ဆီးအောင့်ခြင်း


တရားခံ အစစ်က ဗက်တီးရီးယား၊ နာမည်တပ် ပြောရရင် E. coli ဆိုတဲ့ အကောင်ဖြစ်တယ်။ ပိုးဝင်လာပြီး၊ ၁-၂ ရက်ဆိုရင် လက္ခဏာတွေ ပြတယ်။ ဆီးသွားရတာ ပူလောင်၊ နာကျင်နေမယ်။ ဆီးခဏခဏလဲ သွားချင်နေမယ်၊ သွားချင်လာရင်လဲ Bathroom ရေချိုးခန်း တန်းပြေးမှ မဟုတ်ရင် တစက်တစက် လမ်းမှာ ထွက်မယ်။ ကြာတော့ ဆီးကထွက်စရာ မရှိတော့ဘူး။ ဆီးထဲမှာ အနယ်ပါနေမယ်။ အနံ့လဲ ဆိုးလာမယ်။ တခါတလေ ဆီးထဲမှာ သွေးပါမယ်။
အငိုတိတ်အောင် လုပ်ရတာ ရောဂါကြောင့် ဆိုရင်တော့ သိပ်မခက်ပါ။
• အဝတ်ကို ရေခပ်နွေးနွေး ဆွတ်ပြီး နာနေတဲ့ ဆီးစပ်နေရာမှာ အုပ်ပေးပါ။
• ခင်ပွန်းနဲ့ မဆက်ဆံခင်နဲ့ ဆက်ဆံအပြီးတိုင်း ဆီးသွားပေးပါ။
• ရေ-အရည် အများကြီးသောက်ပါ။
• Cranberry juice ဖျော်ရည်ကို ညွှန်းတယ်။ ကိုယ့်ဆီမှာရှိတဲ့ လိမ်မော်၊ သံပုရာ၊ ကမ္ဗလာ၊ ငှက်ပျောသီး၊ ဖရဲသီး၊ အာလူး၊ ချော့ကလက်၊ ပဲတောင့်ရှည် ကောင်းပါတယ်။
• အသား၊ ငါး၊ ဥ၊ အစေ့အဆံ၊ ပြောင်း-ပြောင်းဖူး၊ စပျစ်သီးခြောက်၊ ဘယ်ရီသီး၊ ကော်ဖီ၊ ချဉ်တဲ့ (ခရင်မ်)၊ ဝိုင်၊ ဒိန်ချဉ် (ရောဂတ်)၊ (ဘတ်တား-မစ်လ်ခ်)၊ တွေက အက်စစ် များစေလို့ လျှော့ရ-ရှောင်ရမယ်။
• Medication ဆီးလမ်းပိုးဝင်ခြင်းအတွက် ပဋိဇီဝဆေးတွေက အသုံးများတာတွေမို့ ဝယ်လို့ လွယ်ပါတယ်။
• ပိုးသေဆေးတွေကို ဖြစ်မှမဟုတ်ဘဲ ကြိုတင် ကာကွယ်တဲ့အနေနဲ့ သောက်နိုင်ပါတယ်။
• နာတာသက်သာဘို့ အများဆုံးသုံးကြတာက Pyridium (Phenazopyridine hydrochloride) ဆေးပြား၊ တခါသောက် 200 mg ကို တနေ့ ၃ ကြိမ်၊ ၂ ရက်။ Spasmogin နဲ့ Buscopan ဆေးတွေလဲ သုံးနိုင်တယ်။ တခါသောက် ၁ ပြား၊ တနေ့ ၂-၃ ကြိမ် သောက်ပါ။
• ဆီး အက်စစ်ဓါတ် များနေရင် ပိုးက ကြိုက်တယ်။ ဒါ့ကြောင့် အက်စစ်ဓါတ် နည်းအောင် ရေအများကြီး သောက်တာအပြင် Cystopurin (Potassium citrate) ဆေးပါသောက် သင့်တယ်။
• အစာအိမ် လေနာအတွက် ပေးတဲ့ အက်စစ်ပျယ်ဆေး Antacids တွေကလည်း ကောင်းတယ်။ Magnesium hydroxide တခါသောက် ၁ ပြား၊ တနေ့ ၃ ကြိမ်၊
• Acidic Urine ဆီး အက်စစ်ဓါတ်များနေခြင်း ကိုလဲ ဖတ်ပါ။
ဆီးအောင့်လို့ ခဏခဏသွားရ၊ ကြာတော့ ဆီးကမရှိတာမို့ မထွက်လာ၊ ဒါကို အရပ်ထဲမှာ ဆီးအတင်းသွားစေတဲ့ဆေးမျိုး အသောက်ခိုင်းတတ်တာ လုံးဝမှားပါတယ်။ Lasix လို Diuretic ဆေးတွေက ကိုယ်ရောင်တာ၊ သွေးတိုးတာတွေမှာသာ သုံးရတာ ဖြစ်တယ်။ ဒီရောဂါမှာ မသောက်ရပါ။ ပိုဆိုးစေတယ်။

Credit: New Hong Kong - Hospital in Yangon

ဖိုးရှမ်းကမ်းခြေ၌ ရေကစားစဉ် (၁၄)နှစ်သား တစ်ဦး ရေနစ်သေဆုံး


မြိတ်ခရိုင် ပုလောမြို့နယ် ရှပ်ပုံကျေးရွာရှိ ဖိုးရှမ်း ဘုရား ကမ်းခြေတွင် ဧပြီလ (၁၇)ရက်နေ့ မြန်မာ့နှစ်ဆန်း တစ်ရက်နေ့၌ (၈)တန်း ဖြေဆိုထားသော ကျောင်းသား ကလေး တစ်ဦး ရေကစား ရင်း ရေနစ်သေ ဆုံးမှု ဖြစ်ပွား ခဲ့ကြောင်း သိရသည်။

ဖြစ်စဉ်မှာ ပုလောမြို့နယ် ရှပ်ပုံကျေးရွာ ရွာလယ်ရပ်နေ (ဘ) ဦးတင်ဆန်း၏ သား မောင်ထက်မြတ်ဦး ၊ အသက် (၁၄)နှစ်၊ (၈)တန်း ဖြေဆိုထားသော ကျောင်းသားသည်  ၂၀၁၄ ခုနှစ်၊ ဧပြီလ (၁၇) ရက်နေ့ နံနက် (၁၀)နာရီ ခွဲ အချိန်ခန့်၌  ရှပ်ပုံကျေးရွာရှိ ဖိုးရှမ်း ကမ်းခြေ၌ အပေါင်း အသင်း များနှင့် ရေကစား ရင်း ရေလယ်ရှိ ဖိုးရှမ်း ဘုရားသို့ ဘုရားဖူးရန် ဖောင်စီးပြီး သွားစဉ် ၄င်းမှာ ဖောင်ပေါ်၌ စီးနင်း လိုက်ပါခြင်း မရှိပဲ ဖောင်ကြိုးကို တွဲ၍ လိုက်ပါ ရာ၌ ရေထဲပြုတ်ကျပြီး ရေနစ်သေဆုံးခဲ့ကာ ၄င်း၏ ရုပ် အလောင်းအား ညနေ (၃)နာရီ ခွဲ အချိန်၌ ပြန်လည် ဆယ်ယူ ရရှိ ခဲ့သည်။

ထိုသို့ ရေနစ် သေဆုံးမှုနှင့် ပတ်သက်၍ ပုလောမြို့နယ် ရဲတပ်ဖွဲ့စခန်းက သေမှုသေခင်း ဖွင့်လှစ် ဆောင်ရွက်လျက် ရှိကြောင်း သတင်းရရှိသည်။

မြိတ်ပုလဲမြေ

သီပေါမြို့နယ်အတွင်း မီးလောင်


သီပေါမြို့နယ်၊ ပန်စောက်မိန်းကျေးရွာအုပ်စု၊ မြို့ဟောင်းရပ်အတွင်း ဧပြီလ (၁၇) ရက်  ည (၆) နာရီအချိန်က မီးလောင်မှုတစ်ခု ဖြစ်ခဲ့ကြောင်း
သတင်းရရှိသည်။

အမှိုက်မီးရှို့ရာမှတဆင့် လေတိုက်၍ မီးပွားလွှင့်စင်ကာ ကြက်ခြံအဟောင်းအား ကူးစက်လောင်ကျွမ်းသွားခြင်းဖြစ်ကြောင်း သိရှိရသည်။

” ကြက်ခြံက အဟောင်းကြီးပါ၊ ဆွေးလည်းဆွေးနေတယ်၊ အမှိုက်မီးရှို့ရာကနေတဆင့် လေတိုက်ပြီး မီးပွားတွေကြက်ခြံကို ကူးစက်လောင်ကျွမ်းတယ်လို့ ယူဆရတယ် ” ဟု
သီပေါမြို့မရဲစခန်းမှ စခန်းမှူးက ပြောသည်။

ကြက်ခြံတွင် အစောင့်အဖြစ်လုပ်ကိုင်နေသူ လင်မယားနှစ်ဦးနှင့် ငါးလအရွယ်ကလေးတစ်ဦးရှိပြီး ခြံစောင့်အမျိုးသားအား ကြက်ခြံပိုင်ရှင်ဖြစ်သူ ပန်းတိမ်တောင်ရပ်ကွက်နေ
ဦးရဲထွန်း၏ဇနီး ဒေါ်စိန်ဥက အလုပ်ကိစ္စအတွက် ခေါ်သွားချိန်တွင်ခြံစောင်.၏ ဇနီးဖြစ်သူမှာ ငါးလသားကလေးအား ကြက်ခြံတွင်ထားခဲ့ပြီး ရေသွားချိုးနေချိန်၌
မီးလောင်မှုဖြစ်ပွားခဲ့ခြင်းဖြစ်ကြောင်း ခြံစောင့်အဖြစ်လုပ်ကိုင်နေသူ ဒေါ်နန်းခမ်းနုက မီးလောင်မှုဖြစ်နေချိန် တွေ့ဆုံမေးမြန်းရာတွင်
ပြောကြားခဲ့သည်။

အဆိုပါ ကြက်ခြံဟောင်း မီးလောင်မှုအတွက် သီပေါမြို့နယ်၊ မီးသတ်တပ်ဖွဲ့မှ မီးသတ်ကား (၄) စီး၊ သန္ဓေမီးသတ်သမား (၁ဝ) ဦး၊
အရံမီးသတ်သမား (၃ဝ) ဦးတို့ဖြင့် မီးငြိမ်းသတ်ခဲ့ရာ ည (၇) နာရီ (၁ဝ) မိနစ်အချိန်တွင် မီးထိန်းနိုင်ခဲ့ကြောင်း မီးလောင်မှုကြောင့် သက်ကယ်မိုး
ထရံကာ ကြက်ခြံ (၃) လုံး မီးလောင်ကျွမ်းခဲ့ပြီး တန်ဖိုးငွေအဖြစ် (၃) သိန်းခန့် ဆုံးရှုံးသွားကြောင်း သီပေါမြို့၊ မီးသတ်ဦးစီးဌာန ဦးစီးမှူးက
ပြောသည်။

မီးလောင်မှုကြောင့် မီးပေါ့ဆစွာ အသုံးပြုသည့် ခြံစောင့် ဒေါ်နန်းခမ်းနုအား သီပေါမြို့မရဲစခန်းတွင် အမှုဖွင့်အရေးယူထားကြောင်း
သတင်းရရှိသည်။

စိုင်းကံသာ (လားရှိုး)
The Myanma Age

ယခုနှစ်သင်္ကြန်တွင် ရန်ကုန်တိုင်းအတွင်း ယာဉ်မတော်တဆမှု ပိုမိုဖြစ်ပွား


ရန်ကုန်၊ ဧပြီ ၁၈။

ယခုနှစ်သင်္ကြန်တွင် ရန်ကုန်တိုင်းဒေသကြီးအတွင်း ယာဉ်မတော်တဆမှုသည် ယမန်နှစ်များထက် ပိုဖြစ်ပွားလာပြီး ယာဉ်မတော်တဆမှု နှင့်
ယာဉ်တိမ်းမှောက်မှုများကြောင့်သေဆုံးသူဦးရေနှင့် ဒဏ်ရာရရှိသူဦးရေသည် ယမန်နှစ်များကထက်များလာကြောင်း ရန်ကုန်တိုင်းရဲ တပ်ဖွဲ့ အမှတ် ၂
ယာဉ်ထိန်းရုံးမှသိရသည်။

ယမန်နှစ် မဟာသင်္ကြန်ကာလအတွင်း ရန်ကုန်တိုင်းဒေသကြီး စည်ပင်သာယာနယ်နိမိတ် အတွင်း၌ ယာဉ်တိုက်မှု ၄၆ မှုအထိဖြစ်ပွားခဲ့ကာ သေဆုံးသူဦးရေသည်
၎ ဦးရှိကာ ဒဏ်ရာရှိသူဦးရေသည် ၉၂ အထိရှိခဲ့ကာ ယခုနှစ်သင်္ကြန်းအတွင်း ယာဉ်မတော်တဆမှုသည်  ၆၂ မှုအထိရှိခဲ့ကာ  သေဆုံးသူသည် ၁၅ ဦး  ဒဏ်ရာရှိသူဦးရေသည်
၁၁၁ဦး အထိရှိခဲ့ကြောင်းသိရသည်။

ဖြစ်ပွားခဲ့သည့် ယာဉ်မတော်တဆမှုနှင့် ယာဉ်တိမ်းမှောက်မှုအများစုသည် မနက်ပိုင်းတွင်ဖြစ်ပွားခဲ့ခြင်း ဖြစ်ပြီး ညပိုင်းတွင် ဖြစ်ပွားမှုသည်အနည်းငယ်သာရှိခဲ့ကြောင်း
ရန်ကုန်တိုင်းရဲ တပ်ဖွဲ့ အမှတ် ၂ ယာဉ်ထိမ်းရုံးမှသိရသည်။

ယခုနှစ်သင်္ကြန်တွင် ရန်ကုန်တိုင်းဒေသကြီးအတွင်း ယာဉ်မတော်တဆမှုသည် ယမန်နှစ်များထက်ပိုမိုဖြစ်ပွားခဲ့ သော်လည်း နှစ်ဆန်းတစ်ရက်နေ့တွင် ရန်ကုန်တိုင်းဒေသကြီးစည်ပင်သာယာနယ်နိမိတ်အတွင်း ယာဉ်တိုက်မှု သည် ၁ မှုသာရှိခဲ့ကြောင်း သင်္ကြန်းအတွင်း ယာဉ်မတော်တဆမှု  ၆၂ မှုမှ ပြစ်မှုကျူးလွန်  သူများအား အားအရေးယူဆောင်ရွက်လျက်ရှိကြောင်းသိရသည်။

နှင်းနွယ်
The Myanma Age

တိမ်းမှောက်သွားသော သဘောင်္အတွင်းမှ ခရီးသည်တွေအတွက် ၀မ်းနည်းခြင်းတွေကို ဖော်ပြဖို့အတွက် ကြော်ငြာပရိုမိုးရှင်းတွေကို ပယ်ဖျက်လိုက်တဲ့ ဂျွန်ဂျီဟွန်း၊ ကင်ဆိုဟွမ် နှင့် ဂျိုအင်ဆောင်(ဂူဆောင်ထဲ)


Samsung အီလက်ထရောနစ်ကုန်ပစ္စည်း၊Samsung Galaxy S5 ပါတီကို တရုတ်နိုင်ငံပေကျင်းတွင် ယနေ့ ၁၈ရက်နေ့မှာ ကျင်းပမှာ ဖြစ်ပါတယ်။

ဒီပွဲကိုတက်ရောက်ဖို့အတွက် Samsung အနုပညာရှင်များဖြစ်သော ကင်ဆိုဟွမ်၊ဂျွန်ဂျီဟွမ်တို့ကို ဖိတ်ကြားခဲ့သဖြင့် ဆမ်ဆောင်းပရိတ်သတ်တွေနဲ့တွေ့ဆုံပြီး လက်မှတ်ထိုးပေးမှာ ဖြစ်တယ်။

ကင်ဆိုဟွမ်နှင့်ဂျွန်ဂျီဟွမ်တို့သည် A man from the star ရုပ်သံဇာတ်လမ်းကြောင့် တရုတ်နိုင်ငံတွင်အလွန်အောင်မြင်နေတဲ့ သရုပ်ဆောင်တွေဖြစ်ကြပေမဲ့ ကိုးရီးယားတစ်နိုင်ငံလုံး ဂျင်တိုမှာ သဘောင်္နစ်မြုပ်မှုကြောင့် ၀မ်းနည်းပူမေဆွးနေရချိန်မှာ ကိုးရီးယားပြည်သူတွေနဲ့အတူ ၀မ်းနည်းပူဆွေးနေကြောင်းပြသဖို့အတွက် ဆမ်းဆောင်ပါတီပွဲကို တက်ရောက်ဖို့အစီအစဉ်ကို ကင်ဆိုဟွမ်နဲ့ဂျွန်င်္ဂျီဟွမ်တို့က ဖျက်သိမ်းခဲ့တယ်။

မြောင်ဒိုးမှာပြုလုပ်မဲ့ပရိတ်သတ်တွေနဲ့ တွေ့ဆုံပွဲကိုလည်း ဖျက်သိမ်းလိုက်ဖို သူတို့နှစ်ဦးစလုံးက ဆုံးဖြတ်ခဲ့ပါတယ်။ အဲဒီလိုဆုံးဖြတ်ဖို့အတွက် သူတို့အနေနဲ့မလွယ်ကူပါဘူး။ ဆမ်းဆောင်းနဲ့ချုပ်ဆိုထားတဲ့စာချုပ်တွေကြောင့် ဆုံးဖြတ်ဖို့ခက်ခဲခဲ့ပေမယ့် နောက်ဆုံးတော့သဘောင်္နစ် မြုတ်တဲ့အထဲမှာပါဝင်ခဲ့တဲ့မိသားစုတွေနဲ့အတူ ထပ်တူဝမ်းနည်းကြောင်းကို ပြသချင်တဲ့အတွက်ပေကျင်းမှာပြုလုပ်မဲ့ ပါတီပွဲနဲ့ကိုးရီးယားနိုင်ငံမှာ ပြုလုပ်မဲ့ပရိတ်သတ်တွေနဲ့တွေ့ဆုံပွဲကို ဖျက်သိမ်းခဲ့ရတာလို့ သိရတယ်။

ဂျိုအင်ဆောင်(ဂူဆောင်ထဲ)ဟာ သူကြော်ငြာသော OSENအတွက် ဓာတ်ပုံရိုက်ဖို့ အစီအစဉ်တွေကိုလည်း ဖျက်သိမ်းလိုက်တယ်။
ဆိုး(လ်)အိုလံပစ်မှာကျင်းပမဲ့ Lotte Duty Free တေးဂီတဖြေဖျော်ပွဲကိုတော့ လီမင်ဟိုနဲ့ပတ်ရှင်းဟေတို့ တက်ရောက်မလား၊ဖျက်သိမ်းမလားဆိုတာကိုတော့ သတင်းမထုတ်ပြန်သေးပါဘူး။

လီမင်ဟိုနှင့်ပတ်ရှင်ဟေးတို့သည် The Heirs ရုပ်သံဇာတ်လမ်းတွဲနှင့်အောင်မြင်ခဲ့တာပါ။ဒီပွဲကိုသူတို့ရဲ့ပြည်ပပရိတ်သတ်တွေ တက်ရောက်အားပေးကြမှာပါ။ပွဲကိုစီစဉ်တဲ့ Lotte တာဝန်ခံတွေကိုတော့ ပြည်ပနိုင်ငံကလာရောက်ကြည့်ရှုတဲ့ပရ်ိတ်သတ်တွေကြောင့် ဒီဂီတပွဲကိုဖျက်လို့မရဘူးလို့ သတင်းထုတ်ပြန်ခဲ့တယ်။ ဂီတပွဲတော်ကို ဧပြီ ၁၉၊၂၀မှာ ကျင်းပမှာ ဖြစ်ပါသည်။

သက်(Ref:Hancinema )
News Watch(စောင့်ကြည့်သတင်းဂျာနယ်) 

Good Friday နေ့ ကမ္ဘာတဝှမ်း ကျင်းပ


ဖိလစ်ပိုင်နိုင်ငံရဲ့ မြောက်ပိုင်းမှာ ဘာသာတရားကိုင်းရှိုင်းသူ တချို့က ယေရှု ကားစင်တင်ခံရသလို လက်ဝါး ကပ်တိုင်တွေမှာ သံမှိုတွေနဲ့ အရိုက်ခံပြီး ပြန်လည် အမှတ်ရပွဲ ကျင်းပ (ဧပြီ ၁၈၊ ၂၀၁၄)

နားဆင်ရန်

ယေရှုခရစ်တော် ကားစင်တင်ခံရတဲ့နေ့လို့ ယုံကြည်ကြတဲ့ Good Friday နေ့
အထိမ်းအမှတ် အဖြစ် ကမ္ဘာတဝန်းက ခရစ်ယာန် ဘာသာဝင်တွေ ဆုတောင်း ဝတ်ပြုပွဲတွေ ဒီကနေ့ လုပ်နေကြပါတယ်။ Jerusalem မြို့ဟောင်းမှာ Good Friday နေ့အဖြစ် ဝတ်ပြုပွဲတွေ၊ အောက်မေ့ပွဲတွေလုပ်ခဲ့တဲ့အပြင်၊  ခရစ်တော် ကားစင်တင်မခံရခင် သွားခဲ့ရတဲ့လမ်းကြောင်းလို့ ယုံကြည်ကြတဲ့ Jerusalem မြို့ လမ်းတလျှောက်ကိုလဲ ခရစ်ယာန်ဘာသာဝင်တွေ လမ်းလျှောက် သွားခဲ့ကြပါတယ်။

သစ်သားနဲ့လုပ်ထားတဲ့ လက်ဝါးကပ်တိုင်တွေကို ကိုင်ဆောင်လျှောက်
လှမ်းမှုဟာ ရှေးဟောင်း Holy Sepulcher ဘုရားကျောင်းမှာ အဆုံးသတ်ပါတယ်၊ Holy Sepulcher ဘုရားကျောင်းကို ယေရှု ကားစင်တင်ခံ ရတဲ့နေရာပေါ်မှာ
ဆောက်လုပ် ထားတာလို့ ယုံကြည်ကြပါတယ်။

အာရှမှာ Roman Catholic ဘာသာဝင်တွေ အများဆုံးရှိတဲ့ ဖိလစ်ပိုင်နိုင်ငံရဲ့ မြောက်ပိုင်းမှာလဲ ဘာသာတရားကိုင်းရှိုင်းသူ တချို့က ယေရှုကား စင်တင်ခံရသလို လက်ဝါး ကပ်တိုင်တွေ မှာ သံမှိုတွေနဲ့ အရိုက်ခံပြီး ပြန်လည်အမှတ်ရပွဲလုပ်ခဲ့ကြပါတယ်။

တနင်္ဂနွေနေ့ကျရင်တော့ ယေရှု ရှင်ပြန် ထမြောက်တယ်လို့ ယုံကြည်ကြတဲ့ Easter နေ့အဖြစ် ခရစ်ယာန်ဘာသာဝင်တွေ အထိမ်းအမှတ် ပွဲတွေ ဆင်နွဲကြမှာဖြစ်ပါတယ်။

VOA Burmese

ယာဉ်မောင်းမဟုတ်သူ အုတ်စက်လုပ်သားမှ အုတ်သယ်ယာဉ်အား မောင်းနှင်ခဲ့၍ ရေကန်တွင်းကျပြီး ကလေး(၁)ဦးသေ၊ (၂)ဦးဒဏ်ရာရ


ရန်ကုန်၊ ဧပြီ ၁၈

၁၈.၄.၂၀၁၄ရက်နေ့ ၁၃၃၀အချိန်တွင် တိုက်ကြီးမြို့မရဲစခန်းမှတပ်ဖွဲ့ဝင်
များသည် တိုက်ကြီးမြို့နယ်၊ ဂျိုးဖြူအုပ်စု၊ ခြောက်တိုင်ကွေ့ကျေးရွာရှိ ဦးချစ်ဦး
၏အုတ်ကွင်း၌ ယာဉ်တစ်စီး အုတ်ကျင်းရေကန်ထဲသို့ကျကာတိမ်းမှောက်နေ
ကြောင်းသတင်းအရ သွားရောက်စစ်ဆေးခဲ့ရာ ယာဉ်မောင်း ကိုဇော်
မောင်းနှင်သော ၆ဂ/---၊ ဖောအမျိုးအစား အပြာရောင်အုတ်သယ်ယာဉ်မှာ အလျား(၂၀၀)ပေ၊ အနံ(၁၀၀)ပေ၊ အနက်(၁၅)ပေခန့်ရှိ ရေကန်အတွင်းသို့
ကျကာ တိမ်းမှောက်နေသည်ကို တွေ့ရှိရပါသည်။

