အစိုးရ နှင့် လွှတ်တော် အမှားများအား ထောက်ပြပြောဆိုနိုင်ဟု ပြည်ထောင်စုဝန်ကြီးပြော

နိုင်ငံဖွံ့ဖြိုး တိုးတက်ရေးအတွက် ဒီမိုကရေစီ နိုင်ငံထူထောင်စဉ် အစိုးရပြော ဆို သည်များအား လက်ခုပ်တီးဩဘာ ပေးစရာမလိုဘဲ မှားယွင်းမှု၊ လွဲ ချော်မှုနှင့် လိုအပ်မှုများရှိပါက ထောက်ပြပြော ဆိုနိုင်ကြောင်း ပြည်ထောင်စုဝန်ကြီး ဦးစိုးသိန်း က ဇွန် ၃ဝရက် နေပြည်တော်တွင် ကျင်းပသည့် မီဒီယာတွေ့ဆုံပွဲတွင် ထုတ်ဖော်ပြောဆိုခဲ့ခြင်းဖြစ်သည်။ ဒီမိုကရေစီအရ ဝေဖန်မှုများ နှင့် မိမိတို့၏ ထင်မြင်ယူဆချက် များအား လွတ်လပ်စွာ ထောက်ပြ ပြောဆိုခြင်းသည် ဒီမိုကရေစီခရီး လမ်းတွင် တစ်တပ်တစ်အားဖြစ် စေသည့်အတွက် မှန်ကန်သော သတင်းအချက်အလက်များအား အသုံးပြု၍ ဝေဖန်ထောက်ပြမှု များ ပြုလုပ်ရမည်ဟု ပြည်ထောင်စု ဝန်ကြီးက ပြောဆိုသွား ခဲ့ခြင်းဖြစ် သည်။

ပြည်ထောင်စုဝန်ကြီး ဦးစိုးသိန်းက ''နိုင်ငံဖွံ့ဖြိုးတိုးတက်ဖို့အ တွက် မသင့်တာတွေနဲ့ လိုအပ် ချက်တွေကို ဝေဖန်ထောက်ပြတာ သိပ်ကောင်းပါတယ်။ မှန်ကန်တဲ့အ ချက်အလက်တွေပေါ်မူတည်ပြီး ဝေဖန်တာဆိုရင် ပိုမှန်ကန်တယ်။ ဒီမိုကရေစီ သဘောအရလဲ ဝေဖန် ရမယ်၊ မှန်တာကိုသုံးသပ်ရမယ်။ ကိုယ့်အမြင်ကိုလဲ လွတ်လပ်စွာ ပြောဆိုနိုင်ရမယ်။ အစိုးရကို အား လုံးကောင်းပါတယ်ဆိုပြီး လက်ခုပ် တီးနေစရာမလိုဘူး''ဟု ပြောသည်။ ဝန်ကြီးပြောဆိုသည့် လွတ် လပ်စွာ ပြောဆိုခွင့်နှင့်ပတ်သက် ၍ ပြည်ထောင်စုသမ္မတမြန်မာ နိုင်ငံတော် ဖွဲ့စည်းပုံအခြေခံဥပဒေ ၏ ပုဒ်မ-၃၅၄တွင် ပြဆိုထားသည် မှာ ''နိုင်ငံသားတိုင်းသည် နိုင်ငံ တော်လုံခြုံရေး၊ တရာဥပဒေစိုးမိုး ရေး၊ ရပ်ရွာအေးချမ်း သာယာရေး သို့မဟုတ် ပြည်သူတို့၏ကိုယ်ကျင့် တရားအကျိုးငှာ ပြဋ္ဌာန်းထားသည့် ဥပဒေများနှင့် မဆန့်ကျင်လျှင် ပုဒ်မခွဲ(က)အရ မိမိ၏ယုံကြည် ချက်၊ ထင်မြင်ယူဆချက်များကို လွတ်လပ်စွာ ထုတ်ဖော် ပြောဆို ခွင့်၊ ရေးသားဖြန့်ဝေခွင့်များကို လွတ်လပ်စွာ သုံးစွဲဆောင်ရွက်ခွင့် ရှိသည်''ဟု ဖော်ပြထားသည်။

လွတ်လပ်စွာ ပြောဆိုရေး သားခွင့်နှင့်ပတ်သက်၍ သင်္ဃန်း ကျွန်းမဲဆန္ဒနယ်မှ လွှတ်တော်ကိုယ် စားလှယ် ဦးသိန်းညွန့်ကပြောဆို ရာတွင် ''သမ္မတပြောသလို သ ဘောကွဲလွဲတာကို သည်းခံနိုင်စွမ်း ရှိရမယ်။ ဒီမိုကရေစီကို လိုလား ပါတယ်ဆိုတဲ့ပုဂ္ဂိုလ်တွေကိုယ် တိုင် အတိုက်အခံတွေအပါအဝင် ထောက်ပြပြောဆိုတဲ့ သတင်းမီ ဒီယာတွေကို တရားပြန်စွဲနေတယ်။ စွဲတာတောင်မှ သတင်းစာရှင်းလင်း ပွဲမှာကိုပြောတာ ပညာပေးရမယ်။ သင်ခန်းစာ ပေးရမယ် တဲ့။ ကျွန် တော်လဲနားမလည်ဘူး။ ယနေ့ ဒီမိုကရေစီကိုလိုလားပါတယ်ဆို တဲ့အဖွဲကြီးတွေကလဲ တရားစွဲနေ တယ်''ဟု ပြောသည်။

ယင်းက ဆက်လက်ပြောဆို ရာတွင် ဒီမိုကရေစီအသွင်ပြောင်း တယ်ဆိုပြီး အမြင်မတူတဲ့ဘက်က ရေးလာသောသတင်းများအား သက်ဆိုင်ရာ ရန်ကုန်တိုင်းအစိုး ရနှင့် ပြည်ထောင်စုဝန်ကြီးများက နိုင်ငံရေးယဉ်ကျေးမှုအရ ဖြေရှင်း ခြင်းမပြု ဘဲ တရားရုံများကနေ တရားစွဲဆိုခြင်းများ ပြုလုပ်နေ၍ ပုဒ်မ ၅၀၀၊ ၅၀၅ (ခ၊ ဂ)တို့မှာ ထောက်ပြပြောဆိုနေသည့် သ တင်းသမားများအတွက် အခွင့် အရေးများသဖွယ်လိုပင်ဖြစ်နေ သည်။ လူ့အခွင့်အရေးကြေညာ စာတမ်း အပိုဒ် ၁၉နှင့်အညီရေး သားနိုင်ရန် အရေးတကြီးကာ ကွယ်ရေးဥပဒေများ လိုအပ်နေ သောကြောင့် သတင်းမီဒီယာဥ ပဒေအားပြဋ္ဌာန်းနိုင်ရန် လွှတ် တော်တွင်လုပ်ဆောင်နေသည် ဟု ထပ်မံပြောသည်။ နိုင်ငံရေး စာရေးဆရာ ဦး ကျော်ဝင်းက ပြောဆိုရာတွင် အ စိုးရအဖွဲ့အစည်းများအား ထောက် ပြပြောဆိုနိုင်ရန်အတွက်ဆိုလျှင် ပြည်သူလူထုအနေဖြင့် စီးပွားရေး ဘဝများတွင်သာ အချိန်ကုန်နေ သည့်အပြင် အသိပညာပိုင်းဆိုင် ရာအားနည်း မှုများ ရှိနေသည့် အ တွက် သတင်းမီဒီယာများ၏စွမ်း ဆောင်မှုများ အရေးကြီးကြောင်း၊ အစိုးရအားနည်းမှုများအား ပြည် သူများသိရှိနိုင်ရန်အတွက်ပါ ဖြန့်ဝေပေးနိုင်ရန် လွတ်လပ်စွာ ထောက်ပြရေးအတွက် လူကြီးပိုင်း မှ နားလည်ရန်လိုအပ်ကြောင်း အကြံပြုပြောဆိုသည်။

