ဆန်းစစ်မှုများအောက်က မြန်မာသူဌေးကြီး ဦးတေဇ


ကိုယ်ပိုင်ရဟတ်ယာဉ်ပေါ်တွင်တွေ့ရသည့် ဦးတေဇ(ဓာတ်ပုံ − ဦးတေဇဖေ့စ်ဘွတ်ခ်)



‘‘သူတို့က ကမ္ဘာ့ပုလိပ်ကြီး လုပ်နေ တာလေ’’

မြန်မာသူဌေးကြီး ဦးတေဇ က ဆိုဖာနောက်ကို မှီချလိုက်ရင်း အမေရိကန်အစိုးရကို ပြစ်တင်ဝေ ဖန်လိုက်သည်။ သူထိုင်နေသည့် မိကျောင်းသားရေဆိုဖာပေါ်ကို သူမွေးထားသည့် ဝက်ဝံပေါက် လေးက ကုပ်တက်ဖို့ကြိုးစားနေ သည်။အမေရိကန်နိုင်ငံက သူ့စီး ပွားရေးလုပ်ငန်းများကို တင်းကျပ်နေသည့်အပေါ်နှင့် အရာရှိများက သူ၏ ငွေလွှဲပြောင်းမှုမှန်သမျှကိုစောင့်ကြည့်နေသည့် အပေါ် သူကပြောဆိုလိုက်သည်။ ဦးတေဇစကားပြောချိန်တွင် အနားတွင် မျက်ခြည်မပြတ်စောင့်ကြည့်နေသည့်ဝန်ထမ်းက ဝက်ဝံပေါက်စ နှစ်ကောင်ကြောင့် ကော်ဇောမ ပျက်စီးရန် အခါအားလျော်စွာ ဝင်ထိန်းနေသည်။ မြန်မာနိုင်ငံ မြောက်ဖျားတွင် ဝက်ဝံအမေကြီးကိုဒေသခံတစ်ဦးက သတ်ဖြတ် လိုက်ပြီးသည့်နောက် ထို ဝက်ဝံသားပေါက်နှစ်ကောင်ကို ဦးတေဇက ယူမွေးခဲ့သည်။ ထူးဆန်းရှား ပါးသော တိရစ္ဆာန်များနှင့် ရန်ကုန်မြို့က သူ၏ခမ်းနားထည်ဝါသည့် အိမ်တော်ကြီး၏ နောက်ကွယ်တွင်တော့ သူ၏စီးပွားရေးအင် ပါယာကြီးသည် စီးပွားရေးကျူး ကျော်မှုများခံနေရသည်ဟု ဦး တေဇက ဆိုသည်။ အမေရိကန် အရာရှိများက သူ့ကို နှောင့်ယှက် ပေးနေသည်ဟု သူကစွပ်စွဲလိုက်သည်။ ယင်းအထဲတွင် မြောက်ကိုရီးယားနှင့် ပတ်သက်နေသည့် ကုမ္ပဏီများနှင့် ငွေလွှဲပြောင်းခဲ့သည်ဟု သံသယရှိသည့် စင်ကာပူက သူ၏ရင်းနှီးမြှုပ်နှံမှုဘဏ်စာရင်းကိုလည်း အပိတ်ခံခဲ့ရသည်။

အသက်(၅၀)အရွယ် ဦးတေ ဇသည် ဝါရှင်တန်အတွက် ပြဿနာတစ်ရပ်ဖြစ်သည်။ ရင်းနှီးမြှုပ် နှံသူများနှင့် လေ့လာသူများ အဆိုအရ မြန်မာနိုင်ငံ၏ အင်အားအကြီးဆုံး စီးပွားရေးသမားများကို စီးပွားရေးဆက်လက်ပိတ်ဆို့အ ရေးယူခြင်းက နှစ် ၅၀ နီးပါး အထီးကျန်အစိုးရအုပ်ချုပ်မှုမှ စီးပွားရေးဖွံ့ဖြိုးတိုးတက်ရေး ပစ်မှတ်ကို ပြည့်မီရန် နှောင့်နှေးစေမည်ဟု ဆို သည်။

အရပ်သားတစ်ပိုင်းအစိုးရ ပြုပြင်ပြောင်းလဲရေးတစ်ပိုင်း အစိုးရက အာဏာရနေသော်လည်း အမေရိကန်အရာရှိများက လူ့အခွင့်အရေးချိုးဖောက်မှုကြီးမားစွာ ကျူးလွန်ခဲ့သည့် ယခင်စစ်အစိုးရကို ထောက်ခံပံ့ပိုးပေးခဲ့သည့် စီး ပွားရေးသမားများကို လုပ်ခွင့်ပေး လိုသည့်ပုံ မတွေ့ရပါ။

‘‘ခရိုနီတွေက သူတို့အိတ် ကပ်အတွက်ပဲ ကြည့်နေတာပါ။ သူတို့က လူထုအကျိုးစီးပွားအ တွက် ဘာမှလုပ်ပေးမှာမဟုတ် ဘူး’’ဟု ရီပက်ဘလေကန်အမတ် စတိဗ်ရှာဘော့က ပြောဆိုလိုက် သည်။ သူက မြန်မာအရာရှိများ နှင့် ကန့်သတ်ဆက်ဆံမှုပြုရေး မူကြမ်းကို တင်သွင်းသူဖြစ်သည်။

ဦးတေဇကမူ အမေရိကန် စီးပွားရေးပိတ်ဆို့အရေးယူမှု၏ နောက်ဆက်တွဲရိုက်ခတ်မှုက သူ့ ကိုယ်ပိုင်မိသားစုနှင့် ဆက်နွှယ် ပတ်သက်နေသူများကိုသာမက သူပိုင်ဆိုင်သည့် ထူးကုမ္ပဏီမှ ဝန် ထမ်းသုံးသောင်းကိုပါ ထိခိုက်စေ သည်ဟု ဆိုသည်။ ယင်းသည် စီးပွားရေး၏ ကဏ္ဍတိုင်းလိုလိုအ ပေါ် သက်ရောက်သည်ဟု ဆို သည်။

ဥပမာအားဖြင့်ဆိုလျှင် အ မေရိကန်လုပ် စက်ပိုင်းအပိုပစ္စည်း များကို ဈေးကွက်တွင်ပေါက်သည့်ဈေးဖြင့် သူဝယ်ယူခွင့်မရခဲ့သည့် အတွက်လည်း ပြီးခဲ့သည့် နှစ်အနည်းငယ်အတွင်း ဒေါ်လာသန်း ၉၀ ကျော် အရှုံးပေါ်ခဲ့သည့် အဲပုဂံလေကြောင်းလိုင်းကို ပိတ်ပစ်ဖို့ ဖြစ်လာနိုင်သည်ဟု သူက ပြောဆိုသည်။

ဧပြီ ၁၇ ရက်စွဲဖြင့် စင်ကာ ပူရှိ United Oversea Bank က ပေးပို့လာသည့်စာကို သူက ထုတ် ပြသည်။ သူ၏ ဘဏ်စာရင်းကိုးခု ကို ပိတ်လိုက်ကြောင်း အကြောင်း ကြားစာဖြစ်သည်။ စာတွင် အ ကြောင်းပြချက်ကို ပေးမထားပါ။ ယင်းကိစ္စနှင့်ပတ်သက်ပြီး မေးမြန်းချက်ကိုလည်း ဘဏ်က တုံ့ပြန်ဖြေကြားခဲ့ခြင်းမရှိပါ။ ဦးတေဇကတော့ တရုတ်နိုင်ငံရှိ ကုမ္ပဏီများသို့ သူငွေလွှဲပြောင်းသည့်ကိစ္စနှင့်ပတ်သက်ပြီး အမေရိကန်အရာရှိများက မေးခွန်းထုတ်လာ သည့်အပေါ် စင်ကာပူဘဏ်က စိုးရိမ်နေခြင်းဖြစ်သည်ဟု ဆိုသည်။ ယင်းတရုတ်ကုမ္ပဏီများက မြောက်ကိုရီးယားနှင့် ဆက်နွှယ်နေသည် ဟု ယူဆရသည်။

စင်ကာပူအခြေစိုက် သူ၏ ကုမ္ပဏီ 4G Investment နှင့် ပတ်သက်ပြီး သူ့အားဆက်သွယ် မေးမြန်းလာသည့် အမေရိကန် အရာရှိများက ယင်းငွေကြေးလွှဲ ပြောင်းမှုအချို့ကို တွေ့ရှိသွားခဲ့ သည်။ ဦးတေဇ၏ညီဖြစ်သူ ဦး သီဟက ၂၀၁၃ ခုနှစ် ဇွန်လထဲတွင် အမေရိကန်သံရုံးကိုယ်စားလှယ်နှစ်ဦးနှင့် ရန်ကုန်မြို့တွင် တွေ့ဆုံခဲ့သည်။

‘‘သူတို့က မြောက်ကိုရီးယား အကြောင်းမေးတယ်။ မြောက်ကို ရီးယားနဲ့ တစ်နည်းနည်းပတ်သက် မှုရှိသလားဆိုတာ ကျွန်တော်တို့ က တကယ်ပဲမသိတာပါ’’

ရန်ကုန်ရှိ အမေရိကန်သံရုံး ကို ယင်းတွေ့ဆုံမှုနှင့်ပတ်သက်ပြီး မေးမြန်းရာတွင် တစ်စုံတစ်ရာ ပြောဆိုရန် ငြင်းဆိုလိုက်ပြီး အမေရိကန်ဘဏ္ဍာရေးဌာနသို့ စုံစမ်းမေးမြန်းရန် လွှဲပေးလိုက်သည်။ ‘‘တချို့ကိစ္စရပ်များအပေါ် တစ်စုံတစ်ရာပြောဆိုခြင်းမပြုရန် ဟူ သောမူဝါဒ’’အရဟု ဆိုသည်။

ဦးတေဇက သူ၏ 4G နှင့် အခြားကုမ္ပဏီများဖြစ်သည့် Asia Pioneer Impex၊ တရုတ်ကုမ္ပဏီ များဖြစ်သည့် Fanwell, Goldtec Trading Group, Win Trade World Wide, Ocean Wide Trading (Hong Kong), Fortune Sun International Trading များသို့ ငွေလွှဲပြောင်းမှု မှတ်တမ်းများကို Forbes Asia ကို ထုတ်ပြသည်။

အမေရိကန်ဘဏ္ဍာရေးဝန် ကြီးဌာနက ယင်းကုမ္ပဏီများထဲ မှ အနည်းဆုံး တစ်ခုဖြစ်သည့် Fortune Sun သည် မြောက်ကိုရီး ယား Tunchon စီးပွားရေးဘဏ်မှ တည်ထောင်ထားသည့် ရုပ်ပြ ကုမ္ပဏီဖြစ်ကြောင်း ဝိကီလိခ်က ၂၀၀၉ ခုနှစ် ဇူလိုင် သံတမန်ကြေး နန်းသတင်း ထုတ်ဖော်ချက်တွင် ဖော်ပြထားသည်။ ကုလသမဂ္ဂက Tunchon ကို ၂၀၀၉ ခုနှစ်တွင် စီးပွားရေးအရ အရေးယူပိတ်ဆို့ ထားပြီးယင်းသည် ‘‘လက်နက် များ၊ ဒုံးကျည်များနှင့် ယင်းတို့ကို ထုတ်လုပ်ရာတွင် အသုံးပြုသည့် ကုန်ပစ္စည်းများရောင်းချမှုတွင် ငွေကြေးအရ အဓိကတာဝန်ရှိ သည်’’ ဟု ဆိုသည်။

ဦးတေဇကတော့ သူသည် မြန်မာအစိုးရကိုယ်စား ငွေပေးချေခြင်းဖြစ်သည်ဟု ဆိုသည်။ အစိုးရအတွက် လောင်စာများတင် သွင်းခြင်းလုပ်ငန်းတွင် သူက ဦး ဆောင်နေပြီး ကမ္ဘာ့ဈေးကွက်မှ ဝယ်ယူခွင့်ပိတ်ပင်ခံထားရသည့် မြန်မာအစိုးရအတွက် ဒေါ်လာ ငွေသန်း ၃၀၀ လွှဲပြောင်းပေးခဲ့ ကြောင်း ပြောဆိုသည်။ ငွေလွှဲ ပြောင်းမှုမှတ်တမ်းများအရ For-tune Sun သို့ ငွေပေးချေမှု အများစုသည် ယခင်စစ်အစိုးရလက် အောက်တွင် ပြုလုပ်ခဲ့ခြင်းဖြစ် သော်လည်း ပေးချေမှုတစ်ခုကမူ အစိုးရသစ်တက်လာသည့် ၂၀၁၁ ခုနှစ် နိုဝင်ဘာတွင် ပြုလုပ်ခဲ့ သည်။

အတိတ်က သတင်းအချက် အလက်များ (သို့မဟုတ်) လက်ရှိ အချက်အလက်များနှင့်ပတ်သက် ပြီး မြန်မာ၏ မြောက်ကိုရီးယား နှင့် ဆက်နွှယ်ပတ်သက်မှုက ဖုံးဖိ မရဖြစ်နေသည်။ မည်သို့ပင်ဖြစ် စေ သူ့မှာရွေးစရာလမ်းမရှိခဲ့ဘဲ အရာရှိများခိုင်းသလို လုပ်နေရ ကြောင်း ဦးတေဇက တစ်စိုက် မတ်မတ်ဆိုနေသည်။ ‘‘အစိုးရက ဘာပဲခိုင်းခိုင်း ကျွန်တော်က လုပ် ရတာပဲ’’

မြန်မာနိုင်ငံ ယခင်စစ်အစိုးရ အာဏာပိုင်များက ဦးတေဇတို့လို လုပ်ငန်းရှင်သူဌေးမျိုးအပေါ် မှီခို ပြီး စီးပွားရေးလုပ်ကိုင်ခဲ့ကြသည်။ လူအများက ခရိုနီဟုသိထားကြ ပြီး သူတို့သည် စီးပွားရေးပိတ်ဆို့ မှုကို တစ်ပတ်ရိုက်ပြီး လှည့်ပတ် လုပ်ကိုင်သည့် ကျွမ်းကျင်သူများ ဖြစ်လာသည်။ စစ်အစိုးရ၏ သူ ကောင်းပြုမှုများစွာရရှိခဲ့ပြီး သစ် တောထုတ်ကုန်မှ ကားတင်သွင်း မှုအထိ လုပ်ပိုင်ခွင့်များ လှိုင်လှိုင် ရခဲ့သူများဖြစ်သည်။

