုင်ငံပူးပေါင်းဆောက်ရွက်မှုနဲ့ ဖရန့်စ်ကို အခုလို ဖမ်းဆီးရခဲ့တာ ဖြစ်ပါတယ်။

ထိုင်းပြည်ထဲရေးအရာရှိ ကစ်တီဖန် အင်ဂျာရွန် (Kittiphun Iamjaroon) က ပါဝင်ပတ်သက်သူ အခြားလူ ၄ ဦးကို ဖမ်းဆီး ရရှိထားပြီး ဖရန့်စ်ဟာ သူတို့အဖွဲ့ရဲ့ ခေါင်းဆောင်လို့ ထွက်ဆိုထားကြပါတယ်။

သူတို့တွေဟာ မူးယစ်မှောင်ခိုမှုကနေ ပေါင်စတာလင် ၃၇၀၀ ကနေ ၁ သောင်းအထိ ရရှိခဲ့ကြပါတယ်လို့ ပြောကြားခဲ့ပါတယ်။

ဖရန့်စ်ကတော့ ထိုင်းနိုင်ငံမှာ နေတာ ၅ နှစ်တောင်ရှိနေပြီ ဖြစ်ပြီး အခုလို သူကို ဖမ်းဆီးစွဲချက်တင်လိမ့်မယ်လို့ မထင်ထားခဲ့သလို ပြင်သစ်နိုင်ငံမှာ သူ့နဲ့ပတ်သက်ပြီး ပြဿနာတွေ ရှိခဲ့တယ်ဆိုတာကိုလည်း သူ သိရှိခဲ့ခြင်း မရှိပါဘူးလို့ ပြောဆိုခဲ့ပါတယ်။

ထိုင်းနိုင်ငံရဲ့ ပျော့ပျောင်းတဲ့ ခရီးသွားမူဝါဒတွေကြောင့် နိုင်ငံခြားခရီးသည် အများအပြား ထိုင်းနိုင်ငံကို ၀င်ရောက်လည်ပတ်ကြပြီး အမျိုးမျိုးပြောင်းလဲနေတဲ့ ပြည်ဝင်ခွင့်ဥပဒေ အားနည်းချက်တွေကြောင့် မူးယစ်မှောင်ခိုအဖွဲ့တွေက မူးယစ်ဆေးဝါးအရောင်းအ၀ယ်လို့ဖို့ ပစ်မှတ်ထားတဲ့ နိုင်ငံတခုလည်း ဖြစ်ပါတယ်။

DVB Burmese

လာဘ်ပေးလာဘ်ယူမှု ပပျောက်ရေးကော်မရှင် သတင်းထုတ်ပြန်ကြေညာ


လာဘ်ပေးလာဘ်ယူ ပပျောက်ရေး ကော်မရှင်ကို ၂ဝ၁၄ ခုနှစ် ဖေဖော်ဝါရီ ၂၅ ရက်နေ့မှာ သမ္မတ ဦးသိန်းစိန်ရဲ့ အမိန့်ဖြင့် စတင် ဖွဲ့စည်းခဲ့ပြီး လာဘ်ပေးလာဘ်ယူမှု ပပျောက်ရေးကော်မရှင်ရုံးကို နေပြည်တော် ဝဏ္ဏသိဒ္ဓိရပ်ကွက် အားကစားတည်းခိုရေးစခန်း အုပ်စု ၁ တွင် မတ် ၁၀ ရက်နေ့တွင် ရုံးထိုင် လုပ်ငန်းများ ဆောင်ရွက်နေကြောင့် ကြေးမုံသတင်းစာ ဖေဘွတ်အင်တာနက် စာမျက်နှာတွင် ဖော်ပြထားပါတယ်။

အစိုးရအဖွဲ့အစည်းများအတွင်း အဂတိတရားနဲ့ လာဘ်ပေးလာဘ်ယူမှုများ ကင်းရှင်းဖို့ ဒုတိယသမ္မတ တဦးက ဦးစီးသော လာဘ်ပေးလာဘ်ယူမှု အရေးယူဆောင်ရွက်ရေးကော်မတီ ဆောင်ရွက်ပြီး နိုင်ငံတော်သမ္မတထံသို့ တိုင်ကြားသည့်ကိစ္စများကို နိုင်ငံတော်သမ္မတရုံးနဲ့ ပြည်ထောင်စုဝန်ကြီး ၁ ဦးက ဦးစီး စီစစ်ပြီး ပြည်ထဲရေးဝန်ကြီးဌာနထံ တင်ပြလာသော တိုင်ကြားစာများကို စိစစ် အရေးယူ ဆောင်ရွက်လျက် ရှိကြောင်း သိရပါတယ်။

လာဘ်ပေးလာဘ်ယူမှုများကို ကော်မရှင်အနေဖြင့် တည်ဆဲဥပဒေနဲ့ အညီ ထိရောက်စွာ အရေးယူဆောင်ရွက်နိုင်ရန် ပြည်သူများက တိုင်ကြားရာတွင် ခိုင်လုံသောအထောက်အထား၊ အရေးကြီးသော သက်သေခံချက်များ ပါရှိရန် လိုအပ်ပြီး ခိုင်လုံသောအကြောင်းမရှိဘဲ ပုဂ္ဂိုလ်တဦးတယောက်အား နစ်နာစေရန် သို့မဟုတ် ဂုဏ်သရေပျက်စေရန် ရည်ရွယ်ချက်ဖြင့် တမင်တိုင်တန်းခြင်း ပြုလုပ်ပါက တည်ဆဲဥပဒေအရ အရေးယူခံရမယ်လို့ ထုတ်ပြန် ကြေညာထားပါတယ်။

သက်ဆိုင်ရာ အစိုးရ၀န်ကြီးဌာနများ၊ ပုဂ္ဂလိကစီးပွားရေးလုပ်ငန်းဌာနများ၊ လူမှုရေး အသင်းအဖွဲ့များ၊ အခြားသောအသင်း၊ အဖွဲ့အစည်းအရပ်ရပ်တို့နဲ့ ဆက်သွယ် ဆောင်ရွက်ကြရာ တွင် အဆိုပါ အဂတိလိုက်စားမှုနဲ့ လာဘ်ပေးလာဘ်ယူမှုများ ရှိနေခြင်းတို့ကြောင့် ပြည်သူများ အနေဖြင့် နစ်နာဆုံးရှုံးမှုများ ရှိနေပါက အထောက်အထား အချက်အလက် ပြည့်စုံတိကျမှန်ကန်စွာ ဖြင့် ကော်မရှင်ဥက္ကဋ္ဌထံသို့ လိပ်မူပြီး တိုင်ကြားသူအမည်၊ နိုင်ငံသားစိစစ်ရေးကတ်ပြားမိတ္တူ၊နဲ့ ဆက်သွယ်ရန်လိပ်စာအပြည့်အစုံတို့ကို ဖော်ပြလျက် အောက်ပါလိပ်စာအတိုင်း တိုင်ကြားနိုင် ကြောင်း ကြေးမုံသတင်းစာ ဖေ့ဘွတ်အင်တာနက် စာမျက်နှာမှာ ဖော်ပြ ကြေညာထားပါတယ်။

လာဘ်ပေးလာဘ်ယူမှုများကို တပြည်လုံးအတိုင်းအတာဖြင့် ပိုမို ကျယ်ပြန့်ထိရောက်စွာ တိုက်ဖျက် အရေးယူ ဆောင်ရွက်နိုင်ရေးအတွက် အဂတိလိုက်စားမှုတိုက်ဖျက်ရေးဥပဒေကို သမ္မတက ၂ဝ၁၃ သြဂုတ် ၇ ရက်နေ့တွင် လက်မှတ်ရေးထိုးပြီး ပြည်ထောင်စုလွှတ်တော်က အတည်ပြု ပြဋ္ဌာန်းခဲ့ပြီး ဖြစ်ပါတယ်။

 DVB Burmese

အတာသင်္ကြန်၊ သရုပ်ပျက်ဝတ်စားဆင်ယင်မှု၊ သီးသန့်ခန်းနှင့် ပုဒ်မ ၁၈၈



၂၀၁၃ ခုနှစ် အတာသင်္ကြန် ကာလအတွင်း အချို့သော အမျိုးသမီးငယ်များမှာ မိမိခန္ဓာကိုယ်ပေါ်ရှိ အ၀တ်များကိုပင် ချွတ်၍ ရေကစားခြင်းများ၊ ရှိသင့်ရှိအပ် ၀တ်သင့်ဝတ်အပ်သည့် အတွင်းခံ အ၀တ်စားများပင် ၀တ်ဆင်ထားခြင်းမရှိဘဲ မဏ္ဍပ်များပေါ်၌ ရေကစားခြင်းများ ဖြစ်ပေါ်ခဲ့ . . .
ရန်ကုန်၊ ဧပြီ ၃

မကြာခင် ကျရောက်မည့် မြန်မာအတာသင်္ကြန် ပွဲတော်အတွင်း မြန်မာ့ယဉ်ကျေးမှု အစဉ်အလာကို ထိန်းသိမ်း မြတ်နိုးတတ်သော အများပြည်သူတို့၏ အမြင်အာရုံကို အနှောင့်အယှက် ဖြစ်စေ သည့် မြန်မာ့ယဉ်ကျေးမှုလွန် ၀တ်စားဆင်ယင်မှုများ မဖြစ်စေရေး ရှောင်ကြဉ်ကြရန်အတွက် ယဉ်ကျေးမှု ၀န်ကြီးဌာနမှ ထုတ်ပြန်ထားမှုနှင့် ပတ်သက်ပြီး ဝေဖန်မှုများ ဖြစ်ပေါ်လျက်ရှိသည်။

““မြန်မာ့ရိုးရာ ယဉ်ကျေးမှုနဲ့ ကိုက်ညီမှုမရှိတဲ့ ၀တ်စားဆင်ယင်မှုတွေ မလုပ်ဖို့ အဓိက ထုတ်ပြန်ထားတာပါ။ နှစ်တိုင်းလည်း ထုတ်ပြန်နေခြင်း ဖြစ်ပါတယ်။ သင်္ကြန်ရောက်လို့ရှိရင် သင်္ကြန်မှာ အကုန်လုံး သင်္ကြန်နဲ့ ပတ်သက်တဲ့ နှစ်စဉ် ကြေညာချက်ကို ထုတ်ပြန်ထားတာ ဖြစ်ပါတယ်။ အဲဒါပါပဲ””ဟု ယဉ်ကျေးမှုဝန်ကြီးဌာန ညွှန်ကြားရေးမှူး ဦးမင်းအေးကိုက မြန်မာသံတော်ဆင့်သို့ ပြောသည်။

သို့သော် ယဉ်ကျေးမှုဝန်ကြီးဌာန အနေဖြင့် မြန်မာ့ယဉ်ကျေးမှုလွန် ၀တ်စားဆင်ယင်မှု ဆိုသည်မှာ မည်ကဲ့သို့သော ၀တ်စားဆင်ယင်မှုမျိုးကို ဆိုလိုသနည်းဟု မေးခွန်းထုတ်မှုများ ရှိသလို မြန်မာ့ရိုးရာ ၀တ်စုံဝတ်၍ သင်္ကြန်ရေပက်ခံထွက်ရန် မဖြစ်နိုင်ကြောင်း ဆိုသူများလည်း ရှိသည်။

““ထဘီနဲ့တော့ ဘယ်လည်လို့ရမလဲ။ ယဉ်ကျေးမှုဝန်ကြီးဌာနက ထုတ်ထားတဲ့ သရုပ်ပျက် အ၀တ်အစားဆိုတာ ဘာကိုပြောတာလဲ။ ဘောင်းဘီရှည်နဲ့တော့ လည်မှာပေါ့။ အတိုမ၀တ်ရဘူးဆို မ၀တ်ဘူးပေါ့။ ဒါမှမဟုတ်လည်း အဖမ်းခံသင့်ရင် အဖမ်းခံလိုက်မယ်လေ”” ဟု ရန်ကုန်မြို့ ကမာရွတ်မြို့နယ်၊ လှည်းတန်းတွင် နေထိုင်သူ မသီရိက မြန်မာသံတော်ဆင့်သို့ ပြောသည်။

““ပုံမှန်ပဲ ကောင်းပါတယ်။ ဘောင်းဘီနဲ့ အင်္ကျီကတော့ လူတိုင်း ၀တ်ကြမှာပဲလေ။ အရမ်းကြီး ဟော့ရှော့ ဖြစ်နေတာတော့ မကောင်းဘူး။ ဒါပေမဲ့ ဘယ်လိုပြောမလဲ။ အရမ်းကြီး သရုပ်ပျက်ကတော့ သင်္ကြန်မှ မဟုတ်ပါဘူး။ ဘယ်နေရာမှ မကောင်းပါဘူး။ အရမ်းကြီး သရုပ်ပျက်ရင်လည်း မကောင်းသလို ထဘီကြီးဝတ်ပြီး တော့လည်း သီချင်းတက်ဆိုလို့ မရဘူးပေါ့။ အဲဒါမျိုးလေးတွေတော့ ရှိတာပေါ့””ဟု အမျိုးသမီး အဆိုတော် စန်္ဒီမြင့်လွင်က သင်္ကြန်တွင်း ၀တ်စားဆင်ယင်မှုနှင့် ပတ်သက်၍ သုံးသပ်သည်။

““ကျွန်တော်တို့ကတော့ အရေးယူမယ်လို့ မထုတ်ပြန်ပါဘူး။ အရေးယူမယ်၊ မယူဘူးက သက်ဆိုင်ရာ ဒေသကြီးကပဲ လုပ်လိမ့်မယ်လို့ ထင်ပါတယ်။ ကျွန်တော်တို့က မလုပ်ကြဖို့ ပန်ကြားတာပါ။ ကိုယ့်ယဉ်ကျေးမှုနဲ့ ကိုယ် ဘယ်လို ၀တ်စားဆင်ယင်သင့်တယ် ဆိုတာကို ကိုယ့်ဘာသာကိုယ် ချိန်ပြီးတော့ လုပ်ရမှာ။ ကျွန်တော်တို့က ကိုယ့်ဝတ်စားဆင်ယင်မှုနဲ့ ကိုက်ညီမှုမရှိတဲ့ ဟာလေးတွေ မ၀တ်ကြဖို့ပေါ့။ အဲဒါကို ပြောတာပါ။ အများမြင်လည်း မတင့်တယ်ဘူး။ မြန်မာ့ယဉ်ကျေးမှုနဲ့လည်း မကိုက်ညီဘူး””ဟု ယဉ်ကျေးမှုဝန်ကြီးဌာန ညွှန်ကြားရေးမှူး ဦးမင်းအေးကိုက မြန်မာသံတော်ဆင့်သို့ ပြောသည်။