နိုင်နိုင်ဇော်
yangonmedia

မြန်မာပြည်ကားနံပါတ်တွေကို အပြောင်းအလဲ နည်းနည်း လုပ်တော့မယ်


လာမယ့်  တနင်္လာက စပြီး မြန်မာပြည်က ကားနံပတ်တွေမှာ စတစ်ကာ ကပ်တဲ့ အစီအစဉ် အစပြုပါမယ်။

အစိုးရရဲ့ ဒီကနေ့ ထုတ်ပြန်ချက်အရ ဆိုရင် ...

နံပါတ်ပြား အပေါ်ဘက်နားမှာ ကိုယ့်ဒေသရဲ့ အတိုကောက် သင်္ကေတ ကပ်ရပါမယ်။
ရန်ကုန် ဆိုရင် YGN ကပ်၊ မန္တလေး ဆိုရင် MDY  ကပ်။


"မူသေအမှတ် ဖောင်းကြွနံပါတ်ပြားများအား ပြုလုပ်ပေးနိုင်သည့် အလုပ်ရုံများကို ပွင့်လင်းမြင်သာစွာ အိတ်ဖွင့်တင်ဒါ ခေါ်ယူ၍ ဆောင်ရွက်သွားစေပါမည်" လို့ အစိုးရ ကြေညာချက်ထဲမှာ ဖော်ပြထားပါတယ်။

နိုင်ငံ အများအပြားမှာတော့ ကားနံပါတ်တွေ ဒီလို ဖြစ်နေကြပါပြီ။
ကားတစီးကို နံပတ် ကြည့်လိုက်တာနဲ့ ဒီကားဟာ ဘယ်ဒေသမှာ မှတ်ပုံတင်ထားတဲ့ကားဖြစ်တယ် ဆိုတာ လူတိုင်း ချက်ချင်း သိစေမယ့် အမှတ်အသား ဖြစ်ပါတယ်။

မြန်မာအစိုးရရဲ့ ရည်ရွယ်ချက်ကတော့ "တိုင်းဒေသကြီး/ပြည်နယ်များတွင် မှတ်ပုံတင်ထားသည့် ယာဉ်စာရင်းဇယားများ မှန်ကန်ရေး၊ ယာဉ်အရေအတွက် ထိန်းသိမ်းနိုင်ရေး ...." စသဖြင့် ဖော်ပြထားတာပါ။

ကပ်ရမယ့် အတိုကောက် သင်္ကေတတွေကို ကူးယူ ဖော်ပြပေးလိုက်ပါတယ်။


ကချင် - KCN
ကယား - KYH

ကရင် - KYN
ချင်း - CHN

စစ်ကိုင်း - SGG
တနင်္သာရီ - TNI

ပဲခူး - BGO
မကွေး - MGY

မန္တလေး - MDY
မွန် - MON

ရခိုင် - RKE
ရန်ကုန် - YGN

ရှမ်း - SHN
ဧရာဝတီ - AYY

from ဧရာဝတီ

ဒေါ်ဝါ၀ါဝင်းရွှေရဲ့ ကျေးဇူးတင်လွှာ

လုပ်ငန်းရှင်တယောက်နဲ့ဖြစ်ပွားနေတဲ့ အမှုကိစ္စနဲ့ ပတ်သက်ပြီး မီဒီယာမျိုးစုံကနေ "ဝိုင်းဝန်းနှစ်သိမ့်အားပေးစကား ပြောကြား" သတင်းမေးကြသူများကို  ကျေးဇူးတင်ပါကြောင်း သရုပ်ဆောင် ဒေါ်ဝါ၀ါဝင်းရွှေက  အင်္ဂါနေ့ထုတ် ကြေးမုံသတင်းစာမှာ ကြော်ငြာ ထည့်သွင်းတာ တွေ့ရပါတယ်။

"ရင်ထဲက မဖော်ပြနိုင်လောက်အောင် ကျေးဇူး ဥပကာရ အထူး တင်ရှိပါကြောင်း" လို့ ကြော်ငြာက ဆိုပါတယ်။


အင်္ဂါနေ့ထုတ် ကြေးမုံမှာ တွေ့ရတဲ့ ကျေးဇူးတင်လွှာ

အမှုက Father Land ဆောက်လုပ်ရေးဌာနနဲ့ ဖြစ်နေတာပါ။
ဖြစ်စဉ်အကြောင်းကို ဧရာဝတီဘလော့မှာ ရေးခဲ့ပြီးပါပြီ။ http://blog.irrawaddy.org/2013/06/blog-post_9781.html မှာ ဖတ်နိုင်ပါတယ်။

လောလောဆယ်တော့ Father Land နဲ့ ဒေါ်ဝါ၀ါဝင်းရွှေတို့ရဲ့ ရှေ့နေများက သတင်းစာတွေကနေ ကြော်ငြာတွေ အကြိမ်ကြိမ် အပြန်အလှန် ထည့်သွင်းနေကြပါပြီ။

နှစ်ဘက်စလုံးက ဆုထူးပန် တာဝါ ဆောက်လုပ်ရေး လုပ်ငန်းခွင်ကို ကျူးကျော်ဝင်ရောက်ခြင်း မပြုဖို့ ပြောနေကြပါတယ်။

ကျပ်သိန်းပေါင်း ၉,ဝဝဝ၊ အထင်ကရ ရုပ်ရှင်သရုပ်ဆောင်၊ မျက်နှာပြည့် သတင်းစာကြော်ငြာ၊ အောက်လမ်းနည်းသုံးပြီး စီရင်တယ်/မစီရင်ဘူး ...  စတဲ့ စတဲ့ အချက်တွေကြောင့် ဒီအမှုက ရန်ကုန်မှာ နာမည်ကြီးအမှု ဖြစ်နေပါတယ်။

ဒီလို အများစိတ်ဝင်စားနေကြချိန်မှာ အထက်ဖော်ပြပါ ကျေးဇူးတင်ကြောင်း ကြော်ငြာ ထွက်ပေါ်လာတာပါ။

