ဗုံးစွန့်ကျင်း သို့မဟုတ် ဉာဏ်ကြီးရှင်တို့ ဖန်တီးမှု


FRIDAY, OCTOBER 25, 2013
အောင်မင်္ဂလာ အဝေးပြေး ကားဝန်းမှာတွေ့ရတဲ့ ဗုံးစွန့်ကျင်း ဆိုတဲ့ ဖေ့စ်ဘုတ် က ဒီနေရာမှာ တင်ထားတဲ့ ဓာတ်ပုံကို မြင်တော့ အတွေးဆန့်မိဖြစ်တယ်။ ဒီဓာတ်ပုံကိုမြင်ပြီး ဉာဏ်ကြီးရှင်တို့ရဲ့ ဖန်တီးမှု လို့ ပြောရမ လားပါဘဲ။

ဓာတ်ပုံ- Kyaw Kyaw Htun's Facebook

တလော ဗုံးတွေပေါက်၊ ဗုံးတွေတွေ့နဲ့ လူအများလည်း ဗုံးလန့်ကြ၊ စိုးရိမ်ကြနဲ့ လူတွေလည်း မသွားရဲ၊ မလာရဲ နဲ့ ဖြစ်ခဲ့ကြတယ်။

အခု ဒီလို ဗုံးစွန့်ကျင်းထဲကို သံသယဖြစ်ဖွယ် ဗုံး ဆိုတဲ့ အရာကြီးကို ပြည်သူတွေက ယူသယ်သွားပြီး စွန့်ရ မယ့် သဘော ဖြစ်နေတယ်။  ဘယ်လောက် အန္တရာယ်များလိုက်မလဲ ဆိုတာ တာဝန်ရှိသူတွေ မစဉ်းစားပဲ လုပ်မိတယ် ထင်ပါရဲ့။ ဆေးမြီးတိုနဲ့ ကုစားတဲ့ ခေတ်ကို လွန်မြောက်ဖို့ လိုနေပြီလို့ ပြောရမှာပါ။

အဖျက်သမား ဗုံးခွဲမယ့်လူမျိုးဆိုတာ ဒီလို အသင့်လုပ်ပေးထားတဲ့ ဗုံးစွန့်ကျင်းထဲ သူ့ မိုင်းဗုံးကို စွန့်ခဲ့မတဲ့ လားလို့လည်း မေးခွန်းထုတ်ချင်တယ်။ ဒါမှမဟုတ် အဝေးပြေး ကားဝန်းထဲ ဗုံးလို့ မသင်္ကာစရာ တွေ့တာနဲ့ သက်ဆိုင်ရာ လုံခြုံရေးတွေရောက်လာပြီး အဲဒီ ပစ္စည်းကို ယူ၊ ဒီ ဗုံးစွန့်ကျင်းထဲ ထည့်၊ စနက်တံ ဖြုတ်ဖို့ ကြိုးစား၊ မရရင် ဒီ ဗုံးစွန့်ကျင်းထဲ ခွဲပစ်ပြီး ပြည်သူလူထု ထိခိုက်မှု မရှိအောင် လုပ်ဖို့ စီစဉ်တာမျိုးလားလို့ လည်း တွေးမိပါတယ်။

ဘာပဲဖြစ်ဖြစ် ဒီ ဆိုင်းဘုတ်နဲ့ ဒီလို လုပ်ထားပုံသည်ပင် ပြည်သူတွေကို အထိတ်တလန့်ဖြစ်စေအောင် ဖန်တီး ထားသလိုများ ဖြစ်မနေဘူးလားလို့လည်း မေးစရာ ဖြစ်လာပြန်ရော။

ဒါကြောင့် ဒီဓာတ်ပုံနဲ့ ပတ်သက်ပြီး ဧရာဝတီ စာဖတ်ပရိသတ်ကပဲ မိမိတို့ စဉ်းစားမိသလောက် သုံးသပ် အကြံပြုပေးပါလို့ ပြောချင်ပါတော့တယ်။


အိမ့်သံစဉ် ~
irriwaddy

ဧည့်စာရင်းမလိုတဲ့ နေရာ (ဟာသ ကာတွန်း)



သူ စိတ်ပူနေတယ်



တကယ်ချစ်ရဲ့လား


လူတွေက ငါမှ ငါ့တိုင်းပြည်ကို ချစ်တယ်လို့ ထင်ကြတယ်။ တခြား လူတွေဟာ ငါ့လောက် မချစ်ဘူးလို့လည်း တွေးကြတယ်။ လူတိုင်းဟာ ကိုယ့်တိုင်းပြည်ကို ကိုယ်ချစ်ကြတာပဲ။ ခွေးချင်း ကိုက်ရင်တောင် ကိုယ့်အိမ်က ခွေးကို ကိုယ်နိုင်စေချင်တာ။ နိုင်ငံချင်းယှဉ်လိုက်ရင် ကိုယ့်နိုင်ငံကို တခြားနိုင်ငံထက် သာချင်ကြတာပဲ။ ကိုယ့်တိုင်းပြည်ကို စော်ကားတာ၊ ကိုယ့်တိုင်းပြည်က နောက်မှကျန်ခဲ့တာ၊ ကိုယ့်လူမျိုးတွေ အောက်ကျနောက်ကျ ဖြစ်နေတာ၊ ဘယ်သူကများ ခံတွင်းတွေ့ချင်ကြပါ့မလဲ၊ ဘောလုံးပွဲမှာပဲ ဖြစ်ဖြစ်၊ လက်ဝှေ့ ထိုးရာမှာပဲဖြစ်ဖြစ် ကိုယ့်နိုင်ငံက နိုင်လိုက်ရမှ ကျေနပ်ကြတယ်။ အရင်ကလို မြန်မာနိုင်ပြီ သီချင်းတွေကြားရဖို့ ဝေးသွားခဲ့ပေမယ့် ကိုယ့်နိုင်ငံနဲ့ တခြားနိုင်ငံ ကန်တဲ့ ဘောပွဲတွေကို မျှော်လင့်ချက်ကြီးကြီး ထားပြီး ကြည့်ကြ၊ အားပေးကြမြဲ မဟုတ်လား။ ရှုံးမယ်မှန်း သိရက်နဲ့တောင် နိုင်များနိုင်ခဲ့ရင် ဆိုပြီး စောင့်ကြည့်ကြရတာ အမော၊ နောက်ဆုံး ဘောလုံးပွဲရှုံးလို့ ပြီးသွားရင်တောင် စိတ်ထဲမှာ ကတုန်ကရီဖြစ်ပြီး ကျန်ရစ်ခဲ့တာ။ လက်ဝှေ့ပွဲတွေကိုပဲ ကြည့် ကိုယ့်ဘက်က အလဲထိုးနိုင်လိုက်ရင် ကောင်းလိုက်တာကွာ၊ တွေ့မရှောင်ပဲ ဘယ်ရမလဲ၊ စောငမန်း ထိုးချက်တွေ ကောင်းလိုက်တာဆိုပြီး စားမြုံ့ပြန်ရတာ အမော။ လူပဲ … ကိုယ့်နိုင်ငံကို လူတိုင်းချစ်တယ်။
လူဟာ ပရော်ဖက်ဆာကြီး ဖြစ်ချင်မှ ဖြစ်မယ်။ အင်စတီကျူးရှင်းတွေ သိချင်မှ သိမယ်၊ ရယ်ဒီကယ်တွေ ပြောတတ်ချင်မှ ပြောတတ်မယ်၊ မိုင်းဆက် ဆိုတာတွေ နားလည်ချင်မှ နားလည်မယ်၊ ဒီမိုကရေစီဆိုတာ ဘာမှန်းတောင် သိမှာမဟုတ်ဘူး။ လွှတ်တော်အမတ် ဖြစ်ဖို့ဆိုတာ ဝေလာဝေး၊ ကိုယ့်တိုင်းပြည်ကို ကိုယ်ချစ်ကြပါတယ်။ အမေဟာ ဂျပန်ခေတ်မှာ ကြီးပြင်းလာရပြီး လေးတန်းတောင် မအောင်ပေမယ့် ကိုယ့်တိုင်းပြည်ကို ချစ်တဲ့နေရာမှာ အောက်စဖို့ဒ်တို့၊ ကိန်းဘရစ်တို့က ဘွဲ့ရလာသူတွေထက် နိမ့်လိမ့်မယ်လို့ မထင်ဘူး။ အဖေဟာ ဘဝ ပေးအခြေအနေကြောင့် ဆိုက်ကားနင်းခဲ့ရပေမယ့် ဝတ်လုံတော်ရမင်းထက် တိုင်းပြည်ကို ချစ်တယ်။ ဘာဖြစ်လို့လဲဆိုတော့ ဝတ်လုံတော်ရမင်းလို အခြေအနေ အဆင့်အတန်းတွေဟာ တိုင်းပြည်ထက်ကို သူ့ခုံပေါ်က မဆင်းရဖို့က အရေးကြီးနေပြီး အဖေကတော့ သူ့လို ထိုင်ခုံ မလိုလို့ပါပဲ။ ပညာတတ်တွေထဲမှာ ဒီလိုလူမျိုးတွေ ရှိရင်တော့ အကောင်းဆုံးပေါ့။ ဖရန်စစ်ဘေကွန်လို ပညာရှိဖြစ်ပြီး လာဘ်စားခဲ့သူ၊ ကျေးဇူးရှိဖူးသူကို ကျဆုံးချိန်မှာ သေတွင်းတွန်းပို့ခဲ့သူ၊ ကိုယ့်တက်လမ်းအတွက် ရွှေနားတော်သွင်း ဧချင်းတွေ ရေးခဲ့သူဆိုရင်တော့ ပညာမတတ်တာမှ ပိုကောင်းဦးမယ်။
တချို့ကလည်း ကိုယ်က အထက်စီးမှာနေရတော့ သူတို့လောက် တိုင်းပြည်ကို ချစ်တဲ့သူမရှိဘူး ဆိုပြီး အော်ခဲ့ဖူးတယ် မဟုတ်လား။ ဒီလူတွေကပဲ တိုင်းပြည်မှာ ဆန်တွေဈေးကြီးချိန်၊ ဆန်ဈေးကြီးတာ ဆန်ကုန်သည် ကြီးများတာဝန်ပဲ၊ အစိုးရတာဝန် မဟုတ်ဘူးလို့ ပြောခဲ့ဖူးသေးတယ်။ အစိုးရ လုပ်ပြီး ပြည်သူတွေ ဒုက္ခရောက်တာ အစိုးရတာဝန် မဟုတ်ဘူး ပြောရဲခဲ့သူ တွေကပဲ တိုင်းပြည်ကို သူတို့လောက် ချစ်တဲ့သူမရှိဘူးလို့ ကြွေးကြော်ခဲ့တာ အတော် ရယ်စရာကောင်းတဲ့ ပြက်လုံးတစ်ခုပေါ့။ ဘာပဲဖြစ်ဖြစ် ဒီလူတွေဟာ ဒုက္ခဆိုတာကို တကယ် ကြုံဖူးသူတွေ မဟုတ်ပါဘူး။ ဒီလူတွေ ကျဆုံးခဲ့ တယ်ဆိုပေမယ့် ဆင်ပိန် ကျွဲလောက် ရှိသေးတယ်။ ငရုတ်သီးစပ်တာကို လူတိုင်းသိပေမယ့် စားဖူးသူမှ တကယ်စပ်တာကို တကယ်သိတာ၊ မစားဖူးဘဲ စပ်တယ်ဆိုတဲ့ အသိက ဟာသအသိပဲ။ ဒီလူတွေက ဒုက္ခဆိုတဲ့အစပ်ကို တကယ်မသိခဲ့တော့ ခုထက်တိုင်အောင် လိပ်ပြာသန့်တဲ့အကြောင်း ပြောရဲတုန်းပဲ။ လူတွေကလည်း ကိုယ့်အပေါ် ဘာတွေလုပ်ခဲ့ လုပ်ခဲ့ လေချိုသွေးရင် ယုံလို့ကောင်းတုန်းပဲ။
တိုင်းပြည်ကို လူတိုင်းချစ်ပါတယ်။ ငါက လွှတ်တော်အမတ်ပဲ၊ ငါက အာဏာရပါတီပဲ၊ ငါက အုပ်ချုပ်ရေးအဖွဲ့ပဲ၊ တို့ကမှ တိုင်းပြည်ကိုချစ်တယ်။ တိုင်းပြည်ကို ချောက်ထဲမကျအောင် ကယ်ခဲ့တယ်ဆိုတဲ့ စကားတွေက တကယ်တမ်းမှာ ကိုယ်ရည်သွေးမှုတွေပါ။ တိုင်းပြည်ကိုချစ်ရင် တိုင်းပြည်ရဲ့ ဘေးကို ကယ်တင်ရ၊ ကာကွယ်ရမှာ အုပ်ချုပ်သူတွေရဲ့ တာဝန်ပဲ မဟုတ်လား။ ဒါကို မလုပ်ချင်ရင် အစကတည်းက ဒီနေရာကို မယူဖို့ပဲရှိတယ်။ တိုင်းပြည်ကို တကယ်ချစ်ရင် လူတိုင်း လူတိုင်း မျှတမှုကို လိုလားရမယ်။ ငါက လူကြီးမို့ ပိုယူမယ်ဆိုတာ မရှိရပါဘူး။ ကိုယ့်ပြည်ကို တကယ်ချစ်ရင် မဟတ္တမဂန္ဒီလို ခြိုးခြံပြီး နေရဲရမှာပေါ့။ ဟိုချီမင်းလို အရိုးရှင်းဆုံး နေရဲရမှာပေါ့။ ဗိုလ်ချုပ်အောင်ဆန်းလို ပိုင်ဆိုင်မှု အနည်းဆုံး နေရဲရမှာပေါ့။ ဘယ်လွှတ်တော် အမတ်တွေကများ ပိုင်ဆိုင်မှုကို ပြရဲကြလို့လဲ။ အရိုးရှင်းဆုံး ကိစ္စမှာတောင် ဘာကြောင့် မရိုးသားရဲလဲဆိုတာ စိတ်ညစ်ဖို့ ကောင်းလိုက်တာ။ လီကွမ်ယုကို အတိုက်အခံပါတီတွေက မကြိုက်ကြပေမယ့် သူဟာ သူ့နိုင်ငံကိုကောင်း အောင်လုပ်ပေးထားတယ်။ အရေးအကြီးဆုံး အချက်က သူဟာ သူ့နိုင်ငံကို တကယ်ချစ်ပြီး၊ သူ့နိုင်ငံကို သူများထက် သာစေချင်တာပဲ။ တစ်လောက အင်တာဗျူးတစ်ခုမှာ သူဝတ်တဲ့ ဂျာကင်အင်္ကျီနဲ့ ပတ်သက်ပြီး သူပြောတာကို သဘောကျမိတယ်။
‘ဒီအင်္ကျီက တော်တော် သက်သောင့်သက်သာ ရှိတယ်။ ဒီအင်္ကျီချုပ်တဲ့ စက်ဆရာတောင် မရှိတော့ဘူး’ ၊ ဟုတ်တယ် အင်္ကျီတစ်ထည်ကို အနှစ် နှစ်ဆယ်လောက် သူ ဝတ်ခဲ့တာပါ။ သူ သစ်ပင်စိုက်ပွဲတွေ သွားတယ်၊ အင်္ကျီတွေကို ရှိုးနဲ့မိုးနဲ့ မဝတ်ပါဘူး။ ပြီးတော့ သူလာမယ့်လမ်းမှာ အပိုကုန်တဲ့ ကော်ဇောခင်းဖို့ မလိုပါဘူး။ သူ ဆေးရုံသွားတယ်၊ အခြားလူနာတွေလိုပဲ၊ သူ့ အလှည့်ကို ထိုင်စောင့်တယ်။ သူ့ကိုယ်သူ ဗီအိုင်ပီလို မလုပ်ဘူး။ အင်တာဗျူးသူက ‘ကျွန်တော်မစ္စတာလီရဲ့ အိမ်ကို မရောက်ဖူးပါဘူး။ ဒါပေမဲ့ ရောက်ဖူးသူတွေက အိမ်ကို ပြင်ဆင်မွမ်းမံတာ မရှိဘူးပြောတယ်’ ဆိုတော့ ‘ကက်ဘိနက် အဖွဲ့ကို မှာထားတယ်။ ငါသေရင် ဒီအိမ်ကို ဖျက်လိုက်တော့’ လို့ မစ္စတာလီ က ဆိုပါတယ်။ သူ့ရဲ့ အင်တာဗျူးတစ်ခုလုံးမှာ သူဟာ သူ့နိုင်ငံ ကျရှုံးသွားမှာ အလွန်ပဲစိတ်ပူ နေခဲ့တယ်။ တစ်ခါတစ်ခါတော့ ကိုယ့်နိုင်ငံက လူတွေ သူ့လို စိတ်ပူတတ်ရင် သိပ်ကောင်းမှာပဲလို့ တွေးကြည့်မိတယ်။ မြန်မာပြည်ရဲ့ လူတစ်ကိုယ်၊ တိုက်တစ်လုံး၊ ကားတစ်စီး စီမံကိန်းကို သွားရည်ကျသွားပြီး လီကွမ်ယုက သူ့ပြည်ကို ကောင်းအောင်လုပ်နေချိန်၊ ကိုယ့်နိုင်ငံ ခေါင်းဆောင်တွေက သူ့နိုင်ငံမှာ မြင်းပွဲ သွားလောင်းနေခဲ့တယ်။
နောက်ပိုင်းမှာတော့ မြင်းပွဲလောင်းတာထက် ဆိုးတဲ့အဖြစ်တွေက နိုင်ငံကို ချစ်တဲ့လူတွေရဲ့ လက်ထဲကို ရောက်သွားခဲ့တယ်။ နန်းတော်တမျှ ခမ်းနားတဲ့ အိမ်တွေကို ရပိုင်ခွင့်ပဲဆိုပြီး မြို့တွေတိုင်းမှာ လိုက်ဆောက်နေချိန်၊ ပြည်သူ့ဆေးရုံတွေမှာ ပြည်သူတွေက ဆေးဝယ်သုံး နေရတယ်။ ရပ်ကွက်တွေမှာ ကျောင်းတွေဟာ ဂရန်မရှိသလို၊ ကန်စွန်းခင်းထဲမှာ ရေမြုပ်နေတုန်း။ ကိုယ်ခန္ဓာ ကြံ့ခိုင်သန်စွမ်းဖို့ ကျောင်းအားကစားကွင်း ဆိုတာ ဝေလာဝေး။ ကလေးတွေရဲ့ စာရိတ္တကို ပြုပြင်ပေးရမယ့် ကျောင်းအုပ်ကြီးဆိုတာကလည်း သင်္ဘောသားထက် ဝင်ငွေကောင်းသွားတယ်။ တချို့မိဘတွေကတောင် ကလေးတွေကို ကျောင်းဆရာပဲ လုပ်ခိုင်းမယ်။ ကျောင်းအုပ်ဖြစ်ရင် ထောပြီ ဆိုပြီး အတွေးတွေက ပျက်စီးကုန်တယ်။
နိုင်ငံတော်က ကျောင်းဆောက်ဖို့ ငွေချပေးရင် မြို့နယ်ပညာရေးမှူးကို ဝေစုပေးခဲ့ရတယ်။ သူ့ဆီမှာ ကျူရှင် လာမတက်တဲ့ ကလေးတွေကို ကျောင်းဆရာမက အတန်းထဲမှာ ပညာပြတယ်။ ဝန်ထမ်းဆိုတာ လုပ်ငန်းခွင်က ဘာအကြံအဖန်များ ရနိုင်မလဲဆိုတာ ကြည့်တတ်တဲ့ အဆင့်ထဲကို ရောက်သွားတယ်။ ဒီလူတွေကို ဘယ်အရာက ဖျက်ဆီးခဲ့တာပါလဲ။ တွံတေးသိန်းတန်ရဲ့ သီချင်းတွေကို သတိရတယ်။ သူ့သီချင်းတွေထဲမှာ တပ်မတော် သားတွေအတွက် သီချင်းတွေ အများကြီး။ ‘လှမ်းနေချင်သပ၊ အားတက် မာန်ချီ၊ ကျွမ်းလေခင် နှမထားခဲ့ပြန်သည်၊ စစ်မြေဆီလှမ်း၊ လက်ကမ်းပြရမ်း၊ ကျန်လေပြီ’ ဆိုတဲ့ သီချင်းတွေကို မြတ်မြတ်နိုးနိုး နားထောင်ခဲ့ဖူးတုန်းက တပ်မတော်သားတွေရဲ့ဘဝကို အားကျမိခဲ့တယ်။ အခုတော့လည်း တပ်မတော်နဲ့ ပြည်သူကြား ဘယ်အရာက အမြင်မှုန်ဝါးစေပါသလဲ။ တပ်မတော်ကို ပြည်သူကြားက ပေါက်ဖွားလာတဲ့ ပြည်သူ့သားတွေအဖြစ် နွေးနွေးထွေးထွေး ပြန်တွေ့ရမယ့်နေ့ကို မျှော်လင့်ချင်လိုက်တာ။ တကယ် တော့ တပ်မတော်မှာ အပြစ်မရှိပါဘူး။ ‘တောကြီး နက်မှောင်၊ တောင်ခွေ ရစ်ဆင်း၊ စစ်ခင်းပေမယ့်၊ တစ်ခါတလေ စာခွေ လာမလားလို့၊ စောင့်စားရသည် စစ်မြေတစ်နေရာဆီ’ သီချင်းတွေကို ပြန်ဆိုချင်လိုက်တာ။
ဘယ်သူပဲဖြစ်ဖြစ်၊ ကိုယ့်တိုင်းပြည်ကို ကိုယ်ချစ်တာပေါ့။ အိမ်ကြက်ချင်း အိုးမဲသုတ်ပြီး ခွပ်ဖို့၊ ပြည်သူကို မခန့်လေးစားလုပ်ဖို့ ဘယ်သူမှ စိတ်မကူးကြပါဘူး။ ဒါပေမဲ့ လူတွေကို ချစ်အောင် သင်ပေးတတ်ဖို့တော့ လိုပါတယ်။ နင် တစ်ဝက်၊ ငါ တစ်ဝက်၊ ဒီတောတွေကို အကုန်ဖျက် မလုပ်ခိုင်းဖို့တော့ လိုပါတယ်။ တိုင်းပြည် ပျက်စီးတာပဲ၊ ငါတို့ ပျက်စီးတာ မဟုတ်ဘူး၊ ဒီကျောက်တွေကို အကုန်သာတူး မလုပ်ကြဖို့တော့ လိုပါတယ်။ တစ်ဘဝမှာ အခွင့်အရေးဆိုတာ တစ်ခါလောက်ရတာ၊ ရသမျှဟာအကုန် ငါ့ဟာ မလုပ်ကြဖို့တော့ လိုပါတယ်။
တိုင်းပြည်ကို ချစ်တယ်ဆိုတာ အရူးတောင် ပြောတတ်သေးတယ်။ ပြည်သူတွေက တင်မြှောက်ခဲ့တဲ့ အစိုးရ၊ ပြည်သူတွေ ၀ိုင်းဝန်းရေးဆွဲခဲ့တဲ့ ဥပဒေဆိုတာ ပြောဖို့တောင် မသင့်တော့ချိန်မှာ ပြည်သူ့အတွက် တကယ်တမ်းလုပ်ဖို့ လိုအပ်လာပါပြီ။ လွှတ်တော်ထဲမှာ ခေါင်းပေါင်းကြီး ဆောင်းရရုံနဲ့ အမတ်မဖြစ်သလို ဌာနတစ်ခုက အရေးကြီးဆုံး ကုလားထိုင်မှာ ထိုင်ရလို့လည်း ဝန်ကြီးမဟုတ်ပါဘူး။ ပြည်သူတွေ လိုအပ်ချက်၊ တိုင်းပြည် ရဲ့ လိုအပ်ချက်ကို မမောမပန်း၊ စိတ်ထဲမှာထည့်ထားပြီး လုပ်နိုင်မှ အမတ်တွေ၊ ဝန်ကြီးတွေ ဖြစ်မှာပါ။ ဒီနေရာမှာ တိုင်းပြည်အတွက် သေရမယ်ဆိုရင်တောင် သေရဲတယ်ဆိုတဲ့ သတ္တိရှိမှ ပြည်သူ့ခေါင်းဆောင် ခေါ်ထိုက်မှာပါ။
နောက်ကျ ကျန်ရစ်ခဲ့ပါပြီ။ အမြန်ရောက်မယ်ဆိုရင် စီးနေကျ ခပ်ထုံထုံ ဖိနပ်တွေကို ချွတ်ပစ်ပြီး ခြေဗလာနဲ့ ပြေးချင်လည်း ပြေးရပါစေပေါ့။ ဒီအတွက်တော့ စူးလာမယ့် ဆူးတွေကို ထည့်တွက်ဖို့ မလိုတော့ပါဘူး။ တိုင်းပြည်ကို တကယ်ချစ်ကြရင်ပေါ့။
နေသစ်နီ
The Voice Weekly

