အားနည်းချက်များနှင့် အားသာချက်များ (Weaknesses and Strengths)


Written by:
ဒေါက်တာအောင်ကိုကို (စီးပွားရေးပညာ၊စီးပွားရေးပေါ်လစီ)
ကမ္ဘာ့နိုင်ငံအများစုတွင်မဆို အားနည်းချက် (Weaknesses)နှင့် အားသာချက် (Strengths) ရှိတတ်သည်။

ထို့ကြောင့် “အားနည်းချက်များ” ကို နည်းသထက်နည်းရန်နှင့် “အားသာချက်များ” ကို များသထက်များစေရန် လုပ်ဆောင်ကြရသည်။ ဆိုလိုသည်မှာ အားနည်းချက်များ နည်းသည်ထက်နည်းလာလျှင်၊ အားသာချက်များ များသည်ထက်များလာလျှင် ယင်းနိုင်ငံသည် ရင်ဆိုင်ရမည့် စိန်ခေါ်မှုများ (Challenges Threats) နှင့် အခွင့်အလမ်းများ (Opportunities) အတွက် အသင့်အနေအထားတွင် ရှိလာပြီဟု ပြောနိုင်ပေမည်။

အားနည်းချက်များနှင့် အားသာချက်များကို သရုပ်ခွဲလေ့လာပြီး ယင်းအားနည်းချက်များကို ပိုမိုလျော့နည်းအောင် ဆောင်ရွက်ရင်း အားသာချက်များကိုလည်း ပိုမိုအားကောင်းအောင် ဆောင်ရွက်သွားခြင်းဖြင့် ယင်းနိုင်ငံ၏ အထွေထွေအင်အားသည်လည်း ပိုမိုတိုးတက်မြင့်မားလာစေမည် ဖြစ်သည်။

ဥပမာ ယနေ့အမေရိကန်ပြည်ထောင်စုသည် ဆယ်စုနှစ်ပေါင်းများစွာ ကမ္ဘာ့အကြီးဆုံးစီးပွားရေးအင်အားကြီးနိုင်ငံဖြစ်ခဲ့သော်လည်း အမေရိကန်နိုင်ငံ၏ စီးပွားရေးသည် (၁) တရုတ်နိုင်ငံ၏ စီးပွားရေးအင်အားကြီးထွားလာမှု၊ (၂) စွမ်းအင်လောင်စာ အဆမတန် တင်သွင်းနေရသော မိမိနိုင်ငံ၏ စီးပွားရေးအတွက် စွမ်းအင်ဈေးနှုန်းအပေါ် စိုးရိမ်မှု၊ (၃) အမေရိကန်အစိုးရ ကြွေးမြီပမာဏကြီးမားလာမှု၊ (၄) အကြမ်းဖက်မှုဝါဒသည် အမေရိကန်စီးပွားရေးအပေါ် ခြိမ်းခြောက်လာမှုတို့ကြောင့် အမေရိကန်နိုင်ငံ၏ စီးပွားရေးတွင် စိန်ခေါ်မှုများ (Challenges) သို့မဟုတ် ခြိမ်းခြောက်မှုများ (Threats) ကို ရင်ဆိုင်လာရသည်ဟု American Defenders ဟူသော ဆောင်းပါးတစ်ပုဒ်ကို ဖတ်ဖူးသည်။

ထိုကဲ့သို့ ကမ္ဘာ့စီးပွားရေးအင်အားအကြီးဆုံးနိုင်ငံသည် ထိုကဲ့သို့သော စိန်ခေါ်မှုများ (သို့မဟုတ်) ခြိမ်းခြောက်မှုများကို ရင်ဆိုင်နိုင်ရန်အတွက်ဆိုလျှင် မိမိနိုင်ငံ၏ အဓိကအားနည်းချက်များနှင့် အဓိကအားသာချက်များကို ဘက်ပေါင်းစုံ ပြန်လည်ညှိနှိုင်းပြု ပြင်နေပြီဖြစ်သည်ကို တွေ့ရသည်။

အထူးသဖြင့် အထွေထွေအင်အား မတောင့်တင်းမခိုင်မာသောနိုင်ငံများအနေဖြင့် ယနေ့ ယူကရိန်းနိုင်ငံကဲ့သို့သော အခြေအနေများ၊ အရှေ့အလယ်ပိုင်းဒေသနိုင်ငံအချို့ ၏ အခြေအနေများကဲ့သို့သော အခြေအနေများနှင့် ပိုမိုမြင်တွေ့လာရပေမည်။

ထိုကဲ့သို့သော အခြေအနေများမှ ရှောင်လွှဲနိုင်ရန်အတွက်ဆိုလျှင် နိုင်ငံရေးဦးဆောင်နေသူများအကြားတွင် အပြန်အလှန်နားလည်မှုနှင့် အပြန်အလှန်လေးစားမှုတို့အပေါ် အခြေခံကာ နိုင်ငံ၏အနာဂတ်အတွက် တွေ့ဆုံဆွေးနွေးမှုများလည်း မလွဲမသွေ လိုအပ်ပေသည်။

အကြောင်းမှာ အားနည်းချက်များ (Weaknesses) သည် နည်းသထက်နည်းမလာဘဲ များလာလျှင်လည်းကောင်း၊ အားသာချက်များ (Strengths) များသည် များသထက်များမလာဘဲ နည်းလာလျှင်လည်းကောင်း ယင်းနိုင်ငံ၏ အနာဂတ်တစ်ချိန် ချိန်တွင် ပဋိပက္ခပေါင်းစုံ စုပေါင်းကာ ပြိုကွဲပျက်စီးသွားပေလိမ့်မည် ဖြစ်သည်။

ယနေ့ ကမ္ဘာ့နိုင်ငံများထဲတွင် အတုယူဖွယ်နိုင်ငံများ၊ သင်ခန်းစာယူဖွယ်နိုင်ငံများဟူ၍ နိုင်ငံများ၏ပကတိအနေအထားတွင် နမူနာယူဖွယ်နိုင်ငံများ၏ နိုင်ငံသားများသည် ပျော်ရွှင်ချမ်းမြေ့သော လူနေမှုဘဝများ၊ တည်ငြိမ်သော နိုင်ငံရေး၊ စီးပွားရေးစနစ်များ၊ စုစည်းညီညွတ်သော ပူးပေါင်းဆောင်ရွက်မှုများရှိလေ့ရှိပြီး သင်ခန်းစာယူဖွယ်နိုင်ငံများ ၏ နိုင်ငံသားများမှာမူ လူမှုစီးပွားရေးမတည်ငြိမ်မှု၊ တရားမျှတသော၊ ပြိုင်ဆိုင်မှုကင်းမဲ့သော နိုင်ငံရေး၊ စီးပွားရေးစနစ်များ၊ စုစည်းညီညွတ်မှုမရှိသော အခြေအနေများနှင့်လည်း ရင်ဆိုင်ရတတ်ပါသည်။

တစ်နည်းအားဖြင့် အားနည်းချက်များ (Weaknesses) ကို အားသာချက်များ (Strengths) အဖြစ်သို့ ပြောင်းလဲပေးနိုင်သော နိုင်ငံများသည် အောင်မြင်သောနိုင်ငံများဖြစ်လာပြီး အားသာချက်များ တစ်စတစ်စ နည်းပါးလာသောနိုင်ငံများသည် ကျဆုံးသောနိုင်ငံများ ဖြစ်လာလေ့ရှိသည်။


news-eleven

ရုန်းထွက်ဖို့ခက်တဲ့ အိုပါးတို့ရဲ့လှိုင်းဂယက်



မိုးရေစက်များက စီတန်းနေသော ရောင်စုံထီးများဆီသို့ အရှိန်ပြင်းပြင်းဖြင့် ကျရောက်နေသည်။

