ယာဉ်ကြီးနဲ့ယာဉ်ငယ် မတော်တစ တိုက်မှူဖြစ်ပွားရင် ယာဉ်ငယ်ကနိုင်တယ်ဆိုတဲ့ အယူအဆ မှားသလား မှန်သလား


ယာဉ်ကြီးနဲ့ယာဉ်ငယ် မတော်တစ တိုက်မှူဖြစ်ပွားရင် ယာဉ်ငယ်ကနိုင်တယ်ဆိုတဲ့ အယူအဆဟာ မှားယွင်းသောယူဆချက်များသာဖြစ်ပါတယ် ဥပဒေမှာတော့ အမှားကျူးလွန်သူသာလျင် အပြစ်ရှိပါတယ်လို့ ဖော်ပြပါရှိထားပါတယ် ထို့အပြင်စက်တပ်ယာဉ်က လမ်းကူးသူ သို့မဟုတ် အနှေးယာဉ်ကိုရှောင်ရင်း တစ်ခြားတစ်ဖက်ဖက်က လူတစ်ဦးဦးကိုဖြစ်စေ တိုက်မိလို့ သေဆုံးသွားခဲ့လျင် လမ်းကူးသူ သို့မဟုတ် အနှေးယာဉ် အပါအဝင် စက်တပ် ယာဉ်မောင်းပါ အရေးယူခံရမှာဖြစ်တဲ့အပြင် ပြစ်ဒဏ်ကျခံရမှာဖြစ်ပါတယ် ဒါကိုတော့ သတိပြုစေချင်ပါတယ် ထို့ကြောင့် ယာဉ်စည်းကမ်း လမ်းစည်းကမ်း လိုက်နာဖို့အရေးကြီးလှပါတယ်

ဥပဒေအကြောင်းသိကောင်းစရာ

မြန်မာ့လေကြောင်းကို အမေရိကန်က လေယာဉ်သစ် ၁၀ စီး ငှားရမ်းမည်

မြန်မာ့လေကြောင်းသည် ပြည်တွင်းလေဆိပ် အားလုံးသို့ ပျံသန်းပြေးဆွဲနေသော်လည်း နိုင်ငံတကာ ခရီးစဉ်များ ပျံသန်းခြင်း မရှိပါ။ (ဓာတ်ပုံ – Reuters)

မြန်မာအစိုးရပိုင် မြန်မာ့လေကြောင်းက General Electric Capital Aviation Services (GECAS) ထံမှ စီးပွားရေး လုပ်ငန်းသုံး လေယာဉ် ၁၀ စီး ငှားရမ်းအသုံးပြုရေးအတွက် သဘောတူညီချက်တခုလက်မှတ်ရေးထိုးခဲ့ပြီး လေကြောင်း လိုင်း၏ ဗျုဟာမြောက် ဖွံ့ဖြိုးမှုစီမံကိန်းကို ဖန်တီး အကောင်အထည်ဖော်ရာတွင် GECAS ၏ လုပ်ငန်းတခုဖြစ်သည့် AviaSolutions ကို အကြံပေးအတိုင်ပင်ခံ အဖြစ် အသိအမှတ်ပြုလိုက်သည်။

အမေရိကန် ထိပ်တန်းကုမ္ပဏီ လုပ်ငန်းစုကြီးဖြစ်သည့် General Electric ၏ လုပ်ငန်းခွဲတခုဖြစ်သော GECAS ထံမှ မြန်မာ့ လေကြောင်းက ဘိုးအင်း ဂျက်လေယာဉ် အသစ် ၁၀ စီး ငှားရမ်းရန် သဘောတူညီခဲ့ကြပြီး လေယာဉ်များကို ၂၀၁၅ ခုနှစ် ဇွန်လတွင် စတင် လက်ခံရရှိမည်ဟု မြန်မာ့လေကြောင်းက ဖေဖော်ဝါရီလ ၁၁ရက်နေ့တွင်ကြေညာခဲ့သည်။ အမေရိကန် ဒေါ်လာ သန်း ၉၆၀ တန် ကန်ထရိုက်စာချုပ်အရ ဘိုးအင်း 737-800 လေယာဉ် ၆ စီးနှင့် ဘိုးအင်း 737-8 MAXs လေယာဉ် ၄ စီးကို ၂၀၂၀ ခုနှစ် အတွင်း ပေးပို့သွားမည် ဖြစ်သည်။

လက်မှတ်ရေးထိုးပွဲ ကို စင်္ကာပူနိုင်ငံတွင် ကျင်းပခဲ့သော ၂၀၁၄ ခုနှစ်လေကြောင်းပြပွဲတွင် ဖေဖော်ဝါရီလ ၁၁ရက်နေ့က ပြု လုပ်ခဲ့ပြီး မြန်မာနိုင်ငံ ပို့ဆောင်ရေးဝန်ကြီး ဦးဥာဏ်ထွန်းအောင်၊ မြန်မာ့လေကြောင်း ဦးဆောင်ညွှန်ကြားရေးမှူး ဦးသန်းထွန်းနှင့် General Electric မှတာဝန်ရှိသူများ တက်ရောက်ခဲ့ကြောင်း မြန်မာ့လေကြောင်း၏ ထုတ်ပြန်ချက် အရ သိရှိရသည်။ မြန်မာနိုင်ငံဆိုင်ရာ အမေရိကန်သံအမတ်ကြီး Derek Mitchell လည်း အသိသက်သေ အဖြစ်တက်ရောက် ခဲ့ သည်ဟု ဆိုသည်။

လက်မှတ်ရေးထိုးပွဲ အခန်းအနားတွင် မြန်မာ့လေကြောင်း ဦးဆောင်ညွှန်ကြားရေးမှူး ဦးသန်းထွန်းက မြန်မာ့လေကြောင်း အနေဖြင့် လေယာဉ်များကို အဆင့်မြင့် တိုးတက်လာရန် နှင့် ဒေသတွင်း အချက်အချာကျသည့် ဈေးကွက်များသို့ ခရီး စဉ်များ တိုးချဲ့ ပြေးဆွဲနိုင်ရန် GECAS နှင့်အတူ အလုပ်လုပ်ရသည့်အတွက် ကျေနပ်ဝမ်းမြောက်မိကြောင်း ပြောကြားခဲ့ သည်။

“GE လို ထိပ်တန်း အမေရိကန် နိုင်ငံတကာ ကုမ္ပဏီကြီးနဲ့ ပူးပေါင်းဆောင်ရွက်ခြင်းကြောင့် လေကြောင်းလိုင်းနဲ့ မြန်မာ့စီးပွား ရေးအတွက် အကျိုး ဖြစ်ထွန်းစေပါလိမ့်မယ်” ဟု သူကဆိုသည်။

GECASက အစိုးရပိုင် မြန်မာ့လေကြောင်းသို့ Embraer E 190 လေယာဉ် ၂ စီး ငှားရမ်းထားခဲ့ပြီးဖြစ်သည်။

“GE က မြန်မာ့လေကြောင်း ကို နောက်ဆုံးပေါ်ခေတ်မီ ဘိုးအင်းလေယာဉ် အသစ်တွေထောက်ပံ့ ပေးနိုင်တဲ့အတွက် ကျနော်တို့ ၀မ်းမြောက်ကျေနပ်မိပါတယ်” ဟု GECAS ၏ ဥက္ကဌနှင့် အမှုဆောင်အရာရှိချုပ် Norman Liu ကပြောသည်။

General Electric ၏ လေယာဉ် ငှားရမ်းရေး နှင့် ဘဏ္ဍာရေး လုပ်ငန်းခွဲဖြစ်သည့် GECAS သည် လေယာဉ် အစင်း ၁၆၇၀ ကျော် ပိုင်ဆိုင်ထားပြီး ကမ္ဘာအနှံအပြားမှ ဖောက်သည် ၂၃၀ ကျော်နှင့် စာချုပ်ချုပ်ဆိုပြီး လေယာဉ်များ ငှားရမ်းပေးနေ သည်။ ဖေဖော်ဝါရီလ ၁၁ ရက်နေ့က ထုတ်ပြန်ခဲ့သော ကြေညာချက်တွင် General Electric က AviaSolutions အနေ ဖြင့် လည်း လေကြောင်းလိုင်း၏ ထိပ်ပိုင်း စီမံခန့်ခွဲရေးတာဝန်ရှိသူများကို စီးပွားရေးနှင့် ခရီးသွားလုပ်ငန်းများ တွင် ၀န်ဆောင်မှု ပေးနိုင်ရန် အတွက် အသစ်ငှားရမ်းထားသော ဘိုးအင်း ဂျက်လေယာဉ်များ ကို အသုံးပြု၍ နိုင်ငံတကာအဆင့်သို့ ချဲ့ထွင်ခြင်းများအပါအ၀င် စီမံကိန်းများအတွက် အကူအညီပေးသွားမည် ဖြစ်သည်ဟု ဖော်ပြထားသည်။

မြန်မာ့လေကြောင်းကို ၁၉၄၈ ခုနှစ်တွင် စတင် တည်ထောင်ခဲ့ပြီး ထိုစဉ်က Union of Burma Airways (UBA) ဟု ခေါ်ဝေါ် သုံးစွဲခဲ့ သည်။ ယခုအချိန်တွင် ရန်ကုန် အပြည်ပြည်ဆိုင်ရာ လေဆိပ်ကို အခြေပြု၍ အချက်အချာကျသည့် ပြည်တွင်းလေ ဆိပ် အားလုံးသို့ ပျံသန်းပြေးဆွဲနေသော်လည်း နိုင်ငံတကာ ခရီးစဉ်များ ပျံသန်းခြင်း မရှိပါ။

“တိုင်းပြည်ရော လေကြာင်းလိုင်းပါ ဖွံ့ဖြိုးဖို့လုပ်နေတဲ့ အချိန်မှာ နိုင်ငံပိုင် မြန်မာ့လေကြောင်းကို ကူညီထောက်ပံ့ပေးရတဲ့ အတွက် ကျနော်တို့ ၀မ်းမြောက်မိပါတယ်။ စိတ်လှုပ်ရှားစရာ စီမံကိန်းတခုလဲဖြစ်ပါတယ်။ ကျနော်တို့ရဲ့ လေဆိပ်နဲ့ လေ ကြောင်းလိုင်းဆိုင်ရာ ကျွမ်းကျင်မှုတွေကို လည်းမြှင့်တင်နိုင်ပါလိမ့်မယ်” ဟု AviaSolutions ၏ ဦးဆောင်ညွှန်ကြားရေးမှူး John Carter က ပြောသည်။

အစိုးရပိုင် မြန်မာ့လေကြောင်းသည်လည်း ပြီးခဲ့သည့်နှစ်များအတွင်း ပြည်တွင်းလေကြောင်းလိုင်းများ မတော်တဆ ထိခိုက် မှုများကြောင့် နာမည်ပျက်ခဲ့ရသည့် အဖြစ်များထဲတွင် အပါအ၀င် ဖြစ်ခဲ့သည်။ ၂၀၁၂ ခုနှစ်က ၁လ အတွင်းမှာပင် တရုတ် နိုင်ငံလုပ် MA60 ပန်ကာတပ်လေယာဉ်များ ကွင်းဆင်းရာတွင် အသေး စား မတော်တဆမှု ၂ကြိမ် ဖြစ်ပွားခဲ့သည်။ ၂၀၀၉ ခုနှစ်အတွင်းက ရခိုင်ပြည်နယ် စစ်တွေမြို့တွင် မြန်မာ့လေကြောင်းမှ လေယာဉ်တစီး ကွင်းအဆင်းတွင် ထိခိုက်မှုဖြစ် ခဲ့ပြီး ခရီးသည် ၂ ဦး ဒဏ်ရာရရှိခဲ့သည်။ ၁၉၉၈ ခုနှစ်က တနှစ်အတွင်း လေယာဉ် ၂ ကြိမ်ပျက်ကျပြီး စုစုပေါင်း လူ ၅၀ သေဆုံး ခဲ့ရသည်။