ဧရာဝတီ 

ဥက္ကံတွင် အိမ်အတွင်း ဆင်နင်း၍ တစ်ဦးသေဆုံး

ရန်ကုန်တိုင်းဒေသကြီး တိုက်ကြီးမြို့နယ် ဥက္ကံမြို့ ချောင်းစောက် ကျေးရွာ အုပ်စု၊ ကုန်းပေါ်တန်း ကျေးရွာတွင် ဇွန်လ ၂၉ ရက် နံနက် ၂ နာရီက တောဆင်ရိုင်းတစ်ကောင် ဝင်ရောက်ကာ လူနှစ်ဦးကို နင်းသဖြင့် တစ်ဦးသေဆုံးကာ တစ်ဦးဒဏ်ရာ ပြင်းထန်စွာ ရရှိခဲ့ကြောင်း အဆိုပါကျေးရွာ နေထိုင်သူများထံမှ သိရှိရသည်။

ယင်းဖြစ်စဉ်ကြောင့် ကိုစိုးမင်းဝင်း (၂၇ နှစ်) သည် ဆင်နင်းခံရ၍ သေဆုံးခဲ့ရပြီး ဇနီးဖြစ်သူ မစိုးစိုး (၂၈ နှစ်) မှာလည်း အောက်ပိုင်းတစ်ခုလုံး ကျိုးကြေဒဏ်ရာ ရရှိခဲ့ကြောင်း တိုက်ကြီးမြို့နယ် တိုင်းရင်းသား စည်းလုံးညီညွတ်ရေးပါတီ ဥက္ကဋ္ဌ ဦးမြင့်သိန်းက ပြောကြားသည်။

“ဆင်ဝင်လာချိန်က အရမ်းမှောင်နေပြီး အားလုံးငြိမ်နေတာ၊ ခုဆုံးသွားတဲ့သူရဲ့ ကယ်ကြပါဦးဆိုတဲ့ အသံတစ်ခုပဲ ကြားလိုက်တယ်။ ဆင်က အိမ်ထဲကိုဝင်ပြီး နှာမောင်းနဲ့ ခြင်ထောင်ကို ဆွဲသွားတာ၊ ခြင်ထောင် ထဲမှာ သူကပါသွားတယ်” ဟု ချောင်းစောက် ကျေးရွာအုပ်စု အုပ်ချုပ်ရေးမှူး ဦးသန်းလင်းက ပြောကြားသည်။

ဆင်နင်းခံရ၍ ဒဏ်ရာရရှိသူ အမျိုးသမီးကို ဥက္ကံဆေးရုံသို့ ပို့ဆောင်ခဲ့ပြီး အသက်အန္တရာယ် မစိုးရိမ်ရကြောင်း အဆိုပါ ဥက္ကံတိုက်နယ် ဆေးရုံထံမှ သိရှိရသည်။

ဥက္ကံမြို့၊ ချောင်းစောက် ကျေးရွာအုပ်စု၊ စမ်းရွာကျွဲပုတ်အုပ်စု ၊ ကျွဲပုတ်နှင့်တိုက်ကြီး မြို့နယ်၊ ဖလုံဒေသ၊ ကင်းပတီ၊ အောင်ချမ်းသာ တို့တွင် တောဆင်ရိုင်းများ ဝင်ရောက်မှု မကြာခဏ ဖြစ်ပွားကြောင်း တိုက်ကြီးမြို့ခံ တစ်ဦးထံမှ သိရှိရသည်။

ယခင် တောဆင်ရိုင်းများ ကျက်စားရာ ချောင်း၊ မြောင်းများ တည်ရှိခဲ့သည့် နေရာများတွင် တဘူးလှဆည် တည်ဆောက် ခဲ့မှုကြောင့် တောဆင်ရိုင်းများ သွားလာရန် နေရာနည်းလာခြင်းနှင့် အစာရေစာ ရှားပါးလာခြင်း၊ ယခင်ဆင်များ သွားလာနေထိုင် သည့် မြေလွတ်မြေရိုင်းများကို ကုမ္ပဏီများက ဖော်ထုတ်၍ ခြံလုပ်ငန်း၊ စိုက်ပျိုးရေးလုပ်ငန်းများ လုပ်ကိုင်ခြင်းတို့ကြောင့် တောဆင်ရိုင်းများသည် လူများနေထိုင်ရာ နေရာများသို့ ဝင်ရောက်လာကာ အသက်အန္တရာယ်ကိုပါ ထိခိုက်မှုများ ရှိလာကြောင်း တိုက်ကြီးမြို့နယ် တိုင်းရင်းသား စည်းလုံးညီညွတ်ရေးပါတီ ဥက္ကဋ္ဌ ဦးမြင့်သိန်းက သုံးသပ်ပြောကြားသည်။

၂၀၁၁ ခုနှစ်တွင် ဥက္ကံမြို့တွင် တောဆင်ရိုင်း အနင်းခံရ၍ လူသုံးဦး သေဆုံးခဲ့ပြီး ၂၀၁၂ ခုနှစ်တွင် သေဆုံးသူ လေးဦး၊ ယခုနှစ် ၂၀၁၃ ခုနှစ် ဇွန်လ ၂၉ ရက်နေ့တွင် တစ်ဦးသေဆုံးခဲ့ကြောင်း ဥက္ကံမြို့ ရဲစခန်းထံမှ သိရှိရသည်။

The Voice Weekly

အာဖရိက ဆယ်ကျော်သက်တို့က ကျင်ငယ်ရည်သုံး မီးစက်တီထွင်ခဲ့


ကျင်ငယ်ရေကို သုံးပြီး လျှပ်စစ်ဓာတ်အား ထုတ်ဖို့ဆိုတာ စဉ်းစားမိသူ များ ရှိပါတယ်။ သို့ပေမယ့် ယင်း စိတ်ကူးကို အာဖရိက မှ ဆယ်ကျော်သက်
ကျောင်းသူများက ယခုလို ဖန်တီးခဲ့ပါတယ်။

သူတို့ထဲမှာ အသက်အကြီးဆုံးက ၁၅ နှစ်သာ ရှိပါသေးတယ်။ Urine
( ကျင်ငယ်ရည်) ၁ လီတာကို ၆ နာရီကြာ လျှပ်စစ်မီး ထွန်းလင်းစေတယ်
ဆိုတာ့ သူတို့ဖန်တီးလိုက်တဲ့ မီးစက်လေးက စိတ်ဝင်စားစရာ ကောင်း
ပါတယ်။