ထီးရောင်စုံများအောက်တွင်တော့ တောင်ကိုရီးယားဂီတဗီဒီယိုများတွင် မြင်တွေ့ရလေ့ရှိသော ဖက်ရှင်ခပ်လန်းလန်းများ ဝတ်ဆင်ထားသည့် လူငယ်များက ဖျော်ဖြေရေးစင်မြင့်ရှိရာ ဝင်ပေါက်သို့ တိုးဝှေ့ဝင်ရောက်နေကြသည်။

၎င်းတို့လက်ထဲတွင် နာရီပိုင်းအတွင်း စတင်တော့မည့် ကေပေါ့ပ်ဖျော်ဖြေပွဲလက်မှတ်များကိုလည်း အဆင်သင့်ကိုင်ဆောင်ထားကြသည်။

လွန်ခဲ့သည့်နှစ်အနည်းငယ်ကဆိုလျှင် စိတ်ကူးတောင်မယဉ်ခဲ့ဖူးသည့် ကမ္ဘာ့စင်မြင့်များထက် အောင်မြင်နေသည့် နာမည်ကျော်ကေပေါ့ပ်အဖွဲ့ဖြစ်သည့် 2NE1 အဖွဲ့ကို ကိုယ်တိုင်မြင်တွေ့ရတော့မည်ဟူသော အတွေးများဖြင့် ထိုလူငယ်များ၏ သွင်ပြင်မှာ မိုးသည်းနေသည်ကိုပင် မေ့လျော့ကာ တက်ကြွရွှင်လန်းလျက်။

ထိုလူငယ်တို့မှာ သြဂုတ် ၂ ရက်က ရန်ကုန်မြို့တွင် ပြုလုပ်ခဲ့သော တောင်ကိုရီးယားမှ နာမည်ကျော် 2NE1 အဖွဲ့၏ ဖျော်ဖြေပွဲကို ကြည့်ရှုနိုင်ရန် တန်းစီစောင့်ဆိုင်းနေသူများပင် ဖြစ်ပါသည်။

ယင်းဖျော်ဖြေပွဲသည် ကမ္ဘာပေါ်တွင် ဖွံ့ဖြိုးမှုအနိမ့်ကျဆုံးစာရင်းဝင် မြန်မာနိုင်ငံတွင် ပြုလုပ်ခဲ့ဖူးသမျှ နိုင်ငံတကာဖျော်ဖြေပွဲများတွင် လက်မှတ်ဈေးအကြီးဆုံး ဖြစ်ခဲ့သည်။ လက်မှတ်များကို အနိမ့်ဆုံး ငွေကျပ်နှစ်သောင်းခွဲမှ ကိုးသိန်းအထိ ရောင်းချခဲ့ရာ အားလုံးနီးပါး ရောင်းကုန်ခဲ့ပြီး ရုံပြည့်ခဲ့သည်။

အောင်မြင်ခဲ့သည့် 2NE1 အဖွဲ့၏ ဖျော်ဖြေပွဲမှာ မြန်မာနုိုင်ငံတွင် ကိုရီးယားယဉ်ကျေးမှုလှိုင်းဂယက် မည်မျှကြီးမားလွှမ်းမိုးနေသည်ဆိုသည်ကို မြင်တွေ့နိုင်သည့် အကောင်းဆုံးသာဓကတစ်ခုပင် ဖြစ်သည်။

ဂီတအနုပညာရေစီးကြောင်းသာမက ကိုရီးယားဖက်ရှင်ဒီဇိုင်းများ၊ အစားအသောက်၊ ယဉ်ကျေးမှုများမှစ၍ လူ့အသုံးအဆောင်ပစ္စည်းများ၊ စီးပွားရေးလုပ်ငန်းများအထိ ကိုရီးယားနိုင်ငံ၏ အသွင်အပြင် ဓလေ့စရိုက်များသည် ၂၀၀၀ ပြည့်နှစ်အလွန်တွင် မြန်မာနိုင်ငံသို့ သိသိသာသာ ဝင်ရောက်စီးဆင်းလာသည်မှာ ငြင်းဆန်၍မရသော အချက်ပင်ဖြစ်သည်။

ကိုရီးယားဒရာမာကားတိုင်းလိုလိုတွင် ဇာတ်ဝင်ခန်းအဖြစ် ပါဝင်တတ်သော အင်္ကျီဆင်တူများ ဝတ်ဆင်ကာ ခေါင်းတွင် တဘက်ဖြူပတ်ပြီး အပန်းဖြေရင်း ချွေးထုတ်ကြသည့် ချွေးထုတ်ခန်း၊ ချွေးပေါင်းခန်းကို ရာသီဥတုပူအိုက်သည့် ရန်ကုန်မြို့လိုနေရာမျိုးတွင် လာရောက်ဖွင့်လှစ်ခြင်းကလည်း မြန်မာနိုင်ငံသို့ ရိုက်ခတ်လာသော ကိုရီးယားယဉ်ကျေးမှု လှိုင်းဂယက်များထဲမှ တစ်ခုပင်ဖြစ်သည်။

ယင်းချွေးထုတ်ခန်းများကို မိသားစုလိုက်၊ လူငယ်များက အဖွဲ့လိုက်၊ နှစ်နှစ်ခြိုက်ခြိုက် သွားရောက်ကာ ဒရာမာကားများတွင် တွေ့ရသည့် တောင်ကိုရီးယားလူမျိုးတို့၏ နေထိုင်မှုပုံစံအတိုင်း စုဝေးထိုင်ကာ ကြက်ဥပြုတ်စား၊ အအေးထိုင်သောက်ကာ အဖွဲ့လိုက် စကားထိုင်ပြောနေကြသည့် မြင်ကွင်းများက ရန်ကုန်မြို့ပြ၏ ကိုရီးယားရေစီးကြောင်းထဲမှ တစ်ခုပင်။

တောင်ကိုရီးယားလူမျိုးတို့သည် ၎င်းတို့၏ယဉ်ကျေးမှုကို နိုင်ငံတကာမှ သိမြင်အောင် ပြုလုပ်ရေးသည် အမျိုးသားရေးမူဝါဒတစ်ခုအဖြစ် ချမှတ်ပြီး ဆောင်ရွက်ခြင်းဖြစ်ပြီး ကိုရီးယားယဉ်ကျေးမှုသည် မြန်မာနိုင်ငံတွင်သာမက ဒေသတွင်းနိုင်ငံများဖြစ်သော ထိုင်း၊ မလေးရှားကဲ့သို့သော နိုင်ငံများတွင် စီးဝင်လျက်ရှိသည်ဟု နိုင်ငံတော်သမ္မတ စီးပွားရေးအကြံပေး ဒေါက်တာအောင်ထွန်းသက်ကပြောသည်။

‘‘ခုနောက်ပိုင်း ကမ္ဘာမှာ နိုင်ငံတစ်ခုကတစ်ခုကို ဝင်ရောက်တဲ့အခါ Soft Power ကိုပဲသုံးပြီးတော့ ဝင်ကြတော့တယ်။ Hard Power ကိုသုံးတာ နည်းသွားပြီ’’ ဟု ဒေါက်တာအောင်ထွန်းသက်ကဆိုသည်။