နိုင်ငံတော်သမ္မတ၏ သဝဏ်လွှာ ပြည်ထောင်စုလွှတ်တော် အတည်မပြု


နေပြည်တော်၊ အောက်တိုဘာ ၂၄

မွန်ပြည်နယ် မော်လမြိုင်မြို့တွင် တည်ဆောက်ရန် စီစဉ်ထားသော ၅၀ မဂ္ဂါဝပ် သဘာဝဓာတ်ငွေ့သုံး လျှပ်စစ်ဓာတ်အားပေး စက်ရုံကို ရခိုင်ပြည်နယ် ကျောက်ဖြူမြို့တွင် ပြောင်းလဲ တည်ဆောက်ရန် အစီအစဉ်ကို အတည်ပြုပေးရန်အတွက် နိုင်ငံတော်သမ္မတ ဦးသိန်းစိန်က ပေးပို့လာသော သဝဏ်လွှာကို ပြည်ထောင်စုလွှတ်တော်က အတည်မပြုဘဲ နိုင်ငံတော် သမ္မတထံ ပြန်လည် ပေးပို့ခဲ့ကြောင်း လွှတ်တော် ကိုယ်စားလှယ်များက ပြောကြားသည်။

အဆိုပါ သဝဏ်လွှာကို မွန်ဒေသလုံးဆိုင်ရာ ဒီမိုကရေစီပါတီမှ အမျိုးသားလွှတ်တော် ကိုယ်စားလှယ် ဒေါက်တာ ဗညားအောင်မိုးက ကန့်ကွက်သဖြင့် ပြည်ထောင်စုလွှတ်တော် နာယက သူရဦးရွှေမန်းက အတည်မပြုဘဲ နိုင်ငံတော်သမ္မတထံ ပြန်လည် ပေးပို့ခဲ့ခြင်း ဖြစ်ကြောင်း လွှတ်တော်ကိုယ်စားလှယ်များက ဆိုသည်။

ယင်းသဝဏ်လွှာကို နိုင်ငံတော်သမ္မတက အောက်တိုဘာလ ၂၄ ရက်နေ့ တွင် ပြည်ထောင်စု လွှတ်တော်သို့ ပေးပို့ခဲ့ခြင်း ဖြစ်သည်။

တရုတ်နိုင်ငံ EXIM ဘဏ်မှ အမေရိကန်ဒေါ်လာ ၅၇ ဒသမ ၁ သန်း ချေးယူကာ မွန်ပြည်နယ်တွင် တည်ဆောက်မည့် အဆိုပါ စီမံကိန်းသည် မွန်ပြည်နယ် သာမက ကရင်ပြည်နယ် အပါအဝင် ကျေးလက် ဒေသများအတွက် ဖြစ်ကြောင်း၊ ယင်းစီမံကိန်းကိစ္စကို ဒေသခံများနှင့် တွေ့ဆုံစဉ် ကတိပေး ပြောကြားထားပြီး ဖြစ်ရာ ယခုကဲ့သို့ နေရာဒေသ ပြောင်းရွှေ့ တည်ဆောက်လိုက်ပါက လွှတ်တော် ကိုယ်စားလှယ်များ အနေနှင့် ပြည်သူရှေ့တွင် အရှက်ရစေမည် ဖြစ်ကြောင်း ဒေါက်တာဗညားအောင်မိုးက ပြောသည်။
“ကျွန်တော်တို့ဒေသမှာ ဒီလို အောင်မြင်လာပါတယ်လို့ ဂုဏ်ယူဝင့်ကြွားစွာ ရှင်းပြထားပြီးတဲ့နောက်မှာ ဒီလိုနောက် တစ်နေရာကို ပြောင်းရွေ့လိုက်မယ် ဆိုရင် ပြည်နယ်အစိုးရနဲ့ လွှတ်တော် ကိုယ်စားလှယ် တွေ မျက်နှာ ဘယ်မှာထားရမလဲ၊ သိက္ခာ ဘယ်လောက်ကျမလဲ၊ ကိုယ်ချင်းစာ ပေးစေချင်ပါတယ်” ဟု ၎င်းကလွှတ်တော်တွင် ပြောဆိုသည်။

အဆိုပါ စီမံကိန်းကို မွန်ပြည်နယ်တွင် တည်ဆောက်ရန် ပြည်ထောင်စု လွှတ်တော်တွင် ဆွေးနွေး အတည်ပြုထားခြင်း ဖြစ်ပြီး ယင်းသို့ ဒေသပြောင်းလဲ တည်ဆောက်မည် ဆိုပါက တိုင်းရင်းသား အချင်းချင်း သွေးစည်း ညီညွတ်ရေးကို ထိခိုက်နိုင်ကြောင်း ဒေါက်တာ ဗညားအောင်မိုး ထောက်ပြ ပြောဆိုသည်။
“မိသားစုတစ်စုမှာ သားသမီး နှစ်ယောက်ကို တစ်ယောက်ကို အစာကျွေးပြီး ပါးစပ်ထဲ ရောက်နေမှ ပြန်နှိုက်ပြီး နောက်တစ်ယောက်ကို ကျွေးတယ်ဆိုရင် သားသမီးနှစ်ယောက် စိတ်ဝမ်းကွဲပြားမှု ဖြစ်ပါလိမ့်မယ်” ဟု ဒေါက်တာဗညားအောင်မိုးက ဥပမာပေး ပြောဆိုသည်။

ထိုကဲ့သို့ တိုင်းရင်းသားအရေး ဆွေးနွေးမှုတွင် အရုပ်ဆိုးစေသည့် ကိစ္စရပ်များ ဖြစ်ပေါ်မလာစေရန်နှင့် တိုင်းရင်းသား အရေးကို ရှေးရှု၍ လွှတ်တော်တွင် ဆက်လက် ဆွေးနွေးမှု မပြုလုပ်ရန် ပြည်ထောင်စု လွှတ်တော် နာယက သူရဦးရွှေမန်းက ဆုံးဖြတ်ခဲ့သည်။

ထို့ကြောင့် နိုင်ငံတော်သမ္မတ၏ သဝဏ်လွှာကို အတည်ပြုမည့် အစီအစဉ်ကို ရုပ်သိမ်းကြောင်းနှင့် သဝဏ်လွှာကို နိုင်ငံတော်သမ္မတထံ ပြန်ပို့ကာ ညှိနိုင်းဆွေးနွေးမှု ပြုလုပ်သွားမည် ဖြစ်ကြောင်း ၎င်းက ထပ်လောင်း ပြောကြားသည်။

The Voice Weekly

ငြိမ်းချမ်းရေးကို ထိခိုက်စေသော စကားလုံး မသုံးရန် ပြည်ထောင်စု လွှတ်တော် ကြေညာ


နေပြည်တော် အောက်တိုဘာ ၂၄

အစိုးရက တိုင်းရင်းသား လက်နက်ကိုင် တပ်ဖွဲ့များနှင့် နိုင်ငံလုံးဆိုင်ရာ အပစ်အခတ် ရပ်စဲရေးအတွက် ကြိုးပမ်းနေချိန်တွင် ငြိမ်းချမ်းရေး ဖော်ဆောင်မှု လုပ်ငန်းစဉ်များကို ထိခိုက်စေသော အပြောအဆို၊ အပြုအမူများ မပြုလုပ်ကြရန် ပြည်ထာင်စုလွှတ်တော်က အောက်တိုဘာလ ၂၄ ရက်နေ့တွင် ကြေညာချက်တစ်ရပ် ထုတ်ပြန်လိုက်သည်။

အဆိုပါ ကြေညာချက်သည် လွှတ်တော်နှင့် အစိုးရ အဖွဲ့အစည်းသာမက နိုင်ငံအတွင်းရှိ ပြည်သူများမှ မိမိနိုင်ငံကို ချစ်ခင်သူများ၊ ပြည်ထောင်စုစနစ်ကို လိုလားကြသူများ၊ ဒီမိုကရေစီကို မြတ်နိုးသူများသည် တိုင်းရင်းသား စည်းလုံးညီညွတ်ရေး၊ အမျိုးသား ပြန်လည် ပေါင်းစည်းရေး၊ တရားဥပဒေ စိုးမိုးရေးနှင့် ပြည်ထောင်စု ဖွံ့ဖြိုး တိုးတက်ရေးအတွက် အဆိုပါ ကိစ္စများကို ပြုလုပ်ခြင်း မရှိစေရန် ရည်ရွယ်ကြောင်း ယင်းထုတ်ပြန်ချက်တွင် ပါရှိသည်။

ယခုအချိန်တွင် နိုင်ငံ၏ ငြိမ်းချမ်းရေး၊ တရားဥပဒေစိုးမိုးရေးနှင့် တည်ငြိမ် အေးချမ်းရေးသည် ဒီမိုကရေစီ ပြုပြင် ပြောင်းလဲရေးအတွက် အဓိကသော့ချက် ဖြစ်နေကြောင်း အဆိုပါ ထုတ်ပြန်ချက်ကို ကိုးကား၍ ပြည်ထောင်စုလွှတ်တော် နာယက သူရဦးရွှေမန်းက ပြောကြားသည်။

ထို့ပြင် ပြည်တွင်း ငြိမ်ချမ်းရေးကို အထောက်အကူပြုမည့် တိုင်းရင်းသားများ အခွင့်အရေး ကာကွယ်စောင့်ရှောက်ရေး ဥပဒေကို ပြဋ္ဌာန်းနိုင်ရန်နှင့် ၂၀၀၈ ခုနှစ် ဖွဲ့စည်းပုံ အခြေခံဥပဒေ ပြင်ဆင်ရေးအတွက် လုပ်ကိုင် ဆောင်ရွက်နေကြောင်း၊ တိုင်းရင်းသားအရေး ကိစ္စများကို အလေးထား ဆောင်ရွက်သွားမည် ဖြစ်ကြောင်း ယင်းထုတ်ပြန်ချက်တွင် ဖော်ပြထားသည်။

ပြည်ထောင်စုလွှတ်တော်သည် ငြိမ်းချမ်းရေး၊ တရားဥပဒေ စိုးမိုးရေးနှင့် နိုင်ငံသားအချင်းချင်း ချစ်ခင်ရင်းနှီးစွာ နေထိုင်ရေးနှင့် ပတ်သက်သော ကြေညာချက် (၁/၂၀၁၃) ကို သြဂုတ်လ ၃၁ ရက်တွင် ပထမတစ်ကြိမ် ထုတ်ပြန်ခဲ့ဖူးသည်။

The Voice Weekly

လွှတ်တော်ကိုယ်စားလှယ်များ၏ အရည်အချင်းများ တိုးတက် လာကြောင်း ပြည်ထောင်စုလွှတ်တော် နာယကဆို


နေပြည်တော်၊ အောက်တိုဘာ ၂၄

လွှတ်တော်သက်တမ်း ၂ နှစ်ခွဲ ကာလအတွင်း လွှတ်တော် ကိုယ်စားလှယ်များ၏ အရည်အချင်းများ တိုးတက် လာကြောင်း ပြည်ထောင်စုလွှတ်တော် နာယက သူရဦးရွှေမန်းက အောက်တိုဘာ ၂၄ ရက်နေ့တွင် နေပြည်တော်ရှိ လွှတ်တော် အဆောက်အအုံ ဇမ္ဗူသီရိ ခန်းမဆောင်တွင် ပြုလုပ်သည့် မီဒီယာများနှင့် တွေ့ဆုံပွဲတွင် ပြောကြားသည်။

ပြည်ထောင်စုလွှတ်တော်တွင် အောက်တိုဘာ ၂၄ ရက်နေ့က ဆွေးနွေးသော ၂၀၁၃-၂၀၁၄ ဘဏ္ဍာရေးနှစ် ပြည်ထောင်စု၏ နောက်ထပ်ဘဏ္ဍာငွေ ခွဲဝေသုံးစွဲရေးအပေါ် အချက်အလက် ခိုင်မာစွာ ထောက်ပြ ဆွေးနွေးနိုင်သည့် လွှတ်တော် ကိုယ်စားလှယ်များကို ရည်ညွန်း၍ ၎င်းက ယင်းသို့ ပြောကြားခဲ့ခြင်း ဖြစ်သည်။

လွှတ်တော် ကိုယ်စားလှယ်များသည် နိုင်ငံဘဏ္ဍာငွေ လေလွင့်မည်ကို စိုးရိမ်သောကြောင့် ဆွေးနွေးခဲ့ကြောင်း၊ ပြီးခဲ့သည့် တစ်နှစ်ကျော်ခန့်ကထက် လွှတ်တော် ကိုယ်စားလှယ်များ အရည်အသွေးပိုင်း တိုးတက်လာကြောင်း ၎င်းကရှင်းပြသည်။

၂၀၁၃-၂၀၁၄ ဘဏ္ဍာရေးနှစ်၊ ပြည်ထောင်စု၏ နောက်ထပ်ဘဏ္ဍာငွေ ခွဲဝေသုံးစွဲမှုများ အပေါ်တွင် ရန်ကုန်တိုင်းဒေသကြီး ဒဂုံမြို့သစ် (ဆိပ်ကမ်း) မဲဆန္ဒနယ်မှ လွှတ်တော်ကိုယ်စားလှယ် ဒေါက်တာနေလင်းက ကျန်းမာရေးဝန်ကြီးဌာန၏ ဘဏ္ဍာငွေ ခွဲဝေသုံးစွဲမှုအပေါ် အချက်အလက် အတိအကျဖြင့် ထောက်ပြဝေဖန် ခြင်း၊ ရခိုင်ပြည်နယ် ဂွမြို့နယ် မဲဆန္ဒနယ်မှ ဦးကြည်သာက ဆောက်လုပ်ရေး ဝန်ကြီးဌာန၏ ဖြည့်စွက် ဘဏ္ဍာငွေ တင်ပြမှုအပေါ် ထောက်ပြခြင်းတို့ ပြုလုပ်ခဲ့ကြောင်း ပြည်ထောင်စုလွှတ်တော် ကိုယ်စားလှယ် များထံမှ သိရသည်။

ထို့ပြင် မွန်ပြည်နယ် မော်လမြိုင်တွင် တည်ဆောက်မည့် သဘာဝဓာတ်ငွေ့သုံး လျှပ်စစ်ဓာတ်အားပေး စက်ရုံကို ရခိုင်ပြည်နယ် ကျောက်ဖြူမြို့သို့ ပြောင်းရွှေ့ တည်ဆောက်ရန် ပြည်ထောင်စုလွှတ်တော်၏ သဘောတူညီချက် ရယူရာတွင် ပြည်ထောင်စုလွှတ်တော် ကိုယ်စားလှယ် ဒေါက်တာဗညားအောင်မိုးက အဆိုပါ ကိစ္စသည် မွန်တိုင်းရင်းသားများနှင့် ရခိုင်တိုင်းရင်းသားများကို စိတ်ဝမ်းကွဲစေနိုင်ပြီး တိုင်းရင်းသား စည်းလုံးညီညွတ်မှုကို ထိခိုက်စေသည်ဟု အစိုးရကို အချက်အလက် ခိုင်မာစွာဖြင့် ထောက်ပြခဲ့ကြောင်း ပြည်ထောင်စုလွှတ်တော် ကိုယ်စားလှယ်များက ဆိုသည်။

ပြီးခဲ့သည့် ၂၀၁၁ ခုနှစ်မှ စတင်ပေါ်ပေါက်လာသော လွှတ်တော် အရပ်ရပ်ရှိ လွှတ်တော် ကိုယ်စားလှယ်များသည် အစည်းအဝေးအတွင်း အိပ်ငိုက်ခြင်းနှင့် ပုတီးစိပ်ခြင်း ကဲ့သို့သော အပြုအမူများကို မီဒီယာ အချို့က ဝေဖန်ခဲ့ကြသည်။

The Voice Weekly

DD တက္ကစီ (အငှားယာဉ်) နံပါတ်များ နိုဝင်ဘာလအတွင်း ထုတ်ပေးမည်


ရန်ကုန်၊ အောက်တိုဘာ ၂၄

CC တက္ကစီ (အငှားယာဉ်) နံပါတ်များ ထုတ်ပေးမှုသည် ရှစ်ထောင့်သုံးရာကျော်သို့ ရောက်ရှိပြီ ဖြစ်သောကြောင့် DD နံပါတ်များကို နိုဝင်ဘာလအတွင်း ထုတ်ပေးသွားမည် ဖြစ်ကြောင်း နေပြည်တော် ကုန်းလမ်း ပို့ဆောင်ရေး ညွှန်ကြားမှုဦးစီးဌာန (ရုံးချုပ်) မှ ညွှန်ကြားရေးမှူး ဦးတင်မောင်ဆွေက ပြောကြားသည်။

CC တက္ကစီ ယာဉ်နံပါတ် ထုတ်ပေးမှုကို ယခုနှစ် ဇွန်လ ၅ ရက်နေ့မှ စတင်ထုတ်ပေးခဲ့ခြင်း ဖြစ်ရာ နိုဝင်ဘာလအတွင်း နံပါတ်များ ပြီးဆုံးနိုင်မည် ဖြစ်၍ ယင်းလ အတွင်းမှာပင် DD တက္ကစီယာဉ်များကို ထုတ်ပေးသွားမည် ဖြစ်ကြောင်း ၎င်းက ဆက်လက်ပြောကြားသည်။
“CC နံပါတ်တွေက နိုဝင်ဘာလအတွင်း ပြီးမယ်။ အချိန်အတိအကျတော့ မပြောနိုင်သေးဘူး” ဟု ၎င်းကဆိုသည်။
DD တက္ကစီ ယာဉ်နံပါတ်များ ထပ်မံ ထုတ်ပေးမှုကြောင့် မော်တော်ယာဉ် ဈေးကွက်အတွင်း အရောင်းအဝယ် အေးစက်ခြင်းနှင့် ဈေးနှုန်းများ ဆက်လက်ကျဆင်းသွားနိုင်ပြီး ရန်ကုန်မြို့တွင်း တက္ကစီယာဉ်များ ပိုမိုများပြား လာနိုင်ကြောင်း သီရိမင်္ဂလာ ယာဉ်ရောင်းဝယ်ရေးစခန်းမှ ကားဝယ်ရောင်း ဦးကျော်မြင့်အောင်က သုံးသပ် ပြောကြားသည်။
“ဒီလိုတွေ လုပ်ပေးတာ ကောင်းပါတယ်။ ဒါပေမဲ့ အဲလိုတွေ ထုတ်ပေးတာတော့ မော်တော်ယာဉ် ဈေးကွက်ကိုတော့ ထိခိုက်နိုင်ပါတယ်” ဟု ၎င်းက ပြောကြားသည်။

လက်ရှိ တက္ကစီယာဉ် တစ်စီးလျှင် ကျပ်သိန်းတစ်ရာအောက် ခန့် ဈေးပေါက်လျက်ရှိပြီး လတ်တလော မြန်မာနိုင်ငံ ပြုပြင် ပြောင်းလဲမှု များကြောင့် ဈေးကျနိုင်သော်လည်း အတိအကျမှန်း၍ မရနိုင်သေးကြောင်း ၎င်းကဆက်လက်ပြောဆိုသည်။
The Voice Weekly

သန်လျင်မြို့နယ် ကျိုက်ခေါက်ဘုရားလမ်းမှာ ကားဆီတိုင်ကီပေါက်ပြီး မီးလောင်ကျွမ်းမှုတစ်ခုဖြစ်ပွား


သန်လျင်မြို့နယ် ကျိုက်ခေါက်ဘုရားလမ်းက ညနရုံးအကျော်နားလေးမှာဒီနေ့လည်(၁၁:၃၀)လောက်က ကားဆီတိုင်ကီပေါက်ပြီး မီးလောင်ကျွမ်းမှုတစ်ခုဖြစ်ပွားခဲ့ပါတယ်။ မီးလောင်ကျွမ်းခဲ့တဲ့ကားက(ထ/၅၂၄၂)ဖြစ်ပြီး သန်လျင်ရေနံချက်စက်ရုံကဟောင်းနွမ်းနေပြီဖြစ်တဲ့ TE အမျိုးအစားဖြစ်ပါတယ်။

ကားဆီတိုင်ကီပေါက်မှုကြောင့်ဆီယိုစိမ့်ပြီးမီးထလောင်တာဖြစ်ပါတယ်။ ကားဒရိုင်ဘာကတော့ဆေးရုံပို့လိုက်ရပြီးအခြေအနေတော့မသိရသေးပါဘူး။ ကားမီးလောင်တဲ့ဘေးကအပင်ကြီးကိုပါမီးကကူးစက်ခဲ့တာကြောင့်မီးကြီးသွားပြီးရေနဲ့ငြိမ်းလို့မရတာကြောင့်မီးသတ်ဆေးဖြန်းပြီးငြိမ်းသတ်ခဲ့ရပါတယ်။ နေ့လည်(၁၂:၁၅)မိနစ်လောက်မှာ မီးငြိမ်းခဲ့ပြီးအဆိုပါမီးလောင်မှုကြောင့် ယာဉ်ကြောပိတ်ဆို့မှုလည်းခေတ္တ ဖြစ်ပွားခဲ့ပါတယ်။


ဓါတ်ပုံနှင့်သတင်း - မင်းသွေးသစ်
News Watch(စောင့်ကြည့်သတင်းဂျာနယ်)

ပြည်တွင်းငြိမ်းချမ်းရေး ဖော်ဆောင်မှု လွှတ်တော်ပါဝင်လို


ပြည်တွင်းငြိမ်းချမ်းရေး, လွှတ်တော်, အပစ်အခတ် ရပ်စဲရေး, တိုင်းရင်းသား
ပြည်တွင်းငြိမ်းချမ်းရေးအတွက် လွှတ်တော်ကလည်း ဆောင်ရွက်နေဟု သူရဦးရွှေမန်းက ပြောဆိုသည် (ဓာတ်ပုံ – Reuters)
ပြည်ထောင်စု စနစ်ကို “လိုလားနှစ်ချိုက်သူများ”နှင့် ဒီမိုကရေစီကို “မြတ်နိုးသူများ” အနေဖြင့် ငြိမ်းချမ်းရေး ဖော်ဆောင်မှု လုပ်ငန်းစဉ်များကို ထိခိုက်စေသော အပြောအဆိုအပြုအမှုများ မပြုလုပ်ကြရန်နှင့် ငြိမ်းချမ်းရေးရရှိရေးအတွက် စေတနာ၊ မေတ္တာများ ထားရှိဆောင်ရွက်ကြရန် အလေးအနက် ပန်ကြားမေတ္တာရပ်ခံလိုကြောင်း လွှတ်တော်နာယက သူရဦးရွှေမန်းက ပြည်ထောင်စုလွှတ်တော်သို့ အောက်တိုဘာလ ၂၄ ရက်နေ့က တင်ပြခဲ့သည်။

”ငြိမ်းချမ်းရေးဖော်ဆောင်တဲ့အခါမှာ ဒေသစွဲ၊ လူမျိုးစွဲ ၊ ကိုးကွယ်တဲ့ ဘာသာတရားတွေ မထားဘဲနဲ့ အများအကျိုးစီးပွားအတွက် ဖြစ်ရပါမယ်။ တိုင်းရင်းသား စည်းလုံးညီညွှတ်ရေး၊ အမျိုးသားပြန်လည်သင့်မြတ်ရေးတို့အတွက် လွှတ်တော်တွင်းကနေ ဖော်ဆောင်နိုင်ဖို့ ကြိုးစားနေပါတယ်” ဟု သူရဦးရွှေမန်းက အောက်တိုဘာလ ၂၄ ရက်နေ့က  နေပြည်တော်တွင် ပြုလုပ်သော သတင်းစာရှင်းပွဲ၌ ပြောကြားခဲ့သည်။

ယင်းသို့ ပြည်ထောင်စုလွှတ်တော် နာယက၏ ပြောဆိုချက်သည် လာမည့် နိုဝင်ဘာလတွင် တပြည်လုံး အတိုင်းအတာ အပစ်အခတ် ရပ်စဲရေး ကြေညာနိုင်ရေး သမ္မတ ဦးသိန်းစိန်အစိုးရ၏ ပြည်တွင်းငြိမ်းချမ်းရေး လုပ်ငန်းစဉ်များ အရှိန်မြင့်လာနေချိန်နှင့်လည်း တိုက်ဆိုင်နေသည်။

ပြည်တွင်းငြိမ်းချမ်းရေး ရရှိရန် လွှတ်တော်ကလည်း တိုင်းရင်းသားရေးရာနှင့် ငြိမ်းချမ်းရေးဖော်ဆောင်မှုကော်မတီကို လွှတ်တော်များ စတင်ပေါ်ပေါက်သော ကာလကပင် ဖွဲ့စည်းခဲ့ပြီး ပြည်တွင်းငြိမ်းချမ်းရေး လုပ်ငန်းစဉ်များ အကောင်အထည်ဖော်ဆောင်မှုတွင် ပါဝင်ဆောင်ရွက်လျက်ရှိကြောင်း၊ ပြည်တွင်းငြိမ်းချမ်းရေးလုပ်ငန်းစဉ်များကို အထောက်အကူပြုရေးအတွက် တိုင်းရင်းသားအခွင့်အရေးစောင့်ရှောက်သည့်ဥပဒေကို ပြဋ္ဌာန်းနိုင်ရန် ဆောင်ရွက်နေကြောင်း၊ ဖွဲ့စည်းပုံအခြေခံဥပဒေ လေ့လာသုံးသပ်ရေး ပူးပေါင်းကော်မတီကို ဖွဲ့စည်းဆောင်ရွက်လျက်ရှိပြီး တိုင်းရင်းသား စည်းလုံးညီညွတ်ရေးနှင့် အမျိုးသားပြန်လည်ပေါင်းစည်းရေးအတွက် အလေးထားဆောင်ရွက်လျက် ရှိကြောင်း ပြည်ထောင်စုလွှတ်တော်က ကြေညာချက် ထုတ်ပြန်ခဲ့သည်။