ပြီးခဲ့သည့်နှစ် သင်္ကြန်ကာလအတွင်း မြန်မာ့ယဉ်ကျေးမှုလွန် ၀တ်စားဆင်ယင်မှုများနှင့် ပတ်သက်ပြီး အင်တာနက် စာမျက်နှာများပေါ်တွင် ဓာတ်ပုံများ၊ ဗီဒီယိုဖိုင်များ တက်လာခဲ့ပြီး မြန်မာ့ယဉ်ကျေးမှုနှင့် မကိုက်ညီမှုများကြောင့် ပြည်သူများအကြား ဝေဖန်ရှုတ်ချမှုများ ပြင်းထန်ခဲ့သည်။

၂၀၁၃ ခုနှစ် အတာသင်္ကြန် ကာလအတွင်း အချို့သော အမျိုးသမီးငယ်များမှာ မိမိခန္ဓာကိုယ်ပေါ်ရှိ အ၀တ်များကိုပင် ချွတ်၍ ရေကစားခြင်းများ၊ ရှိသင့်ရှိအပ် ၀တ်သင့်ဝတ်အပ်သည့် အတွင်းခံ အ၀တ်စားများပင် ၀တ်ဆင်ထားခြင်းမရှိဘဲ မဏ္ဍပ်များပေါ်၌ ရေကစားခြင်းများ ဖြစ်ပေါ်ခဲ့သည်။

အလားတူ အမျိုးသားအချို့မှာလည်း လူမြင်ကွင်းအတွင်း အမျိုးသမီးများနှင့် ပွေ့ဖက်နမ်းရှုံ့ခြင်း၊ မူးယစ် ရမ်းကားခြင်းများ ပြုလုပ်ခဲ့သည့်အတွက် မြန်မာ့ရိုးရာ သင်္ကြန်ပွဲတော်အား အကျည်းတန် စေခဲ့သည်။

““မနှစ်က သင်္ကြန်မှာ ဘယ်လောက်ထိ သရုပ်ပျက်ခဲ့သလဲဆိုတာ အင်တာနက်ပေါ်မှာ သင်္ကြန်လို့ ရိုက်ရှာ လိုက်တာနဲ့ကို တွေ့နိုင်တယ်ဗျာ။ ကျွန်တော်တို့လည်း လူငယ်တွေပါပဲ။ ဒါပေမဲ့ အခု ဖြစ်ပျက်နေပုံတွေက တအားကို သရုပ်ပျက်လွန်းတယ်။ ကျွန်တော်တို့ ကြားထားတာ တစ်ခုဆိုရင် မဏ္ဍပ်တချို့ဆိုရင် သူတို့မဏ္ဍပ် လူစည်အောင်ဆိုပြီး အဲဒီလို ဖြစ်အောင်ကို လုပ်ထားတာတဲ့။ ဒီတော့ ခေတ်နဲ့အညီ ၀တ်စားဆင်ယင်မှုကိုတော့ ကျွန်တော်တို့လည်း လက်ခံပါတယ်။ မောင်နှသားချင်းတောင် မကြည့်ရဲအောင် ၀တ်နေတာတွေ မြင်နေရတော့ ဒါတွေကို တင်းတင်းကျပ်ကျပ် လုပ်စေချင်တယ်””ဟု ရန်ကုန်တိုင်း စမ်းချောင်းမြို့နယ်တွင် နေထိုင်သူ ကိုဘိုဘိုထွန်းက မြန်မာသံတော်ဆင့်သို့ ပြောသည်။

““အားလုံးက သင်္ကြန်ဆိုတော့ မိန်းကလေးတွေက ကာလာစုံတဲ့ မိန်းကလေးတွေချည်းပဲ ရှိမှာလေ။ အခုလိုမျိုး ကန့်သတ်တာတော့ မကောင်းပါဘူး။ အားလုံးက အဆင်ပြေနေတာပဲ။ အရေးယူမယ် ဆိုတာတော့ မကောင်းဘူး”” ဟု မြောက်ဥက္ကလာပ၌ နေထိုင်၍ မော်ဒယ်လ်သင်တန်း တက်ရောက် နေသူ ကိုကောင်းမြတ်က ပြောသည်။

လက်ရှိတွင် ယဉ်ကျေးမှုဝန်ကြီးဌာန အနေဖြင့် သင်္ကြန်ကဏ္ဍပ်များတွင် စောင့်ကြည့်ရေးကင်မရာ (CCTV) များ တပ်ဆင်၍ စောင့်ကြည့်မှုများ ပြုလုပ်သွားရန် အတွက်လည်း ရန်ကုန်တိုင်း ယဉ်ကျေးမှု ၀န်ကြီးဌာနမှ စီစဉ်ထား ပြီး ယဉ်ကျေးမှုလွန် ၀တ်စားဆင်ယင်မှုများကို ထိန်းသိမ်းသွားမည် ဖြစ်ကြောင်းလည်း ပြောဆိုထားသည်။

““မဏ္ဍပ်တိုင်းမှာ သရုပ်မပျက်စေဖို့ စောင့်ကြည်သူတွေကို ထားရှိမယ်။ မနှစ်က သင်္ကြန်မှာ အင်တာနက်တွေ ပေါ်အထိ သရုပ်ပျက် ၀တ်စားဆင်ယင်မှုတွေ ဖော်ပြတာ ခံရလို့ ဒီနှစ်မှာ အခုလို သတိပေးရတာ ဖြစ်ပါတယ်။ မြန်မာအမျိုးသမီးတွေအားလုံး ခေတ်နဲ့အညီ လိုက်လျာညီထွေစွာ ၀တ်တာကို မပြောလိုပါဘူး။ သို့သော် ယဉ်ကျေးမှုနဲ့ ကိုက်ညီမှုမရှိတဲ့ သရုပ်ပျက် ၀တ်ဆင်မှုတွေကိုတော့ တားမြစ်ရမှာ ဖြစ်ပါတယ်။ မဏ္ဍပ်ကြီး တွေမှာ စီစီတီဗွီကင်မရာတွေ ရှိပါတယ်။ အဲဒီကနေတစ်ဆင့်လည်း သရုပ်ပျက် ၀တ်စားသူတွေကို ခေါ်ယူ သတိပေးတာမျိုး၊ လဲလှယ်စေတာမျိုး ပြုလုပ်သွားမှာပါ။ အဲဒီအတွက် ရန်ကုန်တိုင်းဒေသကြီး အစိုးရအဖွဲ့ အနေနဲ့ မြန်မာ့ရိုးရာ ယဉ်ကျေးမှုနှင့် မဆီလျော်သော ၀တ်စားဆင်ယင်မှု ထိန်းသိမ်းရေး ကော်မတီကို ဆပ်ကော်မတီအနေနဲ့ ဖွဲ့စည်းထားပြီးသား ဖြစ်ပါတယ်”” ဟု ရန်ကုန်တိုင်းဒေသကြီး ယဉ်ကျေးမှုဝန်ကြီး ဒေါ်စန်း စန်းနွယ်၏ ပြောစကားကို ကိုးကား၍ နိုင်ငံပိုင် သတင်းစာများ၌ ဖော်ပြထားသည်။

ယင်းသို့ စောင့်ကြည့်နေရုံဖြင့် သရုပ်ပျက် ၀တ်စားဆင်ယင်မှုများအား ထိ်န်းသိမ်းနိုင်မည် မဟုတ်ဘဲ ဥပဒေအရ ထိန်းသိမ်းသွားရန် လိုအပ်ကြောင်းလည်း ဥပဒေပညာရှင်များက သုံးသပ်လျက် ရှိသည်။

““အရေးယူလို့ ရတယ်။ ပြစ်မှုဆိုင်ရာ ဥပဒေမှာ အများကြီး ပြဋ္ဌာန်းချက်တွေ ရှိတယ်။ ဥပဒေပုဒ်မတွေ အများကြီးရှိတယ်။ သင်္ကြန်ယဉ်ကျေးမှုကို ဖျက်ဆီးတာ။ အဲဒီလိုမှ အရေးမယူရင် ကျွန်တော်တို့ သင်္ကြန်က ပြောစရာကြီး ဖြစ်လာမယ်”” ဟု တရားလွှတ်တော်ရှေ့နေ ဦးရောဘတ်စန်းအောင်က မြန်မာသံတော်ဆင့်သို့ မှတ်ချက်ပေးသည်။

ယခုကဲ့သို့ ယဉ်ကျေးမှုလွန် ၀တ်စားဆင်ယင်မှုများအား မပြုလုပ်ကြရန် ယဉ်ကျေးမှုဝန်ကြီးဌာနမှ တားမြစ် နေချိန်မှာပင် တည်ဆောက်ဆဲ သင်္ကြန်မဏ္ဍပ်များ၌ အ၀တ်လဲခန်းမှအပ အခြားသော မလိုအပ်သည့် အခန်းများ ထည့်သွင်း တည်ဆောက်မှုများ မပြုလုပ်ရန်အတွက်လည်း ရန်ကုန်တိုင်း အစိုးရအဖွဲ့က တားမြစ်ထားသည်။

ယင်းတားမြစ်ချက်များအား လိုက်နာခြင်း ရှိ၊ မရှိနှင့် ပတ်သက်၍ ဧပြီလ ၁၁ နှင့် ၁၂ ရက်များတွင် စစ်ဆေး သွားမည်ဖြစ်ကြောင်းလည်း ရန်ကုန်တိုင်း ရဲတပ်ဖွဲ့ရုံးထံမှ သိရသည်။

အစိုးရဘက်မှ တားမြစ်ထားသော်လည်း ရန်ကုန်မြို့ရှိ အချို့သော မဏ္ဍပ်များတွင် အ၀တ်လဲခန်း မဟုတ်သည့် အထူးခန်းများ တည်ဆောက်မှုများ ရှိနေပြီး ယင်းအခန်းသို့ VIP လက်မှတ် ၀ယ်ထားသူများသာ ၀င်ရောက် နားနေခွင့်ပြုကြောင်း သိရသည်။

မဏ္ဍပ် လက်မှတ်များ ရောင်းချရာ၌ ရိုးရိုးတန်းနှင့် VIP တန်း ဟူ၍ ခွဲခြားထားပြီး VIP တန်း လက်မှတ် တစ်စောင်လျှင် သင်္ကြန်ရက်အားလုံး ရေကစားရန် ကျပ် ငါးသိန်းခန့် ဈေးပေါက်နေပြီး မဏ္ဍပ်ပေါ်သို့ အရက်ပုလင်း ယူဆောင်ခွင့်၊ အထူးနားနေခန်းအတွင်း အနားယူခွင့် စသည်တို့ ရရှိမည် ဖြစ်သည်။

““အဲဒါကျတော့ မိန်းကလေးနဲ့ ယောက်ျားလေး အလုံပိတ်ခန်းတွေမှာ မဟုတ်တာတွေ ဖြစ်မှာစိုးလို့ အ၀တ်အစား လဲတာလောက် ဘာညာ ပြဿနာ မရှိပါဘူး။ အလုံပိတ် အခန်းတွေ မဖြစ်အောင် လိုက်ပြီးတော့ ဖျက်ခိုင်းတာ။ ဘယ်မဏ္ဍပ်ရယ်လို့တော့ Target မထားဘူး။ အဘတို့က လိုက်မစစ် သေးဘူးလေ။ စစ်ဆေးမယ့် အဖွဲ့တွေ လာရင်လည်း အဲဒါမျိုးမဖြစ်ပါစေနဲ့။ သတင်းရမယ်ပေါ့။ အဲဒီ အခန်းတွေ ပါတဲ့မဏ္ဍပ်ကို လိုက်ကြည့် ခိုင်းပြီးတော့ အဲဒီလိုဟာတွေ လုပ်ထားရင် ဖြုတ်ပါ။ သွားပြီးတော့ စစ်မယ့်အဖွဲ့ကို ပြောထားပြီးသားပါ””ဟု ရဲမှူးကြီးမြင့်အေးက မြန်မာသံတော်ဆင့်သို့ ပြောသည်။

မည်သို့ပင်ဖြစ်စေ မကြာခင် ကျရောက်တော့မည့် သင်္ကြန်ကာလအတွင်း ရန်ကုန်တိုင်းအတွင်း၌ မဏ္ဍပ်အကြီး အသေးပေါင်း ၁၄၀ ကျော် ခွင့်ပြုထားပြီးဖြစ်ရာ အစိုးရအနေဖြင့် လိုက်လံစစ်ဆေးရာ၌ အခက်အခဲများ ရှိနိုင် ကြောင်း သုံးသပ်မှုများလည်း ရှိသည်။

ယဉ်ကျေးမှု ၀န်ကြီးဌာနနှင့် ရန်ကုန်တိုင်း ရဲတပ်ဖွဲ့မှ တားမြစ်ထားသော စည်းကမ်းများအား ချိုးဖောက်ပါ ဒေသဆိုင်ရာ အာဏာပိုင်၏ လိုအပ်၍ ထုတ်ပြန်ထားသော အမိန့်ကို ဆန့်ကျင်မှု ပြစ်မှုဆိုင်ရာ ဥပဒေပုဒ်မ ၁၈၈ အရ အရေးယူနိုင်ကြောင်းလည်း တရားရုံးချုပ် ဒုတိယညွှန်ကြားရေးမှူး (ငြိမ်း) ဦးသောင်းမြင့်က မြန်မာ သံတော်ဆင့်သို့ သုံးသပ်ပြောကြားသည်။

ပုဒ်မ ၁၈၈ ဆိုသည်မှာ ပြည်သူ့ဝန်ထမ်းက နည်းလမ်းတကျ ထုတ်ပြန်ကြေညာထားသော အမိန့်အား ဖီဆန်ခြင်း ဖြစ်ပြီး ပြစ်ဒဏ်အနေဖြင့် အလုပ်မဲ့ ထောင်ဒဏ် တစ်လဖြစ်စေ၊ ငွေဒဏ် ၂၀၀ ဖြစ်စေ၊ ဒဏ်နှစ်ရပ်စလုံး ဖြစ်စေ ချမှတ် နိုင်သည်။ ထို့ပြင် ယင်းဖီဆန်မှုသည် လူ့အသက်ကိုသော်လည်းကောင်း၊ ကျန်းမာရေးကိုသော်လည်း ကောင်း၊ လုံခြုံရေးကိုသော်လည်းကောင်း ဘေးဖြစ်စေခဲ့ပါက ထောင်ဒဏ် ခြောက်လအထိ ချမှတ်နိုင်ပြီး ငွေဒဏ် ကိုလည်း ၁၀၀၀ ကျပ်အထိ တိုးမြှင့်နိုင်သည်။ သို့မဟုတ်ပါကလည်း ပြစ်ဒဏ်နှစ်ရပ်စလုံးအား ချမှတ် နိုင်ကြောင်း ပြဋ္ဌာန်းထားသည်။