၂၀၀၈ ခုနှစ်တွင် ဗြိတိန် နိုင်ငံခြားရေးနှင့် ဓနသယာယရုံးမှ ၎င်းတို့ဝန်ထမ်းများကို မြန်မာ့လေကြောင်း ကို စီးနင်း လိုက်ပါ ခြင်း မပြုရန် သတိပေးခဲ့ဖူးသည်။ မြန်မာ့လေကြောင်းသည် နိုင်ငံတကာဘေးကင်းလုံခြုံမှုဆိုင်ရာ စံနှုန်းများနှင့် ကိုက်ညီမှု မရှိ ဟုလည်း စွပ်စွဲခဲ့သည်။

လက်ရှိအချိန်တွင် မြန်မာ့လေကြောင်းလိုင်း အနေဖြင့် ပြင်စစ်/အီတလီ တို့မှထုတ်လုပ်သည့် ATR လေယာဉ်များကို အဓိက ထား အသုံးပြုနေရသည်။

ဧရာဝတီ

ရှေ့ယာဉ်အား နောက်ယာဉ်က ၀င်တိုက်



နေပြည်တော်၊ ဖေဖော်ဝါရီ ၁၅
၂၀၁၄ ခုနှစ်၊ ဖေဖော်ဝါရီလ ၁၁ ရက်နေ့ နံနက် ၆ နာရီ ၄၀ မိနစ်အချိန်၊ မန္တလေးတိုင်း ဒေသကြီး၊ မိတ်္ထီလာမြို့နယ်၊ ရန်ကုန်-မန္တလေးအမြန်လမ်း၊ မိုင်တိုင်အမှတ်(၂၉၁/၁-၂)ကြားတွင် ယာဉ်တိုက်မှုဖြစ်ပွားကြောင်းသတင်းအရ သီးကုန်းအမြန်လမ်းရဲစခန်းမှတပ်ဖွဲ့ဝင်များ သွားရောက်စစ်ဆေး ခဲ့သည်။ စစ်ဆေးချက်အရ မန္တလေးမှရန်ကုန်သို့ စစ်ကိုင်းတိုင်းဒေသကြီး၊ မုံရွာမြို့၊ ကွေ့ကြီးရပ်ကွက်နေ ခင်မောင်ရှိန်း(၃၇)နှစ်မောင်းနှင်လာသော ၁င/xxxx ဘတ်တာခဲရောင်ယာဉ်သည် ရှေ့မှမောင်းနှင်နေသော မုံရွာမြို့၊ မြို့မလမ်း၊ အမှတ်(၈)ရပ်ကွက်နေ အောင်ချိုဦး(၅၃)နှစ်မောင်းနှင်လာသည့် ၃င/xxxx တိုယိုတာကယ်ရီနား အဖြူရောင်ယာဉ်အား အရှိန်မထိန်းနိုင်ဘဲ နောက်မှဝင်ရောက်တိုက်မိခဲ့ကြောင်းတွေ့ရှိရသည်။ ထိုသို့တိုက်မိမှုကြောင့် ဘတ်တာယာဉ်ပေါ်တွင် လိုက်ပါလာကြသည့် မန္တလေးတိုင်းဒေသကြီး၊ မလှိုင်မြို့နယ်၊ ရွှေပေါ်ကျွန်းရွာ နေသူများဖြစ်သည့် ဦးစိုးနိုင်(၄၁)နှစ်တွင် ၀ဲပါးညိုမဲ၊ နောက်ကျော/ဆီးစပ်နာကျင်ဒဏ်ရာ၊ မကြူကြူမာ (၂၉)နှစ်တွင် ဦးခေါင်းမူးဝေ၊ ခါးနာကျင်ဒဏ်ရာ၊ မစုလှိုင်ပြည့်(၄)နှစ်တွင် ယာပါးနာကျင်၊ ရင်ဘတ်အောင့် ဒဏ်ရာနှင့် တိုယိုတာကယ်ရီနားယာဉ်ပေါ်ပါ မုံရွာမြို့နယ်၊ ရန်ကင်းရပ်ကွက်နေ မျိုးနိုင်ဦးတွင် ရင်ဘတ်အောင့်၊ ခါးရိုးအောက်ပိုင်းနာကျင်ဒဏ်ရာများ အသီးသီးရရှိခဲ့သည့်အပြင် တိုယိုတာကယ်ရီးနားယာဉ်မှာ နောက်မီးစုံ/ နောက်လေကာမှန်ကွဲ၊ နောက်တံခါးဖုံးပိန်ချိုင့်၊ တန်ဘိုးငွေ(၁၀)သိန်းခန့်နှင့် ဘတ်တာယာဉ်မှာ ရှေ့ဝဲယာ မီးသီးကွဲ၊ ရှေ့ဘန်ကာပိန်ချိုင့်၊ တန်ဘိုးငွေကျပ်(၅)သိန်းခန့် ပျက်စီးဆုံးရှုံးခဲ့သောကြောင့် ယာဉ်မဆင်မခြင် မောင်းနှင်သူ ခင်မောင်ရှိန်းအား သီးကုန်းအမြန်လမ်းရဲစခန်း(ပ)၂/၂၀၁၄၊ ပြစ်မှုပုဒ်မ ၃၃၇ ဖြင့် အမှုဖွင့် အရေးယူထားကြောင်း သတင်းရရှိသည်။

ရဲဇာနည်

မြန်မာပြည် ဒီမိုကရေစီရမယ့်နေ့


ရွေးကောက်တင်မြှောက်ခြင်း ခံစရာမလိုသော တပ်ကိုယ်စားလှယ်များက ဥပဒေပြု လွှတ်တော်၏ ၂၅ ရာခိုင်နှုန်းကို လွှမ်းမိုးထားခြင်းက ဒီမိုကရေစီ မမည် (ဓာတ်ပုံ – Reuters)

“ဒီမိုကရေစီဆိုတာ သူ့ထက်ဆိုးတဲ့ တခြားစနစ်တွေကို ဖယ်လိုက်ရင် အဆိုးဆုံး စနစ်တရပ်ပဲ” လို့ ၀င်စတန် ချာချီက ပြောဖူးပါတယ်။ ဒီမိုကရေစီစနစ်ဟာ ကိုးဆယ့်ခြောက်ပါး ရောဂါပျောက်ဆေးတော့ မဟုတ်ပါဘူး။ ဒီလိုပဲ ဒီမိုကရေစီစနစ်မှာ ရွေးကောက်ပွဲတွေဟာ အရေးကြီးတာမှန်ပေမယ့် ရွေးကောက်ပွဲတခုတည်းနဲ့ တည်ငြိမ်တဲ့ ဒီမိုကရေစီကို တည်ဆောက်ဖုိ့ မလုံလောက်ပါဘူး။

ဒီနှစ်ထဲ အခုအချိန်အထိ အာရှမှာ ရွေးကောက်ပွဲကျင်းပခဲ့တဲ့ နှစ်နိုင်ငံရှိပါတယ်။ ဇန်န၀ါရီလမှာ ကျင်းပတဲ့ ဘင်္ဂလားဒေ့ရ်ှရွေးကောက်ပွဲနဲ့ ဖေဖော်ဝါရီလမှာ  ကျင်းပတဲ့ ထိုင်း ရွေးကောက်ပွဲတို့ ဖြစ်ပါတယ်။ ရွေးကောက်ပွဲနှစ်ခုစလုံးကို အဓိအရုဏ်းတွေ ကြားက ကျင်းပခဲ့ရပြီး အဓိက အတိုက်အခံ ပါတီတွေက သပိတ်မှောက်ခဲ့ကြပါတယ်။ ဒီလိုပဲ မနှစ်က နိုဝင်ဘာလက နီပေါမှာ ကျင်းပခဲ့တဲ့ ရွေးကောက်ပွဲကိုလည်း ပါတီ ၃၀ ကျော်က ၀င်မပြိုင်ခဲ့ကြပါဘူး။ အတိုက်အခံပါတီတွေ ၀င်ပြိုင်ခဲ့တဲ့ မနှစ်မေလ မလေးရှားရွေးကောက်ပွဲနဲ့ မနှစ် ဇူလိုင်လ ကမ္ဘောဒီးယား ရွေးကောက်ပွဲတွေ ရလဒ်တွေကိုလည်း အတိုက်အခံက ငြင်းဆန်နေတုန်းပါပဲ။ ဒီအဖြစ်အပျက်တွေကို ကြည့်ရင် အာရှ နိုင်ငံတွေမှာ ကျင်းပနေတဲ့ ရွေးကောက်ပွဲတွေနဲ့ ပတ်သက်လို့ ဆင်ခြင်စရာ အကြောင်း ရှိလာပါတယ်။

အဓိက အကြောင်းရင်းနှစ်ရပ်ကို တွေ့ရပါတယ်။ အာဏာရ နိုင်ငံရေးသမားတွေကတော့ ရွေးကောက်ပွဲမှာ သူတို့ပဲ အနိုင်ရအောင် အကြံအဖန် လုပ်ကြတာနဲ့ အတိုက်အခံကလည်း သူတို့ ရှုံးမယ်ဆိုတာ သေချာတဲ့ ရွေးကောက်ပွဲတွေမှာ ၀င်မပြိုင်ကြတာပါ။ တရားမျှတမယ်ထင်ပြီး အတိုက်အခံက ၀င်ပြိုင်ပြီးရင်လည်း အလိမ်ခံရလို့ ရွေးကောက်ပွဲအလွန်မှာ ပြဿနာတွေ ဆက်ဖြစ်နေတာမျိုးပါ။

မြန်မာပြည်မှာလည်း ၂၀၁၀ ရွေးကောက်ပွဲကို အကြီးဆုံး အတိုက်အခံက သပိတ်မှောက်ခဲ့ပါတယ်။ ရွေးကောက်ပွဲ စည်းမျဉ်းစည်းကမ်းတွေကို တရားမျှတမှုမရှိတာက အဓိက အကြောင်းရင်း ဖြစ်ပါတယ်။ ဘင်္ဂလားဒေ့ရှ် ရွေးကောက်ပွဲမှာလိုပဲ နိုင်ငံတကာ ရွေးကောက်ပွဲစောင့်ကြည့်ရေးအဖွဲ့တွေ လက်ရှောင်ခဲ့ကြပါတယ်။ မဲစာရင်းတွေ၊ ကြိုတင်မဲကိစ္စတွေ အငြင်းပွားဖွယ်တွေဖြစ်ခဲ့ပြီး နောက်ဆုံးမှာ စစ်အစိုးရက ခေါင်းဆောင်တွေ ဦးဆောင်တဲ့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက အများစု အနိုင်ရသွားခဲ့ပါတယ်။

ဒေါ်အောင်ဆန်းစုကြည်ကို နေအိမ်အကျယ်ချုပ်ကနေ ပြန်လွှတ်ပေးလိုက်တဲ့ နောက်၊ ကြိုတင်ညှိနှုိုင်းမှုနဲ့ ဥပဒေတချို့ ပြင်ဆင်ပြီး ၂၀၁၂ ဧပြီလမှာ ကြားဖြတ်ရွေးကောက်ပွဲကို အများလက်ခံနိုင် လောက်တဲ့ အခြေအနေနဲ့ ကျင်းပခဲ့ပါတယ်။ အမျိုးသားဒီမိုကရေစီအဖွဲ့ချုပ်က နေရာအားလုံးနီးပါးမှာ အနိုင်ရခဲ့ပါတယ်၊ ကြားဖြတ်ရွေးကောက်ပွဲရလဒ်က မှတ်ကျောက်ဆိုရင် ၂၀၁၅ ရွေးကောက်ပွဲမှာလည်း အန်အယ်ဒီကပဲ တခဲနက် အနိုင်ရဖို့ ရှိပါတယ်။ ဒါကို သိတဲ့ အာဏာရအစိုးရက ရွေးကောက်ပွဲကို ဘယ်လို ပုံစံနဲ့ ကျင်းပမလဲဆိုတာ ဘယ်သူမှ မပြောနိုင်သေးပါဘူး။

