သမီးလေး ကျေးရွာသားများကို ပြန်လည် နေရာချထားပေ့းရန် DKBA ခေါ်ဆောင်

လှည်းကူးမြို့နယ် သမီးလေးကျေးရွာ လူနေအိမ်များ ရှင်းလင်းနေသည့် မြင်ကွင်း (ဓာတ်ပုံ – လှည်းကူး မှတ်စု ၀က်ဘ်ဆိုက်)

ရန်ကုန်တိုင်း ဒေသကြီး လှည်းကူးမြို့နယ် အတွင်းရှိ အာဏာပိုင်များ ဖယ်ရှား ရှင်းလင်းနေသည့် သမီးလေး ကျေးရွာ အပါအ၀င် ကျေးရွာ ၅ ရွာမှ ရွာသားများကို ဒီမိုကရေစီ အကျိုးပြု ကရင်အမျိူးသား တပ်မတော် (DKBA) က ပြန်လည် နေရာချ ထားပေးရန် စီစဉ်နေကြောင်း သိရသည်။

ဖေဖော်ဝါရီ ၄ ရက်က စတင်ဖယ်ရှားခံရသည့် ထိုကျေးရွာသားများကို DKBA က ကရင်ပြည်နယ် မြ၀တီမြို့အနီးရှိ ကျောက်ခက်ဒေသ ၀န်းကျင်တွင် နေထိုင်ရန် လာရောက် ခေါ်ဆောင်သော်လည်း ကျေးရွာသား တဦးမှ လိုက်ပါသွားခြင်း မရှိသေးကြောင်း အကူအညီပေးနေသူများက ပြောသည်။

“DKBA က ဆယ်ဘီးကား၂ စီး လာစောင့် ပေးပါတယ်၊ ရွာသားတွေက ဒီနေ့အထိ မလိုက်သေးဘူး၊ ဘုန်းကြီးကျောင်းမှာ အခု အိုးအိမ်မဲ့ ဖြစ်တာ အယောက် ၅၄၀ လောက် ရှိပါတယ်”ဟု အဆိုပါ ကျေးရွာများကို လိုက်လံ ကူညီပေးနေသည့် လှည်းကူး မြို့နယ် အမျိုးသား ဒီမိုကရေစီ အဖွဲ့ချူပ်မှ ကိုသက်ခိုင်က ဧရာဝတီသို့ ပြောသည်။

ဖျက်ဆီးခံရသည့် ကျေးရွာမှ ရွာသားများကို စာနာမှုကြောင့် သွားရောက် ခေါ်ယူခြင်း ဖြစ်ကြောင်း၊ DKBA တပ်သား အဖြစ် စုဆောင်းသွားမည် မဟုတ်ကြောင်း၊ နေစရာများနှင့် အလုပ်အကိုင်များပါ ပေးသွားမည်ဖြစ်ကြောင်း DKBA မှ ဗိုလ်မှူး စန်းအောင် က ဧရာဝတီသို့ ပြောသည်။

“ကျနော်တို့ အနေနဲ့ အတင်း မခေါ်ပါဘူး၊ သူများတွေ ပြောနေသလို ကရင်တပ်ထဲ ထည့်လိုက်မှာ ဆိုတာလည်း မဟုတ်ဘူး၊ ငြိမ်းချမ်းရေး အတွက် လက်ရှိမှာ တပ်သား အရေအတွက်တောင် လျှော့ချဖို့ လုပ်ရမယ့် ကိစ္စပါ”ဟု ဗိုလ်မှူး စန်းအောင်က ဆို သည်။

လူသားချင် စာနာသည့် အနေဖြင့် လာရောက် ခေါ်ယူခြင်း ဖြစ်ပြီး ဒုက္ခ ရောက်နေသည့် ကျေးရွာသားများ အတွက် တတ်နိုင် သမျှ ကမ်းလှမ်းခြင်း ဖြစ်ကြောင်း၊ ရွာသားများ အတွက် စိုက်ပျိုးရေး ခြံများ၊ ရော်ဘာ ခြံများတွင် အလုပ်ဝင်ရန် အတွက် စီစဉ် ပေးမည် ဖြစ်ကြောင်းလည်း ၎င်းက ပြောဆိုသည်။

တပ်ပိုင်မြေဟု သိမ်းဆည်း ဖယ်ရှားသည့် ကိစ္စကို နားမလည်သော်လည်း ယင်းမြေသည် နိုင်ငံပိုင်သည့် အတွက် နိုင်ငံမှာ နေ ထိုင်သော ပြည်သူများလည်း ပိုင်ဆိုင်ပါကြောင်း ဗိုလ်မှူး စန်းအောင်က ဆက်ပြောသည်။

သမီးလေးကျေးရွာ ဒေသခံ တဦး ဖြစ်သည့် ကိုကျော်စိန်က “ကျနော်တို့ ရွာသားတွေ အနေနဲ့ ဒီနေရာကို ပြန်ရဖို့ ကြိုးစား တောင်းဆို သွားမယ်၊ DKBA ဘက်ကိုလည်း လိုက်မသွားပါဘူး၊ အခုတော့ ဘုန်းကြီးကျောင်းမှာ နေသူက နေကြတယ်၊ တချို့က ကွင်းထဲမှာ ရွက်ဖျင်တဲထိုးပြီး နေကြတယ်”ဟု ဧရာဝတီသို့ ပြောသည်။

ရွာသားများ ကိုယ်ထူကိုယ်ထ ထူထောင်လာပြီး အတည်တကျ နေထိုင်သည့် အချိန်မှ ဖယ်ရှားခြင်းသည် မြို့ရွာဖွံ့ဖြိုးမှုကို စနစ်တကျ မတည်ဆောက်ဘဲ အကြမ်းဖက်မှုကို ဦးတည်ကြောင်း၊ ဒီမိုကရေစီနှင့် မညီညွတ်သော လူ့အခွင့်အရေး ချိုးဖောက် မှုပင် ဖြစ်ကြောင်း ရွာသားများကို အကူအညီ ပေးနေသည့် ဒီမိုကရေစီ အရေး စဉ်ဆက်မပြတ် လှုပ်ရှားမှု ခေါင်းဆောင် ကိုထင်ကျော်က ပြောဆိုသည်။

“တကယ်တော့ ဒီကိစ္စက အစိုးရ အနေနဲ့ လုပ်ရမှာပါ။ ပြည်ထောင်စု အစိုးရနဲ့ တိုင်းဒေသကြီး၊ ပြည်နယ် အစိုးရတွေကို အယုံ အကြည် မရှိကြလို့ လူထု ထောက်ခံပွဲတွေ ဆန္ဒပြပွဲတွေကို ဆက်လက် ဆောင်ရွက် သွားမယ်”ဟု ၎င်းက ပြောသည်။

ဖျက်ဆီး ခံရသည့် ရွာများမှာ သမီးလေး ကျေးရွာ၊ အင်းမတီ ကျေးရွာ၊ မကျွဲတဲ ကျေးရွာ၊ ဝှီးဆဲ ကျေးရွာ၊ လက်ဆိုက် ကျေးရွာများ အပါအ၀င် ကျေးရွာ စုစုပေါင်း ၁၁ ရွာကို ဖျက်သိမ်း ဖယ်ရှားကြောင်း သိရသည်။

ယင်းကျေးရွာများသည် ယခင်က ဘိုးဘွားပိုင် မြေအဖြစ် နှစ်ပေါင်းများစွာ နေထိုင်ခဲ့ကြခြင်း ဖြစ်ကြောင်း၊ ယခုအခါ လမ်းပန်း ဆက်သွယ်ရေး ကောင်းလာပြီး စီးပွားရေး အဆင်ပြေလာ၍ အိမ်ခြံများ ဆောက်လုပ် နေထိုင်ခဲ့ကြကြောင်း၊ ယခုကဲ့သို့ သိမ်း ယူ ဖယ်ရှားမှုကြောင့် အိမ်ခြေ ၄၀၀ ကျော် အိုးအိမ်မဲ့ ဖြစ်နေကြောင်း သိရသည်။

Irrawaddy

ရထားစီးခရီးသွားပြည်သူများ၏ တောင်းဆိုချက်အရ မြို့ပတ်ရထားများတွင် အထူးတွဲတစ်တွဲစီ ထပ်မံချိတ် ဆွဲပေးမည်


နေပြည်တော် ဖေဖော်ဝါရီ ၂၀

ရန်ကုန်မြို့တွင်းပြေးဆွဲလျက်ရှိသော မြို့ပတ်ရထား တွဲဆိုင်းအားလုံးတွင် အထူးတွဲများကို ၂၀၁၃ခုနှစ် နိုဝင်ဘာ(၁၀)ရက်တွင် အပြီးတပ်ဆင်ပေးခဲ့ရာ ခရီးသည် တစ်ဦးလျှင် လက်မှတ်ခ (၂၀၀)ကျပ်နှုန်းဖြင့် ပြည်သူများ အထူးနှစ်ခြိုက်စွာ စီးနင်းလျက်ရှိသည်။ ထို့ကြောင့် ခရီးသည် အသွားအလာများသော ရုံးချိန်များ တွင် အလုအယက် တိုးဝှေ့စီးနင်းနေကြရသည်ကို တွေ့ရှိရသည်။

မြန်မာ့မီးရထားအနေဖြင့် ခရီးသည်များ၏ သွားလာရေးအဆင်မပြေမှုကို ဖြေရှင်းဆောင်ရွက်ပေးရန်နှင့် ခရီးသွားပြည်သူများ၏ တောင်းဆိုချက်များအား ဖြည့်ဆည်းဆောင်ရွက်ပေးရန်တို့အတွက် အထူးတွဲသစ်တစ်တွဲ စီကို မြို့ပတ်ရထားတွဲဆိုင်းများတွင် မကြာမီ ထပ်မံချိတ်ဆက်၍ ပြေးဆွဲသွားမည်ဖြစ်ကြောင်း၊ ထိုသို့တပ်ဆင် ပြေးဆွဲသွားမည့်အထူးတွဲများ၏ ရထားလက်မှတ်ခမှာလည်းယခင်အတိုင်း ခရီးသည်တစ်ဦးလျှင် (၂၀၀) ကျပ်နှုန်း ဖြစ်ကြောင်း မြန်မာ့မီးရထားမှ သတင်းရရှိသည်။

MOI Webportal Myanmar

ရေကူးဝတ်စုံနဲ့ လေ့ကျင့်ရေးဆင်းတဲ့ ပီရူးကလပ်နည်းပြ


ပီရူးကလပ် ဟွန်ကာယိုအသင်းဟာ သူတို့နည်းပြရဲ့ ဖက်ရှင်ထွင်မှုကြောင့် လတ်တလော ကျော်ကြားနေပါတယ်။ဒန်နီရယ်ကော်ဒိုဘာဆိုတဲ့ အာဂျင်တီးနားနည်းပြဟာ အာစင်ဝင်းဂါးလိုပဲ ပရော်ဖက်ဆာလို့ နာမည်ပြောင် ရထားသူဖြစ်ပြီး အာစင်ဝင်းဂါးလောက် အောင်မြင်မှု မရပေမယ့် လေ့ကျင့်ရေးကွင်းမှာ ၀တ်ဆင်တဲ့ သူ့ရဲ့ဖက်ရှင်ကတော့
ဘောလုံးလောကထဲမှာ အာရုံစိုက်ခံရဆုံးဖြစ်နေပါတယ်။

အာရုံစိုက်ခံရအောင် ထွင်တာလား၊ သူကိုယ်တိုင်က ပေါ့ပေါ့ပါးပါး ရိုးရိုးရှင်းရှင်း နေတတ်တာလား မသိပါဘူး။ အသင်းလေ့ကျင့်ရေး အစီအစဉ်တိုင်းမှာ ကော်ဒိုဘာ ၀တ်ဆင်တာက အရှက်လုံရုံသာ ဖုံးထားတဲ့ ရေကူးဘောင်းဘီ တစ်ထည်ပဲ ဖြစ်ပါတယ်။ နည်းပြ၀တ်စုံနဲ့ လေ့ကျင့်ရေး ၀တ်စုံတွေက သူ့အတွက် မွန်းကြပ်စေပြီး ရေကူးဘောင်းဘီ ၀တ်ရတာပဲ သက်သောင့်သက်သာ ရှိတယ်လို့ ကော်ဒိုဘာက ပြောထား ပါတယ်။ ဒါ့အပြင် ကော်ဒိုဘာနဲ့ ပတ်သက်ပြီး ထင်ရှားတာကတော့ မဖြစ်နိုင်တာ မရှိဘူးဆိုတဲ့ ဆောင်ပုဒ်ကို လက်ကိုင်ပြုထားတာကြောင့်ပါပဲ။ ဒါတင်မက သူ့ခန္ဓာကိုယ်ပေါ်မှာ ဓာတုဗေဒ ဓာတ်ပြုပုံ တက်တူးတွေရှိနေတာကလည်း ထူးခြားချက်လို့ ဆိုကြပါရဲ့။

Yoyarlay

အခြေခံဥပဒေကို ကျယ်ကျယ်ပြန့်ပြန့် မပြင်ဘဲနဲ့တော့ တိုင်းပြည် ဘာမှ ဖြစ်လာမှာမဟုတ်ပါဘူး


အခြေခံဥပဒေကို ကျယ်ကျယ်ပြန့်ပြန့် မပြင်ဘဲနဲ့တော့ တိုင်းပြည် ဘာမှ ဖြစ်လာမှာမဟုတ်ပါဘူး ဟု သူရဦးအောင်ကို ပြောကြား



လူ့အခွင့်အရေးချိူးဖောက်မှုများ ရှိနေဆဲဟု ကင်တာနား ပြောဆို (ရုပ်သံ)




ဒူးချီးရားတန်အရေး နိုင်ငံတကာ စုံစမ်းမှုပြုလုပ်ဖို့ ကင်တားနား အဆို မြန်မာအစိုးရ ပယ်ချ

ကုလအထူးကိုယ်စားလှယ် ကင်တာနား သတင်းစာရှင်းလင်းပွဲ၊ ရန်ကုန်လေဆိပ်။ (ဖေဖော်ဝါရီ ၁၉၊ ၂၀၁၄)

20.02.2014

ရခိုင်ပြည်နယ် မောင်တောဒေသ ဒုချီးရားတန်းရွာမှာဖြစ်ခဲ့တဲ့ ပြဿနာနဲ့ ပတ်သက်ပြီး မြန်မာနိုင်ငံအနေနဲ့ ကိုယ်ပိုင် လွတ်လပ်တဲ့ စုံစမ်းစစ်ဆေးမှုတွေ လုပ်ဆောင်နိုင်တဲ့ အတွက် နိုင်ငံတကာစုံစမ်းစစ်ဆေးမှုတွေ မလိုဘူးလို့ မြန်မာအစိုးရက ဒီကနေ့ ပြောဆိုလိုက်ပါတယ်။ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် သောမတ်စ် အိုဟေး ကင်တားနားရဲ့ မနေ့က သတင်းစာရှင်းလင်းပွဲအတွင်း ဒုချီးရားတန်းကိစ္စနဲ့ ပတ်သက်ပြီး ပြောဆိုမှုအပေါ် အစိုးရက တုံ့ပြန်ခဲ့တာပါ။ ဒါ့အပြင် မြန်မာနိုင်ငံ အမျိုးသား လူ့အခွင့်အရေး ကော်မရှင်ကလည်း သူတို့ရဲ့ စုံစမ်းစစ်ဆေးမှုတွေဟာ လွတ်လပ်မှု အပြည့်ရှိတယ်လို့ ပြောဆိုခဲ့ပါတယ်။ အပြည့်အစုံကိုတော့ မနန္ဒာချမ်း က ဆက်ပြောပြပါမယ်။

မြန်မာနိုင်ငံရဲ့ လူ့အခွင့်အရေး အခြေအနေတွေကို စုံစမ်း စစ်ဆေးပြီးနောက် မြန်မာနိုင်ငံ ကနေ ပြန်လည် မထွက်ခွာခင် ဗုဒ္ဓဟူးနေ့က ရန်ကုန်လေဆိပ်မှာ လုပ်ခဲ့တဲ့ သတင်းစာရှင်းလင်းပွဲအတွင်း  မစ္စတာ ကင်တားနား က ဇန်န၀ါရီလက ရခိုင်ပြည်နယ် မောင်တောဒေသ ဒုချီးရားတန်းရွာမှာ ဖြစ်ခဲ့တဲ့ အကြမ်းဖက် ပဋိပက္ခတွေနဲ့ ပတ်သက်ပြီး  ပြည်တွင်းမှာ လုပ်ခဲ့တဲ့ စုံစမ်းစစ်ဆေးမှု တွေဟာ နိုင်ငံတကာ စံနှုန်းစံထားတွေနဲ့ ကိုက်ညီမှု မရှိတာကြောင့် သူ့အနေနဲ့ လူ့အခွင့်အရေးကောင်စီကို တင်ပြပြီး  နိုင်ငံတကာ စုံစမ်းစစ်ဆေးမှုတွေ လုပ်ဖို့ တိုက်တွန်းသွားမယ်လို့ ပြောဆိုခဲ့ပါတယ်။

ဒီပြောဆိုချက်အပေါ် မြန်မာနိုင်ငံအနေနဲ့ ကိုယ်ပိုင် လွတ်လပ်တဲ့ စုံစမ်းစစ်ဆေးမှုတွေ လုပ်ဆောင်နိုင်စွမ်းရှိတယ်လို့ သမ္မတရဲ့ ပြောခွင့်ရသူ လည်းဖြစ်၊ ပြန်ကြားရေးဝန်ကြီးဌာန ဒုဝန်ကြီးလည်းဖြစ်တဲ့ ဦးရဲထွဋ် က အခုလို တုံ့ပြန်ခဲ့ပါတယ်။

"ပထမဆုံးအချက်ကတော့ဗျာ။ မစ္စတာကင်တာတားဟာ အမြဲတမ်းပဲ ကျနော်တို့မြန်မာနိုင်ငံကို လာပြီဆိုရင် သူ့မှာ ကြိုတင်လက်ခံထားပြီးသားဖြစ်တဲ့ အယူအဆတွေကို သယ်လာပြီးတော့မှ အဲ့ဒီ့အယူအဆတွေကိုပဲ ဒီမှာ ပြန်ပြောလေ့ရှိပါတယ်။ ဒါကြောင့် ဒီတစ်ခါသူ ဒီလိုပြောတာကိုလည်း ကျနော်တို့အနေနဲ့က ဘာမှ မအံ့သြပါဘူး။

ဒုတိယအချက်ကတော့ ကော်မရှင်တစ်ခုဟာ နိုင်ငံတကာ အဆင့်မှီမှီ ဆိုတာဟာ ကော်မရှင်ရဲ့ လုပ်ထုံးလုပ်နည်းနဲ့ပဲ ကျနော်တို့က ကြ့ည့်ရမှာ ဖြစ်ပါတယ်။ အခုလုပ်တဲ့ကော်မရှင်တွေဟာ သူတို့ဘာသာ သူတို့လွတ်လွတ်လပ်လပ်စုံစမ်းစစ်ဆေးခွင့်ရတယ်။ သူတို့တွေ့ရှိချက်ကို သမ္မတကြီးဆီကို တင်ပြတယ်။ ပြီးရင် ပါဝင်ပတ်သတ်တဲ့ အသိုင်းအဝိုင်းကသူတွေ အားလုံး၊ နှစ်ဖက်အသိုင်းအဝိုင်းက သူတွေ အားလုံးပါတယ်။ ကျွမ်းကျင်တဲ့ပညာရှင်တွေပါတယ်။ မှုခင်းဆိုင်ရာ ဆေးပညာရှင်တွေပါတယ်။ ဒါကြောင့်မို့လို့ ကျနော်တို့က ဒါဟာ နိုင်ငံတကာ အဆင့်မှီတယ်လို့ ပြောလို့ ရပါတယ်။ သူတို့ပါစေချင်တဲ့ကုလသမဂ္ဂအဖွဲ့အစည်းက သူတွေ မပါတဲ့အတွက်ကြောင့်မို့လို့ နိုင်ငံတကာအဆင့်မမှီဘူးလို့ပြောရင်တော့ အဲ့တာ ဘာမှအဓိပ္ပါယ်မရှိပါဘူး။

နံပတ်သုံးကတော့ ကျနော်တို့ အတိအလင်းပြောထားပြီးပါပြီ။ ကျနော်တို့နိုင်ငံဟာ လွတ်လပ်တဲ့ စုံစမ်းစစ်ဆေးမှုတွေကို ကျနော်တို့ဘာသာ ကျနော်တို့ လုပ်ဆောင်နိုင်စွမ်းရှိပါတယ်။ ကုလသမဂ္ဂက ဘာမှ ပါဝင်စရာမလိုပါဘူး။ "

ဒီဒုချီးရားတန်းပြဿနာကို စုံစမ်းစစ်ဆေးမှုတွေ လုပ်ဖို့အတွက် သမ္မတဦးသိန်းစိန်ကနေ စုံစမ်းရေးကော်မရှင်တရပ် ဖွဲ့စည်းပေးခဲ့ သလို၊ မြန်မာနိုင်ငံ အမျိုးသား လူ့အခွင့်အရေးကော်မရှင်ကလည်း စုံစမ်းစစ်ဆေးမှုတွေကို လုပ်ဆောင်ခဲ့တာပါ။ ဒါကြောင့် မြန်မာနိုင်ငံ အမျိုးသား လူ့အခွင့်အရေးကော်မရှင်ကလည်း သူတို့ရဲ့ စုံစမ်းစစ်ဆေးမှုတွေဟာ လွတ်လပ်မှု အပြည့်အဝ ရှိတယ်လို့ အတွင်းရေးမှူးလည်းဖြစ်၊ လူ့အခွင့်အရေး ကော်မရှင်နာလည်းဖြစ်တဲ့ ဦးစစ်မြိုင်က ပြောပါတယ်။

"ကျနော်တို့ကော်မရှင်အဖွဲ့ သွားစစ်တာဟာ ကျနော်တို့ကော်မရှင်ရဲ့ဆုံးဖြတ်ချက် သပ်သပ်နဲ့ ကျနော်တို့သွားတာပါ။ နံပတ်တစ်၊ နံပတ် ၂က ကျနော်တို့ ဘယ်တွေကိုသွားမယ်။ ကျနော်တို့ ဘယ်သူတွေကို စစ်မယ်ဆိုတာ ကျနော်တို့အဖွဲ့ရဲ့ ကိုယ်ပိုင် သီးခြားလွတ်လပ်တဲ့ ဆုံးဖြတ်ချက်ဖြစ်ပါတယ်။ ကျနော်တို့ သွားချင်တဲ့နေရာ၊ ကျနော်တို့ စစ်ဆေးချင်တဲ့ပုဂ္ဂိုလ်၊ ကျနော်တို့ တွေ့ဆုံချင်တဲ့ ပုဂ္ဂိုလ်တွေဆီကိုလည်း ကျနော်တို့သွားခွင့်ရခဲ့တယ်။ ကျနော်တို့ စစ်ခွင့်ရခဲ့တယ်။ တွေ့ခွင့်ရခဲ့တယ်။

အဲ့ဒီဟာတွေကိုတော့ ပြည်ထောင်စုအစိုးရအနေနဲ့ရော၊ ဒေသဆိုင်ရာ အစိုးရအနေနဲ့ရော စွက်ဖက်ခြင်း လုံးဝ မရှိပါဘူး။ ဒါကြောင့် ကျနော်တို့အဖွဲ့အနေနဲ့ ကျနော်တို့ရဲ့ ဆောင်ရွက်ချက် စစ်ဆေးချက်ဟာ လွတ်လပ်တယ်ဆိုတာကို ရဲရဲတင်းတင်း ကျနော်တို့ ပြောလိုပါတယ်ဗျာ။ "

ဒါ့အပြင် ရခိုင်ပြည်နယ်မှာရှိတဲ့ နိုင်ငံတကာ NGO တွေအနေနဲ့ ဒုချီးရားတန်းကိစ္စနဲ့ပတ်သက်ပြီး သူတို့မှာ ခိုင်လုံတဲ့ အထောက်အထားတွေ ရှိတယ်လို့ ပြောဆိုနေပေမဲ့ တကယ်တမ်း မြန်မာနိုင်ငံ အမျိုးသား လူ့အခွင့်အရေး ကော်မရှင်က သွားရောက် စုံစမ်းစစ်ဆေးမှုတွေ လုပ်တဲ့အခါ ပူးပေါင်းဆောင်ရွက်တာမျိုး၊ သူတို့မှာရှိတဲ့ အထောက်အထားတွေကို ပြသနိုင် တာမျိုး တွေမရှိခဲ့ဘူးလို့လည်း ဦးစစ်မြိုင်က ထောက်ပြပါတယ်။

မစ္စတာ ကင်တားနားကတော့ ရခိုင်ပြည်နယ်ကိစ္စဟာ ပြည်တွင်းရေးကိစ္စ မဟုတ်ဘဲ ဒေသတွင်းကိုပါ ရိုက်ခတ်မှုတွေ ရှိနေတယ်လို့ ထောက်ပြခဲ့တာပါ။ ဒါ့အပြင် ရခိုင်ပြည်နယ်ကိစ္စနဲ့ ပတ်သက်ပြီး ဖမ်းဆီးခံ ထားရတဲ့ INGO အဖွဲ့အစည်းက ပုဂ္ဂိုလ် ၃ ဦးကို ပြန်လွှတ်ပေးဖို့ကိုလည်း မြန်မာအစိုးရကို မစ္စတာ ကင်တားနား တောင်းဆိုထားပါတယ်။ ဒါနဲ့ ပတ်သက်ပြီးတော့လည်း ဒုဝန်ကြီး ဦးရဲထွဋ် က အခုလို ပြောပါတယ်။