သမ္မတဦးသိန်းစိန်အစိုးရ၏ ငြိမ်းချမ်းရေးဖော်ဆောင်မှုများတွင် လွှတ်တော်ကို ပါဝင်ခွင့်မပေးဘဲ နောက်ချန်ထားသည်ဟု သူရဦးရွှေမန်းနှင့် လွှတ်တော်ဘက်က ခံစားရှုမြင်နေသလောဟု လေ့လာစောင့်ကြည့်သူများကလည်း မေးခွန်းထုတ်လာနေသည်။

မြန်မာငြိမ်းချမ်းရေးစင်တာ အကြီးတန်းအကြံပေး ဦးလှမောင်ရွှေကမူ ကမ္ဘာပေါ်တွင် ပဋိပက္ခဖြစ်ပွားလျက်ရှိသော နိုင်ငံများကို လေ့လာကြည့်ပါက လက်နက်ကိုင်အဖွဲ့များနှင့် အပစ်ရပ်ဆွေးနွေးပွဲအဆင့်တွင် အစိုးရကသာဦးဆောင်လေ့ရှိပြီး နောက်ပိုင်း နိုင်ငံရေးဆွေးနွေးမှုများ ပြုလုပ်မှ လွှတ်တော်များက ပါဝင်ဆောင်ရွက်လေ့ရှိသောကြောင့် ယခု လက်ရှိအချိန်တွင် လွှတ်တော်၏ အခန်းကဏ္ဍလိုအပ်သည်ဟု မပြောနိုင်သေးကြောင်း ပြောသည်။

”၀န်ကြီးဦးအောင်မင်းတို့နဲ့ တိုင်းရင်းသားတွေ ဆွေးနွေးပြီးတော့ အပစ်အခတ်ရပ်စဲရေး ဆောင်ရွက်ဖို့ လိုပါတယ်။ ဒါပြီးလို့ရှိရင်တော့ Political Dialogue ကိုရောက်လာတဲ့အခါမှာ လွှတ်တော်အပြင် နိုင်ငံရေးပါတီများ၊ အရပ်ဖက်လူ့အဖွဲ့အစည်းများ၊ အစိုးရ၊ တပ်မတော်အားလုံးပါဝင်တဲ့ All Inclusive Political Dailogue လုပ်ပါ့မယ်လို့ နိုင်ငံတော်သမ္မတက ပြောထားတဲ့အတွက် သေချာပေါက် လွှတ်တော်လည်း ပါလာပါလိမ့်မယ်”ဟု ဦးလှမောင်ရွှေက ဧရာဝတီသို့ ပြောဆိုသည်။

အစိုးရက လတ်တလော ယခုလကုန်ပိုင်း ကချင်ပြည်နယ် လိုင်ဇာတွင် ပြုလုပ်မည့် တိုင်းရင်းသားများ နိုင်ငံရေးဆွေးနွေးဖလှယ်ပွဲကို  သဘောတူလက်ခံထားပြီး ယင်းဆွေးနွေးပွဲအပြီး တိုင်းရင်းသားခေါင်းဆောင်များက နိုဝင်ဘာလ ၃ ရက်နေ့တွင် ၀န်ကြီးဦးအောင်မင်း ဦးဆောင်သော အစိုးရကိုယ်စားလှယ်အဖွဲ့နှင့် မြစ်ကြီးနားမြို့၌ တွေ့ဆုံပြီး နှစ်ဘက် ဆက်လက်ဆွေးနွေးမည် ဖြစ်ကြောင်း မြန်မာငြိမ်းချမ်းရေးစင်တာ (MPC) က ဆိုသည်။

”ကျနော်တို့ ကြားသိထားတာက UNFC ဘက်ကလည်း Draft တခုရှိတယ်။ KNU ၊ RCSS နဲ့ တိုင်းရင်းသားပညာရှင် အချို့ကလည်း ဆွေးနွေးမယ့် Draft ရှိတယ်။ ဆွေးနွေးမယ့် Draft နှစ်ခုကို ကိုင်စွဲပြီးတော့ ညှိနှိုင်းနိုင်တယ်လို့ ကျနော်တို့ မှတ်ယူထားတယ်။ သူတို့ညှိနှိုင်းပြီးရင်တော့ နိုဝင်ဘာ ၂ ရက်နေ့မှာ သူတို့မြစ်ကြီးနားကို လာလိမ့်မယ်။ ၀န်ကြီးဦးအောင်မင်းတို့နဲ့ ဆွေးနွေးမှုတွေ ဆက်လုပ်ပါလိမ့်မယ်”ဟု ဦးလှမောင်ရွှေက ဆိုသည်။

ထိုကဲ့သို့ ၀န်ကြီးဦးအောင်မင်းနှင့် တိုင်းရင်းသားခေါင်းဆောင်များ နှစ်ဘက်ဆွေးနွေးမှု အပြီးတွင် သဘောတူညီချက် တစုံတရာရရှိခဲ့ပါက နိုဝင်ဘာလကုန်ပိုင်းတွင် တနိုင်ငံလုံး အတိုင်းအတာနှင့် အပစ်ခတ်ရပ်စဲရေး ငြိမ်းချမ်းရေး ဆွေးနွေးပွဲတခု လုပ်ဆောင်နိုင်မည်ဟု မျှော်မှန်းထားကြောင်း ဦးလှမောင်ရွှေက ပြောဆိုသည်။

လက်ရှိအချိန်တွင် အစိုးရနှင့် လက်နက်ကိုင်အဖွဲ့အစည်း ၁၆ ဖွဲ့နှင့် ငြိမ်းချမ်းရေး ဆွေးနွေးလျက်ရှိပြီး ၁၄ ဖွဲ့နှင့် အပစ်ခတ်ရပ်စဲရေး ပြုလုပ်ထားသည်။

သူရ ဦးရွှေမန်းသည် ဇွန်လအတွင်းမှစပြီး အမျိုးသားကာကွယ်ရေးနဲ့ လုံခြုံရေး ကောင်စီ(ကာလုံ) အစည်းအဝေး ခေါ်ယူခဲ့ပြီး ပြည်တွင်းငြိမ်းချမ်းရေးဖော်ဆောင်မှု ဗဟိုကော်မတီကို ပြန်လည်ပြင်ဆင်ဖွဲ့စည်းစေကာ အစိုးရ၏ ငြိမ်းချမ်းရေးအကောင်အထည်ဖော်မှု ဖြစ်စဉ်တွင် လွှတ်တော်ရဲ့ အခန်းကဏ္ဍကို မြင့်တင်နိုင်ရေး ကြိုးပမ်းခဲ့သေးသည်။

ပြည်တွင်းငြိမ်းရေးရေးဖော်ဆောင်မှု ဗဟိုကော်မတီတွင် နိုင်ငံတော်သမ္မတဦးသိန်းစိန်က ဥက္ကဋ္ဌ တာဝန်ရယူထားပြီး လွှတ်တော်ဥက္ကဋ္ဌများက အဖွဲ့ဝင်များအဖြစ် ဆောင်ရွက်လျက် ရှိသည်။ ထို့အတူ ဗဟိုကော်မတီ လက်အောက်ရှိ ငြိမ်းချမ်းရေးဖော်ဆောင်မှု လုပ်ငန်းကော်မတီတွင် ဒုတိယ သမ္မတ ၁ ဒေါက်တာစိုင်းမောက်ခမ်းက ဥက္ကဌ တာဝန်ရယူထားပြီး ဒုတိယ ဥက္ကဋ္ဌများအဖြစ် လွှတ်တော်ဘက်မှ ကိုယ်စားလှယ်မှာ တိုင်းရင်းသားရေးရာနှင့် ငြိမ်းချမ်းရေးဖော်ဆောင်မှု ဗဟိုကော်မတီမှ ဦးသိန်းဇော်၊ အစိုးရကိုယ်စားလှယ်မှာ သမ္မတရုံးဝန်ကြီး ဦးအောင်မင်းနှင့် တပ်မတော်ဘက်မှ ဒုတိယကာကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီးစိုးဝင်းတို့ ပါဝင်သည်။

BBC သတင်းဌာန၏ အပြုအမူအပေါ် ဝေဖန်မှုများထွက်ပေါ်


ဒေါ်အောင်ဆန်းစုကြည်က လှုမျိုးရေး သုတ်သင်မှုမရှိဟု ဖြေကြားခဲ့သော အင်တာဗျုးတွင် BBC အနေဖြင့် လှုမျိုးရေး၊ အထူးသဖြင့် မွတ်စလင်တို့နှင့် ဖြစ်ပွားခဲ့သော ပဋိပက္ခများနှင့် သက်ဆိုင်သော မေးခွန်းများကို မေးမြန်းရေးအတွက် မွတ်စလင်အမျိုးသမီးဖြစ်သူ မစ်ရှယ်ဟူစိန်ကို အင်တာဗျုးပြုလုပ်ရန် တာဝန်ပေးအပ်မှုအပေါ် ဝေဖန်သံများ ထွက်ပေါ်လျက်ရှိသည်။

“မစ်ရှယ်ဟူစိန်က မွတ်စလင်အမျိုးသမီးဆိုတော့ မွတ်စလင်တွေပဲ တစ်ဖက်သတ်ခံနေရတယ်ဆိုတဲ့ ပုံစံမျိုးနဲ့ပဲ မေးခွန်းတွေ မေးသွားတယ်။ ဘာနဲ့တူသလဲဆိုတော့ ဥပမာ ထိုင်း-မြန်မာဘောလုံးပွဲမှာ ထိုင်းဒိုင်ကို တာဝန်ပေးသလိုမျိုးပေါ့။ ဒေါ်အောင်ဆန်းစုကြည်က ဒီပြဿနာတွေဟာ အကြောက်တရားက အခြေခံပြီး ဖြစ်လာတာလို့ ဖြေသွားတာ သိပ်မှန်တယ်။ လူမျိုးရေး သုတ်သင်တယ်၊ သတ်ဖြတ်တယ်ဆိုတာ တကယ်လည်း ဟုတ်မှ မဟုတ်တာ။” ဟု အဆိုပါ အင်တာဗျူးကို ကြည့်ရှုပြီးသော ၀ါရင့်သတင်းအယ်ဒီတာတစ်ဦးကဝေဖန်သည်။

အဆိုပါ အင်တာဗျုးတွင် ဒေါ်အောင်ဆန်းစုကြည်က “လူမျိုးတုန်း သုတ်သင်မှု မဟုတ်ပါဘူး။ မြန်မာနိုင်ငံမှာ မြန်မာ့လူ့အဖွဲ့အစည်းနဲ့ လိုက်လျောညီထွေနေထိုင်နေတဲ့၊ အစွန်းမရောက်တဲ့ မွတ်စလင်တွေ အများအပြားရှိတယ်ဆိုတာကို ပြောချင်ပါတယ်။ ဒီပြဿနာတွေဖြစ်ရတာက နှစ်ဖက်စလုံးမှာ ရှိနေတဲ့ အကြောက်တရားကနေ အခြေခံပြီး ဖြစ်ပေါ်လာတာပါ။ အကြောက်တရားက မွတ်စလင်တွေဘက်မှာပဲ ရှိနေတာ မဟုတ်ပါဘူး။ ဗုဒ္ဓဘာသာဝင်တွေဘက်မှာလည်း ရှိနေတယ်ဆိုတာကို တစ်ကမ္ဘာလုံးက နားလည်ထားဖို့လိုပါတယ်” ဟု ဖြေကြားခဲ့သည်။ ဒေါ်အောင်ဆန်းစုကြည်သည် လူမျိုးရေးပဋိပက္ခများအပေါ် နိုင်ငံရေးတည်ငြိမ်မှု ပျက်ပြားအောင် နောက်ကွယ်မှကြိုးကိုင်ဖန်တီးမှုများရှိနိုင်ကြောင်း သံသယရှိခဲ့သည့်အတွက် ယခင်က ၎င်း၏ သဘောထားအမြင်ကို ထုတ်ဖော်ပြောဆိုခြင်းမပြုခဲ့သော်လည်း ယခုအခါ နိုင်ငံတကာ၏ အမြင်မှားအပေါ် BBC မှတစ်ဆင့် ထုတ်ဖေါ်ပြောကြားခဲ့ပြီဖြစ်သည်။
News Watch(စောင့်ကြည့်သတင်းဂျာနယ်)

ကြွေးတင်ရင် ရှင်ဘုရင်ဆပ်မှာလား


ရှေးစကားပုံတစ်ခုကို ကြားဖူးသည်။ “ကြွေးတင်ဘုရင်ဆပ် လိမ့်မည်”တဲ့။ ဟုတ်မဟုတ်တော့မသိ အလွန်နားထောင်ကောင်းလွန်းသော စကားပုံဖြစ်သည်။ အကြွေးရလျှင် ဆင်တောင်ဝယ်စီးချင်သော မြန်မာလူမျိုးများနှင့် အလွန်လိုက်ဖက်သော စကားပုံကလေးဖြစ်သည်။ ကျွန်တော်၏အစ်မကြီး ဒေါ်မာလာဝေသည် အကြွေးယူရတာကို အလွန် ဝါသနာပါသည်။ ဘာပစ္စည်းပဲဖြစ်ဖြစ် အကြွေးလာရောင်းလျှင် ငြင်းသည်မရှိ ဝယ်ယူလေ့ရှိသည်။ အကြွေးသာရပါက ဘာ မဆိုဝယ်သည်။ ကျွန်တော်တို့က ဘယ်ကပိုက်ဆံနှင့် အကြွေးကို ပြန်ဆပ်မည် နည်းဟုမေးတော့ “ဒါလေးများ လွယ်ပါတယ် ကြွေးတင်ဘုရင်ဆပ်မှာပေါ့” ဟု အဖြေပေးလေ့ရှိသည်။ ကျွန်တော်သည် ငယ်သေးသည်ဖြစ်ရာ တိုင်းသူပြည်သားများ အကြွေးတင်ပါက တိုင်းပြည်အုပ်ချုပ်မင်းလုပ်နေသော ရှင်ဘုရင်ကြီးက ပြည်သူတွေကိုယ်စား အကြွေးတွေကို ဝင်၍ဆပ်ပေးလိမ့်မည်ဟု တကယ်ပင် ယုံကြည်ခဲ့သည်။ ဒါကြောင့် မာလာဝေက ကြွေးတင် ဘုရင်ဆပ်လိမ့်မည်ဟု ပြောခြင်းဖြစ်နိုင်သည်ဟု ကလေးအတွေး တွေးခဲ့ဖူးပါသည်။

ဟိုးရှေးပဒေသရာဇ်ခေတ်က တိုင်းသူပြည်သားများ အကြွေးမဆပ်နိုင်လျှင် ရှင်ဘုရင်ကြီးက ဝင်ကူဆပ်ပေးရသော ဓလေ့မြန်မာနိုင်ငံမှာ ထွန်းကားခဲ့သလားတော့ သေသေချာချာမသိပါ။
ကလေးဘဝက ကြည်နူးမှုကလေးသည် ကြီးပြင်းလာသောအခါ တဖြည်းဖြည်းနှင့် ဖြစ်ရပ်မှန်နှင့်ကွာခြားနေကြောင်း သိရပေပြီ။ ကျွန်တော်တို့ အာရုံကိုပို၍ ကိုင်လှုပ်လိုက်သော ဖြစ်ရပ်မှာ ၂၄-၁၀-၂၀၁၂ နေ့က ကျင်းပပြုလုပ်ခဲ့သော ပြည်သူ့လွှတ်တော်အစည်းဝေးမှ အမေးအဖြေများကို ကြားရ၍ ဖြစ်သည်။ မြန်မာနိုင်ငံသည် နိုင်ငံခြားတိုင်းပြည်များ သို့ပေးဆပ်စရာကြွေးမြီ စုစုပေါင်း မည်ရွေ့မည်မျှရှိသည်ကို ဖြေကြားပေးပါရန် မင်းလှမြို့နယ် မဲဆန္ဒနယ်မှ ပြည်သူ့လွှတ်တော်ကိုယ်စား လှယ်ဦးမောင်တိုး၏ မေးမြန်းချက်ကို ဘဏ္ဍာရေးနှင့်အခွန်ဝန်ကြီးဌာန ဒုတိယဝန်ကြီး ဒေါက်တာမောင်မောင်သိန်းက ဖြေကြားရာ၌ မြန်မာနိုင်ငံက ပေးဆပ်ရန်တင်ရှိနေသော နိုင်ငံခြားကြွေးမြီ(အတိုး၊အရင်းပေါင်း)မှာ အမေရိကန်ဒေါ်လာ သန်းပေါင်း တစ်သောင်း ငါးထောင်ကျော်(USD 15089.434 million) ရှိသည်ဟု ဖြေကြားသွားပါသည်။ တဖန်ပြည်တွင်း ကြွေးမြီကျပ်သန်းပေါင်း ကိုးသန်းကိုးသိန်းကျော်(သန်းပေါင်း ၉၉၈၈၈၅၇ ကျပ်) တင်ရှိနေကြောင်း တရားဝင်ထုတ်ဖော်ပြောကြားသွားပါသည်။ ထို့ကြောင့် ကျွန်တော်တို့ ပြည်သူလူထုမှာ ဟိုက်ခနဲ ဖြစ်သွားပါသည်။

ကျွန်တော်တို့တိုင်းပြည်သည် ကမ္ဘာ့ဖွံ့ဖြိုးမှုအနိမ့်ကျဆုံး (တည့်တည့်ပြောရလျှင် ကမ္ဘာ့အဆင်းရဲဆုံး) နိုင်ငံစာရင်းထဲမှာ ပါနေတာတော့ သိသည်။ သို့သော် အစိုးရအဆက်ဆက်က တစ်ခါမှယခုလို တိတိကျကျ ထုတ်ပြန်ကြေညာခဲ့ခြင်းမရှိ၍ ကိုယ့်နိုင်ငံက အကြွေးတွေကို သေသေချာချာ သိလိုက်ရသောအခါ ပက်လက်လန်သွားပါသည်။ နိုင်ငံခြားကြွေးမြီ ဒေါ်လာ ၁၅ ဘီလျံအနက် အများစုဖြစ်သော ၈ ဒသမ ၄ ဘီလျံဒေါ်လာမှာ ဦးနေဝင်း အစိုးရလက်ထက် ၁၉၆၂ နှင့် ၁၉၈၈ ခုနှစ်ကြားတွင် ချေးယူထားခဲ့သည် ဆိုသည်။ ကျန်ချေးငွေများမှာ ၁၉၈၈ နောက်ပိုင်း တက်လာသော အစိုးရလက်ထက်က ချေးငွေများဖြစ်သည်။ အကြွေး ထုံးစံအရ အရင်း မဆပ်နိုင်သောအခါ အတိုးပါ ထပ်ပေါင်းလျက် ဤမျှအထိ များပြားလာခဲ့ခြင်းဖြစ်ဟန်တူသည်။

နိုင်ငံတော်ကို အလွန်ချစ်ပါသည်ဟု တဖွဖွပြောကာ အာဏာသိမ်းယူခဲ့သော အာဏာရှင်ကြီးများသည် သူတို့အုပ်ချုပ်စဉ်က တိုင်းပြည်၏ ဘဏ္ဍာရေးရှင်းတမ်းကို အမြဲလျှို့ဝှက်ထားခဲ့ပြီး ဆင်းသွားသောအခါမှ တိုင်းပြည်က ဤရွေ့ဤမျှပေးဖို့ရှိပါသည်ဆိုခြင်းမှာ ဘုန်းကြီးအမှုရွာပတ် ဆိုသကဲ့သို့ ဘုန်းကြီးတစ်ပါးရှုပ်ထားခဲ့သော ကိစ္စမှာ သူလူထွက်သွားကမှ ရွာသားများက စိုက်၍လျော်ရမည့် ကိန်းဆိုက်နေပေသည်။ သူတို့ အုပ်ချုပ်ခဲ့စဉ် ကာလတစ်လျှောက် တစ်ခါဖူးမျှ တိုင်းသူပြည်သားများကို လူရာသွင်း၍ ရှင်းမပြခဲ့သော ချေးငွေများမှာ ဘယ်ကရ၍ ဘယ်လိုကုန်သွားမှန်းလဲ မသိရပေ။ ကုန်ငွေ(သုံးငွေ)ကို မသိရသော်လည်း ရငွေ(ချေးငွေ) များ ဘယ်သူ့ထံမှ ဘယ်လောက်ကို ဘယ်လိုရရှိခဲ့သလဲဆိုတာတော့ (အစိုးရက မကြေညာ၍ အသေးစိတ်မသိရသည့်တိုင်) အောက်ပါအတိုင်း အကြမ်းဖျင်းပေါ်လာပေသည်။ စာရင်းတွင် အကြောင်းပြထားခဲ့သော ခေါင်းစဉ်များအတိုင်း တကယ်သုံး မသုံး ကတော့စဉ်းစားစရာပင်။

ဤစာရင်းမှာ ၁၉၅၀ မှ ၁၉၈၈ ခုနှစ်အထိ စာရင်း(အကြမ်း)မျှသာရှိ၍ မည်မျှ မှန်ကန်မှုရှိသလဲဆိုတာ ကာယကံရှင်များပင် သိပေလိမ့်မည်။ နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ အာဏာသိမ်းသော ၁၉၈၈ မှစကာ သမ္မတကြီး ဦးသိန်းစိန်တက်လာသော ၂၀၁၀ ခုနှစ်အထိ ကြားကာလ(၂၂နှစ်) နိုင်ငံတကာ ထောက်ပံ့ငွေစာရင်းကတော့ မည်ရွေ့မည်မျှဟု ဘယ်သောအခါမှ ထုတ်ပြန်ခဲ့ခြင်းမရှိဘဲ ပျောက်နေခဲ့ကာ ၂၀၁၂ သို့ရောက်မှ ဗြုန်းခနဲ အကြွေးများကို ကြားရခြင်းဖြစ်သည်။ တိုင်းသူပြည်သားများမှာ မုန့်ဝေရာတွင်မပါ တုတ်(ဒုတ်)ဝေတော့မှ ပါရသည် ဆိုသလိုဖြစ်နေပေသည်။ လွှတ်တော်တွင် ဘဏ္ဍာရေးနှင့်အခွန် ဒု/ဝန်ကြီး တင်ပြသလိုဆိုပါက မြန်မာနိုင်ငံ၏ အ ကြွေးထုထည်မှာ ကြီးမားလှပေသည်။ နှစ် ၅၀ နီးပါး တိုင်းပြည်ကိုအုပ်စိုးခဲ့စဉ်က သစ်တောများ၊ ကျောက်မျက်ရတနာများ၊ သဘာဝဓာတ်ငွေ့များကို ရောင်းချစဉ်ကရခဲ့သော ဝင်ငွေနှင့်သုံးငွေကို တိုင်းသူပြည်သားတို့ စိုးစဉ်းမျှမသိခဲ့ကြ။ ယခုအခါ သစ်တောများလည်း ကုန်သလောက်ရှိ၊ သဘာဝတွင်းထွက်များလည်း အားလုံးလက်လွှဲ ရောင်းချပြီးကာမှ အကြွေးတွေ ဤရွေ့ဤမျှရှိသည်ဟု စာရင်းတင်လာခြင်းမှာ ဒေးဗစ်ကော်ပါဖီး မျက်လှည့်ထက်ပင် ထူးဆန်းအံ့ဩဖွယ် ကောင်းပေသည်။ ၂၀၁၂ က လွှတ်တော်တွင် အစီရင်ခံတင်ပြခဲ့သော်လည်း ယခုမှ ဤဆောင်းပါးကို ရေးရခြင်းမှာ မကြာမီက ပေါ်ပေါက်ခဲ့သော မြန်မာနိုင်ငံသားအချို့သည် ဒေါ်လာ ၁၁ ဘီလျံကို နိုင်ငံခြားဘဏ်များတွင် ပုဂ္ဂလိက စာရင်း(၅)ခုဖြင့် လျှို့ဝှက်စွာ အပ်နှံထားခြင်းရှိသည်ဟူသော ကောလာဟလ ပေါ်ပေါက်လာမှုကြောင့် နောက်ဆက်တွဲစဉ်းစားကြည့်ရင်း အတွေးပေါ်လာရခြင်း ဖြစ်သည်။ ဒေါ်လာ ၁၁ ဘီလျံ ပုဂ္ဂလိက အမည်နှင့်အပ်ထား၊ မထားကတော့ မရေရာမသေချာမှုများဖြင့် မည်သူကမှ လက်ဆုပ်လက်ကိုင်မဖော်နိုင်ပါ (ဖော်ဖို့တာဝန်မှာ အစိုးရတာဝန်ဖြစ်သည်)။ လက်ဆုပ်လက်ကိုင်ပြနိုင်သည်ကတော့ တိုင်းပြည်သည် အကြွေးနွံထဲမှာ မပိသင့်ပဲ ပိခဲ့ရခြင်းဖြစ်သည်။