Urine မှာ ဟိုက်ဒရိုဂျင်၊ နိုက်ထရိုဂျင် နဲ့ ရေတို့ ပါရှိပါတယ်။ အကြမ်းအားဖြင့် ကတော့ ဟိုက်ဒရိုဂျင်ကို မရရအောင် စစ်ထုတ် သုံးစွဲခြင်း ဖြစ်ပါတယ်။ တစ်ဆင့်ပြီးတစ်ဆင့် Filter ခံပြီး နောက်ဆုံးမှာ ရေလုံးဝ မပါတဲ့ ဟိုက်ဒရိုဂျင် ဓာတ်ငွေ့ကို ထုတ်လုပ်ပါတယ်။ ပြီးတော့ ယင်း ဟိုက်ဒရိုဂျင် ဓာတ်ငွေ့ကို
လောင်စာအဖြစ် အသုံးပြုပြီး မီးစက်ကို အလုပ်လုပ်စေပါတယ်။

Maker Faire Africa မှာ ၀င်ရောက်ပြသသွားတဲ့ ယင်းကျောင်းသူလေးများ ရဲ့  rine-powered generator ကတော့ လူသိများခဲ့ရပါတယ်။
--
Ref: masefact
YoYarLay

မတူညီသည့် ကိုးကွယ်ယုံကြည်မှုများအကြား အမုန်းတရား ကြီးထွားအောင် လှုံ့ဆော်ဆောင်ရွက် မှုများကို ဥပဒေနှင့်အညီ ထိရောက်စွာ အရေးယူမည်ဟု သမ္မတဦးသိန်းစိန် ပြောကြား

နိုင်ငံတော်သမ္မတ ဦးသိန်းစိန်ကို လယ်ယာဖွံ့ဖြိုး တိုးတက်ရေးဆိုင်ရာ ညှိနှိုင်းအစည်းအဝေးတွင် တွေ့ရစဉ် (ဓာတ်ပုံ-သမ္မတရုံးဝက်ဘ်ဆိုက်)

မတူညီသည့် ကိုးကွယ်ယုံကြည်မှုများအကြား အမုန်းတရား ကြီးထွားအောင် လှုံ့ဆော်ဆောင်ရွက်မှုများကို ဥပဒေနှင့်အညီ ထိရောက်စွာ အရေးယူမည်ဟု နိုင်ငံတော်သမ္မတက ပြောကြားသည်။
ဇူလိုင် ၂ ရက် နံနက်က ပြည်သူလူထုသို့ လစဉ်ပြောကြားသည့် ရေဒီယိုမိန့်ခွန်းတွင် သမ္မတ ဦးသိန်းစိန်က ယခုကဲ့သို့ ပြောကြားခဲ့ခြင်းဖြစ်သည်။
နိုင်ငံအတွင်းတွင် မွန်မြတ်သည့် ကိုးကွယ်ယုံကြည်မှုကို ခုတုံးလုပ်ပြီး လူတစ်စု၏ အစွန်းရောက် လုပ်ရပ်များ မတူညီသော ကိုးကွယ်ယုံကြည်မှုများအကြား အမုန်းတရား တိုးပွားအောင် လုပ်ဆောင်မှုများ၊ ကိုယ်ကျိုးစီးပွားနှင့်ယှဉ်သည့် နိုင်ငံရေး၊ စီးပွားရေး အမြတ်ထုတ်မှုများကြောင့် ပေါ်ပေါက်ခဲ့သည့် အကြမ်းဖက် လုပ်ရပ်များသည် နိုင်ငံပြင်ပတွင် သွားရောက်လုပ်ကိုင်နေသော မြန်မာနိုင်ငံသားများ၏ မလုံခြုံမှုနှင့် စိုးရိမ်သောကများ ဖြစ်စေသည်ဟု သမ္မတဦးသိန်းစိန်က ဆိုသည်။
"ကျွန်တော်တို့ နိုင်ငံအတွင်းမှာ တစ်ဖက်နဲ့တစ်ဖက်အကြား အမုန်းတရား ကြီးထွားအောင် လှုံ့ဆော်ဆောင်ရွက်မှုတွေကို ဥပဒေနဲ့အညီ ထိထိရောက်ရောက် အရေးယူ ဆောင်ရွက်ဖို့နဲ့ ထပ်မံပေါ်ပေါက်ခြင်း မရှိအောင် ကာကွယ်တားဆီးဖို့ အရှိန်အဟုန်မြှင့် ကြိုးပမ်းကြရမှာ ဖြစ်သည်" ဟု သမ္မတဦးသိန်းစိန်က ပြောကြားသည်။
နိုင်ငံအတွင်းတွင် မွန်မြတ်သည့် ကိုးကွယ်ယုံကြည်မှုကို ခုတုံးလုပ်ပြီး လူတစ်စု၏ အစွန်းရောက် လုပ်ရပ်များ မတူညီသော ကိုးကွယ်ယုံကြည်မှုများအကြား အမုန်းတရား တိုးပွားအောင် လုပ်ဆောင်မှုများ၊ ကိုယ်ကျိုးစီးပွားနှင့်ယှဉ်သည့် နိုင်ငံရေး၊ စီးပွားရေး အမြတ်ထုတ်မှုများကြောင့် . . . . .
ထို့ပြင် ဇွန်လအတွင်းက မလေးရှားနိုင်ငံတွင် အလုပ်လုပ်ကိုင်နေသည့် မြန်မာနိုင်ငံသားများ တိုက်ခိုက်ခံရသည့် ကိစ္စရပ်များနှင့် ပတ်သက်ပြီး ၀မ်းနည်းကြောင်းနှင့် ယင်းကိစ္စရပ်များ ဖြစ်ပွားပြီးနောက်ပိုင်း ပြည်ပနိုင်ငံများတွင် ရောက်ရှိနေသည့် မြန်မာနိုင်ငံသားများ၏ လုံခြုံရေးနှင့် လိုအပ်သည့် ကာကွယ်စောင့်ရှောက်မှုများ ထိရောက်စွာ ပေးနိုင်ရေး ပြည်ပနိုင်ငံများတွင် အခြေစိုက်သည့် မြန်မာသံရုံးများ၏ စွမ်းဆောင်ရည်ကို မြှင့်တင်သွားမည်ဖြစ်ကြောင်း သမ္မတဦးသိန်းစိန်က ပြောကြားသည်။
မြန်မာနိုင်ငံ၏ ဗုဒ္ဓဘာသာဝင် အများစု၏ ဘာသာရေး ယုံကြည်မှုနှင့် အနှစ်သာရများကို ထင်ဟပ်ခြင်းမရှိသည့် ပုဂ္ဂိုလ်အနည်းစု၏ လုပ်ဆောင်မှုတွေကို ဇောင်းပေးဖော်ပြထားသည့် ၂၀၁၃ ခုနှစ် ဇူလိုင် ၁ ရက်နေ့ထုတ် တိုင်းမ်မဂ္ဂဇင်း မျက်နှာဖုံးနှင့် ပတ်သက်ပြီး ပြည်သူများအကြား အငြင်းပွားမှု၊ သဘောထားကွဲလွဲမှုနှင့် စိတ်ထိခိုက်ခံရမှုများ ဖြစ်ခဲ့သည်ကို တွေ့ရကြောင်း နိုင်ငံတော်သမ္မတက ပြောကြားခဲ့ပြီး လူ့အဖွဲ့အစည်း တစ်ရပ်လုံးနှင့် ပြည်တွင်းပြည်ပ မီဒီယာများ၏ ပြောဆိုရေးသားမှုများတွင် အမြင်မတူညီမှုများကို နားလည်ကြောင်း ပြောကြားသည်။
မြန်မာနိုင်ငံတွင် လွတ်လပ်စွာ ပြောဆိုခွင့် ပြန်လည်ရရှိရေး ဆောင်ရွက်နေပြီး လွတ်လပ်စွာပြောဆို ရေးသားခွင့်ကို ကျင့်သုံးရာတွင် နိုင်ငံ၏ လက်ရှိအခြေအနေများနှင့် လိုက်လျောညီထွေမှုရှိသည့် ကျင့်သုံးမှုများ ပြုလုပ်ရန် သမ္မတဦးသိန်းစိန်က ပြောကြားသည်။
နိုင်ငံတော်သမ္မတ ဦးသိန်းစိန်က "ကျွန်တော်တို့ အနေနဲ့ မိမိတို့ လူ့အဖွဲ့အစည်းအတွင်း လွတ်လပ်စွာရေးသားခွင့် ပြန်လည်ရရှိဖို့နဲ့ သက်ဝင်ရှင်သန်ရေးကို အစဉ်တစိုက် ကြိုးပမ်းဆောင်ရွက် နေတယ်ဆိုတာကို သိရှိကြပြီးလည်း ဖြစ်ပါတယ်။ သို့သော်လည်း ကျွန်တော်တို့ မြန်မာ့ဓလေ့ ထုံးစံတစ်ရပ်အဖြစ် ခံယူထားကြတဲ့ "မည်မျှမှန်ကန်သော ကိစ္စရပ်ပင် ဖြစ်သော်လည်း အများအတွက် အကျိုးမရှိပါက ပြောကြားရန်မသင့်" ဆိုတဲ့ အဆုံးအမအတိုင်း လွတ်လပ်စွာ ဆန္ဒထုတ်ဖော်ခွင့်နဲ့ လွတ်လပ်စွာ ရေးသားခွင့်တို့ကို ကျင့်သုံးကြတဲ့အခါ မြန်မာ့လူ့အဖွဲ့အစည်း လက်ရှိရောက်နေတဲ့ နိုင်ငံရေး အခြေအနေနဲ့ လိုက်လျောညီထွေရှိဖို့ လိုသလို အပြုသဘောဆောင်တဲ့ ကျင့်သုံးမှုများဖြစ်ဖို့ လိုအပ်တယ်လို့လည်း အလေးအနက် ခံယူထားပါတယ်" ဟု ပြောကြားသည်။