ဖြစ်စဉ်အားစုံစမ်းစစ်ဆေးရာ ၁၂၃၀ အချိန်ခန့်က ယာဉ်မောင်း ကိုဇော်
သည် အုတ်စိမ်းများတင်၍ ယာဉ်အားရပ်ကာ ထမင်းစားသွားနေစဉ် ၎င်းယာဉ်ကို အုတ်ကွင်းရှိအုတ်လုပ်သားဖြစ်သူ ကျော်ဝင်းကိုမှ တက်၍
မောင်းနှင်ရာမှ ရေကန်အတွင်းသို့ကျသွားခြင်းဖြစ်ကြောင်း သိရှိရပါသည်။

ထိုသို့ ရေကန်အတွင်းတိမ်းမှောက်သွားစဉ် ယာဉ်ပေါ်တွင်ဆော့ကစား
နေသူများဖြစ်သည့် ကလေးငယ် မစုစုမှုံ (၉)နှစ်မှာ အပေါ်နှုတ်ခမ်းပေါက်ပြဲ
သွေးထွက်၊ မေးစေ့ပေါက်ပြဲ၊ ယာပါးညိုမဲပွန်းပဲ့ဒဏ်ရာများရရှိကာ အခင်းဖြစ်
နေရာတွင်သေဆုံးသွားခဲ့ပြီး မသီရိကိုကို (၁၁)နှစ်နှင့် မသန်းသန်းချို (၁၄)နှစ်တို့တွင် ဖူးရောင်၊ပေါက်ပြဲ၊နာကျင်ဒဏ်ရာများရရှိခဲ့သဖြင့် တိုက်ကြီး
မြို့နယ်ဆေးရုံ၌ အတွင်းလူနာ(မစိုးရိမ်ရ) များအဖြစ် တက်ရောက်ကုသ
လျက်ရှိပါသည်။

ယင်းကဲ့သို့ယာဉ်တိမ်းမှောက်မှုဖြစ်ခဲ့ပြီး ယာဉ်ကိုမောင်းနှင်သူ ကျော်ဝင်းကို၊ (၁၉)နှစ်၊ (ဘ)ဦးပေါက်ကြီး၊ ခြောက်တိုင်ကွေ့ကျေးရွာ၊ တိုက်ကြီးမြို့နယ်
နေသူမှာ ထွက်ပြေးတိမ်းရှောင် သွားခဲ့သဖြင့် တိုက်ကြီးမြို့မရဲစခန်း ယာဉ်(ပ)၂၉/၂၀၁၄၊ ပြစ်မှုပုဒ်မ ၃၀၄-က/၃၃၈/၂၀၂ ဖြင့် အမှုဖွင့်ကာ ဖမ်းဆီးရမိရေးဆောင်ရွက်လျက်ရှိကြောင်း သတင်းရရှိပါသည်။

Yangon Police

KIA အပေါ် မြန်မာစစ်တပ် ဆက်လက် ထိုးစစ်ဆင်

ကချင်တပ် ရှေ့တန်းစစ်မျက်နှာ။ 

နားဆင်ရန်

ကချင်ပြည်နယ် မိုးမောက်နယ်ထဲမှာ မြန်မာအစိုးရတပ်တွေနဲ့ ကချင် လွတ်မြောက်ရေး တပ်တွေ တိုက်ပွဲတွေဆက်ဖြစ်ပြီး ဒီကနေ့ ဧပြီလ ၁ရ ရက်နေ့မှာ ဖြစ်ပွားတဲ့ တိုက်ပွဲကတော့ (ရ) နာရီကြာနီးပါးလောက် ဆက်တိုက်ဖြစ်သွားခဲ့တာပါ။ ဒီ့အတွက် ကေအိုင်အေ စခန်းတချို့ လက်လွတ်ဆုံးရှုံးခဲ့ရပြီး အစိုးရက ပစ်ခတ်တဲ့ လက်နက်ကြီးတွေဟာ ကချင်ကျေးရွာတွေနဲ့ အိုးအိမ်မဲ့ ဒုက္ခသည်တွေ နေထိုင်နေတဲ့ စခန်းတွေအထိ ကျရောက်နေတာကြောင့် ထောင်ဂဏန်းရှိတဲ့ ဒုက္ခသည်တွေ လည်း ပြေးနေကြရပါတယ်။ အပြည့်အစုံကိုတော့ ထိုင်းအခြေစိုက် သတင်းထောက် မအေးအေးမာက သတင်းပေးပို့ထားပါတယ်။

ကချင်ပြည်နယ်တွင်းမှာ ကေအိုင်အေ တပ်တွေနဲ့ မြန်မာအစိုးရတပ်တွေက လက်နက်ကြီးတွေ သုံးပြီး ပစ်ခတ်မူတွေကြောင့် ဒုက္ခသည်တချို့ ထွက်ပြေး တိမ်းရှောင်နေရသလို့ နှစ်ဖက် ရင်ဆိုင် တိုက်ပွဲတွေဟာ ဧပြီလ ၁၇ရက်နေ့ ၊ နှစ်ဆန်း၁ရက်နေ့မှာ မနက်အစောပိုင်း အချိန်ကစပြီး အချိန် အတော်ကြာထိ  တိုက်ပွဲတွေဖြစ်နေခဲ့တာပါ။

တိုက်ပွဲဖြစ်နေတဲ့နေရာမှာ ရောက်ရှိနေတဲ့ အယ်လ်ဂျာဇီယား သတင်းဌာနအတွက် သတင်းရယူနေတဲ့ဦးဂျွန်စံလင်းက ဧပြီလ ၁၇ရက်နေ့ က တိုက်ပွဲတွေအကြောင်း အခုလိုပြောပြပါတယ်။

“ မိုင်ဆမ်ကွန့်နဲ့ ဂျာရီ တိုက်ပွဲတဲ့နော် တိုက်ပွဲ မိုင်ဆမ်ကွန့်ဆိုတာ သစ်စခန်းပေါ့လေ။ အဲ့တာ သူတို့ ကချင်လိုဆိုရင်တော့ သစ်စခန်းလို့ အဓိပ္ပါယ်ရတယ်။ စဖြစ်တဲ့အချိန်က လေးနာရီ ငါးဆယ့် ငါးမိနစ်ကနေ ဆယ့်တစ်နာရီ ငါးမိနစ်အထိ၊ တပ်တွေက ဖြစ်တဲ့တပ်တွေက တပ်မ ၉၉၊ ဦးစီးပြီးတော့ KIA တပ်ရင်း(၁)ပေါ့နော်။ မိုင်ဆမ်ကွန့် နဲ့ ဂျာရီ စခန်းက နေပြီးတော့ ၈၀ မမ၊ ၁၀၅ မမ တို့နဲ့ ပစ်ခတ်တာ။ ခြေလျင် တပ်ရင်း(၁၀) နောက်ပြီးတော့ (၇၉)  (၂၁)ကနေပြီးတော့ ဆယ်ရင်းလောက် အင်အား ထောင့်ငါးရာလောက် အခုလက်ရှိ တိုက်ပွဲ တိုက်နေတာပေါ့။”

သမ္မတပြောခွင့်ရလည်းဖြစ်၊ ဒု ပြန်ကြားရေး ဝန်ကြီးလည်း ဖြစ်တဲ့ ဦးရဲထွဋ်ကို ဗွီအိုအေမြန်မာပိုင်းက ဆက်သွယ်မေးမြန်းစဉ်မှာတော့ ကချင်ပြည်နယ်မှာကတော့ သန်းခေါင်စာရင်းကောက်ယူနေတဲ့ အချိန်အတွင်းမှာ ကေအိုင်အေဘက်ကနေ သန်းခေါင်စာရင်းကောက်တဲ့အဖွဲ့တွေကို တားမြစ်တာ၊ ဟန့်တားခဲ့တာတွေ ရှိတယ်။ သန်းခေါင်စာရင်းကောက်ယူရေးကိစ္စတွေကို လိုက်ပါ ဆောင်ရွက်ပေးနေတဲ့ တပ်မတော်က အရာရှိတွေနဲ့ စစ်သည်တွေကို ချောင်းမြောင်းပစ်ခတ်တဲ့ အတွက်ကြောင့်မို့ ဗိုလ်မှူးတစ်ဦး ကျဆုးခဲ့ရတာရှိတယ်လို့ ဆိုပါတယ်။

 ဒီကိစ္စနဲ့ပတ်သက်ပြီး အဲဒီ့နယ်မြေမှာရှိနေတဲ့ ဦးဂျွန်စံလင်းကတော့ သူ့ရဲ့တွေရှိချက်တွေကို အခုလိုပြောပြပါတယ်။

“ စစ်သားတစ်ယောက်အနေနဲ့ သန်းခေါင်စာရင်းကောက်ယူတဲ့အထဲမှာ ပါဝင်ကူညီတယ်ဆိုတာတော့ အစိုးရအုပ်ချုပ်တဲ့ နယ်မြေမှာဆိုရင်တော့ အဆင်ပြေမှာပေါ့၊ အစိုးရအုပ်ချုပ်တဲ့ နယ်မြေမဟုတ်ရင်တော့ ဘယ်လိုမှ မဖြစ်နိုင်ဘူး။ ဟိုတလောက တပ်ရင်းမှူး ဗိုလ်မှူး မျိုးညွန့်စိုး ဆိုတာကတော့ သူဝင်လာတာ သန်းခေါင်စာရင်း ကောက်ဖို့ဆိုပြီးတော့ အစိုးရက ကြေညာ တာပေါ့နော်။ အမှန်မှာကတော သန်းခေါင် စာရင်း ကောက်တယ်။ သူ ဦးဆောင်ပြီး လာတယ်ဆိုလို့ရှိရင် သူ့ရဲဘော်နဲ့သူနဲ့ နှစ်ယောက်တည်း တိုးတိုးတိတ်တိတ် လာစရာ အကြောင်းမရှိဘူး။ အဲ့ဒီ့ဘက်မှာလည်း သန်းခေါင်စာရင်းကောက် ရလောက်အောင် လူဦးရေ ရှိတဲ့ရွာလည်း မရှိဘူး။ ဘာဖြစ်လို့လဲဆိုတော့ အဲ့ဒီ့နေရာက KIA စိုးမိုးတဲ့နယ်မြေဖြစ်တဲ့အတွက် သူ့အနေနဲ့ နယ်ကျွံပြီး လာတဲ့အတွက် သန်းခေါင်စာရင်းကောက်တာနဲ့တော့ ကျနော်ထင်တယ် လုံးဝ မပတ်သတ်ဘူး။”

ဧပြီ ၁ရရက်နေ့က တိုက်ပွဲတွေကြောင့် ကေအိုင်အေရဲ့  စခန်းငယ်တချို့လည်း ဆုတ်ခွါပေးနေရပြီး အဓိက စခန်းတွေကတော့ ခုခံနေကြဆဲဖြစ် ပါတယ်။ မြန်မာစစ်တပ်တွေက လိုင်ဇာနဲ့ မိုင်ဂျာယန်ကို မတိုက်ပဲ သူတိုကို ကျောထောက်နောက်ခံ ပေးထားတဲ့ တပ်တွေကို သာ ချေမှုန်းပြီး  နယ်မြေရှင်းလင်းရေး လုပ်နေတာကို တွေ့နေရကြောင်း ဦးဂျွန်စံလင်းကပြောပါတယ်။

“ သူတို့ လိုင်ဇာနဲ့ မိုင်ဂျာယန်ကို ကာကွယ်ပေးထားတဲ့ KIAတပ်ရင်းတွေပေါ့။ အဲ့တာတွေကို သူတို့က နယ်မြေစိုးမိုးရေး အနေနဲ့ အပြီးသတ် ချေမှုန်းချင်တဲ့ ပုံစံရှိတယ်။ ဒါမှလည်း အကာအကွယ် ပေးထားတဲ့ တပ်တွေက ရွှေ့ပြီးတော့ အရင်တုန်းက KIA တပ်စခန်းတွေ သူတို့ပြန်သိမ်းပိုက်နိုင် လို့ရှိရင် ဒီနေရာတွေမှာသူတို့ မြန်မာ့တပ်မတော်က စိုးမိုးထားနိုင်ရင် ဘယ်လိုဖြစ်လာမလဲဆိုတော့ အဓိက အကျပ်အတည်းဖြစ်အောင် လုပ်ပြီးတော့မှ အတင်း လက်မှတ်ထိုးခိုင်းမယ့် ပုံစံမျိုးပေါ့။ တကယ်လို့ မထိုးဘူး ဆိုလို့ရှိရင်လည်း ရန်သူက ကိုယ့်အနီးနားမှာ အဲ့တာမျိုးပုံစံပေါ့။ KIA ဘက်ကလည်း ဒါမျိုးတော့ အဖြစ်ခံမှာမဟုတ်ဘူး။”

 ပြီးခဲ့တဲ့ရက်ကစပြီး ပစ်ခတ်ခဲ့တဲ့ လက်နက်ကြီးတွေကြောင့် ကချင်ရွာထဲတွေအထိ ကျည်ဆံခံွံများ ကျကျန်နေကြောင်း ရွာသားးတွေကဆိုပါတယ်။ ဒါ့အပြင် လဂျာယန်မှာ ရှိတဲ့ အိုင်ဒီပီ ဒုက္ခသည်စခန်းနားထိ လက်နက်ကြီးကျည်တွေ ကျရောက်ခဲ့တာ၊ လက်နက်သံတွေ နီးကပ်နေတာတွေကြောင့် ဒုက္ခသည်တွေ ထွက်ပြေးတိမ်းရှောင်နေရတယ်ဆိုပြီး ကချင်အမျိုးသမီးအစည်းအရုံးက အော့နန်းကလည်း ပြောပါတယ်။

“ လဂျာယန် ကမ့်အိုင်ဒီပီရှိတဲဘက်မှာ အဲ့ဒီ့လက်နက်ကြီးတွေ ကျပြီး အိုင်ဒီပီတွေ အားလုံးက အခု နေလို့မရတော့ဘူးလေ။ အခု တခြားနေရာ တရုတ်ပြည်ဘက် နယ်စပ်ဘက်မှာ ထွက်ပြေးသွားကြတယ်။ အားလုံးက။”

ဒီရက်ပိုင်းအတွင်းမှာပဲ ကချင်လူထု အခြေပြုအဖွဲ့အစည်းတွေ စုပေါင်းပြီး  အရေးပ်ါကြေညာချက် ထုတ်ပြန်ရာမှာ မန်စီမြို့ နယ်ထဲမှာ ရှိတဲ့နေရာ အတော်များများမှာ တိုက်ပွဲတွေ ဆက်တိုက်ဖြစ်နေကြောင်း တိုက်ပွဲဖြစ်နေ တဲ့နေရာတွေဟာ ပြည်တွင်း အိုးအိမ်မဲ့ဒုက္ခသည်တွေနဲ့ တကီလို အကွာ လောက်မှာဖြစ်နေတဲ့ အတွက် ဒုက္ခသည် ၈၀၀လောက် ထွက်ပြေးနေရကြောင်း အဲ့ဒီဒေသက ရှမ်း၊ ကချင် ပလောင်ရွာသား ၂၀၀၀လောက် ဟာလည်း တရုတ်နယ်စပ်ဘက်ကို ထွက်ပြေး တိမ်းရှောင်နေရကြောင်း ဖော်ပြထားပြီး လဂျာယန်စခန်းအနီးမှာ လက်နက်ကြီးကျည်များ ကျရောက်တာကြောင့် အိုးအိမ်မဲ့ ဒုက္ခသည် နောက်ထပ် ၁၄၀၀လောက် ရှိနေကြောင်း ဖော်ပြထားပါတယ်။

 KIA ကချင်လွတ်မြောက်ရေးတပ်မတော်ရဲ့ ဒုစစ်ဦးစီးချုပ် ဗိုလ်ချုပ်ဂွမ်မော်ဟာ အမေရိကန်အစိုးရတာဝန်ရှိသူတွေ၊  မြန်မာ့အရေး၊ ကချင့်အရေး စိတ်ဝင်စားတွေနဲ့ တွေ့ဆုံဆွေးနွေးမှုတွေကို ပြုလုပ်ဖို့ အမေရိကန်ပြည်ထောင်စု ကို ရောက်ရှိနေစဉ်မှာပဲ အခုလို တိုက်ပွဲတွေ ရက်ဆက်ဖြစ်ပေါ်နေတာပါ။

VOA Burmese

တိုက်ကြီးမြို့နယ်၊ မာဂရီသစ်တောကြိုးဝိုင်းအနီးတွင် တောဆင်ရိုင်း တစ်ကောင်သေဆုံးလျက်တွေ့ရှိ


ရန်ကုန်၊ ဧပြီ ၁၈

၁၈.၄.၂၀၁၄ ရက်နေ့ ၀၉၃၀ အချိန်တွင် တိုက်ကြီးမြို့နယ်၊ ဖလုံဘူတာ
ကျေးရွာအုပ်စု၊ သာယာအေးရွာနေ ကိုမျိုး၊ (၃၆)နှစ်၊ (ဘ)ဦးသိန်းထွေးမှ မာဂရီချောင်းဘေးသို့ ထင်းခုတ်သွားစဉ် အပုတ်နံ့ရ၍ ရှာဖွေကြည့်ရှုရာ
တောဆင်ရိုင်းတစ်ကောင်သေဆုံးနေသည်ကိုတွေ့ရှိကြောင်းသတင်းအရ တိုက်ကြီး မြို့နယ်ရဲတပ်ဖွဲ့၊ ဖလုံနယ်မြေရဲကင်းစခန်းမှတပ်ဖွဲ့ဝင်များနှင့် တိုက်ကြီးမြို့နယ်သစ်တောဦးစီးဌာန၀န်ထမ်းများမှ သွားရောက်စစ်ဆေးခဲ့
ပါသည်။

ထိုသို့သွားရောက်စစ်ဆေးရာ သာယာအေးရွာအရှေ့ဘက် မာဂရီ
သစ်တောကြိုးဝိုင်းအနီး မာဂရီချောင်းဘေးတွင် တောဆင်ရိုင်းအထီး အလျား(၁၁)ပေ၊ လုံးပတ်(၁၅)ပေ၊ အမြင့်(၉)ပေ၊ အမြီး(၃)ပေ(၆)လက်မ၊
နှာမာင်း(၄)ပေ(၂)လက်မ၊ အစွယ်(၁)ပေ(၃)လက်မ၊ အစွယ်လုံးပတ်
(၄)လက်မရှိ စွယ်စုံ ဆင်ထီး(၁)ကောင်အား ပုပ်ပွသေဆုံးနေသည်ကို
တွေ့ရှိရပါသည်။

အဆိုပါတောဆင်ရိုင်းသေဆုံးရခြင်းနှင့်ပတ်သက်၍ စုံစမ်းဆောင်ရွက်
လျက်ရှိပြီး တိုက်ကြီးမြို့နယ်၊ မြိုင်ဟေ၀န်ဆင်စခန်းမှ တိရစ္တ္ဆာန်ဆေးကု
ဆရာဝန်ဖြင့် စစ်ဆေးလျက်ရှိကြောင်း သတင်းရရှိပါသည်။

Yangon Police

ခြေက တစ်ဖက်တည်း သို့သော် သန်၍ စွမ်းသူ ယွန်းဆရာ မောင်ထွေး


အမည်က မောင်ထွေး။ အသက်က ၃၀ ဝန်းကျင်။ နေတာက ရှမ်းပြည်တောင်ပိုင်း၊ အင်းလေး အနီး ဟဲယား ရွာမ။ မွေးကတည်းက လက် နှစ်ဖက်၊ ခြေ တစ်ဖက် ပါမလာပဲ ဘဝ ကို စတင်ခဲ့ရသူ ဖြစ်ပါတယ်။ သို့ပေမယ့် ချို့တဲ့ ဆင်းရဲသူတော့ မဟုတ် ပါဘူး။ အင်းတိမ် ဘုရားမှာ ယွန်းထည်ဆိုင် ဖွင့်ထားပြီး သူ့ရဲ့ ထူးခြား ပြောင်မြောက်တဲ့ ယွန်း ပန်းချီ ပညာကြောင့် လူတကာ အထင်ကြီး လေးစားရတဲ့ ဒေသခံ ယွန်း ပန်းချီ ပညာရှင် တစ်ဦး ဖြစ်ပါတယ်။ ခြေထောက် တစ်ဖက် နဲ့ ပါးစပ်ကို အသုံးပြုလို့ ယွန်း ပန်းချီ ရေးရသူ ဖြစ်ပါတယ်။ သူ့ကို ပြောဆို မေးကြည့်တဲ့အခါ စိတ်ဓာတ်ကျ ခြင်း၊ ပင်ပန်း ဆင်းရဲ ခြင်း ဆိုတာကို အဓိပ္ပါယ် ဖွင့်လို့ မရ လောက်အောင် သူက အေးချမ်း ပျော်ရွှင် နေသူ ဖြစ်ပါတယ်။ စကား နည်းတယ်။ အလုပ် ကြိုးစားတယ်။ ဘာသာရေး ကိုင်းရှိုင်းတယ်။ သူ့မှာ လိုလေသေးလည်း မရှိ တော့ ပါဘူး။

သင်ခန်းစာ

ဒီခေတ်ကြီးမှာ ခြေစုံ၊ လက်စုံ အထောက်အပံ့ အစုံအလင် ရှိနေသည့် တိုင် ရည်မှန်း ထားတာ ဖြစ်မလာ၊ လုပ်နေတာ ဖြစ်မလာ၊ အလုပ်ရဖို့ ဖြစ်မလာလို့ စိတ်ညစ်၊ စိတ်ဓာတ် ကျနေသူတွေ အများကြီးပါ။ အဲ့ဒီလူတွေကမှသာ တကယ့် မသန်စွမ်း သူတွေပါ။ မောင်ထွေး (ကိုထွေး) လို့ အမည်ရတဲ့ လူကတော့ လူတွေ ထဲမှာ ထူးခြားတဲ့ လူတစ်ဦးပါ။ သန်လည်း သန်သူ၊ စွမ်းလည်း စွမ်းသူ ဖြစ်ပါတယ်။ သူ့လိုပဲ မြန်မာပြည်က၊ ကမ္ဘာပေါ်က ခြေမဲ့၊ လက်မဲ့၊ ခြေစုံ လက်စုံ၊ အကျိုး၊ အကောင်း အားလုံး ဘဝမှာ သန်ပြီး စွမ်းသူ များ ဖြစ်ကြ ပါစေ။

-----------------------------------------------------

သတင်းနှင့် ဓာတ်ပုံ ပေးပို့သော ကိုနန္ဒဝင်းမောင် အား ကျေးဇူး တင်လျက်
အောင်ခမ်း (ရိုးရာလေး)

ဟိုက်ဒရိုဂျင်ဓါတ်ငွေ့ပါ မိုးပျံပူဖောင်းအား လေလျော့ရာက သမံတလင်းနှင့် ပွတ်တိုက်မိ၍ မီးလောင်



နေပြည်တော်၊ ဧပြီ ၁၈
၂၀၁၄ ခုနှစ်၊ ဧပြီလ ၁၇ ရက်နေ့ ည ၇ နာရီအချိန် မန္တလေးတိုင်းဒေသကြီး၊ ချမ်းအေးသာစံမြို့နယ်၊ (၂၆)လမ်း၊ (၇၈/၇၉)လမ်းကြား Three Brother တိုက်တန်းအပေါ်ထပ် လေသာဆောင်တွင် တပ်ဆင်ထားသော Ninja အင်ဂျင်ဝိုင်တံဆိပ်ပါ ဟိုက်ဒရိုဂျင်ဓါတ်ငွေ့ထည့် (အချင်း ၃ ပေ ခွဲ၊ အရှည် ၈ ပေခန့်)ရှိ မိုးပျံပူဖောင်းအား ဖြုတ်ယူလေလျော့ရာမှ ပေါက်ထွက်မီးလောင်မှု ဖြစ်ပွားကြောင်းသတင်းအရ ချမ်းအေးသာစံမြို့မရဲစခန်းမှတပ်ဖွဲ့ဝင်များ၊ ခရိုင်မီးသတ်တပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးနှင့်အဖွဲ့တို့မှ သွားရောက်စစ်ဆေးခဲ့သည်။ စစ်ဆေးချက်အရ ချမ်းအေးသာစံမြို့နယ်၊ (၈၂)လမ်း၊ (၃၄x၃၅)ကြားနေသူများဖြစ်သည့် မျိုးဝင်းကျော်(၂၅)နှစ်၊ စိုင်းဘအောင်(၁၈)နှစ်၊ မျိုးမင်းအောင်(၂၇)နှစ်၊ ဇေယျာလင်း(၂၁)နှစ်နှင့် မဟာအောင်မြေမြို့နယ်၊ (၈၂)လမ်း၊ (၃၈x၃၉)ကြားနေ မောင်မြင့်(ခ)အားနီ(၃၁)နှစ်တို့သည် မိုးပျံပူဖောင်းအား လေလျော့ပြန်သိမ်းရန် လေပေါက်ဖွင့်၍ ၀ိုင်းဖိ လေလျော့ရာမှ တိုက်တန်းအပေါ်ထပ်ရှိ သမံတလင်းအပူရှိန်နှင့်ပွတ်တိုက်မိကာ ပေါက်ထွက်မီးလောင် ခဲ့ခြင်းဖြစ်ကြောင်း သိရှိရသည်။ မီးလောင်မှုကြောင့် မျိုးဝင်းကျော်ပါ(၅)ဦးတို့တွင် ဆံပင်၊ ယာလက် ကောက်ဝတ်မီးလောင် ဒဏ်ရာများရရှိခဲ့ပြီး တန်ဘိုးငွေကျပ်(၁၀၀၀၀၀ိ/-)ခန့် ဆုံးရှုံးခဲ့သောကြောင့် မျိုးဝင်းကျော်ပါ(၅)ဦးအား ချမ်းအေးသာစံမြို့မရဲစခန်း(ပ)၃၃၆/၂၀၁၄၊ ပြစ်မှုပုဒ်မ ၂၈၅/၃၃၇/၃၃၈ ဖြင့် အမှုဖွင့်အရေးယူထားကြောင်း သတင်းရရှိသည်။

ရဲဇာနည်

ကိုရီယားသင်္ဘောနစ်မြုပ်မှု ၊ ခရီးသည်များ ဘေးမကင်းမီ သင်္ဘောကိုစွန့်ခွာခဲ့သော ကပ္ပတိန်မှာ တာဝန်ရှိသလား.