ဩစတြေးလျနိုင်ငံ မက်ကွာ ဟာတက္ကသိုလ်မှ မြန်မာ့စီးပွား ရေးဆိုင်ရာ ကျွမ်းကျင်သူရှောင် တားနားက ဦးတေဇ နဝတဟု လူသိများသည့် မြန်မာစစ်အစိုးရ ကိုယ်စား ယခုလို မြောက်ကိုရီး ယားနှင့် ဆက်နွှယ်နေသည့် ကုမ္ပဏီကို ငွေပေးချေခြင်းသည် အံ့ဩစရာလုံးဝမရှိပါကြောင်း ပြောဆိုလိုက်သည်။

‘‘အစိုးရကိုယ်စား ဒီလိုငွေ လွှဲပြောင်းမှုမျိုးလုပ်တယ်ဆိုတာ က နဝတခေတ်တစ်လျှောက်လုံး မှာ ခရိုနီကုမ္ပဏီတွေအတွက် ပုံမှန်လုပ်ငန်းတစ်ခုဖြစ်နေပါတယ်’’ဟု ရှောင်တားနားက ပြောသည်။ သေချာမသိသေးသည်မှာ ထိုကဲ့သို့ ပြုံးယန်းနှင့်မြန်မာ အဆက်အဆံ ဆက်လက်ရှိ၊ မရှိဆိုတာပဲ ဖြစ်သည်။

အမေရိကန်ဘဏ္ဍာရေးဝန် ကြီးဌာနက ဦးတေဇကို အရေးယူ ပိတ်ဆို့မှုအတွက် အထူးသတ် မှတ်ထားသည့်ပုဂ္ဂိုလ်များစာရင်း တွင် ၂၀၀၈ ခုနှစ်က ထည့်သွင်း ထားသည်။ စစ်အစိုးရအတွက် စစ်တပ်အတွက် စစ်သုံးပစ္စည်း များနှင့် လေယာဉ်များဝယ်ယူခြင်း အပါအဝင် ပံ့ပိုးပေးမှုများကြောင့် ဖြစ်ကြောင်း ထိုစဉ်က ထုတ်ပြန်ခဲ့ သည့် စာများအရ သိရသည်။

နောက်ထပ် စီးပွားရေးပိတ်ဆို့အရေးယူမှုစာရင်းဝင်ပုဂ္ဂိုလ် တစ်ဦးဖြစ်သူ စီးပွားရေးလုပ်ငန်း ရှင်ဦးဝင်းအောင်က အမေရိကန် သည် ကောလာဟလများအပေါ် အခြေခံပြီး လူများကို စာရင်းပြု စုနေသည်ဟု ပြောဆိုလိုက်သည်။ ‘‘မေးစရာကတော့ အတော်များ တာပဲ။ ဘယ်ကသတင်းတွေကိုရသလဲ။ အဲဒီရတဲ့သတင်းတွေ ဘယ်လောက်အထိမှန်ကန်စိတ် ချရသလဲ’’ဟု သူက မေးခွန်းထုတ် သည်။

ဦးတေဇက ရုရှားလုပ် MI-17 ရဟတ်ယာဉ်များကို ရောင်းချ ကြောင်း ဝန်ခံပြောဆိုသည်။ မြန်မာစစ်တပ်အတွက် အပိုပစ္စည်းကို ဆက်လက်ပံ့ပိုးပေးနေပြီး စက်ပိုင်းဆိုင်ရာဝန်ဆောင်မှုစာချုပ်ကို ဆက်လက်ချုပ်ဆိုထားကြောင်းလည်း ပြောဆိုလိုက်သည်။ သို့ရာတွင် အခြားလက်နက်ရောင်းချမှုများ မပြုလုပ်ကြောင်း ငြင်းဆိုလိုက်သည်။ ရုရှားများကို မြန်မာစစ်ခေါင်းဆောင်များနှင့် မိတ်ဆက်ပေးခဲ့ပြီးသည့်နောက် ညှိနှိုင်းမှုများကို သူတို့ဘာသာဆက်လက်လုပ်ဆောင်ကြခြင်းဖြစ်သည်ဟု ဆိုသည်။

‘‘သူတို့က အစိုးရတစ်ခုနဲ့ တစ်ခုအကြား တိုက်ရိုက်လုပ်ခဲ့ ကြတာပါ။ ကျွန်တော်တို့က အစည်းအဝေးခန်းထဲကိုတောင် မဝင်ရဘူး’’

ဝိကီလိခ်က ထုတ်ပြန်လိုက် သည့် ၂၀၀၇ ခုနှစ် သံတမန်ကြေး နန်းသတင်းတွင် ဦးတေဇကို ယခင်စစ်အစိုးရ၏ အတွင်းလူအဖြစ် ဖော်ပြထားသည်။ သူ့ကို ‘‘နံပါတ်၁ ခရိုနီစီးပွားရေးသမား’’ဟု ဖော်ပြထားသည်။ သူသည် စစ်အစိုးရခေါင်းဆောင်များကို ဖောဖောသီသီဧည့်ခံပြီး အမြတ်အစွန်းများသော စီးပွားရေးသဘောတူညီချက်အများစုကို ရယူခဲ့သည်ဟု ဆိုသည်။

ပါမောက္ခရှောင်တားနားက တော့ ဦးတေဇ၏ ခရိုနီသူဌေးပုံ ရိပ်မှာ ဆင်းရဲနွမ်းပါးလှသည့် စီးပွားရေးရှိသည့်နိုင်ငံတစ်ခုတွင် သူ၏ဟိတ်ဟန်ကြီးလှသည့် နေထိုင်ပုံကြောင့် ပိုကြီးသယောင်ချဲ့ကားခံထားရခြင်းဖြစ်ကြောင်းဆိုသည်။ ‘‘သူ့ရဲ့ပြိုးပြိုးပြက်ပြက်နေပုံတွေကြောင့် သူ့ကို လူဆိုးအခန်းမှာထည့်ပြလို့ သိပ်ကောင်းသွားတာပေါ့’’

အမေရိကန်အစိုးရက အရပ်ဘက်နိုင်ငံရေးသမားများအဖြစ် ပြောင်းလဲသွားသည့် ယခင်စစ်အရာရှိများစွာကို သူတို့၏ ပစ်မှတ်ထား ပိတ်ဆို့အရေးယူ သည့် လူပုဂ္ဂိုလ်များစာရင်းမှ ဖယ် ရှားပေးခဲ့သည်။ ယင်းအထဲတွင် သမ္မတဦးသိန်းစိန်နှင့် ၂၀၀၈ ခုနှစ် တွင် ပြုံးယန်းသို့ သွားရောက်ခဲ့ သည့် ဗိုလ်ချုပ်ဟောင်းလွှတ်တော် ဥက္ကဋ္ဌ ဦးရွှေမန်းတို့လည်း ပါဝင် သည်။ သို့ရာတွင် ဦးတေဇနှင့် တခြားလုပ်ငန်းရှင်ကြီးများ စာရင်းတွင် ကျန်ရစ်နေသည်။ သူတို့ကို ဖက်စပ်လုပ်ကိုင်မည့်သူများအဖြစ် မြင်ထားကြသည့် ဝင်ရောက်ရင်းနှီးမြှုပ်နှံလိုသူ အမေရိကန် စီးပွားရေးသမားအများအပြားအတွက် အတော် ပင်စိတ်ပျက်စရာဖြစ်နေသည်။

‘‘အမေရိကန်ကုမ္ပဏီအများ စုက အဲဒီစာရင်းကို ပြန်ပြီးပြင် ဆင်စေချင်တယ်။ အဲဒီလူပုဂ္ဂိုလ် တွေနဲ့ ကုမ္ပဏီတွေကို စာရင်းက ဖယ်ပေးလို့ရရင် ပယ်ဖျက်ပေးစေ ချင်ကြတယ်’’ဟု DFDL ဥပဒေ အကျိုးဆောင်အဖွဲ့မှ ရှေ့နေစီလီ ယမ်ဂရင်းလီက ပြောဆိုလိုက် သည်။ သူက မြန်မာနိုင်ငံရှိ အမေ ရိကန်ကုန်သည်ကြီးများအသင်း ၏ ဥက္ကဋ္ဌလည်းဖြစ်သည်။

ဇန်နဝါရီလလယ်တွင် ကုန် သည်ကြီးများအသင်းဝင်များက ရန်ကုန်မြို့ရှိ ပြန်လည်မွမ်းမံပြင် ဆင်ထားသော ဗြိတိသျှခေတ် အဆောက်အအုံတစ်ခု၏ စား သောက်ဆိုင်၌ စုဝေးခဲ့ကြသည်။ ထိုနေရာတွင် အမေရိကန်သံအမတ်ကြီး ဒဲရစ်မစ်ချယ်က သူ တို့ကို သတင်းကောင်းတချို့ပါး လိုက်သည်။ ဘဏ္ဍာရေးဝန်ကြီး ဌာနက ပစ်မှတ်ထားပိတ်ဆို့အရေးယူထားသူစာရင်းမှ တချို့ကို မကြာမီဖယ်ရှားပေးတော့မည်။ ‘‘နောက်ဆုံးအကြိမ် ဘဏ္ဍာရေးဝန်ကြီးဌာနနဲ့ ကျွန်တော်စကားပြောတော့ သူတို့က လပိုင်းလောက်ပဲလိုတော့တယ်လို့ ပြောတယ်’’

ခြောက်လကြာပြီးချိန်တွင် မည်သူတစ်ဦးတစ်ယောက်ကိုမျှ စာရင်းမှဖယ်ရှားခြင်းမရှိခဲ့။ ဝါရှင် တန်အတွင်း သတင်းများအရ ယင်းသို့ရွှေ့ဆိုင်းခြင်းသည် ဝါရှင် တန်နှင့် နေပြည်တော် နှစ်ရပ် စလုံးတွင် နိုင်ငံရေးအပြောင်းအလဲများရှိနေ၍ဟု ဆိုသည်။ မြန်မာအစိုးရ ကတိပြုထားသည့် ပြုပြင်ပြောင်းလဲမှုလုပ်ငန်းစဉ်များနောက်ပြန်လှည့်နေသည့် အပေါ်အမေရိကန်နိုင်ငံရေးသမားများနှင့် လူ့အခွင့်အရေး အဖွဲ့များက အပြစ်တင်နေကြသည်။

‘‘ပြီးခဲ့တဲ့ ၁၈ လအတွင်း ပြုပြင်ပြောင်းလဲရေးမှာ တိုးတက်မှု နည်းနည်းလေးပဲရှိခဲ့တာကြောင့် စာရင်းထဲကနေ ဘယ်သူကိုမှပယ် ဖျက်မပေးဖို့ ပြည်တွင်းမှာ ဖိအား တွေများနေတယ်’’ဟု ဝါရှင်တန် အခြေစိုက် Project 2049 In-stitute အကြံပေးအဖွဲ့မှ ကယ် လီကူရီးက ဆိုသည်။ ယင်းအဖွဲ့ သည်အာရှ၏ လုံခြုံရေးကိစ္စရပ် များအပေါ် အဓိကလေ့လာနေ သည့်အဖွဲ့ဖြစ်သည်။

မြန်မာနိုင်ငံနှင့် ဆက်လက် ပူးပေါင်းဆောင်ရွက်ရေးကို ဆန့် ကျင်ပြီး စည်းရုံးနေသူများထဲတွင် လွှတ်တော်အမတ်ချာဘော့ လည်းပါဝင်သည်။ သူက လူနည်းစုမွတ်စလင်များကို ဖိနှိပ်နေမှုကို ရပ်တန့်ရေးမြန်မာအစိုးရအား ဖိအားများပေးရန်တောင်းဆိုသည့် မူကြမ်းကို တင်သွင်းခဲ့သူဖြစ်သည်။

ပစ်မှတ်ထားအရေးယူသူ လူပုဂ္ဂိုလ်များကို စာရင်းမှပယ် ဖျက်ခြင်းက မှားယွင်းသော အဓိပ္ပာယ် သက်ရောက်စေနိုင် သည်ဟု ချာဘော့က ဆိုသည်။ ‘‘အမေရိကန်ကုမ္ပဏီတွေက ဒီခရို နီတွေနဲ့ ဘယ်လိုနည်းနဲ့ပဲဖြစ်ဖြစ် စီးပွားရေး ပူးပေါင်းလုပ်မှာကို ကျွန်တော်မထောက်ခံပါဘူး’’ဟု သူက ပြောဆိုလိုက်သည်။

သို့သော်လည်း ပြီးခဲ့သည့် ဇွန်လကုန်ပိုင်းတွင် ပိတ်ဆို့အရေး ယူခံထားရသော လူပုဂ္ဂိုလ်များကို အမေရိကန်ဘဏ္ဍာရေးနှင့် နိုင်ငံ ခြားရေးဝန်ကြီးဌာနမှ အရာရှိများ က ရန်ကုန်မြို့တွင်ဖိတ်ခေါ်ပြီး တွေ့ဆုံခဲ့သည်။ ယင်းစာရင်းမှ ပယ်ဖျက်ခံရရန် မည်သို့မည်ပုံ ဆောင်ရွက်ရမည်ဆိုသည်ကို ရှင်းလင်းပြခဲ့သည်။ လိုအပ်ချက် များမှာ စစ်တပ်နှင့် ဆက်နွှယ်ပတ် သက်ခြင်းမပြုရန်၊ လုပ်ငန်းတွင် ထင်သာမြင်သာရှိစွာ ဆောင်ရွက် ရန်တို့ဖြစ်သည်။ ယင်းအချက်က ဦးတေဇတို့လိုလုပ်ငန်းရှင်သူဌေး များအတွက် ဝါရှင်တန်က အတိုက်အခံများထက်ပင်လျှင် စိန်ခေါ်မှု ကြီးမားနိုင်ပါသည်။