မြန်မာနဲ့ အိမ်နီးချင်း နိုင်ငံတချုိ့မှာ ရွေးကောက်ပွဲတွေကို ဘယ်လို ကျင်းပသလဲဆိုတာကို လေ့လာကြည့်ရင် ထိုင်းနိုင်ငံမှာဆိုရင် အာဏာရအစိုးရက အိမ်စောင့်အစိုးရအနေနဲ့ ပြောင်းလဲပြီး ဖွဲ့စည်းပုံ အခြေခံ ဥပဒေနဲ့အညီ ရွေးကောက်ပွဲကို ကျင်းပပေးရပါတယ်။ ရွေးကောက်ပွဲကော်မရှင်ကို အိမ်စောင့် အစိုးရက ခန့်အပ်ပါတယ်၊ ရွေးကောက်ပွဲ မဲဆွယ်တဲ့ ကာလမှာ မဲဝယ်တာတွေ ရှိပေမယ့် ရွေးကောက်ပွဲမှာ မဲလိမ်တာကတော့ ဖြစ်လေ့ဖြစ်ထ မရှိပါဘူး။ ဒါပေမယ့် ထိုင်း ပြဿနာက ရွေးကောက်ပွဲနည်းလမ်းအရ အနိုင်ရတဲ့ ပါတီဟာ နိုင်သူ အကုန်ယူ (winner-takes-all) ချဉ်းကပ်မှုနဲ့ စိတ်နေစိတ်ထားကို မပြောင်းလဲနိုင်တဲ့ ပြဿနာနဲ့ ဆိုင်ပါတယ်။

အမည်ခံ ဒီမိုကရေစီနဲ့ တပါတီတည်းက လွှမ်းမိုးထားတဲ့ ကမ္ဘောဒီးယားနဲ့ မလေးရှားနိုင်ငံမှာတော့ ရွေးကောက်ပွဲစနစ်တွေဟာ အာဏာရပါတီကို မျက်နှာသာ ပေးထားပါတယ်။ ဘင်္ဂလားဒေ့ရှ် ရွေးကောက်ပွဲမှာ ဖွဲ့စည်းပုံ အခြေခံ ဥပဒေအရ ၁၉၉၁ ခုနှစ်ကစလို့ ရွေးကောက်ပွဲကျင်းပတဲ့အခါ အစိုးရ နုတ်ထွက်ပေးရပါတယ်။ ဘက်မလိုက်တဲ့ အစိုးရတရပ်က ရွေးကောက်ပွဲကို ကျင်းပပေးရပါတယ်။ အဓိက နိုင်ငံရေးပါတီကြီးတွေ အကြားမှာ ယုံကြည်မှု အားနည်းတဲ့ ဘင်္ဂလားဒေ့ရှ် နိုင်ငံရေးအတွက် ရွေးကောက်ပွဲနဲ့ အာဏာ အလွဲအပြောင်းကိစ္စတွေမှာ အလွန် ချောမွေ့စေခဲ့ပါတယ်။ ဒါပေမယ့် ၂၀၀၈ ခုနှစ် ဒီဇင်ဘာ ရွေးကောက်ပွဲမှာ လွှတ်တော်နေရာ အများစုကို အနိုင်ရတဲ့ အ၀ါမီအဖွဲ့ချုပ် ပါတီက ဖွဲ့စည်းပုံကို အခြေခံ ဥပဒေထဲက အဲဒီ အချက်ကို ဖျက်သိမ်းခဲ့ပါတယ်။ ရွေးကောက်ပွဲအကြိုကာလမှာ အဓိက အတိုက်အခံ ဘီအန်ပီရဲ့ မဟာမိတ် ဂျမတ် အီ အစ္စလာမ္မီ  ပါတီကို မတရားအသင်း ကြေညာခဲ့၊ ပါတီ ခေါင်းဆောင်တွေကို စစ်ရာဇ၀တ်မှုနဲ့ တရားစွဲခဲ့ပါတယ်။

ဒီလိုနဲ့ ရွေးကောက်ပွဲကို အတိုက်အခံပါတီက သပိတ်မှောက်ပြီး ရွေးကောက်ပွဲနဲ့ ဆက်နွယ်တဲ့ ပဋိပက္ခတွေအတွင်းမှာ လူ ၁၅၀ ကျော် သေဆုံးခဲ့ရပါတယ်။ ကမ္ဘောဒီးယားမှာ ရွေးကောက်ပွဲရလဒ်ကို ဆန်ကျင်တဲ့ သပိတ်တွေကို အဓိကရုဏ်းနှိမ်နင်းရေးတပ်ဖွဲ့က သေနတ်နဲ့ ပစ်ခတ်လူစုခွဲလို့ တော်တော်များများ သေဆုံးခဲ့ပါတယ်၊ ထိုင်းနိုင်ငံမှာလည်း အာဏာရပါတီက လွှတ်တော်ကို ပြန်ပေးဆွဲတယ်လို့ အတိုက်အခံက စွပ်စွဲပြီး ရွေးကောက်ပွဲအစား နိုင်ငံရေးပြုပြင်ပြောင်းလဲမှု အရင်လုပ်ဖို့ တောင်းဆိုနေတာ လနဲ့ချီ ကြာနေပါပြီ၊ ပဋိပက္ခတွေနဲ့ ချောင်းမြောင်းပစ်ခတ်မှုတွေကြောင့် အနည်းဆုံး လူ ၁၀ ယောက်သေဆုံးပြီး ရာနဲ့ချီ ဒဏ်ရာရသွားပါပြီ။

မြန်မာပြည်မှာ ရွေးကောက်ပွဲကျင်းပတဲ့ စနစ်နဲ့ပတ်သက်လို့ ဖွဲ့စည်းပုံ အခြေခံဥပဒေ အခန်း (၉) အပိုဒ် (၃၉၈) မှာ ပြည်ထောင်စု ရွေးကောက်ပွဲကော်မရှင်ဖွဲ့စည်းခြင်း ဆိုပြီး ပြဌာန်းထားပါတယ်၊ သဘောတရား အရတော့ ဘက်မလိုက်တဲ့ ကော်မရှင်တရပ်ကို သမတက ခန့်အပ်ဖွဲ့စည်းပေးပြီး ရွေးကောက်ပွဲကို ကျင်းပဖို့ တာဝန်အပ်နှင်းတဲ့ ပုံစံပါပဲ။ ရွေးကောက်ပွဲဆိုင်ရာ အငြင်းပွားမှုတွေမှာလည်း ကော်မရှင်ရဲ့ ဆုံးဖြတ်ချက်၊ ဆောင်ရွက်ချက်တွေဟာ အပြီးအပြတ်အတည်ဖြစ်စေရမယ်လို့ ပြဌာန်းထားပါတယ်။

တချိန်တည်းမှာ ကော်မရှင်ဥက္ကဌနဲ့ အဖွဲ့ဝင်တွေကို သမတက စွပ်စွဲအပြစ်တင်နိုင်တဲ့ အချက်တွေထဲမှာ “နိုင်ငံတော်၏ ကျေးဇူးသစ္စာတော်ကို ဖောက်ဖျက်ခြင်း”၊ “ဤဖွဲ့စည်းပုံ အခြေခံဥပဒေပါ ပြဌာန်းချက် တရပ်ရပ်ကို ဖောက်ဖျက်ကျူးလွန်ခြင်း” လို အချက်တွေကို ပြဌာန်းထားပါတာတွေ့ရပါတယ်။  လက်တွေ့မှာလည်း ရွေးကောက်ပွဲကော်မရှင်မှာ ထိပ်ဆုံးအဆုံးအဖြတ်နေရာကနေ အောက်ခြေအဆင့်ဆင့်အထိ စစ်တပ်အရာရှိ အရာခံတွေကို ခန့်အပ်ထားလို့ နိုင်ငံရေးပါတီတွေက လာမယ့် ၂၀၁၅ ရွေးကောက်ပွဲအတွက် စိုးရိမ်နေကြ ပါတယ်။ အိမ်နီးချင်း နိုင်ငံတွေမှာ ပေါ်ပေါက်နေတဲ့ ရွေးကောက်ပွဲ ပဋိပက္ခတွေကနေ သင်ခန်းစာမယူရင် မြန်မာပြည်မှာလည်း အလားတူ ပြဿနာတွေ ပေါ်ပေါက်လာဖို့ အခြေအနေ များပါတယ်။

“ဘင်္ဂလားဒေ့ရှ်၊ ထိုင်း၊ ကမ္ဘောဒီးယား တို့မှာ လုံလောက်တဲ့ ဒီမိုကရေစီမူဘောင် ထိန်းကြောင်းမှုစနစ်တွေ အလုံအလောက်မရှိတာကြောင့် ရွေးကောက်ပွဲတွေအပေါ် ယုံကြည်မှု ပျက်စီးစေပြီး မငြိမ်သက်မှုတွေပေါ်ပေါက်စေဖို့ အကြောင်းဖြစ်ရ တယ်၊ အာဏာရှင်ဆန်တဲ့ နိုင်ငံရေးခေါင်းဆောင်တွေ၊ စာရိတ္တပျက်ပြားတဲ့ နိုင်ငံရေးသမားတွေဟာ အစိုးရ ယန္တယားတွေကို သူတို့ ကိုယ်ကျိုး၊ သူတို့ အပေါင်းအပါတွေရဲ့ ကိုယ်ကျိုးအတွက် အသုံးချကြတယ်။ တချို့ နိုင်ငံတွေမှာ ဆယ်စုနှစ်တွေတောင် ရှိနေပြီ” လို့ နယူးယော့ခ် တိုင်းမ် သတင်းစာ အယ်ဒီတာ့ အာဘော်က ကောက်ချက်ဆွဲထားပါတယ်။ ဒီမိုကရေစီစနစ်ဆိုတာ လွတ်လပ်မျှတတဲ့ ရွေးကောက်ပွဲလောက်ကို ဆိုလိုတာမဟုတ်ပါဘူး။ တရားဥပဒေစိုးမိုးမှု၊ အာဏာခွဲခြားမှု၊ အာဏာခွဲဝေမှု၊ ပြည်သူတွေရဲ့ လွတ်လပ်ခွင့်တွေလည်း အကြုံးဝင် ပါတယ်။

ဒီထက်အရေးကြီးတာက စိတ်နေစိတ်ထားဖြစ်ပါတယ်။ ဒီမိုကရက်တယောက်ဖြစ်ဖို့ အရေးကြီးတဲ့ မှတ်ကျောက်ဟာ ရွေးကောက်ပွဲနဲ့ အာဏာကို ရအောင် ဘယ်လို ယူနိုင်သလဲဆိုတဲ့ အချက်မဟုတ်ပါဘူး။ ရွေးကောက်ပွဲအရှုံးကို လူကြီးလူကောင်းဆန်ဆန် ဘယ်လိုခံယူသလဲဆိုတဲ့ အချက်ဖြစ်ပါတယ်။ ရှုံးသွားရင် နောက်တကြိမ် ရွေးကောက်ပွဲအထိ စောင့်ကြပါတယ်။

အာရှရဲ့ အာဏာရ ခေါင်းဆောင်တွေလိုပဲ မြန်မာပြည်ရဲ့ နိုင်ငံရေးခေါင်းဆောင်တွေ၊ အတိအကျ ပြောရရင် စစ်ခေါင်းဆောင်တွေဆီမှာ ဒီမိုကရက် စိတ်နေစိတ်ထားတွေ အားနည်းနေတာကို တွေ့ရပါတယ်၊ အာဏာလက်လွှတ်ရမှာကို ကြောက်ပြီး ရွေးကောက်ပွဲကို မရိုးမသား ကျင်းပကြပါတယ်။ ရွေးကောက်ပွဲအထိ မစောင့်နိုင်ကြပါဘူး။ အာဏာကို တရားမျှတတဲ့ ရွေးကောက်ပွဲနည်းလမ်းနဲ့ ယူရတယ်၊ ရှုံးသွားရင် နောက်ရွေးကောက်ပွဲကို စောင့်ရတယ်ဆိုတဲ့ ဒီမိုကရက်စိတ်ဓာတ်တွေကို မြန်မာစစ်ဗိုလ်ချုပ်တွေ နားလည်လက်ခံ သဘောပေါက်တဲ့နေ့ဟာ  မြန်မာပြည်မှာ ဒီမိုကရေစီရမယ့် နေ့ပါပဲ။

ဧရာဝတီ

မန္တလေး လျှပ်စစ်ဓာတ်အားပေး စက်ရုံ အမေရိကန်ကုမ္ပဏီ တည်ဆောက်မည်

ရခိုင်ပြည်နယ်အတွင်း ဖြတ်သန်းသွားသော တရုတ်ဂတ်စ်ပိုက်လိုင်း (ဓာတ်ပုံ – ဂျေပိုင် / ဧရာဝတီ)

