တိုက်ကြီးမြို့နယ်တွင် ခရီးသည်တင်ယာဉ်မှ လမ်းဘေးသစ်ပင်ကို တိုက်မိ၍ (၁)ဦးသေ၊(၁၉)ဦးဒဏ်ရာရ


ရန်ကုန်၊ မတ် ၁

၁.၃.၂၀၁၄ ရက်နေ့ ၁၃၃၀ အချိန်တွင် တိုက်ကြီးမြို့၊ တာခွကျေးရွာ၊ ရန်ကုန်ပြည်လမ်း မိုင်တိုင် အမှတ် ၄၄/၈နှင့် ၄၄/၇ တို့ကြားတွင်
မြောက်မှတောင်သို့ ယာဉ်မောင်းစိုးမင်းထိုက်(ဘ) ဦးစိုးမြင့်မြတ်၊ တိုက်ကြီးမြို့နေသူ မောင်းနှင်လာသည့် ဗ/---- Hilux အဖြူရောင်၊
တိုက်ကြီး - ရန်ကုန်ခရီးသည်တင်ယာဉ်မှာ အရှိန်မထိမ်းနိုင်သဖြင့် လမ်းယာဘက်ဘေးရှိ မလေးရှားပိတောက်ပင်အား ၀င်ရောက်တိုက်မိ ခဲ့ပါသည်။

အဆိုပါယာဉ်တိုက်မှုကြောင့် ယာဉ်ပေါ်ပါခရီးသည် မှော်ဘီမြို့နေ
ဒေါ်နွယ်နွယ်သင်းမှာ သေဆုံးသွားခဲ့ပြီး ယာဉ်မောင်းအပါအ၀င် ယာဉ်ပေါ်ပါခရီးသည်များတွင်ဒဏ်ရာများရရှိခဲ့ကြသဖြင့် ရန်ကုန်
ဆေးရုံကြီး၌ ကျား(၂)ယောက်၊မ(၅)ယောက်မှာ အတွင်းလူနာ(စိုးရိမ်ရ)
များအဖြစ်လည်းကောင်း၊ တိုက်ကြီးဆေရုံ၌ ကျား(၁၀)ယောက်၊
မ(၂)ယောက်မှာ အတွင်းလူနာ(မစိုးရိမ်ရ)များအဖြစ်လည်းကောင်း
တင်ပို့ကုသလျက်ရှိပါသည်။

ယင်းကဲ့သို့ယာဉ်အားမဆင်မခြင်မောင်းနှင်သူ ယာဉ်မောင်းစိုးမင်းထိုက်
ကို တိုက်ကြီးမြို့မရဲစခန်း ယာဉ်(ပ)၁၄/၂၀၁၄၊
ပုဒ်မ ၃၀၄-က/၃၃၇/၃၃၈ ဖြင့်အမှုဖွင့်အရေးယူထားရှိကြောင်း
သတင်းရရှိပါသည်။

Yangon Police

တီဘီဆို ကြောက်ရသလား၊ ပျောက်ပါ့မလား


"တီဘီရောဂါသည်ဆိုရင် ဆေးတွေသောက်ပါ၊ ကျန်းမာရေးကို ဂရုစိုက်ပါ၊ နှာခေါင်းစည်းတွေကို အသုံးပြုပါ...."


 နယ်စည်းမထားဆရာဝန်များအဖွဲ့ရဲ့ လားရှိုးမြို့ဆေးခန်းတခုမှာ တွေ့ရတဲ့ တီဘီလူနာ နဲ့ ဆရာဝန်   (Photo: Eddy McCall / MSF)ပါမောက္ခ ဒေါက်တာဝင်းနိုင် (အဆုတ်နှင့် ရင်ခေါင်း အထူးကုဆရာဝန်ကြီး)

တီဘီရောဂါရှိတယ်လို့ ပြောလိုက်တာနဲ့ ပြန်တုံ့ပြန်တာက တီဘီဆို ကြောက်ရသလား။ ပျောက်ပါ့မလား။ ဒီနှစ်ခုက လူတိုင်းသိချင်တဲ့ မေးခွန်းဖြစ်တယ်။

တီဘီဆိုတာ တချို့ကတော့ သိဖို့လည်း မလိုဘူး၊ ဂရုလည်းမစိုက်ဘူး ဆိုတာမျိုးရှိပါတယ်။ ကိုယ်နဲ့ မပတ် သက်သရွေ့တော့ ပျော်နိုင်ပါတယ်။ ဒါပေမယ့် ပတ်သက်လာတဲ့တချိန် အန္တရာယ်ရှိပါတယ်။ တီဘီ ရောဂါ ကုနေတဲ့ ဆရာဝန်တွေကိုယ်တိုင် တီဘီရောဂါ ခံစားရနိုင်ပါတယ်။ တီဘီဆေးတွေ ပေါ်လာတယ်။ အဲဒီတော့ တီဘီရောဂါ ပျောက်သွားသင့်တာပေါ့။

ဒါပေမယ့် တကယ်တော့ အဲဒီလိုမဟုတ်ဘူး။ HIV ဆိုတာ ပေါ်လာ တယ်။ HIV ပေါ်လာတော့ တီဘီ ကူးစက်တာ များလာတယ်။ ပိုလွယ်လာတယ်။ ဆေးယဉ်ပါးတဲ့တီဘီတွေ ထပ်ပေါ် လာတယ်။ ဆေးယဉ်ပါးတဲ့ တီဘီအတွက် ဆေးတွေ ထပ်ပေါ်လာတယ်။

ဒီကြားထဲမှာ စစ်ပွဲတွေဖြစ်၊ တိုက်ကြ၊ ခိုက်ကြ။ ဆေး သောက်လို့ မရဘူး၊ ဆေးတွေ ပြတ်ကုန်တယ်။ ရာသီဥတုတွေ ဖောက်ပြန်တယ်။ အစား အသောက်တွေ ခေါင်းပါးတယ်။ လုံးလည်ချာလည်နဲ့ လိုက်နေတယ်။ တကယ်တမ်းကျတော့ တကမ္ဘာလုံးနဲ့ ကြည့်ရင် တီဘီ ရောဂါနဲ့ပတ်သက်လို့ စိတ်ချမ်းသာစရာ မရှိသေးပါဘူး။

တီဘီကို ဘယ်လိုမျိုးများသိနိုင်မလဲ

တီဘီဆိုတာ နာတာရှည်ရောဂါ၊ အဆုတ်အအေးပတ်ရင်ဖြစ်တဲ့ ရောဂါလို့ ကျနော်တို့ သိခဲ့ဖူးပါတယ်။ တကယ်တော့ တီဘီက ပိုးကြောင့်ဖြစ်တယ်လို့ လက်ဆုပ်လက်ကိုင် ပြနိုင်တာက ၁၈၈၂ ခုနှစ်က ဂျာမနီ နိုင်ငံက ဓာတ်ခွဲခန်းမှာ   စတင်ပြီး သိခဲ့တာပါ။ အခုဆိုရင် နှစ်ရာကျော်နေပါပြီ၊ စဖြစ်တုန်းက ပိုးကြောင့်ဖြစ်တယ်၊ ဒီပိုးကို သတ်လိုက်ရင် တီဘီပျောက်ပြီလို့ထင်ခဲ့ကြတယ်။ တီဘီကို ကမ္ဘာက နှင်ထုတ် နိုင်မယ်လို့ ထင်ခဲ့ကြတယ်။

လက်တွေ့မှာ ဒီလိုမဖြစ်ခဲ့ဘူး၊ တီဘီကူးစက်မှု ပိုပိုများလာတယ်။ ဆေးမတိုးတဲ့ တီဘီ၊ ဆေးထိုးလို့မရတဲ့တီဘီ၊ တီဘီ အပြင်းစားတွေ ဖြစ်လာတယ်ဆိုတော့ ကျနော်တို့ အထင်နဲ့အမြင် လွဲမှားနေတယ်။

တီဘီလို့ ဘယ်လို သိနိုင်သလဲဆိုရင်တော့ ဖျားမယ်၊ ရက်ရှည်လများ၊  တပတ်နှစ်ပတ်၊ တချို့လည်း ကောင်းလိုက်၊ မကောင်းလိုက်ပေါ့၊ အစားအသောက်တွေ ပျက်တယ်၊ ပိန်တယ်၊ ညဘက် ခေါင်းချွေးတွေထွက်တယ်၊ အဆုတ်တီဘီ ဖြစ်တဲ့အခါကျတော့ ချောင်းလည်းဆိုးတယ်၊ သလိပ်တွေပါတယ်၊ သွေးပါမှ တီဘီမဟုတ်ဘူး၊ သွေးမပါလည်း တီဘီဖြစ်တယ်။ ချောင်းမဆိုးလည်း တီဘီဖြစ်တာပဲ၊ ဘာမှမဖြစ် ဘူးဆိုလည်း တီဘီဖြစ်နိုင်တာပဲ။ ဘာဖြစ်လို့လဲဆိုရင် တချို့လူနာတွေဆိုရင် စစ်ဆေးလိုက်မှတွေ့တာပါ၊ လက္ခဏာမပေါ်တဲ့ တီဘီ ရောဂါသည်တွေလည်းရှိပါတယ်။

တီဘီရောဂါကို ဘယ်လိုရှာမလဲ

ဘယ်ဆေးခန်းမှာမဆို  ရှာဖွေနိုင်ပါတယ်။  ကျနော်တို့က ဖြစ်တဲ့နေရာမှာ မူတည်ပြီး လိုက်ရှာ ရတာဖြစ်တယ်၊ သလိပ်စစ်တယ်။ ဓာတ်မှန်ရိုက်တယ်၊ ဓာတ်မှန် မရိုက်ဘူးဆိုရင် နောက်ဆုံးပေါ်နည်းပညာတွေနဲ့ စမ်းသပ်ပါ တယ်။ အသားစကိုထုတ်ပြီးစမ်းသပ်တာတွေလည်း ရှိပါတယ်။

နည်းစနစ် အကျဆုံးနဲ့ အသေချာဆုံး ပြောနိုင် တာကတော့ သလိပ်စစ်ပြီး စမ်းသပ်တဲ့ရောဂါပါ။ သလိပ်စစ်တာမှ တကယ့် အခြေခံအကျဆုံးနဲ့ အရေးပါဆုံး ဖြစ်ပါတယ်။

ဓာတ်မှန်မှာပေါ်တာ နှစ်ခုပဲရှိတယ်၊ အဖြူရယ်၊ အမည်းရယ်။ ဒါဆိုရင် ဓာတ်မှန်ရိုက်ရှာတာ မသေချာဘူးပေါ့။ ဒီလိုလည်းမဟုတ်ပါဘူး။ ဆရာဝန်တယောက် အနေနဲ့ ရောဂါကိုရှာဖွေတဲ့အခါ ဓာတ်မှန် တခုတည်းကိုပဲ အားကိုးမှာမဟုတ်ပါဘူး၊ သလိပ်တခုတည်းကိုလည်း အားကိုးမှာ မဟုတ်ပါဘူး။ သူက ရောဂါ ဖြစ်ကြောင်းကုန်စင်အကြောင်း မေးမှာဖြစ်ပါတယ်၊ ပြီးတော့မှ ဓာတ်မှန်ရိုက်၊ သလိပ်စစ်ပြီးတော့ ဆေးရုံ တက်ရ မယ်ဆို တက်လို့ပြောမှာပါ။ ဒီတော့မှ တီဘီ ဆေးသောက်သင့်တဲ့သူကို သောက်လို့ပြောမှာ ဖြစ်ပါတယ်။

နောက်တခုက ဆေးလိပ်၊ လူနာတယောက်ဟာ ဆေးလိပ်ကိုသောက်တဲ့အခါ အဆုတ်နဲ့ ကိုယ်ခံအား ကျဆင်းမှုကို ဖြစ်စေနိုင်ပါတယ်။ ဒီအခါမှာ တီဘီရောဂါ ဖြစ်စေတာထက် နှစ်ဆဖြစ်နိုင်ပါတယ်။ ကျောက် ကပ်ရောဂါတွေ အပါအဝင် အစာအိမ်ရောဂါကြောင့် ခွဲစိတ်ထားရတဲ့ သူတွေဟာ တီဘီ ရောဂါဖြစ်ဖို့ သိပ်များ ပါတယ်။

XDR တီဘီ

XDR တီဘီဆိုတာ ဆေးမတိုးတဲ့ တီဘီပေါ့။ ဆေးယဉ်ပါးတီဘီ အခြေအနေက ကျနော်တို့နိုင်ငံဟာ အဆိုးဆုံး ၂၇ နိုင်ငံထဲမှာတော့ ပါပါတယ်။  အဆိုးဆုံးတော့ မဟုတ်သေးပါဘူး၊ မဟုတ်ဖို့လည်း ကျနော်တို့ ကြိုးစားနေ ပါတယ်။

တမျိုးတည်းကို မတိုးတာ၊ နှစ်မျိုးကို မတိုးတာ။ အရေးကြီးသော နှစ်မျိုးကို မတိုးတာ။ နှစ်မျိုးအထက်ကို မတိုးတာ။ ဘာဆေးမှ မတိုးတာ။ ဒီလိုအဆင့်တွေ ကျနော်တို့ ခွဲထားတယ်။ အဲလိုခွဲထားတဲ့နေရာမှာ ဆေးမှာ စပြီးတော့ အူထဲကိုဝင်လိုက်တာနဲ့  မတိုးတဲ့ ပိုးက ဝင်လာတာလား၊ ကိုယ့်ဆီမှာကုရင်းနဲ့ ကိုယ်လုပ်လို့ပဲ ဆေးက မတိုးတော့တာလား။ ဒီလိုမျိုး ကွဲတာရှိတယ်။ ဆေးမတိုးတဲ့တီဘီဖြစ်ရင် ဘာမှပြောလို့ မရတော့ဘူးလား။
ဆရာဝန်တယောက်အနေနဲ့ကျတော့ ကုရာနတ္ထိဆေးမရှိ၊ ဒီလိုတော့လည်း မဟုတ် သေးဘူးပေါ့။ ဒါပေမယ့် သေချာတာကတော့ ဆေး များများသောက်၊ ဈေးများများ ပေးရမယ်။

တီဘီရောဂါ ဘယ်လိုကာကွယ်မလဲ

တီဘီက မဖြစ်တာ အကောင်းဆုံးပါပဲ။ တီဘီဟာ ချောင်းဆိုးရာကနေပြီးတော့၊ နှာချေရာကနေပြီးတော့ တီဘီရောဂါပိုး ရှိတဲ့လူရဲ့ အဆုတ်ကနေ လေထဲကိုရောက်သွားတယ်။ လေထဲရောက်သွားတဲ့အထိ ဒီပိုးဟာ သေးသေးလေးပဲရှိတယ်။ မျက်စိနဲ့ လုံးဝမမြင်ရဘူး။ လေထဲမှာ မျောနေတယ်။ ချောင်းဆိုးတဲ့သူတယောက်ရှိတာနဲ့ ကျနော်တို့ ကြောက်နေရတာပဲ။ ရောဂါကူးစက်တာကို မပြန့်ပွားအောင် ကျနော်တို့ လုပ်ရမယ်။ တီဘီရောဂါသည်ကို ရှာဖွေရမယ်။ စောစောစီးစီး ရှာရမှာ။ တွေ့ပြီဆို ကုရမယ်။  တကယ့်အရင်းခံက လူနာ ဖြစ်တယ်။ ဆေးခန်းလိုနေရာ၊ လူများစုဝေးတဲ့နေရာတွေမှာ ချောင်းဆိုးမယ်ဆိုရင် ချောင်းဆိုးတဲ့သူ ကိုယ်တိုင်က အသိစိတ်က နှာခေါင်းနဲ့ပါးစပ်ကို ပိတ်ဆိုးရမယ်။

တီဘီရောဂါသည်ဆိုရင် ဆေးတွေသောက်ပါ၊ ကျန်းမာရေးကို ဂရုစိုက်ပါ၊ နှာခေါင်းစည်းတွေကို အသုံးပြုပါ။  တီဘီကို ကမ္ဘာကနေ ကန်ထုတ်လိုက်ချင်တာ။ အဲဒီအခြေအနေရောက်အောင် တိုက်ပွဲကို ပြင်းပြင်းထန်ထန် ဆင်နွှဲရမှာဖြစ်ပါတယ်။

The Irrawaddy

လယ်တီသိမ် ရွှေ့မှာကို ကန့်ကွက် ဆန္ဒပြ


လယ်တီသိမ် မဖျက်ရေး အတွက် အရင် ကတည်း က သံဃာတော် တွေပါ ကန့်ကွက်ခဲ့ကြ
လက်ပံတောင်း တောင် ကြေးနီ စီမံကိန်း ဧရိယာ ထဲမှာ ပါတဲ့ တုံရွာ၊ ဆည်တည်း ၊ ဇီးတော နဲ့ ဝက်မှေး စတဲ့ ကျေးရွာ ၁၃ ရွာက လယ်သမား ၄၀၀ ကျော်ဟာ လယ်တီ သိမ်ကို ရွေ့ပြောင်း တော့မယ်လို့ အစိုးရက တရားဝင် ထုတ်ဖေါ် ပြောလိုက်ပြီးတဲ့ နောက်ပိုင်းမှာ စနေနေ့က ပထမဆုံး အကြိမ် ဆန္ဒပြ ခဲ့ ကြပါ တယ်။

ဒေသခံတွေ ကတော့ လယ်တီသိမ် မဖျက်စီးဖို့ အရေး တောင်းဆို နေပေမယ့် အစိုးရ ကတော့ နိုင်ငံတော် ဩဝါဒ စရိယ ဆရာတော်တွေ အမိန့် အရ အရင်က ဘဏ္ဍာစား အဖြစ် ပေးပြီး ရွေ့ပြောင်း ခဲ့တဲ့ သာဓကတွေ အရ မူလ စေတီထက် ဉာဏ်တော် နှစ်ဆ မြင့်တဲ့ စေတီ တည်ဆောက် ပေးမယ်လို့ အစိုးရ သတင်းစာ ကနေ ဖေါ်ပြထား ပါတယ်။

နဂိုမူလ မြေ အကျယ် အဝန်း ထက်လည်း ၃ဆ ကျော် ကျယ်ပြီး၊ စေတီသစ် ကိုလည်း ပိုကြီးအောင် တည်ဆောက် ပေးမယ် ဆိုပေမယ့်၊ လယ်တီ သိမ်ကို ဖျက်ဆီး ပြီးမှ ရွှေ့မှာ ဖြစ်တဲ့ အတွက် ဒေသခံ တွေက မကျေနပ် ကြတာ ဖြစ်ပါတယ်။

ဒီကနေ့ ဆန္ဒပြပွဲ တွေကို သက်ဆိုင် ရာက တရားဝင် ခွင့်ပြုချက် ပေးတာမို့ အနှောင့် အယှက် မရှိ ဆန္ဒပြခဲ့ ရပေမယ့် လယ်တီ သိမ် ရှိတဲ့ တောင်ကြားကို ဘယ် ဒေသခံမှ သွားခွင့် မရတော့ ဘူးလို့ ပြောကြ ပါတယ်။

BBC Burmese

နယ်စည်းမထားဆရာဝန်များ ပြည်နယ်တိုင်း ၁၃ ခုမှာ ဆက်လုပ်ခွင့်ရ


နယ်စည်းမထားဆရာဝန်များအဖွဲ့ - MSF Holland ( Medicins Sans Frontieres – Holland) (AZG) ရဲ့ လုပ်ငန်းတွေကို ရခိုင်ပြည်နယ်မှာ ရပ်ထားမယ်လို့ ကျန်းမာရေးဌာနက ကြေညာပါတယ်။    ပြည်နယ်တိုင်း ၁၃ ခုမှာ ဆက်လုပ်ခွင့်ရမယ်ဆိုတဲ့သဘောပါ။ မဖတ်ရသေးသူများ လေ့လာနိုင်ဖို့ ကြေညာချက်ကို ကူးယူ ဖော်ပြလိုက်ပါတယ်။

ကျန်းမာရေးဝန်ကြီးဌာန၏ သတင်းထုတ်ပြန်ချက်

ကျန်းမာရေးဝန်ကြီးဌာနသည် ကုလသမဂ္ဂလက်အောက်ခံ အဖွဲ့အစည်း များ၊ ပြည်တွင်း ပြည်ပမှ လူမှုရေး အသင်းအဖွဲ့များနှင့် လက်တွဲ၍ ပြည်သူများ ၏ ကျန်းမာရေး စောင့်ရှောက်မှု လုပ်ငန်းများကို ပူးပေါင်း ဆောင်ရွက်လျက် ရှိပါသည်။ အဆိုပါ အသင်းအဖွဲ့များအနက် MSF Holland ( Medicins Sans Frontieres – Holland (AZG) အဖွဲ့၏ လုပ်ငန်းအားလုံးကို လုံးဝရပ် ဆိုင်းစေပြီး လူနာများအား ဆေးဝါးများ ထောက်ပံ့နေမှုများ ရပ်ဆိုင်းတော့ မည်ဟု သတင်းများထွက်ပေါ်လျက်ရှိရာ ပြည်သူများ အဖြစ်မှန်သိရှိစေရန် အောက်ပါအတိုင်း အသိပေးအပ်ပါသည်။

ကျန်းမာရေးဝန်ကြီးဌာနမှ တာဝန်ရှိသူများနှင့် MSF Holland ( AZG) အဖွဲ့၏ တာဝန်ရှိ သူများ ၂၈.၂.၂၀၁၄ ရက်နေ့ နံနက်ပိုင်း တွင် တွေ့ဆုံဆွေးနွေး ညှိနှိုင်းခဲ့ပါသည်။
ထိုဆွေးနွေးပွဲ၏ သဘောတူညီချက် အရ MSF Holland ( AZG) အဖွဲ့၏ ရခိုင်ပြည်န်အတွင်း ဆောင်ရွက်နေသည့် လုပ်ငန်းများကို ခေတ္တရပ်ဆိုင်းထားမည် ဖြစ်ပါသည်။

အခြားတိုင်းဒေသကြီးများနှင့် ပြည်နယ်များးတွင် ဆောင်ရွက်လျက်ရှိသော MSF Holland ( AZG) လုပ်ငန်းဆောင်ရွက်မှုများကို ပြည်သူလူထု၏ လက်ခံမှု၊ တိုင်းရင်းသား အဖွဲ့အစည်းများ၏ အားပေး ထောက်ခံမှု တို့ကြောင့် ပြည်သူလူထုအကျိုးအတွက် ဆက်လက်ဆောင်ရွက် ခွင့်ပြုသွားမည် ဖြစ်ပါသည်။

နှစ်ဦးနှစ်ဖက် နားလည်မှုစာချွန်လွှာ (MoU) ကို လည်း နှစ်အပိုင်းအခြားလိုက် ဆက်လက်ညှိနှိုင်းရေးထိုးမည်ဖြစ်ပြီး ရခိုင်ပြည် နယ် အတွင်း အေးချမ်းတည်ငြိမ်မှု ရရှိလာသည့်အခါ MSF Holland (AZG) အဖွဲ့၏ အခြား တိုင်း ဒေသကြီးနှင့်ပြည်နယ်များအတွင်း စွမ်းဆောင် ချက်များကို ပြန်လည်သုံးသပ်ပြီး အချိန်ကာလအပိုင်း အခြား တစ်ခုအတွင်း ရခိုင်ပြည် နယ်တွင် ကျန်းမာရေး စောင့်ရှောက်မှု လုပ်ငန်းများ ပြန်လည် ဆောင်ရွက် နိုင်ရေး စဉ်းစားဆောင်ရွက်ပေးမည် ဖြစ်ပါသည်။