"အဓိကအားဖြင့်ပြောရရင် ဘူးသီးတောင်၊ မောင်တောမှာဖြစ် ခဲ့တဲ့ ပြဿနာတွေဟာ ဒီပုဂ္ဂိုလ်တွေ လှုံ့ဆော်လို့ဖြစ်ခဲ့တယ်ဆိုတာ အထောက်အထားတွေရှိလို့ ဥပဒေနဲ့အညီ ကျနော်တို့  ရုံးတင်ပြီးတော့ အပြစ်ပေးထားတာဖြစ်ပါတယ်။ အဲ့တာကို မစ္စတာကင်တာနားက သူ့ရဲ့အစီရင်ခံစာထဲမှာ ယုံကြည်မှုကြောင့် အကျဉ်းကျခံလို့ သုံးထားတာရှိတယ်။ အဲ့တော့ ကျနော်တို့က ဒီအသုံးအနှုံးကိုလည်း လက်မခံပါဘူး။ နောက်ပြီးတော့ ကင်တာနားရဲ့ပြောဆိုမှုကလည်း ကင်တာနားရဲ့ ဘက်လိုက်မှု ကို ပိုပြီးတော့ ပေါ်လွင်စေတယ်လို့ ကျနော် ထင်ပါတယ်။"

မစ္စတာ ကင်တားနားဟာ မြန်မာနိုင်ငံရဲ့ လူ့အခွင့်အရေး အခြေအနေတွေကို စုံစမ်းစစ်ဆေးဖို့ ကုလသမဂ္ဂ လူ့အခွင့်အရေး အထူးကိုယ်စားလှယ် တာဝန်နဲ့ နောက်ဆုံးအကြိမ် မြန်မာနိုင်ငံကို လာရောက်ခဲ့တဲ့ သူ့ရဲ့ ဒီခရီးစဉ်အတွင်း ရခိုင်ပြည်နယ်၊ ကချင်ပြည်နယ်၊ လက်ပံတောင်းတောင် ကြေးနီစီမံကိန်း၊ ရန်ကုန် အင်းစိန်အကျဉ်းထောင်နဲ့ ရန်ကုန် သီလဝါ အထူးစီးပွားရေးဇုန် တွေက အခြေအနေတွေကို သွားရောက် လေ့လာခဲ့တာပါ။

သူဟာ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် အနေနဲ့ ၆ နှစ်တာ တာဝန်ယူခဲ့တဲ့ ကာလအတွင်း မြန်မာနိုင်ငံရဲ့ ပြောင်းလဲ တိုးတက်မှုတွေနဲ့ ပတ်သက်ပြီး အသိအမှတ်ပြု ပြောဆိုခဲ့သလို၊ လက်ရှိ မြန်မာနိုင်ငံ သွားနေတဲ့ အသွင် ကူးပြောင်းရေးမှာ အကဲစမ်းချက်တွေ ရှိနေတယ်လို့လည်း ထောက်ပြခဲ့ပါတယ်။

မစ္စတာ ကင်တားနားဟာ သူ့ရဲ့အခုခရီးစဉ်အတွင်း စုံစမ်းသိရှိခဲ့သမျှတွေကို လာမယ့် မတ်လ ၁၇ ရက်နေ့မှာ တော့ လူ့အခွင့်အရေးကောင်စီမှာ အစီရင်ခံစာ တင်သွင်းသွားမှာလည်း ဖြစ်ပါတယ်။

VOA Burmese News

မန္တလေး ခုနစ်မြို့နယ်တွင် အိမ်ရာမဲ့ဦးရေ ၅၅၀၀ ကျော်ရှိဟုဆို


မန္တလေး၊ ဖေဖော်ဝါရီလ ၁၉

မြန်မာ တစ်နိုင်ငံလုံးတွင် ၂၀၁၄ ခုနှစ် မတ်လ ၂၉ ရက်နေ့တွင် တစ်ပြိုင်နက် ကောက်ယူမည့် သန်းခေါင်စာရင်း အတွက် မန္တလေး ခုနစ်မြို့နယ် အတွင်းရှိ အိမ်ရာ မရှိသူများကိုပါ ကောက်ယူမည် ဖြစ်သဖြင့် အိမ်ရာမဲ့ဦးရေ စာရင်းကို ကြိုတင်စာရင်း ကောက်ခံလျက် ရှိရာ အိမ်ရာမဲ့ ဦးရေ ၅၅၀၀ ကျော် ရှိကြောင်း မန္တလေးတိုင်း ဒေသကြီး လူဝင်မှု ကြီးကြပ်ရေးနှင့် အမျိုးသား မှတ်ပုံတင်ရေး ဦးစီးဌာန အကြီးတန်း အရာရှိ တစ်ဦးက ပြောကြားသည်။

မန္တလေး ခုနစ်မြို့နယ်တွင် အစမ်း ကောက်ယူထားသော စာရင်းဇယားများအရ အိမ်ရာမဲ့ မိသားစု ၁၂၀၀ ကျော် ရှိပြီး မိသားစုဝင်ပေါင်း ၅၅၀၀ ကျော် ရှိကြောင်း၊ အဆိုပါ မိသားစုဝင်များ ကိုလည်း ၂၀၁၄ ခုနှစ် မတ်လ ၂၉ ရက်နေ့ သန်းခေါင်စာရင်း ကောက်ယူရန် သတ်မှတ်ထားသော အချိန်တွင် ၎င်းတို့ကို တွေ့ရှိသော နေရာများတွင် မှတ်သား ကောက်ယူမည် ဖြစ်ကြောင်း ၎င်းက ရှင်းပြသည်။

“သူတို့က အိမ်မရှိတော့ သူတို့ကို မြင်တဲ့ ရပ်ကွက်မှာ မှတ်ပြီး ကောက်ယူမှာပါ” ဟု ၎င်းက ဆိုသည်။

အဆိုပါ အိမ်ရာမဲ့များတွင် ဧရာဝတီ မြစ်အတွင်းရှိ ဝါးဖောင်၊ သစ်ဖောင် မျှောသူများပါ ပါဝင်ကာ သန်းခေါင်စာရင်း ကောက်ယူရန် သတ်မှတ်ထားသော အချိန်တွင် ၎င်းတို့ ရောက်ရှိနေသာ အရပ်ဒေသတွင်ပင် စာရင်း ကောက်ယူမည် ဖြစ်ကြောင်း အဆိုပါ တာဝန်ရှိသူက ထပ်မံ ရှင်းပြသည်။

“သန်းခေါင်စာရင်းကို ကျွန်တော်တို့ကိုပါ ကောက်ယူမယ် ဆိုရင်တော့ သူတို့ မေးမှာကို ကျွန်တော်တို့က ဖြေပေးပါမှာ၊ အခု လောလောဆယ်တောင် ကျွန်တော်တို့ အခုနေတဲ့ တဲတွေကို နံပါတ်တွေ လာကပ်သွားပြီ” ဟု ချမ်းအေးသာစံမြို့နယ် ဧရာဝတီ မြစ်ကမ်းဘေးတွင် ကျူးကျော် နေထိုင်သူ ဦးအောင်စိုးလင်းက ဆိုသည်။

မန္တလေးတိုင်း ဒေသကြီးအတွင်း သန်းခေါင်စာရင်း ကောက်ကွက် ၉၅၀၇ ကွက်ရှိကာ ကောက်ကွက် တစ်ခုလျှင် စာရင်းကောက် တစ်ဦးနှင့် ကောက်ကွက် ငါးကွက်လျှင် စာရင်းစစ် တစ်ဦးက ကြီးကြပ်မည် ဖြစ်ပြီး သန်းခေါင်စာရင်း ကောက်ယူနိုင်ရန် အတွက် ဆရာ၊ ဆရာမ အင်အား ၁၂,၅၀၀ ဦးကျော် အသုံးပြုသွားမည် ဖြစ်ကြောင်း အဆိုပါ ဌာန၏ စာရင်းဇယားများအရ သိရသည်။

The Voice Weekly

အမေ့ထူသူများအတွက် နည်း ၅ နည်း


လုပ်ဖော် ကိုင်ဖက် တစ်ယောက်ရဲ့ နာမည်ကို မေ့နေသလား။ အမေ့ထူ လွန်းလို့ စိတ်ညစ် နေပါ သလား။ သော့ဘယ်မှာ ထားမိမှန်း မသိ ဖြစ်နေသလား။

စိတ်မညစ် ပါနဲ့တော့။ မေ့တတ်တဲ့ အကျင့် ပျောက်ပြီး မှတ်ဉာဏ် ကောင်းစေနိုင်တဲ့ အလွယ်နည်းတွေကို သိပ္ပံပညာရှင်တွေ ရှာဖွေ တွေ့ရှိ ထားပါတယ်။

(၁) အချက်အလက်သစ်တွေ မှတ်မိဖို့ မေးစေ့ကိုင်ပါ

ရုပ်ရှင်တွေ ထဲမှာ မြင်ဖူးကြမှာပါ။ ဇာတ်ဝင်ခန်း ထဲမှာ တစ်ခုခုကို အလေး အနက် စဉ်းစားပြီဆိုရင် မေးစေ့ကိုပွတ်ပြီး စဉ်းစားတတ်ကြ တာကိုပေါ့။ အဲဒီလိုပဲ အချက်အလက် အသစ် တစ်ခုခုကို နားထောင်တဲ့အခါ လက်က တစ်ခုခု လုပ်နေလိုက်ပါ။ အဲဒီ အချက်အလက်ကို ပိုပြီး မှတ်မိလွယ်ပါတယ်။ နားထောင်နေစဉ် လက်ဟန်ခြေဟန် တစ်ခုခုလုပ်နေတာက ဦးနှောက်ရှိ မှတ်ဉာဏ်ဌာနရဲ့ လုပ်ဆောင်ချက်တွေကို မြင့်မားစေပြီး မှတ်ဉာဏ် ပိုကောင်း စေနိုင်ပါတယ်။ ဥပမာ- ဖုန်းနံပါတ်တစ်ခုကို မှတ်ရာမှာ မေးစေ့ကို ကိုင်တာပဲဖြစ်ဖြစ်၊ နားရွက်ကို ကိုင်တာပဲဖြစ်ဖြစ် ပြုလုပ်နေပြီး အဲဒီ ဖုန်းနံပါတ်ကို ခေါင်းထဲ ပြန်စဉ်းစားကြည့်တဲ့အခါ မေးစေ့ ဒါမှမဟုတ် နားရွက်ကို ပြန်ကိုင်ပြီး စဉ်းစားပါက ပိုပြီး မှတ်မိလွယ်ပါတယ်။

(၂) အချက်အလက်သစ်တွေကို မမေ့ဖို့ စိတ်ကူးထဲ ပုံဖော်ကြည့်ပါ

ဖုန်းနံပါတ်တစ်ခု ဒါမှမဟုတ် နာမည်တစ်ခုကို မှတ်ရာမှာ “ငါနောက်တစ်ခါ ဒီဖုန်းကိုဆက်ချင်ရင် ဘယ်ကိုဆက်ရမလဲ” ဒါမှမဟုတ် “ငါသူ့ကို နောက်တစ် ကြိမ်တွေ့ရင် ဘယ်လိုခေါ်ရမလဲ” စသဖြင့် အနာဂတ်မှာ ကြုံရင် ဘယ်လို ဖြေရှင်းမလဲဆိုတာ ကြိုတွေးပြီး စိတ်ကူးထဲ ပုံဖော်ကြည့်တာက တစ်ခုခုကို မှတ်ရာမှာ ပိုလွယ်ကူစေပါတယ်။ လေ့လာချက် တစ်ခုအရ ဒီနေ့ သင်လိုက်တဲ့ အရာကို အနာဂတ်မှာ ဘယ်လိုသုံးမယ်ဆိုတာကို ပုံဖော်ကြည့်သူတွေဟာ စိတ်ကူးမကြည့်မိသူတွေထက်စာရင် ထိုအရာကို ပိုပြီးမှတ်မိနေတာကို တွေ့ရပါတယ်။ သုတေသနပညာရှင်တွေရဲ့ အဆိုအရ အချက်အလက်တွေကို မှတ်ရာမှာ ထိုအချက်တွေကို ဦးစားပေးအဖြစ် ကိုယ်ကအသုံးပြုပုံကို စိတ်ကူးယဉ်ကြည့်ပါက ဦးနှောက်ကနေ သေချာမှတ်ထားပြီး အလိုရှိတဲ့ အချိန်မှာ ပြန်ထုတ်ပေးဖို့ အသင့် ဖြစ်နေတယ်လို့ သိရပါတယ်။

(၃) မှတ်ဉာဏ် ပိုကောင်းစေဖို့ လမ်းလျှောက်ပါ

သိပ္ပံပညာရှင် တွေဟာ ဦးနှောက်ရှိ မှတ်ဉာဏ်ထိန်းပေးတဲ့ အစိတ်အပိုင်း (Hippocampus) ဟာ အသက်ကြီးလာတာနဲ့အမျှ ကျုံ့သွားတတ်ပြီး ထိုသို့ ကျုံ့သွားခြင်းကို ပြန်ပြင်လို့မရနိုင်လို့ ယူဆခဲ့ကြဖူးပါတယ်။ ခုတော့ အဲလို ယူဆဖို့ မလိုတော့ပါဘူး။ လေ့လာချက် အသစ်တစ်ခုအရ ကိုယ်လက် လှုပ်ရှားမှုကို ပုံမှန်ပြုလုပ်သူဟာ ဦးနှောက်ကျုံ့တာကို ကာကွယ်ပေးရုံမျှမက တစ်နှစ်အတွင်းမှာ ပြန်လိုတောင်ချဲ့နိုင်ကြောင်း တွေ့ရပါတယ်။ တစ်နေ့ကို မိနစ် ၄၀ ကြာ တစ်ပတ်ကို သုံးရက်လမ်းလျှောက်သူ သက်ကြီးရွယ်အို တွေဟာ ခုမှစပြီး လေ့ကျင့်ခန်းလုပ်သူထက် Hippocampus အရွယ်အစား ၂ ရာခိုင်နှုန်း ဒါ့အပြင် မှတ်ဉာဏ် စာမေးပွဲ ဖြေရာမှာလည်း အမှတ်ပိုကောင်းပြီး ဦးနှောက်ကျန်းမာရေး ကောင်းစေနိုင်တဲ့ ဓာတ်တွေလည်း ပိုများနေပါတယ်။ တစ်ပတ်ကို သုံးရက်၊ တစ်ရက်ကို မိနစ် ၃၀ ကြာ လေ့ကျင့်ခန်းလုပ်ရုံနဲ့ ဦးနှောက်မှတ်ဉာဏ် ကောင်းစေနိုင်ပါတယ်။

(၄) ဦးနှောက်ဆဲလ်တွေ ကာကွယ်ဖို့ အမြန်စာ မစားပါနဲ့

အဆီများတဲ့ အဝစာ၊ အမြန်စာတွေကို အစားများပါက ကြာလာရင် မှတ်ဉာဏ် လျော့နည်းစေကြောင်း သိထားတာ ကြာပါပြီ။ ဒီအစာတွေက အချိန်တိုအတွင်းမှာလည်း ဦးနှောက်ကို ထိခိုက်စေနိုင်ကြောင်း သတိမပြုမိ ကြသေးပါဘူး။ လေ့လာချက် တစ်ခုအရ အဆီများတဲ့ အဝစာ တွေကို ကျွေးတဲ့ အစမ်းသပ်ခံ သတ္တဝါတွေဟာ ကိုးရက်အတွင်း မှတ်ဉာဏ်နဲ့ ပြဿနာ ဖြေရှင်း နိုင်စွမ်း ၁၅ ရာခိုင်နှုန်း ကျသွားတာကို တွေ့ရပါတယ်။

(၅) အမေ့ထူတာ လျော့စေဖို့ Chamomile Tea သောက်ပါ

Chamomile Tea ကို စူပါမားကက်တွေမှာ ရှာဝယ်နိုင်ပါတယ်။ ဦးနှောက်ကို အားဖြည့် ပေးသလို စိတ်ကိုလည်း ဖြေလျှော့ပေးပါတယ်။ အမေ့ထူတာကို လျော့စေတဲ့ Luteolin ဓာတ်တွေလည်း များစွာပါရှိနေပါတယ်။ အသက် အရွယ် အိုမင်းမှုကြောင့် ဖြစ်တတ်တဲ့ မှတ်ဉာဏ်လျော့နည်းမှုကို ဖြစ်စေတဲ့ ဦးနှောက်ရောင်ရမ်းမှုကို ကာကွယ်ပေးပါတယ်။ ဒါ့အပြင် Luteolin ဓာတ် တွေဟာ ဦးနှောက်ဆဲလ် ဆက်နွှယ်မှုကို အနှောင့်အယှက်ပေးနိုင်တဲ့ အန္တရာယ်ရှိ ဓာတုပစ္စည်းများဖြစ်တဲ့ Cytokines တွေ ထွက်ရှိမှုကို ၉၀ ရာခိုင်နှုန်းထိ လျှော့ချပေးနိုင်ပါတယ်။ အကယ်၍ Chamomile Tea ကို ရှာမတွေ့ပါက Luteolin ဓာတ်ကြွယ်ဝတဲ့ မုန်လာဥနီနဲ့ ငရုတ်သီးစိမ်းတို့ကို စားပေးနိုင်ပါတယ်။

ဒေါက်တာနုမြတ် (ရတနာပုံ ကျန်းမာရေး)

အချစ်ကို အလွဲသုံးစား မလုပ်ကြေး


ပုထုဇဉ် ဆိုတဲ့ လိုင်စင်ရကတည်းက လူသားဟာ စိတ်အလိုလိုက်မှုဆိုတဲ့ ရေစီးကြောင်းထဲ စုန်မျောခဲ့ကြတာပေါ့။ အာရုံခံစားမှုဆိုတဲ့ အနံ့၊ အရသာ၊ အထိအတွေ့တွေမှာ သာယာခြင်းက သဘာဝတရား အဖြစ် ဖွဲ့တည်လာကြတယ်။ ဆန့်ကျင်ဘက် လိင်အပေါ် တွယ်ငြိစွဲလန်းမှုကလည်း ရုပ်ပိုင်း၊ စိတ်ပိုင်းဆိုင်ရာ သာယာမှု တခုပါပဲ။ ထိကိုင်ပြသ မမြင်ရတဲ့ ချစ်ခြင်းမေတ္တာ ဆိုတာကလည်း စွဲလန်းသာယာစရာ ဖြစ်လာသလို၊ သဘာဝ အလျောက် ဖြစ်လာတဲ့ သွေးသား နှီးနှောမှုကလည်း ကျွဲကူးရေပါ အတူယှဉ်တွဲ လာပါတော့တယ်။ “ချစ်ခြင်းအစ မျက်စိက” ဆိုတာကနေ “လက်ကလေးပြီးတော့ ပါးကလေးပေါ့” ရောက်လာပြီးတဲ့အခါ၊ “ဖြေးဖြေးလေး နဖူးလေး၊ ပါးလေး နမ်းပါ” တွေ ကျော်လွန်လာတဲ့အခါ အထိအတွေ့ နွံနစ်ကျွံသွားကြပါတော့တယ်။ “ချစ်သူများနေ့” ရဲ့ ချောကလက်တွေ နေရာမှာ တည်းခိုခန်းတွေ၊ ဟိုတယ်တွေထဲက ရင်ခုန်သံတွေ နေရာယူလာ ကြပါတော့တယ်။

လူတဦးချင်းစီရဲ့ အတွေ့အကြုံ၊ အတွေးအမြင်အရ ဆန္ဒကို ထိန်းချုပ်နိုင်မှု၊ ဆင်ခြင်တုံတရားရဲ့ အားသာမှု၊ ရည်ရွယ်ချက် ကြီးမားမှုတွေက အထိအတွေ့ နွံမှာ မကျွံအောင် စောင့်စည်းနိုင်ကြတာတွေ ရှိသလို၊ မလိုလား အပ်တဲ့ နောက်ဆက်တွဲ ပြဿနာတွေကို ရှောင်ကျဉ်ဖို့ ပြင်ဆင် ကာကွယ်မှုတွေနဲ့ သာယာကြတာလည်း ရှိကြတာပေါ့။ ယဉ်ကျေးမှုစည်းရိုး အကျိုး အပေါက် များလာချိန်မှာ လိင်ဆိုင်ရာ လွတ်လပ်မှုကို အလွဲသုံးလာကြတာက ထင်သာမြင်သာ အဖြစ်ဆုံးအနေအထားကို ရောက်လာကြပါတယ်။ ဖျော်ဖြေရေး မီဒီယာတွေဆီကနေ အတုယူလာကြတာလည်း ပါတာပေါ့။ အလွဲချော်ဆုံး နားလည်မှု ကတော့ လူရှေ့သူရှေ့ မရှောင် ချစ်တင်းနှောမှုက ခေတ်မီပြီး နိုင်ငံတကာ ဆန်တယ် ထင်လာကြတာပါပဲ။ ပန်းခြံ၊ ကန်ပေါင် လူမြင်ကွင်း စည်ကားရာတွေမှာ ဖက်ရမ်းနမ်းရှုံ့ခြင်းက ဒိမိုကရေစီ ရပိုင်ခွင့်တခုလို ကျင့်သုံးလာကြတာတွေ ကူးစက်ပျံ့ပွား များပြားလာတာ သိသာလွန်းလှပါတယ်။

အကြောင်းရင်းခံ တွေကို ပြန်သုံးသပ်ကြည့်ရင် လူ့သဘာဝ အထိအတွေ့ကို သာယာမက်မော ကြတာက မူလလို့ ဆိုနိုင်ပေမယ့် စဉ်းစားရမယ့် ကိစ္စတွေတော့ အများကြီးပါပဲ။ ယဉ်ကျေးမှု ဓလေ့ထုံးစံဆိုတဲ့ အဟန့်အတားက သိမြင်သင့်တာတွေကို ဖုံးအုပ်ပစ်လိုက်တာ မျိုးပေါ့။ သဘာဝ တရားကို နားလည် သဘောပေါက်အောင် ရှင်းလင်းပြတာက မဆီလျော် ဘူးလို့ ယူဆကြတဲ့အခါ တကယ်တမ်းလည်း ဖုံးကွယ်မရနိုင်တာကို သိလာကြတာက အလွဲသိနဲ့ သိလာကြတာပေါ့။တကယ်တမ်း ဖွံ့ဖြိုးတိုးတက်တဲ့ နိုင်ငံတွေလို လိင်ပညာပေး ကိစ္စကို အထိအရှ လွယ်နေကြတာကလည်း အကြောင်း တခုပါပဲ။ လူတွေရဲ့ အတွေးအခေါ် အမူအကျင့်တွေရဲ့ မူလအစ ဖြစ်တဲ့အိမ်မှာ၊ ကျောင်းမှာ ဒီအကြောင်းတွေကို ဆွေးနွေး သင်ပြဖို့ ရှောင်ကျဉ် နေကြတာ သိသာတဲ့ လက္ခဏာပါ။

သိတတ်စ အရွယ်ကတည်းက လူရဲ့ ခန္ဓာကိုယ်ဆိုင်ရာ ဖွဲ့ စည်းမှု၊ ဒါတွေရဲ့ လုပ်ငန်းဆောင်တာ၊ ဖြစ်လာတတ်တဲ့ နောက်ဆက်တွဲ အကြောင်းအရာ ဆိုတာတွေ နားလည်ထားရင် စိတ်အလိုကို ဆင်ခြင်တုံ တရားနဲ့ ဘောင်ကွပ် ထားနိုင်ကြမှာပါ။ အရွယ်နဲ့အမျှ ပြောင်းလဲလာတဲ့ ကိုယ်ခန္ဓာ ဖွဲ့ စည်းမှု၊ စိတ်ပိုင်းဆိုင်ရာ ခံစားမှု၊ ဆန့်ကျင်ဘက်လိင်ကို စိတ်ဝင်စား သာယာမှု ဆိုတဲ့ ဟော်မုန်း အပြောင်းအလဲဆိုင်ရာတွေ နားလည်ထားကြရင် ကိုယ်ဖြစ်နေတဲ့ စိတ်ခံစားမှုအပေါ် ခွဲခြမ်း စိတ်ဖြာနိုင်ကြမှာပါ။ နောက်ဆုံး အမှားအယွင်း ဖြစ်ခဲ့ရင်တောင် အသိတရားလေးနဲ့ နောက်ဆက်တွဲ ပြဿနာတွေ ရှောင်ရှား နိုင်ကြမှာပါ။