အောင်ဟိန်းခိုင် ၊ ဧပြီ ၁၈ ( ref: bbc,dailymail,cnn)

လက်ရှိအချိန်ထိ လူပေါင်း ၂၉၈ ဦးပျောက်ဆုံးလျက်ရှိသော ကိုရီယား သင်္ဘောနစ်မြုပ်မှုတွင် ခရီးသည်များ ဘေးကင်းရာသို့ မရောက်မီ ကိုယ်လွတ်ရုံးထွက်ပြေးခဲ့သော ကပ္ပတိန် လီဂျန်ဆွတ်ကို အပြစ်တင်လျက်ရှိသည်။

သင်္ဘော ပင်လယ်ရေအောက်သို့ မနစ်မြုပ်မီ လွတ်မြောက်ခဲ့သော ကပ္ပတိန် လီဂျန်ဆွတ်တစ်ယောက် အဘယ့်ကြောင့် သင်္ဘောနစ်မြုပ်ခဲ့ရကြောင်းနှင့် ခရီးသည်များဘေးမကင်းမီအဘယ့်ကြောင့်သင်္ဘောကိုစွန့်ခွာခဲ့သလဲဆိုသည့် မေးခွန်းများနှင့်ရင်ဆိုင်နေရပြီဖြစ်သည်။

ကိုရီယား ပင်လယ်ရေကြောင်း လုံခြုံရေး အဖွဲ့အစည်း၏ ဥက္ကဖြစ်သူ ဘီမင်ဟွန် က "ကပ္ပတိန်ဟာ သင်္ဘောမနစ်မြုပ်မီ တစ်နာရီလောက်ကို အဓိပ္ပါယ် မဲ့တဲ့ လုပ်ရပ်တွေနဲ့ အချိန်ဖြုန်းခဲ့တယ်၊ ခရီးသည်တွေကို သူတို့ ရှိနေတဲ့ အခန်းလေးထဲမှာပဲ နေကြပါဆိုတဲ့ ညွန်ကြားချက်တွေက ခရီးသည်တွေကို ချောက်ထဲတွန်းပို့ခဲ့သလိုပါပဲ" ဟု ပြောကြားထားသည်။

သင်္ဘောနစ်မြုပ်ချိန်တွင်သင်္ဘောပေါ် တွင်ရှိနေခဲ့သော အသက် ၆၁ နှစ်အရွယ် အမျိုးသမီးတစ်ဦးကတော့ မိမိတို့ရှိနေတဲ့ အခန်းထဲမှာပဲ နေကြပါဆိုတဲ့ ညွန်ကြားချက်ကို လျစ်လျူရှု့ပြီး သင်္ဘော၏ အပေါ်ပိုင်းသို့ ပြေးတက်
ခဲ့ပြီးနောက်မှာတော့ အသက်ရှင်လွတ် မြေက်လာခဲ့သည်။

သူမ၏ ပြောကြားချက်အရ " ကျွန်မ အခန်းထဲမှာပဲ နေကြပါလို့ပြောနေတဲ့ ညွန်ကြားချက်ကို လျစ်လျူရှု့လိုက်တယ် ၊ဘာကြောင့်လဲဆိုတော့ သင်္ဘောက တစ်ဖြည်းဖြည်း နစ်နေပြီး ရေတွေက ကျွန်မ ရှိ နေခဲ့တဲ့ အခန်းလေးထဲကိုဝင်လာနေပြီး ၊ ဒါနဲ့ ကျွန်မလဲ သင်္ဘောရဲ့ အပေါ်ပိုင်းကို ရောက်အောင် ပြေးလွှားခဲ့ပြီး လူတွေ ရှိနေတဲ့ ပြတင်းပေါက်ကနေသင်္ဘောအပြင်ဘက်ကို ထွက်ခဲ့တာ ၊ ခဏနေတော့ ကယ်ဆယ်ရေးသမား တွေရောက်လာပြီး ကျွန်မကို ကယ်ခဲ့တာ" ဟု သူမ၏ အတွေ့အကြုံကိုပြောပြသည်။

သင်္ဘောကို မစွန့်ခဲ့ပါဘူးဟု ကပ္ပတိန် လီဂျန်ဆွတ်က ပြောကြားနေသော်လည်း အသက်ရှင်လွတ်မြောက်လာသူများ၏ ပြောကြားချက်အရ လီဂျန်ဆွတ် ဟာကယ်ဆယ်ရေးသမားများ၏ ကယ်ဆယ်ခြင်းကိုခံခဲ့ရသော ပထဦးဆုံးလူများစာရင်းတွင်ပါဝင်သည်ဟု ဆိုသည်။

သင်္ဘောနစ်မြုပ်ရာဒေသနှင့် အနီးအနားတွင်ရှိသော ဂျင်ဒိုကျွန်းပေါ်တွင် ယာယီဖွင့်လှစ်ထားသည့် ကယ်ဆယ်ရေးစခန်းကို တောင်ကိုရီးယားသမ္မတနှင့် ၀န်ကြီးချုပ်တို့ကိုယ်တိုင် လာရောက်အားပေးစကားများပြောကြား
ခဲ့သော်လည်း ပျောက်ဆုံးလျက်ရှိသော ကျောင်းသား ကျောင်းသူများ အတွက် ပူဆွေးလျက်ရှိသော မိဘများနှင့် ဆွေမျိုးမိဆွေများ၏ ကြမ်းတမ်းသောစကားလုံးများနှင့် အပြုအမူများကို ရင်ဆိုင်ခဲ့ရသည်။

သမ္မတ ပတ်ဂွမ်ဟီး ကယ်ဆယ်ရေးစခန်းတို့ ရောက်ရှိချိန်တွင် "ဘာလုပ်နေတာလဲ၊ လူတွေက သေနေပြီး ၊ အချိန်တွေက တဖြည်းဖြည်း ကုန်နေတာ" ဟုကြွေးကြော်သံများ နှင့်အတူ လူထု၏ တိုးဝှေ့ တွန်းထိုးခြင်းကိုခံခဲ့ရသလို ၀န်ကြီးချုပ် ဂျွန်ဟွန်ဝန် မှာလည်း လူထု၏တိုးဝှေ့ တွန်းထိုးခြင်းကိုခံခဲ့ရပြီး ရေဗူးများနှင့် ပစ်ပေါက်ခြင်း များကိုခံခဲ့ရသည်။

အထက်တန်းကျောင်းသားကျောင်းသူ ၃၇၅ ဦးနှင့်အတူ ဆရာ၊ ဆရာမ များ အင်ချွန်မြို့မှ ကိုရီယား အပန်းဖြေကမ်းခြေကျွန်းဖြစ်သည့် ဂျေဂျူ ကျွန်းသို့ လေ့လာရေးခရီး ထွက်လာစဉ်အတွင် ယခုကဲ့သို့အဖြစ်ဆိုးနှင့်
ရင်ဆိုင်ခဲ့ရသည့်အတွက် ကျောင်းသားကျောင်းသူများ၏ မိဘများမှာ အထူးစိုးရိမ်ပူပန်နေကြသည်။

လူအုပ်၏ တွန်းထိုးတိုက်ခိုက်ခြင်းကိုခံခဲ့ရပြီးနောက် လူအုပ်အတွင်းမှပြန်လည်ထွက်ခွါရန်ကြိုးပမ်းခဲ့သော ၀န်ကြီးချုပ် ဂျွန်ဟွန်ဝန်မှာ ပျောက်ဆုံးလျက်ရှိသော ကျောင်းသား၏ မိခင်တစ်ဦးဖြစ်သူ၏ တားဆီးခြင်းခံခဲ့ရပြီး " ထွက်ပြေးဖို့ မကြိုးစားပါနဲ့ ၀န်ကြီးချုပ် ၊ ကျေးဇူးပြုပြီးရှေ့ဆက်လုပ်ဆောင်မယ့် အစီအစဉ်တွေကို ကျွန်မတို့ကိုပြောပြခဲ့ပါ" ဟု တောင်းဆိုခြင်းကိုခံခဲ့ရသည်။

လက်ရှိအချိန်တွင်ပျောက်ဆုံးလျက်ရှိသော လူပေါင်း ၂၉၈ ဦးလုံး ပြန်လည်ကယ်ဆယ်နိုင်ခြင်းမရှိနိုင်ပါက တောင်ကိုရီယားနိုင်ငံအတွက် စစ်အေးကာလအတွင်း အဆိုးရွားဆုံးသော လူအသေအပျောက်အများ
ဆုံး ဘေးအန္တရာယ် ဖြစ်လာမည်ဖြစ်သည်။ လက်ရှိအချိန်ထိ တန်ချိန် ၆၈၂၅ အလေးချိန်ရှိသော Sewol သင်္ဘောနစ်မြုပ်ရခြင်း၏ အကြောင်းအရင်းကို မသိရှိနိုင်သေးသော်လည်း လွတ်မြောက်လာသူများ၏ ပြောကြားချက်အရ သင်္ဘောမနစ်မြုပ်မီ ကျယ်လောင်သောအသံကြီးကိုကြားခဲ့ရပြီးနောက် သင်္ဘောမှာ တစ်ဖက်သို့ တိမ်းစောင်းကာ နစ်မြုပ်ခဲ့ခြင်းဖြစ်ကြောင်း သိရသည်။

လွတ်မြောက်လာသူများကတော့ သင်္ဘောဟာ ကျောက်တောင် သို့မဟုတ် နစ်မြုပ်နေသော အရာဝတ္တုပစ္စည်းတစ်ခုနှင့်တိုက်မိခဲ့ဖွယ်ရှိသည်ဟု ထင်မြင်ချက်များပေးလျက်ရှိသည်။ သို့သော် ယခုလက်ရှိ ကမ်းခြေစောင့်တပ်ဖွဲ့၏ရုံးခန်းတွင် ဖမ်းဆီးထိန်းသိမ်းခြင်းခံနေရသော ကပ္ပတိန် ၏ပြော ကြားချက်အရ သင်္ဘောဟာ ကျောက်တောင်နှင့်တိုက်မိခဲ့ခြင်း လုံးဝ မဟုတ်ပါဘူး ဟု ငြင်းဆိုလျက်ရှိသည်။

အခြားယူဆ ချက်တစ်ခုမှာတော့ သင်္ဘောဟာ တင်ဆောင်လာသော ကားအစီးရေ ၁၅၀ နှင့်အတူ အခြားသောကုန်ပစ္စည်းများ မှ ဟန်ချက်မညီတော့ဘဲ နစ်မြုပ်ခြင်းဖြစ်နိုင်သည်ဟု ခန့်မှန်းထားသည်။
သမ္မတ ပတ်ဂွမ်ဟီးကတော့ " ကျွန်မအနေနဲ့ ယခုဖြစ်စဉ်မှာ တာဝန်ရှိတဲ့ လူတွေအားလုံးကို မိမိတို့ လုပ်ရပ်အတွက် တာဝန်ယူဖို့ အမိန့်ပေးသွားမည်ဖြစ်ပြီး ရာထူးမှလည်း နှုတ်ထွက်ခိုင်းသွားမှာပါ" ဟုလူထုနှင့်တွေ့ဆုံစဉ်ပြောကြားထားသည်။

သို့သော်လည်း စိုးရိမ်စိတ်များနှင့်ပြည့်နှက်လျက်ရှိသော လူထုကြီးက သမ္မတပတ်ဂွမ်ဟီးကို ကယ်ဆယ်ရေးလုပ်ငန်းများလုပ်ဆောင်နေပုံများကို ၂၄ နာရီ တိုက်ရိုက်ထုတ်လွှင့်ပြသရန်နှင့် လက်ရှိအချိန်ထိ ကယ်ဆယ်ထားပြီးသော လူဦးရေ စာရင်းနှင့်ပျောက်ဆုံးနေသောလူဦးရေ စာရင်းကို အချိန်နှင့်တပြည်းညီ ထုတ်လွှင့်ပေးရန် တောင်းဆိုထားသည်။

ကယ်ဆယ်ရေး သင်္ဘောအစင်းရေ ၁၀၀ နှင့် ရေငုပ် သမားအယောက် ၅၀၀ ဖြင့် လုပ်ဆောင်နေသော ကယ်ဆယ်ရေးလုပ်ငန်းမှာလည်း ဆိုးရွားလှသော ရာသီဥတုအခြေအနေနှင့် ပင်လယ်ပြင်အနေအထားတို့ကို ရင်ဆိုင်နေရပြီး သင်္ဘောနစ်မြုပ်သည့်နေ့တွင် ကယ်ဆယ် ထားနိုင်သည့် လူပေါင်း ၁၇၉ ဦးကိုသာ ကယ်ဆယ်ထားနိုင်ပြီး ပျောက်ဆုံးလျက်ရှိသော လူပေါင်း ၂၉၈ ဦးကိုတော့ ကယ်ဆယ်နိုင်ခြင်းမရှိသေးပေ။

ကမ်းခြေစောင့် တပ်ဖွဲ့၏ ကတော့ သင်္ဘောပေါ်တွင်ရှိနေခဲ့သော အသက် ကယ်လှေများ ဘာကြောင့်အသုံးပြုခဲ့သလဲနှင့် ကပ္ပတိန်က သင်္ဘော စတင်နစ်မြုပ်နေစဉ်မှာပင် အဘယ့်ကြောင့် ခရီးသည်များကို မိမိတို့ရှိနေသောအခန်းအတွင်းမှာပင် နေကြရန် ညွှန်ကြားခဲ့သလဲဆိုသည့် အချက်ကို စုံစမ်း စစ်ဆေးနေပြီဖြစ်သည်။

နစ်မြုပ်ခဲ့သော သင်္ဘော Sewol ကို ၁၉၉၄ ခုနှစ်တွင် ဂျပန်နိုင်ငံအတွင်း
တည်ဆောက်ခဲ့ခြင်းဖြစ်ပြီး ပေပေါင်း ၄၈၀ ရှည်လျားကာ အလွှာ ၅ ထပ် ပါဝင်သည်ဟု သိရသည်။

သင်္ဘောနစ်မြုပ်မှုမှ လွတ်မြောက်လာသော လူများ၏ ပြောကြားချက်အရ သင်္ဘောစတင်နစ်မြုပ်ချိန်တွင် သင်္ဘော၏ အပေါ်ဆုံးထပ်တွင် လူအနည်းငယ်သာရှိနေခဲ့ပြီး အလယ်ထပ်နှင့် အောက်ထပ်တွင် လူအများစု ရှိနေခဲ့ကာ သင်္ဘော စတင်နစ်မြုပ်သည်နှင့် လူအများဆုံးရှိသော အလယ်ထပ်နှင့် အောက်ထပ်မှာ ရေအောက်သို့စတင်နစ်မြုပ်ခြင်းခံခဲ့ရသည်ဟု ဆိုသည်။

ဂျေဂျူး ကျွန်းနှင့် အင်ချွန်း မြို့ကို တစ်ပတ် နှစ်ကြိမ် ပြေးဆွဲလျက်ရှိသာ ၎င်းသင်္ဘော၏ အများဆုံးတင်ဆောင်နိုင်သည့် ကုန်ပစ္စည်းပမာဏမှာ လူပေါင်း ၉၂၁ ဦး၊ ကားအစီးရေ ၁၈၀ နှင့် ကွန်တိန်နာ အလုံးရေ ၁၅၂ လုံးဖြစ်သည်။

News Watch(စောင့်ကြည့်သတင်းဂျာနယ်)

ကုန်းအတက်တွင် ယာဉ်နောက်ပြန်လျှောကျသဖြင့် ခုန်ချရာမှ ၂ ဦးသေ



နေပြည်တော်၊ ဧပြီ ၁၈
၂၀၁၄ ခုနှစ်၊ ဧပြီလ ၁၆ ရက်နေ့ နေ့လည် ၁ နာရီခွဲအချိန်၊ မကွေးတိုင်းဒေသကြီး၊ စေတုတ္တရာမြို့နယ်၊ တပွင်နယ်မြေရဲစခန်းမှတပ်ဖွဲ့ဝင်များသည် ယာဉ်မတော်မဆမှုဖြစ်ပွားကြောင်း သတင်းအရ သက်သေများနှင့်အတူ သွားရောက်စစ်ဆေးခဲ့သည်။ စစ်ဆေးချက်အရ ဆောမြို့နယ်၊ ယင်းကဲရွာနေ ဇင်လင်း(၂၀)နှစ်မောင်းနှင်လာသည့် ခရီးသည်နှင့်ကုန်ပစ်္စည်းများတင်ဆောင်လာသော ၈ဈ/xxxx ဂျစ်သည် ဆောမြို့နယ်၊ ယင်းကဲရွာမှ ကန်ပက်လက်မြို့နယ်၊ ဆူးပုပ်ကျင်းရွာသို့ မောင်းနှင်လာစဉ် ဖျဉ်းကြီးကျေးရွာအနီး ကုန်းအတက်တွင်နောက်ပြန်လျှောကျခဲ့ကြောင်း သိရှိရသည်။ ထိုသို့လျှောကျမှုကြောင့် ယာဉ်ပေါ်ပါ ကန်ပက်လက်မြို့နယ်၊ လဲပုံရွာနေ ဒေါ်တင်ရီ(၃၇)နှစ်သည် သမီး ဖြစ်သူ မထွေးရီ(၃)နှစ်အားကျောပိုး၍ ကား၏ယာဘက်သို့ခုန်ချခဲ့ရာ ဒေါ်တင်ရီတွင် ဦးနှောက်ထွက် ဒဏ်ရာနှင့် မထွေးရီတွင် ဦးခေါင်းနောက်စေ့ကွဲဒဏ်ရာများရရှိကာ အခင်းဖြစ်နေရာတွင် (၂)ဦးစလုံး သေဆုံးသွားခဲ့သောကြောင့် ယာဉ်မောင်း ဇင်လင်းအား တပွင်နယ်မြေရဲစခန်း ယာဉ်(ပ)၁/၂၀၁၄၊ ပြစ်မှုပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိသည်။

ရဲဇာနည်

ဒေါသမောဟ ပေါများသောခေတ်


ရွှေတိဂုံဘုရားသို့ဧည့်လမ်းညွှန်တစ်ယောက်အနေဖြင့် ကျွန်တော်မကြာမကြာရောက်ပါသည်။ ထိုသို့  ရောက်တိုင်းလည်း ဗုဒ္ဓဘာသာဝင်တို့ သဘောထား၊ မြတ်စွာဘုရား၏ ဂုဏ်တော်တို့ ကို တတ်နိုင်သမျှ ရှင်းပြ ပါသည်။သို့ သော် နိုင်ငံခြားသားအတော်တော်များများမှာ ဗုဒ္ဓဘာသာ မဟုတ်သော ဘာသာခြားများဖြစ်သဖြင့် ဂုဏ်တော်တွေ၊ မြတ်စွာဘုရား၏ ဆံတော်တွေ၊ ဓာတ်တော်တွေကိုစိတ်မ၀င်စား၊ သူတို့ စိတ်ဝင်စားသည် မှာ ရွှေတိဂုံဘုရားပေါ်မှ ကျောက်မျက်ရတနာများဖြစ်သည်။ ဘုရားပတ်လည် ၀င်းဝင်းလက်အောင်ချထားသော ရွှေပြားများကို သူတို့ စိတ်ဝင်စား ကြသည်။

သူတို့ စိတ်ဝင်စားတော့လည်း ကျွန်တော်တို့ဧည့်လမ်းညွှန်များက ဝေေ၀ဆာဆာရှင်းပြရသည်။
''ဒီရွှေတိဂုံဘုရားကြီးရဲ့စိန်ဖူးတော်၊ ငှက်မြတ်နား၊ ဆပ်သွားဖူး၊ ထီးတော်၊ ငှက်ပျောဖူး(ပန်းလည်တိုင်)တွေမှာ ဗုဒ္ဓဘာသာဝင်များ ခေတ် အဆက်ဆက်ကလှူဒါန်းထားတဲ့ အဖိုးတန်ကျောက်မျက်ရတနာတွေ များစွာရှိပါတယ်၊ စိန်ဖူးတော်မှာဆိုရင် စိန်အလုံးရေ ၄၃၅၁ ပွင့်ရှိပြီး အကြီးဆုံးစိန်ဟာ ၇၆ ကာရက်ရှိပါတယ်၊ ငှက်မြတ်နားတော်မှာ တော့စိန်လုံးရေ ၁၀၉၈ ပွင့်ရှိပြီး အခြားပတ္တမြား၊ နီလာ၊ မြ ၊ စတဲ့ အဖိုးတန် ကျောက်မျက်တွေကတော့ ၁၃၃၈ လုံးရှိပါတယ်၊ ဆပ်သွားဖူးပေါ်မှာတော့ ကျောက်မျက်မျိုးစုံ ၈၈၆ လုံးရှိပါတယ်၊ စေတီတော်ကြီးကို တစ်ပေပတ်လည် ရွှေပြားပေါင်း ၃၃၆၉၉ ပြားနဲ့ ရွှေချထားတာမို့  ရွှေတိဂုံဘုရားမှာရှိတဲ့ ရွှေသင်္ကန်းအလေးချိန်ချည်းပဲ ၃.၀၈ တန် (၂၀၃၄.၆၈ ပိဿာ) ရှိပါတယ်၊ ထီးတော်မှာ ရွှေဆည်းလည်း ၄၀၁၆ လုံး၊ ငွေဆည်းလည်း ၄၇၄ လုံး၊ ရွှေညောင်ရွက် ၁၈၀၅ ရွက်၊ ရတနာကြုတ် ၉ခု ရှိပါတယ်''ဟု ရှင်းပြလိုက်လျှင် နိုင်ငံခြားသားများမှာ ပါးစပ် အဟောင်း သား ဖြစ်သွားကြပါသည်။ ထို့ ထက်အလွန် ရတနာပစ္စည်းများကို လက်တွေ့ မျက်မြင်ဗဟုသုတရစိမ့်သောငှာ စေတီတော်ရင်ပြင် ရာဟု ထောင့်ရှိ ဓာတ်ပုံပြတိုက်သို့ ဝင်ရောက်ကာ စိန်ဖူးတော်နှင့် ငှက်မြတ်နားပေါ်မှ ကျောက်မျက်ရတနာများ၏ အနီးကပ်ဓာတ်ပုံကိုပြလိုက်သောအခါ နိုင်ငံခြားသားများသည် အအံ့သြကြီး အံ့သြလျက် သူတို့အားလုံးတစ်ညီ တစ်ညွတ်တည်းမေးကြသောမေးခွန်းမှာ
''ဒီရတနာပစ္စည်းတွေကိုဘယ်သူမှ မခိုးကြဘူလား''ဟူ၍ ဖြစ်သည်။