ကျန်းမာရေးဝန်ကြီးဌာန
The Irrawaddy

ဖွဲ့စည်းပုံပြင်ရေး ဥပဒေဘောင်တွင်းကကြိုးစားရန် သမ္မတတိုက်တွန်း

မြန်မာသမ္မတ ဦးသိန်းစိန်

01.03.2014

စစ်အစိုးရလက်ထက်က ပြင်ဖို့ခက်အောင်ရေးဆွဲခဲ့တဲ့ ၂၀၀၈ ဖွဲ့စည်းပုံကို ဥပဒေဘောင်အတွင်းက ပြင်ဖို့ကြိုးစားကြပါရန် သမ္မတ ဦးသိန်းစိန်က တိုက်တွန်းလိုက်ပါတယ်။ တိုင်းရင်းသားလက်နက်ကိုင်အဖွဲ့တွေနဲ့ ငြိမ်းချမ်းရေး ရရှိအောင် ကြိုးပမ်းနေပေမဲ့ အောက်ခြေမှာ တောက်လျှောက်တိုက်ပွဲတွေ ပြန်ဖြစ်နေဆဲအခြေအနေမှာ ငြိမ်းချမ်းရေးလုပ်ငန်းစဉ်အတွက် စိတ်ရှည်သည်းခံကြဖို့ကိုလည်း လစဉ် ပြောကြားတဲ့ မိန့်ခွန်းထဲမှာ သမ္မတဦးသိန်းစိန်က ဒီကနေ့ ထည့်သွင်းပြောသွားခဲ့ပါတယ်။
အပြည်အစုံကိုတော့ ဗီအိုအေ မြန်မာပိုင်းရဲ့ သတင်းထောက် ကိုအောင်ရဲမောင်မောင်က တင်ပြပေးထားပါတယ်။

၂၀၀၈ ဖွဲ့စည်းပုံ အအခြေခံ ဥပဒေကို နိုင်ငံကြီးသားပီသစွာနဲ့ ပြဌာန်းထားတဲ့ ဥပဒေမူဘောင်ထဲက ပြင်ဆင်ဖို့လိုတယ်ဆိုပြီးတော့ သမ္မတ ဦးသိန်းစိန်က သူရဲ့ ရေဒီယိုမိန့်ခွန်းထဲမှာ ဖွဲ့စည်းပုံပြင်ဖို့ ကြိုးပမ်းနေတဲ့သူတွေ ကို တိုက်တွန်းသွားခဲ့တာဖြစ်ပါတယ်။

“လက်ရှိပြဌာန်းထားတဲ့ ဥပဒေဘောင်ထဲကနေ စနစ်တကျ ကြိုးပမ်းအားထုတ်ကြရမှာဖြစ်သလို လက်ရှိပြဌာန်းထားတဲ့ ဥပဒေမူဘောင်များကို ကျနော်အပါအဝင် နိုင်ငံသားအားလုံးက အလေးထား၊ လေးစားလိုက်နာကြရမှာလည်းဖြစ်ပါတယ်။ တနည်းအားဖြင့် မိမိတို့ ပြင်ဆင်ကြိုးပမ်းတဲ့ ဥပဒေများ တည်မြဲနေစဉ်မှာတော့ မကြိုက်မနှစ်သက်သော်လည်း နိုင်ငံကြီးသားပီသစွာ တရားဥပဒေကို လေးစားလိုက်နာရေးဓလေ့ အမြစ်တွယ်ခိုင်မာရေးအတွက် လက်ရှိပြဌာန်းထားတဲ့ ဥပဒေများကို လေးစားလိုက်နာကြရမှာဖြစ်ပါတယ်။ ဒီလို တရားဥပဒေရေးဆိုင်ရာ အလေ့အကျင့်ကောင်းများ ပြုစုပျိုးထောင်ခြင်းဟာ မြန်မာနိုင်ငံမှာ ဒီမိုကရေစီအသက်ဝင် ရှင်သန်ရေးအတွက် အလွန်အရေးကြီးလှပါတယ်။”

ဖွဲ့စည်းပုံ အခြေခံဥပဒေထဲမှာပါတဲ့ ပုဒ်မ (၄၃၆) အရ ၂၀၀၈ ဖွဲ့စည်းပုံကို ပြင်ဖို့ ခက်ခဲအောင်လုပ်ထားတာဖြစ်တဲ့အတွက် ဖွဲ့စည်းပုံပြင်ရေးကို ဥပဒေအရ သမ္မတက ဥပဒေပါအတိုင်း ပြင်ပါလို့ ပြောဆိုလိုက်တဲ့အပေါ်မှာ အနည်းငယ် အံအားသင့်မိတယ်လို့ အမျိုးသားဒီမိုကရေစီ အဖွဲ့ချုပ်ရဲ့ ဖွဲ့စည်းပုံပြင်ဆင်ရေး ကော်မတီဝင်လည်း ဖြစ်၊ ဥပဒေပညာရှင်တစ်ဦးလည်းဖြစ်တဲ့ တရားလွှတ်တော်ရှေ့နေ ဦးကိုနီက ဗွီအိုအေ ကို အခုလို ပြောပါတယ်။

“ဥပဒေကိုပြင်ရင် တည်ဆဲဥပဒေမှာပါတဲ့ နည်းလမ်းတွေအတိုင်း ပြင်ဖို့ဆိုပြီး သူက ပြောတော့ ရိုးရိုးဥပဒေတွေကိုပြင်ရင်က အဓိပ္ပာယ်တမျိုးဗျ။ ရိုးရိုးဥပဒေကိုပြင်တဲ့အခါကျတော့ တည်ဆဲဥပဒေမှာပါတဲ့နည်းလမ်းကို ပြောမယ်ဆိုရင် လွှတ်တော်မှာ မဲအများစုဆန္ဒနဲ့ ဆုံးဖြတ်လိုက်ရုံပါပဲ၊ ဒါက ဘာမှ ခက်ခက်ခဲခဲမဟုတ်ပါဘူး။ ဒါပေမယ့်လို့ ဖွဲ့စည်းပုံအခြေခံဥပဒေကို ပြင်မယ်ဆိုရင်တော့ အဓိပ္ပာယ်က တမျိုးခင်ဗျ။ ဖွဲ့စည်းပုံ အခြေခံဥပဒေကို ပြင်မယ်ဆိုရင်တော့ ဖွဲ့စည်းပုံအခြေခံဥပဒေရဲ့ ပုဒ်မ ၄၃၆ ရဲ့ နည်းလမ်းအတိုင်းပဲ ပြင်ရတော့မယ်-ကျနော်တို့က။ အဲဒီတော့ အဲဒီဥပဒေကို လေးစားလိုက်နာပြီး အဲဒီဥပဒေအတိုင်းပြင်ရေးကို ပြောတဲ့အခါကျတော့ ကျနော်တို့မှာ အခက်အခဲဖြစ်တယ်။ ဘာကြောင့်တုန်းဆိုတော့ ပုဒ်မ ၄၃၆ သည် ဖွဲ့စည်းပုံအခြေခံဥပဒေသည် ပြင်လို့မရအောင်ကို တမင်ရည်ရွယ် ပိတ်ဆို့ထားတဲ့ပြဌာန်းချက် ဖြစ်နေတယ်။”

လက်ရှိဖော်ဆောင်နေတဲ့ ပြည်တွင်း ငြိမ်းချမ်းရေးဖော်ဆောင်ရေး အခြေအနေနဲ့ ပတ်သက်ပြီးတော့လည်း သမ္မတဦးသိန်းစိန်က သူ့ရဲ့ မိန့်ခွန်းထဲမှာ ပြောဆိုသွားခဲ့ပါသေးတယ်။

ငြိမ်းချမ်းရေးဖြစ်စဉ်ရဲ့ အစိတ်အပိုင်းတစ်ခုဖြစ်တဲ့ တစ်ပြည်လုံး အတိုင်းအတာ အပစ်အခတ် ရပ်စဲရေး သဘော တူညီချက် လက်မှတ် ရေးထိုးနိုင်ဖို့ဆွေးနွေးမယ့် ဘားအံဆွေးနွေးပွဲအတွက် သက်ဆိုင်ရာ လုပ်ငန်းအဖွဲ့တွေနဲ့ အသေးစိတ်ညှိနှိုင်းမှုတွေ လုပ်ဆောင်နေတယ်လို့ လည်း သမ္မတက ပြောပါတယ်။

ငြိမ်းချမ်းရေးတည်ဆောက်မှု လုပ်ငန်းစဉ်တွေ အောင်မြင်ဖို့အတွက် နှစ်ဖက် စိတ်ရှည်ရှည်ထားပြီး ဆောင်ရွက်ဖို့ လိုတယ်ဆိုပြီးတော့လည်း သမ္မတက ပြောပါတယ်။

“ငြိမ်းချမ်းရေးတည်ဆောက်မှုလုပ်ငန်းစဉ်များ အောင်မြင်စေဖို့အတွက် အစိုးရ၊ လွှတ်တော်များ၊ နိုင်ငံရေးပါတီများ၊ နိုင်ငံရေးအင်အားစုများ၊ တပ်မတော်၊ လက်နက်ကိုင် တိုင်းရင်းသားအဖွဲ့အစည်းများ၊ တိုင်းရင်းသားအဖွဲ့အစည်းများ၊ အရပ်ဖက်လူ့အဖွဲ့အစည်းများအပါအဝင် ပြည်သူလူထုတရပ်လုံးအနေနဲ့ သဘောထားကြီးကြီး၊ အမြင်ရှိရှိ၊ စိတ်ရှည်သည်းခံခြင်းများနဲ့ တစ်ဦးနဲ့တစ်ဦး လိုအပ်ချက်တွေကို နားလည်လက်ခံနိုင်ရန် ကြိုးပမ်းခြင်းတို့ဖြင့် အတူလက်တွဲဆောင်ရွက်ကြဖို့လည်း ထပ်လောင်း တိုက်တွန်းလိုပါတယ်။”

ငြိမ်းချမ်းရေး ဆွေးနွေးနိုင်ဖို့အတွက် လက်နက်ကိုင်တွေ ဘက်က အဆင့်ဆင့် လိုက်လျောပြီး တစ်ပြည်လုံးအတိုင်းအတာနဲ့ လက်မှတ်ထိုး ခါနီးကျမှ ကချင် ပြည်နယ်၊ ရှမ်းပြည်နယ်နဲ့ ပလောင်ဒေသတွေမှ တိုက်ပွဲတွေ ပြန်ဖြစ်နေတာဟာ မေးခွန်းထုတ်စရာ ဖြစ်နေတယ်လို့ မြန်မာစစ်ရေးလေ့လာအကဲဖြတ်တွေကဆိုပါတယ်။

လက်တွေမှာတော့ ငြိမ်းချမ်း ဖြစ်စဉ်တွေ မှာ တပ်မတော်ဘက်က ပူးပေါင်း ပါဝင်မှု အားနည်လို့ တိုက်ပွဲတွေ ပြန်ဖြစ်နေရတာဖြစ်ပြီး လတ်တလော တိုက်ပွဲတွေ မှာ ၂ ဖက် အကျဆုံးကလည်း များတာကြောင့် သမ္မတ ရဲ့ စိတ်ရှည်သည်းခံပါလို့ ပြောဆိုချက်ဟာ မေးခွန်းထုတ်စရာ ဖြစ်နေတယ်လို့ တရုတ်- မြန်မာနယ်စပ်မှာ နေထိုင်တဲ့ မြန်မာ့ စစ်ရေး လေ့လာသုံးသပ်သူ ဦးအောင်ကျော်ဇောက ပြောပါတယ်။

“စစ်က မရပ်ဘူး၊ တလျှောက်လုံး ဟိုမှာနည်းနည်း ဒီမှာနည်းနည်းဖြစ်နေတာ။ အဲဒီတော့ နှစ်ဘက် အောက်ခြေစစ်သားများအဖို့က တော်တော့်ကို ဒုက္ခရောက်ပါတယ်။ အကျအဆုံးတွေလည်း အင်မတန် များပါတယ်။ ပလောင်ဒေသမှာ ခင်ဗျားတို့လည်း ကြားမှာပေါ့ဗျာ။ တပ်ရင်းမှူး သုံးလေးယောက် ဒီအတောအတွင်းမှာကို သေသွားကြပြီ။ စစ်သားလည်း အနည်းဆုံးမရှိရင် သုံးလေးဆယ်တော့ ပလောင် ဒေသမှာ သုံးလေးဆယ် သေပြီ။ တပ်ရင်းမှူး ကျနော်မှတ်မိသလောက် (၅၀၅) တပ်ရင်းမှူး၊ (၅၀၆) တပ်ရင်းမှူးတွေ သေကြပြီ။ တိုင်းရင်းသားတွေဘက်ကတော့ တော်တော် ကန်းကုန်လာပြီ။ တော်တော်များကြီးလျှော့ခဲ့တယ်။ လက်မှတ်စုထိုးမယ်ဆိုတဲ့ အခြေအနေလည်းဖြစ်လာတယ်။ တကယ်တန်း လက်မှတ်ကို သေသေချာချာ ကျကျနန နိုင်ငံရေးမူဘောင်နဲ့ သတ်မှတ်ပြီး ထိုးနိုင်မယ်ဆိုရင် ဒါ အင်မတန်ကောင်းတဲ့ အလားအလာပေါ့ဗျာ။”

ပုဂ္ဂလိက စီးပွားရေးလုပ်ငန်းများအနေနဲ့လည်း စီးပွားရေး ပြုပြင်ပြောင်းလဲရေး လုပ်ငန်းစဉ်တွေအပေါ်မှာ အဆိုးမြင်ခြင်းနဲ့ အပြစ်တင်ခြင်း ဆိုတဲ့ ရှုမြင်ခြင်းမထားဖို့နဲ့ ဈေးကွက်စီးပွားရေးစနစ်ရဲ့ အနှစ်သာရဖြစ်တဲ့ မျှတစွာယှဉ်ပြိုင်ခွင့်ရှိတဲ့ စီးပွားရေးပတ်ဝန်းကျင် တစ်ရပ် တည်ဆောက်နေခြင်းကို ပုဂ္ဂလိကစီးပွားရေး လုပ်ငန်းများအနေနဲ့လည်း ထိရောက်စွာ ပူးပေါင်းပါဝင်ကြဖို့လည်း သမ္မတက ဒီကနေ့ မိန့်ခွန်းမှာ ထည့်သွင်းပြောကြားသွားပါတယ်ခင်ဗျား။

ဗွီအိုအေ (မြန်မာဌာန)

ထိုင်းအစိုးရဆန့်ကျင်ရေး ဆန္ဒပြပွဲအရှိန်လျော့


ထိုင်းအစိုးရဆန့်ကျင်ရေးဆန္ဒပြသူတွေက အစိုးရဆန့်ကျင်မှုတွေ ဖယ်ရှားပေးသည့်အနေဖြင့် ထိုင်းရဲတပ်ဖွဲ့ဌာနချုပ် ဝင်ပေါက်နံရံပေါ်က နံရံဆေးရေးပန်းချီတို့ကို ၎င်းတို့ဖာသာ ပြန်လည်ဖျက်ပေးနေကြစဉ်။ (မတ်လ ၃၊ ၂၀၁၄)

01.03.2014

ထိုင်းနိုင်ငံ၊ ဘန်ကောက်မြို့လယ်က အချက်အခြာ လမ်းဆုံတွေမှာ လနဲ့ချီ သပိတ်စခန်းတွေဖွင့်ပြီး အစိုးရ ဆန့်ကျင် ဆန္ဒပြခဲ့ကြသူတွေဟာ ဒီကနေ့
စနေနေ့မှာတော့ ဆန္ဒပြစင်မြင့်တွေတွေကို ဖျက်၊ သူတို့ စခန်းချထားတဲ့ နေရာတဝိုက်ကို သန့်ရှင်းရေး လုပ်နေကြပါတယ်။

ဘန်ကောက်မြို့က လုပ်ငန်းတွေ ရပ်သွားအောင် ဆန္ဒပြတဲ့ လှုပ်ရှားမှုကို အဆုံးသတ်လိုက်ပြီလို့ ဆန္ဒပြခေါင်းဆောင် Suthep Thaugsuban က သောကြာနေ့ညက ကြေညာခဲ့ပြီးနောက်မှာ ခုလို သပိတ်စခန်း ရှင်းလင်းရေးတွေကို လုပ်ခဲ့ကြတာပါ။

စတည်းချဆန္ဒပြနေကြသူတွေဟာ လမ်းဆုံကြီးတွေကနေဖယ်ပြီး မြို့လယ်မှာရှိတဲ့ Lumpini ပန်းခြံမှာ တနင်္လာနေ့က စတင် ပြောင်းရွှေ့ စုဝေး ဆန္ဒပြကြမှာဖြစ်ပါတယ်။ ဆန္ဒပြနေတဲ့ နေရာတွေအပေါ် ပြီးခဲ့တဲ့တပတ်ထဲ လက်ပစ်ဗုံးတွေနဲ့ ပစ်ခတ်တိုက်ခိုက်ခဲ့လို့ ကလေးငယ် ၄ ယောက် သေဆုံးခဲ့တဲ့အထိ နိုင်ငံရေး အကြမ်းဖက်မှုတွေ ရှိခဲ့ပါတယ်။

ခုလိုတိုက်ခိုက်သူတွေကို စုံစမ်းဖော်ထုတ်ပြီး ဥပဒေအရအရေးယူဖို့ အမေရိကန် နိုင်ငံခြားရေးဝန်ကြီး John Kerry ကလည်း ထိုင်းအာဏာပိုင်တွေကို သောကြာနေ့က တိုက်တွန်းခဲ့ပါတယ်။ အပြစ်မရှိတဲ့ကလေးငယ်တွေ သေဆုံးရတာဟာ တုန်လှုပ်စရာဖြစ်ပြီး ဘက်အားလုံးအတွက် အကြမ်းဖက်မှုတွေကို ထိန်းဖို့ အသိဝင်ရတော့မယ်လို့
အမေရိကန် နိုင်ငံခြားရေးဝန်ကြီးရဲ့ ထုတ်ပြန်ချက်မှာ ဖော်ပြခဲ့ပါတယ်။

ဗွီအိုအေ (မြန်မာဌာန)

ရင်းနှီးမြှုပ်နှံသူများ စိန်ခေါ်ချက်များ ကြုံနေ


OXFORD Business Group ၏ စာအုပ်မိတ်ဆက်ပွဲသို့ သမ္မတဦးသိန်းစိန်နှင့် ဝန်ကြီးများ တက်ရောက် (ဓာတ်ပုံ – မေခ / ဧရာဝတီ)

မြန်မာနိုင်ငံ၏ စီးပွားရေးတွင် ရင်းနှီးမြုပ်နှံသူများအနေဖြင့် စိန်ခေါ်မှု ၆ ချက်နှင့်ရင်ဆိုင်နေရကြောင်း နေပြည်တော် MICC တွင်ကျင်းပခဲ့သည့် OXFORD Business Group မှ မြန်မာနိုင်ငံလုံးဆိုင်ရာ စီးပွားရေးထုတ်ပြန်ချက် Launch Of The Report 2014 အခမ်းအနားတွင် အယ်ဒီတာတဦးဖြစ်သော PAULIUS KUNCINAS က ပြောကြားလိုက်သည်။

အဆိုပါ စိန်ခေါ်ချက်များမှာ ပြုပြင်ပြောင်းလဲရေးလမ်းကြောင်း ပြန်ကွေ့ခြင်း Reform Path Reversal၊ ငွေကြေးဖောင်းပွမှု Currency Inflation၊ ပညာရေးနှင့် အခြေခံကျသော အလှမ်းကွာဟချက်များ Education & Infrastructive Gaps၊ ဒေသတွင်း တင်းမာမှုများ Regional Tensions၊ လုပ်ငန်းစရိတ်ကြီးနေမှု Costs of Business၊ သယံဇာတ အခြေခံ အမျိုးသားရေးဝါဒ Resource Nationnalism တို့ဖြစ်ကြောင်းပြောကြားခဲ့သည်။

“နိုင်ငံတကာက ရင်းနှီးမြုပ်နှံဖို့အတွက် သတိကြီးကြီး နဲ့ စောင့်ဆိုင်းနေတာတွေ ရှိပါတယ်။ ရှိနေတဲ့လုပ်သားအင်အားဟာ အာရှနိုင်ငံတွေထဲမှာ အကောင်းဆုံး အနေအထားမှာ ရှိပါတယ်။ ဒါပေမယ့် ပညာရပ်ဆိုင်ရာ အားနည်းမှုတွေ ရှိနေပါတယ်။ ငွေကြေးနဲ့ လျှပ်စစ်ကဏ္ဍတွေမှာ စိန်ခေါ်မှု ကြီးကြီးမားမား ရှိနေပါတယ်”ဟု PAULIUS KUNCINAS က ပြောကြားခဲ့သည်။

ထုတ်ပြန်လိုက်သည့် စာတမ်းမှာ နိုင်ငံတကာမှ ရင်းနှီးမြုပ်နှံမည့်သူများအတွက် အကောင်းဆုံး အထောက်အပံ့ဖြစ်နိုင်မည်ဟု မျှော်လင့်ကြောင်း၊ လက်ရှိမြန်မာနိုင်ငံမှာ ရင်းနှီးမြုပ်နှံစရာ အကောင်းဆုံးနေရာတစ်ခုဖြစ်ကြောင်းကို ကမ္ဘာမှ သိစေနိုင်ရန် ဖော်ပြသွားနိုင်မည်ဟု ထင်ကြောင်းလည်း ပြောသည်။

“ဆက်သွယ်ရေးကဏ္ဍ၊ ခရီးသွားကဏ္ဍ၊ ဘဏ်လုပ်ငန်း၊ ဆောက်လုပ်ရေးကဏ္ဍ၊ အိမ်ခြံမြေစတာတွေမှာ ပိုမိုရင်းနှီးလာနိုင်မယ်။ ခုချိန်မှာ ဆက်သွယ်ရေးကဏ္ဍက အကောင်းဆုံး ရင်းနှီးနိုင်တဲ့ကဏ္ဍတစ်ခု ဖြစ်နေတယ်။ ၂၀၁၄ မှာ မြန်မာနိုင်ငံဟာ အာရှမှာ ရင်းနှီးဖို့ အကောင်းဆုံးနေရာတစ်ခု ဖြစ်လာနိုင်တယ်”ဟု PAULIUS KUNCINAS က ထုတ်ဖော်ပြောကြားခဲ့သည်။

၁၂ လကြာ ကောက်ယူခဲ့သည့် အဆိုပါစစ်တမ်းတွင် နိုင်ငံတော်သမ္မတဦးသိန်းစိန်၊ မြန်မာ့ဒီမိုကရေစီ ခေါင်းဆောင်ဒေါ်အောင်ဆန်းစုကြည်၊ သမ္မတရုံးဝန်ကြီးဦးစိုးသိန်း၊ ငွေကြေးကဏ္ဍ၊ သတ္ထုရှာဖွေခြင်းကဏ္ဍ၊ ဆက်သွယ်ရေးကဏ္ဍ၊ ခရီးသွားကဏ္ဍ၊ စိုက်ပျိုးရေးကဏ္ဍ၊ ဆောက်လုပ်ရေးကဏ္ဍ၊ ပို့ဆောင်ရေးကဏ္ဍ၊ စွမ်းအင်ကဏ္ဍတို့မှ ပြည်ထောင်စု ဝန်ကြီးများ၊ အဆိုပါ ကဏ္ဍများတွင် လုပ်ဆောင်နေသည့် လုပ်ငန်းရှင်များနှင့် တွေ့ဆုံမေးမြန်းမှုများပြုထားသည့် အမေးအဖြေကဏ္ဍများကို ထည့်သွင်းဖော်ပြထားသည်။

လက်ရှိတိုင်းပြည်၏ စိုက်ပျိုးရေးကဏ္ဍတွင် ဆန်စပါးကိုသာ အားကိုးနေသည့်အတွက် စိုက်ပျိုးရေးကဏ္ဍမှာ ကျဆင်းနေကြောင်း၊ အခြားသောသီးနှံများကိုလည်း စိုက်ပျိုးထုတ်လုပ်ရန် လိုအပ်ကြောင်း ၎င်းကပြောကြားခဲ့သည်။

