ပြည်ပအခြေစိုက်ခဲ့သော မဇ္စျိမကို ဦးဆန်နီဆွေ ဝယ်ယူကာ ဦးဆောင်မည်

(UPDATED): CORRECTED

ပြည်ပအခြေစိုက်ဖြစ်ခဲ့သော မဇ္ဈိမသတင်းဌာနကို စစ်ထောက်လှမ်းအရာရှိဟောင်း ဗိုလ်ချုပ်သိန်းဆွေ၏သား ဦးဆန်နီဆွေက CEO အဖြစ် ဦးဆောင်ကာ Mizzima Media Group အဖြစ် ပြောင်းလဲထူထောင်လိုက်ကြောင်း နိုဝင်ဘာ ၁ရက်နေ့တွင် ထုတ်ပြန်ကြေညာလိုက်သည်။

မြန်မာတိုင်းမ် ဂျာနယ်ကို ရော့စ်ဒန်ကလေနှင့် အကျိုးတူပူးပေါင်း ထူထောင်ခဲ့သူတစ်ဦးဖြစ်ခဲ့သည့် ဦးဆန်နီဆွေသည် စီးပွားရေးလုပ်ငန်းရှင် ဦးသိမ်းဝေ၊ မဇ္စျိမသတင်းဌာန ထူထောင်သူ ဦးစိုးမြင့်တို့နှင့် ၃ဦး အကျိုးတူ ပူးပေါင်းလိုက်ခြင်းဖြစ်သည်ဟု ကြေညာချက်က ဆိုသည်။

အိန္ဒိယနိုင်ငံ နယူးဒေလီတွင် ၁၉၉၉၌ ပြည်ပအခြေစိုက် သတင်းဌာနအဖြစ် စတင်ထူထောင်ခဲ့သည့် ဦးစိုးမြင့်သည် မြန်မာနိုင်ငံသို့ ပြန်လည်အခြေချခဲ့ပြီးနောက်ပိုင်း စီးပွားရေးလုပ်ငန်းတစ်ခုအဖြစ် ပြောင်းလဲထူထောင်လိုက်သည့် ကုမ္ပဏီအသစ်၌ အယ်ဒီတာချုပ်ရာထူး ယူသွားမည်ဟု ဆိုသည်။

ဦးဆန်နီဆွေ၏ အစုရှယ်ယာများကို အစားထိုးဝယ်ယူခဲ့သည့် ဒေါက်တာတင်ထွန်းဦးနှင့် ဇနီးတို့သည် မြန်မာတိုင်းမ် ဂျာနယ်ထုတ်ဝေနေသော ကုမ္ပဏီကို ဖျက်သိမ်းရန် တရားရုံးသို့ ဦးတိုက်လျှောက်ထားပြီး ရော့စ် ဒန်ကလေနှင့် တရားမမှုများ ရင်ဆိုင်နေရသည်။

မြန်မာတိုင်းမ်တွင် လုပ်ကိုင်နေသော သတင်းထောက်များ၊ အယ်ဒီတာများသည် ဦးဆန်နီဆွေ ဦးထောင်ထူထောင်လိုက်သော မဇ္စျိမမီဒီယာဂရုပ်သို့ ပြောင်းရွှေ့လုပ်ကိုင်တော့မည်ဆိုသည့် သတင်းများ ပေါ်ထွက်နေသည်။ ပြည်ပရောက် သတင်းဌာနဖြစ်ခဲ့သည့် မဇ္စျိမသည် နေ့စဉ်သတင်းစာကို စတင်ထုတ်ဝေနေပြီး ပြည်တွင်းစီးပွားရေးလုပ်ငန်းရှင်တစ်ဦးနှင့် ပူးပေါင်းလိုက်သော ပထမဆုံး မီဒီယာကုမ္ပဏီတစ်ခုလည်းဖြစ်သည်။
Kamayut Media

ကိုရီးယားမှ စီးပွားရေး ပူးပေါင်း ဆောင်ရွက်ရေး ရန်ပုံငွေ ကန်ဒေါ်လာသန်း ၅၀၀ မြန်မာကို ချေးမည်


နေပြည်တော် ၊ အောက်တိုဘာ ၃၁။ ။ မြန်မာနိုင်ငံသို့ ကိုရီးယားနိုင်ငံမှ စီးပွားရေးပူးပေါင်းဆောင်ရွက် ရေး ရန်ပုံငွေ အမေရိကန်ဒေါ် လာ သန်း ၅၀ဝချေးငှားမည်ဖြစ် ပြီး ယင်းငွေထဲမှ ဆက်သွယ်ရေး နှင့် လျှပ်စစ်စီမံ ကိန်းနှစ် ခု အတွက် အမေရိကန်ဒေါ်လာ ၁၅၅ ဒသမ ၈၇၄သန်းချေးငှား ရန်အတွက် နိုင်ငံတော်သမ္မတမှ ပြည်ထောင် စုလွှတ်တော်သို့ အောက်တို ဘာ ၃ဝရက်စွဲဖြင့် သဝဏ်လွှာပေးပို့ ထားကြောင်း သိရသည်။

ယင်းချေးငွေ၏ အောက် တွင် ဆက်သွယ်ရေးနှင့်သတင်း အချက်အလက် နည်းပညာဝန် ကြီးဌာနမှ ဆက်သွယ်ရေးသ တင်းအချက်အလက် နည်းပညာ အခြေခံအဆောက်အအုံ ကွန် ရက်တိုးချဲ့တည်ဆောက်ရေး စီ မံကိန်း အတွက် အမေရိကန်ဒေါ် လာ ၅၅ ဒသမ ၈၇၄သန်း၊ လျှပ် စစ်စွမ်းအား ဝန်ကြီးဌာနမှ ၅၀၀ ကေဗွီ တောင်ငူ၊ ကမာနတ်ဓာတ် အားလိုင်း တည်ဆောက်ရေး စီမံ ကိန်းအတွက် အမေရိကန်ဒေါ် လာသန်း ၁၀၀၊ စုစုပေါင်း အ မေရိ ကန်ဒေါ်လာ ၁၅၅ ဒသမ ၈၇၄ သန်းနှင့်ညီမျှသော ကိုရီး ယားဝမ်အား ချေးယူလိုကြောင်း၊ ချေးယူရမည့် သဘောတူညီချက် မှာ ဆိုင်းငံ့ကာလ ၁၅နှစ်၊ ပြန် ဆပ်ကာလ၂၅ နှစ်ဖြင့် စုစုပေါင်း နှစ် ၄ဝဖြစ်ကြောင်း ၊ အတိုးနှုန်း မှာ တစ်နှစ်လျှင် သုညဒသမ ဝ၁ ရာခိုင်နှုန်းဖြစ်ပြီး ကျ သင့် အတိုးကို ခြောက်လတစ်ကြိမ်ပေး သွင်းရန်၊ ဆိုင်းငံ့ကာလကုန်ဆုံး ပါက ချေးငွေအား တစ်နှစ်လျှင် နှစ်ကြိမ်ခွဲ ၍ပေးဆပ် ရန်နှင့် ဆောင် ရွက်ခအဖြစ် ချေးပေးငွေပမာဏ ၏ သုည ဒသမ ဝ၁ရာခိုင်နှုန်း ပေးဆောင်ရန်ဖြစ်ကြောင်း၊ ပေးဆပ်မှုနောက်ကျပါက မူလ အတိုးနှုန်းအပေါ်တွင် တစ်နှစ် လျှင် နှစ်ရာခိုင်နှုန်းထပ်ဆောင်း ပေးဆောင် ရမည်ဖြစ်သည်။

သို့ဖြစ်သည့်အတွက် ကိုရီး ယားသမ္မတနိုင်ငံ EDCF အတိုး နှုန်း သက်သာသော ချေးငွေအ မေရိကန်ဒေါ်လာသန်း ၁၅၅ ဒသမ ၈၇၄ ရယူပြီး ဆက်သွယ် ရေးနှင့် သတင်းအချက်အလက် နည်းပညာဝန်ကြီးဌာနနှင့် လျှပ် စစ်စွမ်းအား ဝန်ကြီးဌာနတို့၏ စီမံကိန်းနှစ်ခုကို အကောင်အထည် ဖော်ဆောင်ရွက်လိုသဖြင့် ၂၀၁၃ ခုနှစ် ပြည်ထောင်စု၏ ဘဏ္ဍာ ငွေအရအသုံးဆိုင်ရာ ဥပဒေပုဒ်မ- ၉ပါ ပြဋ္ဌာန်းချက်အရ ပြည်ထောင် စုလွှတ်တော်မှ အတည်ပြုချက် ရယူ ပေးရန် သဝဏ်လွှာပေး ပို့ထား သည်။
Yangon Media Group
မောင်ပိုင်

ကျောက်တန်းမြို့နယ်တွင် စက်လှေတစ်စီး ရေအောက်ကျောက်ဆောင်နှင့် တိုက်မိနစ်မြုပ်


ရန်ကုန်၊ နိုဝင်ဘာ ၁

၁.၁၁.၂၀၁၃ရက်နေ့၁၀၁၅အချိန် ကျောက်တန်းမြို့နယ်၊ တံတားမြို့နယ်ခွဲ၊ (၁)ရပ်ကွက်နေ အေးဆွေ (ဘ)ဦးမြတ်သောင်း၊ မောင်းနှင်သော အလျား ၃၅ ပေ၊ အနံ ၈ ပေ၊ ရေစူး ၆ ပေရှိပြီး မြင်းကောင်ရေ (၂၂)ကောင်အင်ဂျင် တပ်ဆင်ထားသော အောင်ငြိမ်းချမ်းအမည်ရှိ သစ်သားစက်လှေသည် ရှမ်းချောင်းကျေးရွာမှ ကျောက်တန်းမြို့သို့ ကျပ်သိန်း(၆၀)တန်ဘိုးရှိ ဆန်အိတ် (၃၁၄)အိတ်ကို တင်ဆောင်မောင်းနှင်လာရာ ကျောက်တန်းမြို့၊ အလယ်ပိုင်းရပ်ကွက်၊ ကျောက်တံတားဆိပ်အနီးကမ်းစပ်နှင့်ကိုက်(၁၀၀)ခန့်
အကွာအရောက်တွင် ရေအောက်ရှိ ကျောက်ဆောင်နှင့်တိုက်မိကာ စက်လှေဝမ်းဗိုက်ပေါက်၍နစ်မြုပ်သွားခဲ့ပါသည်။

ထိုသို့ စက်လှေနစ်မြုပ်စဉ် စက်လှေပေါ်ပါသူ ဦးသန်းလွင်၊ ဦးမောင်မြင့်နှင့် စက်လှေမောင်း အေးဆွေတို့ ထိခိုက်ဒဏ်ရာရရှိမှုမရှိကြကြောင်း၊
ရေယာဉ်ပေါ်တွင် အန္တရာယ်ဖြစ်စေလောက်အောင် ၀န်ပိုများတင်ဆောင်၍
ပေါ့လျော့စွာမောင်းနှင်သူ စက်လှေမောင်း အေးဆွေအား
ကျောက်တန်းမြို့မရဲစခန်း(ပ) ၂၇၉/၂၀၁၃၊ ပုဒ်မ ၂၈၂ဖြင့် အမှုဖွင့်အရေးယူဆောင်ရွက် ထားရှိကြောင်း သတင်းရရှိပါသည်။
Yangon Police

မော်ဒယ်လည်းလုပ်တဲ့ ကိုရီးယား အဆိုတော်များ


FRIDAY, NOVEMBER 1, 2013

  ထင်ရှားတဲ့ ကိုရီးယားအဆိုတော်မလေးတွေ အတော်များများက ကိုယ်ခန္ဓာ ပြေပြစ်တာကြောင့် သူတို့ထဲက တချို့ဟာ မော်ဒယ်လိုင်းဘက်မှာလည်း ခြေချထားကြတယ်လို့ နယူးယောက်အခြေစိုက် KpopStarz အွန်လိုင်းမှာ ရေးထားပါတယ်။


အသက် ၃၄ နှစ်အရွယ်   Lee Hyori က ၂၀၀၆ မှာတော့ ကြေးအများဆုံး ရတဲ့ အမျိုးသမီး အဆိုတော် ဖြစ်တယ်လို့ သိရပါတယ်။ သူက အုပ်စုနဲ့လည်း ဆိုသလို၊ တကိုယ်တော်အနေနဲ့လည်း အောင်မြင်သူပါ။ ဒီအဆိုတော်က သက်သတ်လွတ် စားတယ်။  သူ့ခင်ပွန်းသည် Lee Sang-soon လိုပဲ သူလည်း တိရစ္ဆာန် အခွင့်အရေး လှုံ့ဆော်တဲ့ သူပါ။ ဒီအရေးကို လှုံ့ဆော်ရင်းနဲ့ သူတို့နှစ်ယောက် တွေ့ကြတယ်၊ သူတို့ရဲ့ လက်ထပ်ပွဲက တခြား ကိုရီးယားအထင်ကရများလို ဧည့်သည် ရာထောင်ချီ မဖိတ်ဘူး၊ ဧည့်သည် ၉၀ လောက်ပဲ တက်ရောက်တဲ့ မင်္ဂလာပွဲဖြစ်ပါတယ် တဲ့။



ကမ္ဘာကျော် MARIE CLAIRE မဂ္ဂဇင်းမှာ သူ့ပုံရိပ်တွေ ထည့်သွင်း ဖော်ပြလာတဲ့အတွက် ဒီအချက်ကြောင့် သူက  တခြားသော ကိုရီးယားအထင်ကရများထက် သာသွားတယ်လို့ ဆိုနိုင်ပါတယ်။

~~~~~~~~~~~~~~~~~~~~~~~~~~~~~~~~~~~~~~~~~~

နောက် အထင်ကရ တယောက်ကတော့ Park Han Byul  ဖြစ်ပါတယ်။
တကယ်တော့ သူ့ကို အဆိုတော်ထက် ရုပ်သံဇာတ်လမ်းတွဲမင်းသမီးအဖြစ်ပဲ လူသိများမယ် ထင်ပါတယ်။ ကိုရီးယားရုပ်ရှင်ဇာတ်ကားတချို့မှာလည်း သူ ပါဝင်ခဲ့ပါတယ်။



 အထင်ကရ တံဆိပ်တခုကို ကြော်ငြာပေးနေတဲ့ Park Han Byul



 အထင်ကရ တံဆိပ်တခုကို ကြော်ငြာပေးနေတဲ့ Park Han Byul
~~~~~~~~~~~~~~~~~~~~~~~~~~~~~~~~~~~~~~~~~~

G.NA လို့ အတိုကောက် ခေါ်ကြတဲ့ အဆိုတော် Gina Jane Choi က အသက် ၂၄ နှစ်ပါ၊ အစောပိုင်းမှာတော့ သူက သူတို့ဆီက နာမည်ကြီးတဲ့ Cube Entertainment ဆိုတဲ့ အဖွဲ့နဲ့ စာချုပ်ချုပ်ပြီး အနုပညာလုပ်ငန်းတွေ လုပ်ကိုင်ခဲ့ပါတယ် တဲ့။
သူ့အကြောင်းကိုတော့ အွန်လိုင်းမှာ များများစားစား မတွေ့ရပါ။



