ဖတ်လိုသည့် သတင်းအား နှိပ်၍ ဖတ်ရှုပါ။ 

• သန္တိသုခည အတွင်းရေး
• ကမ္ဘာပေါ်တွင် အချမ်းသာဆုံး ရုပ်ရှင်မင်းသား (၁၀)ဦး
• မြန်မာအိမ်အကူကို အကြမ်းဖက်သည့် အလုပ်ရှင်ကို စင်ကာပူတွင်တရားစွဲ
• မဟာသန္တိသုခကျောင်းကိစ္စ သမ္မတဦးသိန်းစိန် ၀င်ရောက်ဖြေရှင်းမည်မဟုတ်
• ဆင်တစ်ကောင်ရဲ့ ရန်ပြုခြင်းကနေ အံသြဖွယ်ရာ လွတ်မြောက်ခဲ့ (ရုပ်။သံ)
• သူ့ဒုက္ခ - ဟာသ
• Sansung ရဲ့ နောက်ဆုံးထွက် Galaxy Tab S နဲ့ iPad နှိုင်းယှဉ်ချက်
• မြင်သမျှ… ကြားသမျှ
• သံဃာတွေ ကို လူဝတ်လဲမှု အပေါ်တုံ့ပြန်သံများ
• လန်ဒန်ဆရာတော်လွတ်ရေး ဗြိတိသျှအစိုးရကူမယ်
• တကယ်လိုအပ်နေတာက - ဟာသ
• ကျောင်းသား၊ ကျောင်းသူရဲ့လည်ပင်းကို သွေးအေးအေးနဲ့ လှီးရတဲ့ လုပ်ငန်း
• ဒဂုံတက္ကသိုလ် ဥပဒေကျောင်းသားတစ်ဦး ယာဉ်အတိုက်ခံပြီး အဆုံးစီရင်
• ဦးဇင်းတို့ ခိုင်းလို့ အစိုးရက လုပ်တာပဲ ရှိတယ် - ဆရာတော် ဦးဝီရသူ
• ထူးကဲသောအရသာကို ဖော်ဆောင်ပေးမည့် ဟင်းများ၏ လျှို့ ဝှက်ချက်များ
• နောက်ဆုံးထွက်တဲ့ single သီချင်း FU ကိုဖျော်ဖြေနေတုန်းမှာ Selena Gomez ကိုလှောင်ပြောင်ခဲ့တဲ့ Miley Cyrus
• မဟာ သန္တိသုခ ကျောင်းတော်ကြီး အကြောင်း တစေ့တစောင်း
• ၂၀၁၀ ရှုံးကြွေးကို အပြည့်အ၀ ပြန်ဆပ်နိုင်ခဲ့သည့် ဟော်လန်
• ရုပ်ဆိုးဆိုးနဲ့ သရဲ - ဟာသ
• ပုရစ်ကြော်ကြိုက်သူများ သတိထားစရာ
• အစာအိမ် ပာာ နေတဲ့အချိန် မသောက်သင့် မစားသင့်သော အစားအစာများ
• မန်စီးတီးသူဌေးရဲ့ ဇိမ်ခံသင်္ဘောကိုငှားပြီး ကမ္ဘာ့ဖလားဘောလုံးပွဲ ဒိုင်လျှိုလာကြည့်တဲ့ လီယိုနာဒို

မြန်မာ သက္ကရာဇ်ကို ၄ နဲ့မြှောက် မြောက်လို့ရတဲ့ အဖြေကို ၇ နဲ့ စား
အကြွင်းကို အောက်မှာ ဖတ်ပါ။

[မြန်မာမွေးသက္ကရာဇ်ရှာနည်း -မွေးနှစ်ခရစ်နှစ်ထဲက(April 16 ရက် မကျော်လျှင်)- ၆၃၉ ကိုနှုတ်ပါ= မွေးနေ့ မြန်မာသက္ကရာဇ်ရမည် ၊ မွေးနှစ် ခရစ်နှစ်ထဲက (April 16 ရက်ကျော်လျှင်)- ၆၃၈ နှုတ်ပါ = မြန်မာသက္ကရာဇ်ရမည်]

(အကြွင်း ၇ ဆိုလျှင် အကြွင်း ၀ဟောကိန်း နှင့် အတူတူဖြစ်သည်၊
အကြွင်း ၈ ဆိုလျှင် အကြွင်း ၁ ဟောကိန်းနှင့် အတူတူဖြစ်သည်၊
အကြွင်း ၉ ဆိုလျှင် အကြွင်း ၂ နှင့် အတူတူဖြစ်သည်)

အကြွင်း( 1 )
ရခဲ့ရင်တော့လက်မ ထောင်လိုက်ပါ။ ဖိုးကံကောင်းလေးပေါ့။

ကိုယ်ရမဲ့မိန်းကလေးကအပြစ်ကင်းသူလေးပါ။ ကိုယ့်ကျင့် သိက္ခာနဲ့ပြည့်စုံတဲ့သူပါ။

အေးတဲ့ နေရာမှာတော့ ရေခဲက ဆရာခေါ်ရအောင်ပါပဲ။

ရီးစားတောင် ထားရကောင်းမှန်းမသိတဲ့သူပါ။ အလုပ်တဖက် ပညာတစ်ဖက်နဲ့ ဘ၀သမားလေးပါ။

ကိုယ်ပိုင်အစွမ်း အစနဲ့ နေနိုင်တဲ့သူ၊ ဥာဏ်ထက်မြက်တဲ့သူလေးပါ။ တစ်ခါတစ်လေ နွဲ့ဆိုး ဆိုးတက်ပေမဲ့

တည်တည်ကြည်ကြည်နဲ့ နေထိုင်တက်သူဖြစ်မယ်။ သွက်သွက်လက်လက်နဲ့ မိန်းမဆန်တယ်။

ခေတ်မီပေမဲ့ ခေတ် မဆန်ဘူး။ သ၀န်လေးတော့ ကြောင်တက်တယ်။ သူ့ရှေ့မှာ မိန်းကလေးအကြောင်းတော့

ယောင်လို့တောင် မပြောမိစေနဲ့ ချော့ရတာ မောသွားမယ်။ သူများတွေနဲ့ကျရင် လူကြီးဆန်ပြီး ကိုယ့်အပေါ်ကျတော့

ကလေးဆန်လွန်းတော့ မိဘတွေတော့ အမြင်မကြည်ဖြစ်လိမ့်မယ်။ ကိုယ့်အပေါ်မှာတော့ သစ္စာရှိတဲ့သူလေးပါနော်။

အကြွင်း( 2 )
ရခဲ့ရင်တော့ အချစ်ဆိုတာ ပေးဆပ်ခြင်းလို့သာ အဓိပ္ပာယ်ဖွင့်လိုက်ပါတော့။

ကိုယ့်ကတော့ အချစ်သူရဲကောင်းကြီးပါ။ မေတ္တာတရားအပြည့်နဲ့ ခွင့်လွတ်ကြင်နာတက်တဲ့သူပေါ့။

ကိုယ်နဲ့တွေ့မဲ့ မိန်းကလေးက အခြားသူကြောင့် အသဲကွဲဝေဒနာခံစားနေရသူလေးပါ။

သူ့အကြောင်းကို မခြွင်းမချန် ရင်ဖွင့်လာမဲ့သူပေါ့။ ကိုယ်က ကရုနာအပြည့်နဲ့ စီးကြိုမဲ့သူပါ။

သူကလည်း အတိတ်ကလူဆီကို စိတ်မညွတ်ပဲ သစ္စာရှိမဲ့ မိန်းကလေးပါ။

အလွန်သာယာတဲ့ အိမ်ထောင်ရေးဖြစ်လာပါလိမ့်မယ်။ အိမ်ထောင်တာဝန် ကျေပွန်တဲ့အိမ်ရှင်မတစ်ယောက်ပါ။

အချောအလှလေးကလည်း ဖြစ်ဦးမှာ ။ရုပ်ဆင်းရူပါကတော့ လူတကာ ငေးရလောက်တဲ့သူနော်။

အိမ်ထောင်ထိန်းတော်ပြီး ကိုယ့်မိဘအသိုင်းအ၀ိုင်းနဲ့လည်း အဆင်ပြေလို့ နောက်ဆို ကိုယ်ကသမက်လို့တောင်

အထင်ခံရလိမ့်မယ်နော်။

အကြွင်း( 3 )
ရခဲ့ရင်တော့ တော်တော်ကြီးမဲ့သူပဲ…:D တမျိုးမတွေးနဲ့ဆွေကြီးမျိုးကြီးထဲကဖြစ်ဖြစ်၊ မြင့်မြတ်သော

အမျိုးအနွယ် ကဖြစ်ဖြစ် ဒီလို မိန်းကလေးမျိုးနဲ့ အိမ်ထောင်ကျမှာ။ ဂုဏ်ပကာသန ၀န်းကျင်အလည် ကပေါ့။

တော်တော်မာနကြီးမှာ။ စိတ်ကြီး ခေါင်းမာ ပညာတတ် နှလုံးသားချိုသောလည်း ဘုဂွပြောတတ်ပြီး တော် ရုံတန်ရုံကို

အဖက်မလုပ်တက်တဲ့သူမျိုး၊ ပညာတက်ပြီးကိုယ်ပိုင်အရည်အချင်းနဲ့ရပ်တည်နိုင်တဲ့သူ၊

တခုတော့ပြောမယ် ကိုယ်နဲ့ အိမ်ထောင်ကျပြီးလည်း ကိုယ့်အသိုင်းဝိုင်းထဲ ၀င်လာမဲ့သူမျိုး မဟုတ်ဘူး၊

ကိုယ်ကပဲ သူ့အသိုင်းဝိုင်းထဲဝင်ရလိမ့်မယ်။ အနိုင်လိုတာ မဟုတ်ပေမယ့် အနိုင်ကျင့်တဲ့ ၀ါသနာတော့ရှိတယ်။

သူနဲ့အိမ်ထောင်ကျပြီးအပေါင်းအသင်း ငယ်မိတ်ဆွေတွေထဲမှ ခပ်ညံ့ညံ့လာလည်ရင်တော် ရန်ဖြစ်မှာ။ ။

ဒါပေမဲ့ အိမ်ထောင်ကံကောင်းပါတယ်လေ။ အိမ်ထောင်ကြောင့်ဘ၀မှာ ထူးခြားတဲ့ တိုးတက်မူတွေရရှိမှာ။

သူ့ကြောင့်ပဲ တိုးတက်မှုတွေရ လာလိမ့်မယ်။ သူကလဲကိုယ့်ကို တိုက်တိုက်တွန်းတွန်းလေး အလုပ်လုပ်ခိုင်းမှာ။

ကွယ်ရာမှ သူငယ်ချင်းတွေ မိန်းမကြောက်လို့ ပြောရင်တော့ ခံပေတော့ ။

ဒါပေမယ့် အောင်မြင် တဲ့ ယောင်္ကျားတစ်ယောက်နောက်မှာထက်မြက်တဲ့ မိန်းမရှိတယ် ဆိုတာမျိုးပေါ့။

အကြွင်း( 4 )
ရခဲ့ရင်တော့ တော်ဝင်သူလေးပါ။

အသိုင်းဝိုင်းကြီးထဲကနေ အချစ်တွက်အရာရာကို စွန့်လွတ်ပြီးကိုယ့်ဘ၀ထဲ ရောက်လာမဲ့သူလေးပါ။

လေးစားလောက်စရာ လူမျိုးဖြစ်ပါလိမ့်မယ်။

ဘ၀အတွေ့အကြုံနည်းပြီးဘ၀ကိုအေးအေးချမ်းချမ်း၊ ပြည့်ပြည့်စုံစုံနဲ့နေထိုင်ခဲ့တဲ့သူပါ။

သဇင်ပန်းလိုမိန်းမသားနဲ့ အိမ်ထောင်ကျလို့သူငယ်ချင်းများက မုဒိတာပွားကြပါလိမ့်မယ်။

အလွန်သီးခံတက်၊ ခွင့်လွတ်တက်ပေမဲ့ မဟုတ်တာလုပ်ရင်တော့ တော်တော်ကိုပွဲကြမ်းမဲ့သူ မာနခဲမလေးပါ။

မိဘတွေနဲ့လည်း အဆင်ပြေပါလိမ့်မယ်။ အပေးကမ်းလည်းရက်ရောတယ်။ အရာရာကိုယ့်သဘောပါ။

အဲ နောက်တယောက်တော့ စိတ်နဲ့တောင် ရှုတ်ဖို့မစဉ်းစားနဲ့ ကွာရှင်းစာချုပ် လက်မှတ်ထိုးပြီးသားပဲနော်။

သဘောထားကြိးပေမဲ့ ဒါမျိုးတော့ ခွင့်မလွတ်တက်ဘူး၊

အပြင်အလုပ်ထွက်လုပ်ရင်တောင် အိမ်ထောင်မှု မလစ်ဟင်းစေရတဲ့သူမျိုးပါ။

မိန်းမရကံကောင်းပါတယ်။

အကြွင်း( 5 )
ရခဲ့ရင်တော့ ဆိုရှယ်မမပဲ၊ ခေတ်ထက်ကို ရှေးကပြေးနေတဲ့ သူလေ၊ေ ဟာ့ရှော့လို့ပြောရမလား၊

အလန်းဇယားလို့ပြောရမလား (ရုပ်ရှင်ကြေငြာဝင်တာမဟုတ်ပါ) အတော်ကို စတိုင်မိတဲ့ မလိုင်ခဲမမနော်။

ပြင်ဆင်ထားပုံများကတော့ မားကတ်မှာ အလှပြထားတဲ့ ကော်ပတ်ရုပ်နဲ့နင်လားငါလား၊ ရီးစားများတာလား

လာမပြောနဲ့ ရှင့်တောင်သနားလို့ ယူထားတာနော်။

လွတ်လပ်မှုကို မြတ်နိုးပြိး ကိုယ်ပိုင်အစွမ်းအစနဲ့ နေချင်တဲ့သူ၊

သွားများ မပြောမိစေနဲ့ ကိုယ့်ကို ပြန်တရား ဟောသွားလိမ့်မယ်။

သူ့ကျေးဇူးနဲ့ နိုင်ငံခြားလည်း ရောက်ဦးမယ်။

ပညာတော်သင်တော့ မဟုတ်ဘူး၊ အလုပ်လုပ်ဖို့ အတင်းလွတ်လိုက်တာ၊

ပစ္စည်းဆိုလည်း အကောင်းစားမှ သုံးတာ၊ အစားအသောက်ဆိုလည်း ထမင်းချက် ကောင်းကောင်းခန့်ပေးထားရမယ်။

သူနဲ့အိမ်ထောင်ကျပြီး သူ့ပုံစံအတိုင်း ကိုယ်ပါမျောပါသွားလို့ သူငယ်ချင်းတွေ လမ်းတွေတောင် မမှတ်မိဖြစ်နေလိမ့်မယ်။

အကြွင်း( 6 )

ရခဲ့ရင်တော့ မေတ္တာတရားကြီးမားတဲ့သူပါ။

တစ်ယောက်အကြောင်း တစ်ယောက်သိတဲ့ သူငယ်ချင်းလို မိတ်ဆွေလိုကနေ အဆင့်တက်သွားမှာပါ။

သူနဲ့ အိမ်ထောင်မကျခင် ကိုယ့်မှာ ရီးစားရှိခဲ့တာလည်း သူကသိနှင့်ပြီးသားပါ။

မမျှော်လင့်ပဲ သံယောဇဉ်တွယ်ပြိး ချစ်သွားကြမှာ၊ အိမ်ထောင်ကျပြီး သူ့မေတ္တာရိပ်အောက်မှာ အေးအေးချမ်းချမ်းနေရမှာပါ။

ဆိုးတိုင်ပင် ကောင်းတိုင်ပင် နှစ်ယောက်သား အတူသွားအတူလာ ဖြစ် လိမ့်မယ်။

သဘောထားကြီးပြီး အရမ်းချစ်တက်တဲ့ မိန်းကလေးပါ။

နားလည်မှုရှိပြီးကိုယ့်ပတ်ဝန်းကျင်နဲ့ အဆင်ပြေမဲ့သူပါ။

အိမ်ထောင်ကျပြီး နောက်ကိုယ့်အလုပ်တွေကို ၀ိုင်းကူပြီး ကြီးပွားရေး စီးပွားရေးတွေ လုပ်ဖြစ်ပါလိမ့်မယ်။

သင့်အတွက် အရာအားလုံး သူ့လက်သူ့ခြေနဲ့ကိုယ်တိုင်လုပ်ပေးရမှ ကျေနပ်တဲ့သူမျိုးပါ။

သင့်ကို သူငယ်ချင်းတွေ ၀ိုင်းပြီးအားကျနေလိမ့်မယ်။

အကြွင်း( 0 )
ရခဲ့ရင်တော့ တော်တော်လေးထူးခြားတဲ့ အိမ်ထောင်ရေးကို ပိုင်ဆိုင်ရပါလိမ့်မယ်။

ကိုယ့်ထက် တစ်ခုခုကြီးတဲ့ မိန်းကလေးမျိုးနဲ့ အိမ်ထောင်ကျလိမ့်မယ်။

အသက်တို့ ပညာတို့ ဂုဏ်တို့ ကိုပြောတာနော်…:D။

ဘာသာမတူတာမျိုးလည်း ဖြစ်တက်တယ်။ ကိုယ့်အပေါ်မှာ အလိုလိုက်လိမ့်မယ်။

အရိပ်တကြည့်ကြည့်နဲ့ စိတ်မချဖြစ်တက်တယ်။

သူများ ပစ်သွားမလားဆိုတဲ့ စိုးရိမ်စိတ်လေးနဲ့ အလှတော့ အတော်ပြင်မဲ့သူပဲ၊

ကိုယ့်အပေါ်မှာမိခင်မေတ္တာမျိုးနဲ့ ချစ်လိမ့်မယ်။

ကိုယ်ဆိုးသမျှ အနွံအတာခံပြီး သူစိတ်အလိုမကျရင်တော့ မျက်ရည်လေး ကလယ်ကလယ်နဲ့ ဖြစ်လိမ့်မယ်။

ဘ၀မှာ ကြုံတွေ့ရမဲ့ အခက်အခက်တွေကို လက်တွဲမဖြုတ်ပဲ ရင်ဆိုင်ပေးမဲ့သူမျိုးပါ။

ခေတ်ပညာတက်ပြီး အစွမ်းအစရှိတဲ့သူ၊ ဆရာလုပ် အမိန့်ပေးနိုင်တဲ့သူပါ။

(အကြွင်း ၇ ဆိုလျှင် အကြွင်း ၀ဟောကိန်း နှင့် အတူတူဖြစ်သည်၊ အကြွင်း ၈ ဆိုလျှင် အကြွင်း ၁ ဟောကိန်းနှင့် အတူတူဖြစ်သည်၊ အကြွင်း ၉ ဆိုလျှင် အကြွင်း ၂ နှင့် အတူတူဖြစ်သည်)

မြန်မာ.ရိုးရာဗေဒင်ပညာရပ်

၁၃.၆.၂၀၁၄ရက်နေ့၁၅၀၀အချိန် ဒဂုံမြိုသစ်(ဆိပ်ကမ်း)မြို့မရဲစခန်းမှ တပ်ဖွဲ့ဝင်များသည် ရန်ကုန်ဆေးရုံကြီးတွင် အမျိုးသားတစ်ဦး သေဆုံး
ရောက်ရှိနေကြောင်းသတင်းအရသွားရောက်စစ်ဆေးခဲ့ရာ သေဆုံးသူမှာ
အောင်သီဟ (၂၁)နှစ်၊ ကျုံပျော်မြို့နယ်၊ ဧရာဝတီတိုင်းဒေသကြီးနေသူ
ဖြစ်ပြီး ၎င်းတွင် ဝဲခါးရိုးဖူးရောင်ဒဏ်ရာရရှိကာ ထားသည်ကိုတွေ့ရှိ
ရပါသည်။

ဖြစ်စဉ်အားစုံစမ်းရာ သေဆုံးသူသည် ဒဂုံမြို့သစ်(ဆိပ်ကမ်း)မြို့နယ်၊ (၆၀)ရပ်ကွက်ရှိ ဆောက်လုပ်ရေး လုပ်ငန်းခွင်တွင် အလုပ်လုပ်ကိုင်
နေစဉ် ၎င်းစီးထားသောဖိနပ်မှာ တူးလက်စ ဘိုးပိုင်တွင်းထဲသို့ကျသွား
ခဲ့သဖြင့် ဆင်းကောက်ပြီး ပြန်အတက်တွင် ၎င်း၏ခါးအား ဘိုးပိုင်စက်မှ
ဘားကပ်(တွင်းတူးကိရိယာ)နှင့် ရိုက်မိသဖြင့် ဒဏ်ရာရရှိခဲ့၍ ရန်ကုန်
ဆေးရုံကြီးသို့ပို့အပ်စဉ် သေဆုံးသွားခြင်းဖြစ်ကြောင်း သိရှိခဲ့ရပါသည်။

၎င်းသေဆုံးမှုနှင့်ပတ်သက်၍ ဒဂုံမြို့သစ်(ဆိပ်ကမ်း)မြို့မရဲစခန်း
သေမှုသေခင်းအမှတ်စဉ် (၁၁/၂၀၁၄) ဖြင့်ရေး ဖွင့်စစ်ဆေးလျက်
ရှိကြောင်း သတင်းရရှိပါသည်။

Yangon Police

ရန်ကုန်၊ ဇွန် ၁၄

၁၃.၆.၂၀၁၄ ရက်နေ့ ၂၃၃၀ အချိန် ရွှေပြည်သာမြို့မရဲစခန်းမှ တပ်ဖွဲ့ဝင်များသည် ရွှေပြည်သာမြို့နယ်၊ (တ/၁၅)ရပ်ကွက်၊
လှော်ကားဘူတာဈေးအနီး မြို့ပတ်လမ်းဘေးတွင် အမျိုးသား
တစ်ဦးမှာ ရိုက်နှက်ခံရ ကြောင်း သတင်းအရသွားရောက်စစ်ဆေး
ခဲ့ပါသည်။

ထိုသို့သွားရောက်စစ်ဆေးခဲ့ရာ မြို့ပတ်လမ်းနှင့်ကိုက်(၅၀)ခန့်
အကွာရှိ ရေကန်ဘောင်ပေါ်တွင် အသက်(၃၀)နှစ်ခန့်ရှိ အမည်မသိ
အမျိုးသားတစ်ဦးမှာ ဦးခေါင်းယာဘက်ပေါက်ပြဲ၊ ၀ဲမျက်ခမ်းပေါက်ပြဲ
ဒဏ်ရာများဖြင့် သေဆုံးနေသည်ကို တွေ့ရှိရပါသည်။

ဖြစ်စဉ်အားစုံစမ်းရာ သေဆုံးသူအား အမျိုးသား(၂)ဦးမှ ၀ိုင်းဝန်း
ရိုက်နှက်ခဲ့ကြပြီး အနီးရှိ ရေကန်ဘောင် ပေါ်သို့တွဲခေါ်သွားကာ ပစ်ချထားခဲ့ကြောင်းသိရှိရသဖြင့် ဆက်လက်စုံစမ်းဖော်ထုတ်ခဲ့ရာ
ရိုက်နှက်သူ အမျိုးသား(၂)ဦးမှာရွှေပြည်သာမြို့နယ်နေသူများဖြစ်သည့်
ကျော်နိုင်ညွန့်(ဘ)ဦးမောင်ညွန့်နှင့် ကျားကြီး (ဘ)ဦးသန်းဝင်းတို့
ဖြစ်ကြောင်းသိရှိရပါသည်။