လွှတ်တော်တွင် အစီရင်ခံခဲ့သလို မြန်မာနိုင်ငံသည် ကမ္ဘာသို့ပေးဆပ်ရန် ဒေါ် လာသန်းပေါင်း တစ်သောင်းငါးထောင်ခန့် အကြွေးတင်ရှိနေခဲ့သည်ဟုဆိုလျှင် တစ်ဦးချင်းအချိုးချကြည့်ပါက (မြန်မာနိုင်ငံ၏ လူဦးရေကို ပျမ်းမျှ သန်းခြောက်ဆယ်နှင့် တွက်လျှင်) လူတစ်ယောက်ကို ၂၅၁ ဒေါ်လာခန့် အကြွေးပေးစရာရှိနေသည့် သဘောဖြစ်သည်။ အကြွေးတင် ဘုရင်ဆပ်လိမ့်မယ်ဟု စာဆိုရှိသော်လည်း ဘုရင် ကြီးကြောင့် တိုင်းပြည်က အကြွေးနွံထဲမှာ နစ်နေသောအခါ ဘယ်သူကလာ၍ ဆပ် ကြမည်နည်း။ စားရသူက . . . လူဆယ် ဂဏန်း၊ ရာဂဏန်းမျှသာ။ ဆပ်ရမည့်သူက သန်း (၆၀) ဖြစ်နေလေပြီ။ နိုင်ငံတော် သီချင်းတွင်ပါဝင်သော “ဒို့ဘိုးဘွား အမွေအနှစ်မို့ ချစ်မြတ်နိုးပေ” ဟူသော စကားမှာ မှန်ပေသည်။ အဘိုးအဘွားနှင့်တူသော အတိတ်ကပုဂ္ဂိုလ်ကြီးများ အမွေပေးခဲ့သည်မှာ ပညာရေးလည်းမဟုတ်၊ ကျန်းမာ ရေးလည်းမဟုတ်၊ ရင်ခွင်ပိုက်နို့စို့ကလေးမှစကာ လေးဘက်ပြေးတတ်စ၊ မတ်တတ် ရပ်ခါစကလေးများ အပါအဝင် အဘိုးအဘွားအရွယ်အထိ၊ တိုင်းသူပြည်သားများသည် ဘုမသိဘမသိ တစ်ယောက်လျှင် အမေရိကန်ဒေါ်လာ ၂၅၀ နှင့် ညီမျှသော ၂ သိန်း ၄ သောင်းကျပ်ခန့် မွေးရာပါအကြွေးတင်ရှိနေကြပြီ မဟုတ်ပါလော (ဒါတောင် ပြည်တွင်း သုံးငွေဖြင့် တင်ရှိနေသော အကြွေးသန်းပေါင်း ကိုးသန်း ကိုးသိန်းကျော် မပါသေးချေ)။

ကျွန်တော့်မှာ ဇနီးမယားနှင့် သားနှစ်ယောက်ရှိသဖြင့် မိသားစုဝင်လေးဦးဖြစ်သောကြောင့် နိုင်ငံတကာသို့ပေးရန် မွေးရာပါအကြွေးမှာ (၂၄၀ဝ၀ဝ X ၄) နှင့်တွက်လျှင် မိသားစုအကြွေး ကိုးသိန်းခြောက်သောင်း ဖြစ်နေ ပေသည်။ နိုင်ငံသားတိုင်းသည် ထိုငွေကို ကျေအောင်မဆပ်နိုင်မီ ကမ္ဘာပျက်ခဲ့ပါက ကြွေးမကျေသောကြောင့် သံသရာပါကာ အားလုံးအဝီစိသို့သာ သွားရတော့မည့် ကိန်း ဆိုက်နေချေပြီတစ်မုံ့။

သရဝဏ် (ပြည်)
စောင့်ကြည့်ဂျာနယ် အတွဲ (၈) အမှတ် (၂၀)
News Watch(စောင့်ကြည့်သတင်းဂျာနယ်)

မလေးရှားရောက် တရားမဝင် မြန်မာလုပ်သား ၁၇၀ ကျော် ဒဏ်ကြေးဆောင်ပြီး နေရပ်ပြန်


မလေးရှားနိုင်ငံရောက် တရားမဝင် မြန်မာလုပ်သား ၁၇၀ ကျော် ဒဏ်ကြေး ပေးဆောင်ကာ အောက်တိုဘာလ ၂၄ ရက်နေ့ တွင် မြန်မာနိုင်ငံသို့ ပြန်လည် ရောက်ရှိလာကြောင်း အဆိုပါ လုပ်သားများထံမှ သိရှိရသည်။

တရားမဝင် လုပ်သားများ ပြည်တော် ပြန်ခွင့်ရရှိရန် အထူးဖြတ်သန်းခွင့် (Special Pass) ရရှိရေးအတွက် မလေးရှား လူဝင်မှု ကြီးကြပ်ရေးကို ရင်းဂစ် ၅၀၀ ပေးဆောင်ရပြီး ကလေးဆိုပါက ရင်းဂစ် ၃၀၀ ပေးရပြီး အခြားကိစ္စများ ဆောင်ရွက်ရန် ရင်းဂစ် ၁၅၀ ခန့် အလုပ်သမားများက ပေးဆောင်ရကြောင်း သီတဂူ အထောက်အကူပြုအဖွဲ့ (မလေးရှား) ၏အဆိုအရ သိရှိရသည်။

ဒဏ်ကြေး ဆောင်ပြီးသူများ မြန်မာနိုင်ငံ ပြန်လာရန် လေယာဉ်လက်မှတ်ကို သီတဂူ အထောက်အကူပြုအဖွဲ့ (မလေးရှား) နှင့် ကမ္ဘောဇဘဏ် လီမိတက်တို့က ပူးပေါင်း လှူဒါန်းကြောင်း သီတဂူ အထောက်အကူပြုအဖွဲ့ (မလေးရှား) မှ အဖွဲ့ဝင် ဦးမြင့်အောင်က ပြောကြားသည်။
“ဒီတစ်ကြိမ်မှာတော့ လေယာဉ် လက်မှတ်လောက်ပဲ လှူဒါန်းတယ်။ နောက်တစ်ခေါက်ဆိုရင် ဒုက္ခသည်စခန်းက လူတွေခေါ်မယ်။ အဲဒီအခါတော့ အားလုံး Free ခေါ်မယ်” ဟု ၎င်းကဆိုသည်။

မလေးရှား ဒုက္ခသည်စခန်းတွင် မြန်မာလုပ်သား ၂၀၀၀ ကျော်ခန့် နေရပ်ပြန်ပို့ပေးရန် ကျန်ရှိနေသေးကြောင်းနှင့် MAI စင်းလုံးငှား လေယာဉ်ဖြင့် ရောက်ရှိလာသည့် အဆိုပါ မြန်မာလုပ်သား ၁၇၆ ဦး အနက် ကလေးငယ်ကိုးဦး ပါရှိကြောင်း သီတဂူ အထောက်အကူပြု အဖွဲ့ထံမှ သိရှိရသည်။

ယခုပြန်လည် ရောက်ရှိလာသည့် လုပ်သားများမှာ မလေးရှားနိုင်ငံတွင် ဖမ်းဆီးမခံရရေး တိမ်းရှောင်နေရသူများ၊ အလုပ်လက်မဲ့ ဖြစ်နေသူများနှင့် မသန်မစွမ်း ဖြစ်နေသူများမှာ အများစု ပါဝင်ကြောင်း ပြန်လည် ရောက်ရှိ လာသည့် လုပ်သားများကို မေးမြန်းချက်အရ သိရသည်။
“ဟိုမှာနေရတာက ပတ်စ်ပို့ မရှိတော့ ဘယ်တော့ ဖမ်းမလဲဆိုပြီး လန့်နေရတယ်၊ အဲ့ဒါနဲ့ မထူးဘူးဆိုပြီး ပြန်လာခဲ့တာ” ဟု မလေးရှားနိုင်ငံတွင် သုံးနှစ်ခန့် သွားရောက် အလုပ်လုပ်ကိုင်ခဲ့သည့် ဦးဇော်မြင့်အောင်က ပြောကြားသည်။

မလေးရှားရောက် မြန်မာလုပ်သားများကို ဆဋ္ဌမ အကြိမ်မြောက် ခေါ်လာခြင်း ဖြစ်ပြီး လုပ်သား တစ်ထောင်ကျော်ကို မြန်မာနိုင်ငံသို့ ပို့ဆောင်ပေးထားပြီး ဖြစ်ကြောင်း သီတဂူ အထောက်အကူပြု အဖွဲ့ထံမှ သိရှိရသည်။

The Voice Weekly

Feel စားသောက်ဆိုင်၏ အဆင့်အတန်းခွဲခြားမှု ဒုဝန်ကြီးကိုပင် စားသောက်ခန်းထဲ ပေးမ၀င်


ကျွန်တော်သည် နေပြည်တော်တွင် နေသူဖြစ်၍ ကားဖြင့် နေပြည်တော်မှ ရန်ကုန်၊ ရန်ကုန်မှ နေပြည်တော် သို့ အသွားအပြန် တိုင်းတွင် ဖြူးစခန်း ကားရပ် ရာတွင် (Feel) စားသောက်ဆိုင် တွင်သာ စားသောက်လေ့ ရှိပါသည်။ ခရီးသည် အများစုသည်လည်း ၎င်းဆိုင်တွင်ပင် ၀င်ရောက် စားသောက် ကြသည်။ အစားအသောက် ကောင်းလွန်း၍ မဟုတ်ပါ၊ သန့်စင်ခန်း အသုံးပြုရသည်မှာ အဆင်ပြေ ၍ ဖြစ်ပါသည်။

ပင်မဆိုင် အဆောက်အအုံ အတွင်း၌ တစ်ခါက ၀င်စားရာတွင် ထိုင်စရာနေရာ မရှိသဖြင့် လွတ်နေသည့် သီးခြား အခန်းကို ၀င်မည်ပြုရာ -““ဒါက ဗိုလ်မှူးကြီးနဲ့ အထက်သာ ၀င်ခွင့်ရှိတယ်””ဟု ဆိုင်ဝန်ထမ်းက ပြောသဖြင့် ကျွန်တော် ၀င်မထိုင်တော့ပါ။ နောက်လည်း ထိုအခန်းတွင် လူရှိရှိ၊ မရှိရှိ မ၀င်ခဲ့ပါ။ ကိုယ့် အဆင့်အတန်းကို ကိုယ်သိပါသည်။ (၂၀-၁၀-၂၀၁၃) ရက် တနင်္ဂနွေနေ့တွင် နေပြည်တော်မှ ရန်ကုန်သို့ သွားရာ နေ့လည် ၁၂း၀၀ အချိန်၊ ပူလှသဖြင့်  (Feel) ဆိုင်ဘေး သန့်စင်ခန်း၊ သွားရာလမ်းရှိ အအေးခန်းသို့ (ခါတိုင်းလည်း ထိုအခန်း၌ပင် ၀င်စားလေ့ ရှိပါသည်။) ၀င်မည်ပြုရာ ထိုအခန်းဝတွင် အင်္ဂလိပ်လို Reserved (သီးသန့်ထားသော နေရာ) ဟူသော စာချိတ်ဆွဲ ထားပါသည်။ ၀န်ထမ်း အမျိုးသားလေးက ၀င်၍မရဟု ပြောပါသည်။ တစ်ဖက်မှာ ရှိသော အခန်းကိုလည်း မှန်တံခါး ပိတ်ထားပြီး ထိုကဲ့သို့ပင် စာချိတ်ဆွဲ ထားပါသည်။ ထိုအခန်းသည် V.I.P (အရေးကြီး ပုဂ္ဂိုလ်များအတွက်သာ ဖြစ်သည်) ဟု သိသဖြင့် ခါတိုင်းလည်း ၀င်လေ့မရှိပါ။ …

အပြင်တွင်လည်း အလွန်ပူပြင်းသည့် အချိန်ဖြစ်၍ နီးစပ်ရာ စားပွဲလွတ်တွင်သာ ၀င်ထိုင် လိုက်ရပါသည်။ ကျွန်တော်တို့ နှင့်အတူ ၀န်ကြီးဌာနတစ်ခုမှ ဒုဝန်ကြီး တစ်ဦးလည်း ပါလာပါသည်။ ကျွန်တော်က ထိုဒုဝန်ကြီးကို အလွန် အားနာသွားသည်။ ဒုဝန်ကြီးကလည်း ပြောဆိုနေပုံကို ကြားနေရ၍ စိတ်ဆိုးပုံရပါသည်။

““မင်းတို့ မန်နေဂျာကို သွားခေါ်စမ်း””ဟု ကျွန်တော် ပြောလိုက်ရာ၊ ကတုံးဆံတောက်နှင့် တရုတ်ဟု ထင်ရသူ တစ်ယောက်အား ခေါ်လာပါသည်။ မန်နေဂျာ ဟုတ်ဟန် မတူပါ။ ထိုကဲ့သို့ အခန်းများကို အဘယ်ကြောင့် လုပ်ထားရသနည်းဟု ပြောရာ-

““ဖောက်သည်တစ်ဦးက တယ်လီဖုန်းဖြင့် ဆက်ထားလို့ လုပ်ထားတာပါ””ဟုပြောသည်။ ကျွန်တော်က -““အခန်းကြီး နှစ်ခန်းလုံး ဘွတ်ကင် လုပ်ထားရအောင် ဖောက်သည် ဒီလောက်များလား””ဟု မေးလိုက်ရာ ထိုသူက နိုင်ငံခြားသားများ ပါ၍ဟု ဖြေပါသည်။ သူ့အဖြေက ပို၍ပင် ဆိုးပါသည်။ နိုင်ငံခြားသား များကိုသာ ဦးစားပေးရမည်လော။ ကျွန်တော်တို့ကဲ့သို့ ဖောက်သည်များကို ဦးစားမပေးရပြီလော၊ ယခုကဲ့သို့ အများသူငါ စားသုံးနေသည့် ဆိုင်တွင် သီးသန့်ထားသော နေရာဟု ကြိုတင် တယ်လီဖုန်း ဆက်ထားတိုင်း ဤသို့ ခွဲခြားမသင့်ပါ။ စားသုံးသူ ဖောက်သည်တိုင်းတွင် ညီမျှသော အခွင့်အရေး တန်းတူရှိပါသည်။

ကျွန်တော်က -““ဒီလို ပြောစတမ်းဆိုရင် ဒါ …. ဒုဝန်ကြီးပဲ””ဟု ကျွန်တော်တို့နှင့် ပါလာသော ဒုဝန်ကြီးကို လက်ညှိုးထိုး၍ ပြလိုက်ပါသည်။ ဤသို့ဆိုသည်နှင့် အပေါ်ထပ်တွင် သီးခြားအခန်း လုပ်ပေးပါမည်ဟု ပြောပါတော့သည်။ ဒုဝန်ကြီးလည်း စိတ်ပျက်သည့်ပုံနှင့် ကျွန်တော်တို့ကို ဘာမျှမပြောရန် တားမြစ်ပြီး ထပြန် လာ ကြတော့ သည်။

ဝန်ထမ်းတစ်ဦး၏ ပြောဆိုချက်အရ ထိုအခန်းများကို “သီးသန့်” ဟု လုပ်ထားသည်မှာ ရန်ကုန် (Feel) စားသောက်ဆိုင်မှ လူများ နေပြည်တော် သွားမည်ဖြစ်၍ ယခုကဲ့သို့ လုပ်ထားခြင်း ဖြစ်သည်ဟု သိရသည်။ ဤသို့ဆိုလျှင် ပို၍ပင် ဆိုးပါသည်။ (Feel)  ၀န်ထမ်း ဆိုသူများသည် အိမ်ရှင်ဖြစ်၍ ဧည့်သည် စားသုံးသူ ဖောက်သည်များကို ပို၍ ဦးစားပေးရမည် မဟုတ်ပါလော။

(Feel) ဆိုင်မှ လုပ်ပုံသည် စားသုံးသူ ဖောက်သည်များကို အဆင့်အတန်း ခွဲခြား လွန်းနေသည်။ ဗိုလ်မှူးကြီး နှင့်အထက် ဆိုသည့် လူတန်းစားက တစ်မျိုး၊ V.I.P ဆိုသည့် လူတန်းစားက တစ်မျိုး၊ နိုင်ငံခြားသား ဆိုသည့် လူတန်းစားကတစ်မျိုး၊ သူတို့ (Feel) စားသောက်ဆိုင် ၀န်ထမ်း အချင်းချင်းက တစ်မျိုး၊ ကျွန်တော်တို့ စားနေကျ ဖောက်သည် လူတန်းစားက တစ်မျိုးဟူ၍ အဆင့်အတန်း ခွဲထားပါသည်။ ယခုကဲ့သို့ ခေတ်ကြီးတွင် ထိုကဲ့သို့ မဖြစ်သင့်တော့ပါ။ ကျွန်တော် သည် နောက်ထို ဆိုင်တွင် မည်သည့်အခါမျှ မစားတော့ဟု ဆုံးဖြတ်လိုက်ပါသည်။

ကိုညို (နေပြည်တော်)

ထောက်လှမ်းရေး အကြီးအကဲဟောင်း ဦးခင်ညွှန့်က ဖြစ်ခဲ့သမျှမေ့ခိုင်း၍ ဂါရ၀ပြုကန်တော့ခြင်း မိမိကို တောင်းပန်ရန်မလို စစ်အစိုးရအဖွဲ့ဝင်များ တိုင်းပြည်ကိုသာ ၀န်ချတောင်းပန်ဖို့ကောင်းဟု ဟံသာဝတီ ဦးဝင်းတင်ပြော


ရန်ကုန်၊အောက်တိုဘာ ၂၂

ယခင် အစိုးရများလက်ထက် ထောက်လှမ်းရေး အကြီးအကဲနှင့် နိုင်ငံတော် ၀န်ကြီးချုပ်ဟောင်း ဦးခင်ညွှန့်က ၎င်းတာဝန်ထမ်းဆောင်စဉ် အချိန်များက အဓိက အတိုက်အခံတစ်ဦးအဖြစ် သဘောထားခဲ့သည့် နိုင်ငံရေး အကျဉ်းသားဟောင်း တစ်ဦးဖြစ်သော ယခု NLD သဘာပတိ ၀ါရင့် သတင်းစာဆရာကြီး ဟံသာဝတီ ဦးဝင်းတင်အား ဂါရ၀ပြု ကန့်တော့၍ ဖြစ်ခဲ့သမျှ ကိစ္စရပ်များကို မေ့ဖျောက်ပစ်ရန် ပြောကြားခဲ့သည့် ဖြစ်စဉ် အပေါ် ဆရာကြီး ဟံသာဝတီဦးဝင်းက မိမိကို တောင်းပန်ရန် မလိုကြောင်းနှင့် တိုင်းပြည်ကို ၀န်ချ တောင်းပန်ဖို့သာ ကောင်းကြောင်း ပြောကြားလိုက်သည်။

ယခု အောက်တိုဘာလ (၁၆) ရက်နေ့က ကွယ်လွန်သွားသော သတင်းစာဆရာကြီး ဂါးဒီးယန်း ဦးစိန်ဝင်း၏ နာရေးသို့ အောက်တိုဘာလ (၁၉)ရက်နေ့က ဆရာကြီး ဟံသာဝတီဦးဝင်းတင် သွားရောက်စဉ် ဦးခင်ညွန့်နှင့် တွေ့ဆုံခဲ့ခြင်း ဖြစ်သည်။

ယင်းနေ့ ဖြစ်စဉ်အပေါ် မင်္ဂလာတောင်ညွှန့် မဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်ဖြူဖြူသင်း အပါအ၀င် နီးစပ်ရာ တပည့်များက ဆရာကြီး ဟံသာဝတီဦးဝင်းတင်ထံ ၀ါကျွတ်ကာလ သွားရောက် ဂါရ၀ပြု ကန်တော့စဉ် မေးမြန်းရာ ဆရာကြီးက ပြန်လည် ဖြေကြားမှုပြုရင်း အထက်ပါကဲ့သို့ ပြောကြားလိုက်ခြင်းလည်း ဖြစ်သည်။

““ငါ့ဘာသာငါ RFA ရုံးကို ခဏသွားတယ်။ ပြီးတော့ သခင်သိန်းမောင်အိမ် ၀င်တယ်။ ပြီးမှ ဂါးဒီးယန်း ဦးစိန်ဝင်း မိသားစုကို သတင်းသွားမေးတာ။ လူတွေက အထဲက ကြမ်းပြင်ပေါ် ထိုင်နေတယ်။ ငါက ကြမ်းပေါ်ထိုင်ပြီး အထခက်လို့ အပြင် ဆင်ဝင်အောက် ထိုင်နေတာ။ … အရင်ကတည်းကလည်း ဦးစိန်ဝင်းက ဆင်ဝင်အောက်မှာ အလုပ်လုပ်တယ်၊ စကားပြောတယ်။ ငါတို့သွားလည်း အဲဒီအောက် ထိုင်ဖြစ်တာပဲ။ ဦးစိန်ဝင်း ကိုယ်တိုင် ကလည်း အဲ့နေရာကို ကြိုက်တယ်။ ပေါ့ပေါ့ပါးပါးပေါ့ကွာ။အဲဒီနေ့ကလည်း ငါက မအေးအေးဝင်းနဲ့ စကား ပြောတာ။ အထဲကြမ်းပေါ်တော့ လူတွေထိုင်နေတာ တွေ့ပါတယ်။ အထဲက တစ်ယောက်ထွက်လာပြီး ငါ့ကို ဆရာကြီးဆိုလို့ ငါမော့ကြည့်တယ်။ သူကသူ့ဟာ သူမိတ်ဆက်တယ်။ သူ့ကိုငါက မသိဘူး။ ဒီဗိုလ်ခင်ညွန့်ကို အပြင်မှာလည်း မမြင်ဖူးဘူး။ မသိဘူး။ သူ့ကိုအပြင်မှာ သွေးနဲ့ကိုယ် သားနဲ့ကိုယ် မမြင်ဖူးဘူး။ သိလည်း မသိဘူး။ သူပြောတာတော့ စုံနေတာပေါ့ကွာ။ အတော်လေးလည်း အာသွက် လျှာသွက်ကွ။ (NLD ပါတီ ရန်ကုန်တိုင်း ဒေသကြီး ဥက္ကဋ္ဌ ဦးမြင့်ဌေးက ဦးခင်ညွန့် ကျောက်တန်းအခြေပြု နိုင်ငံရေးလုပ်မယ် ကြားတယ် အဘဟု စကားထောက်ပြောကြားသည်။) လုပ်မှာပေါ့။ သူနဂိုနိုင်ငံရေး ၀ါသနာပါတာကိုး။ လူထု စည်းရုံးရေးတွေ လည်း လုပ်ဖူးတယ်။ လူတွေလက်အုပ်ချီတာ သူကစတယ်လို့ ငါထင်တယ်။ မသေချာဘူး။ တွေ့တော့ သူက ပြောတာက အရင်ဟာတွေလည်း စိတ်ထဲမထားပါနဲ့။ ဆရာကြီးတို့လို လူတွေ တိုင်းပြည်မှာ လိုအပ်တယ်။ ဒီလို အတွေ့အကြုံများတဲ့ သူတွေ တိုင်းပြည်မှာ လိုတယ်။ ဆရာကြီး အသက် ဘယ်လောက်လဲ မေးတော့ (၈၄) ဆိုတော့ ကျွန်တော်က (၇၅) ပါ။ ဆရာကြီးက ကျွန်တော့်ထက် (၉) နှစ်ကြီးတယ် ဆိုပြီး မတ်တတ်ပဲ လက်အုပ် ချီတာပါ။ ထိုင်မကန်တော့ပါဘူး။ သူ့ကို ခွင့်လွှတ်ပါ ဘာညာလည်း မပြောပါဘူး။ ငါလည်း လမ်းကျတော့ အဖော် တစ်ယောက်ကို ပြောတယ်။ ဒီလူတွေ နောင်တမရဘူး။ ငါ့ကို သီးခြား တောင်းပန်ရမယ် မပြောဘူး။ ဒါပေမဲ့ ဒီလူတွေ တိုင်းပြည် ၀န်ချဖို့ ကောင်းတယ်။ သူတို့ လုပ်ခဲ့တာတွေဟာ အလွန်အကျွံတွေချည်းပဲ။ သူတို့တွေဟာ ဟိုပြော ဒီပြောနဲ့ အပြစ်မဲ့သလို နေနေမယ်ဆိုရင် အစဉ်အလာဆိုးဟာ အမြဲတည်တော့မယ်။ သူတို့ ကိုယ်တိုင်လည်း အပြစ်သားတွေအဖြစ် ဆုံးပါးရလိမ့်မယ်””ဟု ပြောသည်။

အာဏာသိမ်း အစိုးရအဖွဲ့ဝင်များ အားလုံးအနေဖြင့် ၎င်းတို့၏ လုပ်ဆောင်ခဲ့မှုများအပေါ် တိုင်းပြည်ကို ၀န်ချ တောင်းပန်သင့်ကြောင်း ဆရာကြီး ဟံသာဝတီ ဦးဝင်းတင်က ပြီးခဲ့သည့် သြဂုတ်လ အတွင်းကပင် မြန်မာသံတော်ဆင့် အပတ်စဉ် သတင်းစာ၌ ပြောကြားခဲ့သေးသည်။