GNA
~~~~~~~~~~~~~~~~~~~~~~~~~~~~~~~~~~~~~~~~~~
အဆိုတော် NS Yoon-G က ငယ်ငယ်ကတည်းက အမေရိကန် ပြည်ထောင်စု ကယ်လီဖိုးနီးယးပြည်နယ်ကို ရွှေ့ခဲ့သူပါ။ အဲဒီဒေသမျာ နာမည်ကြီးတဲ့ UCLA တက္ကသိုလ်ကနေ ဆက်သွယ်ရေးဆိုင်ရာ ဘာသာရပ်နဲ့ ဘွဲ့ရခဲ့သူပါ။


 NS Yoon-G

 NS Yoon-G
ကိုရီးယားလှိုင်းက ကြီးမားတဲ့အတွက် တခြားနိုင်ငံများကို ကိုရီးယားအထင်ကရတွေ သွားရောက် ဖျော်ဖြေကြပါတယ်။  NS Yoon-G လည်း ဗီယက်နမ်တို့ ဘာတို့ကို သွားရောက် ဖျော်ဖြေ တင်ဆက်ခဲ့ပါတယ်။
သူ့အသက်က ၂၅ နှစ်လို့ ဆိုပါတယ်။

NS Yoon-Gကိုရီးယားလှိုင်းက မြန်မာတွေကြားထဲကိုလည်း ရိုက်ခတ်နေတာကြောင် ဒီ ဧရာဝတီဘလော့မှာ ကိုရီးယားပေါ့ပ်လောက အထင်ကရများအကြောင်း အလျဉ်းသင့်သလို ဆက်လက် ဖော်ပြပါမယ်။

Irrawaddy

ကော်ပီကြေး သိန်း ၅၀ တောင်းတဲ့ ကျောင်းအုပ်မြင့်မြင့်စန်း (ကျောင်းသားမိဘတဦးပေးစာ)


TTC ဆို တာ အစဉ်အလာ ကောင်းတဲ့ နာမည်ကြီး ကျောင်းပါ။ ဒီကျောင်းက ဆရာမ တွေ ဟာ ငွေ တစ်ခုထဲ ကြောင့် အလုပ်လုပ်တာ မဟုတ်ပါဘူး။ ဒီကျောင်းကြီး က ဆရာမ ဖြစ်ရတာနဲ့ တင် ဂုဏ်ယူစွာ အလုပ်လုပ် နေကြတဲ့ အဆင့်အတန်းရှိတဲ့ ပညာတတ်တွေပါ။

အ ပြောအဆို ကြမ်းတဲ့ ကျောင်းအုပ် ကို ပညာရှိ နည်း နဲ့ ဖယ်ခွာ ကြတာပါ။ ဒါကို သိတဲ့ သူက အပြောင်းအလဲ တွေ စလုပ်ပါတယ်။ ဆရာမတွေ ကို အတန်းတွေ ဘာသာ ရပ်တွေ ပြောင်းပစ်ပါတယ်။ အ ပေါစားဆန်တဲ့ စည်းရုံးရေး နဲ့ သူနဲ့ အလျင်းသင့်သူတွေ ကို ဘာသာရပ်ကောင်း အတန်းကောင်းတွေပေးပါတယ်။

ခေါင်းဆောင် တစ်ဦးဟာ မိမိ အာဏာ တည်မြဲ ဖို့ ပြောင်းအလဲ လုပ်တာ လက်ခံ ပါတယ်။ ဒါပေမဲ့ ကိုယ် လုပ်အပေါ် တာဝန်ယူမှု ရှိ ရပါမယ်။

ဥပမာ kg က လေးတန်းကို သုံးတန်း ဆရာမ နဲ့ ချိန်းပါတယ်။ ဆရာမြ ကီး ဒေါ်ခင်ဝင်းအောင် လက်ထက် က Kg ဆရာမ တွေ ကို ပညာရေး သုတေသန က ကို ဖွင့်တဲ့ preschool training ကို အရင်တက်ခိုင်းခဲ့ ပါတယ်။ ရန်ကင်းကျောင်းအုပ်ြ ကီးတွေ လည်းဒီသင် တန်း ကို တက်ဖူးကြပါတယ်။

စာစ သင် စ ကလေးအရွယ် ဟာ အ ရေး အသား အလွန် အရေးြ ကီးပါတယ်။ ကျမ သမီး အတန်းပိုင် ရ ကောက်ရေးတာ ၇ လို့ ရေးပါတယ်။ တော်သေးလို့ ညွှန်ချုပ်ြ ကီးသိသွာြး ပီး နောက်နှစ် Kg ဆရာမ များ training ပြန် တက် ရ မယ် ပြောပါတယ်။ နောက် ကလေးတွေ အတွက် ဝမ်းသာ စရာ ဖြစ်ပေမဲ့ ကျမ သမီးနဲ့ ကျမ တော်တော် ပြန်သင်ရပါတယ်။ သူ့ ဆရာမ ကမှ အမှန်ထင်တာလေ။

ကျောင်းစ က ကျောင်းအုပ် ကြီး ကို ဒီကိစ္စ ကျမပြောပါတယ်။ သူက training တော့ မသွားခိုင်းဘူး
စာတွေ မိတ္တူ ကူးပြီး ဖတ်ခိုင်းတယ်စာကူးခ သိန်း၅၀ ကျော်လောက် ကုန်တယ် လို့ ပြောတော့ စီးပွားရေးလုပ်တဲ့ ကျမ သူဘာပြောချင် လည်းကောင်းငေ်းသဘောပေါက်ပြီး ဆက်မပြောတော့ပါ။
သူက ကျမက ဒီ ကျောင်းမှာ မြေစမ်းခရမ်းပျိုး အလုပ်လုပ်နေရတာတဲ့။

အော် TTC လို မြေဆီမြေနှစ်ကောင်းပြီးသားကျောင်း ကို သူက ခရမ်းပျိုးနေရ တယ်ဆိုတော့ ကျောင်းသူဟောင်းတစ်ဦးအ နေ နဲ့ ရင် ထဲ မှာ နင့်နေအောင် ခံစားမိပါတော့တယ်။

Credit : Practising High School, Yangon Institute of Education (TTC), မတရားမှု၊ညှင်းပမ်းနှိပ်စက်မှု၊လာဘ်စားမှုတွေ ဒီမှာလာရင်ဖွင့်ပါ။

DIC သွေးခဲရောဂါ


လူနာ DIC ဝင်မဝင်ဆိုတာကို ဘယ်လိုဆေးစစ်ချက်တွေနဲ့ ဆိုသိနိုင်မလဲ ဆရာ။ DIC နဲ့ပါတ်သက်တဲ့ အသိပညာရမဲ့ ဆရာ့ ဆောင်းမှန်သမျှ အသိပညာရပါတယ်။ အားရင်တင်ပေးပါဆရာ။

Disseminated intravascular coagulation (DIC) ကို Disseminated intravascular coagulopathy နဲ့ Consumptive coagulopathy လို့လဲခေါ်တယ်။
DIC ဆိုတာ ရောဂါတခုခုကနေဆက်ဖြစ်တဲ့ သွေးခဲစနစ်ရောဂါတခုဖြစ်တယ်။ တကိုယ်လုံက သွေးကြောလေးတွေထဲမှာ သွေးခဲတွေဖြစ်လာစေတယ်။ ခွဲစိတ်ရာကနေဆက်ဖြစ်ရင် ခွဲတဲ့နေရာ အရေပြား၊ အစာခြေလမ်းနဲ့ အသက်ရှူလမ်းတွေမှာ သွေးယိုတာဖြစ်နိုင်တယ်။ သွေးခဲကနေ ကျောက်ကပ်စတာတွေကို ဒုက္ခပေးနိုင်တယ်။
အဆုပ်ကင်ဆာ၊ သရက်ရွက်ကင်ဆာ၊ ဆီးကျိတ်ကင်ဆာ၊ အစာအိမ်ကင်ဆာတွေကနေဆက်ဖြစ်နိုင်တယ။်
ကိုယ်ဝန် အတွင်းထဲအချင်းကွာခြင်း၊ ကိုယ်ဝန်သွေးဆိပ်တက်ခြင်း၊ ရေမြွာရည်သွေးကြောပိတ်ခြင်းနဲ့ ကလေး အထဲမှာသေဆုံးခြင်းတွေကနေလဲ ဖြစ်နိုင်တယ်။
ထိခိုက်ဒဏ်ရာကြီးကျယ်ခြင်း၊ အပူချိန်လွန်ကဲခြင်း၊ အကြီးစား ခွဲစိတ်မှုတွေကနေလဲဖြစ်နိုင်တယ်။
ဗက်တီးရီးယား၊ ဗိုင်းရပ်စ်အပြင်တခြားပိုးတွေကနေလဲဖြစ်နိုင်တယ်။ ပိုးဝင်တာတွေရဲ့ ၃ဝ-၅ဝ%မှာဖြစ်တယ်။
ဆေးရုံတက်လူနာ ၁% အထိဖြစ်နိုင်တယ်။
ဆိုးတဲ့အသဲရောဂါတွေ၊ မြွေကိုက်တာ၊ ရှော့ခ်ရတာတွေကနေလဲဖြစ်နိုင်တယ်။
သွေးသွင်ရာကနေ အဆင်မပြေလို့လဲဖြစ်တယ်။
လူနာဟာ အခြေအနေဆိုးတခုမှာရောက်နေပြီ။ ရှော့ခ်ရနေတာလဲဖြစ်မယ်။ သွေးယိုတာတွေရှိနေမယ်။
သွေးစစ်ကြည့်ရင် သွေးမှုံနည်းနေမယ်။ (ပရိုသရွန်ဘင်) အချိန်ရှည်နေမယ်။ (ဖိုက်ဘရင်နိုဂျင်) နည်းနေမယ်။
ဘာကြောင့်ဖြစ်သလဲသိရင် ပြင်ရမယ်။
သွေးမခဲဆေးပေးရတာ နည်းပါတယ်။
Platelets 5,000-10,000/mm3 ထက်နည်းရင် သွေးမှုံသွင်းပေးရတယ်။
Antithrombin သွင်းတာလဲ တခါတလေလုပ်တယ်။
၁ဝ-၅ဝ% ဆုံးပါးနိုင်တယ်။
ကိုယ်ဝန်ပျက်-ဖျက်ရာပိုးဝင်ရာကနေဖြစ်ရင် ၅ဝ% သေနိုင်တယ်။
Dr. Tint Swe

တရုတ်ပြည်က တင်သွင်းသော လျှပ်စစ်မီးပူများကတစ်ဆင့် ရုရှားကို ထောက်လှမ်းဟုဆို


မော်စကို၊ အောက်တိုဘာ ၃၁

တရုတ်ပြည်ကတစ်ဆင့် ရုရှားနိုင်ငံအတွင်းသို့ တင်သွင်းလာသော လျှပ်စစ် မီးပူများတွင် မိုက်ခရိုဖုန်းများနှင့် ကြိုးမဲ့ဆက်သွယ်ရေးစနစ် Wi-Fi များကို တပ်ဆင် ထားသောကြောင့် ထောက်လှမ်းရန် စီစဉ်ထားသည်ဟု သံသယရှိကြောင်း နိုင်ငံတော်ပိုင် ရုပ်သံဌာန တစ်ခုဖြစ်သည့် Rossiya ရုပ်သံက ထုတ်လွှင့် ကြေညာလိုက်သည်။

ထိုအဝတ်မီးပူ များထဲတွင်ပါသည့် ကွန်ရက်များသည် ပေပေါင်း ၆၅၀ အတွင်းရှိ အခြားသော ကွန်ပျူတာများနှင့်လည်း ချိတ်ဆက်နိုင်စွမ်းရှိကာ ဗိုင်းရပ်စ်များ ထုတ်လွှတ်ခြင်း၊ ကူးစက်ခြင်း များကိုလည်း ဖြစ်ပေါ်စေနိုင်ကြောင်း ယင်းသတင်းက ဆိုသည်။

နိုင်ငံတော်ပိုင် ရုပ်သံဌာန၏ ကြေညာချက်ကြောင့် ယခုအခါ ရောင်းချသည့် စတိုးဆိုင်ကြီးများတွင် အကာအကွယ်အတွက် ပြင်ဆင်နေကြရပြီး မိမိတို့ထံမှ ဒေတာ အချက်အလက်များ ခိုးယူမည်ကို လွန်စွာ စိုးရိမ်နေကြရသည်။

ထိုမီးပူများ မည်မျှပျံ့နှံ့နေပြီး မည်သည့် မီးပူများတွင် ထောက်လှမ်းရေး စနစ်များပါကြောင်း မသိရသေးသော်လည်း၊ ကြိုးမဲ့စနစ်နှင့် ဝင်ရောက် ထောက်လှမ်း နိုင်သောကြောင့် ဆက်သွယ်ရေး စနစ်များကို လုံခြုံစိတ်ချရစေရေးအတွက် Password ထားပြီး သုံးကြရန် တိုက်တွန်း နှိုးဆော်ထားသည်။
The Voice Weekly

စက်သုံးဆီများ အရည်အသွေးပြည့်၊ မပြည့် ရွေ့လျားဓာတ်ခွဲခန်းဖြင့် စစ်ဆေးမည်ဟုဆို


တစ်နိုင်ငံလုံးရှိ ပုဂ္ဂလိကစက်သုံးဆီများ၏ အရည်အသွေးပြည့်မီခြင်း ရှိ၊ မရှိကို ရွေ့လျားဓာတ်ခွဲခန်းများဖြင့် စတင်စစ်ဆေးတော့မည်ဖြစ်ကြောင်း စွမ်းအင်ဝန်ကြီးဌာန၊ မြန်မာ့ရေနံထွက်ပစ္စည်းရောင်းဝယ်ရေး လုပ်ငန်းမှ သတင်းရရှိသည်။

ပြည်ပမှ တင်သွင်းလာသော စက်သုံးဆီများကို သန်လျင်ရေနံချက်စက်ရုံရှိ သုတေသနဓာတ်ခွဲခန်းတွင် စစ်ဆေးပြီးမှသာ ရောင်းချခွင့်ရှိသော်လည်းစစ်ဆေးပြီး စက်သုံးဆီဆိုင်များသည် ဈေးကွက်သို့ အမှန်တကယ်အရည်အသွေးပြည့်မီသည့် စက်သုံးဆီများ ရောင်းချခြင်း ရှိ၊ မရှိကို တစ်လလျှင် တစ်ကြိမ်ထက်မနည်း ရှောင်တခင်စစ်ဆေးမှုများကို ဒီဇင်ဘာမှစတင်၍ စွမ်းအင်ဝန်ကြီးဌာနက ပြုလုပ်သွားမည်ဖြစ်သည်။

““အရင်ကတော့ တင်သွင်းလာတဲ့ဆီကို စစ်ဆေးပြီး လက်မှတ်ထုတ်ပေးလိုက်တယ်။ ဆိုင်တစ်ခုချင်းစီ ချက်ချင်းစစ်ဆေးလို့မရတော့ ဒီလိုမိုဘိုင်းစစ်ဆေးတာမျိုးမရှိခဲ့ဘူး။ ဒီသုတေသနဓာတ်ခွဲခန်းက နာရီပိုင်းအတွင်း အရည်အသွေးပြည့်မီခြင်း ရှိ၊ မရှိ ကို စစ်ဆေးပေးမယ်””ဟု မြန်မာ့ရေနံထွက်ပစ္စည်းရောင်းဝယ်ရေးလုပ်ငန်းမှ တာဝန်ရှိသူတစ်ဦးကပြောသည်။

စက်သုံးဆီ အရည်အသွေးများ စစ်ဆေးရန်အတွက် ထိုင်း နိုင်ငံအခြေစိုက် PTTEP ရေနံနှင့် သဘာဝဓာတ်ငွေ့ တူးဖော်ထုတ်လုပ်ရန် ဖြန့်ဖြူးသည့် ကုမ္ပဏီက ရွေ့လျားဓာတ်ခွဲခန်းပါကားတစ်စီး လှူဒါန်းမည်ဖြစ်ပြီး ၀န်ကြီးဌာန ကလည်း ကားငါးစီးတင်ဒါခေါ်ယူ ထားသည်။ PTTEP ကုမ္ပဏီမှ လှူ ဒါန်းထားသည့် ကားသည် နိုဝင် ဘာတွင်ရောက်ရှိမည်ဖြစ်ပြီး တင် ဒါခေါ်ယူထားသည့် ကားများသည်လည်း နိုဝင်ဘာဒုတိယအပတ်တွင် တင်ဒါပိတ်မည် ဖြစ်သည်။

အရည်အသွေး မပြည့်မီသည့် ပုဂ္ဂလိက စက်သုံးဆီဆိုင်များ တွေ့ရှိပါက စွမ်းအင်ဝန်ကြီးဌာနက အရေးကြီးကုန်စည်နှင့် ၀န်ဆောင်မှုဥပဒေပြဋ္ဌာန်းချက်များအတိုင်း အရေးယူသွားမည်ဖြစ်သည်။ ချိန်တွယ်မပြည့်မီသော ပုဂ္ဂလိက စက်သုံးဆီဆိုင်များကို ၀န်ကြီးဌာနက ယခုနှစ်ဆန်းပိုင်းတွင် စစ်ဆေးကာ ဆိုင်ပိတ်သိမ်းခြင်းဖြင့် အရေးယူထားသည်။

အရည်အသွေးစစ်ဆေးခြင်းနှင့် ချိန်တွယ်ပြည့်မီမှု ရှိ၊ မရှိ စစ်ဆေးခြင်းကို တစ်ပြိုင်တည်းမလုပ်ဆောင်ဘဲ အပိုင်းလိုက်ခွဲ၍ လုပ်ဆောင်သွားမည်ဟု သတင်းရရှိသည်။

စွမ်းအင်ဝန်ကြီးဌာနပိုင် စက်သုံးဆီဆိုင်များကို ပုဂ္ဂလိကလုပ်ကိုင်ခွင့်ချထားပေးခဲ့ရာ ယခုအခါ တစ်နိုင်ငံလုံးတွင် စက်သုံးဆီအရောင်းဆိုင် ၁၀၃၇ ဆိုင် ရှိပြီးဖြစ်ပြီး သိုလှောင်ကန်သုံးခုနှင့် သင်္ဘောများကိုလိုက်လံဆီဖြည့်သည့် ရွေ့လျားသင်္ဘော ခြောက်စီးရှိသည်။

7Day Daily

KNU/KNLA မှ ထုတ်ပယ်ထားသူတစ်ဦး ဒုဗိုလ်မှူးကြီးအယောင်ဆောင်၍ လိုင်စင်မဲ့ကား ၄၇ စီး ထုတ်ယူခဲ့ဟုဆို


လက်နက်နှင့် ငြိမ်းချမ်းရေး လဲလှယ်ရေးတပ်ဖွဲ့ KNU/KNLA မှ ထုတ်ပယ်ထားသည့် စောမောင်မောင်ဆိုသူသည် ဒုတိယဗိုလ်မှူးကြီးအယောင်ဆောင်၍ လိုင်စင်မဲ့ကား ၄၇ စီး ထုတ်ယူထားခဲ့ကြောင်း KNU/KNLA မှ သတင်း ရရှိသည်။

ငြိမ်းချမ်းရေးဖော်ဆောင် နေစဉ်ကာလအတွင်းရုံးလုပ်ငန်း များလုပ်ဆောင်ရန် တပ်ဖွဲ့မှ ထုတ်ပေးထားသော ကားများမဟုတ်ဘဲ ၎င်းင်ုးNU/KNLA မှ ဗိုလ်မှူးချုပ် စောထူးဂေ၏ လက်မှတ်ကို အတုပြုလုပ်၍ စာရွက်စာတမ်းများ ထုတ်ပေးစီးနင်းစေခြင်း၊ အဖွဲ့အစည်း၏အမည်ကို အလွဲသုံးစားပြုလုပ်၍ စီးနင်းစေခြင်းတို့ကို ပြုလုပ်နေခြင်းဖြစ်ကြောင်း KNU/ KNLA မှ တာဝန်ရှိသူများကပြောသည်။

နိုင်ငံတော်မှ လက်နက်နှင့် ငြိမ်းချမ်းရေး လဲလှယ်သည့် တပ်ဖွဲ့များကို လုပ်ငန်းဆောင်ရွက်ရန်အတွက် လိုင်စင်မဲ့ကားများ စီးနင်းခွင့်ထုတ်ပေးခြင်းကို အဆိုပါ စောမောင်မောင်ဆိုသူက ဒုဗိုလ်မှူးကြီးအယောင်ဆောင်၍ လက်မှတ်များအတုပြုလုပ်၍ ကားစီးနင်းခွင့်ထုတ်ခဲ့ခြင်းဖြစ်ကြောင်း ဗိုလ်မှူးစောအောင်လင်းကပြောသည်။

ထိုသူသည် တပ်မတော်၏ ရာထူးအဆင့်ဖြစ်သည့် ဒုဗိုလ်မှူးကြီး ရာထူးတံဆိပ်များကို KNU/ KNLA ၏ ယူနီဖောင်းတွင် တပ်ဆင်သုံးစွဲခဲ့၍ အဖွဲ့အစည်းကို နိုင်ငံတော်မှပေးအပ်သည့် အခွင့်အရေးများကို အယောင်ဆောင် တောင်းခံခဲ့ခြင်းဖြစ်သည်ဟု ဗိုလ်မှူးချုပ်စောထူးဂေက အောက်တိုဘာ ၃၁ ရက်တွင် ပြုလုပ်သည့်  သတင်းစာရှင်းလင်းပွဲ၌ ပြောကြားသည်။

စောမောင်မောင်ဆိုသူကို ဖမ်းဆီးနိုင်ရေးအတွက် KNU/KNLA က ရန်ကုန်တိုင်းရဲတပ်ဖွဲ့ မှူးရုံး၊ ရန်ကုန်တိုင်း စစ်ဘက်ရေးရာလုံခြုံရေးတပ်များသို့ အကူအညီတောင်းခံပြီး ဆောင်ရွက်နေသည်ဟုဆိုသည်။
““သူက ကျွန်တော်တို့တပ်ဖွဲ့ နာမည်ကို အလွဲသုံးစားလုပ်တာကြောင့် လက်ရှိငြိမ်းချမ်းရေးဖော်ဆောင်နေတဲ့အချိန်မှာ ဒါက တော်တော်အဟန့်အတားဖြစ်ပါတယ်။
ဒါကြောင့် သူ့ကိုဖမ်းပြီးတာနဲ့ စစ်ဆေးနိုင်ဖို့ ဗဟိုကို ပြန်ခေါ်သွားမှာပါ””ဟု ဗိုလ်မှူးစောအောင်လင်းကပြောသည်။

၎င်း၏လုပ်ဆောင်ပုံနှင့် ပတ်သက်ပြီး ကားစီးနင်းခွင့် (သို့မဟုတ်) လိုင်စင်များကို မည်သို့လုပ်ဆောင်သလဲ ဆိုသည်ကိုမူ ဖမ်းဆီးမိ၍ စစ်ဆေးပြီးမှသာ သိနိုင်မည်ဟု KNU/KNLA ဒုဥက္ကဋ္ဌ ဦးအောင်ကျော်သိန်းက ပြောသည်။
““ပြည်သူတွေကို ကားရမယ်။ လိုင်စင်ရအောင် လုပ်ပေးမယ်ဆိုပြီး ပြောတာလို့ ကြားရတယ်။ သူ့အိမ်မှာဝင်ရှာတော့ သူ့ နာမည်နဲ့လုပ်ထားတယ်ဆိုတဲ့ ၄၇ စီးရှိတဲ့ စာရွက်တွေ တွေ့ရှိတယ်။ အဲဒါကို ဘယ်လိုပုံစံနဲ့လုပ်လဲတော့ မသိဘူး။ ဖမ်းဖို့လည်း လုပ်နေတယ်။ နောက်ဒါမျိုးမဖြစ်အောင်တော့ တားဆီးသွားမှာပါ”” ဟု ဦးအောင်ကျော်သိန်းက ပြောသည်။

7Day Daily

ကျောင်းသားတပ်မတော် ၂၅ နှစ်မြောက် ငွေရတု ကျင်းပ


မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး(အေဘီအက်စ်ဒီအက်ဖ်) ၂၅ နှစ်မြောက် ငွေရတု အခမ်းအနားကို ကျောင်းသားတပ်မတော် မြောက်ပိုင်း (လိုင်ဇာမြို့)မှာ  ကျင်းပပြုလုပ်ခဲ့ပါတယ်။

အေဘီအက်စ်ဒီအက်ဖ် အဖွဲ့ရဲ့ ၂၅ နှစ်မြောက် မွေးနေ့ပွဲအခမ်းအနား မိန့်ခွန်းမှာ ဥက္ကဋ္ဌ ကိုသံခဲက “ဒီနေ့ကာလဟာ ကျနော်တို့တွေအနေနဲ့ ကျနော်တို့လိုချင်တဲ့ ပန်းတိုင် မရောက်သေးပါဘူး။ သို့သော်လည်းပဲ ကျနော်တို့တတွေဟာ ဒီနေ့ပြောနေတဲ့ နည်းပရိယာယ်အရ အားလုံးလိုလားတဲ့ တွေ့ဆုံဆွေးနွေးပွဲတွေ ဖြစ်မြောက်ဖို့ ဒီမိုကရေစီအင်အားစုတွေ မဟာမိတ်အင်အားစုတွေနဲ့အတူ လက်တွဲ ကြိုးပမ်းမယ်။ တပြိုင်နက်ထဲမှာပဲ ဒီကြိုးပမ်းမှုမှာ ကျနော်တို့ ရပ်တည်မှုကတော့ အဖိနှိပ်ခံ တိုင်းရင်းသား လူမျိုးစုံဘက်က မကဒတ အနေနဲ့ အလေးအနက်ရပ်တည်သွားမယ်” လို့ ပြောဆိုသွားခဲ့ပါတယ်။

အပစ်အခတ်ရပ်စဲရေးကို ရည်ရွယ်ချက် သုံးရပ်နဲ့ ပြုလုပ်ခဲ့ကြောင်း ဗဟိုဦးဆောင်ကော်မတီ တဦးဖြစ်တဲ့ ဦးဆလိုင်းယောအောင်က အခုလို ပြောဆိုပါတယ်။

“ပထမအဆင့်က ပြည်တွင်းငြိမ်းချမ်းရေးနဲ့ အမျိုးသားပြန်လည်သင့်မြတ်ရေး ဒုတိယအဆင့်က အားလုံးပါဝင်တဲ့ နိုင်ငံရေးဆွေးနွေးပွဲတရပ်ဖြစ်ပေါ်ရေး၊ တတိယအဆင့်ကတော့ တိုင်းရင်းသား တန်းတူရေးနဲ့ ကိုယ်ပိုင် ပြဌာန်းခွင့်ကို အခြေခံတဲ့ ဖွဲ့စည်းပုံဥပဒေတရပ်နဲ့ ဒီမိုကရေစီ အသွင်ကူးပြောင်းရေးတရပ်ကို အခြေခံပြီးတော့ အစိုးရနဲ့ အပစ်အခတ်ရပ်စဲပြီးတော့ ငြိမ်းချမ်းရေးဆောင်ရွက်ခဲ့တာဖြစ်ပါတယ်။”