““ဒီလိုမျိုးကြေညာချက် ထုတ်တာကျတော့ ၁၈၈ နဲ့ ဆွဲလို့ မရဘူး။ ဒါက အမိန့်မဟုတ်ဘူးလေ။ သူတို့အားလုံးကို ကန့်သတ်ပြီးတော့ သတိပေးတာပဲ ရှိတယ်။ ထိန်းသိမ်းဖို့ဆိုတာက မိန်းကလေးကလည်း ထိန်းသိမ်းမယ်၊ ယောက်ျားလေးကလည်း ဆင်ခြင်မယ် ဆိုလို့ရှိရင် အဆင်ပြေသွားမှာပဲ။ ညင်သာစွာပဲ ကိုင်တွယ်ကြမှာပဲ။ အရေးယူမှု မရှိဘူး မဟုတ်ဘူး။ လွန်ကဲတာတွေကျတော့ ရာဇ၀တ်မှုနဲ့ ငြိစွန်းရင်တော့ ငြိမှာပဲ။ သာမန်ဖြစ်တဲ့ ဟာတော့ သတိပေး ဆုံးမတဲ့ အဖွဲ့တွေ ရှိတာပဲ။ စည်းကမ်းထိန်းသိမ်းရေး ကော်မတီတွေ ရှိတယ်။ သူတို့တွေက ဆောင်ရွက်သွားမှာ ဖြစ်တယ်။ ရဲတပ်ဖွဲ့ကတော့ ဥပဒေနဲ့ ငြိစွန်းလာရင်တော့ အရေးယူသွားမှာပဲ။ ယဉ်ကျေးမှုဌာနက ခေါ်ယူပြီး သတိပေးတယ် ဆိုတာကတော့ ကောင်းတာပေါ့။ ဒါပေမဲ့ ဥပဒေနဲ့ ငြိရင်တော့ အရေးယူမှာပဲ။ ကိုယ့်ဘက်က ကြည့်မယ်။ သူတို့ဘာသာသူတို့ သာမန်လောက် နမ်းတာ ရှုံ့တာလောက်ကို ရဲက သွားပြီးတော့ ပြဿနာ မရှာပါဘူး။ အဲဒါကို သတိပေးသင့်တဲ့အဖွဲ့က သတိပေးမှာပေါ့”” ဟု ရန်ကုန် အရှေ့ပိုင်းခရိုင် ရဲတပ်ဖွဲ့မှူး ရဲမှူးကြီးမြင့်အေးက မြန်မာသံတော်ဆင့်သို့ ပြောသည်။

Myanmartandawsint Newspaper

မြန်မာ့အနာဂတ်ကို သင်ဘယ်လိုဖြစ်စေချင်သလဲ


Author:
နေနော်


သင်္ကြန်မဏ္ဍပ်တချို့မှာ (VIP လက်မှတ်ဆိုရင် တစ်ရက်တစ်သိန်း။အရက်ပါမယ်။ မူးရင်ဝင်အိပ်ဖို့ အခန်းတစ်ခန်းပါမယ်) လို့ ဆောက်လုပ်နေသူတွေကပြောတဲ့   အကြောင်း ဖေ့စ်ဘွတ်ခ်စာမျက်နှာများမှာ ဖတ်ရပါတယ်။ ဒါနဲ့ပတ်သက်ပြီး မဏ္ဍပ်တွေမှာအခန်းတွေ ထည့်ဆောက်တာ ကန့်ကွက်ရှုတ်ချတဲ့အကြောင်း ကျွန်တော်ဖေ့စ်ဘွတ်ခ်တင်လိုက်တော့ တော်တော်များများ ထောက်ခံကြသလို ဂျာနယ်တချို့ကလည်း အင်တာဗျူးလှမ်းမေးကြတယ်။ မေးတဲ့မေးခွန်းနဲ့  ကျွန်တော်ပြောချင်တာတွေ မဆံ့လို့မို့ ဒီဆောင်းပါးကိုလက်ပူတိုက်ရေးလိုက်ရတာပါ။အားချင်းရေးလိုက်ရတာမို့  လွဲချော်မှုပါရင် ခွင့်လွှတ်ဖို့ကြိုတင်တောင်းပန်ပါတယ်။

သင်္ကြန်လို့ပြောလိုက်တာနဲ့ ပူးတွဲပါဝင်လာတဲ့အနက်အဓိပ္ပာယ်ဟာ မြန်မာ့ယဉ်ကျေးမှုဖြစ်တယ် ဆိုတာကတော့ မြန်မာတိုင်းငြင်း လို့မရတဲ့အချက်ပါ။ ထိုင်းသင်္ကြန်၊ အိန္ဒိယသင်္ကြန်တွေရှိသလို မြန်မာ့ သင်္ကြန်ဟာလည်း မြန်မာ့နည်း မြန်မာ့ဟန်နဲ့ ကမ္ဘာ့နိုင်ငံများစွာ ရဲ့   စိတ်ဝင်စားမှုအာရုံကို ဆွဲဆောင်နိုင်ခဲ့တာ နှစ်ပေါင်းများစွာကြာပါပြီ။ တစ်ဆက်တည်း သရုပ်ပျက်လာခဲ့တာလည်း တော် တော်ကြာခဲ့ပြီလို့  စိတ်မကောင်းစွာ အသိပေးပါရစေ။ သင်္ကြန်မှာ အရက်ချောင်းစီးခေါင်းကြီး ငိုက်စိုက်ကျပြီး သရုပ်ပျက်ကြတာတွေ။ မလုံ့တလုံပျိုမေတို့ စင်ပေါ်တက်ပြီး ကိုယ်ကာယကြော်ငြာကြတာတွေဟာ မတွေ့ချင်မှအဆုံး မြင်တွေ့နေရတယ်။ သမီးကြောင့်သင်္ကြန်မှာ အရှက်ရလို့ ဖခင်ဖြစ်သူသတ်သေသွားတယ်ဆိုတာလည်း မနှစ်တစ်နှစ်က ထင်ရဲ့ ဖတ်လိုက်ရတယ်။ အခုသင်္ကြန်မဏ္ဍပ်တွေမှာ ဗီအိုင်ပီတွေအတွက် အခန်းတွေပါထည့်ဆောက်ကြဦးမယ်ဆိုတော့ ဒါဟာဘာကိုရည်ရွယ်ပါသလဲ။  စဉ်းစားတတ်သူတိုင်း စိုးရိမ်စရာ ကိစ္စဖြစ်သလို ဦးနှောက်ရှိသူတိုင်းလည်း ရှုတ်ချဖို့ကောင်းတဲ့ကိစ္စပါ။ တချို့က အကောင်းမမြင်နိုင်ဘူးလားတဲ့။ကျွန်တော်လုံးလုံး အကောင်းမမြင်နိုင်လို့ ဆေးကျောင်းသူလေး သင်္ကြန်တစ်ခါလည်မိတာ  ဘဝပျက်သွားရတဲ့ အကြောင်းဖေ့စ်ဘွတ်ခ်ပေါ်တင်ခဲ့ဖူးပါတယ်။

   သင်္ကြန်အထာကောင်း ကောင်းကျွမ်းကျင်သူတစ်ယောက်ကတော့ ခုလိုအခန်းတွေဟာ အရင်နှစ်တွေကတည်းက မဏ္ဍပ်တော်တော်များများမှာတစ်ခန်း နှစ်ခန်းရှိကြောင်း။  တစ်နာရီ လောက်အသုံးပြုချင်ရင် မဏ္ဍပ် အော်ဂနိုက်ဇာနဲ့နှစ်သောင်းသုံး သောင်းပေးပြီးညှိရကြောင်း ကွန်မန့်ပေးတယ်။ ဒါကတော့ သိတာသိစေ မမြင်စေနဲ့ကိစ္စမို့ မပြောလိုပါဘူး။ ခုလိုဗီအိုင်ပီလက်မှတ်တစ်စောင်ဝယ်ရင်နားဖို့တစ်ခန်းပေးမယ်ဆိုတာကြီးကတော့ မဖြစ်သင့်လို့ တာဝန်ရှိသူတွေက တားဆီးပေးဖို့ တောင်းပန်ရတာပါ။ သင်္ကြန်မှာ သရုပ်မပျက် ဖို့တို့။ မဏ္ဍပ်တွေနားမှာ အရက်၊ ဘီယာမရောင်းဖို့တို့ နှစ်တိုင်း ကြေညာနေတာပဲ။ ဒါပေမဲ့လည်း နှစ်တိုင်းလည်း ရောင်းသူက ရောင်းပြီး မူးသူတွေကလည်း မူးနေကြတာ တစ်နိုင်ငံလုံးအသိပါ။ မသောက်နဲ့လို့တော့တားလို့ မရနိုင်ပါဘူး။ ဒါပေမဲ့ အလွန် အကျွံမဖြစ်အောင်တော့ တားဆီးပေးလို့ရပါတယ်။ စင်ကာပူမှာ အရက်သောက်ပြီးကားမောင်းရင်ပြစ်ဒဏ်ပေးလို့ ဘယ်သူမှ အလွန်အကျွံမသောက်ရဲကြ ဘူး။ ကိုယ့် Apartment ပြန်ရောက်မှ အောက်ကဆိုင်မှာ လေးဖက်ထောက်အောင် သောက်ချင် သောက်မယ်။ ကားမောင်းရင်း တော့ မသောက်ရဲကြဘူး။ ဒီမှာ လည်း လမ်းပေါ်ယိမ်းထိုးပြီးယိုင် လဲနေအောင်၊   ပြဿနာဖြစ် အောင်သောက်ရင် အချုပ်ခန်းထဲ အလည်ခေါ်မယ်ဆို ဘယ်သူမှ အဲဒီလောက်ထိ  သောက်ရဲမှာ မဟုတ်ဘူး။ လုပ်ရင်ရပါတယ်။

 သီတင်းကျွတ်မှာ ဗြောက် အိုးဖောက်ရင်ဖမ်းမယ်ဆိုတော့ တစ်နိုင်ငံလုံးဗြောက်အိုးသံတွေ တိတ်သွားခဲ့ဖူးတယ်။ ဟွန်းမတီးရ ဟွန်းသံကင်းမဲ့ဇုန်တွေလုပ်လိုက် တော့ ဟွန်းသံတပွမ်ပွမ်တွေ တစ် နိုင်ငံလုံးငြိမ်သက်သွားခဲ့ဖူးတယ်။ ခုလည်း သင်္ကြန်ကို ပါးကွက်လေး တွေလိမ်းပြီး သပြေခက်လေးတွေ နဲ့ ရေပက်တာမျိုးမဟုတ်တောင်၊ မသောက်မစားဘဲ  အခြောက် တိုက်ကြီးလည်ပတ် တာမျိုးမဟုတ် တောင် အလွန်အကျွံသရုပ်မပျက် ဖို့၊ မဏ္ဍပ်တွေမှာ အမိန့်ရဆိုင်လို အရက်တွေ၊ ဆေးပြားတွေပလူပျံ ပြီး နားနေခန်းတွေထည့်မဆောက် ဖို့ တားဆီးပေးရင်ရပါတယ်။ စောစောက အင်တာဗျူးတဲ့မိန်း ကလေးက အခုခေတ်မှာ Love Coffee တို့၊  လဗ်အချိုရည်တို့ သကြားလုံးတို့ တော်တော်ပေါနေ တယ်ဆိုတာဟုတ်လား မေးလာလို့ ဒေါက်တာတင့်ဆွေ ဖေ့စ်ဘွတ်ခ် စာမျက်နှာဖတ်ကြည့်ဖို့  ညွှန်း လိုက်ရသေးတယ်။ ခုခေတ်ကိုယ့် မွေးနေ့အတွက် စာကလေးသက် စေ့လွှတ်ချင်ရင်သာ ရှာဝယ်ဖို့ခက် မယ်။ စောစောကပြောတဲ့ ဆေး တွေကတော့  ဖရေဇာမှာပေါမှ ပေါပဲ။ သင်္ကြန်ဆို တချို့မဏ္ဍပ် တွေမှာ အချင်းချင်းနားလည်မှုနဲ့ တောင်းရင်တောင်ရနိုင်ပါသတဲ့။

ဒီလိုဆေးလုံး၊ ဆေးပြားတွေ ရဲ့ တွန်းပို့မှုကြောင့်ဖြစ်ဖြစ်။ အတုမြင်အတတ်သင်ဆိုတဲ့ စီးမျောမှုကြောင့်ဖြစ်ဖြစ်။ တိုင်းသိပြည်သိနာမည်ကြီးတွေတောင် ကဲနေကြသေးတာပဲ။ ငါတို့က ဘာမို့လို့လဲ။ တစ်နှစ်မှတစ်ခါပဲလေဆိုပြီး ကိုယ့်ဂုဏ်သိက္ခာကို လွှတ်ချလိုက်မှုကြောင့်ပဲဖြစ်ဖြစ် မြန်မာနိုင်ငံရဲ့ အနာဂတ်အရင်းအမြစ် အမျိုးကောင်းသမီးလေးတွေ ဘဝပျက်သွားရင်။ အမျိုး ကောင်းသားလေးတွေဘဝပျက်သွားရင် ဘယ်သူတွေမှာ တာဝန်ရှိပါသလဲ။

  ကျွန်တော်ပြောလိုက်ပါ့ မယ်။ ကျွန်တော်အပါအဝင် ဝင်ရောက်  ထိန်းသိမ်းနိုင်ခွင့်ရှိလျက်နဲ့ ဝင်မထိန်းဘဲ(တစ်နှစ်မှ တစ်ခါပျော်ရတာပျော်ပါစေ)ဆိုတဲ့လူကြားကောင်းရုံဆင်ခြေမျိုးနဲ့ ခေါင်းရှောင်နေသူအားလုံးမှာ တာဝန်ရှိပါတယ်။ သေချာအောင်ထပ်ပြောပါ့မယ်။  မကောင်းမှုတစ်ခုကို တားဆီးပေးနိုင်ပါလျက်မတားဆီးဘဲ မျက်နှာလွှဲနေမယ် ဆိုရင် အဲဒီလူအားလုံးဟာ တရားခံမဟုတ်တောင် အလိုတူ အလိုပါစာရင်းဝင်ပါတယ်။ ဥပဒေစကားအရဆိုရင်တော့ အားပေးကူညီသူ/အမှုတွဲတွေပါပဲ။