အမူအကျင့် ပြောင်းလဲရေး ဆိုတာကလည်း အလွန်မလွယ်တဲ့ လုပ်ငန်းပါ။ လူမှုရေး အဖွဲ့ အစည်းတွေကလည်း မျိုးဆက်ပွား ကျန်းမာရေး ပညာပေး အစီအစဉ်တွေနဲ့ ဝိုင်းကြဝန်းကြပေမယ့် ထိရောက်မှုက အားနည်းပါသေးတယ်။ တခုပိုဆိုးတာက လိင်ဆိုင်ရာ သာယာခြင်းက တခြား မူးယစ်သောက်စား၊ လောင်းကစားတွေနဲ့ မတူတဲ့ အကြောင်းပြချက် တခုအဖြစ် အချစ် ဆိုတဲ့ အရာနဲ့ နွှယ်ယှက် နေလိုက်သေးတာကြောင့်ပါ။ အခြေအနေတွေ ပေးလာကြပါတယ် (အချိန်ပိုင်းနဲ့ တည်းခိုစရာတွေ)၊ လှုံ့ဆော်နှိုးဆွမှုတွေ ပိုလာပါတယ် (အရက်နဲ့ မူးယစ်ဆေးဝါးတွေ ပေါပေါလောလော သုံးနိုင်ကြတာတွေ၊ အပြာ ဇာတ်လမ်း တွေကို အလွယ်တကူ ကြည့်နိုင်လာကြတာတွေ)၊ လိင်အရ တက်ကြွတဲ့ အရွယ်တွေမှာ အလုပ်အကိုင်နဲ့ ပညာအတွက် အုပ်ထိန်းသူ အသိုင်းအဝိုင်းနဲ့ အဝေးမှာ လွတ်လပ်တဲ့ နေထိုင်မှုပုံစံတွေ ပေါ်ပေါက်လာကြတယ် (တိုက်ခန်း ငှားပြီး နေထိုင် ကြတာတွေ)၊ ဒါတွင်မက အညှီရှိရာ ယင်အုံစရာ မော်ဒယ်လ်လောကတို့၊ စပွန်ဆာတို့တွေ ပေါ်ပေါက် လာကြတာတွေရောပေါ့။

ဆိုလိုတာက လိင်ဆိုင်ရာ အတုယူမှားမှုတွေ၊ အလွဲသုံးစားမှု ပြုစရာတွေ ပွားများ လာနေကြတာပါ။ အထူးသဖြင့် သိပ်ငယ်ကြသေးတဲ့ လူငယ်လေးတွေ၊ ဆယ်ကျော်သက်၊ မြီးကောင်ပေါက် တွေမှာ အမှားအယွင်းတွေ များလာပြီ ဆိုရင် မျိုးဆက်ရော၊ အနာဂတ်ပါ ထိခိုက်လာကြတော့မှာပါ။ ဒီအချိန်မှာ သိသင့်သိထိုက် တာတွေကို သိအောင် လုပ်ပေးဖို့ တာဝန်ရှိလာကြပါပြီ။ အိမ်က မိဘ၊ ကျောင်းက သင်ရိုး၊ မီဒီယာတွေက ပညာပေး အစီအစဉ်တွေနဲ့ ဘဝဆိုင်ရာ ကျွမ်းကျင်စရာတွေ သင်ပြပေးမှုမှာ လိင်ပညာပေး ကဏ္ဍက နေရာယူသင့် လာပါပြီ။

အရင်ဆုံးတော့ လိင်ဆိုင်ရာ အင်္ဂါ အစိတ်အပိုင်းတွေ ဖွဲ့ စည်းပုံ၊ အရွယ်ရောက် အပြောင်းအလဲတွေနဲ့ စတင်ပေးပြီး သွေးသား နှီးနှောခြင်းရဲ့ အကျိုးဆက်တွေ၊ အန္တရာယ်တွေကို သိစေတာက အမူအကျင့် ပြောင်းလဲရေးဆီ ဦးတည်ပေါ်နိုင်လိမ့်မယ်လို့ မျှော်လင့်ရပါတယ်။ အထူးသဖြင့် အရွယ်မတိုင်မီ လိင်မှုကိစ္စတွေ ပေါ်ပေါက်တဲ့အခါ နောက်ဆက်တွဲတွေက အဆုံးမဲ့ပါပဲ။

စနစ်တကျ စီစဉ်ထားတဲ့ ချစ်ခြင်းကို အိမ်ထောင်ပြုခြင်းနဲ့ ဆက်စပ်ကြတဲ့ သူတွေမှာက ဘာအကြောင်းနဲ့မှ ပြောစရာမရှိပေမယ့် မရည်ရွယ်ထားသေးဘဲ သာယာမှုနောက် စိတ်အလို လိုက်ကြရင်ဖြင့် ပြဿနာတွေ တန်းစီနေတော့မှာပါ။

လူမှုရေးပြဿနာများ

အမှတ်တမဲ့ ကိုယ်ဝန်ရှိသွားတာကနေ စတင်ရပါလိမ့်မယ်။ အိမ်ထောင်တခု တည်ဆောက်ဖို့ အသင့်မဖြစ်သေးသူတွေ၊နှစ်ဘက် အသိုင်းအဝိုင်းအကြား ညှိနှိုင်းဖို့ ခက်ခဲနေတဲ့ သူတွေအတွက် အရေးပေါ် အိမ်ထောင် ပြုလိုက်ကြရတာဟာ ဘဝမှာ အတော် ကသီလင်တ နိုင်မှာပါ။ ပြည့်စုံဖူလုံမှရယ် မဟုတ်ပေမယ့် ပြင်ဆင်ထားကြပြီးမှ အိမ်ထောင်သည် ဘဝကို တည်ဆောက်ရတာ အဆင်ပြေမှာပါ။ စားဝတ်နေရေးက အစ မွေးဖွားဖို့၊ ကလေးကို ပျိုးထောင်ဖို့ ဆိုတာတွေနဲ့ လုံးလည်ချာလည် လိုက်ပြီး အနာဂတ်က မလှနိုင်တော့ပါဘူး။ ပညာတပိုင်းတစတို့၊ ဘဝတက်လမ်း ရှာဖွေနေချိန်တို့ ဆိုရင် ပိုဆိုးတာပေါ့။

အဲဒီထက်ဆိုးတာက အကြောင်းကြောင်းကြောင့် မပေါင်းသင်းဖြစ်ခဲ့ရင် အဲဒီ ကိုယ်ဝန် တလုံးနဲ့ ကိုယ်နေထိုင်ရာ လူ့အဖွဲ့ အစည်းရဲ့ တင်းကျပ်တဲ့ စည်းဘောင်တွေကြားမှာ စိတ်ဒုက္ခပေါင်း များစွာ ခံရမှာက မတွေးရဲစရာပါ။ အရွယ်မတိုင်မီ အိမ်ထောင်ပြုလိုက် ကြရတာက ဆင်းရဲခြင်းရဲ့ အကြောင်းထဲမှာ တချက် ပါဝင်နေတာကိုလည်း သတိပြုရမှာပါပဲ။

ကျန်းမာရေးပြဿနာများ

အသက် (၁၈) နှစ်အောက် ကိုယ်ဝန်ဆောင်ဆိုတာ အန္တရာယ်ရှိတဲ့ သတ်မှတ်ချက်ထဲမှာ အကျုံးဝင်ပါတယ်။ နောက်ပြီး စိတ်အလိုလိုက်မှုကြောင့်၊ ကြေးစားဘဝကြောင့် ရလာတဲ့ ကိုယ်ဝန်ကို မလိုအပ်တဲ့ ကိုယ်ဝန်အဖြစ် သတ်မှတ်ပြီး ကိုယ်ဝန် ဖျက်ချဖို့ ကြိုးစားကြတော့တာပါပဲ။ အဲဒီလို တ်ိတ်တိတ်ပုန်း ကိုယ်ဝန်ဖျက်ချမှုတွေက ကိုယ်ဝန်ဆောင်မိခင် သေဆုံးမှုတွေထဲမှာ တွေ့ရများတဲ့ ရောဂါပါပဲ။

နောက်ပြီးတော့ သွေးသားနှီးနှောမှုတွေမှာ လိင်ကတဆင့် ကူးစက်တဲ့ ရောဂါတွေက အလွယ်တကူ ဝင်ရောက်လာကြမှာပါ။ သာမန်အားဖြင် မျိုးပွားအင်္ဂါမှာ ရောဂါပိုးကြောင့် ဖြစ်တတ်တဲ့ အနာလိုမျိုးကအစ ဆီးလမ်းကြောင်း၊မျိုးပွားအင်္ဂါ လမ်းကြောင်း တွေမှာ ပိုးဝင်တတ်တဲ့ ကာလသားရောဂါ ပေါင်းစုံ (ဘက်တီးရီးယား၊ ဗိုင်းရပ်စ်၊ မှို)၊ နောက်တော့ အသည်းရောင်အသားဝါ ဘီ၊စီ အစရှိတာတွေက ကျန်းမာရေးချို့တဲ့မှု အသေးစားကနေ အသက်အန္တရာယ် အထိ ဖြစ်စေတာပါ။ အဆိုးဆုံးကတော့ အခုခေတ် လူတိုင်းကြောက်ရွံ့ကြရတဲ့ HIV/ AIDS လို သေမိန့်ကျ ရောဂါကလည်း လိင်ကတဆင့် ကူးစက်စေတာပါပဲ။

ကာကွယ်တားဆီးမှု ဘယ်လိုလုပ်ကြမလဲ

အကောင်းဆုံးကတော့ ရှောင်ကျဉ်နိုင်သမျှ ရှောင်ကျဉ်ကြဖို့၊ စိတ်ကိုထိန်းချုပ် နိုင်အောင် ကြိုးစားကြတာပဲ ဖြစ်မှာပါ။ လိင်ကိစ္စ သာယာမှုကို တခြား အကျိုးရှိ အပြုသဘောဆောင်တဲ့ စိတ်ဝင်စားဖွယ် တွေဆီ အာရုံပြောင်းနိုင်ရင်တော့ အကောင်းဆုံးပေါ့။ဒါပေမယ့်လည်း အထက်က ဆိုခဲ့သလို ပုထုဇဉ် လိုင်စင်ရထားသူတွေမို့ သွေးနဲ့ကိုယ် သားနဲ့ကိုယ်ဆိုတဲ့ အကြောင်းပြချက်တွေ နဲ့ စိတ်အလို လိုက်နေကြတာတွေ ရှိနေဦးမှာပါ။ တဒင်္ဂ အတွေ့အထိ မလွန်ဆန်နိုင်တာက အစ ဝါသနာပါလို့ လိုက်စားတဲ့ အထိ ဖြစ်စဉ်တွေက ရှိနေကြမှာပါ။

ဒီတော့လည်း ဆိုးရွားတဲ့ အကျိုးဆက်တွေ မဖြစ်အောင် တကိုယ်ရေ ဖြေဖျောက်နည်းတွေနဲ့ အန္တရာယ်ကင်းတာကို အချက်အလက် ပေးရပါလိမ့်မယ်။ မအောင့်အည်း မစောင့်စည်း နိုင်ကြပြီဆိုရင်လည်း ဒီကိစ္စအတွက် ထင်ထင်ပေါ်ပေါ် ထုတ်လုပ်လာပြီဖြစ်တဲ့ အကာအကွယ်တွေ ဆောင်ပြီး အသုံးပြုကြဖို့ကို တိုက်တွန်းရပါတော့မယ်။ ကိုယ်ဝန် မဆောင်ရအောင် တားဆီးထားတဲ့ နည်းလမ်းများစွာထဲက ရွေးချယ်ကျင့်သုံး စေကြရပါတော့မယ်။

ရောဂါတွေရဲ့ လက္ခဏာတွေ ဖြစ်လာခဲ့ရင် ကျွမ်းကျင်သူနဲ့သာ ကုသမှုခံယူဖို့တွေ တိုက်တွန်းရပါတော့မယ်။ နှစ်သိမ့်ဆွေးနွေး အကြံပေးမှုတွေကို အလေးဂရုထားစေဖို့ ဖိတ်ခေါ်ရပါတော့မယ်။ လတ်တလော ဖြေရှင်းနည်းအဖြစ် ဒီလို နည်းလမ်းတွေ သုံးသလိုပဲ ရေရှည်အတွက် လိင်မှု ပညာပေး အစီအစဉ်တွေကို ငယ်ရွယ်သိတတ်စ ကတည်းက စတင်ဖို့ လုပ်ပိုင်ခွင့် ရှိသူတွေကို တိုက်တွန်းကြရပါလိမ့်မယ်။ လူမှုရေးပြဿနာတွေ ဖြေရှင်းပေးဖို့ရာလည်း အစီအစဉ်တွေ အများကြီး လုပ်ဆောင်ကြရပါလိမ့်မယ်။

တကယ်တမ်းကျတော့လည်း လူတွင်ပါလို့ နွားကျားကိုက် ဖြစ်တဲ့ လိင်ဆိုင်ရာ ပြဿနာတွေအတွက် ကိုယ်တိုင် တာဝန်ယူမှုကသာ ကိုယ့်ကို ကာကွယ်ပေးမှာပါ။ မျိုးဆက်ပွား ကျန်းမာရေး ဗဟုသုတတွေ ဖြည့်ဆည်းပါ၊ မဖြစ်သင့်တာ မဖြစ်အောင် ကာကွယ်ပါ၊ ဖြစ်လာခဲ့ရင် အကောင်းဆုံး ဖြေရှင်းဖို့ နှစ်သိမ့်ဆွေနွေး အကြံပေးမှုတွေ ခံယူပါ။ အချစ်နဲ့ သွေးသား နှီးနှောမှုက ဆက်စပ်နေတတ်ပေမယ့် အချစ်က လိုအပ်ချက်ဖြစ်ပြီး သွေးသားကိစ္စကတော့ ဆန္ဒမျှသာဖြစ်တယ် ဆိုတာလေးကို လက်ခံသတ်မှတ်လို့ ချစ်သူအားလုံး နှလုံးမွေ့လျော်စွာ ချောကလက်ကလေးတွေနဲ့ ပျော်ရွှင်နိုင်ကြပါစေလို့ ချစ်ခြင်းအားဖြင့် တောင်းဆုပြုလိုက်မိပါရဲ့။

Irrawaddy

ခိုင်မာတဲ့ခံယူချက်နဲ့ မင်္ဂလာပွဲနွှဲပြီး ရွှေလက်တွဲတော့မယ့် လိင်တူချစ်သူစုံတွဲ


ကိုတင်ကိုကို(ရှေ့)နဲ့ ကိုမျိုးမင်းထက်(နောက်)တို့ကို နေအိမ်မှာ ပျော်ပျော်ရွှင်ရွှင်တွေ့ရစဉ်။ ဘူးသီး/မြန်မာတိုင်း(မ်)
ညနေခင်းရုံးဆင်းလို့ သူတို့ရဲ့ထရံကာ၊ သွပ်မိုး ပျဉ်ထောင်အိမ်လေးကို အရင်ဆုံး ပြန်ရောက်တဲ့
သူက မီးဖိုချောင်မှာ ထမင်းဟင်းချက်တဲ့တာဝန်ကို ယူရပါတယ်။
နှစ်ယောက်စလုံး ရုံးမှာ သိပ်ကို ပင်ပန်းလာပြီဆိုရင်တော့ ချက်ပြုတ်မနေတော့ဘဲ နီးရာဆိုင်မှာပဲ
ပြေးပြီး ညစာစားကြပါတယ်။
ဒါဟာ လိင်တူချင်း သံယောဇဉ်ဖြစ်မိကြပြီး သာမန်စုံတွဲတွေလိုပဲ နှစ်ယောက်တစ်ဘ၀ ထူထောင်
ထားကြတဲ့ ကိုတင်ကိုကိုနဲ့ ကိုမျိုးမင်းထက်တို့ စုံတွဲရဲ့ လွတ်လပ်ပေါ့ပါးတဲ့ နေ့စဉ် ဖြတ်သန်းမှုပုံစံပဲ
ဖြစ်ပါတယ်။
သူတို့နှစ်ဦးဟာ ၁၀ နှစ်ကြာ အတူတူနေထိုင်ခဲ့ကြရင်း နှစ်ဦးကြားက ချစ်ခြင်းမေတ္တာနဲ့ နားလည်မှု
ခိုင်မာလာတာနဲ့အမျှ ထာဝရ လက်တွဲသွားကြမယ်ဆိုတဲ့ သင်္ကေတအနေနဲ့ မင်္ဂလာပွဲကို လာမယ့်
မတ်လထဲမှာ မိဘ၊ ဆွေမျိုး၊ မိတ်ဆွေ၊ အပေါင်းအသင်းတွေကို ဖိတ်ကြားပြီး ကျင်းပသွားမှာ
ဖြစ်ပါတယ်။
“မင်္ဂလာပွဲအတွက် ရင်ခုန်ပြီး အတိုင်းမသိဝမ်းသာတယ်။ သူ (ကိုတင်ကိုကို) က ၁၀ နှစ်ပြည့်
အထိမ်းအမှတ်ပွဲလေး လုပ်ပေးမယ်လို့ မထင်ခဲ့ဘူး။ ဒီပွဲလုပ်မယ်ဆိုတာ အနီးကပ်မှ သိရတာ။
မင်္ဂလာပွဲအတွက် အနောက်တိုင်းဝတ်စုံတွေ ပြင်ဆင်ထားတယ်။ နောက်ထပ် ၁၅ နှစ်၊ အနှစ်
၂၀ ပြည့်ပွဲတွေလည်း လုပ်ချင်သေးတယ်”လို့ ကိုမျိုးမင်းထက်က ပြောပါတယ်။
ရန်ကုန်သား ကိုတင်ကိုကိုဟာ လွန်ခဲ့တဲ့ ၁၀ နှစ်ခန့်က မကွေးတိုင်းဒေသကြီးအတွင်းက
ဆောက်လုပ်ရေးအလုပ်တစ်ခုမှာ အလုပ်လုပ်ကိုင်ရင်း ကိုမျိုးမင်းထက်ကို စတွေ့ပြီး သံယောဇဉ်
ဖြစ်ခဲ့ပါတယ်။
နှစ်ယောက်စလုံးဟာ အမျိုးသားတွေလိုပဲ ၀တ်စားဆင်ယင် နေထိုင်သွားလာတဲ့အတွက် အများရဲ့
အမြင်မှာ အထင်လွဲစရာ မဖြစ်ခဲ့တာကြောင့် သူတို့ရဲ့ဘ၀ခရီးအစမှာ ကြီးမားတဲ့အခက်အခဲမျိုးတွေ
မတွေ့ခဲ့ရဘူးလို့ ဆိုကြပါတယ်။
“ကျွန်တော်က အမျိုးသမီးတစ်ယောက်လို ၀တ်စားဆင်ယင်ပြီး နေတာမဟုတ်ဘဲ သာမန်
ယောက်ျားလေးလိုပဲနေတယ်။ သူလည်း အဲဒီပုံစံအတိုင်းပဲ နေတယ်။ ကိုယ့်ရဲ့လိင်စိတ်ခံယူမှုကြောင့်
ဂေးဖြစ်နေတာပဲ ရှိတယ်။ သူနဲ့ကျွန်တော် သူငယ်ချင်းအပေါင်းအသင်းတွေလိုပဲ သွားတယ်၊
လာတယ်၊ စားတယ်၊ သောက်တယ်။ အဲဒါနဲ့ ပတ်သက်ပြီးတော့ အခက်အခဲသိပ်မရှိခဲ့ပါဘူး” လို
LGBT (အမျိုးသမီး၊ အမျိုးသားအချင်းချင်း ချစ်ခင်စုံမက်သူ၊ အမျိုးသား၊ အမျိုးသမီးနှစ်မျိုး စလုံး
ချစ်ခင်စုံမက်သူ၊ ဆန့်ကျင်ဘက်လိင်ကဲ့သို့ ၀တ်စားဆင်ယင်ပြုမူနေထိုင်သူ)တွေရဲ့ အခွင့်အရေးတွေ
အတွက် လှုပ်ရှားဆောင်ရွက်နေတဲ့ ဘုရင်နှင့် ဘုရင်မများအဖွဲ့မှ အဖွဲ့ဝင်တစ်ဦး ဖြစ်တဲ့ ကိုတင်ကိုကို
(အသက် ၃၈ နှစ်)က မြန်မာတိုင်း(မ်)ကို ပြောပါတယ်။
ကိုမျိုးမင်းထက်ကတော့ အသက် ၁၀ နှစ် ပိုငယ်ပြီး မိသားစုဝင်တွေရဲ့ ငြိုငြင်မှုကို အစပိုင်းမှာ
ရင်ဆိုင်ခဲ့ရတယ်လို့ ဆိုပါတယ်။
“သူနဲ့ သံယောဇဉ်ဖြစ်တော့ အတူသွားအတူစားဆိုတော့ မိသားစုကတော့ သာမန်ညီအစ်ကို
မိတ်ဆွေတွေလို ရင်းနှီးတယ်လို့ပဲ သိထားတယ်။ ကျွန်တော့် အစ်ကိုနဲ့အစ်မ အိမ်ထောင်ကျ
သွားတော့ သူတို့အိမ်ထောင်ဖက်တွေက ကျွန်တော်တို့ နှစ်ယောက်ရဲ့ဆက်ဆံရေးကိုတော့
နည်းနည်းပြောတယ်။ သူတို့တွေက နယ်ဘက်ကဆိုတော့ ဒီလိုမျိုးတွေ မကြုံဖူးကြဘူးဆိုတော့
နည်းနည်းတော့ ပြောတာဆိုတာ ခံရပါတယ်”လို့ LGBT တွေအတွက် ကျန်းမာရေးဆိုင်ရာ
စောင့်ရှောက်မှု ပေးနေတဲ့ အေးငြိမ်းမေတ္တာလူမှုရေးအဖွဲ့အစည်းမှာ အလုပ်လုပ်ကိုင်နေတဲ့
ကိုမျိုးမင်းထက်က ပြောပါတယ်။
သူတို့နှစ်ဦးဟာ မကွေးတိုင်းဒေသကြီးမှာ သုံးနှစ်အတူနေခဲ့ပြီး ဆောက်လုပ်ရေးလုပ်ငန်း ပြီးဆုံး
သွားတာကြောင့် ရန်ကုန်မှာ အလုပ်လုပ်ကိုင်ဖို့ ကိုတင်ကိုကို တစ်ယောက်တည်း ပြောင်းရွှေ့လာခဲ့
ပါတယ်။
“ခြောက်လလောက်ကြာတော့ သူလိုက်လာတယ်။ သူက အဝေးသင် တက်နေတာဆိုတော့
စာမေးပွဲဖြေခါနီးရင် နယ်ပြန်တယ်။ စာမေးပွဲရှိရင် ပြန်သွားလိုက် ပြီးရင် ရန်ကုန်ဆင်းလာလိုက်နဲ့
ကျောင်းပြီး သွားတော့မှ အလုပ်လုပ်ကြရင်း အတူတူနေဖြစ် လာတာပါ”လို့ ကိုတင်ကိုကိုက
ပြောပါတယ်။
ရန်ကုန်ရောက်ပြီး နှစ်ယောက်အတူတူနေထိုင်ဖို့ ဆုံးဖြတ်တဲ့အခါမှာ ငွေကြေး ကျပ်တည်းမှု
အခက်အခဲ၊ နေစရာနဲ့ အလုပ်အကိုင် အခက်အခဲတွေကို အချိန်အတော်အကြာထိ ကြုံတွေ့
ဖြတ်သန်းခဲ့ရတယ်လို့လည်း ဆိုပါတယ်။
“မိဘတွေနဲ့နေမယ်ဆို အလွန်ဆုံး တစ်လ နှစ်လထက် ပိုမနေနိုင်ပါဘူး။ အလုပ်ကလည်း မရှိတော့
ဟိုရှာဒီရှာနဲ့ ကြုံတဲ့အလုပ် ၀င်လုပ်ရတယ်”လို့ နယ်ကနေ ရန်ကုန်ပြန်ရောက်စမှာ ကြုံတွေ့ရတဲ့
အခက်အခဲတွေကို ပြောပြပါတယ်။
သာမန်စုံတွဲတွေလိုပဲ သူတို့နှစ်ဦးဟာ အားလပ်တဲ့ ညနေခင်းတွေမှာ ရုပ်ရှင်အတူတူကြည့်ရင်း
ဒါမှမဟုတ်လည်း အင်းလျားကန်ဘောင်မှာ လမ်းလျှောက်ရင်းနဲ့ ဖြတ်သန်းကြသလို ချက်ပြုတ်
လျှော်ဖွပ်တဲ့ အိမ်မှုကိစ္စတွေကိုလည်း နှစ်ယောက်အတူတူ မျှဝေတာဝန်ယူကြပါတယ်။
စိတ်တူကိုယ်တူ ဖြတ်သန်းလာခဲ့တဲ့ သူတို့ရဲ့ ချစ်ခရီးလမ်း ၁၀ နှစ်တိုင် မြဲမြံခဲ့တဲ့ အကြောင်းရင်း
ကတော့ တစ်ယောက်ကိုတစ်ယောက် နားလည်မှုရှိခြင်းပဲလို့လည်း ကိုတင်ကိုကိုက ပြောပါတယ်။
“၁၀ နှစ်တာ ကာလတွေမှာ ပြဿနာတွေက အများကြီးပဲ။ တစ်ယောက်နဲ့ တစ်ယောက်
စကားများကြတယ်၊ ရန်ဖြစ်တာတော့ ခဏခဏပါပဲ။ ကျွန်တော်က စိတ်ဆတ်တော့ တစ်ခုခုဆို
အမြန်ပြောဆိုလိုက်မိတတ်တော့ သူပဲ အများဆုံးခံရပါတယ်။ အတူတူ နေတာကြာလာတာနဲ့အမျှ
သူဘာကြိုက်လဲ၊ ဘာမကြိုက်ဘူးလဲဆိုတာတွေကို သိလာတော့ သူမကြိုက်တာမျိုးဆို မလုပ်မိဖို့
ရှောင်ရင်းနဲ့ ပြဿနာ အခက်အခဲဆိုတာ တဖြည်းဖြည်းနည်းလာတယ်။ အတူနေတာကြာလာတော့
တစ်ယောက်အကြိုက်ကို တစ်ယောက် နားလည်လာသလို ညှိယူနေထိုင်ခဲ့လို့ အခုထိမြဲမြံခဲ့တာပါ”
လို့လည်း သူတို့ကြားက နားလည်မှုတည် ဆောက်ပုံကို ပြောပြပါတယ်။
ကိုမျိုးမင်းထက်က သူတို့လည်း သာမန်စုံတွဲ တွေလိုပဲ သားသမီးတွေအများကြီးနဲ့ နေချင်တယ်
လို့ဆိုပြီး နှစ်ဦးအတူတူ စနေကတည်းက ကလေး မွေးစားဖို့အကြောင်း တိုင်ပင်ခဲ့ကြတယ်လို့ဆိုပါ
တယ်။
“သူ(ကိုတင်ကိုကို)ကတော့ ယောက်ျားလေး လိုချင်တယ်။ ကျွန်တော်ကတော့ မိန်းကလေးပဲ
ဖြစ်ဖြစ်၊ ယောက်ျားလေးပဲ ဖြစ်ဖြစ် နှစ်ယောက်စလုံးကို ချစ်တယ်”လို့ ပြောပါတယ်။
ကိုတင်ကိုကိုနဲ့ ကိုမျိုးမင်းထက်တို့လို ရဲဝံ့ပြတ်သားတဲ့စိတ်ဓာတ်နဲ့ ပတ်ဝန်းကျင် မိဘ မောင်ဖွား
တွေရဲ့ ဘောင်ခတ်ကန့်သတ်ထားတဲ့ အနှောင်အဖွဲ့ကနေ ရုန်းထွက်နိုင်ခဲ့တဲ့ စုံတွဲတွေ ရှိသလို မိဘနဲ့
ပတ်ဝန်းကျင်ရဲ့ လွှမ်းမိုးမှုအောက်မှာ ကိုယ့်ဆန္ဒကို ထုတ်ဖော်ခွင့်မရကြတဲ့ ဂေးတွေလည်း
အများအပြားရှိနေမှာ သေချာပါတယ်။
“မိဘတွေက သားသမီးတွေနေချင်တဲ့ ပုံစံကို လွတ်လပ်စွာ နေခွင့်မပေးကြဘူး။ မိဘတွေရဲ့ စီမံ
ကွပ်ကဲမှုအတိုင်း နေရမယ်ဆိုတဲ့ ရှေးရိုးစွဲ အယူအဆမျိုးကို ဟိုးငယ်ငယ်ကတည်းက လက်ခံ
ကျင့်သုံးလာကြတယ်။ မိဘတွေက ကိုယ့်ရဲ့ သားသမီးတွေပဲဆိုပြီး လွတ်လပ်မှုကို ဘောင်ခတ်ခဲ့
သလို အခုလက်ရှိအချိန်အထိ ကျွန်တော်တို့နဲ့ ပတ်သက်တဲ့ မိတ်ဆွေအပေါင်းအသင်းတွေရဲ့
မိဘတွေက အဲဒီအတိုင်းတွေချည်းပဲ။ ငါ့သားသမီးတွေက ငါတို့စီစဉ်တဲ့အတိုင်း လုပ်ရမယ်၊ နေရမယ်
ဆိုတဲ့ပုံစံမျိုးနဲ့ ထားထားတယ်”လို့ ကိုတင်ကိုကိုက ပြောပါတယ်။
“တချို့ မိန်းမဆန်ဆန် ၀တ်စားနေထိုင်တဲ့ အခြောက်မလေးတွေဆို အသက်ကြီးလာတဲ့အခါမှာ
အိမ်က လူကြီးတွေက မိန်းမ အတင်းပေးစားတာ၊ မယူချင်ယူချင်အောင် တွန်းအားပေးတာမျိုး
ရှိတယ်။ တချို့ဆိုယူလိုက်ပြီးမှ နောက်ဆက်တွဲ ပြဿနာတွေဖြစ်လာတယ်။ အိမ်က
အတင်းပေးစားလို့ ယူလိုက်ရပေမယ့် သူ့ရဲ့ သူငယ်ချင်း အပေါင်းအဖော်တွေ အိမ်ကိုခေါ်လာပြီးတော့
နေတယ်။ နောက်တစ်ခုက အိမ်မှာမနေဘဲ အပြင်မှာနေတာများလာတဲ့အခါ လင်မယားနှစ်ယောက်
ကြားမှာ အိမ်ထောင်ရေး ပဋိပက္ခတွေ ဖြစ်လာတယ်။ အဲဒါဟာ သူကိုယ်တိုင်တင်မကဘဲ သူ့ဇနီး
မှာပါ စိတ်ဒဏ်ရာရလာတဲ့အထိ ဖြစ်စေတယ်။ ဒါကြောင့် မိဘတွေက ကိုယ့်သားသမီးရဲ့ နေထိုင်မှု
ပုံစံကို ပြောင်းလဲဖို့ မကြိုးစားဘဲ သားသမီးရဲ့ဖြစ်တည်မှုကို လက်ခံ နိုင်အောင် ကြိုးစားရမယ်။ သူ့ရဲ့
ခံယူချက် အပေါ်မှာလည်း လွတ်လပ်မှုပေးသင့်တယ်”လို့လည်း သူ့အမြင်ကို ဆိုပါတယ်။
ကန့်သတ်ချုပ်ချယ်မှုကြောင့် ကိုယ့်ကိုယ်ကိုယ် ဂေးတစ်ယောက်အဖြစ် ပွင့်ပွင့်လင်းလင်း ဖွင့်ဟ
နေထိုင်ခွင့်မရတဲ့ လူတချို့ဟာ အိမ်နဲ့ ဝေးရာကို ရောက်သွားပြီး ကြုံရာအလုပ်လုပ်ကိုင်စားသောက်
ရတဲ့ ဘ၀မျိုးထိ ဖြစ်သွားကြတာမျိုးတွေလည်း ရှိတယ်လို့ ကိုတင်ကိုကိုက ပြောပါသေးတယ်။
“အိမ်မှာ အတင်းအကျပ် ချုပ်တည်းနေရလွန်းတော့ အပြင်ရောက်တော့ မဖြစ်သင့်တာတွေ ဖြစ်သွား
တာမျိုး ရှိတယ်။ ကျန်းမာရေးရှုထောင့်က ကြည့်မယ်ဆိုရင်လည်း ကူးစက်ရောဂါတွေရလာတဲ့အထိ
ဖြစ်တယ်”လို့ ဆိုပါတယ်။
“ကိုယ့်ကိုယ်ကိုယ် ရုန်းမထွက်နိုင်သေးသ၍တော့ အဲဒါတွေ ရှိနေဦးမှာပါပဲ။ ရုန်းထွက်နိုင်ရင်တော့
ပြီးပြီပေါ့။ သူတို့မှာ ရုန်းထွက်ရဲတဲ့ သတ္တိနဲ့ တစ်ကိုယ်ရေ စားဝတ်နေရေးအတွက် ဖြေရှင်းနိုင်တဲ့
အလုပ်တစ်ခုလည်း ရှိမယ်ဆိုရင်တော့ ကိုယ့်ဘ၀ရှင်သန်ရပ်တည်ဖို့အတွက် လုံခြုံစိတ်ချရပြီ”လို့
ကိုတင်ကိုကိုကဆိုပါတယ်။
မနက်ခင်းနေရောင်ခြည်ဟာ စတင်ပြင်းစ ပြုလာပါပြီ။ အိမ်ငယ်လေးရဲ့ အပြင်ဘက်မှာ ချထားတဲ့
ရေတိုင်ကီထဲကို ရေဖြည့်ပြီးသွားတဲ့ နောက်မှာ မနက်ခင်းဝေယျာဝစ္စတွေ လုပ်ကိုင်ခြင်း ပြီးဆုံး
သွားတဲ့ ကိုတင်ကိုကိုဟာ သူ့ရဲ့ လက်ကိုင်အိတ်ကိုဆွဲပြီး သူချစ်တဲ့ ကိုမျိုးမင်းထက်နဲ့ အတူတူ
ခြံတစ်ခါးကို ပိတ်ပြီး လုပ်ငန်းခွင်ဆီ ထွက်လာပါတော့တယ်။
ကောင်းကင်ထက်က နေမင်းကြီးကတော့ သူ့ရင်ခွင်အောက် ရောက်လာတဲ့ လူသားတိုင်းကို
ညီတူညီမျှ အလင်းရောင်ပေးနေတာပဲ ဖြစ်ပါတယ်။
ဇွန်ပန်းပွင့်
မြန်မာတိုင်း(မ်)