ကျောင်းသားတပ်မတော် မြောက်ပိုင်း  ကိစ္စနဲ့ပတ်သက်ပြီး တရားမျှတမှုနဲ့ အမှန်တရားပေါ်ပေါက်ရေး ကော်မရှင် ဖွဲ့စည်းထားပြီး ထိုအဖွဲ့ကပဲ ဖြစ်ပျက်ခဲ့တဲ့ အဖြစ်အပျက်တွေနဲ့ပတ်သက်ပြီး အစီရင်ခံစာကို အခုနှစ်မကုန်မီ ထုတ်နိုင်ဖို့ ဆောင်ရွက်နေတယ်လို့ ဦးဆလိုင်းယောအောင်က ဆက်လက် ပြောပါတယ်။

အခမ်းအနားကို ဗကသ၊ လူဘောင်သစ်စတဲ့ အဖွဲ့တွေအပြင် ကေအိုင်အေ/ကေအိုင်အိုနဲ့ လိုင်ဇာညီလာခံကို တက်ရောက်နေတဲ့ တိုင်းရင်းသားလက်နက်ကိုင် အင်အားစုတွေအပါအ၀င် စုစုပေါင်း ၁၅၀၀ တက်ရောက်ခဲ့ပါတယ်။

ပြီးခဲ့တဲ့ ဩဂုတ်လမှာ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (အေဘီအက်စ်ဒီအက်ဖ်) နဲ့ အစိုးရ အပစ်အခတ် ရပ်စဲရေး လက်မှတ်ထိုးခဲ့ပါတယ်။

ကျောင်းသားတပ်မတော်ကို ၁၉၈၈ လူထုအရေးတော်ပုံကြီး ဖြစ်ပွားပြီးနောက်ပိုင်း နိုဝင်ဘာ ၁ ရက်နေ့က ထိုင်း-မြန်မာနယ်စပ်မှာ စတင်တည်ထောင်ဖွဲ့စည်းခဲ့တာ ဖြစ်ပါတယ်။

by ကိုဈာန်  -  DVB

အချိန်ပိုခိုင်းတဲ့ အလုပ်ရှင်တွေကို အရေးယူဖို့ လွှတ်တော်မှာဆွေးနွေး


နေပြည်တော်မှာ ကျင်းပခဲ့တဲ့ ပြည်ထောင်စု လွှတ်တော်အစည်းအဝေး အတွင်းမှာ အစိုးရကနေ သတ်မှတ်ထားတဲ့ အလုပ်ချိန်ထက်ပိုပြီး အချိန်ပိုခိုင်းတဲ့ အလုပ်ရှင်တွေကို အရေးယူသွားမှာ ဖြစ်တယ်လို့ အလုပ်သမား၊ အလုပ်အကိုင်နဲ့ လူမှုဖူလုံရေး ဒုဝန်ကြီးဦးထင်အောင်က အောက်တိုဘာ ၃၀ရက်နေ့မှာ ပြောကြားခဲ့ပါတယ်။

အလုပ်သမားအရေးနဲ့ ပတ်သက်ပြီး လွန်ခဲ့တဲ့ ဆဌမအကြိမ် ပြည်ထောင်စု လွှတ်တော်မှာ ပြည်ထောင်စုလွတ် တော်နာယက ဦးခင်အောင်မြင့် ဥက္ကဌအဖြစ်တာ ၀န်ယူဆောင်ရွက်တဲ့ အလုပ်ရှင်၊ အလုပ်သမား အခွင့်အရေး မျှတရေးကော်မရှင်ကနေ ပြည်ထောင်စုလွှတ်တော်ကို အစီရင်ခံစာ တင်သွင်းထားတာ ဖြစ်တယ်လို့ အမျိုးသား လွှတ်တော်ကိုယ်စားလှယ် ဦးဖုန်းမြင့်အောင်က ပြောပါတယ်။

“ကျနော်တို့ အလုပ်ရှင်အလုပ်သမားနဲ့ ပတ်သက်တဲ့ ပြည်ထောင်စု လွှတ်တော်ရဲ့ အစီရင်ခံစာမှာရှိတဲ့ အပိုင်းတွေကို ပြောတာက အလုပ်သမားဝန်ကြီးဌာနက ဒုဝန်ကြီးပါ၊ ကျနော်တို့က အစီရင်ခံစာ တင်ထားတာပေါ့နော်၊ အလုပ်ရှင် အလုပ်သမားနဲ့ ပတ်သက်လို့ အစီရင်ခံစာအပေါ် မူတည်ပြီးတော့ သူတို့က ဘယ်လို ဆောင်ရွက်ထား ပါတယ် ဆိုတာကို ဖြေကြားတာပါ။ အဓိကတော့ အလုပ်သမားဟာ အခြေခံလစာ နည်းနေတော့ အချိန်ပိုလုပ်အားခဟာ သူတို့ ပြောသလို သူတို့ခိုင်းချင်သလို ခိုင်းလို့ရတဲ့ အခြေအနေမျိုးဖြစ်နေတာ။”

အလုပ်သမားတွေ အချိန်ပို လုပ်ကိုင်တာနဲ့ပတ်သက်ပြီး ပုံမှန်လုပ်ငန်းတွေ အတွက် တနေ့ ၃နာရီနဲ့ စနေနေ့မှာ ၅နာရီ တပတ်မှာ အချိန်ပို ၂၀နာရီသာ အလုပ်ခိုင်းစေရမဲ့အကြောင်း၊ အဆက်မပြတ်လုပ်ငန်းတွေအတွက် တနေ့ ၂နာရီ ၄၀မိနစ်နဲ့ ၆ရက်မှာ ၁၆နာရီသာ အချိန်ပို အလုပ်ခိုင်းစေရမယ်လို့ ပါရှိပါတယ်။

အချိန်ပို အလုပ်ခိုင်းစေမယ်ဆိုရင်လည်း အလုပ်သမားတွေရဲ့ သဘောတူညီချက်လက်မှတ်ကို တင်ပြရမှာဖြစ်ပြီး လိုက်နာမှုမရှိရင် အလုပ်ရှင်ကို အရေးယူသွားမယ်လို့ ပြောပါတယ်။

အလုပ်သမား အလုပ်ရှင်ပြဿနာတွေ၊ အချိန်ပို အလုပ်ကိစ္စနဲ့ အနိမ့်ဆုံး လုပ်အားခတွေသတ်မှတ်နိုင်ရေးနဲ့ ပတ်သက်ပြီး ဥပဒေသစ်ရေးဆွဲရေး အတွက်လည်း ကြိုးစားနေပြီး သက်ဆိုင်ရာဝန်ကြီးဌာနက ပြန်လည် စီစစ်နေပြီလို့ ဦးဖုန်းမြင့်အောင်ကပြောပါတယ်။

မြန်မာနိုင်ငံက စက်ရုံ အလုပ်သမားတွေအနေနဲ့ အလုပ်ချိန်အကြာကြီး လုပ်ကြရပြီး လုပ်အားခ အနည်းငယ်သာ ရရှိနေတဲ့အခြေအနေတွေကို အလုပ်သမားရေးဆောင်ရွက်နေသူတွေက စစ်တမ်းကောက်ယူပြီး ခေတ်သစ် ကျွန်သဘောက်လို့ အမည်ရတဲ့ အစီရင်ခံစာတစောင်ကို ထုတ်ပြန်ခဲ့တဲ့ အကြောင်းလည်း ရေဒီယို သြစတြေးလျသတင်းထောက် မြတ်မိုးက သတင်းပေးပို့ ထားပါတယ်။

ABC Radio

အစိုးရဝန်ထမ်းများ တာဝန်ကျေပွန်ရေး လစာလုံလောက် ရန်လိုဟုဆို


ရန်ကုန် ၊ အောက်တိုဘာ ၃၁။ ။ အ စိုးရဝန်ထမ်းများ မိမိအလုပ်ကိုချစ် ပြီး တာဝန်ကျေပွန်စွာလုပ်ဆောင် နိုင်ရန်အတွက် လုံလောက်သော လစာရရှိရန် လိုအပ်သည်ဟု က ရင် တိုင်းရင်းသားရေးရာဝန်ကြီး က ပြောသည်။

''အစိုးရဝန်ထမ်းတွေ အား လုံး ကိုယ့်အလုပ်ကိုချစ်ပြီး တာ ဝန်ကျေအောင် လုပ်ဆောင်နိုင်ဖို့ လစာလောက်အောင် ပေးရမယ်။ လုံလောက်တဲ့ လစာရှိရင်အကျင့် ပျက်ခြစားမှုတွေ လျော့နည်းလာ မယ်''ဟု ကရင်တိုင်းရင်းသားရေး ရာဝန်ကြီး ဦးစောထွန်းအောင် မြင့်ကဆိုသည်။

''အကျင့်ပျက်ခြစားမှု ဆို တာက နှစ်မျိုးရှိတယ်။ လောဘ ကြောင့် မတရားလာဘ်စားတာရယ်၊မလောက်ငလို့လာဘ်စားရတာရယ် နှစ်မျိုးရှိတယ်။ အစိုးရ ဝန်ထမ်း၊ ဝန်ကြီးဌာနတွေမှာ ပြင်ပ ဝင်ငွေလုံးဝမရဘဲ လစာလေးနဲ့ ရပ်တည်နေရပြီး ဝန်ကြီးဌာနလည် ပတ်ဖို့ ဘဏ္ဍာငွေမရတဲ့ဝန်ကြီး ဌာန တွေရှိတယ်။ ခုလောလောဆယ် မှာ ဝန်ကြီးတစ်ဦးရဲ့ တစ်လဝင် ငွေ ကျပ်လေးသိန်းခွဲနဲ့ ရပ်တည် နေရပါတယ်။ ဖွဲ့စည်းပုံအခြေခံ ဥပဒေမှာ သတ်မှတ်ထားတာက တော့ ဝန်ကြီးတစ်ဦးကိုကျပ်သိန်း ၂၀ လောက်ရမယ် လို့ပြဋ္ဌာန်းထား ပေမယ့် ပြည်သူတွေအတွက်လျှော့ ယူထားရပါတယ်။ သတ်မှတ်ချက် အတိုင်း မရရင်တောင် လောက်င တဲ့ အတိုင်းအတာအထိ ရရှိရင်ပို ကောင်းပါမယ်''ဟု အစိုးရအဆင့် မြင့် ဝန်ကြီးတစ်ဦးက ပြောသည်။

သူသူထက်လွင်
Yangon Media Group

မှတ်ပလား ...


ကိုလူချော တစ်ယောက် အခုတစ်လောအလွန်ဝလာသဖြင့် အလွန်စိတ်ညစ်နေသည်။

စိတ်ညစ်ညစ်နှင့် အိမ်ရှေ့ ဧည့်ခန်းမှာထိုင်ရင်း သတင်းစာကို ယူကြည့်ရာ
ကြော်ဋ္ဌာတစ်ခုကို တွေ့ လိုက်ရသည်။
ကြော်ငြာဋ္ဌာနက... သင်၏ အဆီများကျဖို့ 
ကျွန်တော်တို့ ကတာဝန်ယူပါသည်။ တစ်ပတ်အတွင်း မည်မျှကျချင်ကြောင်းသာ
ဖုန်းနံပါတ်...........သာဆက်သွယ်လိုက်ပါဟု တွေ့ ရသဖြင့် ခေါ်ဆိုကြည့်
ရာ တစ်ဖက်မှ...
``ဟုတ်ကဲ့ Slim Body Group
မှကြိုဆိုပါတယ်....မိတ်ဆွေအနေဖြင့်..နေရပ်လိပ်စာနှင့် တစ်ပတ်အတွင်း
ပေါင်မည်မျှကျချင်ကြောင်း ပြောပြပါ`` ဟုပြန်ဖြေလေသည်။
ထိ်ုအခါ ကိုလူချော.....တစ်ပတ်အတွင်း ၅ပေါင်ကျချင်ကြောင်းပြောရာ
တစ်ဖက်မှ...````ဟုတ်ကဲ့ မနက်ဖြန်ကစပြီး လူကြီးမင်းရဲ့ ကိုယ်အလေးချိန်
၅ပေါင်ကျဖို့ တာဝန်ယူကြောင်း````...ဤအစီအစဉ်ကို
ကြိုက်နှစ်သက်လိမ့်မည်ဟုယုံကြည်ကြောင်း ပြန်ဖြေလေသည်။
နောက်နေ့ မနက် အိမ်တံခါးခေါက်၍ သွားဖွင့်ရာ....ငယ်ရွယ်ချောမောလှပသော မိန်းမပျိုလေး
တစ်ယောက် အားကစားဝတ်စုံ ၀တ်လျှက် စောင့်နေသည်ကို တွေ့ ရလေသည်။ သူမ၏
လည်ပင်းတွင် ကတ်ပြားတစ်ခုချိတ်ဆွဲထား၍ ဖတ်ကြည့်ရာ.....

မိအောင်ဖမ်း..မိရင်နမ်း...ဟုတွေ့ ရသည်။ ထိုမိန်းကလေး က ဘာမှမပြောဘဲ
ပြေးထွက်သွားရာ ကိုလူချောလည်း မှီအောင်လိုက်ရတော့သည်။

၂မိုင်လောက်ပြေးလိုက်မှ ထိုမိန်းကလေးကို မိတော့သည်။ ဒီလိုနှင့်
ထိုမိန်းကလေးနောက်ပြေးလိုက်ရာ တစ်ပတ်မျှကြာသော်...အမှန် တစ်ကယ်ပင်
၅ပေါင်ကျသွားကြောင်းတွေ့ ရသည်။ ကိုလူချောချာတစ်ယောက်
အပျော်ကြီးပျော်သွားပြီး ယင်း Group အား ထပ်မံ၍ တစ်ပတ်အတွင်း
၁၀ပေါင်ကျချင်ကြောင်း အကြောင်းပြန်လိုက်သည်။ နောက်နေ့ တွင် ယခင်ကထက်
ပိုမိုချောမောလှပသော မိန်းမပျိုလေးတစ်ယောက်
ဘောင်းဘီတိုလေးနှင့်စောင့်နေ သည်ကို တွေ့ ရပြန်သည်။ ထိုမိန်းကလေး၏
ကတ်ပြားလေးမှာလဲ...........မိရင်နမ်းပင်ဖြစ်သည်။

ထိုမိန်းကလေးနောက်ပြေးလိုက်ရာ....၅မိုင်လောက်မှမှီလေသည်။
ထုံးစံအတိုင်း တစ်ပတ်ပြည့်၍ ပေါင်ချိန်ကြည့်ရာ တစ်ကယ်
၁၀ပေါင်ကျသွားလေသည်။ ကိုလူချောတစ်ယောက် လောဘတက်လေပြီ။ ၂ ပတ်အတွင်း
ပေါင် ၅၀ ကျချင်ကြောင်းအကြောင်းကြားရာ ထို Group က ထိုအစီအစဉ်မှာ
လွန်စွာ ပင်ပန်းကြောင်းနှင့် ဖြည်းဖြည်းချင်း ပေါင်ချလျှင်လည်း
ရနိုင်ကြောင်းပြောပြသည်။ သို့ သော်ကိုလူချောက
ရပါတယ်..ဒီလောက်တော့အပျော့ပေါ့ ဟုပြန်ပြောကာ ၂ ပတ်တွင်ပေါင် ၅၀
ကျရန်သဘောတူလိုက်သည်။ နောက်နေ့ မနက်ရောက်၍ ၀မ်းသာအားရ
တံခါးသွားဖွင့်ရာ....တံခါးတွင်...ထောင်ထောင်မောင်း မောင်း သန်သန်မာမာ
ယောကျာ်းတစ်ယောက်ကိုတွေ့ ရ၍ အံအားသင့်သွားသည်။ ထိုသူ၏ လည်ပင်းတွင်
ချိတ်ဆွဲထားသော ကတ်ပြားလေး၌......
လွတ်အောင်ပြေး...မိရင် 'ဟွင်းဟွင်းဟွင်း' ..ဟူ၍ဖြစ်လေသတည်း....။

Credit - Original writer
အထာကျတဲ့ အာဂ ဟာသများ

သို့ ချစ်သော အမေ (ဟာသ)


သို့ ချစ်သော အမေ

အမေ့သားကြီ စာရေးလိုက်တယ် ဖေတို့ မေတို့ အဆင်ပြေကြရဲ့လား ဟိုတလောတုန်းက မြို့ပေါ်က သူဌေးကြီးတစ်ယောက် လယ်သမားတွေ လယ်ထဲ ပင်ပန်းနေကြတာ မကြည့်ရက်လို့ လယ်တွေ အကုန်သိမ်းသွားတယ်လို့ကြားလို့ အမေတို့ အရင်လို ပင်ပင်ပန်းပန်း လုပ်စရာ မလိုတော့ဘူးဆိုပြီး သားဖြင့်ကျေးဇူးတွေတင်နေတာ သားလဲ အဆင်ပြေပါတယ် ရက်ကွက်ကလဲ သားကို ဟောက်စ်ဆင်းနေတဲ့ ဆရာဝန်ပေါက်စမှန်းသိလို့ တစ်ခုခုဆို လာလာခေါ်ကြတယ် မနေ့ကလေးတင် ဘေးအိမ်က ကြောင်မကြီး ကလေးလိုက်မွေးပေးလိုက်ရသေးတယ်

နေတာထိုင်တာကတော့ သိတဲ့အတိုင်း လစာလေး ၅၀၀၀၀ လောက်နဲ့ မလောက်တော့ သားအခု ဆရာဝန်ပီပီ ဆေးထိုးအပ်နဲ့ အလုပ် ဖြစ်နေတယ် အခုဆို ဈေးထဲက အသားဆိုင်တော်တော်များများမှာ သား ရေမထိုးထားတဲ့ အသားဆိုင် မရှိသလောက်ပဲ

သွားတာ လာတာလဲ အဆင်ပြေပါတယ် ဟိုတလောက စက်ဘီးလေး အင်ဂျင်ချထားလို့ ဘတ်စ်ကားနဲ့ပဲ သွားဖြစ်တယ် လမ်းတွေကလဲ အရင်ကလောက် မပိတ်တော့ပါဘူး အိပ်ယာလိပ်တော့ သယ်သွားတယ် မီးပွိုင့်တစ်ခါမိရင် ခင်းအိပ်ယုံပဲ သားအခု အရက်တွေဘာတွေလဲ အရင်လို သောက်ဖြစ်တော့ဘူး အခုဆို အိပ်နေချိန် အရက်မသောက်ဖြစ်တော့တာ ကြာပြီ

ဆေးရုံမှာလဲ အဆင်ပြေပါတယ် ဆေးရုံထဲကလူတွေကတောင် ချီးကျူးနေကြတယ် သားရယ် လူနာတွေ သနားရင် ဝဒ်ထဲ မနေပါနဲ့တဲ့ အခုတောင် ဘွဲ့လွန်တက်ဖို့ စီစဉ်နေတယ် အမေရ ကျူရှင်တွေ ဘာတွေတက်ဖို့ ဆရာကြီးကို တိုင်ပင်တော့ ဆရာကြီးကလဲ အားပေးတယ် ပိုက်ဆံတွေ လျှောက်မဖြုန်းနဲ့တဲ့ ဒါပေမယ့် သဘောတော့ ကောင်းရှာပါတယ် သူ့စာအုပ်အဟောင်းတွေထုတ်ပေးပြီးတော့ ရသလောက်နဲ့ ရောင်းပြီးလက်ဖက်ရည် ဝယ်သောက်တဲ့
ခုတလော မီးကတော့ သိတဲ့ အတိုင်း ပျက်တလှည့် မလာတစ်လှည့် ဆိုတော့ ညဘက်စာဖတ်ချင်ရင် လမ်းမပေါ်တက်ပြီး လမ်းမီးနဲ့ ဖတ်ရတယ် သားကြိုးစားတာမြင်ပြီး ဖြတ်သွားတဲ့ ကားတွေကတောင် သြဘာပေးကြတယ် အေဘေးလေး သေချင်နေလားတဲ့

အခုလဲ ဆီးဂိမ်းအတွက် မြန်မာနိုင်ငံလုံးဆိုင်ရာ ရှမ်းကိုးမီး အသင်းမှာ လက်ရွေးစင်အဖြစ်ရွေးခံရလို့ နေပြည်တော် သွားရမယ်တဲ့ အဲ့ဒါ အဆင်ပြေရင် ပိုက်ဆံလေး ပို့ပေးလိုက်ပါလို့

အမေ့ရဲ့ ချစ်လွှစွာသော သားမောင်ဖွတ်

Credit to အိမ်ကြို အိမ်ကြား ပလပ်ကျွတ် ဖွတ်ကြား

တိုင်းနှစ်တိုင်း ကြံ့ခိုင်ရေး ၀န်ကြီးများနှင့် မြေလုသည့် ပြဿနာ


    မြေနုကျွန်း အငြင်းပွားမှု ပြဿနာများကြောင့် ဌာနဆိုင်ရာ အကြီးအကဲများ တိုင်းမှူးများ အထိပင် လာရောက်၍ ဖြေရှင်းခဲ့ ကြသော်လည်း အဆင်ပြေ အေးချမ်းမှုမရှိခဲ့ဘဲ အောက်တိုဘာလ ၂၃ ရက်နေ့ နံနက်ပိုင်းမှ စတင်၍ သက္ကယ်ကျွန်း ကျေးရွာမှ လူအင်အားသုံး၍ လာရောက်အကြမ်းဖက် ဖျက်ဆီးမှုများ ဖြစ်ပွား . . .

ရန်ကုန်၊ အောက်တိုဘာ ၃၀

ရန်ကုန်တိုင်းဒေသကြီးအပိုင် အလယ်ကင်း ကျေးရွာနှင့် ဧရာဝတီတိုင်း ဒေသကြီး အတွင်းရှိ သက္ကယ်ကျွန်း ကျေးရွာတို့၏ မြေနုကျွန်း အငြင်းပွားမှု ပြဿနာများကြောင့် တိုင်းခရိုင်နှင့် မြို့နယ်အဆင့် ဌာနဆိုင်ရာ အကြီးအကဲများ အကြိမ်ကြိမ် လာရောက်ကြရသလို သက်ဆိုင်ရာ တိုင်းမှူးများ အထိပင် လာရောက်၍ ဖြေရှင်း ခဲ့ကြသော်လည်း အဆင်ပြေ အေးချမ်းမှု မရှိခဲ့ဘဲ ယခုနှစ် အောက်တိုဘာလ ၂၃ ရက်နေ့ နံနက်ပိုင်းမှ စတင်၍ သက္ကယ်ကျွန်း ကျေးရွာမှ လူအင်အားသုံး၍ လာရောက် အကြမ်းဖက် ဖျက်ဆီးမှုများ ဖြစ်ပွားလျက် ရှိကြောင်း သတင်းရရှိသည်။

အဆိုပါ အကြမ်းဖက် ဖျက်ဆီးမှုများတွင် ကိုယ်တိုင် ခံစားခဲ့ရသည့် ကိုအောင်ထွန်းဝေက ““ကျွန်တော် ဒီမှာ ကိုင်းလုပ်ခဲ့တာ (၁၀)နှစ် ကျော်ပါပြီ။ လူပါလာပြီးနေတာက (၄) နှစ်ရှိပြီ။ ဒီလို လုပ်ကြမယ် မထင်ဘူး ပထမ ဗိုလ်ချုပ်အောင်ဆန်း ဂုဏ်ပြုတဲ့ “ဗမာ့လွတ်လပ်ရေးအတွက် တပ်မတော်ဖွဲ့လို့ ဂျပန်ပြည်မှာကွယ်ဆိုတဲ့ သီချင်းသံကြားလို့ နားထောင်နေရင်း လူတွေကလည်း များလိုက်တာ၊ ဘာလဲပေါ့ ကျွန်တော့် အိမ်နားလည်း ရောက်ရော အိမ်ကို ၀ိုင်းထားလိုက်ပြီး … အဲဒီအဖွဲ့ထဲမှာ ခေါင်းဆောင်တဲ့ ကိုကျော်စိုးနဲ့ ကိုစိုးလွင်တို့ ၂ ယောက်က ရေပေါ်သောင်က လူတွေ အိမ်တွေ ဒီမှာ မမြင်ချင်ဘူး။ ခင်ဗျားတို့ အိမ် (၄) လုံး (၁) နာရီ အချိန်ပေးမယ် ဖျက်ပါ။ ကျွန်တော်တို့ ဖျက်ရင် ဘာမှရမှာ မဟုတ်တော့ဘူးဆိုပြီး ပြောတယ်။ ကျွန်တော် အမျိုးမျိုး တောင်းပန်တယ် မရဘူး။ နာရီဝက်လောက် ကြာတော့ မအူပင်နဲ့ ဆီးပင်တွေကို ခုတ်လှဲတယ်။ အပင်တွေက တော်တော်ကြီးနေပြီး (၂၄) ပင် တောင်ရှိတာ။ အဲဒါတွေလည်းပြီးရော လူတွေဘက် လှည့်ပြီး ရန်ရှာ လာတယ်။ ကျွန်တော်တို့ ဒီဘက်ကို ထွက်ပြေးခဲ့ရတယ်””ဟု ကိုယ်တွေ့ ခံစားရမှုများကို ရှင်းပြသည်။