တချို့က ပြဿနာမဖြစ်ချင် လို့၊ တချို့ကတော့ အလုပ်မရှုပ် ချင်လို့၊ တချို့ကတော့ ဒါရိုးရာပဲ လေ။  မကင်းရာမကင်းကြောင်း ကလေးတွေလည်းပါနေတာဆို တော့ စသဖြင့်အကြောင်းပြချက် အမျိုးမျိုးရှိကြပါလိမ့်မယ်။  ခုခေတ်မှာ လူတော်တော်များများ (ဟမ်ဘာဂါ)ဖြစ်နေတာမို့လည်း နားလည်ပေးနိုင်ပါတယ်။ ကိုယ့် ဆန္ဒချည်းပဲရှေ့တန်းတင်လို့မရ တာကို ကျွန်တော်သဘောပေါက် ပါတယ်။ ဒါပေမဲ့ စဉ်းစားစရာရှိ တာက လူငယ်ဆိုတာ တိုင်းပြည် ရဲ့ အနာဂတ်အရင်းအမြစ်တွေပါ။ လူငယ်တွေကို ပညာသင်ပေး တာ။  လိမ္မာယဉ်ကျေးအောင် ပဲ့ပြင်ထိန်းကျောင်းလမ်းညွှန်ပေး တာတွေဟာ တိုင်းပြည်ရဲ့အနာ ဂတ်အတွက် ရင်းနှီးမြှုပ်နှံတာပဲ ဖြစ်ပါတယ်။ အဲဒီလိုအဖိုးတန် အနာဂတ်ရတနာတွေဟာ သရုပ် ပျက်သင်္ကြန်ကြောင့်၊ ကိုယ့်ယဉ် ကျေးမှုမဟုတ်တဲ့ (ဗယ်လင်တိုင်း ဒေး)ဆိုတာတွေကြောင့်။

 ဆိုပါစို့။ ဆယ်တန်းကို အမှတ်ကောင်းကောင်းနဲ့  ဖြေနိုင် လို့ ဆေးဝင်မှာသေချာပါလျက် သင်္ကြန်မှာတစ်ယောက်ယောက် နဲ့လွန်ကျူးမိပြီး ခိုးရာလိုက်ရလို့ ဆရာဝန်မဖြစ်တော့ရင်၊ အင်ဂျင် နီယာမဖြစ်တော့ရင်၊ စစ်တက္က သိုလ်မတက်ဖြစ်တော့ရင်၊ ဘယ် သူတွေနစ်နာပါသလဲ။ ကျွန်တော် တို့ မြန်မာနိုင်ငံသားတွေနဲ့ မြန်မာ နိုင်ငံကြီးပဲနစ်နာပါတယ်။

  ပြီးခဲ့တဲ့ (ဗယ်လင်တိုင်းဒေး) တုန်းက ကိုးတန်းကျောင်းသူလေး တစ်ယောက်ကို ချစ်သူက တည်း ခိုခန်းခေါ်အိပ်တာ  အမေကသိ သွားလို့  အလိုမတူကြံစည်မှုနဲ့ တိုင်တာဖတ်လိုက်ရတယ်။ အဲဒီ ကလေးတွေကို ဘာလို့အဲဒီနေ့မှာမှ အဲဒီလိုလုပ်ရသလဲ သွားမေးကြည့်ရင် သူများစုံတွဲတွေလည်း (ဗီဒေး)မှာ ဒီလိုသွားနေတာတွေ့လို့ဆိုပြီး ဖြေလိမ့်မယ်ထင်တယ်။ဒါဟာ အတုမြင်အတတ်သင် ကိစ္စပါ။ နောက်ဆက်တွဲအဖြစ် အဲဒီကလေးမ ကျောင်းဆက်တက်ဖြစ်ရဲ့လား။ ဆယ်တန်းဖြေဖြစ်ရဲ့လား၊ လိုင်းကောင်းကောင်းရရဲ့ လား၊ ကိုယ့်နှမ၊ ကိုယ့်သမီးလေးအဖြစ် ဆက်တွေးကြည့်ရင်တော် တော့ကို ရင်မောစရာပါ။

 အခုလည်းသင်္ကြန်မှာ အရက်တွေချောင်းစီးပြီး နားနေခန်းတွေနဲ့ပျော်ပျော်ကြီး ပလတ်တွေကျွတ်ကြ၊  ဘရိတ်တွေပေါက် ကြမယ့်ကိစ္စကို အုတ်တစ်ချပ်သဲ တစ်ပွင့်တည့်မတ်ထိန်းကျောင်း ပေးနိုင်မယ့်သူတွေက လူငယ် တွေအတွက် တစ်ခုခုစဉ်းစားပေး သင့်ပါပြီ။ ဒီလိုမှမဟုတ်ဘဲ တို့နဲ့ မဆိုင်ဘူးဆိုပြီး မျက်နှာလွှဲနေကြ မယ်ဆိုရင်တော့ ကျွန်တော်အပါ အဝင်မျက်နှာလွှဲသူအားလုံးဟာ အနာဂတ်သမိုင်းစာမျက်နှာမှာ တရားခံတွေမဟုတ်တောင်၊ အ လိုတူအလိုပါတွေအဖြစ် စာရင်း ပေါက်ကြရပါလိမ့်မယ်။

 သင်ဟာ ပညာတွေဘယ် လောက်ပဲသင်ယူခဲ့ပါစေ။ နိုင်ငံ ခြားကဘွဲ့လက်မှတ်နဲ့ ဆုတံဆိပ် တွေဘယ်လောက်ပဲ စုဆောင်းမိ ပါစေ။ စစ်ရေးအမြင်တွေဘယ် လောက်ရှိပြီး မျိုးချစ်စိတ်တွေ ဘယ်လောက်ပဲပြင်းထန်နေပါ စေ၊ တိုင်းပြည်ရဲ့အနာဂတ်သယံ ဇာတတွေကို ကာကွယ်စောင့် ရှောက်မှုနဲ့ မှန်ကန်တဲ့လမ်းညွှန်မှု မပေးနိုင်ရင် အလကားပါပဲ။

အကျယ်အဝန်း ဧရိယာစတု ရန်း ၆၇၆,၅၈၀ စ/ကီလိုမီတာရှိ တဲ့ မြန်မာပြည်ထဲမှာ သင်ရရှိပိုင် ဆိုင်မယ့်နေရာက ဘယ်လောက် များ ကျယ်ဝန်းမှာပါလဲ။ ကျွန်း သစ်ရေနံနဲ့ တွင်းထွက်ရတနာများ စွာရှိတဲ့ တိုင်းပြည်ထဲမှာ သင်ရှာ ဖွေစုဆောင်းနိုင်မယ့် စည်းစိမ်ဥစ္စာက ဘယ်လောက်များပြားနိုင်မှာပါလဲ။ ပြီးတော့ သင်ဘယ်လောက်ကြာကြာနေချင်ဦးမှာမို့လို့ပါလဲ။

သင့်တစ်သက်ပါပဲ။ တစ် ဘဝစာထက် ဘယ်သူမှပိုကြာ ကြာနေချင်လို့မရနိုင်ပါဘူး။

ဒါပေမဲ့ သင့်ရဲ့မြန်မာနိုင်ငံနဲ့ မြန်မာလူမျိုးတွေကတော့ နောင်နှစ်ရာပေါင်းများစွာ ထောင် ပေါင်းများစွာ တည်တံ့ကျန်ရစ်ခဲ့ ကြမှာပါ။ အဲဒီတော့ သင်နဲ့ရော ကျွန်တော်နဲ့ပါသက်ဆိုင်တဲ့ မြန်မာနိုင်ငံကြီးကို ဘယ်လိုပုံစံနဲ့ ကျန်ရစ်ခဲ့စေချင်ပါသလဲ။ နောင် အနှစ်နှစ်ဆယ်၊ အနှစ်ငါးဆယ် ကြာတဲ့အခါ မြန်မာ့သင်္ကြန်ဟာ ဘယ်လိုသင်္ကြန်မျိုးဖြစ်သင့်တယ် လို့ သင်ထင်မြင်ပါသလဲ။ ဘဝနဲ့ အနာဂတ်ဆိုတာ မိမိတို့ထင်မြင် တဲ့အတိုင်း ဖြစ်လာတတ်တာမို့ ဒီကိစ္စမှာ သင်ရော ကျွန်တော်ပါ တာဝန်ရှိတယ်လို့ပြောရင် သင်လက်ခံပါ။ မြန်မာ့သင်္ကြန်နဲ့ မြန်မာ့အနာဂတ်အတွက် ပါဝင်ပူးပေါင်းဖို့ သင့်ကိုမေတ္တာရပ်ခံပါ ရစေ။

7day daily

သင်္ကြန်စာ


Author: နီဟိန်းမော်

’’ဒီနှစ်သိကြားမင်း ဘာစီးပြီး ဆင်းသလဲ’’ ဆိုသည့် အမေးမျိုးကို ကျွန်တော်တို့ ငယ်စဉ်ကာလများက သင်္ကြန်ရက်တွေ နီးလာတိုင်း ကြားရစမြဲ။ သိကြားမင်းက သတ္တ ၀ါတစ်ကောင်ကောင်ကို စီးမည်။ ဥပမာ-ကျွဲ၊ နွား၊ ဘီလူးစသဖြင့် ပေါ့။ နောက် လက်တစ်ဖက်စီ တွင် အရာဝတ္ထုတစ်ခုစီကို ကိုင်၍ လူ့ပြည်သို့ဆင်းမည်။ သိကြားမင်း စီးလာသည့် အရာနှင့် ကိုင်လာသော ပစ္စည်းပေါ်မူတည်၍ သည် နှစ်တိုင်းပြည်၏ အခြေအနေက ဘယ်လို ဘယ်ဝါဖြစ်မည်ဆိုသည်ကို ဟောကိန်းထုတ်ကြသည်။ နိုင်ငံရေး၊ စီးပွားရေးကအစ စိုက်ပျိုးရေးအလယ် ရာသီဥတုအခြေအနေနှင့် မိုးလေ၀သတို့ပါ ကဏ္ဍ အစုံပါဝင်သည်။ ဒါ့အပြင် လူတစ်ဦးချင်း၏ နေ့နံအလိုက် တနင်္ဂနွေသားသမီးက ဘယ်လိုဘယ်ပုံ၊ တနင်္လာသားသမီးကတော့ ဘယ်နည်းဘယ်နှယ် စသည့် ဟောကိန်းများ    ဝေေ၀ဆာဆာပါသည်။သင်္ကြန်စာကိုဖတ်ပြီး သိကြားမင်းစီးလာသည့်အရာနှင့် ကိုင်လာသည့် ပစ္စည်း၏ ဣဋ္ဌအနိဋ္ဌပေါ်မူတည်၍ တွက်ချက်ကြ၊ ခန့်မှန်းကြပေါ့။ ကျွန်တော်တို့ ဘိုးဘွားတွေခေတ်က သင်္ကြန်စာက တော်တော် အသုံးဝင်ပုံရသည်။ ယုံလည်းယုံကြည်ကြသည်မို့ မိုးဦးဘယ်လို၊ မိုးနှောင်းဘယ်သို့ဆို ကာ အသီးအနှံတွေ စိုက်ပျိုးရိတ် သိမ်းပြင်ဆင်ကြသည်။ သင်္ကြန်စာ က ပြောသည့် ပေါကုန်၊ ရှားကုန် တွေကိုကြည့်ပြီး အရောင်းအ၀ယ်ပြုလုပ်ကြသည်တဲ့။

သင်္ကြန်နားနီးလာသည့် တစ် လလောက်အလိုတွင် သက်ြင်္န်စာ ထွက်ရှိလာတတ်သည်။ သင်္ကြန် စာရောင်းသူက ‘‘ကောဇာသက္က ရာဇ် တစ်ထောင့်သုံးရာ ....ခုနှစ် အတွက် မန္တလေးဆရာ...... ရဲ့ မဟာသင်္ကြန်စာတွေ’’ ဟု အော် ဟစ်ရောင်းချရင်း ဒီနှစ်တော့ စနေသားသမီးတွေကို ဖက်သာ ထားကြပေတော့။ အပျိုကြီး၊ လူပျိုကြီးတွေ စန်းပွင့်နေပြီဆိုတာမျိုး။အင်္ဂါသားသမီးတွေက ငွေထုပ်ကြီးပိုက်ရတော့မယ်ဆိုတာမျိုး။  အော်တာတွေကို လူတွေက သ ဘောကျကြသည်။ သည်လိုနှင့် ဟိုအိမ်က တစ်စောင်၊ သည်အိမ် က တစ်စောင် အားပေးကြ၊ ကိုယ့် ရဲ့   တစ်နှစ်တာကံကြမ္မာကိုယ် ကြည့်ရင်း သဘောကျကြသည်။

ကျွန်တော်တို့အရွယ်ရောက် တော့ သင်္ကြန်စာမှာ သိကြားမင်း ဆင်းသည်မဟုတ်တော့ဘဲ ဘဏု ရာဇာအမည်ရှိ တနင်္ဂနွေဂြိုဟ်မင်း က ဆင်းလာတာဟု သိလာရ သည်။ ငယ်ငယ်ကလို သိကြား မင်းဘီးလူးစီးပြီး မီးတုတ်ကိုင်လာ လျှင် တိုင်းပြည် မငြိမ်သက်ဖြစ် မည်။ မီးအန္တရာယ်စိုးရိမ်ရမည်ဆို တာတွေကိုလည်း မလန့်တတ် မကြောက်တတ်တော့။

  သင်္ကြန်ဆိုသည်က ဟိန္ဒူ ၀ါဒ ဓလေ့ထုံးစံများ မြန်မာနိုင်ငံ ဘက် ကူးစက်လာခြင်းဖြစ်သည် ဟု ဆို၏။ ရှေးမြန်မာဘုရင်များ လက်ထက်က အိန္ဒိယနွယ်ဗေဒင် ပညာရှင် ပုဏ္ဏားတို့ မြန်မာဘုရင် များလက်အောက် ၀င်ရောက် အမှုထမ်းရင်း သင်္ကြန်တွက်ရိုး ကျမ်း၊ ဝေဒင်္ဂကျမ်း၊ အသီတိဓာတ် ကျမ်း စသည်တို့ဖြင့် မဟာသင်္ကြန်စာများထုတ်ကာ စီးပွားရှာခဲ့ကြသည်တဲ့။