ထိုသို့ မေးတိုင်း ကျွန်တော် ဂုဏ်ယူစွာပြန်ဖြေမိသည်မှာ ဘုရားကိုလှူထားတဲ့ ပစ္စည်းတွေကို ကာယကံမြောက် ခိုးဖို့ မပြောနဲ့၊
စိတ်နဲ့ တောင် ဘယ်သူမှ မပြစ်မှားကြဘူး၊ ငါတို့ လူမျိုးက ဆင်းရဲပေမယ့် လှူဖို့ ပဲစဉ်းစားတယ် ခိုးဖို့ ကို စိတ်ကူးထဲမှာတောင်မရှိဘူး''
ထိုစကားကိုကြားလိုက်လျင် နိုင်ငံခြားသားများသည် ခေါင်း တရမ်းရမ်းနှင့်-
''မင်းတို့နိုင်ငံမှာတော့ဟုတ်မှာပေါ့၊ ငါတို့ အနောက်တိုင်းမှာဆိုရင်တော့ ကုန်တာကြာလှပြီ၊ ဒီလောက်အဖိုးတန်တာမဆိုထားနဲ့၊ ဘုရား ကျောင်းက ပရိဘောဂနဲ့ အခြားပစ္စည်းတွေတောင် အခိုးခံရလွန်း
လို့ (Church) ကို အမြဲသော့ခတ်ထားရတယ်''

''အင်း . . . ခုထက်ထိတော့ ခေတ်ကြီးကကောင်းနေသေးတယ်၊ ငါတို့ မျိုးဆက်ကိုကျော်လွန်ပြီး နောက်မျိုးဆက်တွေမှာ ဘာတွေဖြစ်မလဲ ငါတို့ မသိဘူး၊ အင်္ဂလိပ်ခေတ်ကရော၊ ဂျပန်ခေတ်ကပါ
ငါတို့ ဘိုးဘေးတွေ ဟာ ဘုရားဌာပနာတွေ မပျောက်ပျက်ရအောင် အသက်ပေးကာကွယ်ခဲ့ တယ်၊
ငါတို့ ခေတ်အထိလဲ ကာကွယ်နိုင်ဆဲပါပဲ၊ နောင်အနာဂါတ်ကိုတော့ ငါတို့ လဲမပြောနိုင်ဘူး၊ တကယ်တော့ ဒီလို ဘုရားပစ္စည်းကို မခိုးဘူးဆိုတာ လဲ ဥပဒေကြောင့်၊ ဘာကြောင့် ဆိုတာထက် လူတွေရင်ထဲမှာရှိနေသေးတဲ့ ရတနာသုံးပါးပေါ်ရှိနေတဲ့သဒ္ဓါတရား ကြောင့်ပါပဲ၊ သဒ္ဓါတရားဆိုတာ မရှိတဲ့ နေ့ ကတော့ အကုသိုလ်အလုပ်တွေ ဖြစ်လာကြမှာပေါ့။အရင်ကနဲ့ စာရင် တောင် မြန်မာနိုင်ငံမှာအခုအခါ ရာဇ၀တ်မှုတွေ ပေါများလာပြီ။ တိုးတက် တာကိုလက်ခံပေမယ့် တိုင်းသူပြည်သားးတွေရဲ့ စိတ်ဓာတ်နဲ့ စာရိတ္တပျက် လာတာကိုတော့ ငါစိုးရိမ်တယ်''ဟု ကျွန်တော်ပြန်ပြောမိပါသည်။

ဤစကားသည် အမှန်ဖြစ်ပေ၏။ ခပ်ဝေးဝေးကိုမကြည့်နှင့် ကျွန်တော်တို့ငယ်စဉ်က (၁၉၇၀ ပြည့်လွန်ကာလများ) ဆိုလျှင် လူတို့ သည် လောဘ ဒေါသ ယခုထက်များစွာနည်းသေး၏။ ခိုးမှု၊ ၀ှက်မှု၊ လုယက်မှု ဆိုသည်မှာ မေ့လောက်မှ တစ်ခါကြားရ၏။ မုဒိမ်းမှုဆိုသည်မှာ မကြားဝံ့ မနာသာကိစ္စကြီးတစ်ခုဖြစ်ပြီး ထိုအမှုမျိုးမှာလည်း ဆယ်နှစ်တွင် တစ်ခါ ကြားရခဲသည်။ လိင်တူခြင်းလက်
ထပ်ဖို့ နေနေသာသာ အခြောက်နှင့် တွဲသွားတွဲလာလုပ်ဖို့ ကိုပင် အရပ်ကမသတီကြပေ။ ညစ်ညမ်းရုပ်ပုံများကို မဆိုထားဘိ အမျိုးသမီးတစ်ဦး၏ မလုံ့ တလုံဓာတ်ပုံပင်လျှင် အတော်ကို ရှားရှားပါးပါးဖြစ်သည်။ သင်္ကြန်တွင်မိန်းမပျိုတစ်ဦး အရက်မူး၍လဲနေသည် ကို ကျွန်တော်တို့ ခေတ်သင်္ကြန်တွင်တစ်ခါမှမကြားဖူးပါ။ ကလေးအရွယ် လူမမည်မိန်းကလေးများကို အဓမ္မကျင့်ကြံမှုဆိုသည်ကား လုံးဝပင်မကြား ဖူးခဲ့ချေ။ ကိုယ့်အဖေကိုယ်ပြန်သတ်ခြင်း၊ ကိုယ့်အမေကိုယ်ပြန်၍ အန္တရာယ် ပြုခြင်းဆိုသည်များမှာ မည်သည့်နေရာတွင်မှ မကြားရမသိရသောအမှုများ ဖြစ်သည်။ ဖအေကသမီးအရင်းကိုပြန်၍ ကျင့်ကြံခြင်းမှာမူကား ကျွန်တော့် ကလေးဘ၀တွင် လုံးဝမကြားဖူးချေ။

ကျွန်တော်တို့ မြို့ တွင် ဘုရားပစ္စည်း ခိုးသဖြင့် ထောင်ကျသွားသော ဘုရားဂေါပကတစ်ဦးရှိရာ ထိုဂေါပကသည် ထောင်ထဲတွင်သေဆုံးသွားပြီး ကျန်ရစ်ရှာသောသူ့မိသားစုမှာ မြို့တွင် လူတောတိုး၍ မရတော့ပေ။
ကျွန်တော်နေထိုင်သော ပြည်မြို့  ဆံတော်ရပ်ကွက်တွင် အိမ်များ သည် တစ်အိမ်နှင့်တစ်အိမ် ခြံစည်းရိုးမရှိပေ။ ကျွန်တော်တို့ သည် ကိုယ့် အိမ်ထဲသို့ အိမ်ရှေ့ ပေါက်မှဝင်လာပြီးနောက်ဖေးပေါက်မှ သူများအိမ်ကို ဖြတ်၍ ပြန်ထွက်သွားလျှင်လဲ ရသည်။ ကိုယ့်အိမ်ကိုယ်ပြန်သောအခါ အိမ်ရှေ့ ဘက်မှမလာဘဲ နောက်ဖေးဘက်ရှိသူများ အိမ်ထဲသို့ ခပ်တည်တည် ၀င်သွားကာ ကိုယ့်အိမ်သို့ ပြန်လာလျှင်လဲရသည်။ အခြားကလေးများသည် လည်း ရပ်ကွက်အတွင်းသူ့အိမ် ငါ့အိမ်မခွဲခြားဘဲ ၀င်ကြထွက်ကြ ဖြတ်သန်း ကြသည်။ တစ်ခါတစ်ရံဘေးတိုက်တန်းစီနေသော အိမ်များသို့ တစ်အိမ်ပြီး တစ်အိမ် ၀င်ထွက်သွားလာကြရာ ညောင်စင်တန်းလမ်းမှ စာတိုက်တန်း လမ်းသို့ ပင် ရောက်သွား၏။ အိမ်များကိုမဆိုထားဘိ ဆံတော်ဂါတ်ဟူသော ပြည်(၂) ရဲစခန်းသို့ ပင် လူကြီးလူငယ်မရွေး တံခါးမရှိ ဓါးမရှိဝင်ထွက်နိုင် ကြသည်။ တစ်ခါတစ်ရံကျွန်တော်တို့ ကလေးများသည် ပျင်းပျင်းရှိလျှင်
တရားခံကိုအမှုစစ်တာရဲစခန်းထဲသို့ သွားကြည့်ကြသည်။ လူတို့ သည် ကလေးများကိုမြင်သည်နှင့် မည်သူ၏ သားသမီး၊ မည်သည့်လမ်းက စသည်ဖြင့် သိကြသည်။ တစ်ယောက်အိမ်မှ သစ်ပင်များကိုအခြားတစ်အိမ် မှ ခူးဆွတ်ကြသည်။ လူတို့ တွင်လောဘ ဒေါသနည်းကြသေး၏။ အိမ် တံခါးဖွင့်၍ထားခဲ့သော်လည်း သူခိုးကားမရှိပေ။

ဤအခြေအနေသည် ၁၉၈၈ တွင်စတင်ပြောင်းလဲသွား၏။လူတို့၏ ကောင်းမြတ်သောစိတ်ဓာတ်များစတင်ကွယ်ရာတွင် ကြောက်ရွံ့ ခြင်းမှ စတင် မြစ်ဖျားခံသည်။ ၁၉၈၈ စက်တင်ဘာလ (၁၈)ရက်နေ့တွင် တပ်မတော်မှ အာဏာသိမ်းလိုက်ကြောင်းကြေညာပြီးနောက် ခေတ်ပျက် သလိုဖြစ်သွား၏။ စစ်သားများသည် အာဏာသိမ်းသည့်ညက မြို့ ခံဆန္ဒပြ သမားများအား ပစ်ခတ်နှိမ်နင်းသဖြင့် လတို့ သေဆုံးကြသည်ကို မြို့ ခံများ သည် မျက်မြင်ဒိဌတွေ့ ကြုံရသည်မှစ၍ မိမိနှင့် မိမိမိသားစု
ထိုသို့ သတ်ဖြတ်ခံရမှာကိုကြောက်လာ၏။ ညမထွက်ရ စစ်အုပ်ချုပ်ရေး အမိန့် ကြောင့် လူတို့ သည် စစ်သားများအပါအ၀င် လူစိမ်းမြင်လျှင် ကြောက်ရွံ့ နေကြရ၏။

ထိုအခါကလေးများလည်းလွတ်လပ်စွာကစားခွင့်မရပြီ။ အိမ်များသည် ခြံစည်းရိုးစတင်ခတ်လာကြသည်။ ဟိုစဉ်ကလို တစ်အိမ်မှ တစ်အိမ် ကူးလူးဆက်ဆံဖြတ်သန်းသွားလာ၍မရတော့။ လူတို့ ၏စိတ်ထဲ တွင် မိမိနှင့် မိမိမိသားစု အသက်ရှင်ရေးကွက်ကွက်ကိုသာကြည့်သော အတ္တဗဟိုပြုဝါဒမသိမသာ ထွန်းကားလာ၏။ ထိုထက်ပို၍ စိတ်ဓာတ် ပျက်ပြားလာရခြင်းမှာ စစ်အုပ်ချုပ်ရေးကာလအတွင်း စစ်တပ်နှင့် ပလဲနံပသင့်သော လူများသည် စီးပွားရေးလုပ်ကွက်များ၊ အခွင့်အရေးများ ကို သူများထက်ပိုရ၏။

သင်သည်ပညာတတ်သည်ဖြစ်စေ၊ အတန်းပညာမဲ့ သည်ဖြစ်စေ ဒေသတွင်အာဏာရှိသော စစ်တပ်မှ အရာရှိတစ်ဦးဦးနှင့် ပတ်သက်ကြောင်း၊ ပိုင်နိုင်ကြောင်းပြနိုင်လျှင် သင်၏စီးပွားရေးလုပ်ငန်းမှာ မည်မျှ ၀ိသမလောဘနှင့် ဥပဒေဘောင်အပြင်ဘက်မှဖြစ်စေ မည်သည့် ဥပဒေဘက်တော်သားကမျှ ထိရဲတို့  ရဲမည်မဟုတ်ဟူသော မသမာသည့် အယူအဆများပျံနှံ့ လာသည်။

ကျွန်တော့်အသိတစ်ယောက်သည် ဖခင်လက်ထက်တွင် မိရိုးဖလာ ရွှေအရောင်းအ၀ယ်လုပ်ရာတွင် ချောင်ချောင်လည်လည်မရှိသော်လည်း သူ့လက်ထက်တွင် ခိုးရာပါရွှေများကိုအရည်ကျိုပစ္စည်းဖျက်သည့်လုပ်ငန်းကို လုပ်ကိုင်ရာမှနေ့ ချင်းညချင်း ချမ်းသာသွားသည်။ ထိုသို့ လုပ်နိုင်ရန် သူသည် တိုင်းမှူးနှင့်ခင်မင်ခွင့်ရဖို့ စနေ၊ တနင်္ဂနွေတိုင်း ဂေါက်ရိုက် ထွက်သည်။ တောဘက်မှရောက်လာသောထိုပုဂ္ဂိုလ်သည် ဂေါက်သီးတွေ ဘာတွေရိုက်သည်ဆိုတော့ အကြောင်းသိများက ရယ်ကြသည်။
သို့ သော်ကိစ္စမရှိ စစ်တပ်နှင့်ပိုင်ကြောင်းသက်သေပြနိုင်ဖို က အရေး ကြီးသောခေတ်ဖြစ်၍ အရှက်မရှိကြိုးစားလိုက်ရာ အတော်ပင် အခြေအနေ ကောင်းသွားသည်။ ကောင်းရောင်းဝယ်လုပ်စားသူများထမင်းမ၀ဘဲ စစ်တပ် ကိုဖားနိုင်သူများ ပညာမတတ်သော်လည်း အလုပ်ဖြစ်သည့်ခေတ်ဖြစ်ရာ လူတို့ ၏ ကံကံ၏အကျိုးကိုယုံကြည်သည့်စိတ်များ၊ ကောင်းမြတ်သည့် စိတ်ထားများ၊ မကောင်းမှုကိုရှောင်ကြဉ်လိုသည့်စိတ်ထားများသည် စစ်အစိုးရလက်ထက်တွင် ကုန်းကောက်စရာမရှိအောင်ပျက်စီးသွားကြ သည်။ ပညာမဲ့များသည် စစ်တပ်ကျောထောက်နောက်ခံဖြင့် လောက ၀ယ်လူရာဝင်တွင်ကျယ်လာ၏။ ရိုးသားသူများကျဆုံးသောခေတ်၊ သူခိုးများ တွင်ကျယ်သောခေတ်ဖြစ်လာသည်။

ဤသည်ပင်လျှင် လောဘ၊ ဒေါသ၊ မောဟတရားများ စတင်ကြီးစိုးသောအမှောင်ခေတ်၏ အစဖြစ်တော့သည်။ မေတ္တာ၊ ကရုဏာ၊ မုဒိတာဟူသော ကောင်းမြတ်သောစိတ်တို့ အစား အာဏာ၊ ငွေကြေးနှင့် ခက်ထန်မှုတို့  ကြီးစိုးသောခေတ်၏ အစဖြစ်တော့သည်။

ဒီမိုကရေခေတ်သို့ ရောက်ပါပြီဟုပြောကြသော ယနေ့ ခေတ်အခါ သမယဝယ် ငယ်စဉ်ကကျွန်ုပ်တို့ ကြုံခဲ့ရသော မုဒိတာခေတ်သို့ ရောက်ပါပြီ လောဟု ဆန်းစစ်ကြည့်သောအခါ အောက်ပါအတိုင်းတွေ့ ရလေသည်။

ဘုရားခိုးဂိုဏ်းများသည် အနယ်နယ်အရပ်ရပ်မှ ရှေးဟောင်းဘုရားရုပ်ပွား တော်များကို လိုက်လံခိုးဝှက်နေသဖြင့် ဘုရားဆင်းတုတော်များနေရာ အနှံ့ ပျောက်ဆုံးနေလေသည်။ နေပြည်တော် ကောင်စီနယ်မြေ၀ယ် ဆည် မြောင်းဌာနပိုင်မြေနှင့်မလွတ်၍ဆိုကာ ဘုန်းတော်ကြီးကျောင်းများကို ဖျက် သိမ်းခိုင်းရုံသာမကဘုန်းကြီးများကို ထောင်ချပစ်လေသည်။ တရားရုံးသို့ မလာသော သံဃာတော်များကိုတရားခံပြေးကြေညာလိုက်လေ၏။ ရတနာ သုံးပါးတွင် တစ်ပါးအပါအ၀င်ဖြစ်သော သံဃာများကား ဦးသိန်းစိန် အစိုးရနှင့်တွေ့ ကာမှ တရားခံပြေးဖြစ်ရပေကုန်၏။ ဘာသာခြားတို့ က ဖျက်ဆီးစရာမလိုဘဲ လုံထိန်းတို့၏လက်ချက်ဖြင့် ဘုန်းတော်ကြီးကျောင်းများ ပျက်စီးပပျောက်သွားပေ၏။

ပုဂံသူပုဂံသားတို့ လွန်ခဲ့သောနှစ်ပေါင်း ကိုးရာ၊ တစ်ထောင်ကတည်ထားခဲ့သော ဘုရားစေတီအချို့မှာ ယခုအခါ ပုဂံရှိဟိုတယ်ကြီး အချို့ ၏ အုတ်တံတိုင်းအတွင်းရောက်ရှိသွားကာ မည်သူမျှ ဖူးခွင့်မရသော ကျိတ်ပုန်းဘုရားများဖြစ်ကုန်ကြပြန်၏။ အနှစ်နှစ် ဆယ်ကျော် တပ်မတော်သာ အမိ၊ တပ်မတော်သာအဖဟကြွေးကြော်ခဲ့ရာမှ စိတ်ကူးပြောင်းကာ ပြည်သူသားအမိ၊ ပြည်သူသားအဖဟု ကြွေးကြော်သံ ပြောင်းပါတော့မည်ဟုပြောသော်လည်း မိဘပြည်သူများနှင့် တူသော ပြည်သူလူထု၏မြေများကို ယခင်ကသိမ်းခဲ့သည်ကိုလုံးဝပြန်မပေးနိုင်ပါဟု မိကျောင်းကန် အပိုင်း (၂) ပြည်သူများ၏သပိတ်စခန်းကို ဖြိုခွင်းအပြီး တပ်မတော်က ဗြောင်ကြေညာလိုက်လေသည်။ ပြည်သူကိုအခြေပြုသော ဒီမိုကရေစီခေတ်ကြီးရောက်ပါပြီဟု ရေဒီယိုမှတစ်လတစ်ခါပုံမှန် ကြေညာ သော်လည်း ယခင်စစ်အာဏာရှင်အစိုးရလက်ထက်က လုပ်ရပ်အတိုင်း နံနက်မိုးမလင်းမီ အမင်္ဂလာအချိန်တွင် ဆန္ဒပြသူများ၏သပိတ်စခန်းကို ဘယ်ကမှန်းမသိသော လက်ပတ်အနီဝတ်အရပ်သားများကိုခေါ်လာကာ ဖျက်ဆီးစေသောလုပ်ရပ်များလည်းနှစ်ရက်ဆက်တိုက်ဖြစ်ခဲ့ပေ၏။ (လုပ်ပုံ ကိုင်ပုံမှာ ဒီပဲယင်းအရေးအခင်းတွင်အရပ်ဝတ်လူမိုက်များကိုသုံးကာ လုပ်သွားပုံနှင့် ခပ်ဆင်ဆင်ဖြစ်၏)။

တည်မိသည့်ဘုရား ဠင်းတပဲနားနားဟု မြန်မာစကားပုံရှိသော်လည်း ရဟန္တာကိုယ်တော်မြတ်ကြီးဟု နာမည်ကျော် သော လယ်တီဆရာတော်ဘုရားကြီးသီတင်းသုံးခဲ့ရာ သိမ်ကျောင်းကို ဘူဒိုဇာနှင့် ထိုးချဖျက်ဆီးခဲ့သည်မှာလည်း ရှေးအင်္ဂလိပ်ခေတ်ကမဟုတ် ယခုခေတ်ပင်ဖြစ်ပါသည်။ သစ်တစ်ပင်ခုတ်အချုပ်သုံးနှစ်ဟု ဆင်းရဲသား များ ကြောက်လန့်အောင် တောစပ်တွင် စာသားများချိတ်ဆွဲထားသော်လည်း သစ်လုံးကားကြီးများ နေ့စဉ်တရုတ်ပြည်သို့ ဗြောင်ခို (မှောင်မခိုဘဲ ဗြောင်လုပ်နေကြသဖြင့် ဗြောင်ခိုဖြစ်ပါသည်) ထွက်နေကာ စီးပွားဖြစ်သူတို့ ပန်းပန်နေဆဲမှာလည်း ဖက်ဆစ်ဂျပန်ခေတ်မဟုတ် ယခုခေတ်ပင် ဖြစ်ပါသည်။ အရက်ဆိုင်များ မီးတထိန်ထိန်နှင့် ဆောင်းဘောက်များဖွင့်ကာ ခြိမ့်ခြိမ့်သဲသဲရောင်းချလာကြသည်မှာလည်း ယခုခေတ်ဖြစ်သည်။

လူတို့ ၏လောဘ၊ မောဟများကား တစ်နေ့ ထက်တစ်နေ့ ပျက်လာ ကြပေပြီ။ ယခင်ကဆိုလျှင် ကျွန်တော်တို့သည် တပ်မတော်နှင့် ရဲတပ်ဖွဲ့ အပေါ်တွင် အတော်ပင်စေတနာရှိကြပေ၏။ တပ်မတော်နှင့် ရဲတပ်ဖွဲ့ကလည်း ပြည်သူလူထုကို အတော်ပင် ယုံကြည်အားထားခဲ့ပါသည်။ ရှေ့ တန်းပြန် တပ်မတော်သားများကို ပြည်သူလူထုကကြိုဆိုကြသည်။ ရဲစခန်းထဲသို့  မည်သူမဆို အစစ်ဆေး အမေးအမြန်း မရှိဘဲ ၀င်နိုင်၏။

တပ်မတော်တွင်လည်း တက္ကသိုလ်ကျောင်းသားများ ပါဝင်နိုင်သော တက္ကသိုလ် လေ့ကျင့်ရေးတပ် (University Training Corps) ဆိုတာ ရှိသည်။ ရန်ကုန်တက္ကသိုလ်သို့  ကျွန်တော်စရောက်ကာစက စစ်ယူနီဖောင်းဝတ်ထားသော လူငယ်များကိုကျောင်းထဲ၌ မကြာခဏတွေ့ ရာ စစ်သားတွေ တက္ကသိုလ်ထဲဘာလာလုပ်သလဲဟု မေးမိတော့မှ ထိုသူများမှာ UTC တွင် တက်ရောက်လေ့ကျင့်နေသော တက္ကသိုလ်ကျောင်းသားများ ဖြစ်ကြောင်း သိရပါသည်။ ယခုအခါ တပ်မတော်သည် ကျောင်းသားများကိုမယုံတော့၍လားမသိ တက္ကသိုလ်လေ့ကျင့်ရေးတပ်ဆိုတာကို ဘယ်တော့မှ ပြန်ဖွဲ့ မပေးတော့ပေ။ ကျောင်းသားကိုမယုံသည်မှာ ပြည်သူလူထုကို မယုံဟု ပြောသလိုဖြစ်နေပေသည်။ ပြည်သူလူကိုမယုံသည်မှာ ကိုယ့်မိဘကိုကိုယ်မယုံတော့သော အဖြစ် ဖြစ်သည်။ အဘယ့်ကြောင့် ဆိုသော် ပြည်သူသာအမိ ပြည်သူသာအဖဟု ပြောထားခဲ့သည် မဟုတ်ပါလား။

ပြည်သူ့ ရဲများကိုလည်း ယခင်ကလူတို့သည် အတော်ပင် အားကိုး ခဲ့ကြပါ၏။သို့ သော် အရာရာကား ပြောင်းလဲခဲ့ပြီ။ တရားခံကို နှိပ်စက်ရာမှ လက်လွန်သေဆုံးသော အမှုများစွာကြားလာရသည်။ ရဲကကျူးလွန်သော မုဒိမ်းမှုများပင် ဖြစ်လာသည်။ လောဘ၊ ဒေါသများလာသောခေတ် ဖြစ်သည်။ မကြာမီက လှည်းကူးတွင် အဓိကရုဏ်းဆန်ဆန် အုပ်စုဖွဲ့ ရုန်းရင်းဆန်ခတ်မှုတစ်ခုဖြစ်သည်။ ထိုရုန်းရင်းဆန်ခတ်မှုတွင် လူအုပ်က ခဲဖြင့်ပေါက်သောကြောင့် ရဲတစ်ယောက်ခေါင်းပေါက်သွားသော သတင်းကို ကြားရသည်။ ထို့အတူပင် ထွက်မပြေးပါဘဲ လက်မြောက်အဖမ်းခံနေသော လူတစ်ယောက်ကို ရဲက နံပါတ်တုတ်ဖြင့် အငြိုးတကြီး ရိုက်နှက်နေသော ဓာတ်ပုံကိုလည်း 7 Day Daily သတင်းစာ( ၆-၄-၂၀၁၄ ) မျက်နှာဖုံးတွင်တွေ့  မြင်ရရာ စိတ်မကောင်းစရာဖြစ်သည်။ အရိုက်ခံရသော လူငယ် အတွက်လည်း စိတ်မကောင်း၊ ဥပဒေဘက်တော်သားဟု ပြည်သူလူထုက ကျွေးသော ရိက္ခာလစာခံစားနေပါလျက် ရဲတပ်ဖွဲ့နာမည်ပျက် ရဲတပ်ဖွဲ့ဝင်အတွက်လည်း စိတ်မကောင်းပါ။ လောဘ၊ ဒေါသ၊ မောဟ လွန်ကဲသောခေတ်ဖြစ်လာပေပြီ။