(Forbes magazine ပါ ဆောင်းပါးရှင် Jared Ferrie ၏ Burmese Tycoon Tay Za Under Scrutiny ဆောင်းပါးကို မူရင်းအတိုင်း ခင်မေဇော် (ဝါရှင်တန်ဒီစီ) ဘာသာပြန်ဆိုသည်။)
7Day Daily

Hunger Game တွင် သရုပ်ဆောင်ခဲ့သည့် ဟောလိဝုဒ်မင်းသမီး မြန်မာပြည်အနှံ့ ခရီးဆန့်



Hunger Game မင်းသမီးအား ၎င်း၏ဧည့်လမ်းညွှန်နှင့်တွေ့ရစဉ်
နာမည်ကျော် ဟောလိ ၀ုဒ်ရုပ်ရှင် Hunger Game တွင် ပါဝင်သရုပ်ဆောင်ခဲ့သည့် ဟောလိဝုဒ်မင်းသမီး   ဂျီနာမယ်လုန်း သည်   မြန်မာနိုင်ငံရှိ   အထင် ကရနေရာများသို့   လာရောက် လည်ပတ်သွားခဲ့ပြီး ၎င်း၏ မြန်မာ နိုင်ငံ ခရီးသွားအတွေ့အကြုံများ ကို ဖေ့စ်ဘွတ်ခ်နှင့် အခြားလူမှု ကွန်ရက်တွင် ဝေမျှခဲ့သည်။

မင်းသမီး ဂျီနာမယ်လုန်း သည် Hunger Game ၏ ဒုတိယ ဇာတ်လမ်းဖြစ်သည့် Catching Fire ရုပ်ရှင်ဇာတ်ကားတွင် Johanna Mason အဖြစ် မင်းသ မီးချော ဂျနီဖာလောရန့်စ်နှင့်အတူ သရုပ်ဆောင်ခဲ့သူဖြစ်သည်။

ဇူလိုင် ၁၉ ရက်တွင် မြန်မာ နိုင်ငံသို့ ရောက်ရှိခဲ့ပြီး ပုဂံ၊ အင်း လေး၊ ကလောအစရှိသည့် ဒေသ များရှိ ကျေးရွာများမှာ ဘုန်းတော် ကြီးကျောင်းများအထိ သွားရောက် လေ့လာသွားသည်။ ခရီးစဉ်တစ်ခု ချင်းစီအလိုက်  ၎င်းတွေ့ကြုံရ သည့် ဒေသခံများ၏ ဓလေ့စရိုက်များ၊ ခရီး သွားအတွေ့အကြုံများ၊ စိတ်လှုပ်ရှားဖွယ်ရာများကို ဓာတ်ပုံများနှင့်တကွ ၎င်း၏ ဖေ့စ်ဘွတ်ခ်စာမျက်နှာတွင် ရေးသား ဝေမျှထားသည်ကို တွေ့ရသည်။

ယခု သတင်းရေးသားနေ သည့် မိနစ်ပိုင်းအတွင်းမှာပင် ၎င်း၏ ဖေ့စ်ဘွတ်ခ်စာမျက်နှာ တွင် ပုဂံဘုရားတစ်ဆူ၌ ပို့စ်ကတ် များရောင်းချသည့် ကလေးငယ် များ၏ ချစ်ခင်စရာကောင်းသည့် အပြုအမူများနှင့်ပတ်သက်သည့် ဓာတ်ပုံတစ်ပုံနှင့်အတူ ယခုကဲ့သို့ ရေးသားထားသည်ကို တွေ့ရ သည်။

‘‘ကျွန်မကို ဒီဘုရားနဲ့ပတ် သက်ပြီး ရှင်းပြချင်နေတဲ့ ကလေး မလေးနှစ်ယောက်ကို တွေ့တယ်။ သူတို့က ကျွန်မကိုပြောတယ်။ သူ တို့ရှင်းပြတာ ကောင်းတယ်လို့ ထင်မှ သူတို့ကို မုန့်ဖိုးပေးပါဆိုပြီး တော့’’ ဟု ၎င်းတွေ့ကြုံရသည့် ကလေးငယ်များအကြောင်းကို ထည့်သွင်းရေးသားခဲ့သည်။

ထို့အပြင် ၎င်း၏ ဖေ့စ် ဘွတ်ခ်တွင် ရန်ကုန်မြို့သို့ စတင် ရောက်ရှိသည့် ဇူလိုင် ၁၉ ရက်မှ စတင်၍ ၎င်းရောက်ရှိနေသည့် ဒေသများမှ ဓာတ်ပုံပေါင်း ၂၀ နီး ပါးခန့် ဝေမျှခဲ့သည်။ ယင်းဓာတ်ပုံ များနှင့်အတူ မြန်မာနိုင်ငံအ ကြောင်းများ ရေးသားထားသည် ကို ကမ္ဘာတစ်ဝန်းမှ ၎င်း၏ ပရိ သတ်များက စိတ်ဝင်တစား ရှိခဲ့ ကြသည်။

၎င်း၏ ခရီးစဉ်နှင့်ပတ်သက် ၍ မည်သည့် ခရီးသွားအေဂျင်စီ နှင့် လာရောက်ပြီး ရက်ပေါင်း မည်မျှနေထိုင်ခဲ့သည်ကို မသိရှိရ ဘဲ ခရီးစဉ်တစ်လျှောက်တွင် ၎င်း အား ကူညီပေးခဲ့သည့် ဧည့်လမ်း ညွှန်အမျိုးသမီးတစ်ဦးနှင့် တွဲရိုက် ထားသည့် ဓာတ်ပုံတစ်ပုံကိုသာ ၎င်း၏ စာမျက်နှာတွင် တွေ့ရသည်။

7day daily

အသက်သုံးဆယ်အရွယ်မှာ သန်းကြွယ်သူဌေးဖြစ်အောင် ဘယ်လိုလုပ်မလဲ?


စာဖတ်ပရိသတ်များအတွက် ကျွန်တော် Mr. Guy မှအကျိုးရှိအားတတ်စေမယ့် သတင်းဆောင်းပါးလေးကို ဆီလျှော်အောင်ဘာသာပြန်ကာပြန်လည်မျှဝေလိုက်ပါတယ်။

သတင်းလေးရဲ့ခါင်းစဉ် ကတော့အသက်သုံးဆယ်အရွယ်မှာ သန်းကြွယ်သူဌေးဖြစ်အောင်ဘယ်လိုလုပ်မလဲတဲ့။ မူရင်းရေးသားသူကတော့ သူ့ဘ၀ရဲ့အတွေ့အကြုံနဲ့ ဘယ်လိုဖြစ်အောင်လုပ်ဆောင်ခဲ့လည်းဆိုတာ သင်ခန်းစာယူနိုင်ရန်နှင့်အများသိစေရန် ထုတ်ဖော်ပြောဆိုခဲ့တာပါ။

အသက်သုံးဆယ် အရွယ်မှာသန်းကြွယ်သူဌေးဖြစ်ဖို့ဆိုတာ စိတ်ကူးယဉ်ဆန်ရာကျတယ်လို့ ထင်ရက်နိုင်စရာရှိပေမဲ့ မဖြစ်နိုင်စရာမရှိ။ ကြိုးစားရင်ဘာမဆိုဖြစ်တယ်။ ကျွန်တော် အသက် ၂၁နှစ်အရွယ်မှာ ကျောင်းကထွက်ပြီး အကြွေးပတ်လည်ဝိုင်းကာ အလွန်တရာမွဲနေခဲ့ပါတယ်။ ဒါပေမဲ့အသက်သုံးဆယ်မှာတော့ သန်းကြွယ်သူဌေးဖြစ်ခဲ့ပါတယ်။

အောက်ပါ အချက် (၁၀)ချက်ကိုလိုက်ပါလုပ်ဆောင်မယ်ဆိုရင်တော့ သင်သန်းကြွယ်သူဌေးဖြစ်ရန် အာမခံပါတယ်။

၁) ငွေနောက်ကိုလိုက်ပါ- လက်ရှိစီးပွားရေး အခြေအနေရ ပတ်ဝန်းကျင်တွင်သန်းကြွယ်သူဌေးဆိုတဲ့ ဂုဏ်ပုဒ်ကိုရဖို့ဆိုတာ အလွန်ကိုခက်ခဲပါတယ်။ ပထမဦးဆုံး ခြေလှမ်းအနေဖြင့် နှစ်စဉ်ဝင်ငွေတိုးပွားအောင်လုပ်ပါ။ ထပ်ခါတလဲလဲလုပ်ဆောင်ပါ။ ကျွန်တော်ဝင်ငွေ အစပိုင်းမှာ တလကိုဒေါ်လာ ၃၀၀၀ဆိုပင်မဲ့ ကိုးနှစ်ကြာပြီးတဲ့နောက်မှာ တလကို ဒေါ်လာ ၂၀၀၀၀ ဖြစ်လာခဲ့ပါတယ်။ ငွေနောက်ကိုလိုက်နေရင်းနှင့် ၀င်ငွေတိုးပွားလာသလို တဆက်တည်းမှာပင် အခွင့်ရေးများစွာကိုရရှိလာပါလိမ့်မယ်။

၂) မကြွားဝါပါနှင့်၊ လက်တွေ့လုပ်ဆောင်ပြပါ- ကျွန်တော်ရဲ့ စီးပွားရေးနှင့်ရင်းနှီးမြုပ်နှံမှုများ လုံလောက်သော အခြေအနေမရောက်ခင်အချိန်အထိ ကျွန်တော်သည်အကောင်းစားနာရီ၊ ဇိမ်ခံကား အစရှိသည်တို့ကိုဝယ်ယူအသုံးပြုခဲ့ခြင်းမရှိပါဘူး။ ကျွန်တော်ချမ်းသာလာသည့်အချိန်အထိ သာမန်တိုယိုတာ ကန်မရီကိုသာမောင်းနှင်ခဲ့တာပါ။ သင်ဝယ်ယူ၍ရသော လက်ဝတ်တန်ဆာများဖြင့်ထင်ပေါ်အောင်မလုပ်ပါနှင့်။ သင့်ရဲ့အလုပ် လုပ်ကိုင်ပုံနှင့်ကျော်ဇောနိုင်အောင် လုပ်ပြပါ။

၃) ပိုက်ဆံကိုရင်းနှီးမြုပ်နှံရန်စုပါ၊ သိမ်းထားရန်မစုပါနဲ့- ပိုက်စံစုရခြင်း၏တခုသောရည်မှန်းချက်မှာ ရင်းနှီးမြုပ်နှံရန်သာဖြစ်သည်။ လုံခြုံသောနေရာနှင့် ထိတွေ့မရသောနေရာတွင် ၀င်ငွေတိုးပွားရန်အပ်နှံထားပါ။ ဘယ်လိုအကြောင်းမျိုးနဲ့မှ မထုတ်ပြစ်ပါနဲ့ အရေးပေါ်ဖြစ်လာရင်တောင်မသုံးပါနှင့်။ ဒီကနေ့ အချိန်ထိကျွန်တော်ဟာ တနှစ်မှာ အနည်းဆုံးနှစ်ကြိမ် မွဲလေရှိတယ်။ ဘာဖြစ်လို့လဲဆိုတော့ အပိုဝင်ငွေတွေကို စီးပွားရေးလုပ်ငန်းတွေမှာပြန်လည်မြုပ်နှံလို့ ဖြစ်ပါတယ်။

၎) ကိုယ့်အတွက်ပိုက်ဆံမရနိုင်မဲ့ အကြွေးယူခြင်းကိုမလုပ်ပါနဲ့- စည်းကမ်းချမှတ်ထားပါ။ ပိုက်ဆံမ၀င်နိုင်မယ့်အကြွေးယူခြင်းကိုမလုပ်ပါနဲ့။ ကျွန်တော်ကားဝယ်ရန်ငွေတခါချေးဖူးပါတယ် ဒါပေမဲ့ကျွန်တော်ချေးယူခြင်းဟာ ၀င်ငွေတိုးပွာစေခဲ့ပါတယ်။ ချမ်းသာသူများဟာ အကြွေးယူသည့်အခါ ရင်းနှီးမြုပ်နှံ မှုနှင့်စီးပွားရေးလုပ်ငန်းများကို တိုးချဲ့ကြပေမယ့် ဆင်းရဲသူများဟာချမ်းသာသူများ ပိုပြီးချမ်းသာသထက် ချမ်းသာလာအောင်အကြွေးများဖြင့်ဝယ်ယူကြတယ်။

၅) ပိုက်ဆံကိုသ၀န်တိုတတ်သူရည်းစားတဦးလိုဆက်ဆံပါ- သန်းပေါင်းများစွာ ရယူနိုင်ရန်နံပါတ်တစ်ဦးစားပေးထားရှိရန်လိုအပ်သည်။ ချမ်းသာကြွယ်ဝဖို့နှင့် အမြဲတမ်းချမ်းသာနေနိုင်ဖို့ ဦးစားပေးရန်လိုအပ်ပါတယ်။ သ၀န်တိုတတ်တဲ့ချစ်သူလိုပေါ့။ သူတို့ကိုဦးစားမပေးရင် ရန်လိုပြီး ဦးစားပေးနိုင်သူနောက်ကိုပဲပါသွားမှာပေါ့။ ပိုက်ဆံလည်းထိုနည်း၎င်းပါပဲ။

၆) ပိုက်ဆံသည်အိပ်မနေတတ်ပါ- ပိုက်ဆံသည် အချိန်၊နာရီ၊အားလပ်ရက် ဘာကိုမှမသိ သင်လည်းပဲထိုသို့သာဖြစ်သင့်သည်။ အလုပ်ကြိုးစားသူတိုင်းကို ပိုက်ဆံကချစ်သည်။ ကျွန်တော်အသက် ၂၆နှစ်အရွယ်မှာ လက်လီဆိုင်တခုတွင်အလုပ် လုပ်ကိုင်ခဲ့ပါတယ်။ ဆိုင်မှာညနေ ၇နာရီမှာပိတ်ပင်မယ့်လည်း ကျွန်တော်ည ၁၁နာရီအထိအလုပ်ဆင်းကာ အပိုဝင်ငွေရရန်ဈေးရောင်းခဲ့သည်။ ဘယ်တော့မှာ သူများထက်ပိုလည်၊ ပိုကံကောင်းတဲ့ပုံစံမျိုးများမလုပ်ဆောင် ပါနဲ့။ သာလွန်အောင်ပဲလုပ်ပါ။