 သင်္ကြန်၊ သက္ကရာဇ်စသော အကြောင်းအရာများနှင့် စပ်လျဉ်း ၍ သိကြားမင်းနှင့် ဗြဟ္မာမင်းတို့ အချင်းများကြပြီး  က၀ါလမိုင်း ဆရာထံ  အဆုံးအဖြတ်ဝင်ရာမှ ဗြဟ္မာမင်းရှုံး၍  သိကြားမင်းက ဗြဟ္မာမင်းဦးခေါင်းကိုဖြတ်ကာ နတ်သမီးခုနစ်ဖော်ကို အလှည့်ကျ ကိုင်စေသည်ဆိုသော အကြောင်း များကို သင်္ကြန်သမိုင်းအဖြစ် ကြံ ဖန်၍ သက္ကရာဇ်ကိုတည် ခုနစ်ခု စား၊ ရှစ်ခုစား၊ ၁၂ ခုစား သင်္ကြန် ဟောကိန်းများကိုလည်း တီထွင် ခဲ့ကြသည်တဲ့။

 ဗုဒ္ဓဟောကြားသော တရား များတွင် သင်္ကြန်မပါ။  မြန်မာနိုင် ငံသို့ သင်္ကြန်ဓလေ့ မည်သို့မည်ပုံ ရောက်ရှိလာသည်ကို သမိုင်းအ ထောက်အထား အတိအကျမရှိ ဟု ပညာရှင်များက မည်သို့ပင် ဝေဖန်ထောက်ပြစေကာမူ ရွှေ မြန်မာတို့၏ ယဉ်ကျေးမှုအစဉ်အ လာ ထိန်းသိမ်းချင်သည့် တလွဲဆံ ပင်ကောင်းမှုက အပျော်ကြူးစရာ သင်္ကြန်ကို ဆက်လက်ဖက်တွယ် ထားဆဲဖြစ်သည်။

ကုသိုလ်ကောင်းမှုပြုရာတွင် နေ့ညအချိန်ကာလ အပိုင်းအခြား မရှိစကောင်းဟု မည်သို့ပင် ဗုဒ္ဓ ညွှန်ပြညွှန်ပြ သင်္ကြန်ကာလမှသာ ကုသိုလ်ယူလိုသူများ၊ တရားစခန်းဝင်လိုသူများ၊  ဥပုသ်သီတင်း စောင့်ချင်သူများ၊ ဒုလ္လဘရဟန်းဝတ်သူများနှင့် ဘုန်းကြီးကျောင်းများတွင် ပြည့်ကျပ်နေချိန် အခြားတစ်ဖက်တွင်တော့  နံနက်နေထွက်သည်နှင့်   လွတ်လပ်စွာ သောက်စားမူးယစ်ခွင့်၊ လွတ် လပ်စွာ အော်ဟစ်သီဆိုကခုန်ခွင့်၊ လွတ်လပ်စွာ သရုပ်ပျက်ဝတ်စား ဆင်ယင်ခွင့်ရသော  ကာလဖြစ် သည်။

မြန်မာပြည်တစ်နံတစ်လျား သန့်ရှင်းသော သောက်သုံးရေမ ဆိုထားနှင့် သာမန်ချိုးရေသုံးရေ ပင် အခက်အခဲဖြစ်နေချိန် နွေ ခေါင်ခေါင်တွင် ဘာရည်ရွယ်ချက် မျှ မည်မည်ရရ မရှိဘဲ ရေကောင်း ရေသန့်များကို  ဗုံးပေါလအော ဖြုန်းတီးပစ်နေသော ကာလ။ ရဲစ ခန်း၊ ဆေးရုံ၊ စည်ပင်အုပ်ချုပ်ရေး စသော ဌာနအသီးသီးမှ သူများ အပူ ကိုယ်ယူရသောကာလ၊ အရွယ်ရောက်သားသမီးများအ တွက် မိဘတိုင်း စိုးရိမ်သောက ရောက်ရသော ကာလလည်းဖြစ် သည်။ အမှန်တော့ သည်ဘက်နှစ် ပိုင်းများတွင် သင်္ကြန်ဆိုသည်မှာ မြန်မာတို့၏ ပုံရိပ်ဆိုးများကို အ ရှက်မဲ့စွာဖော်ပြသော ကာလဖြစ် လာသည်။

ကျွန်တော်တို့ငယ်စဉ်ကာလ ကတော့ သိကြားမင်း၏ ခွေးသား ရေပုရပိုက်သည် တန်ခိုးထွားသေး ၏။  သိကြားမင်း၏  ခွေးသားရေ ပုရပိုဒ်နှင့် ခြောက်လှန့်လျှင်ကြောက်သေးသည်။  ဒါကြောင့်လည်း မကောင်းမှုတစ်ခုခုလုပ်ရမှာ ကြောက်နေတတ်သည်။ ခုတော့ ပုရပိုက်ခမျာလည်း ဘာအာဏာပါဝါမျှမရှိတော့။ သင်္ကြန်မဏ္ဍပ်တွေနောက်မှာ လူငယ်တွေအတွက် တီးတိုးသီးသန့်အခန်းတွေပါ ရှိသည်ဆိုမှတော့ သင်္ကြန်သည် စဉ်းစားစရာကောင်းသည့် ပွဲတော်တစ်ခုဖြစ်လာပေပြီ။

 မြန်မာ့နှစ်သစ်ကူးကာလ သင်္ကြန်အခါကို စဉ်းစားရင်း မြန် မာ့ဒီမိုကရေစီခေတ်ဦးနှင့် ချိန်ထိုး စဉ်းစားမိသည်။ သင်္ကြန်ကာလ ရောက်ပြီဆိုသည်နှင့် သဒ္ဓါတရား ဖြင့် မြင့်မြတ်သောရဟန်းဘောင် သို့ ၀င်ကြသူများရှိသလို အိမ်ကအ တင်းဝတ်ခိုင်း၍ သာသနာ့ဘောင် သို့ဝင်ရသော ဒုလ္လဘရဟန်းများ က ပိုများသည်။ ရဟန်းဘ၀ ရောက်ဖို့ သိမ်မ၀င်မီ အချိန်ပိုင်း ကလေးမှာပင်  အရက်ကို  တ၀ တပြဲသောက်ကာ  အရက်နံ့တ လူလူထွက်နေသော  ရဟန်း လောင်းများကို တွေ့ရတတ်သည်။ ရဟန်းသုံးလေးရက်ဝတ်ပြီး ၀ိနည်း ဆိုတာလည်းမသိ၊ ကျင့်ဝတ်ဆိုတာလည်းနားမလည် နောက် တော့လူထွက်ကာ ဒုံရင်းဒုံရင်းအရက်သမား။ နောက် အမှန်တကယ် တရားအားထုတ်လိုသည်ထက် အနေချောင်အစားချောင်ရန် တရားစခန်းဝင်သူများဆိုသည့် ကုသိုလ်ယောင်ဆောင်သူများက  တစ်ဖက်။အခြားတစ်ဖက်တွင် သင်္ကြန်ဆိုသည်နှင့် အာဝါဒေးပွဲလို လိုင်စင်ရ မူးယစ်ရမ်းကားခွင့်၊ လွတ်လပ်စွာ အရှက်မဲ့ခွင့်များရှိ သည်ဟု ထင်နေသူများရှိသည်။ ဒီမိုကရေစီနှစ်သစ်ဦး  ကာလတွင်ရော အမှန်တကယ် ယုံကြည်မှုမရှိဘဲ ဒီမိုကရက်ဘောင်အတွင်း တိုးဝင်လာသူများနှင့် ဒီမိုကရေစီရပြီကွဆိုကာ ရမ်းချင်တိုင်းရမ်းနေသော စာပေစာနယ်ဇင်းနှင့် အနုပညာရပ်ဝန်းမှ ပုဂ္ဂိုလ်များ၊ ကဲချင်တိုင်းကဲနေသော တက်ကြွလှုပ်ရှားသူဆိုသည့် လူအချို့ကိုတွေ့ရသည်။ သင်္ကြန်နှင့်  မြန်မာ့ဒီမိုကရေစီခေတ်ဦး ပုံရိပ်တွေက  ထပ်တူနီးပါး။

 သို့ဆိုလျှင် သင်္ကြန်စာက ရော။  သင်္ကြန်စာဆိုသည်က ဗေ ဒင်ပညာရှင်များက ကျမ်းကိုး ကျမ်းကားပြု၍ နောက်တစ်နှစ်အ တွင်းဖြစ်နိုင်သည့် အခြေအနေကို ဟောကိန်းထုတ်ကြသည်မို့ မြန် မာ့ဒီမိုကရေစီကာလ ၂၀၁၅ မ တိုင်မီဟောကိန်းကို  ကျွန်တော် စိတ်ဝင်စားမိသည်။

သည်နှစ် သိကြားမင်း ဘယ် အရာကိုစီး၊ ဘယ်ပစ္စည်းကို ကိုင် သည်လည်း ကျွန်တော် လက် လှမ်းမမီ။ ထို့ကြောင့်လည်း သင်္ကြန်စာပါ ဟောကိန်းများကို ကျွန်တော်မသိ။ သို့သော်လည်း နိုင်ငံတော်သမ္မတကြီးရေးမည့် နှစ်ဦးသင်္ကြန်စာကိုတော့  ကျွန်တော်သိချင်မိသည်။ နိုင်ငံတော် သမ္မတက သင်္ကြန်စာကို ရေးရာတွင် ဒီမိုကရေစီစံနှုန်း၊ ပြည်သူ့ လိုလားချက်များကို ကိုးကား၍ ရေးမည်လား။ အာဏာတည်မြဲရေး ဆက်လက်ချုပ်ကိုင်နိုင်ရေးကိုစံပြု၍ ရေးမည်လား။  ထို့တူရူချက်နှစ်ခုက မြန်မာ့ဒီမိုကရေစီ ခေတ်ဦးသင်္ကြန်စာ၏ အဆိုးအကောင်းဖြစ်သည်။ တစ်နည်းအားဖြင့်  သမ္မတကြီးဦးသိန်းစိန်ကို  ကျွန်တော်တို့ငယ်ငယ်က သိကြားမင်းပုံရိပ်ဖြင့် တင်စားရလျှင် သမ္မ တကြီးစီးမည့် အရာနှင့်ကိုင်စွဲလာမည့် အရာဝတ္ထုတို့ကသာ ကျွန်တော်တို့ နိုင်ငံအတွက် သင်္ကြန်စာဖြစ်သည်။ ကျွန်တော်ကတော့ သမ္မတကြီး ကိုင်စွဲသည်မှာ အောင်သပြေပန်းများသာ ဖြစ်ပါစေ၊ သမ္မတကြီး ခွစီးထားသည်မှာ ပြည်သူများမဟုတ်ပါစေနှင့်ဟုသာ အခါခါ ဆုတောင်းနေမိသည်။

7day daily

အာဆီယံတွင် မြန်မာသြဇာပိုကောင်းရန် အလားအလာရှိဟု ဗြိတိန်အစိုးရသုံးသပ်



Author: နေလင်းထွန်း

အာဆီယံဥက္ကဋ္ဌရာထူးလွှဲပြောင်းရယူသည့် အခမ်းအနားသို့ တက်ရောက်လာသည့် သမ္မတဦးသိန်းစိန် MADE NAGI/EPA
မြန်မာနိုင်ငံသည် အရှေ့ တောင်အာရှဒေသနှင့်  အာဆီယံအဖွဲ့အစည်းတွင် အင်တိုက်အားတိုက် ရှိလာသလို သြဇာပိုမိုရှိလာ မည့် အလားအလာရှိနေပြီး တိုင်း ပြည်တွင်ရှိနေသော အရင်းအမြစ်များကြောင့် အာရှတိုက်၏ ကုန် သွယ်ရေးလမ်းဆုံ၊  လမ်းခွများ ဖြစ်လာမည့်   အလားအလာရှိနေကြောင်း ဗြိတိန်အစိုးရအစီရင်ခံ စာတစ်စောင်တွင် သုံးသပ်ထားသည်။

 မြန်မာနိုင်ငံအတွင်း ဗြိတိန်နိုင်ငံ၏ လှုပ်ရှားမှုများ အစီရင်ခံစာကို ဗြိတိန်နိုင်ငံ ကုန်သွယ်ရေး နှင့် ရင်းနှီးမြှုပ်နှံမှုဌာန၊  ကာကွယ်ရေးဝန်ကြီးဌာနတို့၏  ပံ့ပိုးမှုဖြင့် ရန်ကုန်မြို့ရှိ  ဗြိတိသျှသံရုံးနှင့် နိုင်ငံခြားရေးနှင့် ဓနသဟာယရုံးတို့က ထုတ်ပြန်လိုက်ခြင်း ဖြစ်သည်။

  တရုတ်၊ အိန္ဒိယနိုင်ငံတို့ ကြား တည်ရှိနေသော မြန်မာနိုင်ငံ သည် အရေးကြီးသော မဟာဗျူ ဟာမြောက် ပထ၀ီနိုင်ငံရေးအနေ အထားတွင် ရှိနေသည်။

  လတ်တလော ဒီမိုကရေစီ နှင့်  စီးပွားရေးပြုပြင်ပြောင်းလဲနေ သော မြန်မာနိုင်ငံကို ပံ့ပိုးနေသည့် ဗြိတိန်အစိုးရ၏ ချဉ်းကပ်ပုံနည်း လမ်းနှင့် ဆောင်ရွက်ချက်များကို ၎င်းအစီရင်ခံစာတွင်  သုံးသပ်ရှင်း လင်းဖော်ပြထားသည်။

မြန်မာနိုင်ငံအနေဖြင့် မည် သို့ပင်   အလားအလာများ ရှိနေ စေကာမူ လုပ်ကိုင်မှုစွမ်းရည်၊ အခြေခံအဆောက်အအုံ  လိုအပ် ချက် စသည့်စိန်ခေါ်မှုများသည် ပြုပြင်ပြောင်းလဲရေးအတွက် အစိုးရ၏ အားထုတ်မှုကို   အဟန့်အတား ဖြစ်နေစေကြောင်း  သုံးသပ်ထားသည်။

ထို့ပြင် သိသာထင်ရှားသော လူ့အခွင့်အရေး ပြဿနာများ၊ လူ မျိုးရေး၊ ဘာသာရေးတင်းမာမှု များကို ဖြေရှင်းရန် လိုအပ်ချက် သည် စိုးရိမ်စရာဖြစ်နေပြီး မဖြေရှင်းနိုင်ပါက တိုးတက်မှု ဖြစ်စဉ်များကို ထိခိုက်နိုင်သော အန္တရာယ်ရှိနေကြောင်း  ထောက်ပြထား သည်။