ဤသို့ မကောင်းသော စိတ်ထားများကိုသာဆက်၍ လွှတ်ပေးထားပါက မြန်မာနိုင်ငံသည် အနောက်တိုင်း နိုင်ငံသားများ မကြာခဏမေးလေ့ရှိသော ရွှေတိဂုံဘုရားမှ အဖိုးတန်ရတနာ များ အခိုးမခံရဘူးလားဟူသော စိုးရိမ်ကြောင့်ကြမှုသည် အကုသိုလ် ကွင်းဆက်လိုက်ကာ တစ်နေ့ နေ့ တွင် ဖြစ်လာလိမ့်မည်။ ရတနာသုံးပါး အပေါ် ယုံကြည်မှုသဒ္ဓါတရားမရှိတော့သောအခါ ဘာသာရေးတန်ဖိုး ထားမှုများလည်း ကွယ်ပျောက်သွားပါလိမ့်မည်။ ထိုအခါ မကောင်းမှုကို လုပ်ရမှာရှက်ကြ ကြောက်ကြတော့မည်မဟုတ်ပါ။

ယခုအခါ အစိုးရဘက်ကရော တိုင်းသူပြည်သားဘက်ကပါ ကောင်းမြတ်သောစိတ်ထားများနည်း သထက်နည်းလာပေပြီ။ အစိုးရဘက်မှဝန်ကြီး ၀န်ကလေး၊ အရပ်ဘက်၊ စစ်ဘက်၊ ရဲဘက်မှပုဂ္ဂိုလ်များသည် ငါနှင့်ငါသာ နှိုင်းစရာ၊ ငါတို့သာ နိုင်ငံတော်ကို ချစ်သည်၊ နိုင်ငံတော်ကို ကာကွယ်စောင့်ရှောက်နေသည်ဟူသော တစ်လမ်းသွား လောဘ မောဟ မာန်မာနများကိုလျှော့ချ၍ ဘာသာ သာသနာ၊ တိုင်းပြည်နှင့် လူမျိုးအကျိုးအတွက် ကောင်းမြတ်သော စိတ်ဓာတ်ကို မွေးမြူကာ ဟီရိသြတပ္ပတရားတို့ဖြင့် နှစ်သစ်ကို လျှောက်လှမ်းနိုင်ပါစေကြောင်း၊ မြန်မာနှစ်ဆန်းတစ်ရက်နေ့ မင်္ဂလာအခါသမယ၀ယ် မျှော်လင့်ဆုတောင်းလိုက်ရပါသည်။

သရ၀ဏ်(ပြည်)
ကိုးကား-မောင်ဆုရှင် (မြတ်ဘုရားရွှေတိဂုံ)
News Watch(စောင့်ကြည့်သတင်းဂျာနယ်)

စစ်ကိုင်းတိုင်းအတွင်း သင်္ကြန်ရက်မှာ ယာဉ်တိုက်မှု အကြိမ် ၄၀ ဖြစ်ပွားကာ လူ ၁၁ ဦး သေဆုံး


ကိုတိုးကြီး| သောကြာနေ့၊ ဧပြီလ ၁၈ရက်၊ ၂၀၁၄ခုနှစ်။

မုံရွာ၊ မဇ္ဈိမ။ ။ ၂၀၁၄ခုနှစ် မြန်မာ့ရိုးရာ အတာသင်္ကြန်ပွဲတော် ကာလအတွင်း စစ်ကိုင်းတိုင်းဒေသကြီး၌ ယာဉ်တိုက်မှုအကြိမ် ၄၀ ဖြစ်ပွားခဲ့ပြီး ထိခိုက်ဒဏ်ရာရရှိသူ ၈၄ ဦးနှင့် သေဆုံးသူ ၁၁ ဦးရှိခဲ့သည်ဟု အမှတ်(၁၄) ယာဉ်ထိန်းရဲတပ်ဖွဲ့၊ မုံရွာ ဒု-တပ်ဖွဲ့ခွဲရုံးမှ ရဲမှူး ခင်ဇော်မြင့်က မဇ္ဈိမကို ပြောသည်။

“သင်္ကြန်ကာလအတွင်း ယာဉ်တိုက်မှုအကြိမ် ၄၀ ဖြစ်ပွားခဲ့ရပြီး ပျက်စီးဆုံးရှုံးမှုတန်ဘိုး ငွေကျပ် ခြောက်သိန်း ကိုးသောင်းကျော် ဆုံးရှုံးခဲ့ရပါတယ်” ဟု ရဲမှူး ခင်ဇော်မြင့်က ပြောသည်။

အဆိုပါ ယာဉ်တိုက်မှုဖြစ်စဉ်များသည် သင်္ကြန်ကာလ ဧပြီ ၁၃ရက်မှ ၁၆ရက်အတွင်းဖြစ်ပြီး စစ်ကိုင်း တိုင်းအတွင်းရှိ မြို့နယ်အသီးသီး၌ ဖြစ်ပွားခဲ့ခြင်းဖြစ်သည်။ ၎င်း ယာဉ်တိုက်မှုများတွင် ဆိုင်ကယ်တိုက်မှု ၂၆ကြိမ်၊ ကားတိုက်မှု ၉ကြိမ်၊ ကားနှင့် ဆိုင်ကယ်တိုက်မှု ၄ ကြိမ်နှင့် ထော်လာဂျီတိုက်မှု ၁ကြိမ်၊ ယာဉ်တိုက်မှု စုစုပေါင်း ၄၀ကြိမ် ဖြစ်ပွားခဲ့သည်ဟု ယာဉ်ထိန်းရဲရုံး၏ စာရင်းဇယားများအရ သိရသည်။

ယာဉ်တိုက်မှုဖြစ်စဉ်များအနက် မုံရွာမြို့ပေါ်တွင် ဆိုင်ကယ်တိုက်မှု တစ်ကြိမ်သာ ဖြစ်ပွားခဲ့ပြီး လူအသေအ ပျောက်မရှိခဲ့ကြောင်း မြို့နယ် ယာဉ်စည်းကမ်း၊ လမ်းစည်းကမ်း ကြီးကြပ်ရေး ကော်မတီအဖွဲ့ထံမှ သိရသည်။

သင်္ကြန်ကာလအတွင်း ရေကစားကြမည့်သူများ စိတ်အေးချမ်းသာစွာ ရေကစားကြနိုင်ရန် အမှတ်(၁၄) ယာဉ်ထိန်းရဲတပ်ဖွဲ့၊ မုံရွာတပ်ဖွဲ့ခွဲရုံးမှ သင်္ကြန်ရက်မတိုင်မီ ငါးရက်အလို ကာလမှ စတင်ပြီး သရုပ်ပျက်ယာဉ်များ၊ စည်ကမ်းပျက်ယာဉ်များကို ပညာပေးဖမ်းဆီးခဲ့ရာတွင် စုစုပေါင်း ယာဉ် ၁၂၀ စီး ဖမ်းမိခဲ့သည်။ ယင်းသို့ ဖမ်းမိသည့် ယာဉ်များကို ဧပြီလ ၂၂ ရက်တွင် တရားရုံး၌ စစ်ဆေးကာ ယာဉ်ပိုင်ရှင်များထံ ပြန်လည်ပေးအပ်မည်ဟု သိရသည်။

Mizzima Burmese

ခွေးအား ဓါးဖြင့် ခုတ်သူကို တိရစ္ဆာန် ညှင်းပန်းနှိပ်စက်မှုဖြင့် အမှုဖွင့် တိုင်တန်း


ဇော်ဇော်ထွေး| သောကြာနေ့၊ ဧပြီလ ၁၈ရက်၊ ၂၀၁၄ခုနှစ်။

အိမ်မွေးတိရိစ္ဆာန်ဖြစ်သည့် ခွေးကို ဓါးဖြင့် ခုတ်ခဲ့သူကို တိရိစ္ဆာန် ညှင်းပန်းနှိပ်စက်မှုဖြင့် အရေးယူပေးရန် မြောက်ဥက္ကလာမြို့နယ်၊ ဝေဘာဂီရဲစခန်းတွင် အမှုဖွင့် ထားသည်ဟု တိုင်းရဲတပ်ဖွဲ့က ဧပြီ ၁၈က် တွင် သတင်းထုတ်ပြန်ထားသည်။

အဆိုပါ အမှုကို ဝေဘာဂီမြို့သစ်၊ (ည)ရပ်ကွက်၊ သုနန္ဒာလမ်းမကြီးနေ အုတ်သဲကျောက် ရောင်းဝယ်ရေး လုပ်ကိုင်သည့် ဦးစိုးဝင်းက အမှုဖွင့် တိုင်တန်းထားခြင်း ဖြစ်သည်။

တရားလိုသည် ဧပြီ ၁၅ ရက် ညနေ ၇ နာရီက ဈေးသွားဝယ်ပြီး ပြန်လာစဉ်တွင် မင်းတံချထားခဲ့သည့် နေအိမ်တံခါးမှာ ပွင့်နေပြီး အိမ်တွင်း ကြိုးချည်ထားခဲ့သည့် ကျပ် ၅သောင်းကျော်တန် တယ်လီရာအမျိုးအစား အဖြူ/အမဲကွက် အိမ်မွေးခွေး၏ ဘယ်လက်တွင် ပြတ်ရှဒဏ်ရာ တွေ့ရှိရသည်ဟု ရဲကို တိုင်တန်းထားသည်။

စုံစမ်းရာတွင်လည်း အိမ်ခေါင်းရင်းနေ သန့်ဇင်အောင်က ခွေးဟောင်နေသည့်အတွက် မကျေမနပ်ဖြစ်ကာ အိမ်ရှေ့တံခါးမကြီးအား ဖွင့်၍ ဝင်ရောက်ပြီး ဓါးဖြင့် ခုတ်ခဲ့ခြင်းဖြစ်သည်ဟု ရဲထံတွင် ထည့်သွင်းပြောထားသည်။

ထို့ကြောင့် ၎င်းကို အိမ်အတွင်းဝင်ရောက်၍ အိမ်မွေးတိရစ္ဆာန်အား ညှင်းပန်းနှိပ်စက်မှုဖြင့် အရေးယူပေးရန် အမှုဖွင့် တိုင်တန်းထားခြင်းလည်း ဖြစ်သည်။

ယင်းတိုင်တန်းမှုကို ဝေဘာဂီနယ်မြေရဲစခန်းက (ပ)၁၂၂/၂၀၁၄ဖြင့် အမှုဖွင့်ပြီး ပြစ်မှုပုဒ်မ ၄၄၈/၄၂၉ တို့ဖြင့် အရေးယူရန် တိုင်တန်းခံထားရသူကို ဖမ်းဆီးစစ်ဆေးသွားမည်ဟု ဆိုသည်။

“ ငွေကျပ် ၁၀ထက်ဖြစ်စေ၊ ၅၀ ထက်ဖြစ်စေ တန်ဖိုးရှိတဲ့ အိမ်မွေးတိရစ္ဆာန်ကို သတ်တာ၊ ကိုယ်အင်္ဂါ ချွတ်ယွင်းအောင် လုပ်တာဆိုရင် ပုဒ်မ ၄၂၈ သို့မဟုတ် ၄၂၉ တို့နဲ့ အမှုဖွင့် တိုင်တန်းလို့ ရပါတယ်” ဟု ရှေ့နေ ဦးခင်ဇော် (မရမ်းကုန်း)က မဇ္ဈိမကို ရှင်းပြသည်။

ယင်းတိရစ္ဆာန် ညှင်းပန်းနှိပ်စက်မှုသည် ရဲအရေးပိုင်သည့်အတွက် အမှုဖွင့် တိုင်ကြားနိုင်ပြီး အာမခံပေး၍ ရသော်လည်း ကျေအေးခွင့် မရှိကြောင်း ရှေ့နေ ဦးခင်ဇော်က ပြောသည်။

ပုဒ်မ ၄၂၉တွင် တန်ဖိုးငွေကျပ် (၅၀)ကျပ်ထက်ပိုသော အိမ်မွေးတိရစ္ဆာများအား အဆိပ်ခက်ခြင်း၊ သတ်ခြင်း၊ ကိုယ်အင်္ဂါချို့ယွင်းအောင် ပြုမှုခြင်းများ လုပ်ပါက ထောင်ဒဏ် (၅)နှစ်ဖြစ်စေ၊ ငွေဒဏ်ဖြစ်စေ၊ ထောင်ဒဏ်ငွေဒဏ် နှစ်ရပ်လုံးဖြစ်စေ ချမှတ်နိုင်သည်ဟု ပြဋ္ဌာန်းထားသည်။

လွန်ခဲ့သည့် လအတွင်းကလည်း သတင်းစာစောင် တစ်ခုက ခွေးတစ်ကောင်၏ ဓါတ်ပုံအား ခွေးရူးပြန်ရောဂါ အကြောင်း ရေးသားထားသည့် ဆောင်းပါးတွင် ထည့်သွင်းအသုံးပြုခဲ့သည့်အတွက် ခွေးပိုင်ရှင်ဖြစ်သူက ခွေးမှာ အလေအလွင့်ခွေးတစ်ကောင်မဟုတ်ကြောင်း၊ ကာကွယ်ဆေးပုံမှန်ထိုးနှံပြီး တိရစ္ဆာန်မွေးမြူရေးနှင့် သားသတ်ဌာနတွင် တရားဝင်လိုင်စင်ပြုလုပ်ထားသည့် ခွေးဖြစ်ကြောင်းကို အထောက်အထားများနှင့်တကွ သတိပေးပြောဆိုမှု ရှိခဲ့ဖူးသည်။

Mizzima Burmese 

စမောလင်းကို အံ့အားသင့်ဖွယ် ကမ်းလှမ်းလာဖွယ် ရှိနေသည့် အာဆင်နယ်


အံ့အားသင့်ဖွယ် အခြေအနေ တစ်ရပ်အဖြစ် မန်ချက်စတာ ယူနိုက်တက် နောက်ခံလူ ခရစ်စမောလင်းကို အာဆင်နယ် မန်နေဂျာ အာစင်ဝင်းဂါးက ကမ်းလှမ်းလာဖွယ် ရှိနေကြောင်း သတင်းများ ထွက်ပေါ်လာခဲ့သည်။

အင်္ဂလန် လက်ရွေးစင် ဗဟိုနောက်ခံလူအတွက် ဝင်းဂါးက စတာလင်ပေါင် (၁၂)သန်းမျှထိ အသုံးချသွားရန် အသင့်ရှိနေကြောင်း Goal.comက ဆိုသည်။ စမောလင်းသည် ယူနိုက်တက်တွင် ပုံမှန်ပွဲထွက် ကစားခွင့်အတွက် စိန်ခေါ်မှုများ ကြုံနေရသူဖြစ်ပြီး လာမည့်ရာသီတွင် ဂျွန်နီအီဗန်စ်၊ ဖီးလ်ဂျုံးစ်တို့သာမက အသင်းက အသစ်ခေါ်ယူမည့် ဗဟိုခံစစ်သမားများနှင့်ပါ အပြိုင်နေရာလုရမည့် အခြေအနေ ရှိနေသည်။ ဝင်းဂါးသည် လာမည့်ရာသီ ခံစစ်ပိုင်းကို ပြောင်းလဲတည်ဆောက်ရန် စီစဉ်နေရာ အသက်(၂၄)နှစ်သာ ရှိသေးသည့် စမောလင်းကို မျက်စိကျနေခြင်းဟု Goal.comက ကောက်ချက်ချ ရေးသားခဲ့သည်။

ဝင်းဂါးသည် (၂၀၁၀)ပြည့်နှစ်က စမောလင်းကို ယူနိုက်တက် မဝယ်ယူမီ ဖူလ်ဟမ် ကစားသမား ဘဝတွင် ကတည်းက စောင့်ကြည့်နေခဲ့ဖူးသည်။ အာဆင်နယ် ခံစစ်ကြောင်းမှ သောမတ်စ် ဗာမေလန် အနေဖြင့် နွေရာသီတွင် အမ်းမရိတ်စ်ကို ကျောခိုင်းမည့် အလားအလာ ရှိနေရာ ယူနိုက်တက်အတွက် ပွဲပေါင်း (၁၂၀)ကျော် ကစားဖူးသည့် စမောလင်းကို အစားထိုးရန် ဝင်းဂါးက ရည်ရွယ်ထားခြင်းဟု သိရသည်။ စမောလင်းသည် ယူနိုက်တက်တွင် လုပ်ခလစာ တစ်ပတ် ပေါင်စတာလင် (၅၂၀၀၀)မျှ ရရှိနေသူဖြစ်ပြီး အာဆင်နယ်၏ လုပ်ခလစာ ကန့်သတ်ချက်နှင့်လည်း ကိုက်ညီနေကြောင်း Goal.comက ဖော်ပြသွားခဲ့သည်။

Ref: Goal
Credit to - Soccer Myanmar

Allergic မထစေဖို့ နည်းလမ်းများ


(၁) ကီဝီသီးစားပါ
ကီဝီသီးမှာ ဗိုက်တာမင်စီ ပါဝင်ပြီး ဓါတ်မတည့်ခြင်းကြောင့် ထွက်လာတဲ့ ဟစ္စတာမင်းဓါတ်တွေကို ချေ ဖျက်နိုင်ပါတယ်။ အလားဂျစ် (allergic) မကြာခဏထတတ်သူတွေ မှာဗိုက်တာမင် C အားဆေးသောက် သုံးဖို့လိုပါတယ်။

(၂) လေသန့်စင်စက်တပ်ပါ
လေသန့်စင်စက်တွေဟာ လေအေးပေးနိုင်ရုံသာမက မှိုမတက်နိုင်အောင် စိုထိုင်းဆကိုလျှော့ချပေးပါတယ်။ လေအေးပေးစက်၊ လေသန့်စက်တွေရဲ့ ဇကာကိုတော့မကြာခဏ သန့်စင်ဖို့တော့လိုပါတယ်။ ဇကာမှာ မှိုစွဲလျှင်တော့ တစ်ချိန်လုံးအလား ဂျစ်ထနေမှာဖြစ်ပါတယ်။

(၃) အမဲသား၊ ၀က်သားထက် ကြက်သားပိုစားပါ
အမဲသား၊ ၀က်သားတို့မှာပါတဲ့ ဧကမပြည့်ဝဆီ (monounsatura ted fat) တစ်မျိုးဖြစ်တဲ့ Oleic acid ကို အသွင်ပြောင်းအဆီ (trans fat) ဖြစ်သွားတဲ့အခါ အလားဂျစ်ထနှုန်း သုံးဆပိုဖြစ်စေပါတယ်။

(၄) အိမ်အပြင်မှာ ဖိနပ်စင်ထားပါ
မိသားစုနှင့်ဧည့်သည်တွေ အိမ်အပြင်မှာပင် ဖိနပ်ချွတ်ပြီးထားနိုင်ဖို့ စင်တစ်ခုလုပ်ထားပေးပါ။ အိမ်ထဲမှာ စီးဖို့ ဖိနပ်ပါးလေးတွေ သပ်သပ်ထားပေးပါ။ သင်ဟာ ဖုန်၊ မှုန်တွေနှင့် ဓါတ်မတည့်သူဆိုလျှင် ထိုသို့စီစဉ် ပေးဖို့လိုပါတယ်။

(၅) အိပ်ရာခင်းကို ရေနွေးနှင့် အပတ်စဉ်လျှော်ပါ
မှို၊ ဖုန်၊ မှုန်များကို အိပ်ရာပေါ်မှ ရှင်းထုတ်ရန်အကောင်းဆုံးနည်းမှာ ရေနွေးနှင့်လျှော်ခြင်းဖြစ်သည်။

(၆) ခြေသုတ်ဖုံကို ပလတ်စတစ်အမျိုး အစားသုံးပါ
သဘာဝအတိုင်း ပြုလုပ်ထားတဲ့ အုန်းဆံခြေသုတ်ဖုံဟာ ယင်ကောင်တွေ၊ဖုန်တွေ၊ မှိုတွေလာရောက် တွယ်ကပ်နိုင်ပါတယ်။

Health Updates Journal

မြန်မာရွှေ့ပြောင်းအလုပ်သမားတွေ လိုက်ပါလာတဲ့ မှန်လုံကားတွေကို ထိုင်းရဲကငွေညှစ်တာကို မကျေနပ်တဲ့အတွက် လမ်းပိတ်ဆန္ဒပြခဲ့ကြ (ရုပ်/သံ)



မြန်မာရွှေ့ပြောင်းအလုပ်သမားတွေ လိုက်ပါလာတဲ့ မှန်လုံကားတွေကို ထိုင်းရဲကငွေညှစ်တာကို မကျေနပ်တဲ့အတွက် လမ်းပိတ်ဆန္ဒပြခဲ့ကြပါတယ်။ ခွန်ဘသာ တင်ဆက်။



DVB TV News

သံတွဲ စတိုးဆိုင် ဓားထောက်လုယက်မှုနှင့် ရေတပ်သားတဦးကို ဖမ်းဆီး

သံတွဲမြို့လည်ရှိ ဈေးဆိုင် တန်းများအား မြင်တွေ့ရစဉ်

ရခိုင်ပြည်နယ် သံတွဲမြို့မှာ စတိုးဆိုင်တဆိုင်ကို ဓားထောက်လုယက်ဖို့ ကြိုးစားခဲ့တယ်ဆိုတဲ့ သံသယနဲ့ ရေတပ်သားတယောက်ကို ဖမ်းဆီးထားပြီး ဆက်လက်အရေးယူနိုင်ဖို့ ရေတပ် တာဝန်ရှိသူတွေကို လွှဲပေးထားတယ်လို့ သံတွဲရဲစခန်းက ပြောပါတယ်။

ပြီးခဲ့တဲ့ ဧပြီလ ၁၆ ရက် သင်္ကြန်အတက်နေ့က သံတွဲမြို့လယ် မဟာဗဒ္ဓုလ လမ်းမှာရှိတဲ့ စတိုးဆိုင်တဆိုင်မှာ နှစ်ခေါင်းစီးတပ်လူငယ်တဦးက ဈေးသည်အမျိုးသမီးကို ဓားထောက် လုယက်ဖို့ ကြိုးစားခဲ့တယ်ဆိုပြီး အနီးအနားဝန်းကျင်က လူတွေက ၀ိုင်းဝန်းဖမ်းဆီး ရဲစခန်းကို ပို့ဆောင်ခဲ့တာဖြစ်ပါတယ်။

ဖမ်းဆီးခံရသူဟာ ရေတပ်သားတဦးဖြစ်ပြီး ဆက်လက်အရေးယူနိုင်ဖို့ ရေတပ်တာဝန်ရှိသူတွေကို လွှဲပြောင်းပေးထားတယ်လို့ သံတွဲမြို့မ ရဲစခန်းက တာဝန်ကျ ဒုရဲအုပ် အောင်နိုင်စိုးက ဒီဗွီဘီကို ပြောပါတယ်။
“အဲဒါနဲ့ ပတ်သက်ပြီးတော့ ဖြစ်တဲ့နေ့ကပဲ ဖမ်းဆီးပြီး ရေတပ်ကို လွှဲပြောင်းပေးပြီးပါပြီ ခင်ဗျ။ လောလောဆယ်ကတော့ ကျင့်ဝတ်ဆိုင်ရာနဲ့ အမှုဖွင့်ထားတယ်။ ဖွင့်ထားတာကို သူတို့ရဲ့ အထက်ဌာန အကြီးအကဲတွေဆီကို ကျနော်တို့က ဒီကနေပြီးတော့ ကျင့်ဝတ်ဆိုင်ရာနဲ့ ဖွင့်သင့် မဖွင့်သင့် ဒါမှမဟုတ် စစ်စည်းကမ်းနဲ့ပဲ ဖွင့်သင့်မဖွင့်သင် အကြံဥာဏ်ပြုပါလို့တော့ စတင်ထားပါတယ်။”