“စိုက်ပျိုးရေးကဏ္ဍတစ်ခုကို ကောင်းကောင်းထူထောင်နိုင်ဖို့ လိုပါတယ်။ ဒီကဏ္ဍကို ပြောင်းလဲဖို့ လိုတယ်။ ရာဘာနဲ့ ပဲတို့ကိုပါ စိုက်ပျိုးထုတ်လုပ်နိုင်တဲ့အလားလာတွေ ရှိပါတယ်။ ဆန်စပါးတစ်ခုထဲကို အားကိုးတာ မဖြစ်သင့်ပါဘူး။ အဲဒီလို အားကိုးနေတဲ့အတွက် စိုက်ပျိုးရေးကဏ္ဍပိုင်းက ပိတ်နေတာ ဖြစ်တယ်”ဟု ပြောသည်။

စက်မှုကဏ္ဍတိုးတက်ရေးတွင် ရင်းနှီးမြုပ်နှံမှုဥပဒေမှာ အကောင်းဆုံး ပံ့ပိုးပေးထားကြောင်း၊ အထည်ချုပ်လုပ်ငန်း၊ ရိုးရာရက်ကန်းလုပ်ငန်းများအတွက် ဈေးကွက်ရှာရန် လိုအပ်ကြောင်း၊ ကုန်ကြမ်းရရှိမှုအပေါ်အလေးထားစိုက်ထုတ်ရန် လိုအပ်ကြောင်းလည်း ပြောကြားသည်။

“ငွေကြေးကဏ္ဍတွင် အခြေခံအဆောက်အဦများ ခေတ်မီစေရေး၊ ပုဂ္ဂလိက အာမခံလုပ်ငန်းများ ကြီးထွားလာရေးနှင့် အာဆီယံအတွင်း ယုံကြည်စိတ်ချရမှု အနိမ့်ဆုံးဖြစ်နေခြင်းမှ ရုန်းထွက်ရေးတို့ လိုအပ်နေပါတယ်”ဟုလည်း ဆိုသည်။

လက်ရှိတွင် တိုင်းပြည်၏ GDP ဖွံ့ဖြိုးမှုနှုန်းမှာ ၂၀၁၃ ခုနှစ်တွင် ၆ရာခိုင်နှုန်းရှိရာမှ ၂၀၁၄ တွင်ထပ်မံတိုးလာနိုင်ကြောင်း OXFORD Business Group မှ PAULIUS KUNCINAS က သုံးသပ်ပြောကြားသည်။

“GDP က ၂၀၁၄ မှာ ၈ ရာခိုင်နှုန်းထိဖြစ်လာနိုင်တယ်။ ၂ ရာခိုင်နှုန်းလောက် တိုးနိုင်မယ်လို့ သုံးသပ်နိုင်ပါတယ်။ ဒါပေမယ့်  ပြည်တွင်း ငြိမ်းချမ်းရေးနဲ့ပဋိပက္ခတွေကြောင့် FDI ဝင်လာတာ နှောင့်နှေးနိုင်ပါတယ်”ဟု ပြောကြားသည်။

ပါရမီ စွမ်းအင်ထုတ်လုပ်ရေးလုပ်ငန်းစုမှ CSR မန်နေဂျာ ဦကျော်မျိုးရှိန်က “နှစ်ပေါင်း ၅၀အတွင်းမှာ ဒီလိုထွက်လာတာက အတိုင်းတာတခု ထိတော့ အကျိုးသက်ရောက်မှု ရှိပါတယ်။ သူတို့ကောက်တဲ့စစ်တမ်းဟာ ဘယ်ကရတဲ့အချက်အလက်ပေါ် မူတည်လည်း ရှိပါသေးတယ်။ ဒါပေမယ့် ဒီစာအုပ်ကနေ ဘာတွေလုပ်သင့်တယ်ဆိုတာ သိပြီး လုပ်ဆောင်ကြဖို့ လိုပါတယ်။ ဒါမှပိုအကျိူးရှိပါလိမ့်မယ် ”ဟု ပြောကြားသည်။

ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦး စီးဌာန မှဦးဆောင်ညွှန်ကြားရေးမှုး ဦးအောင်နိုင်ဦးကမူ “ပြည်တွင်းငြိမ်းချမ်း ရေးနဲ့ ပဋိပက္ခတွေကြောင့် FDI ဝင်လာတာ နှောင့်နှေးနိုင်ပါတယ် ဆိုတာကိုတော့ လေ့လာသလောက် မတွေ့ရပါဘူး။ ခုချိန်ထိ FDI က ဝင်နေတာပါပဲ။ ဝင်လာတဲ့ပမာဏလည်း တိုးလာတယ်။ ဒီနှစ်ဆို FDI ဝင်လာတာက အမေရိကန်ဒေါ်လာ ဘီလီယံ ၃.၅ လောက် ဝင်လာပါတယ်။ မနှစ်က ၁.၄ ဘီလီယံပဲ ဝင်ခဲ့တယ်”ဟု ပြောသည်။

စစ်တမ်းကို OXFORD Business Group မှ စတာလင်ပေါင် ၁၀၄ ပေါင်ဖြင့်ရောင်းချမှာဖြစ်ပြီး စာအုပ်ရေ ခုနှစ်သောင်းမှ တစ်သိန်းအတွင်း ရောင်းချရန် စီစဉ်ထားကြောင်း သိရသည်။

ဧရာဝတီ

MSF အဖွဲ့ လုပ်ငန်းတွေနဲ့ပတ်သက်လို့ အစိုးရထုတ်ပြန်ပြီ


MSF ရဲ့ မြန်မာနိုင်ငံတွင်း ကျန်းမာရေး ကူညီမှုဆိုင်ရာ စီမံကိန်းများပြ မြေပုံ၊ ဓာတ်ပုံ- MSF

ကျန်းမာရေး ဝန်ကြီးဌာနက မြန်မာနိုင်ငံ ရခိုင်ပြည်နယ်နဲ့ အခြားနေရာတွေမှာ ကူညီလုပ်ဆောင်နေတဲ့ MSF Halland (Médecins Sans Frontières - Holland) (AZG) အဖွဲ့နဲ့ပတ်သက်ပြီး သတင်းကြေညာချက် တစောင် ယနေ့ ထုတ်ပြန်ပါတယ်။

MSF ရဲ့ လုပ်ငန်းအားလုံးကို လုံးဝ ရပ်ဆိုင်စေပြီး လူနာများအား ဆေးဝါးများ ထောက်ပံ့နေမှုများ ရပ် ဆိုင်းတော့မယ်ဆိုတဲ့ သတင်းတွေ ထွက်ပေါ်နေတာနဲ့ပတ်သက်ပြီး ပြည်သူများ အဖြစ်မှန်သိရှိစေရန် ကျန်းမာရေးဝန်ကြီးဌာနမှ သတင်း ထုတ်ပြန်လိုက်တာကို မြန်မာ့အသံက အခုလို ကြေညာပါတယ်။

အိမ့်သံစဉ် ~
The Irrawaddy

အဆိုတော်မွန်းအောင် မဲဆောက်မှာ လာရောက်ဖြေဖျော် (ရုပ်သံ)





လန်ဒန်မှာ ဗုဒ္ဓဘာသာစင်တာကြီး တည်ဆောက်ဖို့ ရန်ကုန်မှာ ရန်ပုံငွေရှာဖွေ


ပေါင်စတာလင် ၂သန်းခွဲလောက် ကုန်ကျမယ့် ဗုဒ္ဓဘာသာစင်တာကြီးကို လန်ဒန်မှာတည်ဆောက် ဖို့အတွက် ပြည်တွင်းပြည်ပက မြန်မာလူထုရဲ့အားကိုးနဲ့ တည်ဆောက်တော့မှာပါ။ ဒီစင်တာကြီးဖြစ်မြောက်ရေး ရန်ပုံငွေဖျော်ဖြေပွဲကို အမျိုးသားဇာတ်ရုံမှာ ကျင်းပခဲ့ပါတယ်။ ဘာဖြစ်လို့ လန်ဒန်မြို့ကို ရွေးချယ်တာလဲ။

ကမ္ဘာ့နိုင်ငံအသီးသီးက ဗုဒ္ဓဘာသာကို လေ့လာနိုင်ဖို့ ဗြိတိန်နိုင်ငံ လန်ဒန်မြို့ဟာ အထင်ကရဖြစ် တာကြောင့် ရွေးချယ်တာဖြစ်ပြီး ဗုဒ္ဓဘာသာစင်တာကြီးမှာ ဘာသာရေး၊ ယဉ်ကျေးမှုအပြင် အရှေ့ တိုင်းအစားအစာ ပြုလုပ်နည်းတွေကိုလည်း သင်ကြားသွားမယ်လို့ ဆရာတော် ဦးဥတ္တရက မိန့်ဆိုပါတယ်။

ဗုဒ္ဓဘာသာဆိုင်ရာ နိုင်ငံတကာစင်တာကြီးတစ်ခု လိုအပ်နေပြီး ဦးဆောင်ဆရာတော် ဦးဥတ္တရဟာ မြန်မာနိုင်ငံ ဆေးရုံတွေပေါ်က ကွယ်လွန်ခါနီး လူနာတွေကို တရားပြတာလုပ်ဖို့ ဆန္ဒရှိနေတယ်လို့ အသင်းဥက္ကဌ ဦးယဉ်ထွေးဆွေက ဆိုပါတယ်။

ဖေဖော်ဝါရီ ၂၈ရက်နေ့ည ရန်ပုံငွေ ဖျော်ဖြေပွဲမှာ ဘုရားကန်တော့ခန်း၊ နှစ်ပါးသွား၊ ဂန္ထဝင်နဲ့ ခေတ်ပေါ်ဂီ တတွေအပြင် မောရစကြာဇာတ်တော်နဲ့ ဒါရိုက်တာမောင်သီရဲ့ ရှက်တတ်ရဲ့လား ပြဇာတ်တွေနဲ့ ပရိသတ် ကို ဖျော်ဖြေခဲ့ကြပါတယ်။

Kamayut Media

အင်ဒိုနီးရှား ရိုးရာအစားအစာ ဘာ့က်ဆို စီးပွားရေးလုပ်ငန်းရှင် အမျိုးသမီး


အင်ဒိုနီးရှားနိုင်ငံ မြို့တော် ဂျကာတာမှာ တိုးပွားလာတဲ့ လူလတ်တန်းစားတွေဟာ အမျိုးသမီး စီးပွားရေးလုပ်ငန်းရှင်တွေအတွက် ငွေရှာနိုင်ဖို့ အခွင့်အရေးတွေကို စီစဉ် ပံ့ပိုးနေပါတယ်။

ကလေး ၃ ယောက် မိခင်ဖြစ်သူ ဆူနာရ်နီ ဆန်တိုဆိုဟာ အောင်မြင်တဲ့ စီးပွားရေးသမား တယောက် ဖြစ်ပြီး တနိုင်ငံလုံးမှာ စားစရာ စတိုးဆိုင်ပေါင်း ၃၀ ကျော်ရဲ့ ပိုင်ရှင်လည်း ဖြစ်ပါတယ်။

သူဟာ ရိုးရာ လမ်းဘေးစားစရာတမျိုးဖြစ်တဲ့ ဘာ့က်ဆို အသားလုံးခေါက်ဆွဲပြုတ်ကို အောင်အောင်မြင်မြင် ရောင်းချနေတာ ဖြစ်ပြီး၊ အဲဒီအစားအစာကို လူလတ်တန်းစား ဈေးကွက်အတွက် ဈေးဝယ်စင်တာ မောလ်တွေထဲက ကဖေးဆိုင်တွေထဲကို သွတ်သွင်း ရောင်းချလာခဲ့တာ ဖြစ်ပါတယ်။

ခေါက်ဆွဲဖတ်၊ ပဲငံပြာရည်အချိုနဲ့ ကြက်သွန်ဖြူတွေ ကြော်လှော်နေတဲ့အနံ့က ဘာ့က်ဆို လပန်ဂန် တမ်ဘာ့က် ဆီနယန်ဆိုင်ရဲ့ မီးဖိုချောင်ကနေ လွင့်ပျံ့ထွက်လာပါတယ်။

ခေတ်မီ လုပ်ငန်းဝတ်စုံ ၀တ်ဆင်ထားတဲ့ အသက် ၄၈ နှစ်အရွယ် ဆူနာရ်နီတယောက် မီးဖိုချောင်ကနေ ထွက်လာပါတယ်။

ဆူနာရ်နီဟာ ငယ်ရွယ်နုပျိုတဲ့ မျက်နှာပြင်ပေါ်မှာ ကြိုဆိုနှုတ်ဆက်တဲ့ အပြုံးနဲ့ ပြုံးပြနေပါတယ်။ ဆူနာရ်နီဟာ သူ့ရုံးခန်းထဲမှာ ထိုင်ချလိုက်ပြီးနောက်မှာတော့ သူ အင်ဒိုနီးရှားရိုးရာ လမ်းဘေးစားစရာကို နှစ်နှစ်သက်သက်နဲ့ တိုးတက်အောင် ဘယ်လို လုပ်ဆောင်ခဲ့တယ်ဆိုတာကို စပြီး ပြောပြပါတော့တယ်။

“ကျမကို အလယ်ဂျာဗားက ဆလာတီဂါမှာ မွေးတာပါ။ အလယ်ဂျာဗားမှာဆိုရင် ဘာ့က်ဆို ခေါက်ဆွဲပြုတ်ကို လူအတော်များများ ရောင်းကြတယ်။ ကျမတို့ ငယ်ငယ်ကတည်းကပဲ ဘာ့က်ဆို ခေါက်ဆွဲပြုတ်ကို စားနေကျပဲပေါ့။ ကျမတို့ ဒီကို ပြောင်းလာတဲ့အခါကျတော့ ကျမတို့ ဘာ့က်ဆို ခေါက်ဆွဲပြုတ်ကို အမြဲလိုလို ရှာမိတယ်။”

အင်ဒိုနီးရှားရိုးရာ အစားအသောက်တမျိုး ဖြစ်တဲ့ ဘာ့က်ဆိုဟာ ခေါက်ဆွဲဖတ်၊ ဟင်းသီးဟင်းရွက်၊ အသားလုံးတွေ၊ တို့ဖူးနဲ့ ကြက်သွန်နီကြော်လေးတွေ ပါဝင်တဲ့ စွပ်ပြုတ်ဟင်းရည် ဖြစ်ပါတယ်။

ဘာ့က်ဆို ခေါက်ဆွဲပြုတ်ကို အင်ဒိုနီးရှား တနိုင်ငံလုံးမှာ တွေ့နိုင်ပြီး အစဉ်အလာအရတော့ ရောင်းသူတွေဟာ လမ်းတွေပေါ်မှာ လှည်းတွေ တွန်းပြီး ရောင်းချလေ့ ရှိပါတယ်။
၂၀၀၃ ခုနှစ်မှာတော့ ဆူနာရ်နီဟာ ပလူ့ထ်မောလ် ဈေးဝယ်စင်တာမှာ သူ့ရဲ့ ဆီနာရန် စတိုးဆိုင်ကို ဖွင့်လှစ်ခဲ့ပါတယ်။

နောက် ၁ နှစ်လောက်မှာတော့ တချို့လမ်းဘေးဈေးသည်တွေဟာ ဘာ့က်ဆို အသားလုံး လုပ်ရာမှာ ကြွက်တွေရဲ့အသားကို သုံးနေတယ်လို့ နိုင်ငံပိုင် ရုပ်မြင်သံကြားဋ္ဌာနတခုကနေ သတင်းထုတ်ပြန်သွားပါတယ်။

ဂျကာတာက လူအတော်များများဟာ ကျန်းမာရေးအရ စိုးရိမ်ပူပန်မှုတွေကြောင့် လမ်းပေါ်မှာ ဘာ့က်ဆိုခေါက်ဆွဲပြုတ် စားသောက်တာတွေကို ရပ်ဆိုင်းလိုက်ဖို့ ကြွေးကြော် နေတာ ဖြစ်ပါတယ်။

လူ့အဖွဲ့အစည်းရဲ့ တုံ့ပြန်ချက်က သိပ်ကောင်းပါတယ်လို့ပဲ ပြောရမှာပါ။ ကျမလည်း အင်ဒိုနီးရှား တနိုင်ငံလုံးက မောလ်တွေမှာ ဖွင့်မယ်လို့ ဆုံးဖြတ်လိုက်တယ်။ ခုဆို စားသောက်ဆိုင် ၃၄ ဆိုင် ရှိသွားပါပြီ။

ကိုယ်ပိုင်စီးပွားရေးလုပ်ငန်းကို လုပ်ကိုင်နေရတာဟာ အလုပ်လုပ်နေတဲ့ မိခင်တဦး ဖြစ်ဖို့ကို ပိုပြီးတောင် လွယ်ကူစေပါတယ်လို့ ဆူနာရ်နီက ပြောပါတယ်။

“အစပိုင်းကတော့ အိမ်ခြံမြေကုမ္ပဏီတခုမှာ ပညာရှင်တယောက်အဖြစ် အလုပ် လုပ်ခဲ့ပါတယ်။ ကျမက ကွန်ဒိုတွေ၊ တိုက်ခန်းတွေနဲ့ အိမ်ယာတွေကို ဈေးကွက်ရှာတဲ့ ဌာနမှာ လုပ်တာပါ။ နောက် ကျမ အိမ်ထောင် ကျသွားပြီးတော့ ပထမဆုံးကလေးကို ကိုယ်ဝန်လွယ်ထား ရတယ်လေ။ ဒါလည်း ကျမ စနေ၊ တနင်္ဂနွေနေ့တွေမှာ အလုပ် လုပ်နေတုန်းပဲ၊ ဘာလို့လဲဆိုတော့ ကျမက ကျမတို့ရဲ့ အိမ်ရာစီမံကိန်းတွေကို လူတွေကို ပြပေးရတယ်လေ။ နောက်တော့ ကျမ ဒုတိယကလေးကို ကိုယ်ဝန် ထပ်ဆောင်ရပြန်ရော။ ကျမရဲ့ လက်အောက်ဝန်ထမ်း ကောင်လေးတွေကို အဲဒီရက်မှာ မတွေ့ရဘူး။ ကျမ တော်တော်ကို ခံစားလိုက်ရတယ်။ အဲဒါနဲ့ ကျမလည်း ကျမကိုယ်တိုင်အတွက် အလုပ်လုပ်တော့မယ်လို့ တွေးလိုက်မိတယ်ပေါ့။ ကျမရဲ့ ကိုယ်ပိုင်စီးပွားရေး စလုပ်တော့မယ်ပေါ့။”

အလယ်ဂျာဗားကနေပဲ ဆူနာရ်နီရဲ့ ခင်ပွန်းဖြစ်သူကလည်း သူ့ရဲ့ စွန့်စွန့်စားစား စီးပွားရေးလုပ်ငန်းတွေကို အမြဲပဲ အားပေးကူညီပါတယ်။

“အစပိုင်းကတော့ ကျမလည်း စိုးရိမ်မိပါတယ်။ ဘာလို့လဲဆိုတော့ ဈေးဝယ်ကုန်တိုက် မောလ်ထဲမှာ ဆိုင်ခန်းငှားခကလည်း သိပ်ကို ဈေးကြီးတာ ဆိုတော့လေ။ ဒါပေမယ့် ကျမ အမျိုးသားက ကျမကို ကြိုးစားထားဖို့ အားပေးခဲ့ပါတယ်။ သူက ပြောတယ်။ ဒီအခြေအနေက မအောင်မြင်ဘူးဆိုရင် ကျမတို့ လုပ်ရမယ့်ကိစ္စတွေက လုပ်အားခတွေ ရှင်းပေးဖို့ပဲပေါ့နော်။ အဲဒီတော့ ကျမ ငွေရေးကြေးရေးကို သိပ်စိတ်မပူတော့ဘူး။ ဘာလို့လဲဆိုတော့ ကျမ အမျိုးသားကလည်း အလုပ်လုပ်နေတာ ဆိုတော့လေ။”

ဆူနာရ်နီရဲ့ခင်ပွန်းဟာ နေ့လည်စာစားဖို့ သူ့ရဲ့ ပထမဆုံး စတိုးဆိုင်ကို နေ့စဉ် လာလေ့ ရှိပါတယ်။ ဆူနာရ်နီဟာ သူ့ရဲ့ ဘာ့က်ဆို စတိုးဆိုင်တွေမှာ အလုပ်သမား ၉၀၀ လောက်ထိ ခန့်ထားတာပါ။ သူက အိမ်နီးချင်း သြစတြေးလျနိုင်ငံထိတောင် ဆိုင်တွေ ချဲ့မယ်လို့ နောက်ပြောင်ကျီစယ် ပြောပါတယ်။ ကိုယ်ပိုင်လုပ်ငန်း စလုပ်ချင်နေတဲ့ အမျိုးသမီးတွေအတွက် ဆူနာရ်နီရဲ့ အကြံပေးချက်ကတော့ ခြေလှမ်းသေးသေးတွေနဲ့ စလှမ်းပါ။ ချက်ချင်းကြီး ကြီးမား၊ ခမ်းနား၊ ကြီးကျယ်တာတွေ မဖြစ်ချင်ပါနဲ့။ ခြေလှမ်းသေးသေးလေးတွေနဲ့ စတင်ပြီး အဲဒီခြေလှမ်းလေးတွေပေါ်မှာပဲ တည်ဆောက် ကြည့်လိုက်ပါ။ နောက်တော့ ပိုက်ဆံ ဆိုတာကို ဖန်တီးလာနိုင်မှာပါလို့။

အာရှဒေသ သတင်းဆောင်းပါးအတွက် သတင်းထောက် မစ်ရှဲလ်ရင်းမားက အင်ဒိုနီးရှားနိုင်ငံ ဂျကာတာမြို့ကနေ သတင်းပေးပို့ခဲ့တာပါ။

DVB Burmese

ဓါးဖြင့်ခုတ်သူ အရေးယူ


နေပြည်တော်၊ မတ် ၁

၂၀၁၄ ခုနှစ်၊ ဖေဖော်ဝါရီလ ၂၇ ရက်နေ့တွင် မကွေးတိုင်းဒေသကြီး၊ ထောက်ရှာပင်ရေနံမြေ ရဲစခန်းမှတပ်ဖွဲ့ဝင်များသည် ဇီးဖြူကုန်းကျေးရွာ၌ ဓါးခုတ်မှုဖြစ်ပွားကြောင်း သတင်းအရ သွားရောက် စစ်ဆေးခဲ့သည်။ ထိုသို့စစ်ဆေးရာ ကျေးရွာမီးပေးစက်မောင်းရန် တာဝန်ပေးထားသော မင်းဘူးမြို့နယ်၊ ဇီးဖြူကုန်းကျေးရွာနေ ဦးဖြိုးဝေ(၅၀)နှစ်သည် မီးစက်ပိတ်ချိန်စေ့၍ နေအိမ်သို့ပြန်လာစဉ် တစ်ဝိုင်းတည်းနေ ညီအရင်းဖြစ်သူ ဝင်းရွှေ(၄၃)နှစ်သည် အရက်သေစာသောက်စားမူးယစ်ပြီး ပတ်ဝန်းကျင်အား ဓါးကိုင် ရမ်းကားနေသဖြင့် ဝင်ရောက်ထိန်းသိမ်းခဲ့ရာ ဝင်းရွှေကလက်ထဲ၌ အသင့်ကိုင်ထားသော အရိုး(၈) လက်မ၊ အသွား(၁၃)လက်မခန့်ရှိ ဓါးမဖြင့်ခုတ်ခဲ့သောကြောင့် ဦးဖြိုးဝေတွင်ယာလက်ညှိုး/ လက်ခလယ်/လက်သူကြွယ်/ဂျိုစောင်းတို့တွင်ဒဏ်ရာများအသီးသီးရရှိခဲ့သည်ကို တွေ့ရှိရသဖြင့် ဝင်းရွှေအား မင်းဘူးမြို့မရဲစခန်း(ပ) ၂၅/၂၀၁၄၊ ပြစ်မှုပုဒ်မ ၃၂၆ ဖြင့် အမှုဖွင့်အရေးယူထားကြောင်း သတင်းရရှိသည်။