Eleven

၂၃ ဒေါ်လာဖြင့် ရောင်းစားခံရသော မိန်းမ


သူမအမည်က ‘ခင်’ ဖြစ်သည်။ ပထမဦးဆုံး ယောက်ျား အရက်သမားက စွန့်ပစ်ခြင်း ခံခဲ့ရသည်။ နောက်တစ်ယောက် ထပ်ယူပြန်တော့လည်း ညှဉ်းပန်း နှိပ်စက်တတ်သည့် အရက်သမား ဖြစ်နေပြန်သည်။ ထိုအချိန်တွင် အိမ်နီးချင်းတစ်ဦးက သူမကို အလုပ်လာပြီး ကမ်းလှမ်းသည်။

ခင့်အသက်က ၃၃ နှစ်သာ ရှိသေးသည်။ မူလတန်း ပြီးအောင်ပင် ပညာမသင်ကြားခဲ့ရသဖြင့် အတွေးအမြင်ကလည်း မြင့်မားလှသည် မဟုတ်။ မူဆယ်မြို့တွင် အိမ်ဖော် လုပ်ရမည်ဟူသည့် ကမ်းလှမ်းချက်ကို စွန့်စားပြီး လက်ခံလိုက်သည်။

သို့ဖြင့် အရက်သမား ခင်ပွန်းနှင့် မန္တလေးကို စွန့်ပြီး သမီးလေးကို ခေါ်ကာ အိမ်နီးချင်းနှင့်အတူ မူဆယ်သို့ သူတို့ထွက်ခဲ့ကြသည်။ နောက်တစ်ရက် မနက်တွင် သူမ ယာယီနိုင်ငံကူးလက်မှတ် တစ်စောင်ကို ရခဲ့သည်။ ထိုလက်မှတ်က သူ့အတွက် ထူးဆန်းနေသည်။ မကြာမီ သူတို့ကို တရုတ်နယ်စပ်သို့ ခေါ်သွားသည်။ သူမကို ခေါ်လာသည့်သူအား တရုတ်တစ်ယောက်က ငွေ ၂၀,၀၀၀ ကျပ် ပေးနေသည်ကို တွေ့လိုက်ရသည်။

ကျွန်မက ခင့်ကို ရောင်းစားလိုက်ခြင်းကို သိပါသလားဟု မေးလိုက်သည်။ သူမက “သိတော့သိတယ်။ ဒါပေမဲ့ ဘာလုပ်ရမှန်းလဲ မသိဘူး” ဟုပြန်ပြောသည်။ ခင်က ကျွန်မကို စကားပြန်ကတစ်ဆင့် ဖုန်းဖြင့် ပြန်ပြော ပြနေခြင်း ဖြစ်သည်။

နိုင်ငံတကာ အလုပ်သမားအဖွဲ့ (ILO) က လူကုန်ကူးခြင်းသည် အလုပ်အကိုင်များကို အမှားပြောပြီး ဆွယ်တရားဟော စည်းရုံးကာ နောက်ဆုံးတွင် လိင်ကျွန် သို့မဟုတ် အခိုင်းအစေများ ဘဝဖြင့်သာ အဆုံးသတ်ရလေ့ ရှိကြောင်း ပြောကြားထားသည်။

World Vision မှ လူကုန်ကူးမှု ကျွမ်းကျင်ပညာရှင် မယ်လီဆာစတီးဝပ်က“ပရမ်းပတာရာဇဝတ်မှု” ဟု လူကုန်ကူးမှုကို အမည်တပ်ထားသည်။ လူကုန်ကူးခြင်း ဆိုသည်မှာ စွန့်စားလုပ်ဆောင်ရသည့် တရားမဝင် လုပ်ငန်းတစ်ခု ဖြစ်ပြီး တိတ်တိတ်ပုန်း လုပ်ဆောင်လေ့ ရှိသောကြောင့် လူမသိသူမသိ ကိစ္စများ ဖြစ်သွားရခြင်းက များသည်။ လိင်ကုန်ကူးမှုမျိုး တွင်လည်း အခြားရာဇဝတ်မှု များကဲ့သို့ အုပ်စုဖွဲ့ ကျူးလွန်ခြင်း မဟုတ်သည့်အတွက် တိတ်တဆိတ် လုပ်ဆောင်လေ့ ရှိသောကြောင့် လက်သည်မပေါ်သည်က များသည်။