ထိုင်းနိုင်ငံ၊ ဘန်ကောက်မှာ လယ်သမား တပ်ကြီး ချီတက်ဆန္ဒပြ (video ပါသည်)

 လယ်သမားတပ်ကြီး ဘန်ကောက်ကို ချီတက်လာစဉ်၊ ဓာတ်ပုံ- ဘန်ကောက်ပို့စ်

စပါးကြွေး မရတဲ့ ထိုင်းနိုင်ငံ ဆင်ဘူရီ ခရိုင်က လယ်သမား တထောင်လောက်က လယ်ထွန်စက် ၅ဝဝ စီး
ကျော်၊ ဆိုင် ကယ်နဲ့ သုံးဘီးဆိုင်ကယ် အစီး ၁၅၀ လောက်နဲ့ ဘန်ကောက်မြို့ကို ဒီမနက်က  ချီတက် လာကြ ပါတယ်။

လက်ရှိ ထိုးအစိုးရ ကို ကန့်ကွက်ဆန့်ကျင်ရင်း ချီတက်လာက သုဝဏ္ဏဘုမ္မိလေဆိပ်ကို ပိတ်ဆို့ ဖို့ ဒီမနက်က ချီတက်ခဲ့ကြတဲ့ သတင်းတွေက ဒီကနေ့ ထိုင်း တီဗီတွေသတင်းတွေမှာ တော်တော် လွှမ်းမိုးနေပါတယ်။
ပြောရရင် ထိုင်းနိုင်ငံက ဆရာစံတပ်ကြီးချီတက်လာတယ်လို့ ပြောရမလားပါဘဲ။

သုဝဏ္ဏဘုမ္မိလေဆိပ်ထိန်းချုပ်မှုဆိုင်ရာ အကြီးအကဲကတော့ လယ်သမားတွေကို လေဆိပ်ကို ပိတ်ဆို့တဲ့ လုပ်ရပ်မျိုး မလုပ်သင့်ကြောင်း ပြောဆိုတားမြစ်ပါတယ်။

လယ်သမားတွေက စပါးဘိုး ငွေတွေ အစိုးရဆီက ပြန်ရလိုတဲ့အတွက် အခုလို လုပ်တာဖြစ်ပြီး မစ္စယင်လတ် အစိုးရအနေနဲ့ စပါးဘိုး အကြွေးကို လယ်သမားတွေဆီ ပြန်မပေးရင်တော့ ဘန်ကောက်မှာပဲ စခန်းချပြီး အစိုးရပြုတ်ကျတဲ့အထိ ဆန္ဒပြ သွား ကြမယ်လို့ လယ်သမား ခေါင်းဆောင်တွေက ပြောပါတယ်။

လယ်သမားတွေရဲ့ စပါးတွေကို အစိုးရက အကုန်သိမ်းယူသွားခဲ့ပြီး ဆန်စပါးတွေကို မစ္စယင်လတ်အစိုးရရဲ့ ဝန်ကြီးက ထုတ်မရောင်းခဲ့ပဲ သိုလှောင်ထားခဲ့လို့ ဆန်စပါးတွေ ဈေးကွက်စံချိန်မမီဖြစ်သွားက ဘယ်လို မှ ပြန်ရောင်းလို့ မရတော့ အစိုးရက လည်း လယ်သမားတွေကို စပါးအကြွေး ဘတ်သန်းပေါင်း ၁ သိန်း
ကျော် ကို မပေးနိုင်ပဲ ဖြစ်ခဲ့ရတာလို့ ထိုင်း သတင်းတွေက ဆိုပါတယ်။

စပါးတွေအပေါင်ခံတဲ့ စီးပွားရေးလုပ်ငန်းကို အစိုးရက အဂတိလိုက်စားမှုတွေ ရှိနေတာ သိလျှက်နဲ့ မရပ်ခဲ့ဘဲ ဆက်လုပ် နေခဲ့ပါတယ်။

အခုတော့ ထိုင်းလယ်သမား စစ်ကြောင်းကြီးက ဘန်ကောက်မြို့လယ်ပိုင်းတွေမှာ မစ္စယင်လတ်အိမ်စောင့် အစိုးရကပါ နှုတ်ထွက်ပေးရေး တောင်းဆိုဆန္ဒပြနေတဲ့ သူတွေနဲ့ ပူးပေါင်းသွားဖို့ အစီအစဉ်တွေလည်း ရှိတဲ့ အကြောင်း ထိုင်း သတင်းတွေမှာ ဖော်ပြနေကြပါတယ်။


အိမ့်သံစဉ် ~
Irrawaddy

ဒုချီးရားတန်း စုံစမ်းရေးကော်မရှင် မောင်တော ခရီးစဉ် ပြီးဆုံး


နိုင်ငံတော်သမ္မတက ဖွဲ့စည်းတာဝန်ပေးထားတဲ့ ရခိုင်ပြည်နယ် မောင်တောမြို့နယ် ဒုချီးရားတန်းဖြစ်စဉ် စုံစမ်းရေးကော်မရှင်အဖွဲ့ဟာ မောင်တောမြို့နယ်မှာ ၅ ရက်ကြာ စစ်ဆေးမေးမြန်းတာတွေ ပြုလုပ်ခဲ့ပြီး ဒီကနေ့ စစ်တွေမြို့ကို ရောက်ရှိလာပါတယ်။

ဒုချီးရားတန်းဖြစ်စဉ်နဲ့ ပတ်သက်ပြီး တွေ့ဆုံမေးမြန်းဖို့ လိုအပ်တယ်လို့ ယူဆတဲ့သူတွေကို မေးမြန်းခဲ့တယ်လို့ စုံစမ်းရေးကော်မရှင် အတွင်းရေးမှူး ဒေါက် တာကျော်ရင်လှိုင်က ပြောပါတယ်။

စုံစမ်းရေးကော်မရှင်ဟာ မောင်တောမြို့မှာ ဖေဖေါ်ဝါရီ လ ၁၅ ရက်နေ့ကနေ ၁၉ ရက်နေ့အထိ  စုံစမ်းစစ်ဆေး ခဲ့တာပါ။ ကော်မရှင်အနေနဲ့ ရခိုင်ပြည်နယ်အစိုးရ နဲ့ တွေ့ဆုံဆွေးနွေးဖို့ရှိတယ်လို့သိရပြီး အသေးစိတ် ထုတ်ပြန်ပြောဆိုတာ မရှိပါဘူး။

ပြီးခဲ့တဲ့ ဇန်နဝါရီလ ၁၃ ရက်နေ့က မောင်တောမြို့နယ် ဒုချီရားတန်းကျေးရွာမှာ ရဲတပ်ကြပ်ကြီး ဦးအောင်ကျော်သိန်း သေဆုံးခဲ့တဲ့ဖြစ်စဉ်အပြင် ဇန်နဝါရီလ ၂၈ ရက်နေ့က ဒုချီးရားတန်း အနောက်ကျေးရွာ မီးလောင်ခဲ့တဲ့ဖြစ်စဉ်တွေနဲ့ ပတ်သက်ပြီး အဖွဲ့ဝင် ၁၁ ဦးပါတဲ့ စုံစမ်းရေးကော်မရှင်ကို နိုင်ငံတော်သမ္မတက ပြီးခဲ့တဲ့ ဖေဖော်ဝါရီလ ၆ ရက်နေ့က ဖွဲ့စည်းတာဝန်ပေးအပ်ခဲ့တာဖြစ်ပါတယ်။

ဒုချီရားတန်း စုံစမ်းရေးကော်မရှင်ဟာ သူတို့တွေ့ရှိချက်တွေကို ဒီလကုန်မှာ နိုင်ငံတော်သမ္မတဆီ အပြီးသတ်အစီရင်ခံစာ တင်သွင်းရမှာဖြစ်ပါတယ်။

RFA Burmese

တရုတ် လုပ်ငန်းရှင်ကို ဂိုဏ်းဖွဲ့ ပြစ်မှုတွေနဲ့ စွဲချက်တင်


ဂိုဏ်းဖွဲ့ ပြစ်မှုတွေနဲ့ စွဲချက်တင်ခံရတဲ့ အထင်ကရ စီးပွားရေးလုပ်ငန်းရှင် Liu Han
တရုတ်နိုင်ငံမှာ မာဖီးယား စတိုင် ပြစ်မှု ကျူးလွန်တယ်လို့ သတင်း မီဒီယာတွေက ဖော်ပြခဲ့တဲ့ အထင်ကရ စီးပွားရေး လုပ်ငန်းရှင်ကြီး တစ်ယောက်ကို အစိုးရ ရှေ့နေတွေက စွဲချက်တင်လိုက်ပါတယ်။

လူသတ်မှု၊ တရားမဝင် ဖမ်းဆီးမှု၊ လက်နက် တရားမဝင် ရောင်းဝယ်မှု အပါအဝင် ပြစ်မှုတွေ ကျူးလွန်တယ် ဆိုတဲ့ စွဲချက်တွေနဲ့ Hanlong မိုင်းကုမ္ပဏီ ဥက္ကဋ္ဌ လျူဟန်ကို လူသတ်မှု ၃ ခု ကျူးလွန်ခဲ့တယ်လို့ စွပ်စွဲခံရတဲ့ သူ့ရဲ့ ညီအစ်ကို တော်စပ်သူနဲ့ အတူ မနှစ်က ဖမ်းဆီးခဲ့တာ ဖြစ်ပါတယ်။

လွန်ခဲ့တဲ့ အနှစ် ၂၀ တုန်းက သူတို့အတွက် အကာအကွယ် ရအောင်၊ သြဇာ ကျယ်ပြန့်အောင် ဂိုဏ်းဖွဲ့ပြီး ပြည်နယ် အရာရှိတွေနဲ့ ပူးပေါင်း ဆောင်ရွက်မှုတွေ ရှိခဲ့တယ်လို့ သူတို့ နှစ်ယောက်ကို စွဲဆိုထားတာ ဖြစ်ပါတယ်။

BBC Burmese

မြန်မာနိုင်ငံ ရဲတပ်ဖွဲ့ကို လူစုလူဝေး စီမံခန့်ခွဲရေးသင်တန်း အီးယူပို့ချ


မြန်မာနိုင်ငံ ရဲတပ်ဖွဲ့ဝင်တွေရဲ့ လူ့အခွင့် အရေး လေးစားလိုက်နာမှု အားကောင်းလာဖို့နဲ့ နိုင်ငံသားတိုင်းရဲ့ ဒီမိုကရေစီ အခွင့်အရေးကို အသိအမှတ်ပြုနိုင်ဖို့ ရည်ရွယ်ပြီး  ဥရောပသမဂ္ဂအဖွဲ့ က မြန်မာနိုင်ငံ ရဲတပ်ဖွဲ့ဝင်တွေကို “လူစုလူဝေး စီမံခန့်ခွဲမှုသင်တန်း” ပေးခဲ့ကြောင်း မြန်မာ နိုင်ငံအခြေစိုက် ဥရောပသမဂ္ဂရုံးခွဲက ထုတ်ပြန်တဲ့ ကြေညာချက်မှာ ပြောထားပါတယ်။

ဒီကနေ့ ရန်ကုန်မြို့ မင်္ဂလာဒုံမြို့နယ် ရဲတပ်ရင်း (၈)မှာကျင်းပခဲ့တဲ့ “လူစုလူဝေး စနစ်တကျထိန်းသိမ်းမှု သင်တန်း” သတင်းစာရှင်းလင်းပွဲမှာ မြန်မာနိုင်ငံ ဆိုင်ရာ ဥရောပသမဂ္ဂ သံအမတ်ကြီး Mr. Roland Kobia က အီးယူရဲ့ သင်တန်း ရည်ရွယ်ချက်ကို အခုလို ရှင်းပြခဲ့ပါတယ်။

“မြန်မာနိုင်ငံရဲတပ်ဖွဲ့ကို ပြုပြင်ပြောင်းလဲနိုင်ဖို့အတွက် မိမိတို့ အကူအညီပေးနေတာ အပိုင်း ၃ ခု ရှိပါတယ်။ မီဒီယာတွေကို ဒီနေ့ ဖိတ်ခေါ်ပြီးပြသတာက မြန်မာနိုင်ငံ ရဲတပ်ဖွဲ့အနေနဲ့  လူစုလူဝေးကို ဘယ်လိုစီမံခန့်ခွဲမလဲဆိုတာကို သင်ကြားပေးတဲ့ သင်တန်းဖြစ်ပါတယ်။ အီးယူအဖွဲ့က မြန်မာနိုင်ငံ ရဲတပ်ဖွဲ့ကို သင်ကြားပေးနေတဲ့အထဲမှာ  တရားဥပဒေ စိုးမိုးရေးအတွက် လူနေရပ်ကွက်တွေမှာ ရဲတပ်ဖွဲ့ကဘယ်လို တာဝန်ယူမလဲဆိုတာအပြင် ရဲတပ်ဖွဲ့နဲ့သက်ဆိုင်တဲ့ ဥပဒေရေးရာ ပြုပြင်ပြောင်းလဲ မှုတွေလည်း ပါဝင်ပါတယ်" လို့  အီးယူအဖွဲ့ သံအမတ်ကြီး Mr. Roland Kobia က ပြောသွားတာပါ။

ဒီအစီအစဉ်ဖြစ်ဖို့အတွက် အစိုးရရဲ့တိုက်တွန်းချက်နဲ့အတူ လွှတ်တော် တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီ ဥက္ကဌ ဒေါ်အောင်ဆန်းစုကြည်ရဲ့ တောင်းဆိုချက်တွေကြောင့် ဖြစ်တယ်လို့လည်း သိရပါတယ်။

ဒါ့အပြင် ပြည်နယ်နဲ့တိုင်း ၁၄ ခုက ရဲတပ်ဖွဲ့ဝင်တွေကိုလည်း အလားတူသင်တန်းတွေ ပေးသွားနိုင်ဖို့ ဥရောပသမဂ္ဂအဖွဲ့ကို တောင်းဆိုထားတယ်လို့ ဒီနေ့ သတင်းစာရှင်းလင်းပွဲကို တက်ရောက်ခဲ့တဲ့ မြန်မာနိုင်ငံ ရဲတပ်ဖွဲ့ ရဲမှူးချုပ် သူရဦးဘိုနီက ပြောပါတယ်။

ဥရောပသမဂ္ဂက ၃ လကျော်ကြာ သင်ကြားပေးနေတဲ့ လူစုလူဝေး စီမံခန့်ခွဲမှုသင်တန်းကို ရဲအရာရှိ ၁၄၀၀ ကျော် တက်ရောက်ခဲ့တယ်လို့လည်း သိရပါတယ်။

ဒါ့အပြင် ဥရောပသမဂ္ဂအနေနဲ့ အခုလိုသင်တန်းတွေကို နေပြည်တော်နဲ့ မန္တလေးမြို့တွေမှာ ဆက်လက်ပို့ချပေးသွားမှာဖြစ်ပြီး စီမံချက်ပြီးဆုံးမယ့် ၂၀၁၅ ခုနှစ် မတ်လအထိ ယူရိုငွေ ၁၀ သန်း သုံးစွဲသွားမှာဖြစ်ပါတယ်။

RFA Burmese

ဖွဲ့စည်းပုံပြင်ရေး နိုင်ငံလုံးဆိုင်ရာ လှုပ်ရှားမှု ပြုလုပ်ရန် စီစဉ် (ရုပ်သံ)




ငြိမ်းချမ်းရေး အကြောင်းပြ ကိုယ်ကျိုးရှာ သူတွေရှိဟု KNU အရာ ရှိပြော


 KNU/KNLA ငြိမ်းချမ်းရေးကောင်စီ ဗဟိုကော်မတီဝင် ဒေါက်တာတင်မိုသီရဲ့  ရန်ကုန်မြို့သတင်းစာရှင်းလင်းပွဲ။ သတင်းဓာတ်ပုံ- အောင်ရဲမောင်မောင်(VOA)

20.02.2014

ပြည်တွင်း ငြိမ်းချမ်းရေး ဖော်ဆောင်တဲ့ ဖြစ်စဉ်တွေဟာ အချိန်ကြာလာတာနဲ့အမျှ သိသိသာသာ တိုးတက်မှုမရှိဘဲ တဝဲလည်လည်ဖြစ်နေတယ်လို့ တိုင်းရင်းသား လက်နက်ကိုင်အဖွဲ့တွေရဲ့ ခေါင်းဆောင်တစ်ချို့က ပြောပါတယ်။ ဒါ့အပြင်
ပြည်တွင်း ငြိမ်းချမ်းရေး ဖြစ်စဉ်ဖော်ဆောင်နေ ချိန်မှာ  ငြိမ်းချမ်းရေးကို အကြောင်းပြပြီး ကိုယ်ကျိုးရှာတဲ့ လုပ်ရပ်တွေလည်း ဆောင်ရွက် လာတာကို တွေ့မြင်ရတယ်လို့ KNU/KNLA ငြိမ်းချမ်းရေးကောင်စီရဲ့ ဗဟို ကော်မတီဝင်တစ်ဦးက ဒီကနေ့ ရန်ကုန်မြို့မှာ သတင်းစာရှင်းလင်းပွဲ တစ်ရပ် ကျင်းပပြီး ပြောဆိုခဲ့ပါတယ်။ အပြည့်အစုံကိုတော့ အဲဒီသတင်းစာ ရှင်းလင်းပွဲမှာ ကိုယ်တိုင်သတင်းသွားယူထားတဲ့ ဗွီအိုအေ မြန်မာပိုင်းရဲ့ သတင်းထောက် ကိုအောင်ရဲမောင်မောင် က ပြောပြမှာပါ။