MOI Webportal Myanmar

မီးကြွင်းမီးကျန်မှ မီးလောင်မှုဖြစ်


နေပြည်တော်၊ မတ် ၁

၂၀၁၄ ခုနှစ်၊ ဖေဖော်ဝါရီလ ၂၈ ရက်နေ့ နေ့လည် ၁၂ နာရီ ၂၀ မိနစ်အချိန် မကွေးတိုင်းဒေသကြီး၊ နတ်မောက်မြို့နယ်၊ သမှုန်းကုန်းကြီးကျေးရွာနေ မလှိုင်သင်းကြည်(၂၀)နှစ်သည် နေအိမ်အတွင်း ထမင်းဟင်း ချက်ပြုတ်ပြီးနောက် မီးအားသေချာစွာ ငြှိမ်းသတ်မှုမရှိဘဲ မိခင်နှင့်အတူ နတ်မောက်မြို့သို့ လိုက်ပါသွားခဲ့ပြီး မီးကြွင်းမီးကျန်မှ မီးစတင်လောင်ကျွမ်းခဲ့ရာ စိုင်ကောင်းနယ်မြေ ရဲစခန်းမှတပ်ဖွဲ့ဝင်များ၊ မီးသတ တပ်ဖွဲ့ဝင်များနှင့် ရွာသူ/ ရွာသားများက ဝိုင်းဝန်းမီးငြှိမ်းသတ်ခဲ့ရာ ၁၂ နာရီ ၂၇ မိနစ်အချိန်၌ မီးငြိမ်း သွားခဲ့သည်။ မီးလောင်ကျွမ်းမှုကြောင့် အလျား(၂၀)ပေ၊ အနံ (၁၅)ပေ၊ အမြင့်(၁၀)ပေရှိ ထရံကာ၊ ဝါးကပ်မိုး၊ ပျဉ်ခင်း၊ (၄×၃)ပင် နေအိမ်(၁)လုံး၊ တန်ဘိုးငွေကျပ် (၃၀၀၀ဝိ/-)ခန့် ပျက်စီးဆုံးရှုံးခဲ့သဖြင့် မီးပေါ့ဆစွာသုံးစွဲသူ မလှိုင်သင်းကြည်အား စိုင်ကောင်းနယ်မြေရဲစခန်း(ပ)၇/၂၀၁၄၊ ပြစ်မှုပုဒ်မ ၂၈၅ ဖြင့် အမှုဖွင့်အရေးယူထား ကြောင်း သတင်းရရှိသည်။

MOI Webportal Myanmar

မြန်မာနဲ့ ထိုင်းကို နှိုင်းယှဉ်ကြည့်ရာဝယ်

ထိုင်းလို ပဒေသရာဇ် ပြန်လည်အသက်သွင်းဖို့ တော့ မြန်မာက လုံးဝထည့်သွင်း မစဉ်းစားတော့ပါဘူး (ဓာတ်ပုံ – Reuters)

ထိုင်းနိုင်ငံရဲ့ အနာဂတ်ကတော့ တည်ငြိမ်ပြီး ယုံကြည်စိတ်ချရ တယ်လို့ ကာလကြာကြာကပဲ မှတ်ယူ ထားကြပြီး ဖြစ်ပါတယ်။

၁၉၃၂ ခုနှစ်မှာ အကြွင်းမဲ့ သက်ဦးဆံပိုင် ဘုရင်စနစ်ကို ဖျက်သိမ်းပြီးချိန်ကစလို့ အာဏာသိမ်း ပွဲ ခဏခဏဖြစ်ပြီး မွတ်ဆလင်တွေရှိတဲ့ တောင်ပိုင်း မှာ မငြိမ်သက်မှုတွေ ဆက်လက်ဖြစ်ပေါ်နေပေမယ့် ထိုင်းလူ့အဖွဲ့အစည်းရဲ့ လူမှုရေးနဲ့ရာထူး  ဂုဏ်သိမ် အဆင့်ဆင့် ဝါစဉ်လိုက်စနစ်ကိုတော့ များမကြာမီ ကာလအထိ  ထိန်းသိမ်းလာကြတာပါ။ ပြီးတော့ စီးပွားရေးဖွံ့ဖြိုးမှုကလည်း ထူးထူးခြားခြား တိုးတက်ပြီးသားပါ။

တော်ဝင်ဘုရင့်မိသားစု အနာဂတ်ရေးနဲ့နွယ်တဲ့ ပြဿနာရပ်တွေကိုမှီပြီး ရှပ်နီ၊ ရှပ်ဝါ အုပ်စုတွေနဲ့ စစ်အုပ်စုတွေက ဘယ်လိုပဲဖြစ်ဖြစ်၊ နမူနာယူစရာ ထိုင်းနိုင်ငံမှာ အခုလတ်တလော သက်သေခံနေတဲ့ လက်ရှိ လူမှုရေးနဲ့နိုင်ငံရေး အကြီးအကျယ် ကသောင်းကနင်းဖြစ်မှုဟာ ခုဆို တကယ်ကို စိုးရိမ်မကင်း ဖြစ် စရာပါ။ ဒီမိုကရေစီကို ဘယ်လိုပဲ အဓိပ္ပာယ်ဖွင့်ဖွင့် ထိုင်းရဲ့ နိုင်ငံရေး မျှော်လင့်ချက်တွေဟာ မေးခွန်း ထုတ်စရာပါ။ စစ်ဘက်နဲ့ တော်ဝင်အသိုင်းအဝိုင်းတွေ နဲ့အတူ ပြည်သူလူထုနဲ့ လူလတ်တန်းစား၊ အထက်တန်းစားတွေကြားက ကွာဟချက်တွေဟာ ဆယ်စုနှစ် နီးပါး လမ်းတွေပေါ် မကြာမကြာတက်ပြီး ပွက်လော ရိုက်လာတတ်ပါတယ်။

ထိုင်းနဲ့မတူတဲ့ မြန်မာမှာတော့ နိုင်ငံရေးမျှခြေပဲ ဖြစ်ဖြစ် စီးပွားရေး မျှခြေပဲဖြစ်ဖြစ် အနုတ်လက္ခဏာ ဘက်မှာ ကာလကြာကြာ ရှိနေခဲ့တာပါ။ ရာစုနှစ် တဝက်ကြာ၊ ပြည်တွင်းစီးပွားရေးဖူလုံလိုက်၊ ကျဆင်း လိုက်ဖြစ်မှု၊ စစ်တပ်ကတိုက်ရိုက်ဖြစ်ဖြစ်၊ သွယ်ဝိုက်လို့ ဖြစ်ဖြစ် အာဏာရှင်ဆန်ဆန်အုပ်ချုပ်မှု၊ လူနည်းစုက လက်နက်ကိုင်သောင်းကျန်းမှု၊ စိတ်ထင်ရာစိုင်းပြီး လိုရင်းမရောက်နိုင်တဲ့ အုပ်ချုပ်မှုနဲ့ နိုင်ငံတကာက အဆက်အဆံမလုပ်မှုတွေက အမှီခိုကင်းပြီး ယဉ်ကျေး မှုပေါင်းစုံရှိတဲ့ လူ့အဖွဲ့အစည်းကြီးရဲ့ ဘယ်လိုအင်အား မျိုးကိုပဲဖြစ်ဖြစ် လျော့ပါးသွားစေခဲ့တာပါ။ သူတို့ တနိုင်ငံချင်းစီရဲ့ အနာဂတ်အလားအလာအပေါ် လောင်းကြေး ထပ်ရရင် ထိုင်းဘက်မှာ လုံးဝအလေးသာမှာ ဖြစ်ပါ တယ်။ မြန်မာနဲ့ ဆန့်ကျင်ဘက် အောင်မြင်မှုမျှခြေကတော့ ကိန်းဂဏန်းပိုကြီးမှာပါ။ အဲဒီနှစ်နိုင်ငံဟာ များမကြာမီအထိ ဒီလိုမျိုး ရှိခဲ့ပါတယ်။ သူတို့ရဲ့ဖွံ့ဖြိုး တိုးတက်မှုဟာ အဆပေါင်းများစွာ ပြောင်းလဲသွားပြီ ဖြစ်ပါတယ်။

ထိုင်းနဲ့မြန်မာဖြစ်တဲ့ ဖြစ်ရပ်တွေက ဒီလိုခန့်မှန်း တွက်ဆချက်တွေအပေါ် သတိဝီရိယထားပြီး ပြန်လည်စံကိုက် ချိန်ညှိသင့်တယ်။ အဲဒီလို ပြန်လည်ဆင် ခြင်သုံးသပ်ခြင်းဆိုတာ သမ္မတ ဦးသိန်းစိန် အစိုးရ ၂၀၁၁ ခုနှစ်ကတည်းက အကောင်အထည်ဖော်ဆောင် ရွက်လာတဲ့ အရေးပါပြီး ကျယ်ပြန့်တဲ့ ပြုပြင်ပြောင်း လဲရေးတွေအပေါ်မှာ အလွယ်တကူ အခြေခံတာမျိုး မဟုတ်ပါဘူး။ အပြောင်းအလဲတွေကို ဆက်ပြီး အကောင်အထည်ဖော်နေတာကြောင့် အပြုသဘော ဆောင်တဲ့ အပြောင်းအလဲတွေက အပျက်အစီးမရှိ ဖြစ်ထွန်းတယ်ဆိုပေမယ့် အခြေခံကျတဲ့ပြဿနာတွေ ကတော့ အထူးဂရုစိုက်ဖို့ လိုနေဆဲပါ။ လူနည်းစုတွေ အမုန်းစိတ်ပွား မွတ်စလင်ဆန့်ကျင်ရေး ဇွတ်တရွတ် သမားတွေနဲ့ နွယ်နေတဲ့ ပြဿနာထုကြီးထည်ကြီးတွေ ရယ်၊ ဒီမိုကရေစီ စိတ်ကူးတွေရယ်က ထိုင်းလူ့မလိုင် အသိုင်းအဝိုင်းကြားမှာတော့ နည်းပါးလှပါသေးတယ်။ မြန်မာ့ဒီမိုကရေစီကတော့ ပြီးပြည့်စုံဖို့ ဝေးနေဆဲပါ။

မြန်မာနဲ့ထိုင်းဟာ ဗုဒ္ဓဘာသာ အမွေခံမှုတွေ ရရှိထားပေမယ့် ဒီနှစ်နိုင်ငံရဲ့ လူမှုရေးခြားနားချက် တွေကသာ ပိုပြီး အခြေခံကျပါတယ်။ ဗမာလူမျိုး အများစုရှိတဲ့ မြန်မာ့လူ့အဖွဲ့အစည်းကြီးဟာ လူသား အားလုံး တန်းတူရည်တူ ဝါဒသမားတွေ အတော်များပါတယ်။ လေ့လာသုံးသပ်သူတွေအနေနဲ့တော့ မြန်မာ့ စစ်ဘက်က ဌာနတိုင်းမှာရှိနေတာကို ထိုင်းနဲ့ယှဉ်ပြီး ဝေဖန်နိုင်ပါတယ်။ ဒါဟာလည်း အဲဒီလူ့အဖွဲ့အစည်း မှာ လူမှုရေးရွှေ့လျားမှု လမ်းအသွယ်သွယ်ပေါ် အတိတ်ကလွှမ်းမိုးထားလို့ပါပဲ။ ဒါဟာ ဒေသတွင်း သမိုင်းမှာ ပြိုင်ဘက်ကင်းတဲ့ အခြေအနေတရပ်ပါ။ နှစ်နိုင်ငံစလုံးက အစိုးရတွေကို စစ်ဘက်က ကွပ်ကဲချိန်မှာ ဝန်ကြီးအဖွဲ့ ခန့်ထားမှုတွေကိုလည်း ဒီလို အချက်က ထင်ဟပ်စေပါတယ်။ မြန်မာနိုင်ငံမှာ ဒီလို မျိုး ရာထူးရာခံနေရာ ၉၅ ရာခိုင်နှုန်းအတွက် စစ်ဘက်ကိုပေးချိန်မှာ ထိုင်းနိုင်ငံမှာတော့ ၂၅ ရာခိုင်နှုန်း ပဲ စစ်ဘက်အရာရှိကြီးတွေ ရကြတာဖြစ်ပါတယ်။ ဒါပေမယ့် ဒီနှစ်နိုင်ငံရဲ့ ပဓာနကျတဲ့ ခြားနားချက်က တော့ လူမှုရာထူးအဆင့်ဆင့်မှာ တာဝန်ယူမှုပဲဖြစ်ပါ တယ်။ ထိုင်းနိုင်ငံမှာက အဆင့်ဆင့် ရာထူးဌာနချုပ် ကိုင်မှုက ရှိခဲ့ဖူးသလို အရေးတကြီးလည်း ရှိနေဆဲပါ ပဲ။ ဒီလိုစနစ်တကျ အဆောက်အအုံ ဆိုတာမျိုးက နိုင်ငံရေးအရ ပြုပြင်ခါစပဲ ရှိသေးတယ်လို့ အတိတ် ဆယ်စုနှစ်လောက်က ဖြစ်ရပ်တွေက ဖော်ပြထားပြီး ဖြစ်ပါတယ်။

မြန်မာနဲ့တော့ လုံးဝမတူပါဘူး။ မြန်မာနိုင်ငံမှာ ရှိတဲ့ ဗမာလူမျိုးအများစု နေထိုင်ရာဒေသတွေဟာ ကိုလိုနီလွန်ခေတ် အရှေ့တောင်အာရှ အလှည့်အ ပြောင်း အများဆုံး လူ့အဖွဲ့အစည်းတွေ ဖြစ်ပါတယ်။  သက်ဦးဆံပိုင် ပဒေသရာဇ် ပြန်လည်အသက်သွင်းဖို့ တော့ လွတ်လပ်ရေးရလာတာနဲ့အမျှ လုံးဝထည့်သွင်း မစဉ်းစားတော့ပါဘူး။ ပြီးတော့ သားစဉ်မြေးဆက် ဆက်ခံမယ့် တော်ဝင်အလွှာကလူတွေ ရှိမနေတော့ တာလည်း ပါမှာပါ။ မြန်မာနိုင်ငံမှာရှိတဲ့ အရပ်သားနဲ့ နောက်ပိုင်းစစ်ဘက် လူ့မလိုင်တွေကတော့ ပြည်သူ တွေဆီကနေ အသာစီးရယူပြီး ဖြစ်ပါတယ်။ ပြီးတော့ ဗမာလူမျိုးတွေကြားက လူလတ်တန်းစားတွေကလည်း ထိုင်းနိုင်ငံက လူတန်းစားတွေထက် ပိုပြီး ပြောင်းလဲ လွယ်နိုင်ခဲ့ပါတယ်။ အနှစ် ၅၀ ကာလ ကြာချိန်မှာ ဆိုရှယ်လစ် စီးပွားရေးအရ မြန်မာနိုင်ငံမှာရှိတဲ့ ပုဂ္ဂလိကကဏ္ဍကို ရွံ့မုန်းစရာဖြစ်စေခဲ့ပါတယ်။ လေ့ လာလိုက်ရင် အခြေခံလူတန်းစား ကွဲပြားခြားနားမှု တွေက လတ်တလောအချိန်ထိတော့ ပြဿနာတစုံတရာ မရှိခဲ့ပါဘူး။ ဒါပေမယ့် အချိန်ကြာလာရင် တော့ ပိုမိုဆိုးရွားလာဖွယ်ရာ ရှိပါတယ်။

ထိုင်းနိုင်ငံကတော့ လက်ရှိ ပဋိပက္ခကို ဘယ်ပုံ ဖြေရှင်းမယ်ဆိုတာ ရှင်းရှင်းလင်းလင်း မရှိသေးပါဘူး။ ဒါ့အပြင် ဘုရင်စနစ်ရဲ့ ရှေးအလားအလာဆိုတာ ပြဿနာများစွာတွေထဲက ကိစ္စတရပ်လည်း ဖြစ်ပါ တယ်။ လွန်ခဲ့တဲ့ နှစ်တွေတုန်းကတော့ ခုံပေါ်မှာ ထိုင်နေတဲ့ ထိုင်းဘုရင်မင်းမြတ်က အတူတူပူးပေါင်း လုပ်ဆောင်ကြဖို့ ပြောနေချိန်မှာ အငြင်းပွားနေကြတဲ့ ထိုင်းစစ်ဘက် ခေါင်းဆောင်နှစ်ဦးဟာ ကြမ်းပြင်ပေါ် မှာ ထိုင်နေခဲ့ဖူးတာကြောင့် နိုင်ငံရေးအရ တကျက်ကျက်ဖြစ်နေတဲ့ ပြိုင်ဘက်တွေကို ရှေ့တော်မှောက် ခေါ်သွင်းပြီး စစ်ဆေးဆုံးဖြတ်ပေးနိုင်တဲ့ ပဒေသရာဇ် တယောက်နဲ့ဆို မြန်မာနိုင်ငံက ပိုကောင်းမှာပဲလို့ ရေးသားဖော်ပြလို့ ရနိုင်ခဲ့ပါတယ်။ အဲဒီလိုနေ့ရက် တွေက ထိုင်းနိုင်ငံမှာ ပြီးဆုံးသွားပါပြီ။ ဒါပေမယ့် မြန်မာနိုင်ငံမှာ မရှိတော့တဲ့ အဆင့်ဆင့် အုပ်ချုပ်မှု ဟာ ရေရှည်အကျိုးအမြတ်တခုလည်း ဖြစ်သွားနိုင်ပါ တယ်။ မြန်မာမှာ စစ်ဘက်၊ အရပ်ဘက် မယုံကြည်မှု က ဗမာလူမျိုးတွေကြားမှာ သက်သေခံ ရှိနေပမယ့် ထိုင်းနဲ့နှိုင်းစာလိုက်ရင် လူတန်းစား ကွာဟမှုဟာ အနည်းဆုံးပဲဖြစ်ပါတယ်။

မြန်မာ့လူ့အဖွဲ့အစည်းရဲ့ စစ်ဘက်၊ အရပ်ဘက် ပြန်လည်ပေါင်းစည်း ညီညွတ်ရေး ကြိုးလွန်းဟာ၊ ထိုင်းနိုင်ငံမှာရှိတဲ့ သာတူညီမျှမှုထက် ပိုပြီး အချိန်ပို  လုပ်ရဖွယ်ရှိပြီး အောင်မြင်မှုလည်း ပိုမိုရလွယ်မှာပါ။ သူတို့ပြောကြသလို မြန်မာ့စစ်တပ်ကို “ဒီတူညီဝတ်စုံ ဟာ ပြည်သူဆီကလာတာ၊ ဒီသေနတ်ဟာ ပြည်သူ ဆီကလာတာပါ” လို့ တချိန်က သင်ပေးခဲ့ကြတာပါ။ လက်ရှိ တပ်မတော်ကြီးက သာမန် ပြည်သူလူထု အများစုနဲ့ ကင်းကွာလာတာကြောင့်ရယ် အာဏာဩ ဇာတိက္ကမနဲ့ အခွင့်ထူး ခံစားရမှုအတွက် သူတို့ဆိုလို ရင်း အဲဒီအဆိုအမိန့်ကို မေ့သွားတာ ဖြစ်ချင်ဖြစ်မှာ ပါ။ ဒါပေမယ့် ပိုမိုတင်းကျပ် မာကျောတဲ့ လူတန်းစား အဖွဲ့အစည်းရှိပြီး လူမှုရေးအရ လုံးဝမတူခြားနားတဲ့  ထိုင်းနိုင်ငံမှာထက် (မြန်မာနိုင်ငံမှာ) အသစ်ပေါ်ပေါက် လာတဲ့ အရပ်သား လူ့မလိုင်တွေအနေနဲ့ ပြန်လည် သင့်မြတ်ရေးဟာ လွယ်လွယ်ကူကူ ပိုဖြစ်လာမှာပါ။

မြန်မာနိုင်ငံကတော့ ယဉ်ကျေးမှုအစွဲ အမှတ်မထားပဲ နိုင်ငံတော် ထူထောင်ရေးထဲ ပေါင်းစည်းသွတ်သွင်းရင်း လူနည်းစုတွေနဲ့ တရားနည်းလမ်းကျကျ အကျိုးရှိရှိ ကိုင်တွယ်ဖြေရှင်းကြရမှာပါ။ နောက်ဆိုရင် မြန်မာ့ လူမှုအနာဂတ်ဟာ အမှန်တကယ် တောက်ပ လာမှာပါ။ လေ့လာအကဲခတ်သူတွေ အနေနဲ့လည်း ထိစပ်နေတဲ့ နှစ်နိုင်ငံရဲ့ အလားအလာတွေကို စိတ် ထဲမှာ ရှင်းရှင်းလင်းလင်း သိရအောင် ပါးပါးနပ်နပ် ချင့်ချိန်ဝေဖန်ရမှာပါ။ ရှေ့အနာဂတ်ကို ကြိုတင် မှန်းဆဖို့ဆိုတာ ကျနော်တို့အနေနဲ့ အတိတ်ခြေရာကို ကောက်ထားပြီးလည်း ဖြစ်ရစမြဲပါ။

၂၀၁၄ ခုနှစ် ဖေဖော်ဝါရီလထုတ် The Irrawaddy မဂ္ဂဇင်းပါ ဂျော့ဂ်ျတောင်းတက္ကသိုလ် အာရှလေ့လာရေးပါမောက္ခ David I.Steinberg  ၏ Recalculating Myanmar and Thailand ဆောင်းပါးကို ဆီလျော်အောင် ဘာသာပြန်ဆိုသည်။

ဧရာဝတီ

တိုးရစ်တွေ များလာပေမယ့် Homestay မပေးသေး

အင်းလေးဒေသအနီး လည်ပတ်နေကြသော နိုင်ငံခြားသားခရီးသွားများ (ဓာတ်ပုံ – ဂျေပိုင် / ဧရာဝတီ)

မြန်မာနိုင်ငံတွင် နိုင်ငံခြားသားများကို လူနေအိမ်များတွင် တရားဝင်နေထိုင်ခွင့်ပြုမထားသော်လည်း ဟိုတယ်နှင့် ခရီးသွား လုပ်ငန်းဝန်ကြီးဌာနက သတ်မှတ်ထားသည့် နေရာအချို့၌ နေထိုင်ခွင့် ဆက်လက် ပေးသွားမည်ဖြစ်ကြောင်း အဆိုပါ ၀န်ကြီးဌာန၏ ညွှန်ကြားရေးမှူးချုပ် ဦးအောင်ဇော်ဝင်းက ပြီးခဲ့သည့် အပတ်က ပြောကြားခဲ့သည်။

နေအိမ်များတွင် ငှားရမ်း နေထိုင်ခြင်းသည် အခြားသော အာရှနိုင်ငံများသို့ လာရောက်လည်ပတ်သူများကြားတွင် ခေတ်စား လျှက် ရှိနေပြီး ယခုအချိန်တွင် မြန်မာနိုင်ငံ၌ ရင်ဆိုင်နေရသော ဟိုတယ်အခန်းများ မလုံလောက်မှု ပြဿနာကဲ့သို့သော အခက်အခဲများမှ အနည်းငယ် သက်သာစေနိုင်သော နည်းလမ်းတခုလည်းဖြစ်သည်။

သို့သော်လည်း လက်ရှိ အစိုးရသည် နိုင်ငံခြားသားများကို ပြည်တွင်းဒေသခံများနှင့် အတူ နေထိုင်ခွင့်ပြုရန် သံသယရှိနေဆဲဖြစ်သည်။ ယခင်စစ် အစိုးရလက်ထက်ကထဲက မြန်မာနေအိမ်များတွင် ခွင့်ပြုချက်မရှိဘဲ နိုင်ငံခြားသားများ တည်းခိုခြင်းကို ကန့်သတ်ထားခြင်းအား ပယ်ဖျက်ပေးရန် အစီအစဉ် မရှိသေးကြောင်း အစိုးရတာဝန်ရှိသူများက ပြောကြသည်။