မြန်မာနိုင်ငံတွင် ၁၀၀ မီဂါဝပ် ထုတ်လုပ်ပေးနိုင်မည့် လျှပ်စစ်ဓာတ်အားပေး စက်ရုံတရုံ ဆောက်လုပ်ရန် အမေရိကန် ကုမ္ပဏီ တခုဖြစ်သည့် APR Energy PLC က ကန်ထရိုက်ရရှိသွားကြောင်း သိရသည်။

မြန်မာနိုင်ငံသို့ ချမှတ်ထားသည့် ပိတ်ဆို့ကန့်သတ်မှုများ ရုပ်သိမ်းလိုက်ပြီးနောက်ပိုင်း တွင် အမေရိကန်ကုမ္ပဏီတခု၏  အကြီးမားဆုံးရင်းနှီးမြှုပ်နှံမှုတွေထဲက တခု ဖြစ်လာဖွယ်ရှိသည်ဟု ကုမ္ပဏီ၏ သတင်းထုတ်ပြန်ချက်တွင် ဖော်ပြထားသော်လည်း မည်မျှ ရင်းနှီးမြှုပ်နှံမည်ကိုမူ မသိရှိရသေးပေ။

ယခုစက်ရုံနှင့် စွမ်းဆောင်ရည် တူညီသော ကျောက်မီးသွေး လောင်စာသုံး စက်ရုံတရုံ ပါကစ္စတန် နိုင်ငံတွင်တည်ဆောက်ခဲ့ရာ ကုန်ကျစားရိတ် အမေရိကန်ဒေါ်လာ သန်း ၁၆၀ ရှိခဲ့ကြောင်း သိရသည်။

၂၀၁၂ ခုနှစ် အလယ်ပိုင်းခန့်အထိ အမေရိကန် ကုမ္ပဏီများ မြန်မာနိုင်ငံတွင် သို့မဟုတ် မြန်မာနိုင်ငံနှင့် စီးပွားရေး လုပ်ကိုင် ခွင့်ကို အစိုးရက တားမြစ်ထိန်းချုပ်ထားခဲ့သည်။ APR Energy ၏ ရင်းနှီးမြှုပ်နှံမှုက မြန်မာနိုင်ငံတွင် စီးပွားရေး လုပ်ရန် အမေရိကန် ကုမ္ပဏီများ အတွက် အခက်အခဲများ လျော့ကျလာခြင်းကို ဖော်ပြလိုက်ခြင်းလည်း ဖြစ်သည်။

APR Energy က အခြေခံအဆင့်မှ စတင်၍ အလေးထားလုပ်ဆောင်သွားမည်ဖြစ်ပြီး မြန်မာနိုင်ငံတွင် လျှပ်စစ်ဓာတ်အား ဖြန့်ဖြူးပေးနိုင်မှုသည် ၂၉ ရာခိုင်နှုန်းခန့်သာရှိကာ ဒေသတွင်းတွင် အနိမ့်ဆုံးဖြစ်နေကြောင်း သတိပြုမိကြောင်း ပြောသည်။ မြန်မာပြည်သူ ၄၅ သန်းခန့်သည် လျှပ်စစ်ဓာတ်အား သုံးစွဲနိုင်ခြင်း မရှိပါ။

မြန်မာနိုင်ငံ အလယ်ပိုင်း မန္တလေးတိုင်းအတွင်းတွင် တည်ဆောက်မည့် အဆိုပါ ဓာတ်အားပေးစက်ရုံက ပြည်သူ ၆ သန်း ခန့်အတွက် ဓာတ်အားထောက်ပံ့ပေးသွားနိုင်မည်ဖြစ်ပြီး လောင်စာအဖြစ် တရုတ်နိုင်ငံ သဘာဝဓာတ်ငွေ့ပိုက်လိုင်းမှ အရံဓာတ်ငွေများကို အစိုးရ၏ ကူညီမှုဖြင့် ရယူသုံးစွဲသွားမည်ဖြစ်သည်။

တရုတ်နိုင်ငံက မြန်မာနိုင်ငံအတွင်း ကီလိုမီတာ ၁၂၀၀ ကျော်ဖြတ်သန်း၍ တည်ဆောက်ထားသော ဓာတ်ငွေ့ပိုက်လိုင်း သည် အရေးပါသော ဗျူဟာမြောက် စွမ်းအင်အရင်းအမြစ်တခု ဖြစ်သည်။ ထိုပိုက်လိုင်းကြောင့် မလက္ကာ ရေလက်ကြားကို တရုတ်တို့ မှီခို အားထားနေရမှု လျှော့ချနိုင်ခဲ့သည်။

APR Energy သည် မြန်မာနိုင်ငံ လျှပ်စစ်စွမ်းအားဝန်ကြီးဌာနမှ အိတ်ဖွင့်တင်ဒါ ခေါ်ယူရာတွင် ၀င်ရောက်ယှဉ်ပြိုင်ပြီး ဓာတ်အားပေးစက်ရုံ ကန်ထရိုက် ရရှိခဲ့ခြင်း ဖြစ်သည်။

APR Energy ၏ သတင်းထုတ်ပြန်ချက်တွင် မြန်မာနိုင်ငံဆိုင်ရာ အမေရိကန် သံအမတ်ကြီး Derek Mitchell က “အမေရိကန် စီးပွားရေး လုပ်ငန်းတွေရဲ့ အတွေ့အကြုံနဲ့ စည်းကမ်းလိုက်နာမှု၊ ပွင့်လင်းမြင်သာတဲ့ ချဉ်းကပ်မှုတွေက ထိရောက်တဲ့ ကူညီမှုတွေ ဖြစ်လာပါလိမ့်မယ်” ဟု ပြောထားသည်။

တချိန်တည်းတွင် အမေရိကန် ထုတ်ကုန်/သွင်းကုန် ဘဏ် (Export-Import Bank of the United States) ကလည်း မြန်မာနိုင်ငံတွင် လုပ်ငန်းများ စတင်ခဲ့ပြီဖြစ်သည်။ အမေရိကန် ပို့ကုန်လုပ်ငန်းရှင်များ ဈေးကွက်ယှဉ်ပြိုင်မှုတွင် အထောက် အကူပေးရန်နှင့် မြန်မာနိုင်ငံကို ကမ္ဘာ့စီးပွားရေးလောကနှင့် ပြန်လည် ပေါင်းစပ်နိုင်အောင် ကူညီပေးရန်ဖြစ်သည် ဟုသိရသည်။

အမေရိကန် အစိုးရ အဖွဲ့အစည်းတခု ဖြစ်သည့် ထုတ်ကုန်/သွင်းကုန် ဘဏ်၏ ဥက္ကဌ Fred Hochberg က  မြန်မာနိုင်ငံ တွင် ပြုပြင်ပြောင်းလဲရေးများ ဆက်လက်ရှိနေသည်နှင့် အမျှ စီးပွားရေး ပူးပေါင်းဆောင်ရွက်မှုကို ပိုမို အားကောင်းလာအောင် ဆောင်ရွက်ပေးမည်ဟု ပေးထားသည့်ကတိကို ခိုင်မာစွာ ပြသလိုက်ခြင်းဟု ထုတ်ပြန်ကြေညာခဲ့သည်။

“ဒီဆုံးဖြတ်ချက်ကြောင့် ကျနော်တို့ ၂ နိုင်ငံကြား ကုန်သွယ်မှုကို တိုးတက်စေပြီးတော့ မြန်မာနိုင်ငံကို ကမ္ဘာ့စီးပွားရေး အသိုင်းအ၀ိုင်းနဲ့ ပြန်လည်ပူးပေါင်းနိုင်အောင် ကူညီပါလိမ့်မယ်”ဟု ကြေညာချက်တွင် သူက ပြောကြားလိုက်သည်။

အမေရိကန် ထုတ်ကုန်/သွင်းကုန် ဘဏ်၏ အကြီးတန်း အရာရှိတဦးက စိုက်ပျိုးရေး ထွက်ကုန်များ၊ ပို့ဆောင်ရေး ကဏ္ဍ နှင့် လျှပ်စစ်ဓာတ်အား၊ သတ္တုတူးဖော်ရေးနှင့် စိုက်ပျိုးရေးကရိယာများ အပါအ၀င် အခြေခံအဆောက်အဦးဆိုင်ရာများတွင် အမေရိကန် ပို့ကုန်လုပ်ငန်းရှင်များအတွက် စိတ်လှုပ်ရှားဖွယ်ရာ အခွင့်အရေးများ မြန်မာနိုင်ငံတွင် ရှိနေသည်ဟု ပြော သည်။

အဆိုပါဘဏ်က ပို့ကုန် ချေးငွေ အာမခံနှင့် ပို့ကုန်ရောင်းချမှုများအတွက် ငွေထုတ်ချေးခြင်းများ ဆောင် ရွက်ပေးသွားမည် ဟုလည်းသိရသည်။

ဧရာဝတီ

ဒေါ်အောင်ဆန်းစုကြည် ဘာမှားသလဲ ဘာပြင်သင့်သလဲ

ဒေါ်အောင်ဆန်းစုကြည် ကယ်ရီကေးချား (သရုပ်ဖော် – စိုင်းစိုးကြည် / ဧရာဝတီ)

၂၀၁၅ ရွေးကောက် ပွဲအကြောင်း စာနယ်ဇင်း အတော် များများက ရေးသား ပြောဆို ကြတယ်။ တရား မျှတပြီး လွတ်လပ်တဲ့ ရွေးကောက်ပွဲသာ ဖြစ်မယ်ဆို ဒေါ်အောင်ဆန်း စုကြည် ဦးဆောင်တဲ့ အမျိုးသား ဒီမိုကရေစီ အဖွဲ့ချုပ် (NLD) နေရာ အများ အပြားမှာ နိုင်မယ် ဆိုတာ အများစုက ယူဆကြတယ်။ ဒါပေမယ့် ဒေါ်အောင်ဆန်း စုကြည် သမ္မတ ဖြစ်ခွင့် ပိတ်ပင် ထားတဲ့ ဖွဲ့စည်းပုံ အခြေခံ ဥပဒေ ပြင်ဆင်ရေးက ခက်ခဲတာမို့ ဘယ်သူ့ကို တိုင်းပြည် ဦးဆောင်ဖို့ ပါတီက လျာထားသလဲ မသိရသေးဘူး။ နောက် အစိုးရ အဖွဲ့ကို သင့်လျော်တဲ့ ဘယ်သူတွေနဲ့ ဝန်ကြီးနေရာ ခန့်အပ်ပြီး ဖွဲ့စည်းမယ် ဆိုတဲ့ အဆင်သင့် ပြင်ထားမှုလည်း မရှိဘူး။

လူငယ်တွေနဲ့ ပွဲထွက်ခဲ့တဲ့ ၂၀၁၂ ကြားဖြတ် ရွေးကောက်ပွဲ တုန်းကလို ပွဲမဝင်ခင် ပြင်ဆင်ထားမှု မလုပ်ဘဲ နီးမှ လူစုတာ ၂၀၁၅ အလွန် အုပ်ချုပ်ရေး အတွက် မကောင်းပါ။  တိုင်းပြည်ရဲ့  ပြုပြင်ပြောင်း လဲရေးကို အရှိန်လျော့ သွားစေနိုင်တယ်။ နိုင်ငံခြား ရင်းနှီး မြှုပ်နှံမှုတွေ ကလည်း ၂၀၁၅ ရွေး ကောက်ပွဲ အပြီး ပိုဝင်လာ နိုင်တာမို့ စီမံခန့်ခွဲ တတ်မှုက အရေးပါတယ်။ အခုကိုပဲ မြန်မာ့နိုင်ငံရေး လေ့လာသူ အတော် များများက ရှေ့ဖြစ်ဟော ကုန်ကြပါပြီ။ ၂၀၁၅ ခုနှစ် ရွေးကောက် ပွဲဟာ နိုင်ငံရေးအရ ဒီမိုကရေစီပို ရှိလာဖို့နဲ့ စီးပွားရေးအရ ပိုညီမျှလာဖို့ကို ဖန်တီးပေးနိုင်မှာ မဟုတ်ဘူးလို့ ပြောကုန်ပြီ။  အကြောင်းက ဖြစ်ပျက်နေတဲ့ လူမျိုးရေး ပဋိပက္ခတွေက တိုင်းပြည် စီးပွားဖွံ့ဖြိုးဖို့နဲ့ နိုင်ငံရေးအရ တည်ငြိမ်ဖို့ လမ်းကို ပိတ်ဆို့ထားကြလို့ပါ။ ဒါတွေကို ကိုင်တွယ်တဲ့ ဒေါ်အောင်ဆန်းစုကြည်ရဲ့ရပ်တည်ချက်က မရေမရာဆန်လာတယ်လို့ ဝေဖန်မှုတွေ ရှိလာပါတယ်။