အစိုးရ နဲ့ တိုင်းရင်းသား လက်နက်ကိုင်တွေ အကြားဖော်ဆောင်နေ တဲ့ ပြည်တွင်း ငြိမ်းချမ်းရေး ဖြစ်စဉ်တွေ ဟာ တစ်ပြည်လုံးငြိမ်းချမ်းရေး ကို ရောက်ဖို့ထက် လမ်းခုလတ်မှာတင် အချိန်ကြာနေတဲ့ သဘောတွေ အခုနောက်ပိုင်း သိသိသာသာတွေ့လာရတယ်လို့ KNU/KNLA ငြိမ်းချမ်းရေး ကောင်စီ ရဲ့ ဗဟို ကော်မတီဝင် ဗိုလ်မှူးချုပ် ဒေါက်တာ တင်မိုသီက ဒီကနေ့ ရန်ကုန်မြို့ My Garden စားသောက်ဆိုင်မှာ ပြုလုပ်တဲ့  သတင်းစာရှင်းလင်းပွဲ မှာ ပြောပါတယ်။

" ကျနော်တို့ငြိမ်းချမ်းရေးကောင်စီအနေနဲ့က ခုနက ကျနော်ပြောသွားသလိုပဲ လိုရင်းကိုမရောက်ပဲနဲ့ ရှည်ပြီးတော့ တစ်ယောက်နဲ့တစ်ယောက် မုန်းတီးမှုတွေ ပြန်ဖြစ် လာတာကို ကျနော်စိုးရိမ်တာပါ။ ဒါကို အကြံညဏ်ပြုနေတာပါ။ ဒါကို အစိုးရဘက်ကရော၊ တိုင်းရင်းသားဘက်ကပါ အရမ်းကြီး သတိထားရမှာဖြစ်တယ်။  ဘာဖြစ်လို့လဲဆိုတော့ တိုတိုနဲ့လိုရင်းကိုမရောက်ဘဲနဲ့ တခါတည်း ရှုပ်ထွေးပြီးတော့ စစ်တွေပြန်ဖြစ်မှာတို့၊ တယောက်နဲ့တယောက် ယုံကြည်မှုတွေ ပျက်ပြားမှာတို့ မုန်းတီးမှုတွေ ပွားလာနိုင်တယ်။ ဒါတွေက။"

ပြည်တွင်းငြိမ်းချမ်းရေးကို အကြောင်းပြပြီးတော့ အချို့ လက်နက်ကိုင် အဖွဲ့တွေ ထဲက ပုဂ္ဂိုလ်တွေဟာ ကိုယ်ကျိုးရှာမှုတွေ ရှိနေတယ်လို့လည်း သူရဲ့ သတင်းစာ ရှင်းလင်းပွဲ အတွင်းမှာ ပြောဆိုပါတယ်။ ဒီကိစ္စနဲ့ပတ်သက်ပြီး ဘယ်လို အဖွဲ့အစည်းတွေက ငြိမ်းချမ်းရေးကို ဗန်းပြပြီး ကိုယ်ကျိုးရှာနေသလဲ ဆိုတဲ့ ဗွီအိုအေရဲ့ မေးမြန်းမှုကိုတော့ ဒေါက်တာ တင်မိုသီ က တိတိကျကျ ပြန်လည် မဖြေကြားခဲ့ပါဘူး။

" ကျနော်တို့ သတင်းရထားတာတွေရှိတာပေါ့နော်။ ဒါ အာဏာပိုင်တွေကိုလည်း ကျနော်ပြောထားပြီးပြီ။ ဒါကိုတော့ ကျနော် မထုတ်ပြောချင်တော့ဘူး။ ဘာဖြစ်လို့လဲဆိုတော့ ဒါတွေက ဥပဒေတွေနဲ့ သွားပြီးတော့ ပတ်သတ်နေတယ်။ တိုင်းရင်းသားအဖွဲ့အစည်းတွေ ကျနော်တို့ရဲ့ငြိမ်းချမ်းရေးကောင်စီရဲ့ အဖွဲ့အစည်းအပေါ်မှာ ရောင်ပြန်လိုလို ဘာလိုလို သဘောတွေနဲ့ အဲ့တာမျိုးတွေ လုပ်ပြီးတော့ ကိုယ်ကျိုးရှာနေတဲ့သူ ဒါတွေကလည်း ဘယ်လိုပြောရမလဲဆိုတော့ ငြိမ်းချမ်းရေးရဲ့ ဆူးညှောင့်ခလုတ်တွေဖြစ်တယ်။ နောက်ပြီးတော့တခုကလည်း ဥပဒေစိုးမိုးရေး အပိုင်းမှာ ဒါတွေကလည်း မရှိသင့်ဘူးလေနော်။"

တစ်နိုင်ငံလုံး အပစ်အခတ်ရပ်စဲရေး လိုချင်တယ်လို့ သမ္မတ ဦးသိန်းစိန် က မကြခဏပြောဆိုလေ့ ရှိပေမဲ့ ကချင်ဒေသ အပါအ၀င် ပလောင် လို တိုင်းရင်းသားဒေသတွေ မှာလည်း အစိုးရ စစ်တပ်နဲ့ တိုင်းရင်းသားလက်နက်ကိုင်တွေ အကြားမှာ အပစ်အခတ် တိုက်ပွဲတွေ ရှိနေပါသေးတယ်။

အခုလို ဖြစ်ရပ်တွေ ရှိနေသေးတာကြောင့် ပြည်တွင်း ငြိမ်းချမ်းရေး ဖော်ဆောင် ရာမှာ အပေါင်းလက္ခဏာ ဆောင်နေပြီလို့ အတိအကျ မပြောနိုင်သေး သလို၊ ငြိမ်းချမ်းရေး လုပ်နေသူတွေဟာ စားပွဲဝိုင်းပေါ်မှာပဲ ထိုင်ပြီး ဆောင်ရွက်နေတာကြောင့် မြေပြင် အခြေအနေတွေ နဲ့ ဒုက္ခသည်တွေ ဘယ်လောက်ထိ ဒုက္ခရောက်နေပြီဆိုတာကို သူတို့မသိကြတဲ့ အတွက် ဖြစ်တယ်လို့ ကေအိုင်အေ အကြံပေး လည်း ဖြစ်၊ မြန်မာ့ စစ်ရေး လေ့လာအကဲဖြတ်လည်း ဖြစ်တဲ့ ဦးအောင်ကျော်ဇော် က သုံးသပ်ပါတယ်။

" ကျနော်ထင်တယ်။ အချိန်ကြာလေ၊ ငြိမ်းချမ်းရေး ဖြစ်စဉ်က ကြာလေဖြစ်မယ်။ ကြာလေ တစ်ယောက်နဲ့တစ်ယောက် နားလည်မှုလွဲ တာတွေဖြစ်မယ်။ ဖြစ်လာတော့ တပ်ကသာ သေနက်သံ ဒုန်းခနဲ ရပ်လိုက်၊ ပြောရဆိုရ အင်မတန်ကောင်းလာမယ်။ တပ်က မရပ်ဘူး။ ဟိုမှုနည်းနည်း၊ ဒီမှာ နည်းနည်း ဖြစ်နေတာ။ အဲ့တော့ နှစ်ဘက်အောက်ခြေ စစ်သား များအဖို့က အတော့်ကို ဒုက္ခရောက်ပါတယ်။ နှစ်ယောက်စလုံး အကျအဆုံးတွေလည်း အင်မတန်များပါတယ်။

IDP မှာဖြစ်နေတဲ့ IDP ရဲ့အခြေအနေကို သိရင် ငြိမ်းချမ်းရေးဟာ မဖြစ်မနေ အမှန်တကယ် မြန်မြန်လိုအပ်နေပြီဆိုတာ လူတိုင်းသိဖို့ကောင်းပါတယ်။ အခု သူတို့ NPC ရော အစိုးရဘက်က လုပ်နေတဲ့ အဖွဲ့အစည်း တော်တော်များများ က ဘယ်လိုခေါ်မလဲ အပေါ်ယံ သဏ္ဍန်ပဲ၊ အပြောတွေများပြီး လက်တွေ့ ဘာမှ ဖြစ်မလာဘူး။"

နှစ်ပေါင်း ၆၀ တိုင်တိုင် မရပ်နိုင်သေးတဲ့ ပြည်တွင်းစစ်ကို သမ္မတ ဦးသိန်းစိန် အစိုးရ လက်ထက်ရောက်မှ အပြီးသတ်ဖို့ ကြိုးစားတာဟာ ၂ ကျော် ၃ နှစ်နီးပါး ပဲ ရှိသေးတဲ့ အတွက် တစ်နိုင်ငံလုံး သေနက်သံတိတ်ဖို့ဆိုရင် ဒီထက်အချိန်ပိုယူဖို့ လိုလိမ့်မယ်လို့ သုံးသပ်သူကတော့ မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး (ကျောင်းသားတပ်မတော် ABSDF) ရဲ့ အထွေထွေ အတွင်းရေးမှူး ဦးဆန်နီ ဖြစ်ပါတယ်။

" လွတ်လပ်ရေး ရပြီးကတည်းက ဖြစ်ခဲ့တဲ့ ပြည်တွင်းစစ်က တစ်နှစ်၊ နှစ်နှစ်အတွင်းမှာတော့ အပြီးသတ်ဖို့ ကျနော်တို့အားလုံး ဝိုင်းကြိုးစားနေပါတယ်။ ကြိုးစားမှုမှာ အချိန်တွေယူပြီး ကြိုးစားနေကြတယ်။ တတိုင်းပြည်လုံး အခြေခံကိုသွားရတဲ့အတွက်ကြောင့် အချိန်ယူရမယ်လို့ ကျနော်တို့ ဒီလိုပဲ နားလည်ပါတယ်။ "

ပြီးခဲ့တဲ့ ဇန်နဝါရီလတုန်းကတော့ တိုင်းရင်းသား
လက်နက်ကိုင် ခေါင်းဆောင်တွေရဲ့ ညီလာခံကို ကေအန်ယူ ထိန်းချုပ် နယ်မြေ လောခီးလား ခေါ် လေးဝါး စခန်းမှာ ကျင်းပခဲ့တာပါ။  နိုင်ငံရေး မူဘောင်တွေ ချမှတ်ပြီးတိုင်းရင်းသားတွေ အနေနဲ့ တစ်နိုင်ငံလုံး အပစ်ရပ်ဆဲရေးမှာ ပါဝင်လက်မှတ်ထိုးမယ်ဆိုပြီးတော့ သဘောတူခဲ့တာလည်း ဖြစ်ပါတယ်။ ဒါပေမဲ့ အဲဒီ့နောက်ပိုင်းအစိုးရ နဲ့  ဆက်လက်တွေ့ဆုံရမဲ့  ဘားအံဆွေးနွေးပွဲကိုတော့ လက်ရှိအချိန်ထိ အကြောင်းအမျိုးမျိုးကြောင့် အကြိမ်ကြိမ်ရက်ရွေ့ဆိုင်းထားရပြီး အချိန်ထိ ကျင်းပနိုင်ခြင်း မရှိသေးပါဘူး။

ဘားအံတွေ့ဆုံပွဲမှာတော့ တပြည်လုံး အပစ်အခတ်ရပ်စဲရေး လုပ်နိုင်မယ့် အချက်တွေကို ညှိနှိုင်းပြီး နှစ်ဘက် သဘောတူညီချက်ရရှိရင် နေပြည်တော်မှာ တပြည်လုံးဆိုင်ရာ အပစ်အခတ်ရပ်စဲရေး စာချုပ်ကို မြန်မာ့နိုင်ငံရေးခေါင်းဆောင်တွေနဲ့ နိုင်ငံတကာက အသိသက်သေတွေ ရှေ့မှောက်မှာ လက်မှတ်ရေးထိုးကြမှာ ဖြစ်တယ်လို့ အစီအစဉ်တွေ ချမှတ်ထားကြတာပါ။

VOA Burmese News

ရွန်နီ၏စာချုပ်သစ်အတွက် ညှိနှိုင်းစရာများ ကျန်ရှိနေ


မန်ယူမှာ အသင်းတိုက်စစ်မှူး ရွန်နီကို တစ်ပတ်လုပ်ခ ပေါင် ၃၀၀၀၀၀ဖြင့် စာချုပ်သစ်ချုပ်ဆိုရန်အခြေခံသဘောတူညီမှု ရရှိခဲ့ပြီးဖြစ်သော်လည်း အသေးစိတ် ဆွေးနွေးညှိနှိုင်းရမည့် ကိစ္စရပ်များ ကျန်ရှိနေသည့်အတွက် အပြီးသစ်စာချုပ် ချုပ်ဆိုနိုင်ခြင်း မရှိသေးပေ။ မန်ယူ၏ စာချုပ်သစ်ကမ်းလှမ်းမှုအပေါ် ပျော်ရွင်
မိသည်ဟု ရွန်နီက ဆိုထားသော်လည်း ပုံရိပ်အသုံးပြုခ ခွဲဝေမှုအပြင် ညှိနှိုင်းရမည့်ကိစ္စများ ရှိနေခြင်းသည်။

ထို့ကြောင့် မနက်ဖြန်အပြီးသတ် စာချုပ်ချုပ်ဆိုနိုင်ခြင်းမရှိပါက အိုလံပီယာကို့စ်နှင့် ကစားမည့် ချန်ပီယံလိဂ် ပွဲစဉ်ပြီးမှသာ စာချုပ်ချုပ်ဆိုနိုင်တော့မည်ဖြစ်ပြီး လေးနှစ်ခွဲသက်တမ်းရှိ စာချုပ်သစ် ဖြစ်လာမည်ဟု ယခုသီတင်းပတ် အစောပိုင်းက သတင်းထွက်ပေါ်ခဲ့သည်။ ရွန်နီ၏ တစ်ပတ်လုပ်ခမှာ ပေါင် ၂၅၀၀၀၀သာ ရရှိမည်ဖြစ်သော်လည်း ဆုကြေးခံစားခွင့်၊ ပွဲထွက်ပါဝင် ကစားခွင့် စသည့် အကျိုးခံစားခွင့်များ ထပ်မံရရှိမည်ဖြစ်သည့်အတွက် တစ်ပတ်လုပ်ခ ပေါင် ၃၀၀၀၀၀ ဖြစ်လာခဲ့ခြင်းဟု သိရသည်။

@z (Yoyarlay)


သရုပ်ပျက်ခြစားနေတဲ့ မြန်မာ့တရားစီရင်ရေးစနစ်


20.02.2014

ပြည်သူ့လွှတ်တော် 'တရားစီရင်ရေး/ဥပဒေရေးရာနှင့် တိုင်ကြားစာများ/အသနားခံစာများ စိစစ်ဆောင်ရွက်ရေးကော်မတီ' က လက်ခံရရှိထားတဲ့ တိုင်စာတသောင်းကျော်မှာ (၉၀) ရာခိုင်နှုန်းဟာ တရားသူကြီးတွေရဲ့  အဂတိလိုက်စားမှုဖြစ်ကြောင်း သိရပါတယ်။ ကော်မတီဥက္ကဋ္ဌဖြစ်တဲ့ သူရဦးအောင်, ကို ဇန်နဝါရီလက ပြောသွားတာဖြစ်ပါတယ်။ သေဒဏ်ကျခံနိုင်တဲ့ လူသတ်မှုကို ထောင်ဒဏ်သာ ကျခံနိုင်တဲ့ လူသေမှုဖြစ်သွားအောင် ဥပဒေအရာရှိက ဖန်တီးမှု၊ ရဲနဲ့ တရားသူကြီးပေါင်းပြီး လာဘ်စားမှု၊ အပြစ်ဒဏ်သေးငယ်သွားအောင် လာဘ်ထိုးမှု စတဲ့ တရားစီရင်ရေးက အဂတိလိုက်စားမှုတွေအကြောင်း ပြောသွားပါတယ်။

စီးပွားရေးလုပ်ငန်းတွေများများတဲ့ ရန်ကုန်နဲ့ မန္တလေးမှာ တရားသူကြီးတွေအများဆုံး လာဘ်စားကြတယ်လို့ ဆိုပါတယ်။ တရားလိုဆီကရော တရားခံဆီကရော ငွေရအောင်ကြံဖန်တဲ့ တရားသူကြီးကို မကျေနပ်လို့ သင်္ယန်ကျွန်းမြို့ နယ်မှာ ဇန်နဝါရီနှောင်းပိုင်းက ဒီမိုကရေစီလှုပ်ရှားသူ ကိုထင်ကျော်က တကိုယ်တော်ဆန္ဒပြပွဲ လုပ်ပါတယ်။ မြို့ နယ်တရားသူကြီးနဲ့ မြေစာရင်းဌာနအမှုထမ်းတွေ လာဘ်စားတာကို ကန့်ကွက်တဲ့ဆန္ဒပြပွဲ ခင်ဦးမြို့ မှာ မကြာမီကကျင်းပလို့ ဆန္ဒပြသူတွေ အရေးယူခံနေရပါတယ်။ လယ်သမားကို အကူအညီပေးသူ (၃) ဦးကို သာစည်မြို့ နယ်တရားရုံးက ထောင်ဒဏ်ငွေဒဏ် ချမှတ်ပါတယ်။

Daily Eleven သတင်းထောက် မခိုင် သတင်းယူတာကို ရာဇသတ်ကြီးအရ အိမ်ကျော်နင်းမှု၊ ညစ်ညမ်းစွာ ပြောဆိုမှု၊ အသရေဖက်မှုနဲ့ တရားစွဲပြီး ကယားပြည်နယ်မှာ ထောင် (၃) လ ချလိုက်တဲ့အမှုဟာ လူသိများပါတယ်။ သတင်းလိုက်ရင်း ထောင်ကျသွားတဲ့အမှုဖြစ်လို့ မြန်မာ့တရားဥပဒေနဲ့ တရားစီရင်ရေးစနစ်ကို သတင်းသမားနဲ့ ဥပဒေပညာရှင်တွေ ဆန်းစစ်ဖို့ လိုအပ်လာပါတယ်။ အခုလည်း လက်နက်စက်ရုံသတင်း ဖော်ပြမှုနဲ့ Unity စာစောင်က သတင်းထောက်တွေ နိုင်ငံတော်လျှို့ ဝှက်ချက်ဥပဒေနဲ့ အရေးယူခံနေရပါတယ်။ တရားသူကြီးကို ဖိနှိပ်ရေးကိရိယာအဖြစ် အသုံးပြုနေတဲ့ခေတ်မှာ အစိုးရနဲ့ စစ်ဗိုလ်ဖက်က အမှုတိုင်းလိုလို အနိုင်ရနေပါတယ်။ ဒါကြောင့် သတင်းလိုချင်တဲ့စိတ်ကြောင့် တည်ဆဲဥပဒေကို သတိထားမိရင် ဖိနှိပ်ရေးကိုလိုနီဥပဒေတွေရဲ့  သားကောင်ဖြစ်သွားဖို့ အလားအလာများပါတယ်။

အာဏာပိုင်နဲ့ တရားသူကြီးပေါင်းပြီး အမှန်တရားကို ကပြောင်းကပြန် ဖြစ်အောင်လုပ်တဲ့ အမှုတွေအများကြီး ရှိပါတယ်။ ဒါကြောင့် စစ်အာဏာရှင်ရဲ့  ဖိနှိပ်ရေးကိရိယာအဖြစ် အသုံးပြုခံခဲ့တဲ့ တရားရုံးဟာ စစ်အုပ်စုနဲ့ ပတ်သက်တဲ့အမှုကို မှန်မှန်ကန်ကန် စစ်ဆေးပြီး စီရင်ချက်ချရဲတဲ့ သတ္တိရှိရဲ့ လားဆိုတာ စဉ်းစားစရာ ဖြစ်နေပါတယ်။ နိုင်ငံရေးနဲ့ ပတ်သက်တဲ့အမှုမှာ ဥပဒေပုဒ်မအမျိုးမျိုးရှာကြံပြီး တရားခံကို စွဲချက်တင်တာဟာ လုပ်ရိုးလုပ်စဉ်လို ဖြစ်နေပါတယ်။ လယ်သမားအရေး ဆောင်ရွက်တဲ့ ဒေါ်ဘောက်ဂျာ ကို ကချင်ပြည်နယ် ဖားကန့်မြို့ နယ်တရားရုံးမှာ အမှု (၃) မှုနဲ့ တရားစွဲတာဟာ တမင်အကွက်ဆင်တာဖြစ်ကြောင်း သိရပါတယ်။ ပြည်ထောင်စုဝန်ကြီး ဦးအုန်းမြင့်၊ တိုင်းမှုးဗိုလ်ချုပ်ဘဝက ယုဇနကုမ္ပဏီ မြေသိမ်းနိုင်အောင် စီစဉ်ပေးခဲ့တာကို ဖော်ထုတ်လို့ ဒေါ်ဘောက်ဂျာ အရေးယူခံနေရတာလို့ သိရပါတယ်။

ဒီနေရာမှာ အမှု သုံးလေးမှုနဲ့ စွဲချက်တင်ပြီး စစ်ဆေးအပြစ်ပေးတာကို သတိပြုသင့်ပါတယ်။ အမှုတမှုနဲ့ မငြိစွန်းလျှင် အခြားတမှုနဲ့ ငြိစွန်းအောင် အကွက်ဆင်ပြီး အရေးယူတာ ဖြစ်ပါတယ်။ အာဏာပိုင် အဂတိလိုက်စားတာကို ထုတ်ဖော်ရေးသားသူကို အသရေဖျက်မှုနဲ့ အရေးယူတာဟာ အစိုးရရဲ့  လုပ်နည်းလုပ်ထုံးတခု ဖြစ်လာနိုင်ပါတယ်။ ရာဇသတ်ကြီး အခန်း (၂၁) မှာ အသရေဖျက်မှုအကြောင်း (၆) မျက်နှာ ရှင်းပြထားတာကို သတင်းသမားတိုင်း လေ့လာသင့်ပါတယ်။ လူတဦးကို နစ်နာသွားအောင် ပြောဆိုရေးသား စွပ်စွဲတာကို အသရေဖျက်မှုလို့ ပုဒ်မ (၄၉၉) က အဓိပ္ပါယ်ဖွင့်ဆိုပြီး ကင်းလွတ်ချက် (၁၀) ချက် ပေးထားပါတယ်။ ဒီအထဲမှာ ထင်ရှားတာကတော့ အများပြည်သူအကျိုးအတွက် စွပ်စွဲတာနဲ့ သတိပေးတာဟာ အသရေဖျက်မှု မဟုတ်ကြောင်း ဥပမာတွေနဲ့ ရှင်းပြထားတာ ဖြစ်ပါတယ်။

ရာဇဝတ်မကင်းသော ချောက်လှန့်မှု၊ စော်ကားမှုနဲ့ စိတ်ငြိုငြင်မှုတွေကို ဖော်ပြတဲ့ ရာဇသတ်ကြီး အခန်း (၂၂) နဲ့ နိုင်ငံတော်ငြိမ်ဝပ်ရေးကိ ပျက်စေတဲ့ ပြစ်မှုတွေကို ဖော်ပြတဲ့အခန်း (၈) ဟာ ပြည်သူ့ဖက်က ကူညီဆောင်ရွက်သူတွေကို ဒုက္ခပေးနိုင်တဲ့ ဥပဒေပုဒ်မတွေ ဖြစ်ပါတယ်။ အစိုးရဝန်ထမ်းကို ခြောက်လှန့်ဖို့ ရည်ရွယ်ပြီး ငါးဦး (သို့) ငါးဦးထက်ပိုပြီး စုဝေးတာကို 'ဥပဒေနဲ့ ဆန့်ကျင်သော အစုအဝေး' လို့ အဓိပ္ပါယ် ဖွင့်ဆိုထားပါတယ်။ ဒီ အစုအဝေးမှာ ပါဝင်သူကို ထောင် (၆) လအထိ ချမှတ်နိုင်ပါတယ်။ လူစုဖို့ အမိန့်ပေးတာကို မနာခံလျှင် (သို့) ရုန်းရင်ဆန်ခတ်ဖြစ်လျှင် ထောင် (၂) နှစ်အထိ ကျနိုင်ပါတယ်။

မြန်မာပြည်က တရားသူကြီးတထောင်ကျော်မှာ အမျိုးသား (၅၀၀) ကျော်နဲ့ အမျိုးသမီး (၅၀၀) ကျော် ပါဝင်ပါတယ်။ ထိပ်ပိုင်းက တရားသူကြီးတွေကို သမ္မတက ခန့်အပ်ပါတယ်။ တရားစီရင်ရေးဌာန စစ်ဗိုလ်ဦးဆောင်တဲ့ ပြည်ထဲရေးဝန်ကြီးလက်အောက် ရောက်နေတာဟာ လွတ်လပ်စွာ သီးခြားရပ်တည်ရမယ့် တရားရေးမဏ္ဍိုင်ကို အားနည်းစေပါတယ်။ တရားသူကြီးနဲ့ တရားရုံးတွေရဲ့  အဂတိလိုက်စားမှုကို ဖော်ထုတ်လိုသူတွေဟာ လွန်ခဲ့တဲ့နှစ် ဇူလိုင်လက ပြဌာန်းတဲ့ 'တရားရုံးများကို မထီမဲ့မြင်ပြုမှု ဥပဒေ' ကိုလည်း အသေအချာ လေ့လာထားဖို့ လိုအပ်ကြောင်း သတိပေးလိုက်ရပါတယ်။