ဖေဖော်ဝါရီလ ၁၈ရက်နေ့က ရန်ကုန်မြို့တွင်ပြုလုပ်ခဲ့သော မြန်မာနိုင်ငံ ဧည့်ဝန်ဆောင်မှုနှင့် ခရီးသွားလုပ်ငန်း ကွန်ဖရန့် တွင် ဟိုတယ်နှင့် ခရီးသွား လုပ်ငန်းဝန်ကြီးဌာနမှ ညွှန်ကြားရေးမှူးချုပ် ဦးအောင်ဇော်ဝင်းက လက်ရှိတည်ဆဲ ဥပဒေ နှင့် ပတ်သက်၍ မျှော်လင့်ချက်များကို ဧရာဝတီသို့ ပြောပြသည်။

“ဥပမာပြောရရင် မြန်မာနိုင်ငံမြောက်ပိုင်း ကချင်ပြည်နယ် ပူတာအိုမှာ ကမ္ဘာလှည့် ခရီးသည်တွေ ရေခဲတောင်တွေဆီကို ရောက်ဖို့ ရက်အများကြီးကြာတယ်။ အဲဒီမှာ ဟိုတယ်တွေမရှိဘူး။ ဒါကြောင့် ကျနော်တို့က သူတို့ကို ဒေသခံ အာဏာပိုင် တွေနဲ့ ပူးပေါင်းပြီး ရွာသားတွေရဲ့ အိမ်တွေမှာ တည်းခိုခွင့် ပေးရမယ်” ဟု သူကပြောသည်။

“နောက်ပြီး တောင်တက် ခရီးကြမ်းတွေ သွားလေ့ရှိတဲ့ ရှမ်းပြည်နယ်ထဲက အင်းလေးကန်နဲ့ ကလောမြို့နယ် အကြားဒေသ မှာလည်း ကျနော်တို့က နိုင်ငံခြားသားတွေကို ဒေသခံတွေရဲ့ အိမ်တွေ၊ ဘုန်းကြီးကျောင်းတွေမှာ တည်းခိုခွင့်ပြုပေးနေပါတယ်” ဟုလည်း ဦးအောင်ဇော်ဝင်း ပြောသည်။

လူနေအိမ်များတွင် တည်းခိုနေထိုင်ခွင့်ပြုပါက ယဉ်ကျေးမှု မတူညီခြင်း နှင့် ဘာသာစကား ကွာခြားမှုများကြောင့် ပြဿနာ များဖြစ်ပွားနိုင်သည်ကို အစိုးရတာဝန်ရှိသူများက စိုးရိမ်ခြင်းဖြစ်သည်ဟု ဦးအောင်ဇော်ဝင်းက ပြောသည်။ သို့သော်လည်း အခြား နည်းလမ်းတခုလည်း ရှိနိုင်သည်ဟု သူကဆိုသည်။

“မလေးရှားနိုင်ငံက နေအိမ်တည်းခိုခွင့် အစီအမံကို ကျနော်လေ့လာခဲ့ပါတယ်။ အဲဒီမှာက မလေးရွာတွေထဲမှာ နိုင်ငံခြားသားတွေအတွက် နေအိမ်သီးသန့်ထားပေးတယ်။ သဘောကတော့ နိုင်ငံခြားသားတွေက ရွာသားတွေရဲ့ အိမ်မှာနေလို့ မရဘူး။ သူတို့ကို ခွဲထားတယ်။ ဒါပေမယ့် ပေးထားတဲ့ အိမ်တွေရဲ့ အပြင်အဆင် အသုံးအဆောင်တွေက ဒေသခံအိမ်တွေနဲ့ အတူတူပါပဲ” ဟု ဦးအောင်ဇော်ဝင်းက ပြောသည်။

ဟိုတယ်နှင့် ခရီးသွား လုပ်ငန်းဝန်ကြီးဌာနက ဒေသဆိုင်ရာ အစိုးရများနှင့် ပူးပေါင်း၍ နိုင်ငံ အနှံအပြားတွင် တည်းခို နေထိုင်ရန် သင့်တော်သောနေရာများ ဆက်လက်ဖန်တီးပေးသွားမည် ဟုလည်း သူကဆိုသည်။

ယဉ်ကျေးမှုဆိုင်ရာ ပြဿနာများအတွက် စိုးရိမ်မှုရှိသော်လည်း ခရီးသွားလုပ်ငန်းဆိုင်ရာ တာဝန်ရှိသူများက ရပ်ရွာအခြေပြု ခရီးသွားလုပ်ငန်း (Community-based tourism) စီမံကိန်းများ ဖွံ့ဖြိုးလာဖို့ မျှော်လင့်နေသည်။ ကျေးလက်ဒေသအချို့တွင် ရပ်ရွာအခြေပြု ခရီးသွားလုပ်ငန်း ဆိုင်ရာ အလုပ်ရုံဆွေးနွေးပွဲများ ပြုလုပ်ရန် စီစဉ်နေသည်။

Myanmar Polestar Travel and Tours မှ မန်နေးဂျင်း ဒါရိုတ်တာ ဦးကျော်မင်းထင်က တည်းခိုနေထိုင်ခွင့်အတွက် အခြား ရွေးချယ်ရန်တခုမှာ အိပ်ယာနှင့် မနက်စာ (B&B) ပေးသည့် စနစ်ဖြစ်ကြောင်း၊ အိမ်ရှင်များအနေနှင့်လည်း အိမ်တွင်း စီးပွားရေး အဖြစ် ခရီးသည်များကို အခန်းငှားရမ်းခြင်း၊ အစားအစာရောင်းချခြင်းများ ပြုလုပ်နိုင်ကြောင်းပြောသည်။

“B&B က နေအိမ်မှာ တည်းခိုနေထိုင်တာနဲ့ မတူပါဘူး။ ဒါက နေရာထိုင်ခင်း စီစဉ်ပေးတာ သက်သက်ပါ။ ဒါကြောင့် မကြာခင် မြန်မာနိုင်ငံမှာ ဖြစ်လာနိုင်ပါတယ်” ဟု သူကပြောသည်။ B&B စနစ်က ဟိုတယ်များမရှိသည့် ကျေးလက် ဒေသများ နှင့် ၀ယ်လိုအားများပြားမှုကြောင့် အခန်းခများ မြင့်တက်နေသည့် ရန်ကုန်တွင်လည်း အလုပ်ဖြစ်လာနိုင်ကြောင်း ဦးကျော်မင်းထင်က ဆက်ပြောသည်။

မြန်မာနိုင်ငံသို့ ကမ္ဘာလှည့်ခရီးသည် ၀င်ရောက်မှုသည် ၂၀၁၃ ခုနှစ်တွင် ၂ သန်း အထိတိုးတက်လာပြီး ယခုနှစ် အတွင်း တွင် ခရီးသည် ၃ သန်းရောက်ရှာလာရန် အစိုးရက စီစဉ်နေသည်။

———————————–
(ဘောက်စတိုရီ)

Homestayနှင့် ရပ်ရွာအခြေပြု ခရီးသွားလုပ်ငန်းက ကောင်းကျိုးများ သယ်ဆောင်လာနိုင်သည်
ဧရာဝတီ

Homestay ဆိုသည်မှာ ဧည့်သည်ကို ဒေသခံ မိသားစုတခု၏ အိမ်တွင် အခန်းငှားရမ်းပြီး အတူနေထိုင်ခွင့်ပြုခြင်း ဖြစ်သည်။ ဒေသခံ ဘာသာစကား စွမ်းရည်တိုးတက်စေရန်၊ ဒေသခံ လူနေမှုဘ၀နှင့် အကျွမ်းတ၀င်ဖြစ်စေရန် ဧည့်သည်က Homestay နေတတ်ကြသည်။ Homestay ကို ကမ္ဘာပေါ်တွင် နေရာအနှံ့မြင်တွေ့နိုင်သော်လည်း ခရီးသွားလုပ်ငန်းကို တိုးတက်စေလိုသည့် နိုင်ငံများတွင် ပို၍ အားပေးတတ်ကြသည်။ Homestay နေထိုင်ခွင့်ပေးသည့် ဒေသခံမိသားစု အတွက် ၀င်ငွေရရှိစေနိုင်သည်။

Homestay သည် ရပ်ရွာအခြေပြု ခရီးသွားလုပ်ငန်း (Community-based tourism) နှင့်လည်း ဆက်စပ်နေသည်။ ရပ်ရွာအခြေပြု ခရီးသွားလုပ်ငန်းသည် ဝေးလံသည့် ကျေးလက်ဒေသများတွင် နေထိုင်သည့် တိုင်းရင်းသားလူမျိုးများ၊ ကျေးလက်ပြည်သူများ အကျိုးဖြစ်ထွန်းစေနိုင်သည့် ခရီးသွားလုပ်ငန်း ပုံစံမျိုးဖြစ်သည်။ မိမိတို့၏ ကျေးရွာတွင် ခရီးသည်များကို တည်းခိုခွင့်ပေးသည့် ကျေးရွာသူကျေးရွာသားများအတွက် အကျိုးအမြတ် ခွဲဝေရရှိနိုင်သည်။

စီးပွားဖြစ် ခရီးသွားလုပ်ငန်းတို့နှင့် ဒေသခံများအကြား ပူးပေါင်းလုပ်ဆောင်ခြင်းမျိုး အပါအ၀င် ရပ်ရွာအခြေပြု ခရီးသွားလုပ်ငန်း ပုံစံအမျိုးမျိုးရှိပါသည်။ သို့သော်လည်း ရပ်ရွာအခြေပြု ခရီးသွားလုပ်ငန်းအားလုံးသည် ဒေသခံပြည်သူများကို အကျိုး အမြတ် သင့်တင့်မျှတစွာ ခွဲဝေပေးသင့်သည်။

ရပ်ရွာအခြေပြု ဂေဟခရီးသွားလုပ်ငန်း (Community-based ecotourism) ဆိုလျှင်လည်း ရပ်ရွာနှင့် ဒေသခံတို့ ဘဝဖွံ့ဖြိုးရေးသာမက အနီးရှိ သဘာဝပတ်ဝန်းကျင်နှင့် သယံဇာတများ ကာကွယ် ထိန်းသိမ်းရေးအတွက်ပါ အထောက်အပံ့ ဖြစ်သည်။

ဥပမာပြရလျှင် ထိုင်းနိုင်ငံမြောက်ပိုင်းတွင် ကမ္ဘာလှည့်ခရီးသည်များကို ကျေးရွာများရှိ အိမ်များတွင် စည်းကမ်းတကျ တည်းခိုစေခြင်း၊ အနီးရှိ တောတောင်များတွင် လမ်းလျှောက်ခြင်း၊ရိုးရာအစားအသောက်များ ချက်ပြုတ်ရာတွင် ပါဝင်လုပ်ကိုင်ခြင်း၊ ဒေသခံများ တင်ဆက်သည့် ရိုးရာအကများကို ကြည့်ရှုခြင်း၊ ငါးဖမ်းထွက်ရာတွင် လိုက်ပါခြင်းနှင့် ဒေသခံ အမျိုးသမီးများ ယက္ကန်းယက်သည့်နေရာ၊ ပန်းပုထုသည့် နေရာများသို့ သွားရောက်လည်ပတ်ခြင်းများ အပါအ၀င်   အတိုင်းအတာ ကျယ်ကျယ်ပြန့်ပြန့် ၀န်ဆောင်ပေးနေသည်။ တည်းခိုနေထိုင်ရာတွင်လည်း ရိုးရာနည်းလမ်းများဖြင့် နေနိုင်အောင် စီစဉ်ပေးထားသည်။ ရရှိလာသောဝင်ငွေကို ဧည့်သည်လက်ခံသူများနှင့် ရပ်ရွာက အချိုးကျခွဲဝေယူပြီး ရပ်ရွာက ရရှိသောငွေကို ကျေးရွာရံပုံငွေအဖြစ်သိမ်းဆီးပြီး ရပ်ရွာဖွံ့ဖြိုးရေးလုပ်ငန်းများတွင် ပြန်လည်ထည့်ဝင် သုံးစွဲသည်။

ယင်းခရီးသွားလုပ်ငန်းများသည် စီးပွားဖြစ်သက်သက်မဟုတ်ဘဲ ရပ်ရွာအသိုင်းအဝိုင်း ဖွံ့ဖြိုးတိုးတက်ရေးနှင့် သဘာဝပတ်ဝန်းကျင် ထိန်းသိမ်းရေးတို့ပါ အကျိုးဖြစ်ထွန်းစေသောကြောင့် လူမှုအကျိုးပြုစီးပွားရေးလုပ်ငန်းများ (Social businesses) ဖြစ်သောကြောင့် အစိုးရများက ဆင်းရဲမွဲတေမှုတိုက်ဖြတ်ရာတွင် ဦးစားပေးထည့်သွင်းကြသည်။ ဒေသခံ ယဉ်ကျေးမှုနှင့် သဘာဝပတ်ဝန်းကျင် သာယာလှပမှုကြောင့် ဧည့်သည်များ လာရောက်လည်ပတ်သည်ကို သဘောပေါက်သဖြင့် ဒေသခံများကလည်း ကိုယ့်ယဉ်ကျေးမှုကို ဖွံ့ဖြိုးလာစေရန်နှင့် သဘာဝပတ်ဝန်းကျင် မပျက်စီးစေရန် ပါဝင်စောင့်ရှောက်ကြသည်။

ဧရာဝတီ

ပိုင်ရှင်မဲ့ မောင်းပြန်သေနတ်တွေ သိမ်းမိတာ စိတ်ဝင်စားစရာ

ပိုင်ရှင်မဲ့ မောင်းပြန် သေနတ်တွေ တွေ့ရှိတဲ့အကြောင်း ရဲတပ်ဖွဲ့ရဲ့ ဖေ့စ်ဘုတ်စာမျက်နှာ ရဲဇာနည် က ဖော်ပြလာပါတယ်။ အခုတလော လက်နက်တိုက် အဖောက်ခံရတာ၊ လက်နက်တွေ ပိုင်ရှင်မဲ့ တွေ့နေ တာတွေ ကတော့ အတော်စိတ်ဝင်စားစရာ ကောင်းပါတယ်။

 ဓာတ်ပုံ- ရဲဇာနည်

ရဲတပ်ဖွဲ့က ဖော်ပြတဲ့ သတင်းကတော့ ....

လက်နက်/ခဲယမ်းများ ပိုင်ရှင်မဲ့သိမ်းဆည်းရမိ
နေပြည်တော်၊ မတ် ၁ ၂၀၁၄ ခုနှစ်၊

ဖေဖော်ဝါရီလ ၂၈ ရက်နေ့ နံနက် ၁၁ နာရီအချိန် စစ်ကိုင်းတိုင်းဒေသကြီး၊ တမူးမြို့၊ မြို့သစ်မြို့နယ်ခွဲ၊ ဗန္ဓုလကျေးရွာနေ ဦးမြင့်ဦး(၃၂)နှစ်မှ တမူး-စေတီသွားကားလမ်း၊ မိုင်တိုင် အမှတ်(၁၃/၀-၁)ကြား၊ တံတား အမှတ် (၁၄/၀)နှင့်(၁၅)ပေခန့်အကွာရှိ အင်းတောအတွင်း သေနတ် ၂ လက်နှင့် ကျောပိုးအိတ် အသေး (၁)လုံးတွေ့ရှိခဲ့ကြောင်း မင်းသာရဲကင်းရဲစခန်းသို့ လာရောက် အကြောင်းကြားချက်အရ မင်းသာ ရဲကင်း ရဲစခန်းမှတပ်ဖွဲ့ဝင်များနှင့် နယ်မြေခံတပ်မှတပ်မတော်သားများပါဝင်သော ပူးပေါင်းအဖွဲ့မှ သက်သေများနှင့်အတူသွားရောက်စစ်ဆေးခဲ့သည်။

ထိုသို့စစ်ဆေးရာ အိန္ဒိယ စာတန်းများပါရှိပြီး ဒင်နံပါတ်မပါ/နံပါတ်များဖျက်ဆီးထားကာ ကျည် (၁၆)
တောင့်စီပါ ကျည်အိမ်များ တပ်ထားသည့် HK-33 သေနတ် ၂ လက်၊ NR တံဆိပ်ပါ နက်ပြာရောင် မိုးကာကျောပိုးအိတ်အတွင်းမှ HK-33 ကျည်အိမ် ၄ ခုနှင့် (၅.၅၆) ကျည် ၂၀၀ တောင့်တို့ အား တွေ့ရှိ သိမ်းဆည်းရမိခဲ့သဖြင့် အဆိုပါ လက်နက်ခဲယမ်းများအား နယ်မြေခံတပ်သို့လွှဲပြောင်းအပ်နှံပေးခဲ့ကြောင်း သတင်းရရှိသည်။

The Irrawaddy

မြန်မာပြည်က အစားအသောက် ဘေးကင်းလုံခြုံမှု မရှိဆုံး နိုင်ငံ

စားသုံးသူကာကွယ်ရေးအသင်းကို စတင်တည်ထောင်သူ ဦးဗအုပ်ခိုင် (ဓာတ်ပုံ – ဂျေပိုင် / ဧရာဝတီ)

စားသုံးသူကာကွယ်ရေးအသင်းကို လွန်ခဲ့သော ၂ နှစ်က စတင်တည်ထောင်ခဲ့သည်။ ကျန်းမာရေးနှင့် မညီညွတ်သော စားသုံးကုန်ပစ္စည်းများနှင့် အဆင့်မမီသော ဆေးဝါးများ ဈေးကွက်အတွင်း ဝင်ရောက်နေမှုကို ကာကွယ်ရန် ရည်မှန်းချက်ထားသည်။ ဆရာဝန်များ၊ ရှေ့နေများ၊ ဓာတုဗေဒပညာရှင်များ ပူးပေါင်းပါဝင်ဖွဲ့စည်းထားသော ရန်ကုန်အခြေစိုက် စေတနာ့ဝန်ထမ်းအဖွဲ့က ပြည်ပမှ သွင်းလာသော ငံပြာရည်များ၊ ကော်ဖီမစ်အထုတ်များ၊ စားသုံးဆီများမှာ ဘေးအန္တရာယ်ရှိကြောင်း ယမန်နှစ်က ကြေညာခဲ့သည်။ အသင်းကို စတင်တည်ထောင်သူ ဦးဗအုပ်ခိုင်က ဧရာဝတီ စီးပွားရေးသတင်းထောက် ကျော်ဆုမွန်ကို ၎င်းတို့ ရင်ဆိုင်နေကြရသည့် ပြဿနာများကို ရှင်းလင်းပြောပြခဲ့သည်။

ဧရာဝတီ ။     ။ ဘာကြောင့် ဒီအဖွဲ့အစည်းကို မြန်မာတွေ လိုအပ်တာလဲ။

ဦးဗအုပ်ခိုင်။     ။ မြန်မာပြည် အခြေအနေက တော်တော်လေး food safety နဲ့ ပတ်သက်လို့ပေါ့ အစားအသောက် ဘေးကင်းလုံခြုံမှု မရှိဆုံးနိုင်ငံပေါ့။ ကင်ဆာဖြစ်နှုန်းကလည်း  မြင့်တက်နေတာ။ နောက် ဆေးအတု၊ အစားအသောက်အတု ဘာညာ၊ Brand အတု၊ ဒီလို အများဆုံးထုတ်တဲ့ တရုတ်နိုင်ငံနဲ့ ဆရာတို့က အိမ်နီးချင်းဖြစ်နေတဲ့အတွက်ကြောင့် ဒီအသင်းက မရှိမဖြစ်ပဲလေ။ တခြားနိုင်ငံမှာဆို အမေရိကန်တို့ ဥရောပတို့ အာဆီယံနိုင်ငံတွေ ဒီမိုကရေစီနိုင်ငံတွေမှာ ဒီလိုအသင်းတွေရှိတယ်။ ဆရာတို့နိုင်ငံမှာ မရှိသေးဘူး။

ဒီအသင်းအနေနဲ့ ကျန်းမာရေးဝန်ကြီးဌာန FDA နဲ့ ဘယ်လိုမျိုးပူးပေါင်းဆောင်ရွက်မှုမျိုးရှိသလဲ။

အခုအချိန်ထိတော့ ပူးပေါင်းဆောင်ရွက်မှုကတော့ တော်တော်လေးမရှိသလောက် နည်းတယ်။ မရှိသလောက် နည်းတယ်ဆိုတာ ဟိုတလောက စားသုံးသူများကွန်ရက်ဆိုပြီးတော့ ၈၈ က စိုးထွန်းတို့က စားသုံးသူလုပ်နေတဲ့အဖွဲ့ကလေးတွေ ပေါင်းစုလုပ်ကြမယ်ဆိုပြီးတော့ ချိတ်ဆက်ဖို့ ကြိုးစားကြတယ်။ အခုလောလောဆယ် အဲ့လိုမျိုးလုပ်ကြတော့ စီးပွား/ကူးသန်းဖိတ်တယ်၊ ဆရာတို့အဖွဲ့တွေ ဖိတ်တယ်၊ FDA ဖိတ်တယ်။ FDA က မတက်ဘူး။ နောက်ပြီး တခါတုန်းက ငပိရည်ကိစ္စနဲ့ ပတ်သက်ပြီးတော့ ဆရာတို့ အဲ့ဒါတွေကို စစ်ဆေးတယ်၊ FDA ကိုတင်တယ်၊ Sample သုံးခု ပေါ့။ ဒါပေမယ့် ဆရာတို့ ရှေ့ဆက်လုပ်ဖို့ရနိုင်တဲ့ တိကျသေချာတဲ့ အဖြေမျိုး ထွက်မလာခဲ့ဘူးပေါ့။ အဲ့လိုမျိုးဆိုတော့ ဆရာတို့အနေနဲ့ နောက်ပိုင်း ကိုယ့်ဘာသာ ဓာတ်ခွဲခန်းတခုလုပ်ဖို့ ကြိုးစားရတော့တာပေါ့။

FDA နဲ့ ပတ်သက်ပြီးတော့ ဆရာတို့တွေနဲ့ နည်းနည်းလေးတော့ ငြိစွန်းတာမျိုးတော့ ရှိဖူးတယ်။ အခု မှတ်ပုံတင်ကျလာပြီးနောက်ပိုင်း မှတ်ပုံတင်ပေးခါနီးမှာ သူတို့က ပြည်ထဲရေးကို ပြန်ကန့်ကွက်တာမျိုး ရှိတာပေါ့။ ဘယ်လို့လဲဆိုတော့ ဆရာတို့က ပညာပေးတာတွေ၊ ဟောပြောပွဲလုပ်တာတွေ၊ စစ်ဆေးတာတွေ၊ ကျောင်းဈေးတွေ စစ်တာကိုတော့ သူတို့က မကန့်ကွက်ဘူးပေါ့။ ဆရာတို့ ပြည်သူက သတင်းပေးလို့ပဲဖြစ်စေ၊ ဆရာတို့ ဈေးကွက်ထဲမှာ စစ်ဆေးတွေ့ရှိလို့ပဲဖြစ်စေ မီဒီယာနေတဆင့် စားသုံးသူကို ကြော်ငြာမယ် သတိပေးမယ်ဆိုရင်တော့ သူတို့ FDA နဲ့ ညှိနှိုင်းဆောင်ရွက်ဖို့ ဆရာတို့ဆီကနေ တောင်းတော့ ဆရာတို့က ပေးလိုက်ပါတယ်။ ဆရာတ်ို့က ပူးပေါင်းဆောင်ရွက်လို့ရရင် ပူးပေါင်းချင်ပါတယ်။ ပူးပေါင်းဆောင်ရွက်လို့ ရတာတွေကိုလည်း ပူးပေါင်း ဆောင်ရွက်သွားမှာပါ။ ပူးပေါင်းဆောင်ရွက်လို့ မရတာတွေကိုတော့ ကိုယ့်ဘာသာ သီးခြားဆောင်ရွက်သွား မှာပါ။