ဦးခင်ညွန့်သည် မြန်မာနိုင်ငံတွင် စစ်အာဏာရှင်စနစ် အစပြုသူ နိုင်ငံတကာ အသိုင်းအ၀ိုင်းကပင် ပြောကြားမှု ရှိသည့် ဦးနေ၀င်း၏ တပည့်အရင်းတစ်ဦး ဖြစ်ပြီး မြန်မာ့ဆိုရှယ်လစ် လမ်းစဉ်ပါတီစနစ် ပျက်သုဉ်းပြီးနောက် စစ်တပ်မှ တိုင်းပြည်အာဏာကို သိမ်းယူမှု ပြုလုပ်မှုတွင် အဓိက ခေါင်းဆောင်တစ်ဦး အဖြစ် ပါဝင်ခဲ့သည်။ ထို့ပြင် န၀တ၊ နယက အစိုးရ နှစ်ဆက်စလုံးတွင် ထောက်လှမ်းရေးဌာန ညွှန်ကြားရေးမှူးချုပ် တာဝန်ယူခဲ့ပြီး အစိုးရနှင့် အတိုက်အခံဖြစ်သော ဒီမိုကရေစီ ဖော်ဆောင်ရေး ကြိုးပမ်းမှု ပြုလုပ်သည့် နိုင်ငံရေးသမားများကို ဖမ်းဆီး အကျဉ်းချမှုများတွင်လည်း အဓိက ပါဝင်ခဲ့သူ ဖြစ်သည်။

၎င်းသည် နယကအစိုးရ လက်ထက်တွင် နိုင်ငံတော်ဝန်ကြီးချုပ်၊ ဗိုလ်ချုပ်ကြီးအဖြစ် တာဝန် ထမ်းဆောင်နေစဉ် ၎င်းတို့အစိုးရ ခေါင်းဆောင်များ အချင်းချင်း မသင့်မြတ်မှုဟု သုံးသပ်ကြသော ဖြစ်စဉ်ဖြင့် တာဝန်များမှ ရပ်စဲ ခံရကာ ၎င်းအကြီးအကဲ တာဝန်ယူထားသော ထောက်လှမ်းရေးဌာနရှိ လူအများအပြားနှင့်အတူ နှစ်ရှည် အကျဉ်းချ ခံခဲ့ရသည်။ ၂၀၁၂ ခုနှစ်တွင် နိုင်ငံတော်သမ္မတ၏ လွတ်ငြိမ်း ချမ်းသာခွင့်ဖြင့် ပြန်လည် လွတ်မြောက် လာခဲ့ခြင်း ဖြစ်သည်။

၎င်းပြန်လည် လွတ်မြောက်လာပြီးနောက် လုပ်ကိုင်ဆောင်ရွက်မှုများကို ဆရာကြီး ဟံသာဝတီ ဦးဝင်းတင်က ““ရှင်းရှင်း ပြောရရင် အခု ဗိုလ်ခင်ညွန့် လွတ်လာပြီး ဟိုတုန်းက ဗိုလ်အောင်ကြီး လုပ်သွားတဲ့ နည်းပဲ လက်ဖက်ရည်ဆိုင် ထောင်တဲ့ဟာ လုပ်ပြန်ပြီ။ အဲဒီကနေပြီးတော့ နိုင်ငံရေးမလုပ်ပါဘူး ပြောပြီးတော့ ဗိုလ်အောင်ကြီးလည်း နိုင်ငံရေးထဲ ၀င်လာတာပဲ။ ဗိုလ်ခင်ညွန့်လည်း ဒီလို လက္ခဏာတွေကို အများကြီး ပြတယ်””ဟု သြဂုတ်လ အတွင်းကပင် မြန်မာသံတော်ဆင့်၌ သုံးသပ် ပြောကြားခဲ့သေးသည်။

ယခင် စစ်အာဏာသိမ်း အစိုးရ အဖွဲ့အတွင်း ပါဝင်ခဲ့သူများ အနေဖြင့် ၎င်းတို့ ပြုမူ ဆောင်ရွက်ခဲ့မှုများနှင့် ပတ်သက်၍ တိုင်းပြည်နှင့် ပြည်သူလူထုကို ၀န်ချ တောင်းပန်ရေးအပေါ် ဆရာကြီး ဟံသာဝတီ ဦးဝင်းတင်က ““သူတို့တွေဟာ တိုင်းပြည်အတွက် မှားယွင်းတဲ့ အလုပ်တွေကို လုပ်ခဲ့ပြီးပြီ။ တာဝန် မရှိဘူးလို့ ပြောလို့မရဘူး။ ဦးသိန်းစိန်မှာ တာဝန်တွေ အများကြီးရှိတယ်။ ဦးရွှေမန်းမှာ တာဝန်တွေ အများကြီးရှိတယ်။ ဦးခင်ညွန့်မှာ တာဝန်တွေ အများကြီး ရှိတယ်။ ဗိုလ်ခင်ညွန့်က ပြောတယ် အဲဒါတွေ ပြောမနေပါနဲ့တဲ့။ လူတိုင်းဟာ ပြောချင်တဲ့ သူတွေ တစ်ယောက် တစ်မျိုး ပြောရရင်သမိုင်းဟာ အသံတွေအမျိုးမျိုး ထွက်နေမှာပဲ။ ဒါတွေ မလုပ်နဲ့ အခုအချိန်မှာ အားလုံး မေ့ပစ် နိုင်ရမယ်တဲ့။ ဘယ်လိုလုပ် မေ့ပစ်နိုင်မလဲ။ ကျုပ်တို့မှာ ဘာအပြစ်မှ မရှိဘူး။ ကျုပ်တို့ ဘာမှလည်း မလုပ်ဘူး။ ဆိုင်လည်း မဆိုင်ဘူး။ သိလည်း မသိဘူး ဆိုပြီးတော့ အထက်အမိန့်ပဲ တည်ဆဲဥပဒေ ဗိုလ်ခင်ညွန့် ပြောတဲ့ဟာမျိုး ကျုပ်တို့နဲ့ ဘာမှမဆိုင်ဘူး။ ကျုပ်တို့ ဘာမှမသိဘူး။ ကျုပ်တို့က တည်ဆဲ ဥပဒေအတိုင်း လုပ်ခဲ့တာဆိုတဲ့ မျောက်သုံးကောင် ၀ါဒအတိုင်း။ မမြင်ဘူး၊ မကြားဘူး၊ မပြောဘူး ဆိုပြီးတော့၊ ပါးစပ်ပိတ်ပြီးတော့၊ နားပိတ် မျက်စိပိတ် ပြီးတော့  ဗိုလ်ခင်ညွန့်လို ပုဂ္ဂိုလ်တွေက ကျင့်သုံး နေတယ်။ ဒါမျိုးတွေ ကျွန်တော်တို့ လက်မခံနိုင်ဘူးဗျ။ လက်မခံနိုင်ဘူး။ သူတို့မှာ တာဝန်ရှိတယ်။ သူတို့က ပြင်ရမယ်။ ပြောင်းရမယ်။ ဒီလူတွေဟာ လူမသေရင်တောင်နေမယ်၊ နိုင်ငံရေးတော့ သေရလိ့မ်မယ် ဟုတ်လား။ အလားတူပဲ ဗိုလ်ခင်ညွန့်နဲ့ ပတ်သက် ပြီးတော့လည်း သူတို့ဘက်က ဘာမှ အပြစ်မရှိဘူး။ တည်ဆဲဥပဒေအရ လုပ်တယ်လို့ ပြောတယ်။ အဲလိုဆိုရင် တည်ဆဲဥပဒေဆိုတာ ဘယ်သူတွေ လုပ်ထားတဲ့ ဥပဒေလဲ။ သူတို့ လုပ်ထားတဲ့ ဥပဒေ။ ကျွန်တော်တို့ မေ့ချင်ပါတယ်။ ကျွန်တော်တို့ အရမ်းတော့ မေ့လို့မရဘူး။ ကျွန်တော်တို့ ခွင့်လွှတ်ချင်ပါတယ် အရမ်းတော့ ခွင့်လွှတ်လို့ မရဘူး။ သူတို့ကလည်း ပြင်ရလိမ့်မယ်”” ဟုလည်း သြဂုတ်လ အတွင်းကပင် မြန်မာသံတော်ဆင့်၌ ပြောကြားခဲ့သည်။

လင်းယုန်

မြန်မာသံတော်ဆင့်

ဆီးဂိမ်းပွဲ ပြည်သူ့အခွန်ငွေ အသုံးစရိတ် ပြည်သူများသိရန် ထုတ်ပြန်နိုင်ခြင်းမရှိ


ရန်ကုန်၊ အောက်တိုဘာ ၂၃

၂၇ ကြိမ်မြောက် ဆီးဂိမ်းပြိုင်ပွဲ ကျင်းပပြုလုပ်ရန် တိုင်းဒေသကြီးအလိုက် ပြိုင်ပွဲ အားကစားရုံများ တည်ဆောက်ရန်အတွက် နိုင်ငံတော်အစိုးရမှ အသုံးစရိတ် (ဘတ်ဂျက်)များ ချပေးရာတွင် ဆီးဂိမ်းပြိုင်ပွဲ ကျင်းပရေး ကော်မတီအနေဖြင့် ဘတ်ဂျက် လျာထားငွေနှင့် ပတ်သက်၍ ပြည်သူများ သိရှိစေရန် ထုတ်ပြန် ပြောဆိုခွင့် မရှိကြောင်း အောက်တိုဘာ၂၂ ရက်တွင် အဆိုပါ ကော်မတီ၏ တာဝန်ရှိသူ တစ်ဦးက မြန်မာ သံတော်ဆင့်သို့ ပြောသည်။

ဆီးဂိမ်းပြိုင်ပွဲအတွက် ဘတ်ဂျက် လျာထားမှုနှင့် ပတ်သက်၍ တစ်စုံတစ်ရာ ပြောဆိုခွင့် မရှိကြောင်းနှင့် ဖြေသင့်ဖြေထိုက်သော အချိန်မှသာ ထုတ်ပြန်မည် ဖြစ်ကြောင်း ““ဘတ်ဂျက် လျာထားချက်ကို ပြောလို့ မရသေးပါဘူး။ ကျွန်တော်က အာဏာပိုင် မဟုတ်ဘူးလေ။ ဖြေသင့်တဲ့ အချိန်ကျရင် ဖြေပါ့မယ်။ ဘယ်တော့ လောက် ဖြေမယ် ဆိုတာလည်း ပြောလို့မရပါဘူး။ နောက်တစ်ခုက ဒီဘတ်ဂျက်ကိစ္စက သိပ်မဆိုင်ဘူးနဲ့ တူပါတယ်”” ဟု ၎င်းက ပြောကြားခဲ့သည်။ …

အစိုးရသစ် လက်ထက်တွင် ဒီမိုကရေစီ နည်းစနစ်နှင့်အညီ ပွင့်လင်းမြင်သာမှု ရှိရန်လိုအပ်ကြောင်း ကောင်းမွန်သော အုပ်ချုပ်မှုနှင့် သန့်ရှင်းသော အစိုးရ ဖြစ်ရန်အတွက် အဓိက လိုအပ်ချက်မှာ ပွင့်လင်းမြင်သာ မှုသာဖြစ်ကြောင်း သမ္မတ ဦးသိန်းစိန်က ပြောကြားထားခဲ့ပြီး နိုင်ငံတော်၏ ဘတ်ဂျက်သည် ပြည်သူလူထု၏ အခွန်ငွေဖြစ်၍ နိုင်ငံတော်၏ အသုံးစရိတ်များ အားလုံးကို ပြည်သူများ သိရှိရန် လိုအပ်သည်ဟု နိုင်ငံတော် သမ္မတ၏ စီးပွားရေး အကြံပေးပညာရှင် ဒေါက်တာ အောင်ထွန်းသက်က မြန်မာသံတော်ဆင့်သို့ ပြောသည်။

““နိုင်ငံတော်ဘတ်ဂျက်ဆိုတာ တကယ်တော့ ပြည်သူတွေရဲ့ ဘတ်ဂျက်ပါပဲ။ နိုင်ငံတော် အသုံးစရိတ်က ပြည်သူတွေနဲ့ ဆိုင်ပါတယ်။ အခြေခံ တစ်ခုကတော့ ဘတ်ဂျက်သည် ပြည်သူတွေ သိဖို့ လိုတယ်။ ပြည်သူတွေအတွက် ပွင့်လင်းမြင်သာမှု ရှိဖို့လိုတယ်”” ဟု ၎င်းက ပြောသည်။

ဆီးဂိမ်း ပြိုင်ပွဲများကို မြန်မာနိုင်ငံတွင် ၂၀၁၃ ဒီဇင်ဘာလတွင် စတင်၍ ကျင်းပ သွားမည်ဖြစ်ပြီး နှစ်ပေါင်း ၄၄ နှစ် အကြာတွင် ယခုကဲ့သို့ တစ်ဖန်ပြန်လည် ကျင်းပခွင့် ရရှိခဲ့ခြင်း ဖြစ်သည်။

ပြိုင်ပွဲများ ကျင်းပရန်အတွက် ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ နေပြည်တော်နှင့် ရွက်လှေပြိုင်ပွဲများ ကျင်းပရန်အတွက် ဧရာဝတီတိုင်း ဒေသကြီး အတွင်းရှိ ပုသိမ် ငွေဆောင်ကမ်းခြေ စသည့် မြို့များတွင် ပြိုင်ပွဲ အားကစားရုံများ၊ အားကစားကွင်းများနှင့် အားကစားလမ်းများ၊ တည်းခိုမည့် အားကစား ရွာတို့ကို တည်ဆောက်လျက် ရှိပြီး ဆီးဂိမ်းပြိုင်ပွဲ ဖွင့်ပွဲနှင့် ပိတ်ပွဲများအတွက် ကျပ်ငွေ ခုနစ်ဘီလီယံ အထိ အသုံးပြုသွားမည် ဖြစ်ကြောင်း၊ အခမ်းအနား ပြင်ဆင်ရန်အတွက် တရုတ်နိုင်ငံမှ ကျွမ်းကျင် ပညာရှင် အယောက် ၁၅၀ လာရောက် ကူညီမည် ဖြစ်ကြောင်း ယဉ်ကျေးမှု ၀န်ကြီးဌာန၊ ပြည်ထောင်စုဝန်ကြီး ဦးအေးမြင့်ကြူက အောက်တိုဘာ ၁၂ ရက်တွင် ပြောကြားခဲ့သည်။

မြန်မာနိုင်ငံ မြင်းစီးအဖွဲ့ချုပ်မှ ဆီးဂိမ်းပြိုင်ပွဲအတွက် သြစတြေးလျနိုင်ငံမှ ဒေါ်လာနှစ်သောင်းတန် မြင်း ၂၄ ကောင်အား ၀ယ်ယူသွားမည် ဖြစ်ကြောင်း အဆိုပါ အဖွဲ့ချုပ်မှ ဒုတိယဥက္ကဋ္ဌ ဦးသန်းဝင်းက ပြည်တွင်း မီဒီယာများကို ပြောကြားခဲ့သည်။

ဇာခြည်၊ တင်ဇာ

မြန်မာ သံတော်ဆင့်

မြောက်အိုင်ယာလန် အတွေ့အကြုံ မြန်မာအတွက် အသုံးတည့်


မြောက်ပိုင်း အိုင်ယာလန်ရဲ့ ငြိမ်းချမ်းရေး အတွေ့အကြုံတွေဟာ မြန်မာနိုင်ငံရဲ့ အမျိုးသား ပြန်လည်သင့်မြတ်ရေးအတွက် အထောက်အကူရပါလိမ့်မယ်လို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောပါတယ်။

ဒေါ်အောင်ဆန်းစုကြည်ဟာ မနေ့က မြောက်ပိုင်းအိုင်ယာလန် Belfast မြို့ကို ရောက်ရှိခဲ့ပါတယ်။

မြောက်အိုင်ယာလန်အစိုးရ ခေါင်းဆောင်တွေဖြစ်ကြတဲ့ ပထမနဲ့ ဒုတိယဝန်ကြီးတို့ အမေရိကန် ပြည်ထောင်စုမှာ ကုန်သွယ်ရေးဆွေးနွေးနေကြတဲ့အတွက်၊ အငယ်တန်းဝန်ကြီးတွေဖြစ်ကြတဲ့ Jonathan Bell နဲ့ Jennifer McCann တို့က ဒေါ်အောင်ဆန်းစုကြည်ကို အစိုးရရုံးစိုက်ရာ Stormont ရဲတိုက်မှာ ကြိုဆိုခဲ့ကြပါတယ်။

ဒေါ်အောင်ဆန်းစုကြည်ဟာ နိုင်ငံရေးခေါင်းဆောင်တွေ၊ မြောက်အိုင်ယာလန် ငြိမ်းချမ်းရေးမှာ ပါဝင်ခဲ့သူတွေနဲ့တွေ့ဆုံပြီး၊ တချိန်က ဗြိတိသျှအစိုးရကို ဆန့်ကျင်အုံကြွခဲ့ပြီးနောက်ပိုင်း သင့်မြတ်အောင် စေ့စပ်ညှိနှိုင်းခဲ့ကြတဲ့ အခြေအနေတွေကို မေးမြန်းဆွေးနွေးခဲ့ပါတယ်။

ဒါ့ပြင် Belfast မြို့က Wellington ကောလိပ်ကိုသွားရောက်ပြီး မိန့်ခွန်းပြောကြားခဲ့ရာမှာ မြောက်အိုင်ယာလန် အတွေ့အကြုံတွေနဲ့ ပတ်သက်ပြီး မိမိလေ့လာသိရှိခဲ့ရတာတွေဟာ မြန်မာနိုင်ငံအတွက် အလွန်အသုံးဝင်ကြောင်း ပြောကြားခဲ့ပါတယ်။

အခုလို မြန်မာ့ဒီမိုကရေစီရေးအတွက် ပြည်ပထွက်ပြီး အကူအညီရှာဖွေနေတာနဲ့ ပတ်သက်ပြီး သတင်းဌာနတစ်ခုရဲ့ မေးမြန်းချက်ကို ပြန်လည်ဖြေကြားခဲ့ရာမှာ

"ဒီကနေ့ ကမ္ဘာမှာ နိုင်ငံတကာရဲ့ သဘောထားအမြင်တွေဟာ အရေးကြီးလာသလို၊ သြဇာလည်းကြီးလာနေပါတယ်၊ ကျမတို့အတွက် နိုင်ငံတကာ အကူအညီသာမရခဲ့ဘူးဆိုရင် မြန်မာ့ဒီမိုကရေစီလှုပ်ရှားမှုဟာ အခုထက်ပိုပြီးခက်ခဲမှာပါ၊"

ဒါကြောင့် မြောက်အိုင်ယာလန်နဲ့အတူ မြန်မာ့အရေး ကူညီခဲ့ကြတဲ့နိုင်ငံတွေကို အထူးကျေးဇူးတင်ပါတယ်လို့ ပြောကြားခဲ့ပါတယ်။

ဒေါ်အောင်ဆန်းစုကြည်ဟာ ဒီနေ့ သောကြာနေ့မှာ ဗြိတိန်တော်ဝင်စစ်တက္ကသိုလ် Sandhurst ကို သွားရောက်ကြည့်ရှုပြီး မိန့်ခွန်းပြောကြားမှာပါ။ ဒေါ်အောင်ဆန်းစုကြည်ဟာ ဗြိတိန်နိုင်ငံကနေ အီတလီနိုင်ငံကို ဆက်လက်ထွက်ခွာမှာဖြစ်ပါတယ်။

RFA Burmese

DKBA တပ်ဖွဲ့ဝင်တစ်ဦး နင်းမိုင်းတစ်လုံး နှင့် လက်ပစ်ဗုံးတစ်လုံး ကို မော်လမြိုင်ရှိ အထူးစုံစမ်း စစ်ဆေးရေး ဦးစီးဌာနသို့လာရောက်အပ်


ကရင်ပြည်နယ် ကြာအင်း ဆိပ်ကြီး မြို့နယ် ကျိုက်ဒုံဒေသအခြေပြု DKBA ကလိုထူးဘောအဖွဲ့မှ တပ်ကြပ်ကြီး အဆင့်ရှိ စောသန်း ဇော် ၃၈နှစ်သည် ၎င်းတစ်ဦးတည်း လက်နက်ကိုင်ဆောင်ခြင်းမရှိဘဲ အရပ်ဝတ်ဖြင့်ရောက်ရှိလာပြီး တပ် မှ ထွက်ပြေးလာကြောင်းပြောဆို ပြီး ၎င်းတွင်ပါရှိလာသော နင်း မိုင်း တစ်လုံးနှင့် လက်ပစ်ဗုံးတစ် လုံးကို အောက်တိုဘာ ၂ဝရက် ညနေ ၃နာရီခွဲတွင် မွန်ပြည်နယ် မော်လမြိုင်မြို့ရှိ အထူးစုံစမ်းစစ် ဆေးရေးဦးစီးဌာန ၌ လာရောက် အပ်နှံကြောင်း သိရသည်။

စောသန်းဇော်၏ ထွက်ဆို ချက်တွင် ၎င်းသည် ကရင်ပြည် နယ် ကျိုက်ဒုံနှင့် ကြာအင်းဆိပ် ကြီးအကြား ၂၁မိုင်ရှိ တပ်ဖွဲ့ပိုင် ရော်ဘာခြံ၌ တာဝန်ခံအဖြစ် ဆောင်ရွက်နေစဉ် အောက်တို ဘာ ၁၅ရက်တွင် တပ်ဖွဲ့ပိုင် ကူ ဘိုတာ ၄၅ဝအမျိုးအစား လယ် ထွန်စက်သည် ကျိုက်ဒုံချောင်း အတွင်း ရေနစ်မြုပ်ခဲ့မှုကို အ ကြောင်းပြု၍ ၎င်းအား အဖွဲ့ ခေါင်းဆောင် ဗိုလ်ကြီး အဆင့်ရှိ သူ စောရဲလှိုင်မှ အစိုးရသူလျှိုဟု စွပ်စွဲကာ အောက်တိုဘာ ၁ရရက် မှ ၂ဝရက်အထိ ကော့ကရိတ်မြို့ နယ် ကောင်းမှုကျေးရွာရှိ ကလို ထူးဘော အခြေချစစ်ဗျူဟာ၊ ဗျူဟာခွဲ(၁)တွင် ခေါ်ယူထိန်း သိမ်းထားခဲ့ကြောင်း၊ ၎င်း၏အ သက်အန္တရာယ်စိုးရိမ်ရ သဖြင့် ကော့ကရိတ်မြို့မှလိုင်းကားဖြင့် မော်လမြိုင်မြို့သို့ ထွက်ပြေးလာ ခဲ့ကြောင်းများကို ပြောကြား ကြောင်း သိရသည်။

၎င်းတွင် လက်နက်များနှင့် အတူ ကလိုထူးဘောခေါင်းစဉ် ပါ တပ်ဖွဲ့ဝင်ခရီးသွားထောက်ခံ ချက် တစ်စောင်၊ အပြာရောင် ချည်လွယ်အိတ်တစ်လုံး၊ ကျား ခေါင်းတံဆိပ်နှစ်တောင့်ထိုးဓာတ် မီးအသေးတစ်လက်၊ ဒိုင်ယာရီ စာအုပ်တစ်အုပ်နှင့် ယာဉ်မောင်း လိုင်စင်တစ်ခုပါရှိကြောင်း သိရ သည်။

အောင်ထိုက်ဦး
Yangon Media Group

ထင်းမီးနဲ့ အိုင်ဖုန်းအားဖြည့်မယ်၊ ရေကျိုမယ်



ဈေးနှုန်းကတော့ အမေရိကန်ဒေါ်လာ ၁၂၀ ကျော်ဆိုတော့ ၁ သိန်းဝန်းကျင် တန်ဖိုးရှိမယ့် ပစ္စည်းလေး ဖြစ်ပါတယ်။

BioLite Stove လို့အမည်ပေးထားပြီး ထင်းမီးထည့်လိုက် ရင်ရေကျိုချက် လို့ရမယ်၊ ဖုန်းအားလည်း သွင်းလို့ရမှာ ဖြစ်ပါတယ်။ သို့ပေမယ့် ဖုန်းကတော့ အိုင်ဖုန်းပဲ ဖြစ်ပါတယ်။ အိုင်ဖုန်း ဘယ်အမျိုးအစားကိုမဆို အားသွင်းလို့ ရပါတယ်။ ရေတစ်လီတာ ကျိုချက်ဖို့ကိုလည်း ၄ မိနစ်ဝန်းကျင်ပဲ ကြာပါ တယ်။ ဒါက ကိုယ်ထည့်တဲ့ ထင်းမီးပမာဏပေါ်လည်း မူတည်ပါတယ်။ ထင်းမီးတစ်ခုတည်းကိုပဲ ဆိုလိုတာ မဟုတ်ပါဘူး။ လောင်နိုင်တဲ့ ဘယ်လိုလောင်စာအမျိုးအစားကို မဆို အသုံးပြုလို့ မီးမွေးလို့ရမှာ ဖြစ် ပါတယ်။

ယင်းမီးကနေ အပူထွက်မယ်။ ယင်းအပူကို သာမိုအလက်ထရစ် ဂျန်နရေတာ က ဆွဲယူပြီး လျှပ်စစ်ဓာတ်အား ထုတ်ပေးပါမယ်။ ယင်း လျှပ်စစ် ဓာတ်အား က USB ပေါက်ကနေ Apple တို့ Gadget တိုင်းကို အားသွင်းလို့ ရမှာ ဖြစ် ပါတယ်။ Android အတွက်လည်း ရှိတယ်လို့ ဆိုပါတယ်။ ဖုန်းတင်မကပဲနဲ့ အခြားသော အီလက်ထရောနစ် ပစ္စည်းများကိုလည်း အားသွင်းနိုင်မှာ ဖြစ်ပါ တယ်။