ထိုအကြမ်းဖက်မှု ဖြစ်စဉ်တွင် ကိုအောင်ထွန်းဝေ အပါအ၀င် အလယ်ကင်း ကျေးရွာမှ ကိုဝင်းထိုက်၊ ကိုညွန့်မောင်၊ ကိုမောင်ရင်၊ ကိုအုန်းငွေတို့၏ လူနေယာတဲများ ဖျက်ဆီးခြင်း ခံခဲ့ရပြီး အကြမ်းဖက် သူများသည် နေ့လယ်ပိုင်းတွင် သက္ကယ်ကျွန်းဘက်သို့ ပြန်လည် ထွက်ခွာသွားကြသောကြောင့် အခြေအနေမှာ ခေတ္တမျှ ငြိမ်သက် သွားခဲ့သော်လည်း ည(၈) နာရီခန့်တွင် အဆိုပါ လူအုပ်ကြီးက ဓာတ်မီးများ တ၀င်းဝင်းနှင့် သက္ကယ် ကျွန်းဘက်မှ ထပ်မံ၍ လာကြသည်ကို တွေ့မြင်ရသည့် အလယ်ကင်းကျေးရွာ ရွာသူရွာသားများမှာ နီးစပ်ရာသို့ ဖုန်းများဖြင့် ဆက်သွယ် ခေါ်ဆို၍ လည်းကောင်း ဘာသာရေး/နာရေးများတွင် အသုံးပြုရန် အသင့်ရှိနေ ကြသည့် အသံချဲ့စက်များ၊ တောဓလေ့အရ နေအိမ်များတွင် လူခေါ်ရန်၊ အကြောင်းကြားရန် တပ်ဆင်ထား ကြသည့် အသံချဲ့စက်များ၊ ဗွီဒီယိုရုံများတွင် အသင့်ရှိနေကြသည့် အသံချဲ့စက်များ၊ ဆောင်းဘောက်စ်များဖြင့် အော်ဟစ် ခေါ်ဆို အကူအညီ တောင်းခံသံများကြောင့် အခြေအနေများ ပိုမို ရှုပ်ထွေးခဲ့ရပြီး မြို့နယ် အုပ်ချုပ်ရေးမှူး၊ မြို့နယ်ရဲတပ်ဖွဲ့မှူး၊ တိုင်းဒေသကြီး လွှတ်တော်ကိုယ်စားလှယ်နှင့် ရပ်ကွက် အုပ်ချုပ်ရေးမှူးများ  အပါအ၀င် အဖျောက် ရဲတပ်ဖွဲ့စခန်းမှ စခန်းမှူး၊ ဒုရဲအုပ်နှင့် ရဲတပ်ဖွဲ့ အင်အား (၁၅)ဦးမှ အချိန်နှင့် တစ်ပြေးညီ လုံခြုံရေး စီမံမှုများ လာရောက် ဆောင်ရွက်ခဲ့ရကြောင်းလည်း သိရသည်။

““သူတို့က စနစ်တကျ စီစဉ်ထားကြတာဖြစ်မယ် ကြိုတင် လေ့ကျင့်ထားတဲ့ သဘောပဲ။ အဖွဲ့(၁)၊ အဖွဲ့(၂)၊ အဖွဲ့(၃) ဆိုပြီး ခေါ်သံတွေ ကြားနေရတယ်။ အိမ်တွေ ဖျက်တာ အဖွဲ့(၁)က ဖျက်တာ၊ ထမင်းထုပ်တွေ စီစဉ်ဖို့ အမျိုးသမီး အဖွဲ့ခေါင်းဆောင် ဦးဉာဏ်မြင့်နဲ့ မနှင်းမြတ်မင်းဆိုပြီး အသံချဲ့စက်နဲ့ ခေါ်နေတဲ့ အသံတွေလည်း ကြားနေရတယ်။ အဖျက်ခံရတဲ့ အိမ်တွေက ကြောင်တွေ၊ ကြက်တွေကိုလည်း ယူသွားကြတယ်””ဟုဒေသခံ ရွာသားတစ်ဦးက ပြောကြားသည်။

ယခု အလယ်ကင်း ကျေးရွာသစ်သည် ယခင်အလယ်ကင်း ကျေးရွာကြီး ကမ်းပြို၍ ကျွန်းပျက်စီးခဲ့သော နေရာပင်ဖြစ်ပြီး ယခုတစ်ဖန်ပြန်၍ ကျွန်းပေါ်ခြင်းဖြစ်ပြီး ယခင်က ပြေစာပေါက် ဧက တစ်သောင်းခန့် ရှိခဲ့သော်လည်း ယခုအခါ ဧက (၄၀၀)ကျော်သာ ရှိတော့ကြောင်း သိရသည်။

““ပြည်သူ့ကောင်စီ လက်ထက် ၁၉၈၂-၈၃ လောက်က ရေပေါ်သောင်၊ ကြာအင်း၊ သက္ကယ်ကျွန်း၊ စိန်ကလေး၊ ကြွေပုဂံချောင်း၊ ရွာ (၅)ရွာ ရှိတဲ့ နယ်နိမိတ် (၅) ဦးစပ် ကျောက်တိုင်ဆိုတာ ရှိတယ်။ အဲဒီ အထိ ကျွန်တော်တို့ ပိုင်ခဲ့တာ။ အဲဒီနေရာကနေ နောက်ဆုတ် ပေးခဲ့ရတာ အခု ကျွန်တော်တို့ အလယ်ကင်း နယ်နိမိတ်အထိ ဆိုရင် ဧက ၄၂၀၀ ကျော်တယ်။ သက္ကယ်ကျွန်းဘက်မှာ ကျန်ရစ်ခဲ့တာ အဲဒါတောင် ခုထိ လာလုနေကြတုန်းပဲ””ဟုကိုင်း တောင်သူကြီး တစ်ဦးလည်းဖြစ်၊ ရပ်မိရပ်ဖတစ်ဦးလည်း ဖြစ်သည့် ဦးသိန်းအေးက ရှင်းပြသည်။

အဆိုပါ အလယ်ကင်းနှင့် သက္ကယ်ကျွန်းကျေးရွာ (၂) ရွာသည် ယခင်က ဧရာဝတီတိုင်းဒေသကြီး ဇလွန်မြို့နယ်အပိုင် ဖြစ်ခဲ့သော်လည်း အလယ်ကင်းကျေးရွာသည် ၁၉၉၉ ခုနှစ် စက်တင်ဘာ ၁၁ ရက်နေ့က ရန်ကုန်တိုင်း ဒေသကြီးသို့ ပြောင်းရွှေ့ ၀င်ရောက်ခဲ့ပြီး နောက်ပိုင်းမှ ယခုကဲ့သို့ အငြင်းပွားမှုများ ဖြစ်ပေါ်နေခြင်း ဖြစ်ရာ (၅)ဦးစပ် ကျောက်တိုင်ဖြစ်သည့် မြစ်ကို အရှေ့အနောက် ကန့်လန့်ဖြတ်၍ ကြွေပုဂံချောင်း ကိုငတင်လေး+ဒေါ်မယ်ပုထန်းပင်မှ စိန်ကလေး ဒေါ်မယ်စိန် အုန်းပင်သို့လည်းကောင်း၊ မြောက်ဘက်မှ တောင်ဘက်သို့ ချောင်းကြီး အောက်ဖျားမှ အလယ်(၅)ဦး စပ်ကျောက်တိုင် ၎င်းမှ သာရဝေါ လက်ပံပင်သို့ လည်းကောင်း သတ်မှတ်ထားချက်အား ပြန်လည်ဖော်ထုတ် ဆောင်ရွက်မည် ဆိုပါက အလယ်ကင်း ကျေးရွာဘက်မှ လက်သင့်ခံမည် ဖြစ်သလို သက္ကယ်ကျွန်း ဘက်မှလည်း ပေါ်သစ်ကျွန်းအား ၃ ပုံ ၂ပုံ ခွဲဝေယူရန် သဘောထားရှိရာ ယခုချိန်ထိ ညှိနှိုင်းမှု မပြေလည်သေးဘဲ ရန်ကုန်တိုင်း ဒေသကြီးဘက်မှ မြို့နယ် ရဲတပ်ဖွဲ့မှူး အပါအ၀င် အင်အား (၃၀) ဖြင့် လုံခြုံရေး ယူပေးနေရကြောင်း သတင်းရရှိသည်။

ယခုနှစ် မေလ ၁၈ ရက်နေ့က ၄င်းမြေနုကျွန်း အငြင်းပွားသည့် နေရာသို့ ဧရာဝတီတိုင်းဒေသကြီးနှင့် ရန်ကုန်တိုင်းဒေသကြီး အစိုးရ အဖွဲ့ဝင်များ ဖြစ်ကြသော ကြံ့ခိုင်ရေးပါတီမှ ဦးစန်းမောင်နှင့် ဦးစိုးမင်းတို့ လာရောက်ပြီး ပိုင်ဆိုင်မှုကို အပြန်အလှန် ပြောခဲ့ကြောင်း၊ ပြဿနာ ဖြစ်ပွားချိန် မတိုင်မီ အစိုးရ၀န်ကြီးများ လာရောက် ဖြေရှင်းပေးမည်ကို ဒေသခံများ မျှော်လင့် ခဲ့ကြသော်လည်း မလာရောက်ခဲ့ကြောင်း ဒေသခံ ကြံ့ခိုင်ရေး ကော်မတီဝင်တစ်ဦးက မြန်မာသံတော်ဆင့်သို့ ပြောသည်။

ရွှေမြင့်စိုး-အဖျောက်

မြန်မာသံတော်ဆင့်

ရန်ကုန်မြို့ရှိ အမေရိကန်သံရုံးသည် ကြားးဖြတ်ထောက်လှမ်းသည့် နေရာတစ်ခုဟုဆို


တင်မက်လပ်ဖ်လင်း  

ရန်ကုန်မြို့ရှိ အမေရိကန်သံရုံးသည် အီလက်ထရောနစ်ဆက်သွယ်ရေး ကွန်ယက်အတွင်း
ဆက်သွယ်မှုများကို ကြားဖြတ်ထောက် လှမ်းသည့် နေရာတစ်နေရာ ဖြစ်ကြောင်း အောက်တိုဘာ
လ ၂၉ ရက်နေ့ထုတ် ဆစ်ဒနီမောနင်းဟာရယ် သတင်းစာက ရေးသားခဲ့သည်။

ရန်ကုန်မြို့၊ကမာရွတ်မြို့နယ်၊တက္ကသိုလ်ရိပ်သာလမ်းရှိ အမေရိကန်သံရုံးသည် အမေရိကန်အမျိုး
သားလုံခြုံရေးအဖွဲ့ (NSA) နှင့် ဗဟိုထောက် လှမ်းရေးအဖွဲ့(CIA)တို့က တိုက်ရိုက်ကိုင်တွယ်သည့်
သတ်မှတ်ဝန်ထမ်း ခန့်ထားထောက်လှမ်းရာ အခြေစိုက်စခန်း တစ်ခုဖြစ်ကြောင်း အင်အက်စ် အေ
(NSA)၏ အကြီးအကဲဟောင်းဖြစ်သူ အက်ဒ၀တ်စနိုးဒင်ထံမှ ပေါက် ကြားသည့် မြေပုံတစ်ခုကို
ကိုးကားကာ ဆစ်ဒနီမောနင်းဟာရယ် သတင်းစာက ရေးသားခဲ့ခြင်းဖြစ်သည်။

ထိုကဲ့သို့သောစခန်းများသည် တယ်လီ ဖုန်းဆက်သွယ်မှုများ၊အီးမေးလ်ဆက်သွယ်မှုများနှင့် အခြား
အီလက်ထ ရောနစ် ဆက်သွယ်မှုများကို ကြားဖြတ်ထောက်လှမ်းမှုများ ကို ပြုလုပ်ကြောင်း၊ ကမ္ဘာ
တစ်ဝှန်းတွင် အလားတူ စခန်းပေါင်း ၉၀ ရှိပြီး စခန်း ၇၄ ခုတွင် သတ်မှတ်ဝန်ထမ်းများခန့်အပ်ထား
ကာ အဝေးထိန်းစနစ်ဖြင့် ထောက်လှမ်းသည့်နေရာ ၁၄ ခုနှင့် နည်းပညာပိုင်းဆိုင်ရာပံ့ပိုးပေးမည့်
စခန်း ၂ ခုလည်း ပါဝင်ကြောင်း သိရသည်။

ကြားဖြတ်ထောက်လှမ်းသည့်ကိစ္စကို သိရှိခြင်းမရှိသည့်အတွက် မှတ်ချက်ပေးစရာမရှိကြောင်း
နိုင်ငံတော်သမ္မတ၏ပြောရေး ဆိုခွင့်ရပုဂ္ဂိုလ် ပြန်ကြားရေးဝန်ကြီးဌာန ဒုတိယ၀န်ကြီး ဦးရဲထွဋ်က
ဆိုသည်။

အက်ဒ၀တ်စနိုးဒင်ထံမှ ပေါက်ကြားသည့် အချက်လက်များတွင် အမေရိကန်ပြည်ထောင်စုသည်
၎င်း၏မဟာမိတ်နိုင်ငံများမှ အကြီးအကဲများ၏ ဖုန်းများကိုလည်း ကြားဖြတ်နားထောင်ခဲ့ကြောင်း
ပါဝင်ခဲ့သဖြင့် လွန်ခဲ့သည့်တစ်လမှစ၍ အကြီးအကျယ် ဝေဖန်ခံနေရသည်။

သက်လှိုင်ဘာသာပြန်သည်။

မြန်မာတိုင်း(မ်)

အသွင်ကူးပြောင်းရေးအတွက် အထောက်အပံ့ ဖြစ်စေမည့် တပ်မတော်ဖြစ်ရေး အမေရိကန် ကူညီမည်


ရန်ကုန်၊ အောက်တိုဘာ ၃၁

မြန်မာနိုင်ငံနှင့် သံတမန် ဆက်ဆံရေး စာမျက်နှာသစ် ပြန်လည် ဖွင့်လှစ်ခဲ့သော အမေရိကန် တပ်မတော်က မြန်မာနိုင်ငံ၏ အသွင်ကူးပြောင်းရေး လုပ်ငန်းစဉ်များအတွက် အထောက်အပံ့ ဖြစ်စေမည့် တပ်မတော်တစ်ရပ် ဖော်ဆောင်နိုင်ရန် အထောက်အပံ့ ကောင်းများ ပေးအပ် သွားမည် ဖြစ်ကြောင်း အမေရိကန် ပြည်ထောင်စု၏ ဒုလက်ထောက် နိုင်ငံခြားရေးဝန်ကြီး Mr.Scot Marciel က The Voice သို့ ပြောကြားသည်။

မြန်မာနိုင်ငံ၏ ပြုပြင်ပြောင်းလဲမှု လုပ်ငန်းစဉ်များ အကောင်အထည် ဖော်ရာတွင် တပ်မတော်၏ အခန်းကဏ္ဍသည်လည်း အရေးပါသောကြောင့် လူ့အခွင့်အရေး လေးစားလိုက်နာပြီး ခေတ်မီ ကျွမ်းကျင် တပ်မတော်တစ်ရပ် ဖြစ်လာစေရေးအတွက် အမေရိကန် တပ်မတော်က သင်တန်းများ၊ နည်းပညာ အထောက်အပံ့များအပြင် အတွေ့အကြုံများ မျှဝေပေးရန် အစီအစဉ်များ ရှိကြောင်း ၎င်းကဆိုသည်။
“မြန်မာနိုင်ငံမှာ ဒီမိုကရေစီစနစ် ပီပီပြင်ပြင် ဖော်ဆောင်နိုင်ရေးအတွက် အထောက်အပံ့ ဖြစ်စေမယ့်၊ သင့်လျော်မယ့် တပ်မတော်တစ်ရပ် ပေါ်ထွန်းလာစေ ဖို့ကိုလည်း အမေရိကန်တပ်မတော် အနေနဲ့ ကူညီသွားမှာပါ” ဟု ၎င်းကဆိုသည်။

အမေရိကန် တပ်မတော်က ပေးအပ်မည့် အခြားထောက်ပံ့မှုများတွင် သဘာဝ ဘေးအန္တရာယ်များ ကြုံတွေ့ပါက မြန်မာ့တပ်မတော်အနေနှင့် အရေးပေါ် ကယ်ဆယ်ရေး လုပ်ငန်းများ၊ ရိက္ခာထောက်ပံ့မှု လုပ်ငန်းများ ဆောင်ရွက်ပေးနိုင်ရန် အတွက်လည်း သင်တန်းများ၊ နည်းပညာ ဖလှယ်မှုများ ဆောင်ရွက်သွားမည် ဖြစ်ကြောင်း ၎င်းက ပြောကြားသည်။

ထို့အပြင် အမေရိကန် တပ်မတော်သည် မြန်မာနိုင်ငံ၏ အသွင်ကူးပြောင်းရေး လုပ်ငန်းစဉ်များ အောင်မြင် တိုးတက်လာမှုအပေါ် မူတည်၍ မြန်မာ့တပ်မတော်၏ အခန်းကဏ္ဍ ပိုမိုပီပြင်အားကောင်း လာစေရန် အဆင့်ဆင့် ဆောင်ရွက်ပေးသွားရန်များ ရှိကြောင်း ၎င်းက ထပ်လောင်းပြောကြားသည်။

၂၀၁၄ ခုနှစ် အာဆီယံဥက္ကဋ္ဌ ရာထူး ဆက်ခံတော့မည့် မြန်မာနိုင်ငံသည် ၂၀၁၅ ခုနှစ်အတွင်း အာဆီယံနိုင်ငံများ ဖော်ဆောင်မည့် ပန်းတိုင်များကို အကောင်အထည် ဖော်ရန်သာမက ဒေသတွင်း နိုင်ငံများ၏ လုံခြုံရေးနှင့် စည်းလုံးညီညွတ်မှု ရှိစေရေး အတွက်လည်း မြန်မာနိုင်ငံ၏ အခန်း ကဏ္ဍသည် အရေးပါကြောင်း Mr. Scot Marciel က မှတ်ချက်ပြု ပြောကြားသည်။

အမေရိကန် အစိုးရသည် ပြီးခဲ့သည့်နှစ် အောက်တိုဘာလ အတွင်းက မြန်မာတပ်မတော်ကို အမေရိကန် တပ်မတော်၏ ထင်ရှားသော Cobra Gold စစ်ရေးလေ့ကျင့်မှုကို လေ့လာရန် ဖိတ်ခေါ်ခဲ့ပြီး ယခုနှစ် အစောပိုင်းကလည်း မြန်မာနိုင်ငံကို ပဋိပက္ခကိုင်တွယ် ဖြေရှင်းရေးအတွက် ပူးတွဲလေ့ကျင့်မှုများ ပြုလုပ်ပေးမည်ဟု ကမ်းလှမ်းခဲ့သည်။

The Voice Weekly

အသေးအမွှား၊ ကလေးကစားစရာ မဟုတ်ပါ


“အပေါင်းအသင်းတွေရဲ့ လွှမ်းမိုးမှုနဲ့ ဆိုရှယ်မီဒီယာတွေရဲ့ နေရာ ယူလာမှုတွေကို ပေါ့ပေါ့လေး တွေးပြီး လွှတ်ထားဖို့ မဖြစ်နိုင်တော့ဘူး။ မဟုတ်တာတွေကို လုပ်ဖို့ အားပေး အားမြှောက် လုပ်နေတာတွေကလည်း ပတ်ဝန်းကျင်မှာ ပြည့်နေတာပဲ။ ဝန်းကျင်မှာ ဒါတွေ ရှိနေမှတော့ မပျက်စီးချင်လည်း ပျက်စီးတော့မှာ သေချာတယ်”
ဒေါက်တာသာမာစီလန် (မလေးရှား ဆေးပညာအဖွဲ့ ဥက္ကဋ္ဌ)

မကြာသေးမီက မလေးရှားနိုင်ငံတွင် အွန်လိုင်းပေါ်သို့ အသက်ရှစ်နှစ်နှင့် ၁၀ အရွယ် ညီအစ်ကိုနှစ်ယောက်က အရွယ်မရောက်သေးသည့် ပထမတန်း ကောင်မလေး တစ်ယောက်ကို မဟားဒယားပြုကျင့်မှု ဗီဒီယိုပြကွက်များ တက်လာသဖြင့် တစ်နိုင်ငံလုံး တုန်လှုပ်ချောက်ချား သွားခဲ့ရသည်။ ကလေးတွေပဲဟု သာမန် အလေးမထားစရာ ကိစ္စဟု ထင်လိုက်လျှင် မှားသွားပေ လိမ့်မည်။ ဤအရွယ်လေးတွေက ဤကိစ္စကို နားလည်နေကြပြီ ဆိုခြင်းကို ပြန်လည်ဆန်းစစ်ရန် လိုလာပြီ ဖြစ်သည်။

ယခုတွေ့ မြင်လိုက်ရသည်က လူသိအောင်လုပ် ပေးလိုက်သည့် ကိစ္စလေးတစ်ခုသာ ဖြစ်ပြီး လူမသိ သူမသိနိုင်သော ကိစ္စပေါင်းများစွာ နောက်ကွယ်တွင် ရှိနိုင်သေးသည်။ ထိုအဖြစ်အပျက် များသည် ယနေ့ခေတ် လူငယ်များကို ကိုယ်စားပြုနေသည့် စဉ်းစားစရာလည်း ဖြစ်နေသည်။ သူတို့ ဘာတွေ သိနေသလဲ၊ ဘယ်လောက် သိနေသလဲ၊ ဘာကြောင့် သိနေသလဲ ဆိုသည့် အကြောင်းများမှာ မေးစရာကိစ္စများ ဖြစ်လာသည်။

မုဒိမ်းကျင့်ခံရခြင်း၏ ၈၀ ရာခိုင်နှုန်းသည် မိမိ ပတ်ဝန်းကျင်၊ မိမိ သိကျွမ်းသူများနှင့် ပတ်သက်နေကြောင်း မလေးရှားနိုင်ငံ ဆေးပညာအဖွဲ့ (MMA) ဥက္ကဋ္ဌ ဒေါက်တာ သာမာစီလန်က ဆိုပါသည်။

“မုဒိမ်းမှုဆိုတာ သဘောတူသည် ဖြစ်စေ၊ သဘော မတူသည်ဖြစ်စေ ဖြစ်တတ်တဲ့ သဘောရှိတယ်။ ဖြစ်စေတဲ့ အကြောင်းတရားတွေလည်း အများကြီးရှိတယ်။ လိင်စိတ်ကို နိုးကြား တက်ကြွလာစေတဲ့ အကြောင်းအရာတွေ၊ ပတ်ဝန်းကျင်က စေ့ဆော်တဲ့ တွန်းအားတွေ၊ ဖြစ်နိုင်တဲ့ အနေအထားတွေကို သတိ မမူတာတွေ၊ စူးစမ်းချင်တဲ့ ကလေးတွေရဲ့သဘာဝကို လျစ်လျူရှုထား တာတွေဟာ ကလေးတွေကို ဒီလိုလုပ်အောင် တွန်းပို့နေ သလိုဖြစ်တယ်” ဟု သူက ဆိုသည်။

ကလေးပီပီ စပ်စုခြင်းနှင့် သိချင်စိတ် ပြင်းပြခြင်းတို့ကို လူကြီးတွေက အချိန်မီ မထိန်းနိုင်လျှင် ကလေးများ မဟုတ်သည့်လမ်းသို့ ရောက်သွားနိုင်သည်။ သူပြောသည့် တွန်းအားနှင့် စေ့စော်အား များဆိုသည်မှာ မူးယစ်ဆေး၊ အရက်နှင့် ကလေးများကို အလေးမထား လုပ်ချင်ရာ လုပ်နေသည့် ပတ်ဝန်းကျင်တို့ ဖြစ်သည်။

“မိဘတွေက အရေးကြီးတယ်။ သူတို့က အရေးပါတဲ့ နေရာမှာ ရှိနေတယ်ဆိုတာ သိတဲ့သူ နည်းတယ်။ ဆင်းရဲတဲ့ မိသားစုတွေမှာ ကလေးတွေကို ကိုယ်ကျင့်တရား၊ အရှက်နဲ့ သိက္ခာတွေကို သင်ပေးဖို့ အချိန်မရှိဘူး။ သူတို့ကလည်း အဲဒါတွေကို အရေးကြီးမှန်း မသိကြဘူး။ မိသားစုအတွင်း ဒုက္ခတွေ ရောက်ပြီး စီးပွားရေးအဆင် မပြေကြရင် ပိုဆိုးသေးတယ်။ အဲဒီမိသားစုအတွင်း ကြီးပြင်းရတဲ့ သူတွေအတွက် ကတော့ အချိန်မရွေး ပေါက်ကွဲဖို့ အသင့်ဖြစ်နေတတ်တယ်” ဟု ဒေါက်တာ သာမာက ဆိုသည်။

အချို့အချက်များကလည်း ထည့်သွင်းစဉ်းစားစရာ ဖြစ်သည်။ ကလေးတွေ ဘာကြောင့် မဟုတ်တာ လုပ်သနည်းဆိုသည့် အချက်တွင် စိတ်ကစဥ့်ကလျားဖြစ်ခြင်း၊ စိတ်မနှံ့ခြင်းများကြောင့် ဖြစ်နိုင်ကြောင်းကိုလည်း တွေ့ရသည်။ ထိုကလေးများကို အချိန်မီ မထိန်းသိမ်းနိုင်လျှင် သို့မဟုတ် လျစ်လျူ ရှုထားလျှင်လည်း ဤအဖြစ်မျိုးများကို ရင်ဆိုင်ရဖွယ်ရှိကြောင်း သူက ထောက်ပြထားသည်။

မလေးရှား ရဲတပ်ဖွဲ့ ဒုတိယရဲမင်းကြီး ဟာမီဒါ ယူနွတ်က ၂၀၁၁ ခုနှစ် မတိုင်မီအထိ ကလေးသူငယ်ဆိုင်ရာ သာမန်ပြစ်မှုဟု သတ်မှတ်ခံရလောက်သည့် အမှုများကို တိုင်ကြားခဲ့ခြင်း မရှိသေးကြောင်း ထုတ်ဖော် ပြောကြားသည်။

သို့သော် ၂၀၁၁ ခုနှစ် နောက်ပိုင်းတွင် မလေးရှားနိုင်ငံ၌ ကလေးသူငယ် လိင်မှုဆိုင်ရာ အကြမ်းဖက်မှုများ မမျှော်လင့်ဘဲ ပေါ်ပေါက်လာခဲ့သည်။ ၂၀၁၂ ခုနှစ်တွင် မုဒိမ်းမှု ခုနစ်မှုနှင့် ယခုနှစ် စက်တင်ဘာလအထိ ခြောက်မှု ဖြစ်ပွားခဲ့သည်။ ထို ၁၃ မှုစလုံးသည် အသက် ၁၃ နှစ်အောက် မုဒိမ်းမှုများ ဖြစ်နေသည်။

ထိုကဲ့သို့ မကြုံစဖူး မုဒိမ်းမှုများ ဖြစ်ပွားရခြင်းနှင့် ပတ်သက်ပြီး ရဲတပ်ဖွဲ့၏ အစီရင်ခံစာကလည်း ပိုပြီး စိတ်ဝင်စားဖွယ် ကောင်းပါသည်။ ကလေးသူငယ်များတွင် မဟုတ်တရုတ်ပုံများကို အချိန်မရွေး ကြည့်နိုင်သည့် အခွင့်အရေးများ ရနေကြသည်။ အထူးသဖြင့် အင်တာနက်တွင် ပက်ပက်စက်စက် တစ်တစ်ခွခွ ပုံများ၊ ဗီဒီယိုကားများကို မချိန်မရွေး ရယူကြည့်နိုင်သည်။ ထိုသို့ အလွယ်တကူ ကြည့်နိုင်စေရန် အတွက်လည်း မိုဘိုင်းလ် ဖုန်းများ၊ တက်ဘလက်များကို အလွယ်တကူ ဈေးပေါပေါနှင့် ဝယ်ယူ သုံးစွဲနိုင်သည်။ ထို့ကြောင့် ကာမ ရာဂစိတ်များ လူကြီးတွေသာမက ကလေးတွေပါ အချိန်မရွေး ပေါက်ကွဲရန် အားမြှောက်ပြုသလို ဖြစ်နေကြောင်း မလေးရှား ရဲတပ်ဖွဲ့က ဆိုထားသည်။