၎င်းအမျိုးသားသေဆုံးမှုနှင့်ပတ်သက်၍ ရွှေပြည်သာမြို့နယ်၊ လှော်ကား
နယ်မြေရဲစခန်း (ပ)၁၆၆/၂၀၁၄၊ ပြစ်မှုပုဒ်မ ၃၀၂/၁၁၄ ဖြင့် အမှုဖွင့်လှစ်
ကာ ပြစ်မှုကျူးလွန်သူ ကျော်နိုင်ညွန့်နှင့် ကျားကြီးတို့(၂)ဦးကို ဖမ်းဆီး
ရမိရေးဆောင်ရွက်လျက်ရှိကြောင်း သတင်းရရှိပါသည်။

Yangon Police

လွှတ်တော်ကိုယ်စားလှယ် အမျိုးသားများ ခေါင်းပေါင်း ပေါင်းထားခြင်းသည် ကျန်းမာရေး ထိခိုက်နိုင်သဖြင့် လွှတ်တော်အစည်းအဝေးတွင် ခေါင်းပေါင်းချွတ်ထားခွင့်ပြုရန် အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော် ကိုယ်စားလှယ် ဦးဝင်းထိန်က ဇွန်လ ၁၃ ရက်တွင် ကျင်းပသော ပြည်သူ့လွှတ်တော် အစည်းအဝေး၌ တင်ပြသည်။

လွှတ်တော်ကိုယ်စားလှယ် (အမျိုးသားများ) ရေရှည် ခေါင်းပေါင်း ပေါင်းထားခြင်းသည် ကျန်းမာရေး ထိခိုက်နိုင်သဖြင့် လွှတ်တော်ဥက္ကဋ္ဌ နေရာယူထားပြီးသည့် အချိန်မှစ၍ ခေါင်းပေါင်းများကို ချွတ်ထားရန် အစီအစဉ် ရှိ၊ မရှိ ပြည်သူ့လွှတ်တော် ကိုယ်စားလှယ် ဦးဝင်းထိန်က ပြည်သူ့လွှတ်တော်သို့ မေးမြန်းခဲ့ခြင်းဖြစ်သည်။

ခေါင်းပေါင်းကို တစ်နေ့လျှင် အနည်းဆုံး သုံး၊ လေးနာရီ ပေါင်းထားရသည့်အတွက် အသက်ငယ်ရွယ်သော လွှတ်တော်ကိုယ်စားလှယ်များအတွက် ကိစ္စမရှိသော်လည်း အသက်အရွယ်ကြီးသော ကိုယ်စားလှယ်များအတွက် ရေရှည်တွင် ကျန်းမာရေး ထိခိုက်နိုင်သည်ဟု ဦးဝင်းထိန်က လွှတ်တော်သို့ ပြောသည်။

ယင်းမေးခွန်းကို ပြည်သူ့လွှတ်တော် ကျန်းမာရေးမြှင့်တင်မှုကော်မတီမှ ဒေါက်တာအောင်သန်းက ပြန်လည်ဖြေကြားရာတွင် ခေါင်းပေါင်းသည် နိုင်ငံတွင်းရှိ တိုင်းရင်းသားလူမျိုးများ၏ ဂုဏ်ထူးဝိသေသတစ်ခုဖြစ်ကြောင်း၊ ပြည်သူ့လွှတ်တော် အစဉ်အလာ မြန်မာ့လွှတ်တော် သမိုင်းကြောင်းအရတွင်လည်း ခေါင်းပေါင်းကို ဂုဏ်ထူးဝိသေသတစ်ခုအဖြစ် ၀တ်စားဆင်ယင်ခဲ့သည်ကို တွေ့ရကြောင်း ထည့်သွင်းပြောကြားခဲ့သည်။

ထို့ပြင် ကျန်းမာရေးရှုထောင့်အရ ခေါင်းပေါင်းကြောင့် ဦးခေါင်းပိုင်းရှိ သွေးကြောများကို ဖိထားသဖြင့် ခေါင်းနောက်ကျိ ခြင်း၊ ဆံပင်ကျွတ်ခြင်းများ ဖြစ်နိုင်သော်လည်း အသက်အန္တရာယ်ရှိနိုင်သည့် အတိုင်းအတာတစ်ခုထိ မရောက်ကြောင်း၊ နိုင်ငံ နှင့် တိုင်းရင်းသားလူမျိုးများ၏ ၀ိသေသအရ ခေါင်းပေါင်းပေါင်းခြင်းကို မူလအတိုင်း ထားရှိသင့်ကြောင်း ဒေါက်တာအောင်သန်း က ပြန်လည်ဖြေကြားသည်။

ပြည်သူ့လွှတ်တော် ဥက္ကဋ္ဌ သူရဦးရွှေမန်းကလည်း လွှတ်တော် ကိုယ်စားလှယ်များ အနေဖြင့် လွှတ်တော်အစည်းအဝေး ခေတ္တရပ်နားချိန်များတွင် ခေါင်းပေါင်းကို ချွတ်ထားနိုင်ကြောင်း၊ လွှတ်တော်ဥက္ကဋ္ဌဆိုလျှင် ခေါင်းပေါင်းအပြင် ၀တ်ရုံကိုပါ ၀တ်ဆင်ထားရကြောင်း၊ လွှတ်တော် က ၀တ်စားဆင်ယင်မှုနှင့် ပတ်သက်ပြီး ယခင်အတိုင်းသာဆောင်ရွက်ရန် လွှတ်တော်ကိုယ်စားလှယ်များကို အသိပေး တင်ပြခဲ့သည်။

ပြီးခဲ့သည့်  န၀မအကြိမ်မြောက် အစည်းအဝေးတွင် လွှတ်တော်ကိုယ်စားလှယ်တစ်ဦးသည် လွှတ်တော်အစည်းအဝေးခန်းမအတွင်း မူးလဲကျရာတွင် အရေးပေါ် အသက်ကယ်ဆယ်မှုများ ပြုလုပ်ခဲ့သော်လည်း အသက်ဆုံးရှုံးခဲ့ရသည်။

7day daily

ပြီးခဲ့တဲ့ရက်ပိုင်းက ပြည်သူ့လွှတ်တော်မှာ ရထားပို့ဆောင်ရေးဝန်ကြီးဌာန ပြည်ထောင်စုဒုဝန်ကြီး ဦးချန်မောင်က စက်မှုဇုန်ထုတ် ဂျစ်ကားတွေနဲ့ လိုက်ထရပ်ကားတွေကို ယာဉ်အိုနဲ့ ယာဉ်ဟောင်း ဖျက်သိမ်းရေးအစီအစဉ်အရ သံရည်ကြိုစက် ပို့တာ လက်ခံတော့မယ်လို့
ကြေညာပြီးနောက် စလစ်ဈေး ၁၅ သိန်းကျော် ကျဆင်းခဲ့ပါတယ်။

ပြီးခဲ့တဲ့ရက်ပိုင်းက ကားဟောင်းအပ်ပြီး တပတ်ရစ် ကားတစီး ပြန်သွင်းနိုင်တဲ့ ကားစလစ် ၁ စောင် ကျပ် ၁၁၅ သိန်း ရှိပြီး ခုအခါ ကျပ် သိန်း ၁၀၀ လောက်ပဲ ရှိတော့တယ်လို့ ဆိုပါတယ်။

ပြည်ထောင်စုဒုဝန်ကြီးပြောတဲ့ သံရည်ကြိုစက် ပို့ရမယ့် ဂျစ်ကားဈေးနှုန်းတွေကတော့ နဂို ကျပ် သိန်း ၂၀နဲ့ ၂၅ သိန်းရှိရာကနေ အခု ကျပ် သိန်း ၄၀ ကျော်အထိ မြင့်တက်လာတယ်လို့ ဆိုပါတယ်။

မြန်မာပြည်က ကားဈေးနှုန်း ဈေးကွက်ဟာ အစိုးရက ဘယ်ကားတွေကို သံရည်ကြိုစက် ပို့ဖို့ ညွှန်ကြားမယ်၊ ပြည်ပက သွင်းလာတဲ့ ကားတွေကို အခွန်ဘယ်လောက် ကောက်မယ်ဆိုတဲ့
အပေါ် မူတည်ပြီး အတက်အကျ ဖြစ်နေကြောင်း ကားပွဲစားတွေက ပြောပြကြပါတယ်။


DVB Burmese

နိုင်ငံတော် သမ္မတကြီးဦးသိန်းစိန်မှ မိမိ ပညာသင်ကြားခဲ့ဘူးသည့် ဧရာဝတီတိုင်းဒေသကြီး ပုသိမ်မြို့ အမှတ်(၁) အခြေခံပညာအထက်တန်းကျောင်းမှ ပျက်စီး ယိုယွင်း နေသော စာသင်ဆောင်များအား ပြုပြင်ဆောင်ရွက်ပေးမည် ဟုပြောကြားခဲ့ကြောင်း သိရသည်။
ဇွန်လ(၁၃)ရက်နေ့ ညနေလေးနာရီခန့် အချိန်တွင် အ.ထ.က(၁)ကျောင်းအတွင်း မိမိနှင့်အတူ ကျောင်းတက်ခဲ့ဘူးသည့် ကျောင်းသားဟောင်းများ လက်ရှိ ပညာသင်ကြားနေသောဆရာ/မများ ကျောင်း အကျိုးတော်ဆောင်များနှင့် တွေ့ဆုံစဉ် ယင်းသို့ ဆောင်ရွက်ပေးမည်ဖြစ်ကြောင်း ပြောကြားခဲ့သည်။

“ရုပ်ပိုင်းဆိုင်ရာကို တာဝန်ယူသလို အရည်အချင်းရှိတဲ့ ကျောင်းတစ်ကျောင်းဖြစ်ဖို့ စည်းကမ်းရှိဖို့ ကိုယ်ကျင့် တရားကောင်းဖို့ အနှစ်သာရပိုင်းဆိုင်ရာ ဖြစ်တဲ့ ကျောင်းသား၊ကျောင်းသူတွေ အောင်ချက်ကောင်းအောင် ဆရာ၊ဆရာမတွေအနေနဲ့ ကြိုးစား ဆောင်ရွက်ပေးဖို့ လိုပါတယ်”ဟုနိုင်ငံတော်သမ္မတကြီး ဦးသိန်းစိန်မှ ပြောကြားခဲ့သည်။

နိုင်ငံတော် သမ္မတကြီး ဦးသိန်းစိန်သည် ဧရာဝတီတိုင်းဒေသကြီး ငပုတောမြို့နယ် ဟိုင်းကြီးကျွန်း မြို့နယ်ခွဲ ကျုံကူး ကျေးရွာ ဇာတိဖြစ်ပြီး၊ပုသိမ် အမှတ်(၁)အခြေခံပညာ အထက်တန်းကျောင်းတွင် ၁၉၅၄ခုနှစ်မှ ၁၉၇၆ခုနှစ် အထိ ကျောင်းအုပ်ဆရာမကြီး ဒေါ်ကျင်စိန် (၁)လက်ထက်တွင် အထက်တန်းပညာကို သင်ကြားခဲ့ခြင်းဖြစ်သည်။

“ကျွန်မတို့အနေနဲ့ဆို တတ်နိုင်မှာမဟုတ်ဘူး။ ခုလို ဆောင်ရွက်ပေးခြင်းကို အထူးကျေးဇူးတင်ပါတယ်။ ဒီနှစ်အ.ထ.က(၁)က ဘာသာစုံ ဂုဏ်ထူးရှင်မပါတာ သူစိတ်မကောင်းဘူး လို့ ပြောတယ်။ လာမယ့် နှစ်တွေမှာလည်း ဂုဏ်ထူးရှင်တွေ ထွက်ပေါ်အောင်လည်း ကြိုးစား ဆောင်ရွက်ပေးဖို့ ကိုလည်း
သမ္မတကြီးက ပြောကြားခဲ့ ပါတယ် ” ဟု အ.ထ.က(၁)မှ ကျောင်းအုပ်ဆရာမကြီး ဒေါ်သန်းသန်းအေးမှ ပြောပြခဲ့သည်။

သမ္မတကြီးမှ ပျက်စီးယိုယွင်းနေသော ကျောင်းဆောင်များကို ပြန်လည်ပြုပြင်မွမ်းမံတည်ဆောက်ပေးမည်ဖြစ်ပြီး ကျောင်းဝင်းအတွင်း ကွန်ကရစ်လမ်းများ
ကွန်ပျူတာနှင့်အင်တာနက်များ ကို ချိတ်ဆက် ဆောင်ရွက် ပေးသွားမည် ဖြစ်ကြောင်း သိရသည်။

လင်းလင်း
မြန်မာ့ခေတ်

တရုတ် စီးပွားရေး လုပ်ငန်းရှင် တစ်ဦးဟာ ပြီးခဲ့တဲ့နှစ် အနည်းငယ်အတွင်း ကျားကောင်ရေ သုံးကောင်ခန့် ကို စားသုံးခဲ့တာမို့ ထောင်ဒဏ် ချမှတ်ခံခဲ့ ရတယ်လို့ သိရပါတယ်။ Guangxi အရပ်ဒေသမှာ နေထိုင်ပြီး၊ မစ္စတာဇူလို့ လူသိများတဲ့ အိမ်ခြံမြေ စီးပွားရေး လုပ်ငန်းရှင်ကြီးဟာ သူငယ်ချင်း ဖြစ်သူတွေနဲ့ အတူ ကျားတွေကို စားသုံးခဲ့တာဖြစ်ပါတယ်။ တရုတ်နိုင်ငံက လူချမ်းသာတွေဟာ ကျားတွေကို ပြည်ပနိုင်ငံတွေ ကနေမှာ ယူစားသုံးလေ့ရှိ ပါတယ်။ တရုတ် တိုင်းရင်းဆေးပညာမှာ ကျားအရိုး၊ ကျားမျက်စိစတဲ့ အစိတ်အပိုင်းတွေကို စားသုံးပါက ကျန်းမာရေးအရ များစွာ အထောက်အကူ ဖြစ်စေတယ်လို့ သိရပါတယ်။

ကျားတွေဟာ ရဲရင့်သန်မာတာမို့ ဒီလို အယူအဆ ဖြစ်ပေါ်လာခဲ့တာပါ။ တရုတ်စီးပွားရေး လုပ်ငန်းရှင် တွေဟာ အထူး စားသောက်ပွဲတွေမှာ ကျားတွေကို ချက်ပြုတ်ပြီး တည်ခင်း ဧည့်ခံလေ့ရှိပါတယ်။ မစ္စတာဇူကို လည်း စားသောက်ပွဲမှာ အထောက်အထား ခိုင်လုံစွာ တွေ့ခဲ့ရတာမို့ ဖမ်းဆီး ခဲ့ခြင်း ဖြစ်ပါတယ်။ တရားရေး ရင်ဆိုင်ရာ တာဝန်ရှိသူတွေ ကတော့ မစ္စတာဇူဟာ ကျားဝှေးစေ့ကို စားသုံးပြီး၊ ကျားသွေးတွေကိုလည်း သောက်ခဲ့ကြောင်း၊ အတည်ပြု ပြောကြားခဲ့ ပါတယ်။ မစ္စတာဇူ နဲ့ အပေါင်းအပါ (၁၄) ဦးဟာ ပြီးခဲ့တဲ့ နှစ် အနည်းငယ်အတွင်းမှာ ကျားကောင်ရေ (၁၀) ကောင်ထက် မနည်း စားသုံးခဲ့တယ်လို့ ၀န်ခံထားပါတယ်။ တရုတ်နိုင်ငံအတွင်းမှာ ကျားတွေကို စားသုံးမှုကြောင့် အကောင်ရေ တဖြည်းဖြည်း ရှားပါးလာပြီး၊ ဆားဘီးယား ကျားတစ်ကောင်ရဲ့ အရေခွံ တစ်ခုတည်း ပေါင် (၈၀၀၀၀) အထိ တန်ကြေး ရှိကြောင်း သိရပါတယ်။

Messenger News Journal

ရန်ကုန်မိုးဖွဲများအကြား သန်းခေါင်ယံ စစ်ဆင်ရေးတစ်ခု ဆင်နွှဲနေသည်ဆိုသော သတင်းက ပြည်တွင်းပြည်ပသို့ ချက်ချင်း ပျံ့နှံ့သွားသည်။ ဗုဒ္ဓဘာသာ ဘုန်းတော်ကြီးကျောင်းတစ်ခုကို သံဃာ့အဖွဲ့အစည်းဝင်များက ညသန်းခေါင်ယံ၌ ဝင်ရောက်စီးနင်းမှုမှာ စစ်မြေပြင်ရှိ ရန်သူ့စစ်စခန်းတစ်ခုကို တက်ရောက် သိမ်းပိုက်သည့်အလား။ရန်ကုန်တိုင်းဒေသကြီး အစိုးရက ဆန္ဒပြသပိတ်စခန်း အချို့ကို ဝင်ရောက် ဖြိုခွဲသည့် လုပ်နည်းလုပ်ဟန်နှင့် ထပ်တူကျနေမှုများက မေးခွန်းထုတ်စရာ ဖြစ်လာသည်။ ယင်းမှာ ၂၀၀၇ သံဃာ့အရေးအခင်းပြီး နောက်ပိုင်း ဘုန်းတော်ကြီးကျောင်းအတွင်း အဆိုးရွားဆုံးသော ညအချိန် ဝင်စီးမှုလည်း ဖြစ်သည်။

သံဃာအပါး ၃၀၀ ခန့် အပါအဝင် ရဲတပ်ဖွဲ့နှင့် သာသနာရေးဦးစီးဌာန တာဝန်ရှိသူများ ပူးပေါင်း၍ တာမွေမြို့နယ် နတ်ချောင်း ရပ်ကွက်အတွင်းရှိ ပြည်ပသာသနာပြု ပီနန်ဆရာတော် သီတင်းသုံးရာ မဟာသန္တိသုခကျောင်းတိုက်ကို ဝင်ရောက်စီးနင်းခဲ့ပြီး ကျောင်းတိုက်အတွင်းရှိ ရဟန်းသံဃာအချို့နှင့် လူပုဂ္ဂိုလ်များကို ခေတ္တထိန်းသိမ်းခဲ့ခြင်း ဖြစ်သည်။ ယင်းသို့ ကျောင်းတိုက်ကို ဝင်ရောက် စီးနင်းရန်အတွက် မြို့နယ် ၁၃ မြို့နယ်မှ သံဃနာယက တာဝန်ရှိသူများ ည ၈ နာရီခွဲဝန်းကျင် အချိန်ကစ၍ ဗဟန်းမြို့နယ် အတွင်းရှိ ရန်ကုန်တိုင်း သံဃနာယက ရုံးခန်းတွင် စုဝေးနေကြခြင်း ဖြစ်သော်လည်း လာရောက်သူ သံဃာတော် အများစုက ယနေ့ည လုပ်ဆောင်မည့် အစီအစဉ်ကို စိုးစဉ်းမျှမသိ။
“တစ်မြို့နယ်ကို ၂၂ ပါးနှုန်းနဲ့ ၁၃ မြို့နယ်က သံဃနာယကတွေကို တိုင်းသံဃနာယကအဖွဲ့က လျှို့ဝှက်အစည်းအဝေး ဆိုပြီး ဖိတ်တယ်” ဟု အဆိုပါ အစည်းအဝေးသို့ ပါဝင် တက်ရောက်ခဲ့သူ သံဃာတော်တစ်ပါးက ထုတ်ဖော် မိန့်ကြားသည်။

တိုင်းသံဃနာယက အစည်းအဝေး ခန်းမအတွင်း သံဃာတော်များ အစုံအလင် ရောက်ရှိနေပြီ ဖြစ်သော်လည်း တိုင်းဥက္ကဋ္ဌ ဆရာတော် ဦးဣဒ္ဓိဗလနှင့် အခြားသံဃာတစ်ပါးက ည ၁၀ နာရီ ဝန်းကျင်မှသာ အစည်းအဝေး ခေါ်ယူရသည့် အကြောင်းရင်းနှင့် မဟန (နိုင်ငံတော်သံဃ မဟာနာယက) အဖွဲ့က ထုတ်ပြန်သည့် ညွှန်ကြားလွှာကို ဖတ်ပြသည်။ ဇွန်လ ၁၀ ရက် နေ့စွဲဖြင့် ထုတ်ပြန်သည့် ညွှန်ကြားစာမှာ မဟာသန္တိသုခ ဗုဒ္ဓသာသနာပြု ကျောင်းတော်ကြီးကို ချိတ်ပိတ်ရန်နှင့် ကျောင်းတိုက်ရှိ သံဃာတော်များကို ဖယ်ရှားရန်။

“အရှင်ဘုရားတို့ ဖုန်းတွေ ပိတ်ထားပါ။ တပည့်တော် ဒီကိစ္စထက် အရေးကြီးတာ ဘာမှမရှိဘူး” ဟု အဆိုတော် မာမာအေး၏ တေးသံတစ်ခုကြောင့် စိတ်အနှောင့်အယှက် ဖြစ်သွားဟန်တူသော တိုင်းသံဃနာယက ဥက္ကဋ္ဌဆရာတော်က ယင်းအစည်းအဝေးတွင် မာန်ပါပါ ဆိုလိုက်သည်။
“ညီတော် နောင်တော်တွေက သတ္တိရှိရှိနဲ့ သမိုင်းကြောင်းရေးပါ။ နိုင်ငံတော် သံဃမဟာနာက ပိုင်တဲ့ကျောင်းကို မကာကွယ်ရင် ဘယ်သူ့ကျောင်း ကာကွယ်မလဲ။ အရှင်ဘုရားတို့ ကိုယ်ကျရာ တာဝန်ကို ပြတ်ပြတ်သားသားလုပ်ပါ။ သတ္တိရှိရှိနဲ့ လုပ်ဖို့ အထူးမှာချင်ပါတယ်။ ကမ္ဘာက စိတ်ဝင်စားတဲ့ သန္တိသုခကို ဒီနေ့ မှတ်တမ်းတင်မှာပဲ” ဟု အဆိုပါ ဥက္ကဋ္ဌဆရာတော် ဦးဣဒ္ဓိဗလက ထပ်မံတိုက်တွန်းကြောင်း The Voice Weekly က သီးသန့် ရရှိထားသော အသံဖိုင်အရ သိရသည်။

သန္တိသုခ သမိုင်းကြောင်းကို ရန်ကုန်တိုင်း ဥက္ကဋ္ဌဆရာတော်၊ မြို့နယ် သံဃနာယကများနှင့် တိုင်းဒေသကြီး အစိုးရတို့က ရှင်းလင်းခဲ့ကြောင်း မှတ်တမ်းရေးထိုး ရမည်ဟု ဆရာတော်က ဆက်မိန့်သည်။
“အဲဒီအထဲ (သန္တိသုခကျောင်းတိုက်) ကျောက်စာကြီး ထောင်ဦးမှာ” ဟု ဆရာတော်က မိန့်သည်။

ရဟန်းသံဃာငယ်များ လက်ရှောင်လိုသော ပီနန်ကျောင်းတိုက် အရေးအခင်းတွင် တိုင်းဥက္ကဋ္ဌက တစ်ဖက်လှည့်ဖြင့် အစည်းအဝေး ခေါ်ယူပြီး အင်အားပြ အသုံးချမည့်အရေးကို ကြွရောက်လာသူ သံဃာအများစုက နှစ်မြို့ဟန်မရှိ။ တိုင်းဥက္ကဋ္ဌ ဆရာတော်ကိုယ်တိုင်က “စည်းလုံးခြင်းသည်အင်အား” ဟု ဆိုသော တပ်မတော်အစိုးရ လက်ထက် ဆောင်ပုဒ်တစ်ခုကို ရေရွတ်ရင်း စည်းစည်းလုံးလုံးနှင့် ဆောင်ရွက်ကြမည် ဖြစ်ကြောင်း စည်းရုံး ပြောဆိုနေသည်။