၂၀၁၁ ခုနှစ်တွင် မြန်မာနိုင်ငံ၌ တရားဝင် ထုတ်ပြန်ချက်အရ လူကုန်ကူးမှု ၁၇၇ မှုသာ ရှိကြောင်း အမေရိကန်အစိုးရ ၂၀၁၂ ခုနှစ် လူကုန်ကူးမှု အစီရင်ခံစာအရ သိရသည်။ ဖြစ်ပွားခဲ့သည့် လူကုန်ကူးမှု၏ ၆၉ ရာခိုင်နှုန်းသည် အမျိုးသမီးများကို တရုတ်ပြည်တွင် အတင်းအဓမ္မ လက်ထပ်ရန် ခိုင်းစေမှုများ ဖြစ်ကြောင်းလည်း တွေ့ရသည်။ တရုတ်ပြည် ပြည်သူ့လုံခြုံရေးနှင့် လူကုန်ကူးမှု တားဆီးတိုက်ဖျက်ရေး တပ်ဖွဲ့မှ ညွှန်ကြားရေးမှူးကလည်း နိုင်ငံခြားမှ အမျိုးသမီးများကို တရုတ်ပြည် အတွင်းသို့ တင်ပို့ခြင်းမှာ မြင့်မားနေကြောင်း ပြောကြားချက်က သက်သေခံနေသည်။

တစ်နာရီခွဲလောက် ဘတ်စ်ကား မောင်းလာပြီးနောက် တရုတ်ပိုင်နက် အတွင်းသို့ ခင်တို့ ရောက်လာကြသည်။ ဘယ်ရောက်၍ ဘယ်ပေါက်မှန်းမသိ၊ တည်းခိုခန်းတစ်ခုသို့ ရောက်သောအခါ သူမကို တရုတ်ငွေ ၂၀၀၀ ဖြင့် ထပ်မံရောင်းချခဲ့ပြန်သည်။ ထိုတည်းခိုခန်းတွင် သူမကို ညနေခင်းတိုင်း လူတွေလာကြည့်ကြမှ နည်းနည်း သဘောပေါက်လာသည်။ ခင်က “သူတို့က ကျွန်မကို တိရစ္ဆာန် တစ်ကောင်လို ဆက်ဆံကြတယ်” ဟုဆိုသည်။ အမျိုးသမီးပွဲစားက သူမကို မျက်စိအောက်က အပျောက်မခံတော့။ သူတို့ကိုအာခံလျှင် ထောင်ချပစ်မည်ဟု ခြိမ်းခြောက်ကြသည်။

နောက်ဆုံးတွင် ခင့်ကို တရုတ်ပြည် ရှန်ဒေါင်းနယ် ပွဲစားတစ်ယောက်ထံ လွှဲပြောင်း ပေးလိုက်ပြန်သည်။ ထို ခုနစ်ရက်ခရီးကို မထွက်မီ သူမသမီးလေးကို သူမနှင့် ခွဲထားလိုက်သည်။

“သူတို့က ကလေးကိုခေါ်သွားရင် ကျွန်မကို ရောင်းစားလို့ မရတော့ဘူးလို့ ပြောကြတယ်။ သူတို့က သမီးလေးကို မန္တလေးကို ပြန်ပို့ပေးမယ်လို့ ပြောကြတယ်” ဟု ခင်က ပြန်ပြောပြသည်။ သူမတွင် အခြားရွေးချယ်စရာ မရှိတော့သဖြင့် မန္တလေးလိပ်စာကို သူတို့အား ရေးပေးလိုက်သည်။ စိတ်နှလုံး ကြေကွဲစွာဖြင့် သမီးလေးကို ထားခဲ့ရသည်။

တစ်လလောက် ခင်တစ်ယောက် မစားနိုင်မသောက်နိုင် ဖြစ်သွားခဲ့သည်။“ရူးမတတ် ခံစားရတယ်။ ကျွန်မမှာ အားလုံး ဆုံးရှုံးသွားသလို ခံစားလိုက်ရတယ်” ဟု သူမကဆိုသည်။ ရှန်ဒေါင်းက ပွဲစားသည် တစ်လခန့် အကြာတွင် လူတစ်ယောက်ကို ခေါ်လာသည်။ ထိုသူက အရပ်ပုပု၊ အသားအရေက ဖြူဖြူ ဖြစ်သည်။ သူမကို သူနှင့် လက်ထပ်မည်လားဟု မေးမြန်းခြင်း ခံရသည်။ လက်ရှိ အနေအထားတွင် ထောင်ချသလို အထားခံရခြင်းထက် လက်ထပ်လိုက်ရတာမှ ကောင်းသေးသည်ဟု ထိုတည်းခိုခန်းတွင် ရောက်နေသည့် အခြား အမျိုးသမီးတစ်ဦးက တိုက်တွန်းသည်။

ခင်သည် မကြာမီ ယောက်ျားရသွားသည်။ သူ့အမည်က ကျင်ဇီဂျန်း ဖြစ်သည်။ အသက် ၂၀ ခန့်ရှိပြီး စက်ရုံအလုပ်သမား တစ်ယောက်လည်း ဖြစ်သည်။ တိုင်းပြည် အတွင်းရှိ မှောင်ခိုဈေးကွက်နှင့် နိုင်ငံခြား သတို့သမီး ရှာဖွေရေးကတစ်ဆင့် သူကခင့်ကို ရှာဖွေတွေ့ရှိခဲ့ခြင်း ဖြစ်သည်။

တရုတ်ပြည်တွင် ယောက်ျားလေး ၁၀၈ ဦးမွေးတိုင်း မိန်းကလေး ၁၀၀ နှုန်း ဖြစ်နေသဖြင့် ယောက်ျားနှင့် မိန်းမအချိုး မမျှတမှု ရှိနေသည်။ ထို့ပြင် တရုတ်ပြည်တွင် မိသားစုတစ်စု ကလေးတစ်ယောက်နှုန်းသာ ယူရသဖြင့် မိန်းကလေး ရှားပါးမှုကို မကုစားနိုင်ဘဲ ဖြစ်နေခဲ့သည်မှာ ကာလကြာခဲ့ပြီ ဖြစ်သည်။

တရုတ် ယောက်ျားလေးတိုင်း၏ အိပ်မက်တွင် အိမ်ထောင်ပြုလိုကြသည်။ နေစရာအိမ်၊ ကားနှင့် လစာ ကောင်းသည့် အလုပ်အကိုင်များ ရှိလိုကြခြင်းမှာ အမြင့်ဆုံး ဖြစ်သည်။ တရုတ်ရိုးရာ အရလည်း ထိမ်းမြားလက်ထပ်ခြင်းနှင့် သားသမီးများ ယူခြင်းသည် ဘဝအထွတ်အထိပ် ဖြစ်သည်။