“ကျွန်မ ပြစ်မှုကျူးလွန်တဲ့ ကလေးတစ်ယောက်ကို စစ်ဆေးကြည့်တော့ သူက ဟင်ဒီစကားပြော ရုပ်ရှင်ကားထဲမှာ မင်းသမီးက မလုံ့တလုံ အဝတ်အစားလေးနဲ့ ကတာကို ကြည့်ပြီး ဒီလို ကျူးလွန်ဖြစ် သွားတာလို့ ပြောတယ်။ သူက အဲဒီရုပ်ရှင်ကို ကြည့်ပြီး အသက် ၁၂ နှစ် သမီးလေးကိုသွားပြီး မဟားဒယား လုပ်တာ။ အဲဒီလိုလုပ်ဖို့ ကြိုတင် ပြင်ဆင်သွားတာတွေက သူ့မှာ အများကြီးပဲ။ အဲဒီလိုဟာတွေကို ဆောင်ထားရတယ် ဆိုတာကို သူ့အရွယ်လောက်နဲ့ ဘယ်လိုလုပ်ပြီး သိရတာလဲ။ သူက အဲဒီလို လုပ်ရတာတွေ၊ ဆောင်ရန်တွေကို အင်တာနက်ကနေ သိတာတဲ့လေ” ဟု ဒုတိယရဲမင်းကြီး ဟာမီဒါက ဆိုသည်။
ကလေးသူငယ်များသည် အထိန်းအကွပ်မရှိ အင်တာနက်သုံးခွင့်၊ ကြည့်ချင်ရာ ကြည့်ခွင့်များ ရနေသည့်အပေါ် ပြန်လည် စဉ်းစားရန် လိုကြောင်း ဟာမီဒါက ထောက်ပြထားသည်။

“သူတို့ အရွယ်တွေက ဘယ်ဟာက မှားပြီး ဘယ်ဟာက မှန်မှန်းသိမှာ မဟုတ်ပါဘူး။ ဘယ်သူကမှလည်း သူတို့ ကြည့်ရှုခံစားနေတာ တွေဟာ မကောင်းဘူးလို့ ပြောမယ့်သူလည်း ရှိမှာ မဟုတ်ဘူး။ ဘာကြောင့်လည်း ဆိုတော့ သူတို့ ဘာလုပ်နေတယ် ဆိုတာ ဘယ်သူမှ မသိနိုင်လို့ပဲ ဖြစ်ပါတယ်” ဟု သူမက ဆိုသည်။

လူ့အခွင့်အရေးကော်မရှင်နာ မင်းကြီး ဂျိမ်းစ်နာရာဂမ်ကလည်း ကျောင်းများတွင် လိင်ကိစ္စကို အလေးမထားစရာ အသေးအမွှားပမာ သဘောထား နေကြခြင်းကို ပြစ်တင် ဝေဖန်ထားသည်။

“ ကျွန်တော်တို့ သိရတာတွေက လာပြီး တိုင်မှ သိကြရတာ။ လာမတိုင်တဲ့ အမှုတွေလည်း အများကြီးပဲ ရှိနိုင်တယ်။ ဒီလို ဖြစ်တာတွေကို ပြန်ပြီးသုံးသပ်ရင် ကျောင်းတွေမှာ အမျိုးသမီး အခွင့်အရေး ဆိုတာတွေကို ကောင်းကောင်း သင်ကြားခြင်း မရှိသေးဘူးဆိုတာ ထင်ရှားတယ်။ ကျောင်းတွေမှာ အဓိက အရေးကြီးတဲ့ အချက်နှစ်ချက်ကို သင်ဖို့ လိုသေးတယ်။ အဲဒါတွေကတော့ လူ့အခွင့်အရေးနဲ့ လိင်ပညာရေးဆိုတဲ့ ဘာသာရပ် နှစ်ခုဖြစ်ပါတယ်”

“ကျွန်တော် နှစ်ပေါင်း ၃၀ လောက် ကျောင်းသားတွေနဲ့ ထိတွေးဖူးပါတယ်။ အရွယ် မရောက်သေးဘဲ ကိုယ်ဝန်ဆောင်မှုတွေ၊ တရားမဝင် ကိုယ်ဝန် ဖျက်ချမှုမျိုးတွေနဲ့ အများကြီး ကြုံတွေ့ခဲ့ရတယ်”

“ကျွန်တော်တို့ သုတေသန လုပ်ထားချက် အရကတော့ မလေးရှားနိုင်ငံမှာ တစ်ရက်ကို တရားမဝင် ကိုယ်ဝန် ဖျက်ချမှုပေါင်း ၃၀၀ လောက် ဖြစ်လာတာပါပဲ။ ဒီနိုင်ငံမှာက နှစ်ပေါင်း ၂၀ လောက် လိင်ပညာရေး ဆိုတာကို လျစ်လျူရှု ခဲ့ကြတာပါ။ ဘာသာရေးဘက်ကပဲ နည်းနည်းပါးပါး ထိန်းကျောင်းတာလေးတွေပဲ ရှိတယ်”ဟု ဂျိမ်းစ်က ဆိုသည်။

“ရှင်တို့အနေနဲ့ ကလေးတွေကို အွန်လိုင်းပေါ်မှာ ဒီအတိုင်း လွှတ်မထားကြပါနဲ့။ သူတို့ကို စောင့်ကြည့်ပါ။ ဘယ်လိုင်းတွေကို သူတို့ ဝင်ကြည့်နေကြသလဲ။ ကလေးတွေ ဆိုတာ အလွန် စပ်စုစူးစမ်းလို ကြတယ်။ ဒါကြောင့် သူတို့ကို မျက်ခြေမပြတ်အောင် စောင့်ကြည့်ဖို့တော့ လိုလိမ့်မယ်။ စောင့်ရှောက်ရမယ့် အချိန်မှာ ပစ်ထားလိုက်ရင် ပန်းကောင်း အညွန့်ချိုးခံထားရသလို ဖြစ်သွား နိုင်ပါတယ်” ဟု ဟာမီဒါက ဆိုသည်။

ထိုအချက်ကို ဂျိမ်းစ်ကလည်း လက်ခံသည်။ ဆိုရှယ် မီဒီယာများကို သုံးခြင်းကအစ စောင့်ကြည့်သင့်ကြောင်း သူက ထောက်ခံသည်။ သူက…
“ကလေးတွေကို လွှတ်မထားပါနဲ့ ။ အမှုမဲ့ အမှတ်မဲ့ မထားပါနဲ့။ မိဘတွေ၊ ညီအစ်ကို မောင်နှစ်မတွေက မဟုတ်တာတွေကို အင်တာနက်မှာ ကြည့်နေပြီး၊ အနားမှာ ရှိနေတဲ့ မူကြိုတန်း ကလေးအရွယ်လောက်ကို အလေးထားစရာ မလိုဘူးလို့ ထင်လိုက်ရင် မှားလိမ့်မယ်။ အင်တာနက်ကို မသုံးရဘူးလို့တော့ သွားပြီးမပိတ်ပင် လိုက်ပါနဲ့။ အဲဒါကပိုပြီး ဆိုးသွားလိမ့်မယ်။ အဲဒီနည်းကလည်း မထိရောက်နိုင်ဘူး” ဟု ဆိုသည်။

“ အရွယ်မရောက်သေးတဲ့ ကလေးတွေက လူကြီးတွေ ကိစ္စတွေကို အရမ်း စိတ်ဝင်စားကြတယ်။ ဒါကြောင့် သူတို့ကို လိင်ကိစ္စနဲ့ ပတ်သက်တာတွေကို ရှင်းပြနိုင်အောင် ကြိုးစားရမယ်။ နောက်တစ်ချက်က မိဘနဲ့ သားသမီးတွေကြားမှာ နှောင်ဖွဲ့တတ်တဲ့ သံယောဇဉ်ကြိုးကို ခိုင်မာအောင် ပိုပြီး လုပ်ရမယ်။ ရင်းရင်းနှီးနှီး သားသမီးတွေနဲ့ နေထိုင်ပြောဆိုပြီး လိင်ကိစ္စဆိုတာကို အသေးအမွှားကနေ၊ အလေးထားစရာ ကိစ္စတွေအထိ ရှင်းလင်း ပြောပြနိုင်အောင် ကြိုးစားရမယ်။ ကျောင်းတွေက မပြောရင် သူတို့နဲ့ အနီးစပ်ဆုံးက မိဘတွေပဲ ရှိတာကြောင့် မိဘတွေက ပြောရမယ်။ ဒီလို ရှင်းလင်း ပြောပြနိုင်မှ သူတို့ လမ်းမှားကို ရောက်မသွားမှာပေါ့။ သူတို့ အရွယ်ရောက်လာချိန်အထိ သာယာ ပျော်ရွှင်စရာကောင်းတဲ့ ပတ်ဝန်းကျင် တစ်ခုကို ဖန်တီးပေးရင် စိတ်လေတာတွေ၊ တလွဲ သာယာနေတာတွေ မရှိနိုင်ဘူးပေါ့”
“ဥပဒေကြောင်း အရလည်း တားဆီးကာကွယ် ပေးထားဖို့ လိုတယ်။ အရွယ်မရောက်သေးတဲ့ ၁၂ နှစ် အရွယ်လေးတွေ အပြစ်ကျူးလွန်ရင် ဘယ်လို အရေးယူမယ်ဆိုတဲ့ ဥပဒေလည်း ရှိဖို့လိုတယ်” ဟု သူက ဆိုသည်။

မလေးရှားနိုင်ငံ မိဘများ ပညာရေးလှုပ်ရှားအဖွဲ့ (PAGE) ဥက္ကဋ္ဌ နူးဇီမာအဘဒူရာမင် ကလည်း ကျောင်းသားများကို လိင်ပညာရေးနှင့် ပညာပေးရန် အရေးကြီးကြောင်း သဘောတူသည်။ သို့သော် ပျံ့နှံ့နေသော လိင်အသားပေး ပုံများ၊ ဗီဒီယို ဇာတ်လမ်းများ နေရာတိုင်းလိုလိုတွင် အလွယ်တကူ ရရှိနေခြင်းကလည်း ပြဿနာရပ်တစ်ခု ဖြစ်ကြောင်း သူက ထောက်ပြထားသည်။ သူမ အနေဖြင့် ကျောင်းများရှိ ကွန်ပျူတာခန်းများတွင် မလိုအပ်သည့် လိုင်းများသို့ ဝင်ရောက်ကြည့်ရှုခြင်း မပြုနိုင်ရန် ကြိုတင် ကာကွယ်ရေးစနစ် (Fire-walls) များ တပ်ဆင်ထားရန် အကြံပြုထားသည်။

“ကျောင်းသားတွေကို Facebook မသုံးရဆိုတဲ့ ကန့်သတ်ချက်မျိုးတွေနဲ့ ပိတ်ပင်စရာတော့ မလိုဘူး။ သူ့အသက်အရွယ် အပိုင်းအခြားနဲ့သာ သုံးခွင့်ပြုသင့်တယ်” ဟုလည်း ဇီမာက ဆိုသည်။ သူက အင်တာနက်ကို ပိတ်ပင်ခြင်း၊ ကန့်သတ်ခြင်း၊ ဆင်ဆာဖြတ်ခြင်းတို့သည့် အဖြေ မဟုတ်ကြောင်း လက်ခံထားသည်။

“မိဘတွေအနေနဲ့ အကောင်း၊ အဆိုးကို ခွဲခြားပြီး သဘောပေါက်အောင် ရှင်းပြဖို့ လိုမယ် ထင်တယ်။ အမှား၊ အမှန် ခွဲခြားနိုင်အောင် လေ့ကျင့် သင်ပေးဖို့လည်း လိုလိမ့်မယ်။ အင်တာနက်ကို အသုံးမပြုနဲ့ ဆိုပြီး ပိတ်လိုက်ရင် ဒီနေရာပိတ်၊ အခြားတစ်နေရာ ရောက်သွားမှာပဲ။ ကလေးတွေကို မလုပ်ရဆိုပြီး တားမြစ်မယ့်အစား အကျိုးရှိအောင် ဘယ်လိုသုံးရတယ် ဆိုတာတွေကို လမ်းညွှန် ပြပေးနိုင်ရင် ပိုကောင်းမယ်။ အကောင်းမြင်စိတ်နဲ့ အပြုသဘောဆောင်တဲ့ လုပ်ငန်းတွေ လုပ်ဆောင်ပြီး ကိုယ်လည်း အကျိုးရှိ၊ တိုင်းပြည်အတွက်လည်း အကျိုးရှိတာတွေကို ထုတ်လုပ်မှု တစ်ခုခုအနေနဲ့ ရလဒ် ပေါ်လာအောင် သုံးစွဲခိုင်းရင် ပိုကောင်းမယ် ထင်ပါတယ်” ဟူ၍ ပြောကြားချက်သည် ခေတ်သစ် မိဘများနှင့် ဆရာများအတွက် စဉ်းစားစရာ ဖြစ်သည်။

Ref: Rising Cases of Minors Raping Minors, by New Sunday Times, 2013 October

အယ်ဒီတာတစ်ဦး

The Voice Weekly

မလေးရှားနိုင်ငံအတွင်း အရွယ်မရောက်သေးသည့် လိင်မှုဆိုင်ရာ ဆိုးရွားသည့် အဖြစ်အပျက်များ
၂၀၁၀ ပြည့်နှစ်၊ ဇွန်လ : မလေးရှားနိုင်ငံ ဒေသဆိုင်ရာ သတင်းစာ တစ်စောင်၏ ဖော်ပြချက်အရ၊ သုံးတန်း တက်နေသော အသက် ကိုးနှစ်အရွယ် မိန်းကလေး တစ်ယောက်သည် အိမ်နီးချင်း ၁၄ နှစ်အရွယ် ကောင်လေး တစ်ယောက်နှင့် မှားယွင်းဖောက်ပြားကာ ကိုယ်ဝန်ရှိလာပြီး သားယောက်ျားလေး တစ်ယောက် ဖွားမြင်ခဲ့ကြောင်း သိရသည်။

၂၀၁၃ ခုနှစ်၊ စက်တင်ဘာလ ၂၄ ရက် : အသက် ၁၂ နှစ်နှင့် ၁၄ နှစ်ကြား လူငယ် ရှစ်ဦးသည် အသက် ၁၃ နှစ်အရွယ် မိန်းကလေး တစ်ဦးကို ကွာလာကူဘူဘာရူ မြို့ရှိ လူမနေသော အိမ်ကြီးတစ်လုံးတွင် မုဒိမ်း ပြုကျင့်မှုကြောင့် အဖမ်းခံကြရသည်။

ထိုမုဒိမ်းမှု ကျူးလွန်ခံရသည့် မိန်းကလေးသည် အခင်းဖြစ်ပွားသည့်နေ့ မတိုင်မီကတည်းက ကျောင်းပြေးပြီး အိမ်ကိုလည်း ပြန်မလာခဲ့ကြောင်း ဒေသဆိုင်ရာရဲစခန်းမှ တာဝန်ရှိသူ တစ်ဦးက ပြောကြားခဲ့သည်။ မိန်းကလေးသည် သူ့အိမ်နှင့် မိုင် ၁၀၀ ခန့်ဝေးသည့် အိမ်ပျက်ကြီးသို့ ရောက်လာပြီး အိပ်စက်နေစဉ် ထိုသို့ မုဒိမ်းကျင့်ခံရခြင်း ဖြစ်သည်။

၂၀၁၃ ခုနှစ်၊ အောက်တိုဘာ ၂ ရက် : မာလက်ကာမြို့တွင် နေထိုင်သော လေးတန်း ကျောင်းသားနှင့် နှစ်တန်းကျောင်းသား နှစ်ယောက်သည် ပထမတန်း တက်နေသည့် ကျောင်းသူလေး တစ်ဦးကို အတင်းအဓမ္မ ပြုကျင့်နေသည့် ဗီဒီယိုပြကွက်များ လူကြီးများကြည့်သည့် Website တစ်ခုပေါ်သို့ တက်လာသည်။

ထိုညီအစ်ကို နှစ်ယောက်သည် ကျောင်းရှိ ကွန်ပျူတာခန်းတွင် လူကြီးကြည့် ဇာတ်လမ်းများကို ကြည့်ခဲ့ပြီးနောက် ကျောင်းမှ ကောင်မလေးကို အိမ်သို့ ခေါ်သွားပြီး မဟားဒယား ကျင့်ခဲ့ကြောင်း မိန်းကလေး၏ မိခင်က ရဲစခန်းသို့ တိုင်ကြားခဲ့သည်။

ကျပ်သိန်း ၂၀၀ တန် တန်ဖိုးနည်း အိမ်ရာ တစ်ပြေးညီ ရောင်းပေးမည်


ရန်ကုန်၊ အောက်တိုဘာ ၂၈

ဒဂုံဆိပ်ကမ်းမြို့နယ် (၆၇) ရပ်ကွက်ရှိ ရတနာနှင့် ဧရာဝဏ် တန်ဖိုးနည်းအိမ်ရာ စီမံကိန်း ပြီးစီးပါက ယင်းရပ်ကွက်နေ ပြည်သူများ အပါအ၀င် အိမ်ရာ ၀ယ်ယူလိုသည့် သူများအား တစ်ပြေးညီ ရောင်းချ ပေးသွားမည် ဖြစ်ကြောင်း အောက်တိုဘာ ၂၈ ရက်တွင် မြို့ရွာနှင့် အိုးအိမ် ဖွံ့ဖြိုးရေး ဦးစီးဌာန ညွှန်ကြား ရေးမှူးချုပ် ဦးမင်းထိန်က မြန်မာသံတော်ဆင့်သို့ ပြောသည်။

ယခင်က တန်ဖိုးနည်း အိမ်ရာများ ဆောက်လုပ်ခဲ့သော်လည်း အစိုးရ ၀န်ထမ်းများကိုသာ အဓိကထား ရောင်းချခဲ့ခြင်းဖြစ်ပြီး ၂၀၁၃ ခုနှစ်တွင် စတင်ခဲ့သော ရတနာနှင့် ဧရာဝဏ် တန်ဖိုးနည်း အိမ်ရာ စီမံကိန်း ပြီးစီးပါက အိမ်ရာဝယ်ယူလိုသည့် ပြည်သူ အားလုံးအတွက် တစ်ပြေးညီ ရောင်းချပေးသွားမည် ဖြစ်သည်။

““ဘယ်သူဘယ်ဝါရယ် မရှိပါဘူး။ အားလုံးကို ရောင်းပေးသွားမှာပါ။ စီမံကိန်း ပြီးတဲ့အခါ ၀ယ်ယူ နိုင်စွမ်း ရှိတဲ့ လူတွေကို စိစစ်ပြီးတော့ တိုင်းဒေသကြီးနဲ့ ညှိနှိုင်းပြီး ရောင်းပေး သွားမှာပေါ့နော်။ ဒီစီမံကိန်းက အခန်းတွေကို ကျပ်သိန်း ၂၀၀ တော့ မှန်းထားတယ်။ အရစ်ကျတော့ ရောင်းပေးမယ်။ ဘယ်လောက်ထိ အရစ်ကျ ရောင်းပေး နိုင်မယ် ဆိုတာတော့ ပြန်တွက်ရဦးမှာ။ နိုင်ငံတော်ကတော့ အတတ်နိုင်ဆုံး အနည်းဆုံး ဖြစ်အောင်တော့ စီမံ ဆောင်ရွက်ရတာပေါ့””ဟု ၎င်းက ပြောသည်။

ဒဂုံဆိပ်ကမ်း မြို့နယ် ၆၇ ရပ်ကွက်သည် ၁၉၉၁ ခုနှစ်မှစ၍ အစိုးရမှ ကိုယ်ထူကိုယ်ထ စိမ်းလန်းမြေ စိုက်ပျိုးနိုင်ရန် ပြည်သူများအား မြေနေရာ နေထိုင်ခွင့်နှင့် စိုက်ပျိုး လုပ်ကိုင်ခွင့် ပေးခဲ့ခြင်းဖြစ်ပြီး ယခုနှစ် ၂၀၁၃ ခုနှစ် နှစ်လယ်ပိုင်းမှ စတင်ကာ ယင်းမြေပေါ်တွင် တန်ဖိုးနည်းအိမ်ရာ စီမံကိန်း စတင် လုပ်ကိုင်လျက်ရှိသည်။

အဆိုပါ ရပ်ကွက်တွင် ရတနာ၊ ဧရာဝဏ် တန်ဖိုးနည်း အိမ်ရာစီမံကိန်း ဖော်ဆောင်ရန် အတွက် ၂၀၁၃ ခုနှစ် ဇန်န၀ါရီ ၂ ရက်တွင် မြို့ရွာနှင့် အိုးအိမ် ဖွံ့ဖြိုးရေး ဦးစီးဌာန ညွှန်ကြားရေးမှူးဟောင်း ဦးအောင်ကျော်ဦးက နေထိုင်သူများနှင့် စီမံကိန်း ဖော်ဆောင်နေစဉ် အတွင်း ဆောက်လုပ်ရေး၌ အလုပ်လုပ်ကိုင်ခွင့်နှင့် စီမံကိန်း ပြီးစီးပါက အိမ်ခန်းများအား ဦးစားပေး အရစ်ကျ ရောင်းချပေးမည်ဟု နှုတ်ကတိပေးကာ လာရောက် ညှိနှိုင်းမှုများ ရှိခဲ့သည်။

ထိုသို့ ညှိနှိုင်းမှုများ ရှိခဲ့သော်လည်း စီမံကိန်း စတင်ဖော်ဆောင်ချိန်တွင် နေထိုင်သူများအား ပြောင်းရွှေ့ပေးရန် သတိပေးစာ ငါးကြိမ်ပေးပို့ခဲ့ပြီး ဒဂုံအရှေ့ပိုင်း ၁၃၈၊ ၁၅၅ ရပ်ကွက်တွင် တစ်အိမ်ထောင်လျှင် ၁၀ ပေ ၆၀ ပေ မြေကွက်များနှင့် ပြောင်းရွှေ့စရိတ် ကျပ်နှစ်သိန်း ပေးကာ ပြောင်းရွှေ့ စေခဲ့သည်။

မူလနေထိုင်သူ အိမ်ထောင်စုပေါင်း ၃၀၀ ကျော် ရှိသည့်အနက် အိမ်ထောင်စုပေါင်း ၆၀ ကျော်မှာ ထိုသို့ ပြောင်းရွှေ့ ခိုင်းခြင်းအပေါ် သဘောတူညီမှု မရှိဘဲ ဦးအောင်ကျော်ဦး၏ မူလပေးခဲ့သည့် ကတိအတိုင်းသာ ပြုလုပ် ပေးစေချင်ကြောင်းနှင့် ကတိမတည်ခြင်းအတွက် ဆန္ဒထုတ်ဖော်မှုများ (၄)ကြိမ် ပြုလုပ်ခဲ့သည်။ ဆန္ဒထုတ်ဖော် ခဲ့ရခြင်းနှင့် စပ်လျဉ်း၍ စီမံကိန်း ဧရိယာတွင် ပါဝင်သော ၆၇ ရပ်ကွက်နေ ဦးတင်ကြိုင်က ““ဦးတို့ကို အခုပြောင်းပေး တဲ့ နေရာက နေဖို့ ကော၊ ကျောင်းတက်ဖို့ကော အဆင်မပြေတဲ့ နေရာဖြစ်နေတယ်။ ဦးတို့ကတော့ ဒီတိုက်ခန်းတွေပြီးရင် ဦးအောင်ကျော်ဦး ပေးထားခဲ့တဲ့ ကတိအတိုင်း ရောင်းပေးေ စချင်တာ။ အလကား မယူပါဘူး။ အရစ်ကျ သွင်းပေးမယ်။ ငွေပမာဏ ကတော့ ဦးတို့က ပုံသေ လုပ်ငန်းတွေ လုပ်တာ မဟုတ်ဘူးလေ။ ဒီတော့ ဦးတို့ လုပ်ငန်းခွင်ကို ကြည့်ပြီး လုပ်စေချင်တာပေါ့။ တစ်လကို သောင်းဂဏန်းလောက် ပေါ့။ မရှိလို့ လုပ်စားတဲ့ လူတွေလေ””ဟု ပြောသည်။

အဆိုပါကိစ္စနှင့် စပ်လျဉ်း၍ ရန်ကုန်တိုင်းဒေသကြီး အစိုးရရုံးမှ ဒုတိယ ညွှန်ကြားရေးမှူး ဦးအောင်ကျော်စိုးက ““အခုဆိုရင် ရန်ကုန်တိုင်း ဒေသကြီးမှာ လျှောက်လွှာတွေ လာတင်ထားကြတာ အောတိုက်ပဲ။ ၀ယ်တဲ့ သူကတော့ သူ့ဟာသူ စဉ်းစားရမှာပေါ့။ အရစ်ကျလား၊ တကယ်လား ဘာမှမဆုံးဖြတ် ရသေးဘူးလေ။ တရားဝင်လည်း မပြောသေးဘူး။ အခုမှစပြီး တည်ဆောက်တုန်း မို့လို့ပါ။ ပြီးရင်တော့ ဘယ်လောက်နဲ့ သတ်မှတ်မယ်။ ဘယ်လို အရည်အချင်းနဲ့ ကိုက်ညီရင် ဘယ်လို ရောင်းမယ်ဆိုတာ ထွက်ဦးမယ်။ လာတင် ထားတဲ့ သူတွေကို ဒီမှာ စာရင်း လုပ်ထားတယ်။ စီမံကိန်းတွေ ပြီးရင်တော့ ဒီစာရင်းအတိုင်း သွားမှာပေါ့”” ဟု ပြောသည်။

ဒဂုံဆိပ်ကမ်းမြို့နယ်၊ (၆၇) ရပ်ကွက်ရှိ ရတနာ၊ ဧရာဝဏ် တန်ဖိုးနည်း အိမ်ရာများ၏ ခန့်မှန်းဈေးနှုန်းမှာ ကျပ်သိန်း ၂၀၀ ခန့် ရှိနိုင်ပြီး အချို့သော ၀ယ်ယူချင်သူများသည် ရန်ကုန်တိုင်း ဒေသကြီး အစိုးရရုံးသို့ လျှောက်လွှာများ လာရောက် လျှောက်ထားလျက် ရှိသည်။

ဇင်မာ

မြန်မာသံတော်ဆင့်

အသတ်ခံရသူ အမျိုးသမီး၏အလောင်း အိပ်မက်ပေးခဲ့ရာ နေရာတွင် ရှာဖွေတွေ့ရှိ


ရန်ကုန်၊ အောက်တိုဘာလ ၃၁