ကြွရောက်လာသူ သံဃာအပါး ၃၀၀ ခန့်ကို ည ၁၀ နာရီခွဲခန့်တွင် အဝေးပြေး ခရီးသည်တင် ယာဉ်ကြီးများပေါ်သို့ တင်ဆောင်၍ တာမွေမြို့နယ် နတ်ချောင်းရပ်ကွက်သို့ ဦးတည် ထွက်ခွာသွားကြသည်။ မဟနနှင့် တိုင်းဒေသကြီး ဥက္ကဋ္ဌ ဆရာတော်တို့၏ လုပ်ဆောင်မှုကို သဘောမတူသော သံဃာအချို့က တိုင်းရုံးမှပင် လှည့်ပြန်ကြသည်။ သံဃာအချို့ကမူ သဘောမတူသည့်တိုင် အခြေအနေကို သိလို၍ သန္တိသုခသို့ လိုက်ပါသွားခဲ့ကြောင်း ပြောဆိုသည်။

ယာဉ်မထွက်မီ မှာစရာ ရှိသည်များကို ဥက္ကဋ္ဌ ဆရာတော်က အသေအချာ မှာနေသည်။ အာဏာပိုင်အဖွဲ့ နေရာအပြည့် ချထားကြောင်း၊ ဝင်ရောက် ဖယ်ရှားရာတွင် လိုအပ်မည့် စကားပြောစက် (Walkie Talkie) များ အဆင်သင့် ပြင်ပေးထားပြီး အထပ် ၁၁ ထပ်ရှိ ကျောင်းတော်ကြီး၏ အထပ် ၅ နှင့် ၆ ကို အဓိက ဝင်ရောက်ရှာဖွေရန်၊ ကိုယ်ထိလက်ရောက် ကျူးလွန်ခံရပါက သည်းမခံကြရန်၊ ထို့အတူ ယခုသတင်းကိုလည်း လုံးဝ မပေါက်ကြားစေရန် အထပ်ထပ် သတိပေးနေသည်။
“ပါလာတဲ့ ကားတွေအပြင် (တိုင်းရုံး) မှာ ထားခဲ့ပါ။ မှန်လုံကားနဲ့ သွားမယ်။ နိုင်ငံခြားဧည့်သည် သဘောမျိုးနဲ့ ဝင်မယ်။ သတ္တိရှိရှိနဲ့ သတိထား ဆောင်ရွက်ပါ။ အဲ့ဒီမှာရှိတဲ့ ကိုယ်တော်တွေက ငယ်ဖြူတွေ မဟုတ်ဘူး။ မြဝတီ။ ကော့သောင်းဘက်က အလင်းဝင်တဲ့ ကောင်တွေကို ဝတ်ပေးထားတယ်လို့ ကြားတယ်” ဟု ရှေ့တန်းထွက်မည့် တပ်သားများကို စစ်ဆင်ရေး အသေးစိတ်အား အထပ်ထပ် ရှင်းလင်း မှာကြားနေသည့်အလား တိုင်းဥက္ကဋ္ဌ ဆရာတော်က မိန့်ကြားနေသည်။

နိုင်ငံတော် သံဃမဟာနာယက အဖွဲ့နှင့် ပီနန်ဆရာတော်တို့ အကြား ကာလအတန်ကြာ ပိုင်ဆိုင်မှု အငြင်းပွားနေသော အဆိုပါကျောင်းတိုက် ပြဿနာမှာ ပြေလည်မည့် အလားအလာများ ပေါ်ထွက်ခဲ့သော်လည်း ယင်းပြဿနာ ပြေလည်မည်ကို စိုးရွံ့နေသူ အပေါင်းအပါများ ရှိနေကြောင်း သာသနာရေးနှင့် သံဃာအသိုင်းအဝိုင်း ထံမှ စုံစမ်းသိရှိရသည်။ အဆိုပါ ပြဿနာ ပြေလည်သွားမည့်အရေး စိုးရွံ့နေသူများကပင် ကျောင်းတိုက် ချိတ်ပိတ်သည်အထိ ပြဿနာ ကြီးထွားလာစေရန် စီစဉ်ဖန်တီးခဲ့ခြင်း ဖြစ်ပြီး နိုင်ငံတော် သံဃမဟာနာယက၊ ပီနန်ဆရာတော်တို့ အပါအဝင် နိုင်ငံတော်သမ္မတရုံးတွင် အပြစ်မရှိကြောင်း ယင်းတို့က ကရုဏာစကား ဆိုကြသည်။
သူတို့ ပြောဆိုသော ကြိုးကိုင်သူစာရင်းတွင် နိုင်ငံတော်သမ္မတ အကြံပေး တကယ်မဟုတ်သူ ပုဂ္ဂိုလ်ကြီးက နံပါတ်တစ်။

၁၁ ထပ်ရှိ ကျောင်းတော် အဆောက်အအုံ အပါအဝင် ကျောင်းဝင်းအတွင်းရှိ ကျောင်းတိုက် အသီးသီး၌ အစည်းအဝေးခန်းမများ၊ အလှူမင်္ဂလာ ဧည့်ခံပွဲများ ကျင်းပရာ ကျောင်းခန်းမများနှင့် ပြည့်နှက်နေသည်။ ခန်းမနှစ်ခုက အချိန်ပြည့်နီးပါး မင်္ဂလာဧည့်ခံပွဲများနှင့် စည်ကားနေတတ်ပြီး မင်္ဂလာခန်းမ ငှားရမ်းလိုပါက တစ်နှစ်နီးပါး ကြိုတင်ရက်ချိန်း ယူရကြောင်း အဆိုပါကျောင်းတိုက်၌ မင်္ဂလာဧည့်ခံပွဲ ပြုလုပ်ခဲ့သူ ကုမ္ပဏီဝန်ထမ်း တစ်ဦးက ရှင်းပြသည်။

ခန်းမငှားရမ်းခ အပါအဝင် ဧည့်ခံပွဲ တစ်ခုအတွက် အရပ်ရပ် ကုန်ကျစရိတ်က ကျပ်သိန်းဆယ်ဂဏန်း ပြေးမလွတ်။ အဆိုပါ ရငွေများမှာ ကျောင်းတိုက်နှင့် တိုက်ရိုက် သက်ဆိုင်သည့်အတွက် ကျောင်းတိုက်၏ ဘဏ္ဍာငွေစာရင်းတွင် ဆင့်ကာဆင့်ကာ ဘဏ္ဍာငွေများ တိုးပွားလာသော်လည်း စာရင်းသက်သက်သာ ဖြစ်ကြောင်း နီးစပ်သူများက ဖောက်သည်ချသည်။ သို့သော် မင်္ဂလာပွဲများ ကျင်းပခွင့် ပြုမထားကြောင်း သန္တိသုခညအပြီး ဇွန်လ ၁၁ ရက်နေ့တွင် ပြုလုပ်သော သတင်းစာ ရှင်းလင်းပွဲတွင် သာသနာရေးဦးစီးဌာနက ဗြောင်ငြင်းချက် ထုတ်ထားသည်။

အကယ်၍ သန္တိသုခကျောင်းတော်အရေး မဟနဆရာတော်ကြီးများနှင့် ပီနန်ဆရာတော် တို့အကြား ပြဿနာ ပြေလည်သွားပါက ကျောင်းတိုက် ဘဏ္ဍာငွေစာရင်းများကို ရှင်းလင်းရန် လိုအပ်လာမည် ဖြစ်ပြီး စာရင်းအင်း အမှန်အတိုင်း ရှင်းလင်းနိုင်ရန်မှာ မဖြစ်နိုင်ကြောင်း သန္တိသုခကျောင်းတိုက်နှင့် နီးစပ်သော အသိုင်းအဝိုင်းက ပြောဆိုသည်။

နိုင်ငံတော်အဆင့် ကျောင်းတိုက်ကြီးတစ်ခု သံဃမဟာနာယက၏ ကွပ်ကဲမှုအောက်တွင် ရှိနေစဉ် ဘဏ္ဍာရေးရာ အဝဝအတွက် အဓိကတာဝန်ရှိသူတို့မှာ ကမ္ဘာအေးကုန်းမြေမှ အရာရှိ လူပုဂ္ဂိုလ်အချို့သာ ဖြစ်ကြောင်း၊ သမ္မတအကြံပေး တကယ်မဟုတ်သူ ပုဂ္ဂိုလ်ကြီးမှာ ထိပ်ဆုံးမှ တာဝန်ရှိကြောင်း သံဃာဦးသျှောင် ဆရာတော်ကြီးများ၏ အနီးကပ် ကပ္ပိယကာရကများက အတိအလင်း ပြောဆိုသည်။
သို့သော် ဝန်ကြီးဌာနက ပစားပေး ခံထားရသော ဘုန်းကြီးလူထွက် ညွန်ကြားရေးမှူးချုပ်ဟောင်း တစ်ဦးကို ပြစ်တင်ဖယ်ရှားရန်မှာ နိုင်ငံတော်သမ္မတ အပါအဝင် အစိုးရခေါင်းဆောင်များ၊ မဟနအဖွဲ့ ကဲ့သို့သော သံဃာ့ဦးသျှောင် ဆရာတော်ကြီးများ လုပ်ဆောင်ရန်သာ ဖြစ်၍ ၎င်းတို့၏ အမည်ကို ထုတ်မပြောလိုကြောင်း အထက်ပါ တပည့် ဒါယကာများက ရှင်းပြသည်။

အဆိုပါ သမ္မတအကြံပေး တကယ်မဟုတ်သော ယင်းပုဂ္ဂိုလ်သည် တိပိဋက ယောဆရာတော် ကဲ့သို့သော ဆရာတော်ကြီးများ၏ အမည်နာမကိုပင် အလွဲသုံးစား ပြုခဲ့ဖူးသူ ဖြစ်၍ သူကိုယ်တိုင် အပါအဝင် ပတ်သက်သူအချို့ အရေးယူခံခဲ့ရဖူးသည်။
သို့သော် သန္တိသုခ အရေးကိစ္စမှာမူ မြန်မာနိုင်ငံအတွင်းရှိ ငါးသိန်းသော သံဃာများကို ဦးဆောင်နေသော ဆရာတော်ကြီးများအကြား ဝမ်းနည်းဖွယ် စိတ်ဝမ်းကွဲမှုများ ပေါ်ပေါက်လာနိုင်ဖွယ် ရှိပြီး သီတဂူဆရာတော် ကဲ့သို့သော ကမ္ဘာသိဆရာတော်အချို့က မဟနအဖွဲ့ကို ဝေဖန်ပြစ်တင်လိုက်ခြင်းမှာ သာသနာတော်အတွက် အနုတ်လက္ခဏာသာ ဖြစ်ကြောင်း ရန်ကုန်မြို့တော်တွင် သီတင်းသုံးနေသော မြို့နယ်သံဃနာယက ဆရာတော်တစ်ပါးက မှတ်ချက်ပြု မိန့်ကြားသည်။

သာသနာပြု တက္ကသိုလ်တစ်ခု ထူထောင်ရန် ရည်ရွယ်ဆောက်လုပ်ခဲ့သော မဟာသန္တိသုခ ဗုဒ္ဓစင်တာကြီးမှာ ယခုအခါ ချိတ်ပိတ်ခံထားရပြီ ဖြစ်သည်။ နိုင်ငံတော် သံဃမဟာနာယက အဖွဲ့ကမူ ပုဂ္ဂလိကပိုင်ပစ္စည်းကို သံဃိက (သံဃာပိုင်) ပြုလုပ်၍ မရသကဲ့သို့ သံဃိက ပစ္စည်းကိုလည်း ပုဂ္ဂလိကသို့ လွှဲပြောင်းမပေးနိုင်ကြောင်း အခိုင်အမာ ရပ်တည်ထားသည်။

၂၀၀၀ ပြည့်နှစ်အလွန် ခုနှစ်များတွင် ပြည်ပတွင် ရောက်ရှိနေသော ပီနန်ဆရာတော်က မြန်မာ့နိုင်ငံရေးနှင့် ဆက်နွှယ်သော ထုတ်ဖော်ပြောဆိုမှုများကြောင့် ထိုစဉ်က ဝန်ကြီးချုပ်ဖြစ်သူ ဗိုလ်ချုပ်ကြီးဟောင်း ဦးခင်ညွန့်က မဟာသန္တိသုခကျောင်းတိုက်ကို မဟနအဖွဲ့ထံ လွှဲအပ်ခဲ့ပြီး ယင်းအချိန်မှ စတင်၍ အဆိုပါကျောင်းတိုက်ကို မဟန၏ စီမံခန့်ခွဲမှုဖြင့် အုပ်ချုပ်နေခြင်း ဖြစ်သည်။

ပီနန်ဆရာတော်၏ နိုင်ငံရေးဆိုင်ရာ ပြောဆိုဝေဖန်မှုကြောင့် ၂၀၀၀ ပြည့်နှစ် နောက်ပိုင်း တပ်မတော်အစိုးရက ပြည်ဝင်ခွင့်ပိတ်ခဲ့ပြီး ၂၀၀၇ ခုနှစ်တွင် ပြည်ပရောက် မစိုးရိမ်ဆရာတော်၊ လန်ဒန်ဆရာတော် စသည့် ဆရာတော်များ စုဖွဲ့၍ မဟနအဖွဲ့ကို အန်တုမည့် သံဃာ့ဦးသျှောင် အဖွဲ့ကို အမေရိကန်ပြည်ထောင်စုတွင် ဖွဲ့စည်း တည်ထောင်ခဲ့သည်။ ယင်းသို့ သံဃာ့ဦးသျှောင်အဖွဲ့ ဖွဲ့စည်းမှုအပေါ် ပြည်ပနိုင်ငံအသီးသီးရှိ ဗုဒ္ဓဘာသာ မြန်မာရဟန်းတော်များက ထောက်ခံခဲ့သော်လည်း မဟနအဖွဲ့နှင့် အစိုးရတို့က အသိအမှတ်ပြု လက်ခံခြင်း မရှိပေ။

ဒီမိုကရေစီ ပြုပြင်ပြောင်းလဲရေးများ ဖော်ဆောင်လာသည့်နောက် ပီနန်ဆရာတော် ပြည်တွင်းသို့ ပြန်လည်ကြွရောက်လာပြီး သန္တိသုခကျောင်းတိုက်ကို မူလရည်ရွယ်ချက်ဖြစ်သည့် ဗုဒ္ဓစင်တာကြီး တစ်ခုအဖြစ် အကောင်အထည်ဖော်ရန် စတင်လုပ်ဆောင်ရာမှ ပိုင်ဆိုင်မှု ပြဿနာ တစ်ကျော့ပြန်လာခြင်း ဖြစ်သည်။

၁၉၉၉ ခုနှစ်တွင် တည်ဆောက် ပြီးစီးခဲ့သော ကျောင်းတော်ကြီးကို နိုင်ငံတကာအဆင့်မီ သင်ကြားရေးခန်းမများ အစုံအလင်ဖြင့် ဗုဒ္ဓစာပေများကို အင်္ဂလိပ်ဘာသာဖြင့် သင်ကြားပို့ချ၍ မြန်မာရဟန်းတော်များကို ပြည်ပသာသနာပြု စေလွှတ်ရန် ရည်ရွယ်ခဲ့ကြောင်း ပီနန်ဆရာတော် အရှင်ပညာဝံသက မိန့်ကြားထားသည်။ ယင်းအစီအစဉ်ကို ပြန်လည် အကောင်အထည်ဖော်ရန် ၂၀၁၄ ခုနှစ် ဇွန်လဆန်းအတွင်း နိုင်ငံပိုင် သတင်းစာများမှတစ်ဆင့် သင်တန်းသားများ ဖိတ်ခေါ်ခဲ့ပြီး အဆိုပါ ဖိတ်ခေါ်ချက်ကပင် ကျောင်းတိုက်ကို ချိတ်ပိတ်ရသည့် အကြောင်းအရင်း တစ်ခုဖြစ်ကြောင်း တိုင်းသံဃနာယက အဖွဲ့က ဖတ်ကြားသော ညွှန်ကြားလွှာတွင် ရေးသားထားသည်။

ထို့အပြင် နိုင်ငံတော်သမ္မတ ဦးသိန်းစိန်က သန္တိသုခအရေး အဆောတလျင် ဆောင်ရွက်ခြင်း မပြုရန် မဟနအဖွဲ့ထံသို့ ပန်ကြားခဲ့မှုကလည်း သံဃမဟာနာယက ဆရာတော်ကြီးများ၏ ဦးဆောင်မှုကို ထိပါးစေသည့်အတွက် ပို၍ပင် ရှေ့တိုး လုပ်ဆောင်ခဲ့ကြောင်း မဟနအဖွဲ့၏ ညွှန်ကြားလွှာတွင် ဖော်ပြထားချက်အရ သိရသည်။ “သမ္မတသြဇာခံ အဖြစ်မခံနိုင်” ဟု ဆိုကာ သမ္မတ၏ လျှောက်ထားချက်ကို မလိုက်နာနိုင်ကြောင်း ယင်းညွန်ကြားလွှာတွင် ထပ်ဆင့်ဖော်ပြထားသည်။

သမ္မတဦးသိန်းစိန်က မတည်ငြိမ်သေးသော တိုင်းရေးပြည်ရာ အခြေအနေများအကြား အကျပ်အတည်း ထပ်မံ မကြုံတွေ့စေရန် စေတနာဖြင့် လုပ်ဆောင်ခဲ့သော်လည်း “ဆေးကြောင့်လေး” သွားခဲ့ရပြီ ဖြစ်ကြောင်း သမ္မတရုံးနှင့် နီးစပ်သူများက အတည်ပြု ပြောဆိုသည်။

ပီနန်ဆရာတော် အနေနှင့် မိမိမှန်သည်ဟု ယူဆပါက အရပ်ဘက် သို့မဟုတ် သာသနာရေးဆိုင်ရာ တရားရုံး အဆင့်ဆင့်တွင် ဖြေရှင်းသွားရန်သာ ဖြစ်ကြောင်း မဟနအဖွဲ့ထံမှ စုံစမ်းသိရှိရသည်။

မည်သို့ပင် ဆိုစေကာမူ သန္တိသုခအရေးကြောင့် မဟနအဖွဲ့၏ ဂုဏ်သိက္ခာ ထပ်မံကျဆင်းခဲ့ရပြီး အွန်လိုင်းနှင့် လူမှုကွန်ရက် စာမျက်နှာများတွင် ပြင်းပြင်းထန်ထန် ဝေဖန်တိုက်ခိုက်ခံရမှုများ ကြုံတွေ့လာရသည်။ တပ်မတော်အစိုးရ၏ အရိပ်လွှမ်းမိုး ခံခဲ့ရသော မဟနအဖွဲ့အနေနှင့် ယခင်ကတည်းက လူမြင်ကွင်းတွင် အမည်ကောင်း မရခဲ့ဘဲ ယခုထပ်မံ၍ ပြစ်တင်ပြောဆိုမှုများ ရင်ဆိုင်လာရခြင်း ဖြစ်သည်။ သို့သော် မဟနဆရာတော်အချို့နှင့် ပါဝင်ပတ်သက်သူ လူပုဂ္ဂိုလ်များက လျှော့မည့် အလားအလာမရှိ။ တရားဟု ယူဆလျှင် ကြိုက်ရာတရားရုံးသို့ သွားရောက် တိုင်ကြားနိုင်ကြောင်းပင် ဇွန်လ ၁၁ ရက်နေ့ သတင်းစာ ရှင်းလင်းပွဲတွင် ငေါက်ငမ်း ပြောဆိုလိုက်သေးသည်။

သန္တိသုခ အကျပ်အတည်းကြောင့် မဟနအဖွဲ့ကို ဝေဖန်သူများ အပြစ်ရောက်မည်ကို စိုးရိမ်သူများလည်း ရှိသည်။

အစိုးရနှင့် လူငယ်ထုအပေါ် သြဇာသက်ရောက်မှု ရှိသည့်အပြင် နှစ်ဘက် သံဃာ့ခေါင်းဆောင်များ၏ ယုံကြည်ကိုးစားခြင်း ခံထားရသော ဓမ္မဒူတဆရာတော် အရှင်ဆေကိန္ဒကို ကြားဝင် စေ့စပ်ပေးသင့်ကြောင်း ပြည်ထောင်စုအစိုးရ အဖွဲ့နှင့် နီးစပ်သူများက အကြံပြုထားသည်။ ဓမ္မဒူတဆရာတော် ကြားဝင် လာပါက ပြဿနာ အထိုက်အလျောက် လျော့ပါးမည် ဖြစ်ကြောင်း ၎င်းတို့က ဆိုသည်။

မြို့နယ်အဆင့် သံဃနာယက ဆရာတော်များနှင့် စာသင်စာချ ရဟန်းတော်များ အပါအဝင် နိုင်ငံရေးလေ့လာသူ အများစုက မဟနအဖွဲ့၏ လမ်းညွှန်ချက်နှင့် အကောင်အထည် ဖော်သူများကို ပြစ်တင်ဝေဖန်ထားပြီး ပြဿနာ၏ နောက်ကွယ်က ဒါရိုက်တာ ပုဂ္ဂိုလ်ကြီးကို မီးမောင်းထိုးကြသည်။

ဘုန်းကြီးလူထွက် အဆိုပါပုဂ္ဂိုလ်မှာ တော်တန်ရုံ ရဟန်းတော်များကိုပင် ရှိခိုးဦးညွတ်သူ မဟုတ်ဘဲ အမြဲလိုလို သာသနာရေး ကိစ္စရပ်များတွင် ရှေ့ဆုံးမှ ပါလေ့ရှိသူ ဖြစ်ပြီး သူ၏ ပြောစကား တစ်ခွန်းကို မြို့နယ်သံဃနာယက ဆရာတော်တစ်ပါးက အောက်ပါအတိုင်း ပြန်လည်ဖောက်သည်ချ မိန့်ဆိုသည်။
“သူက ဘယ်နေရာရောက်ရောက် အမြဲတမ်း ထိပ်ကပဲနေမှာ။ ငရဲပြည်ရောက်ရင်တောင် ယမမင်းဖြစ်မှာလို့ ပြောတယ်”

နော်ကိုကို
The Voice Weekly

ရန်ကုန်တိုင်းဒေသကြီး၊ သံဃာ့နာယကအဖွဲ့နှင့် နိုင်ငံတော် သာသနာရေး အကြံပေးတို့အား ဖြုတ်ချရန် ရန်ကုန်မြို့တော်ဝင်နှင်းဆီ စားသောက်ဆိုင် တွင် သတင်းစာ ရှင်းလင်းပွဲ ပြုလုပ်၍ တောင်းဆိုသွားမည်ဖြစ်ကြောင်း မကွေးကျောင်းတိုက် ဆရာတော် ဥူးပါမောက္ခ က The Messenger သတင်းစာ သို့ မိန့်ကြားသည်။ ယမန်နေ့က မဟာသန္တိသုခ ကျောင်းတိုက်တွင် သီတင်းသုံး နေထိုင်သော ဆရာတော် ဥူးဥတ္တရ အပါအ၀င် သံဃာတော် ငါးပါးအား လူဝတ်လဲ၍ အင်းစိန်ထောင်သို့ ပို့ဆောင်မှုကြောင့် ယင်းကဲ့သို့ သတင်းစာ ရှင်းလင်းပွဲပြုလုပ်၍ တောင်းဆိုရန် စီစဉ်ခြင်း ဖြစ်ကြောင်း သိရသည်။

ဆရာတော် ဦးဝီရသူကတော့ မလာနိုင်ဘူးတဲ့။ ရွှေည၀ါ ဆရာတော် ပါဝင်ဖို့ လျှောက်မယ်၊ သူတို့ကို ခြွင်းချက်မရှိ ပြန်လွှတ်ဖို့ Campaign တွေလုပ် သွားမယ် ဟု ဆရာတော်က ဆက်လက် မိန့်ကြားသည်။ ထို့ပြင် ၂၀၀၇ ရွှေဝါရောင် တော်လှန်ရေးတွင် ပါဝင်ခဲ့သော ဆရာတော် သံဃာတော်များ၊ အမျိုး ဘာသာ သာသနာကို ချစ်သော လူမှုအဖွဲ့အစည်းများကို ပူးပေါင်း ပါဝင်ရန် ဖိတ်ခေါ်သွားမည် ဖြစ်ကြောင်း နှင့် လိုအပ်ပါက ဆရာတော်၊ သံဃာတော်များ နှင့် လူမှုအဖွဲ့အစည်းများ စုပေါင်း၍ ဆန္ဒပြ လှုပ်ရှားမှုများ ပြုလုပ် သွားမည် ဖြစ်ကြောင်း ဆရာတော်ထံမှ သိရသည်။