အသေးစိတ်အချက်အလက်များကို အောက်ပါလခ့်မှာ ဝင်ရောက် ကြည့်ရှု နိုင်ပါတယ်။

http://biolitestove.com/

အောင်ခမ်း ( ရိုးရာလေး )

မြစ်ကြီးနား၌ ခြိမ်းခြောက်ငွေတောင်း၊ ဖားကန့်၌ လက်နက်ငယ်ဖြင့်ပစ်ခတ်


မြစ်ကြီးနား၊ အောက်တိုဘာ ၂၃

ကချင်ပြည်နယ် မြစ်ကြီးနားမြို့ ရွှေစက် ရပ်ကွက် ၆မိုင်ကုန်းရှိ စမ်းသော်တာ ဘိလိယက် ကစားရုံသို့ လူနှစ်ဦးရောက်ရှိလာပြီး ဘိလိယက် ခုံတစ်ခုံလျှင် ငွေကျပ်လေးသိန်းပေးရန် တောင်းခံ ခဲ့သည့်ဖြစ်စဉ်တစ်ခု ယခုလ ၂၁ ရက်ညပိုင်း ကဖြစ်ပွားခဲ့ကြောင်း ဒေသခံများကပြောသည်။

အဆိုပါဖြစ်စဉ်နှင့်ပတ်သက်၍ ဘိလိယက် ခုံပိုင်ရှင်က အလုပ်အဆင်မပြေ၍ မပေးနိုင်ဟု ပြောရာ အမည်မသိလူနှစ်ဦးက ယခုလောလော ဆယ် ကျပ် ၅ဝဝဝဝ ပေးရန်တောင်းဆိုခဲ့ ကြောင်း၊ ယင်းသို့မပေးလျှင် မိုင်းခွဲမည်ဟုပြော ဆိုကြောင်း၊ ဆက်လက်၍ အမည်မသိလူနှစ်ဦး သည် ယင်းဘိလိယက်ခုံအနီးရှိ အောင်ချမ်းသာ ဆီဆိုင်သို့သွားရောက်ကာ ငွေတစ်သိန်းတောင်းခံ ခဲ့သော်လည်း ဆီဆိုင်မှ မပေးလိုက်ကြောင်း သိရသည်။

အလားတူ ဖားကန့်မြို့နယ် လုံးခင်းကျေးရွာ အုပ်စု လုံးခင်းကျေးရွာရပ်ကွက်(၅)အတွင်းရှိ ပွင့်သစ်အလှပြင်ဆိုင်မှ မခင်စုံနှင့် မပိုပိုတို့ကို အမည်မသိလူငါးဦးက လာရောက်ခေါ်ယူစဉ် မပိုပိုက ငြင်းဆန်သဖြင့် ၄င်း၏မောင်ဖြစ်သူ အောင်ကျော်ဦး(ခ)ထင်ကျော်ဦးအား အဆိုပါ ငါးဦးထဲမှတစ်ဦးက လက်နက်ငယ်ဖြင့်ပစ်ပြေး သွားရာ အောင်ကျော်ဦး၏ ယာလက်နှင့်ဝမ်းဗိုက် ထိမှန်သွား၍ ယခုလ ၂ဝ ရက် ည ၁၂ နာရီခန့် တွင် ဖားကန့်မြို့နယ် ပြည်သူ့ဆေးရုံသို့ပို့ဆောင် ပြီး ဆေးကုသမှုခံယူနေရကြောင်းသိရသည်။

မင်းမင်း(မြစ်ကြီးနား)
The Union Daily

အိပ်ခန်းထဲ ဝင်ခိုးသည့် သူခိုးကို တံခါးသော့ခတ်ပြီး ဖမ်းဆီး


ကသာ ၊ အောက်တိုဘာ ၂၄ ။ ။ အောက်တိုဘာ၂၄ရက် နံနက်၉ နာရီခွဲက အိပ်ခန်းထဲအထိ ဝင် ရောက်ခိုးယူနေသည့် သူခိုးတစ်ဦးကို မိန်းကလေးငယ်တစ်ဦးက ဉာဏ် ကောင်းစွာဖြင့် အိပ်ခန်းတံခါး အား သော့ခတ်ပေးထားမှုကြောင့် ရဲ တပ်ဖွဲ့ဝင် များမှ အလွယ်တကူ ဖမ်းဆီးနိုင်ခဲ့ကြောင်း သိရသည်။

ဖြစ်စဉ်မှာ ကသာမြို့ အ မှတ်(၇)ရပ်ကွက်နေ ဒေါ်ရင်တိုး (ခ)ဒေါ်တင်တင်တိုး သည် အလှ ပြင်ဆိုင်သို့ရောက်ရှိနေစဉ် အိမ် တွင်ကျန်ရှိနေခဲ့သော သမီးငယ် မယဉ်မွန်အောင် ၁၇ နှစ်က ဖုန်း ဆက်၍ အိမ်ရှိအိပ်ခန်းအတွင်း သူခိုးတစ်ဦး ဝင်ရောက် ပြီး ငွေ များ ခိုးယူနေသည် ကို တွေ့ရ၍ အိပ်ခန်းတံခါးကို သော့ခတ်ထား လိုက်ကြောင်း အသိပေးခဲ့သည်။

သမီးငယ်၏ပြောဆိုချက် အရ မိခင်ဒေါ်ရင်တိုးမှ ကသာ ရဲစခန်းသို့ ဆက်လက်သတင်းပို့ ခဲ့ရာ ရဲစခန်းမှတပ်ဖွဲ့ဝင်များလိုက် ပါလာကာ အခန်းတံခါးသော့ဖွင့် ၍ အလွယ်တကူဖမ်းဆီးရမိနိုင်ခဲ့ ခြင်းဖြစ်သည်။

ထိုသို့ဖမ်းဆီးရမိစဉ် မေး မြန်းချက် များ အရ ခိုးယူထားသော ငွေကျပ် ငါးသိန်း အား အိပ်ခန်း ပြတင်းပေါက်မှ ရေချိုးကန် ဘက် သို့ပစ်ထားကြောင်း သိရပြီး လိုက် လံရှာဖွေခဲ့ရာ ခိုးယူသူပစ်ထားခဲ့ သော ကျပ်၁ဝဝဝဝတန် အရွက် ၅ဝကိုပြန်ရရှိခဲ့ကြောင်း သိရသည်။ ထိုသို့ဖမ်းဆီး ရမိခဲ့ သော ခိုးယူသူ မောင်စိုး(ခ)စိုးမင်းသန်း ၄ဝနှစ်အား ကသာရဲစခန်းမှ (ပ) ၃၀၄/၁၃ဖြင့် မှတ်တမ်းရေးသွင်း ပြီး ပြစ်မှုဆိုင်ရာဥပဒေပုဒ်မ(၃၈၀) အရအရေးယူဆောင်ရွက်နိုင်ရေး ဆောင်ရွက်နေကြောင်း သိရသည်။

ကိုဂျူ (ကသာ)
Yangon Media Group

ထိုင်းဘုရားဖူးကားမှောက် ၂၂ဦး သေ၊ ၁၆ဦးဒဏ်ရာရ


ထိုင်းနိုင်ငံမြောက်ဘက်ရှိ လျှိုမြောင်တစ်ခုတွင် ဘုရားကျောင်း မှပြန်လာသော ခရီးသည်တင် ဘုရားဖူးဘတ်စ်ကားတစ်စီး အ ရှိန်ပြင်းပြင်းဖြင့် လျှိုထဲသို့ပြုတ်ကျ ခဲ့ရာ ခရီးသည်ပေါင်း ၂၂ဦးသေ ဆုံးခဲ့ရကြောင်း အောက်တိုဘာ ၂၃ရက်တွင် ရဲကပြောခဲ့သည်။ကားမောင်းသူသည် လမ် ပန်ပြည်နယ်ရှိ ဝန်နူအာခရိုင်မှ အ ကောက်အကွေးများသော တော လမ်းအတွင်းက လျှိုမြောင်တွင် မီ တာ ၃၀(၉၈ပေ)ခန့်အထိ ပြုတ်မ ကျမီ ကားကိုအရှိန်မထိန်းနိုင်ဖြစ် ခဲ့ကြောင်း ဗိုလ်မှူးဆွမ်ဒက်တော ပြောသည်။ ထိခိုက်ဒဏ်ရာရသူ များထဲတွင် ကားမောင်းသူအပါ အဝင် ၁၆ဦးရှိကြောင်း သိရသည်။

ဘုရားဖူးများသည် ဗုဒ္ဓဘာ သာဝင်များ ကုသိုလ်ကောင်းမှုရရှိ စေရန် အခမ်းအနားကျင်းပခြင်း နှင့် သီလဆောက်တည်ခြင်းများ ပြုလုပ်ရန် ဘုရားကျောင်းသို့ လာ ရောက်ကြခြင်းဖြစ်သည်။ သေဆုံး သူများထဲတွင် အမျိုးသမီးအ များဆုံးပါဝင်ကြပြီး ကားသမား သည် လူသေစေနိုင်သောစည်းကမ်း မဲ့ကားမောင်းနှင်မှုဖြင့် တရားစွဲခံ နေရကာ ထောင်ဒဏ် ၁ဝနှစ်ထက် မနည်း ကျခံရနိုင်ကြောင်း ဗိုလ်မှူး ဆွမ်ဒက်က ပြောသည်။

လမ်ပန်ပြည်နယ်သည် ဘန် ကောက်၏မြောက်ဘက်ကီလိုမီ တာ၆၀၀(၃၇၂မိုင်)အကွာအဝေးရှိ တောင်တန်းပေါများသောနေရာ တစ်ခုဖြစ်သည်။ ပြည်ထဲရေးဝန် ကြီးဌာနသတင်းများအရ ထိုင်း နိုင်ငံတွင် နှစ်စဉ်နှစ်တိုင်း လမ်းမ တော်တဆမှုများကြောင့် သေဆုံး သူ၂၆၀၀ဝအထိရှိကြောင်း သိရ သည်။

[ Ref.AP ၊ ဘန်ကောက် ၊ အောက်တိုဘာ ၂၄ ]
Yangon Media Group

ချစ်သူမိန်းကလေး၏ ဘောင်းဘီကို သော့ခတ်သည့် ယောက်ျားဖမ်းဆီးခံရ


သောကြာနေ့၊ အောက်တိုဘာလ ၂၅ ရက် ၂၀၁၃ ခုနှစ်

မက္ကဆီကိုမှာရှိတဲ့ အမည်ဖော်ပြဖို့ မသင့်တဲ့ အသက်လေးဆယ်အရွယ် လူတစ်ဦးဟာ သူ့ချစ်သူ မိန်း ကလေးအခြား
ယောက်ျားများ နှင့် မဖောက်ပြန်နိုင်အောင် ဂျင်းဘောင်းဘီကို သော့ခတ်မှုပြုခဲ့တဲ့အတွက် ဖမ်းဆီးခံလိုက်ရပါတယ်။

အဆိုပါ ယောက်ျားဟာ အကျင့်ကောင်းတဲ့ ခါးပတ်ကြိုးလို့ ခေါ်ဝေါ်ပြီး ချစ်သူကောင်မလေးရဲ့ ဘောင်းဘီကို
သော့ခတ်ထားခဲ့တာ ဖြစ်ပါတယ်။ ဒီလိုလုပ်ခဲ့တဲ့အတွက် ကောင်မလေးဟာ သူ့မရဲ့ ဘောင်းဘီကို ချွတ်လို့မရသလို အခြားယောက်ျားများနဲ့လည်း ဆက်ဆံလို့ မရခဲ့ပါဘူး။

၂၅ နှစ်ရှိနေပြီဖြစ်တဲ့ အမျိုးသမီးငယ်ဟာ နောက်ဆုံး သန့်စင်ခန်းသွားတဲ့နေရာမှာ အခက်တွေ့ခဲ့ပါတယ်။ သူ့မရဲ့
ဘောင်းဘီကို ဘယ်လိုမှချွတ်လို့မရတော့ပါဘူး။ ဘောင်းဘီချွတ်မရခဲ့တဲ့အတွက် ဒဏ်ရာတွေ ရရှိခဲ့ပြီးတော့ အလွန်စိတ်ဆိုး၊ ဒေါသထွက်ခဲ့ပါတယ်။ အဲ့ဒီနောက်မှာတော့ သက်ဆိုင်ရာတွေကို သွား ရောက်တိုင်တန်းခဲ့ပါ
တော့တယ်။

“ကျွန်မချစ်သူက တော်တော်ကြာအောင် သော့ခတ်ထားခဲ့ပါတယ်။ ဘာလို့လဲဆို ကျွန်မကို သော့ခတ်မထားရင် သူ့အပေါ် လူလည်ကျတော့မယ်လို့ သူကထင်နေတယ်” ဟု အမျိုးသမီးငယ်က ရဲဌာနကို ပြောကြားခဲ့ပါတယ်။

အဆိုပါကိစ္စအတွက် ရဲများက “မင်းဘောင်းဘီကို ကတ်ကြေးနဲ့ မဖြတ်ခဲ့ဘူးလား” ဟု မေးမြန်းခဲ့ရာ “ကျွန်မ အရမ်းကြောက်တယ်” ဟု ပြန်လည်ဖြေကြားခဲ့ပါတယ်။

ရဲတွေက အသက်လေးဆယ်အရွယ်ရှိတဲ့ အဆိုပါယောက်ျားကို ဖမ်းဆီးခဲ့ပြီး အမျိုးသမီးငယ်ကို သော့ ဖွင့်နိုင်ရန် အတွက် ကူညီပေးခဲ့ကြရပါတယ်။ ဒဏ်ငွေချမှတ်လိုက်ပြီး မိန်းကလေးအနေနဲ့ ဒဏ်ငွေချဖို့ အတွက် ကန့်ကွက်ခဲ့
ပေမယ့်လည်း လွဲမှားသည့် အပြုအမူအတွက် တရားရုံးက ချမှတ်လိုက်ပါတယ်။ ပြီးတော့ ချစ်သူမိန်းကလေးကို ဘယ်တော့မှ သော့မခတ်ဖို့လည်း ရဲစခန်းမှာခံဝန် လက်မှတ်ထိုးခဲ့ရပါ တယ်။
မဇ္ဈိမသတင်းဌာန

Amazon တွင် ဝန်ထမ်း ၁သိန်းကျော် ရှိ




Amazon ရဲ့  ထုတ်ပြန်တဲ့ စာရင်းအရ ၎င်းတို့မှာ ဝန်ထမ်းအင်အား ၁၀၉၈၀၀ ရှိကြော်း သိရပါတယ်။ ၁ သိန်းနဲ့ ၉၈၀၀ ဆိုတော့ နည်းတဲ့ အင်အား မဟုတ် ပါဘူး။ အချိန်ပြည့်နဲ့ အချိန်ပိုင်း ဝန်ထမ်း စုစုပေါင်းအား ဖြစ်ပါတယ်။

ဒါတောင် နွေရာသီ အားလပ်ရပ်မှာ ခန့်အပ်မယ့် ဝန်ထမ်း ၇ သောင်းကို ထည့်သွင်း မထားသေးပါဘူး။ ဒီတော့ ပေါင်းလိုက်ရင် Amazon အွန်လိုင်း စတိုးရဲ့  ဝန်ထမ်းက အင်မတန်များပြားပါတယ်။ သို့ပေမယ့် ယင်း အရေအတွက်က အခြား ကုမ္မဏီကြီးတွေနဲ့ ယှဉ်ရင် နည်းပါးနေပါသေး တယ်။ ဘယ်လို ကုမ္မဏီတွေလဲဆိုတော့ -

Foxconn မှာဆိုရင် ၉၄၀ ၀၀၀ (၁သန်းနီးပါး)၊IBM – ၄၃၃ ၀၀၀ ၊ Samsung (၃၇၁ ၀၀၀)၊ HP (၃၃၁ ၈၀၀) Panasonic (၃၂၈ ၀၀၀), Fujitsu ( ၁၇၃ ၀၀၀), Dell (၁၀၆,၀၀၀) အသီးသီး ရှိကြ ပါတယ်။

Micrsoft ကတော့ ဝန်ထမ်းအင်အား ကိုးသောင်း ရှိပါတယ်။ ဘယ်လိုပဲ ဖြစ်ဖြစ် Amazon ဟာ Seattle area မှာ ဝန်ထမ်းအင်အား အများဆုံး နည်းပညာ ကုမ္မဏီအဖြစ် စံချိန်တင် ထားပါတယ်။
.
Ref: mashable
Aung Kham (TSJ Team)
TechSpace Journal

ထိုင်းဘုရားဖူးကားမှောက် ၂၂ဦး သေ၊ ၁၆ဦးဒဏ်ရာရ



ထိုင်းနိုင်ငံမြောက်ဘက်ရှိ လျှိုမြောင်တစ်ခုတွင် ဘုရားကျောင်း မှပြန်လာသော ခရီးသည်တင် ဘုရားဖူးဘတ်စ်ကားတစ်စီး အ ရှိန်ပြင်းပြင်းဖြင့် လျှိုထဲသို့ပြုတ်ကျ ခဲ့ရာ ခရီးသည်ပေါင်း ၂၂ဦးသေ ဆုံးခဲ့ရကြောင်း အောက်တိုဘာ ၂၃ရက်တွင် ရဲကပြောခဲ့သည်။ကားမောင်းသူသည် လမ် ပန်ပြည်နယ်ရှိ ဝန်နူအာခရိုင်မှ အ ကောက်အကွေးများသော တော လမ်းအတွင်းက လျှိုမြောင်တွင် မီ တာ ၃၀(၉၈ပေ)ခန့်အထိ ပြုတ်မ ကျမီ ကားကိုအရှိန်မထိန်းနိုင်ဖြစ် ခဲ့ကြောင်း ဗိုလ်မှူးဆွမ်ဒက်တော ပြောသည်။ ထိခိုက်ဒဏ်ရာရသူ များထဲတွင် ကားမောင်းသူအပါ အဝင် ၁၆ဦးရှိကြောင်း သိရသည်။

ဘုရားဖူးများသည် ဗုဒ္ဓဘာ သာဝင်များ ကုသိုလ်ကောင်းမှုရရှိ စေရန် အခမ်းအနားကျင်းပခြင်း နှင့် သီလဆောက်တည်ခြင်းများ ပြုလုပ်ရန် ဘုရားကျောင်းသို့ လာ ရောက်ကြခြင်းဖြစ်သည်။ သေဆုံး သူများထဲတွင် အမျိုးသမီးအ များဆုံးပါဝင်ကြပြီး ကားသမား သည် လူသေစေနိုင်သောစည်းကမ်း မဲ့ကားမောင်းနှင်မှုဖြင့် တရားစွဲခံ နေရကာ ထောင်ဒဏ် ၁ဝနှစ်ထက် မနည်း ကျခံရနိုင်ကြောင်း ဗိုလ်မှူး ဆွမ်ဒက်က ပြောသည်။

လမ်ပန်ပြည်နယ်သည် ဘန် ကောက်၏မြောက်ဘက်ကီလိုမီ တာ၆၀၀(၃၇၂မိုင်)အကွာအဝေးရှိ တောင်တန်းပေါများသောနေရာ တစ်ခုဖြစ်သည်။ ပြည်ထဲရေးဝန် ကြီးဌာနသတင်းများအရ ထိုင်း နိုင်ငံတွင် နှစ်စဉ်နှစ်တိုင်း လမ်းမ တော်တဆမှုများကြောင့် သေဆုံး သူ၂၆၀၀ဝအထိရှိကြောင်း သိရ သည်။
Yangon Media Group


မြန်မာနိုင်ငံတွင် လူမျိုးသုဉ်း သတ်ဖြတ်မှုများ မရှိကြောင်း ဘီဘီစီနှင့် တွေ့ဆုံမေးမြန်းမှုတွင် ဒေါ်အောင်ဆန်းစုကြည် ငြင်းဆို




ဗြိတိန်နိုင်ငံသို့ အလည်အပတ် ရောက်ရှိနေသော ဒေါ်အောင်ဆန်းစုကြည်က မြန်မာနိုင်ငံတွင် မွတ်စလင် ဘာသာဝင်များအပေါ် လူမျိုးသုဉ်း သတ်ဖြတ်မှုများ မရှိကြောင်း ဘီဘီစီနှင့် တွေ့ဆုံမေးမြန်းမှုတွင် ငြင်းဆိုခဲ့သည်။ အဆိုပါ မေးမြန်းမှုတွင် ဘီဘီစီမှ မြန်မာနိုင်ငံတွင် ဖြစ်ပွားခဲ့သော ဘာသာရေး၊ လူမျိုးရေး အသွင်ဆောင် ပဋိပက္ခများတွင် လူနည်းစု မွတ်စလင် ဘာသာဝင်များအား ပစ်မှတ်ထား တိုက်ခိုက်နေသည့် အသွင် ရှိနေသည့်အပေါ် ဒေါ်အောင်ဆန်းစုကြည် အမြင်ကို မေးမြန်းခဲ့ခြင်း ဖြစ်သည်။

''ဖြစ်ခဲ့တဲ့ ပဋိပက္ခတွေက လူမျိုးသုဉ်း သတ်ဖြတ်မှု မဟုတ်ပါဘူး။ နိုင်ငံတကာ အနေနဲ့ နားလည်ပေးဖို့လိုတဲ့ အချက်ကတော့ ကြောက်ရွံ့ထိတ်လန့် မှုတွေဟာ မွတ်စလင် အသိုင်းအ၀ိုင်း ကြားထဲမှာပဲ ရှိနေတာ မဟုတ်ပါဘူး။ ဗုဒ္ဓဘာသာဝင် တွေမှာလည်း စိုးရိမ်မှုတွေ ကြောက်ရွံ့မှုတွေ ရှိနေပါတယ်'' ဟု နိုဘယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည်က ပြောကြားခဲ့သည်။

လွန်ခဲ့သော လပိုင်းအတွင်းက မြန်မာနိုင်ငံ အနှံ့အပြားတွင် ဖြစ်ပွားခဲ့သော ပဋိပက္ခများသည် ကြောက်ရွံ့စိုးရိမ် မှုများကို အခြေခံကာ ဖြစ်ပွားခဲ့ကြောင်း၊ ထိုကဲ့သို့ ကြောက်ရွံ့မှုများ ဖြစ်ပေါ်ရန် ဖန်တီးမှုကို သူမအနေဖြင့် ရှုံ့ချကြောင်း ပြောကြားခဲ့သည်။

''ဗုဒ္ဓဘာသာ အသိုင်းအ၀ိုင်းနဲ့ မွတ်စလင် အသိုင်းအ၀ိုင်းကြားမှာ တစ်ဦးနဲ့တစ်ဦး ကြောက်ရွံ့မှုတွေ ကနေ အသိုင်းအ၀ိုင်း နှစ်ခုကြား တင်းမာမှုတွေကို ဖြစ်ပေါ်စေခဲ့တာပါ။ မြန်မာနိုင်ငံ အနေနဲ့ စစ်မှန်တဲ့ ပြောင်းလဲမှုကို လိုအပ်နေပါတယ်။ ကျွန်မတို့ ပြည်သူတွေ အနေနဲ့ မြန်မာနိုင်ငံဟာ ဒီမိုကရက်တစ် လူ့အဖွဲ့အစည်း တစ်ခုဆီ လျှောက်လှမ်းနေတယ် ဆိုတာကို ယုံကြည်ဖို့ လိုပါတယ်'' ဟု ၎င်းက ပြောကြားခဲ့သည်။

မြန်မာ့လူ့ အဖွဲ့အစည်းသည် နိုင်ငံတကာ အသိုင်းအ၀ိုင်း ကဲ့သို့ပင် မွတ်စလင် အစွန်းရောက်များ၏ အင်အားကြီးမား လာမှုကို စိုးရိမ်မိကြောင်း၊ ထို့ကြောင့် ပဋိပက္ခများ ဖြစ်ပွားရန် တင်းမာမှုများ ပေါ်ပေါက်ခဲ့သည်ဟု ဒေါ်အောင်ဆန်းစုကြည်က ယုံကြည်ကြောင်းလည်း ပြောကြားခဲ့သည်။