 ဗြိတိန်နိုင်ငံအနေဖြင့် မြန်မာနိုင်ငံတွင် ဒီမိုကရေစီ တည် ဆောက်ရေး၊ ငြိမ်းချမ်းမှု တည် ဆောက်ရေး၊ ဖွံ့ဖြိုးရေး၊ သာယာဝပြောရေး၊ ကုန်သွယ်ရေးနှင့် ရင်းနှီးမြှုပ်နှံမှု၊  နိုင်ငံပူးပေါင်းဆောင် ရွက်မှု၊ နိုင်ငံတကာပူးပေါင်း ဆောင်ရွက်မှုများဟူ၍ အဓိက နယ်ပယ်ငါးခု ခွဲခြား၍ ဆောင်ရွက်နေသည်။

  ဗြိတိန်နိုင်ငံသည် မြန်မာနိုင်ငံသို့ ကူညီထောက်ပံ့မှုပမာဏအနေဖြင့် ဂျပန်နိုင်ငံပြီးနောက် ဒုတိယနေရာတွင် ရပ်တည်နေပြီး ဖွဲ့စည်းပုံအခြေခံဥပဒေပြင်ဆင်ရေးနှင့် ဘင်္ဂါလီများကို နိုင်ငံသားဖြစ်ခွင့်ပေးရေး
တို့အတွက် မြန်မာအစိုးရအား တိုက်တွန်းလျက်ရှိသည်။

7day daily

NLD ရွေးကောက်ပွဲနိုင်ပြီး ကြံ့ခိုင်ရေး သမ္မတ ဖြစ်သွားနိုင်သော သမ္မတရွေးချယ်ပွဲ


လင်းထိုက် (Y.I.T)
NLD ပါတီအနေဖြင့် တိုင်းရင်းသားများနှင့် ညီညွတ်ရေးဗျူဟာ တည်ဆောက်မှု အားနည်းနေချိန်တွင် အဆိုပါ မိန့်ခွန်းများ၌ တိုင်းရင်းသားများ သဘောခွေ့မည့် စကားရပ်များ ပါဝင်နေသည်မှာ ၂၀၁၅ ရွေးကောက်ပွဲအတွက် တင်ကြိုစည်းရုံးခြင်း ဗျူဟာတစ်ရပ်ဖြစ်နိုင် . . .

ပုဒ်မ ၄၃၆ ပြင်မှာလား

ဖွဲ့စည်းပုံပြင်ဆင်ရေး (အထူးသဖြင့် ပုဒ်မ ၄၃၆၊ ပုဒ်မ ၅၉ (ဃ) (စ)) ဆန္ဒထုတ်ဖော်ပွဲများ နိုင်ငံအ၀န်းကျယ် ကျယ် ပြန့်ပြန့်ပေါ်ပေါက်လာချိန်နှင့်တစ်ပြိုင်တည်း ဆိုသလို သမ္မတဦးသိန်းစိန်နှင့် ကာ/ချုပ် ဗိုလ်ချုပ်မှူးကြီး မင်းအောင်လှိုင်တို့၏ မိန့် ခွန်းများ ပြည်သူများဆက်တိုက် နားဆင် လိုက်ရပြီး မိန့်ခွန်းများထဲမှ ထူးခြားချက် များကို နိုင်ငံရေးရပ်ဝန်းကြား ဝေဖန်သုံးသပ် သံများ ညံသွားခဲ့သည်။ ရာထူးသက်တမ်း သုံးနှစ်ပြည့် ပြည်ထောင်စု လွှတ်တော်၌ ပြောကြားသော သမ္မတ၏မိန့်ခွန်း၌ ““ အခြေခံဥပဒေ ပြင်ဆင်ရာတွင် အခန်း (၁၂) ပါ ပြဋ္ဌာန်းချက်များနှင့် အညီပြင်ဆင်ရန် အလေးထား လိုက်နာကြရမှာ ဖြစ်ကြေ၊ာင်း””ထည့် သွင်းပြောကြား ခဲ့သည်။ တပ်မတော်နေ့ အခမ်းအနား၌ ကာ/ချုပ် ပြောကြားသော မိန့်ခွန်း၌လည်း ““အခြေခံဥပဒေ ပြင်ဆင် ရန် လိုအပ်လာလျှင်လည်း အခန်း (၁၂) အခြေခံဥပဒေပြင်ဆင်ခြင်း အခန်းတွင် ပြဋ္ဌာန်းထားသော ဥပဒေနှင့်အညီ ဆောင် ရွက်သွားရမည်ဖြစ်ကြောင်း”” ထည့်သွင်း ပြောကြားခဲ့ပြန်သည်။

ဤနှစ်ချက်ကို ထောက်ရှုလျှင် အခန်း ၁၂ ပါ အခြေခံဥပဒေပြင်ဆင်ခြင်း ပုဒ်မ ၄၃၆ အား ဦးတည်ရည်ညွှန်း ကြောင်း အထင်အရှားပြဆိုနေပေသည်။ ပုဒ်မ၄၃၆ သည် အခြေခံဥပဒေပြင်ဆင်ရေး လမ်းကြောင်းတွင် သော့ခ လောက်သဖွယ် ဖြစ် နေသည်ရှိရာ အစိုးရနှင့် တပ်မတော်တို့ ၏ ဖွဲ့စည်းပုံပြင်ဆင်ရေး ဆန္ဒမထက်သန် ပုံကို အသေအချာ ရည်ညွှန်းနေပေသည်။ ထို့ပြင် ဖွဲ့စည်းပုံပြင်ဆင်ရေး ဆန္ဒထုတ်ဖော်ပွဲများ ဆက်တိုက်ဆိုသလို အင်တိုက် အားတိုက် ကျယ်ပြန့်လာခြင်းကို အဟန့် သဘောဆောင်တန်ပြန်ခြင်းဟု မှတ်ယူ နိုင်ပါသည်။…

တိုင်းရင်းသားလော်ဘီ

မိန့်ခွန်းနှစ်ရပ်လုံးတွင် တိုင်းရင်းသား အရေးနှင့် ပတ်သက်၍မူ အထူးဂရုထား လိုက်လျောမည့်သဘောများ ပါဝင်နေခဲ့ သည်။ တိုင်းရင်းသားများအားစည်းရုံးရေး ဗျူဟာခင်းသည့်မိန့်ခွန်းများဟုပင် ဆိုနိုင် သည်။ အတိုက် အခံပါတီကြီးဖြစ်သော NLD ပါတီအနေဖြင့် တိုင်းရင်းသားများနှင့် ညီ ညွတ်ရေးဗျူဟာတည်ဆောက်မှု အား နည်း နေချိန်တွင် အဆိုပါမိန့်ခွန်းများ၌ တိုင်းရင်းသားများ သဘောခွေ့မည့် စကားရပ်များ ပါဝင်နေသည်မှာ ၂၀၁၅ ရွေးကောက် ပွဲအတွက် တင်ကြိုစည်းရုံးခြင်း ဗျူဟာတစ် ရပ်ဖြစ်နိုင်သည်ဟု နိုင်ငံရေးရပ်ဝန်းမှ လေ့ လာသုံးသပ် ပြောဆိုလျက်ရှိကြသည်။

၂၀၁၅၊ လွတ်လပ်နိုင်သော်လည်း တရားမမျှတနိုင်

မတ်လ ၁၃ ရက်နေ့က ပြည်ထောင်စု ရွေးကောက်ပွဲကော်မရှင် ဥက်္ကဋ္ဌ ဦးတင် အေးက ၂၀၁၅ ရွေးကောက်ပွဲ အား ဟာကွက် မရှိအောင် အောင်အောင်မြင်မြင်ဖြင့် လွတ်လပ်၍ တရားမျှတစွာ ကျင်းပနိုင်ရေး ဆောင်ရွက် သွား မည်ဖြစ်ကြောင်း ပြောကြားခဲ့သည်။ စောင့်ကြည့်အဖွဲ့ (Observer) များဖြင့် စနစ်တကျ စီမံသွားမည် ဟုပင်ပြော ကြားခဲ့သည်။ မတ်လ ၆ရက် နေပြည်တော်တွင် မီဒီယာများနှင့် တွေ့ဆုံစဉ် ပြည်ထောင်စု လွှတ်တော် နာယက သူရဦးရွှေမန်းမှ ဘယ်ပါတီကိုမှ ရန်သူလို သဘောမထားဘဲ ဒေါ်စုအားလည်း လုပ်ဖော် ကိုင်ဖက်လို သဘော ထားကြောင်း၊ ပါတီအချင်းချင်း အပြုတ်တိုက်၊ အပြတ်ရှင်းစနစ်ကို လုပ်ဆောင်မည် မဟုတ်ကြောင်း။ သို့သော် ရွေးကောက်ပွဲကျင်းပသည့် အချိန်တွင်မူ ““NLD ကလည်း အလျှော့ပေးမှာမဟုတ် ဘူး။ ကိုယ်တို့ကလည်း အနိုင်မပေးနိုင်ဘူး။ တရားမျှတသန့်ရှင်းစွာ လုပ်ဆောင်မယ်””ဟု ပြောကြားခဲ့သည်။

ဤအချက်များကို ထောက်ရှု၍ စစ် သားဟောင်းကြီးများ ကတိတည်မည်ဆိုလျှင် ရွေးကောက်ပွဲအား မဲမလိမ်၊ မဲမညစ်ဘဲ နိုင်အောင် ပြိုင်မည်ဟု ကြုံးဝါးခြင်းပင် ဖြစ်သည်။ ဤရှုထောင့်မှ စဉ်းစားလျှင် မည်သို့နိုင်အောင် ပြိုင်မည်နည်းဟု စဉ်းစားစရာရှိလာသည်။ ကြံ့ခိုင်ရေးပါတီ အနေဖြင့် ၂၀၁၅ ရွေးကောက်ပွဲ၌ သန့်ရှင်းစွာ ယှဉ်ပြိုင်မည်ဆိုလျှင် NLD ပါတီအားနိုင်ဖို့ ရန် အကြောင်းမမြင်ပေ။ သို့သော် သမ္မတ ရွေးချယ်ပွဲ၌ တပ်မတော် ၂၅ ရာခိုင်နှုန်း အကူအညီဖြင့် သမ္မတဖြစ်ရန် အခွင့်အလမ်း တစ်ရပ်ရှိနေသည်ကို အထူးဂရုပြုသင့်သည်။

(၁) ကြံ့ခိုင်ရေးပါတီ (သို့) တပ်မတော်မှ တစ်ဦး သမ္မတဖြစ်ရန် ၂၀၁၅ အထွေ ထွေ ရွေးကောက်ပွဲ၌ မဲရာခိုင် နှုန်း ၃၄ ရာခိုင်နှုန်း (၃၃ ဒသမ ၅၃ ရာခိုင်နှုန်း) ရရန်လိုအပ်သည်။

(၂) NLD ပါတီမှ သမ္မတရွေးချယ်ပွဲတွင် သမ္မတဖြစ်ရန် ၂၀၁၅ အထွေထွေ ရွေးကောက်ပွဲ၌ အနည်းဆုံး မဲ ၆၇ ရာခိုင်နှုန်း ရရှိထားရန် လိုအပ်သည်။

(၃) သမ္မတရွေးချယ်ခြင်း ပုဒ်မ (၆၀) အရ NLD ပါတီအနေဖြင့် သမ်္မတဖြစ်ရန် နိုင်ငံအ၀န်း မဲရာခိုင်နှုန်း ၇၀ ရာခိုင်နှုန်း ခန့်ရရှိထားမှ စိတ်ချရမည့်သဘောဖြစ်သည်။

(၄) နိုင်ငံအ၀န်း တောင်ပြို၊ ကမ်းပြို အနိုင်ရရှိခဲ့သော ၁၉၉၀ ရွေးကောက်ပွဲတွင် ပင် ၈၀ ရာခိုင်နှုန်းကျော် အနိုင်ရ၍ ၉၀၊ ၁၀၀ စသည်ဖြင့် ရာနှုန်းပြည့်မနိုင်ခြင်းကို ထောက်၍ ၂၀၁၅ ရွေးကောက်ပွဲတွင် NLD ပါတီ ၇၀ ရာခိုင်နှုန်းရရန်မှာ ထင်သလောက် လွယ်ကူမည်ဟု ကြိုတင်တွက် ဆမထားသင့်ဟု သုံးသပ်ကြည့်ခြင်းဖြစ် သည်။

(၅) ပါတီကြီးဖြစ်သော NLD ပါတီ မပါဝင်ဘဲ တစ်ယောက်တည်းပြိုင်၊ တစ်ယောက်တည်းနိုင် သဘောမျိုးရှိခဲ့ပြီး မဲ မသာမာမှု များလည်းရှိသည်ဟု စွပ်စွဲဝေဖန် မှုများရှိခဲ့သော ၂၀၁၀ ရွေးကောက်ပွဲတွင် ပင် ပြည်ခိုင်ဖြိုးပါတီ အနေဖြင့် ၇၉ ရာခိုင် နှုန်းကျော်သာ အနိုင်ရရှိခဲ့သည်ကိုလည်း သတိချပ်သင့်သည်။

(ပြည်ခိုင်ဖြိုးမဟုတ်သော အခြားပါတီများမှ ပြည်သူ့လွှတ်တော်အမတ် ၆၆ ဦး နှင့် အမျိုးသားလွှတ်တော် အမတ် ၃၉ ဦး လွှတ်တော်တွင်း ရောက်ရှိလာခဲ့သည်။ လွှတ်တော်နှစ်ရပ် ရွေးကောက်ပွဲရလဒ်၏ ၂၁ ရာခိုင်နှုန်း ရှိသည်။

(၆) (သမ္မတ ရွေးချယ်ပွဲတွင် လွှတ် တော် နှစ်ရပ်သာပါဝင်၍ တိုင်းဒေသကြီး နှင့် ပြည်နယ်လွှတ် တော်အမတ် များ၏ မဲများ အကျုံးမ၀င်၊ မပါရှိသည်ကိုလည်း သတိချပ်သင့်သည်။)