နိုင်ငံတစ်နိုင်ငံက ၎င်းတို့၏ ယဉ်ကျေးမှုဓလေ့များ၊ ရိုးရာအစားအသောက်များ၊ နိုင်ငံ၏ ဒေသအလှအပများ၊ ဘာသာစကား၊ ဖက်ရှင်တို့ကို နိုင်ငံတကာက သိမြင်လာအောင် ဈေးကွက်မြှင့်တင်ရာ၌ ယင်းနိုင်ငံက ဖန်တီးထားသော အနုပညာမှတစ်ဆင့် ပျံ့နှံ့အောင်ဆောင်ရွက်နိုင်ကြောင်း စာရေးဆရာမ ပုညခင်က ကိုရီးယားယဉ်ကျေးမှုများ ပြည်တွင်းသို့ စီးဝင်လာမှုနှင့် ပတ်သက်ပြီး သုံးသပ်ပြောကြားသည်။

‘‘ဂီတရုပ်ရှင်အနုပညာတွေကို နိုင်ငံအရပ်ရပ်က လက်ခံလာတာနဲ့အမျှ သူတို့ယဉ်ကျေးမှုဟာ တခြားနိုင်ငံတွေကို စီးဆင်းလွှမ်းမိုးသွားနိုင်ပါတယ်။ အထူးသဖြင့် အနုပညာကိုယ်ခံအားမကောင်းတဲ့ နိုင်ငံတွေကို ပိုပြီးစီးဆင်းလွှမ်းမိုးနိုင်ပါတယ်။ ကိုယ့်နိုင်ငံရဲ့ အနုပညာဖန်တီးမှုတွေ အားနည်းလေလေ သူ့နိုင်ငံရဲ့ အနုပညာလွှမ်းမိုးဝါးမျိုမှုကို ခံရလေလေပါ’’ဟု ဆရာမပုညခင်က ကိုရီးယားယဉ်ကျေးမှု စီးဝင်လာမှုနှင့် ပတ်သက်ပြီး ပြောသည်။

‘ဆောင်းဦးရွက်ကြွေ ချစ်သက်သေ’ဟု အမည်ရသည့် ကိုရီးယားဒရာမာဇာတ်လမ်းတွဲ စတင်ပြသခဲ့သည့် ၂၀၀၃ ခုနှစ်နောက်ပိုင်း တစ်စိမ့်စိမ့်စီးဝင်ခဲ့သည့် ကိုရီးယားယဉ်ကျေးမှု လှိုင်းဂယက်မှာ ယခုအခါ မြန်မာနိုင်ငံတွင် အတော်ပင်အားကောင်းနေလေပြီ။

‘ဆောင်းဦးရွက်ကြွေ ချစ်သက်သေ’ဇာတ်လမ်းတွဲမှ ဇာတ်လိုက်ကျော်များဖြစ်သည့် အွန်စော၊ ဂျွန်စော၊ ထယ်စောက်တို့မှအစပြုကာ ဒါရိုက်တာရင်၊ ဂျူမုံ၊ ချန်ဂင်၊ ဆန်းမီ စသည့် ဇာတ်ကောင်အမည်များဖြင့် ကိုရီးယားဇာတ်လမ်းတွဲများကို မြန်မာပရိသတ် သည်းသည်းလှုပ်ခဲ့သည်မှာ ယနေ့တိုင်ပင်။

ကိုရီးယားဒရမ်မာဇာတ်လမ်းတွဲများ နောက်တွင်တော့ အဖွဲ့လိုက်သီဆိုကာ ဖက်ရှင်နှင့် အကကို ဦးစားပေးသည့် ကေပေါ့ပ်ဟုခေါ်သည့် ကိုရီးယားဂီတမှာလည်း အခြားနိုင်ငံများနည်းတူ မြန်မာနိုင်ငံရှိ လူငယ်ထုအကြား အရှိန်အဟုန်ဖြင့် လွှမ်းမိုးလာခဲ့သည်။

ကေပေါ့ပ်သီချင်း ယဉ်ကျေးမှုကြောင့် မြန်မာလူငယ်များ၏ ဝတ်စားဆင်ယင်မှုပုံစံမှာလည်း ပြောင်းလဲလာခဲ့သည်။ အရောင်တောက်တောက်၊ စကတ်တိုပြတ်ပြတ်နှင့် ရှုပ်ရှုပ်ထွေးထွေးဝတ်ဆင်သောပုံစံ (သို့မဟုတ်) ခပ်ပွပွနှင့် အတိုအကျပ် တွဲဝတ်ကြသည်က ယနေ့ခေတ်၏ တွေ့မြင်နေကျ ဝတ်စားဆင်ယင်မှုများ ဖြစ်လာသည်။

အချို့သောသူများကတော့ ထိုသူများကို ကိုရီးယားရူးနေသူများ၊ ကိုရီးယားကိုသာ အကောင်းထင်နေသူများဟူ၍ စသဖြင့် ကိုရီးယားယဉ်ကျေးမှု နှစ်သက်သူများကို အမျိုးမျိုးဝေဖန်မှုများလည်းရှိသည်။

‘‘ဒါကတော့ ရိုးရိုးသာမန်ပါပဲ။ သူများနိုင်ငံက ဘောလုံးပွဲတွေကို ကြိုက်သလိုပေါ့။ ကိုရီးယားမှ မဟုတ်ပါဘူး။ ကိုယ်ကြိုက်တဲ့ နာမည်ကြီးအဆိုတော်တွေနဲ့ ပတ်သက်တဲ့ အသုံးအဆောင်တွေကိုတော့ သုံးမှာပဲ၊ ဝယ်မှာပဲလေ။ ဒါက သာမန်ပါပဲ။ ကိုရီးယားကြိုက်တဲ့သူက ကိုရီးယားပေါ့’’ဟု အသက်(၂၀)ဝန်းကျင်ရှိ တက္ကသိုလ်ကျောင်းသူတစ်ဦးက ပြောသည်။

လက်ရှိ ခေတ်စနစ်အရ ဘယ်အရာကိုမှ တံခါးပိတ်ထား၍မရပါဘဲ တိုင်းတစ်ပါးနိုင်ငံများ၏ အနုပညာယဉ်ကျေးမှုများ မိမိတို့ နိုင်ငံအတွင်းသို့ ဝင်မလာအောင် မတားဆီးနိုင်သကဲ့သို့ နိုင်ငံတွင်းမှ ပြည်သူများလည်း မခံစား၊ မနှစ်သက်ရဘူးဟူ၍ တားမြစ်၍မရနိုင်ကြောင်း စာရေးဆရာမပုညခင်က သုံးသပ်သည်။

‘‘ကိုရီးယားမှမဟုတ်ပါဘူး။ ဘယ်နိုင်ငံက အနုပညာကို ခံစားတဲ့နေရာမှာဖြစ်ဖြစ် ကောင်းတာတွေကိုသာ အတုယူပြီး မကောင်းတာတွေ အတုမယူမိဖို့ အရေးကြီးပါတယ်’’ဟု ၎င်းကဆိုသည်။

ဒရာမာဇာတ်လမ်းတွဲများတွင် အများဆုံးပါလေ့ရှိသော ပဲခေါက်ဆွဲ၊ ကင်ချီ၊ ကြက်ဥလိပ်ထမင်းကြော်၊ တော့ပိုကီ စသည့် ကိုရီးယားအစားအသောက်များကိုလည်း စွဲလမ်းစွာ စားသုံးလာကြပြီး ရန်ကုန်မြို့တွင်သာမက အချို့မြို့ကြီးများအထိပါ ကိုရီးယားစားသောက်ဆိုင် အများအပြား ခြေဆန့်လာလေပြီ။