လူပျောက် တိုင်ချက်ဖွင့်ကာ ကိုးရက်ကြာ ရှာဖွေခဲ့ရသော အသက် ၂၃ နှစ်အရွယ် အမျိုးသမီးတစ်ဦး၏ အလောင်းကို အိပ်မက်ပေးခဲ့သည့် နေရာအတိုင်း သွားရောက် ရှာဖွေရာမှ ဒဏ်ရာများဖြင့် ပုပ်ပွ သေဆုံးနေသည်ကို အောက်တိုဘာလ ၂၉ ရက် မွန်းလွဲပိုင်းက တွေ့ရှိခဲ့ကြောင်း လှည်းကူးမြို့နယ် ငါးဆူတောင် နယ်မြေရဲစခန်းမှူး ရဲအုပ်ကျော်ဆန်းလင်းက The Voice သို့ ပြောကြားသည်။

ငါးဆူတောင်အုပ်စု ရဲသုခ စိုက်ပျိုးရေးခြံတွင် အောက်တိုဘာလ ၂၁ ရက် ညနေ ၃ နာရီက မချိုနွယ်ဝင်း (ခ) ကတုံးမသည် စက်ဘီးဖြင့် အမှတ် (၁) ကျေးရွာသို့ ဈေးဝယ်သွားခဲ့ရာမှ နေအိမ်သို့ ပြန်ရောက်မလာသဖြင့် ၎င်း၏ ခင်ပွန်းဖြစ်သူ ဦးစိုးနိုင်က လိုက်လံ ရှာဖွေခဲ့သော်လည်း မတွေ့ရှိသောကြောင့် စိုက်ပျိုးရေးခြံအနီးရှိ ကျေးရွာများထံ အကူအညီတောင်းပြီး အောက်တိုဘာလ ၂၂ ရက်နေ့မှ စတင်ကာ မဲဇလီကုန်း ကျေးရွာမှ လူဦးရေ ၇၀ ခန့်က ဖောအမျိုးအစား ယာဉ်ဖြင့် နေ့စဉ်လိုက်လံ ရှာဖွေခဲ့သော်လည်း မတွေ့ရှိခဲ့ကြောင်း၊ ကိုးရက်မြောက်နေ့တွင် အဆိုပါ အမျိုးသမီး လုပ်ကိုင်ခဲ့သည့် စိုက်ပျိုးရေးခြံ အလုပ်သမ တစ်ဦးကို သေဆုံးသူက ၎င်းရှိသည့် နေရာကို အိပ်မက်ပေးသည်ဟု ဆိုသောကြောင့် ရဲတပ်ဖွဲ့ဝင်များနှင့် လူအများစုမှာ ယုံကြည်မှု မရှိသော်လည်း အိပ်မက်ပေးခဲ့သည့် နေရာအတိုင်း သွားရောက် ရှာဖွေခဲ့ရာမှ အလောင်းကို တွေ့ရှိခဲ့ခြင်း ဖြစ်ကြောင်း မဲဇလီကုန်း ကျေးရွာနေ ကိုတင်ကိုက The Voice သို့ ပြောကြားသည်။
“ငါ့ကို လူတစ်ယောက်က သတ်ပြီး လျှိုထဲ ပစ်ချထားတယ်။ ငါ့ရဲ့ ဘယ်ဘက်ခြမ်းမှာ စက်ဘီးရှိတယ်။ လူတစ်ယောက်က ငါ့ဘေးနားမှာ အမြဲစောင့်နေတယ်ဆိုပြီး မကတုံးမက အိပ်မက် လာပေးသွားတာ” ဟု ရဲသုခ စိုက်ပျိုးရေးခြံမှ ခြံလုပ်သားဖြစ်သူ အသက် ၁၈ နှစ်အရွယ် မနော်အဲဆေးက The Voice သို့ ပြောဆိုသည်။

သေဆုံးခဲ့သူ အမျိုးသမီးသည် တစ်ခြံတည်းနေသူ အလုပ်သမားများနှင့် ဆက်ဆံရေး အဆင်ပြေကြောင်း၊ လွန်ခဲ့သော တစ်လခန့်က ယင်းအမျိုးသမီးထံမှ ခြံကပ်လျက် အမျိုးသားတစ်ဦးက ငွေချေးရာ အကြွေးမဆပ်သဖြင့် စကားများဖူးကြောင်း ရဲသုခ စိုက်ပျိုးရေးခြံမှ ခြံလုပ်သား အမျိုးသားတစ်ဦးက ပြောကြားသည်။
“သေဆုံးခဲ့တဲ့ အမျိုးသမီးကို လူသတ်သမားက အတင်းအဓမ္မ စော်ကားခဲ့တယ်လို့ အရပ်ထဲက လူတွေပြောနေပေမယ့် ရှာတွေ့ချိန် ကိုးရက်ကြာမှာ ပြန်တွေ့တာကြောင့် အလောင်းက ပုပ်ပွနေပြီ။ ဆေးရုံကို ပို့ထားပြီး ဆေးစစ်ချက်ရမှ ဟုတ်မဟုတ် ဆိုတာကို အတည်ပြုပြီမှ ဖြေကြားပေးနိုင်မှာပါ” ဟု ယင်းနယ်မြေ ရဲစခန်းမှ တာဝန်ကျ ရဲအရာရှိတစ်ဦးက ပြောကြားသည်။

သေဆုံးသူ၏ ရုပ်အလောင်းကို ငါးဆူတောင်အုပ်စု ဧက ၁၀၀ ခြံအတွင်းရှိ လျှိုအဆင်းတွင် ပုပ်ပွလျက် တွေ့ရှိခဲ့ပြီး ဦးခေါင်းတွင် ပေါက်ပြဲဒဏ်ရာ နှစ်ချက်၊ ညာဘက် ဝမ်းဗိုက်အောက် အတွင်း ပေါက်ပြဲဒဏ်ရာ တစ်ချက်တို့ကို တွေ့ရှိခဲ့ကြောင်း၊ အလောင်းကို လှည်းကူး ဆေးရုံသို့ ပီအာရ် ၇၇/၁၃ ဖြင့် ပို့ဆောင် စစ်ဆေးလျက် ရှိပြီး ငါးဆူတောင် နယ်မြေရဲစခန်းက (ပ) ၅၄/၁၃၊ ပြစ်မှုပုဒ်မ ၃၀၂ ဖြင့် အမှုဖွင့် စစ်ဆေးနေသော်လည်း အောက်တိုဘာလ ၃၁ ရက်နေ့အထိ လူသတ်သူဟု ယူဆရသူကို မဖမ်းမိသေးကြောင်း လှည်းကူးမြို့နယ် ငါးဆူတောင် နယ်မြေရဲစခန်းထံမှ သိရှိရသည်။

The Voice Weekly

စားသုံးသူ ကာကွယ်ရေးအသင်း ကျောင်းမုန့် ဈေးတန်းများအား စစ်ဆေးရာ၌ တားဆီးခံရ


ရန်ကုန်၊ အောက်တိုဘာ ၃၀

အစိုးရ လက်အောက်ရှိ ကျောင်းမုန့်ဈေးတန်း၌ ကျန်းမာရေးနှင့် ညီညွတ်မှု ရှိ၊ မရှိ စတင် စစ်ဆေးသည့် စားသုံးသူ ကာကွယ်ရေး အသင်းအား အင်းစိန် အထက (၁) ကျောင်းမှ အောက်တိုဘာ ၃၀ ရက်က ၀င်ရောက် စစ်ဆေးခြင်း ပြုလုပ်ခဲ့ရာတွင် ကျောင်း တာဝန်ရှိသူများက တားဆီးခဲ့ကြောင်း သိရသည်။

စားသုံးသူ ကာကွယ်ရေးအသင်းအနေဖြင့် ယင်းကဲ့သို့ တားဆီးခံခဲ့ရခြင်းမှာ မြို့နယ်အဆင့် ကျောင်း အာဏာပိုင်များ၏ ခွင့်ပြုချက် မပါရှိသောကြောင့် တားဆီးခံခဲ့ရခြင်း ဖြစ်ပြီး တခြား အထက(၆)နှင့် အထက (၅)၊ အလက (၁၀)နှင့် အမက (၁၂) ကျောင်းများသို့ စစ်ဆေးခဲ့ရာတွင် ယင်းခွင့်ပြုချက် အမိန့် ပြန်လည် တောင်းခံခဲ့ခြင်း မရှိပေ။

““မြို့နယ် ပညာရေးမှူးရဲ့ လက်မှတ်မပါလို့ ကျောင်းမုန့် ဈေးတန်းတွေကို ၀င်ရောက် စစ်ဆေးခွင့် မပြုဘူးလို့ ပြောတာ။ အဲဒါကတော့ မဖြစ်သင့်ဘူး။ ကျောင်းမုန့် ဈေးတန်းတွေကို စစ်တာ ကျောင်းအုပ်ဆရာကြီးက ခွင့်ပြုရင် ရတယ်။ မြို့နယ် ပညာရေးမှူးလောက်ထိ မလိုပါဘူး။ ဒါတွေက ကြိုးနီစနစ်ရဲ့အငွေ့အသက်တွေလို့ ထင်တယ်”” …. ဟု စားသုံးသူ ကာကွယ်ရေးအသင်း ဥက္ကဋ္ဌ ဦးဗအုပ်ခိုင်က မြန်မာသံတော်ဆင့်သို့ ပြောသည်။

စစ်ဆေးမှုအား တားမြစ်ခဲ့ခြင်းနှင့် ပတ်သက်၍ မြို့နယ်ပညာရေးမှူး လက်မှတ်ပါမှ ၀င်ရောက် စစ်ဆေးရန် သဘောတူကြောင်း၊ ပညာရေးမှူး မပါသည့်အတွက် လက်မှတ် ယူဆောင်လာပြီး နောက်တစ်နေ့တွင် လာရောက် စစ်ဆေး နိုင်ပါကြောင်းလည်း အထက (၁) ကျောင်းအုပ်ကြီး ဦးခင်ဇော်က စားသုံးသူ ကာကွယ်ရေး အသင်းသို့ ပြောဆိုခဲ့သည်။

ထိုကဲ့သို့ ကိစ္စများနှင့် ပတ်သက်၍လည်း ဦးဗအုပ်ခိုင်က ““ဆရာကိုယ်တိုင်လည်း တက်ခဲ့တဲ့ကျောင်း ဖြစ်တယ်။ ဟောပြောပွဲတွေလည်း လုပ်ခဲ့ပြီးပြီ။ ကျောင်းအုပ်ဆရာကြီးလည်း သိတယ်။ စာလည်း ကြိုပို့ထားတယ်။ မ၀င်ခင်လည်း ပြောပြီးသား။ အဲလို တားမြစ်တဲ့အတွက် နောက်ထပ် မ၀င်တော့ဘူး။ နောက်ထပ် ဒီလို ပြဿနာတွေ မဖြစ်လာနိုင်ဘူးလို့ ထင်တယ်။ နောက်ထပ် ဒီလို ထပ်တားဆီးမှုတွေ ဖြစ်လာရင် မသွား တော့ဘူး”” ဟု ထပ်မံ ပြောကြားခဲ့သည်။

ယင်းကဲ့သို့ အထက (၁) ကျောင်းမှ တားမြစ်ခံ ခဲ့ရသော်လည်း အင်းစိန်မြို့နယ် အထက (၆) ကျောင်း၌မူ စစ်ဆေးခွင့် ရရှိခဲ့ကြောင်း၊ မိမိတို့ကျောင်းရှိ ကလေးများ ကောင်းကျိုးအတွက် ရည်ရွယ် လုပ်ဆောင်သည့် အတွက်လည်း ကျေးဇူးတင်ကြောင်း အထက(၆) ကျောင်းအုပ် ဆရာမကြီး ဒေါ်ယဉ်ယဉ်နွယ်က မြန်မာသံတော်ဆင့်သို့ ပြောသည်။

““ကလေးတွေအတွက် စစ်ဆေးမှုတွေ လုပ်တဲ့အတွက် ကျေးဇူးတင်တာပေါ့။ နောက်ထပ်လည်း ဒီလို စစ်ဆေးတာတွေကို ပြုလုပ်ပေးဖို့လည်း စားသုံးသူ အသင်းကို တောင်းဆိုပါတယ်”” ဟု ကျောင်း အုပ်ဆရာမကြီး ဒေါ်ယဉ်ယဉ်နွယ်က မြန်မာသံတော်ဆင့်သို့ ထပ်မံ ပြောဆိုခဲ့သည်။

မြန်မာနိုင်ငံ စားသုံးသူ ကာကွယ်ရေး အသင်းမှ ယခုကဲ့သို့ ကျောင်းများအား ၀င်ရောက် စစ်ဆေးမှုများ ပြုလုပ်နေသည့်အပြင် အောက်တိုဘာ လကုန်ပိုင်းမှစ၍ လမ်းဘေး စားသောက်ဆိုင်များကို ရန်ကုန်တိုင်း ဒေသကြီးအတွင်း ပြုလုပ်လျက်ရှိသည်။ ယင်းအပြင် အခြားတိုင်းနှင့် ပြည်နယ်များအထိပါ စစ်ဆေးမှုများ ပြုလုပ် သွားနိုင်ရန်အတွက် စီစဉ် နေကြောင်းလည်း သိရသည်။

ချမ်းမြေ့ခိုင်

မြန်မာသံတော်ဆင့်

၁၅၀၀ တန်ဖုန်းများတွင် ဝန်ဆောင်မှုအသစ်များ အသုံးပြု၍ ရမည် မဟုတ်ဟုဆို


ရန်ကုန်၊ အောက်တိုဘာ ၃၁

မြန်မာ့ဆက်သွယ်ရေး လုပ်ငန်းက ထပ်မံတိုးချဲ့ထားသော မိုဘိုင်းလ်ဖုန်း ဝန်ဆောင်မှု အသစ်များကို အသစ်ချပေးထားသော ကျပ် ၁၅၀၀ တန် တန်ဖိုးနည်း ဖုန်းများတွင် အသုံးပြု၍ ရဦးမည် မဟုတ်ဘဲ ယခင်ရောင်းချပေးထားသည့် ကျပ်ငါးသိန်း၊ နှစ်သိန်းနှင့် ၁၅ သိန်း ဖုန်းများတွင်သာ အသုံးပြုနိုင်မည် ဖြစ်ကြောင်း မြန်မာ့ဆက်သွယ်ရေး လုပ်ငန်းမှ တာဝန်ရှိသူတစ်ဦးက ပြောကြားသည်။

မြန်မာ့ဆက်သွယ်ရေး လုပ်ငန်းက နိုဝင်ဘာလ ၁ ရက်နေ့မှ စတင်၍ Call Waiting Service (ဖုန်းခေါ်ဆိုမှု တစ်ခုကို လက်ခံဖြေကြားနေစဉ် အခြားဖုန်းတစ်ခု ဝင်လာပါက လက်ခံပေးခြင်း) ကို တစ်လလျှင် ၅၀၀ ကျပ်၊ Call Forward Service (မိမိဖုန်း မအားပါက လိုင်းလွှဲပေးခြင်း) ကို တစ်လလျှင် ၉၀၀၀ ကျပ်၊ Voice Mail Service ကို တစ်လလျှင် ၁၀၀၀ ကျပ်နှင့် Miss Call Alert (မိမိဖုန်း စက်ပိတ်ထားသော်ငြားလည်း Miss Call များ လက်ခံထားပေးခြင်း) ကို တစ်လလျှင် ၁၀၀၀ ကျပ် နှုန်းများဖြင့် စတင်ဝန်ဆောင်မှု ပေးသွားမည် ဖြစ်ကြောင်း ကြေညာထားသည်။
“ဝန်ဆောင်မှု အသစ်လေးခု ထပ်တိုးချဲ့မှာပါ။ GSM, WCDMA, CDMA 800 MHz, CDMA 450 MHz အားလုံးရတယ်။ ဒါပေမဲ့ အခုချထားတဲ့ ၁၅၀၀ တန်တွေတော့ မရသေးဘူး” ဟု မြန်မာ့ဆက်သွယ်ရေးမှ တာဝန်ရှိသူတစ်ဦးက ဆိုသည်။

၁၅၀၀ တန် ဖုန်းများအတွက် ဝန်ဆောင်မှု အသစ်များ ပေးနိုင်မည့် အချိန်ကိုမူ အတိအကျ မသိသေးကြောင်း မြန်မာ့ဆက်သွယ်ရေး လုပ်ငန်းအတွက် ပြန်ကြားရေးဝန်ဆောင်မှု ဆောင်ရွက်ပေးနေသော ၁၈၇၆ Call Center က ပြောကြားသည်။
“ဒီဝန်ဆောင်မှုတွေက နိုင်ငံတကာမှာဆိုရင် SIM Card ဝယ်တာနဲ့ တွဲလျက် ဝယ်ယူလို့ ရတာတွေ။ အခုဒီမှာက မြေစမ်းခရမ်းပျိုးရုံပဲ ရှိသေးတယ်။ ပြည်ပဆက်သွယ်ရေး ကုမ္ပဏီတွေ ဝင်လာရင် ဒီလိုပုံစံနဲ့ဆိုရင် ကျန်ခဲ့လိမ့်မယ်။ ၁၅၀၀ တန်ဖုန်းတွေ အဓိက ချထားပေးနေတဲ့ အချိန်မှာ ၁၅၀၀ တန် ဖုန်းတွေမှာ သုံးလို့မရတာက ဟာသပဲ” ဟု မြန်မာ့ဆက်သွယ်ရေး လုပ်ငန်းမှ အငြိမ်းစားအရာရှိ ဦသန်းဦးက မှတ်ချက်ပေးသည်။

အဆိုပါ ဝန်ဆောင်မှုများကို ရယူလိုသူများသည် အသုံးပြုလိုသော ဝန်ဆောင်မှုအပေါ် မူတည်၍ Call Waiting Service အသုံးပြုလိုသူများအတွက် Orderdata CW, Call Forward Service အတွက် Orderdata CF, Voice Mail Service အတွက် Orderdata VMS နှင့် Miss Call Alert ဝန်ဆောင်မှု အတွက် Orderdata MCA ဟု ၁၃၃၁ နံပါတ်သို့ SMS ရိုက်၍ ပေးပို့မည် ဖြစ်ကြောင်း မြန်မာ့ဆက်သွယ်ရေး လုပ်ငန်းထံမှ သိရသည်။

ဖုန်းကိုင်ဆောင်သူများသည် အဆိုပါ ဝန်ဆောင်မှုများ အားလုံးကို အသုံးပြုနိုင်မည် မဟုတ်ဘဲ ဖုန်းလိုင်းတစ်ခုလျှင် Call Waiting Service နှင့် Call Forward Service ထဲမှ တစ်ခုနှင့် Voice Mail Service နှင့် Miss Call Aler တို့ထဲမှ တစ်ခုစီကိုသာ ရွေးချယ် သုံးစွဲနိုင်မည် ဖြစ်သည်။

လက်ရှိအချိန်တွင် မြန်မာနိုင်ငံ လူဦးရေ၏ ၁၁ ဒသမ ၁ ရာခိုင်နှုန်းဖြစ်သော လူဦးရေ ခြောက်သန်းခန့်သာ မိုဘိုင်းလ်ဖုန်း သုံးစွဲနိုင်၍ ယင်းဖုန်းသုံးစွဲသူများ၏ သုံးပုံတစ်ပုံခန့် ပမာဏဖြစ်သော နှစ်သန်းခန့်မှာ ကျပ် ၁၅၀၀ တန် တန်ဖိုးနည်းဖုန်းများ အသုံးပြုခြင်း ဖြစ်ကြောင်း ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန၏ စာရင်းများအရ သိရသည်။

The Voice Weekly

မြန်မာ့တပ်မတော်နှင် KNU/KNLA(Peace) ယူနီဖောင်း ဝတ်ဆင်လိမ်လည်သူအား အမြန်ဆုံး ဖမ်းဆီးမည်


ရန်ကုန် အောက်တိုဘာ ၃၁

KNU/KNLA(Peace) လက်နက်နှင့် ငြိမ်းချမ်းရေးလဲလှယ်သည့်တပ်ဖွဲ့မှ တရားဝင် ထုတ်ပယ်ထားသည့် ဒုဗိုလ်အဆင့်ရှိသူ စော မောင်မောင်သည် KNU/KNLA(Peace) နှင့် အစိုးရတပ်မတော် အရာရှိကြယ်ပွင့်များတပ်ဆင် ပြီးလိမ်လည်မှုများပြုလုပ်နေခြင်းကြောင့် နှစ်ဖက် အဖွဲ့အစည်းမှ တာဝန်ရှိသူများက အမြန်ဆုံးဖမ်း ဆီးအရေးယူနိုင်ရန် ဆောင်ရွက်နေကြောင်း KNU/KNLA(Peace)မှ ဗိုလ်မှူးချုပ်စောထူးဂေ က ပြောသည်။

အဆိုပါ စောမောင်မောင်သည် နိုင်ငံတော်မှ ငြိမ်းချမ်းရေးဖော်ဆောင်နေစဉ်ကာလအတွင်း ငြိမ်းချမ်းရေးပျက်ပြားစေရန်လုပ်ဆောင်ပြုမူခြင်း၊KNU/KNLA(Peace) တပ်ဖွဲ့၏ ဂုဏ်သိက္ခာ ညှိုးနွမ်းကျဆင်းစေရန်လုပ်ဆောင်ခြင်း၊ နိုင်ငံတော် အစိုးရနှင့် KNU/KNLA(Peace) တို့အကြား အထင်အမြင်လွဲမှားစေရန် လုပ်ဆောင်ခြင်းတို့ ကြောင့် ယခုလို ဖမ်းဆီးအရေးယူရန်ဆောင်ရွက် ခြင်းဖြစ်ကြောင်း ၄င်းကပြောသည်။

''ဒုဗိုလ်အဆင့်ရှိ စောမောင်မောင်ဟာ ဗဟိုကောင်စီကနာမည်တူတဲ့ ဒုတိယဗိုလ်မှူးကြီး စောမောင်မောင်ဆိုပြီး သူ့ရဲ့သဘောဆန္ဒနဲ့ ဝန်ထမ်းကတ်ပြားတွေကို အလွဲသုံးစားလုပ် တယ်။ မြန်မာ့တပ်မတော်က ရာထူးအဆင့်သတ် မှတ်ထားတဲ့ တံဆိပ်တွေကို ကျွန်တော်တို့တပ်ဖွဲ့ ရဲ့ ယူနီဖောင်းနဲ့တွဲဝတ်တယ်။ ဗဟိုကောင်စီက ဒုတိယဗိုလ်မှူးကြီးစောမောင်မောင်ဆိုပြီး ပြည်သူ တွေကို လိမ်လည်တာတွေလုပ်တယ်။ ဒါကြောင့် အခုလိုနှစ်ဖက်ဆိုင်ရာတွေပေါင်းပြီး အရေးယူဖို့ လုပ်ဆောင်ရတာပါ''ဟု ဗိုလ်မှူးချုပ်စောထူးဂေ က ပြောသည်။

KNU/KNLA(Peace) မှ ဒုဗိုလ်စောမောင် မောင်ကို ယခုလ ၁ဝရက်က အဖွဲ့ဝင်အဖြစ်မှ ထုတ်ပယ်ခြင်းနှင့် ၄င်းအား တပ်ဖွဲ့မှသတ်မှတ် ထားသည့် စည်းကမ်းများချိုးဖောက်ခြင်း၊ တပ်ဖွဲ့ မှပေးအပ်သောတာဝန်မရှိဘဲ ၄င်း၏သဘောဖြင့် အလွဲသုံးစားလုပ်ငန်းများလုပ်ကိုင်နေခြင်းတို့ ကြောင့် ဒုဗိုလ်စောမောင်မောင်အား မည်သည့် နေရာဒေသတွင်မဆို ဖမ်းဆီးရန်၊ နိုင်ငံတော် အစိုးရဌာနများအား ပန်ကြားထားကြောင်းသိ ရသည်။

အောရမ်း

The Union Daily

ကမ္ဘာ့မြို့တော်များ ပြောင်းရွှေ့ခြင်းနှင့် နေပြည်တော်တည်ရခြင်းအကြောင်းရင်း – လင်းထိုက် (Y.I.T)


    (နိုင်ငံခြားကြောက်ရောဂါ)နှင့် (အယူသီးမှု)တို့အပေါ်တွင် အခြေပြုစဉ်းစားခဲ့. . . ရွှေတိဂုံစေတီတော်ရန်ကုန်တွင် တည်ရှိနေခြင်းကလည်း အာဏာရှင် အစိုးရအဖို့ စိတ်မလုံမခြုံဖြစ်စေ . . .အာရပ်နွေဦးဂယက်နှင့် ရန်ကုန်မြို့တွင်း တရားခံလက်သည်မပေါ်သော ဗုံးပေါက်ကွဲမှု များမှာလည်း အကြောင်းရင်းခံများ . . .

၂၀၀၅ ခုနှစ် ဖေဖော်ဝါရီ ၅ ရက်နေ့တွင် စစ်အစိုးရသည် အစိုးရ ၀န်ထမ်းများအား မြို့တော်သစ်သို့ ပြောင်းရွှေ့ရန် ညွှန်ကြားချက် ထုတ်ပြီး နောက်ပိုင်းတွင် နေပြည်တော် မြို့တော်သစ် ဇာတ်လမ်းအစပြု ခဲ့သည်ဟု ဆိုရပါမည်။ ထိုစဉ်အခါ ကမ္ဘာ့ သတင်းစာမျက်နှာ များတွင်တော့ ၂၀၀၅ ခုနှစ် နိုဝင်ဘာ ၆ ရက်၊ မနက် ၆ နာရီခွဲ တိတိတွင် ပျဉ်းမနား နေပြည်တော် မြို့သစ်သို့ အစိုးရ ရုံးများ ရုတ်တရက် ပြောင်းရွှေ့ သွားကြောင်း ကမ္ဘာ့သတင်း ဌာနများမှ ပလူပျံအောင် ရေးသား ဖော်ပြခဲ့ကြသည်။