၇) ဆင်းရဲခြင်းကိုနားမလည်နိုင်ပါ- ကျွန်တော်ဆင်းရဲဖူးခဲ့ပါတယ်။ တကယ်ကိုဆိုးဝါးပါတယ်။ အဲဒီ့ဘ၀မျိုးဘယ်တော့မှာပြန်မလိုချင်ပါ။ Bill Gates ပြောခဲ့သလိုပေါ့ “သင်ဟာဆင်းရဲသော ဘ၀ဖြင့်မွေးဖွားလာခဲ့လျှင် သင့်ရဲ့အမှားမဟုတ်ပါ၊ ဒါပေမဲ့ဆင်းရဲသော ဘ၀ဖြင့်သေဆုံးသွားခဲ့ရင်တော့ သင့်ရဲ့အမှားပါ”။

၈) ညွန်ပြပေးနိုင်မဲ့သန်းကြွယ်သူဌေးကိုရှာပါ- ကျွန်တော်တို့တွေဟာ ဆင်းရဲသော၊ အလယ်အလတ်အတန်းအစား ဘ၀များပတ်ဝန်းကျင်များဖြင့် ရုန်းကန်လုပ်ရှား
ခဲ့ခြင်းများဟာ အတွေးအခေါ်များကိုကန့်သတ်ထားသလိုဖြစ်ခဲ့ပါတယ်။ ကျွန်တော်သန်းကြွယ်သူဌေးပေါင်းများစွာကို လေ့လာပြီး အတုယူနိုင်ခဲ့ပါတယ်။ သင်တို့ကိုလည်းထိုနည်း၎င်းလုပ်ဆာင်ရန်တိုက်တွန်းလိုပါတယ်။ ရှေ့ ဆောင်လမ်းညွန်ပေးမယ့်သန်းကြွယ်သူဌေးကိုရှာပါ။ ချမ်းသာကြွယ်ဝသူအများစုဟာ သဘောထားပြည့်ဝသူများလည်းဖြစ်ကြပါတယ်။

၉) သင့်ရဲ့ပိုက်ဆံများကို လေးလံသောအရာများကိုသယ်ဆောင်ခိုင်းပါ- ရင်းနှီးမြုပ်နှံခြင်းဟာ သင်အလုပ် လုပ်လို့ရတဲ့ဝင်ငွေများစွာထက် သင့်ကိုပိုက်ဆံပိုမိုရှာပေး
နိုင်ပါတယ်။ ပိုက်ဆံအပိုအလျှံမရှိလျှင် ရင်းနှီးမြုပ်နှံရန် မဖြစ်နိုင်ပေ။ ကျွန်တော်ရဲ့ဒုတိယလုပ်ငန်းဖြစ်တဲ့ လုပ်ငန်းကို ဒေါ်လာ ၅၀,၀၀၀ မတည်ခဲ့ပြီး ကုန်ဆုံးသွားသော ၁၀နှစ်တာ ကာလမှာ တစ်လကို ဒေါ်လာ၅၀,၀၀၀ပြန်ရှာပေးခဲ့ပါတယ်။ အလားတူတတိယလုပ်ငန်းဖြစ်တဲ့ အိမ်ခြံမြေလုပ်ငန်းမှာ ၃၅၀,၀၀၀ နဲ့စတင်ခဲ့ပြီး အခုချိန်ထိဝင်ငွေပေါင်းများစွာကိုရှာဖွေပေးနေတုန်းပါပဲ။ ရင်းနှီးမြုပ်နှံခြင်းသာ တခုတည်းသောအခြားနည်းလမ်းဖြစ်သင့်ပြီး ကိုယ့်အတွက်ပိုက်ဆံကို အလုပ်လုပ်ခိုင်းပြီး လေးလံသောအရာများကိုသယ်ဆောင်နိုင်ရန် သူတို့ကိုပင် တာဝန်ပေးပါ။

၁၀) ဒေါ်လာ၁၀သန်း ရရန်ပစ်မှတ်ထားပါ၊ ၁သန်းမဟုတ်ပါ- ငွေကြေးနှင့်ပတ်သတ်၍တခါတည်းသော ကျွန်တော်ရဲ့အမှားမှာ ကြီးကြီးမားမားမတွေးခဲ့လို့ပါ။ ခင်ဗျားတို့အားလုံးကို ဒေါ်လာ၁သန်းထက်ပိုသောလုပ်ဆောင်မှုကို လုပ်ကိုင်ရန်တိုက်တွန်းလိုပါတယ်။ ပိုက်ဆံပြတ်လတ်သွားသည် ဆိုမှာဒီစင်္ကြာဝဠာ မှာမရှိပါ
လူအနည်းစုသာလျှင်ကြီးကြီးမားမားတွေးခေါ်မှုကိုပြုလုပ်ကြလို့ပါ။

အဆိုပါ(၁၀)ချက်ကိုလုပ်ဆောင်ပါက ငွေကြေးချမ်းသာသောဘ၀ကိုပိုင်ဆိုင်ပါလိမ့်မယ်။ ဖြတ်လမ်းကိုမလိုက်ပါနှင့်။ အများထက်အလုပ်ကိုကြိုးစားပါ။ ဘယ်တော့မှဇွဲမလျှော့ပါနှင့်။ သင်ဟာသန်းကြွယ်သူဌေးဖြစ်လာခဲ့တဲ့အချိန်ကျရင်လည်း အများကိုသင့်လိုဖြစ်လာနိုင်ရန် လိုလိုလားလား ကူညီဖေးမပါ။

Credit:World-Myanmar News

သားသားမီးမီးတို့မှာ ရှိထားသင့်တဲ့ အခြေခံအရည်အချင်းများ



(၁) ကလေးတို့…… ထမင်းချက်တတ်အောင် သင်ထားရမယ်။ ဒါသူများကို ပြုစုတာမပြုစုတာနဲ့မဆိုင်ပါဘူး။ ဒါဟာ ကိုယ့်ကိုယ်ကို ရပ်တည်နိုင်ဖို့ လိုအပ်တဲ့အခြေခံအရည်အချင်းတစ်ရပ်ဖြစ်နေလို့ပါ။

(၂) ကလေးတို့…ကားမောင်းတတ်အောင်သင်ထားရမယ်။ ဒါဟာဂုဏ်တွေ အဆင့်အတန်းတွေနဲ့ ဘာမှမဆိုင်ပါဘူး။ ကြိုက်တဲ့အချိန်မှာ ကြိုက်တဲ့နေရာကို သွားလို့ရအောင် တတ်မြောက်ထားသင့်တဲ့ အခြေခံအရည်အချင်းတစ်ခုဖြစ်လို့ပါ။ လွတ်လွတ်လပ်လပ် သွားလာနိုင်ဖို့ အာမခံချက် ရှိထားတဲ့သဘောပါပဲ။

(၃) ကလေးတို့…… ကျောင်းတက်စဉ်မှာ စာကောင်းကောင်းကြိုးစားရမယ်။ ဒါဟာရတဲ့ဘွဲ့နဲ့ ဒီဂရီနဲ့ဘာမှမဆိုင်ပါဘူး။ ဘဝရဲ့ အပိုင်းအခြားတစ်ခုမှာ ကြိုးစားဖို့အသင့်တော်ဆုံးအချိန်ပါ။ လူ့ဘဝဆိုတာ အပိုင်းအခြားရှိပါတယ်။ သင့်တော်တဲ့အပိုင်းအခြားမှာ သင့်တော်တဲ့အလုပ်ကို ကောင်းမွန် ပြီးမြောက်အောင် ဆောင်ရွက်ထားနိုင်ရင် ကလေးတွေနောက် နောင်တမရတော့ဘူးပေါ့။

(၄) ကလေးတို့….. ဝေးဝေးလံလံခရီးသွားဖူးသင့်ပါတယ်။ ခရီးများများ သွားသင့်ပါတယ်။ အဝေးသွားဖူးလေ အမြင်ကျယ်လေ စိတ်သဘောထားကြီးလေပါပဲ။ လူဆိုတာ အမြင်ကျယ်သလောက် အမျှော်အမြင်ရှိတယ်။ အမျှော်အမြင်ရှိသလောက် အလုပ်ကိုအောင်မြင်အောင် အကောင်အထည်ဖော်လို့ရတယ်။

(၅) နောင်အခါမှာ ဘယ်လောက်အခက်အခဲတွေ့တွေ့ ကောင်းကင်တစ်ခုလုံးပဲ ပြိုကျနေပါစေ မငိုယိုပါနဲ့။ မငြီးငြူပါနဲ့။ ငိုယိုငြီးငြူခြင်းဟာ မင်းကိုတကယ်ချစ်တဲ့လူတွေအတွက် စိတ်ထိခိုက်စေနိုင်သလို၊ မင်းကိုမုန်းတဲ့လူအတွက်ကျတော့လည်း လက်ညိုးထိုးစရာ အကြောင်းတစ်ခု ဖန်တီးပေးသလို ဖြစ်သွားနိုင်ပါတယ်။

(၆) ကလေးတို့…အဝေးကိုခရီးသွားခဲ့ရင် ဓာတ်ပုံကင်မရာအပြင် စက္ကူနဲ့ ဘောပင်ပါယူသွားရတယ်။ ရှု့ခင်းကို ကင်မရာနဲ့ မှတ်တမ်းတင်လို့ရတယ်ဆိုပေမယ့် အချို့ခံစားချက်နဲ့ အတွေ့အကြုံကိုကျတော့ ရေးမှတ်ထားမှ ပိုသေချာတယ်။

(၇) ငယ်ရွယ်စဉ်အခါက ဗဟုသုတကို စုဆောင်းရပါတယ်။ ကြီးလာလို့ရှိရင် အတွေ့အကြုံကို မျိုးစုံရှာထားရတယ်။ဒါမှ ကလေးတို့ဘဝက အမျော်အမြင်ရှိပြီး ပြည့်စုံမှာ။ လမ်းကွေ့လမ်းကောက် များများလျှောက်လှမ်းဖူးတဲ့လူဟာ ဖြတ်လမ်းကို အလွယ်တကူ တွေ့ရှိတတ်လေ့ရှိတယ်။

(၈) ပြုံးရွှင်တဲ့အကျင့်ရှိခြင်း၊ မိမိကိုယ်ကိုယ် မိမိ ယုံကြည်ခြင်းနဲ့ ဘယ်အခြေအနေမှာပဲဖြစ်ဖြစ် အကောင်းဘက်ကိုမြင်တတ်ခြင်းတို့ဟာ ကလေးတို့အတွက် အကြီးမားဆုံးသော စိတ်ဓာတ်ကြွယ်ဝမှုတွေပါ။ ဒီကြွယ်ဝမှုတွေသာ ကလေးတို့ပိုင်ဆိုင်ခဲ့ရင် ကလေးတို့ရဲ့ ဘ၀ခရီး တစ်လျှောက်လုံးအတွက် ကိုယ့်ကိုကို ပဲ့ကိုင်ထိန်းသိမ်းနိုင်ပါပြီ။

Credit & Thanks : Uncle U Aung Ko lat

အမေရိကန်မှာရှိတဲ့ Facebook အသုံးပြုသူတွေဟာ တစ်နေ့ကို ပျမ်းမျှ မိနစ် ၄၀ သာ Facebook ကို အသုံးပြုဟုဆို


အမေရိကန်နိုင်ငံတစ်ဝန်းမှာရှိနေကြတဲ့ Facebook အသုံးပြုသူတွေဟာ တစ်နေ့ကို မိနစ် ၄၀ ခန့် Facebook ကို အသုံးပြုကြောင်း သိရသည်။ မက်ဇူကာဘက် က Facebook ရဲ့ ဒုတိယ ၄ လပတ်အစည်းအဝေးမှာ ပြောကြားရာမှာ ” အမေရိကန်နိုင်ငံမှာ ရှိတဲ့ Facebook ပေါ်က သူတွေဟာ တစ်နေ့ကို မိနစ် ၄၀ လောက်ပဲ မိမိတို့ရဲ့ ၀န်ဆောင်မှုကို အသုံးပြုကြတယ်” လို့ ပြောကြားခဲ့သည်။ CDC ရဲ့ အကြံပြုချက်များအရ အမေရိကန်လူမျိုးတွေဟာ တစ်နေ့ကို ၂၂ မီနစ်လောက် လေးကျင့်ခန်းလုပ်ကြပြီး ၂၀ ရာခိုင်နှုန်းလောက်ပဲ သူတို့ရဲ့ ရည်မှန်းချက်တွေ ပြည့်ဝတယ်လို့ ဆိုသည်။

ဇူကာဘက်က ပြောကြားရာမှာ မိနစ် ၄၀ အသုံးပြုတဲ့အချိန်အတွင်းမှာ တကယ်တမ်း မိုဘိုင်းဖုန်းပေါ်ကနေ အသုံးပြုတာက Facebook အကောင့် တစ်ခုအတွက် ၅ မီနစ်ပဲ ရှိတယ်လို့ ဆိုသည်။ ဒါကြောင့် Facebook ရဲ့ CEO ဖြစ်တဲ့ ဇူကာဘက်ကပြောတာကတော့ အမေရိကန်က သူတွေဟာ ပျမ်းမျှ တစ်နေ့ကို ၉ နာရီလောက်ရှိတဲ့ အချိန်တွေကို ဒီဂျစ်တယ်မီဒီယာတွေ ဖြစ်တဲ့ တီဗီ ၊ ဖုန်း နှင့် ကွန်ပျူတာတွေအပေါ်မှာ သုံးစွဲတယ်လို့ ဆိုသည်။ ဒါဟာ လူတွေကို ဝေမျှဖို့အတွက် အကြီးမားဆုံး တိုးတက်တဲ့ အခွင့်အလမ်းတစ်ခု ဖြစ်တယ်လို့ဆိုသည်။ အမေရိကန်နှင့် ကနေဒါနိုင်ငံ နှစ်ခုပေါင်းမှာရှိတဲ့ ပြည်သူတွေထဲက ၂၄ မီလီယံဟာ Facebook ကို အသုံးပြုနေကြကြောင်း သိရသည်။