ဦးအံ့မောင်ကို ဖြုတ်ချဖို့ အကြွင်းမဲ့ ထောက်ခံတယ်။ သူ မရှိသင့်ဘူး။ သာသနာကို ဒီလူ ဖျက်နေတာ၊ သံဃာတွေကို အသုံးချနေတာ၊ သံဃာကို သင်းခွဲ နေတာ၊ လူချွတ်တာတို့ အကျဉ်းထောင်ကို ပို့တာတို့ ဆိုတာ ပြစ်မှု ထင်ရှားမှ လုပ်လို့ရတယ်။ ဘာဖြစ်လို့ အခြေအနေ တင်းမာအောင် လုပ်သလဲ၊ ဦးပဉင်း ကတော့ ပါဝင် သင့်ရင် ထိပ်ဆုံးက ရပ်တည်မယ်။ ရပ်တည်သင့်ရင် ပြတ်ပြတ်သားသား ရပ်တည်မယ် ဟု ရွှေည၀ါ ဆရာတော် ဥူးပညာသီဟ က The Messenger သတင်းစာသို့ မိန့်ကြားသည်။

ယခုလ (၁၁) ရက်နေ့၊ နံနက် (၁) နာရီ အချိန်ခန့်တွင် ပီနန်ဆရာတော် ဘုရားကြီး၏ မဟာသန္တိသုခ ကျောင်းတိုက်ကြီးအား တိုင်းသံဃာ့ နာယက အဖွဲ့ဝင်များ၊ ရဲတပ်ဖွဲ့ဝင်များ၊ သာသနာရေး ၀န်ကြီးဌာနမှ တာဝန်ရှိသူများ၊ ရန်ကုန်တိုင်း ဒေသကြီး သံဃနာယက အဖွဲ့ စီတန်း လှည့်လည်ရေး ဆရာတော် (၂၈၁) ပါး တို့က ကျောင်းတိုက်တွင် သံဃာတော်များအား အင်အားသုံး ဖယ်ရှားခဲ့ပြီး၊ ယင်းဘုန်းကြီးကျောင်း ကိုလည်း ချိတ်ပိတ်ခဲ့သည်။ ယင်းဖြစ်စဉ်နှင့် ပတ်သက်၍ ၈၈ မျိုးဆက်ငြိမ်းချမ်းရေးနှင့် ပွင့်လင်း လူ့အဖွဲ့အစည်းမှ ရှုတ်ချကြောင်း ကြေညာချက် တစ်စောင် ထုတ်ပြန်ခဲ့ပြီး၊ သီတဂူ ဆရာတော် ဦးဉဏိသာရ ကလည်း ယင်းလုပ်ရပ်သည် မလုပ်သင့်သည့် လုပ်ရပ်ဖြစ်ကြောင်း RFA သို့ မိန့်ကြားထားသည်။

Messenger News Journal

ရန်ကုန်မြို့တွင် မိုးရွာသွန်းလျှင် ဖြစ်ပွားလေ့ ရှိသော ရေကြီး ရေလျှံမှုများ လျော့နည်းလာစေရေး အတွက် ပြည်ပနိုင်ငံများသို့ အကူအညီ တောင်းခံရန် စီစဉ်နေပြီ ဖြစ်ကြောင်း YCDC မှ သတင်း ရရှိသည်။ ရေကြီး ရေလျှံမှုများ ပပျောက်စေဖို့ နည်းမျိုးစုံနဲ့ ဆောင်ရွက် နေပေမယ့် နည်းပညာ မရှိ လို့ ထိရောက်မှု သိပ်မရှိဘဲ ဖြစ်နေတယ် ဟု ရန်ကုန်မြို့တော် စည်ပင်သာယာရေး ကော်မတီ (အင်ဂျင်နီယာဌာန) လမ်းနှင့် တံတားမှ တာဝန်ရှိသူ တစ်ဦး က ပြောသည်။ ဇွန်လ(၁၁) ရက်နေ့ မနက်ပိုင်းတွင် မိုးသည်းထန်စွာ ရွာသွန်းမှုကြောင့် ရန်ကုန်မြို့လယ်၊ သမိုင်းလမ်းဆုံ၊ ဘူတာရုံလမ်း၊တောင် ဥက္ကလာပ မြို့နယ် များတွင် ရေကြီးရေလျှံမှုကြောင့် ပြည်သူများ သွားလာရေး ခက်ခဲခဲ့သည်။ ထို့အပြင် ယခုနှစ် မိုးဦးရာသီတွင် မိုးသည်း ထန်စွာ ရွာသွန်းလျှင် ရန်ကုန်မြို့တွင်း ရေကြီးရေလျှံမှုများ ဖြစ်ပွားခဲ့သည်။

ရန်ကုန်မြို့ ရေကြီးရေလျှံမှုများ ပပျောက်စေရန် ၂၀၁၄-၂၀၁၅ ဘဏ္ဍာနှစ်တွင် ငွေကျပ်သိန်းပေါင်း တစ်သောင်းကျော် သုံးစွဲခဲ့သည်။ ယခုအခါ ရေကြီးရေလျှံ မှုများ လျှော့ချနိုင်ရန် မြစ်ထွက်ပေါက်အသစ်များ၊ ရေထိန်းတံခါးများ၊ ရေမြောင်းများကိုလိုအပ်သော စက်ကိရိယာများဖြင့် လုပ်ဆောင်လျက် ရှိကြောင်း သိရသည်။ အိမ်တွေကလည်း မြောင်းတွေကို ပတ်ပြီး ဆောက်လုပ် ထားတာရှိနေ သလို ပြည်သူတွေ ကလည်း စည်းကမ်းမရှိတာ တွေပါတယ်။ ဒါကို စစ်တမ်း ကောက်ပြီး အဓိက ဘယ်မှာ ရေအကြီးဆုံး ဖြစ်နေလဲ၊ အဲဒီဖြစ်တဲ့ နေရာကို ဦးစားပေးပြီး တစ်ဆင့်ချင်း ဆောင်ရွက်ရင်တော့ ဒါတွေကို လျော့ကျ လာနိုင်ပါတယ် ဟု ဆောက်လုပ်ရေး လုပ်ငန်းရှင်များ အသင်း ဒုတိယ ဥက္ကဋ္ဌ ဦးသာအေး က ပြောသည်။ ရန်ကုန်မြို့တွင် ရေကြီးရေလျှံမှုများ လျှော့ချ နိုင်ရန် ၂၀၁၂-၂၀၁၃ ဘဏ္ဍာနှစ်တွင် ကျပ်သိန်း တစ်သောင်းကျော် သုံးစွဲခဲ့ပြီး၊ ၂၀၁၃-၂၀၁၄ ဘဏ္ဍာနှစ်တွင် ကျပ်သိန်းပေါင်း ငါးထောင်ကျော် တိုးမြှင့် သုံးစွဲခဲ့ကြောင်း YCDC မှ သိရသည်။


The Messenger's Local News Detail
www.messengernewsjournal.com
messenger news journal

ရန်ကုန်၊ ဇွန် ၁၃

မြန်မာ-ထိုင်း နယ်စပ်ရှိ အကြီးဆုံး ဒုက္ခသည်စခန်း တစ်ခုဖြစ်သော မယ်လစခန်းသို့ ဟောလိဝုဒ် မင်းသမီး အင်ဂျလီနာဂျိုလီ သွားရောက်မည် ဖြစ်ကြောင်း ကရင်အမျိုးသမီး ဖွံ့ဖြိုးတိုးတက်ရေးအဖွဲ့ (KWEG) မှ နော်စူစန်နာလှလှစိုးက The Voice သို့ ပြောဆိုသည်။

ဗြိတိန်နိုင်ငံ လန်ဒန်မြို့၌ ကျင်းပနေသော ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှု အဆုံးသတ်ရေး နိုင်ငံတကာ ထိပ်သီးညီလာခံတွင် ဇွန်လ ၁၂ ရက်နေ့က တွေ့ဆုံစဉ် အင်ဂျလီနာဂျိုလီက မယ်လစခန်းသို့ မကြာမီ သွားရောက် လည်ပတ်မည်ဟု ပြောဆိုခြင်း ဖြစ်ကြောင်း ၎င်းက ရှင်းပြသည်။ “သူ ကျွန်မတို့ကို (မယ်လစခန်းကို သွားမယ်လို့) ပြောတယ်” ဟု နော်စူစန်နာလှလှစိုးက ဆိုသည်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီး၏ အထူးသံတမန်အဖြစ် ဆောင်ရွက်နေသူ အင်ဂျလီနာဂျိုလီ အနေနှင့် ယခင်ကလည်း ကရင်တိုင်းရင်းသား အများစု ခိုလှုံရာ မြန်မာ-ထိုင်း နယ်စပ်ရှိ ဒုက္ခသည် စခန်းများသို့ သွားရောက်ဖူးပြီး ယခုထပ်မံ၍ သွားရောက်မည် ဖြစ်ကြောင်း ညီလာခံသို့ တက်ရောက်သော ကရင်တိုင်းရင်းသူ ကိုယ်စားလှယ်များနှင့် တွေ့ဆုံစဉ် အသိပေး ပြောဆိုခြင်း ဖြစ်သည်။

ပြည်တွင်းစစ်ကို အကြောင်းပြု၍ မြန်မာ-ထိုင်း နယ်စပ်တစ်လျှောက် ဒုက္ခသည်စခန်း ကိုးခုတွင် ခိုလှုံနေသူ တစ်သိန်းငါးသောင်း ဝန်းကျင်ရှိနေပြီး အများစုမှာ ကရင်တိုင်းရင်းသားများ ဖြစ်ကြောင်း၊ ထိုင်းနိုင်ငံ တာ့ခ်ခရိုင်အတွင်း တည်ရှိသော မယ်လဒုက္ခသည်စခန်းတွင် လူဦးရေ ငါးသောင်းခန့် နေထိုင်လျက် ရှိကြောင်း အထောက်အပံ့ ပေးနေသော အဖွဲ့အစည်းများ၏ စာရင်းဇယားများအရ သိရသည်။

အဆိုပါ မယ်လစခန်းသို့ ၂၀၁၂ ခုနှစ် ဇွန်လအတွင်း ဒေါ်အောင်ဆန်းစုကြည် သွားရောက်ခဲ့ဖူးပြီး စခန်းတွင် နေထိုင်သော မိသားစုများ၊ မယ်တော်ဆေးခန်း တာဝန်ရှိသူများနှင့် တွေ့ဆုံခဲ့သည်။

ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှု အဆုံးသတ်ရေး နိုင်ငံတကာ ထိပ်သီးညီလာခံကို လန်ဒန်မြို့၌ ဇွန်လ ၁၀ ရက်မှ ၁၃ ရက်နေ့အထိ ကျင်းပနေခြင်း ဖြစ်ပြီး မြန်မာနိုင်ငံမှ လူမှုအသင်းအဖွဲ့ ကိုယ်စားလှယ်အချို့ အပါအဝင် နိုင်ငံခြားရေး ဝန်ကြီးဌာန ဒုတိယဝန်ကြီး ဦးသန့်ကျော် ဦးဆောင်သော အစိုးရကိုယ်စားလှယ်အဖွဲ့တို့ ပါဝင် တက်ရောက်လျက်ရှိသည်။

The Voice

ရန်ကုန်၊ ဇွန် ၁၃

စင်ကာပူနိုင်ငံတွင် အလုပ်လုပ်နေသည့် မြန်မာနှင့် အင်ဒိုနီးရှား အိမ်အကူ နှစ်ဦးကို အကြမ်းဖက်ခဲ့သည့် အလုပ်ရှင် ဇနီးမောင်နှံကို ဇွန်လ ၁၂ ရက်နေ့က စွဲချက် ၃၂ ခုဖြင့် တရားစွဲဆို လိုက်ကြောင်း အဆိုပါနိုင်ငံ အခြေစိုက် The Straits Times သတင်းဌာနတွင် ဖော်ပြသည်။

အဆိုပါ အလုပ်ရှင် ဇနီးမောင်နှံက အသက် ၂၅ နှစ်အရွယ် မြန်မာနိုင်ငံသူ ဒေါ်မိုးမိုးသန်းနှင့် အင်ဒိုနီးရှား အိမ်အကူတို့ကို အန်ဖတ်များကို ပြန်စားခိုင်းခြင်း၊ အဝတ်အစားများကို ချွတ်ခိုင်းကာ ဓာတ်ပုံ ရိုက်ခြင်း၊ အမျိုးသားဖြစ်သူက အချက်ပေါင်းများစွာ ရိုက်နှက်မှုများပြုခြင်း စသည်တို့ကို ၂၀၁၂ ခုနှစ်က ကျူးလွန်ခဲ့သည်ဟုဆိုကာ ယင်းသို့ စွဲချက်တင်ခြင်း ဖြစ်ကြောင်း အဆိုပါ သတင်းတွင် ပါရှိသည်။

အိုင်တီ မန်နေဂျာဖြစ်သူ Tay Wee Kiat ကို စွဲချက် ၂၁ ခုဖြင့် တရားစွဲ ဆိုထားပြီး ၎င်း၏ဇနီး အရောင်း မန်နေဂျာ Chia Yun Ling ကို စွဲချက် ၁၁ ခုဖြင့် တရားစွဲဆိုထားသည်။

အိမ်အကူနှစ်ဦးကို အပြန်အလှန် ပါးရိုက်ခိုင်းခြင်း၊ ကြိမ်လုံး၊ သံချိတ်၊ ဝါးတူများနှင့် ရိုက်နှက်ခြင်း၊ ဆံပင်ဆွဲ၍ ကြမ်းပြင်ပေါ်လှဲကာ ဝမ်းဗိုက်ကို တက်နင်းခြင်း ပြုလုပ်ခဲ့ပြီး အဆိုးဝါးဆုံး လုပ်ရပ်မှာ အိမ်အကူနှစ်ဦးကို သကြားများ အတင်းကျွေးခဲ့ပြီး မစားနိုင်၍ အန်ထုတ်သည့် အန်ဖတ်များကို ပြန်စားခိုင်ကြောင်း The Straits Times သတင်းဌာနတွင် ဖော်ပြထားသည်။

စင်ကာပူတွင် မြန်မာအိမ်အကူ ၂၅,၀၀၀ မှ ၃၀,၀၀၀ ဝန်းကျင် ရှိကြောင်း စင်ကာပူ သတင်းများတွင် ဖော်ပြသည်။

The Voice

နယူးဒေလီ၊ ဇွန် ၁၂

အုပ်စုဖွဲ့ မုဒိမ်းမှု ကျူးလွန်ခြင်းများ ဖြစ်ပွားနေသော အိန္ဒိယနိုင်ငံ အူတာပရာဒက်ပြည်နယ် ကျေးရွာတစ်ရွာတွင် မုဒိမ်းကျင့်ခံခဲ့ရသည်ဟု ဆိုသော အသက် ၁၉ အရွယ် မိန်းကလေးတစ်ဦး ကိုယ့်ကိုယ်ကိုယ် အဆုံးစီရင်သွားကြောင်း BBC သတင်းတွင် ဖော်ပြထားသည်။

အဆိုပါ မိန်းကလေး၏ ရုပ်အလောင်းကို မြို့တော်ဒေလီမှ ကားဖြင့် သုံးနာရီခန့် သွားရသည့် အကွာအဝေးတွင် ရှိသော မိုရာဒဘတ် ဧရိယာတွင် တွေ့ရှိခဲ့ခြင်း ဖြစ်ပြီး သူမသည် မုဒိမ်းကျင့်ခံခဲ့ရကြောင်း သူမ၏ မိသားစုက ပြောကြားသည်။

သူမ၏ အလောင်းကို ရင်ခွဲစစ်ဆေးမှုများ ပြုလုပ်ဆဲပင် ဖြစ်သောကြောင့် အမှန်တကယ် မုဒိမ်းကျင့်ခံခဲ့ရခြင်း ဟုတ်မဟုတ်ကိုမူ အတည်ပြု ပြောကြားနိုင်ခြင်း မရှိသေးပေ။

ဗုဒ္ဓဟူးနေ့ကလည်း အူတာပရာဒက် ပြည်နယ်တွင် အမျိုးသမီးတစ်ဦး ကိုယ့်ကိုယ်ကိုယ် အဆုံးစီရင်သွားခဲ့ပြီး၊ ပြီးခဲ့သည့် လကလည်း အုပ်စုဖွဲ့ မုဒိမ်းကျင့်ခံခဲ့ပြီး အသတ်ခံခဲ့ရသည့် အမျိုးသမီးနှစ်ဦးကိုလည်း တွေ့ရှိခဲ့ရသည်။

ဗုဒ္ဓဟူးနေ့က အသက် ၄၄ နှစ် အရွယ်ရှိ အမျိုးသမီးတစ်ဦးမှာ ဘာဟရစ်ခ်ျ ဧရိယာတစ်ဝိုက်ရှိ သစ်ပင်တစ်ပင်တွင် ကိုယ့်ကိုယ်ကိုယ် အဆုံးစီရင်ထားသည်ကို တွေ့ရကြောင်း အဆိုပါ သတင်းတွင် ဖော်ပြထားသည်။

၎င်းသည် အရက်ရောင်းချခြင်းကြောင့် ဒေသခံများ၏ ခြိမ်းခြောက်မှုကို ခံခဲ့ရပြီး ၎င်း၏ မိသားစုက သံသယရှိသူ ငါးဦး၏ အမည်ကို တိုင်ကြားထားကြောင်း အိန္ဒိယရဲတပ်ဖွဲ့က ပြောကြားသည်။

ထို့အတူ မေလ ၂၉ ရက်နေ့က အိန္ဒိယနိုင်ငံ ဘဒန်ဒေသတွင် ဆယ်ကျော်သက် မိန်းကလေးနှစ်ဦးကို အုပ်စုဖွဲ့ မုဒိမ်းကျင့်ခဲ့ပြီး သစ်ပင်တွင် ကြိုးဆွဲချခဲ့သည့် ကိစ္စကြောင့် အိန္ဒိယနိုင်ငံတစ်ဝန်း လိင်အကြမ်းဖက်မှုနှင့် ပတ်သက်ပြီး မကျေနပ်မှုများ ထပ်မံဖြစ်ပွားလာခဲ့သည်။

အဆိုပါပြစ်မှုနှင့် ပတ်သက်၍ သံသယရှိသူ သုံးဦးနှင့်အတူ ရဲတပ်ဖွဲ့ဝင် နှစ်ဦးကိုလည်း ပြစ်မှုကျူးလွန်ရာတွင် ကြံရာပါအဖြစ် လည်းကောင်း၊ တာဝန်ပေါ့လျော့မှုဖြင့် လည်းကောင်း ဖမ်းဆီးထားသည်။

အိန္ဒိယနိုင်ငံတွင် ၂၀၁၂ ခုနှစ်က မြို့တော်ဒေလီတွင် ဘတ်စ်ကားပေါ်၌ ကျောင်းသူတစ်ဦးကို အုပ်စုဖွဲ့ မုဒိမ်းကျင့်မှုမှ စတင်၍ လိင်အကြမ်းဖက်မှု မြင့်တက်လျက်ရှိသည်။

ယင်းဖြစ်ရပ် ဖြစ်ပွားပြီး ဆန္ဒပြမှုများ ဖြစ်ပွားခဲ့ပြီးနောက် လိင်အကြမ်းဖက်မှုနှင့် ပတ်သက်သော ဥပဒေများကို အစိုးရက တင်းတင်းကျပ်ကျပ် ထုတ်ပြန်ခဲ့သည်။

အမျိုးသမီးများကို အကာအကွယ်ပေးခြင်းမှာ ပထမ ဦးစားပေးကိစ္စ ဖြစ်ကြောင်း အိန္ဒိယသမ္မတသစ် မိုဒီက ပြောကြားထားသည်။

The Voice Weekly

ကျွန်တော့် သူငယ်ချင်းက ယာဉ်ထိမ်းရဲမေတစ်ယောက်နဲ့ လက်ထပ်လိုက်တယ်။ မနေ့ညက
သူ့ရဲ့ မင်္ဂလာဦးညလေ။
ဒါနဲ့ ယောက်ျားလေးချင်းဆိုတော့ အတွေ့အကြုံလေးသိချင်တာနဲ့ ဖုန်းဆက်မေးမိတယ်။
”ဟေ့ရောင်၊ မင်းရဲ့ လူပျိုဘဝ နောက်ဆုံးညလေးအကြောင်း ဖောက်သယ်ချပါဦးကွ၊ ဟီ ဟိ”
”မဟီဟိနဲ့ ဟေ့ကောင်”
”ဟင်… ဘာလို့လဲ ဟ”
”ညက င့ါကို over speed ဆိုပြီး ဒဏ်ငွေ ၅ဝဝဝ တပ်တယ်။မရပ်ရမယ့်နေရာ
ရပ်လို့ ဒဏ်ငွေ ၅ဝဝဝ တပ်တယ်၊။မဝင်ရတဲ့လမ်း ဝင်လို့ဆိုပြီး ဒဏ်ငွေ ၁ဝဝဝဝ
တပ်တယ်”
”ဟင်… လွန်တာပေ့ါကွ”
”ဒဏ်ငွေက ပြသနာမရှိဘူး၊ ကျွမ်းကျင်မှုမရှိလို့ဆိုပြီး လိုင်စင်ကို
တစ်ပတ်ပိတ်တာကဆိုးတာ အီး ဟီး”

ရဲစတိုင်း


The Myanma Age

Angel on 2014-06-14 10:57    
လွန်ခဲ့တဲ့ နှစ် ၉၀ က သေဆုံးခဲ့တဲ့ ဆိုဗီယက်ယူနီယံကို တည်ထောင်သူ လီနင်ရဲ့ ရုပ်ထုကို ပိုလန်မြို့ တစ်မြို့ က ဂုဏ်ပြုစိုက်ထူခဲ့ပါတယ်။ ဒီအစိမ်းရောင်ထုံးရုပ်ထုကြီးဟာ ရုတ်တရက်ကြီးထွက်ပေါ်လာတာတော့မဟုတ်ပါဘူး။ ဒီရုပ်ထုဟာ ပိုလန်နိုင်ငံ၊ ကရာကိုမြို့ မှာ ဂျွန်လ ၂၂ ရက်နေ့ ထိ ပြုလုက်မယ့် Grolsch Artboom အနုပညာပြပွဲရဲ့ ပြသမှုတွေအများကြီးထဲက တစ်ခုဖြစ်ပါတယ်။ ပိုလန်နိုင်ငံမှာ ကွန်မြူနစ်စနစ်ကျဆုံးပြီးနောက် ၁၉၈၉ ခုနှစ်မှာ ဖယ်ရှားခဲ့တဲ့ သမားရိုးကျ လီနင်ရုပ်ထုရဲ့ နေရာမှာ အခု ပုံစံရုပ်ထုသစ်ကို အစားထိုးခဲ့တာဖြစ်ပါတယ်။ ဒီ ရုပ်ထုကို “ Fountain of the Future” လို့  အမည်ပေးထားပြီး ဒီနေရာမှာ ဘယ်ရုပ်ထုကို အမြဲထားသင့်သလဲ ဆိုတဲ့အချက်ကို ဆွေးနွေးငြင်းဆုံကြဖို့  အားပေးတဲ့အနေနဲ့ ဒီဇိုင်းထွင်ခဲ့တယ်လို့ သိရပါတယ်။ လီနင်သေးပေါက်နေတဲ့ပုံ ရုပ်ထုဟာ တော်တော် ဂွကျပေမယ့် အရင်တစ်ခါ လီနင်ရဲ့ အရိုးစုကို မပျက်စီးအောင် ဆေးရည်စိမ်ပြီး ပြသမယ့် အစီအစဉ်ထက်တော့ တော်ပါသေးတယ်။ Ref: Metro.co.uk