VOA Burmese News

Al Jazeera သတင်းထောက် ၃ ဦး အီဂျစ် ရုံးထုတ်

သတင်းထောက်တွေကို လွှတ်ပေးဖို့ လန်ဒန်က အီဂျစ် သံရုံး ရှေ့မှာ ဆန္ဒပြ

Al Jazeera သတင်းဌာနက သတင်းထောက် ၃ ယောက်ကို အီဂျစ်နိုင်ငံမှာ ဒီကနေ့ ရုံးထုတ်ဖို့ ရှိပါတယ်။

ဒီကိစ္စကြောင့် အီဂျစ် နိုင်ငံမှာ လွတ်လပ်စွာ ထုတ်ဖော် ပြောဆိုခွင့်နဲ့ ပတ်သက်လို့ နိုင်ငံတကာရဲ့ စိုးရိမ်မှုတွေ ဖြစ်ပေါ်လာစေခဲ့ပါတယ်။

အဲဒီ သတင်းထောက်တွေကို မမှန်သတင်း ထုတ်လွှင့်မှု၊ မွတ်ဆလင် ညီနောင်များ အဖွဲ့နဲ့ ဆက်သွယ်မှု ဒါမှမဟုတ် သူတို့ကို ကူညီမှုနဲ့ စွဲချက်တင်ထားတာပါ။

ပြီးခဲ့တဲ့ ဒီဇင်ဘာ လကုန်က မွတ်ဆလင် ညီနောင်များ အဖွဲ့ကို အကြမ်းဖက် အဖွဲ့အဖြစ် စစ်တပ်က ထောက်ခံမှုပေးတဲ့ အီဂျစ်အစိုးရက သတ်မှတ်ခဲ့ပြီးတဲ့နောက်မှာ သူတို့ကို ဖမ်းဆီးခဲ့တာ ဖြစ်ပါတယ်။

အယ်လ်ဂျာဇီးရား ကတော့ အဲဒီ စွဲချက်တွေဟာ အဓိပ္ပာယ်ကင်းမဲ့ပြီး အခြေအမြစ် မရှိဘူးလို့ ဖော်ပြ ပြောဆိုပါတယ်။

အဖမ်းခံထားရတဲ့ အထဲက တစ်ယောက်ဟာ အရင်က ဘီဘီစီ သတင်းထောက်ဟောင်း ဖြစ်သူ သြစတြေးလျ သတင်းထောက် Peter Greste ဖြစ်ပါတယ်။

BBC Burmese

ယူကရိန်း တိုက်ခိုက်မှု ထပ်ဖြစ် ၂၂ ဦးကျော်သေ

သေဆုံးသူ ဦးရေ တိုးလာဖွယ် ရှိ

ယူကရိန်းနိုင်ငံ ကိယက်ဗ် မြို့တော်မှာ ဒီကနေ့ ဖြစ်ခဲ့တဲ့ အစိုးရဆန့်ကျင် ဆန္ဒပြသူတွေနဲ့ ရဲတွေကြား တိုက်ခိုက်မှုတွေကြောင့် ဆန္ဒပြသူ ၂၂ ယောက်ထက်မနည်း သေဆုံးခဲ့တယ်လို့ ယူကရိန်းကလာတဲ့ သတင်းတွေက ဆိုပါတယ်။

သေဆုံးသူ တချို့ဟာ ချောင်းပစ်ခံရတဲ့ ကျည်ဆန်တစ်ချက်တည်းနဲ့ သေဆုံးခဲ့တာကို ပြနေတယ်လို့ မျက်မြင် သက်သေတွေက ဘီဘီစီကို ပြောပါတယ်။

သမ္မတ ယာနူကိုဗစ်ခ်ျနဲ့ အတိုက်အခံ ခေါင်းဆောင်တွေကြားမှာ ခိုင်မာမှု မရှိတဲ့ သဘောတူညီချက် မနေ့ညက ရရှိခဲ့ပြီးတဲ့နောက် ဒီကနေ့ မနက် အကြမ်းဖက်မှုတွေ ထပ်မံ ဖြစ်ပွားလာခဲ့ပါတယ်။

ပြည်ထဲရေး ဝန်ကြီးဌာနကတော့ လမ်းမတွေကို ရန်လိုသူ လက်နက်ကိုင်တွေ သိမ်းပိုက်ထားတယ်လို့ ပြောဆိုပြီး မြို့ခံတွေကို အိမ်ထဲမှာပဲ နေကြဖို့ တိုက်တွန်းထားပါတယ်။

ရုပ်မြင်သံကြားက ထုတ်ပြန်တဲ့ ကြေညာချက်မှာ ပြည်ထဲရေး ဝန်ကြီးဌာနက Valeri Mazan က အခု မတည်မငြိမ်မှုတွနဲ့ ပတ်သက်ပြီး ဆန္ဒပြသူတွေကို ပြစ်တင် ပြောဆိုခဲ့ပါတယ်။

ရုပ်မြင်သံကြားမှာ ရင်ပြင်အနီး မြေကြီးပေါ်မှာ တွေ့မြင်ရတဲ့ အလောင်းတွေကို ပြသခဲ့ပါတယ်။

ယူကရိန်း ရဲတွေကတော့ အရာရှိ ၂၀ ကျော် ဒဏ်ရာ ရခဲ့တယ်လို့ ပြောပါတယ်။

BBC Burmese

သွားတိုက်ဆေးနဲ့ပတ်သတ်ပြီး သင်မသိသေးသော အချက်များ


20.02.2014

သွားတိုက်ဆေး ၀ယ်ပြီဆို ဒီတိုင်း သုံးလို့ရရင် ပြီးရောဆိုပြီး ၀ယ်တာထက်
သူ့မှာ ပါတဲ့ ပစ္စည်း အညွှန်းလေးကို ကိုယ်နဲ့ကိုက်မကိုက် ကြည့်ပြီးဝယ်တာက ပိုပြီးကောင်းမယ်ထင်ပါတယ်

သွားတိုင်ဆေးရဲ့ အောက်ဖက်နားမှာ လေးထောင့်ကွက်လေး နဲ့အရောင်လေးတွေပါပါတယ်... အလှထည့်ထားတာမဟုတ်ပါဝူး.. အရောင်လေးတွေမှာ အဓိပ္ပာယ်ကိုယ်စီရှိပါတယ်...အဲ့ဒါတွေကတော့

အစိမ်းရောင်။ ။ သဘာဝ

အပြာရောင်။ ။ သဘာဝ + ဆေးဝါး

အနီရောင် ။ ။သဘာဝ+ ဓာတုဆေးဝါး

အနက်ရောင်။ ၊ ဓာတုဆေးဝါးသီးသန့်

Electrical Technology

ဟိုင်းလပ်ယာဉ်ပြေးဆွဲခွင့် ပိတ်သိမ်းခြင်း ထပ်မံရွှေ့ဆိုင်းပေးတော့မည်မဟုတ်



ထိုက်သူဇော်၊ ရန်ကုန်၊ ဖေဖော်ဝါရီ-၁၉

ရန်ကုန်တိုင်းဒေသကြီး စည်ပင်သာယာနယ်နိမိတ်အတွင်း ခရီးသည်တင် ဟိုင်းလပ်ယာဉ်များ ပြေးဆွဲခွင့်ပိတ်သိမ်းမည့်အစီအစဉ်ကို ဖေဖော်ဝါရီ
၂၈ ရက်သို့ ရွှေ့ဆိုင်းပြီးဖြစ်သောကြောင့် ထပ်မံရွှေ့ဆိုင်းပေးမည် မဟုတ်ဘဲ နယ်နိမိတ်အတွင်းပြေးဆွဲခွင့်ပြုတော့ မည်မဟုတ်ကြောင်း ရန်ကုန်တိုင်း
ဒေသကြီး မော်တော်ယာဉ်လုပ်ငန်းပေါင်းစုံ ထိန်းသိမ်းရေးကြီးကြပ်မှု (ဗဟို) ကော်မတီဥက္ကဋ္ဌ ဦးလှအောင်က မထသ (ဗဟို) အစည်းအဝေး ခန်းမ၌ ဖေဖော်ဝါရီ ၁၉ ရက်က မီဒီယာများနှင့်တွေ့ဆုံစဉ် ပြောဆိုခဲ့သည်။

" နောက်ဆုံးနေ့အဖြစ် ဖေဖော်ဝါရီ ၂၈ ရက်ကို သတ်မှတ်ထားပြီးပါပြီ။ အဲဒီနေ့နောက်ပိုင်း ပြေးဆွဲခွင့်ရမှာ မဟုတ်တော့ပါဘူး။ အများစုဝင်တာပဲခူး၊ လှည်းကူးကား တွေများတယ်။အဲဒီယာဉ်လိုင်းတွေကို ထောက်ကြန့်မြို့
ရှောင်လမ်းတိုးဂိတ် အနီးမှာ နောက်ဆုံးရပ်ရမှာဖြစ်ပါတယ်။ ဟိုင်းလပ်ယာဉ်တွေက အခုချိန်ထိတော့ ယာဉ်အို၊ယာဉ်ဟောင်းအပ်နှံမယ့် စာရင်းတက်မလာသေးပါဘူး " ဟု ၎င်းက ပြောဆိုသည်။

ပဲခူးသို့ ပြေးဆွဲသောယာဉ်လိုင်းများသည်နယ်နိမိတ် ပြင်ပတွင် မောင်းနှင်ရ
မည်ဖြစ်သော်လည်း ကားများအဆင်ပြေစေရန် လှည်းကူးမြို့အနီးရှိ ဂတ်စ်ဆိုင်များသို့ ခရီးသည် မပါရှိဘဲသွားလာခွင့်ပြုထားမည်ဖြစ်ကြောင်း၊ တိုက်ကြီး၊ မှော်ဘီယာဉ်လိုင်းများသည် လှော်ကားလမ်းခွဲ၌ ရပ်နား ရမည်ဖြစ်သော်လည်း ဂက်စ်ဖြည့်ရန် အထိုက်အလျောက်သွားလာခွင့်ပြုထား မည်ဖြစ်ကြောင်း၊ သန်လျင်မှ တာမွေသို့ ပြေးဆွဲသောယာဉ်လိုင်းများသည် ၀င်ခွင့်လုံးဝမရရှိတော့ ကြောင်း ၎င်းက ဖြည့်စွက်ပြောဆိုခဲ့သည်။

" ဒလကနေ တွံတေးပြေးတဲ့ကားတွေရယ်၊ လှိုင်သာယာကနေတွံတေး
ပြေးတဲ့ကားတွေကတော့ စည်ပင်သာယာနယ် နိမိတ်ဖြစ်ပေမယ့် လူထုသွားလာမှု အဆင်ပြေစေဖို့အတွက် သတ်မှတ်တဲ့ ယာဉ်ရပ်ကွင်း
တွေကနေ ပြေးဆွဲခွင့်ရရှိမှာဖြစ်ပါတယ်။

ဟိုင်းလပ်ယာဉ်တွေကို ဖြုတ်လိုက်ပေမယ့် မီနီဘတ်စ်တွေရှိပါတယ်။ ကျန်ရှိနေတဲ့ ယာဉ်တွေကို တိုးချဲ့ပြီး ယာဉ်ထွက်ချိန်ပြောင်းလဲပြီး ခပ်စိပ်စိပ်ဆွဲဖို့ စီမံဆောင်ရွက်ထားပါတယ်။ တင်ပြချက်တွေအရ လမ်းကြောင်းတူ ယာဉ်တွေနဲ့ ဖြည့်စွက် ပြေးဆွဲပေးသွားမှာ ဖြစ်ပါတယ် " ဥက္ကဋ္ဌ ဦးလှအောင်ကပြောဆိုသည်။

ထိုသို့ စီမံထားသော်လည်း အခက်အခဲဖြစ်လာပါက ကျန်ရှိသော ယာဉ်လိုင်းများမှ ထုတ်နုတ်ပြေးဆွဲရန် အရန်အနေဖြင့် စီမံထား ရှိကြောင်း ပြောင်းလဲချိန်ကာလတွင် အခက်အခဲတွေ့ရှိမည်မှာ သဘာဝဖြစ်ကြောင်း၊ မည်သို့ပင်စီမံသည် ဖြစ်စေ အခက်အခဲများ ရှိနေမည်ဖြစ်ကြောင်း၊ ထိုသို့ဟိုင်းလပ်ယာဉ်များ စည်ပင်နယ်နိမိတ် အတွင်းပြေးဆွဲခွင့် ပိတ်ပင်လိုက်သောကြောင့် အကျိုးထိခိုက်သူများ လည်းရှိမည်ဖြစ်ကြောင်း၊ ရှုထောင့်အမျိုးမျိုးဖြင့်ကြည့်နိုင်သော်လည်း
နိုင်ငံတွင်ဖွံ့ဖြိုးတိုးတက်မှု ဖြစ်လာမည်ဖြစ်ကြောင်း ၎င်းကသုံးသပ်ခဲ့သည်။

ရန်ကုန်တိုင်းဒေသကြီး စည်ပင်သာယာနယ်နိမိတ် အတွင်းခရီးသည်တင် ဟိုင်းလပ်ယာဉ်များမောင်းနှင်ခွင့်ပိတ်သိမ်းခြင်းကို ရန်ကုန်တိုင်းဒေသကြီး အစိုးရအဖွဲ့က ပထမအကြိမ် ဇန်န၀ါရီ ၁၅ ရက် တွင် ထုတ်ပြန်ခဲ့ရာ ယာဉ်လိုအပ်ချက်အရ အချိန်အကန့်အသတ်မရှိ ရွှေ့ဆိုင်းလိုက်ပြီး ဒုတိယ အကြိမ်အဖြစ် ဖေဖော်ဝါရီ ၁၅ ရက်တွင် ပြေးဆွဲခွင့် ရပ်ဆိုင်း ရန်ကြေညာ ခဲ့သော်လည်း တတိယအကြိမ်အဖြစ် ဖေဖော်ဝါရီ ၂၈ ရက်သို့တိုးမြှင့်
ပေးခဲ့သည်။ ရန်ကုန်တိုင်းဒေသကြီးအတွင်း၌ ပြေးဆွဲနေသော ဟိုင်းလပ်ယာဉ် ၈၀၀ ကျော်ရှိကြောင်း သိရသည်။

စံတော်ချိန် နေ့စဉ်သတင်းစာ

ဆိုင်ကယ်ခိုးသူအား အရေးယူ


နေပြည်တော်၊ ဖေဖော်ဝါရီ ၂၀
၂၀၁၄ ခုနှစ်၊ ဖေဖော်ဝါရီလ ၁၉ ရက်နေ့ နံနက် ၆ နာရီအချိန် မကွေးတိုင်းဒေသကြီး ရေနံချောင်းမြို့နယ်၊ ညောင်လှနယ်မြေရဲစခန်းမှတပ်ဖွဲ့ဝင်များသည် ညောင်လှရပ်ကွက်၊ မြို့ဝင်/ ထွက်တွင် မကွေးမြို့မှ တောင်တွင်းကြီးမြို့နယ်၊ တိုက်ပွဲကျေးရွာနေ ၀င်းနိုင်ဦး(၁၈)နှစ်မောင်းနှင်ပြီး ပခုက္ကူမြို့နယ်၊ အမှတ်(၈)ရပ်ကွက်နေ မျိုးကို(၁၈)နှစ်လိုက်ပါလာသော ဒါရမ်းအမျိုးအစား-၁၂၅ အဖြူရောင် ဆိုင်ကယ်အား ရပ်တန့်စစ်ဆေးရာ ပိုင်ဆိုင်ကြောင်းအထောက်အထားတစ်စုံတစ်ရာ ပြောပြနိုင်ခြင်း မရှိသဖြင့် မျိုးကိုနှင့်ဝင်းနိုင်ဦးတို့(၂)ဦးအား ညောင်လှနယ်မြေရဲစခန်း(ပ)၂၁/၂၀၁၄၊ပြစ်မှုပုဒ်မ ၃၇၉/၅၄ ဖြင့် အမှုဖွင့်အရေးယူထားကြောင်း သတင်းရရှိသည်။

ရဲဇာနည်

မျိုးရိုးဗီဇ ပြုပြင်ထားသော စပါးပင်မှ လူသွေးထုတ် ယူတော့မည့် သုတေသန


သိပ္ပံပညာရှင်များသည် စပါးပင်ကို မျိုးရိုးဗီဇ ပြုပြင်မွမ်းမံလိုက်ခြင်းဖြင့် လူသွေးတွင် အဓိကပါဝင်သော ပစ္စည်းထုတ်လုပ်ရန် သုတေသနပြု ကြိုးပမ်းလျက်ရှိသည်။ ယနေ့သွေးသွင်းရန်

လိုအပ်နေသော လူနာများအတွက် လိုအပ်သော သွေးရရှိရေးမှာ မိမိနှင့် သွေးအမျိုးအစားတူ တခြားလူများ အပေါ်မှီခို အားကိုးနေရသည်ဖြစ်ရာ သွေးအချိန်မီ မရရှိမှုနှင့် သွေးလှူမည့် သွေးလှူရှင် ရှာမတွေ့မှုစသည့် သေရေးရှင်ရေး ပြဿနာများကို ဖြေရှင်းပေးနိုင်ရေးအတွက် ကြိုးစားနေခြင်း ဖြစ်သည်။

လူ၏မျိုးရိုးဗီဇ ပါဝင်နေသော စပါးပင်မှ ထုတ်ယူသည့် ပရိုတိန်းဓာတ် တစ်မျိုးသည်မီးလောင်၊ အပူလောင်၊ ငရဲမီးလောင် လူနာများ၌ သွေးဆုံးရှုံးမှု အလွန်များလှသည့် အလျောက် ၎င်းတို့ကို ကုသပေးနိုင်ရေးအတွက် ဆေးရုံများတွင် အသုံးပြုနိုင်ရန် ရည်ရွယ်ပါသည်။ သုတေသန လုပ်ငန်း၏ နောက်ကွယ်မှ သိပ္ပံပညာရှင်များသည် လူတို့၏ သွေးလှူဒါန်းခြင်းမှ ရရှိသော သွေးများအ စား ရောဂါကင်းပြီး အလျှံပယ် လိုသလောက် ပေါပေါများများ ရရှိနိုင်မည်ဟု မျှော်မှန်းထားပါသည်။ အကြောင်းမှာ ယနေ့သွေးလှူရှင် အရေအတွက် လျော့ကျ လာမှုကြောင့် ဆေးရုံများ တွင် သွေးလိုအပ်ချက်များကို ဖြည့်ဆည်းပေးနိုင်ရန်နှင့် လှူဒါန်းသည့် သွေးများမှ ရရှိသော HIV နှင့် အသည်းရောင် ရောဂါ များကဲ့သို့သော ရော ဂါများ မပါရှိရအောင် စစ်ဆေး ရသေးသည်ဖြစ်ရာ အစားထိုးမည့် သွေးက ဤကိစ္စများကို ကျော်လွှားနိုင်မည် ဖြစ်သည်။ လောလောဆယ် ယူကေနိုင်ငံ တွင် နှစ်စဉ် သွေးပမာ ဏ ပိုင့်ပေါင်း ၁ ဒသမ ၆ သန်းလိုအပ်နေရာ သွေးလှူဒါန်းနိုင်သည့် လူဦးရေ၏ ၄ ရာခိုင်နှုန်းသာ သွေးလှူဒါန်း နိုင်ကြသည်။

လှူဒါန်းထားသော သွေးကို သုံးပိုင်းခွဲ၍ သိမ်းထားလိုက်ပါသည်။ သွေးနီဥဆဲလ်များ၊ သွေးဖြူဥဆဲလ်များ၊ သွေးခဲစေသော ပစ္စည်းများနှင့် သွေးရည်ကြည်များဟူ၍ ဖြစ်သည်။ သွးရည်ကြည်များသည် လူသား ဆာရမ်အယ်လ်ဗျူမင် (Human Serum Albumin -HSA) ခေါ်သော ပရိုတိန်းဓာတ် တစ်မျိုးအဓိက ပါဝင်ပြုလုပ်ထားသည့် ပစ္စည်းဖြစ်၍ သွေးဆုံးရှုံးမှု အကြီးအကျယ်များသော လူနာများအတွက် သွေးသွင်းပေးရန် ဖြစ်သည်။ လယ်ကွင်းများ ထဲတွင် မျိုးရိုးဗီဇ ပြုပြင်မွမ်းမံထားသော စပါးများကို စိုက်ပျိုးထားခြင်းဖြင့် သုတေသနများ အတွက်လိုအပ်သော လူသား၏ ဆာရမ်အယ်လ်ဗျူမင် HSA ဓာတ်ကို အကြီးအကျယ် ထုတ်လုပ် ပေးနိုင်သည်။ သွေးလှူဒါန်းရာမှ ရသောသွေးကဲ့သို့ ရောဂါပိုး သန့်စင်ရန် လိုအပ်ချက်ကို လုပ်စရာမလိုဘဲ သန့်ရှင်းသော သွေးကို ရရှိစေမည်ဖြစ်သည်။ လူသား၏ ဆာရမ်အယ်လ် ဗျူမင်ဓာတ် HSA သည် လူ့သွေးထဲတွင် အများဆုံး ပါဝင်သော အစိတ်အပိုင်း ဖြစ်၍ ခန္ဓာကိုယ်အနှံ့သို့ လှည့်ပတ်ကာ ဟော်မုန်းဓာတ်များနှင့် သတ္တုဓာတ်များကို သယ်ယူ ပို့ဆောင်ပေးလျက် သွေးကြောထဲမှ အန္တရာယ်ရှိသော အဆိပ်အတောက်များကို ပိုက်စိပ်တိုက် ဖယ်ရှားသွားကာ သွေးဖိအားကိုလည်း ပုံမှန်ဖြစ်စေရန် ကူညီပေးသည်။ တရုတ်နိုင်ငံ အလယ်ပိုင်းရှိ ဝူဟန် တက္ကသိုလ်မှ သုတေသန လုပ်ငန်းကို ဦးဆောင်ပြုလုပ်နေသူ သိပ္ပံပညာရှင် ဒေါက်တာဒိုင်ချန်းရန်က ပြောကြားရာ၌ လူသား ဆာရမ်အယ်လ်ဗျူမင် HSA သည် အရေးကြီးသော ပရိုတိန်းဓာတ် တစ်မျိုးဖြစ်ပြီး တစ်ကမ္ဘာလုံး ဆိုပါက တစ်နှစ်လျှင် တန်ချိန် ၅၀၀ ခန့်လိုအပ်လျှက်ရှိကြောင်း ခန့်မှန်းရသည်ဆို၏။ လောလောဆယ် စီးပွားရေးအရ HAS ထုတ်လုပ်မှုသည် လူသား၏ သွေးရည်ကြည် စုဆောင်းရရှိမှုအပေါ် အဓိက အခြေခံ ထားရသည်။ ထို့ကြောင့် ရရှိနိုင်မှု အခြေအနေ ကန့်သတ်ချက် ရှိပါသည်။ သို့သော် လိုအပ်ချက်ကတော့ အကြီးအကျယ်ပါပဲ ဟု ၎င်းကပြောပြသည်။

ဒေါက်တာရန်နှင့် သူ့လုပ်ဖော် ကိုင်ဖက်များသည် အာရှစပါးမျိုးထဲသို့ ဗက်တီးရီးယား ပိုးအသုံးပြုကာ လူသား၏ မျိုးရိုးဗီဇများ ထိုးသွင်းမည်ဖြစ်ကာ စပါးပင်ကို Biological factories အဖြစ်သို့ ပြောင်းလဲသွားစေကာ လူသားတို့တွင် တွေ့ရှိရသော ပရိုတိန်းဓာတ်နှင့် ထပ်တူညီသော ပရိုတိန်းဓာတ်ကို ထုတ်လုပ်ပေးနိုင်သည့် နည်းစနစ်ကို ဖွံ့ဖြိုး တိုးတက်အောင် လုပ်ဆောင်ခဲ့ပြီး ဖြစ်သည်။ နောက်ဆုံးသုတေသန အကြောင်းကို Proceedings of the National Academy of Sciences အမည်ရှိ သိပ္ပံဂျာနယ်တွင် ဖော်ပြခဲ့ပါသည်။ ယင်းအချက်အရ ၎င်းတို့သည် လူသားဆာရမ် အယ်လ်ဗျူမင် DNA ကိုအောင်မြင်စွာ ထိုးသွင်း ပေးနိုင်ခဲ့ပြီး ရလာသော ရလဒ်ပရိုတိန်းဓာတ်မှာ ဓာတုဗေဒနည်းအရနှင့် ရူပဗေဒ နည်းအရ လူ့သွေးတွင် တွေ့ရှိရသော ပရိုတိန်းဓာတ်နှင့် တစ်ထပ်တည်း တူညီနေကြောင်း တွေ့ရှိရသည်။