ပထမတစ်ပတ်တွင် သူမရောက်နေသည့် အိမ်သစ်မှာ ပျင်းစရာ ကောင်းလှသည်။ သူတို့ဘာသာစကား ကို မတတ်သဖြင့် ပိုဆိုးသည်။ သို့သော် သူတို့စကား အနည်းငယ်ကို မကြာမီ လေ့ကျက်မိလာသည်။ ဇီဂျန်းကလည်း သူမကို မိသားစု ယာမြေအတွင်း မည်သို့လုပ်ဆောင်ရမည်ကို ပြသပေးသည်။ ထိုယာထဲတွင် ခင်သည် ပြောင်းနှင့် ဆန်စပါးများကို စိုက်ပျိုးရသည်။ သူမချက်ပြုတ်သည့် မြန်မာဟင်းကို တရုတ်က မစားတတ်သဖြင့် သူမတစ်ဦးတည်းသာ ညစာကိုစားရသည်။ သူက မိဘအိမ်တွင် စားလာသည်က များသည်။

ဇီဂျန်းသည် သဘောကောင်းပြီး ကြင်နာတတ်ကာ သူမကို အလိုလိုက်သော်လည်း စိတ်ပျက်လာသည်။ သူမစိတ်ထဲတွင် အိမ်သို့သာ ပြန်လိုသည်။ တရုတ်ပြည်တွင် ခြောက်နှစ် ကြာနေပြီးနောက် အိမ်သို့ ပြန်လည်ရန်လည်း မပြောရဲသဖြင့် ထွက်ပြေးရန်သာ စိတ်ထဲတွင် အမြဲရှိနေသည်။

သူမနေထိုင်သည့် ကျေးရွာအနီး ဈေးထဲတွင် မြန်မာအမျိုးသမီး ခြောက်ဦးနှင့် သိကျွမ်းပြီး တစ်ယောက် အိမ်တစ်ယောက် လည်ပတ်ခဲ့ကြသည်။ ခင်က ဤနေရာတွင် အသက်ရှင် ရပ်တည်ရန် ရုန်းကန် နေထိုင်ရခြင်းထက် မြန်မာနိုင်ငံတွင် နေထိုင်လျှင် ကောင်းမည်ကို ဆွေးနွေး တိုင်ပင်ခဲ့ကြသည်။ သူတို့ထွက်ပြေးရန် တိုင်ပင်ကြရာ တစ်ယောက်သာ သူမနှင့် အတူလိုက်မည်ဟု ပြောဆိုခဲ့သည်။

NGO တွင် အလုပ်လုပ်နေသူတစ်ဦး၏ ပြောကြားချက်အရ တရုတ်ပြည် အတွင်းသို့ ထွက်ပြေးလာကြသည့် အမျိုးသမီးများတွင် လွတ်လမ်း နှစ်လမ်းသာရှိသည်။ ကိုယ်တိုင် ထွက်ပြေး၍ ကံကောင်းပြီး လွတ်ချင်လည်း လွတ်နိုင်မည်၊ သို့မဟုတ် အဖမ်းခံပြီး နိုင်ငံအတွင်းက နှင်ထုတ်ခြင်းခံသည့် နည်းလမ်းများ ဖြစ်သည်။

ခင်တစ်ယောက် တရုတ်ပြည်မှ ထွက်ပြေးရန် ကြိုးစားစဉ်တွင် သူမတွင် တရုတ်နှင့် ရထားသော အသက်တစ်နှစ်အရွယ် ကလေးတစ်ယောက် ရနေပြီ ဖြစ်သည်။ ကလေးအမည်ကို လုံးထွေးဟု ပေးထားသည်။ တစ်ရက် နေ့လယ်ခင်းအချိန် တရုတ်ယောက်ျား အလုပ်သွားချိန်၌ သူမတိတ်တဆိတ် ခိုးစုထားသည့် တရုတ်ငွေ ၅၀၀၀ ကိုယူပြီး သားကိုခေါ်ကာ အိမ်မှ ထွက်ပြေးခဲ့သည်။

ရထားတစ်တန်၊ ကားတစ်လှည့်ဖြင့် တရုတ်ပြည်ကို ဖြတ်ကျော်ခဲ့ရသော ခုနစ်ရက်ခရီးသည် သူမ အတွက် ပင်ပန်းခက်ခဲလှသည်။ နောက်ဆုံး တရုတ်-မြန်မာနယ်စပ်သို့ ရောက်လာခဲ့သည်။ သူမမွေးရပ်မြေသို့ ပြန်ရောက်ပြီး သူ့ကိုသေပြီဟု ထင်ထားခဲ့သော ဆွေးမျိုးများကလည်း ပြန်တွေ့လိုက်ရသဖြင့် ထိတ်လန့်တုန်လှုပ် သွားခဲ့ကြသည်။ အချို့ဆိုလျှင် သူမကို မှတ်တောင် မမှတ်မိကြတော့ပေ။

World Vision တွင် တာဝန်ထမ်းဆောင်နေသော NGO တစ်ယောက်၏ ထောက်ပံ့ကြေးဖြင့် ခင် တစ်ယောက် အဝတ်အစားနှင့် ဟင်းသီးဟင်းရွက်များ ရောင်းချကာ ရပ်တည်နေခဲ့သည်။ မယ်လီဆာစတီးဝပ်ကလည်း တစ်ကြိမ် လူကုန်ကူးမှု ခံရပြီးသည့် အမျိုးသမီးများသည် နောက်တစ်ကြိမ် ပြန်ပြီး ခံရဖွယ်ရှိသဖြင့် သူတို့ကို ဝင်ငွေတစ်ခုခု ရရှိသည့် အလုပ်များ စီစဉ်ပေးခြင်း ကသာ အဖြေဖြစ်သည်ဟု ဆိုသည်။
“ကျွန်မတို့ ဦးတည်ချက်က လူတွေကို လုံခြုံစိတ်ချရတဲ့ ဘဝရောက်စေဖို့ပဲ။ သူတို့ဘဝကို သူတို့ရွေးချယ်ပြီး လုပ်ကိုင်စားသောက်ခွင့်တွေ ပေးရမယ်။ သူတို့ကို ဥပဒေအရ အရေးယူပြီး ထောင်ချမယ် ဆိုရင်လည်း သူတို့ဘဝ ကောင်းသွားမှာမှ မဟုတ်တာ” ဟု စတီးဝပ်က ပြောကြားသည်။
“ကျွန်မတို့က သူတို့ကို အလုပ်အကိုင် အခွင့်အလမ်းတွေ ရှာပေးတယ်။ သူတို့နောက်တစ်ခါ ဒါမျိုး ထပ်မလုပ်ဖို့ လိုတယ်။ ဖမ်းလိုက်၊ လွှတ်လိုက်၊ ထပ်လုပ်လိုက်ဆိုရင် ဆုံးနိုင်တော့မှာ မဟုတ်ဘူး” ဟု သူမက ဆက်ပြောသည်။