ဖမ်းဆီးထားသူကို ဥပဒေအရ အရေးယူပေးဖို့ ဈေးသည် မရွှေနီလာမြင့်က တရားလိုလုပ် တိုင်တန်းထားပြီး သံတွဲ မြို့မ ရဲစခန်းမှာ အမှုဖွင့်ထားပါတယ်။

လုယက်မှုခံခဲ့ရတဲ့ အဖြစ်အပျက်နဲ့ ပတ်သက်ပြီး တရားလိုဖြစ်တဲ့ မရွှေနီလာမြင့်က ဒီဗွီဘီကို အခုလို ပြန်ပြောပြပါတယ်။
“ဗီရိုပေါ်တင်ထားတဲ့ အရုပ်ကြီးကို ဘယ်လောက်လဲလို့ မေးတဲ့အခါမှာ မနီလာက ၅ သောင်း ၆ သောင်းလို့ ပြောတဲ့အချိန်မှာ ဘယ်အချိန်က ဓားကို ထုတ်ထားလဲ မသိ။ ဓားထုတ်တဲ့အချိန်မှာ မနီလာတဲ့ ဗိုက်တည့်တည့်ကို ဓားထောက်ထားတယ်။ မနီလာက ဓားပြတိုက်တယ်လို့ အော်တာပေါ့။ အော်ပြီး မနီလာက အဲဒီကောင်ကို ဆောင့်ဆောင့်ပြီး အိမ်ရှေ့တွန်းသွားတာ။”

လုယက်ဖို့ ကြိုးစားခဲ့သူက တွန်းထိုးခဲ့တဲ့အတွက် မိခင်ဖြစ်သူ တင်ပါးဆုံ နာကျင်သွားပြီး အသေးစား ခွဲစိတ်ကုသရမယ်လို့လည်း မရွှေနီလာမြင့်က ပြောပါတယ်။

လုယက်မှုသံသယနဲ့ ဖမ်းဆီးခံထားရတဲ့ ရေတပ်သားကို အရပ်ဖက်တရားရုံးမှာ တရားစီရင်မလား စစ်ဖက် တရားရုံးမှာ စီရင်မလားဆိုတာကိုတော့ မသိရသေးပါဘူး။ အရေးယူ ဆောင်ရွက်နေမှု အခြေအနေကို သိရဖို့ သံတွဲရေတပ်စခန်းကို ဆက်သွယ်ဖို့ကြိုးစားခဲ့ပေမယ့် မရခဲ့ပါဘူး။

နိုင်ငံပိုင်သတင်းစာတွေနဲ့ ပြန်ကြားရေးဝန်ကြီးဌာနကတော့ ဒီလုယက်မှုသတင်းကို ဖော်ပြခဲ့ပေမယ့် ဖမ်းဆီးခံထားရသူဟာ ရေတပ်သားတဦးဖြစ်တယ် ဆိုတာကိုတော့ ထုတ်ဖော် ရေးသားခြင်း မရှိပါဘူး။

DVB TV

တရုတ်အစိုးရ လူအခွင့်အရေးလှုပ်ရှားသူ ၄ ဦးကို ထောင် ၃ နှစ်ခွဲ ချမှတ်


တရုတ်နိုင်ငံမှာ အစိုးရအာဏာပိုင်တွေရဲ့ ပိုင်ဆိုင်မှုကို ဖော်ပြဖို့ တောင်းဆိုခဲ့တဲ့ လူ့အခွင့်အရေး လှုပ်ရှားသူ ၄ ဦးကို တရုတ်အာဏာပိုင်တွေက ထောင်ဒဏ်အများဆုံး ၃ နှစ်ခွဲ ဧပြီ ၁၈ ရက်မှာ ချမှတ်လိုက်ပါတယ်။

တရုတ်နိုင်ငံရဲ့ လူအခွင့်အရေး ချိုးဖောက်မှုတွေနဲ့ ပတ်သက်ပြီး အနောက်နိုင်ငံတွေရဲ့ ပြစ်တင် ရှုတ်ချနေတာတွေကို နောက်ဆုံး တုန့်ပြန်လိုက်တာ ဖြစ်ပြီး တချို့ လူ့အခွင့်အရေးအဖွဲ့တွေက အပြစ်ဒဏ်တွေဟာ ပြင်းထန်လွန်းတယ်လို့ ဆိုပါတယ်။

ထောင်ချခဲ့ရသူတွေဟာ ၀တ္တရားနှောင့်ယှက်မှုနဲ့ စွဲချက်တင်ခံခဲ့ရတာ ဖြစ်ပြီး အများဆုံး ထောင်ဒဏ် ၅ နှစ်ချခံရနိုင်တဲ့ ပြစ်မှုလည်း ဖြစ်ပါတယ်။

အဖွဲ့ခေါင်းဆောင်ဖြစ်တဲ့ ဒင်က ထောင် ၃ နှစ်ခွဲ ကျခဲ့ပြီး ၁ ဦးက ထောင် ၂ နှစ်ခွဲနဲ့ ကျန် နှစ်ဦးကတော့ ထောင် ၂ နှစ်စီ ချခံခဲ့ရပါတယ်။

ဒင်ရဲ့ ရှေ့နေ က ထောင်ချခံရသူတွေဟာ ဘယ်အစိုးရနဲ့ အဖွဲ့အစည်းကိုမှ ထိခိုက်အောင် လုပ်ဆောင်ခဲ့တာ မရှိသလို ဘယ်သူတဦးတယောက်ကိုမှလည်း ထိခိုက်တာ မရှိခဲ့ပါဘူးလို့ ပြောဆိုခဲ့ပါတယ်။

ထင်ရှားတဲ့ တရုတ်လူ့အခွင့်အရေးခေါင်းဆောင်ကို ထောင်ဒဏ် ၄ နှစ် အပြစ်ပေးပြီး ၁ ပတ်အတွင်း အခုလို့ လူအခွင့်အရေးလှုပ်ရှားသူ နောက်ထပ် ၄ ဦးကို အပြစ်ပေး ထောင်ချတာ ဖြစ်ပါတယ်။

တရုတ်အစိုးရအဖွဲ့အတွင်း အဂတိလုပ်စားမှုတွေဟာ ကွန်မြူနစ်ပါတီကြီးကိုပါ အန္တရာယ် ကျရောက်နိုင်တယ်လို့ သမ္မတက သတိပေးထားပြီး တိုက်ဖျက်ဖို့ ကြိုးစားနေတာလည်း ဖြစ်ပါတယ်။

တချိန်ထဲမှာပဲ တရုတ်ကွန်မြူနစ်ပါတီနဲ့ အစိုးရအုပ်ချုပ်ရေးတွေကို တိုက်ခိုက် စိန်ခေါ်မှုတွေကိုပဲ ပြတ်ပြတ်သား နှိပ်ကွပ်နေတာလည်း ဖြစ်ပါတယ်။

တရုတ်အာဏာပိုင်တွေရဲ့ ပိုင်ဆိုင်မှုတွေကို ဖော်ပြဖို့ တောင်းဆိုမှုတွေကို တရုတ်အစိုးရက သည်းခံလေ့မရှိပဲ အဂတိလိုက်စားမှု ဆန့်ကျင်ရေးလှုပ်ရှားသူ အနည်းဆုံး ၂၀ ဦး ပြီးခဲ့တဲ့လအတွင်း ထောင်ချခံခဲ့ရပါတယ်။

DVB Burmese

ဦးဝင်းတင်ရဲ့ ကျန်းမာရေးအခြေအနေ အရေးကြီးနေပြီ (ဒေါက်တာဦးမြင့်သိန်းနှင့် မေးမြန်းချက်)


ဦးဝင်းတင်

ရန်ကုန်ဆေးရုံကြီး အထူးကြပ်မတ်ဆောင်မှာ ကုသခံနေရတဲ့ သတင်းစာ ဆရာကြီး ဟံသာဝတီ ဦးဝင်းတင်ရဲ့ အခြေအနေဟာ အရေးကြီးနေပြီဖြစ်သလို အသက်အန္တရာယ် ရှိနေပြီဖြစ်တယ်လို့ သူရဲ့ မိသားစုဆရာဝန် ဒေါက်တာ ဦးမြင့်သိန်းက ပြောပါတယ်။
ဦးဝင်းတင်ရဲ့ကျန်းမာရေး အခြေအနေနဲ့ ပတ်သက်ပြီး ဒေါက်တာ ဦးမြင့်သိန်းကို ဆက်သွယ်မေးမြန်းထားပါတယ်။

အပြည့်အစုံကို နားဆင်နိုင်ပါတယ်။
DVB Burmese

မုန်တိုင်းအန္တရာယ်ရှိတယ် (မိုးလေ၀သပညာရှင် ဦးထွန်းလွင်နဲ့ မေးမြန်းချက်)

ဦး​ထွန်းလွင်



အခုရက်ပိုင်း မိုးတိမ်တောင်အန္တရာယ်နဲ့ မုန်တိုင်းအန္တရာယ်ရှိတာကြောင့် သတိပြုနေထိုင်ကြဖို့ မိုးလေ၀သပညာရှင်က သတိပေးလိုက်ပါတယ်။
မိုးကြိုကာလ ၀င်ရောက်လာပြီမို့ မိုးတိမ်တောင်တွေဖြစ်ပေါ်နေပြီး အဲဒီ မိုးတိမ်တောင်တွေကြောင့် နေရာကွက်ပြီး မိုးကြီးခြင်း၊ လျှပ်တပြက် ရေကြီးခြင်း၊ လေပြင်း တိုက်ခတ်ခြင်း၊ မိုးကြိုးပစ်ခြင်း၊ လေဆင်နှာမောင်း တိုက်ခတ်ခြင်းတို့ မြန်မာပြည်အနှံ့ ဖြစ်ပွားနိုင်တာမို့ သတိပြု နေထိုင်ကြဖို့ မိုးလေ၀သပညာရှင် ဦးထွန်းလွင်က သတိပေး ပြောကြားလိုက်ပါတယ်။

အထူးသဖြင့် ဧပြီလ ၂၀ ရက်မှ မေလ ၁၀ ရက်အထိ ရက် ၂၀ အတွင်း မုန်တိုင်းသတင်းကို နားစွင့်ထားကြဖို့လည်း သတိပေး နှိုးဆော်တိုက်တွန်းလိုက်ပါတယ်။

အခုရက်ပိုင်းဖြစ်ပေါ်နေတဲ့ ထူးခြား မိုးလေ၀သဖြစ်စဉ်တွေနဲ့ ခရမ်းလွန်ရောင်ခြည် အညွှန်းကိန်း မြင့်တက်နေတဲ့ အခြေအနေတွေနဲ့ ပတ်သက်ပြီး မိုးလေ၀သ ပညာရှင် ဦးထွန်းလွင်ကို ဒီဗီဘီဝိုင်းတော်သား ကိုရွှေအောင်က ဆက်သွယ် မေးမြန်းထားပါတယ်။

အပြည့်အစုံ နားဆင်ရန်
DVB Burmese

နတ္တလင်းမှာ ဘာသာမတူတဲ့ချစ်သူကို ရွာက တားမြစ်တဲ့အတွက် မီးရှို့


ပဲခူးတိုင်း နတ္တလင်းမြို့နယ်မှာ ဘာသာမတူတဲ့ချစ်သူကို မိဘက သဘောတူ ပေမယ့် ရွာသူရွာသားတွေက သဘောမတူတဲ့အတွက် မီးရှို့အကြမ်းဖက်မှုတွေ ဖြစ်ပွားခဲ့ပါတယ်။

နတ္တလင်းမြို့နယ် တောင်ညိုမြို့သစ် ကံစုရွာမှာနေထိုင်တဲ့ အမျိုးသမီးငယ် တဦးဟာ နတ္တမြို့ပေါ်က အမျိုးသားတဦးနဲ့ လူငယ်ချင်းချစ်ကြိုက်ရာက သူနေထိုင်ရာ အိမ်ကို အလည်အပတ် ခေါ်ခဲ့ပြီးနောက် ပြဿနာ အစပြု ဖြစ်ပွားခဲ့တာပါ။ လူငယ်အမျုိုးသားဟာ မွတ်ဆလင် တဦးဖြစ်တာကို အကြောင်းပြုပြီး ကျေးရွာသားတချို့က အမျိုးသမီးဘက်ကနေ သဘောမတူ ဖြစ်ခဲ့ကြတာလို့ ဆိုပါတယ်။

ဧပြီလ ၁၅ ရက်နေ့က ပဋ္ဋိပက္ခ ဖြစ်ပွားပြီး ၁၆ ရက်နေ့မှာ အဖျက်အဆီးတွေလုပ်ခဲ့ကြလို့ နတ္တလင်းမြို့နယ် လုံခြုံရေးနဲ့ တည်ငြိမ်အေးချမ်းရေးပူးပေါင်း ကော်မီတီ အဖွဲ့ဝင် ဦးခင်အေးက ပြောပါတယ်။

“မိန်းကလေးတွေ ဘက်ကလည်း လိုလားတယ်။ နောက် ဒီကလေးက ပိုက်ဆံလည်း ရှိတော့။ သူတို့တွေရဲ့ စီးပွားရေးအထောက်အပံ့အတွက် လိုလားတယ်။ ရွာက သိပ်မကြိုက်ဘူး၊ သူက ကုလားကိုး။ အဲဒီလို နေရင်းနဲ့ ဧပြီ ၁၅ ရက်နေ့ ည ၉ နာရီမှာ မိန်းကလေး ဖုန်းဆက် ခေါ်တယ်။ အဲဒီလိုဖြစ်တော့ ကျနော်တို့ နတ္တလင်းမြို့ကနေပြီး ရွာကိုသွားတာပေါ့။ ရွာက မလိုလားတဲ့သူတွေက အဲဒီအိမ်ကို ၀ိုင်းပြီး အဲဒီ ကလေးကို ထုတ်ပေးဖို့ ပြောတယ်။ မရှိဘူးဆိုပြီး အိမ်က ငြင်းတာပေါ့။ ထုတ်မပေးရင် အိမ်မီးနဲ့ ရှို့မယ်ပြောတော့ ထုတ်ပေးလိုက်တယ်။ ဒါပေမယ့် ရဲကားက အချိန်မီရောက်သွားတော့ အဲဒီ ကောင်ကလေးကို ရဲကားနဲ့ ပြန်ခေါ်သွားတယ်။ ဒါပေမယ့် ရဲကား မှန်တွေ ဘာတွေ ကွဲသွားတယ်။ ကောင်ကလေးကတော့ မြို့ပေါ်ရောက်သွားတယ်။ အဲဒီမှာ ရွာခံ မိန်းကလေး မိဘတွေနဲ့ ရွာက သံဃာအချို့နဲ့ ကတောက်ကဆ ဖြစ်ကြတယ်။ ၁၆ ရက်နေ့မှာ အိမ် ၄ အိမ် အဖျက်ခံရတယ်။”

ဒီဖျက်စီးမှုတွေနဲ့ပတ်သက်ပြီး ဧပြီလ ၁၇ ရက်နေ့မှာ ပဲခူးတိုင်း နယ်စပ်ရေးရာဝန်ကြီး ဗိုလ်မှူးကြီး သက်ထွန်းနဲ့ ဒေသအာဏာပိုင်များ ဆွေးနွေးကြပြီး မြို့ပေါ်မှာ နောက်ဆက်တွဲ ပြဿနာမဖြစ်အောင် ထိန်းချုပ်မှုတွေ လုပ်နေတယ်လို့ ပြောပါတယ်။

ဒီအကြမ်းဖက်မှုနဲ့ပတ်သက်ပြီးတော့ တစုံတရာ အရေးယူဆောင်ရွက်မှု မရှိသေးဘူးလို့ နတ္တလင်းမြို့နယ် ရဲတပ်ဖွဲ့မှူးရုံးက တာဝန်ကျအရာရှိတဦးက ဒီဗွီဘီကို ပြောပါတယ်။

ပြီးခဲ့တဲ့ နှစ်ဆန်းပိုင်းကလည်း ပဲခူးတိုင်းတွင်းက ဇီးကုန်း၊ နတ္တလင်း၊ ကြို့ပင်ကောက်၊ မင်းလှ၊ သာယာဝတီ၊ မိုးညို စတဲ့မြို့နယ်တွေမှာ ဘာသာရေးဆန်ဆန် အကြမ်းဖက်ဖျက်ဆီးမှုတွေ ဖြစ်ပွားခဲ့ဖူးပါတယ်။

DVB Burmese

ကချင် စစ်ပြေးဒုက္ခသည်တွေ ဝမ်းလျှောရောဂါဖြစ်


တရုတ်-မြန်မာနယ်စပ်အနီးက ကချင်ဒုက္ခသည်စခန်းတစ်ခု။




ကချင်ပြည်နယ်အတွင်း သင်္ကြန်ရက်မတိုင်မီက စတင်ခဲ့တဲ့ တိုက်ပွဲတွေကြောင့် အနည်းဆုံး ဒုက္ခသည် ၅၀၀၀ကျော်ဟာ တရုတ်နိုင်ငံနဲ့ မြန်မာပြည်အတွင်းက စစ်ရှောင်စခန်းတွေမှာ ထွက်ပြေးခိုလှုံနေရပါတယ်။ ဒီစစ်ရှောင် စခန်းတွေ ကို ရောက်နေသူတွေကို ပြင်ပက ထောက်ပံ့တာတွေ ရှိပေမဲ့ သောက်သုံးရေ နဲ့ နေရာထိုင်ခင်းအတွက် အခက်အခဲတွေ ရှိနေပြီး တချို့တွေဟာ ဝမ်းပျက်ဝမ်းလျှော တာတွေဖြစ်နေတယ်လို့ ကူညီ ကယ်ဆယ်ရေးဆောင်ရွက်နေ သူတွေက ပြောပါတယ်။ ဒီသတင်းကိုတော့ ဗွီအိုအေ မြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ကချင်ပြည်နယ် မန်စီနဲ့ မိုးမောက်မြို့ နယ်တွေမှာ ဒီလ ၁၀ရက်နေ့ကနေစတင်ပြီး တပတ်ကျော်ကြာဖြစ်ပွားနေတဲ့ တိုက်ပွဲကြောင့် ဒေသခံတွေနဲ့ လဂတ်ယန် စစ်ရှောင်စခန်းက ဒုက္ခသည်တွေဟာ စစ်ဘေးလွတ်ရာကို ထွက်ပြေးနေကြ ရတာဖြစ်ပါတယ်။ လောလောဆည် တရုတ်ပြည်နောင်တောင်း ဖက် ကို တိမ်းရှောင်နေသူဟာ ၂ထောင်လောက်နဲ့ မန်စီမြို့နယ် မန်ဝိန်းကြီးနဲ့ ရှမ်းပြည်နယ် နမ့်ခမ်းဖက်ကို ၃ထောင် လောက် ရောက်နေတယ်လို့  ၀မ်ပေါင်နိမ်းထွဲခေါ် တရုတ်မြန်မာနယ်စပ်ဒေသက ဒုက္ခသည်အရေး ကူညီပေးနေတဲ့အဖွဲ့က ပြောခွင့်ရသူ ဒေါ်မေရီတွမ်က ပြောပါတယ်။

"တရုတ်ပြည်နယ်ဘက်မှာ နေနေရတော့ ငါးနေရာမှာနေနေတယ်။ အစုလိုက်၊ အစုလိုက် နေရတယ်။ အဲ့ဒီ့တော့ ဒီငါးနေရာက စုစုပေါင်း ခြောက် ရာကျော်ပေါ့နော်။ ခြောက်ရာကျော်က အများပြည်သူနေတဲ့နေရာ (Public Space) မှာ အဲ့လောက်ရှိတယ်။ နောက်ပြီး ဆွေမျိုးတွေအိမ်မှာ နေနေတဲ့သူတွေ၊ ကျမတို့မှန်းတာ တစ်ထောင်ပတ်ဝန်းကျင်ရှိတယ်။ တရုတ်ဘက်ခြမ်း ထွက်ပြေးတာက နှစ်ထောင်လောက်ရှိမယ်။ ခန့်မှန်းခြေပေါ့နော်။ ဗမာပြည်ဘက်ခြမ်းကိုကျတော့ မန်ဝိန်းကြီးနဲ့ နမ့်ခမ်းမှာက နဂိုကတည်းက ဧပြီ ၁၀ရက် စစ်မဖြစ်ခင်ကတည်းကကို ဒုက္ခသည် သုံးထောင်လောက်ရှိနေပြီးသား ရှိတယ်ပေါ့နော်။ အဲ့ထဲမှာမှ ဧပြီ ၁၀ရက်မှာ ထပ်တိုးသွားတာက သုံးထောင်ကျော်ကျော်ရှိတယ်။"

မန်ဝိန်းကြီးက ဒုက္ခသည်အရေး ကူညီနေသူတဦးကတော့ မန်ဝိန်းကြီးနဲ့ နမ့်ခမ်းဖက်ကို အသစ်ရောက်ရှိလာသူ ၃၀၀၀လောက်ရှိနိုင်ကြောင်း အခုလို  ပြောပါတယ်။

"အဲ့လောက်တော့ရှိတယ်။ ကျနော်တို့ဆီမှာကျတော့ အဲ့လောက်မဝင်လာဘူး။ သူတို့ ကျနော်တို့ ဒီမှာက နေရာက မဆန့်တော့ နမ့်ခမ်း ဒုက္ခသည်စခန်းမှာ ခွဲထည့်တာတွေရှိတယ်။ ပြီးလို့ရှိရင် ရွာထဲမှာပဲပေါ့နော်။ သူတို့ ခင်ရာခင်ကြောင်း မင်ရာမင်ကြောင်း၊ အသိမိတ်ဆွေတွေဆီမှာ ခွဲပြီးနေနေတဲ့သူတွေလည်းရှိတော့ အဲ့လောက်တော့ရှိတယ်ခင်ဗျ။"

မန်ဝိန်းကြီးက နှစ်ချင်းနဲ့ ကက်သလစ်ခရစ်ယာန်ဘုရားကျောင်းက စခန်းတွေမှာတော့ လူ ၆၀၀လောက် အသစ် ၀င်ရောက်လာတယ် လို့ ပြောပါတယ်။ နမ့်ခမ်းဖက်မှာတော့ ၁၂ရက်နေ့လောက်တည်းက တိုက်ပွဲတွေ ငြိမ်သွားတာကြောင့် ရှမ်းဒုက္ခသည်တွေဟာ နေရပ်ရင်းပြန်သွားခဲ့ကြပြီး ကချင်ဒုက္ခသည် ၇၀၀ကျော်ဟာ နမ့်ခမ်းမြို့ အထက ၂ကျောင်းဝင်းအတွင်းမှာ ပဲ နေထိုင်နေဆဲဖြစ်ပါတယ်။

မန်ဝိန်းကြီး ဒုက္ခသည်စခန်းမှာတော့ ရေအခက်အခဲဖြစ်တာကြောင့် ဒုက္ခသည် တချို့ ၀မ်းပျက်ဝမ်းလျှော ဖြစ်နေတယ်လို့ သူက ဆက် ပြောပါတယ်။

" ဒုက္ခသည်က ရုတ်တရက်ထောင်နဲ့ချီ ဝင်လာတော့ ရေက တော်တော်လေး အခက်အခဲရောက်တဲ့အထဲမှာ ပါတယ်။ ရေအခက်အခဲဖြစ်တော့ ရောဂါ၊ ဝမ်းရောဂါက နောက်ဆက်တွဲပြဿ      နာ ပြန်ဖြစ်လာတာပေါ့။ ပြီးလို့ရှိရင် တချို့က တစ်ခါမှ ဒီ့လောက် ကြီးကြီးကျယ်ကျယ် မကြုံဖူးတော့ တချို့ Heart Attack တွေ ဖြစ်လာတာပေါ့။ ဖောက်လာတာတော့ရှိတယ်ဗျ။"

တရုတ်မြန်မာနယ်စပ်နဲ့ မြန်မာပြည်အတွင်းက ဒုက္ခသည်တွေကိုတော့ လူမှုကူညီရေးအသင်းတွေ၊ ကုလသမဂ္ဂအဖွဲ့အစည်းတွေက စားနပ်ရိက္ခာ၊ စောင်၊ အ၀တ်အစားနဲ့ လူသုံးပစ္စည်းတွေ ကူညီထောက်ပံ့သလို မြောက်ပိုင်း တိုင်းစစ်ဌာနချုပ်ကလည်း ဆန်နဲ့ ခေါက်ဆွဲခြောက် ကျပ်ငွေ သိန်း ၃၀ ဖိုး ကူညီထောက်ပံခဲ့ပါတယ်။

ကချင်ပြည်နယ်အတွင်းမှာ ၂၀၁၁ခုနှစ် ဇွန်လက စတင်ခဲ့တဲ့ တိုက်ပွဲတွေကြောင့် ကချင်ဒုကသည် တစ်သိန်းခွဲကျော်ဟာ တရုတ်မြန်မာနယ်စပ်ဒေသက ကချင်လွတ်လပ်ရေး အဖွဲ့ ထိန်းချုပ်ရာဒေသတွေနဲ့ ကချင်ပြည်နယ်အတွင်း ကမြို့ကြီးတွေမှာ တိမ်းရှောင်နေကြရပါတယ်။