ကိုရီးယားဇာတ်လမ်းတွဲများတွင် ၎င်းတို့၏ ရိုးရာအစားအသောက်များကို စားချင်စဖွယ် ပြင်ဆင်ထားသောကြောင့် စိတ်ဝင်စားခဲ့ကာ ကိုရီးယားစားသောက်ဆိုင်များတွင် သွားရောက်စားဖြစ်ခဲ့ရာမှ ကိုရီးယားအစားအစာများကို ကြိုက်နှစ်သက်ခဲ့ကြောင်း အသက်(၂၅)နှစ်အရွယ် ကုမ္ပဏီဝန်ထမ်းတစ်ဦးကပြောသည်။

‘‘ကိုရီးယားအစားအသောက်တွေက ပူပူစပ်စပ်တွေ၊ ချဉ်ချဉ်စပ်စပ်တွေ များတာဆိုတော့ မြန်မာပါးစပ်နဲ့လည်း အကြိုက်တွေ့တယ်။ နောက်ပြီး အခုနောက်ပိုင်းမှာ ကိုရီးယားစာရောင်းတဲ့ဆိုင်တွေလည်း အရမ်းများလာတယ်။ ဆိုင်ကြီးတွေမှ မဟုတ်ဘူး။ တချို့ကော်ဖီဆိုင်တွေဆိုရင်တောင် ကိုရီးယားစာကို တွဲရောင်းလာတယ်’’ဟု ၎င်းကပြောသည်။

‘‘ကိုရီးယားဆိုရင် ကင်ချီယဉ်ကျေးမှုက နိုင်ငံတကာကို ထိုးဖောက်တယ်။ ထိုင်းလည်း အတူတူပဲ။ ထိုင်းအစားအသောက်တွေကို ပရိုးမိုးရှင်းလုပ်တယ်။ ဒါကြောင့် မြန်မာ့အစားအသောက်တွေကို ဘယ်အရာတွေက လုပ်လို့ရတယ်ဆိုတာတွေကိုတော့ လေ့လာပြီး လုပ်သင့်တယ်’’ဟု ဒေါက်တာအောင်ထွန်းသက်က လမ်းညွှန်ပြောသည်။

ကိုရီးယားတို့သည် နိုင်ငံတကာ၏ စီးပွားရေးစစ်မျက်နှာပြင်များသို့ ၎င်းတို့ ရိုးရာအစားအသောက်များ ရောင်းချသော စားသောက်ဆိုင်များဖြင့် ဝင်ရောက်လာသလို ကိုရီးယားနည်းပညာသုံး လူ့အသုံးအဆောင်များကလည်း ကမ္ဘာတစ်ဝန်းတွင် ဝင်ဆံ့နေပြီဖြစ်သည်။

ကိုရီးယားနိုင်ငံသည် နည်းပညာဆိုင်ရာ အားကောင်းသော နိုင်ငံတစ်နိုင်ငံဖြစ်ပြီး အာရှတွင် ဂျပန်ကဲ့သို့ ကိုရီးယားထုတ်ကုန်များဖြစ်သည့် ဥပမာ-ဆမ်ဆောင်းစမတ်ဖုန်းများ၊ ဟွန်ဒိုင်းမော်တော်ကားများသည် ကမ္ဘာ့ဈေးကွက်တွင် ထိုးဖောက်နိုင်သည့် အောင်မြင်မှုရရှိနေပြီဖြစ်သည်။

တောင်ကိုရီးယားနိုင်ငံသည် နိုင်ငံ၏ ထူးချွန်အောင်မြင်သော ချန်ပီယံလုပ်ငန်းရှင်များကို ထိန်းသိမ်းထားနိုင်ပြီး နိုင်ငံတကာသို့ ထိုးဖောက်မည်ဆိုပါက နိုင်ငံ၏ချန်ပီယံများ ပူးပေါင်းဆောင်ရွက်လေ့ရှိသည်ဟု ဒေါက်တာအောင်ထွန်းသက်က ပြောသည်။

‘‘မြန်မာတွေက သူတို့ရဲ့ ဖွံ့ဖြိုးတိုးတက်မှုတွေကို အတုယူတတ်ဖို့လိုတယ်။ ကျန်တာတွေကိုတော့ လိုက်ပြောနေလို့မရဘူး။ ကိုယ့်ဟာကိုယ် ဆုံးဖြတ်ရမှာပါ။ သူတို့မှာ ကောင်းတာတွေ အများကြီး ရှိပါတယ်’’ဟု ဒေါက်တာအောင်ထွန်းသက်က သုံးသပ်ပြောသည်။


[2NE1 အဖွဲ့မှ မြန်မာပရိသတ်များကို အမှတ်တရလက်မှတ်ရေးထိုးပေးနေစဉ်/ဓာတ်ပုံ − ဂျေမောင်မောင်(အမရပူရ)]

လက်ရှိတွင် မြန်မာနိုင်ငံ၌ ကိုရီးယားနှင့်ပတ်သက်သော အဝတ်အစားဖက်ရှင်များ၊ အလှပြင်ပစ္စည်းများ၊ အစားအသောက်များသာမက ကိုရီးယားနိုင်ငံထုတ် မော်တော်ကားများ၊ ကိုရီးယားနိုင်ငံထုတ် ဆမ်ဆောင်းအမှတ်တံဆိပ်၊ အယ်လ်ဂျီကဲ့သို့သော အီလက်ထရွန်နစ်ပစ္စည်းများကို တွင်တွင်ကျယ်ကျယ် ဝယ်ယူ၍ရနေပြီဖြစ်သည်။

မြန်မာနှင့် ကိုရီးယားနိုင်ငံတို့၏ နှစ်နိုင်ငံကုန်သွယ်မှုပမာဏသည် လွန်ခဲ့သည့်ငါးနှစ်ကျော်ကာလ ၂၀၀၆-၀၇ ဘဏ္ဍာနှစ်တွင် အမေရိကန်ဒေါ်လာ သန်း ၁၅၀ ဝန်းကျင်သာရှိနေခဲ့ပြီး ၂၀၁၂-၁၃ ဘဏ္ဍာနှစ်တွင်မူ ကန်ဒေါ်လာ သန်း ၆၀၀ ကျော် ရှိနေခဲ့သောကြောင့် ခြောက်နှစ်အတွင်း လေးဆကျော်မြင့်တက်လာခဲ့သည်။

စီးပွားကူးသန်းဝန်ကြီးဌာန၏ စာရင်းများအရ ၂၀၁၃ နှစ်ကုန်တွင် ကိုရီးယားနိုင်ငံသည် မြန်မာနိုင်ငံ၌ လုပ်ငန်းပေါင်း ၈၄ ခုတွင် ရင်းနှီးမြှုပ်နှံမှုပမာဏ ကန်ဒေါ်လာသုံးဘီလီယံကျော် (၃၀၄၅ ဒသမ ၂၂၄ သန်း) ရင်းနှီးမြှုပ်နှံထားခဲ့ပြီး နိုင်ငံအလိုက် ရင်းနှီးမြှုပ်နှံမှုစာရင်းတွင် အဆင့်(၅)နေရာ၌ ရှိနေခဲ့သည်။