ကျွန်ုပ်တို့၏ အောင်မြင်မှု အဆင့်များသည် စပါးအစေ့ အဆန်ထဲတွင် လူသားဆာရမ် အယ်လ်ဗျူမင် HSA ပမာဏတိုးမြှင့်နိုင်စွမ်းကို မြှင့်တင်ရန်နှင့် စပါးအစေ့ အဆန်များ ရေတွင်ပျော်ဝင်နိုင်သော ပရိုတိန်းဓာတ် ထုတ်လုပ်နိုင်မှု၏ ၁ဝ ရာခိုင်နှုန်း ရရှိသည်အထိ လုပ်နိုင်မည်ဟု ဆို၏။ ဤအောင်မြင်မှု သတင်းမှာ တရုတ်သိပ္ပံ ပညာရှင်များက နို့စားနွားမ ၃ဝဝ ကိုမျိုးရိုးဗီဇ ပြုပြင်မွမ်းမံကာ လူ၏သားမြတ်မှထွက်သော လူနို့နှင့် အရည်အသွေး တူညီသောနို့ကို ထုတ် လုပ် ပေးနိုင်ကြောင်း ကြေညာပြီးနောက် လပိုင်းလောက် အကြာတွင် ဖြစ်သည်။ အဆိုပါ နို့စားနွားမများမှ လူနို့ထုတ်နိုင်သော သတင်းပျံ့နှံ့ သွားခဲ့ရာ တိရစ္ဆာန်များ သက်သာ ချောင်ချိရေး အဖွဲ့ဝင် များက စိုးရိမ်သောကများ ဖြစ်နေကြသည်ဟု သိရ၏။ ဒေါက်တာရန်က ပြောရာတွင် မျိုးရိုးဗီဇ ပြုပြင်မွမ်း မံထားသော စပါးပင်များမှ ထုတ်ယူသည့် ပရိုတိန်းဓာတ်သည် လူ၏သွေးထဲတွင် သဘာဝ အလျှောက် တွေ့ရှိရသော လူသားဆာရမ် အယ်လ်ဗျူမင်ဓာတ်နှင့် တစ်သဝေမတိမ်း ထပ်တူ ညီနေကြောင်း၊ ရရှိသော အဆိုပါ ပရိုတိန်းဓာတ်ကို ကြွက်များနှင့် စမ်းသပ်ကြည့်ရာတွင် မတည့်သော ဓာတ်ပြုပြင်ခြင်းများ ဆန့်ကျင်ဓာတ် တုံ့ပြန်မှုများ မရှိကြောင်း တွေ့ရှိရသည်။ Cirrhosis ရောဂါဝေဒနာ ခံစားရသော ကြွက်များကို အဆိုပါ ပရိုတိန်းဓာတ်နှင့် ကုသပေးခဲ့ရာ ရောဂါဝေ ဒနာ သက်သာထိရောက်မှု ရှိကြောင်းနှင့် လူတို့၏ သွေးတွင် သဘာဝအလျောက် တွေ့ ရှိရသော ပရိုတိန်းဓာတ်ကဲ့သို့ တူညီနေကြောင်း တွေ့ရှိရမည်။

¤င်းတို့အဖွဲ့သည် မျိုးရိုးဗီဇ ပြုပြင်မွမ်းမံထားသော စပါးပင်မှ ဆီးချိုသွေးချို ရောဂါသည်များကို ကုသရာတွင် အသုံးပြုရန်အတွက် အင်ဆူလင်နှင့် အလားတူသော ပရိုတိန်း ဓာတ်များကိုလည်း ထုတ်လုပ်ပေးနိုင်ရန် လုပ်ဆောင်လျက် ရှိသည်။ ဘရစီတောရွိုင်ရယ် အင်ဖာမေရီမှ နှလုံးခွဲစိတ်ဌာန အတိုင်ပင်ခံ ဆရာဝန်ကြီးလည်းဖြစ်၊ လူနာများကို သွေးသွင်း ကုသခြင်းဆိုင်ရာ လေ့လာနေသူ ဘရစ္စတော တက္ကသိုလ် အကြီးတန်း ကထိကလည်း ဖြစ်ခဲ့သူ ဂါဗင်မာဖီက ပြောကြားရာတွင် ဤသုတေသနသည် ဆေးရုံများတွင် အသုံးပြုရန်အတွက် သွေးထောက်ပံ့မှုကို တော်လှန်ပြောင်းလဲ ပစ်လိုက်နိုင်ခြေရှိသည်ဟု ဆိုသည်။ ၎င်းကပြော ပြရာတွင် ဒါကမ္ဘာကြီး တုန်လှုပ်သွားစေနိုင် တဲ့ဟာပဲ။ အခုတော့ ကြက်တွေနဲ့ပဲ အတည်ပြု စမ်းသပ်နေရသေးတယ်။ လူသားတွေ ဘေးအန္တရာယ် ကင်းရှင်းစွာ အသုံးပြုနိုင်တဲ့ တကယ့် စမ်းသပ်မှုကတော့ သန့်စင်ပြီး၊ ပိုးသတ်ပြီးတဲ့အထိ ရောက်ရှိအသုံးချနိုင်မှုကို ပြသရပါ ဦးမည်ဟုဆို၏။ ဤချဉ်းကပ်နည်းနှင့် လယ်ကွင်းများထဲတွင် စပါးပင်များ စိုက်ပျိုးသွားနိုင်သည့် အပြင်ကြီးမားသော အတိုင်းအတာ ပမာဏအထိ သွေးပရိုတိန်းဓာတ်များ ထုတ်လုပ်ကာ လောလောဆယ် ကျွန်ုပ်တို့ရင်ဆိုင်နေရသော သွေးထောက်ပံ့မှု ပြဿနာများ အားလုံးကို ဖြေရှင်းနိုင်မည်ဟု ဆို၏။ သို့ပါ၍ သိပ္ပံပညာ မျိုးရိုးဗီဇ ပြုပြင်မွမ်းမံမှုကို ပညာရပ်များဖြင့် လူတို့၏ အသက်ပေါင်း များစွာကို ကယ်ဆယ်နိုင်မည့် လူ့အကျိုးပြု ဆေးဘက် သုတေသန လုပ်ငန်းများကို ဝမ်းသာအားရ ကြိုဆိုကြရမည်ဖြစ်ပြီး နောင်လည်း GM နည်းပညာဖြင့် လူ့အကျိုးပြု သုတေသနများစွာ လုပ်ဆောင်သွားမည့် အလားအလာများကို တွေ့မြင် နေရကြောင်း တင်ပြလိုက်ရပါသည်။

မြဝတီ

အရက်သောက်စားပြီး ဖခင်ဖြစ်သူအားဓါးဖြင့်ထိုး


နေပြည်တော်၊ ဖေဖော်ဝါရီ ၂၀
၂၀၁၄ ခုနှစ်၊ ဖေဖော်ဝါရီလ ၁၉ ရက်နေ့ နေ့လည် ၃ အချိန်ခန့်တွင် မကွေးတိုင်းဒေသကြီး၊ တောင်တွင်းကြီးမြို့နယ်၊ လယ်သာ(၁)အုပ်စု၊ မီးသျှောင်ကုန်းကျေးရွာရာအိမ်မှူးမှ ၎င်းကျေးရွာနေ သံဒိုး(၅၉)နှစ်က ဖခင်ဖြစ်သူ ဦးတင်လှိုင်(၇၅)နှစ်အား ဓါးဖြင့်ထိုး၍သေဆုံးသွားကြောင်း အကြောင်းကြားချက် အရ ဆတ်သွားနယ်မြေရဲစခန်းမှတပ်ဖွဲ့ဝင်များ သွားရောက်စစ်ဆေးခဲ့သည်။ စစ်ဆေးချက်အရ သံဒိုးမှ အရက်သေစာသောက်စားမူးယစ်ပြောဆိုနေသဖြင့် ဖခင်ဖြစ်သူက ဆုံးမစကားပြောဆိုသည်ကို မကျေနပ်၍ အနီးရှိထရံတွင်ထိုးထားသော အရိုးအသွား(၁၇)လက်မခန့်ရှိ ဓါးဦးချွန်ဖြင့် တစ်ချက် ထိုးသွင်းခဲ့ရာ ဖခင်ဖြစ်သူ ဦးတင်လှိုင်တွင် အူထွက်သည့်ဒဏ်ရာရရှိပြီး အခင်းဖြစ်နေရာတွင် သေဆုံးသွားကြောင်းစစ်ဆေးသိရှိရသဖြင့် သံဒိုးအား ဆတ်သွားနယ်မြေရဲစခန်း (ပ)၃၀/၂၀၁၄၊ ပြစ်မှုပုဒ်မ ၃၀၂ ဖြင့် အမှုဖွင့် အရေးယူထားကြောင်း သတင်းရရှိသည်။

ရဲဇာနည်

ဒေသဖွံ့ဖြိုးမှ ငြိမ်းချမ်းရေး လက်မှတ်ထိုးမည်ဟု KNU/KNLA ပြော


ကရင်ပြည်နယ် ဖွံ့ဖြိုးတိုးတက်မှုရှိမှ အစိုးရနဲ့ ငြိ်မ်းချမ်းရေးလက်မှတ်ထိုးဖို့ ဖြစ်နိုင်မယ်လို့ KNU/KNLA ငြိမ်းချမ်းရေးကောင်စီ ထိပ်တန်းဗဟိုကော်မတီဝင် ဗိုလ်မှူးချုပ် တင်မိုသီက ဒီကနေ့ ပြောဆိုလိုက်ပါတယ်။

ကရင်ပြည်နယ်ဒေသ ဖွံ့ဖြိုးတိုးတက်မှုနဲ့အတူ အစိုးရနဲ့ ငြိ်မ်းချမ်းရေးလိုချင်တယ်လို့ KNU/KNLA ငြိမ်းချမ်းရေးကောင်စီ ထိပ်တန်းဗဟိုကော်မတီဝင် ဗိုလ်မှူးချုပ် ဒေါက်တာ တင်မိုသီက ဒီကနေ့ နေ့လယ် ရန်ကုန်မြို့မှာ မီဒီယာတွေနဲ့ တွေ့ဆုံပြီး ပြောလိုက်တာပါ။

အခုတလော ရန်ကုန်နဲ့ နယ်မြို့တွေမှာဖြစ်နေတဲ့ ငြိမ်းချမ်းရေးကောင်စီအမည်ခံပြီး စီးပွားရေးရှာ နေတဲ့ သူတွေကို အရေးယူနိုင်အောင် အစိုးရတာဝန်ရှိသူတွေနဲ့ ပူးပေါင်းပြီး ဆောင်ရွက်သွားမယ် လို့လည်း ဗိုလ်မှူးချုပ် ဒေါက်တာတင်မိုသီက ပြောပါတယ်။

KNU/KNLA ငြိမ်းချမ်းရေးကောင်စီဘက်က ဗိုလ်ချုပ်ထိန်မောင်ဦးဆောင်ပြီး ဗဟိုကော်မတီဝင်တွေနဲ့ အစိုးရငြိမ်းချမ်းရေးကိုယ်စားလှယ်တို့ မကြာခင်ရက်ပိုင်းမှာ ငြိမ်းချမ်းရေး ဆွေးနွေးဖို့ ရှိတယ်လို့လည်း သိရပါတယ်။

DVB Burmese

ကလေးများနဲ့ အာသီးရောင်ရောဂါ


20.02.2014

မြန်မာနိုင်ငံနဲ့ ကမ္ဘာတဝှမ်းမှာ အဖြစ်များနေတဲ့ အာသီးရောင်ရောဂါက ကလေးတွေက လူကြီးထက် ပိုဖြစ်ကြပြီး၊ အလေးပေး ကုသခြင်း မလုပ်ရင် ပြင်းထန်တဲ့ နောက်ဆက်တွဲ ကျန်းမာရေးပြဿနာတွေ ဖြစ်နိုင်တယ်လို့ ကျန်းမာရေးပညာရှင်တွေက ထောက်ပြပြောဆိုနေကြပါတယ်။

မသန့်တဲ့ ဖုန်မှုန့်တွေနဲ့ အစားအသောက်တွေထဲကတဆင့် အဓိကဖြစ်ရတဲ့ ဒီရောဂါကြောင့် ချောင်းဆိုး၊ လည်ချောင်းနာတာနဲ့ ဖျားတာတွေအပြင်၊ အာခေါင်ကို မီးနဲ့ထိုးကြည့်ရင် အာသီးရောင်ရမ်းနေတဲ့ လက္ခဏာတွေကို တွေ့နိုင်ပါတယ်။

အထူးသဖြင့် ဘက်တီးရီးယားပိုးကြောင့် ဖြစ်တဲ့ ဒီရောဂါအမျိုးအစားကို မကုသမိရင် သွေးဆိပ်တက်ပြီး အခြေအနေဆိုးတဲ့အထိ ဖြစ်သွားနိုင်ပါတယ်။ ကြိုတင်ကာကွယ်နိုင်ဖို့အတွက် မသန့်ရှင်းတဲ့ဖုန်မှုန့်နဲ့ အစားအသောက်တွေကို ဘယ်လို လျှော့ချ ရှောင်ကျဉ်ဖို့ လိုပါလဲ။ ဘယ်အခြေအနေမှာ အာသီးဖြတ်ထုတ် ကုသဖို့ လိုအပ်ပါသလဲ။

ဒီရောဂါအကြောင်း ပိုမိုသိရှိနားလည်းနိုင်ဖို့ မြန်မာနိုင်ငံ ဆေးတက္ကသိုလ် (၁) ကလေးကျန်းမာရေး ပညာဌာန အငြိမ်းစား ဌာနမှုး ပါမောက္ခ ဒေါက်တာစောဝင်း နဲ့ ကိုဝင်းမင်းတို့ ဆွေးနွေးတင်ပြထားပါတယ်။

VOA Burmese News

င၀န်မြစ်၌ လက်ထိတ်ဖြင့် သေဆုံးခဲ့သည့်အမျိုးသမီးအမှု အဓိကတာဝန်ရှိသူဒုရဲအုပ်အား ထောင်ဒဏ်တစ်နှစ်ချမှတ်



မျိုးမင်းထွန်း(မြစ်မခ)၊ ပုသိမ်၊ ဖေဖော်ဝါရီ-၁၉

ပုသိမ်မြို့တစ်ဖက်ကမ်းသင်္ဘောကျင်းရဲစခန်း၌ ရွှေပျောက်မှုတစ်ခုနှင့် ပတ်သက်၍ မသင်္ကာတရားခံအဖြစ်ဖမ်းဆီးစစ်ဆေးရာတွင် လက်ထိတ် ခတ်လျက် ရေနစ်သေဆုံးခဲ့သည့် အမျိုးသမီးအမှုတွင် အဓိကတာဝန်ရှိသူ ဒုရဲအုပ်အား ထောင်ဒဏ်တစ်နှစ် ချမှတ်ပြီးစခန်းမှူးဖြစ်သူကိုပြင်းထန်စွာ
ပြစ်တင်ရှုတ်ချကြောင်း အမိန့်စာကိုပေးပို့ခဲ့သည်ဟု သိရသည်။

၂၀၁၃ ခုနှစ် ဇွန်လ ၁၉ ရက်တွင် လက်ထိတ်တန်းလန်းဖြင့် င၀န်မြစ်အတွင်း အလောင်းပေါ်မှုအတွက် ပုသိမ်မြို့တစ်ဖက်ကမ်း သင်္ဘောကျင်းရဲစခန်းမှ တာဝန်ရှိ ရဲဝန်ထမ်းငါးဦးအနက် တပ်ကြပ်ကြီးကြည်လင်း၊ တပ်ကြပ်နေထွန်း၊ တပ်ကြပ်ကျော်လင်းနိုင်နှင့် ဒုတပ်ကြပ်ဇော်မင်းထွန်းတို့အား ရာထူးတစ်ဆင့်စီလျှော့ချ၍ နိုဝင်ဘာ ၅ ရက်က ပြန်လွှတ်ပေးခဲ့ပြီး အဓိကတာဝန်ရှိသည့် ဒုရဲအုပ်နိုင်
အောင်ကျော်အား အရာရှိအဆင့် ဖြစ်နေသည့်အတွက် ဒီဇင်ဘာလ အတွင်းက သီးခြားအမိန့်ချမှတ်ခဲ့ခြင်းဖြစ်ကြောင်း ဧရာဝတီတိုင်းဒေသကြီး ရဲတပ်ဖွဲ့မှူးရုံးတာဝန်ရှိသူတစ်ဦးထံမှ သိရသည်။

" ရဲလေးဦးကိုတော့ အမိန့်ချပြီးပြီ။ ရာထူးတစ်ဆင့်လျှော့ ပြစ်ဒဏ်နဲ့
ပြန်လွှတ်ပေးခဲ့တယ်။ ဒုရဲအုပ်နိုင်အောင်ကျော်ကျတော့ အဓိကတာဝန် လည်းရှိတဲ့ အရာရှိအဆင့်လည်းဖြစ်တယ်။ ရဲမှာက အရာရှိနဲ့ တခြားအဆင့် နဲ့မတူဘူး။ အမိန့်ချလည်း ရောမချဘူး။ဒါကြောင့်သူ့ကိုသီးသန့်အမိန့်ချရတာ "
ဟု ဧရာဝတီတိုင်းဒေသကြီး ရဲတပ်ဖွဲ့မှူး ရုံးမှ တာဝန်ရှိသူတစ်ဦးကပြောဆို သည်။

ထို့ပြင် မြန်မာနိုင်ငံရဲချုပ်က သင်္ဘောကျင်းစခန်းမှူးအား နိုဝင်ဘာလ အတွင်းက " လက်အောက်ငယ်သားများ အားကောင်းမွန်စွာ မကွပ်ကဲသည့်
အတွက်ပြင်းထန်စွာ ပြစ်တင်ရှုတ်ချကြောင်း "အမိန့်စာဖြင့် ထုတ်ပြန်ကြေ ညာခဲ့ကြောင်း သိရသည်။

လက်ထိတ်သုံးစုံဖြင့် ရေနစ်သေဆုံးခဲ့သော ပုသိမ်မြို့နယ် ထိန်ချောင်အုပ်စု၊
သပြေပင်ကျေးရွာနေ (၂၇) နှစ်အရွယ် အမျိုးသမီးရေနစ်သေဆုံးမှုနှင့် ပတ်သက်၍ အဆိုပါရဲတပ်ဖွဲ့ဝင် ငါးဦးအား ၂၀၁၃ ခုနှစ် ဇွန် ၂၀ ရက်က
မြန်မာနိုင်ငံရဲချုပ် အမိန့်ဖြင့် ဖမ်းဆီးခဲ့ရာမှ အချိန်ရှစ်လကျော်အကြာတွင် ရဲချုပ်မှ အမိန့်ချမှတ်ခဲ့ခြင်းဖြစ်သည်။

သေဆုံးခဲ့သူ အမျိုးသမီးသည် တစ်ရွာတည်းနေ မိသားစုတစ်စုမှ ရွှေ ၁၀ ကျပ်သား ပျောက်ခဲ့ခြင်းအတွက် ရဲများကဖမ်းဆီးသွားပြီးနောက် ရဲစခန်း
တွင်တစ်ပတ်ကြာအောင်ချုပ်နှောင် စစ်ဆေးခဲ့ပြီး ၂၀၁၃ ခုနှစ်ဇွန်လ ၁၇ ရက် ညပိုင်းတွင် ပုသိမ်မြို့ ကြက်တန်းကူးတို့ ဆိပ်အနီး၌ ရဲများရှေ့မှာပင် လက်ထိတ်တန်းလန်းဖြင့် ရေထဲသို့ ပြုတ်ကျသေဆုံးခဲ့ခြင်းဖြစ်သည်။

ရေထဲသို့ပြုတ်ကျပြီး နှစ်ရက်ခန့်အကြာ ဇွန် ၁၉ ရက်တွင် င၀န်မြစ်အတွင်းမှ ၎င်း၏အသက်မဲ့နေသော ရုပ်အလောင်းပေါ်လာခဲ့ပြီး တာဝန်ရှိသူများက ဆယ်ယူခဲ့ရာ အလောင်းတွင် လက်ထိတ်သုံးစုံခတ်လျက်သား အနေ အထားဖြစ်နေခဲ့ရာမှ ပုသိမ်မြို့ခံများအကြား ပျံ့နှံ့သွားခဲ့ပြီး မီဒီယာများမှ တစ်ဆင့်ကျယ်ပြန့်စွာ ပျံ့နှံ့သွားပြီးနောက် ထိုအမှုကို ပြည်ထဲရေးဝန်ကြီး
ကိုယ်တိုင်ကိုင်တွယ်ခဲ့ကြောင်း ရဲတပ်ဖွဲ့ဝင်များ၏ ပြောဆိုချက်အရ သိရသည်။

ယခုအခါ ဇနီးဖြစ်သူနှင့်အတူ အဖမ်းခံခဲ့ရသော ကိုနန်းဝင်းအားပုသိမ်ထောင် ၌ ဖမ်းဆီးချုပ်နှောင်ထားဆဲဖြစ်ပြီး ပုသိမ်မြို့နယ် တရားရုံးတွင် အမှုရင်ဆိုင်
နေရကာ အမှု၏ အဓိကသက်သေခံ ပစ္စည်းဖြစ်သည့် ရွှေထည်များကိုမူ ယနေ့တိုင်ရှာဖွေတွေ့ရှိခြင်းမရှိသည့်အတွက် တရားရုံးတော်သို့ သက်သေခံအဖြစ် တင်သွင်းနိုင်ခြင်းမရှိသေးပေ။

" သက်သေခံပစ္စည်းလည်း အခုချိန်ထိမပြနိုင်တော့ ဒီတစ်ခေါက် ရုံးချိန်း ကျရင်တော့ အာမခံအတွက် လျှောက်ထားသွားမယ်။ သူ့ကိုကြည့်ရတာ
ကျန်းမာရေးလည်း သိပ်မကောင်းတော့ အာမခံ အမြန်ဆုံးရအောင်တော့
ဆောင်ရွက်သွားမှာပါ " ဟု ကိုနန်းဝင်း အမှု၏ ရှေ့နေ ဦးမြင့်သိန်းက
ပြောဆိုသည်။

စံတော်ချိန် နေ့စဉ်သတင်းစာ

ဗင်နီဇွဲလား ပြည်တွင်း ပဋိပက္ခမှာ အလှမယ် တစ်ဦး ကွယ်လွန်



တောင်အမေရိက က ဗင်နီဇွဲလားနိုင်ငံမှာ အစိုးရ ထောက်ခံသူနဲ့ အစိုးရ ဆန့်ကျင်သူတို့ကြား ပဋိပက္ခ ဖြစ်ပွားမှု အကြီးအကျယ် ဖြစ်နေပါတယ်။ ၂၀၁၃ မတ်လက သမ္မတ Hugo Chavez ကွယ်လွန်ပြီးနောက် ဒုတိယ သမ္မတ Nicolas Maduro က သမ္မတ ဖြစ်လာခဲ့ ပါတယ်။

မဲကိစ္စနဲ့ ပက်သက်ပြီး ပြည်သူများ မကျေနပ်ချက် ဖြစ်ခဲ့ပေမယ့် ယခု အရေးအခင်းကတော့ ၁၅ နှစ်ကြာ သက်တမ်းရှည်လာတဲ့ ဆိုရှယ် လစ် နိုင်ငံရေး စနစ်အပေါ် ပုန်ကန်တော်လှန်ခြင်း ဖြစ်ပါ တယ်။ ရေနံဖြင့် ချမ်းသာကြွယ်ဝတဲ့ ဗင်နီဇွဲလားနိုင်ငံမှာ ၂၀၁၃ နှစ် လယ်လောက် က စလို့ ယနေ့အချိန်အထိ နိုင်ငံရေး မငြိမ်သက်တော့ ပါဘူး။

အရေးအခင်းများကြောင့် သေဆုံးသူများလည်း မြင့်တက် လာပါယ်။ ပြီးခဲ့တဲ့ လကပဲ ဗင်နီဇွဲလားရဲ့ အလှမယ် တစ်ဦးနဲ့ အမျိုးသားတို့ လမ်းမမှာ လုပ်ကြံ ခံခဲ့ ရပါတယ်။ ယခု ဗင်နီဇွဲလားရဲ့ ပြည်နယ် တစ်ခုမှာ Miss Tourism ဆု ရရှိထားတဲ့ အသက် ၂၁ နှစ်အရွယ် Genesis Carmona ဟာလည်း လမ်းမပေါ် မှာ အရေးအခင်းထဲ သေနတ်နဲ့ အပစ်သတ် ခံခဲ့ ရပါတယ်။ ဦးခေါင်းကို ထိသွားခြင်း ဖြစ်ပြီး ဆိုင်ကယ်ပေါ် ယခုလို တင်ပြီး ဆေးရုံပို့ပေ မယ့် ကုသလို့ မရပဲ သေဆုံး သွား ပါတယ်။

ဒါကြောင့်မို့ လက်ရှိအချိန်မှာ ဗင်နီဇွဲလားဟာ ပဋိပက္ခများကြောင့် အသက် အန္တရာယ် စိုးရိမ်ရတဲ့ နိုင်ငံ တစ်နိုင်ငံ ဖြစ်လာကြောင်း သိရ ပါတယ်။
.
Ref: dailymail
အောင်ခမ်း (ရိုးရာလေး)

အုန်းရည် ကျန်းမာရေး ကောင်းကျိုးများ



တစ်ချိန်တုန်းက အုန်းရေကို Universal donor အနေနဲ့ အသုံးပြု ပါတယ်။ ဘယ်လို သွေးအမျိုးအစားကိုမဆို အရေးပေါ်လိုအပ်ရင် အုန်းရေကို ထည့်ခဲ့ ကြပါတယ်။