လက်ရှိ ထိုင်းက၀င်လာတဲ့ ငံပြာရည်တံဆိပ်တွေနဲ့ ပတ်သက်ပြီးတော့ရော ဘယ်လိုမျိုးတွေ့ရှိရသလဲရှင့်။ အဲ့ဒီအကြောင်းလေးလည်း ပိုပြီးတော့ ပြည့်ပြည့်စုံစုံ ပြောပြပေးပါဦး။

ဒီငံပြာရည်ကတော့ ယိုးဒယားကနေလုပ်တဲ့ ငံပြည်ရည်ပေါ့။ မြ၀တီကုန်သည်တွေကနေပြီးတော့ ဒီမင်္ဂလာဈေးကို သွင်းတာပေါ့။ မင်္ဂလာဈေးကနေမှ ပြန်ပြီးတော့ဖြန့်တော့ ၀ယ်လာတဲ့ လက်လီဖြန့်တဲ့ ကုမ္ပဏီတခုက မင်္ဂလာဈေးကနေ ယူလာပြီးတော့ သူတို့က အဲ့ဒီမှာ ဒါကိုတွေ့လို့ အကြောင်းကြားတာပေါ့။ စုံစမ်းလိုက်တဲ့အခါကျတော့၊ ကြေလည်းကြေညာလိုက်တဲ့အခါကျတော့ အခုဈေးကွက်ထဲမှာ ပြန်ပြီးပျောက်သွားတာကို တွေ့ရတယ်။ သူတို့ပြောပုံအရဆိုရင်တော့ သူတို့ပါလာတဲ့ အတုတွေကို သူတို့ကုန်သည်တွေကို ပြန်ပြီးတော့ ပေးလိုက်တဲ့သဘောပေါ့။ ခင်ဗျားတို့ဟာ မယူတော့ဘူး ဆိုပြီး ပိုက်ဆံပြန်ပေးတယ်၊ အဲဒါတွေကို မြ၀တီကို ပြန်သယ်သွားကြတယ်။ တချို့ကကျတော့လည်း မော်လမြိုင်တို့ ဘာတို့မှာ ဒီက သတင်းမပြန့်သေးခင်မှာ ရောင်းလိုက်တာမျိုးလည်း ရှိတယ်ပေါ့။ မသမာတဲ့ ကုန်သည်တွေပေါ့။ ဒါကတော့ ကြည့်ရတာ ယိုးဒယားကလာတာ သိပ်မဟုတ်ဘူးဗျ။ နယ်စပ်ကနေ အတုလုပ်ပြီး သွင်းတဲ့သဘော အကဲခတ်လို့ရတယ်ပေါ့။

အတုဆိုတာက ခဏထားလိုက်တော့ အစစ်ကိုယ်၌ကိုယ်ကလည်း ကျန်းမာရေးနဲ့ မညီညွတ်ဘူး။ အစစ်ကိုယ်၌ ကိုယ်ကလည်း ထိုင်းနိုင်ငံမှာထုတ်လုပ်တဲ့ ငံပြာရည်ရဲ့ ၅၀ ရာခိုင်နှုန်းလောက်ဟာ ကျန်းမာရေးနဲ့ မညီညွတ် ဘူးလို့ ထိုင်း ဆေးသုတေသနဌာနက ကြေငြာထားတယ်။ မြန်မာနိုင်ငံမှာလည်း အသုံးများတဲ့ တံဆိပ်လေးခုပါတယ်။ စားသုံးလို့မသင့်ဘူးဆိုတာ ဒီတံဆိပ်လည်း ပါပါတယ်။ နိုက်ထရိုဂျင်နဲ့ဆက်စပ်တဲ့ အက်စစ်ပါဝင်မှုနှုန်းမြင့်တယ်လို့ သူတို့ပြောတယ်။ ဘာဖြစ်နိုင်လဲဆိုတော့ လေဖြတ်လေငန်းရောဂါနဲ့၊ ကိုယ်တခြမ်းသေတာတို့ ဖြစ်နိုင်တယ် ပေါ့။  အာရုံကြောထိခိုက်တာတို့ အယ်ဇိုင်းမန်း လိုရောဂါမျိုး အဲ့လိုမျိုးဖြစ်တတ်တယ်ပေါ့။

အခုစစ်ဆေးခဲ့တဲ့ တွေ့ရှိခဲ့တဲ့ ပစ္စည်းတွေမှာ မြန်မာပြည်မှာ အများဆုံးဖြစ်နေတဲ့ ကျန်းမာရေးနဲ့ မညီညွတ်တဲ့ အစားအသောက်အများစုက ဘယ်လိုဓာတ်တွေပါဝင်ပြီးတော့ ဘယ်လိုမျိုး ကျန်းမာရေး ထိခိုက်မှုကို အများဆုံးပေးနိုင်သလဲ။

ပြောရမယ်ဆိုရင်တော့ အများကြီးပေါ့။ တခုချင်းပြောရမယ်ဆိုရင်တော့ နေ့စဉ်စားသုံးနေတဲ့ မီးဖိုချောင်သုံး ဟင်းသီးဟင်းရွက်ကအစ ပိုးသတ်ဆေးတွေ အလွန်အကျွံ သုံးစွဲထားတာတွေ၊ ပိုးသတ်ဆေး သုံးပြီးလို့ရှိရင် ပိုးသတ်ဆေးဓာတ်ပြိုကွဲချိန်ထိ မစောင့်ပဲနဲ့ ဥပမာ တချို့ ပိုးသတ်ဆေးအပြင်းစားတွေဆိုရင် သုံးပတ်နေမှ ဓာတ်ပြိုကွဲတယ်။ အဲလို မစောင့်ပဲနဲ့ နှစ်ရက်သုံးရက်ပဲ စောင့်ပြီး ဈေးကွက်ထဲသို့ ဖြန့်တာတွေ။ ဒီမှာ စားနေတာ တခါတလေ ပိုးသတ်ဆေးနံလို့ စားလို့တောင် မရဘူး။ အဲဒါတွေကတော့ နေ့စဉ် တကယ့်ကို အန္တရာယ်ကြီးမားတယ်။

ကော်ဖီမစ်က  လူတိုင်း နေ့စဉ်မသောက်ဘူး။ ငပိရည်မှာလည်း လူတိုင်းနေ့စဉ် စားချင်မှစားမယ်။ အခု ဆီတို့ ဟင်းသီးဟင်းရွက်တို့ဆိုတာ လူတိုင်းနေ့စဉ်စားသုံးနေတာ။ ဆီနဲ့ပတ်သက်လို့လည်း ပြဿနာအများကြီးရှိတာပဲ။ ကလေးတွေအတွက်ကတော့ ပြည်ပက ထုတ်တာပိုများတယ်လို့ ပြောရမှာပေါ့။ ကျောင်းမုန့်ဈေးတန်းတွေကို လိုက်စစ်တဲ့အခါကျတော့ အကုန်လုံးက တရုတ်မုန့်တွေပဲ ဖုံးလွှမ်းနေတာ။ ရှေ့နှစ်ဆိုရင် အဲဒါတွေကို အပြတ်ဖြတ်ဖို့ စီမံချက်ဆွဲထားတယ်။

တရုတ်နိုင်ငံအနေနဲ့ မြန်မာနိုင်ငံအပေါ်မှာ အစားအသောက်နဲ့ ပတ်သက်ပြီး ပေးတဲ့ဒုက္ခလည်း တော်တော်ကြီးကို ကြီးတယ်လို့ ပြောကြတယ်။ ဒီအပေါ်မှာကျရော အမြင်ဘယ်လိုရှိပါသလဲရှင့်။

သူတို့လူမျိုးတွေက ဘယ်လိုလည်းဆိုတော့ ဘယ်လိုခေါ်မလဲ ပိုက်ဆံရမယ်ဆိုရင် ဘာမဆို လုပ်မယ့်လူမျိုး၊ သိပ် စီးပွားရေးဆန်တယ်။ ပထမတုန်းကတော့ ဒီကိုပဲ အငြိုးကြီးကြီးနဲ့ ပို့နေသလားပေါ့။  သူတို့နိုင်ငံမှာလည်းလုပ်တာပဲ။ သူတို့အစိုးရကလည်းထိန်းတာပဲ။ သေဒဏ်တွေချ၊ တသက်တကျွန်းတွေ ချ၊ အဲ့ဒီကြားထဲကလည်း သူတို့လုပ်နေတာပဲ။ သူတို့နိုင်ငံမှာကိုက ၀ိသမ လောဘသား စီးပွားရေး သမားများမယ်။ အဲလိုပြောတော့ နည်းနည်းတော့ လူမျိုးရေးဆန်သွားတာပေါ့။ ဒါပေမယ့် ဘယ်နိုင်ငံမှာမဆို ဝိသမလောဘသားတွေက ရှိတယ်ပေါ့။ ဆရာတို့ ဗမာလူမျိုးတွေထဲမှာလည်း ရှိတာပဲ။ ဗမာလူမျိုးတွေထဲမှာ ၀ိသမလောဘနဲ့ ဘယ်သူသေသေ ငတေမာရင် ပြီးတာပဲဆိုပြီး ထုတ်တာတွေလည်းရှိတာပဲ။  သူတို့ဆီမှာတော့ သူတို့က စီးပွားရေးသမားများတဲ့နိုင်ငံဆိုတော့ ပိုဆိုးတာပေါ့။

နိုင်ငံခြားဧည့်သည်တွေလည်း အများကြီး ၀င်လာကြပြီ။ နောက်ပြီး လာမယ့် ၂၀၁၅ ဆိုလို့ရှိရင်လည်း အာဆီယံအသိုင်းအ၀ိုင်းတွေလည်းလာတော့မယ် ဆိုတော့ ဘယ်လိုမျိုး အခက်အခဲတွေ  စိန်ခေါ်မှုတွေ ရင်ဆိုင်ရမယ်ထင်သလဲရှင့်။

ရှက်မယ်ဆိုရင်တော့ ဒါက ရှက်စရာပေါ့။ ဒါက အစိုးရအနေနဲ့ ပြင်ဆင်ရမယ့် အချက်တွေပဲ။ ဟိုတလောကလည်း စင်ကာပူက ကျောင်းသားတွေ အစာအဆိပ်ဖြစ်ခဲ့ကြတာ၊ ဒါတွေကတော့ မဖြစ်သင့်တဲ့ကိစ္စ၊ ရှက်စရာကောင်းတဲ့ကိစ္စတွေပေါ့။ ဆရာတို့ အနေနဲ့ကတော့ အစိုးရအနေနဲ့ ဒီကိစ္စကို အလေးအနက်ထားဖို့ ဆရာတို့က တောင်းဆိုတာပေါ့။  ဥပမာ တရုတ်နိုင်ငံဆိုလို့ရှိရင် အစားအသောက်နဲ့ ပတ်သက်ရင် ပြင်းပြင်းထန်ထန် အရေးယူတာတွေရှိတယ်။ သေဒဏ်တွေ၊ တသက်တကျွန်းတွေ၊ ထောင်ဒဏ် ၁၀ နှစ်၊ အနှစ် ၂၀ ပေါ့။ ဒီမှာ ဆီတွေ လုံးဝ အန္တရာယ်ရှိတဲ့ ဆီတွေ ၀င်တာကြားတယ်။ တခါမှ  သွင်းလာတဲ့လူကို အရေးယူတယ်၊ ထောင်ချတယ်၊ ဖမ်းဆီးတယ်လို့ ဘာမှမရှိဘူး။ ဥပဒေတွေမှာလည်း အားနည်းတယ်။ ဆရာတို့ကတော့ အဲဒါတွေကို ထောက်ပြတယ်။ လွှတ်တော်ကိုလည်း တင်တယ်။ ဒီဥပဒေတွေကိုတော့ ပြင်ပေးဖို့ ကိုယ်တိုင်လည်း ဥပဒေသမားဖြစ်တဲ့အတွက် ဥပဒေရှိစေချင်တယ်။ဒါပေမယ့် သူတို့ဘက်က  ဘာမှ အက်ရှင်ယူတာမတွေ့ဘူး၊ ဒါကတော့ ၀မ်းနည်းစရာပေါ့။

ဧရာဝတီ

ဟောင်ကောင်အလုပ်ချိန်သတ်မှတ်မှု မြန်မာအိမ်အကူများ အဆင်မပြေ

ဟောင်ကောင်သို့ ပထမဆုံးအဖြစ် အိမ်ဖော်လုပ်ငန်းအတွက် သွားရောက်သည့် အလုပ်သမများ

ဟောင်ကောင်မှ အလုပ်ချိန်သည် မြန်မာအိမ်အကူလုပ်သားများနှင့် ကိုက်ညီမှုမရှိ၍ လုပ်သားအခွင့်အရေးချိုးဖောက်မှုပုံစံမျိုး ဖြစ်နေကြောင်း ပြည်ပအလုပ်အကိုင်အေဂျင်စီ အသင်းချုပ် ဥက္ကဋ္ဌ ဦးမင်းလှိုင်ကပြောသည်။

ဟောင်ကောင်နိုင်ငံမှ မြန်မာအိမ်ဖော်လုပ်သား ခေါ်ယူကမ်းလှမ်းချက်တွင် အလုပ်ရှင်က လုပ်သားများကို တစ်နေ့လျှင် အလုပ်ချိန် ရှစ်နာရီဟု သတ်မှတ်ထားသော်လည်း အများစုမှာ ညဥ့်နက်သည်အထိ လုပ်ကိုင်ရမည်ဖြစ်၍ မြန်မာလုပ်သားများ နှင့် ကိုက်ညီမှုမရှိဟုဆိုသည်။

ထို့အပြင်လုပ်သားအနေဖြင့် ထပ်မံလျှောက်ထားချိန်တွင် ဟောင်ကောင်နိုင်ငံမှ ခေတ္တ အထွက်ပြရမည်ဖြစ်သည်။ ထို့သို့ အထွက်ပြရန် ဟောင်ကောင်၏ အိမ်နီးချင်းနိုင်ငံမှာ တရုတ်နိုင်ငံဖြစ်၍ လူကုန်ကူးခံရမှုများဖြစ်လာနိုင်ကြောင်း သတင်းရရှိသည်။

ထို့ကြောင့် ယင်းအချက်တို့အပေါ် မြန်မာအေဂျင်စီအသင်းချုပ်က ကန့်ကွက်လျက်ရှိပြီး ဟောင်ကောင်ရှိ မည်သည့် အေဂျင်စီကိုမှ MOU လက်မှတ်ရေးထိုးထားခြင်းမရှိဘဲ ဆွေးနွေးညှိနှိုင်းလျက်သာရှိကြောင်း သတင်းရရှိသည်။ ထို့အပြင် ဟောင်ကောင်နိုင်ငံတွင် အေဂျင်စီအဖွဲ့အစည်းအများအပြားရှိပြီး မြန်မာအေဂျင်စီအသင်းချုပ်ထံ အဖွဲ့လေးဖွဲ့လာရောက်တွေ့ဆုံခဲ့သည်။

‘‘ကျွန်တော်တို့ သူတို့နဲ့ ဆွေးနွေးစရာတွေရှိသေးတဲ့အတွက် MOU မထိုးသေးဘူး။ တချို့ အချက်တွေမှာ မြန်မာလုပ်သားတွေအတွက် အကာအကွယ်မဲ့သလိုဖြစ်နေတယ်။ သူတို့က အလုပ်ချိန် ရှစ်နာရီဆိုပေမယ့် အိမ်ရှင်တွေက အလုပ်သွားတဲ့အချိန် ထည့်မတွက်ဘူး။ သူတို့အိမ်ပြန်လာတဲ့ချိန်ကျမှ စတွက်တာ။ သူတို့ပြန်လာတာ ညဘက်ကြီးဖြစ်နေရင် အလုပ်သမားက ည ၁၂ နာရီ၊ ၁ နာရီထိဖြစ်သွားမှာ’’ဟု ဥက္ကဋ္ဌ ဦးမင်းလှိုင်ကပြောသည်။

မြန်မာအေဂျင်စီအသင်းချုပ်အနေဖြင့် ဟောင်ကောင်သို့ မြန်မာအိမ်အကူလုပ်သားစေလွှတ်ရန် နှစ်နိုင်ငံသဘောတူစာ ချုပ်(MOU)မထိုးမီ  ဟောင်ကောင်မှ အလုပ်သမားဥပဒေများကို လေ့လာပြီးမှသာ တိတိကျကျ စာချုပ်ချုပ်ဆိုသွားရန်ရှိကြောင်း ၎င်းကဆက်လက်ပြောသည်။

လက်ရှိမြန်မာအစိုးရက ဟောင်ကောင်အေဂျင့်တစ်ခု ခွင့်ပြုထားပြီး ယင်းအေဂျင်စီက ဖေဖော်ဝါရီ ၂၃ရက်က မြန်မာအိမ်အကူအလုပ်သမား ခြောက်ဦးကို စတင်ပို့ခဲ့သည်။ ယင်းအေဂျင်စီကို ခွင့်ပြုပြီး နောက်ပိုင်း နှစ်နိုင်ငံ အေဂျင်စီအချင်းချင်း တိကျခိုင်မာသော စာချုပ်ချုပ်ဆို၍ လုပ်သားများကို စေလွှတ်နိုင်ကြောင်း သတင်းရရှိသည်။

Author: အေးမြတ်သူ
7day Daily

ဆရာဝန်နားကြပ်တွေဟာ ရောဂါပိုးမွှား ပြန့်ပွားရာ အဓိက တစ်ချက်ဖြစ်


ဆရာဝန်နားကြပ်တွေဟာ ရောဂါပိုးမွှား ပြန့်ပွားရာ အကြောင်းရင်းတွေထဲက အဓိက တစ်ချက်ဖြစ်တာကြောင့် ဆရာဝန်တွေဟာ လူနာတွေကို စမ်းသပ်ပြီးတိုင်း  ဆရာဝန်နားကြပ်ကို သန့်ရှင်းရေး လုပ်သင့်ပါတယ်။ ဒေါက်တာ Didier Pittet ဦးဆောင်ခဲ့တဲ့ အုပ်စုဟာ လူနာနဲ့ထိတွေ့စမ်းသပ်ပြီးသွားတဲ့ ဆရာဝန်တွေရဲ့ လက်တွေနဲ့ ဆရာဝန်နားကြပ်တွေပေါ်က ရောဂါပိုးမွှား ပမာဏကို တိုင်းတာလေ့လာခဲ့ကြပါတယ်။

ဒီလေ့လာမှုမှာ ဒေါက်တာတစ်ယောက်ဟာ လူနာ ၇၁ယောက်ကို လက်အိတ်နဲ့တကွ ပိုးသတ်ထားတဲ့ ဆရာဝန်နားကြပ်နဲ့ စမ်းသပ်ခဲ့ပါတယ်။ လူ့ခန္ဓာကိုယ် အတွင်းပိုင်းအသံတွေကို နားထောင်ဖို့အတွက် စမ်းသပ်လိုက်တဲ့အခါ အရေပြားပေါ်က ဘက်တီးရီးယားတွေဟာ ဆရာဝန်နားကြပ်မှာ ကပ်ပါလာပါတယ်။ ဆရာဝန်နားကြပ်ပေါ်က ဘက်တီးရီးယားတွေ အပြင် ဆရာဝန်ရဲ့ လက်၊ လက်ချောင်းထိပ်နဲ့ လက်ဖ၀ါးနေရာတွေက ဘက်တီးရီးယားတွေရဲ့ ပမာဏကို သုတေသီတွေဟာ တိုင်းတာ စစ်ဆေးခဲ့ကြပါတယ်။ လက်ချောင်းထိပ်တွေကလွဲရင် ဆရာဝန်နားကြပ်ပေါ်က ချည်အလွှာပါးဟာ မသန့်ဆုံးပါပဲ။  ဆရာဝန်နားကြပ်ရဲ့ ပြွန်ချောင်းဟာလည်း ဆရာဝန်ရဲ့ လက်ဖမိုးထက်ကို ရောဂါပိုးမွှားပိုရှိနေတာကို သုတေသီတွေက ရှာဖွေတွေ့ရှိခဲ့ကြပါတယ်။

MRSA ပမာဏကို တိုင်းတာ လေ့လာကြည့်တော့ ဆရာဝန်လက်နဲ့ ဆရာဝန်နားကြပ်နှစ်ခုစလုံးမှာ ရောဂါပိုးမွှားပမာဏ အလားတူများတွေတာကို သုတေသီတွေက ရှာဖွေတွေ့ရှိခဲ့ကြပါတယ်။

Ref:thealmagest.com
Trend Myanmar

တစ်မြို့လုံးကို တစ်ခုမကျန် ပြန်ဆွဲ ပြနိုင်တဲ့ Stephen Wiltshire


Stephen Wiltshire ဆိုတာ အမေရိကန်က လူမည်း လူငယ် တစ်ဦး ဖြစ်ပြီး သူ့ရဲ့ ထူးခြားချက်က ပန်းချီးပညာ ပဲ ဖြစ်ပါတယ်။ နယူးယောက် မြို့ကို မိနစ် ၂၀ နဲ့ တစ်ပတ်ပတ်ပြီး အောက်ပြန်ဆင်းတဲ့အခါ မြို့ ပန်းချီကား ပြားချပ်ကျယ်ကို ဘယ်အစိတ်အပိုင်းမှ မကျန်အောင် ပြန်ဆွဲတတ် ပါတယ်။ ခဲပန်းချီ ဖြစ်ပါတယ်။

မြို့ရဲ့ အထင်ကရ အစိတ်အပိုင်းတွေ၊ တိုက်တွေကော သူ့နေရာနဲ့ မလွဲ ဓာတ်ပုံ ရိုက်ထားတဲ့အလား နေရာ ကျအောင် ဆွဲနိုင်ခြင်း ဖြစ်ပါတယ်။ ဒီအတွက် သူ့က နားမှာ နားကြပ်တပ်ထား ပါတယ်။ သီချင်းအမြဲ ဖွင့်ထားပြီး သူဆွဲမယ့် မြိုကနေရာကို ပတ်ကြည့်တုန်း သီချင်း နားထောင်သလို ပန်းချီဆွဲ တဲ့ အခါကျရင်လည်း သီချင်း ဖွင့်ထား ပါတယ်။ ဒါနဲ့ သူဟာ ခဲပန်းချီကို အကောင်းဆုံး ရေးဆွဲ နိုင်ခြင်း ဖြစ်ပါတယ်။ သူ့သက်တမ်း တစ်လျှောက်မှာ ရောမ၊ ဂျေရုစလင်၊ တိုကျို၊ ဒူဘိုင်း၊ မက်ဒရစ်၊ လန်ဒန်၊ ဟောင်ကောင် အစရှိတဲ့ မြို့များကိုလည်း ဆွဲပြီး သွားပြီ ဖြစ်ပါတယ်။

၂၀၀၆ ခုနှစ်က ဗြိတိန် တော်ဝင်မိသားစုက ပေးအပ်တဲ့ အနုပညာ ဆုကိုလည်း ရရှိခဲ့ ပါတယ်။ လန်ဒန်မှာလည်း ဗြိတိန် အစိုးရ ကိုယ်တိုင် ဖွင့်လှစ်ခွင့် ပေးထားတဲ့ Royal Opera Arcade မှာ သူ့ရဲ့ လက်ရာ များကို ခင်းကျင်း ပြသ ထားကြောင်း သိရ ပါတယ်။ သူ့ရဲ့ ပန်းချီဆွဲပုံ အဆင့်ဆင့်ကို အောက်ပါ လခ့်မှာ ဝင်ရောက် ကြည့်ရှု နိုင်ပါ သေးတယ်။

http://www.dailymail.co.uk/news/article-1223790/Autistic-artist-draws-18ft-picture-New-York-skyline-memory.html

အောင်ခမ်း (ရိုးရာလေး)

အသက် ၂၁ နှစ်အရွယ် ရီးယဲလ်မက်ဒရစ်လူငယ်တိုက်စစ်မှူး အယ်ဗာရို မိုရာတာ ကို ခေါ်ယူဖို့  စိတ်ဝင်စားနေတဲ့ အာစင်ဝင်းဂါး