နှစ်နိုင်ငံ စီးပွားရေးဆက်ဆံမှုများ တိုးတက်လာသလို အခြားကဏ္ဍအသီးသီးတွင်လည်း တဖြည်းဖြည်း လွှမ်းမိုးလာသည့် အခြေအနေကို ထိန်းချုပ်နိုင်မည့်သူများမှာ မြန်မာနိုင်ငံသားများပင် ဖြစ်သည်။ လက်ရှိအချိန်တွင် အဆင်းရဲဆုံးနိုင်ငံ စာရင်းဝင်နေသော်လည်း ဖွံ့ဖြိုးသည့်နိုင်ငံများကဲ့သို့ပင် နိုင်ငံတကာဖျော်ဖြေပွဲတစ်ခုကို အောင်မြင်စွာ ကျင်းပနိုင်ခဲ့သည်ဆိုသည့် အင်အားက အနာဂတ် မြန်မာနိုင်ငံအတွက် စိန်ခေါ်မှုတစ်ခုပင် ဖြစ်သည်။

တစ်ချိန်က တရုတ်ဇာတ်လမ်းတွဲထဲတွင် မျောပါကာ တရုတ်နိုင်ငံက ထွက်ကုန်အမျိုးမျိုး၏ စီးပွားရေးအချက်အချာ နယ်မြေတစ်ခုဖြစ်ခဲ့သည့် မြန်မာနိုင်ငံသည် မကြာမီအချိန်အတွင်း ကိုရီယား၏ စီးပွားရေးဈေးကွက်တစ်ခု ဖြစ်မည်၊ မဖြစ်မည်ကိုမူ မည်သူမျှခန့်မှန်းနိုင်မည် မဟုတ်ပေ။        ။

7day daily

မြန်မာနှစ်ဦး ပါဝင်သည့် ပီနန်ပြည်နယ်တွင် ရိုက်ကူးခဲ့သော ၀တ်လစ်စလစ် ဗီဒီယိုနှင့်ပတ်သက်၍ မလေးရှားရဲများ စုံစမ်းနေ



မလေးရှားနိုင်ငံ ပီနန်ပြည်နယ်တွင် မြန်မာနှစ်ဦးပါဝင်သည်ဆိုသော ၀တ်လစ်စလစ်ပွဲတစ်ပွဲအား ရိုက်ကူးခဲ့သည့် ဗီဒီယိုနှင့် ပတ်သက်ပြီး ရဲများက စုံစမ်း လျက်ရှိကြောင်း သိရသည်။

ပီနန်ပြည်နယ် အနောက်မြောက်ဘက်ရှိ တာလုဘာဟန် ကမ်းခြေပေါ်တွင် ကိုယ်ပေါ်တွင် ဆေးများရေးခြယ်ခြင်းနှင့် ကိုယ်လုံးတီး ကခုန်နေသူ ၁၈ ဦးတို့အား ရိုက်ကူးထားသည် ဗီဒီယိုသည် အွန်လိုင်းပေါ်တွင် ပျံ့နှံ့ခဲ့သည်။

အဆိုပါ ဗီဒီယိုတွင် မလေးရှားမှ ၇ ဦး၊ မြန်မာမှ ၂ ဦး၊ ဖိလစ်ပိုင်မှ ၁ဦး နှင့် အိန္ဒိယမှ ၁ ဦး တို့ပါဝင်ကြောင်း ပီနန်ရဲတပ်ဖွဲ့၏ထုတ်ပြန်ချက်ကို ကိုးကားလျက် The Star သတင်းစာက ဖော်ပြခဲ့သည်။

ယင်းပွဲအတွက် ကမ်းခြေနှင့်အနီးဝန်းကျင်ကို တာဝန်ယူထိန်းသိမ်းရသည့် ပီနန်အမျိုးသားဥယျာဉ်၏ ခွင့်ပြုချက်ဖြင့် လုပ်ဆောင်ခဲ့ခြင်းဖြစ်ကြောင်း ပွဲစီစဉ်သူက ပြောကြားခဲ့သည်ဟု မလေးရှားအွန်လိုင်းသ တင်းဝက်ဘ်ဆိုက် The Rakyat Post တွင် ဖော်ပြခဲ့သည်။

အဆိုပါ ရေးသားမှုနှင့်ပတ်သက်ပြီး ပီနန်ပြည်နယ်ဝန်ကြီးချုပ်က “ပီနန်မှာ ကျွန်တော်တို့အနေနဲ့ ကာစီနိုရုံတွေကိုတောင် ဖွင့်ခွင့်မပေးတာ ဒီလိုပွဲမျိုးကို ခွင့်ပြုဖို့ဆိုတာ မဖြစ်နိုင်ပါဘူး” ဟု ပြောကြားသည်။
Ref:CAN

mizzima

တစ်ခေတ်ဆန်း အလှမယ်နဲ့ သရဖူအရှုပ်တော်ပုံ



၁၉၆၂ ခုနှစ် ဗိုလ်ချုပ်ကြီးနေဝင်း အာဏာသိမ်းချိန်မှစကာ ကင်းကွာခဲ့သော နိုင်ငံတကာ မယ်ပြိုင်ပွဲများနှင့် မြန်မာနိုင်ငံက ပြန်လည်ထိတွေ့ခွင့်ရခဲ့ သည်က မကြာလှသေး။

နန်းခင်ဇေယျာ၊ ခင်ဝင့်ဝါနှင့် မိုးစက်ဝိုင်စသော အမည် နာမများသည် နိုင်ငံအတွက် ဂုဏ်ယူစရာ ဆုတံဆိပ်နှင့်အတူ  မြန်မာပြည်သူတို့ကြားတွင် ပြောစရာ အကြောင်း တရားတစ်ခု ဖြစ်လာခဲ့သည်။ သို့သော် သိပ်မကြာလိုက်သော အချိန်တွင်ပြောစရာအကြောင်းအရာက ပြောင်းသွားသည်။

ယနေ့ နိုင်ငံ့ဂုဏ်ဆောင် အလှမယ်များနှင့် ပတ်သက်ပြီး အများပြည်သူကြား ပြောစရာဖြစ်နေသည်က သရဖူ ရုပ်သိမ်းခံရသည့်ကိစ္စ ဖြစ်နေ သည်။ နိုင်ငံတကာတွင် ကိုယ်စားလှယ်အဖွဲ့ အစည်း၏ စည်းမျဉ်းများကို လိုက်နာမှုမရှိသော အလှမယ်များ ကိုသရဖူရုပ်သိမ်းခြင်းများ ရှိတတ်သည်။ သို့သော် သတ်မှတ် စည်းမျည်းများက ရှင်းလင်းပြတ်သားသည်။

သို့သော် မြန်မာနိုင်ငံတွင်တော့မယ်များကို သရဖူ ရုပ် သိမ်းခြင်း၊ သရဖူလွှဲခွင့်ပိတ်ပင်ခြင်းစသော ကိစ္စများသည် မည် သည့်အချက်များအပေါ်တွင် မူတည်သည်ကို ရှင်း ရှင်းလင်း လင်း မသိရသေးသည့် အခြေအနေတွင် ဖြစ်နေသေးသည်။

Miss Supranational Myanmar    ၂ဝ၁၃ အလှမယ် ခင်ဝင့်ဝါနှင့်Miss Grand International Myanmar ၂ဝ၁၃ အလှမယ်ထားထက်ထက်တို့ကို သရဖူလွှဲပေးခွင့် ပိတ်လိုက် ကြောင်း ၄င်းတို့၏ကိုယ်စားလှယ်အဖွဲ့အစည်းဖြစ်သောMiss Golden Land Myanmar Organization က ပြီးခဲ့သည့်လ အတွင်းကထုတ်ပြန်ကြေညာ ရာတွင်တိကျရေရာသောအကြောင်း ပြချက်မပါရှိသည်ကို တွေ့ရသည်။