Trend Myanmar

ယုဝေ

ရန်ကုန်၊ မဇ္ဈိမ။ ။ မဟာသန္တိသုခကျောင်းပိုင်ဆိုင်မှု အငြင်းပွားရာမှ ပီနန်ဆရာတော်ကြီး၏ တပည့်သံဃာငါးပါးကို အတင်းလူဝတ်
လဲစေကာ ထောင်ချသည့်ကိစ္စကို နိုင်ငံတော်သမ္မတ ဦးသိန်းစိန်အနေဖြင့် တစ်စုံတစ်ရာ ၀င်ရောက်ဖြေရှင်းမည်မဟုတ်ဟု သမ္မတပြောရေးဆိုခွင့်ရှိသူ ပြန်ကြားရေးဝန်ကြီးဌာန ဒုတိယဝန်ကြီး ဦးရဲထွဋ်က မဇ္ဈိမကိုပြောသည်။

“အဲလိုကိစ္စတွေကို ဖြေရှင်းတဲ့နေရာမှာ ဟိုအရင်ကတည်းက လုပ်ထုံးလုပ်နည်းဆိုင်ရာ သံဃာလုပ်ထုံးလုပ်နည်းတွေနဲ့ သံဃာမဟာနာယကအဖွဲ့ရဲ့ နောက်ဆုံး ဆုံးဖြတ်တဲ့ လုပ်ငန်းဖြစ်ပါတယ်။ ဒါကြောင့်မို့ သမ္မတအနေနဲ့ ပါဝင်ပြောဆိုခြင်း ၀င်ရောက်စွက်ဖတ်ခြင်း လုပ်လို့မရပါဘူး”ဟု ဦးရဲထွဋ်က ပြောသည်။

ဇွန်လ ၁၁ရက်က မဟာသန္တိသုခကျောင်းတိုက်ကို ရဲဝန်ထမ်းများက ဝန်းရံချိတ်ပိတ်ကာ သံဃာများနှင့် ဒကာများကို ထိန်းသိမ်းခဲ့သည်။ ဇွန်လ ၁၃ရက်ကလည်း ပီနန်ဆရာတော်ကြီး၏ တပည့်များဖြစ်သည့် လန်ဒန်ဆရာတော် ဦးဥတ္တရအပါအဝင် သံဃာငါးပါးကို အတင်းအကျပ် လူဝတ်လဲစေပြီး သာသနာတော် ညိုးနွမ်းစေမှု ၂၀/၉၀ဖြင့် စွဲဆိုကာ အင်းစိန်ထောင်သို့ ပို့ဆောင်ခဲ့သည်။ ယင်းဖြစ်ရပ်များနှင့် ပတ်သက်၍ လူမှုကွန်ယက်များတွင် သမ္မတဦးသိန်းစိန် အနေဖြင့် ဝင်ရောက်ထိန်းသိမ်းခြင်း မရှိခြင်းကြောင့် သမ္မတ၏ ပါဝင် ပတ်သက်မှု ရှိမရှိ ဝေဖန်မှုများနှင့် မေးခွန်းများ ထွက်ပေါ်ခဲ့သည်။

အဆိုပါ ဖြစ်ရပ်များသည် တိုင်းသံဃာနာယကအဖွဲ့၊ သာသနာရေးဝန်ကြီးဌာနနှင့် ဒေသအာဏာပိုင်းများ ပူးပေါင်းကာ သံဃာ့နာယကအဖွဲ့၏ ဆုံးဖြတ်ချက်ကို အကောင်အထည် ဖော်ခဲ့ခြင်းဖြစ်သည် ဟုဦးရဲထွဋ်ကပြောသည်။

ယင်းအပြင် လွန်ခဲ့သည့် တစ်လခန့်ကလည်း သမ္မတဦးသိန်းစိန်က မြန်မာငြိမ်းချမ်းရေးစင်တာမှ ဦးညိုအုန်းမြင့်အား ပီနန်ဆရာတော်ဆီ စေလွှတ်ကာ ကျောင်းတိုက်တွင် အေးချမ်းစွာ သတင်းသုံးနိုင်ရန် အမှာစကားပါးသည်ဟူသော သတင်းများ ထွက်ပေါ်သည့်အပေါ် မဟုတ်မှန်ကြောင်း ဦးရဲထွဋ်က
မဇ္ဈိမကို ပြောသည်။

တာမွေမြို့နယ်ရှိ မဟာသန္တိသုခကျောင်းတိုက်ကို ပီနန်ဆရာတော်နှင့် မဟာသံဃာ့နာယကအဖွဲ့တို့ ပိုင်ဆိုင်မှု အငြင်းပွားခဲ့ခြင်းဖြစ်ပြီး ကျောင်းတိုက်ကို
ဇွန်လ ၁၁ ရက် နံနက် ၁၂နာရီခန့်က သံဃာတော် စည်းကမ်းထိန်းသိမ်းရေးအဖွဲ့မှ သံဃာတော်များနှင့် ရဲတပ်ဖွဲ့ဝင် ၁၀၀၀ခန့်က ၀င်ရောက်စီးနင်းကာ ကျောင်းတိုက်အတွင်းရှိ သံဃာတော် အပါး၂၀ ကို ထိန်းသိမ်းခဲ့ကြခြင်းဖြစ်သည်။

ပုံစာ- ဇွန်လ ၁၁ရက် နံနက် ၄နာရီခန့်က မဟာသန္တိသုခ ကျောင်းတိုက်ဆရာတော်များကို ကမ္ဘာအေးရှိ သံဃာ့တက္ကသိုလ်သို့ ထိန်းသိမ်းသွားပြီး သံဃာ့တက္ကသိုလ်ရှေ့တွင်
လုံခြုံရေးယူထားစဉ်။ (ဓာတ်ပုံ- ဘိုဘို၊ မဇ္ဈိမ)

Mizzima Burmese 

အထူးသဖြင့် ငါးတွင်ပါဝင်သော ပရိုတိန်းဓာတ်စားသုံးမှု တစ်နေ့လျှင် ၂၀ ဂရမ်မျှပိုများလာလျှင်ပင် လေဖြတ်မှုအန္တရာယ်များကို လျော့ကျစေနိုင်ကြောင်း လေ့လာတွေ့ရှိမှုရလဒ်များကို အွန်လိုင်းဂျာနယ်Neurology တွင် ဖော်ပြထားသည်။
ယင်းလေ့လာမှုများတွင်ပါဝင်ခဲ့သည့် ပရိုတိန်းဓာတ်စားသုံးမှုအမြင့်ဆုံးပုဂ္ဂိုလ်များတွင် လေဖြတ်နိုင်မှုအန္တရာယ် ၂၀ ရာခိုင်နှုန်းပိုနည်းကြောင်း သိရသည်။
၁၄ နှစ်တာကာလအတွင်း လူပေါင်း ၁၅၄,၄၈၉ ဦးကို တစ်ဦးစီ ပျမ်းမျှလေ့လာမှုပေါင်းခုနစ်ကြိမ်ပြုလုပ်ခဲ့သည်။ ကိုလက်စထရောနှင့် ဆေးလိပ်သောက်ခြင်းကဲ့သို့ လေဖြတ်နိုင်ခြေရှိသော အခြားအပြုအမူများကိုလည်း လေ့လာမှုတွင် ထည့်သွင်းတွက်ချက်ထားကြောင်း သိရသည်။

တစ်နေ့လျှင် ပရိုတိန်း ၂၀ ဂရမ်စားသုံးခြင်းဖြင့် လေဖြတ်နိုင်မှုအန္တရာယ်ကို ၂၆ ရာခိုင်နှုန်းလျော့ပါးစေကြောင်း လေ့လာမှုရလဒ်ကဖော်ပြသည်။ ပရိုတိန်းဓာတ်မြင့်မားစွာပါဝင်သည့် ဓာတ်စာစားသုံးသူများတွင် လေဖြတ်နိုင်ခြင်းအန္တရာယ်လျော့ကျခြင်းကြောင့် ပရိုတိန်းဓာတ်မှာ သွေးတိုးခြင်းကိုလည်း လျော့ကျစေနိုင်သည်။

ပရိုတိန်းဓာတ်ကို လူတိုင်းပမာဏမျှတစွာသုံးပါက ကမ္ဘာတစ်ဝန်း လေဖြတ်ခြင်းကြောင့် နှစ်စဉ်သေဆုံးမှုကို ၁ ဒသမ ၄ သန်းလျော့ကျသွား စေမည်ဖြစ်သည့်အပြင် လေဖြတ်ခြင်းကြောင့် ကိုယ်လက်မသန်စွမ်းဖြစ်ပွားမှုနှုန်းကိုလည်း လျော့ကျစေမည်ဟု တရုတ်နိုင်ငံနန်ဂျင်းတက္ကသိုလ်မှ ဒေါက်တာကျင်ဖမ်းလွီက ပြောသည်။

သို့သော် ပရိုတိန်းဓာတ်ရရှိသော ရင်းမြစ်ကမူ ကွဲပြားခြားနားစေကြောင်းလည်း ယင်းသုတေသနရလဒ်က ဖော်ပြသည်။ အနောက်တိုင်းထက် အနီရောင်အသားစားသုံးမှု သိသိသာသာပိုနည်းသော ဂျပန်နိုင်ငံတွင် လေ့လာမှုနှစ်ခုပြုလုပ်ခဲ့သဖြင့် ပရိုတိန်းဓာတ်အများစုကို အနီရောင်အသားများအစား ငါးကဲ့သို့အခြားသောပရိုတိန်းရင်းမြစ်များကို အစားထိုးစားသုံးခြင်းဖြင့် လေဖြတ်နိုင်မှုအန္တရာယ်ကိုလျော့ကျစေနိုင်သည်ဟု ဒေါက်တာလွီက ပြောသည်။ သို့သော် တိရစ္ဆာန်မှရသော ပရိုတိန်းဓာတ်မှာ လေဖြတ်နိုင်မှုအန္တရာယ်ကို လျှော့ချရာတွင် ဟင်းသီးဟင်း ရွက်မှရသော ပရိုတိန်းဓာတ်များထက် ပိုအစွမ်းထက်သည်ဟု ၎င်းက ထပ်လောင်းပြောကြားသည်။

—Ref: AFP
7day daily

စပိန်နိုင်ငံမှာ ခွေးစိမ်းလေးနှစ်ကောင် မွေးဖွားခဲ့တာကြောင့် ပိုင်ရှင်ဖြစ်သူဟာ အံ့သြသွားခဲ့ရပါတယ်။
အသက် ၂၇ နှစ်အရွယ် Aido Vallelado က ဒီခွေးလေးနှစ်ကောင်ရဲ့ အရောင်ကို မြင်မြင်ချင်း ယုံကြည်ဖို့ အတော်ကြိုးစားခဲ့ရတယ် လို့ဆိုပါတယ်။
ပါပီလေးတွေက ညစ်ပတ်နေတာဖြစ်မယ်လို့ ကျွန်မက ထင်တာ။ ကျွန်မက သန့်ရှင်းဖို့လုပ်တယ်။ ဒါပေမဲ့ အရောင်က ပြောင်းမသွားဘူး။ ကျွန်မလည်း သိလိုက်တယ်။ ဒါ သူတို့ အရောင်ပဲပေါ့ “ လို့ မစ္စ Vallelado က ပြောကြားခဲ့ပါတယ်။


သူမရဲ့ အဖေ ၅၂ နှစ်အရွယ် Manuel Vallelado နဲ့ အတူ အမဲလိုက် ခွေးများကို မွေးကြတာဖြစ်ပြီး သူမရဲ့အဖေက ဒီခွေးလေးတွေကို ဟော့ခ် (ရုပ်ရှင်ကားထဲမှာHulk လူစိမ်းကြီး) လေးတွေ လို့ ခေါ်ပေမဲ့ ဒီကောင်လေးတွေကို ဒေါသထွက်အောင် လုပ်လို့မရဘူးလို့ သူမက ပြောကြားခဲ့ပါတယ်။

တိရိစ္ဆာန်ဆရာဝန် Daniel Valverde က “စပိန်နိုင်ငံ သိပ္ပံဆိုင်ရာ စာအုပ်တွေထဲမှာ ဒီလို မှတ်တမ်းမျိုးမရှိပါဘူး။ အဖြေရှာဖို့အတွက် ရောဂါဗေဒနဲ့ ဘက်တီးရီးယားပိုးမွှားဆိုင်ရာ စစ်ဆေးမှုတွေကို ပြုလုပ်နေပါတယ်” လို့ပြောကြားခဲ့ပါတယ်။

၂၀၁၂ ခုနှစ်ကလည်း အင်္ဂလန်နိုင်ငံ Lancashire ကောင်တီမှာ Labrador အမျိုးအစား ခွေးစိမ်းလေးတစ်ကောင် မွေးဖွားခဲ့ကြောင်း သတင်းများက ဖော်ပြခဲ့ဖူးပါတယ်။

Photutaw

(ရန်ကုန် ဇွန် ၁၄)

စည်းကမ်းမဲ့မော်တော်ယာဉ် အားဖေစ့်ဘုတ် ၀က်ဘ်ဆိုဒ် မှ တိုင်ကြားရာတွင်
တိုင်ကြားသူ၏ လုံခြုံရေးအတွက် ကိုယ်ရေး အချက်အလက် များကို လျှို့ဝှက်ပေးထားမည်ဟု အမှတ်(၂)ယာဉ်ထိန်းရဲ ရုံးမှဒုရဲမှုးကြီး ဦးလင်းထွဋ် ကပြော သည်။

“တိုင်ကြားသူအတွက် လုံခြုံရေးကိုတာဝန်ယူမှာပါ၊ ဒီလိုသတင်းပေးတဲ့ လူ ရဲ့ နာမည်(သို့) အကောင့် ကိုပေါက်ကြား သွားမယ်ဆိုရင် အကိုတို့ မှာ တာဝန် ရှိပါတယ်”ဟုဒုရဲမှူးကြီးဦးလင်းထွဋ်ကပြောသည်။

ထို့ ပြင် အဆိုပါ တိုင်ကြားသူ၏ သတင်းပေးမှုမှာ မှန်မှန်ကန်ကန်ဖြစ်ပြီး သတင်းပေးမှု များလာပါက ဆုချီးမြှင့်ရန် တင်ပြထားကြောင်း ၄င်းက ထပ်ပြောသည်။

လက်ရှိတွင် အဆိုပါ စည်းကမ်းမဲ့ မောင်းနှင်သောယာဉ် များအား တိုင်ကြားမှု မှာ နည်းနေပြီးပြည်သူများ မပူးပေါင်းပါ ၀င် ကူညီပေးပါက စည်းကမ်းမဲ့ ယာဉ်များကို ပိုမိုအရေးယူနိုင်မည် ဖြစ်ကြောင်း ၄င်းကဆိုသည်။

စည်းကမ်းမဲ့ မော်တော်ယာဉ် များအားယာဉ်ထိန်း ရဲတပ်ဖွဲ့ ၏ ၀က်ဘ်ဆိုဒ်ဖြစ် သည့် Yangon Traffic Police ဆိုဒ်မှ တိုင်ကြားပေးရန်ကြေငြာ ထားပြီး အဆိုပါ တိုင်ကြားသူ၏ ဖေစ့်ဘုတ်ကဲ့သို့ သော လူမှုဆက်ဆံရေး ဆိုဒ် များ၏ လုံခြုံ ရေးအတွက် အမှတ်(၂) ယာဉ်ထိန်းရဲ ရုံးမှတာဝန် ယူမည်ဖြစ်ကြောင်း ၄င်းကဆိုသည်။

စည်းကမ်းမဲ့ ယာဉ်များ အား တိုင်ကြားရာတွင် တိုင်ကြားမှုအား စစ်ဆေးပြီး မှန်ကန်ပါက အမြန်ဆုံး အရေးယူသွားမည် ဟုဒုရဲမှုးကြီး ဦးလင်းထွဋ် ကပြောသည်။

ဇေဝေယံ
popular myanmar

ထိုင်းနိုင်ငံသားတစ်ဦးဟာ တောတွင်း ခရီးစဉ် တစ်ခုမှာ ဆင်တစ်ကောင်ရဲ့ ရန်ပြုခြင်းကို ခံခဲ့ရပေမယ့် သူ့ရဲ့ လက်ကိုပြပြီး ဝှေ့ရမ်းကာ အသနားခံတာမို့ အသက်ဘေးကနေ လွတ်မြောက်သွားခဲ့တယ်လို့ သိရပါတယ်။ အသက် (၂၇) နှစ် အရွယ်ရှိ ဘိုလင်းဟာ ဘန်ကောက်မြို့ အနီးရှိ ချောင်ဆူရီမြို့မှာ နေထိုင်ပြီး အင်ဂျင်နီယာဘွဲ့ရရှိ ထားပါတယ်။ တစ်နေ့မှာ အလုပ်က ထွက်ပြီး စိတ်အပန်းဖြေတဲ့ အနေနဲ့ သူငယ်ချင်းဖြစ်သူ ကီတီ ဆက်ကို ခေါ်ယူပြီး ထိုင်းနိုင်ငံ မြောက်ပိုင်းရှိ တောရိုင်း တိရိစ္ဆာန် ကြိုးဝိုင်းကို သွားရောက် လေ့လာခဲ့ပါတယ်။ ဒီလိုလေ့လာရာမှာ ဆင်တစ်ကောင်နဲ့ မထင် မှတ်ဘဲ ကြုံ့တွေ့ခဲ့ရပါတယ်။ အဲဒီဆင်ဟာ ဘိုလင်းနောက်ကို တရစပ် လိုက်ခဲ့ပါတယ်။ ဘိုလင်း ကလည်း လွတ်မြောက်ဖို့ ပြေးလွှားခဲ့ပါတယ်။ ဒါပေမဲ့ လွတ်မြောက်ဖို့ လမ်းစမရှိတော့ တာမို့ သူရဲ့လက်ကို မြှောက်ပြီး ဆင်ကြီးကို စကားပြောဆိုခဲ့ပါတယ်။
ဘိုလင်းက မိမိကို အနာတရ ဖြစ်အောင် မလုပ်ဖို့ ပြောခဲ့တာပါ။ ဘိုလင်းက ဘယ်ဘက်လက်ကို ထောင်ပြီး ပြောခဲ့တာဖြစ်ပြီး ညာဘက် လက်မှာ ကင်မရာ ကိုင်ဆောင်ထား ပါတယ်။ ဒီနောက်ဆင်ကြီးဟာ ရုတ်တရက် ရပ်တန့်သွား ပြီးနောက်ကို ပြန်လည့်သွား ပါတယ်။ ဒီဖြစ်ရပ်ကို ဘိုလင်းနဲ့ အတူပါလာတဲ့ သူငယ်ချင်းဖြစ်သူက မှတ်တမ်းတင် ဗီဒီယို ရိုက်ကူးခဲ့ပါတယ်။ ဒါကို အွန်လိုင်းပေါ် လွှင့်တင်ခဲ့ရာ ကြည့်ရှုသူ အရေအတွက် သန်းနဲ့ချီရှိ သွားခဲ့ပါတယ်။ ဘိုလင်းက သူ့ရဲ့ အတွေ့အကြုံနဲ့ ပတ်သက်ပြီး အံအားသင့်ခဲ့ကြောင်း၊ ကံလည်းကောင်းခဲ့ကြောင်း ပြောကြားခဲ့ပါတယ်။ အာရှဆင်တွေ ဟာ လူကို အန္တရာယ် ပြုခြင်းမရှိတာမို့ ဆင်စွယ်တွေကို ရယူလို မှုကြောင့် သတ်ဖြတ်ခြင်းခံနေ ရတယ်လို့ သိရပါတယ်။ အရွယ် ရောက်ပြီးသား အာရှဆင် တစ်ကောင်ရဲ့ အရှည်ဟာ (၁၀) ပေ အထိရှိပြီး အလေးချိန်က (၅ ဒသမ ၅) တန် အထိရှိတတ်ပါတယ်။

The Messenger News

(အင်္ဂလန်နှင့် အီတလီအသင်းတို့ကစားမည့် Amazonia Arena ကွင်း မြက်ခင်းပြင်အနေအထားကို ဇွန် ၁၀ ရက်က တွေ့ရစဉ် (Photo - AFP))

ဇွန် ၁၄ ရက် (မြန်မာစံတော်ချိန် ဇွန် ၁၅ ရက် နံနက်ပိုင်း) တွင် အင်္ဂလန်နှင့် အီတလီအသင်းတို့၏ ပွဲစဉ်ကို လက်ခံကျင်းပမည့် ဘရာဇီးလ်နိုင်ငံ Manaus မြို့ရှိ Amazonia Arena ကွင်း၏ မြက်ခင်းပြင်အနေအထားကို ကမ္ဘာ့ ပရော်ဖက်ရှင်နယ်ကစားသမားများ အဖွဲ့အစည်း (FIFPro) က ပြင်းပြင်းထန်ထန် ဝေဖန်ခဲ့ကြောင်း သိရသည်။

Manaus မြို့၏ အပူချိန်ပြင်းထန်မှုကြောင့် စိုးရိမ်မှုများရှိနေချိန်တွင် FIFPro က ကွင်း၏ မြက်ခင်းပြင်အနေအထားကို ဝေဖန်ခဲ့ခြင်းဖြစ်သည်။Amazonia Arena ကွင်းမြက်ခင်းမှာ ခြောက်သွေ့နေသလို ဂိုးပေါက်ရှေ့နှင့် အချို့နေရာများတွင်လည်း မြက်ပေါက်ရောက်မှု နည်းပါးကာ မြေသားများ ဖြစ်ပေါ်နေသောကြောင့် FIFPro က ဝေဖန်ခဲ့ခြင်းဖြစ်ကြောင်း သိရသည်။ “ကစားသမားတွေအနေနဲ့ အရည်အသွေးကောင်းမွန်တဲ့ ကွင်းမှာပဲ ကစားသင့်ပါတယ်။
ဒါပေမဲ့ Manaus မြို့ရဲ့ကွင်းကတော့ အဲဒီလိုအခြေအနေ မရှိပါဘူး။ ကစားသမားတွေအနေနဲ့လည်း ဒီလိုကွင်းမျိုးမှာ ကစားချင်မှာ မဟုတ်ပါဘူး” ဟု FIFPro က ထုတ်ပြန်ခဲ့သည့် ကြေညာချက်တွင် ဖော်ပြထားသည်။

ထို့ပြင် FIFPro က Manaus မြို့၏ အပူချိန်နှင့် ရေငွေ့သိပ်သည်းမှုအခြေအနေကိုလည်း ထောက်ပြပြောဆိုခဲ့ပြီး ပွဲကစားနေစဉ်အတွင်း ခေတ္တအနားပေးချိန် ခွင့်ပြုရန် တိုက်တွန်းခဲ့ကြောင်း သိရသည်။ ကမ္ဘာ့ဘောလုံးအဖွဲ့ချုပ် (FIFA) တာဝန်ရှိသူတစ်ဦးက ရာသီဥတုအခြေအနေပေါ်မူတည်၍ ခေတ္တအနားပေးချိန် ခွင့်ပြုရန် ညွှန်ကြားထားကြောင်း ပြောကြားခဲ့သော်လည်း Amazonia Arena ကွင်းမှာမူ လေ့ကျင့်ခန်းအစီအစဉ်နှင့် ပြိုင်ပွဲများ ယှဉ်ပြိုင်ကစားရန်သင့်တော်ကြောင်း တုံ့ပြန်ခဲ့သည်။ ယင်းကွင်း၌ အင်္ဂလန်-အီတလီ ပွဲစဉ်အပြင် ဇွန် ၁၈ ရက်တွင်ကစားမည့် ကင်မရွန်း-ခရိုအေးရှား၊ ဇွန် ၂၂ ရက်တွင် ကစားမည့် အမေရိကန် -ပေါ်တူဂီ၊ ဇွန် ၂၅ ရက်တွင် ကစားမည့် ဟွန်ဒူးရပ်စ်-ဆွစ်ဇာလန်ပွဲစဉ်များကိုလည်း လက်ခံကျင်းပသွားမည် ဖြစ်သည်။