မြန်မာနိုင်ငံတွင် ဖြစ်ပွားခဲ့သည့် ပဋိပက္ခများနှင့် ပတ်သက်၍ လူ့အခွင့်အရေး စောင့်ကြည့် လေ့လာရေးအဖွဲ့ (Human Rights Watch)၏ ဧပြီလ ထုတ်ပြန်ချက်တွင် လုံခြုံရေး တပ်ဖွဲ့ဝင်များနှင့် အစွန်းရောက် အဖွဲ့များမှ လူမျိုးသုဉ်း သတ်ဖြတ်မှုများ လုပ်ဆောင်ခဲ့ကြောင်း စွပ်စွဲဖော်ပြထားသည်။ အဆိုပါ ပဋိပက္ခများသည် ဗုဒ္ဓဘာသာ အစွန်းရောက် ၉၆၉ လှုပ်ရှားမှုနှင့် ဆက်နွှယ်သည်ဟု စွပ်စွဲမှုများအပေါ် ဒေါ်အောင်ဆန်းစုကြည်က ''ကျွန်မအနေနဲ့ အမုန်းတရားနဲ့ အစွန်းရောက်မှု အခြေခံတဲ့ လှုပ်ရှားမှု မှန်သမျှကို ဆန့်ကျင်ပါတယ်။ ဒီအပေါ်မှာ အတိုက်အခံ ခေါင်းဆောင်တစ်ဦး ဖြစ်တဲ့ ကျွန်မရဲ့ အမြင်ကို မေးနေမယ့်အစား အစိုးရရဲ့ မူဝါဒ ဘယ်လိုရှိသလဲ ဆိုတာကို မေးသင့်ပါတယ်'' ဟု ဒေါ်အောင်ဆန်းစုကြည်က ပြောကြားခဲ့သည်။
Eleven Media Group

၉၆၉ လှုပ်ရှားမှုတွင် အဓိက ပါဝင်သူ တစ်ဦးဖြစ်သည့် ဦးဝီရသူအား အရေးယူသင့် မယူသင့်သည် အစိုးရနှင့်သာ သက်ဆိုင်ကြောင်း ၎င်းက ဆက်လက် ပြောကြားခဲ့သည်။ ထို့အပြင် ဒေါ်အောင်ဆန်းစုကြည်က ပဋိပက္ခများ ပြီးချိန်တွင် မွတ်စလင် ဘာသာဝင်များအား သီးသန့်ခွဲခြား၍ ဒုက္ခသည် စခန်းများတွင် ဆက်လက် ထားရှိသည်ဟု စွပ်စွဲချက်ကိုလည်း ငြင်းဆိုခဲ့သည်။

ဒေါ်အောင်ဆန်းစုကြည်သည် လက်ရှိတွင် ဗြိတိန်နိုင်ငံသို့ ရောက်ရှိနေပြီး ကြာသပတေးနေ့ နေ့လည်ပိုင်းက အိုင်ယာလန် ခွဲထွက်သူပုန်များနှင့် ဗြိတိသျှ တပ်မတော်အကြား ငြိမ်းချမ်းရေး ဖော်ဆောင်ခဲ့ပုံကို လေ့လာရန် မြောက်အိုင်ယာလန်သို့လည်း သွားရောက်ခဲ့သည်။

Ref: BBC,The Guardian

(မြောက်အိုင်ယာလန် Belfast မြို့ရှိ Wellington College တွင် ကျောင်းသူ ကျောင်းသားများနှင့် တွေ့ဆုံစဉ် (Photo-AFP))

မဂ္ဂဇင်းကို Tablet မှာပဲ ဖတ်ကြတော့မယ် - Eric Schmidt




Google ရဲ့  အမှုဆောင် ဥက္ကဌ Eric Schmidt က အင်တာဗျူးတစ်ခု မှာ ဖြေကြားခဲ့တဲ့ စကားပါ။ အနာဂတ်မှာ လူတွေဟာ မဂ္ဂဇင်း ကို ကျောက်သင်ပုန်း ကွန်ပြူတာ ( Tablet ) ပေါ်မှာပဲ ဖတ်ကြတော့မယ်လို့ ဆိုပါတယ်။

"ယနေ့ကစလို့ ငါးနှစ်တိတိ ပြည့်တဲ့ တစ်နေ့မှာ Tablet ဆိုတာ ကွန်ပြူတာတွေထပ် ပိုပြီးတော့ အဆင့်မြင့်သွားမယ်။ လူတွေလည်း Tablet လည်းသုံးလာကြလိမ့်မယ်။ အခုတောင် Tablet အသုံးပြုတဲ့ အရေအတွက်က တဖြည်းဖြည်းနဲ့ တိုးလာနေတာ အနာဂတ်မှာ Tablet ဟာ ကြီးစိုးလာတော့မှာပါ။ မဂ္ဂဇင်း ဆိုတာကလည်း Tablet ပေါ်မှာပဲ ဖြစ်တော့ပေါ့။ Publisher တွေအတွက်လည်း အဲဒါက ပိုကောင်းတယ်။ Online Advertisement နဲ့ Business နဲ့ ပက်သက်လို့ လည်း စီးဆင်းမှုက ပိုမို ကောင်းမွန်သွားမယ်၊ Tablet တွေကို PC ကိုကျော်ဖြတ်သွားတော့မှာပါ"

အထပ်ပါ အတိုင်း Ecri Schmidt က ဖြေကြားခဲ့ခြင်း ဖြစ်ပါတယ်။
.
Ref: mashable
Aung Kham (TSJ Team)
TechSpace Journal


မြန်မာအလှမယ် မိုးစက်ဝိုင်လည်း အ ရွေးချယ်ခံရ


Miss Universe ပြိုင်ပွဲမှာ အင်တာဗျူးဖို့အတွက် အလှမယ်ငါးဦးကို ရွေးချယ်ရာ မြန်မာအလှမယ် မိုးစက်ဝိုင်လည်း အ ရွေးချယ်ခံရပါတယ်။

Popular Journal

Myanmar နိုင်ငံရှိ Designer နှင့် Web Designer များအတွက်


Designer များအတွက် အသုံးဝင်မည့် color scheme ဆိုတာလေးကိုမိတ်ဆက်ပေးချင်ပါတယ်။ color scheme ဆိုတာက ရေးဆွဲရာတွင် ယှဉ်တွဲအသုံးပြုရန် သင့်လျော်သော color များယှဉ်တွဲ ဖော်ပြထားခြင်းဖြစ်ပါတယ်။ Designer အနေနဲ့ color အတွက် ဂရုတစိုက် ချိန်ညှိနေစရာမလိုအောင် ကြိုတင် သတ်မှတ်ပေးထားခြင်းမျိုးဖြစ်ပါတယ်။ color scheme နဲ့ေ၇းဆွဲထားတဲ့Design တွေဟာလည်း လူအများမျက်စိ အတွက် ပိုမိုလှပ သေသပ်တဲ့ ဒီဇိုင်းဖြစ်စေပါတယ်။

http://colorschemedesigner.com/
ဒီ website လေးမှာ color scheme ကို ချိန်ညှိရယူ နိုင်တဲ့ application တစ်ခုပေးထားပါတယ်။ အလွန်အသုံးဝင်ပါတယ်။ စမ်းသပ်သုံးစွဲ ကြည့်လိုက်ပါ။

http://www.colorschemer.com/schemes/
ဒီ website မှာတော့ ကြိုတင် တည်ဆောက်ပေးထားတဲ့ scheme ပုံစံတွေထဲက စိတ်ကြိုက်ရွေးချယ်အသုံးပြုနိုင်မှာဖြစ်ပါတယ်။

http://www.colorcombos.com/
ဒီ website မှာလည်း ကြိုတင် တည်ဆောက်ပေးထားတဲ့ scheme ပုံစံတွေထဲက စိတ်ကြိုက်ရွေးချယ်အသုံးပြုနိုင်မှာဖြစ်ပါတယ်။

https://play.google.com/store/apps/details?id=com.wano.schemer
ဒါက android mobile application လေးပါ အလွယ်တကူသယ်ဆောင်သွားနိုင်သလို internet မရသော နေရာများတွင်လည်း အသုံးပြုနိုင်လိမ့်မည်ဟု မျှော်လင့်ပါတယ်

Source: New Worth Myanmar

ဇနီးက ၀င်ငွေပိုကောင်းလျှင် ခင်ပွန်းသည် ကာမအားတိုးဆေးသောက်ရ



မိမိထက်ဝင်ငွေပိုကောင်းသော အမျိုးသမီးများအား လက်ထပ်ထားသည့် အမျိုးသားများသည်
ကာမအားတိုးဆေး ဗိုင်ယာဂယာကို အခြားအမျိုး သားများထက် ပိုမိုသောက်သုံးလေ့ရှိကြောင်း
ဒိန်းမတ်နိုင်ငံတွင် ပြုလုပ် ခဲ့သည့် သုတေသနတစ်ခုက ဆိုသည်။

ဒိန်းမတ်နှင့်အမေရိကန်နိုင်ငံတို့မှ သုတေသီများသည် ဇနီးမောင်နှံ ၂၀၀,၀၀၀ ကျော်၏ လစာဝင်
ငွေများကို လေ့လာခဲ့ရာ ဗိုင်ယာဂရာ ဆေးအပါအ၀င် အခြားပန်းသေပန်းညှိုးရှိသူများ သို့မဟုတ်
လိင်ဆက်ဆံရာတွင် အခက်အခဲရှိသူများ သုံးစွဲသည့် ဆေးများသည် ဇနီးဖြစ်သူက အဓိက၀င်ငွေ
ရှာသူ ဖြစ်နေသည့် အိမ်ထောင်စုများတွင် အထူးရေပန်းစားနေကြောင်း တွေ့ရှိခဲ့သည်။

ဝင်ငွေ ကောင်းသော ဇနီးသည်များမှာလည်း အိပ်ပျော်စေရန် စိုးရိမ် ပူပန်မှုကို သက်သာစေသည့်
ဆေးများကို ပိုမိုသောက်သုံးရ ကြောင်း ဆရာဝန်များ၏ ဆေးမှတ်တမ်း များအရ သိရသည်။အမျိုး
သားများသည် သိမ်ငယ်စိတ်ဝင်ခြင်းကြောင့် လိင်မှုကိစ္စတွင် အဆင်မပြေမှုများရှိလာ၍ ဆေးသောက်
ရခြင်း ဖြစ်နိုင်ပြီး၊အမျိုးသမီးများမှာမူ သိမ်ငယ်စိတ်ဝင် နေသော ခင်ပွန်းသည်ကြောင့် အိမ်ထောင်
ရေး ပြိုကွဲရမည်ကို စိုးရိမ်ခြင်း ဖြစ်နိုင်ကြောင်း သုတေသီများက ဆိုသည်။

အင်ဝိုင်ဒေးလီး

သက်လှိုင်ဘာသာပြန်သည်။  မြန်မာတိုင်း(မ်)

မူဆလင် ဆန့်ကျင်ရေးဟာ ပြုပြင်ပြောင်းလဲရေးအတွက် ကြီးမားတဲ့ခြိမ်းခြောက်မှု - ကင်တာနား


ရခိုင်ပြည်နယ်အတွင်းဖြစ်တဲ့အခြေအနေတွေဟာ မြန်မာနိုင်ငံတွင်း မူဆလင်ဆန့်ကျင်ရေးအယူအဆတွေကို ကျယ်ကျယ်ပြန့်ပြန့် ဖြစ်လာစေပြီး၊ ဒါဟာ မြန်မာနိုင်ငံရဲ့ ပြုပြင်ပြောင်းလဲရေးလုပ်ငန်းစဉ်အတွက် အကြီးမားဆုံးခြိမ်းခြောက်မှုတရပ်ဖြစ်စေတယ်လို့ ကုလသမဂ္ဂလူ့အခွင့်အရေး ကိုယ်စားလှယ်က ပြောလိုက်ပါတယ်။ ဒါ့အပြင် မြန်မာနိုင်ငံတွင်း လူ့အခွင့်အရေးအခြေအနေတိုးတက်လာတယ်ဆိုပေမယ့် လွတ်လပ်စွာ ဆန္ဒသဘောထားထုတ်ဖော်မှုကြောင့် ဖမ်းဆီးခံရမှုတွေ ရှိနေသေးတဲ့ အခြေအနေကိုလည်း ထောက်ပြခဲ့ပါတယ်။ မြန်မာအစိုးရကိုယ်စားလှယ်ကတော့ ကုလသမဂ္ဂ လူ့အခွင့်အရေးကိုယ်စားလှယ်ဟာ မြန်မာနိုင်ငံရဲ့ လူ့အခွင့်အရေး အခြေအနေတိုးတက်မှုတွေကို ပြည့်ပြည့်စုံစုံ ဖော်ပြနိုင်ခြင်းမရှိဘူးလို့ ပြန်လည်ထောက်ပြခဲ့ပါတယ်။ မနေ့တုန်းက ကုလသမ၈္ဂ အထွေထွေ ညီလာခံအတွင်း မြန်မာနိုင်ငံရဲ့လူ့အခွင့်အရေးအခြေအနေ ဆွေးနွေးချက်တွေကိုတော့ ကိုသားညွန့်ဦးက တင်ဆက်ပေးမှာပါ။

ကုလသမဂ္ဂ အထွေထွေညီလာခံရဲ့ တတိယကော်မတီမှာ ကုလသမဂ္ဂရဲ့ မြန်မာနိုင်ငံ ဆိုင်ရာ လူ့အခွင့်အရေး ကိုယ်စားလှယ် သောမတ် အိုဟေးကင်တာနား ဆွေးနွေးသွားချက်တွေထဲမှာ မြန်မာနိုင်ငံတွင်း လူ့အခွင့်အရေးအခြေအနေတွေ တိုးတက်လာမှုတွေကိုအသိအမှတ်ပြုခဲ့သလိုပဲ၊ စိုးရိမ်စရာတွေနဲ့ မြန်မာအာဏာပိုင်တွေဖက်ကလုပ်ဆောင်စရာတွေ ကျန်နေသေးတာကိုလည်း ထောက်ပြခဲ့ပါတယ်။

လက်ရှိ မြန်မာအစိုးရလုပ်ဆောင်နေတဲ့ ငြိမ်းချမ်းရေးဖော်ဆောင်မှု လုပ်ငန်းတွေမှာ သိသာထင်ရှားတဲ့ အောင်မြင်မှုတွေရတယ်လို့ အသိအမှတ်ပြုသလိုပဲ၊ ပဋိပက္ခဖြစ်တဲ့နေရာက ဒေသခံတွေ ဒုက္ခသည်တွေ အမျိုးသမီးတွေရဲ့ ဆန္ဒသဘောထား အယူအဆတွေကိုလည်း ထည့်သွင်းစဉ်းစားဖို့လိုမယ်လို့ ထောက်ပြထားပါတယ်။ ဒါ့အပြင် တရားဥပဒေစိုးမိုးရေးအတွက် လူ့အခွင့်အရေးချိုးဖောက်မှုတွေအပေါ် တာဝန်ခံတဲ့ တာဝန်ရှိသူတွေကို အရေးယူတဲ့ Accountability ကိစ္စကိုလည်း အလေးထားဆောင်ရွက်ဖို့ မြန်မာအစိုးရကို တိုက်တွန်းခဲ့ပါတယ်။ အထူးသဖြင့်ကတော့ ရခိုင်ပြည်နယ်မှာဖြစ်တဲ့ကိစ္စဟာ အဓိက စိုးရိမ်စရာဖြစ်တယ်လို့ မစ္စတာကင်တာနားက ပြောခဲ့ပါတယ်။

ရခိုင်ပြည်နယ်အခြေအနေဟာ တနိုင်ငံလုံးပါ ရိုက်ခတ်တဲ့အထိဖြစ်ခဲ့ပြီး၊ အခုသွားနေတဲ့ ပြုပြင်ပြောင်းလဲရေးလုပ်ငန်းတွေကိုပါ ထိခိုက်နိုင်တယ်လို့ ထပ်မံ သတိပေးခဲ့ပါတယ်။

“ ရခိုင်ပြည်နယ်က အခြေအနေဟာ မြန်မာနိုင်ငံတွင်း မူဆလင် ဆန့်ကျင်ရေးအယူအဆတွေကိုကျယ်ကျယ်ပြန့်ပြန်ဖြစ်စေခဲ့ပြီး၊ ဒါဟာ လက်ရှိ ပြုပြင်ပြောင်းလဲရေးလုပ်ငန်းစဉ်တွေအပေါ်မှာ ကြီးမားတဲ့ စိုးရိမ်စရာခြိမ်းခြောက်မှုဖြစ်နေပါတယ်။”

မြန်မာသမ္မတအနေနဲ့ ရခိုင်ပြည်နယ်ကို ကိုယ်တိုင်သွားခဲ့သလို၊ မတူကွဲပြားတဲ့ လူများ ဘာသာဝင်တွေအကြား အပြန်အလှန်ယုံကြည်လေးစားဖို့ဆိုတာကို အလေးပေးပြောခဲ့တယ်ဆိုတာကိုလည်း သူက အသိအမှတ်ပြုပြောပါတယ်။ ဒါပေမယ့်လို့လည်း အားနည်းတဲ့လူမှုအသိုင်းအ၀ိုင်းတွေကို အကာအကွယ်ပေးဖို့နဲ့၊ မတူကွဲပြားချက်တွေကို ခွဲခြားဆက်ဆံတဲ့ အယူအဆအမြင်တွေ ကျယ်ပြန့်လာတဲ့အပေါ် အစိုးရအနေနဲ့ ကိုင်တွယ်အရေးယူဖို့လိုမယ်လို့ ပြောပါတယ်။ အထူးသဖြင့်ကတော့ လူနည်းစုမူဆလင်တွေအပေါ် အမုန်းပွားတဲ့ ပြောဆိုရေးသားမှုတွေ၊ အကြမ်းဖက်မှုဖြစ်အောင် လှုံဆော်မှုတွေကို အာဏာပိုင်တွေဖက်က အရေးယူကိုင်တွယ်ဖို့ တိုက်တွန်းပါတယ်။ ဒီနေရာမှာ သတင်းမီဒီယာပိုင်းတွေမှာလည်း တာဝန်ရှိတယ်ဆိုတာကို သူက ထောက်ပြခဲ့ပါတယ်။

တချိန်တည်းမှာလည်းပဲ မြန်မာနိုင်ငံတွင်း နိုင်ငံရေးအကျဉ်းသားတွေ ရှိနေသေးတဲ့အခြေအနေကိုလည်း ထောက်ပြခဲ့ပါတယ်။ အထူးသဖြင့်တော့ ငြိမ်းချမ်းစွာစုဝေးဆန္ဒပြမှုကို ကန့်သတ်ထားတဲ့ နည်းဥပဒေပုဒ်မ ၁၈ နဲ့ ဥပဒေအချို့ကို ပြန်လည်စီစစ်ဖို့ တိုက်တွန်းပါတယ်။

“ငြိမ်းချမ်းစွာဆန္ဒပြလို့ ဖမ်းခံရသူ အများစုဟာ လယ်ယာမြေကိစ္စနဲ့ပတ်သက်ပြီး ဆန္ဒပြမှုတွေနဲ့ ပတ်သက်ဆက်နွယ်ပါတယ်။ စစ်တပ်ကနေ လယ်ယာမြေတွေကို အရင်တုန်းက မတရားသိမ်းယူထားတာနဲ့ အခု လက်ရှိ ဖွံဖြိုးရေးစီမံကိန်းတွေကို တိုးချဲ့လုပ်လာတာတွေကြောင့် ၊ လယ်ယောမြေကိစ္စဟာ အစိုးရအတွက်အတော်လေးကို အထိအရှမခံ ဖြစ်နေပါတယ်။”

မြန်မာအစိုးရ ကိုယ်စားလှယ်ကတော့ မစ္စတာကင်တာနားရဲ့ အစီရင်ခံစာဟာ ပြည့်စုံတဲ့ အစီရင်ခံစာမဟုတ်ဘူးလို့ ငြင်းချက်ထုတ်ပါတယ်။ လက်ရှိ မြန်မာနိုင်ငံရဲ့ တကယ်အဖြစ်မှန်ကို ထပ်ဟပ်မှုမရှိတဲ့ အချက်တွေအများကြီးပါရှိတဲ့အပြင်၊ အစိုးရရဲ့အာဏာပိုင်တွေရဲ့ ဆောင်ရွက်ချက် ပြောဆိုချက်တွေကိုလည်း ပြည့်ပြည့်စုံစုံ ထည့်သွင်းထားမှုမရှိဘူးလို့ ပြန်လည်ဝေဖန်သွားပါတယ်။

“ အထူးကိုယ်စားလှယ်အနေနဲ့ မြန်မာနိုင်ငံတွင်းက တိုးတက်မှုအချို့ကို အသိအမှတ်ပြုထားပေမယ့်လည်း၊ သူ့အစီရင်ခံစာထဲမှာ လူ့အခွင့်အရေးနဲ့ပတ်သက်လို့ အစိုးရက ဆောင်ရွက်ပေးနေတဲ့ ကိစ္စရပ်တွေကို လုံလုံလောက်လောက်ထည့်သွင်းရေးသားထားခြင်းမရှိပါဘူး။”

အစီရင်ခံစာအပေါ်မှာတော့ နိုင်ငံအတော်များများက ၀င်ရောက်ဆွေးနွေးကြတဲ့အထဲ မစ္စတာ ကင်တာနားရဲ့ မြန်မာနိုင်ငံ လူ့အခွင့်အရေးနဲ့ပတ်သက်လို့ ကြိုးပမ်းချက်တွေနဲ့ အစီရင်ခံစာရဲ့ ပြည့်စုံမှုတွေကို ချီးကျုးထောက်ခံပါတယ်။ မစ္စတာကင်တာနားလိုပါပဲ အမေရိကန် သြစတေးသျှ ဂျပန် စတဲ့ နိုင်ငံအတော်များများက ရခိုင်ပြည်နယ်တွင်းကိစ္စအပေါ် စိုးရိမ်ပူပင်မှုရှိတာကိုလည်း ထုတ်ပြောခဲ့ပါတယ်။ ဒါ့အပြင် အဖမ်းအဆီးတွေ ဆက်ရှိနေတဲ့အပေါ်မှာလည်း ပြန်လည်သုံးသပ်ဖို့လိုတဲ့အကြောင်း အမေရိကန် ကိုယ်စားလှယ်က ဆွေးနွေးခဲ့ပါတယ်။

“ငြိမ်းချမ်းစွာ ဆန္ဒပြသူ နှစ်ရာကျော်ကို နောက်ထပ် ဖမ်းဆီးမှုတွေ လုပ်တဲ့အပေါ်မှာ အမေရိကန်ပြည်ထောင်စုအနေနဲ့ စိုးရိမ်ပူပင်မိပါတယ်။ ဒါကြောင့် ငြိမ်းချမ်းစွာစုဝေးဆန္ဒပြခွင့်နဲ့ပတ်သက်တဲ့ ဥပဒေတွေကို ပြန်လည် ဆန်းစစ်သုံးသပ်ဖို့ဆိုတဲ့ အထူးကိုယ်စားလှယ်ရဲ့ အကြံပြုချက် ကို ထောက်ခံပါတယ်။ နောက်ထပ်ဖမ်းဆီးမှုတွေရပ်တန့်အောင် ယုံကြည်ချက်ကြောင့် အကျဉ်းကျတဲ့ နိုင်ငံရေးအကျဉ်းသားဆိုတာကို အဓိပါယ် အသေအချာဖွင့်ဖို့ လိုပါတယ်။ ဒီ အဓိပါယ်ဖွင့်ချက်နဲ့အတူပဲ အဲဒီနိုင်ငံရေး အကျဉ်းသားအားလုံးကို လွှတ်ပေးရပါမယ်။”

တောင်ကိုရီယားနိုင်ငံကလည်း လက်ရှိ မြန်မာနိုင်ငံရဲ့အပြောင်းအလဲဟာ လူတိုင်းရဲ့ လူ့အခွင့်အရေးကို အကာအကွယ်ပေးနိုင် မှ အောင်မြင်ဖို့ဖြစ်လိမ့်မယ်လို့ ပြောသွားပါတယ်။

“နိုင်ငံတ၀ှမ်းက လူပုဂ္ဂိုလ်အားလုံး လုံခြုံပြီး သူတို့ရဲ့လူ့အခွင့်အရေးရပိုင်ခွင့်တွေ အကာအကွယ်ပေးနိုင်မှသာ မြန်မာနိုင်ငံရဲ့ ပြုပြင်ပြောင်းလဲရေးလုပ်ငန်းစဉ်တွေ အောင်မြင်နိုင်မှာဖြစ်ပါတယ်။”

မစ္စတာကင်တာနားဟာ မြန်မာနိုင်ငံ လူ့အခွင့်အရေးအထူးကိုယ်စားလှယ်အဖြစ် ၆ နှစ်တာဝန်ထမ်းဆောင်ခဲ့ပြီး၊ ရှေ့နှစ်မှာတော့ သူရဲ့ တာဝန်သက်တမ်း ကုန်ဆုံးပြီဖြစ်ပါတယ်။ ဒါကြောင့် ကုလသမဂ္ဂ အထွေထွေညီလာခံကို တင်သွင်းတဲ့ သူ့အစီရင်ခံစာဟာ ဒါနောက်ဆုံးဖြစ်ပါတယ်။

ဒါပေမယ့် နောက်နှစ်ဆန်းလုပ်မယ့် ကုလသမဂ္ဂ လူ့အခွင့်အရေးကောင်စီ ကိုတော့ အစီရင်ခံစာ တစောင် တင်သွင်းရဦးမှာပါ။ ၂၀၀၈ ခုနှစ်ကနေ တာဝန်ယူခဲ့စဉ်အတွင်း မြန်မာနိုင်ငံကို ၈ ကြိမ်သွားရောက်ခဲ့ပါတယ်။ သူ့ တာဝန်ယူစဉ်အတွင်း မြန်မာနိုင်ငံအနေနဲ့ ဖြေရှင်းရမယ့် လူ့အခွင့်အရေးပြဿနာတွေ ကို သူ့အနေနဲ့ အသေအချာ ထောက်ပြနိုင်ခဲ့ တယ်လို့ ယုံကြည်တဲ့အကြောင်းလည်း မစ္စတာကင်တားနားက ပြောသွားပါတယ်။