”ကျွန်တော်တို့ထားထက်ထက်နဲ့ ခင်ဝင့်ဝါကို သရဖူသိမ်း တာ မဟုတ်ဘူး။ လွှဲပေးခွင့် မပေးတာပါ။ စည်းမျဉ်းစည်း ကမ်းကို ချိုးဖောက်သလို ဖြစ်သွားတဲ့အတွက် နောက် လူတွေ ဒီလိုမဖြစ်အောင် အပြစ်ပေးတဲ့သဘောပါ” ဟူ၍သာ Miss Golden Land Myanmar Organization မှ ဦးဝေယံ အောင်ကပြောခဲ့ပြီး မည်သည့်စည်းမျဉ်းကို ချိုးဖောက်ခဲ့သည် ဆိုသည့်အချက်ကိုမူ ရှင်းရှင်းလင်းလင်းမပြောခဲ့ပေ။

”ဘာပြစ်ချက်ကြောင့် လွှဲခွင့်မပေးတာလဲဆိုတာ မသိပါ ဘူး။ ညီမတို့ဘက်က ပျက်ကွက်တာမျိုးမရှိသလို အကျိုးအမြတ် ခံစားခွင့် ၃ဝ ရာခိုင်နှုန်းကိစ္စကိုလည်း အမြဲတမ်းေ ပးနေတာပဲ လေ”ဟု ခင်ဝင့်ဝါက ပြောသည်။

ခင်ဝင့်ဝါနှင့် ထားထက်ထက်တို့သည်Miss Golden Land Myanmar Organization နှင့် တစ်နှစ်သက်တမ်းရှိ စာချုပ်ကိုချုပ်ဆိုပြီး ပရဟိတလုပ်ငန်းများကို ပူးတွဲ လုပ်ဆောင် နေသူများလည်း ဖြစ်သည်။ သို့ရာတွင် အဖွဲ့အစည်းကိုယ်တိုင် က ပရဟိတလုပ်ငန်းများ ဆောင်ရွက်ရာတွင် ဒါလုပ်မယ်ဆို ပြီး ညီမတို့ကိုမခေါ်ဘူး။ဘာလုပ်မယ် ဆိုတာလည်း မပြောဘူး။ တစ်နှစ်သက်တမ်းအတွင်း နှစ်ကြိမ်မျှသာ ပါဝင်ပူးပေါင်းခွင့်ရခဲ့ သည်ဟု ခင်ဝင့်ဝါက ဆိုသည်။

ထိုင်းနိုင်ငံ ဘန်ကောက်မြို့မှာ ကျင်းပခဲ့သည့်Miss Grand International Myanmar ပြိုင်ပွဲမှာ မြန်မာကိုယ်စားပြု ယှဉ်ပြိုင်ခဲ့သည့်ထားထက်ထက်က ”ဘာကြောင့် လွှဲပေးခွင့် မပေးတာလဲ မသိဘူး။ ညီမတို့ဘက်က စာချုပ်ပါအတိုင်းပဲ သွားခဲ့တာပါ။ဒီလိုတစ်နှစ်ပြည့်ဖို့အလိုလေးမှာ ဒီလို ကြေညာ ခံရတော့ အရမ်းစိတ်မကောင်းဖြစ် မိတယ်”ဟု ပြောသည်။

ထို့အတူ Miss Globe Myanmar  ၂ဝ၁၄  အလှမယ် ဂျူးစံသာကိုလည်း သူမ၏ National Director  ဖြစ်သူ မလှနု ထွန်းကMiss Globe Myanmar  အဖြစ်မှ ရပ်စဲ လိုက်ပြီ ဖြစ်ကြောင်းကို  ဇူလိုင်လ ၂၄ ရက်နေ့ညက ထုတ်ပြန်ကြေညာ ခဲ့သည်ဟု သိရသည်။

အဆိုပါ ကြေညာချက်တွင်ဂျူးစံသာ၏ ကိုယ်စားလှယ် ဖြစ်သူ မလှနုထွန်းက အကြောင်းတရားသုံးခုကို ဖော်ပြခဲ့သော် လည်း အဓိကအချက်မှာ သုံးနှစ်သက်တမ်းရှိ စာချုပ်ကြောင့် ဖြစ်မည်ဟု ယင်းအသိုင်းအဝိုင်းထံမှ သိရသည်။

”အမှန်ဆို နိုင်ငံတကာစည်းမျဉ်းအရMiss တစ်ဦးကို တစ်နှစ်ပဲ စာချုပ်ချုပ်ရမယ်။ တစ်နှစ်ထက်ကျော်ပြီး ချုပ်ရင် ဒီ Miss ကို မွေးထုတ်ပြီးအမြတ်ထုတ်တယ်လို့ မြင်တယ်” ဟု ဦးဝေယံအောင်က ပြောသည်။

သရဖူလွှဲပေးသည့်ကိစ္စ၊ သရဖူပြန်သိမ်းသည့်ကိစ္စက အလှ မယ်တစ်ဦး ထမ်းဆောင်ရမည့်တာဝန်နှင့် ဝတ္တရား ပျက်ကွက် ခြင်းလား၊ နိုင်ငံတကာ ကျင့်ထုံးနှင့် ကိုက်ညီမှု မရှိခြင်းကြောင့် ပေ လော။

မော်ဒယ်အေးဂျင့် ကိုနှစ် ၂ဝကြာ ထူထောင်ထားသည့် မတင်မိုးလွင်က ”အခု မြန်မာမှာ ဖြစ်တဲ့ ပြဿနာက နှစ်ဦး နှစ်ဖက် နားလည်မှုအားနည်းလို့ ပဋိပက္ခတွေ ပေါ်လာတာ ပါ။ နှစ်ဦးနှစ်ဖက် ကိုယ့်လိုအပ်ချက်ကို ပြန်ရှာဖို့ အရေးကြီးတယ်” ဟု ပြောသည်။

”နှစ်ဦးနှစ်ဖက်က ညှိလို့မရတော့တဲ့ ကိစ္စဆိုရင် ပြီးခဲ့တာ တွေ မပြောကြတော့ဘဲ နောက်ထပ်အကောင်းဆုံးကိုပဲ ရွေး ချယ်ကြပါ”ဟု တင်မိုးလွင်က ပြောသည်။

မြန်မာနိုင်ငံ၏ သရဖူသိမ်းသည့် ကိစ္စ၊ လွှဲပေးခွင့် မပေး သည့်ကိစ္စမှာ Miss နှင့် Organization ကြားက ပရဟိတစိတ်၊ အတ္တဟိတစိတ်နားလည်မှုတစ်စုံတစ်ရာ လွဲခြင်း လည်းဖြစ်နိုင် သည်။

အဆိုပါကိစ္စနဲ့ပတ်သက်ပြီး Star and Talent  မော်ဒယ် အေဂျင်စီတည်ထောင်သူ ဂျွန်လွင်က ”မသွားခင်ကတည်းက စာချုပ်ကိုသေသေချာချာချုပ် သင့်တယ်။   အောင်မြင်ပြီး ပြန် လည်းပြန်လာရော စာချုပ်မချုပ်ချင်ကြတော့ဘူး။ အဓိကက ကော်မရှင်မပေးချင်ကြတာပါ” ဟု ပြောသည်။