နိုဘဲလ် ငြိမ်းချမ်းရေးဆုရှင် တဦး အနေနဲ့ ရခိုင်မှာတင်မက မြန်မာပြည်အလယ်ပိုင်း မိတ္ထီလာမြို့ကြီးတွေအထိ တောက်လောင်ခဲ့တဲ့ လူမျိုးရေး ပဋိပက္ခမီးတောက်တွေအကြောင်း နှုတ်ဆိတ်နေခဲ့တာ၊ အမုန်းတရားတွေ ဟောပြောပျံ့နှံ့နေတာကို ရင်မဆိုင်တာ၊ ကချင်စစ်ပွဲတွေကို လျစ်လျူရှုခဲ့တာတွေက သူ့အတွက် အမှတ်လျော့စရာတွေ ဖြစ်ခဲ့ရတယ်။ ဒီအတောအတွင်း အောင်မြင်မှု မရှိခဲ့တဲ့ တပ်မတော်နဲ့ နီးစပ်အောင် ကြိုးပမ်းခဲ့တာတွေကလည်း ပြောစရာပါ။ ဗြိတိန်နိုင်ငံ ဒုတိယအကြိမ်ခရီးမှာ လူ့အခွင့်အရေး တိုက်ပွဲဝင် ရဲဘော်ရဲဘက်ဟောင်းတွေနဲ့ မတွေ့ဘဲ နိုင်ငံရေးထိပ်သီး တွေနဲ့ တွေ့ပြီး မြန်မာ့တပ်မတော်ကို အကူအညီပေးဖို့ တိုက်တွန်းတာ၊ တပ်မတော်နေ့အခမ်းအနား ဗိုလ်ချုပ် တွေနဲ့အတူ တက်ခဲ့တာတွေဟာ နောက်ဆုံး အရာမထင်ခဲ့ပါဘူး။

သမ္မတဦးသိန်းစိန်ကို ယုံတယ်လို့ပြောပြီး ကြားဖြတ်ရွေးကောက်ပွဲ မှာ ဝင်ပါလို့ အရပ်သားအသွင်ဆောင် စစ်တပ်ကြီးစိုး အုပ်ချုပ်ရေး စနစ်ကို နိုင်ငံတကာက အသိအမှတ်ပြုလာအောင်  ထောက်ခံပေးခဲ့တဲ့ ဒေါ်အောင်ဆန်းစုကြည် ဘေးကျပ်နံကျပ် ဖြစ်နေခဲ့ပါပြီ။ ဦးသိန်းစိန် အစိုးရကို ထောက်ခံမှုပေးပြီး လူမသိသူမသိ တွေ့ဆုံဆွေးနွေးမှုကနေ ဘာတွေ သဘောတူညီခဲ့သလဲဆိုတဲ့ သံသယတွေက သူ့အပေါ်ထောက် ခံမှုတွေ စကျဆင်းလာစေခဲ့တယ်။ နာမည်ပျက်နေတဲ့ စစ်အုပ်ချုပ် ရေးကို တရားဝင်လူရာသွင်းပေးပြီး ဒဏ်ခတ်ပိတ်ဆို့မှုတွေ ပြန်ဖွင့်ပေး အောင်လုပ်ခဲ့လို့ တပ်ခေါင်းဆောင်တွေက သူ့ကို အသုံးချပြီး လိုတာယူ သွားနိုင်ခဲ့တယ်။

လက်ပံတောင်းကော်မရှင်မှာ အစိုးရနဲ့ တပ်ဘက်က ရပ်တည်ခဲ့တာကလည်း ထောင်ချောက်ထဲ တိုးဝင်သွားသလို ဖြစ်ခဲ့တယ် လို့ ဝေဖန်ခဲ့ကြတယ်။  အခုတော့လည်း ဦးသိန်းစိန်နဲ့ အရင်လို အစေး မကပ်တော့ဘဲ နိုင်ငံရေးပြိုင်ဘက်လိုဖြစ်သွားပြီး ဖြစ်နေသမျှပြဿနာ တွေအတွက် တာဝန်ရှိသမျှဟာ ဦးသိန်းစိန်ဆိုပြီး နိုင်ငံရေးဖိအားတွေကို ပုတ်ထုတ်နေတော့တယ်။ သူရဦးရွှေမန်းနဲ့တပူးတွဲတွဲလုပ်လာပြီး လွှတ် တော်မှာ တရားဥပဒေစိုးမိုးမှု ကော်မတီဥက္ကဋ္ဌ ဖြစ်လာခဲ့ပေမယ့် ဘာမှ လုပ်လို့မရဘူး။

လူမျိုးရေးပဋိပက္ခတွေကို ချဉ်းကပ်ရာမှာလည်း ကျဉ်းထဲကျပ်ထဲမှာပါ။ မွတ်စလင်တွေအပေါ် တိုက်ခိုက်တာတွေကို ရှုတ်ချလိုက်ရင် ဗုဒ္ဓဘာသာဝင်တွေကြား ထောက်ခံမှု လျော့မယ်။ အခုကို ဘုန်းတော်ကြီးတချို့နဲ့ မွတ်စလင်ဆန့်ကျင်သူတွေက မျိုးမစောင့်ဘူးဆိုတဲ့ အကြောင်းပြချက် နဲ့ ဖွဲ့စည်းပုံအခြေခံဥပဒေပါ ပုဒ်မ ၅၉ (စ) ကို မဖျက်ပေးဖို့ လှုံ့ဆော်နေပါပြီ။ နှုတ်ဆိတ်နေရင် နိုင်ငံတကာအသိုင်းအဝိုင်းမှာ အမှတ်လျော့ပေမယ့် အဲဒီလမ်းပဲ ဒေါ်အောင်ဆန်းစုကြည် ရွေးချယ်ခဲ့တယ်။ သတင်းတွေအရ ဗြိတိန်နိုင်ငံခြားရေးဝန်ကြီး ဝီလျံဟိဂ်နဲ့ ဘုန်းတော်ကြီး ဒလိုင်း လားမား၊ ဒက်စမွန်တူးတူးတို့က ဒီကိစ္စထုတ်ပြောဖို့ တိုက်တွန်းပေမယ့် မကြားချင်ယောင်ဆောင်ခဲ့တယ်လို့ သိရတယ်။

မြန်မာပြည် မြောက်ဖျားက ကချင်တွေကို တပ်က အကြီးအကျယ် စစ်ဆင်တုန်းကလည်း စစ်ရပ်စဲရေး ဒေါ်အောင်ဆန်းစုကြည် မပြောခဲ့ဘူး။ ဒီအတွက် တိုင်းရင်းသားတွေနဲ့ လူ့အခွင့်အရေး လှုပ်ရှားသူတွေရဲ့ ထောက်ခံမှုတွေ လက်လွှတ်ခဲ့ရတယ်။ ဒေါ်အောင်ဆန်းစုကြည်ဟာ တပ်မတော်နဲ့ နီးစပ်ဖို့ သူတန်ဖိုးထားခဲ့တဲ့ စံတန်ဖိုးတွေကို စွန့်ခွာခဲ့ပြီ၊ တိုင်းရင်းသားတွေ သူ့ကိုထောက်ခံခဲ့သမျှ သဲထဲရေသွန်ဖြစ်ခဲ့ပြီလို့ ဝေဖန် သံတွေညံလာခဲ့တယ်။ တချိန်က နိုင်ငံရေးမှာ အတူ ကျောချင်းကပ်ခဲ့တဲ့ ရဲဘော်ရဲဘက် ရှမ်းနိုင်ငံရေးသမား ဦးခွန်ထွန်းဦးကဆို ဒေါ်အောင်ဆန်းစုကြည် “အချည်ခံ”  လိုက်ရပြီလို့ လူသိရှင်ကြား ဝေဖန်ခဲ့တယ်။

ခင်ဗျား ဒေါ်အောင်ဆန်းစုကြည် နေရာမှာဆို ဘာလုပ်မလဲလို့ မေးရင် အဖြေရှိပါတယ်။ ဒေါ်အောင်ဆန်းစုကြည် လေးစားအားကျတဲ့ ခေါင်းဆောင်တွေ ဒီလိုမျိုး ပဋိပက္ခကို ပုံစံအမျိုးမျိုးနဲ့ တုံ့ပြန်ခဲ့ကြဖူးတယ်။ ဒီနေ့ ရခိုင်မှာဖြစ်နေတဲ့ အရေးအခင်းတွေလိုမျိုး ဟိန္ဒူနဲ့ မွတ်စလင်တွေ လွတ်လပ်ရေးအကြိုခေတ်က အိန္ဒိယမှာ အကြီးအကျယ် သတ်ဖြတ်ခဲ့ကြတုန်းက မဟတ္တမဂန္ဒီက သွေးထွက်သံယိုမှုတွေ ရပ်သွားရေး အစာငတ်ခံဆန္ဒပြခဲ့တယ်။ အမေရိကန် လူမည်းခေါင်းဆောင် မာတင်လူသာကင်း လူဖြူတွေ လူမည်းတွေကိုသတ်တုန်းက သတ်ဖြတ် ခံရသူတွေဘက်က ရပ်တည်ပြီး ငြိမ်းချမ်းတဲ့ လမ်းပေါ်ဆန္ဒပြပွဲတွေကို ဦးစီးခဲ့တယ်။ တောင်အာဖရိကမှာ လူမျိုးစုအချင်းချင်း တိုက်ခိုက်သတ် ဖြတ်တာကို လူဖြူအစိုးရက ဘက်လိုက်လို့ နယ်ဆင်မန်ဒဲလားက အသွင်ကူးပြောင်းရေး လုပ်ငန်းစဉ်ကို သပိတ်မှောက်ဖို့ ဖိအားပေးခဲ့ဖူးတဲ့ သာဓကတွေ ရှိပါတယ်။

ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ်ကို အခုအချိန် ဝေဖန်တာဟာ အကဲဆတ်တဲ့ အသွင်ကူးပြောင်းရေးအတွက် အထောက်အပံ့ မဖြစ်ဘူးလို့ ပြောသူတွေလည်း ရှိတယ်။ ဒါပေမယ့် ဒီမိုကရေစီစနစ်ကို အခြေခံတဲ့ လူ့ဘောင်တခုဆီသွားရာမှာ ဝေဖန်ရေးဟာ အရေးကြီးတယ်။ ၂၀၁၅ ရွေးကောက်ပွဲဝင်ပြီး တိုင်းပြည်ကို ခေါင်းဆောင်မယ့်သူကို ဝေဖန်ဆန်းစစ်ရမှာကိုဖြစ်တယ်။ မြန်မာပြည်ရေး ကျွမ်းကျင်သူ ဆွီဒင်သတင်းစာဆရာ ဘာတေးလင့်တနာကဆို “ဒီနေ့ မြန်မာပြည်ရဲ့ ပြဿနာတစိတ်တပိုင်းက သူ့ဘေးနားမှာသူ ဘာမှားသလဲ ဆိုတာ မပြောရဲတဲ့သူတွေချည်း ဝိုင်းနေတာပါပဲ။ သူတို့ဟာ အဓိပ္ပာယ် ရှိတဲ့ အကြံပြုချက်တွေတောင် မတင်ပြရဲဘူး။ အဲဒါဟာ ဒေါ်အောင်ဆန်း စုကြည်ကျရှုံးမှုကိုလည်း ဖြစ်ကောင်းဖြစ်သွားစေနိုင်တယ်” လို့ အင်တာဗျူးတခုမှာ ဆိုခဲ့တယ်။ ဒါဟာ ဒေါ်အောင်ဆန်းစုကြည်သတင်းအချက် အလက် အမှန်တွေမရဘူး၊ ဒါ့ကြောင့် သူ့ဗျူဟာ အားနည်းပြီး ဆုံးဖြတ် ချက်အမှားတွေ လုပ်ခဲ့တာလို့ ဆိုလိုတာပါ။