အထူးသဖြင့် ပစိဖိတ်စစ်ကာလအတွင်းက စစ်သားပေါင်း ထောင်သောင်းချီ ကို အုန်းရည်နဲ့ ကယ်ခဲ့တာ ဖြစ်ပါတယ်။ ယနေ့အထိလည်း သွေးမရနိုင်တဲ့ အရေးပေါ်အခြေအနေမှာ အုန်းရည်ကို အသုံးပြုနေမှု ရှိနေပါသေးတယ်။ သူ့ကို အရေးပေါ် plasma transfusion မှာ အသုံးပြု ပါတယ်။

အုန်းရည်မှာ နို့ထက် အာဟာရဓာတ် ပိုမို များပြားစွာ ပါဝင်ပါတယ်။ သူ့မှာ သဘာဝ သကြားဓာတ်၊ ဆားဓာတ်၊ ဗီတာမင်ဓာတ်များ ပါဝင်ပြီး ပင်ပန်းနွမ်းနယ်မှုကို ပျောက်ကင်းစေပါတယ်။ ကမ္ဘာ့ အကောင်းဆုံး အားဖြည့် အချိုရည်အဖြစ်တောင် လက်ခံထားကြပါတယ်။ ဘာလို့လဲဆို သူ့မှာ သာမန် Energy Drink တွေထက် ပိုတက်စီယမ်ဓာတ် ပိုမို ပါဝင်နေလို့ ဖြစ်ပါတယ်။ ကလိုရိုက်ဓာတ်လည်း ၁၁၈ ဂရမ် ပါဝင်ပါတယ်။ သဘာဝ သကြားဓာတ်က ၅ မီလီဂရမ်ပါ။ ပြီးတော့ သာမန် အားဖြည့် အချိုရည် တွေထက် ဆိုဒီယမ်ဓာတ် သဘာဝအလျောက် လျော့ချ ထားပေး ပြီးသား ဖြစ်ပါတယ်။

အခြားသော ကျန်းမာရေး ကောင်းကျိုးများစွာလည်း ရှိနေ ပါသေးတယ်။ ဒီတော့ အလိုအလျောက် ဖော်စပ်ထားတဲ့ ဆေးလိုဖြစ်နေတဲ့ အုန်းရည်ဟာ ယနေ့တိုင် ကျန်းမာရေးအတွက် အသင့်လျော်ဆုံး အားဖြည့်အချိုရည် တစ်မျိုး အဖြစ် သတ်မှတ်ထားကြကြောင်း သိရပါတယ်။
-
Ref: wiki
အောင်ခမ်း (ရိုးရာလေး)


သေဖို့ပြင်ဆင်သူ


       သေခြင်းတရားဆိုတာ အသံကြားတာနဲ့တင် ထိတ်လန့်စရာပါ။ သတ္တ၀ါတိုင်း သေမှာကြောက်တယ်။ အချို့ဆိုရင် သေမှာကြောက်လို့ကို ဘုံ ခုနှစ်ဆင့်ပေါ်တက်နေတာရှိတယ်။ အစောင့်အရှောက်အထပ်ထပ် ချထားတာလည်းရှိတယ်။ ဂါထာမန္တာန်တွေနဲ့ ရွတ်ဖတ်နေတာလည်း ရှိတယ်။ ဒါပေမယ့် သေဖို့ အချိန်စေ့ ရင်တော့ ဘာနဲ့မှ တားလို့မရပါဘူး။ ဒါကြောင့် ပညာရှိတဲ့ ဗုဒ္ဓဘာသာဝင်တွေကတော့ မသေအောင်ကာ ကွယ်တာထက် သေရင် ကောင်းတဲ့ဘ၀ရောက်ဖို့ပဲ ပြင်ဆင်ကြပါတယ်။ သေဖို့ပြင်ဆင်သူတစ်ယောက်အကြောင်း ပြောချင်ပါတယ်။ လူတိုင်းသိကြပါတယ်။ သူကတော့ ယောမင်းကြီး ဦးဖိုးလှိုင်ပါ။
        ဦးဖိုးလှိုင်ဟာ ငယ်စဉ်မှာတော့ မကောင်းမှုအနည်းနဲ့ အများဆိုသလို ပြုလုပ်ကောင်းပြုလုပ်ခဲ့မှာပါ။ အုပ်ချုပ်ရေးလမ်းကြောင်းပေါ်မှာ တရားစီရင်ထုံးများအရ အပြစ်ရှိသူကို အပြစ်အလျှောက် စီရင်ခဲ့တာလည်း ရှိပါတယ်။ ကုသိုလ်ကောင်းမှုများကိုလည်း ဘ၀နဲ့ထိုက်တန်သလောက် ပြုခဲ့ပါတယ်။ ဒီတော့ ကုသိုလ်၊ အကုသိုလ်တွေ များတော့ ဘာလုပ်ခဲ့တယ်ဆိုတာကိုပင် အမှတ်ရဖို့ ခဲရင်းပါတယ်။ သေခါနီးမှာ အသေးအဖွဲ့ ကုသိုလ်၊ ဒါမှမဟုတ် အကုသိုလ်လေးကပင် အာရုံနိမိတ်ထင်လာတတ်ပါတယ်။ အကုသိုလ်ထင်လာ ရင်တော့ အပါယ်ကျမှာ ကျိန်းသေပါပဲ။ ဒီသဘောကို သိနေတော့ ဦးဘိုးလှိုင်ဟာ သေဖို့ ပြင်ဆင်ရ ပါတော့တယ်။ ကျောင်းနေဖက် သူငယ်ချင်း ဦးတူကို အိမ်မှာ ခေါ်ထားပြီး ပြောပါတယ်။
        "မောင်တူရေ မင်းနဲ့ငါက ငယ်သူငယ်ချင်းတွေ။ ဒီတော့ ငယ်ငယ်တုန်းကလို ဘိုးလှိုင်လို့ပဲခေါ်။ မင်းကြီးတွေ ဘုရားကျွန်တော်တွေ မသုံးနဲ့။ ငါလည်း မင်းကို မောင်တူလို့ပဲခေါ်မယ်။ ကျောင်းသားစိတ်မျိုးနဲ့ စကားပြောပြီး ငါအနားမှာ တစ်လလောက် အတူနေပါကွာ။ မင်းမိသားစုအတွက် ငွေဒင်္ဂါး ၂၀၀ ပို့လိုက်မယ်။ ငါ့ကို ဘာစားမလဲ လာမမေးနဲ့။ မင်းကျွေးတာငါစားမယ်။ မင်းပြောတာ ငါနားထောင်မယ်။ ဒီအခန်းထဲကို ၀န်ကတော်ကအစ ဘယ်သူမှ မ၀င်စေနဲ့"
        ထိုသို့ပြောပြီး ဦးဘိုးလှိုင်နဲ့ ဦးတူဟာ ငယ်စဉ်ကလိုပဲ ဘုရားစာအတူဆိုတယ်။ ရယ်စရာတွေပြော တယ်။ အိပ်ခါနီး အတူတူဘုရားဝတ်တက်တယ်။ ညစဉ် ဦးတူကို မဟာသတိပဌာနသုတ် ရွတ်ခိုင်းပြီး သာဓုခေါ် အိပ်တယ်။ ဒီလိုနဲ့ တစ်လပြည့်တဲ့ညမှာတော့ ဦးတူကို ပြောတယ်။
       "မောင်တူရေ ဒီနေ့ စောစောအိပ်မယ်ကွာ၊ ငါ့ကို သတိပဌာန်တရားတော်နဲ့ ရွတ်ဆို သိပ်ပါ။ မနက် သုံးချက်တီးကျော်ရင် နှိုးပါ"။
       ဦးတူလည်း သူပြောတဲ့အတိုင်း လုပ်ပြီး သုံးချက်တီးကျော်တော့ နှိုးတဲ့အခါ နှိုးမရတော့ပါ။ လက်နဲ့ကိုင် ကြည့်တော့ ကိုယ်က တောင့်တင်းပြီး ၀ိညာဉ်ချုပ်သွားပါပြီ။ ချမ်းချမ်းသာသာနဲ့ သေသွားပါပြီ။
        ဒါဟာ ပညာရှိတွေရဲ့ သေဖို့ ပြင်ဆင်ပုံလေးပါပဲ။ လူတိုင်း ဦးဘိုးလှိုင်ကို အတုယူပြီး သေခါနီးအချိန်ကျ လာတဲ့အခါမှာ အသေကောင်းဖို့အတွက် ပြင်ဆင်သင့်ပါတယ်။


ရွှေစမ်းမြေ အရှင်က၀ိဓဇသာရ

အနာဂတ် အိပ်မက်များနှင့် ဝေစည်နေသည့် ကျောင်းကလေး


အလှူရှင်များ ပစ္စည်းဝေနေသည်ကို တန်းစီယူနေစဉ် (ဓာတ်ပုံ - သစ်နေမိုး / ဧရာဝတီ)အလှူရှင်များ ဝေမည့် ပစ္စည်းများကို စောင့်ဆိုင်းနေသည့် ကျောင်းသားလေးများ (ဓာတ်ပုံ - သစ်နေမိုး / ဧရာဝတီ) အလှူရှင်များကို နှုန်ဆက်နေသည့် ကျောင်းသူလေးများ (ဓာတ်ပုံ - သစ်နေမိုး / ဧရာဝတီ)
အဖြူနှင့်အပြာ အပ်ါအောက် ယူနီဖောင်း ကိုယ်စီ ၀တ်ဆင်ထားကြသည့် သနပ်ခါးဖွေးဖွေးနှင့် ကလေးငယ်များ နံနက်ခင်း နေရောင် အောက်တွင် စီရရီ ရှိနေကြသည်။

သူတို့အတွက် ခွဲတမ်းကျဖြင့် ဝေပေးနေသော ပစ္စည်းများကို အလှည့်ကျရယူရန် တန်းစီစောင့်ဆိုင်းနေကြခြင်း ဖြစ်သည်။

ထိုအချိန်၌ပင် လော်စပီကာ အသံကျယ်ကျယ်က လွင့်ပျံ့၍ လာသည်။

“ကျောင်းသားတွေ ညီညီစီကြပါ ၊ နောက်တပတ် ပြန်မပတ်နဲ့နော်၊ အလှူရှင်တွေ တွေ့သွားရင် ရှက်စရာကောင်းမယ်….”

မြင်ကွင်းနေရာက ရန်ကုန်တိုင်းဒေသကြီး တွံတေးမြို့နယ်အတွင်းရှိ ဘုရားကြီး မင်္ဂလာတိုက်ကျောင်း၊ မင်္ဂလာ လူငယ်ဖွံ့ဖြိုးရေး ပရဟိတ ကျောင်းဝင်းအတွင်း ဖြစ်ပြီး လော်စပီကာကို အော်နေသူမှာ အုပ်ချုပ်သူ ကျောင်းထိုင် ဘုန်းတော်ကြီး ဖြစ်ပါသည်။

ဓနိမိုး၊ ထရံကာ၍ ကျောင်းသား ဦးရေ ၅၀ ဖြင့် ၁၉၉၉ ခုနှစ်တွင် စတင်ခဲ့ရသော မင်္ဂလာလူငယ်ဖွံ့ဖြိုးရေး ပရဟိတကျောင်း ကလေး သည် ယခုအချိန်တွင် အိပ်ဆောင် စာသင်ဆောင်ပေါင်းများစွာနှင့် ကျောင်းသားပေါင်း ၁၀၀၀ ကျော်ကို ပြုစုပျိုးထောင်ပေးနိုင်နေပြီး အလှူရှင်များလည်း အမြဲလိုပင် လာရောက်နေကြပြီ ဖြစ်သည်။

မတူညီသည့် ဒေသအသီးသီးမှ မိဘမဲ့ ကလေးငယ်လေးများနှင့် ဆင်းရဲနွမ်းပါးသည့် ကလေးများအတွက် ထိုကျောင်းကလေးက ပညာရည် ဖြည့်ဆည်းရင်း ခရီးတထောက်နားကာ အနာဂတ်အိပ်မက်တွေ မက်ခွင့်ရှိလာသည့် နေရာကလေးတခု ဖြစ်လာခဲ့သည်။

ကျောင်းကလေးသို့ ဘ၀ပုံစံအမျိုးမျိုးဖြင့် သူတို့လေးတွေ ရောက်လာခဲ့ကြသည်။ ရောက်ရှိလာခဲ့ကြပုံတွေက တဦးနှင့်တဦးမတူညီကြ သလို အိပ်မက်တွေကလည်းမတူညီကြ။ သို့သော် ထိုကျောင်းကလေးက သူတို့လေးတွေ၏ အားမွေးစရာ နေရာကလေးတခု အနေနှင့် ဖြစ်တည်ခဲ့သည်။

“အမေက သမီးကိုမွေးအပြီးမှာ ဆုံးတယ်၊ အဖေကလည်း နောက်တနှစ်လောက်မှာ ပင်လယ်ထဲငါဖမ်းထွက်ရင်း လှေမှောက်ပြီး ပါသွား တယ်၊ အိမ်ဘေးနားက အစ်မကြီးတွေလိုက်ပို့လို့ သမီး ဒီကိုရောက်လာခဲ့ရတာ”ဟု အသက် ၁၃ နှစ် အရွယ် မအေးငြိမ်းသူက လျှံထွက်လာတော့မည့် မျက်ရည်တွေကိုထိန်းရင်း သူ၏ ငယ်ဘ၀ဖြစ်စဉ်ကို အသံဖွဖွလေးဖြင့် ပြောပြရှာသည်။

မြန်မာပြည်အောက်ပိုင်း ဟိုင်းကြီးကျွန်းတွင်မွေးဖွားပြီး မိဘမဲ့ဖြစ်ခဲ့ရသည့် သူ့အတွက် ဤကျောင်းကလေးသည် ဘ၀တူများစွာနှင့် ဆုံတွေ့ခွင့်ရပြီး ပညာ ဆက်လက်သင်ကြားခွင့် ရရှိခဲ့သည့်နေရာတခုလည်း ဖြစ်ခဲ့သည်။

မင်္ဂလာ လူငယ်ဖွံ့ဖြိုးရေး ပရဟိတကျောင်းသို့ မအေးငြိမ်းသူ ရောက်ခဲ့သည်မှာ ၅ နှစ်ကျော်ပြီ ဖြစ်သည်။ စတုတ္တတန်း ပညာကို သင်ယူနေသည့် သူ့တွင် ဘ၀ရည်မှန်းချက် အိပ်မက်များလည်း ရှိနေပြီ ဖြစ်သည်။

ကျောင်းအိပ် ကျောင်းစားဘ၀ အဆောင်အတူနေ အပေါင်းအသင်း သူငယ်ချင်းများအကြားတွင် အမြဲလိုလို သီချင်းဆိုပြရလေ့ရှိသော သူက အမှန်တကယ်လည်း အဆိုတော်ဖြစ်ချင်သည့် အိပ်မက်ရှိသည်ဟု ပြောသည်။

“သမီး သီချင်းဆိုပြလို့ သူငယ်ချင်းတွေက လက်ခုပ်တီး အားပေးရင် စိတ်ထဲမှာပျော်တယ်၊ တချိန်ကျရင် အလုပ်လုပ်၊ ပိုက်ဆံစုပြီး ကိုယ်ဖြစ်ချင်တဲ့ အရာကို ဖြစ်အောင်လုပ်ဖို့ ဆုံးဖြတ်ထားတယ်”ဟု မအေးငြိမ်းသူ က ပြောပြသည်။

လက်တွေ့ဘ၀ကို အားမွေး ဖြတ်သန်းရင်း၊ အနာဂတ်ကိုမျှော်ကြည့်ရင်း အိပ်မက်များ ရှိနေသည်မှာ မအေးငြိမ်းသူ တဦးတည်း မဟုတ်ပါ။ ထိုကျောင်းကလေးရှိ အခြား အခြားသော ကလေးငယ်ပေါင်း များစွာတွင်လည်း အိပ်မက်များ ရှိနေကြသည်။

ပရဟိတကျောင်းတွင် နေကြသည့် လူငယ်လေးများပီပီ ပရဟိတလုပ်ငန်းကို မြတ်မြတ်နိုးနိုးတွယ်တာလာပြီး ယခုအချိန်ကတည်း က ပင် ရည်ရွယ်ချက်ရှိနေသည့် ကျောင်းသား ကျောင်းသူကလေးများလည်း ရှိကြသည်။

“နိုင်ငံတကာတွေ လေ့လာတာတို့၊ သမီးတို့လိုိကျောင်းမှာ ကလေးတွေကို ထောက်ပံ့နိုင်တဲ့ ဖောင်ဒေးရှင်းဖွင့်တာတို့၊ လှူတာတို့ အဲဒီ လို အလုပ်တွေ လုပ်ချင်တယ်၊ သမီးတို့ကျောင်းမှာပဲ အင်္ဂလိပ်တွေလာရင် သူတို့နဲ့ အင်္ဂလိပ်လိုပြောတာကို အားကျတယ်၊ ကျောင်း ပညာရေးပြီးရင် ကိုယ့်ခြေထောက်ပေါ် ကိုယ်ရပ်တည်ပြီး စကားပြန်ဖြစ်ဖို့လုပ်မယ်”ဟု ပရဟိတကျောင်းသို့ ရောက်နေသည်မှာ ၈ နှစ် ရှိပြီဖြစ်သည့် ခုနှစ်တန်း ကျောင်းသူလေး မထက်ထက်ခိုင်က ပြောသည်။

အသက် ၁၃ နှစ် အရွယ် ရောက်နေပြီဖြစ်သည့် မိဘမဲ့ မိန်းကလေးငယ်တဦး၏ အနာဂတ်အိပ်မက်တွင် ပရဟိတလုပ်ငန်းများက အမြစ် တွယ်နေပေသည်။

သို့သော် ထိုသို့သော အနာဂတ် ပန်းကလေးများကို ဘွဲ့ရသည်အထိ ပြုစုပျိုးထောင် စောင့်ရှောက်ရသည့် ကျောင်းကလေး၌ အခက် အခဲများစွာ ရှိနေပါသည်။

ကျောင်းသား ကျောင်းသူပေါင်း ၁၀၀၀ ကျော်နှင့်အတူ တနေ့လျှင် ပျမ်းမျှ ကျပ် သုံးသိန်း ကျော် ကုန်ကျစရိတ်ရှိသည့် ကျောင်း၏ လည်ပတ်မှုအတွက် ပင်တိုင်အမာခံ အလှူရှင်မရှိခြင်းက တခါတရံ၌ ခက်ခဲကျပ်တည်းမှု ကြုံတွေ့ရသည်ဟု ကျောင်းထိုင် ဘုန်းတော်ကြီး က ဆိုသည်။

“ပင်တိုင်အလှူရှင် မရှိဘူး၊ ဒီလ အလှူရှင်လာတယ်၊ ဒီလမှာ စားတယ်၊ ပိုရင်လည်း နောက်လမှာထားတယ်၊ တခါတလေလည်း ဆန်ဆိုင်တွေမှာ အကြွေး တင်တာပေါ့၊ ဆန်ဆိုင်တွေ၊ ကုန်စုံဆိုင်တွေကို ဘုန်းကြီးကပြောထားတယ်၊ အလှူရှင် မလာတာနဲ့ကြုံရင် ဘုန်းကြီးတို့ကို ပေးပါပေါ့၊ ပြန်ဆပ်ပါမယ်၊ စိတ်မပူပါနဲ့လို့ ပြောရတယ်၊ နောက်လမရဘူးဆိုရင် အကြွေးတင်တယ်”ဟု ကျောင်းထိုင် ဘုန်းတော်ကြီးက မိန့်သည်။

လူမှုဝန်ထမ်း ဦးစီးဌာန၏ အသိအမှတ်ပြု ကျောင်းလည်းဖြစ်၊ ပညာရေးဝန်ကြီးဌာန၏ အသိအမှတ်ပြု ကျောင်းလည်းဖြစ်ခြင်းကြောင့် နှစ် အလိုက် ထောက်ပံ့မှုတချို့ ရရှိသည်ဟု ဘုန်းတော်ကြီးက ဆိုသည်။

“လူမှုဝန်ထမ်းက ထောက်ပံ့မှုရဖူးတာက တနှစ်ကို ၁၀ သိန်းရဖူးတယ်၊ သိန်း၂၀ ရဖူးတယ်၊ သိန်း ၅၀ ရခဲ့ဖူးတယ်၊ ကျောင်းသားများရင်များသလို နည်းရင်နည်းသလိုပဲ၊ နိုင်ငံခြားက အလှူရှင်တွေလည်း ထောက်ပံ့တာရှိတယ်”ဟု ဘုန်းတော်ကြီးက မိန့်ဆိုသည်။

သို့သော် ထိုပမာဏမှာ တရက်လျှင် ၃ သိန်း၊ တလလျှင်ပျမ်းမျှ သိန်း ၉၀ ကျော် ကုန်ကျနေသော ကျောင်းလည်ပတ်မှု ငွေကြေးနှင့်ချိန်ထိုး ကြည့်လိုက်သည့် အခါတွင် များစွာ လိုအပ်နေသေးသည်။

မည်သို့ပင်ဖြစ်ပါစေ ကျောင်းထိုင်ဘုန်းတော်ကြီးက အလှူရှင်တို့၏အင်အားနှင့် ဖြစ်အောင်လည်ပတ်ရင်း ကလေးများ၏ အိပ်မက်များ ကို ဖြည့်ဆည်း နေပါသည်။

ယခုဆိုလျှင် ဤ ပရဟိတ ကျောင်းကလေးမှ ပညာခရီး ဆက်သူများအတွင်း ဘွဲ့ရလူငယ်ပေါင်း ၃၀ နီးပါး ရှိနေပြီလည်း ဖြစ်သည်။
မိဘမဲ့ကလေးများကို ဆက်လက်ထိန်းကျောင်း စောင့်ရှောက်သည့်နည်းတူ မိဘများ ရှိသော်လည်း ဆင်းရဲနွမ်းပါးသည့် ကလေးများ ကိုလည်း ကျောင်းပညာရေးပြီးသည့်အချိန်အထိ ထောက်ပံ့ပေးပြီးမှသာ မိဘထံ ပြန်လည်အပ်နှံသည်ဟု ဘုန်းတော်ကြီးက မိန့်သည်။

“တက္ကသိုလ်ပြီးသွားရင် မိဘဆီ ပြန်အပ်ပါတယ်၊ မိဘကိုလုပ်ကျွေးဖို့၊ မိဘကျေးဇူးဆပ်ဖို့ အလုပ်လိုချင်ရင် အလုပ်ရှာပေးတယ်၊ ရန်ကုန်က ဒကာတွေနဲ့ချိတ်ပြီး သွင်းပေးတယ်၊ မိဘမဲ့လေးတွေကျတော့ သူများတကာ အမွေစားအမွေခံနဲ့ မွေးစားမယ်ဆို ဘုန်းကြီး တို့ပေးတယ်၊ နောက်တော့ ဒီဟာကိုဘုန်းကြီး အသက်ကြီးလို့ မလုပ်နိုင်တော့ဘူးဆိုရင် လူမှုဝန်ထမ်း ခ၀ဲခြံကို အပ်မယ်၊ နိုင်ငံတော် ကို အပ်သွားမှာပါ”ဟု ဘုန်းတော်ကြီးက မိန့်ဆိုသည်။

ညနေခင်း နေရောင် ဖျော့ဖျော့ အောက်တွင် အဖြူအပြာ ယူနီဖောင်း ကိုယ်စီနှင့် သနပ်ခါးဖွေးဖွေး လိမ်းချယ်ထားကြသည့် ကလေး ငယ်များ အလှူရှင်များကို နှုတ်ဆက်ရန် ၀ိုင်းဖွဲ့ စောင့်စားနေကြသည့် အချိန်ရောက်ပြီ ဖြစ်သည်။

ထို့နောက်တွင်တော့ လက်ကလေးများကို ဝှေ့ယမ်းရင်း သူတို့လေးတွေ ယိမ်းနွဲ့ကြသည်။ ဂွတ်ဘိုင် ဆိုသည့် စာသားလေးကို တေး သွား ဆန်ဆန်လေး ရွတ်ဆိုရင်း အနာဂတ် ပန်းကလေးများ ယိမ်းထိုးနေကြပါသည်။

ထိုအချိန်၌ပင် ကျောင်းထိုင်ဘုန်းတော်ကြီး၏ လော်စပီကာသံက ကျယ်ကျယ်လောင်လောင် ထွက်ပေါ်လာခဲ့ပြန်ပါသည်။

“အလှူရှင်တွေကို ဂွတ်ဘိုင်မှ ဒီက မလွတ်နိုင်မှာ၊ နှုတ်ဆက်ကျ၊ နှုတ်ဆက်ကျ…..”

အနာဂတ်မျိုးဆက်သစ် ကလေးပေါင်းများစွာ၏ ဘ၀ရည်မှန်းချက် အိပ်မက်များကို အားဖြည့်ပေးနေသော မင်္ဂလာ လူငယ်ဖွံ့ဖြိုးရေး ပရဟိတ ကျောင်း ကလေး၏ ရှေ့ရေးသည် အလှူရှင်များ ဝေေ၀ဆာဆာရှိနေရန်မှာ အရေးကြီးလှပါသည်။

အိပ်မက်များနှင့် ဆက်လက်ဝေစည် နေဦးမည့် ထိုကျောင်းကလေးကို နှုတ်ဆိတ်စွာနှင့် နှုတ်ဆက်ရင်း ပြန်ခဲ့ရပါတော့သည်။     ။


ဧရာဝတီ