”အော်ဂနိုင်ဇေးရှင်းဘက်ကလည်း အဲ့ဒီ Miss  တွေ ဆီကရတဲ့ ကော်မရှင်ကိုပရဟိတဒါတွေ လုပ်ပါတယ်ဆိုပြီး ကြေညာခဲ့တာရောရှိလား” ဟု မေးခွန်းထုတ်ခဲ့သည်။
မည်သို့ပင် ဆိုစေကာမူ နိုင်ငံတကာသို့ စေလွှတ်ရန် ရွေး ချယ်ထားသည့် အလှမယ်တစ်ဦးကို တာဝန်မှရပ်စဲပြီး သွား ရောက်ယှဉ်ပြိုင်ခွင့်ပိတ်ပစ်သည့်ပထမ ဆုံးဖြစ်ရပ် သည်  မြန်မာ နိုင်ငံတွင် ဖြစ်ပွားခဲ့ပါပြီ။

”မြန်မာနိုင်ငံကMiss  ပြိုင်ပွဲနဲ့ အလှမ်းဝေးသွားတာ နှစ်ပေါင်း ၅ဝ ကျော်ရှိပြီး အခုကျမှ တစ်နှစ် နှစ်နှစ်အတွင်း ပြန်ခေတ်စားလာတဲ့အတွက် စည်းမျဉ်းစည်းကမ်းတွေ နား လည်မှုပိုင်းမှာ လိုတာဖြစ်မှာပါ” ဟု ဦးဝေယံအောင်က ပြော သည်။

တစ်ခေတ်ဆန်းမြန်မာ့အလှမယ် လောက၏ ပိုင်အိုးနီး ယားဟုဆိုရမည့် အလှမယ်နန်းခင်ဇေယျာက နိုင်ငံတကာ ဆုတံဆိပ်ရ အလှမယ်များအနေနှင့် ပရဟိတအလုပ် များကို အများထက်အာရုံစိုက်ကာ လုပ်ဆောင်သင့်ကြောင်း တိုက် တွန်းသည်။

နှစ် ၅ဝ ကြာမှ ပြန်လည်စေလွှတ်ယှဉ်ပြိုင်ခွင့်ရသည့် နိုင်ငံအလှမယ်ပြိုင်ပွဲကို ရှေ့ဆက်မှာလည်း ပြဿနာပဋိပက္ခ တစ်စုံတစ်ရာမရှိဘဲ နှစ်ဦးနှစ်ဖက်ပြေလည်သည့် သဘော တရားများကို ဆောင်ရွက်နိုင်စေရန်အတွက်  ယခုပဋိပက္ခက စံပြဖြစ်မည်လော။

”တစ်ခဏတာကိုပဲကြည့်ပြီး စာချုပ်ချုပ်မယ်။ ပြန်လာ တော့ မမျှော်လင့်တဲ့ ဆွဲဆောင်မှုတွေကမ်းလှမ်းလာရင် ခံနိုင်ဖို့ ဆိုတာ ခဲယဉ်းတယ်။ ပါးစပ်နဲ့မပြောကြဘဲ စာချုပ် စာတမ်းနဲ့ ဖြစ်သင့်တယ်။ မဟုတ်ရင် မဖြစ်သင့်တာ ဖြစ်လာနိုင်တယ်”ဟု မော်ဒယ်မိခင်ကြီးတင်မိုးလွင်က ပြောသည်။

အမြင်ဆန်းနေသေးသော်လည်း နားလည်လက်ခံထားရ မည်က နိုင်ငံတကာအလှမယ်ပြိုင်ပွဲများသည် လူမှုရေးရော သော စီးပွားရေးပုံစံတစ်မျိုးသာ ဖြစ်သည် ကိုပင်   ဖြစ်သည်။ အောင်မြင်မှုအတွက် လှေကားထစ်များသာ ဖြစ်သည်။ ထို့ ကြောင့်စီးပွားရေးဆိုသည့်အတိုင်း စနစ်တကျ ဖြစ်စေသင့် သည်ဟုဆိုသူများလည်း ရှိသည်။

”စာချုပ်စာတမ်းနဲ့ဆို ပိုပြီးသင့်တော်တယ်။ နှစ်ဖက်စလုံး အတွက် ပိုအဆင်ပြေပါလိမ့်မယ်”ဟု တင်မိုးလွင်က ဆိုသည်။
Popular jopurnal

အူရီးဒူးဂယက်ကြောင့် ဟန်းဆက် အချို့ ဈေးတက်



အူရီးဒူးကုမ္ပဏီမှ မိုဘိုင်း ဆင်းမ်ကတ် များ ရောင်းချပြီးနောက် မိုဘိုင်းဖုန်းဆိုင် များတွင် ဟန်းဆက်များ ဝယ်ယူမှု မြင့်တက် လာပြီး ဟန်းဆက် အမျိုးအစား အချို့ ကျပ်နှစ်သောင်း ဝန်းကျင်ဈေးနှုန်းမြင့်တက် သွားကြောင်း သတင်း ရရှိသည်။

ဇူလိုင်လကုန်မှ စ၍ ရောင်းချပေးနေသည့် အူရီးဒူး ဆင်းမ်ကတ်များ ထည့်သွင်း အသုံးပြုရန် မိုဘိုင်းဟန်းဆက် ဝယ်ယူမှုမြင့်တက် လာပြီး ကျပ်ငါးသောင်းမှ တစ်သိန်းခွဲကြားရှိ 3G ဟန်းဆက် များကို ဝယ်ယူမှု များပြား လာကြောင်း မိုဘိုင်းဖုန်းဆိုင် များမှ စုံစမ်း သိရသည်။

‘‘ဟန်းဆက်က အရင်ကထက် ပိုပြီး အရောင်း ပွင့်တယ်။ အူရီးဒူး အတွက် ဆိုပြီး သပ်သပ်ဝယ်ကြတာ များတယ်။ အဓိကကတော့ ငါးသောင်းနဲ့ တစ်သိန်းကြားကို အဝယ် များလာတယ်’’ ဟု Mr.Fone မှ အထွေထွေ မန်နေဂျာ ကိုထက်လင်းကျော် က ပြောသည်။

မိုဘိုင်းဟန်းဆက် အချို့မှာ နာမည်ကြီး တံဆိပ် အမျိုးအစားဖြစ်သော်လည်း အူရီးဒူး၏ မိုဘိုင်း အင်တာနက်လိုင်းကို အပြည့်အဝ မသုံးစွဲနိုင်ဘဲ လိုင်းပျောက်ခြင်း၊ ဖုန်းပိတ်သွားခြင်း များရှိခြင်းကြောင့် မိုဘိုင်းဖုန်းဆိုင် များသို့ လာရောက် လဲလှယ်ခိုင်းခြင်းများ လည်း ရှိကြောင်း သိရသည်။

အူရီးဒူးဆင်းမ်ကတ် သုံးစွဲနိုင်ပြီး Video Call ခေါ်ဆိုမှု ရရှိနိုင်မည့် Huawei အမှတ်တံဆိပ် ဟန်းဆက် အချို့ကို ဝယ်ယူမှု များပြား လာကာ ရောင်းအားကောင်းသည့် မိုဘိုင်းဟန်းဆက် အချို့မှာ ကျပ်နှစ်သောင်း ဝန်းကျင် ခန့် ဈေးနှုန်းမြင့်တက် သွားကြောင်း မိုဘိုင်းဖုန်းဆိုင် များမှ သိရသည်။