ဘာပဲပြောပြော ဒေါ်အောင်ဆန်းစုကြည်ဟာ နိုင်ငံတကာမိသားစု အသိုင်းအဝိုင်းက လေးစားချစ်ခင်ကြပြီး မြန်မာပြည်သူ အများစုက ချစ်ခင်ကြည်ညိုကြသူဆိုတာ သံသရှိစရာ မလိုပါဘူး။ မြန်မာ့နိုင်ငံရေးမှာ ထင်ရှားတဲ့ တခြားနိုင်ငံရေးမိသားစုမျိုးဆက်တွေထက်လည်း တိုင်းပြည်နဲ့ နိုင်ငံသားတွေအတွက် စွန့်လွှတ်အနစ်နာခံပြီး လူအများရဲ့ ယုံကြည် ကိုးစားမှုကိုလည်း ရယူနိုင်ခဲ့တယ်။ စစ်ခေါင်းဆောင်တွေလို စာရိတ္တချို့ ယွင်းမှုမရှိဘဲ တိုင်းပြည်ကို ဆင်းရဲဒုက္ခတောထဲ ဆွဲမချခဲ့သေးဘူး။ ပညာအရာမှာလည်း ကမ္ဘာ့ထိပ်တန်းတက္ကသိုလ်ကြီးတွေက အသိအမှတ်ပြု လေးစားကြရတဲ့ အဆင့်အတန်းပါ။ ဒါကြောင့် သူ့ကို တိုင်းပြည်က လိုပါတယ်။ အထူးသဖြင့် နိုင်ငံရေးနဲ့ စီးပွားရေး ပြုပြင်ပြောင်းလဲမှုတွေနဲ့ နိုင်ငံကို ခေါင်းမော့အောင် ပြန်လုပ်နေရတဲ့ အခုအချိန်မှာ ပိုလိုတယ်။ သူ တိုင်းပြည်ခေါင်းဆောင်ဖြစ်လို့ တိုင်းပြည် ပိုအကျိုးများနိုင်တယ်။

ဒါပေမယ့်  ဝမ်းလေဒီရှိုးနဲ့ တကိုယ်တော်အစွမ်းပြနေတာ တော်လောက်ပြီလို့ ဆိုချင်တယ်။ နှစ် ၂၀ ကျော် ထောက်ခံခဲ့ပြီး လက်တွဲလာခဲ့တဲ့ တိုင်းရင်းသားအဖွဲ့တွေကို ပြန်စည်းရုံးသင့်တယ်။ သူ့ကို ထမ်းတင် ပေးခဲ့တဲ့ ပြည်တွင်းပြည်ပက ၈၈ မျိုးဆက်တွေနဲ့ ဒီမိုကရေစီ အင်အားစု တွေကို ပြန်စုစည်းသင့်တယ်။ အရေးအကြီးဆုံးက ပါတီတွင်းမှာ ပြုပြင်ပြောင်းလဲရေးလုပ်ပြီး မျိုးဆက်သစ်တွေကို ပြုစုပျိုးထောင်မွေးထုတ် ဖို့လိုတယ်။ ၂၀၁၅ ရွေးကောက်ပွဲလွန် တိုင်းပြည်အနာဂတ်ကို ရေရှည်မှာ စိတ်ချရဖို့ ခေါင်းဆောင်ကောင်း ပီသစွာ ပွဲမဝင်မီ အခုအချိန်က စပြီး ကြိုတင်ပြင်ဆင်ဖို့ လိုနေပါပြီ။

ဧရာဝတီ

ဒူချီးရာတန်းသို့ အရောက်သွားခြင်း

ဒူချီးရားတန်း တောင်ရွာနဲ့ အလယ်ရွာထဲက တချို့မိသားစု တွေက လူတွေပျောက်နေကြတဲ့ အကြောင်းလည်း ပြောကြတယ် (ဓာတ်ပုံ- စနေလင်း / ဧရာဝတီ)

နောက်ဆုံးဖြစ်ပွားခဲ့တဲ့ လူမျိုးရေး ပဋိပက္ခတွေကြောင့် လူပြောများသွားတဲ့ ရခိုင်ပြည် မြောက်ပိုင်း မောင်တောမြို့အနီးက ဒူချီးရာတန်းရွာတွေဆီ အရောက်သွားခဲ့ပါတယ်။ မောင်းတောမြို့ကနေ ၁ နာရီနီးပါးလောက် ဆိုင်ကယ်နဲ့ သွားလိုက်တဲ့အခါ ဒူချီးရားတန်း အနောက်ရွာကို ရောက်ပါတယ်။ အဲဒီ ရွာက ဇန်န၀ါရီ ၂၈ ရက်က မီးလောင်မှု ဖြစ်ခဲ့တဲ့နေရာပါ။

အဲဒီ ဒူချီးရားတန်းရွာကို သွားတဲ့နေရာမှာ နတလ ရခိုင်ရွာကို ဖြတ်ပြီး သွားခဲ့ရပါတယ်။ နတလရွာဆိုတာ အစိုးရက မြေပိုင်ခွင့်ပေးပြီး ပြည်နယ်နဲ့ ပြည်မအတွင်းကသာမက တဖက်ဘင်္ဂလားဒေ့ရ်ှနိုင်ငံက ပြန်ဝင်လာသူ မြန်မာမျိုးနွယ်စုတွေကို နေရာချထားတဲ့ရွာတွေပါ။ ဒါပေမယ့် ဒူချီးရားတန်းရွာရဲ့ ပတ်ဝန်းကျင် ရွာတော်တော်များများကတော့ မွတ်စလင်ရွာတွေပါ။ ရွာထိပ်ကနေ မလှမ်းမကမ်းမှာတင် မီးလောင်ပြင်တခုကို စမြင် လိုက်ရတယ်။ မီးလောင်ပြင် တခုနဲ့ တခုက မလှမ်းမကမ်းမှာ ရှိနေပေမယ့် မီးလောင်ပြင်တခုနဲ့ တခုကြား နေအိမ်တချို့ အကောင်းတိုင်း ကျန်ရှိနေတာကိုလည်း မြင်ရတယ်။

ဒူချီးရားတန်းရွာကို မ၀င်ခင် ရခိုင်ရွာဖြစ်တဲ့ ကင်းချောင်းရွာမှာ စခန်းချထားတဲ့ ရဲတပ်ဖွဲ့ဆီကို ရောက်တုံးက ဒုရဲအုပ် ဝေဖြိုးအောင်က လုံခြုံရေးတွေ မပါဘဲနဲ့ ရွာထဲကို ၀င်မယ်ဆိုရင် အန္တရယ်ရှိတဲ့အကြောင်း၊ “ဘင်္ဂလီ”လူမျိုးတွေက တခြားလူမျိုးတွေ ကို ယုံကြည်မှုမရှိတော့ဘဲ လူ အင်အားနည်းနည်းနဲ့သာ ၀င်သွားမယ်ဆိုရင် အန္တရာယ်ပြုမယ့်အကြောင်း ပြောတယ်။

“ကျနော်တို့တောင်မှ တပ်ဖွဲ့ဝင် ၁၀ ဦးလောက်မရှိပဲနဲ့ အဲဒီ ဘင်္ဂလီရွာတွေထဲကို မသွားရဲတော့ဘူး။ သွားရင်တောင် လက်နက်ကောင်းတာတွေနဲ့ပဲ သွားရတာ။ သူတို့ကလည်း ကျနော်တို့ ၀င်လာရင် စောင့်ကြည့်နေကြတာ။ ကျနော်တို့ အားနည်းနေမှန်းသိရင် အန္တရာယ်ပြုကြမှာ။ ခင်ဗျားတို့ ကိုယ့်ဘာသာကိုယ် မသွားသင့်ဘူးထင်တယ်။ သူတို့လူမျိုးမဟုတ်ရင် ရဲတွေက အယောင်ဆောင်ပြီး လာတာလို့ ထင်ချင်ထင်မှာ။ သူတို့တွေအများစုက ပညာမတတ်ကြတော့ ခင်ဗျားတို့ကို တချို့က လက်ခံ စကားပြောပေမယ့် တချို့မလိုတဲ့သူက ၀င်လုပ်သွားရင် ခင်ဗျားတို့ အသက်အန္တရာယ် ဖြစ်လိမ့်မယ်” လို့ ပြောပါတယ်။

ဒါပေမယ့် အဲဒီရွာတွေက ဒေသခံတချို့ကို ချိတ်ဆက်ပြီး အန္တရာယ်ရှိနိုင် မရှိနိုင်ကို စုံစမ်းပြီး ရွာထဲကိုဝင်လိုက်တဲ့အခါမှာ မွတ်စလင်တချို့က စောင့်ကြိုနေပါတယ်။ ရွာထဲက မီးလောင်ခဲ့တဲ့ အိမ်တွေကို လိုက်ပြရင်း သူတို့ ကိုယ်တိုင် သူတို့အိမ်ကို မီးမရှို့ကြောင်း ခိုင်ခိုင်မာမာ ပြောပါတယ်။ မီးလောင်ပြင်က မီးလောင်ထားတဲ့ သွပ်မိုးပြားတွေကို ပြရင်း ဒီရွာအနီး ပတ်ဝန်းကျင်နဲ့ ရွာတွေမှာ ဘယ်ကောက်ရိုးပုံမှ မရှိဘူးလို့ ဒူချီးရားတန်းရွာသား အသက် ၂၆ နှစ်အရွယ် ကလေး ၄ ယောက် အဖေဖြစ်တဲ့ အာမိန်အိုလ္လာက ပြောပြတယ်။

“ဘင်္ဂလီ”တွေ ကိုယ့်အိမ်ကို ကိုယ့်ဘာသာ မီးရှို့ထွက်ပြေးတဲ့ အထောက်အထား အများအပြား တွေ့ရှိရတယ်လို့ အစိုးရက သတင်းထုတ်ပြန်ထားပါတယ်။ နေအိမ်တချို့ရဲ့ အမိုးပေါ်မှာ ကောက်ရိုးထုံးတွေ တွေ့ ရသလို မီးလောင်တဲ့နေရာကို အသွားမှာ “ဘင်္ဂလီ” ၅ ဦးခန့် ထွက်ပြေးသွားတာလည်း မြင်လိုက်ရတယ်လို့ ထုတ်ပြန်ခဲ့တယ်။

ဒီမှာတင် ကြီးမားတဲ့ ကွဲလွဲချက်တခုကို စတင်မြင်လိုက်ရပါတယ်။ အစိုးရပြောသလို သူတို့အိမ် သူတို့ ရှို့သလား၊ အခု သူတို့ပြောသလို အပြင်က လာရှို့သလား အမှန်တကယ် သိနိုင်ဖို့က ချက်ချင်း ကောက်ချက်ချဖို့ မလွယ်ကူသေးပါ။

ရွာထဲမှာ မွတ်စလင် အမျိုးသား ၁၀ ဦးဝန်းကျင်နဲ့ အမျိုးသမီး ၁၅ ဦးဝန်းကျင်လောက်သာ ဆက်လက်နေထိုင်တာကို မြင်ခဲ့ရပြီး မီးမလောင်တဲ့ နေအိမ် တော်တော်များများမှာ လူတွေ နေထိုင်မှု မရှိတာကို တွေ့ရတယ်။ အိမ်တော်တော်များများရဲ့ ခြံဝင်းတံခါးမှာတော့ “ရိုဟင်ဂျာ” ဆိုတဲ့ စာသားကို မြန်မာဘာသာနဲ့ ရေးထားတာ မြင်ရတယ်။

ဒေသခံ မွတ်စလင်အများစုက ရခိုင်စကား၊ ဗမာစကားကို ပြောဆိုနားလည်ခြင်း မရှိပါ။ ဘာကြောင့်လဲလို့ မေးတဲ့အခါမှာ သူတို့ရွာတွေတိုင်းမှာလိုလို အာရဗီစာနဲ့ ဘာသာစကားကို သင်ကြားကြပေမယ့် အစိုးရကျောင်းတွေမှာ သင်ကြားတဲ့ ကလေးတွေ အရမ်းကို နည်းတယ်လို့ သိလိုက်ရတယ်။