Eleven Media Group

(ခရိုအေးရှားအသင်းအတွက် ဦးဆောင်ဂိုးကို ပွဲချိန် ၁၁ မိနစ်၌ မာဆယ်လို သွင်းယူလိုက်စဉ် (Photo - AFP))

ကမ္ဘာ့ဖလား အဖွင့်ပွဲစဉ်တွင် ပထမဆုံး ကိုယ့်ဂိုးကိုယ်သွင်းယူသူအဖြစ် မာဆယ်လို မှတ်တမ်းဝင် ပြိုင်ပွဲသမိုင်းတစ်လျှောက် ဘရာဇီးလ်အတွက် ပထမဆုံး ကိုယ့်ဂိုးကိုယ်သွင်းယူသူဖြစ်လာ

ဇွန် ၁၂ ရက်က ယှဉ်ပြိုင်ကစားခဲ့သည့် ဘရာဇီးလ်နှင့် ခရိုအေးရှားအသင်းတို့ပွဲစဉ်တွင် ကိုယ့်ဂိုးကိုယ်သွင်းယူခဲ့သော ဘရာဇီးလ်နောက်ခံလူ မာဆယ်လိုမှာ ကမ္ဘာ့ဖလား ပြိုင်ပွဲ အဖွင့်ပွဲစဉ်တွင် ပထမဆုံး ကိုယ့်ဂိုးကိုယ်သွင်းယူသူအဖြစ် မှတ်တမ်းဝင်ခဲ့ကြောင်း သိရသည်။

မာဆယ်လိုမှာ ပွဲချိန် ၁၁ မိနစ်တွင် ခရိုအေးရှားဘယ်တောင်ပံမှ အိုလစ်၏ ဖြတ်တင်ဘောကို ကာကွယ်ရန် ကြိုးစားရာမှ ကိုယ့်ဂိုးကိုယ်သွင်းမိခဲ့ခြင်း ဖြစ်သည်။ မာဆယ်လို၏ သွင်းဂိုးမှာ ယခုနှစ်ကမ္ဘာ့ဖလားပြိုင်ပွဲ၏ အဖွင့်ဂိုးဖြစ်ခဲ့သလို ကမ္ဘာ့ဖလား အဖွင့်ပွဲစဉ်များတစ်လျှောက် ပထမဆုံး ကိုယ့်ဂိုးကိုယ်သွင်းယူမိခဲ့ခြင်းဖြစ်ကြောင်း သိရသည်။ ထို့ပြင် မာဆယ်လိုမှာ ကမ္ဘာ့ဖလားပြိုင်ပွဲသမိုင်းတစ်လျှောက် ဘရာဇီးလ်အသင်းအတွက် ပထမဆုံး ကိုယ့်ဂိုးကိုယ်သွင်းယူသူ ဖြစ်လာခဲ့သလို အဖွင့်ပွဲစဉ်တွင် အိမ်ရှင်အသင်းအတွက် ပထမဆုံး Own Goal အဖြစ်လည်း မှတ်တမ်းဝင်ခဲ့ကြောင်း သိရသည်။ ဘရာဇီးလ်အသင်းမှာ ခရိုအေးရှားအသင်း၏ ဦးဆောင်မှုခံခဲ့ရသော်လည်း နေမာက ၂၉ မိနစ်တွင် ချေပဂိုးနှင့် ၇၁ မိနစ် တွင် ပယ်နယ်တီမှတစ်ဆင့် ဦးဆောင်ဂိုးများ ပြန်လည်သွင်းယူခဲ့သည်။ ဘရာဇီးလ်အတွက် အနိုင်သေချာစေမည့် တတိယဂိုးကိုမူ အော်စကာက နာကျင်အချိန်ပို ၉၁ မိနစ်တွင် သွင်းယူခဲ့ခြင်း ဖြစ်သည်။

ဘရာဇီးလ်အသင်းမှာ ဘောလုံးပိုင်ဆိုင်မှု ရာခိုင်နှုန်း ၆၀ ကျော်အထိ အသာစီးရယူကာ ကစားနိုင်ခဲ့သော်လည်း နေမာ၏ ထိုးဖောက်မှုများကိုသာ အဓိက အားပြုကစားခဲ့ရသည်။ ခရိုအေးရှားအသင်းမှာမူ တန်ပြန်တိုက်စစ်ဖြင့်သာ တုံ့ပြန်ကစားခဲ့ပြီး အားထားရသည့် တိုက်စစ်မှူး မန်ဇူကစ် ပွဲပယ်ခံထားရသဖြင့် အားနည်းခဲ့ရသည်။ ဘရာဇီးလ်အသင်းမှာ အဖွင့်ပွဲစဉ်တွင် သုံးမှတ်အပြည့် ရယူနိုင်ခဲ့သောကြောင့် အုပ်စု (က)တွင် (မက္ကဆီကို-ကင်မရွန်းပွဲစဉ် မတိုင်မီ) ထိပ်ဆုံးနေရာ၌ ရပ်တည်နိုင်ခဲ့ကြောင်း သိရသည်။

Eleven Media Group

ကမ္ဘာ့ဖလားတွင် ဂိုးသွင်းပြီးနောက် အောင်ပွဲခံသည့် ဗီဒီယိုများကဲ့သို့ ဗီဒီယို အပိုင်းငယ်များကို ယခုအခါ Facebook Messenger မှတစ်ဆင့် ဝေမျှနိုင်ပြီဖြစ်ကြောင်း CultofMac မှ ဖော်ပြခဲ့သည်။

Facebook မှ အသစ် ဖြန့်ချိလိုက်သည့် Mesenger app update တွင် အခြားမည်သည့် app များ မလိုအပ်ဘဲ ၁၅ စက္ကန့်စာ ဗီဒီယိုများကို ရိုက်ကာ ဝေမျှနိုင်သည့် feature ကို ထည့်သွင်းပေးခဲ့သည်။ အဆိုပါ update သည် iOS 8 အတွက် video messaging feature သစ်ကို Apple က မိတ်ဆက်ပေးခဲ့ပြီး နှစ်ပတ်အကြာတွင် ဖြန့်ချိခဲ့ခြင်း ဖြစ်သည်။

Facebook Messenger တွင် ဗီဒီယို ပေးပို့သည့်အခါ keyboard ပေါ်တွင်ရှိသည့် ကင်မရာ icon ကိုနှိပ်ပြီး ဓာတ်ပုံဝေမျှသည့် နည်းလမ်းအတိုင်း ပေးပို့နိုင်သည်။ သို့ရာတွင် ဓာတ်ပုံရိုက်ကူးရာတွင် Send ခလုတ် ကို နှိပ်ရမည့်အစား အဆိုပါ ခလုတ်ကို နှိပ်ကာ ဖိထားခြင်းဖြင့် ဗီဒီယိုရိုက်ကူးနိုင်ပြီး ဖိထားသည့် လက်ကို လွှတ်လိုက်သည့်အခါ ဗီဒီယိုကို ပေးပို့ပေးမည် ဖြစ်သည်။ ၎င်းတွင် cancel လုပ်သည့် option မပါဝင်သောကြောင့် send ခလုတ်ကို နှိပ်ပြီး ဖိထားသည့်နောက် cancel လုပ်နိုင်မည် မဟုတ်ပေ။

၎င်း Facebook Messenger update ကို iPhone အတွက်သာ ဖြန့်ချိထားသည်။


Ref: CultOfMac
Internet Journal

ယူကရိန်းနိုင်ငံ အရှေ့ပိုင်းတွင် စစ်ဘက်လေယာဉ် တစ်စင်း ပစ်ချခံရပြီး လေယာဉ်ပေါ် ပါရှိသွားသူ စစ်မှုထမ်းအားလုံး သေဆုံးသွားကြောင်း သတင်းများ ထွက်ပေါ်လျှက် ရှိသည်။

ယူကရိန်း ကာကွယ်ရေး ဝန်ကြီးဌာနက Il-76 အမျိုးအစား သယ်ယူပို့ဆောင်ရေး လေယာဉ်သည် လေယာဉ်ပစ်ဒုံးကျည် ထိမှန်ပျက်ကျပြီး လိုက်ပါလာသူ (၄၉)ဦးလုံး သေဆုံးသွားပြီဟု ကနဦး သတင်းပေးပို့မှုများ ရရှိထားကြောင်း ပြောကြားခဲ့သည်။

ဇွန်လ(၁၃)ရက်နေ့ ညပိုင်းက လူဟန့်စ်ခ်မြို့အနီး ပျံသန်းနေစဉ် လေယာဉ်ပစ်ချ ခံရခြင်းဖြစ်ပြီး ယူကရိန်း အစိုးရက ယင်းလုပ်ရပ်သည် အကြမ်းဖက်သမားများ၏ လက်ချက်ဖြစ်ကြောင်း စွပ်စွဲထားသည်။ ယူကရိန်း အစိုးရသည် နိုင်ငံအရှေ့ပိုင်းရှိ ရုရှားလိုလားသော ခွဲထွက်ရေး ပြောက်ကျားတပ်ဖွဲ့များကို အကြမ်းဖက်သမားများဟုသာ အစဉ်တစိုက် သုံးနှုန်းခေါ်ဝေါ်ခဲ့သည်။

စစ်ဘက်ပြောရေးဆိုခွင့်ရ အရာရှိ ဗလာဒီဆလက်ဗ် ဆီလက်ဇ်နော့ဗ်က “ကနဦး သတင်းပေးပို့ချက်တွေ အရတော့ လိုက်ပါသွားတဲ့ စစ်မှုထမ်း (၄၉)ယောက်စလုံး အသက်ဆုံးရှုံးခဲ့တယ်လို့ ယူဆရပါတယ်”ဟု ပြောကြားခဲ့သည်။ လူဟန့်စ်ခ်မြို့ရှိ နိုင်ငံတကာ လေဆိပ်တွင် လုံခြုံရေး ယူထားသော ယူကရိန်း စစ်တပ်များကို ပြောက်ကျားတပ်ဖွဲ့များက ထိုးစစ်ဆင် တိုက်ခိုက်ခဲ့ပြီး တစ်ပတ်မပြည့်မီ ယခုကဲ့သို့ ယူကရိန်း စစ်ဘက်လေယာဉ်တစ်စင်း ပစ်ချခံရခြင်း ဖြစ်သည်။

ထိုအတောအတွင်း အမေရိကန် အစိုးရက ယူကရိန်း နိုင်ငံပိုင်နက်အတွင်း ကျူးကျော်ဝင်ရောက်လာပြီး ခွဲထွက်ရေး ပြောက်ကျားများနှင့် ပူးပေါင်းခဲ့သော တင့်ကားများသည် ရုရှားစစ်တပ်မှဖြစ်ကြောင်း စွပ်စွဲပြောကြားခဲ့သည်။ “ရုရှားကတော့ ဒီတင့်ကားတွေက ယူကရိန်းစစ်တပ်ကလို့ ပြောမှာပါပဲ။ ဒါပေမဲ့ အဲဒီဒေသမှာ လှုပ်ရှားနေတဲ့ ယူကရိန်း တင့်ကားတပ်ဖွဲ့ တစ်ခုမှ မရှိဘူး”ဟု အမေရိကန် နိုင်ငံခြားရေး ဝန်ကြီးဌာန ပြောရေးဆိုခွင့်ရ အမျိုးသမီးက ဆိုသည်။ ရုရှားကမူ မိမိတို့၏ တင့်ကားများ ယူကရိန်းပိုင်နက်ထဲ ကျူးကျော်ဝင်ရောက်ခဲ့ခြင်း မရှိကြောင်း အစဉ်တစိုက် ငြင်းဆိုထားသည်။

_Ref: BBC
7day daily

စာရေးဆရာ သစ္စာနီရဲ့ “သောင်းတိုက်က ကြားစေသား” ရေဒီယို အသံလွှင့် ဆောင်းပါးအစီအစဉ်ကို ဒီတပတ်မှာတော့ “အစိုးရအဖွဲ့ဝင်တွေရဲ့ ပြည်သူအပေါ်လွဲမှားတဲ့ ပြုမှုပြောဆို ဆောင်ရွက်ပုံတွေအတွက် နိုင်ငံတော်အကြီးအကဲက တာဝန်ယူ တာဝန်ခံဖို့လိုတဲ့ အကြောင်း”ကို တင်ဆက်ထားပါတယ်။
အသံဖိုင် အပြည့်အစုံ နားဆင်နိုင်ပါတယ်။

DVB burmese

ဟောလိဝုဒ်တွင် အောင်မြင်ထင်ရှားလာသည့် မင်းသားတစ်လက် အနေဖြင့် သရုပ်ဆောင်ကြေး ဒေါ်လာသန်းနှင့်ချီ ရရှိတတ်သည်မှာ မဆန်းလှချေ။ သရုပ်ဆောင် ဘဝတွင် အောင်မြင်စွာ ရပ်တည်နိုင်သည့် ကာလရှည်ကြာလာသောအခါ စုဆောင်းပိုင်ဆိုင်ထားသည့် ငွေကြေးပမာဏသည်လည်း ပိုမိုများပြား ကြွယ်ဝလာလေ့ရှိသည်။

ထို့ကြောင့်လည်း ရုပ်ရှင်လောကတွင် ကာလရှည်ကြာ ကျင်လည်ခဲ့သော ဝါရင့်မင်းသား အများအပြားသည် ယခုအခါ ဒေါ်လာသန်းပေါင်း ရာနှင့်ချီ ကြွယ်ဝသည့် သူဌေးများအဖြစ် ရပ်တည်လျက် ရှိကြသည်။ ကမ္ဘာ့အချမ်းသာဆုံး ရုပ်ရှင်မင်းသားများတွင် အက်ရှင်စတားများ၊ ဇာတ်မြူးသရုပ်ဆောင်များ၊ ချောမောခံ့ညားသူများ၊ အော်စကာဆုနှင့် အကျွမ်းတဝင် ရှိသူများ ပါဝင်နေသည်။

ကမ္ဘာပေါ်တွင် အချမ်းသာဆုံး ရုပ်ရှင်မင်းသား (၁၀)ဦးကို ရွေးထုတ်လိုက်သည့်အခါ ဟောလိဝုဒ် ကြယ်ပွင့်များကသာ အဓိက လွှမ်းမိုး နေရာယူထားသည်။ ထူးခြားချက်မှာ ဘောလီးဝုဒ်မှ အိန္ဒိယမင်းသား ရှရွတ်ခန်းက ဟောလိဝုဒ် မင်းသား အများအပြားကို ကျော်ဖြတ်ကာ ထိပ်ပိုင်းအဆင့်၌ ရပ်တည်နေခြင်း ဖြစ်သည်။

၁၀။ အဒမ်ဆန်းဒလား

Happy Madison ရုပ်ရှင်ထုတ်လုပ်ရေး ကုမ္ပဏီ အနေဖြင့် အဒမ်ဆန်းဒလားကြောင့် (၁၉၉၈)ခုနှစ်က အကြီးအကျယ် အကျိုးအမြတ် ဖြစ်ထွန်းခဲ့ဖူးသည်။

ထိုနှစ်အတွင်းက ရုံတင်သည့် The Wedding Singerနှင့် The Water Boy ဇာတ်ကားများသည် တစ်ကမ္ဘာလုံး အတိုင်းအတာဖြင့် ဒေါ်လာတစ်ဘီလီယံကျော် ဝင်ငွေရရှိသည်အထိ အောင်မြင်ခဲ့သည်။

ယင်းမတိုင်မီက ကုမ္ပဏီအနေဖြင့် ရုပ်ရှင်ဇာတ်ကား (၃၀)နီးပါး ထုတ်လုပ်ခဲ့ဖူးသော်လည်း အမြတ်အစွန်း ရှာဖွေမှု အပိုင်းတွင် ရုန်းကန်နေခဲ့ရသည်။

Grown Ups 2 ဇာတ်ကားကို ဒေါ်လာသန်း ၈၀ မျှ ရင်းနှီးမြှုပ်နှံ ရိုက်ကူးခဲ့ပြီး ၂၀၁၃ ခုနှစ်က ရုံတင်ရာတွင်မူ ဒေါ်လာသန်း ၂၅၀ မျှ ပြန်လည်ရရှိခဲ့သည်။

၁၉၈၉ ခုနှစ်က အနုပညာလောကထဲ စတင်ခြေချလာသည့် မင်းသားသည် ယခုအခါ ဒေါ်လာ သန်းပေါင်း(၃၀၀)မျှ ကြွယ်ဝချမ်းသာနေပြီ ဖြစ်သည်။

၉။ ဘီလ်ကော့စ်ဘီ

အသက်(၇၆)နှစ် ရှိပြီဖြစ်သည့် မင်းသားဟောင်းကြီးသည် ဟောလိဝုဒ်တွင် သက်တမ်းအရှည်ကြာဆုံး ဟာသမင်းသားအဖြစ် ရပ်တည်ခဲ့သည့် မှတ်တမ်းကို ပိုင်ဆိုင်ခဲ့သည်။

၎င်း၏ ရုပ်မြင်သံကြား အစီအစဉ်ဖြစ်သော Bill Cosby Showကလည်း အမေရိကန်၏ နံပါတ်(၁) Showအစီအစဉ် တစ်ခုအဖြစ် ငါးနှစ်ဆက်တိုက် ရပ်တည်ခဲ့ဖူးသည်။

ဘီလ်ကော့စ်ဘီ အနေဖြင့် White Owl Cigars၊ Coca-Cola၊ Texas Instruments၊ Kodakစသည့် ကုမ္ပဏီများအတွက် ကြော်ငြာပေးခဲ့ခြင်းကလည်း ဝင်ငွေတိုးပွားမှု လမ်းကြောင်းတစ်ခု ဖြစ်ခဲ့ပြီး ယခုအခါ ဒေါ်လာ သန်းပေါင်း ၃၅၀ မျှအထိ ကြွယ်ဝနေပြီဖြစ်သည်။

၈။ တွမ်ဟန့်စ်ခ်

ပါဝင်ရိုက်ကူးသမျှ ဇာတ်ကားတိုင်းကို အောင်မြင်စေသည့် မင်းသားတစ်လက်ဟုပင် တွမ်ဟန့်ခ်စ်ကို ညွှန်းဆိုရမည် ဖြစ်သည်။

Forrest Gum၊ Big၊ Sleepless in Seattle၊ Apollo 13၊ Saving Private Ryan၊ Catch Me If You Can၊ The Green Mile၊ Cast Away၊ Toy Story အစရှိသည့် ဇာတ်ကားများတွင် ဟန့်ခ်စ်ပါဝင်ခဲ့ပြီး ယင်းရုပ်ရှင်များ ရုံတင်ရာမှ ရရှိသည့် ရုံဝင်ကြေးသည် အမေရိကန် တစ်နိုင်ငံတည်းတွင်ပင် ဒေါ်လာ ၄.၂ ဘီလီယံမျှ ရှိခဲ့သည်။ တစ်ကမ္ဘာလုံး အတိုင်းအတာနှင့် ဆိုလျှင်မူ အဆိုပါ ငွေပမာဏ၏ နှစ်ဆအထိ တိုးသွားမည်ဖြစ်သည်။

အော်စကာနှစ်ဆုရှင် ဟန့်ခ်စ်သည် ဟောလိဝုဒ် သမိုင်းတွင် အကျိုးအမြတ် အဖြစ်ထွန်းဆုံး စာရင်းဝင် မင်းသားတစ်လက်အဖြစ် သတ်မှတ်ခံထားရသည်။ ၎င်း၏ ပုဂ္ဂလိက ပိုင်ဆိုင်ကြွယ်ဝမှုမှာမူ ဒေါ်လာသန်းပေါင်း ၃၅၀ ကျော်မျှ ရှိသည်။

၇။ ဂျော်နီဒက်ပ်

ဇာတ်ရုပ်အမျိုးမျိုး ပြောင်းလဲသရုပ်ဆောင်နိုင်သူ၊ ညှို့အားပြင်းပြသူ၊ ပဟေဠိဆန်သူ အစရှိသဖြင့် သတ်မှတ်ချက် အမျိုးမျိုးဖြင့် ဂျော်နီဒက်ပ်၏ သရုပ်သကန်ကို ဟောလိဝုဒ် လောကသားများက အဓိပ္ပာယ် ဖွင့်ဆိုကြသည်။

ဒက်ပ်သည် မျိုးဆက်တစ်ခုအတွင်းတွင်မူ စံပြုထိုက်သည့် မင်းသားတစ်လက် အနေဖြင့် ရပ်တည်ပြခဲ့သည်မှာမူ အငြင်းပွားစရာ မဟုတ်ချေ။ ရုပ်ရှင်ပိတ်ကားထက်တွင် ၎င်းကို ဂျာနယ်လစ်တစ်ဦး၊ အရက်အလွန်အကျွံ သောက်လေ့ရှိသည့် ပင်လယ်ဓားပြတစ်ဦး၊ ရူးကြောင်ကြောင် တွေးခေါ်တတ်သူတစ်ဦး အစရှိသဖြင့် ပုံစံအမျိုးမျိုး တွေ့မြင်ရမည် ဖြစ်သည်။

ဒက်ပ်ပါဝင်သရုပ်ဆောင်ခဲ့သော ဇာတ်ကားများ၏ ရုံဝင်ကြေးကို စုပေါင်းကြည့်လိုက်ပါက ဒေါ်လာ ၇ ဒသမ ၆ ဘီလီယံမျှ ရှိနေပြီဟု ဆိုသည်။ ၂၀၁၂ ခုနှစ် ဂင်းနစ် ကမ္ဘာ့မှတ်တမ်း စာအုပ်က ရုပ်ရှင်လောကတွင် ရုံဝင်ကြေး အမြင့်ဆုံး စုဆောင်းရရှိစေသည့် မင်းသားအဖြစ် သတ်မှတ် ဖော်ပြခဲ့သည်။ ဒက်ပ်၏ ကြွယ်ဝမှု ပမာဏသည်လည်း ဒေါ်လာ သန်းပေါင်း ၃၅၀ ကျော်မျှ ရှိနေသည်။

၆။ ကလင့်အိစ်ဝုဒ်

အသက်(၈၄)နှစ် ရှိပြီဖြစ်သော ဝါရင့်မင်းသားကြီး အနေဖြင့် (၁၉၅၀)ပြည့်လွန် နှစ်များကတည်းက ဟောလိဝုဒ်တွင် စတင်ကျင်လည်နေခဲ့ပြီး ဖြစ်သည်။

ဟောလိဝုဒ် သမိုင်းတွင် သက်ရှိထင်ရှား ဂန္ထဝင် တစ်ဦးအဖြစ် သတ်မှတ်ခံရသည့် ကလင့်အိစ်ဝုဒ်သည် လက်ရှိအချိန်တွင်မူ ဒါရိုက်တာ နယ်ပယ်သို့ ကူးပြောင်းပြီး အောင်မြင်မှုများ ရှာဖွေလျက် ရှိသည်။

၂၀၀၈ ခုနှစ်က ၎င်းကိုယ်တိုင် သရုပ်ဆောင်ပြီး ဒါရိုက်တာ အနေဖြင့်ရော ထုတ်လုပ်သူ အဖြစ်ပါ တာဝန်ယူခဲ့သည့် ဇာတ်ကားသည် ဒေါ်လာသန်းပေါင်း ၂၇၀ မျှအထိ ဝင်ငွေရရှိခဲ့သည်။  ၎င်း၏ လက်ရှိကြွယ်ဝမှုသည် ဒေါ်လာ ၃၇၅ သန်း ပမာဏမျှ ရှိသည်။

၅။ ဂျက်နစ်ကိုလ်ဆန်

စိတ်ဖောက်ပြန်နေသကဲ့သို့၊ ပုံမှန်စိတ်အနေအထား မရှိသူ တစ်ဦးကဲ့သို့ သရုပ်ဆောင်ပြသည့်အခါ ဂျက်နစ်ကိုလ်ဆန်ကို ယှဉ်ပြိုင်နိုင်သူ မရှိသလောက်ရှားကြောင်း ဟောလိဝုဒ်တွင် အသိအမှတ် ပြုထားကြသည်။