(၇) ကြံ့ခိုင်ရေးပါတီအနေဖြင့် သမ္မတဖြစ်ရန် တပ်မတော် ၂၅ရာခိုင်နှုန်း အကူ အညီဖြင့် ၃၄ ရာခိုင်နှုန်းရရှိရန် လိုအပ် သည့်အလျောက်လွှတ်တော်တွင်း ရောက် ရှိလာနိုင်သည့် တိုင်းရင်းသားပါတီ အမတ် များ၊ NLD မဟုတ်သော ကြံ့ခိုင်ရေး မိတ်ဖက် ဒီမိုကရက်ပါတီ အမတ်များအား သမ္မတ ရွေးချယ်ရာ၌ မဲများရရှိရန် ကြိုတင် မဟာ မိတ်ပြုစည်းရုံးထားနိုင်သည်ကို သတိမူသင့် ပေသည်။ ဤသို့သာ မဟာဗျူဟာကျ စည်းရုံးထားနိုင်လျှင် ကြံ့ခိုင်ရေးပါတီအတွက် သမ္မတဖြစ်ရန် ၃၄ ရာခိုင်နှုန်းပင် လိုအပ်တော့မည် မဟုတ်ပေ။ အောက်ပါ ဥပမာများ အတိုင်း စဉ်းစားကြည့်မည်။

ဥပမာ – ကြံ့ခိုင်ရေး + ကြံ့ခိုင်ရေး မိတ်ဖက်တိုင်းရင်းသားပါတီများ + ကြံ့ခိုင် ရေးမိတ်ဖက် NLD မဟုတ်သော အခြား ပါတီများ = ၃၄ ရာခိုင်နှုန်း

ဥပမာ -

(၁) ၂၀ % + ၁၀ % + ၄ % = ၃၄ %

(၂) ၁၅ % + ၁၅ % + ၄ % = ၃၄ %

(၃) ၁၇ % + ၁၃ % + ၄ % = ၃၄ %

ဤရှုထောင့်မှ စဉ်းစားလျှင် ၁၇ %၊ ၁၅ %၊ ၂၀ % ခန့်ရရုံဖြင့် တပ် ၂၅ % အကူအညီဖြင့် ကြံ့ခိုင်ရေး (သို့) တပ်မှ သမ္မတဖြစ်ပြီဖြစ်သည်။

အထက်ပါ အချက်အလက်အထောက် အထားများအရ ၂၀၁၅ ရွေးကောက်ပွဲ သည် လွတ်လပ်၍ သန့်ရှင်း စေကာမူ တပ်မတော်မှ ၂၅ ရာခိုင်နှုန်းပါဝင် နေခြင်းကပင် တရားမမျှတဟု ကောက်ချက်ချရခြင်း ဖြစ်သည်။

- ကြံ့ခိုင်ရေး၏ မိတ်ဖက်ဆိုရာ၌ ဘာသာရေးနည်းဖြင့် ပါတီတစ်ခု ထူထောင်ခဲ့လျှင် ဗုဒ္ဓဘာသာမဲ များလည်း ရရှိနိုင်သေးသည်။

- PR စနစ်သာ ပြုလုပ်ခဲ့လျှင်မူ ကြံ့ခိုင်ရေးအတွက် သမ္မတဖြစ်ရန် ဤမျှမဲ ရာခိုင်နှုန်းပင် မလိုအပ်တော့ချေ။

- တိုင်းရင်းသားနှင့် အခြားပါတီများ သည် ၂၀၁၅ ရွေးကောက်ပွဲတွင် ကြံ့ခိုင် ရေးနှင့် NLD ပါတီတို့ဖြင့် မဟာဗျူ ဟာကျသော စည်းရုံးရေးအတွက် အလွန်အရေးပါသော ကဏ္ဍမှ ပါဝင်လာနိုင်သည်။

သုံးသပ်ချက်

NLD ပါတီအနေဖြင့် ၂၀၁၅ ရွေး ကောက်ပွဲ၌ ၇၀ ရာခိုင်နှုန်း နိုင်ထားလျှင် သမ္မတဖြစ်ရေး စိတ်ချရနိုင်သော် လည်း မှန်းချက်နှင့် နှမ်းထွက် မကိုက်လျှင် ဖြစ် တန်ဖွယ်ရာများမှာ-

(က) ၅၉(ဃ)နှင့် ၅၉(စ) အား ကြံ့ခိုင်ရေးနှင့် တပ်မှပြင်ပေးမည်။

(ခ) ရွေးကောက်ပွဲ၊ လွှတ်တော်နှစ်ရပ် ၌ မဲ ၆၅ ရာခိုင်နှုန်းခန့် အနိုင်ရမည်။

(ဂ) ဒေါ်အောင်ဆန်းစုကြည် ဒု-သမ္မတ (သမ္မတလောင်း)အဖြစ် လွှတ်တော်တစ်ရပ်မှ အရွေးခံရမည်။

(ဃ) သမ္မတ ရွေးချယ်ရာတွင်မူ ရှုံးနိမ့်၍ ဒေါ်အောင်ဆန်းစုကြည် ဒု-သမ္မတသာ ဖြစ်မည်။

(င) ဒေါ်အောင်ဆန်းစုကြည် ဒု-သမ္မတဖြစ်လျှင် ပါတီနှင့်ကင်းကွာ၍ NLD ပါတီ အင်အားချည့်နဲ့နိုင်သည်။

ဤအခင်းအကျင်းအတိုင်း ဖြစ်လာခဲ့လျှင် တိုင်းပြည်အရေး ဘာဖြစ်နိုင်မည်ကို စာရှုသူများ ဆက်လက် စဉ်းစားပါ ကုန်။ NLD ပါတီ၏ အနိုင်ရနိုင်ခြေ တောင်ပြို ကမ်းပြိုသည် ၈၀ ရာခိုင်နှုန်း၊ ၉၀ ရာခိုင်နှုန်းခန့် တွက်ချက်ထားပါမူ အထက်ပါ တွက်ချက်မှုများအား ထည့်သွင်း စဉ်းစားရန် လိုမည်မထင်ပေ။

Myanmartandawsint

မိန်းကလေးများ သတိထားရမည့် နည်းပညာထောင်ချောက်


နည်းပညာခေတ်တွင် ဆိတ်ကွယ်ရာမရှိဟူသော အချက်ကို အမျိုးသမီးတိုင်း အမြဲသတိရနေရန် အရေးကြီးသည်။ (ဓာတ်ပုံ - ဂျေမောင်မောင်(အမရပူရ))

ချစ်သူကို ဆိတ်ကွယ်ရာအရပ်၌ ဘဝတစ်ခုလုံး ပုံအပ်လိုက်သူ မိန်းကလေးအချို့ တိုးတက်လာ သည့် နည်းပညာခေတ်တွင် ဂုဏ် သိက္ခာအရ အသုံးချခံခဲ့ရသော ဖြစ်စဉ်များ ခပ်စိပ်စိပ်ဖြစ်လာပါ သည်။

မိန်းကလေးငယ်အချို့ ချစ်သူအမျိုးသားအပေါ် ယုံကြည် မှုလွန်ကဲမိခြင်းနှင့် နည်းပညာကို တလွဲအသုံးချသော အမျိုးသား အချို့၏ လုပ်ရပ်ကြောင့် သက် ဆိုင်သူနှစ်ဦးသာ သိထားသည့် လျှို့ဝှက်အပ်သော နေထိုင်မှုပုံစံ များသည် Online စာမျက်နှာများ ပေါ်သို့ ဓာတ်ပုံများ၊ ရုပ်သံဖိုင် များအဖြစ် ရောက်လာသည့် ဖြစ် စဉ်များရှိလာသည်။

ထိုဖြစ်စဉ်များ၏နောက်တွင် ပတ်ဝန်းကျင် အသိုင်းအဝိုင်း၏ အထင်သေးရှုတ်ချမှုကို ရင်ဆိုင် ရပြီး သက်ဆိုင်သူမိန်းကလေး ငယ်အချို့ ဘဝတစ်လျှောက်လုံး ဦးတည်ချက်ပျောက်သွားသည့် အပြင် မိသားစုဆွေမျိုး အသိုင်း အဝိုင်းအတွင်း တစ်သက်တာ ခေါင်းမဖော်ဝံ့အောင် လက် မြှောက် အရှုံးပေးလိုက်ရသူများ လည်း ရှိပါသည်။

ရန်ကုန်တိုင်းဒေသကြီးအ တွင်းရှိ မြို့နယ်တစ်ခုတွင် နေထိုင်သော အသက်(၂၁)နှစ်အရွယ် အမျိုးသမီးတစ်ဦးသည် ပြီးခဲ့သည့် ၂၀၁၃ နှစ်ကုန်ပိုင်းက မိဘများ သဘောတူ လက်ထပ်ပေးခဲ့သည့် အမျိုးသားနှင့် အိမ်ထောင်တစ်ခုထူထောင်ခဲ့ပါသည်။ အိမ်ထောင်ကျပြီး သုံးလခန့်အကြာတွင်တော့ ၎င်းနှင့် အခြားအမျိုးသားတစ်ဦး လိင်ဆက်ဆံနေသည့် ဗီဒီယိုဖိုင်တစ်ခု အင်တာနက်စာမျက်နှာပေါ် ပျံ့နှံ့လာခဲ့သည်။ အဆိုပါဖိုင်တွင် ၎င်း၏ နာမည်နှင့် လက်ရှိသုံးနေသည့် ဖုန်းနံပါတ်ပါ ဖော်ပြထားပြီး ပြည့်တန်ဆာအလုပ် လုပ်ကိုင်နေသူဖြစ်ကာ လိုအပ်ပါက ခေါ်ဆိုနိုင်ကြောင်း ရေးသားထားသည်။

နောက်ဆက်တွဲ ရလဒ်က တော့ ကြေကွဲစရာ ကောင်းပါ သည်။ အိမ်ထောင်သည်အမျိုး သားနှင့် ကွာရှင်းပြတ်စဲခဲ့ရသလို ငယ်ငယ်ရွယ်ရွယ်နှင့်ပင် တစ်ခု လပ်ဘဝ ရောက်ခဲ့ရသည်။ ဗီဒီယို ဖိုင်မှာ ၎င်း အသက်(၁၈)နှစ်အ ရွယ် လွန်ခဲ့သည့်လေးနှစ်ခန့်က လက်တွဲခဲ့သည့် ချစ်သူအမျိုးသား က တည်းခိုခန်းတစ်ခုတွင် အတူ နေကြစဉ် အမှတ်တရအဖြစ် သိမ်းဆည်းထားချင်သည်ဆိုသော ကြောင့် ဖုန်းကင်မရာဖြင့် ရိုက်ခွင့်ပြုခဲ့ခြင်းဖြစ်ပြီး ၎င်းအိမ်ထောင် ကျပြီးနောက် အင်တာနက်ပေါ်သို့ အတင်ခံလိုက်ရခြင်းဖြစ်ကြောင်း ကာယကံရှင် အမျိုးသမီးကိုယ် တိုင် ရဲစခန်းသို့ တိုင်ကြားခဲ့သည်။

ချစ်သူကို ယုံကြည်မှုလွန်ကဲ မိရာက မှားယွင်းခဲ့သည့် လွန်ခဲ့ သော လေးနှစ်ခန့်က ဖြစ်စဉ်တစ် ခုကြောင့် ကာယကံရှင်အမျိုးသမီးမှာ ဂုဏ်သိက္ခာပိုင်းအရ နေထိုင် ရာ ပတ်ဝန်းကျင်တွင် ရပ်တည်၍ မရတော့အောင် ရင်ဆိုင်ခဲ့ရသော်လည်း ကျူးလွန်သူအမျိုးသားကိုမူ ရဲတပ်ဖွဲ့က ဖမ်းဆီး၍မရခဲ့ပါ။ အဆိုပါအမှုမှာ တည်ဆဲဥပဒေများအရ ရဲအရေးမပိုင်သည့် အမှုဖြစ်နေခြင်းကြောင့် တရားရုံးသို့ သာ ဦးတိုက်လျှောက်ထားခဲ့ရ သည်။ ၎င်းအား ညစ်ညမ်းသောပုံများ ဖြန့်ဝေသည့် ဥပဒေပုဒ်မ ၂၉၂(က)နှင့် အသရေဖျက်မှု ဥပဒေပုဒ်မ ၅၀၀ ဖြင့်သာ တရားစွဲဆိုခဲ့သည်။ အမျိုးသမီးငယ်တစ်ဦး ဂုဏ်သိက္ခာနှင့် ဘဝကစဥ့်ကလျားဖြစ်စေသည်အထိ ကျူးလွန်ခဲ့သူ၏ ပြစ်ဒဏ်မှာ ဤမျှလောက်နှင့် ထိုက်တန်မှုမရှိကြောင်း တရားလွှတ်တော်ရှေ့နေ ဦးမြင့်အေးက ပြောသည်။

‘‘ဒီလိုအမှုတွေက လက်ရှိ ရောက်နေတဲ့ ခေတ်အခြေအနေ နဲ့ ဆိုင်တယ်။ အင်္ဂလိပ်အစိုးရ လက်ထက်ကဆွဲခဲ့တဲ့ တချို့ဥပဒေတွေက ဒီဘက်ခေတ်မှာ သိပ်အံမဝင်တာတွေရှိတယ်။ တချို့နေရာတွေမှာ ပြစ်မှုကျူးလွန်သူကို အကာအကွယ်ပေးထားသလို ဖြစ်နေတယ်’’ဟု ဦးမြင့်အေးက လက်ရှိ တည်ဆဲဥပဒေအချို့အပေါ် ထောက်ပြဝေဖန်သည်။

အဆိုပါမှုခင်းမျိုးကို ဆိုက် ဘာပြစ်မှု (Cyber Crime)အဖြစ် ရဲတပ်ဖွဲ့က သတ်မှတ်ပြီး လက်ရှိ ပြည်တွင်း၌ အဆိုပါမှုခင်းမျိုး အ များအပြား ဖြစ်ပွားနေသည်ကို သိရှိသော်လည်း အကြောင်းအမျိုး မျိုးဖြင့် ရဲတပ်ဖွဲ့သို့ လာရောက် တိုင်ကြားမှု အလွန်နည်းနေ ကြောင်း မြန်မာနိုင်ငံရဲတပ်ဖွဲ့ဌာန ချုပ် ရဲမှူးချုပ်ဝင်းခေါင်က ရန် ကုန်မြို့ရှိ ကုန်သည်ကြီးများနှင့် စက်မှုလက်မှုလုပ်ငန်းရှင်များအ သင်းချုပ် (UMFCCI)တွင် ပြုလုပ် သည့် သတင်းစာရှင်းလင်းပွဲ၌ ပြောခဲ့သည်။