‘‘Huawei Honor 3C ဆို တော်တော် ရောင်းရတယ်။ ပစ္စည်း လည်း ပြတ်တယ်။ ဒီမှာ တချို့ ဟန်းဆက်တွေ တအား ရောင်းရတော့ တရုတ်ဘက်က ကို ဈေးမြင့် လိုက်တယ်။ မဖြစ်သင့် တဲ့ဈေးတွေ၊ တခြား အမျိုးအစားတွေရောပဲ တစ်လ မပြည့်သေး ဘူး။ တစ်သောင်း ကနေ နှစ်သောင်းကျော် အထိ ဈေးကတက် သွားတယ်’’ ဟု အင်းစိန်မြို့နယ်ရှိ ဖုန်းဆိုင်ပိုင်ရှင် တစ်ဦးဖြစ်သူ ကိုတင်ဝင်းလှိုင် က ပြောသည်။

လက်ရှိတွင် အူရီးဒူး ကုမ္ပဏီမှ မိုဘိုင်းဆင်းမ်ကတ် များကို သြဂုတ် ၂ ရက်မှစ၍ ကနဦး စမ်းသပ်ကာလ အဖြစ် တရားဝင် ရောင်းချပေးနေပြီး မိုဘိုင်းဖုန်းဆိုင် များ၌ ဆင်းမ်ကတ် သီးသန့် ဝယ်ယူနိုင်သော်လည်း အချို့ ဆိုင်များတွင် ဟန်းဆက် ဝယ်ယူမှသာ လက်ဆောင် အဖြစ် အဆိုပါ ဆင်းမ်ကတ် များပေးခြင်းဖြစ်ကြောင်း သတင်း ရရှိသည်။

Credit : 7Day

သင့်ရဲ့ဂျင်းဘောင်းဘီကို ၀တ်လိုက်တိုင်း အမြဲတမ်း အထာကျနေအောင် ဘယ်လိုထိန်းသိမ်းရမလဲ (အပိုင်း-၁)


ဂျင်းဆိုတာ ဘယ်တော့မှ ရိုးမသွားမယ့် ဖက်ရှင်ပဲပါ့။ ဂျင်းဘောင်းဘီတစ်ထည်ဆိုရင်လည်း တစ်ထည်ဆို တစ်ထည်ဆိုသလောက် နှစ်ပေါက်အောင်ကို ၀တ်လို့ရတာနော်။ ဒါပေမယ့် ဘောင်းဘီရဲ့ ချုပ်ရိုးချုပ်သား၊ ဒီဇိုင်းစတာတွေကိုတော့ ကိုယ်ကြိုက်ဖို့၊ ကိုယ်နဲ့အဆင်ပြေဖို့ လိုတာပေါ့။ ၀ယ်တုန်းက အဆင်ပြေပြီး သေချာဝတ်ကြည့်လိုက်တာ့မှ အဆင်မပြေတာမျိုး ဒါမှမဟုတ် ကိုယ်အထိန်းအသိမ်း ညံ့လို့ ဂျင်းဘောင်းဘီဟာ လုံးဝမ၀တ်ဖြစ်တော့တာမျိုးတွေ မဖြစ်ရအောင် ကိုယ့်မှာရှိတဲ့ ဂျင်းဘောင်းဘီကို ဘယ်လိုထိန်းသိမ်းရမလဲဆိုတာ အမေးအဖြပုံစံလေးတွေနဲ့ ပြောပြပေးချင်ပါတယ်။

၁။ဂျင်းဘောင်းဘီကို လျှော်မယ်ဆို လက်နဲ့သေချာလျှော်တာက ကောင်းလား၊ သူများတွေ ပြောသလို အခြောက်လျှော်တယ်ဆိုတာမျိုးက ကောင်းသလား။

ဂျင်းကတော့ မလျှော်လေး ကောင်းလေပဲ။ လျှော်တာများရင် အရောင်ကျသွားတတ်သလို တစ်ခါတစ်လေ ၀တ်ရတာ သိပ်အဆင်မပြေတော့တာမျိးတွေ ဖြစ်တတ်တယ်။ လျှော်မယ်ဆိုရင်တော့ လက်နဲ့လျှော်လည်းရတယ်၊ စက်နဲ့ဆိုလည်း ရေညှစ်တာတို့ဘာတို့ မလုပ်ရင်ရတယ်။ တစ်ခုပဲအခြောက်ခံစက်ထဲ ထည့်တာမျိုးတွေ ဘာတွေတော့ မလုပ်သင့်ဘူး။

၂။ဆွဲသားပါတဲ့ဂျင်း၊ နောက် ဖယောင်းလိုဟာမျိုးပါတဲ့ နည်းနည်းပြောင်တဲ့ဂျင်းဆိုရင်ရော ဘယ်လိုလျှော်ရမလဲ။

အဲ့ဒါမျိုးဆိုရင်တော့ မလျှော်နိုင်လေ ကောင်းလေပဲ။ အနံ့အသက်အတွက် စိုးရိမ်တယ်ဆိုရင် ဘောင်းဘီကို ထိပ်ပိတ်ပလတ်စတစ်အိတ်ထဲထည့်ပြီး ရေခဲသေတ္တာထည့် ထည့်ထားလိုက်ရုံပဲ။

၃။အရောင်ရင့်တဲ့ ဂျင်းဘောင်းဘီနဲ့ အရောင်ဖျော့တဲ့ ဂျင်း သူတို့ကိုလျှော်တဲ့အခါ ဘယ်အချက်တွေကို ဂရုစိုက်ပေးဖို့လိုမလဲ။

အရောင်ရင့်တဲ့ ဘောင်းဘီတွေကို ရေအေးနဲ့ပဲ လျှော်ပေးရပါလိမ့်မယ်။ ဒါမှ အရောင်ကျမသွားမှာ။ အရောင်နည်းနည်းဖျော့တဲ့ဟာဆိုရင်တော့ လျှော်တဲ့အခါ အရင့်လောက် စိတ်ပူစရာ မလိုပါဘူး။

၎။ဂျင်းဘောင်းဘီက ၀တ်ရတာ တောင့်တောင့်ကြီးနဲ့ သိပ်အဆင်မပြေဘူး ဖြစ်နေရင် ဘယ်လိုလုပ်ရမလဲ။

တစ်ချိန်လုံးသား ၀တ်နေလိုက်။ အဆင်ပြေသွားလိမ့်မယ်။

၅။ချုပ်ဝတ်မယ်ဆို အပ်ချုပ်ဆိုင် မသွားခင် ဘာတွေ သိထားဖို့ လိုအပ်သလဲ။

ခုသွားအပ်မယ့် ဂျင်းဘောင်းဘီနဲ့တွဲဝတ်မယ့် ဖိနပ်က ဘယ်လိုဖိနပ်မျိုး ဖြစ်မလဲဆိုတာ ကြိုစဉ်းစားသွားရလိမ့်မယ်။ နောက်ပြီးတော့ အတိုင်းကို သေချာလုပ်မှ ဖြစ်မယ်။ ဘယ်လောက်ထိ ရှည်မယ်။ ကွက်တိဆိုလည်း ကွက်တိပေါ့။ ကျန်တာကတော့ ချုပ်တဲ့သူ ကျွမ်းကျင်ရင် စိတ်ပူစရာ မလိုပါဘူး။

Credit: Trend Myanmar