ဒီလဆန်းပိုင်းကတော့ အစိုးရနဲ့ တိုင်းရင်းသားလက်နက်ကိုင်အဖွဲ့တွေအကြား တပြည်လုံးအပစ်အခတ် ရပ်စဲရေးအတွက် စာချုပ် မူကြမ်းတစောင်ရေးဆွဲ ခဲ့ကြပေမဲ့ ကချင်ပြည်နယ်အတွင်း ဆက်လက်ဖြစ်ပွားနေတဲ့ တိုက်ပွဲတွေကြောင့် ရှိပြီး ဒုက္ခသည်တွေ ဟာ နေရပ်မပြန်နိုင်သေးသလို ဒုက္ခသည်အသစ်တွေလည်း ထပ်မံတိုးပွားလာနေတာဖြစ်ပါတယ်။

VOA

ကင်းခြေများမှ မြွေပွေးအား ဗိုက်ဖောက်စား


သုတေသနအဖွဲ့တစ်ဖွဲ့ဟာ သူတို့ သုတေသနဆင်းတုန်းက ထိတ်လန့်စရာမြင်ကွင်းတစ်ခုအပေါ် အာရုံစိုက်နေကြပါတယ်။ အဲဒီမြင်ကွင်းကတော့ မြွေပွေး အသေတစ်ကောင်ရဲ့ ဝမ်းဗိုက်ကို ဖောက်ပြီးတော့ ခေါင်းပြူနေတဲ့ ကင်းခြေများ တစ်ကောင်ပါ။

အနီးကပ်လေ့လာမှုတွေ ပြုလုပ်ပြီးတဲ့နောက်မှာတော့ ဒီကင်းခြေများဟာ မြွေပွေးရဲ့ ဝမ်းဗိုက်အတွင်းသား တစ်ခုလုံးကို စားသောက်ပြီးတော့ အပြင်ကို ဖောက်ထွက်လာတာ ဖြစ်နိုင်တယ်လို့ မှတ်ချက်ချခဲ့ပါတယ်။ ဒီမြင်ကွင်းကို ပရက်စပါရေကန်အတွင်းမှာရှိတဲ့ ကျွန်းလေးတစ်ခုပေါ်မှာ မြင်တွေ့ခဲ့ရတာပါ။

အမှန်ဆိုရင် ဒီမြွေမလေးဟာ ကင်းခြေများထက် ၂လက်မနီးပါး ပိုရှည်ပါတယ်။ ကင်းခြေများက ၆ လက်မ ဖြစ်ပြီးတော့၊ မြွေပွေးမလေးက ၇.၉ လက်မဖြစ်ပါတယ်။ ဒါပေမယ့် ကံမကောင်းစွာပဲ ကင်းခြေများက ၎င်းမြွေထက် ၁၄% ပိုလေးပါတယ်။ ကင်းခြေများက ၄.၈ ဂရမ်ဖြစ်ပြီးတော့၊ မြွေက ၄.၂ ဂရမ်လေးတာပါ။

မြွေပွေးက ပုံမှန် အိမ်မြောင်၊ ငှက်နဲ့ နို့တိုက်သတ္တဝါငယ်လေးတွေကို မြိုနေကျအတိုင်း ကင်းခြေများကိုလည်း အောင်မြင်စွာ မြိုပစ်လိုက်နိုင်ပါတယ်။ ဒါပေမယ့် ဒီကိစ္စမှာတော့ သူ့ရဲ့အစာဖြစ်တဲ့ ကင်းခြေများရဲ့ အရွယ်နဲ့ ခွန်အားကို လျှော့တွက်လိုက်မိတာပါ။

ခွဲစိတ်မှု ပြုလုပ်ပြီးတဲ့နောက်မှာတော့ မြွေရဲ့ ဝမ်းတွင်းကလီစာတွေ ပျောက်ဆုံးနေတာကို သိရပါတယ်။ ပြောရမယ်ဆိုရင် မြွေရဲ့ ခန္ဓာကိုယ်တစ်ခုလုံးကို ကင်းခြေများက စားသောက်လိုက်တာပေါ့။ ဒါကြောင့်မို့လို့ မြွေရဲ့ညစာက သူမကို သေတဲ့ထိ သူမရဲ့ဝမ်းဗိုက်အတွင်းသားတွေကို ဖျက်ဆီး စားသောက်ပြီး ဝမ်းဗိုက်ကို ဖောက်ပြီးတော့ ထွက်ပေါက်ရှာခဲ့တာလို့ ယူဆကြပါတယ်။

ယေဘုယျအားဖြင့်ပြောရမယ်ဆိုရင်တော့ ဒီကင်းခြေများတွေဟာ ကျောရိုးမဲ့ သတ္တဝါတွေဖြစ်ပေမယ့် အင်မတန်မှပဲ တောင်းတင်းသန်မာကြပါတယ်။ ပျိုရွယ်တဲ့ ကင်းခြေများတစ်ကောင်ကို သတ်ဖို့ဆိုတာ တော်တော်မလွယ်တဲ့အလုပ်ပါ။ ဒါကြောင့်မို့လို့ ကျွန်တော်တို့အဖွဲ့က ဒီမြွေဟာ ကင်းခြေများကို အရှင်လတ်လတ် ဘယ်လိုမြိုချနိုင်ခဲ့သလဲဆိုတာကို ဆက်လက် စူးစမ်းနေပါတယ်။

Ygn News (www.YgnNews.com)

တောင်ပြာတန်းနှင့် သေရွာပြန်ည


ကားပေါ်တွင် အိပ်ပျော်နေသော မသန်းသန်းဝင်း တစ်ယောက် ကမ္ဘာပျက်သည့်အလား အော်ဟစ်ဆူညံ သံများကြောင့် လန့်နိုးလာသည်။ အိပ်ရာမှ နိုးနိုးချင်း ၎င်းတို့ဇနီးမောင်နှံ စီးနင်းလာ သော ခရီးသည်တင် ယာဉ် မီးစလောင်နေသည်ကို ထိတ်လန့်စွာ တွေ့လိုက်ရသည်။
ကားဦးခေါင်းပိုင်း မီးလောင်နေ၍ အောက်သို့ အမြန်ဆင်း နိုင်ရန် ကားမှန်များကို မသန်းသန်းဝင်းတို့ ဇနီးမောင်နှံ ရိုက်ခွဲသည်။ သို့သော် မကွဲပါ။ ၎င်းတို့သာမက ကားပေါ်တွင်ပါလာသော လူလေးဆယ်ကျော် သည် ထိုကားမှန်ကို မည်သူမျှ ရိုက်မခွဲနိုင်။ မီးအရှိန် ပြင်းစွာ လောင်နေသောကြောင့် မသန်းသန်းဝင်းတို့ ဇနီးမောင်နှံ အပါအ၀င်ခရီးသည် လေးဆယ် ကျော်မှာ အသက်ရှင်ရန် အလုံပိတ်ထားသော ကားအတွင်းမှ အမြန်ဆုံးထွက်ရန် လိုအပ်နေသည်။ ထိုအချိန်တွင် ခုံနံပါတ်လေးဆယ်ကျော်မှ လူငယ်နှစ်ဦးသည် ကားနောက်ပိုင်းတွင် တစ်ပေခွဲ ပတ်လည်အပေါက်တစ် ပေါက်ကို ဖွင့်ဟနိုင်ခဲ့သည်။ ခရီးသည် သုံးဆယ်ကျော်သည် ထိုအပေါက် တစ်ပေါက်တည်းမှ အပြင်သို့ထွက်ခဲ့ရခြင်း ဖြစ်သည်။
မသန်းသန်းဝင်းသည်လည်း ခုနစ်ဦးမြောက်အဖြစ် ကားပေါ်မှ ခုန်ချလွတ်မြောက်သူဖြစ်သည်။ ၎င်းရှေ့တွင် အမျိုးသားခြောက်ဦးက ဦးစွာထွက်နိုင်ခဲ့သည်။ မသန်းသန်းဝင်း၏ ခင်ပွန်း ကိုအောင်မင်းသိန်းမှာ ကားပေါ် မှ ကိုးဦးမြောက် ဆင်းနိုင်ခဲ့သည်။ သို့သော် ကိုအောင်မင်းသိန်းမှာ မြေပြင်သို့ ဦးခေါင်းဖြင့်ကျသော ကြောင့် ဦးခေါင်းတွင် ဒဏ်ရာ ရရှိကာ သွေးခဲမှုဖြစ်ပေါ်နေ၍ ရန်ကုန်ဆေးရုံကြီးတွင် အရေး ပေါ်ကုသနေရသည်။ မသန်းသန်း ၀င်းသည်လည်း ခြေထောက်တွင် ဒဏ်ရာအနည်းငယ် ရရှိခဲ့သည်။
၎င်းတို့ဇနီးမောင်နှံ နှစ်ဦးအပါအ၀င် ခရီးသည် ၃၈ ဦး၏ ကံ ကောင်းစွာဖြင့် အသက်ဘေးမှ လွတ်မြောက် ခဲ့သော်လည်း ၁၂ ဦးမှာ ကံမကောင်းခဲ့ပါ။ သင်္ကြန် မတိုင်မီတစ်ရက် ဧပြီလ ၁၂ ရက် နံနက် ၂ နာရီအချိန် မိုင်တိုင် ၁၁၆ အနီးတွင် တောင်ကြီးမြို့မှ ထွက်ခွာလာသော ခရီးသည် ၄၄ ဦးပါရှိသည့် တောင်ပြာတန်းခရီး သည်တင်ယာဉ်နှင့် အိမ်စီးကား ငယ်တစ်ဦး တိုက်မှုဖြစ်ပွားပြီး ကားနှစ်စီးလုံး မီးလောင်ခဲ့ရာ တောင်ပြာ တန်း ခရီးသည် တင်ယာဉ်ပေါ်မှ ခရီးသည် ခြောက်ဦးနှင့် ကားငယ်ပေါ်တွင် လိုက်ပါလာသူ ခြောက်ဦး စုစုပေါင်း ၁၂ ဦးမှာ ကားမီးလောင်သေဆုံးကာ လေးဦးဒဏ်ရာရရှိခဲ့သော အဖြစ် ဆိုးကြီး၏ အခိုက်အတန့် တစ်ခု ဖြစ်သည်။
‘‘ကားကလည်း မီးလောင် နေပြီ။ ကားကိုယ်လည်း အလုံ ပိတ်ထားခဲ့တော့ သေပြီလို့တောင်တွေးထား တာ။ သေရွာက ပြန်လွတ်လာတာပဲ’’ ဟု အသက်ဘေးအန္တရာယ်မှ လွတ်မြောက် လာသော၊ ကလေးနှစ်ဦး ၏ မိခင်ဖြစ်သူ အသက်(၃၀)နှစ်အရွယ် မသန်းသန်းဝင်းက အဖြစ်အပျက် ကို ထိတ်လန့်စွာပြန်ပြောပြသည်။
ကိုအောင်မင်းသိန်းသည် တောင်ကြီးမြို့ရှိ မက်စ်မြန်မာ ကျောက်မီးသွေးကုမ္ပဏီတွင် လုပ်ကိုင်နေသူဖြစ် သည်။ ခင်ပွန်းဖြစ်သူဆီ အလည်သွားရာမှ သင်္ကြန်အလုပ်နားရပ် ၎င်းတို့အိမ်ရှိသော ရန်ကုန်မြို့သို့ ပြန်လာ ရာတွင် ထိုအဖြစ်ဆိုးနှင့် ကြုံတွေ့ခဲ့ခြင်း ဖြစ်သည်။ သူတို့တွင် ခုနစ်နှစ်အရွယ် ကလေးငယ်နှစ်ဦးမှာ နွေရာ သီ ကျူရှင်ရှိသောကြောင့် ရန်ကုန်ရှိအိမ်တွင် ထားရှိခဲ့ခြင်း ဖြစ်သည်။
‘‘ကျွန်မနိုးတော့ ကားက အလုံပိတ်နေပြီ။ ကျန်တဲ့သူတွေ ပြောတာတော့ ဒရိုင်ဘာရယ်၊ စပယ်ယာရယ်၊ ယာဉ်မယ်ရယ် သူတို့ သုံးဦးထွက်ပြေးသွားကြတယ် လို့ ပြောကြတယ်။ တံခါးဖွင့်ပေးခဲ့ရင် အဲဒီလောက်ကြီး မသေ လောက်ဘူး။ မိန်းမကြီးတစ် ယောက်ဆို သူ့ရှစ်နှစ်အရွယ် သမီးလေးကားပေါ် ကျန်နေလို့ ငိုနေတာ။ ကျွန်မလည်း ဘယ်လိုမှ မကယ်နိုင်ဘူး’’ ဟု မသန်းသန်း ၀င်းက ပြောသည်။
တောင်ပြာတန်းခရီးသည် တင်ယာဉ်ပေါ်မှ ခြောက်ဦး သေ ဆုံးမှုသည် ယာဉ်မောင်းနှင့် ယာဉ်နောက်လိုက် တို့မှာ ကားတံခါးပိတ်ခဲ့ပြီး ထွက်ပြေးသောကြောင့် သေဆုံးရခြင်းဖြစ်ကြောင်း ကိုယ် တွေ့ကြုံခဲ့ရပြီး လွတ်မြောက်ခဲ့သူ များက ပြောသည်။ သေဆုံးသူများတွင် အသက်ရှစ်နှစ်အရွယ် ကလေးငယ်နှင့် အိမ်စီးကားပေါ်တွင် အသက်ခြောက်နှစ်အရွယ် ကလေးငယ်နှစ်ဦး ပါဝင်သည်။
ခရီးလမ်းတစ်လျှောက်၌ ကိုအောင်မင်းသိန်းမှာ အိပ်မပျော် ခဲ့ဘဲ ည ၁၂ နာရီအချိန်တွင် ကားစက်သံပြောင်း သွားပြီး ကားတစ်ချက်ယိမ်းလိုက်သည်ကို သတိထားမိခဲ့သည်ဟု မသန်းသန်းဝင်းက ပြန်ပြောပြသည်။
‘‘သူက ကားစက်သံ မမှန် တော့လို့ ကားမောင်းသမားချိန်း လိုက်တယ် ထင်တယ်လို့ ကျွန်မ ကိုပြောတယ်’’ ဟု ၎င်းကပြောသည်။
အဆိုပါ ကားမီးလောင်ကျွမ်း သော နေရာသို့ အမြန်လမ်းရဲတပ် ဖွဲ့က ငါးမိနစ်အတွင်း အရောက် သွားခဲ့သည်ဟု နိုင်ငံပိုင်ရုပ်သံ လိုင်းတွင် ပြောဆိုထားသည်။ ထိုသို့အရောက် သွားခဲ့သော်လည်း မီးလောင်ခံရသူများကို ကယ်တင်နိုင်ခြင်းမရှိဘဲ ကားနှစ်စီးလုံး အရိုးတံဖြစ်သည်အထိ မီး လောင်ကျွမ်းခံခဲ့ရ သည်။ ကားမီး လောင်ကျွမ်းရာတွင် တောင်ပြာတန်းကားကြီးက ရှေ့မှကားငယ် အားတိုက်မိပြီး ကားငယ်၏ တစ်ဝက်ထိ ဖိထားမိရာ ကားငယ်၏ ဆီတိုင်ကီပေါက်ကွဲရာမှ မီးစတင် လောင်ကျွမ်းခြင်း ဖြစ်သည်။
‘‘ကျွန်တော်တို့ရောက်သွား တော့ မီးငြိမ်းစပြုနေပါပြီ။ ငါး မိနစ်အတွင်း ရောက်တဲ့ရဲတွေလည်း ရှိမှာပါ။ ကျွန်တော်တို့က နည်းနည်းဝေးတယ်။ ထွက်ပြေး နေတဲ့သူတွေကိုလည်း အမြန်ဖမ်း မိအောင် လုပ်နေပါတယ်’’ ဟု မိုင်တိုင် ၂၁၆ အမြန်လမ်းရဲတပ်ဖွဲ့မှ ဒုရဲအုပ်စိုးဝင်းက ပြောသည်။
ကားမီးလောင်ကျွမ်းမှုမှာ တစ်နာရီဝန်းကျင် ကြာမြင့်ပြီး ထိုအချိန်အတွင်း လူ ၁၂ ဦး မီး လောင်၍ သေဆုံး သွားခဲ့ခြင်း ဖြစ်သည်။ အမြန်လမ်းရဲတပ်ဖွဲ့သည် ကားထဲတွင် မီးလောင်ခံနေရ သည့်သူများကို ကယ်တင်နိုင်ခြင်း မရှိဘဲ ကားအပြင်သို့ရောက်ရှိ၍ ဒဏ်ရာရရှိသောသူများကိုသာ ဖြူးမြို့ဆေးရုံသို့ ပို့ဆောင်ပေးခဲ့ဟု မျက်မြင်တွေ့ရှိသူများက ပြောသည်။
နေပြည်တော်-ရန်ကုန် အ မြန်လမ်းပိုင်းကို ၂၀၀၉ ခုနှစ်၊ မတ်လ ၆ ရက်နှင့် နေပြည်တော် - မန္တလေးအမြန် လမ်းပိုင်းကို ၂၀၁၁ ခုနှစ်၊ ဒီဇင်ဘာ ၂၃ ရက် က ဖွင့်လှစ်ခဲ့သည်။ လမ်းမကြီး ပေါ်၌ ဖောက်လုပ်ဆဲကာလမှ ၂၀၁၂ ခုနှစ်ထိ ယာဉ်မတော်တ ဆမှု ၃၅၄ ကြိမ်ဖြစ်ပွားခဲ့ပြီး ၁၈၀ ဦးကျော် သေဆုံးခဲ့ကာ ၅၆၆ ဦး ဒဏ်ရာရရှိသည်။ ၂၀၁၃ ခုနှစ် တွင် ရန်ကုန်-မန္တလေးအမြန် လမ်းမကြီးတွင် ယာဉ်တိုက်မှု ပေါင်း ၉၅ ကြိမ်ဖြစ်ပွားခဲ့ပြီး ၆၀၀ ကျော်ဒဏ်ရာရရှိကာ ၁၁၃ ဦး သေဆုံးခဲ့သည်။
‘‘ဒီလောက်လူအများကြီး မီး လောင်သေတာကို တစ်ခါမှ မမြင် ဖူးဘူး။ ဒါပထမဆုံးမြင်ဘူးတာပဲ’’ ဟု ဒုရဲအုပ်စိုးဝင်းက အဆိုပါ ယာဉ်မတော်တဆမှုနှင့် ပတ်သက်၍ မှတ်ချက်ပေးသည်။
အထက်ပါယာဉ်တိုက်မှု ဖြစ်ပွားပြီး နှစ်ရက်အကြာတွင် မိုင်တိုင် ၃၁၆ ၌ စက်ပျက်၍ ရပ်ထားသော နေလ ခရီးသည်တင်ယာဉ်ကို တက်လမ်းခရီးသည်တင်ယာဉ်ကမှ ၀င်တိုက်ရာ တက်လမ်းခရီးသည်တင် ယာဉ်ပေါ် မှ လူနှစ်ဦးသေဆုံးခဲ့သည်။
ကားမီးလောင်ခံရမှုကြောင့် မသန်းသန်းဝင်း၏ အ၀တ်အထည်အိတ်၊ ကိုအောင်မင်းသိန်း၏ လုပ်ငန်း ပိုက်ဆံများနှင့် အရေးကြီးစာရွက်စာတန်းများ မီး လောင်ရာတွင် ပါသွားခဲ့သည်။ သင်္ကြန်အခါရက်များတွင် မိသားစုနှင့်အတူ ပျော်ရွှင်စွာ အနားယူရန် ဆုံးဖြတ်ထားသော မသန်းသန်းဝင်းတစ်ယောက် ရန်ကုန် ဆေးရုံကြီးတွင် လူနာစောင့်အဖြစ် သင်္ကြန်ကာလကို ဖြတ်သန်း ခဲ့ရသည်။
‘‘ကားမောင်းသမားတွေလည်း သတိနဲ့မောင်းစေချင်တယ်။ တိုက်မှုဖြစ်ပွားပြီး ထွက်မပြေးစေ ချင်ဘူး။ ကားဂိတ်တွေကလည်း တာဝန်ယူမှု အပြည့်ရှိစေချင်တယ်။ အမြန်လမ်းမှာ အရေးပေါ် ဖုန်းနံပါတ်တွေ၊ မီးသတ်ကားတွေ နေရာအနှံ့ထားစေချင်တယ်။ ဒီလိုမှမဟုတ်ရင် ပြည်သူတွေ ခရီးသွားရတာ မလွယ်ဘူး’’ ဟု မသန်းသန်းဝင်းက ချောက်ချားဖွယ်ဖြစ် ရပ်ကြုံတွေ့ရပြီးနောက် ၎င်း၏ အမြင်ကိုပြောသည်။
‘‘အခုအချိန်မှာ အမြန်လမ်း မကြီးကနေ ခရီးမသွားရဲဘူး။ အဝေးပြေးကားစီးရမှာ ကို တော် တော်ကြောက်နေပြီ’’ ဟု မသန်းသန်းဝင်းက ကံကောင်းထောက်မစွာ အသက်ဘေးမှ လွတ်မြောက် ခဲ့ပြီးနောက် သူ၏ခံစားချက်ကို ပြောသည်။

7Day Daily

အိမ်ရှင်များ ခရီးသွားနေစဉ် နေအိမ်မှ လက်ဝတ်ရတနာများ ခိုးယူခံရ


ရန်ကုန်၊ ဧပြီ ၁၈

၁၄.၄.၂၀၁၄ ရက်နေ့ ၁၃၀၀ အချိန်တွင် ကမာရွတ်မြို့နယ်နေ
ဒေါ်အေးအေးစန်းမှ ၎င်းသည် မိသားစုနှင့်အတူ ချောင်းသာသို့ခရီးသွားခဲ့ရာ
နေအိမ်တွင် ထမင်းချက်ဖြစ်သူ မစန်းစန်းဝင်း၊ ကလေးထိန်းဖြစ်သူ ဒေါ်ခါရီ၊ သန့်ရှင်းရေးအလုပ်သမားများဖြစ်သည့် မမူးခူဖော၊ မနန်းစန်းစန်းဦးတို့ကို
ထားခဲ့ကြောင်း၊ ၁၆.၄.၂၀၁၄ ရက်နေ့တွင် နေအိမ်သို့ပြန်ရောက်ရှိသောအခါ သားဖြစ်သူ၏ အိပ်ခန်းအတွင်းရှိ ဗီရိုများပွင့်နေသည်ကိုတွေ့ရှိသဖြင့်
နေအိမ်အတွင်းလိုက်လံစစ်ဆေးကြည့်ရှုရာ သမီးဖြစ်သူ၏အခန်းအတွင်းရှိ မီးခံသေတ္တာမှာ ထုရိုက်ခံထားရသည်ကိုတွေ့ရှိရပြီးမှန်တင်ခုံအံဆွဲအတွင်း၌ ကတ္တီပါဘူးဖြင့်ထည့်ထားသည့် လက်ဝတ်ရတနာ(၁၀)မျိုး၊ စုစုပေါင်းတန်ဖိုး
ငွေကျပ် (၇၃)သိန်းခန့်မှာ ပျောက်ဆုံးနေသည်ကိုတွေ့ရှိရကြောင်းနှင့် ယင်းကဲ့သို့ပစ္စည်းများခိုးယူသွားသူကို အရေးယူပေးပါရန်တိုင်တန်းလာခဲ့
ပါသည်။

ထိုသို့တိုင်တန်းချက်အရ ကမာရွတ်မြို့မရဲစခန်း(ပ)၁၈၂/၂၀၁၄၊
ပြစ်မှုပုဒ်မ-၃၈၀ ဖြင့်အမှုဖွင့်ကာ စုံစမ်းစစ်ဆေးဖော်ထုတ်လျက်ရှိကြောင်း သတင်းရရှိပါသည်။

Yangon Police 

အရက်သေစာသောက်စားပြီး နေအိမ်ရှေ့တွင်အပေါ့သွားနေသော ခင်ပွန်းဖြစ်သူအား တားမြစ်ခဲ့သည့် ဇနီးကို ခင်ပွန်းမှ ဓါးနှင့်ထိုး