တောင်၊ မြောက် ၁၁ မိုင်ကျော်၊ အရှေ့၊ အနောက် ၈ မိုင်နီးပါး၊ စတုရန်း မိုင်အားဖြင့် ၂၇၀၀ စတုရန်းမိုင် ကျယ်ဝန်းသော နေပြည်တော် မြို့တော်သစ်ကြီးသည် ရန်ကုန်မြို့ မြောက်ဘက်မှ ၂၄၄ မိုင် ကွာဝေးပြီး ပဲခူးရိုးမနှင့် ရှမ်းရိုးမ ကြားတွင် တည်ရှိပေသည်။ ပျဉ်းမနားမြို့၏ အနောက် တောင်ဘက် ၁၂ မိုင်အကွာ ပျဉ်းမနား – တောင်တွင်းကြီး၊ လယ်ဝေး လမ်းဆုံအနီးတွင် တည်ထားခြင်း ဖြစ်သည်။ ပျဉ်းမနားမြို့ ဟူသည် ဂျပန်ခေတ် ကာလက ဗိုလ်နေ၀င်း၏ တပ်ရင်း(၁) ဌာနချုပ် တည်ရှိခဲ့ဖူးရာ မြို့လည်း …  ဖြစ်သည်။ နေပြည်တော် မြို့တော်သစ်အား ၂၀၀၁ ခုနှစ် ကတည်းမှ လျှို့ဝှက် တည်ဆောက်ခဲ့သည်ဟု တချို့သော ကမ္ဘာ့ သတင်းဌာန များက ဖော်ပြခဲ့သည်။ မြို့တော်သစ်အား ယခင် စစ်အစိုးရနှင့် နီးစပ်သော ခရိုနီများ၏ ကုမ္ပဏီ အများစုမှ တည် ဆောက်ပေးခဲ့ပြီး တရုတ်ကုမ္ပဏီ များလည်း ပါဝင် တည်ဆောက် ပေးခဲ့သည်ဟု အစီရင်ခံစာ တချို့က ဆိုပါသည်။ ၀န်ကြီးရုံး ၃၀ ခန့်အား တောင်-မြောက် ၅မိုင်ခွဲ၊ အရှေ့- အနောက် ၃မိုင် နီးပါးကျယ်ဝန်းသော မြေ ဧရိယာပေါ်တွင် တည်ဆောက်ခဲ့ပြီး၊ တောင်ဘက် ချောင်းမကြီး ရေကာတာ အနီးတွင်မူ အစိုးရ ဧည့်ရိပ်သာ များကို တည်ဆောက် ထားသည်။ ၀န်ကြီးရုံးများ၏ တောင်ဘက်တွင် ၀န်ထမ်း အိမ်ရာများနှင့် ဈေးများကို တွေ့ရမည် ဖြစ်ပြီး မြို့တော်တောင်ဘက် ၈ မိုင်အကွာ ဧလာမြို့ အနီးတွင် ကြီးမားသော လေဆိပ်ကြီး တစ်ခုကို တည်ဆောက် ခဲ့သည်။ စစ်ရုံးချုပ် အပါအ၀င် အရေးကြီး စစ်ဘက် အဆောက်အအုံ များမှာမူ ပျဉ်းမနား အရှေ့မြောက်ဘက် တောတောင်များအား နောက်ခံ အကာအကွယ်ယူ၍ သီးခြား တည်ဆောက်ထားသည်ဟုဆိုသည်။

မြို့တော်သစ်ကြီးအား ၂၄ နာရီ လျှပ်စစ်မီး အပြည့်ရအောင် ဖြည့်ဆည်းထားပြီး ရှုမျှော်ခင်း လှပသော ပန်းခြံများ၊ ဂေါက်ကွင်းကြီးများ၊ အိမ်ကြီးရခိုင် ခံ့ညားထည် ၀ါသော အဆောက်အအုံကြီးများ၊ ရှားပါး ပင်ဂွင်းငှက် များပါ ပြသထားသော တိရစ္ဆာန် ရုံတစ်ရုံ စသည်ဖြင့် အစိုးရရုံး စိုက်ရာ မြို့တော်ကြီးသည် ခံ့ထည်ကြီးကျယ် ခမ်းနားမှု အပေါင်းနှင့် ပြည့်စုံပါပေသည်။

နေပြည်တော် မြို့တော်သစ်ကြီး၏ ကုန်ကျစရိတ်အား တိတိကျကျ တွက်ချက်ရန် ခက်ခဲ လှသော်လည်း ပညာရှင်များ သုံးသပ်ကြသည်ကတော့ အမေရိကန် ဒေါ်လာ ၅ ဘီလီယံ နီးပါး ကုန်ကျခဲ့လိမ့်မည်ဟု ဆိုကြ သည်။ မြို့တော်သစ်ကြီးအား တရားဝင် ပြောင်းရွှေ့ခဲ့သည့် အချိန်တွင် နိုင်ငံတွင်းရှိ နိုင်ငံသားတစ်ယောက်၏ တစ်နှစ်ဝင်ငွေမှာ အမေရိကန်ဒေါ်လာ ၂၈၀ (မြန်မာငွေ ၂ သိန်း ၈သောင်းခန့်) သာရှိခဲ့ပြီး တိုင်းပြည်တွင်းရှိ တချို့သော ကလေးငယ်လေးများသည် အမှိုက်ကြို အမှိုက်ကြားမှ ကောင်းပေ့ ဆိုသည့် အစုတ်အချာလေးများ လိုက်လံ ကောက်ယူပြီး အသက်မွေးမှု ပြုနေရသည်ဟု ပညာရှင်များ လေ့လာထားသော အစီရင်ခံစာ တစ်ခုတွင် ဖော်ပြထားသည်။

မြို့တော်သစ်ကြီး တည်နေရာ၏ ထူးခြားချက် တစ်ခုမှာ ပျဉ်းမနားမြို့၏ အရှေ့တွင် (ပင်လောင်းမြို့)၊ တောင်ဘက်တွင် (တောင်ငူမြို့)၊ မြောက်ဘက်တွင် (တပ်ကုန်းမြို့)တို့ တည်ရှိပြီး ထိုဝန်းရံထားသော မြို့အားလုံးမှာ ၉ ဂဏန်းဖြစ်ကြောင်း ဂမီ်္ဘရ ဗေဒင်ပညာရှင်များက ဆိုပါသည်။ အခြား ထူးခြားချက် တစ်ခုမှာ ထိုမြို့တော်သစ် ပြောင်းရွှေ့မည့် အကြောင်း သတင်းစာ ရှင်းလင်းပွဲမှာ ၂၀၀၅ နိုဝင်ဘာ ၇ ရက်ညနေ ၃ နာရီမှ ၃ နာရီ ၅ မိနစ် အထိ ၅ မိနစ်သာကြာ မြင့်ပြီး မြန်မာပြည်တွင် အတိုဆုံး သတင်းစာ ရှင်းလင်းပွဲအဖြစ် မှတ်တမ်း ၀င်သွားခဲ့သည်။ ထိုသတင်းစာ ရှင်းလင်းပွဲတွင် ပြန်ကြားရေးဝန်ကြီး ဗိုလ်မှူးချုပ် ကျော်ဆန်း (ယခု သမ ၀ါယမ၀န်ကြီး)က လမ်းပန်း ဆက်သွယ်ရေး အရ ဗဟိုကျသော မြန်မာနိုင်ငံ အလယ်ပိုင်းသို့ ပြောင်းရွှေ့ ရခြင်း ဖြစ်ကြောင်း တိုတို တုတ်တုတ် ပြောဆိုသွားခဲ့သည်။

နေပြည်တော် မြို့တော်သစ် ပြောင်းရွှေ့မှုသည် ခေတ်သစ်ကမ္ဘာ တွင်တော့ မြန်မာ တစ်နိုင်ငံတည်း မဟုတ်ခဲ့ချေ။ ပထမ ကမ္ဘာစစ်မှ စတင်ရေတွက်လျှင် နေပြည်တော်ကဲ့သို့ ရွှေ့ပြောင်းခဲ့သည့် မြို့တော် သစ်ပေါင်း ၁၇ မြို့ရှိခဲ့သည်။ တောင်အာဖရိက နိုင်ငံဆိုလျှင် မြို့တော် သုံးခုရှိသည်ဟုပင် ဆိုရမည်။ အုပ်ချုပ်ရေးပိုင်းနှင့် နိုင်ငံခြား သံရုံးများသည် ပရီတိုးရီးယားတွင်ရှိ၍ ဥပဒေပြုရေး အပိုင်းမှာ မူကိတ်တောင်း မြို့တွင် တည်ရှိကာ တရားစီရင်ရေး အပိုင်းကား ဗလိုရမ်ဖွန်းတိမ်း (BloemFontein) တွင် တည်ရှိပေသည်။

နေပြည်တော်ကဲ့သို့ မြို့တော်သစ် ပြောင်းရွှေ့မှုမျိုး ကမ္ဘာတွင် ရှိသည် ဆိုသော်လည်း နေပြည်တော် မြို့တော်သစ် ပြောင်းရွှေ့မှုကား ပိုမို ထူးခြားနေပြီး မြို့တော်သစ် ပြောင်းရွှေ့မှုများ ထဲတွင် နားလည်ရ အခက် ဆုံး ဖြစ်နေသည်ကို တွေ့ရသည်။

တခြား ကမ္ဘာ့နိုင်ငံများ၏ မြို့တော်သစ် ပြောင်းရွှေ့မှုများမှာ အေးချမ်းသော ပထ၀ီ အနေအထား၊ အမျိုးသား စည်းလုံး ညီညွတ်ရေး၊ တိုင်းရင်းသား အုပ်စုများနှင့် တင်းမာမှု လျော့ပါးရေး စသည့် ရည်မှန်းချက် များအား အကောင်အထည် ဖော်ရေးအတွက်ဖြစ်သည်။

မြို့တော်သစ် ပြောင်းရွှေ့ ခဲ့ကြသော ကမ္ဘာ့နိုင်ငံ ၁၇ နိုင်ငံမှ မြို့တော်သစ် ၁၇ မြို့အနက် ၂ မြို့သာ မူလ မြို့တော်ထက် ပိုမိုကြီးမားသည်ကို လေ့လာတွေ့ ရှိရသည်။  မြန်မာပြည် မြို့တော်သစ်ကြီးမှာမူ မြို့တော် ဟောင်းထက် ပိုမိုကြီးမားအောင် တည်ဆောက် ထားသော်လည်း ထူးခြားချက်မှာ မြို့တော်ဟောင်း ရန်ကုန် တွင် မြန်မာပြည်လူဦးရေ၏ ၁၀ ရာခိုင်နှုန်း (၆ သန်းခန့်) ရှိပြီး မြို့တော်သစ် နေပြည်တော်မှာမူ နိုင်ငံ လူဦးရေ၏ ၂ ရာခိုင်နှုန်း အောက် လူဦးရေ ၉ သိန်းခန့်သာ ရှိသော နေရာတွင် တည်ဆောက်ခဲ့ခြင်းဖြစ်သည်။

လူဦးရေ ပျံ့နှံ့မှုနှင့် အုပ်ချုပ်မှု ရေးရာကြား ဆက်သွယ်ချက် များအား သုတေသနပြု လေ့လာချက် ပြုလုပ်နေသော ဟားဗတ် ကနေဒီကျောင်း၏ ပါမောက္ခက ကျောင်းဆရာ Filipe Compante  မှ သုံးသပ်ပြသည် မှာ ““မြို့တော်တစ်ခုသည် နိုင်ငံလူဦးရေ များပြားရာ အရပ်နှင့် ဝေးရာသီးခြားတွင် တည်ရှိလေ၊ အစိုးရပိုင်း၏ အုပ်ချုပ်မှု စွမ်းရည်မှာ ပိုမိုညံ့ဖျင်း ဆိုးရွားလေ ဖြစ်သည်”” ဟု ဆိုခဲ့သည်။

လိပ်ပြာ မလုံသော အာဏာရှင်များသည် သူတို့ကိုယ်သူတို့ အကာအကွယ် ယူရန် မြို့တော်၏ ထီးတည်းဖြစ် အထီး ကျန်ဆန်မှုကိုတော့ ပေးဆပ်ခဲ့ရ လိမ့်မည်သာ ဖြစ်သည်။

မြို့တော်သစ် ပြောင်းရွှေ့မှုတွင် ငြီးငွေ့ ဖွယ်ရာ ကောင်းပြီး ယုတိ်္တ မတန်သော ရှင်းလင်းချက်များဖြင့် မြို့တော်သစ်များဆီ ပြောင်းရွှေ့ဖို့ သင့်တော်သည် ဟူသော ရှင်းလင်းချက် များဖြင့်သာ အလွယ်ဖြေရှင်း ချက်ပေး နေသည်မှာလည်း မေးခွန်းထုတ်စရာ ဖြစ်နေသည်။ အဖြေအား စဉ်းစား ကြည့်လျှင် ၎င်းအစိုးရများ၏ လွတ်မြောက်မှု အတွက်သာ သူတို့ ထည့်သွင်း တွက်ချက်ခဲ့ ကြခြင်းဖြစ်သည်။ မြန်မာ ဗုဒ္ဓဘာသာဝင် အများစု အထွတ် အမြတ်ထားရာ ရွှေတိဂုံ စေတီတော် ရန်ကုန်တွင် တည်ရှိနေခြင်း ကလည်း အာဏာရှင် အစိုးရအဖို့ စိတ်မလုံမခြုံ ဖြစ်စေခဲ့သည်။ အစိုးရအား တော်လှန်သော ဆန္ဒပြပွဲများသည် မြန်မာ့သမိုင်း တစ်လျှောက်တွင် ရွှေတိဂုံ ကုန်းမြေ၌ အခြေတည် ခြေကုပ်မှုများ ရှိခဲ့သည်။ ၁၉၄၀ တွင် ဗိုလ်ချုပ်အောင်ဆန်းသည် ကိုလိုနီ ဆန့်ကျင်ရေး တရားများကို ရွှေတိဂုံကုန်း မြေပေါ်မှ ရဲရဲတောက် မိန့်ကြားခဲ့ဖူးသလို ၁၉၈၈ အစိုးရ ဆန့်ကျင် ရေး လူထုအရေး တော်ပုံကြီးတွင်လည်း ဒေါ်အောင်ဆန်းစုကြည်သည် ပရိသတ် ငါးသိန်းကျော်ရှေ့တွင် ရွှေတိဂုံ ဘုရား ခြေရင်း၌ပင် အစိုးရဆန့်ကျင်ရေး တရားဟောခဲ့ဖူးသည်။ တစ်ဖန် ၂၀၀၇ ရွှေဝါရောင် တော်လှန်ရေး တွင်လည်း သံဃာ၊ မယ်သီလရှင်နှင့် လူပုဂိ်္ဂုလ်များ သည် ဆန္ဒပြရာတွင် ရွှေတိဂုံဘုရားဆီသာ ဦးတည် ချီတက်ခဲ့ကြသည်။

ပြည်တွင်း၊ ပြည်ပ ပညာရှင်များ ခြုံငုံသုံးသပ် ကြသည်မှာတော့ ယခင်အာဏာပိုင် အစိုးရ၏ Xenophobia (နိုင်ငံခြား ကြောက်ရောဂါ)နှင့် Superstition (အယူသီးမှု)တို့အပေါ်တွင် အခြေပြု စဉ်းစားခဲ့သည်ဟု ဆိုသည်။ Xenophobia  ရှုထောင့်မှ စဉ်းစားလျှင် ရန်ကုန်သည် ပင်လယ်နှင့် နီး၍ နိုင်ငံခြား ရေတပ်များ အလွယ်တကူ ၀င်ရောက်လာနိုင်မှုသည် အာဏာရှင် အစိုးရ ဖိနှိပ်ခဲ့မှုများ၏ အကျိုးဆက်အတွက် စိတ် မလုံခြုံမှု ဖြစ်ခဲ့ ရသည်ဟု ဆိုသည်။ အယူသီးမှု ဟူသည်မှာတော့ ဗေဒင်လက္ခဏာ၊ ဂမီ်္ဘရပညာရပ်များ အပေါ် အားကိုးလွန်းခြင်း ကို ဆိုလိုခြင်း ဖြစ်သည်။ ဤတွင် အာရပ် နွေဦးဂယက်နှင့် ရန်ကုန်မြို့တွင်း တရားခံလက်သည် မပေါ်သော ဗုံးပေါက်ကွဲမှုများ (အထူးသဖြင့် ပြောင်းရွှေ့သည့် နှစ် လူ ၆၀ သေဆုံးသော ၂၀၀၅၊ မေ ၇ ရက် နေရာစုံ ဗုံးပေါက်ကွဲမှု) မှာလည်း အကြောင်းရင်းခံများ အဖြစ် နေပြည်တော် မြို့တော်သစ်ဆီ ပြောင်းရွှေ့ရန် အလျင်စလို စီစဉ်ရခြင်းများ ထဲတွင် ပါဝင်ခဲ့သည်။ ယခင် နိုင်ငံတော်အကြီးအကဲ ဗိုလ်ချုပ်မှူးကြီး သန်းရွှေ ကမူ “Hear Land theory”  အရ ပြောင်းရွှေ့ခဲ့ခြင်း ဖြစ်ကြောင်း ၂၀၀၆ ခုနှစ် အတွင်း စစ်ဆင်ရေး ညှိနှိုင်းအစည်း အဝေးတစ်ခုတွင် ပြောကြားခဲ့သည်ဟု နိုင်ငံခြား သတင်းဌာန တစ်ခုမှ ဖော်ပြခဲ့သည်။

၁၉၉၅ တွင် မလေးရှား နိုင်ငံ၌ အစိုးရ ရုံးများကို မြို့တော်သစ် တစ်ခုသို့ ပြောင်းရွှေ့ခဲ့ဖူး သော်လည်း မလေးရှား အစိုးရမှ မြို့တော် ပြောင်းရွှေ့မည့် ဆုံးဖြတ်ချက်နှင့် မြို့တော်သစ် တည်ဆောက်နေမှု တို့အား ပြည်သူအား အချိန်နှင့် တစ်ပြေးညီ ထုတ်ပြန် ကြေညာ ပေးခဲ့သောကြောင့် အထူးအဆန်း သတင်းတစ်ပုဒ် မဖြစ် ခဲ့သော်လည်း နေပြည်တော် မြို့သစ် တည်ဆောက်မှုမှာမူ လျှို့ဝှက်မှုများဖြင့် ပြည့်နှက်နေ၍ ပြည် တွင်း တင်မက တစ်ကမ္ဘာလုံးမှ သတင်း ဌာနများကပါ အထူးစိတ်ဝင်စား ရေးသား ဖော်ပြခဲ့ကြခြင်းဖြစ်သည်။

မည်သို့ပင်ဖြစ်စေ လက်ရှိ အရပ်သား အစိုးရမှာမူ နေပြည်တော် မြို့သစ်ကြီး၏ ထီးတည်းနိုင်မှု ကြားမှာပင် စိတ်ပိုင်း ဆိုင်ရာ၊ ရုပ်ပိုင်း ဆိုင်ရာ လုံခြုံမှု အပြည့်ဖြင့် စိတ်အား တက်ကြွနေပြီး နိုင်ငံရေး ဖြေလျှော့မှုများ ဖြင့် ပြုပြင်ပြောင်းလဲရေး လမ်းစဉ်ပေါ်တွင် ခြေချ မိနေပြီဖြစ်ပါသည်။

အခြား အာရပ် ကမ္ဘာမှ အာဏာရှင်များ ကျဆုံးခဲ့ချိန်တွင် နေပြည်တော် အစိုးရအနေ ဖြင့်မူ အကျိုးစီးပွား ကာကွယ်မှု အကျိုးများ ရရှိနေပြီး၊ ပထ၀ီ အနေအထား အရလည်း ရုပ်ပိုင်း၊ စိတ်ပိုင်း လုံခြုံမှုများ ရှိနေသော ကြောင့် မြို့တော် ရန်ကုန်တွင် ရုံးစိုက်စဉ် ကကဲ့သို့ အာဏာ မတည်မြဲပြိုလဲမည်ကို စိုးရွံ့စရာများစွာ မလိုအပ်တော့ဘဲ လက်ရှိ ပေါ်လစီအပြောင်းတွင် နေပြည်တော် မြို့တော်သစ်ကြီး၏ လုံခြုံမှုအောက်တွင် ယုံ ကြည်မှုများ ပိုမိုတိုး၍ ခံစားနေကြရပါသည်။

လင်းထိုက် (Y.I.T)

မြန်မာသံတော်ဆင့်

Ref: 1. Why did Myanmar’s generals build a new capital in the middle of nowhere? by David logan Source: globalist 28/ Sep/2013

2. Wikipedia

3. Maps. google.com

အလျှင်အမြန် ကြီးထွားဖို့ကြိုးစားနေတဲ့ လုပ်ငန်းမှာ ကြုံတွေ့ရမဲ့ အခက်အခဲများ


သင်လုပ်ကိုင်နေတဲ့ လုပ်ငန်းတစ်ခုဟာအလျှင်အမြန်ကြီးထွား လာနေတယ်ဆိုတာ ကောင်းတဲ့ သတင်းတစ်ခုပဲ မဟုတ်ပါလား။ ဒါပေမဲ့ အရာအားလုံးဟာအလျှင်အမြန်ကြီး ရွေ့လျှားနေတဲ့အတွက် တည်တည်ငြိမ်ငြိမ်နဲ့ အဆင်ပြေချောမွေ့နေဖို့တော့ တော်တော်ရုံးကန်းကြိုးစားဖို့လိုလာပါလိမ့်မယ်။ ဒါဟာလဲ တကယ့်အမှန်တရား တစ်ခုဖြစ်နေတော့ လုပ်ငန်းငယ်တစ်ခု အောင်အောင်မြင်မြင် လွတ်လွတ်ကျွတ်ကျွတ် ကြီးထွားလာနိုင်ဖို့ အခက်အခဲတွေကို လုပ်ငန်းရှင်တွေရော ၀န်ထမ်းတွေကပါ ၀ိုင်းဝန်းသိရှိထားပြီး အတူတကွ ပူးပေါင်း ကျော်လွှားဖို့ဟာ အလွန်တရာ အရေးကြီးတဲ့ အချက်တွေဖြစ်လာပါတယ်။ သင်လုပ်နေတဲ့ အလုပ်တစ်ခုဟာ မြန်မြန်ထက်ထက်နဲ့ လုပ်ငန်းအသစ်တွေ ချဲ့ထွင်နေပြီဆိုရင် အောက်မှာ ဖော်ပြထားတဲ့ အချက်တွေကို တစ်ခုမဟုတ်တစ်ခု ကြုံတွေ့ခံစားရမှာလည်း ဖြစ်ပါတယ်။

အလျှင်အမြန်ကြီးထွားလာနေတဲ့လုပ်ငန်းတစ်ခုကြုံတွေ့ရမဲ့ အန္တရာယ်တွေက မြောက်မြားစွာ ရှိပါတယ်။ အဲ့ဒီအထဲမှာမှ အဓိက(၅)ချက်ကို ကြည့်ကြည့်မယ်ဆိုရင်

၁။ အရည်အချင်းရှိတဲ့ ၀န်ထမ်းအသစ်တွေ အများကြီး လိုအပ်လာမယ်

လုပ်ငန်းတစ်ခု ကြီးထွားဖို့ဟာဝန်ထမ်းအရေအတွက် အလုံအလောက်ရှိမှုနဲ့ တော်တော်များများ အချိုးညီပါတယ်။ အလုပ်အသစ်တွေများများ လုပ်လာရတဲ့အတွက် အကူအညီပေးနိုင်မဲ့ လက်တွေလည်း ပိုလိုအပ်လာပါလိမ့်မယ်။ အလျှင်အမြန် လုပ်ငန်းတွေ ချဲ့ထွင်နေရတာ ဖြစ်တဲ့အတွက် ကောင်းမွန်သင့်လျော်တဲ့ ၀န်ထမ်းကောင်းတွေ ရဖို့အတွက် အချိန်ပေးနိုင်မှုလည်း နဲနေပါလိမ့်မယ်။ ၀န်ထမ်းအသစ်တွေ အလောတကြီး ခန့်အပ်ရတာ ဖြစ်တဲ့အတွက်သင့်တော်တဲ့ ကျွမ်းကျင်သူ မရရှိဘဲ လျော့တိလျော့ရဲ ၀န်ထမ်းတွေ၊ ကျွမ်းကျင်မှုမရှိတဲ့ ၀န်ထမ်းတွေကို ခန့်အပ်ထားမိမယ်ဆိုရင်တော့ အလုပ်တွေ မနိုင်မနင်းဖြစ်ပြီး ဦးနင်းပဲ့ထောင်ပဲ့နင်းဦးထောင်နဲ့ လုပ်ငန်းဟာ ချောမွေ့မှုရှိလာမှာ မဟုတ်ပါဘူး။ လုပ်ဆောင်စရာ အသစ်တွေများပြားလာသလို ၀န်ထမ်းတွေရဲ့ အရည်အချင်းကလည်း ထိရောက်စွာ လုပ်ကိုင်နိုင်ပါမှ လုပ်ငန်းတစ်ခုဟာ မြန်မြန်ဆန်ဆန် ကြီးထွားဖို့ ဖြစ်နိုင်မှာ ဖြစ်ပါတယ်။

အသစ်ချဲ့ထွင်မဲ့ လုပ်ငန်းနဲ့လျော်ညီစွာ ၀န်ထမ်းအသစ်တွေကို ခန့်အပ်နိုင်ဖို့ဟာလည်း အရေးကြီးသလို ရှိပြီးသား ၀န်ထမ်းတွေကို တာဝန်အသစ်တွေ ပူးတွဲပေးအပ်နိုင်ဖို့ ၀န်ထမ်းတွေဘက်ကလည်း အရည်အချင်း ပြည့်ဝနေရမှာ ဖြစ်သလို မိမိလုပ်နေတဲ့ လုပ်ငန်းကြီးထွားလာမှာ ဖြစ်တဲ့အတွက် ၀န်ထမ်းများ အနေနဲ့လည်း ၀ိုင်းဝန်းပူးပေါင်းပြီး ကြိုးစားဆောင်ရွက်ကြဖို့လည်း လိုအပ်ပါတယ်။ လက်ရှိဝန်ထမ်းတွေနဲ့ ချဲ့ထွင်မဲ့ လုပ်ငန်းဟာမမျှမတ ဖြစ်လာခဲ့မယ်ဆိုရင် သင့်တော်တဲ့ လူသစ်တွေကို ပထမဦးစွာရှာဖွေပြီး ဖြည့်စီးရမှာဖြစ်သလို၊ လုပ်ငန်း အချို့ကို ပြင်ပကို ခွဲဝေပြီး အပ်ခိုင်းတာမျိုး Outscourse လုပ်ပြီးလည်းဖြေရှင်းလို့ရမှာ ဖြစ်ပါတယ်။