Yangon Media Group

မချေဖြစ်သော ယတြာနှင့် ညမအိပ်လိုက်ရသော တိုင်းမှူး – လက်စောင်းထက်


သမီးတော်တွေဟာ သူတို့ကလွဲရင် တခြားဘယ်သူမှ ပျော်နေတာကို မမြင်ချင်ကြဘူး။ ဒါကြောင့်လည်း ရောက်လေရာ နေရာတိုင်းက လူတွေကို ကြံကြံဖန်ဖန် ဒုက္ခပေးလေ့ရှိတယ်။ တပ်မှူးကတော်တွေကို အတွင်းခံဘောင်းဘီ လျှော်ခိုင်းတာ၊ စစ်ဦးစီးမှူး ပထမတန်း ဇနီးကို အိမ်သာဆေးခိုင်းတာက အစ သူတို့နဲ့ ပတ်သက်သမျှ လူတွေကို ဘယ်လိုစိတ်ဆင်းရဲအောင် လုပ်ရမလဲဆိုတာ ခေါင်းထဲက အမြဲထွက်နေသူတွေ ဖြစ်တယ်။

ဒီတစ်ပတ်တော့ သမီးတော်တို့က ကာချုပ်ကြီးနဲ့အတူ ရှမ်းပြည်မြောက်ပိုင်းရဲ့ မြို့တော် လားရှိုးကို ရောက်လို့ လာပါပြီ။ အဲဒီအချိန်မှာ လားရှိုး အရှေ့မြောက်တိုင်း စစ်ဌာနချုပ် တိုင်းမှူးကလည်း နာမည်ကျော် ရှစ်လုံးကြီးပေါ့။ အောက်က ဗျူဟာမှူးတွေ၊ တပ်မမှူးတွေ၊ တပ်ရင်းမှူးတွေ အပေါ်သာ မောက်မာချင်တိုင်း မောက်မာ၊ နိုင်ချင်တိုင်း နိုင်လို့ရမယ်။ သမီးတော်တွေ ရောက်လာတော့ တိုင်းမှူးလည်း ခြေသုတ်ပုဆိုး မြွေစွယ်ကျိုးကို ဖြစ်လို့။

ချမ်းအေးတဲ့ လားရှိုးရဲ့ ညချမ်းမှာ သမီးတော် တစ်ပါးက ညစာသုံးဆောင်အပြီး သူ့အခန်းတွင်း ၀င်ကာနီးမှာ လိုက်ပြီး ဂွတ်နိုက်လုပ်တဲ့ တိုင်းမှူးကြီးကို “မနက်ဖန် မနက် ခြောက်နာရီမှာ သမီးယတြာ ချေဖို့ရှိတယ်။ အဲဒါ မန်ကျည်း ကိုးညွန့်နဲ့ ထန်းကိုးညွန့် အသင့် လုပ်ထားပေးပါ အန်ကယ်”တဲ့။ အဲဒီ့စကားကြားလိုက်ရတဲ့ ရှစ်လုံးကြီး ခေါင်းကို ဆင်နင်းသလို ဖြစ်သွားတယ်။ ကမ္ဘာပေါ်မှာ အမြော်အမြင် အရှိဆုံးနဲ့ အတော်ဆုံး ခေါင်းဆောင်ကြီးပါရယ်လို့ ၀န်ကြီးတစ်ဦးက ထိုင်ရှိခိုးခြင်းကို ခံယူဖူးတဲ့ ကာချုပ်ကြီးက ရှမ်းပြည်မှာ တပ်တိုင်း မန်ကျည်းတစ်ထောင်၊ ထန်းတစ်ထောင် စိုက်ရမယ်လို့ အရင်က ဗျာဒိတ်ပေးခဲ့ဖူးပေမယ့် ရှမ်းပြည်ရဲ့ အေးမြတဲ့ ရာသီဥတုအောက်မှာ ဒီအပင်တွေက ဘယ်လိုလုပ် ပေါက်နိုင်မှာလဲ။ အခုတော့ သမီးတော်က အမိန့်တော်မှတ်လိုက် ချေပြီ။ တိုင်းမှူးကတော့ ရာသီဥတုကိုပဲ အပြစ်ဖို့ရမလား။ ဒီကိုမှ တိုင်းမှူးလာဖြစ်တဲ့ သူ့ဘ၀ကိုပဲ စိတ်နာရမလား ဝေခွဲမရပေမယ့် အမိန့်ကို နာခံရမယ်ဆိုတဲ့ စစ်သားတို့ထုံး နှလုံးမူပြီး မနက်၆နာရီမှာ မန်ကျည်းကိုးညွန့်နဲ့ ထန်းကိုးညွန့် အဆင်သင့် လုပ်ထားပါမယ်ဆိုပြီး ရဲရဲကြီး အာမခံလိုက်ပါတယ်။

အဲဒီနောက်မတော့ တိုင်းမှူးရဲ့ အရေးပေါ် အစည်းအဝေး ခေါ်လိုက်ပါတော့တယ်။ တပ်မှူးတွေကတော့ ရင်တထိတ်ထိတ်နဲ့ပေါ့။ ဘယ်နေရာမှာ ဘာမှားလို့ ဘယ်သူအထိုး ခံရမလဲဆိုတဲ့ ကြောက်စိတ်တွေနဲ့ အစည်းအဝေးခန်းထဲကို အားလုံးရောက်လာကြပါတော့တယ်။ လူစုံတာနဲ့ တိုင်းမှူးကြီးက ယာယီ တပ်ရင်းမှူးတွေ၊ ယာယီ တပ်မှူးတွေကို ဆင့်ကမ်း အမိန့်တော် ခြွေပါတော့တယ်။ မင်းတို့ပုခုံးပေါ်မှာ အပွင့်တင်ချင်ရင် မနက်ဖန် မနက် ၄နာရီမှာ ငါ့လက်ထဲကို မန်ကျည်း ကိုးညွန့်နဲ့ ထန်း ကိုးညွန့် (အဲမဟုတ်သေးဘူး) လိုရမယ်ရ မန်ကျည်းကိုင်းလိုက် ချိုင်လာခဲ့၊ ထန်းရွက် အကိုင်းလိုက် ချိုင်လာခဲ့။ ဒါဆို မင်းတို့ဘာအပြစ်ရှိရှိ အပွင့် တင်ရမယ်ဆိုပြီး တိုတိုတုတ်တုတ်နဲ့ အစည်းအဝေးကို ဖြတ်လိုက်ပါတယ်။

ဒီတစ်ခါ စိတ်ဆင်းရဲဖို့ အလှည့်ကျသူတွေကတော့ ယာယီ တပ်ရင်းမှူးတွေနဲ့ ယာယီ တပ်မှူးတွေပေါ့။ ဒီလိုညကြီး မင်းကြီးမှာ လားရှိုးမှာ မရှိတဲ့ မန်ကျည်းနဲ့ ထန်းညွန့်တွေ ဘယ်လိုလုပ်ရှာမလဲ။ ဒါပေမဲ့ စစ်တပ်လေ သိတယ်မဟုတ်လား။ ရေဘူးပေါက်တာ မလိုချင်ဘူး။ ရေပါတာပဲ လိုချင်တယ်ဆိုတဲ့ ဆိုရိုးကြီးကလည်း အရိုးစွဲနေလေတော့ ကြံကြရပြီပေါ့။

တစ်ယောက်က မန္တလေးမှာတော့ သေချာတယ်။ ဒါပေမဲ့ အချိန်လင့်နေပြီ။ ဘယ်နှယ့် လုပ်ကြမလဲတဲ့။ တစ်ယောက်က ကာချုပ်ကြီး သမီးတော်တွေကလည်း မန္တလေး လှမ်းမှာပြီး ရဟတ်ယာဉ်နဲ့ လာပို့ခိုင်းလဲရတာကို ငါတို့ကို သက်သက် ဒုက္ခပေးနေတယ်တဲ့။ တစ်ယောက်ကတော့ ဟေ့ကောင်တွေ လေကြောရှည်မနေနဲ့။ နာရီကြည့်ကြဦး။ မနက်ကျမှ မျက်နှာကို လက်သီးနဲ့ အထိုးခံပြီး ခြေနဲ့လှိမ့်ကန်တာ ခံနေရဦးမယ်တဲ့။ ဒီတော့မှ မန်ကျည်းနဲ့ ထန်းစစ်ဆင်ရေး အတွက် ယာယီတပ်မှူးတွေ စစ်ရေး သုံးသပ်ချက်တွေ လုပ်ပြီး စစ်ဆင်ရေး စီမံချက်ကို ဆွဲကြပါတော့တယ်။

သူတို့စီမံချက်ကတော့ တင်း ၊ ရည်၊ လုပ်၊ အုပ်၊ ဆက်ဆိုတဲ့ သတင်း၊ ရည်မှန်းချက်၊ လုပ်နည်း၊ အုပ်ချုပ်မှု၊ ဆက်သွယ်မှုဆိုတဲ့ အချက်တွေ အားလုံး ပြည့်စုံပါပေတယ်။ တစ်ခုပဲရှိတယ်။ ရန်သူကို တိုက်ဖို့မဟုတ်ဘဲ သမီးတော်တွေရဲ့ လိုလားချက်ကို ဖြည့်ဆည်းပေးရမှာလေ။ မန္တလေးနဲ့ အဆက်အသွယ်ရှိတဲ့ တပ်မှူး တစ်ယောက်က မန္တလေးကို လှမ်းဖုန်းဆက်တယ်။ မန်ကျည်းကိုင်းတွေနဲ့ ထန်းလက်တွေ ရသလောက် ခုတ်ပြီး ကားနဲ့တက်လာခဲ့ပါ။ ဒီကလည်း ကားနဲ့ဆင်းလာပြီး ကားနှစ်စီးဆုံတဲ့ အချိန်မှာ ကားပေါ်ကို ပစ္စည်းတွေ ရွှေ့တင်ပါ့မယ်ပေါ့။ မန္တလေးဘက်က ဒီလို ညကြီးမင်းကြီး ဘယ်သူက ထန်းပင်တက်မှာ လဲပေါ့။ ထန်းညွန့်ပဲဆိုရင် ဘုရားတစ်ဆူဆူက ပန်းဆိုင်က ၀ယ်လို့ရသေးတယ်။ အခုဟာက ထန်းလက်လိုက်ကြီး ယူလာရမှာဆိုတော့ ခက်တယ်ပေါ့။ ဒီဘက်ကလည်း ဘယ်လောက်ကုန်ကုန်ပါ။ ထန်းပင်ပေါက်လေးတွေရှာပြီး ထန်းလက်ကိုင်းလိုက်သာ ခုတ်ပြီး ကားပေါ်တင်ခဲ့ပါပေါ့။

လိုရင်း ဇာတ်ပေါင်းရရင် မန်ကျည်းကိုင်းတွေနဲ့ ထန်းလက်တွေတင်ပြီး မန္တလေးက တက်လာတဲ့ကားနဲ့ လားရှိုးက ဆင်းယူတဲ့ကားက သီပေါမှာ တွေ့ပြီး ပစ္စည်းတွေပြောင်းတင်။ လားရှိုးကို အမြန်ပြန်မောင်း။ လားရှိုးရောက်တော့ အပြစ် အနာအဆာ မပါတဲ့ ပိုးကိုက်ရာ၊ နေလောင်ရာ မပါတဲ့ မန်ကျည်း ကိုးညွန့်နဲ့ ထန်းညွန့် ကိုးညွန့်ကို ရွေးလို့ တိုင်းမှူးကြီး လက်အပ်လိုက်ချိန်မှာ မနက် ၃နာရီထိုးနေပါပြီ။ ထိုင်ရမလို ထရမလို ဖြစ်နေတဲ့ တိုင်းမှူးကြီးလည်း တပည့် တပ်မှူးတွေကို ရှဲရှဲနီပေါ့လေ။ တိုင်းမှူးကြီးခမျာ ၀မ်းသာပီတိဖြစ်ပြီး ညမအိပ်နိုင်တော့ပါဘူး။ အဲဒီ့ ယတြာချေမယ့် အညွန့်တွေကို ငွေဖလားကြီးထဲ ထည့်၊ ဖလားကြီးကို ရင်ဝယ်သားသဖွယ် ကိုင်ပြီး မနက် ၄နာရီလောက် ကတည်းက သမီးတော်တွေ အခန်းဝ သွားစောင့်နေတော့တာပေါ့။ ဒါပေမဲ့ မနက်၆နာရီ ဘုရားသွား ယတြာချေမယ် ပြောထားပေမယ့် မနက် ၅နာရီမှာလည်း အခန်းတံခါးက မဖွင့်။ ၆နာရီမှာလည်း တံခါးက မဖွင့်။ ဘယ်သူမှလည်း အခန်းတံခါး ခေါက်ပြီး မနှိုးရဲ။ နှိုးစက်ပဲ မမည်တာလား။ ရိပ်သာ တာဝန်ကျတွေ ကိုရော မနက်နှိုးဖို့ မပြောထားဘူးလားဆိုပြီး တိုင်းမှူးကြီး ဗျာများနေရပါပြီ။ လိုက်မေးတော့ ဘယ်အခန်းကမှ မနက်နှိုးဖို့မှာ မထားဘူးတဲ့။

မနက် ၇ နာရီလည်း ဘယ်အခန်းတံခါးမှ မပွင့်လာ။ မနက်၈နာရီလည်း တံခါးတွေ ပိတ်ထားဆဲ။ ပွင့်မယ့်ပွင့်တော့ မနက်၉နာရီမှ အခန်းတံခါး ပွင့်လာလို့ ကဗျာကယာ အခန်းဝသွားပြီး သမီးတော် ယတြာချေဖို့ မှာထားတာတွေ လေဆိုပြီး လက်ထဲမှာ တပွေ့ပွေ့ကိုင်ထားရတဲ့ ငွေဖလားကြီးထဲက မန်ကျည်းညွန့်တွေ၊ ထန်းညွန့်တွေပြတော့ သမီးတော်က ဇဝေဇ၀ါနဲ့။ အဲဒါဘာတွေလဲတဲ့။ ညတုန်းက သမီးတော် မှာထားတာတွေလေ။ ယတြာချေဖို့ မန်ကျည်းညွန့်တွေနဲ့ ထန်းညွန့်တွေလေလို့လည်း ပြောရော “အော် ဟုတ်လား။ ညကပြောမိလား။ မချေတော့ပါဘူး” ဆိုပြီး အခန်းထဲ ပြန်ဝင်သွားတော့တယ်။ အဲဒီ့အချိန်မှာ ဖြစ်နေမယ့် တိုင်းမှူးမျက်နှာ ခင်ဗျားတို့ မြင်စေချင်တယ်ဗျာ”လို့ ပြောပြီး စကားကို လက်စသတ် လိုက်ပါတယ်။ နောက်တစ်ပတ်ကျရင် ပြည်တွင်းမှာ သာမက ပြည်ပမှာပါ သမီးတော်တွေ ဘယ်လို မွှေသလဲဆိုတာတွေ ပြောပြဦးမယ်လို့ စကားလက်ဆောင်ပါး သွားလေရဲ့။