ရန်ကုန်၊ ဧပြီ ၁၈

၁၇.၄.၂၀၁၄ ရက်နေ့ ၂၁၄၀ အချိန် သန်လျင်မြို့နယ်နေ ဒေါ်လှမြင့်သည် သား/သမီးများနှင့်အတူ နေအိမ်၌ရှိနေစဉ် ခင်ပွန်းဖြစ်သူ ဦးထွန်းလှမှာ အရက်သေစာသောက်စားမူးယစ်ကာ နေအိမ်သို့ ပြန်လာရောက်ရှိပြီး အိမ်ရှေ့တွင်အပေါ့စွန့်သဖြင့် ပတ်ဝန်းကျင်၌ သားပျို၊ သမီးပျိုများရှိ၍ ထိုသို့ မပြုလုပ်ရန် ဟန့်တားပြောဆိုရာမှ စကားများရန်ဖြစ်ကြစဉ် ခင်ပွန်းဖြစ်သူ ဦးထွန်းလှမှ အရိုးအသွား(၉)လက်မခန့်ရှိဓါးနှင့်ထိုးခဲ့သဖြင့် ဒေါ်လှမြင့်တွင် ယာရင်အုံထိုးသွင်းဒဏ်ရာ(၁)ချက်၊ ယာလက်သူကြွယ်ထိပ် ပြတ်ရှဒဏ်ရာ
(၁)ချက်တို့ရရှိခဲ့ပြီး သန်လျင်ဆေးရုံမှတစ်ဆင့် ရန်ကုန်ဆေးရုံကြီးသို့ အတွင်းလူနာ(စိုးရိမ်ရ)အဖြစ် တက်ရောက်ကုသခဲ့ရပါသည်။

ယင်းကဲ့သို့ ကျူးလွန်ခဲ့သည့် ခင်ပွန်းဖြစ်သူ ထွန်းလှအား အရေးယူပေးရန်
ဒေါ်လှမြင့်မှတိုင်တန်းသဖြင့် သန်လျင်မြို့မရဲစခန်း(ပ)၂၇၄/၂၀၁၄၊ ပြစ်မှု
ပုဒ်မ ၃၂၆ဖြင့် အမှုဖွင့်ကာ ဖမ်းဆီးစစ်ဆေးလျက်ရှိကြောင်း သတင်းရရှိ
ပါသည်။

Yangon Police 

တောင်ကိုရီးယား သင်္ဘောနစ်မြှုပ်မှုကြောင့် ပျောက်ဆုံးနေတဲ့လူတွေ အသက်ရှင်ဖို့ မျှော်လင့်ချက် လျော့ပါး


ဓာတ်ပုံ - ရိုက်တာ

တောင်ကိုရီးယား သင်္ဘောနစ်မြှုပ်မှုမှာ ဧပြီ ၁၈ ရက်နေ့ မနက်ပိုင်းအထိ ၁၇၉ ယောက်ကိုပဲ ကယ်တင်နိုင်တယ်လို့ အတည်ပြုခဲ့ပြီး ၂၇၀ ၀န်းကျင် ပျောက်ဆုံးနေပါတယ်။

ကယ်ဆယ်ရေးလုပ်ငန်းတွေကို ၃ ရက်မြောက် ဖြစ်လို့ ပျောက်ဆုံးနေတဲ့လူတွေ အသက်ရှင်ဖို့ မျှော်လင့်ချက်တွေ လျော့ပါးနေပါတယ်။

ဧပြီ ၁၈ ရက်နေ့ မနက်ပိုင်းအထိ ၂၈ ယောက် သေဆုံးတယ်လို့ အရာရှိတွေက အတည်ပြုပြီး ရှာဖွေရေးလုပ်ငန်းတွေကို ဆက်လုပ်နေပါတယ်။
ဒီနေ့ မနက်ပိုင်းမှာတော့ သင်္ဘောနစ်မြှုပ်သွားတဲ့နေရာကို ၀န်ချီစက်တွေ ရောက်နေပါတယ်။ ကရိန်း ၃ ခုကို သင်္ဘောနစ်မြှုပ်တဲ့နေရာကို ပို့ထားတယ်လို့ အစိုးရက ပြီးခဲ့တဲ့ ဧပြီ ၁၇ ရက်နေ့က ပြောခဲ့ပြီး သဘောင်္နစ်မြှုပ်ရတဲ့ အကြောင်းရင်းကို မသိရသေးပါဘူး။

သင်္ဘောကုမ္ပဏီ ဥက္ကဋ္ဌက ဧပြီ ၁၇ ရက်နေ့က လူသိရှင်ကြား တောင်းပန်ခဲ့ပါတယ်။ သဘောင်္အရာရှိတွေနဲ့ ၀န်ထမ်းတွေဟာ ကြီးမားတဲ့ အမှားကို ကျူးလွန်ခဲ့ကြတယ်လို့ သင်္ဘောကုမ္ပဏီ ဥက္ကဋ္ဌ ကင်ဟင်ဆစ်ခ်က ၀န်ခံ တောင်းပန်လိုက်ပါတယ်။

အသက် ၆၉ နှစ်အရွယ်ရှိ သင်္ဘောကပ္ပတိန် လီဂျွန်ဆွခ်လည်း ရာဇ၀တ်မှုဆိုင်ရာ စုံစမ်း စစ်ဆေးခံနေရတယ်လို့ ကမ်းခြေစောင့်အရာရှိတွေက ပြောပါတယ်။

သင်္ဘောကပ္ပတိန်ဟာ သင်္ဘောကို ခပ်စောစောကတည်းက စွန့်ထားခဲ့သလားဆိုတာကို စုံစမ်းနေတယ်လို့ အရာရှိတယောက်က ပြောပါတယ်။

သင်္ဘောကပ္ပတိန်ဟာ အစောဆုံး ကယ်တင်ခဲ့ရတဲ့ လူတွေထဲက တယောက်ဖြစ်တယ်လို့ အသက်ရှင်လွတ်မြောက်သူတွေကို ကိုးကားပြီး ဒေသမီဒီယာတွေက အစီရင်ခံပါတယ်။

သဘောင်္နစ်မြှုပ်ရတဲ့ အကြောင်းရင်းကို တရားဝင်ထုတ်ပြန်တာ မရှိသေးပေမယ့် သင်္ဘောဟာ မူလလမ်းကြောင်းကနေ ရုတ်တရတ် ချိုးကွေ့ခဲ့လို့ မှောက်သွားတယ်ဆိုတဲ့ သတင်းတွေကတော့ အရာရှိတွေက ငြင်းဆန်ထားပါတယ်။

နစ်မြှုပ်သွားတဲ့ သင်္ဘောဟာ လွန်ခဲ့တဲ့ နှစ် ၂၀ က ဂျပန်မှာ တည်ဆောက်ခဲ့တာ ဖြစ်ပါတယ်။

တောင်ကိုရီးယားသမ္မတ ပတ်ဂွန်းဟေးကလည်း ဧပြီ ၁၇ ရက်နေ့မှာပဲ သင်္ဘောနစ်မြှုပ်တဲ့ တောင်ကိုရီးယား တောင်ပိုင်းကမ်းခြေဒေသကို သွားကြည့်ခဲ့ပါတယ်။

ဧပြီ ၁၇ ရက်နေ့မှာဘဲ ပင်လယ်မှာ လေနဲ့ လှုိုင်း ထန်ခဲ့တဲ့တွက် ရှာဖွေရေး လုပ်ငန်းတွေကို ခက်ခက်ခဲခဲ လုပ်ခဲ့ရပြီး ကမ်းခြေစောင့်တပ်နဲ့ ရေတပ်က ရေငုပ်သမားတွေကလည်း ရေငုပ် ရှာဖွေနေပါတယ်။

ဧပြီ ၁၆ ရက်နေ့မှာ အင်ချွန်းကမ်းခြေကနေ ဂျီဂျူးကျွန်းဆီကို အားလပ်ရက်ခရီးထွက်ရင်း နစ်မြှုပ်သွားတဲ့သင်္ဘောပေါ်မှာ လူအယောက် ၃၄၀ ဟာ ဒန်ဝန်းအထက်တန်းကျောင်းက ကျောင်းသူ၊ ကျောင်းသားတွေနဲ့ ဆရာ၊ ဆရာမတွေ ဖြစ်ပါတယ်။

DVB Burmese 

မြန်မာရွှေ့ပြောင်းအလုပ်သမားများ စီးနင်းလာသော ကား ၃ စီး ထိုင်းစစ်ဆေးရေးဂိတ်တွင် ပိတ်ဆို့ ဆန္ဒပြ


ရွှေ့ပြောင်းအလုပ်သမားတွေ စီးနင်းလိုက်ပါလာတဲ့ မှန်လုံကား ၃ စီးဟာ တာ့ခ်ခရိုင် မဲဆောက်မြို့နယ် အမှတ် ၆ စစ်ဆေးရေးဂိတ်က ထိုင်းရဲတွေရဲ့ ပြုမူဆောင်ရွက်ချက်တွေ မကျေနပ်တဲ့အတွက် ပိတ်ဆို့ဆန္ဒပြခဲ့ကြပါတယ်။

ဒွိုင်မူးဆေးဈေးအနီး အာရှလမ်းမကြီးပေါ်မှာ ရှိတဲ့ အမှတ် ၆ ဂိတ်က ထိုင်းရဲတွေဟာ ခရီးသွားတွေကို စစ်ဆေးရာမှာ တရားဝင် ယာယီ နိုင်ငံကူးလက်မှတ်ရှိသူတွေ၊ အလုပ်သမား လက်မှတ်ရှိသူတွေပါမကျန် အကြောင်းပြချက် အမျိုးမျိုးနဲ့ ခြိမ်းခြောက်ငွေ ညှစ်လေ့ရှိတဲ့အတွက် ဧပြီ ၁၇ ရက်နေ့ ည ၉ နာရီအချိန်မှာ ပိတ်ဆို့ ဆန္ဒပြခဲ့တယ်လို့ ကားသမားတဦးက ဒီဗွီဘီကို ပြောပါတယ်။

မြန်မာပြည်က မွန်အလုပ်သမားအများစုပါတဲ့ ပေါင်မုန့်ကား ၃ စီးဟာ မဲဆောက် သောင်ရင်း မြစ်ကမ်းနဖူးပေါ်ကနေ ဘန်ကောက်ကို သွားဖို့ ဖြစ်ပြီး အဲဒီဂိတ်မှာ မိနစ် ၂၀ လောက် ပိတ်ဆို့ ဆန္ဒပြခဲ့တဲ့အတွက် ဂိတ်တဘက်တချက်က ယာဉ်ကြီးယာဉ်ငယ် အစီးပေါင်း ၂၀ ကျော် သွားလာလို့ မရဘဲ ပိတ်ဆို့သွားတယ်လို့ ဆန္ဒပြနေရာကို ရောက်ခဲ့သူ ဒီဗွီဘီသတင်းထောက် ဦးဖိုးစီက ပြောပါတယ်။

“ဘန်ကောက်ကနေ မဲဆောက်၊ မဲဆောက်ကနေ ဘန်ကောက် သွားတဲ့လာတဲ့ မြန်မာပြည်သား ရွှေ့ပြောင်းအလုပ်သမားတွေ စီးတဲ့ကားတွေကို ရဲဂိတ်ကနေ ပိုက်ဆံတောင်းတာပေါ့နော်။ ၃၀၀ ဖြစ်ဖြစ် ၅၀၀ ဖြစ်ဖြစ် ၁၀၀၀ ဖြစ်ဖြစ် တောင်းကြတယ်။ တရားဝင် ပတ်စ်စပို့ရှိတဲ့ အလုပ်သမားတွေကို တင်တဲ့ ကား၊ ကားကလည်း တရားဝင်လိုင်စင်နဲ့ သွားလာတဲ့ ဘတ်စ်ကားတို့ မြန်မာလိုခေါ်ရင် ပေါင်မုန့်ကားတွေကို အဓိက ထားပြီးတော့ တောင်းတာများတယ်။ အဲဒီအတွက် မဲဆောက်ကနေ ထွက်သွားတဲ့ ပေါင်မုန့်ကားတွေကို ပိုက်ဆံတောင်းတာများတဲ့အပေါ်မှာ ဂိတ်တွေကလည်း များတယ်ဆိုတော့ ဂိတ်များတော့ တွက်ခြေမကိုက်ဘူးပေါ့။ သူတို့ကလည်း တရားဝင်ဆိုတော့ သူတို့ ပေါင်မုန့်ကားတွေက သလပ်မူဆဲ စစ်ဆေးရေးဂိတ်မှာ သပိတ်မှောက်တယ်။ သပိတ်မှောက်တာတဲ့ပုံကတော့ ဘန်ကောက်လာတဲ့ ကားတွေကို မဲဆောက်မ၀င်ရအောင်၊ မဲဆောက်ကနေ သွားတဲ့ ကားတွေကို တာခ့်ကို ကျော်လို့ မရအောင် သပိတ်မှောက်တာပေါ့။ သူတို့ သပိတ်စ မှာ မနေ့ည ၉ နာရီကျော်မှာ သပိတ်မှောက်တယ်။ သပိတ်မှောက်တာ မိနစ် ၂၀ လောက်ကြာတယ်။ အဓိကတော့ တရားဝင် မြန်မာနိုင်ငံသားတွေ ကိုင်ထားတဲ့ ပတ်စ်ပို့တွေကို ဘန်ကောက် ၀င်ဖို့ တောင်းဆိုတယ်။”

မဲဆောက်ကနေ တာ့ခရိုင်အထွက် အဲဒီလို ဖြတ်သန်းရတဲ့ ဂိတ်ပေါင်း ၄ ခုရှိပြီး နေရာတိုင်းလို စစ်ဆေးငွေ တောင်းခံရတာ အမြဲလို ဖြစ်နေကြောင်းနဲ့ ဒီဆန္ဒပြမှုဟာ ပထမဆုံးအကြိမ် ဖြစ်ပြီး နောက်ကို ရဲတွေ ငွေဆက်ညှစ်နေမယ်ဆိုရင် ဒီထက် အချိန်ပို ကြာအောင် ပိတ်ဆို့ ဆန္ဒပြဦးမယ်လို့ ကားသမားက ဦးဖိုးစီကို ပြောသွားတယ်လို့ ဆိုပါတယ်။

အဲဒီခရီးလမ်းမှာ အတွေ့အကြုံရှိသူ ဘန်ကောက် ရန်းဆစ်တက္ကသိုလ်က မြန်မာကျောင်းသား စောထွန်းထွန်းဦးကလည်း မဲဆောက်အ၀င် ဂိတ်ပေါင်း ၅ ခုတိုင်း မြန်မာပြည်သားတွေကို ဆင်းခိုင်းကြောင်း အထောက်အထားတွေ သေချာမစစ်ဘဲ အမှောင်ထဲ ခေါ်သွားပြီး ငွေထည့်ခိုင်းတယ်လို့ ပြောပါတယ်။

“ကျနော့် ပတ်စ်ပို့က ဗီဇာလည်း အမှန်ပဲ၊ အကုန်လုံး အမှန်ကြီးပဲ၊ ကျောင်းသားတယောက် ဖြစ်နေရဲ့သားနဲ့ မင်းပတ်စ်ပို့က မမှန်ဘူးဆိုပြီး အမှောင်ထဲကမှာ အတင်းပဲ တဲထဲကို သွားခိုင်းတယ်။ ရဲက မျက်နှာဖုံး စွပ်ထားတယ်။ ဓာတ်မီးကို လက်နဲ့ ကိုင်ထားတယ်။ ဓာတ်မီးအောက်မှာ ပုံးလေး တပုံးရှိတယ်။ ပုံးထဲမှာ ပိုက်ဆံအပြည့်ရှိတယ်။ အဲဒါနဲ့ ကျနော်က သူ့ကို ပတ်စ်ပို့ထပ်ပြတယ်။ မကြည့်ဘူးတဲ့ ပိုက်ဆံပဲ ထည့်တဲ့။ အဲဒါနဲ့ ၁၀၀ ထည့်လိုက်တယ်။ မဲဆောက်မြို့အ၀င် ဂိတ် ၅ ဂိတ်ရှိတယ်။ ၁ ဂိတ်မှာ ပိုက်ဆံပေးရတယ်။ ကျန်တဲ့ ဂိတ်မှာ ထိုင်းလိုပြောတော့ ပြန်လွှတ်ပေးတယ်။ ဒါပေမယ့် ကျနော့်အရှေ့က အလုပ်သမားတွေကတော့ ၁၀ ယောက်ရှိတယ်ဆိုရင် ၈ ယောက်လောက်က မလွတ်ဘူး။ အကုန်လုံး အမှောင်ထဲက တဲထဲကိုသွားပြီး ပိုက်ဆံထည့်ရတယ်။”

ဒီကိစ္စနဲ့ ပတ်သက်ပြီး တာ့ခ်ခရိုင် လ၀ကရဲရုံးကို မေးမြန်းရာမှာတော့ သတင်းအချက် အလက် အတိအကျ မရသေးလို့ ဖြေကြားဖို့ မရှိကြောင်း ဒီဗွီဘီကို ပြောသွားပါတယ်။

DVB Burmese 

ဒီဗွီဘီသတင်းထောက် ဦးဇော်ဖေ အယူခံ ပယ်ချခံရ


သတင်းယူရင်း ဖမ်းဆီးထောင်ချခံခဲ့ရတဲ့ မကွေးမြို့ခံ ဒီဗွီဘီသတင်းထောက် ဦးဇော်ဖေရဲ့ အမှုအတွက် အယူခံကို ခရိုင်တရားရုံးက ပယ်ချလိုက်တယ်လို့ သူရဲ့ အမှုလိုက်ရှေ့နေက ပြောပါတယ်။

သရက်ထောင်မှာ အကျဉ်းချခံထားရတဲ့ ဒီဗွီဘီသတင်းထောက် ဦးဇော်ဖေနဲ့ အကူအညီ ပေးသူ ကျောင်းသားမိဘတဦးဖြစ်တဲ့ ဦးဝင်းမြင့်လှိုင်တို့အတွက် ဧပြီ ၉ ရက်နေ့က မကွေးခရိုင် တရားရုံးမှာ အယူခံဝင်ရာမှာ တရားရုံးက အကျဉ်းနည်းနဲ့ ပလပ်လိုက်တာ ဖြစ်ပါတယ်။

ဦးဇော်ဖေတို့ ပြန်လည်လွတ်မြောက်ရေးအတွက် တရားဥပဒေကြောင်းအရ ကြိုးပမ်း ဆောင်ရွက်ပေးနေတဲ့ ဥပဒေအကျိုးဆောင် အထက်တန်းရှေ့နေ ဦးသိန်းထွန်းက အယူခံဝင်မှု အခြေအနေနဲ့ ပတ်သက်ပြီး အခုလို ပြောပါတယ်။

“၉ ရက်နေ့က ကျနော်တို့က မကွေးခရိုင်တရားရုံးကို ကိုဇော်ဖေနဲ့ ကိုဝင်းမြင့်လှိုင်အတွက် အယူခံ တင်လိုက်တယ်။ ပြစ်မှုဆိုင်ရာ အယူခံ ပုဒ်မ ၁၅ နဲ့ တင်လိုက်တယ်။ အဲဒီနေ့မှာပဲ ကျနော်တို့က ဒီအမှုကို လက်ခံကြားနာသင့် မသင့် လျှောက်လဲချက်ပေးလိုက်ရတယ်။ လျှောက်လဲချက်ပေးတော့ ပယ်လိုက်တယ်။ လက်ခံ မကြားနာတော့ဘူး။ အမှုပလပ်တယ်ဆိုတာက အောက်ရုံက မကွေးမြို့နယ်တရားရုံးက စစ်ခဲ့တဲ့ အမှုတွဲကြီး တောင်းပြီးတော့ မကြည့်တော့ဘူးပေါ့။ အမှု အရည်အသွေး၊ အမှုအသွားအလာအရ မဆုံးဖြတ်တော့ပဲနဲ့ ဒါကို အကျဉ်းနည်းနဲ့ ပယ်လိုက်တာပေါ့။”

အခုလို ခရိုင်ရုံးက အယူခံ ပယ်ချခံရတဲ့အတွက် မကွေးတိုင်းတရားလွှတ်တော်ရုံးမှာ ဧပြီ ၁၁ ရက်နေ့က အယူခံ ထပ်တင်ထားပြီး အမှုအတွက် တရားရုံးက လက်ခံကြားနာမယ်၊ မနာဘူးဆိုတာကိုတော့ မသိရသေးဘူးလို့ ရှေ့နေက ပြောပါတယ်။

တကယ်လို့ တိုင်းတရားရုံးက ပယ်ချလိုက်ပါက နေပြည်တော် ပြည်ထောင်စု တရားလွှတ်တော်ချုပ်နဲ့ အထူးအယူခံအဆင့်တွေထိ ဆက်တက်ပြီး အယူခံဝင်သွားမယ်လို့ ဆိုပါတယ်။

ဂျပန်နိုင်ငံက ပေးတဲ့ ပညာသင်ဆုနဲ့ ပတ်သက်ပြီး သတင်းသွားယူတဲ့ ဦးဇော်ဖေ (ခ) ဦးသူရသက်တင်ကို မကွေးမြို့နယ် ပညာရေးမှူးရုံးက ၀တ္တရားနှောက်ယှက်မှု၊ ပိုင်နက် ကျူးလွန်မှုတွေနဲ့ ပြီးခဲ့တဲ့ ဧပြီ ၇ ရက်က ထောင်ဒဏ် ၁ နှစ် ချမှတ်ထားတာ ဖြစ်ပါတယ်

ဥပဒေပညာရှင် တရားလွှတ်တော်ရှေ့နေ ဦးအောင်သိန်းကတော့ အများပြည်သူနဲ့ သက်ဆိုင်တဲ့နေရာတွေမှာ ၀င်ရောက် သတင်းယူတာကို ခုလို အရေးယူတာဟာ ဆီလျော်မှု မရှိဘူးလို့ ပြောပါတယ်။

“အများပြည်သူဆိုင်ရာနဲ့ပတ်သက်ရင် ကျူးကျော်မှုဆိုတာ ပြောလို့ မရဘူး။ သူ့ဘက်ကနေပြီးတော့ ဘယ်လောက်ပဲ စိတ်ညိုညင်အောင် လုပ်သည့်တိုင်အောင် အဲဒီလိုမျိုး စွဲလို့မရဘူး။ နောက်တခါ ၀တ္တရားနှောင့်ယှက်တယ်ဆိုတဲ့ ဥစ္စာကလည်း သူ့ရဲ့ လုပ်ငန်းတာဝန် ဆောင်ရွက်မှုနဲ့ ပတ်သက်ပြီးတော့ ဖြေရှင်းဖို့ သွားရောက် မေးမြန်းတဲ့ ကိစ္စမှာ သူ့ဝတ္တရားကိုလည်း နှောင့်ယှက်တယ်တာလည်း မပေါ်ပေါက်နိုင်ဘူး။ ဒါတွေက ပွင့်ပွင့်လင်းလင်းပြောရရင်တော့ တရားရုံးကို အုပ်ချုပ်ရေး အာဏာပိုင်တွေက အသုံးချတယ်လို့ အဲဒီလို မြင်တယ်။”

အလားတူ မြန်မာနိုင်ငံက စာရေးဆရာတွေ၊ စာနယ်ဇင်းသမားတွေနဲ့ ဖွဲ့စည်းထားတဲ့ PEN Myanmar အဖွဲ့ကလည်း ဒီဗွီဘီသတင်းထောက် ဦးဇော်ဖေကို ရာဇ၀တ်မှုတွေနဲ့ တရားစွဲဆို ထောင်ချတာကို အပြင်းအထန် ဆန့်ကျင်ကန့်ကွက်ကြောင်းနဲ့ ပြည်သူတွေရဲ့ သတင်း သိပိုင်ခွင့်ကို ဖြည့်ဆည်း အားထုတ်တဲ့ သတင်းမီဒီယာသမားတွေကို ခြိမ်းခြောက် အနိုင်အထက်ပြုမှု ဖြစ်တယ်လို့ ဒီနေ့ ကြေညာချက် ထုတ်ပြန်လိုက်ပါတယ်။

DVB Burmese 

လှိုင်သာယာမြို့နယ်တွင် နေအိမ်ခြံစည်းရိုး၌ သဘောဝအလျောက် ပေါက်လာသော မှိုမှ ကျိုက်ထီးရိုး စေတီတော်ပုံသဏ္ဍာန် ထွက်ပေါ်


ရန်ကုန်၊ ဧပြီ ၁၈

၁၇.၄.၂၀၁၄ ရက်နေ့ ၁၇၁၀ အချိန်တွင် လှိုင်သာယာမြို့နယ်၊ (၉)ရပ်ကွက်၊ မြိုင်လမ်း၊ အမှတ်-၁၃၀(က)နေ ဒေါ်အမာဘီဘီ၊ (၆၁)နှစ်၏နေအိမ်ရှေ့ သစ်သားခြံစည်းရိုးတိုင်အောက်ခြေ၌ သဘောဝအလျောက်