နစ်ကိုလ်ဆန်သည် အော်စကာ ဆန်ခါတင် အဆင့်တွင် (၁၂) ကြိမ် အမည်တင်သွင်း ခံခဲ့ရပြီး ယင်းသည် အမျိုးသား သရုပ်ဆောင် တစ်ဦးအတွက် အရေအတွက် အများဆုံး စံချိန်လည်း ဖြစ်ခဲ့သည်။ ယင်းတို့အနက်မှ (၃) ကြိမ်တွင် ၎င်းအနေဖြင့် အော်စကာဆုကို လက်တွေ့ဆွတ်ခူး ရယူနိုင်ခဲ့သည်။ နစ်ကိုလ်ဆန်သည် ဆယ်စုနှစ် ငါးခုဆက်တိုက် အော်စကာ ဆန်ခါတင်အဆင့် ပါဝင်သတ်မှတ်ခံရသည့် မင်းသားတစ်လက် အဖြစ်လည်း မှတ်တမ်းတင်နိုင်ခဲ့သေးသည်။

၁၉၈၉ ခုနှစ်က ရုံတင်ခဲ့သည့် Batman ဇာတ်ကားတွင် Jokerအဖြစ် အစွမ်းပြ သရုပ်ဆောင်သွားသည့် မင်းသားကြီး၏ ကြွယ်ဝမှုမှာ ဒေါ်လာသန်းပေါင်း ၄၀၀ မျှ ရှိသည်။

၎။ တိုင်လာပယ်ရီ

တိုင်လာပယ်ရီသည် မင်းသားတစ်ဦး အနေဖြင့်သာ မကဘဲ ဒါရိုက်တာ၊ ဇာတ်ညွှန်းရေးဆရာ၊ စာရေးဆရာ၊ သီချင်းရေးဆရာ တစ်ဦးအဖြစ်ပါ အနုပညာ အရည်အသွေး ပြည့်ဝသူ ဖြစ်သည်။

၁၉၉၂ ခုနှစ်တွင် Forbes မဂ္ဂဇင်းက ၎င်းကို ဖျော်ဖြေရေး နယ်ပယ်တွင် ဝင်ငွေအကောင်းဆုံး ပုဂ္ဂိုလ်တစ်ဦးအဖြစ် ညွှန်းဆို ဖော်ပြခဲ့ဖူးသည်။

(၂၀၁၀-၁၁) ဘဏ္ဍာရေးနှစ် အတွင်း၌ပင် ပယ်ရီအနေဖြင့် ဒေါ်လာသန်းပေါင်း ၁၃၀ မျှ ရရှိခဲ့ကြောင်း သိရသည်။ ၎င်းနှင့် အော်ပရာဝင်းဖရေးတို့၏ ပူးပေါင်းမှုသည် စီးပွားရေးအရ ကြီးမားစွာ အကျိုးဖြစ်ထွန်းစေခဲ့သည်။

အထက်တန်း အဆင့်တွင်ပင် ကျောင်းထွက်ခဲ့ရသူ တစ်ဦးဖြစ်သည့်တိုင် ယခုအခါ ပယ်ရီအနေဖြင့် ဒေါ်လာသန်း ၄၀၀ မျှ ကြွယ်ဝချမ်းသာနေပြီ ဖြစ်သည်။

၃။ တွမ်ခရုစ်

တွမ်ခရုစ်၏ အမည်ကို ကြားမိလိုက်သည်နှင့် မီးလောင်ပေါက်ကွဲမှုများ၊ အဝေးပြေးလမ်းပေါ်တွင် ကားအပြိုင်မောင်းရင်း အပြန်အလှန် ပစ်ခတ်နေမှုများ၊ ရဟတ်ယာဉ်ပေါ်မှ ခုန်ချပြီး စွန့်စားတိုက်ခိုက်မှုများကို မြင်ယောင်မိလာမည် ဖြစ်သည်။

အက်ရှင်မင်းသား တစ်လက်အဖြစ် အထူးအောင်မြင်ခဲ့သည့် ခရုစ်သည် ရိုက်ကူးဖူးသမျှ ဇာတ်ကားအားလုံးအနက် အရေအတွက် ၂၀ ကို ဒေါ်လာသန်း ၂၀၀ ကျော်စီ အကျိုးအမြတ် ဖြစ်ထွန်းစေခဲ့ဖူးသည့် မှတ်တမ်းကောင်းကို ပိုင်ဆိုင်ထားသည်။

၎င်းသည် Top Gun၊ Mission Impossibleတို့ကဲ့သို့ အက်ရှင်ဇာတ်ကြမ်းများအပြင် Rain Man၊ Eyes Wide Shutတို့ကဲ့သို့ Drama ဇာတ်လမ်းများ၌ပါ ပီပြင်စွာ သရုပ်ဆောင်ပြခဲ့သူ ဖြစ်သည်။

ဟောလိဝုဒ် ဒါရိုက်တာများကမူ ခရုစ်ကို ရွေးချယ်ခြင်းသည် အဆုံးအရှုံး မရှိရန် အာမခံချက် တစ်ခုအဖြစ် ယူဆလေ့ ရှိကြသည်။ ၎င်းသည် ဒေါ်လာသန်း ၅၀၀ မျှ ချမ်းသာနေပြီ ဖြစ်သည်။

၂။ ရှရွတ်ခန်း

ရုပ်ရှင် သရုပ်ဆောင် တစ်ဦးအနေဖြင့် ကြွယ်ဝချမ်းသာမှု ကဏ္ဍတွင် တွမ်ခရုစ်ထက် ရှရွတ်ခန်းက သာလိမ့်မည်ဟု ယူဆသူ များများစားစား မရှိနိုင်လောက်ချေ။ သို့သော်လည်း ယင်းအချက်မှာ အမှန်ပင် ဖြစ်သည်။

အိန္ဒိယ ရုပ်ရှင်လောက၏ မီးရှူးတန်ဆောင်သဖွယ် ဖြစ်နေသော မင်းသားသည် အချစ်၊ အလွမ်း၊ အကြမ်း၊ အမြူး ဇာတ်ရုပ်မျိုးစုံဖြင့် ဘောလီးဝုဒ်၏ လူကြိုက်အများဆုံး ဇာတ်ကားကြီး ၅၀ ကျော်၌ ပါဝင် သရုပ်ဆောင်ခဲ့သည်။

ခန်း၏ အောင်မြင်မှု ပုံရိပ်သည် ဘောလီးဝုဒ်တွင်သာ မကဘဲ တစ်ကမ္ဘာလုံး အတိုင်းအတာထိ ကျယ်ပြန့်လာအောင် ထိုးဖောက်နိုင်ခဲ့သည်။

ခန်းသည် ပရဟိတ လှုပ်ရှားသူ တစ်ဦးအနေဖြင့်လည်း လူသိများပြီး လူသားအကျိုးပြု လုပ်ငန်းများစွာတွင် ပါဝင်ကူညီလေ့ရှိသည်။ Newsweek မဂ္ဂဇင်းက ကမ္ဘာပေါ်တွင် ဩဇာအကြီးဆုံး လူပုဂ္ဂိုလ် ၅၀ စာရင်း၌ ထည့်သွင်းရွေးချယ်ခဲ့ဖူးသော မင်းသားသည် စုစုပေါင်း ဒေါ်လာသန်း ၆၀၀  မျှ ကြွယ်ဝချမ်းသာကြောင်း သိရသည်။

၁။ ဂျယ်ရီဆိန်းဖဲလ်

ရုပ်ရှင်မင်းသား တစ်ဦးဆိုသည်ထက် လူသားတို့၏ သမိုင်းကြောင်းတစ်လျှောက် အောင်မြင်မှု အကြီးမားဆုံး ရုပ်မြင်သံကြား ပရောဂျက်ကို ဦးဆောင်သူ တစ်ဦးအဖြစ် ဂျယ်ရီဆိန်းဖဲလ်ကို ညွှန်းဆိုလေ့ ရှိကြသည်။

၎င်း၏ ပုဂ္ဂိုလ်ရေး ဘဝကို စိတ်ကူးယဉ် ဖန်တီးမှုများနှင့် ပေါင်းစပ်ထားသည့် Seinfeld အမည်ရှိ ရုပ်မြင်သံကြား စီးရီးများတွင် ၁၀ နှစ်ကြာ ပါဝင်သရုပ်ဆောင်ပြီးနောက် ဆိန်းဖဲလ်အနေဖြင့် အကျိုးအမြတ်များစွာ စုဆောင်းနိုင်ခဲ့သည်။

၁၉၈၉ မှ ၁၉၉၈ ခုနှစ်ထိ ပြသခဲ့သော စီးရီးများတွင် ၎င်းအနေဖြင့် တစ်နှစ်တည်း၌ပင် ဒေါ်လာ ၂၆၇ သန်းမျှထိ ရရှိခဲ့ဖူးသည်။ တစ်နည်းအားဖြင့် (၂၂)မိနစ်ကြာ အပိုင်းတို ဇာတ်လမ်းလေး တစ်ခုအတွက် ဆိန်းဖဲလ်အနေဖြင့် ဒေါ်လာ (၅)သန်းမျှ သရုပ်ဆောင်ကြေး ခံစားခွင့်ရှိသည့် သဘောလည်း ဖြစ်သည်။

ကလင့်အိစ်ဝုဒ်နှင့် ဂျက်နစ်ကိုလ်ဆန်တို့ နှစ်ဦးပေါင်း တစ်သက်တာ ရှာဖွေခဲ့သမျှ သရုပ်ဆောင်ကြေး စုစုပေါင်းသည်ပင်လျှင် ဆိန်းဖဲလ်ကို လိုက်မမီနိုင်ချေ။ အသက်  ၆၀ အရွယ် မင်းသားသည် ယခုအခါ ဒေါ်လာသန်း ၈၀၀ မျှ ကြွယ်ဝနေပြီဖြစ်သည်။

_THE RICHEST
7day daily

မဟာသန္တိသုခ ကျောင်းကို ရဲအင်အား အလုံး အရင်းနဲ့ ဝင်စီးခဲ့

ရန်ကုန်မြို့ မဟာ သန္တိသုခ ကျောင်းက ပီနန် ဆရာတော်ကြီး ဦးပညာဝံသရဲ့တပည့် အင်္ဂလန် နိုင်ငံ သာသနာ့ရံသီ ကျောင်းက ဆရာတော် ဦးဥတ္တရ အပါ အဝင် သံဃာ ၅ ပါးကို သာသနာရေး ဝန်ကြီး ဌာနက အတင်းလူဝတ်လဲပြီး ဖမ်းဆီးထား ပါတယ်။

အဲဒီ ကိစ္စနဲ့ပတ်သက်ပြီး ရဟန်းတော်တွေ ကြားမှာ မကျေနပ်မှုတွေ ဖြစ်ပြီး အမြင်တွေလည်း အမျိုးမျိုးဖြစ်နေ ပါတယ်။

အမျိုး ဘာသာ သာသနာ ထိန်းသိမ်း စောင့်ရှောက်ရေး အဖွဲ့ကြီးရဲ့ ဦးဆောင် ဆရာတော် အင်းစိန်ရွာမ ပရိယတ္တိ စာသင်တိုက်ရဲ့ ပဓါန ဆရာတော် ဦးတိလောကဘိဝံသက မဟာသန္တိသုခကျောင်းကိုဝင်စီး ချိပ်ပတ်ပြီး သံဃာတော်တွေကို အရေးယူတဲ့ လုပ်ရပ်ထက် နှစ်ဖက် တွေ့ဆုံ ဆွေးနွေး ဖြေရှင်းတဲ့နည်းကိုပဲ လိုလား တယ်လို့ ဘီဘီစီကို မိန့်ပါတယ်။

ဒါပေမဲ့ ဦးဝီရသူလို့ လူသိများတဲ့ မန္တလေး မစိုးရိမ် တိုက်သစ် ဓမ္မသဟာရ ကျောင်းက ဆရာတော် ဦးဝိစိတ္တာဘိဝံသ ကတော့ ကိုယ့်ကျောင်းမှာ ကိုယ်နေတဲ့ သံဃာတွေကို အနုကြမ်းဝင်စီးတာ မတရားလုပ်ရပ်လို့ မြင်တယ်၊ လူဝတ်လဲ လိုက်တယ်ဆိုတာ ထောင်ချဖို့ စီစဉ်တာ ဖြစ်တယ် ဒါကြောင့် တိုက်ပွဲကို အရှိန်မြှင့်လုပ်ဆောင်မယ်လို့ ဘီဘီစီကို မိန့်ပါတယ်။

ဆရာတော် ဦးဥတ္တရ အပါအဝင် သံဃာတော်တွေကို ပြန်လွှတ်ပေးဖို့လည်း တောင်းဆိုတယ်လို့ ဦးဝီရသူက ဆိုပါတယ်။

ကိုယ့်ကျောင်းမှာ ကိုယ်နေတာကို ဝင်လာတဲ့ အကြမ်းဖက်တဲ့သူတွေက ထောင်ချတယ်ဆိုတာ ပြောင်းပြန်ဖြစ်နေ တာကြောင့် တုံ့ပြန်ဖို့ လိုတယ်လို့လည်း ဆရာတော်က ဆက်မိန့်ပါတယ်။

မန္တလေးဒေသခံတွေ ကြားမှာလည်း မဟာသန္တိသုခကျောင်းကို ချိပ်ပိတ်ပြီး သံဃာတော်တွေကို လူဝတ်လဲအရေးယူလိုက်တဲ့ အစိုးရရဲ့လုပ်ရပ်ကို အံ့ဩတုန်လှုပ်ပြီး စိတ်မကောင်း ဖြစ်နေကြတယ်လို့ ပြောနေကြပါတယ်။

bbc burmese

လန်ဒန်မြို့ သာသနရံသီ ဝိဟာရ ဆရာတော် ဦးဥတ္တရ

ရန်ကုန်မြို့ တာမွမြို့နယ် မှာ ရှိတဲ့ မဟာသန္တိသုခ ဘုန်းကြီးကျောင်း ကို အစိုးရက သိမ်းပိုက် ချိပ်ပိတ်ပြီးတဲ့ နောက်၊ တရားစွဲဆို လူဝတ်လဲပြီး အင်းစိန် အကျဉ်းထောင် မှာ ဖမ်းဆီးထားတဲ့ လန်ဒန်မြို့ သာသနာ့ရံသီ ဝိဟာရ ကျောင်းထိုင် ဆရာတော် ဦးဥတ္တရ ကို ပြန်လွှတ် ပေးဖို့ အတွက်၊ အဲဒီ့ ကျောင်းက တိုက်အုပ် ဆရာတော် ဦးသီလိဠ က၊ ဗြိတိန်နိုင်ငံ ဆိုင်ရာ မြန်မာ သံအမတ် ဦးကျော်စွာမင်း ကို သွားရောက် တိုက်တွန်းခဲ့ သလို၊ ဗြိတိသျှ နိုင်ငံခြားရေး ဝန်ကြီးဌာန ကိုလည်း အကူအညီ ပေးဖို့ သွားရောက် ပြောဆိုခဲ့ပါ တယ်။

ပီနန်ဆရာတော် နဲ့ သံဃမဟာနာယက အဖွဲ့တို့ အကြား၊ ပိုင်ဆိုင်မှု အငြင်းပွား နေကြ တဲ့ မဟာသန္တိသုခ ကျောင်းအရေး နဲ့ ပတ်သက်ပြီး၊ သံဃ မဟာနာယက အဖွဲ့ ခွင့်ပြုချက်မရပဲ စည်းဝေး ဆွေးနွေးခဲ့မှု၊ သံဃာ သင်းကွဲစေမှုတို့ နဲ့ ဆရာတော် ဦးဥတ္တရ ကို စွပ်စွဲထားပါ တယ်။

ဦးဥတ္တရ အဖမ်းအဆီး ခံထားရမှု နဲ့ ပတ်သက်ပြီး၊ စုံစမ်းမေးမြန်း ဖို့ မြန်မာနိုင်ငံမှာ ရှိတဲ့ ဗြိတိသျှ သံရုံး ကို ဗြိတိသျှ နိုင်ငံခြားရေး ဝန်ကြီးဌာန က အကြောင်းကြား လိမ့်မယ် လို့ ဦးသီလိဠ က မိန့်ပါတယ်။

ဆရာတော် ဦးဥတ္တရ ဟာ၊ လန်ဒန်မြို့ စိန့်ထောမတ်စ် ဆေးရုံး မှာ၊ လူနာတွေကို တရားပြ နှစ်သိမ့်မှု ပေးသူအဖြစ် လည်း ဆောင်ရွက်နေသူ ဖြစ်ပါတယ်။ ဆေးရုံတည်ရှိရာ နယ်မြေရဲ့ ပါလီမန်အမတ် ဆိုင်မွန်ဟျူး ကလည်း၊ ဆရာတော် လွတ်မြောက်ရေးကို ကူညီဖို့ ဗြိတိသျှ အစိုးရကို စာရေးသား တောင်းဆို ထားပါတယ်။

လန်ဒန် မြို့တော် အချက်အချာ မှာတည်ရှိတဲ့ စိန့်ထောမတ်စ် ဆေးရုံးမှာ၊ လူမျိုးပေါင်းစုံ ဘာသာပေါင်းစုံ လူနာတွေ အတွက် တရားပြပေးနေတဲ့ ဆရာတော် အခုလို အဖမ်းအဆီး ခံရတဲ့အပေါ်၊ အလွန် စိတ်မကောင်း ဖြစ်ရပြီး၊ စိုးရိမ်ကြောင်း၊ အဆိုပါ ဆေးရုံရဲ့ ပြန်ကြားရေး တာဝန်ခံ မက်အေကစ်ဒ် က ဘီဘီစီကို ပြောပါ တယ်။

အခု ချိပ်ပိတ်ခံထားရ တဲ့ တာမွေမြို့နယ် နတ်ချောင်းရပ်ကွက်ထဲ က မဟာသန္တိသုခ ကျောင်းရှေ့ မှာ လူသွားလူလာ မရှိသလို၊ ကျောင်းကိုလည်း သံဆူးကြိုး အကာအရံတွေ နဲ့ လုံခြုံရေးတပ်ဖွဲ့ဝင် တွေ စောင့်ကြပ်နေပါ တယ်။

ဒီ ကျောင်းမှာ ပီနန်ဆရာတော်ကြီး နဲ့ သံဃ(၅)ပါးကို နေ့စဉ် ဆွမ်းကပ်ခဲ့တဲ့ ရပ်ကွက်နေ ဒယိကာမ တစ်ဦးကတော့ သံဃာတွေ ဆွမ်းစားချိန် ရောက်တိုင်း အင်မတန် ဝမ်းနည်းရတယ်လို့ ဆိုပါတယ်။

ဒါပေမယ့်၊ ဒီကျောင်းကိစ္စနဲ့ ပတ်သက်လို့ သဘောထား မှတ်ချက်တွေ ပြုရင်၊ အာဏာပိုင်တွေဘက်က ငြိငြင် ဖမ်းဆီး စစ်ဆေးမှာ ကို ရပ်ကွက်နေ ပြည်သူတွေ စိုးရိမ် နေကြပါတယ်။

မဟာသန္တိသုခကျောင်း ကို ပီနန်ဆရာတော် က စတင် တည်ထောင် ခဲ့ပေမယ့်၊ ဒီကျောင်းတိုက် ဟာ နိုင်ငံတော် သံဃမဟာနာယက အဖွဲ့ကို ရေစက်ချ လှူဒါန်းပြီး ဖြစ်တဲ့ အတွက်၊ ဝိနနည်း အရ ပီနန်ဆရာတော်ကြီး မပိုင်တော့ဘူး လို့ သာသနာရေး ဝန်ကြီးဌာနဘက် က ထုတ်ပြန်ထားပါတယ်။

bbc burmese

အသက်(၂၉)နှစ်မျှ အရွယ်တွင်ပင် ဘောလုံးသမား ဘဝမှ အနားယူရန် ဒေးဗစ်ဘန်တလေက ဆုံးဖြတ်လိုက်ပြီဟု သိရှိရသည်။

ဘလက်ဘန်းရိုဗာနှင့် တော့တင်ဟမ် ဟော့စပါး ကစားသမားသည် ဘောလုံးလောကနှင့် (၁)နှစ်ကျော် ဝေးကွာနေခဲ့ပြီ ကစားသမားဘဝကို အပြီးတိုင် နှုတ်ဆက် ကျောခိုင်းသွားခြင်း ဖြစ်သည်။ အာဆင်နယ်တွင် ဘောလုံးသမားဘဝ စတင်ခဲ့သော ဘန်တလေသည် (၂၀၁၂-၁၃) ဘောလုံးရာသီ အကုန်တွင် စပါးအသင်းမှ ထွက်ခွာခဲ့ပြီး ကတည်းက မည်သည့်အသင်းထံကမျှ ကမ်းလှမ်းမှုကို မရရှိတော့ချေ။ ပြီးခဲ့သည့်လကမူ ဘန်တလေ အနေဖြင့် မိမိသည် ကစားသမား ဘဝကို အပြီးသတ် စွန့်ခွာရန် နီးစပ်နေပြီဟု ထုတ်ဖော်ဝန်ခံခဲ့သေးသည်။ သောကြာနေ့ကမူ ၎င်းသည် Sky Sportsနှင့် တွေ့ဆုံပြီး ဝမ်းနည်းဖွယ် သတင်းကို အတည်ပြုခဲ့ခြင်း ဖြစ်သည်။

ဘန်တလေသည် အာဆင်နယ်တွင် ပရော်ဖက်ရှင်နယ်ဘဝ အစပြုခွင့် ရလာပြီးနောက် နောဝှစ်ခ်ျစီးတီးနှင့် ဘလက်ဘန်းတို့တွင် အငှားထွက်ကစားခဲ့ပြီး (၂၀၀၆)ခုနှစ်တွင်မူ ဘလက်ဘန်းသို့ အပြီးသတ် ပြောင်းရွှေ့ခဲ့သည်။ ၎င်း၏ ဘလက်ဘန်းနှင့် ပထမဆုံး ပွဲစဉ်တွင် Hat-Trick ရခဲ့ခြင်းကမူ ဘန်တလေအတွက် အမှတ်ရစရာ ဖြစ်သည်။ စပါးသည် (၂၀၀၈)ခုနှစ်က ဘန်တလေအတွက် ပေါင်စတာလင် (၁၅)သန်းထိ ဈေးပေး ခေါ်ယူခဲ့သော်လည်း အကောင်းဆုံး ရင်းနှီးမြှုပ်နှံမှု မဖြစ်ခဲ့ချေ။ မြောက်ပိုင်းလန်ဒန်တွင် ခြေစွမ်းမပြနိုင်ခဲ့သည့်နောက် ဘန်တလေသည် ဘာမင်ဂမ်စီးတီး၊ ဝက်စ်ဟမ်းယူနိုက်တက်တို့အပြင် ရိရှားကလပ် ဟန်ဆာရော့ဗ်ဆတော့ဗ် အသင်းထံသို့ပင် အငှားထွက်ခွာ ကစားခဲ့ရပြီး ထိုမှတစ်ဆင့် ဘလက်ဘန်းသို့ ပြန်လည် ရောက်ရှိခဲ့သည်။