အာဆင်နယ်အသင်း မန်နေဂျာ အာစင်ဝင်းဂါးဟာ ရီးယဲလ်မက်ဒရစ် အသင်းရဲ့ လူငယ်တိုက်စစ်မှူး အယ်ဗာရို မိုရာတာကို နွေရာသီမှာ ခေါ်ယူဖို့ ပြန်လည်စိတ်ဝင်စားနေကြောင်း သိရှိရပါတယ်။

ဇန်န၀ါရီလ တုန်းက မိုရာတာ ကို အဌားနဲ့ ခေါ်ယူဖို့ ဝင်းဂါး တစ်ယောက်ကြိုးစားခဲ့သေးပေမယ့် ရီးယဲလ် အသင်းက အသက် ၂၁ နှစ်အရွယ် ကစားသမားကို သွားခွင့်မပြုခဲ့ပါဘူး။

မိုရာတာ ကလည်း ရာသီကုန်မှာ အာဆင်နယ်အသင်းကို အပြီးပြောင်းရွှေ့ ဖို့ စိတ်အားထက်သန်နေပြီး ၀င်းဂါး ကလည်း ခေါ်ယူဖို့ အသင့်ပဲလို့ ဆိုပါတယ်။ စပိန်လူငယ်ကစားသမားဟာ ရီးယဲလ် အသင်းအတွက် ၃၉ ပွဲ ပါဝင်ကစားခဲ့ပြီး ငါးဂိုးသွင်းယူပေးခဲ့ပါတယ်။ ဘာနေဗျူးမှာ သူ့ အတွက် အခွင့်အရေးနည်းပါးနေတဲ့ အတွက် စပိန် အသင်းမှာ ပါဝင်ကစားရဖို့ အာဆင်နယ်ကို ပြောင်းရွှေ့ ချင်နေတာဖြစ်တယ်လို့ သိရှိရပါတယ်။

စပိန် ယူ-၂၁ အသင်းနဲ့ ရရှိခဲ့တဲ့ မိုရာတာ ရဲ့ စံချိန်ကတော့ အာဆင်နယ်ပရိသတ်တွေ အထင်ကြီးလောက်စရာ ပါပဲ။ စပိန် ယူ-၂၁ နဲ့ ၁၁ ပွဲကစားခဲ့ရာမှာ ၁၂ ဂိုးအထိ သွင်းယူထားနိုင်သူပါ။ ရီးယဲလ်မက်ဒရစ်အသင်းအနေနဲ့  မိုရာတာ အတွက် ပေါင် ၁၅ သန်းဝန်းကျင် တောင်းဆိုသွားဖွယ်ရှိတယ်လို့ သိရှိရပါတယ်။

ဝင်းဂါးဟာ ရှော်ကေးကြယ်ပွင့် ဂျူလီယန် ဒရက်စလာ ကို ခေါ်ယူဖို့ ဆက်ကြိုးစားသွားမှာဖြစ်ပြီး လာမယ့်နွေရာသီ ဈေးကွက်မှာ ရှေ့ တန်းကစားသမား အနည်းဆုံး နှစ်ယောက် ခေါ်ယူသွားဖွယ်ရှိတယ်လို့  ဆိုပါတယ်။

Ref: telegraph.co.uk
Trend Myanmar

ယူကရိန်း ပြဿနာတွင် ရုရှားကို စောင့်ကြည့်နေမည်ဟု အမေရိကန်သတိပေး


ဝါရှင်တန်၊ ဖေဖော်ဝါရီ ၂၈

ယူကရိန်းနိုင်ငံတွင် ဖြစ်ပေါ်နေသည့် အခြေအနေ အရပ်ရပ်နှင့် ပတ်သက်၍ ပြည်ပနိုင်ငံများ အနေနှင့် ဘက်လိုက်မှု သို့မဟုတ် ရန်စပြုမူမှုများ မပြုလုပ်ကြရန် အမေရိကန် ပြည်ထောင်စုက တိုက်တွန်း ပြောဆိုလိုက်ပြီး အထူးသဖြင့် ရုရှားနိုင်ငံ၏ အပြုအမူများကို အနီးကပ် စောင့်ကြည့်လျက် ရှိသည်ဟု သတိပေးလိုက်ကြောင်း BBC သတင်းဌာနက ရေးသားဖော်ပြသည်။

ယူကရိန်းတွင် ဖြစ်ပေါ်လျက်ရှိသည့် နိုင်ငံရေး အလှုပ်အရမ်းများနှင့် တင်းမာမှုများမှာ အန္တရာယ် ကြီးမားသည့် အနေအထားသို့ ရောက်ရှိနေသည်ဖြစ်ရာ ပြည်ပနိုင်ငံများ အနေနှင့် ရန်စပြုမူသည့် လုပ်ရပ်များနှင့် ပြဿနာ ဖြစ်စေမည့် လုပ်ရပ်များကို ရှောင်ရှားကြရန် အမေရိကန် နိုင်ငံခြားရေးဝန်ကြီး ဂျွန်ကယ်ရီက ပြောကြားသည်။

ဂျွန်ကယ်ရီက မိမိအနေနှင့် ရုရှား နိုင်ငံခြားရေးဝန်ကြီး ဆာဂျီလာရော့ဗ်နှင့် စကားပြောဆိုခဲ့ပြီး ဖြစ်ကြောင်း၊ ၎င်းက ယူကရိန်း၏ ပိုင်နက် နယ်နိမိတ်ကို ရုရှားဘက်က အသိအမှတ်ပြု လေးစားလိုက်နာပါမည်ဟု ကတိပေးခဲ့ကြောင်း ပြောကြားသည်။

သို့သော် ရုရှားအစိုးရ အနေနှင့် အပြောနှင့် အလုပ်ထပ်တူ ထပ်မျှဖြစ်ရန် လိုအပ်သည်ဟု ဂျွန်ကယ်ရီက ပြောကြားသည်။

ယမန်နေ့ အစောပိုင်းက ယူကရိန်း နယ်စပ်ဒေသ၌ ရုရှားစစ်တပ်က စစ်ရေးလေ့ကျင့်မှု ပြုလုပ်နေစဉ် ယူကရိန်းနိုင်ငံပိုင် ကရိုင်းမီးယားဒေသရှိ ပါလီမန် လွှတ်တော်ထဲသို့ ရုရှားလိုလားသော လက်နက်ကိုင်များ ဝင်ရောက် စီးနင်းမှု ဖြစ်ပေါ်ခဲ့သည်။

အဆိုပါ အခြေအနေများနှင့် ပတ်သက်၍ အမေရိကန် နိုင်ငံခြားရေးဝန်ကြီး ဂျွန်ကယ်ရီက ရုရှား နိုင်ငံခြားရေးဝန်ကြီး ဆာဂျီလာရော့ဗ်နှင့် တယ်လီဖုန်းဖြင့် ဆက်သွယ် စကားပြောဆိုခဲ့ရာတွင် ယူကရိန်း ညီညွတ်ရေး၊ လုံခြုံရေးနှင့် စီးပွားရေး ကောင်းမွန်ရေးအတွက် ပြန်လည် တည်ဆောက်ရာတွင် ရုရှားအနေနှင့် ထောက်ပံ့မှု ပြုလုပ်ပေးရန် ဂျွန်ကယ်ရီက ပြောဆိုခဲ့သည်။

ယူကရိန်းနိုင်ငံ ကရိုင်းမီးယားရှိ ပါလီမန်သို့ ရုရှားလိုလားသော လက်နက်ကိုင်များ ဝင်ရောက် စီးနင်းမှုနှင့် နယ်စပ်ဒေသ၌ ရုရှားစစ်ရေး လေ့ကျင့်မှု ပြုလုပ်ချိန်တို့ တိုက်ဆိုင်ခဲ့သော်လည်း ယင်းစစ်ရေး လေ့ကျင့်မှုသည် ယူကရိန်းနိုင်ငံတွင်း ဖြစ်ရပ်များနှင့် ဆက်စပ်ပတ်သက်မှု မရှိဟု သမ္မတပူတင်က အမှာစကား ပြောဆိုခဲ့ကြောင်း၊ ယူကရိန်းနိုင်ငံ ပိုင်နက်ကိုလည်း ရုရှားဘက်က လေးစား လိုက်နာမှုထားမည် ဖြစ်သည်ဟု ပူတင်က ကတိပြု ပြောဆိုကြောင်း နိုင်ငံခြားရေးဝန်ကြီး ဆာဂျီလာ ရော့ဗ်ကဂျွန်ကယ်ရီကို အသိပေး ပြောကြားသည်။

“ရုရှားနိုင်ငံက ထုတ်ဖော်ပြောဆို အသိပေးထားတဲ့ အတိုင်း နောက်ရက်တွေမှာ အမှန်တကယ်ပြုမူ နေထိုင်ခြင်းရှိ၊ မရှိ ကျွန်တော်တို့ စောင့်ကြည့်သွားမှာပါ” ဟု ဂျွန်ကယ်ရီက ပြောကြားသည်။

ခရီမီးယားဒေသတွင် ယမန်နေ့က ဖြစ်ပေါ်ခဲ့သည့် ဖြစ်ရပ်နှင့် ပတ်သက်၍ အလွန်ပင် စိုးရိမ်ပူပန်မိသည်ဟု ရုရှား၊ နေတိုးနှင့် အနောက်နိုင်ငံ ခေါင်းဆောင်များက ထုတ်ဖော် ပြောဆိုထားသည်။

The Voice Weekly

လွယ်လွယ်ကူကူနဲ့ ဖန်တီးနိုင်တဲ့ ဆံပင်ပုံစံအဆန်းများ

ထသွားထလာကနေ ပွဲတက်အထိ ကိုယ့်ဘာသာကိုယ်ပြင်ဆင်လို့ရတဲ့ ဆံပင်ပုံစံလေးတွေ ရှိပါတယ်။ ဆိုင်သွားစရာမလိုပဲ အိမ်မှာပဲ စမ်းလုပ်ကြည့်လို့ အဆင်ပြေတာမို့ အမိုက်စားဆံပင်ပုံစံလေးတွေကို ဖော်ပြပေးလိုက်ပါတယ်။

၁။ကိုယ့်ဆံပင်က ကောက်သားနည်းနည်းရှိတဲ့ လှိုင်းတွန့်ဆံပင်မျိုးဆိုရင် ခုလိုဘေးခွဲလိုက်ပြီး ပုံမှာပြထားသလို ဆံပင်နည်းတဲ့ဘက်က နားသယ်စပ်ဆံသားတွေကို ယူကာ၊ လိမ်ပြီး ခုလို ကလစ်သေးသေးလေးနဲ့ မြင့်မြင့်လေး ထိုးလိုက်ပါ။ ချစ်စရာကောင်းတဲ့ ဆံပင်ပုံစံကို ရပြီပေါ့။ ကိုယ်ဆံပင်က အဖြောင့်ဆိုရင်လည်း အပူချောင်းသုံးပြီး နည်းနည်းကောက်ပစ်လိုက်ပေါ့။


၂။ပိုနီတေးကို ခုလို စည်းကြည့်ဖူးပါသလား။ ပွဲတက်အတွက် ဆံပင်ပုံစံအဆန်းလေး လုပ်ကြည့်မယ်ဆိုရင် ပိုနီတေးကို ခုလိုစည်း၊ ဘေးကိုချပြီး ရှေ့ဆံပင်ကို အမောက်နည်းနည်းထောင်ပစ်လိုက်ရုံပါပဲ။


၃။ကိုယ့်ဆံပင်က အတိုဆိုရင်တော့ ခုလို ဆံပင်သုံးပုံတစ်ပုံလောက်ကို အပေါ်မှာ ခုလို ပွပွလေးဖြစ်အောင် ချည်နှောင်ပြီး မပြင်မဆင်ပဲ ထွက်လာတဲ့ အထာမျိုး ဖမ်းပစ်လိုက်ပေါ့။


၎။ကိုယ့်ဆံပင်က ပခုံးမရောက်တရောက်မို့ ပွဲတက်အတွက် ဆံပင်ကို ဘယ်လိုလုပ်သွားရင် ကောင်းမလဲ ခေါင်းစားမနေပါနဲ့တော့။ အားလုံးနဲ့ကွဲထွက်ပြီး အထာကျချင်တယ်ဆိုရင် ပုံမှာပြထားသလို ဂျယ်လိမ်းပြီး ဆံပင်တွေကို နောက်လှန်သိမ်းသွားလိုက်ပါ။ အ၀တ်အစားကိုတော့ လိုက်ဖက်အောင် ရွေးချယ်လိုက်ပေါ့။


၅။ကိုယ်ကအမြဲတမ်း ချစ်စရာကောင်းအောင် ၀တ်ဆင်တတ်တဲ့သူမျိုးလား။ ဟုတ်တယ်ဆိုရင်တော့ ခုလို ချစ်စရာကောင်းတဲ့ ဆံပင်ပုံစံမျိုးလေး ပြင်ဆင်ကြည့်လိုက်ပေါ့။ ရှေ့ဆံပင်တွေကိုယူပြီး ကျစ်ဆံမြီးကျစ်ပစ်လိုက်ရုံနဲ့ ချစ်စရာကောင်းတဲ့ ကောင်မလေး ဖြစ်သွားပြီနော်။


Ref:womenshealthmag.com
Trend Myanmar

ငိုလို့ ရယ်လို့ မရတဲ့ သမိုင်းထဲက မျက်နှာနှစ်ဘက်နှင့် လူသား


အင်္ဂလန်နိုင်ငံမှာ ၁၉ ရာစုလောက်က အီဘရာမိုဒတ်လို့ ခေါ်ဝေါ်တဲ့ လူသားဟာ ထူးဆန်းစွာဖြင့် မွေးရာပါ မျက်နှာနှစ်ဘက် ပါလာခဲ့ပါတယ်။ ရှေ့တစ်ဘက် နောက်တစ်ဘက် ဖြစ်ပါတယ်။ အတော်လေး ကံဆိုးတယ်လို့ ဆိုရမှာပေါ့။

သမိုင်းမှတ်တမ်းများ အရတော့ ထိုသူ၏ မျက်နှာနှစ်ဘက်လုံးဟာ စကားပြောလို့ ရပါတယ်။ စားလို့လည်း ရပါတယ်။ ဒါပေမယ့် ဆိုရွားတာကတော့ ရယ်လို့ မရတာနဲ့ ငိုလို့မရတာပင် ဖြစ်ပါဘူး။ ဒါကြောင့် အီဘရာဗက်ဂတ်ဆိုတဲ့ ဆရာဝန်နှင့် အခြားဆရာဝန်များဟာ ထိုမျက်နှာကြီးကို ခွဲစိတ်ပေးဖို့ ပြုလုပ်ခဲ့ပေမယ့် ခေတ်မှီတဲ့ ဆေးပညာတွေ မရှိသေးတဲ့ အတွက် မအောင်မြင်ခဲ့ပါဘူး။

ဒါထက်ဆိုးရွား တာကတော့ အိပ်တဲ့အခါမှာ အဆင်မပြေတာပဲ ဖြစ်ပါတယ်။ မျက်နှာတစ်ဘက်ကို အပေါ်ဘက်ထားရင် တစ်ဘက်က အောက်ဘက်မှာ မွမ်းကျပ်မှုကို ခံနေရသည့်အတွက် ဖြစ်ပါတယ်။ သူဟာ အသက် ၂၃ မှာ မိမိကိုယ့်ကိုယ် အဆုံးစီရင် သွားခဲ့တယ်လို့ သမိုင်းမှတ်တမ်းတွေ အရ သိရပါတယ်။

ကျော်လင်းနိုင် (ရိုးရာလေး)

ဓာတ်ပုံရိုက်တဲ့အခါ ကြည့်ကောင်းနေစေဖို့အတွက် ကျင့်သုံးရမယ့် အချက် (၁၁) ချက်


သူများတွေပြောတဲ့ ဓာတ်ပုံစားတယ်၊ ဓာတ်ပုံစားတယ်ဆိုတာဟာ အပြင်မှာထက် ဓာတ်ပုံထဲမှာ ပိုချစ်ဖို့ကောင်းတာ၊ ပိုကြည့်ကောင်းတာမျိုးကို ပြောချင်တာပါ။ တစ်ခါတစ်လေ ဓာတ်ပုံရိုက်တဲ့အခါ တောင့်တောင့်တင်းတင်းကြီး ဖြစ်တတ်တဲ့သူတွေအတွက်တော့ အပြင်မှာ ကြည့်ကောင်းနေရင်တောင် ဓာတ်ပုံထဲလည်းရောက်ရော အနေအထားမကျ မျက်နှာတည်တည်တင်းတင်းကြီးတွေ ဖြစ်နေရော။ ဒီတော့ ဓာတ်ပုံရိုက်တဲ့အခါ ကိုယ့်ရှိရင်းစွဲထက်ကို ပိုမိုဆွဲဆောင်အားကောင်းအောင် ဘယ်လိုလုပ်ရမလဲဆိုတဲ့ အချက်လေးတွေ ပြောပြပေးလိုက်ပါတယ်။

၁။ကိုယ်က ဓာတ်ပုံရိုက်လိုက်တိုင်း မျက်လုံးမှိတ်သွားတတ်တဲ့သူဆိုရင်တော့ ကိုယ့်ဓာတ်ပုံတွေတိုင်းမှာ မျက်လုံးမှေးမှေးနဲ့ အိပ်ငိုက်နေတဲ့ပုံတွေ များနေမှာပေါ့။ ဒီ့အတွက် အကြံပေးချင်တာက ဓာတ်ပုံရိုက်တော့မယ်ဆိုတာနဲ့ မျက်လုံးကို မှိတ်ထားလိုက်ပြီး ရယ် ဒီ ၁ ၂ ၃ ဆိုတဲ့အချိန်ရောက်မှသာ မျက်လုံးကို ဖွင့်လိုက်ပါ။ ဒါဆို အဆင်ပြေသွားပါလိမ့်မယ်။

၂။မေးနှစ်ထပ်ဖြစ်နေတဲ့သူဆိုရင်တော့ လည်ပင်းကို နည်းနည်းမတ်မတ် ဆန့်ထားပြီး မျက်နှာကို ရှေ့နည်းနည်း ပိုတိုးလိုက်ပါ။ ဓာတ်ပုံမရိုက်ခင် မေးစေ့ပိုချွန်သယောင်ဖြစ်အောင် အောက်လေးနည်းနည်းငုံ့ပါ။ ဒါဆို ဓာတ်ပုံထဲမှာ အိုကေသွားပါလိ့မ်မယ်။

၃။ဒါကတော့ အမျိုးသမီးတွေအတွက် အထူးစပယ်ရှယ်ပေါ့။ ကိုယ်လိမ်းမယ့် မိတ်ကပ်သားနဲ့ ဓာတ်ပုံရိုက်တဲ့အခါ ထွက်တဲ့ပုံတွေကို မှတ်ထားပါ။ ဘယ်လောက်လိမ်းရင် ဘယ်လိုဓာတ်ပုံထဲမှာ ကြည့်ကောင်းတယ်ဆိုတာမျိုး သိထားဖို့ပါပဲ။

၎။ဖြစ်နိုင်ရင်တော့ မျက်တောင်ကော့ဆေးသုံးပါ။ မျက်တောင်တုတပ်မယ်ဆိုရင်လည်း ဓာတ်ပုံထဲမှာ လှတာပါပဲ။ ဓာတ်ပုံထဲမှာ ဆွဲဆောင်မှုရှိအောင် လုပ်ဖို့ဆိုရင် မျက်လုံးဟာ အဓိကပါပဲ။

၅။အရင်တုန်းက ရိုက်ခဲ့တဲ့ပုံတွေထဲက ကိုယ်အကြိုက်ဆုံး ကိုယ့်ရဲ့ပုံကို မှတ်ထားပါ။ ဘယ်လိုပို့စ်မျိုးရိုက်ထားတယ်၊ ကင်မရာအနေအထားက ဘယ်လိုဆိုတာတွေပါ သေချာမှတ်ထားပြီး ဓာတ်ပုံရိုက်ခါနီးတိုင်း အဲ့ဒီတုန်းကရိုက်ခဲ့တာတွေကို ပြန်တွေးပါ။

၆။နှုတ်ခမ်းနီဆိုးတာ ဆွဲဆောင်မှုရှိပါတယ်။ အထူးသဖြင့် အနီရဲရဲတွေပေါ့။ ဒါပေမယ့် နှုတ်ခမ်းနီနီရဲရဲဆိုးပြီး ဓာတ်ပုံရိုက်မယ်ဆိုရင် လျှာကိုသွားနောက်မှာသိမ်းပြီး အမိုက်စားပြုံးပါ။ အူကြောင်ကြောင်ပုံတော့ မဖြစ်စေနဲ့နော်။

၇။ဖြစ်နိုင်ရင် ပုခုံးတွန့်တာမျိုး၊ ကိုယ်မကျွမ်းကျင်တဲ့ပို့စ်မျိုးတွေ မလုပ်ပါနဲ့။ ဒါဟာ အချိုးပြေပြေနဲ့လှတဲ့ပုံထွက်လာဖို့ ရာခိုင်နှုန်းနည်းလို့ပါ။


၈။ပါးနီဆိုးတာကလည်း ဓာတ်ပုံထဲမှာ ကိုယ့်ကို ကျိန်းသေကြည့်ကောင်းစေဖို့ အထောက်အပံ့ပေးနိုင်တယ်ဆိုတာ မမေ့ပါနဲ့။

၉။အတတ်နိုင်ဆုံး ကင်မရာနဲ့တည့်တည့်အနေအထားကို ရှောင်ပါ။ ဘေးတစောင်းလေးဆိုရင် ကြည့်ကောင်းသလို ကင်မရာနဲ့ အရမ်းကြီး စောင်းငန်းပုံစံမျိုး ဖြစ်မသွားအောင်လည်း ဂရုစိုက်ဖို့ လိုပါတယ်။

၁၀။လူတော်တော်များများက ဓာတ်ပုံရိုက်ပြီးတာနဲ့ မလှဘူး၊ ဓာတ်ပုံရိုက်ရင် မနေတတ်ဘူး၊ အဆင်မပြေဘူးလို့ ညည်းတွားလေ့ရှိပါတယ်။ မော်ဒယ်ကိတ်မော့စ်တောင် သူမ ဓာတ်ပုံစရိုက်ခါစက မချိုးမကျတဲ့အကြောင်းပြောဖူးတာပဲ။ ဓာတ်ပုံများများရိုက်ပါ။ နောက်ဆိုရင် အိုကေသွားပါလိမ့်မယ်။

၁၁။အရင်တုန်းက ဓာတ်ပုံရိုက်ခါနီးပြောပြောနေကျ say cheese ဆိုတာကို မေ့လိုက်ပြီး ဓာတ်ပုံဆရာနဲ့ နောက်နောက်ပြောင်ပြောင် စကားတွေပြောပါ။ ဒါဆို ဓာတ်ပုံရိုက်ခါနီး သဘာဝအပြုံးလေးနဲ့ သက်ဝင်လှပနေမှာပါ။


Ref:dailymakeover.com
Trend Myanmar

မလေးသွား အမျိုးသမီး ၄ ဦး အပါအ၀င် လူ ၇၂ ဦး ဘင်္ဂလာဒေခ်ျ့ ကမ်းခြေစောင့်တပ်ဖွဲ့က ဖမ်းဆီး


(နိရဉ္စရာ- ၁ မတ်လ ၂၀၁၄)

မလေးရှားနိုင်ငံသို့ တရားမ၀င် ခိုးသွားသူ ဘင်္ဂလီ ၇၂ ဦးကို စက်လှေ တစ်စီးနှင့်အတူ ဘင်္ဂလာဒေခ်ျ့ ကမ်းခြေစောင့်တပ်ဖွဲ့က ယနေ့ နေ့လည် ၁၂ နာရီ မိနစ် ၃၀ တွင် ဖမ်းဆီးလိုက်သည်။