ကိုသားညွန့်ဦး (ဗွီအိုအေ)

အခြေခံဥပဒေပြင်ရေးဟာ သမ္မတလုပ်ချင်လို့ မဟုတ်ကြောင်း ဒေါ်အောင်ဆန်းစုကြည်ပြော


လက်ရှိ ဖွဲ့စည်းပုံအခြေခံဥပဒေကို ပြင်ဆင်ချင်တာဟာ သမ္မတဖြစ်ဖို့ဆိုတဲ့ ရည်မှန်းချက်အတွက် မဟုတ်ဘဲ၊ တိုင်းပြည်ကို ဒီမိုကရေစီလမ်းကြောင်းပေါ် ရောက်စေချင်တာကြောင့်ဖြစ်တယ်လို့ ဗြိတိန်နိုင်ငံကို ရောက်ရှိနေတဲ့ ဒေါ်အောင်ဆန်းစုကြည်က ပြောလိုက်ပါတယ်။ လန်ဒန်မြို့ ဘီဘီစီ Radio 4 အစီအစဉ်က ဒီကနေ့ထုတ်လွှင့်တဲ့ တွေ့ဆုံမေးမြန်းခန်းမှာ ဒေါ်အောင်ဆန်းစုကြည်က အခုလို ပြောလိုက်တာပါ။

မြန်မာနိုင်ငံဟာ ဒီမိုကရေစီလမ်းကြောင်းပေါ် ရောက်နေပြီဆိုပြီး အလွယ်တကူ ပြောဆိုနေကြတာဟာ မမှန်ကန်တဲ့အကြောင်းနဲ့၊ လက်ရှိ အခြေခံဥပဒေဟာ မြန်မာ့နိုင်ငံရေးမှာ စစ်တပ်ရဲ့အခန်းကဏ္ဍ အာမခံချက်ရှိအောင် ရေးဆွဲခဲ့တာပဲဖြစ်တယ်လို့ ဒေါ်အောင်ဆန်းစုကြည်က ပြောပါတယ်။

ဒါ့ပြင် မြန်မာနိုင်ငံမှာ ဖြစ်ပွားခဲ့တဲ့ အကြမ်းဖက်ပဋိပက္ခတွေနဲ့ ပတ်သက်လို့ မေးမြန်းရာမှာ ဒေါ်အောင်ဆန်းစုကြည်က ‘ဒီအကြမ်းဖက်ပဋိပက္ခတွေဟာ နှစ်ဖက်စလုံးမှာရှိနေတဲ့ အကြောက်တရားတွေကြောင့် ဖြစ်ပွားခဲ့တဲ့အကြောင်း၊ မွတ်ဆလင်တွေသာ အကြမ်းဖက်ခံရတာ မဟုတ်ဘဲ ဗုဒ္ဓဘာသာဝင်တွေ အကြမ်းဖက်ခံရတာတွေလည်း ရှိနေကြောင်း’ ဖြေကြားခဲ့ပါတယ်။ ကမ္ဘာမှာ မွတ်ဆလင်အင်အား ဘယ်လောက်ကြီးမားတယ်ဆိုတာဟာ အားလုံးကသိထားတဲ့အချက် ဖြစ်တယ်လို့လည်း ဒေါ်အောင်ဆန်းစုကြည်က ပြောပါတယ်။ မြန်မာနိုင်ငံက အကြမ်းဖက် ပဋိပက္ခတွေနဲ့ ပတ်သက်လို့ မိမိတို့ အတိုက်အခံ နိုင်ငံရေးလှုပ်ရှားသူတွေကိုပဲ မေးမယ့်အစား လက်ရှိအစိုးရရဲ့မူဝါဒကို တိုက်ရိုက်မေးမြန်းသင့်တဲ့အကြောင်းလည်း ဘီဘီစီက တွေ့ဆုံမေးမြန်းသူကို ဒေါ်အောင်ဆန်းစုကြည်က ပြန်လည်ပြောကြားခဲ့ပါတယ်။

ဒေါ်အောင်ဆန်းစုကြည်ဟာ မနေ့ကလဲ ဗြိတိသျှဝန်ကြီးချုပ် ဒေးဗစ်ကင်မရွန်း၊ နိုင်ငံတကာ ဖွံ့ဖြိုးရေးဝန်ကြီး ဂျက်စတင် ဂရင်းနင်းတို့နဲ့လည်း တွေ့ဆုံခဲ့ပါတယ်။ အဲဒီလို တွေ့ဆုံချိန်အတွင်း ရန်ကုန်မြို့က ကုတင် ၁၅ဝဝ ဆန့် ရန်ကုန်ပြည်သူ့ဆေးရုံကြီး ပြန်လည်ပြင်ဆင်မွမ်းမံရေးအစီအစဉ်နဲ့ ပတ်သက်လို့ ဆွေးနွေးခဲ့ကြပါတယ်။ တွေ့ဆုံပွဲအပြီးမှာ ဗြိတိန်နိုင်ငံက မြန်မာနိုင်ငံဖွံ့ဖြိုးရေးအတွက် ဗြိတိန်စတာလင် ပေါင် သန်း ၅၀ ကူညီထောက်ပံ့ပေးမယ့်အကြောင်း ကတိပေးခဲ့တယ်လို့ သိရပါတယ်။

RFA Burmese

ဈေးဝယ်ထွက်ချိန် ကလေးငိုရတဲ့ အကြောင်းအရင်း


အိမ်ထောင်ရှင်မိခင်တွေအတွက် ကိုယ့်ရဲ့ရင်သွေးလေးနဲ့အတူ ဈေးဝယ်ထွက်ရတာကို ပျော်စရာကောင်းသလို မိသားစုဘ၀အစစ်အမှန်ကို ခံစားရပြီး နွေးထွေးမှုလည်းရှိ်ပါတယ်.. ချီပိုးသွားရတဲ့ ကလေးအရွယ်နဲ့ အတူတကွ ဈေးဝယ်ထွက်ရင် ဈေးဝယ်နေရင်း ကလေးငိုလာချိန်မှာတော့ ဘာ့ကြောင့်ငိုတာလဲဆိုတာကို သိရဖို့အတွက် ဖြစ်နိုင်ချေရှိတဲ့ အချက်အချို့ကို စာဖတ်ပရိသတ်များအတွက် တင်ပြလိုက်ပါတယ်.။

(၁) Diaper ကိုစစ်ဆေးပါ
အိမ်ကနေထွက်လာတုန်းက ၀တ်ဆင်ပေးထားတဲ့ Diaper ဟာ အချိန်ကြာလာရင် စိုလာတာတို့ ဖြစ်တတ်ပါတယ်.. အချို့ကလေးလေးတွေက Diaper စိုနေရင် မနေတတ်ပဲ ငိုတတ်ပါတယ်.. Diaper ကြောင့်ငိုတာဆိုရင် Diaper ကိုစစ်ဆေးလဲလှယ်ပြီးတဲ့ အခါမှာ ကလေးအငိုတိတ်သွားပါလိမ့်မယ်..

(၂) ဒဏ်ရာရသွားတာလား စစ်ဆေးကြည့်ပါ
ကလေးကို ကိုယ်ကချီထားပေမယ့် တစ်ခါတလေ ကိုယ်သတိမထားမိ တဲ့အချိန်မှာ ကလေးက တစ်ခုခုနဲ့ထိခိုက်သွားမိ တတ်ပါတယ်.. စင်ပေါ်မှာ ရှိတဲ့ ပစ္စည်းတစ်ခုခုကို ဆွဲမိလိုက်တာတို့ အခြားတစ်ယောက်ယောက်နဲ့ ကလေးရဲ့ လက် ၊ခေါင်း၊ ခြေထောက်အစရှိတဲ့ နေရာတွေကို မတော်တဆတိုက်မိသွားတတ်တာမို့ ကလေးဟာ ထိခိုက်မိသွားတဲ့ ဒဏ်ရာ ကြောင့် နာကျင်လို့ ငိုတာလား ဆိုတာ စစ်ဆေးကြည့်စေချင်ပါတယ်..

(၃) တစ်ယောက်ယောက်က စနောက်လိုက်တာလား
အနားကဖြတ်သွားတဲ့ သူတစ်ယောက်က ကလေးချစ်လို့ဆိုပြီး စနောက်သွားတာမျိုးတွေ ရှိတတ်ပါတယ်.. တွေ့လိုက်ရတဲ့ သူဟာ မျက်နှာစိမ်းတာမျိုး ..ရုတ်တရတ်လန့်သွားတာမျိုးဆိုရင် ကလေးက လန့်သွားတတ်ပါတယ်..ကြောက်လန့်စိတ်ဖြစ်ပြီး ငိုသွားတတ်တာမို့ တစ်ယောက်ယောက်ကများ ကလေးငိုအောင် စလိုက်သလား ဆိုတာ စူးစမ်းကြည့်ပါ..

(၄) ဗိုက်ဆာလို့လား
ကလေးတွေဟာ ဘယ်အချိန်ပဲဖြစ်ဖြစ် ဗိုက်ဆာရင်လည်း ငိုတတ်ပါတယ်.. Diaper ကြောင့်လား .. အခြားသူတစ်ဦးဦးကြောင့်လား အစရှိတာတွေကို စစ်ဆေးကြည့်လို့မဟုတ်ဘူး ဆိုရင်တော့ ကလေးက ဗိုက်ဆာလို့ ငိုတာပါ ..ဒါကြောင့် ကလေးအတွက် အသင့်ဖျော်လာတဲ့ နို့ဘူးကို တိုက်လိုက်ရင် ကလေးအငိုတိတ်သွားပါလိမ့်မယ်..

(၅) ပင်ပန်းပြီး အိပ်ချင်လို့လား
ကိုယ်ကဈေးဝယ်ထွက်ချိန် ကလေးကို ခေါ်လာတဲ့အတွက် ကိုယ်နဲ့အတူ ဈေးဝယ်ထွက်ရလို့ ပင်ပန်းတတ်ပါတယ်..တချို့ကလေးလေးတွေက အိပ်ချင်ရင် ချီထားတဲ့ မိခင်ရဲ့ ပခုံးမှာ မှီပြီး အိပ်တတ်ပေမယ့် တချို့ကလေးလေးတွေကျတော့ အိပ်ချင်လာရင်ပဲဖြစ်ဖြစ် အိပ်ခါနီးရင်ပဲ ဖြစ်ဖြစ်ဂျီကျတတ်ပါတယ်.. မိခင်ဖြစ်သူက ကိုယ့်ရဲ့ကလေးအနေအထားကို သိရှိတဲ့သူဖြစ်ပါတယ်.. ကလေးဟာ အခြားအကြောင်းအရာကြောင့် ငိုတာလား ..ပင်ပန်းပြီး အိပ်ချင်လို့ ငိုတာလား ဆိုတာ မိခင်ဖြစ်သူက ခြွဲ့ခားသိသူမို့ တကယ်လို့ ကလေးအိပ်ချင်နေတယ်ဆိုရင် တော့ ကလေးသက်တောင့်သက်သာ အိပ်စေဖို့အတွက် စီမံပြီး ကလေးအငိုတိတ်အောင် လုပ်ရပါတော့မယ်..

မြနေရိပ်သွင်

M Plaza Shopping Journal (Vol 1, No 19 )

မန္တလေးမြို့တွင် ပထမဆုံး ပြုလုပ်မည့် မီးပုံးပျံ ခရီးစဉ်ကို ရာသီဥတု အခြေအနေကြောင့် နိုဝင်ဘာ ၁၅ ရက်သို့ ရွှေ့ဆိုင်း


(မီးပုံးပျံခရီးစဉ် တစ်ခုအတွက် ကြိုတင်ပြင်ဆင်မှုများ ပြုလုပ်နေကြစဉ်)


အောက်တိုဘာ ၂၅ ရက်တွင် မန္တလေးတိုင်း ဒေသကြီး၌ ပထမဆုံးအကြိမ် ပြုလုပ်မည့် မီးပုံးပျံ ခရီးစဉ်ကို ရာသီဥတု အခြေအနေကြောင့် နိုဝင်ဘာ ၁၅ ရက်သို့ ပြောင်းရွှေ့ ပျံသန်းမည် ဖြစ်ကြောင်း သိရသည်။

''မိုးမပြတ်သေးတော့ ပျံသန်းဖို့ အဆင်မပြေလို့ပါ။ နိုဝင်ဘာ ၁၅ ရက်လောက် ပျံပါမယ်။ အခုလောလောဆယ်မှာတော့ ပိုင်းလော့တွေနဲ့ စမ်းသပ်ပျံသန်း နေပါတယ်။ ဧည့်သည်တော့ မပါသေးပါဘူး။ အခုက မန္တလေးမှာ စလုပ်မှာပေါ့။ ပြီးရင်တော့ အင်းလေးနဲ့ ပုဂံကို ခွင့်ပြုချက် တောင်းထားတာ ရရင်တော့ အဲဒီဘက်ကိုလည်း ပျံသန်းဖြစ်ပါမယ်။ ပျံသန်းဖို့ အတွက်က အားလုံးအဆင်သင့်ပါပဲ။ ပိုင်းလော့တွေကော၊ မီးပုံးပျံတွေပါ အကုန်အဆင်သင့်ပါပဲ။ လေကြောင်း ဦးစီးဌာနက ခွင့်ပြုပေးတာနဲ့ ပျံသန်းဖြစ်မှာပါ။'' ဟု Oriental Ballooning Myanmar ကုမ္ပဏီမှ မန်နေဂျင်းဒါရိုက်တာ ဦးဝင်းအောင်က ပြောကြားသည်။

အဆိုပါ မီးပုံးပျံ ခရီးစဉ်တွင် မီးပုံးပျံ ၆ လုံးဖြင့် ပျံသန်းရန် စီစဉ်ထားပြီး မီးပုံးပျံ စီးနင်းခ အနေဖြင့် တစ်ဦးလျှင် ဒေါ်လာ ၃၀၀ ၀န်းကျင်ခန့် ကျသင့်မည် ဖြစ်သည်။ ထို့ပြင် လေလမ်းကြောင်းပေါ် မူတည်ကာ ပျံသန်းမည့် ခရီးစဉ် ကွာခြားချက် ရှိသည့်အပြင် ဈေးနှုန်းပါ အနည်းငယ် အပြောင်းအလဲ ရှိကြောင်း သိရသည်။ ခရီးစဉ် ကွာခြားချက် ရှိသော်လည်း ပျံသန်းမှု ကြာချိန်မှာ တစ်နာရီသာ ပျံသန်းမည် ဖြစ်ကြောင်း သိရသည်။

လက်ရှိတွင် ပုဂံရှိ မီးပုံးပျံ ခရီးစဉ် တစ်ခုတည်းသာရှိပြီး၊ မီးပုံးပျံနှင့် ဧည့်သည်များမှာ လောက်ငမှု မရှိကြောင်း၊ ခရီးသွားဧည့်သည် အများစုမှာ အဆိုပါ မီးပုံးပျံ စီးနင်းချင်ပါက ကြိုတင်စာရင်း ပေးသွင်းထားရ သောကြောင့် အများစုသော ခရီးသွား ဧည့်သည်များမှာ စီးနင်းခွင့် မရရှိကြောင်း ဧည့်လမ်းညွှန်များ၏ ပြောကြားချက်အရ သိရသည်။

မြန်မာနိုင်ငံသို့ လာရောက်သော ခရီးသွားများသည် ယဉ်ကျေးမှုအခြေခံ ခရီးသွားလာခြင်း၊ သဘာဝအခြေခံ ခရီးသွားလာခြင်း တို့ကိုရွေးချယ်လေ့ ရှိကြပြီး မီးပုံပျံဖြင့် စီးနင်းလေ့လာရသော ခရီးအတွေ့အကြုံ မှာလည်း ခရီးသွားများ စိတ်ဝင်စားမှု များပြားကြောင်း သိရသည်။
Eleven Media Group



မြန်မာကျောင်းသားများ ပညာသင်ဆုရရှိရေး သမ္မတဦးသိန်းစိန်နှင့် သြစတြေးလျ ၀န်ကြီးချုပ်ဟောင်း ဆွေးနွေး




နိုင်ငံတော် သမ္မတဦးသိန်းစိန်သည် သြစတြေးလျနိုင်ငံ ၀န်ကြီးချုပ်ဟောင်း Hon.Bob Hawke ဦးဆောင်သည့် အဖွဲ့အား အောက်တိုဘာ ၂၃ ရက်၊ နံနက်ပိုင်းတွင် နေပြည်တော်ရှိ နိုင်ငံတော် သမ္မတအိမ်တော် ဧည့်ခန်းမဆောင်တွင် လက်ခံတွေ့ဆုံခဲ့ကြောင်း နိုင်ငံတော် သမ္မတရုံး၏ သတင်း ထုတ်ပြန်ချက်အရ သိရသည်။

ထို့သို့ တွေ့ဆုံရာတွင် မြန်မာနိုင်ငံအနေဖြင့် မူးယစ်ဆေးဝါး ပပျောက်ရေးအတွက် နိုင်ငံတော်အစိုးရ အဆက်ဆက် ကြိုးပမ်းဆောင်ရွက်နေမှု၊ နိုင်ငံဖွံ့ဖြိုး တိုးတက်ရေးအတွက် အဓိက သော့ချက်ဖြစ်သည့် ပညာရေး ကဏ္ဍတွင် သြစတြေးလျနိုင်ငံက ဦးစားပေး ကူညီပံ့ပိုးပေးလိုမှု၊ မြန်မာကျောင်းသား ကျောင်းသူများအတွက် ပညာသင်ဆုများ ရရှိရေးတို့ကို ဆွေးနွေးခဲ့ကြကြောင်း သိရသည်။

မြန်မာနိုင်ငံနှင့် သြစတြေးလျနိုင်ငံတို့သည် ၁၉၅၃ ခုနှစ်မှစ၍ နှစ်နိုင်ငံ သံတမန် ဆက်သွယ်ခဲ့ပြီး လက်ရှိတွင် သံတမန် ဆက်ဆံမှုမှာ နှစ်ပေါင်း ၆၀ ရှိလာပြီ ဖြစ်ကြောင်း သိရသည်။

ယင်းကဲ့သို့ တွေ့ဆုံရာတွင် ပြည်ထောင်စုဝန်ကြီး ဦးစိုးသိန်း၊ ဒေါက်တာ ဖေသက်ခင်၊ ခေတ္တ ပြည်ထောင်စုဝန်ကြီး ဒေါက်တာမျိုးမြင့်နှင့် တာဝန်ရှိသူများ တက်ရောက်ခဲ့ကြောင်း သိရသည်။

သမ္မတဦးသိန်းစိန်နှင့် သြစတြေးလျ ၀န်ကြီးချုပ်ဟောင်းတို့အား အောက်တိ်ုဘာ ၂၃ ရက်က တွေ့ရစဉ် (ဓာတ်ပုံ-သမ္မတရုံးဝက်ဘ်ဆိုက်)
Eleven Media Group

ဒလမြို့နယ် ကျန်စစ်သား ရပ်ကွက်ရှိ ကျူးကျော်တဲများကို နိုဝင်ဘာ ၃ ရက်အတွင်း ရွှေ့ပြောင်းပေးရန် ငါးကြိမ်မြောက် အမိန့်ထုတ်ပြန်



ကျန်စစ်သားရပ်ကွက်၊ အမှိုက်ပုံအနီးရှိ ပြောင်းရွှေ့ရန် အမိန့်စာ ကပ်ထားသည့် ကျူးကျော်တဲတစ်ခုကို စက်တင်ဘာ ၂၃ ရက်က တွေ့ရစဉ်
ဒလမြို့နယ်၊ ကျန်စစ်သား ရပ်ကွက် အမှိုက်ပုံအနီးရှိ ကျူးကျော်တဲများကို နိုဝင်ဘာ ၃ ရက်အတွင်း ရွှေ့ပြောင်းပေးရန် အောက်တိုဘာ ၄ ရက်၊ နံနက်ပိုင်းက ငါးကြိမ်မြောက် အမိန့်ထုတ်ပြန်ခဲ့ကြောင်း ဒေသခံများ၏ ပြောကြားချက်အရ သိရသည်။

အဆိုပါ အမိန့်စာတွင် ကျန်စစ်သား ရပ်ကွက်၊ နောက်ဆုံး စွန့်ပစ်အမှိုက် ဧရိယာအတွင်း အောက်နယ်နိမိတ် သတ်ရာပါ (၃.၆၈) ဧက ခန့်ရှိ မြေတွင် အခွင့်အမိန့် မရရှိဘဲ လက်ရှိလုပ်ကိုင် နေထိုင်လျှက်ရှိသည့် မြေမှ ထွက်ခွာ သွားရမည်ဖြစ်ပြီး ယင်းမြေပေါ်ရှိ အစိုးရမင်းတို့ပိုင် ပစ္စည်းမှတစ်ပါး အခြားအရပ်ရပ် ပစ္စည်းများကို နိုဝင်ဘာ ၃ ရက်အတွင်း ရွှေ့ပြောင်း ထုတ်ယူရမည် ဖြစ်ကြောင်းကို မြန်မာနိုင်ငံတော် အောက်ပိုင်းမြို့ရွာရှိ မြေရာအက် ဥပဒေပုဒ်မ-၂၁ အရ ဆင့်ဆိုကြောင်း ဒလမြို့နယ် အထွေထွေ အုပ်ချုပ်ရေးဦးစီးဌာန၊ အုပ်ချုပ်ရေးမှူး ဦးထွန်းထွန်းဝင်း လက်မှတ်ဖြင့် ဖော်ပြထားသည်။

အမိန့်စာ ထုတ်ပြန်ခြင်းနှင့် ပတ်သက်၍ ဒလမြို့နယ် အုပ်ချုပ်ရေးမှူး ဦးထွန်းထွန်းဝင်းက "ဒီစာထုတ်တာနဲ့ ပတ်သက်ပြီး ဘာမှ မပြောချင်ပါဘူး။ တိုင်းဒေသကြီး အစိုးရက ဒီစာကိုထုတ်တာပါ။ ကျွန်တော်တို့ ထုတ်တာ မဟုတ်ပါဘူး။ ဘယ်လို ဆက်လုပ်သွားမလဲဆိုတော့ အပေါ်က ညွှန်ကြားတဲ့အတိုင်း လုပ်သွားမယ်။ နေခွင့်ပြုလိုက်ဆိုရင် နေခွင့်ပြုလိုက်မယ်"ဟု အောက်တိုဘာ ၂၃ ရက်က ပြောကြားသည်။

ပြောင်းရွှေ့ရန် ဆင့်ဆိုသည့် အမိန့်ကို လိုက်နာမှု မရှိပါက တည်ဆဲဥပဒေအရ အရေးယူခြင်း ခံရမည်ဖြစ်ကြောင်း ၎င်းထုတ်ပြန်ထားသည့် အမိန့်စာတွင် ဖော်ပြထားသည်။

"သူတို့တွေ ၁၀ လပိုင်း ၄ ရက်က လာပြီး စာလာကပ်သွားတယ်။ ပြီးတော့ လက်ခံရရှိကြောင်း လက်မှတ် ထိုးခိုင်းတယ်။ ဒါပေမဲ့ ဘယ်သူမှ လက်မှတ် မထိုးပေးလိုက်ဘူး။ တကယ်လို့ လက်မှတ် ထိုးပေးလိုက်ရင် သဘောတူတယ်ဆိုပြီး လာဖျက်သွားမှာ စိုးလို့ပါ" ဟု ကျန်စစ်သားရပ်ကွက်၊ အမှိုက်ပုံအနီးရှိ ကျူးကျော်တဲတွင် နေထိုင်သော ဒေါ်ခင်သန်းရီက ပြောကြားသည်။

ကျူးကျော်တဲများတွင် နေထိုင်သူများက မိမိတို့သည် ၁၉၉၉ ခုနှစ်မှ စတင်ကာ ဒလမြို့နယ် စိမ်းလန်းစိုပြည်ရေးအတွက် စိုက်ပျိုးရေးလုပ်ငန်းများ လုပ်ကိုင်ရန် ရောက်ရှိလာသူများဖြစ်ပြီး စီမံကိန်း (စိမ်းလန်း) မြေကွက်များ ဖြစ်သည်ကို အထောက်အထား ခိုင်လုံစွာ ပြနိုင်ကြောင်း ဆိုသည်။

"ကျွန်မတို့ မရှိဆင်းရဲသားတွေအတွက်က တစ်နေရာကနေ တစ်နေရာကို ပြောင်းရွှေ့ဖို့ဆိုတာ မလွယ်ဘူး။ နေဖို့အတွက် တစ်နေရာနဲ့ အိမ်ပြန်ဆောက်ဖို့အတွက် ပြန်ပြီး ကူညီပေးမယ်ဆိုရင် ကျွန်မတို့အတွက် ပြောင်းရွှေ့ဖို့က အဆင်ပြေသွားမယ်လို့ ထင်တယ်" ဟု ကျန်စစ်သားရပ်ကွက်၊ အမှိုက်ပုံအနီး ကျူးကျော်တဲတွင် နေထိုင်သော ကလေးနှစ်ဦး မိခင် ဒေါ်ကြည်ကြည်ထွေးက ပြောကြားသည်။



Eleven Media Group