ဘန်တလေ အနားယူချိန်တွင် ကလပ်အသင်းအဆင့် ပွဲစဉ်ပေါင်း (၂၆၆)ပွဲထိ ပါဝင် ကစားထထားပြီး ဖြစ်သည်။ ဘန်တလေက “ဘောလုံးကို ကျွန်တော် လက်လျှော့ အရှုံးပေးလိုက်ပါပြီ။ ကျွန်တော့် နောက်ဆုံးပွဲစဉ်ကို ကစားခဲ့တာ (၁)နှစ်ကျော်သွားခဲ့ပြီလေ။ ဒါကြောင့် ဘဝအတွက် အရေးကြီးတဲ့ ဆုံးဖြတ်ချက်ကို ချခဲ့တာပါ။ ကျွန်တော် ရွေးချယ်ချင်တဲ့ အရာနဲ့တော့ ဆန့်ကျင်ဘက်ပဲပေါ့။ ဒီလိုနေ့မျိုးကို စဉ်းစားရွေးချယ်သင့်ပြီလို့ ခံစားရပါတယ်။ မကြာခင်ကမှ ကျွန်တော် အမြွှာကလေးလေးနှစ်ယောက် ရထားပါတယ်။ သူတို့ (၃)လအရွယ်ပဲ ရှိသေးတယ်။ (၄)နှစ်အရွယ် ကလေးလေး တစ်ယောက်လည်း ရှိသေးတယ်လေ။ မိသားစု အတွက်လည်း ကျွန်တော် အာရုံစိုက်ချင်ပါပြီ။ ဘောလုံးပွဲတွေကို ကျွန်တော်ချစ်ပါတယ်။ ဒါပေမဲ့ ပိုက်ဆံရဖို့ တစ်ခုတည်းအတွက်တော့ ကျွန်တော် မစဉ်းစားထားပါဘူး။ စပိန်က စားသောက်ဆိုင် တစ်ခုမှာ ကျွန်တော် ရင်းနှီးမြှုပ်နှံထားပါတယ်။ ဗြိတိန်မှာလည်း ဆိုင်ခွဲဖွင့်ချင်တယ်။ ဒီအတွက်တော့ အလုပ်တွေ များဦးမှာပါ”ဟုလည်း ဆိုသည်။

၎င်းက “ကျွန်တော်နဲ့ ဘောလုံးပွဲတွေကြားက ချစ်ခြင်းမေတ္တာက ခန်းခြောက်သွားပါပြီ။ စပါးမှာတုန်းကတော့ ကျွန်တော် ခက်ခဲတဲ့ ကာလတချို့ ဖြတ်သန်းခဲ့ရတယ်။ အနားယူဖို့ တွေးလိုက်တဲ့ အချိန်ကတော့ စောနေပါတယ်။ ဒါပေမဲ့ ဘဝအတွက်တော့ အပေါင်းလက္ခဏာဆန်တဲ့ ဆုံးဖြတ်ချက် တစ်ခုလို့ ထင်ပါတယ်။ အရာရာကိုလည်း အကောင်းမြင်ပါတယ်။ ကျွန်တော် ပျော်ရွှင်နေသလို နောင်တရနေတာမျိုးလည်း မရှိပါဘူး။ ဘောလုံးကစားရတဲ့ မိနစ်တိုင်းကို ကျွန်တော် ချစ်မြတ်နိုးပါတယ်။ ဒါပေမဲ့ ဒီနေ့ခေတ် ပွဲစဉ်တွေရဲ့ သဘောသဘာဝက ပြောင်းလဲသွားပြီလေ။ လက်ရှိအခြေအနေက နည်းနည်း စက်ရိပ်ဆန်လာတယ်။ Social Mediaတွေ ရောယှက်လာတယ်။ ငွေကလည်း ပိုအရေးပါလာတယ်။ ဘောလုံးပွဲတွေက ခန့်မှန်းလို့ လွယ်လာတယ်၊ တွက်ချက်လို့ရလာတယ်။ ဒါမျိုးပြောရတာ ကျွန်တော် သိပ်တော့ စိတ်မကောင်းဘူး။ နောက်ထပ် (၃)နှစ်၊ (၄)နှစ်လောက် ဘောလုံးကစားနေဖို့ ဆိုတာက ကျွန်တော့်အတွက် ရွေးချယ်စရာ မဟုတ်နိုင်တော့ပါဘူး”ဟုလည်း ပြောကြားသွားသည်။

Ref: Sky Sports
Soccer Myanmar

ပြီးခဲ့တဲ့ ရက်အနည်းငယ်က စတင်ကြောငြာခဲ့တဲ့ Galaxy Tab S ဟာ ကျတော်တို့ မြင်နေကြဖြစ်တဲ့ iPad နဲ့ ယှဉ်ပြိုင်စရာ Tablet တစ်ခု ဖြစ်လာခဲ့ပါတယ်။ တကယ်တော့ Galaxy Tab Sဟာ အကြီးဆိုဒ်နဲ့ အသေးဆိုဒ်ဆိုပြီး အရွှယ်အစား နှစ်မျိုးထဲမှာ သူရဲ့ ယှဉ်ပြိုင်ဖက် Apple ကဲ့သို့ ထွက်ရှိလာခဲ့တာ ဖြစ်ပါတယ်။

iPad ရဲ့ ဗားရှင်း (၂)ခုလုံးဖြစ်တဲ့ iPad Mini နဲ့ 9.7 လက်မ ဆိုဒ် နှစ်ခုလုံးဟာ မျက်နှာပြင် ရုပ်ထွက် resolution, Processor, သိုလှောင်မူတွေကအစ တူညီလျက်ရှိပြီး ဆိုဒ်အရွယ်အစား သာလျှင် ခြားနားပြီး Galaxy Tab S ကတော့ 8.4 လက်မ နဲ့ 10.5 လက်မ ဖြစ် တည်ဆောက်ဖွဲ့စည်း ထားခဲ့တာ ဖြစ်ပါတယ်။

အောက်ဖက်မှာ နှိုင်းယှဉ်မူ အချို့ကိုဖော်ပြလိုက်ပါတယ်။

Samsung Galaxy Tab S
---------------------------------

မျက်နှာပြင်ဆိုဒ် အရွှယ်အစား- Two models: 8.4 inches; 10.5 inches

ရုပ်ထွက် - 2,560 x 1,600

အရွှယ်အချိုးအစား - 8.4 x 4.3 x 0.25 inches; 9.7 x 6.9 x 0.25 inches

လည်ပတ်မူ စနစ် - Android KitKat (4.4)

ပရိုဆက်ဆာ - Samsung Exynos 5 Octa (1.9GHz
quad-core ＋ 1.3GHz quad-core) or
Qualcomm Snapdragon 800 2.3
GHz Quadcore (region dependent)

ဘတ္တရီသက်တမ်း - Up to 11 hours

သိုလှောင်မူနေရာ - 16, 32GB (with microSD up to 128GB)

ကင်မရာ - 8MP w/ LED Flash + 2.1MP Full HD

ဈေးနှုန်း - Wi-Fi: $399.99; $499; LTE pricing not
announced



××××××××××××××××××××××××××

iPad
-------

မျက်နှာပြင်ဆိုဒ် အရွှယ်အစား - Two models: 7.9 inches; 9.7 inches

ရုပ်ထွက် - 2,048 x 1,536

အရွှယ်အချိုးအစား - 7.87 x 5.3 x 0.29 inches; 9.5 x 7.31
x 0.37 inches

လည်ပတ်မူ စနစ် - iOS

ပရိုဆက်ဆာ - Apple A7 chip with 64-bit architecture
, M7 motion coprocessor

ဘတ္တရီသက်တမ်း - Up to 10 hours

သိုလှောင်မူနေရာ - 16, 32, 64 or 128 GB

ကင်မရာ - 1.2MP front, 5MP rear

ဈေးနှုန်း - Wi-Fi: $399 16GB, $499 32GB,
$599 64GB, $699 128GB; LTE:
$529 16GB, $629 32GB, $729
64GB, $829, 128GB

Aung Heine ...
Smart Pro Journal

အုပ်စု(ခ) ပွဲစဉ်တစ်ပွဲ ဖြစ်သည့် ချီလီအသင်းနှင့် သြစတြေးလျ အသင်းတို့၏ ပွဲစဉ်တွင် ချီလီအသင်းသည် နာကျင်အချိန်ပို ရောက်မှ သွင်းယူခဲ့သည့် ဂိုးတစ်ဂိုး အပါအ၀င် (၃-၁)ဂိုးဖြင့် အနိုင်ရခဲ့သောကြောင့် စပိန်ကို ဂိုးပြတ်နိုင်ခဲ့သည့် ဟော်လန်အသင်း၏ အောက် ဒုတိယနေရာတွင် ရပ်တည်နိုင်ခဲ့သည်။

ချီလီတွင် အဓိက ကစားသမားများ ဖြစ်သည့် ဗီဒယ်၊ ဆန်းချက်ဇ်တို့ ဦးဆောင် ပါဝင်လာခဲ့ပြီး ဗားဂတ်စ်၊ မီဒယ်၊ အစ္စလာ၊ ဗယ်လ်ဒီဗီယာ အစရှိသည့် ကစားသမားများဖြင့် သြစတြေးလျကို ရင်ဆိုင်ခဲ့သည်။ သြစတြေးလျ အသင်းတွင် ၀ါရင့်ကစားသမား ဘရက်စီယာနို၊ ကာဟေးတို့ကို လက်ကီး၊ ဒေးဗစ်ဆန် အစရှိသည့် လူငယ်များဖြင့် တွဲဖက် ပွဲထုတ်ခဲ့သည်။

တောင်အမေရိက အသင်းဖြစ်သည့် ချီလီသည် သြစတြေးလျထက် ကစားပုံ ပိုမိုကောင်းမွန်ခဲ့ပြီး အနီးကပ် တွဲလုံးများဖြင့် သြဇီ ခံစစ်ကြောင်းကို ဖိအားပေးခဲ့သည်။ အလက်ဆစ်ဆန်းချက်ဇ်၊ ဗားဂတ်စ်နှင့် ဗယ်လ်ဒီဗီယာတို့၏ တွဲလုံးများမှာ အထူးကောင်းမွန် ခဲ့သောကြောင့် သြဇီနောက်ခံလူများ အခက်တွေ့ခဲ့ရပြီး ပွဲချိန် ၁၅မိနစ် မပြည့်မီမှာပင် နှစ်ဂိုးဆက် ခွင့်ပြုခဲ့ရသည်။ သြစတြေးလျ အသင်းကမူ ခေါင်းတိုက်ကောင်းသည့် တင်မ်ကာဟေးကို အားပြုကာ ဖြတ်တင်ဘောများကို အားပြုကစားခဲ့သည်။

ပွဲအစပိုင်းတွင် ချီလီက လျှင်လျှင်မြန်မြန် ထိုးဖောက်ခဲ့သောကြောင့် သြစတြေးလျ အသင်းမှာ ကစားကွက်ပင် မတည်နိုင်ဘဲ အသည်းအသန် ခုခံကာကွယ် နေခဲ့ရသည်။ သို့သော် ဂိုးမပေးရစေရန် ကာကွယ်နိုင်ခြင်း မရှိခဲ့ဘဲ ပွဲချိန် ၁၁မိနစ် အရောက်တွင် ဆန်းချက်ဇ်က ရှုပ်ရှက်ခတ်နေသည့် အနေအထားမှ ချီလီအသင်းအတွက် ဦးဆောင်ဂိုး သွင်းပေးခဲ့သည်။ ချက်ခြင်း ဆိုသလိုပင် သြဇီ ခံစစ်ကြောင်း အားနည်းမှုမှ တဆင့် ဗယ်လ်ဒီဗီယာက ဒုတိယဦးဆောင်ဂိုး သွင်းပေးခဲ့ပြန်သည်။ သြစတြေးလျ အသင်းအနေဖြင့် ချီလီ၏ တိုက်စစ်ကို တောက်လျှောက် ခုခံနေခဲ့ရရာ ပွဲချိန် မိနစ် ၂၀ခန့် ရောက်သည်အထိ ကြုံသလို ဖျက်ထုတ်နေရသည့် အနေအထားထက် မပိုခဲ့ပေ။ နောက်ပိုင်းတွင်မူ အနည်းငယ် တည်ငြိမ်လာခဲ့ပြီး ချီလီကို အပြန်အလှန် ကစားလာနိုင်ခဲ့သည်။ သြစတြေးလျ အသင်းသည် အဓိက ကစားသမားတစ်ဦး ဖြစ်သည့် ဘယ်တောင်ပံ ကစားသမား လက်ကီးကို အားပြုကာ တောင်ပံများမှ တဆင့် ဖြတ်တင်ဘောများကို ကာဟေးဆီ တိုက်ရိုက်ကန်တင်ပြီး ချီလီခံစစ်ကြောင်းကို ခြိမ်းခြောက်ခဲ့သည်။ သြစတြေးလျ အသင်း၏ အဆိုပါ နည်းဗျူဟာမှာ အလုပ်ဖြစ်ခဲ့ပြီး ပွဲချိန် ၃၄ မိနစ် အရောက်တွင် တင်မ်ကာဟေးက ညာတောင်ပံ ဖြတ်တင်ဘောမှ ခေါင်းတိုက်ကာ ချေပဂိုး သွင်းယူပေးခဲ့သည်။

ဒုတိယပိုင်းတွင် သြစတြေးလျ အသင်းနှင့် ကစားအား ပိုမိုတက်လာခဲ့ပြီး ချီလီကို အပြန်အလှန် ကစားနိုင်ခဲ့သော်လည်း ဂိုးရရှိရန် စွမ်းဆောင်နိုင်ခြင်းတော့ မရှိခဲ့ပေ။ ချီလီ အနေဖြင့်လည်း သြစတြေးလျ အသင်း၏ ခံစစ်ကြောင်းကို ထပ်မံကျော်ဖြတ်ရန် အခက်တွေ့နေခဲ့သောကြောင့် ၂-၁ ရလဒ်ဖြင့်ပင် ပွဲပြီးတော့မည်ကဲ့သို့ ရှိနေခဲ့သည်။ သို့သော် ပွဲချိန် မိနစ် ၉၀ ကျော်လွန်၍ နာကျင်အချိန်ပို ၁ မိနစ်တွင် ချီလီအသင်း၏ လူစားဝင် ကစားသမား ဗျူစီဂျာက ဂိုးသွင်းယူ နိုင်ခဲ့သောကြောင့် ၃-၁ ဂိုးဖြင့် ပွဲပြီးကာ ချီလီတို့ အုပ်စုမှ လွတ်ရန် နီးစပ်သွားခဲ့သည်။ အဆိုပါ ရလဒ်ကြောင့် ချီလီအသင်းသည် အုပ်စု(ခ)တွင် ဟော်လန် အသင်း၏နောက် ဒုတိယနေရာ၌ ရပ်တည်နိုင်ခဲ့ပြီး သြစတြေးလျ အသင်းမှာ တတိယနေရာ၌ ရှိနေသည်။ ဟော်လန်ကို ဂိုးပြတ် ရှုံးခဲ့သည့် စပိန်မှာမူ အုပ်စုအောက်ဆုံးသို့ ရောက်ရှိနေသည်။ ချီလီသည် အုပ်စု ဒုတိယမြောက် ပွဲစဉ်အဖြစ် စပိန်အသင်းနှင့် ရင်ဆိုင်ရမည် ဖြစ်သည်။

Mizzima Sport News

       သံဃာသင်းခွဲတယ်ဆိုတာ သံဃာအချင်းချင်း မညီညွတ်အောင် စိတ်ဝမ်းကွဲအောင် ပဋိပက္ခတွေ လုပ်ဆောင်၊ သွေးထိုးလှုံဆော်မှုတွေ လုပ်ဆောင်တာပါပဲ။ တရားသဖြင့် ဖြေရှင်းရမှာကို မတရား သဖြင့် ဖြေရှင်းတယ်။ မတရားတာကိုလည်း တရားသယောင်ယောင် ဖန်တီးတယ်။ လာဘ်စား၊ ဖြတ်စား အဂတိလိုက်စားနေတယ်ဆိုရင် ဒါဟာ သံဃာမညီညွတ်ခြင်းရဲ့ အကြောင်းတရားပါပဲ။

        ဘုရားရှင်က သံဃာကို မညီညွတ်အောင်လုပ်သူဟာ အာယုကပ်ပတ်လုံး အကုသိုလ်တိုးပွားတယ်။ အာယုကပ်ပတ်လုံး ငရဲမှာ ကျက်ရတယ်လို့ ဟောတော်မူပါတယ်။

        တရားအတိုင်း၊ ၀ိနည်းဓမ္မကံအတိုင်း ဆောင်ရွက်မှ သံဃာညီညွတ်မှုကို ရပါမယ်။ သဃာကို
ညီညွတ်အောင် ပြောဆိုလုပ်ကိုင်တဲ့သူဟာ အာယုကပ်ပတ်လုံး ကုသိုလ်တိုးတယ်။ အာယုကပ်ပတ်လုံး နတ်ပြည်မှာ ဖြစ်တယ်လို့ ဟောပါတယ်။

        သံဃာညီညွတ်ရင် ချမ်းသာတယ်။ ညီညွတ်သောရဟန်းတို့ကို ချီးမြောက်သူ၊ ညီညွတ်ခြင်း ၌ မွေ့လျှော်ပြီး တရား၌ တည်သောရဟန်းဟာ ယောဂရဲ့ကုန်ရာ နိဗ္ဗာန်မှ မဆုတ်ယုတ်။ သံဃာညီညွတ်   အောင်ပြုတဲ့အတွက် အာယုကပ်ပတ်လုံး နတ်ပြည်မှာ မွေ့လျော်ရတယ်လို့ ဟောတော်မူပါတယ်။

        ဒါကြောင့် သံဃာအချင်းချင်းညီညွတ်အောင် နေထိုင်ဖို့ တိုက်တွန်းပါတယ်။ သံဃာသင်းခွဲတာဟာ ကြီးလေးတဲ့ အပြစ်ပါပဲ။ ကြီးလေးတဲ့ အပြစ်ရှိသူဟာ ကြီးလေးတဲ့ အကုသိုလ်အကျိုးကို ခံစားရပါလိမ့်မယ်။

ရွှေစမ်းမြေ အရှင်က၀ိဓဇသာရ

ဆာအိုပေါ်လို၊ ဇွန် ၁၃။ အိမ်ရှင် ဘရာဇီး အသင်းကို ကမ္ဘာ့ဖလား ပြိုင်ပွဲအဖွင့်ပွဲတွင် ဂိုးပြတ်ရှုံးနမ့်ခဲ့ ပြီးနောက် ခရိုအေးရှား အသင်းနည်းပြချုပ် နီကိုးကိုဗက်က ထိုပွဲကို ကိုင်တွယ်ခဲ့သည့် ဂျပန်ကွင်းလယ်ဒိုင် ယူအိချိ နီရှီမူရ ကို ပြင်းပြင်းထန်ထန် ဝေဖန်မှု ပြုလုပ်ခဲ့သည်။

အိမ်ရှင်အသင်း ပါဝင်ခြင်းကြောင့် ဖိအားပြင်းထန်မည့် အဖွင့်ပွဲစဉ်ကို ကိုင်တွယ်ရန် ဖီဖာမှ ယုံကြည်စွာဖြင့် တာဝန်ပေးခြင်း ခံခဲ့ရသည့် နီရှီမူရ အနေဖြင့် ထိုပွဲတွင် အိမ်ရှင်အသင်း အသာရစေမည့် ဆုံးဖြတ်ချက်များကို ချမှတ်ခဲ့ကြောင်း ကိုဗက်က ယုံကြည်နေခြင်း ဖြစ်သည်။ အထူးသဖြင့် ပွဲချိန် ပထမပိုင်းတွင် ဖြစ်ပွားခဲ့သည့် နေမာ၏ မိုဒရစ်အပေါ် ပြစ်ဒဏ်ကျူးလွန်မှုနှင့် ဘရာဇီးအသင်း ဒုတိယဂိုး ရရှိစေမည့် ပင်နယ်တီ သတ်မှတ်ပေးမှုတို့တွင် နီရှီမူရ၏ ဆုံးဖြတ်ချက်များကို ကိုဗက်က မကျေမနပ် ဖြစ်နေခြင်း ဖြစ်သည်။

"ဒီဖြစ်ရပ်ဟာ တစ်ကယ့်ကို ပင်နယ်တီ ပေးထိုက်တယ်လို့ ယူဆတယ် ဆိုရင်တော့ ကျွန်တော်တို့ ဘောလုံး ဆက်မကစားဖို့ပဲ ရှိတော့တယ်။ တစ်ကယ့်ကို ရှက်စရာ ကောင်းပါတယ်။ ကျွန်တော်တို့ ဒိုင်တွေကို လေးစားဖို့ ပြောနေကြတယ်။ သူတို့ကျတော့ ဘာကြောင့် ခရိုအေးရှားကို လေးစားမှု မရှိရတာလဲ"ဟု ခရိုအေးရှား နည်းပြ နီကိုး ကိုဗက်က ဝေဖန်ပြောကြား ခဲ့ခြင်း ဖြစ်သည်။ ဆက်လက်၍ ကိုဗက်က နီရှီမူရကို အဖွင့်ပွဲ ကိုင်တွယ်ရန် ရွေးချယ်ခဲ့ခြင်းသည် ဖီဖာ၏ ဆိုးရွားသည့် ရွေးချယ်မှု တစ်ရပ်သာ ဖြစ်ကြောင်းလည်း ဆိုခဲ့သည်။

ယင်းပွဲတွင် ခြေစွမ်းပြ ကစားခဲ့ပြီး ဂိုး ၂ဂိုး သွင်းယူနိုင်ခဲ့သည့် ဘရာဇီး အသင်း၏ ကြယ်ပွင့်ကစားသမား နေမာမှာ ပွဲချိန် ၂၆ မိနစ်တွင် ခရိုအေးရှား ကွင်းလယ်လူ မိုဒရစ်နှင့် ဘောလုံးယှဉ်လုရင်း မိုဒရစ်ကို တံတောင်နှင့် တွက်ခဲ့သည်။ အဆိုပါ လုပ်ရပ်ကို ကိုဗက်က အနီကတ် တိုက်ရိုက်ထိသင့်သည့် ပြစ်ဒဏ်ဟု ယူဆနေသော်လည်း ကွင်းလယ်ဒိုင်က အဆိုပါ အပြုအမူအတွက် နေမာကို အ၀ါကတ်သာ ပြသခဲ့သည်။ ထို့အပြင် ပွဲချိန် ၇၀ မိနစ်၌ ပေးခဲ့ရသည့် ပင်နယ်တီ တွင်လည်း ကွင်းလယ်ဒိုင် နီရှီမူရမှာ ဘရာဇီး တိုက်စစ်မှူး ဖရက်ဒ်၏ ဒိုင်ဗင်ထိုးမှုကို မမြင်ခဲ့ဘဲ ပင်နယ်တီ သတ်မှတ်ပေးခဲ့သည့် အပြင် ခရိုအေးရှား နောက်ခံလူ လိုဗန်ကိုပါ အ၀ါကတ် ပြသခဲ့သည့် အတွက် ကိုဗက်က ပေါက်ကွဲနေခြင်း ဖြစ်သည်။

ခရိုအေးရှားသည် ထိုပွဲတွင် ပွဲချိန် ၁၀ မိနစ်ကတည်းက မာဆယ်လို၏ ကိုယ့်ဂိုးကိုယ် သွင်းဂိုးကြောင့် ပွဲကို ဦးဆောင်နိုင်ခဲ့သော်လည်း ချေပဂိုးနှင့် အနိုင်ဂိုးများကြောင့် ရှုံးနိမ့်ခဲ့ရခြင်း ဖြစ်သည်။ ခရိုအေးရှား အသင်းသည် ဒုတိယမြောက် အုပ်စုပွဲစဉ် အဖြစ် လာမည့် ဗုဒ္ဓဟူးနေ့တွင် ကင်မရွန်း အသင်းနှင့် မနောက်စ်မြို့၌ပင် ယှဉ်ပြိုင်ကစား ရမည် ဖြစ်သည်။

ပွဲချိန် ၂၆ မိနစ်မှ နေမာ၏ မိုဒရစ်အပေါ် တံတောင်နှင့် တွက်မှုအတွက် အနီကတ် အပြခံရသင့် မသင့် ဒေးလီးမေးလ်မှ စစ်တမ်းကောက်ယူခဲ့ရာ ပရိသတ် ၇၄ ရာခိုင်နှုန်းက အနီကတ် ပြခံရသင့်ကြောင်း မဲပေးခဲ့ကြသည်။

Ref: Daily Mail
Mizzima Sport News