လက်စောင်းထက်

Tomorrow Journal

စီးရီးထွက်ရှိနိုင်ဖို့ စာချုပ်အတွက် ကြိုးစားနေစဉ် ယောက်ျားများစွာနဲ့ အတူအိပ်ခဲ့တဲ့ Lana Del Rey


Victor. Paa Tung

Lana Del Rey က သူမရဲ့ အောင်မြင်မှုနဲ့ ပတ်သက်တဲ့ ရင်တွင်းခံစားချက်တွေကို Complex Magazine ကို ဖွင့်ပြောခဲ့ တယ်။ အောင်မြင်မှုအထွတ် အထိပ်ဆီကို ရောက်အောင် အသည်းအသန် ရုန်းကန်ခဲ့တာပါ ဆိုပြီး ဝေဖန်ပြောဆိုသူတွေကိုလည်း ထည့်သွင်းပြောဆိုခဲ့ပါတယ်။

နောက်ဆုံးထွက်ရှိခဲ့တဲ့ Ultraviolence ထဲမှာ F—ed My Way Up To The Top ခေါင်းစဉ်နဲ့ သီချင်းတစ်ပုဒ်ကို ထည့်သွင်းထားတဲ့အကြောင်းနဲ့ ဒါဟာ ထိပ်ဆုံးနေရာကို ပို့ဆောင်ပေးတဲ့ သီချင်းတစ်ပုဒ်တော့ မဟုတ်ပါဘူးလို့ Del Rey က ပြောဆိုသွားပါတယ်။

ဒါဟာ I know what you think of me တွေ I’m alluding to that ဆိုတဲ့ စကားလုံးတွေလို ဖော်ပြချက် တစ်ရပ်ပဲဖြစ်ပါတယ်၊ ဒီလို အကူအညီစကားမျိုးကိုတော့မလိုလားပါဘူးလို့ သူ့သီချင်းနဲ့ ပတ်သက်ပြီး ၀န်ခံပြောဆိုသွားပါတယ်။

အလုပ်ရုံကလူ အတော်များများနဲ့အတူ အိပ်ခဲ့ဖူးတယ်၊ ဒါပေမဲ့လဲ စီးရီးထုတ်ဖို့ ငွေကြေးအကူအညီကိုတော့ တစ်ယောက်ဆီကမှ မရခဲ့ပါဘူးလို သူမက ထည့်သွင်းပြောဆိုခဲ့ပါတယ်။

ဘယ်လောက်စိတ်ညစ်ဖို့ကောင်းလိုက်လဲ။

သူမဟာ သူ့လိမ်ကိစ္စနဲ့ ပတ်သက်ပြီး ပွင့်ပွင့်လင်းလင်းရှိပါတယ်၊ ဒါကို သူ့သီချင်းကနေတဆင့်လဲ အားလုံးအသိပါ။ ကျွန်မက အသွေးအသားဆန္ဒပြင်းပြသူတစ်ယောက်ပါလို့ သူမကိုယ်တိုင်လဲ ဖွင့်ဟခဲ့ပါတယ်။

“လက်တွေ့ကျကျ ချစ်ကြတာပဲ ပိုသဘောကျတယ်လို့ ပဲ ပြောရမလား၊ ကြားလို့ကောင်းအောင် ဘယ်လိုပြောရမလဲတော့မသိ။ လက်တွေ့မြင်တွေ့ ခံစားလို့ရတဲ့အချစ်၊ အကြင်နာကို ဝေမျှခံစားလို့ရတဲ့ အချစ်မျိုးကိုပဲ သဘောကျတယ်။ ကျွန်မအနေနဲ့တော့ လက်တွေ့မဆန်ဘူးဆိုရင် သဘောမကျချင်ဘူး။”လို့ သူမက ပြောခဲ့ပါတယ်။

Lana က Jazz ဂီတကိုကြိုက်နှစ်သက်ခံစားပြီး Bob Seger ကို အားပေးတဲ့ ပရိတ်သတ်တစ်ယောက်ဖြစ်တယ်ဆိုတဲ့အကြောင်းနဲ့ သူမရဲ့ ဂီတလွမ်းမိုးမှုအကြောင်းကို အင်တာဗျူးမှာ ဝေမျှခဲ့ပါတယ်။

နောက်ဆုံး ထွက်ရှိထားတဲ့အခွေအတွက် သီချင်းတွေရေးစပ်တဲ့အချိန်က စိတ်အပန်းဖြေမှုတွေလုပ်ပြီဆိုရင် Jazz သီချင်းမျိုးတွေကို နားထောင်ဖြစ်တယ်လို့ ပြောပါတယ်။ Chet Bakerရဲ့ Let’s Get Lost မှတ်တမ်း ဗီဒီယို ကြိုက်နှစ်သက်မိတယ်၊ အဲ့ဒါဇာတ်ကားက Bruce Weber ရိုက်ကူးပေးထားတဲ့ ကျွန်မရဲ့ West Coast ဗီဒီယိုအပေါ်လွမ်းမိုးမှုရှိခဲ့ပါတယ်။

အတော်များများလဲကြိုက်နှစ်သက်တဲ့ Nina Simone နဲ့ Billie Holiday တွေကို သဘောကျတယ်။ နေ့တိုင်းနားထောင်နေကျ သီချင်းအပုဒ် ၇၀ လောက်ရှိတယ်လို့ သူမကထည့်သွင်းပြောဆိုခဲ့ပါတယ်။ အဲ့ဒီအထဲ ကျွန်မနှစ်သက်အားပေးတဲ့ Bob Seger ရဲ့ သီချင်းတွေ အများကြီးပါဝင်တယ်။ Eagles, Chris Isaak, Dennis Wilson နဲ့ Brain Wilson တို့အပါအ၀င် အဓိကနားထောင်ဖြစ်တာက ဒီအဆိုတော်ဖြစ်ကောင်းဖြစ်ပါလိမ့်မယ်။ Echo ၊ Bunnymen နဲ့ Killing Moon လို တစ်ကိုတော်ခွေတွေကိုကြိုက်ပါတယ်လို့လည်း သူမက ပြောသွားပါသေးတယ်။

Source: starpulse

Trend Myanmar

မိုးရာသီမှာ စိတ်ကသိကအောက် မဖြစ်အောင် သိထားသင့်တဲ့ အချက်တွေ



အခု ကျွန်မတို့ မိုးရာသီကို ဖြတ်သန်းနေကြ ရပြီဆိုတော့ နည်းနည်းတော့ ကရိကထများစရာတွေ
ကြုံနေရပြီပေါ့ရှင်။

ဒါပေမဲ့ စိတ်မပျက်ပါနဲ့။ မိုးရာသီကို စိတ်သက်သောင့်သက်သာနဲ့ ဘယ်လိုဖြတ်သန်းရမလဲဆိုတဲ့
အကြံကောင်းလေးတွေကို ကျွန်မတို့ မြန်မာတိုင်း(မ်)က ဒီတစ်ပတ် တင်ဆက်ပေးသွားပါ့မယ်။

လူအများကြား အဆင်ပြေစေမယ့် ထီးနဲ့ပတ်သက်တဲ့ သတိထားလိုက်နာစရာ
အချက်တွေ

ထီးဆိုတာကတော့ အများအားဖြင့် မိုးရာသီမှာ ရေမစိုအောင် ကာကွယ်နိုင်တဲ့ လက်နက်တစ်ခုပါ။

ရှေးခေတ်က သူရဲကောင်း ကြီးတွေက သူတို့ဓားတွေကို အမည်ပေးထားသလိုမျိုး ရှင်တို့လည်း
ရှင်တို့ရဲ့ ထီးတွေကို ကိုယ်တိုင်အမည်ပေးထားလို့ ရပါတယ်။

မိုးခွင်းလက်နက် ဒါမှမဟုတ် မိုးနိုင်ဒိုင်းဆိုတာ မျိုးပေါ့။

ကံဆိုးချင်တော့ ဒီလို အကျိုးရှိတဲ့ ကာကွယ်ရေးလက်နက်ကြီးဟာ မိုးရွာနေလို့ ကိုယ်စီ
ထီးဆောင်းထားတဲ့အချိန်နဲ့ ပတ်ဝန်းကျင်ကို သတိမထားတတ်သူတွေက လိပ်ထားတဲ့ ထီးကို
ကိုင်ထားတဲ့အချိန်ဆို မျက်လုံးကော်ကိရိယာတို့၊ နှာခေါင်းလမ်းကြောင်းပြကိရိယာတို့
ဖြစ်သွားတတ်ပါတယ်။

ထီးကိုခပ် နိမ့်နိမ့်ကိုင်ထားတဲ့ သူတွေရဲ့ လက်ထဲမှာဆိုရင်တော့ ပိုဆိုးသေး။

စိတ်ကသိကအောက် ဖြစ်စရာ ကိုယ်နောက်ပိုင်းကို လာပြီးထိုးနေတဲ့ကိရိယာတောင်
ဖြစ်သွားပါတယ်။

ဒီလိုမျိုး အဖြစ်အပျက်တွေကတော့ လူသွားလူလာများနေတဲ့ လမ်းမှာ ထီးကိုယ်စီနဲ့ ကတ်သီး
ကတ်သတ် လျှောက်ကြရတဲ့ အချိန်မှာဆို ကြုံတွေ့နိုင်ပါတယ်။

အဲဒါကို ဘယ်လိုရှောင်ရမလဲဆိုတော့ ‘သတိထားပြီးတော့သာ’ ဦးအောင်ရှောင်ထားလို့
အကြံပြုရမယ့်အပြင် တခြားကောင်းတဲ့အကြံတော့ မရှိဘူးရှင့်။

ထီးနဲ့ပတ်သက်ပြီး နောက်တစ်ခုပြောချင်တာကတော့ မိုးဘယ် လောက်ပဲရွာနေပါစေ၊
သူများထီးတွေကိုတော့ ယူသွားတာမျိုးတော့ မလုပ်မိပါစေနဲ့။

ရန်ကုန်မြို့က ကျဉ်းကျဉ်းလေးပါ။

မိုးရာသီနဲ့ ဆံပင်စတိုင်

ဆံပင်နဲ့ပတ်သက်ပြီး ပြောရမယ်ဆိုရင် နောက် ငါးလလောက်တော့ အလှအပတွေအတွက်
ခဏမေ့ထားလိုက်ပါလို့ ပြောပါရစေ။

ဒီရာသီမှာတော့ ဆံပင်ရေစိုတာက ရှောင်မရတဲ့ လောကဓံတစ်ရပ်ပါပဲ။

ဆံပင်ပုံ မပျက်အောင် ကော်ရည်တွေဘယ်လောက် ဖျန်းဖျန်း၊ ဆံပင်ပျော့ဆေးတွေ
ဘယ်လောက်ပဲသုံးသုံး မိုးစိုသွားရင်တော့ ဘာမှအရာမထင်ပါဘူး။

ဆံပင်အလှပြင်ဆိုင်ကနေ ခုပဲ ထွက်လာတဲ့ပုံစံမျိုး အမြဲကြော့ရှင်းသပ်ရပ် နေဖို့ဆိုတာကိုတော့
မေ့ထားလိုက်ပါ။

တကယ်တော့ မိုးရာသီက သီလရှင်ဝတ်ပြီး လူပြန်ထွက်လာခါစ ခေါင်းတုံးဆံတောက်နဲ့ သူတွေ
အတွက် အကောင်းဆုံးအချိန်လို့ ပြောရမှာပါ။

စိုနေတဲ့ဆံပင်တွေကို မျက်နှာသုတ်ပ၀ါလေးနဲ့ သုတ်လိုက်တာနဲ့ ခြောက်သွားနိုင်တာကိုးရှင့်။

အပြောင်းအလဲဖြစ်ချင်ရင်တော့ ပုံမကျပန်းမကျ ဖြစ်နေတဲ့ဆံပင်ကို ကာကွယ်ဖို့ ခေါင်းစည်း
ပ၀ါလေးသာ ဆောင်းထားလိုက်ပေါ့ရှင်။

စီးပွားရေးလုပ်နေတဲ့သူ ဆိုရင်တော့ ဖောက်သည်လျော့ကောင်း လျော့သွားမှာပါ။

ဒါပေမဲ့ ဖက်ရှင်လိုက်စားတဲ့ နေရာမှာတော့ ဘာကိုများ စဉ်းစားနေရဦးမှာလဲ။

မိုးရာသီမှာ တက္ကစီ စီးရတဲ့ ဒုက္ခ

မိုးတွေ တအားရွာချပြီဆိုရင် လမ်းပေါ်မှာလည်း လူလွတ်နေတဲ့ တက္ကစီတွေ ပျောက်ချင်းမလှ
ပျောက်သွားတတ်ပါတယ်။

တက္ကစီတစ်စီးလောက် လမ်းဘေးချရပ်ပေးတာမျိုးများ ရှိလာတဲ့အခါမှာတော့ ကားထဲက
ကြမ်းပြင်မှာ ရေ လေးလက်မလောက် ဘောင်ဘင်ခတ်နေတာကို သတိမထားမိအောင်ပဲ
ကျေးဇူးအလွန်တင်ပြီး တက်စီးဖြစ်သွားပါတယ်။

ကိုယ့်အ၀တ်အစားတွေမှာ အောက်သိုးသိုးအနံ့တွေ ပျံ့နေတဲ့အခါမှပဲ ဒီအနံ့က ရေစိုနေတဲ့ခုံက
ထွက်နေတာကို သတိထားမိပါတော့တယ်။ (ရေစိုပြီး ဟောင်နံ့ ထွက်နေတဲ့ ကားကို စီးမိမှပဲ
ရန်ကုန်မှာ ဒီလိုမျိုး အောက်သိုးသိုးနံ့ ထွက်နေတဲ့ တက္ကစီ ဘယ် နှစီးလောက်ရှိမလဲ သိချင်နေမိပါ
သေးတယ်။)