လူတိုင်းသိခဲ့ပြီး သတင်းစာ စာမျက်နှာများပေါ်အထိ ရောက် ခဲ့သည့် အနုပညာရှင်အချို့နှင့် တက္ကသိုလ်ကျောင်းသူ၊ ကျောင်း သားအချို့၏ ဗီဒီယိုဖိုင်များတွင်လည်း ပြစ်မှုကျူးလွန်သူကို ဖော်ထုတ် အရေးယူနိုင်ခြင်း မရှိခဲ့သော ကြောင့် လက်ရဲဇက်ရဲရှိပြီး နည်း ပညာကို တလွဲအသုံးချမည့်သူ များအား တွန်းအားပေးသလိုဖြစ်ခဲ့ သည်။ ကာယကံရှင်မိသားစုများ မှာ နေရပ်ကို စွန့်ခွာတိမ်းရှောင် သွားရသည်အထိ သက်ရောက်မှု ကြီးမားခဲ့သော်လည်း အချို့စီးပွား ရေးသမားများမှာ အင်တာနက်ပေါ် ပျံ့နှံ့ခဲ့သည့် ရုပ်/သံဖိုင်များကို ကူးယူ၍ ဗီဒီယိုခွေအဖြစ် ရောင်းဝယ်ဖြန့်ကားပြီး စီးပွားဖြစ်ခဲ့ကြပါသည်။

‘‘အဓိကကတော့ ကိုယ့်ချစ် သူဖြစ်စေ၊ ကိုယ့်အမျိုးသားပဲဖြစ် စေ အဲဒီလိုကိစ္စတွေမှာ ယုံကြည်မှု မလွန်ကဲဖို့လိုတယ်။ ချစ်သူကို ချစ်တိုင်း အလိုမလိုက်သင့်ဘူး။ တစ်နေ့မှာ ကိုယ့်ရှူးကိုယ်ပတ်ပြီး ဒုက္ခရောက်နိုင်တယ်’’ဟု အမျိုး သမီးအရေး ဆောင်ရွက်သူ ရန်ကုန် နိုင်ငံရေးသင်တန်းကျောင်းမှ ဒေါ်ဇင်မာအောင်က ပြောပါသည်။

ထို့အပြင် နှစ်ဦးတည်းသာ သိသင့်သည့် လျှို့ဝှက်အပ်သော အတွင်းရေးကိစ္စကို အများပြည်သူထံ ဖွင့်ချပြသူကို ထိထိရောက် ရောက် အရေးယူသင့်ပြီး လက်ရှိ အနေအထားများအရလည်း အ မျိုးသမီးများ၏ အခွင့်အရေးအ တွက် အကာအကွယ်ပေးသည့် ဥပဒေမှာ အားနည်းချက်များရှိနေ ကြောင်း ၎င်းကသုံးသပ်သည်။

‘‘မြန်မာ့ဆိုရိုးစကားလည်းရှိ နေပါတယ်။ ကိုယ်ကကျူးရင် ကိုယ့်ဒူးတောင် မယုံရဘူးဆိုတာ မျိုးလေ။ ဒါကြောင့် မိန်းကလေး တွေအနေနဲ့ ထိန်းထိန်းသိမ်းသိမ်း နေတတ်ဖို့လိုတယ်။ မဟုတ်ရင် တော့ တစ်ဘဝစာ နောင်တရ သွားရလိမ့်မယ်’’ဟု ရန်ကုန်တိုင်း ဒေသကြီးလွှတ်တော် ကိုယ်စား လှယ် ဒေါက်တာဒေါ်ညိုညိုသင်း က သတိပေးပါသည်။

အင်တာနက်စာမျက်နှာများ တွင် ပျံ့နှံ့နေသည့် ဗီဒီယိုဖိုင်နှင့် ဓာတ်ပုံအများစုမှာ ဖုန်းကင်မရာ ဖြင့် အများဆုံးရိုက်ကူးထားပြီး ဖုန်းအသုံးပြုသူ သန်းနှင့်ချီ၍ ရှိ နေချိန်တွင် ရဲတပ်ဖွဲ့သို့ တိုင်သည့် Cyber မှုခင်းမှာ ခြောက်မှုသာရှိ ကြောင်း ပြည်ထဲရေးဌာနမှ သ တင်းထုတ်ပြန်ခဲ့သည်။ ထိုသို့ ဖြစ် ခြင်းမှာ ကာယကံရှင်အများစု သည် ရာဇဝတ်မှုမြောက်ကြောင်း နားမလည်သောကြောင့် အမှုမ ဖွင့်ခြင်းဖြစ်ကြောင်း ရဲမှူးချုပ်ဝင်း ခေါင်က ပြောသည်။

ထို့အပြင် ဥပဒေအရ အသိ ပညာအားနည်းခြင်းအပြင် ဆိုက် ဘာမှုခင်းများနှင့် ပတ်သက်၍ ရဲ တပ်ဖွဲ့သို့ တိုင်ကြားပါက ဖြေရှင်းရန် ခက်ခဲနိုင်ပြီး နည်းပညာသဘောတရား နားမလည်ခြင်းများက ရဲတပ်ဖွဲ့သို့ မတိုင်ကြားခြင်း၏ အခြေခံအချက်များ ဖြစ်ကြောင်း ၎င်းက သုံးသပ်ပြော ကြားခဲ့သည်။

လူ့အဖွဲ့အစည်းအတွင်း ထို ကဲ့သို့ ဖြစ်စဉ်များပေါ်ပေါက်လာ ပါက ယဉ်ကျေးမှုစံနှုန်းများအရ လူသိမခံချင်ကြသောကြောင့် ကာယကံရှင်များက ရဲတပ်ဖွဲ့သို့ မ တိုင်ကြားခြင်းမှာ လူမိုက်အားပေး သလိုဖြစ်နေကြောင်း အထက် တန်းရှေ့နေ ဦးခင်ဇော် (မရမ်း ကုန်း)က ပြောသည်။ ထို့အပြင် အဆိုပါအမှုမျိုးအား ဥပဒေပညာ ကျွမ်းကျင်သူများနှင့် တိုင်ပင်ကာ ထိထိမိမိတိုင်ကြားသင့်ကြောင်း ၎င်းက အကြံပေးသည်။

‘‘မြန်မာနိုင်ငံမှာ Cyber Crime Law မထွက်သေးပေမယ့် အဲဒီလိုမှုခင်းတွေမှာ ထိထိရောက် ရောက် တိုင်လို့ရတဲ့ အခြေအနေ တွေရှိပါတယ်။ ပြည်ထဲရေးက အရာရှိတွေ ပါဝင်ဖွဲ့စည်းထားတဲ့ အီလက်ထရွန်နစ် ဆက်သွယ် ဆောင်ရွက်ရေး ကြီးကြပ်မှုအဖွဲ့ ဆီမှာ တရားစွဲဆိုခွင့်တောင်းပြီး အမှုဖွင့်လို့ရတယ်။ ဒါကို နားလည်ဖို့လိုတယ်’’ဟု ဦးခင်ဇော်(မရမ်း ကုန်း)က ပြောသည်။

အီလက်ထရွန်နစ် ဆက် သွယ်ဆောင်ရွက်ရေး ကြီးကြပ်မှု အဖွဲ့သည် ဆက်သွယ်ရေး၊ စာ တိုက်နှင့် ကြေးနန်းဝန်ကြီးဌာနမှ ဝန်ကြီးက ဥက္ကဋ္ဌအဖြစ် တာဝန် ယူထားကာ ပြည်ထဲရေးဝန်ကြီး ဌာန အရာရှိများအပါအဝင် နည်းပညာကျွမ်းကျင်သည့် ပညာရပ်ဆိုင်ရာ ကျွမ်းကျင်သူများဖြင့် ဖွဲ့စည်းထားပြီး ၂၀၀၄ ခုနှစ်က ပြဋ္ဌာန်းခဲ့သည့် အ်ီလက်ထရွန်နစ် ဆက်သွယ်ဆောင်ရွက်ရေး ဥပ ဒေဖြင့် အမှုဖွင့်စစ်ဆေးပေးနေ ကြောင်း မြန်မာနိုင်ငံရဲတပ်ဖွဲ့ဌာန ချုပ် မှုခင်းရဲတပ်ဖွဲ့မှ ဒုရဲမှူးကြီး ဝင်းစိန်က ပြောသည်။

သို့သော် အီလက်ထရွန်နစ် ဆက်သွယ်ဆောင်ရွက်ရေး ကြီး ကြပ်မှုအဖွဲ့မှ တရားစွဲဆိုခွင့်ပြုရန် စိစစ်ရာတွင် ခွင့်ပြုချက်ရရန် အ ချိန်ပေးရခြင်းနှင့် ယခုကဲ့သို့ တိုင် ကြား၍ ရသည်ကို လူအများစု မသိကြခြင်းသည် ရဲတပ်ဖွဲ့သို့ Cy-ber မှုခင်းများ မတိုင်ကြားကြခြင်း ၏ အဓိကအကြောင်းရင်း ဖြစ်နေ ပါသည်။ ဥပမာဆိုရလျှင် ရဲတပ် ဖွဲ့သို့ တိုင်ခဲ့သည့် Cyber မှုခင်း အချို့အနက် ၂၀၁၂ ခုနှစ်က ရန်ကင်းမြို့တွင် ဖြစ်ခဲ့သည့်အမှုမှာ အီလက်ထရွန်နစ် ဆက်သွယ် ဆောင်ရွက်ရေး ကြီးကြပ်မှုအဖွဲ့သို့ တရားစွဲဆိုခွင့် တင်ပြထားသော်လည်း ယခုအချိန်ထိ ခွင့်ပြုချက်မကျသေးကြောင်း ယင်းအမှုနှင့် နီးစပ်သည့် ရဲအရာရှိကြီးတစ်ဦးက ပြောပြသည်။

မည်သို့ပင်ဖြစ်စေ နည်း ပညာကို တလွဲအသုံးချသူတို့၏ သားကောင်များဖြစ်ခဲ့ရသည့် မိန်း မသားအများစုကတော့ ဥပဒေ၏ အကာအကွယ်ကိုမရရှိဟု ယုံ ကြည်နေကြပါသည်။ အင်တာ နက်စာမျက်နှာများပေါ်တွင် လက်ရှိ ရှိနေသည့် ညစ်ညမ်းဝက်ဘ် ဆိုက်များတွင်လည်း မသမာသူ တို့က နည်းအမျိုးမျိုးဖြင့် ရိုက်ကူး ထားသည့် မြန်မာအမျိုးသမီးအ ချို့၏ ဗီဒီယိုဖိုင်များ၊ ဓာတ်ပုံများ အလွယ်တကူရှာဖွေကြည့်ရှုနိုင် နေသည်။ နာမည်မျိုးစုံဖြင့် အသုံး ပြုနေသည့် ညစ်ညမ်းဝက်ဘ် ဆိုက်များစွာ ရှိနေသည်။ ညစ် ညမ်းဝက်ဘ်ဆိုက်အချို့ဆိုလျှင် အစိုးရနှင့် ပုဂ္ဂလိကဝန်ထမ်း ဝတ် စုံဝတ်ထားသည့် အမျိုးသမီးဓာတ် ပုံများ တင်ထားပြီး လုပ်ဖော်ကိုင် ဖက်အချင်းချင်း ဖုန်းကင်မရာဖြင့် မသိအောင်ရိုက်၍ အင်တာနက် ပေါ် တင်နေခြင်းဖြစ်ကြောင်း လမ်းမတော်မြို့နယ်တွင် အင်တာနက် ဆိုင်ဖွင့်ထားသူ ကိုလူမော်က ပြောသည်။

အဆိုပါ ညစ်ညမ်းဝက်ဘ် ဆိုက်များတွင် အတင်ခံထားရ သည့် မိန်းကလေးအချို့ဆိုလျှင် ဂုဏ်သိက္ခာရှိသော အသိုင်းအ ဝိုင်းမှ ပါဝင်နေပြီး ၎င်းတို့၏ ဖုန်း နံပါတ်များကိုပါ မသမာသူတို့က တင်ထားသည့်အတွက် ၎င်း၏ ဖုန်းနံပါတ်ကိုခေါ်၍ ၎င်းတို့နှင့် ပျော်ပါးရန် အမျိုးသားအချို့က ခေါ်ခြင်းကို ရင်ဆိုင်ခဲ့ဖူးကြောင်း မြောက်ဒဂုံမြို့နယ်မှ အသက်(၃၃)နှစ်အရွယ် အမျိုးသမီးတစ်ဦးက ပြောသည်။

‘‘ကျွန်မမှာ အမျိုးသားလည်း ရှိတယ်။ ကလေးနှစ်ယောက် လည်းရှိတယ်။ ဆရာဝန်အသိုင်း အဝိုင်း မိသားစုဝင်တစ်ယောက် ပါ။ ကျွန်မဖုန်းကို မကြာခဏခေါ် ပြီး မကြားဝံ့မနာသာတွေ ပြော တော့ ဖုန်းကို ပိတ်ထားရတယ်။ နောက်ပိုင်းတော့ ပြောနေကျ မိတ်ဆွေတွေကလွဲလို့ ဖုန်းနံပါတ်အ သစ်ဆိုရင် ကိုင်ကိုမကိုင်တော့ တာ။ ဒီလိုဖြစ်စဉ်ကျတော့ ရဲကို ဘယ်လိုတိုင်လို့ သူတို့က ဘယ်လို အရေးယူပေးမှာလဲ’’ဟု ၎င်းက သူ၏အတွေ့အကြုံကို ပြောသည်။

များမကြာမီအချိန်တွင် အ မျိုးသားနှင့် အမျိုးသမီးလူငယ်ထု အကြား စိတ်ရှိတိုင်းပျော်ကြမည့် သင်္ကြန်ပွဲတော် လာပါတော့မည်။ မြန်မာ့ရိုးရာရေသင်္ကြန်ပွဲတော်ဟု ညွှန်းဆိုရန် မရနိုင်တော့အောင် ဝတ်စားဆင်ယင်မှု ပုံရိပ်များ ကြမ်းတမ်းနေသည့် ယင်းပွဲတော်တွင် နည်းပညာကို အသုံးချကာ ညစ် ညမ်းရုပ်ပုံများ အင်တာနက်စာ မျက်နှာပေါ် တင်မည့်သူများ သား ကောင်ကို ရှာဖွေနေမည်မှာ သေ ချာနေပါသည်။ လာမည့်နှစ်သစ် ၏ အင်တာနက်စာမျက်နှာပေါ် တွင် အမျိုးကောင်းသမီးတစ်ဦး ညစ်ညမ်းဝက်ဘ်ဆိုက်များ၏ သားကောင်မဖြစ်စေရန် ကာယ ကံရှင်နှင့် လူ့အဖွဲ့အစည်းကပါ ထိန်းကျောင်းပေးရန် တာဝန်ရှိနေ ပါသည်။      ။

Author: အောင်သစ်လွင်

7Day Daily