“တချို့ကလေးတွေက မူလတန်းလောက်အထိ အစိုးရကျောင်း တက်ကြပေမယ့် တော်တော်များများကတော့ မတက်ကြဘူး။ အတန်းကျောင်းနဲ့ ဝေးတာလည်းပါမယ်။ နီးတဲ့ရွာတွေမှာတော့ အစိုးရအတန်းကျောင်း တက်တဲ့ ကလေးများ တာပေါ့။ နောက်ပြီးတော့ ရခိုင်တွေနဲ့ စီးပွားရေးအရ ထိတွေ့ဆက်ဆံရတဲ့သူတချို့ကတော့ ရခိုင်စကားကို တတ်ကြတယ်။ ကျနော်တို့ရွာမှာ အခုရှိနေတဲ့သူတွေထဲမှာ ရခိုင်စကား နားလည်တဲ့သူ တဦးမှမရှိဘူး” လို့ ဒူချီးရားတန်း အနောက်ရွာက မော်မီလာဟူစေတနံက အာရဗီလို ပြောတာကို စကားပြန်က ဆိုတယ်။

ရဲတပ်ကြပ်ကြီး အသတ်ခံလိုက်ရတဲ့ ဒူချီးရားတန်း အလယ်ရွာနဲ့ တဆက်တည်းရှိတဲ့ တောင်ရွာကို သွားဖို့ ဒူချီးရား တန်းအနောက်ရွာက ဒေသခံတချို့ကို အကူအညီ တောင်းတဲ့အခါမှာတော့ သူတို့က ကူညီချင်ပေမယ့် ဒီရွာထဲက မထွက်ရဲဘူးလို့ ပြောကြတယ်။

“ကျနော်တို့ရွာတွေ ၀န်းကျင်မှာ ရဲတွေစောင့်နေကြတယ်။ ကျနော်တို့ ရွာထဲက ထွက်တာနဲ့ သူတို့က ဖမ်းမှာ။ ကျနော်တို့က ခင်ဗျားတို့နဲ့ အတူတူလိုက်ပြီး ကူညီပေးချင်ပေမယ့် ခင်ဗျားတို့ကလည်း ကျနော်တို့ အဖမ်းမခံရအောင် အာမခံပေးနိုင်မှာမှ မဟုတ်တာ” ဟု ဒူချီးရားတန်း အနောက်ရွာက အသက် ၃၅ အရွယ်ရှိ မွတ်စလင်အမျိုးသား ရှေူနာလီ ကာလာက ဆိုတယ်။

ဒီလိုနဲ့ ဒူချီးရားတန်း အနောက်ရွာကနေ လှည်းလမ်းအတိုင်း ထွက်လာပြီး အလယ်ရွာကို ဖြတ်တဲ့အခါမှာ လူတွေ တဦးမှ ရှိမနေတာကို တွေ့ရတယ်။ ဒါနဲ့ အလယ်ရွာနဲ့ တဆက်တည်းဖြစ်နေတဲ့ တောင်ရွာကို ဆက်သွားတဲ့အခါ ရွာဝင်လမ်းမကို ဆိုင်ကယ်နဲ့ဖြတ်နေစဉ် ရွာထဲမှာရှိနေတဲ့ မွတ်စလင်တချို့က ထွက်ပြေးကြတယ်။

ဒါနဲ့ ပါလာတဲ့ စကားပြန်က အာရ်ဗီစကားနဲ့လှမ်းအော်ပြောတော့မှ တဦးစ၊ ၂ ဦးစကနေ ကလေးလူကြီး၊ ယောက်ျား မိန်းမ လူ ၂၀ ကျော်လောက် တဖြည်းဖြည်းနဲ့ ပြန်စုလာတယ်။ ဘာဖြစ်လို့ ထွက်ပြေးတာလဲဆိုတော့ ရဲတွေဝင်လာတယ် ထင်လို့ ထွက်ပြေးကြတာတဲ့။ ဒီရွာမှာလည်း လူတော်တော်များများက မနေကြဘူး။ အိမ်တွေကိုပစ်ထားပြီး တခြားရွာတွေမှာခို လှုံနေကြရတယ်လို့ ဒူချီးရားတန်းတောင်ရွာက အသက် ၃၅ နှစ်အရွယ်အမျိုးသား မာမတ်ရော်ဖိတ်က ဆိုပါတယ်။

ရွာထဲက အိမ်တိုင်းနီးပါး နေအိမ်အပြင်ဘက်က ပုံမှန်အတိုင်းရှိနေပေမယ့် အိမ်ထဲကို ၀င်ကြည့်လိုက်တဲ့အခါမှာတော့ ပရိဘောဂတွေ၊ စာရွက်စာတမ်းတွေ၊ အ၀တ်အစား အသုံးအဆောင်တွေ အားလုံးက ပြန့်ကျဲနေပါတယ်။ စပါးကျည်က စပါးတွေကလည်း အပြင်ဘက်မှာ ပြန့်ကျဲနေတယ်။ ဘီဒိုတွေအားလုံးကလည်း ကျိုးပဲ့ပျက်စီးနေတယ်။

ဒူချီးရားတန်း တောင်ရွာနဲ့ အလယ်ရွာထဲက တချို့မိသားစု တွေက လူတွေပျောက်နေကြတဲ့ အကြောင်းလည်း ပြောကြတယ်။

ရရှိထားတဲ့ စရင်းများအရတော့ ဒူချီးရားတန်း အနောက်ရွာမှာ အသက်အရွယ်ကြီးသူ အများစုပါဝင်တဲ့ ၇ ဦး၊ အလယ်ရွာမှာ အသက်ငယ်သူတွေဖြစ်ကြတဲ့ ၇ ဦးနဲ့ တောင်ရွာမှာ အသက် ငယ်ရွယ်သူ ၈ ဦးတို့ဟာ ဒီသတင်းရေးသားပြီးချိန်အထိ ဘယ်နေရာရောက်နေတယ်ဆိုတာ မသိသေးဘူးလို့ သိရတယ်။

“ကျမ သမီးလေးတွေဖြစ်တဲ့ အသက် ၁၆ နှစ်အရွယ် ဆော်မေးဒါးနဲ့ အသက် ၁၄ နှစ်အရွယ် အာဂျီးဒါတို့ အခုချိန်ထိ ဘယ် ရောက်နေလဲမသိဘူး။ ကျမတို့က ရဲတွေဝင်လာလို့ ထွက်ပြေးတော့ ကျမတို့က ဂေါဒူသာရရွာမှာ သွားနေနေတာ။ သူတို့ကို အခုချိန်ထိ ဘယ်မှာမှ ရှာလို့မတွေ့သေးဘူး” ဟု ဒူချီးရားတန်း တောင်ရွာက ဒေသခံအမျိုးသမီး ဟာဂျာရာက ဆိုတယ်။

ဖြစ်စ်ပျက်ခဲ့တဲ့ ကာလ ၁ လ၀န်းကျင် ကြာလာပေမယ့် ဒီအိမ်ထဲက အပျက်အစီးတွေ ဘာ့ကြောင့် မရှင်းလင်းသေးတာလဲ၊ ရဲတွေ တကယ်ပဲ ရွာထဲ ၀င်ရိုက်တယ်ဆိုရင် ဘာ့ကြောင့် အခုရှိနေတဲ့လူတွေမှာ ဒဏ်ရာတွေ မရတာလဲဆိုတာတွေကို မေးလိုက်တဲ့အခါ အိမ်ပိုင်ရှင်တွေ သူတို့အိမ်တွေမှာ ပြန်မနေသေးတာကြောင့် မရှင်းလင်းနိုင်သေးတာပါဆိုတဲ့ စကားက လွဲလို့ တိကျတဲ့ အဖြေတော့ မဖြေပေးနိုင်ကြဘူး။

ဒူချီးရားတန်းရွာအုပ်စုက မောင်းတောမြို့နဲ့ ၅ မိုင်ခန့် ဝေးကွာပြီး ရဲတပ်ကြပ်ကြီး အသတ်ခံလိုက်ရတဲ့ အလယ်ရွာအပါအ၀င် ကျေးရွာပေါင်း ၉ ရွာ ရှိပါတယ်။ အဲဒီ ကျေးရွာအုပ်စုမှာ လူဦးရေ ၄၈၀၀ ကျော်ရှိပြီး ရခိုင် လူဦးရေက ၂၀ ရာခိုင်နှုန်းသာ ရှိပါတယ်။ ဒူချီးရားတန်း အလယ်ရွာမှာဆိုရင် လူဦးရေ ၁ ထောင်ကျော် နေထိုင်နေပါတယ်။

ဒူချီးရားတန်း အလယ်ရွာမှာ ရဲတပ်ကြပ်ကြီး အောင်ကျော်သိန်းကို ဘင်္ဂလီတွေ သတ်ဖြတ်ခဲ့ခြင်းက သက်သေအခိုင်အမာရှိကြောင်း၊ ဇန်န၀ါရီ ၁၃ ရက်နေ့က မွတ်စလင် ၄၀ ၀န်းကျင် အသတ်ခံရတယ်လို့ မခိုင်လုံတဲ့ သတင်းရင်းမြစ်တွေကို ကိုးကားပြီးတော့ ကမ္ဘာ့ကုလသမဂ္ဂနဲ့ ပြည်ပသတင်းမီဒီယာတချို့က ဖော်ပြချက်တွေကလည်း မှန်ကန်မှုမရှိပါ ကြောင်း အစိုးရက ဇန်န၀ါရီ ၂၈ ရက်နေ့မှာ နိုင်ငံတကာသံတမန်များ၊ ကုလသမဂ္ဂအဖွဲ့က တာဝန်ရှိသူများနဲ့ နိုင်ငံတကာ အဖွဲ့အစည်းတွေကို တွေ့ဆုံရှင်းပြခဲ့ပါတယ်။

အမေရိကန်နဲ့ ဗြိတိသျှ အစိုးရတွေ၊ ကုလသမဂ္ဂကတော့ ဘာတွေဖြစ်ခဲ့သလဲ ရှင်းရှင်းလင်းလင်း သိရဖို့ လွတ်လပ်တဲ့ စုံစမ်းစစ်ဆေးမှုတွေ လုပ်ဖို့ တောင်းဆိုပါတယ်။ မြန်မာအစိုးရက ဖွဲ့စည်းပြီးသား ရခိုင်စုံစမ်းရေးကော်မရှင်ကို အစီရင်ခံစာ ရေးဖို့ ခိုင်းထားပါတယ်။

“ရဲတပ်ကြပ်ကြီးကို အလယ်ရွာက လူတွေ ၀ိုင်းရိုက်လိုက်တာတော့ အမှန်ပဲဗျ။ လူ ၂၀ လောက်က ရိုက်ခဲ့ကြတာ။ အဲဒီ ဇန်န၀ါရီ ၁၃ ရက်နေ့ ညနေပိုင်းမှာ ရဲတွေနဲ့ ရခိုင်တွေ လူ ၄၀၀ လောက် ၀င်လာကြတယ်။ ကျနော်တို့လည်း ထွက်ပြေးကြရော။ နောက်တနေ့ မနက်ပိုင်းမှာ ရဲတွေတခေါက် ထပ်ဝင်လာကြတယ်။ အဲဒီအချိန်မှာတော့ အိမ်ထဲက ပစ္စည်းတွေကို ဖျက်ဆီး တော့တာပဲ” လို့ ဒူချီးရားတန်း တောင်ရွာက ဒေသခံ ရော်ပဂီမူလ္လင်က ဆိုတယ်။

ရဲတပ်ကြပ်ကြီး အောင်ကျော်သိန်းရဲ့ သွေးစွန်းနေတဲ့ ယူနီဖောင်း၊ ချပ်ဝတ်တန်ဆာ အပိုင်းအစတွေ၊ တောစီးဖိနပ်နဲ့ အမ် ၂၂ ကျည်အိမ်အလွတ် ၁ ခုကို ဒူချီးရားတန်းရွာ အာရဗီကျောင်းအတွင်းနဲ့ အစ္စမိုင်ဗလီအနီးတ၀ိုက်မှာ သိမ်းဆည်းရမိတယ်လို့ အစိုးရက ထုတ်ပြန်ထားပေမယ့် ရဲတပ်ကြပ်ကြီးကို ရှာမတွေ့သေးပါဘူး။