ဒီလို အနံ့ဆိုးကိုလည်း ဆယ်မိနစ်လောက် စီးရမယ့် ခရီးမှာ ရေတွေကြီးပြီး လမ်းတွေ
ပိတ်နေတာကြောင့် ဟွန်းသံတညံညံနဲ့ ရပ်နေရတဲ့အတွက် နာရီဝက်လောက် ခံစားရပါတယ်။

စိတ်ရှုပ်ရှုပ်နဲ့ ခြေထောက်ကို လှုပ်လိုက်တဲ့အချိန်မှာတော့ တင်ပါးမှာ အေးခနဲ ခံစားလိုက်ရပါတယ်။

သေချာပါပြီ၊ ခုံစိုစိုမှာထိုင်မိလို့ ကိုယ့်အ၀တ်အစားတွေလည်း စိုကုန်ပြီဆိုတာ။

ပြီးတော့ သွားစရာရှိတဲ့နေရာကို ရောက်ရင် ငါတော့ နောက်မှာ ရေစိုကွက်ကြီးတော့
ဖြစ်နေတော့မှာပဲဆိုပြီး စိတ်ထဲမှာ မသက်မသာဖြစ်နေမိမှာပါ။

အရောင်နုတဲ့ အ၀တ်အစားတွေကို မိုး မကုန်မချင်း အ၀တ်ဗီရိုနောက်ပိုင်း ပို့ပစ်သင့်တယ်ဆိုတာ
ကိုတော့ အထူးပြောနေဖို့ မလိုတော့ပါဘူး။

အခုလို နောက်ပိုင်းမှာ ရေကွက်ကြီးနဲ့ ဖြစ်နေပြီဆိုရင်တော့ အရေးပေါ်အနေနဲ့ လက်အခြောက်ခံ
စက်ရှိတဲ့ ရေအိမ်ထဲကို အလျင်စလိုပြေးဝင်၊ စက်အရှေ့မှာရပ်ပြီး လူမမြင်ခင် စိုနေတဲ့အပိုင်းကို
ခြောက်အောင် ကြိုးပမ်းရတော့မှာပါ။

မိုးရာသီက ဂုဏ်သိက္ခာတက်စေတယ်လို့ ဘယ်သူမှတော့ မပြောကြပါဘူး။



မိုးရာသီရဲ့ နည်းပညာပိုင်းဆက်သွယ်ရေး အခြေအနေ

မိုးတွေကြီးပြီဆိုရင် အင်တာနက်လည်း ရပ်၊ မိုဘိုင်းဖုန်းကွန်နက်ရှင်ကလည်း ဆက်သွယ်လို့မရ
ဖြစ်ရပါပြီ။

ဒါပေမဲ့ တစ်ဖက်က ကြည့်ရင်တော့ မက်ဆေ့ခ်ျပေါင်းများစွာကို မပြန်ဖြစ်ရခြင်းအတွက်
ဆင်ခြေပေးဖို့ အကြောင်းပြချက် ရသွားပါတယ်။

ပြီးတော့ ရှန်ဂရီလာ ရောက်နေသလိုပဲ။ မက်ဆေ့ခ်ျတွေလည်း ရောက်မလာနိုင်တော့ပါဘူး။

မိုးရာသီ ကြောင့်ဖြစ်ရတဲ့ အင်တာနက်နဲ့ ဖုန်းလိုင်း အဆက်ပြတ်သွားတာတွေကြောင့် စာရှည်ကြီး
တွေနဲ့လည်း ဝေးသွားရပါတယ်။

မိုးရာသီမှာ ချစ်သူနဲ့ တွေ့ဖို့ စီစဉ်ခြင်း

တကယ်ပဲ မိုးရာသီမှာ ရှင်တို့ ချစ်သူနဲ့ တွေ့ဖို့ စဉ်းစားနေကြတာများလားရှင်။

သဲကြီးမဲကြီးရွာနေတဲ့ ရန်ကုန်မိုးကို ဖြတ်သန်းပြီးတော့မှ ချစ်သူနဲ့တွေ့တာဟာ ချစ်စိတ်တွေ
တိုးလာနိုင်စေဖွယ်ရာ မရှိဘူးလို့ ကဗျာအဆန်ဆုံး ကျွန်မတို့တောင် လက်ခံထားပါတယ်။
(ရှင့်ရဲ့ ချစ်သူက သဘာဝဘေးက လွတ်လာပုံရတဲ့ တစ်ဦးဦးနဲ့ တွေ့တဲ့အခါမှာ အကူအညီ
ပေးတတ်တဲ့ အိုင်အင်န်ဂျီအို ၀န်ထမ်းတစ်ဦး ဖြစ်နေတယ်ဆိုရင်တော့ တစ်မျိုးပေါ့။ အဲဒီလိုမှ
မဟုတ်ရင်တော့ မိုးသည်းတဲ့နေ့ဆို အိမ်မှာနေတာ အကောင်းဆုံးပါပဲ။)

မိုးရာသီအတွင်းမှာ အချစ်ကိုရှာဖို့ ကြိုးစားနေတဲ့သူဆိုရင်တော့ ရွေးချယ်စရာနည်းလမ်း
တစ်ခုတော့ ရှိပါတယ်။

ရှင့်ကို မိုးနည်းနည်းလေးမှ မစိုအောင် ကားနဲ့ အကြိုအပို့ လုပ်ပေးနိုင်သလို ရှင်ကားထဲက
အထွက်မှာလည်း ကားဒရိုင်ဘာက ထီးမိုးပေးရင်း၊ ဗွက်အိုင်တွေထဲ ချော်မလဲအောင်လည်း
ထိန်းပေးရင်း အိမ်အ၀အရောက် ပို့ပေးနိုင်တဲ့ ချစ်သူမျိုးနဲ့ ချိန်းတွေ့တာမျိုးပါ။

မသွားမဖြစ်သွားရမယ့်ပွဲတွေ တက်ရတဲ့အခါ

မိုးသည်းတဲ့နေ့တွေမှာ အိမ်တွင်းအောင်း နေရတာက တစ်မျိုးတော့ ကောင်းချင်ကောင်းမှာပါ။

ဒါပေမဲ့ တစ်ခါတလေတော့ မသွားမဖြစ်သွားရမယ့် အခြေအနေမျိုးတွေ ပေါ်လာတတ်ပါတယ်။

မျက်နှာသုတ်ပ၀ါအသေးလေးတွေကို ခပ်များများဆောင်သွားပြီး သွားရမယ့်နေရာကို
စောစောရောက်အောင်လည်း သွားပါ။

သာမန်အချိန်တွေမှာဆို ပွဲတစ်ပွဲကို ခပ်စောစောရောက်သွားရင် စိတ်အနှောင့်အယှက်ဖြစ်ရပြီး
ကိုယ့်ကိုယ်ကိုယ် စိတ်စောလွန်းတယ်လို့ ထင်စရာပါ။

မိုးတွင်းမှာဆိုရင်တော့ ဒီအတွေးကို မေ့ထားလိုက်ပါ။

လမ်းပေါ်ကရေတွေကို ဖြတ်လျှောက်တဲ့အခါမှာ ရေမစိုအောင် စကတ်တိုတို ၀တ်ရင်ဝတ်၊ မ၀တ်ရင်
လုံချည်ကိုမပြီး လျှောက်ပါ။

အနောက်နိုင်ငံ သားတွေအတွက်ကတော့ လုံချည်ကိုမပြီး လျှောက်ဖို့ဆိုတာ ခဲရာခဲဆစ်နိုင်ပါတယ်။

အဲဒီလိုလူတွေကတော့ ဒူးဆစ်အထိလောက်ပဲရှိတဲ့ စကော့တလန်အမျိုးသားတွေ ၀တ်တဲ့
အ၀တ်မျိုးကိုသာ ၀တ်ဆင်လိုက်ပါတော့။

လဲစရာဖိနပ်အပိုနဲ့ ဆံပင်မိတ်ကပ်ပြင်စရာတွေလည်း ဆောင်သွားပါ။

ပြီးတော့ အလှပြင်ဖို့အတွက် အလင်းကောင်းကောင်းရတဲ့ ရေအိမ်ကိုလည်း သေသေချာချာရွေးပါ။

မျက်နှာသုတ်ပ၀ါ အသေးလေးတွေ ယူသွားဖို့ကိုတော့ လုံးဝမမေ့ပါနဲ့။

ဒါဆို တခြားသူတွေ ရောက်လာတဲ့ အချိန်မှာ သင့်ပုံစံဟာ ကြည့်ကောင်းနေမှာပါ။

(မှတ်ချက် – စာရေးသူဟာ မျက်နှာသုတ်ပ၀ါအသေးလေးတွေကို ရန်ကုန် မှာရှိတဲ့ စတိုးဆိုင်လေး
တွေမှာ အလွယ်တကူရှာဝယ်လို့ မရပါဘူးတဲ့။ သူပြောသလိုမျိုး မဟုတ်ဘူးဆိုရင် မြန်မာတိုင်း(မ်)
ကို တိုက်ရိုက် ဆက်သွယ်ပြောကြားနိုင်ပါတယ်။)

ကျန်းမာရေးနဲ့ အိမ်မှုကိစ္စ ထိန်းသိမ်းမှု ဖုန်တွေ၊ ပြာတွေဆိုတာ ရေထိရင် ဗွက်ထ တတ်ပါတယ်။

မိုးရာသီကတော့ အိမ်ကို သန့်ရှင်းသပ်ရပ်နေစေချင်တဲ့သူအတွက် စိတ်ပျက်စရာကာလပါ။

ဗွက်တွေကို နင်းလာတဲ့ ခြေရာတွေတော့ အိမ်မှာတင်ကျန်တော့မှာပါ။

လမ်းသွားရင်လည်း လမ်းကဗွက်တွေ စဉ်ပြီး အခြောက်လျှော်မှရတဲ့ အ၀တ်အစားတွေမှာ
အစက်အစက်တွေ စွန်းထင်းကျန်ခဲ့စေပါတယ်။

လျှပ်စစ်ပစ္စည်းတွေလည်း ရေငွေ့ တွေပြန်ပြီး ဓာတ်လိုက်တတ်လို့ အသက်အန္တရာယ်အတွက်
စိုးရိမ်စရာဖြစ်ရပါသေးတယ်။

မိုးရာသီနဲ့ ဆက်စပ်ပြီး နားမှိုစွဲတာမျိုး ဖြစ်တတ်တဲ့အတွက် နားသန့်ရှင်းရေးကိုလည်း ဂရုစိုက်သင့်
ပါတယ်။

နားထဲမှာ အစိုငွေ့များလွန်းရင် အကြားအားရုံကို ထိခိုက်နိုင်တဲ့ရောဂါတွေ ဖြစ်နိုင်ပါတယ်။

ခြင်နဲ့ ပတ်သက်တဲ့ရောဂါဆိုရင် သွေးလွန်တုပ်ကွေး ပေါ့ရှင်။

အကြံပေးစရာစကားလည်း များများစားစား မရှိတော့ပါဘူး။

တိုတိုပြောရရင်တော့ ဖြစ်နိုင်ရင် ကောင်းကောင်း အနားယူပါ။

ဆိုးရွားတဲ့ ပတ်ဝန်းကျင်မှာ ဆက်မနေပါနဲ့။

ဒါပေမဲ့ အပေါင်းအဖော်တွေကိုတော့ မမေ့ပါနဲ့

မိုးရာသီမှာ စိတ်ကသိကအောက်ဖြစ်နေရပြီဆိုရင် ကိုယ်တစ်ယောက်တည်း မဟုတ်ဘူးလို့
အားတင်းလိုက်ပါ။

မိုးရာသီကြောင့် အနေခက်ရတာ လူသားတွေချည်းပဲ မဟုတ်ပါဘူး။

ရေထဲမှာ ဖြတ်လျှောက်ရင်းနဲ့ အနီးအနားက အမှိုက်ပုံကို တစ်ချက်လောက်ကြည့်လိုက်ပါ။

သနားစရာကြွက်တွေနဲ့ ပိုးဟပ်လေးတွေ ရေကူးနေကြရတာကို တွေ့ရမှာပါ။

သူတို့ နဲ့ ရေထဲမှာ ရှိနေတဲ့ ရောဂါတွေအကြောင်း စဉ်းစားတာကို ချက်ချင်းရပ်လိုက်ပြီး
ရေ အောက်မှာရှိနေတဲ့ ချိုင့်ခွက်ထဲ လဲကျသွားရတာမျိုးမဖြစ်ဘဲ သွားလိုရာခရီးကို ချောချော
မောမောရောက်သွားအောင် သတိနဲ့ အာရုံ စိုက်သွားပါ။

နောက်တစ်ခု သတိထားရမှာကတော့ နောက်ဘ၀ကို ပြောင်းသွားစေနိုင်တဲ့ ရေထဲကျနေတဲ့
မီးကြိုးတွေပေါ့ရှင်။

မိုးရာသီကြောင့် အခက်အခဲတွေ ရှိ ကောင်းရှိမှာပါ။

ဒါပေမဲ့ ကျွန်မတို့ခေါင်းပေါ်မှာ အမိုးရှိနေသေးသရွေ့၊ ဒါမှမဟုတ် ထီးတွေကြောင့် ကြုံရတဲ့
အဖြစ်အပျက်ကို ရယ်စရာအဖြစ် သဘောထားနိုင်သရွေ့တော့ ကျွန်မတို့တွေ စိတ်ပျက်လှချည်ရဲ့လို့
ညည်းညူရလောက်တာမျိုးတွေ မတွေ့ကြုံလောက်ကြပါဘူး။

အင်္ဂလိပ်စာရေးဆရာ ဂျီကေချက်စ်တာတွန်ကတော့ “လမ်းလျှောက်ထွက်နေတဲ့အချိန် မိုးရွာရင်
လမ်းကို ကြည့်လျှောက်တာထက် မိုးပေါ်ကို ကြည့်လျှောက်လိုက်ပါ။ ဘာဖြစ်လို့လဲဆိုတော့
မိုးမရွာဘဲနဲ့ သက်တံ့ဆိုတာ ဖြစ်မလာနိုင်လို့ပါ” တဲ့။