ဖမ်းဆီးခံရသူများထဲတွင် အမျိုးသမီး ၄ ဦးပါဝင်သည်ဟု ကမ်းခြေစောင့်တပ်ဖွဲ့မှ ဗိုလ်အဆင့်ရှိသူ  Kazi Harunor Rashid က မီဒီယာသို့ ပြောသည်။

သူတို့အား စိန်မာတင် (ရခိုင်အခေါ် အုန်းကျွန်း) မှ ၅ မိုင်အကွာ ငါးဖမ်းစက်လှေ တစ်စီးပေါ်တွင် ဖမ်းဆီးမိခြင်း ဖြစ်ပြီး စက်လှေကိုပါသိမ်းယူလိုက်သည်ဟု ဆိုသည်။

ဖမ်းဆီးရမိသူများအား တက်ကနက် ရဲစခန်းသို့ ချက်ချင်း လွှဲပြောင်း ပေးအပ်လိုက်သည်ဟု သိရသည်။

ဘင်္ဂလာဒေခ်ျ့ နိုင်ငံသား အများအပြားသည် သူတို့နိုင်ငံတွင် တစ်နေ့ထက် တစ်နေ့ များပြားလာသော လူဦးရေနှင့် အတူ အလုပ်လက်မဲ့နုန်းများပြားလာရာမှ ယခုလို ပွင့်လင်းရာသီတွင် စက်လှေစီးပြီး မလေးရှားကို တရားမ၀င် အလုပ် လုပ်ရန် သွားရောက်လေ့ရှိကြသည်။

Narinjara

မာယာပရောဂျက်အတွက် သိပ်ရင်ခုန်နေပါတယ်လို့ ဆိုတဲ့ သက်မွန်မြင့်


မကြာသေးခင်ကမှ မင်္ဂလာဆောင် ပြီးသွားတဲ့ ပရိသတ်အချစ်တော် သက်မွန်မြင့်ဟာ မကြာခင်မှာ ရုံတင်ပြသတော့မဲ့ မာယာပရောဂျက် ရုပ်ရှင်ဇာတ်ကားကြီးနဲ့ပတ်သတ်ပြီးသူမရဲ့စိတ်ခံစားချက်ကို ဖွင့်ဟလာခဲ့တာကတော့ ‘ဒီဇာတ်ကားကြီးကို ရိုက်ကူးနေဆဲ အချိန်မှာလဲ သက်မွန်အရမ်းကို ရင်ခုန်ပါတယ်။ ပရိသတ်အတွက် အရသာတစ်မျိုးတော့ ခံစားရမယ်လို့ထင်ပါတယ်။ ပုံမှန်မြင်နေကျ ဇာတ်ရုပ်ပုံစံတော့ မဟုတ်ဘူး။ အချစ်ကားသပ်သပ်လဲ မဟုတ်ဘူး။ ကိုယ်ကိုယ်တိုင်ကလဲ အရင်ကားလိုမျိုး ပရိသတ်ချစ်မဲ့နေရာလဲ မဟုတ်ဘူး။ ပြောရရင် ယုတ်မာတဲ့အပိုင်းလဲ ပါတယ်။ ဗီလိန်လုံးဝတော့ မဟုတ်ဘူး။ ဒါပေမဲ့ကိုယ့်မောင့်အတွက်ကို ကိုယ်က လှည့်ကွက်တွေ သုံးပြီးတော့ ဒီမိန်းကလေးတစ်ယောက်ကို သူတို့ရဲ့အချစ်ကိုလဲ ဖျက်ဆီးတယ်။ ပုံစံတစ်မျိုးတော့ ပရိသတ်တွေခံစားရလိမ့်မယ်လို့သက်မွန်ယုံကြည်ပါတယ်။ အ၀တ်အစားပိုင်းနဲ့ပတ်သတ်ပြီးတော့လဲ ကိုယ်က အဲကားထဲမှာ အစ်မကြီးဖြစ်တဲ့အတွက် ဖန်စီတွေဝတ်လို့မရဘူး။ သူတို့တွေနဲ့ ပုံစံကွဲရမယ်ဆိုတော့ လူကြီးတစ်ယောက်ရဲ့ ပုံပေါက်အောင် အတတ်နိုင်ဆုံး ဗမာပုံကိုပဲ ဖန်စီဖြစ်အောင်ပြန်လုပ်တယ်။ ပြီးတော့ ပိုးဆိုရင် ပွဲထိုင်ပိုးတွေ မဟုတ်ပဲနဲ့ကွန်ပျူတာပိုးတွေကိုပဲ အလှဆင်ပြီးတော့ အဆင်ကျကျနဲ့ဗမာဆန်ဆန် ၀တ်တယ်။ ဆံပင်အပိုင်းကိုလဲ ဖန်စီပုံစံလေးတွေပဲပြင်တယ်။ လူကြီး တစ်ယောက်ပုံစံတော့ သွားတယ်။ သူတို့နဲ့လဲ သိပ်မဟသွားအောင်ပေါ့။ ဒီဇိုင်နာမပုံ့ပဲကပဲ တစ်ကားလုံးကို တာဝန်ယူပြီး စီစဉ်ပေးပါတယ်။’လို့ သူမက ဖွင့်ဟသွားပါတယ်။

ဒီဇာတ်ကားကို လက်ခံဖြစ်ခဲ့တာနဲပ ပတ်သက်ပြီး သူမက ‘စိန်ခေါ်မှုတစ်ခုပေါ့နော်။ ကိုယ်ကရိုက်နေကျမဟုတ်ဘူး။ ကိုယ့်ရဲ့ အရွယ်ထက်ကိုပိုပြီး ရင်းရတယ်။ စကားအပြောအဆိုတွေ သတိထားရတယ်။ ကိုယ့်အသံနဲ့ကိုယ်ရုပ်က ကလေးပုံပေါက်တော့ သိပ်မမာဘူး။ သိပ်လဲလေးစားစရာမကောင်းဘူးလို့ ထင်နေတယ်။ ရိုက်တဲ့အချိန်မှာ ဆိုက်ကိုတော့ဖြစ်နေတယ်။ ကိုယ့်ပုံစံက အဆင်ပြေပါ့မလား။ ဆံပင်ကအဆင်ပြေပါ့မလား။ ဒါပေမဲ့ကိုဝိုင်းဆိုတာ သူစိတ်တိုင်းမကျရင် လွှတ်ပေးတတ်တဲ့ ဒါရိုက်တာတစ်ယောက် မဟုတ်တဲ့အတွက် သူလိုချင်တာမရမချင်း မောင်းတတ်တဲ့ ဒါရိုက်တာဆိုတဲ့အတွက် စိတ်ချတယ်။ ပရိသတ်သဘောကျပါစေလို့ပဲ ဆုတောင်းပါတယ်။ အာဒံဧ၀တုန်းက ချစ်စရာလေး။ ဒီမှာကျတော့နဲနဲအမြင်ကပ်စရာကောင်းတဲ့ မိန်းမတစ်ယောက်ဆိုတော့လေ။ ဒီကားမှာ ပါဝင်တဲ့သူတွေက ကိုနေတိုးဆိုလဲ အရမ်းတော်တဲ့သူ၊ ဖွေးဖွေးဆိုတာကလဲ အရမ်းတော်တဲ့သူ၊ ကိုဝိုင်းဆိုတာကလဲactor တွေကို ထိန်းချုပ်နိုင်တဲ့သူတစ်ယောက်ဆိုတော့ ဒီဇာတ်ကားကြီးနဲ့ပတ်သတ်ပြီး အရမ်းကိုရင်ခုန်ပါတယ်’တဲ့။

Trend Myanmar

ယူကရိန်း အရေး ရုရှကို အိုဘားမား သတိပေး


ယူကရိန်း အရေး စိုးရိမ်ကြောင်း အိုဘားမား ဆို

ရုရှားဟာ ယူကရိန်းကို စစ်ရေးအရ ဝင်ရောက် စွက်ဖက်မယ် ဆိုရင် ထိခိုက် နစ်နာ ဆုံးရှုံးမှု တွေနဲ့ ကြုံရ လိမ့်မယ်လို့ အမေရိကန် သမ္မတ အိုဘားမားက သတိပေး လိုက်ပါတယ်။

ရုရှား တပ်တွေ ယူကရိန်း နယ်မြေထဲ ဝင်ရောက် လာတယ် ဆိုတဲ့ သတင်းတွေ အပေါ် အလွန်အမင်း စိုးရိမ် မိတယ်လို့ မစ္စတာ အိုဘားမားက အိမ်ဖြူတော် သတင်းစာ ရှင်းလင်းပွဲမှာ ပြောကြား ခဲ့ပါတယ်။

ယူကရိန်းရဲ့ အချုပ်အခြာ အာဏာနဲ့ နယ်မြေ ထဲကို ချိုးဖောက် ဝင်ရောက် တာဟာ အကြီးအကျယ် မတည်မငြိမ် ဖြစ်စေတယ်လို့ သူက ပြောပါတယ်။

ယူကရိန်း ပြည်သူ တွေဟာ သူတို့ အနာဂတ်ကို သူတို့ဖာသာ ရွေးချယ်ခွင့် ရသင့်တယ် ဆိုတာ ပါဘဲလို့ မစ္စတာ အိုဘားမားက ဆိုသွား တာပါ။

ယူကရိန်း အစိုးရက ထိန်းထိန်း သိမ်းသိမ်း ရှိတဲ့ အတွက်လည်း သမ္မတ အိုဘားမားက ချီးကျူးစကား ပြောကြား ခဲ့ပါတယ်။

ယူကရိန်း ယာယီအစိုးရ သမ္မတ အိုလက်ဇန်ဒါ တိုချီနော့ဗ်ကတော့ ရုရှ ဟာစစ်ဖြစ် အောင်တမင် လုပ်နေတာ လို့ ပြောပါတယ်။

ယူကရိန်း အရေးနဲ့ ပတ်သက်ပြီး ကုလသမဂ္ဂလုံခြုံရေး ကောင်စီမှာလည်း တံခါးပိတ် ဆွေးနွေးပွဲ တရပ် ကျင်းပနေပါတယ်။

BBC Burmese

မျိုးစောင့် ဥပဒေတွေကိစ္စ သမ္မတကို လွှတ်တော် အကြောင်းပြန်


မျိုးစောင့် ဥပဒေတွေ ပြဌာန်းရေး သမ္မတ ဦးသိန်းစိန်က လွှတ်တော် နာယကကို စာပေးပို့
အမျိုးဘာသာ သာသနာ စောင့်ရှောက်နိုင်ရေးအတွက် ဥပဒေ လေးခု ပြဌာန်း ပေးဖို့ကိစ္စအတွက်နိုင်ငံတော် သမ္မတက ပြည်ထောင်စု လွှတ်တော်နာယက ကို ပေးပို့တဲ့ သဝဏ်လွှာနဲ့ ပတ်သက်ပြီး သမ္မတကို ဖေဖော်ဝါရီလ ၂၇ ရက် ကြာသပတေးနေ့က အကြောင်းပြန်ခဲ့ပါတယ်။

အဲဒီလို ပြဌာန်းဖို့ သက်ဆိုင်ရာ ဝန်ကြီးဌာနတွေနဲ့ တရားလွှတ်တော်ချုပ်က ဥပဒေကြမ်း တစ်ရပ်စီကို မူကြမ်း ရေးဆွဲပြီး လွှတ်တော်ကို တင်သွင်းဖို့ ပြည်ထောင်စု လွှတ်တော် နာယက သူရ ဦးရွှေမန်းက ပြန်ကြားလိုက် ပါတယ်။

ကြာသပတေးနေ့ လွှတ်တော် အစည်း အဝေး မတိုင်ခင် ဦးရွှေမန်းက သမ္မတဆီ သူ အကြောင်းပြန်မယ့် သဝဏ်လွှာထဲမှာ ဘာတွေ ပါတယ်ဆိုတာ ပါတီ ခေါင်းဆောင်တွေနဲ့ အရေးပေါ် တွေ့ဆုံ ဆွေးနွေး ခဲ့တယ်လို့ အန်အယ်လ်ဒီ ပါတီပြည်သူ့လွှတ်တော် ကိုယ်စားလှယ် ဦးဝင်းမြင့်က ဘီဘီစီကို ပြောပါတယ်။

ပြည်ထောင်စု လွှတ်တော်နာယကရဲ့ အကြောင်းပြန်စာကို ဒေါ်အောင်ဆန်းစုကြည် အပါအဝင် လွှတ်တော် အမတ်တွေ အားလုံးက သဘောတူတယ်လို့ လည်း သူက ပြောပါတယ်။

သမ္မတက ပေးပို့တဲ့ ဥပဒေပြုရေး ဆိုင်ရာ ကိစ္စကို သမ္မတဆီ တခါပြန်ပို့လိုက် တာဟာ လွှတ်တော် ဘက်က တာဝန်မခံလိုလို့လား ဆိုတဲ့ ပြောဆိုမှုတွေနဲ့ ပတ်သက်လို့ တော့ ဒါဟာ လွှတ်တော်ရဲ့ လုပ်ထုံး လုပ်နည်းကို သဘော မပေါက်ကြလို့ ပြောတာ ဖြစ်တယ်လို့ ဦးဝင်းမြင့်က ပြောပါတယ်။

လွှတ်တော်က ဥပဒေမူကြမ်း ရေးဆွဲရမှာ မဟုတ်ဘဲ ဝန်ကြီးဌာနတွေနဲ့ ဥပဒေကြမ်းတင်သွင်းခွင့် ရှိသူတွေက ပေးပို့လာတဲ့ ဥပဒေကြမ်းတွေကို ဥပဒေ ဖြစ်မဖြစ် စိစစ်ရတာလို့ သူက ဆိုပါတယ်။

အခု လက်ရှိ အခြေ အနေမျိုးမှာ သံဃာတွေနဲ့ ပြည်သူ တစ်သန်းကျော်က တိုက်တွန်းတဲ့ အမျိုးဘာသာ သာသနာ စောင့်ရှောက်ရေး ဥပဒတွေ ပြဌာန်းနိုင်ရေးက နိုင်ငံရေး အရ အရေးကြီးတယ်လို့လည်း ဦးဝင်းမြင့်က ပြောပါတယ်။

BBC Burmese

တာတို ဒုံးကျည် ၄ ခု မြောက်ကိုရီးယား ပစ်လွှတ်

မြောက်ကိုရီးယား စစ်ရေးပြပွဲက ဒုံးကျည်တွေ


မြောက်ကိုရီးယားဟာ အရှေ့ဘက် ကမ်းခြေ ကနေ ပင်လယ်ပြင် ဘက်ကို တာတိုပစ် ဒုံးကျည် ၄ ခု ပစ်လွှတ်ခဲ့တယ်လို့ တောင်ကိုရီးယား ကာကွယ်ရေးဝန်ကြီးက ပြောဆိုလိုက်ပါတယ်။

ကိုရီးယား ကျွမ်းဆွယ်ကို တောင်မြောက် ပိုင်းခြားထားတဲ့ စစ်ရေးမျဉ်းလိုင်းရဲ့ မြောက်ဘက် သိပ်မဝေးတဲ့ တောင်ကုန်းတစ်ခုပေါ်ကနေ ဒီဒုံးကျည်တွေ ပစ်လွှတ်တာလို့ ထုတ်ပြန်တဲ့အထဲမှာ ဆိုထားပါတယ်။

နိုင်ငံတကာက တာဝေးပစ် ထိပ်ဖူးတပ် ဒုံးတွေ ပစ်လွှတ်ဖို့ တားမြစ်ထားပေမယ့် ဒီတာတိုပစ် ဒုံးတွေအပေါ်မှာတော့ ကန့်သတ်ထားခြင်း မရှိပါဘူး။

ဒီလို ပစ်လွှတ်မှုဟာ ပုံမှန် ပြုလုပ်တဲ့ စစ်ရေး လေ့ကျင့်မှု ဖြစ်ပေမယ့် ဒီသီတင်းပတ်ထဲမှာ စတင်ခဲ့တဲ့ အမေရိကန်နဲ့ တောင်ကိုရီးယားတို့ရဲ့ နှစ်စဉ် ပူးတွဲ စစ်ရေးလေ့ကျင့်မှုနဲ့ တိုက်ဆိုင်နေပါတယ်။

ဒီစစ်ရေးလေ့ကျင့်မှုကို စစ်ရေးပြင်ဆင်မှု အနေနဲ့ မြောက်ကိုရီးယားက ရှုတ်ချထားခဲ့ပြီး နျူကလီယား စစ်ပွဲတွေ အဖြစ်ထိ ကူးပြောင်းသွားနိုင်တယ်လို့ သတိပေးထားပါတယ်။

BBC Burmese

စစ်ကာလ ပြည့်တန်ဆာမှုတွေ ဂျပန် ပြန်သုံးသပ်မယ်


ပြည့်တန်ဆာအဖြစ် အဓမ္မ ခိုင်းစေခဲ့တယ်လို့ ဘာကြောင့် ကောက်ချက်ချခဲ့သလဲဆိုတာ ပြန်သုံးသပ်မယ်လို့ ဂျပန် အစိုးရက ပြော

စစ်ကာလ အတွင်း အိမ်နီးချင်းနိုင်ငံတွေက အမျိုးသမီးတွေကို စစ်ကာလ ပြည့်တန်ဆာတွေ အဖြစ် အဓမ္မခိုင်းစေခဲ့တဲ့ ဂျပန် စစ်တပ်ရဲ့ အခန်းကဏ္ဍကို အသိအမှတ်ပြုတဲ့ လွန်ခဲ့တဲ့ နှစ် ၂၀ က ထုတ်ပြန် ကြေညာချက်ကို ပြန်လည် သုံးသပ်မယ်လို့ ဂျပန်အစိုးရက ပြောပါတယ်။

စစ်တပ်ရဲ့ ပြည့်တန်ဆာခန်းတွေမှာ လိင်ကျွန် တွေ အဖြစ် အသုံးချခံခဲ့ကြရတဲ့ အမျိုးသမီးတွေထဲက အသက်မသေဘဲ ကျန်ရှိခဲ့တဲ့ သူတွေကို အမှန်တကယ် တောင်းပန်ကြောင်း ဂျပန် နိုင်ငံက အဲဒီအချိန်က ထုတ်ပြန်ခဲ့ပါတယ်။

အခုတော့ အရင် အစိုးရတွေက ဘာကြောင့် ဒီလို ကောက်ချက်ချခဲ့တယ် ဆိုတာ စုံစမ်းမယ့် အဖွဲ့ တစ်ခု ဖွဲ့စည်းမယ်လို့ ဂျပန်နိုင်ငံက ပြောလာပါပြီ။

တောင်ကိုရီးယားနဲ့ တရုတ်နိုင်ငံတို့က ဂျပန်နိုင်ငံဟာ စစ်ကာလ အတွင်းသူတို့ရဲ့ ရက်စက် ကြမ်းကြုတ်မှုတွေ အတွက် ရိုးရိုးသားသား တောင်းပန်မှု မရှိခဲ့ဘူးလို့ ထပ်ကာတလဲလဲ စွပ်စွဲ နေခဲ့တာဖြစ်ပါတယ်။

BBC Burmese

အစိုးရရဲ့ ပိတ်ပင်မှုကို MSF ထိတ်လန့် အံ့သြ

ရခိုင်ပြည်နယ်ထဲက MSF ဆေးခန်းတခု (ဓာတ်ပုံ MSF Myanmar )


နိုင်ငံတကာ ကျန်းမာရေး စောင့်ရှောက်မှု ပရဟိတ အဖွဲ့တဖွဲ့ ဖြစ်တဲ့ နယ်စည်းမခြား ဆရာဝန်များအဖွဲ့ MSF က မြန်မာပြည်ထဲက သူတို့ရဲ့ လုပ်ငန်းတွေ ဆက်လုပ်ကိုင်ခွင့် ရပ်နားထားဖို့ အစိုးရက ညွှန်ကြား ခဲ့တာနဲ့ ပတ်သက်ပြီး အံ့အားသင့် တုန်လှုပ် မိတယ်လို့ ပြောလိုက် ပါတယ်။

သူတို့ လုပ်ငန်းတွေ ရပ်လိုက်ဖို့ ရခိုင်ပြည်နယ်အစိုးရက ဗုဒ္ဓဟူးနေ့က အကြောင်းကြားခဲ့ပါတယ်။

MSF ရဲ့ ရခိုင်ပြည်နယ်ထဲမှာ ပေးနေတဲ့ အကူအညီတွေဟာ ဘက်လိုက်မှုရှိတယ်၊ ပွင့်လင်း မြင်သာမှု မရှိဘူးလို့ သမ္မတရဲ့ ပြောခွင့်ရ ဦးရဲထွတ်က ဘီဘီစီကို ပြောပါတယ်။

မကြာခင်သေးခင် လပိုင်းတွေကစလို့ စစ်တွေနဲ့ တချို့မြို့တွေမှာ ဒေသခံတွေက MSF နဲ့ နိုင်ငံတကာ အဲန်ဂျီအိုတွေ ရခိုင်ပြည်နယ်ထဲက ထွက်သွားဖို့ ဆန္ဒပြ တောင်းဆိုမှုတွေ လုပ်လာခဲ့ပါတယ်။

ဘာသာလူမျိုး မခွဲပဲ ကုပေးနေတယ်လို့ ဆိုပါတယ်(ဓာတ်ပုံ MSF Myanmar )

MSF ကတော့ သူတို့ ပေးနေတဲ့ အကူအညီ တွေဟာ နိုင်ငံတကာ စံနှုန်းတွေ၊ ဆေးကုသမှု ဆိုင်ရာ ကျင့်ဝတ်တွေ အတိုင်းပဲ လူမျိုး၊ ဘာသာ၊ ကျားမ ခွဲခြားမှု မရှိပဲ ပေးနေတာ ဖြစ်ပြီး ရခိုင်ပြည်နယ် ထဲမှာ ဆိုရင် ဌက်ဖျားရောဂါ ခံစား နေရသူပေါင်း တစ်သန်းကျော်ကို ဆေးဝါး ကုသပေးခဲ့ပြီးပြီ လို့ဆိုပါတယ်။

အစိုးရရဲ့ အမိန့်ကြောင့် သူတို့ လုပ်ငန်းတွေ ရပ်ထား လိုက်ရတဲ့ အတွက် MSF ဆေးခန်းတွေက ဆေးဝါးရယူနေသူတွေ၊ ဆေးကုသမှု ခံယူနေသူတွေ သောင်းချီပြီး ကျန်းမာရေး စောင့်ရှောက်မှု မရတော့မှာ ကိုလည်း စိုးရိမ် ပါတယ်လို့ MSF ရဲ့ ထုတ်ပြန် ကြေငြာချက်ထဲမှာ ဖော်ပြ ထားပါတယ်။

အခုလောလောဆယ်တော့ သူတို့ လုပ်ငန်းတွေ ပြန်လုပ်ခွင့်ပြုဖို့ MSF က အစိုးရနဲ့ ဆွေးနွေးမှုတွေ ဆက်လုပ်နေပါတယ်။

အခုလို နိုင်ငံတကာ အဲန်ဂျီအို တခုကို အရေးယူလိုက်တာနဲ့ ပတ်သက်ပြီး နိုင်ငံရေးအရ ဖိအားပေးချင်တဲ့ လုပ်ရပ် အဖြစ် ဝေဖန်ခံရနိုင်ကြောင်း ဗဟုဖွံ့ဖြိုးတိုးတက်ရေးအဖွဲ့ရဲ့ သုတေသီ ဦးအောင်သူငြိမ်းက ပြောပါတယ်။ တဖက်မှာလည်း အဲန်ဂျီအိုတွေ အနေနဲ့ ပွင့်လင်းမြင်သာမှုရှိရှိ တာဝန်ယူ တာဝန်ခံမှုနဲ့ အလုပ်လုပ်ကိုင် သင့်ပါတယ်လို့ သူက ပြောသွားပါတယ်။

BBC Burmese