ဒီဖြစ်စဉ်နဲ့ ပက်သက်ပြီး မသင်္ကာသူ ၁၆ ဦးတို့ကို ခေါ်ယူစစ်ဆေးလျှက်ရှိတယ်လို့ မောင်းတောမြို့နယ် ရဲတပ်ဖွဲ့မှ သိရပါ တယ်။ ဒူချီးရားတန်း အနောက်ရွာက မီးလောင်မှုတွေနဲ့ ပက်သက်ရင်တော့ လက်ရှိအချိန်အထိ ဖမ်းယူစစ်ဆေးသူတွေ မရှိ သေးဘူးလို့ မောင်းတောမြို့နယ် ရဲမှူးက ဆိုပါတယ်။

“ဘင်္ဂလီတွေရဲ့ ရုပ်ရည်အရ ဘယ်သူတရားခံပါ၊ ဒီကိစ္စတွေကို ဘယ်သူလုပ်တာပါလို့ လက်ညှိုးထိုးပြမယ့်သူမရှိရင် ဖမ်းဖို့ က အရမ်းကို ခက်တယ်။ သူတို့ရုပ်ရည်တွေက အတူတူလိုဖြစ်နေတာ။ တခြားရွာတွေကို သွားရှာလည်း ဘယ်သူဆိုတာသိဖို့ ခက်နေတာပေါ့။ သူတို့အချင်းချင်းကလည်း အရမ်းကို စည်းလုံးတာ။ အကုန်လုံးက ကာကွယ်ကြတယ်။ ဘယ်သူကမှ လက်ထောင်ချပြီး ပြောမယ့်သူမရှိဘူး။ တကယ့်တရားခံတွေ ဖမ်းဖို့က ဘာသာစကားက အစ အကုန်ခက်ခဲတယ်” လို့ မောင်းတောမြို့နယ် ရဲတပ်ဖွဲ့ရုံးကို သွားတွေ့စဉ်တုန်းက ပြောပါတယ်။

တပ်ကြပ်ကြီး အောင်ကျော်သိန်း အသတ်ခံလိုက်ရတဲ့ကိစ္စကြောင့် ရဲတပ်ဖွဲ့များ ရွာထဲသို့ ၀င်ရှာသည်မှာ မှန်သော်လည်း မွတ်စလင်အများစုရဲ့ စကားက သူတို့ ဘာပဲဖြစ်ဖြစ် သူတို့မှာ “အဖေ”ရှိတယ်လို့ ပြောတတ်ကြကြောင်း မောင်းတောဒေသခံ ရခိုင်လူမျိုးများက ပြောကြတယ်။ သူတို့အဖေလို့ပြောတာ ကမ္ဘာ့ကုလသမဂ္ဂအဖွဲ့အစည်းကို ရည်ညွန်းပြီး ပြောဆိုကြတာပါ။

“သူတို့တွေ ပြောဆိုတာ ဘယ်တော့မှ မယုံရဘူး။ အလိမ်အညာတွေ အမြဲပြောတယ်။ အဲဒီလိုပြောမှလည်း သူတို့ကို ထောက်ပံ့ပေးတာတွေ ရမှာလေ။ သူတို့နောက်ကွယ်မှာလည်း မြှောက်ပေးတဲ့သူတွေက ရှိနေတယ်။ အစိုးရကတောင် သူတို့နောက်ကွယ်မှာ ဘင်္ဂလားဒေ့ရှ် အခြေစိုက် ရိုဟင်ဂျာ အကြမ်းဖက်အဖွဲ့ RSO တွေတောင် ပါတယ်ဆိုတာ ထုတ်ပြန်ခဲ့တာပဲလေ” လို့ မောင်တောမြို့နေ ရခိုင်အမျိုးသားတဦးက ဆိုပါတယ်။

Rohingya Solidarity Organization (RSO) လို့ လူသိများတဲ့ ရိုဟင်ဂျာစည်းလုံးညီညွတ်ရေးအဖွဲ့ဟာ ၁၉၈၀ နှောင်းပိုင်းနဲ့ ၁၉၉၀ ပြည့်နှစ်များ အစောပိုင်းများမှာ ဘင်္ဂလားဒေ့ရှ်-မြန်မာ နယ်ခြားကို ကျယ်ပြန့်စွာ တိုက်ခိုက်လာတာကြောင့် မြန်မာ့တပ်မတော်က စစ်ဆင်ရေးများ ဆင်နွှဲပြီး မြေလှန်ပါတယ်။ နယ်ခြားနေ အရပ်သား ထောင်သောင်းချီပြီး ဘင်္ဂလားဒေ့ရ်ှကို ထွက်ပြေးကြရတယ်။ RSO ဟာ အယ်လ်ကေဒါးလို အပြည်ပြည်ဆိုင်ရာ အကြမ်းဖက်အဖွဲ့တွေနဲ့လည်း ဆက်ဆံရေးတွေ ရှိတယ်လို့ အမေရိကန်ကလည်း ကြေညာထားပါတယ်။

၂၀၁၂ ခုနှစ်မှာ ဖြစ်ပွားလာခဲ့တဲ့ ရခိုင်-မွတ်စလင် အရေးအခင်းတွေမှာ ဘင်္ဂလားဒေ့ရှ် အစွန်းရောက် Jamaat-e-Islam ပါတီက နောက်ကွယ်က သွေးထိုးနေတယ်လို့ အဲဒီအချိန်က ဘင်္ဂလားဒေ့ရှ် နိုင်ငံခြားရေးဝန်ကြီး Dipu Moni က လွှတ်တော်ထဲမှာ ပြောခဲ့တယ်။ ဒါ့အပြင် ဘင်္ဂလားဒေ့ရှ် သတင်းစာတွေက ဘင်္ဂလားဒေ့ရ်ှမှာ အပိတ်ပင်ခံထားရတဲ့ အစွန်းရောက်အဖွဲ့တွေနဲ့ RSO တွေ နယ်ခြားမှာ ပေါင်းစည်းထားပြီး မြန်မာစစ်တပ်ကို တိုက်ခိုက်မှု လုပ်နေတယ်လို့ ရေးကြတယ်။ ၂၀၁၂ ခုနှစ် နိုဝင်ဘာအတွင်း မြန်မာစစ်သား တဦး သတ်ဖြတ်ခံရပြီး ၃ ဦး အဖမ်းခံခဲ့ရတယ်။ တိုက်ပွဲတပွဲလည်း ဖြစ်ခဲ့တယ်။

ဒီလို ပဋိပက္ခတွေကြားထဲမှာ ရခိုင်လူမျိုးများ၊ လုံခြုံရေး ရဲများနဲ့ မွတ်စလင်တွေအကြား တဖက်နဲ့တဖက် ယုံကြည်မှု ကင်းမဲ့နေတဲ့အပြင် အကြောက်တရားတွေနဲ့ နေနေကြတယ်ဆိုတာ အထင်းသား မြင်တွေ့ခဲ့ရတယ်။ ဒီလိုနဲ့ ဒူချီးရားတန်းရွာတန်းစုကနေ ပြန်အထွက် မောင်းတောမြို့ကို ပြန်လာတဲ့လမ်းတလျှောက်မှာ မွတ်စလင်ရွာတွေကို ဖြတ်လာခဲ့ပါတယ်။ အဲဒီရွာတွေက မြို့နဲ့ နီးတဲ့အပြင် ကလေးတော်တော်များများကလည်း ကျောင်းက ပြန်လာကြတာ မြင်လိုက်ရတယ်။

“အဲဒါပဲကြည့်။ တကယ်တော့ မောင်းတောမြို့ပေါ်မှာတောင် ကျနော်တို့ အစ္စလမ်ဘာသာဝင်တွေ နေနေကြတာ ဘာပြဿနာမှ မတက်ဘူး။ ကျနော်တို့က ရခိုင်တွေနဲ့ ဟိုးအရင်ထဲက အတူတူနေလာကြတာဆိုတော့ ရခိုင်တွေကလည်း ကျနော်တို့ ဆိုရင် လက်ခံကြတယ်။ ရခိုင်တွေ လက်မခံတာက နယ်ဘက်ရွာတွေက ရခိုင်စကားတောင် မတတ်ကြတဲ့ သူတွေကို။ သူတို့ကလည်း သူတို့ကိုယ်သူတို့ ရိုဟင်ဂျာလို့ပဲ ပြောနေကြတယ်။ အဲဒါကြောင့်ပဲ တဖက်နဲ့တဖက်က ပြဿနာ ပိုဖြစ်လာတာ” လို့ မောင်းတောမြို့က လိုက်လာတဲ့ အစ္စလမ်ဘာသာဝင် လမ်းပြ စကားပြန်က ကောက်ချက်ချပါတယ်။

ဧရာဝတီ

အခွန်လွတ်သာသနာမြေလျှောက်ထားပုံ


သာသနာမြေလှူဒါန်းလိုသော ပုဂ္ဂိုလ်သည် အထက်မြန်မာနိုင်ငံ မြေနှင့်အခွန် စည်းမျဉ်းဥပဒေ အပိုဒ် ၃၀ အရလည်းကောင်း ၊ အောက်မြန်မာနိုင်ငံ ကျေးရွာများနည်းဥပဒေ အခန်း၆ ၊ ပုဒ်မ ၅၁ (၁) အရလည်းကောင်း ၊ ခရိုင်ဝန် (ခရိုင်အုပ်ချုပ်ရေးမှူး ) ထံလျှောက်ထားရပါသည် ။ လျှောက်ထားသူသည် ဂေါပကအဖွဲ့  ( သို့ မဟုတ်) သာသနာရေးအဖွဲ့ အစည်း (သို့ မဟုတ်) ကျောင်းထိုင်ဘုန်းတော်ကြီး (သို့ မဟုတ်) ဒကာ ၊ဒကာမများက လျှောက်ထားရပါမည် ။

ဥပဒေအကြောင်းသိကောင်းစရာ

၁ဝ ဘီးကား လေးဖြုတ်လဲရာမှ ဂျိုက်ပြုတ်ကျ၍ လူတစ်ဦးသေဆုံး


မြိတ် ဖေဖော်ဝါရီ ၁၄

တနင်္သာရီတိုင်းဒေသကြီး မြိတ်မြို့ ကလွင်ကျေးရွာအုပ်စု အဝေးပြေးကား ဝင်းအနီး မြို့ပတ်(၂)လမ်းရှိ သန့်ဇင် ကုန်စည်ပို့ဆောင်ရေးဂိတ်ရှေ့၌
ဖေဖော်ဝါရီ ၁၂ ရက်က ယာဉ်အမှတ် ၉ခ/... UD အမျိုးအစား (၁ဝ)ဘီး ယာဉ်၏ရှေ့ဝဲဘက် လေးဖြုတ်လဲနေစဉ် ဂျိုက်ပြုတ်ကျမှုကြောင့် ယာဉ်နောက် လိုက် ဖြိုးငြိမ်း(၁၉)နှစ် ဝမ်းတွင်းမြို့ ရွာရှည်ကျေးရွာနေသူသည် ခါးကျိုး ဒဏ်ရာ၊

ဇက်ကျိုးဒဏ်ရာ၊ ခြေကျိုး ဒဏ်ရာတို့ဖြင့် သေဆုံးသွားပြီး ယာဉ်မောင်း အောင်မျိုးဦး (၃၃)နှစ်နှင့် ယာဉ်နောက်လိုက် ထွန်းကြွယ် (၃၆)နှစ် ဝမ်းတွင်းမြို့နေသူတို့နှစ်ဦးတွင် ထိခိုက်ဒဏ်ရာ အနည်းငယ်ရရှိခဲ့ သဖြင့် မြိတ်မြို့ အထွေထွေရောဂါကု ဆေးရုံကြီးသို့တင်ပို့၍ ဆေးကုသမှု ခံယူလျက်ရှိကြောင်း သိရသည်။

အဆိုပါ သေဆုံးမှုနှင့် ပတ်သက်၍ မြိတ်မြို့မရဲစခန်းမှ တာဝန်မှူးဒုရဲအုပ် အောင်မျိုးဝင်းနှင့် တာဝန်ရှိသူများသည် အခင်းဖြစ်ပွားရာနေရာသို့ သွားရောက်ကြည့်ရှု စစ်ဆေးခဲ့ပြီး သေမှုသေခင်း အမှုဖွင့်လှစ်နိုင်ရန် စစ်ဆေးဆောင်ရွက်လျက်ရှိသည်။

မိုးဟိန်း(မြိတ်)
The Mirror Daily

နိုင်ငံရေး ကာတွန်းများ