၂။ အသုံးစရိတ် များပြားလာမှာဖြစ်တဲ့အတွက် ၀င်ငွေအသစ်တွေလည်း ဖန်တီးဖို့လိုလာမယ်

အလုပ်အသစ်တွေကို ချဲ့ထွင်နေတဲ့အချိန်မှာလုပ်ငန်းတစ်ခုဟာ လည်ပတ်ငွေ ကြပ်တည်းမှုကို မဖြစ်မနေ ရင်ဆိုင်ရမှာ ဖြစ်ပါတယ်။ ထုတ်ကုန်အသစ်ဟာထုတ်ပြီး မရောင်းရသေးတဲ့အချိန်မှာ အသုံးစရိတ်တွေ တက်လာမှာ ဖြစ်တဲ့အတွက် လုပ်ငန်းချဲ့ထွင်နေတဲ့ လုပ်ငန်းရှင်အနေနဲ့ ငွေကြေးပြတ်လပ်မှု မရှိအောင် ကြိုတင် စီစဉ်ထားဖို့ မဖြစ်မနေ လိုအပ်မှာဖြစ်ပါတယ်။ ငွေမည်မျှ အသုံးပြုဖို့ လိုမယ်ဆိုတာနဲ့ဘယ်တော့ ဘယ်အချိန်မှာ ရရှိလာမလဲ ဆိုတဲ့Cash Flow တွေကို ကောင်းစွာ ချိန်စထားရမှာ ဖြစ်ပါတယ်။ အကယ်လို့သာ ထုတ်ကုန်အသစ်ဟာ မျှော်မှန်းတဲ့အတိုင်းဖြစ်မလာခဲ့ရင် လုပ်ငန်းရှင်အနေနဲ့ မိမိချဲ့ထွင်မဲ့ လုပ်ငန်းတွေ ရပ်တန့်မသွားအောင် အရန်ငွေကြေး စီမံခန့်ခွဲမှုကို မဖြစ်မနေ ကြိုတင် စီစဉ်နိုင်စွမ်း ရှိဖို့ လိုအပ်မှာ ဖြစ်ပါတယ်။
လုပ်ငန်းချဲ့ထွင်ဖို့ စီစဉ်ဆောင်ရွက်ခြင်းဟာ လုပ်ငန်းရှင်ရဲ့ စီမံမှု ဖြစ်သော်လည်း ထိထိရောက်ရောက် ဖြစ်အောင် အကောင်အထည် ဖော်ဆောင်ရမယ့်အဖွဲ့ဟာ ၀န်ထမ်းတစ်ဦးတစ်ယောက်ခြင်းစီရဲ့ တာဝန်ဖြစ်တဲ့အတွက် မိမိရဲ့ လုပ်ငန်းရှင် ချဲ့ထွင်တဲ့လုပ်ငန်းတိုင်းမှာ အင်တိုက်အားတိုက် လျာထားချက်ပြည့်မီအောင် ၀န်ထမ်းတိုင်းက ၀ိုင်းဝန်းကြိုးစားပေးကြရမှာဖြစ်ပါတယ်။

လည်ပတ်ငွေ ကြပ်တည်းခက်ခဲမှုမဖြစ်အောင် ငွေကြေားဆိုင်ရာ တာဝန်ယူထားသူ ၀န်ထမ်းတွေ အနေနဲ့ လုပ်ငန်းရဲ့ ပေးရန်ရှိအကြွေး စာရင်းတွေကို တက်နိုင်သမျှ ၀ိုင်းဝန်း အချိန်ဆွဲပေးဖို့ လိုအပ်သလို၊ လုပ်ငန်းရဲ့ရရန်ရှိတဲ့ စာရင်းတွေကို အလျှင်အမြန်နဲ့ ငွေကြေးအဖြစ် ရရှိအောင်လို့ ကြိုးစား တောင်းယူပေးဖို့လိုအပ်မှာ ဖြစ်ပါတယ်။ တကယ်လို့သာ လုပ်ငန်းချဲ့ထွင်မှုတွေဟာ မျှော်မှန်းသလောက် မကိုက်ညီခဲ့ဘူးဆိုရင် လုပ်ငန်းရှင်အနေနဲ့ အရံငွေကြေးတစ်ရပ်ကို အသင့်အနေနဲ့ စီစဉ်ထားပြီး လိုအပ်ချိန်မှာထုတ်ပေးနိုင်အောင် စီမံထားရမှာ ဖြစ်ပါတယ်။

၃။ လုပ်ငန်းတစ်ခုလုံးရဲ့ဦးတည်ချက်ဟာ ဘယ်သွားနေမှန်း မြင်သာစွာ သိရှိဖို့ ခက်ခဲပါမယ်

လုပ်ငန်းအသစ်တွေ ချဲ့ထွင်နေတဲ့အချိန်မှာ လုပ်ငန်းတစ်ခုလုံးရဲ့ အခြေအနေကို အုပ်စိုးကာ သိမြင်ဖို့ ခက်ခဲမှာ ဖြစ်ပါတယ်။အဲ့ဒီအတွက် လျှော့တွက်မိတာတွေ ပိုတွက်မိတာတွေ ဖြစ်ပြီး လုပ်ငန်းတစ်ခုလုံးအနေနဲ့ ၀င်ငွေရရှိမှုတွေ မတည်မငြိမ်ဖြစ်ကာ ငွေကြေးတွက်ချက်မှု အမှားတွေ ဖြစ်နိုင်ပါတယ်။ လုပ်ငန်းအသစ် နှစ်ခုသုံးခုကို တစ်ပြိုင်တည်း ချဲ့ထွင်နေမိပြီ ဆိုရင် ဘယ်လုပ်ငန်းအသစ်က ဘယ်လောက်ရရှိပြီးဘယ်လို အခြေအနေဖြစ်နေပြီဆိုတာကို ခန့်မှန်းမိနိုင်ဖို့ အမှန်ပင် ခက်ခဲစေမှာ ဖြစ်ပါတယ်။လုပ်ငန်းရှင်အနေနဲ့ ချဲ့ထွင်နေတဲ့ လုပ်ငန်းအသစ်တွေ တစ်ခုချင်းစီကို အာရုံစိုက်နိုင်ဖို့ မလွယ်ကူတဲ့အတွက် ၀င်ငွေကောင်းတဲ့ လုပ်ငန်းတစ်ခုကို တည်ငြိမ်အောင် ထိန်းဖို့ ပိုမို လိုအပ်မှာဖြစ်ပါတယ်။

၎။ လုပ်ငန်းအသစ်တွေ ချဲ့ထွင်နေတဲ့အချိန်မှာ စားသုံးသူတွေရဲ့ ကြေနပ်နှစ်သိမ့်မှု ဆုံးရှုံးရလိမ့်မယ်

လုပ်ငန်းတစ်ခုလုံးဟာ အသစ်တွေချဲ့ထွင်နေတဲ့အချိန်မှာ ၀န်ထမ်းအသစ် အတွေ့အကြုံအသစ်တွေနဲ့ ဆက်တိုက်ဆိုသလို မောင်နှင်နေရပြီး၊ စားသုံးသူတွေကို ဂရုမစိုက်နိုင်ဖြစ်ကာ လစ်ဟင်းမှုတွေ ဖြစ်ပေါ်လာနိုင်ပါတယ်။ စားသုံးသူတွေကို စိတ်ကြေနပ်မှုရရှိအောင် လုပ်ဆောင်ဖို့ဟာ လုပ်ငန်းချဲ့ထွင်နေတဲ့ အချိန်မှာ အရေးကြီးသလို၊ ၀န်ထမ်းတိုင်းကလည်းစားသုံးသူတွေကို လစ်ဟာမှု မရှိအောင် စိတ်ကြေနပ်မှုရှိအောင် ၀ိုင်းဝန်းကြိုးစားဖို့လိုအပ်ပါတယ်။ အဲ့ဒီအတွက် လုပ်ငန်းချဲ့ထွင်နေတဲ့ အချိန်မှာ Admin နဲ့ Operation အဖွဲ့တွေရဲ့ကောင်းမွန်စွာနဲ့ အထောက်အပံ့ပေးနိုင်ဖို့ကလည်း မဖြစ်မနေ လိုအပ်ပါတယ်။

၅။ ၀န်ထမ်းတွေဟာ အလုပ်ပိပြီးပြာပူထိသလို ဖြစ်နေမယ်

အလုပ်တာဝန် အသစ်တွေ ပိုမိုထမ်းဆောင်လာရတဲ့အချိန်မှာ ၀န်ထမ်းအချို့အတွက် အနီရောင် အခြေအနေမျိုး မြင်တွေ့လာရမှာ ဖြစ်ပါတယ်။ အထက်အရာရှိတွေဟာလည်း လုပ်ငန်းအသစ်တွေ ချဲ့ထွင်နိုင်ဖို့ ကြိုးပမ်းနေရတဲ့အတွက် လက်အောက်ဝန်ထမ်းတွေကို ဖိပြီး အလုပ်တွေ ခိုင်းနေတယ်လို့၊မိမိဝန်ထမ်းတွေကို မစာမနာ ခိုင်းစေနေတယ်လို့၊ လိုအပ်ချက်တွေကို မဖြည့်ဆီးဘဲ လစ်လျူရှုထားတယ်လို့ မှားယွင်းစွာ ထင်မြင်မိပြီး တစ်ချို့ အခြေအနေမျိုးမှာ ဆိုရင် အလုပ်တွေကို ချိန်းခြောက်ပြီးမတန်တဆ ခိုင်းနေတယ်လို့တောင် ထင်မြင်မိပြီး လုပ်ငန်းတွင်း အဆင်မပြေမှုတွေ မလွဲမသွေကြုံတွေ့ရမှာ ဖြစ်ပါတယ်။ အဲ့ဒီလို အချိန်မျိုးမှာ ၀န်ထမ်းတိုင်းအတွက် အားပေးဖို့လိုအပ်သလိုဝန်ထမ်းတွေကလည်း နားလည်မှုပေးကာ တက်ညီလက်ညီ လုပ်ကိုင်သွားကြဖို့ လိုအပ်မှာ ဖြစ်ပါတယ်။

လုပ်ငန်းအသစ်တွေ ချဲ့ထွင်ရတဲ့အချိန်ဟာ လုပ်ငန်းရှင်နဲ့အတူ သူရဲ့ ဦးစီးဦးဆောင် အဖွဲ့သားတွေလည်း ခေါင်းရှုပ်ခံ၊အန္တရာယ်တွေကို လွယ်ပြီး လုပ်ငန်းကို ကြီးထွားအောင် စီမံဆောင်ရွက်နေကြရသလို ၀န်ထမ်းများအတွက်လည်းအလုပ်တာဝန်တွေ များပြားလာကာ အလုပ်ပိမှု ဖိအားတွေလည်း ကြုံတွေ့ကြရမှာ ဖြစ်ပါတယ်။

အဲ့ဒီအတွက် အရေးအကြီးဆုံးဟာနှစ်ဦးနှစ်ဘက် ပြည့်ဝစွာ နားလည်ထားကြဖို့လိုမှာ ဖြစ်သလို သီးခံပြီး လက်တွဲညီညီ ကျော်ဖြတ်နိုင်ကြဖို့လည်း လိုအပ်မှာ ဖြစ်ပါတယ်။ လုပ်ငန်းတွေတိုင်းဟာ ကြီးထွားချဲ့ထွင်နိုင်ဖို့ ငွေအား၊ လူအား၊၀န်ထမ်းအား အဆမတန် အသုံးပြုရမှာကလည်း မလွဲမသွေဖြစ်သလို ကြုံတွေ့ဖြတ်သန်းရမဲ့ အဆင့်တွေဟာလည်း များပြားခက်ခဲမှာလည်း အမှန်ပဲ ဖြစ်ပါတယ်။

လုပ်ငန်းအသစ်တွေ ချဲ့ထွင်နေတဲ့လုပ်ငန်းတစ်ခုဟာ တကယ်တော့ အန္တရာယ်အများဆုံး အခြေအနေလည်း ဖြစ်ပါတယ်။ ပြဿနာပေါင်းများစွာနဲ့ အခက်အခဲ အကြပ်အတည်းပေါင်းများစွာကို လုပ်ငန်းရှင်ရော ၀န်ထမ်းတွေတိုင်းပါ တစ်နည်းမဟုတ်တစ်နည်း ခံစားကြရမှာ ဖြစ်သလို၊ ချဲ့ထွင်တဲ့ လုပ်ငန်းအသစ်တွေ ကြရှုံးခဲ့ရင်လည်း အတူတကွ ဆုံးရှုံးကြရမှာဖြစ်တဲ့အတွက် နှစ်ဦးနှစ်ဘက်စလုံး ညီတူမျှတူ နားလည်မှု အပြည့်နဲ့ အောင်မြင်အောင် ကျော်ဖြတ်ရမှာလည်းဖြစ်ပါတယ်။

Ref: Pitfalls of Fast Growth and How to Avoid Them
THA: TSJ Tech Team
Techspace Journal

တောင်ငူခရိုင်တွင် စစ်တောင်းမြစ်ရေ ထပ်မံမြင့်တက် လာသဖြင့် ရေဘေးဒုက္ခသည် ၃၀၀၀၀ နီးပါး ရှိလာပြီး စာသင်ကျောင်း များလည်း ပိတ်ထားရ


ပဲခူးတိုင်းဒေသကြီး တောင်ငူခရိုင်တွင် စစ်တောင်းမြစ်ရေ ထပ်မံမြင့်တက်ခြင်းကြောင့် ရေဘေးဒုက္ခသည် သောင်းဂဏန်းကျော် ရှိလာပြီး ခရိုင်အတွင်း မြို့နယ်များမှ စာသင်ကျောင်းများလည်း အရေးပေါ် ပိတ်ထားရကြောင်း သိရသည်။

တောင်ငူခရိုင်တွင် စစ်တောင်းမြစ်ရေသည် အောက်တိုဘာ ၂၉ ရက် နံနက်ပိုင်းမှ စတင်ကာ တောင်ငူမြို့၏ စိုးရိမ်ရေမှတ် ၆၀၀ စင်တီမီတာ အထက် ၆၂၄ စင်တီမီတာသို့ ရောက်ရှိလာခဲ့ပြီး ၃၀ ရက်နှင့် ၃၁ ရက်များတွင် မြစ်ရေကျဆင်း သွားခြင်းမရှိဘဲ အောက်တိုဘာ ၃၁ ရက် မွန်းလွဲ၁၂ နာရီခွဲ အချိန် တိုင်းထွာချက်အရ ၇၁၂ စင်တီမီတာသို့ စံချိန်တင် မြင့်တက်လာခဲ့ရာ ရေဘေးကယ်ဆယ်ရေး စခန်းများဖွင့်လှစ် ထားခဲ့ရကြောင်း သိရသည်။

ယခုကဲ့သို့ စစ်တောင်းမြစ်ရေ ကျဆင်းသွားခြင်း မရှိဘဲ ထပ်မံမြင့်တက် လာခြင်းမှာ တောင်ငူခရိုင် အတွင်း မိုးရွာသွန်းမှုကြောင့် မဟုတ်ဘဲ အဖြေရှာ မရသေးကြောင်း တောင်ငူခရိုင် မိုးလေ၀သနှင့် ဇလဗေဒ ညွှန်ကြားမှု ဦးစီးဌာန တာဝန်ရှိသူ တစ်ဦးက ပြောကြားခဲ့ပြီး၊ မြစ်ချောင်းနံဘေး ရေဘေးကြုံတွေ့ နေရသူများက ခရိုင်အတွင်းရှိ ဆည်တမံများမှ ရေလွှတ်ခြင်းကြောင့်ဟု ပြောဆိုမှုများရှိပြီး ဆည်ရေလွှတ်ခြင်းအား သက်ဆိုင်ရာ တာဝန်ရှိသူများမှ ကြိုတင်အသိပေး ကြညာခြင်း မရှိဟု ပြောဆိုကြသည်။

တောင်ငူမြို့တွင် အောက်တိုဘာ ၃၁ ရက် နံနက် ၆ နာရီအချိန် စာရင်းအရ ကယ်ဆယ်ရေး စခန်းပေါင်း ၃၀ အထိ ဖွင့်လှစ်ထားရှိပြီး ရေဘေးကြောင့် ရွှေ့ပြောင်းနေထိုင်သူ အိမ်ထောင်စု ၂၇၆၇ နှင့်လူဦးရေ ၁၁၈၄၇ ဦးရှိခဲ့ပြီး ထပ်မံတိုးလာနိုင်ကြောင်း တောင်ငူမြို့ အထွေထွေ အုပ်ချုပ်ရေးမှူးရုံးမှ သိရှိရသည်။ ရေတာရှည်မြို့နယ်တွင် အောက်တိုဘာ ၃၀ ရက်နေ့ ညနေ ၆ နာရီ စာရင်းအရ၊ ကျေးရွာပေါင်း ၅၁ ရွာမှ အိမ်ထောင်စုပေါင်း ၄၄၈၁ စု၊ လူဦးရေ ၁၇၆၁၉ ဦး နီးစပ်ရာ ရေဘေးကယ်ဆယ်ရေး စခန်းများသို့ ရွှေ့ပြောင်းနေထိုင်လျက် ရှိကြောင်း ရေတာရှည်မြို့နယ် အုပ်ချုပ်ရေးမှူးရုံး မှတ်တမ်းများအရ သိရသည်။

ထို့အပြင်ရေဘေး အန္တရာယ်ကြောင့် တောင်ငူခရိုင်အတွင်း၊ အောက်တိုဘာ ၃၁ ရက်နံနက် ၉ နာရီ စာရင်းအရ တောင်ငူမြို့နယ်မှ စာသင်ကျောင်း ၃၃ ကျောင်း၊ ရေတာရှည်မြို့နယ်မှ ၄၈ ကျောင်း၊ အုတ်တွင်း မြို့နယ်မှ ၆ ကျောင်း၊ ထန်းတပင် မြို့နယ်မှ ၅ ကျောင်း စုစုပေါင်း စာသင်ကျောင်း ၉၂ ကျောင်း အရေးပေါ် ပိတ်ထားရကြောင်းနှင့် ကျောင်းပြန်ဖွင့်ချိန် ကာလတွင် ကျောင်းပိတ်ရက်များအား အစားထိုးပြန်လည် သင်ကြားပေးသွားမည် ဖြစ်ကြောင်း တောင်ငူခရိုင် ပညာရေးမှူးရုံးမှ သိရသည်။

(တောင်ငူမြို့နယ်အတွင် ဖွင့်လှစ်ထားသော ကယ်ဆယ်ရေး စခန်းတစ်ခုရှိ ရေဘေးရှောင် ဒုက္ခသည်များအား တွေ့ရစဉ်)
Eleven Media Group

ထော်လာဂျီယာဉ်မှ လမ်းဖြတ်ကူးသူ ကလေးငယ်အားတိုက်မိသေဆုံး


ရန်ကုန်၊ နိုဝင်ဘာ ၁

၁.၁၁.၂၀၁၃ရက်နေ့ ၀၉၄၅အချိန် အင်းစိန်မြို့နယ်၊ ရွာမအနောက်ရပ်ကွက်၊ မြို့ပတ်လမ်းအတိုင်း ယာဉ်မောင်း သန်းထိုက် (ဘ)ဦးမြဦး၊ အင်းစိန်မြို့နယ်
နေသူ မောင်းနှင်လာသော ၅ဌ/---- ထော်လာဂျီယာဉ်သည် ကျောင်းလမ်းဆုံ
အနီးအရောက် လမ်းဖြတ်ကူးသူ မသဇင်ထွေး၊ (၃)နှစ်(၆)လ (ဘ)ဦးနိုင်ဝင်း၊
ရွာမအနောက်ရပ်ကွက်၊ အင်းစိန်မြို့နယ်နေသူအား တိုက်မိသဖြင့် မသဇင်ထွေးတွင် ဦးခေါင်းပွင့်ထွက်ဒဏ်ရာရရှိကာ အခင်းဖြစ်နေရာတွင်
သေဆုံးသွားသဖြင့် ထော်လာဂျီယာဉ်မောင်း သန်းထိုက်အား အင်းစိန်မြို့မရဲစခန်းယာဉ်(ပ)၁၃၇/၂၀၁၃၊ ပုဒ်မ ၃၀၄-က ဖြင့်
အမှုဖွင့်ပြီး ဖမ်းဆီးအရေးယူထားရှိကြောင်း သတင်းရရှိပါသည်။
Yangon Police

စက်သုံးဆီ စရိတ် ကျပ် ကိုးသိန်း ၊ ဧည့်ခံကျွေးမွေးစရိတ် ကျပ်သိန်း ၅၀၀ စသည်ဖြင့် ဝန်ကြီးဌာနများ သာမန် အသုံးစရိတ်များ သုံးစွဲမှု အပေါ် လွှတ်တော်တွင် ဝေဖန်

Friday, 01 November 2013 04:46

ရန်ကုန် ၊ အောက်တိုဘာ ၃၁။      ။ လက်ရှိ နေပြည်တော်ကောင်စီ နယ်မြေစီမံကိန်းများ၊ ဘဏ္ဍာရေး အသုံးစရိတ်များနှင့် ဝန်ကြီးဌာနများ၏ အသုံးစရိတ်များကို ပြန် လည်သုံးသပ်သင့်ကြောင်း ပြည် ထောင်စုလွှတ်တော်ကိုယ်စား လှယ်များ က အောက်တို ဘာ ၃၁ ရက်ကကျင်းပသည့် ပြည်ထောင် စု လွှတ်တော်အစည်းအဝေးတွင် လွှတ်တော်သို့ ပြောကြားလိုက် သည်။ ၂၀၁၃-၂၀၁၄ခုနှစ် ဘဏ္ဍာ နှစ် ပြည်ထောင်စု၏နောက်ထပ် ဘဏ္ဍာငွေခွဲဝေသုံးစွဲရေး ဥပဒေ ကြမ်း၏ ရငွေသုံး ငွေများ နှင့် ပတ် သက်၍ ပြည်ထောင်စုလွှတ် တော်ကိုယ်စားလှယ်ကိုးဦးမှ လွှတ် တော်သို့တင်ပြခြင်းဖြစ်ကြောင်း သိရသည်။

လွှတ်တော် ကိုယ်စားလှယ် များမှ ပြည်ထောင်စုလွှတ်တော် သို့တင်ပြရာတွင် နေပြည်တော်ကောင်စီနယ်မြေအတွင်း ကျပ် သိန်းပေါင်းများစွာ အကုန်အကျခံ တည်ဆောက်နေမှုများ၊ ဝန်ကြီး ဌာနများမှ ငွေလုံးငွေရင်းအသုံး စရိတ်ထက် သာ မန် အသုံး စရိတ် များတွင် ပိုမိုသုံးစွဲနေခြင်းများကို ပြည်ထောင်စုလွှတ်တော်အနေ ဖြင့် ပြန်လည်သုံးသပ်ပေးရန် တင် ပြကြောင်း သိရသည်။

ရန်ကုန်တိုင်း ဒေသကြီး မဲဆန္ဒနယ်အမှတ်(၄) ပြည်ထောင် စုလွှတ်တော်ကိုယ်စားလှယ်  ဒေါက်တာမြတ်ဉာဏစိုးက ''နေ ပြည်တော်စည်ပင်သာယာရေး ကော်မတီက ရေပေးဝေရေးအ တွက် ကျပ်သိန်း ၁၃ဝဝဝကျော် သုံးစွဲဖို့နဲ့ နေပြည်တော် ကောင်စီ က လမ်းလုပ်ငန်းတွေအတွက် ဘဏ္ဍာငွေ ထပ်မံတောင်းခံတင် ပြထားတယ်။ ပြည်ထောင်စုနယ် မြေတစ်ခုတည်း နိုင်ငံတကာအ ဆင့်တိုးတက်နေပြီး ကျန်တဲ့နေ ရာတွေက ဒုံရင်းက ဒုံရင်းပဲဖြစ် နေရင် ဒီနိုင်ငံကြီး တကယ်တိုး တက်ရဲ့ လား။ လက်ရှိသုံးစွဲမှုတွေ ကို သင့် မသင့် ပြည်ထောင်စုလွှတ် တော်အနေဖြင့် တင်ပြခြင်းဖြစ်ပါ တယ်''ဟု ပြည်ထောင်စုလွှတ် တော်သို့ တင်ပြသည်။

ယင်းအပြင် ဝန်ကြီးဌာန များ၏ သာမန်အသုံးစရိတ်များ ကိုပါ လျှော့ချရန်လိုအပ်ကြောင်း၊ သမဝါယမ ဝန်ကြီးဌာနမှ ကျေး လက်ဒေသဖွံ့ဖြိုးရေးလုပ်ငန်းများ အတွက် သွားလာစရိတ် (စက် သုံးဆီစရိတ်) ကျပ်ကိုးသန်းကို တောင်းခံ ခဲ့ကြောင်း ၊ အလားတူ မွေးမြူရေးရေလုပ်ငန်းနှင့် ကျေး လက်ဒေသဖွံ့ဖြိုးတိုးတက်ရေး ဝန်ကြီးဌာနမှရရှိသည့် ဘတ်ဂျက် ထက် ပိုမိုသုံးစွဲရန် တင်ပြထား ကြောင်း၊ ယင်းတို့ကိုပြန်လည်စစ် ဆေးမှုများ ပြုလုပ်ပေးပါရန် လွှတ် တော်ကိုယ်စား လှယ် များ မှ ပြည် ထောင်စုလွှတ်တော်သို့ တင်ပြ ခြင်းဖြစ်ကြောင်း သိရသည်။

ထန်းတပင်မဲဆန္ဒနယ် ပြည် ထောင်စုလွှတ်တော်ကိုယ်စား လှယ်ဦးစိန်ထွန်းက ''မန္တလေးက အခြေခံပညာဦးစီးဌာနကဆိုရင် ဧည့်ခံကျွေးမွေးစရိတ်က ကျပ် သိန်း၅ဝဝရှိတယ်လို့ တင်ပြတယ်။ စက်သုံးဆီအသုံးစရိတ်တွေအပါ အဝင် သာမန် အသုံး စရိတ်များ ကို ပြန်လည်စဉ်းစားသင့်ပါတယ်'' ဟု လွှတ်တော်သို့ တင်ပြသည်။

ယင်းနှင့် ပတ်သက်၍ ပြည် ထောင်စုလွှတ်တော်နာယကက ၂၀၁၃-၂၀၁၄ခု ဘဏ္ဍာရေးနှစ် နောက်ထပ်ဘဏ္ဍာငွေ ခွဲဝေသုံး စွဲရေး ဥပဒေကြမ်းပါရသုံးငွေများ နှင့်စပ်လျဉ်း၍ ဆွေးနွေးချက်များ ကို နိုဝင်ဘာ ၅ရက်တွင်ကျင်းပ မည့် ပြည်ထောင် စု လွှတ် တော် အဋ္ဌမပုံမှန်အစည်းအဝေး နဝမ နေ့တွင် လွှတ်တော်အဆုံးအဖြတ် ကိုရယူမည်ဟု ကြေညာသည်။

သန်းနိုင်ဦး
Yangon Media Group