ဒါပေမဲ့ ကျွန်မ အတွက်ကတော့ ရောက်ပါလေဦးတော့ နိုဝင်ဘာရယ်။

သီရိမင်းထွန်း ဘာသာပြန်သည်။

mmtimes

လှိုင်မြို့နယ်နေ အမျိုးသားတစ်ဦး နေအိမ်မှထွက်သွားကာ ပျောက်ဆုံးနေပြီး လေးရက်မြောက်အကြာ အင်လျားကန်အတွင်း ဓားထိုးဒဏ်ရာများဖြင့် သေဆုံးလျက် ပြန်လည်တွေ့ရှိ


လှိုင်မြို့နယ်နေ အမျိုးသားတစ်ဦးနေ အိမ်မှထွက်သွားကာ ပျောက်ဆုံးနေပြီးနောက် လေးရက်မြောက်အကြာတွင် အင်လျားကန်အတွင်းမှ ဓားထိုးဒဏ်ရာများဖြင့် သေဆုံးလျက် ပြန်လည်တွေ့ရှိခဲ့ကြောင်း သက်ဆိုင်ရာရဲစခန်းများမှ စုံစမ်းသိရှိရသည်။

ဖြစ်စဉ်မှာ ဇူလိုင် ၂ဝ ရက် ည ၈ နာရီခန့်က ကို……(၂၆)နှစ်မှာ ၎င်းနေထိုင်ရာ လှိုင်မြို့နယ်၊ (၂)ရပ်ကွက်ရှိနေအိမ်မှ အပြင်သို့ ခဏသွားမည်ဟုဆိုကာ ထွက်သွားခဲ့ပြီး ပြန်မလာဘဲ ပျောက်ဆုံးသွားခဲ့ကြောင်း ရဲမှတ်တမ်းများတွင် ဖော်ပြထားသည်။

ယင်းသို့ ပျောက်ဆုံးနေစဉ်၎င်း၏ အစ်ကိုဖြစ်သူ ကိုရန်နောင်ကျော်ထံသို့ ကြည့်မြင်တိုင်မြို့မ ရဲစခန်းမှ ဇူလိုင် ၂၂ ရက်တွင် ဖုန်းဆက်ကာ စိတ်ကူးသစ်တည်းခိုခန်းသို့ လာရောက်ရန် အကြောင်းကြားသဖြင့် သွားရောက်ရာ ကို…… တည်းခိုခဲ့သည် ဟုဆိုသော တည်းခိုခန်းရှိ အခန်းနံပါတ် (၁ဝ၅) အတွင်း ကို…..အား မတွေ့ရှိရဘဲ၊ ခုတင်ပေါ်ရှိ ခေါင်းအုံးနှင့် အခင်းတို့တွင် သွေးများပေကျံနေပြီး ဓားတစ်ချောင်းနှင့် ကို….. ကိုင်ဆောင်သော ဖုန်းတို့အား တွေ့ရှိခဲ့ကြောင်း သိရသည်။

ယင်းကြောင့် တည်းခိုခန်းအတွင်းရှိ တာဝန်ရှိသူများအား မေးမြန်းရာ ကို…..မှာ ဇူလိုင် ၂၁ ရက် ည ၁ဝ နာရီခန့်က တည်းခိုခန်းအတွင်းမှ အပြင်သို့ ထွက်သွားခဲ့ကြောင်း သိရှိရပြီး လိုက်လံရှာဖွေရာ မတွေ့ရသဖြင့် လှိုင်မြို့နယ်၊ ပိတောက်ချောင်း နယ်မြေရဲစခန်းတွင် လူပျောက်အမှတ်စဉ်(၆/၁၄) ဖြင့် တိုင်တန်းခဲ့ကြောင်း သိရသည်။

ထိုသို့ လူပျောက်တိုင်တန်းပြီး ရှာဖွေနေစဉ် ဇူလိုင် ၁၄ ရက်၌ မြောက်ဥက္ကလာပ ဆေးရုံကြီး၌ လူသေအလောင်းတစ်လောင်း ရောက်ရှိလာကြောင်း ဆက်သွယ်အကြောင်း ကြားသဖြင့် ကိုရန်နောင်ကျော်နှင့် တာဝန်ရှိသူများမှ သွားရောက်ကြည့်ရှုရာ ကို…. ဖြစ်နေကြောင်း သိခဲ့ရသည်။

“ကျွန်တော်တို့ ဒီလူသေအလောင်းကို အင်းလျားကန်ထဲမှာ ဓားဒဏ်ရာတွေနဲ့ သေဆုံးလျက်တွေ့တာပါ။ တွေ့တော့ မြောက်ဥက္ကလာပဆေးရုံကို ပို့ပြီးတော့ စစ်ဆေးစေခဲ့တယ်။ နောက်ပြီး ဘယ်သူမှန်း မသိတဲ့အတွက် လူပျောက်တိုင်ထားတဲ့ သူတွေဆီကို ဆက်သွယ် အကြောင်းကြားခဲ့တာပါ” ဟု မရမ်းကုန်းမြို့မ ရဲစခန်းမှ တာဝန်ရှိသူတစ်ဦးက ဆိုသည်။

ယင်းသို့ဓားထိုး ဒဏ်ရာများဖြင့် သေဆုံးနေမှုနဲ့ ပတ်သက်၍ ကြည့်မြင်တိုင်မြို့မရဲစခန်းမှ စခန်းမှူးဖြစ်သူ ဒုရဲမှူးတိုးရွှေက “လက်ရှိမှာ ဒီဖြစ်စဉ်ကို တိုင်းကနေပြီးတော့ တာဝန်ယူပြီး စစ်ဆေးနေပါတယ်။ ဒဏ်ရာတွေနဲ့ သေဆုံးနေပုံကတော့ လူသတ်မှုလို့ ယူဆရတယ်။ ပထမဆုံးအနေနဲ့ သူတည်းသွားတဲ့ တည်းခိုခန်းကလူတွေကို စစ်ဆေးနေတယ်။ နောက်ပြီး သူတည်းခိုခန်းကနေ ထွက်သွားတယ် ဆိုတာကလည်း တည်းခိုခန်းက စားပွဲထိုးလေးတွေကို စစ်ဆေးထားချက်အရ သိရတာပါ။ အတိအကျ အဖြေကတော့ ထွက်မလာသေးပါဘူး။ နောက်ပြီး ကျူးလွန်သူ ဘယ်သူလဲဆိုတာကိုလည်း စုံစမ်းဆဲပါပဲ။ နောက်တစ်ရက် နှစ်ရက်လောက် နေရင်တော့ တိကျတဲ့အဖြေကို သိရမှာပါ” ဟု ဇူလိုင် ၂၆ ရက် ညနေပိုင်းက ပြောကြားသည်။

အဆိုပါဖြစ်စဉ်အား ကြည့်မြင်တိုင်မြို့မ ရဲစခန်းက (ပ)၅ဝ၃/၁၄၊ ပြစ်မှုပုဒ်မ ၃ဝ၂ ဖြင့် ဇူလိုင် ၂၅ ရက်တွင် အမှုဖွင့်ကာ ကျူးလွန်သူအား ဖမ်းဆီးရမိရေး စုံစမ်းစစ်ဆေးလျက်ရှိကြောင်း သိရသည်။

Eleven Media

အမေရိကန်နိုင်ငံတွင် ကျင်းပမည့် Miss Universe ပြိုင်ပွဲသို့ သွားရောက်ယှဉ်ပြိုင်ရန် မြန်မာကိုယ်စားပြုအလှမယ် သျှားထွဋ်အိန္ဒြာအား ရွေးချယ်


Miss Universe Myanmar2014 အလှမယ်ဆုရှင် သျှားထွဋ်အိန္ဒြာ (Photo-AFP))

Miss Universe ပြိုင်ပွဲသို့ နှစ်ပေါင်း ၅၄ နှစ်အတွင်း ဒုတိယအကြိမ်မြောက် သွားရောက်ယှဉ်ပြိုင်ရန်အတွက် မြန်မာကိုယ်စားပြု အလှမယ်ရွေးချယ်ပွဲကို ဇူလိုင် ၂၆ ရက်တွင် ရန်ကုန်မြို့ အမျိုးသားကဇာတ်ရုံ၌ ပြုလုပ်ခဲ့သည်။ အဆိုပါရွေးချယ်ပွဲတွင် Miss Universe Myanmar ဆန်ခါတင် အလှမယ် ၂ဝ ဦးထဲမှအဆင့်ဆင့် ရွေးချယ်ခဲ့ခြင်းဖြစ်ပြီး အကဲဖြတ်ဒိုင်လူကြီးများအဖြစ် မစ္စဆရီမန်၊ မစ္စတာဆာရောင်း၊ ဒေါ်ကလျာပြည့်ဝေလျှံ၊ ဒေါက်တာအိသန္တာကျော်၊ အကယ်ဒမီရန်အောင်၊ မိုးဟေကိုတို့က ပါဝင်ဆောင်ရွက်ခဲ့သည်။ မြန်မာကိုယ်စားပြုအလှမယ် ရွေးချယ်ပွဲတွင် ယခုနှစ်၏ Theme ဖြစ်သော ကချင်ပြည်နယ်နှင့် ပတ်သက်သည့် ရှုခင်းများတေးသီချင်းများဖြင့် တင်ဆက်ခဲ့သည်။ Miss Universe Myanmar ပြိုင်ပွဲကို ဒီဇိုင်းစိုင်းလတ် ဖန်တီးချုပ်လုပ်ထားသော ကချင်ဝတ်စုံများဖြင့် ပြိုင်ပွဲဝင် ၂ဝ ဦးက ဝတ်ဆင်ကာ စတင်ဖွင့်လှစ်ခဲ့သည်။

ပြိုင်ပွဲပထမဆင့် ဆန်ခါတင်ပြိုင်ပွဲဝင် ၂ဝ ဦး၏ ကချင်ဝတ်စုံဖြင့် ဝတ်ဆင်ယှဉ်ပြိုင်မှုကို ပြုလုပ်ပြီးနောက် ဒုတိယအဆင့် ယှဉ်ပြိုင်မှုအစီအစဉ်တွင် ပြိုင်ပွဲဝင်များအား swim suit ဖြင့် ယှဉ်ပြိုင်စေခဲ့သည်။ swim suit ဖြင့် ယှဉ်ပြိုင်မှုအပြီးတွင် ဆန်ခါတင်ပြိုင်ပွဲဝင် ၁ဝ ဦးကို ရွေးချယ်ကြေညာခဲ့သည်။ ထို့နောက်စိတ်ကြိုက် ညနေခင်းဝတ်စုံများဖြင့် ဝတ်ဆင်ယှဉ်ပြိုင်စေခဲ့သည်။ အဆင့်သုံးဆင့်ဖြင့် ယှဉ်ပြိုင်မှုများအပြီးတွင် ပရိသတ်မဲ ပေးရွေးချယ်သည့် Miss Famous ဆုအပါအဝင် Title ဆုများကို ပေးအပ်ခဲ့ပြီး ယင်းဆုကို ခါးနံပါတ် ၆ ဇွန်သံစဉ်က ရရှိခဲ့သည်။ နောက်ဆုံးဆန်ခါတင် ငါးဦးကို ရွေးချယ်ကာ ဗဟုသုတမေးခွန်းများအား မဲနှိုက်ရွေးချယ်ကာ ဖြေကြားစေခဲ့သည်။


ဆက်လက်၍ ဆန်ခါတင်ငါးဦးထဲမှ ဆုစာရင်း အဆင့်ဆင့်ကို ကြေညာပြီးနောက် Miss Universe Myanmar အလှမယ်အဖြစ် ရွေးချယ်ခံရသူကို ကြေညာခဲ့ရာ ခါးနံပါတ် ၁၈ သျှားထွဋ်အိန္ဒြာအား ရွေးချယ်ခဲ့သည်။ Miss Universe Myanmar အဖြစ် ရွေးချယ်ခံရသည့် ခါးနံပါတ် ၁၈ သည် အမေရိကန်နိုင်ငံ လက်စ်ဗီးဂက်စ်မြို့တွင် ဒီဇင်ဘာလ၌ ပြုလုပ်မည့် Miss Universe ပြိုင်ပွဲသို့မြန်မာ ကိုယ်စားပြုအလှမယ်အဖြစ်သွားရောက်ယှဉ်ပြိုင်ခွင့် ရရှိမည်ဖြစ်သည်။

Miss Universe Myanmar 2014 ရွေးချယ်ပွဲတွင် 1st Runner Up ဆုကို ခါးနံပါတ် ၁၆ ယွန်းမီမီကျော်နှင့် 2nd Runner Up ဆုကို ခါးနံပါတ် ၂ ရွှေစင်ကိုကိုတို့က အသီးသီး ဆွတ်းခူးခဲ့ကြသည်။

Miss Universe ပြိုင်ပွဲသို့ ၁၉၅၈ ခုနှစ် မှစတင်ကာ မြန်မာကိုယ်စားပြု အလှမယ်များ သွားရောက်ယှဉ်ပြိုင်နိုင်ခဲ့ပြီး ၁၉၆ဝ ပြည့်နှစ်တွင် ပြုလုပ်ခဲ့သည့်ပြိုင်ပွဲတွင် မြန်မာကိုယ်စားပြုအလှမယ် ဒေါ်မြင့်မြင့်မေက Miss Congeniality Title ဆုကို ရရှိခဲ့သည်။ နှစ်ပေါင်း ၅၃ နှစ်ကြာမြင့်ပြီးနောက် ၂ဝ၁၃ ခုနှစ်တွင် ရုရှားနိုင်ငံမော်စကိုမြို့၌ ပြုလုပ်ခဲ့သော ပြိုင်ပွဲသို့ မြန်မာကိုယ်စားပြုအလှမယ် မိုးစက်ဝိုင်သွားရောက် ယှဉ်ပြိုင်နိုင်ခဲ့ပြီး ယခုနှစ်တွင် ဒုတိယအကြိမ် ထပ်မံသွားရောက် ယှဉ်ပြိုင်နိုင်မည်ဖြစ်သည်။

Eleven Media