တရားစွဲပြီး သူတို့ကို အပြစ်ပေးလိုက်ခြင်းသည် သူတို့ကို အပြစ်ရှိသလို ခံစားစေနိုင်ပြီး ပို၍ဆိုးသွားစေ နိုင်သည်။ သူတို့ဘဝအတွက် အစိုးရကလည်း ခိုနားစရာ နေရာများနှင့် ပြုပြင် ပြောင်းလဲမှုများကို လုပ်ကိုင်ခွင့် ပေးရန်လိုသည်။ အမေရိကန်အစိုးရ အစီရင်ခံစာအရ မြန်မာအစိုးရကလည်း ထိုသို့လူကုန်ကူးခံရပြီး လွတ်မြောက်လာသူများကို ဆေးဝါးများ ကုသပေးခြင်း၊ စိတ်ဓာတ် မြင့်မားရေးအတွက် တွေ့ဆုံဆွေးနွေး အကြံပေးခြင်းများ ပြုလုပ်နေကြောင်း သိရသည်။

ခင်နှင့် သူ့သားလေး လုံးထွေးတို့သည် ယခုအခါ အခြေအနေ ကောင်းနေပြီ ဖြစ်သည်။ ကျွန်မက ခင့်ကို သူ့သမီးလေးနှင့် ပြန်မတွေ့ချင်ဘူးလားဟု မေးလိုက်သည်။ ခင့်မျက်လုံးက မျက်ရည်များ ကျလာသည်။ ယခု အသက် ၄၅ နှစ်ရှိနေပြီ ဖြစ်သော ခင်က နောက်တစ်ကြိမ် လူကုန်ကူးမှု မခံရရေးအတွက် ကတိပေးလိုက်သည်။ သူမသမီးလေးကို နောက်ဆုံး တွေ့လိုက်ရသည့် တရုတ် တည်းခိုခန်းမှ အဖြစ်အပျက်ကို သူမ မမေ့သေးကြောင်း ဆိုသည်။

“သမီးလေး ခုဆိုရင် ဘယ်ရောက်နေပြီလဲဆိုတာ မပြောတတ်တော့ပါဘူးရှင်” ဟု ခင်က လွမ်းဆွေးစွာ ပြောလိုက်သည်။

This Women was sold for $23, by Monica Tan
(http://www.dailylife.com.au/news-and-views/news-features/this-woman-was-sold-for-23-20130625-2otxi.html)
The Voice Weekly

ကျုံးရေပြင် လူသေအလောင်း မည်သူမှန်းမသိသေး

မန်းကျုံးရေပြင်တွင် ယခုလ ၁ရက်နေ့တွင်တွေ့ရှိခဲ့သော အသက် လေးဆယ်အရွယ်အမည်မသိ အမျိုးသား၏အလောင်းမှာ မည်သူမှန်းမသိရှိ ရသေးကြောင်း တိုင်းဒေသကြီးရဲတပ်ဖွဲ့မှူးရုံးမှ သတင်းရရှိသည်။အောင်မြေသာစံမြို့နယ်၊ ၂၆ – ၇၅လမ်းထောင့်ကျုံးရေပြင်တွင် အဆိုပါအမျိုးသား မှာပြင်ပဒဏ်ရာမရှိဘဲ ရေနစ်သေဆုံးသည်ဟု ယူဆရသဖြင့်ဓမ္မတာအတိုင်းသေဆုံးခြင်းဟုတ်မဟုတ် ရဲအုပ်ကမ်အောင်မြင့်မှ တရားလိုပြုလုပ်၍
အမှတ် ၂နယ်မြေရဲစခန်းမှ သေမှုသေခင်းအမှတ် ၃၄/၂၀၁၃အရအမှုဖွင့်အရေးယူထားကြောင်း ရဲမှတ်တမ်းများအရ သိရသည်။


Popularmyanmar

အစိုးရပိုင် မြေအဖြစ် သတ်မှတ်ခံထားရသော နေအိမ်အား တာဝန်ရှိသူများက ၀င်ဖျက်၍ ရွှေ့ပြောင်းခိုင်း

                        ဇူလိုင် ၂ ရက် နံနက်ပိုင်းတွင် နေအိမ်အား တာဝန်ရှိသူများမှ ရွေ့ဖျက်မှု ပြုလုပ်နေစဉ်
အစိုးရပိုင် မြေအဖြစ် သတ်မှတ်ခံထားရသော မုံရွာမြို့ အိုးဘိုတောင်ကွက်သစ် မြ၀တီရပ်ကွက် နယ်မြေ (၆) ရှိ ဦးရွှေရ (ခ) ကျောက်ခဲနေထိုင်သည့် အိမ်အမှတ် ၆၊ ၁၄၉ နေအိမ်ဝင်းကို ဇူလိုင် ၂ ရက် နံနက် ၉ နာရီခွဲ ခန့်က ဒေသအာဏာပိုင်များ သဘောတူညီမှုဖြင့် နေအိမ်ရွှေ့ဖျက်ခြင်း ပြုလုပ်ခဲ့ကြောင်း သိရသည်။ "မနက်ပိုင်းမှာ မုံရွာမြို့က မြို့မိမြို့ဖ ဦးလှဟန်နဲ့အဖွဲ့  ရောက်လာပြီး နေအိမ်ဖျက်ဖို့ လာညှိပါတယ်။ ရွှေ့ရမယ့် နေရာကလည်း တောင်ဘက်နားမှာလို့ သိရတယ်။ အိမ်ကို သူတို့ဆောက်ပေးမယ်လို့ ပြောပါတယ်။ အိမ်ဆောက်ဖို့အတွက် သစ်လည်းချပေးမယ်လို့ ပြောတယ်။ ရေဘုံပိုင်လည်း တူးပေးမယ်။ အဖေ့ကိုလည်း ထောင်ကလွှတ်ပေးမယ်လို့လည်း ပြောပါတယ်။ ကျွန်တော်လည်း အိမ်မှာတစ်ယောက်တည်းရှိလို့  အစ်မတိုင်ပင်ရဦးမယ်လို့ ပြောပေမယ့် သူတို့က သဘောမတူရင် ပြန်သွားမှာလို့ ပြောခဲ့ပါတယ်။ နောက်တော့ မနက် ၉ နာရီခွဲလောက်မှာပဲ စည်ပင်၊ မီးသတ်အဖွဲ့တွေနဲ့ အိမ်ဖျက်ကြတယ်။ အဖေ့မှာက သွေးတိုးရှိတော့ ထောင်ထဲမှာ ကျန်းမာရေးအတွက် ပူပန်မိတယ်" ဟု နေအိမ်ရွှေ့ဖျက်နေသည့် အိမ်ပိုင်ရှင် ဦးကျောက်ခဲ၏ သားဖြစ်သူ ကိုဇင်မျိုးအောင်က ပြောကြားသည်။
ဇူလိုင် ၁ ရက်က အထက်မြန်မာပြည် မြေနှင့်အခွန် နည်းဥပဒေအရ ထုတ်ပြန်ထားသော နည်းဥပဒေ ၆၉ (၂) အရ အလုပ်နှင့်ထောင်ဒဏ် တစ်လ ကျခံရစေရန် မုံရွာမြို့နယ် တရားရုံးက အမိန့်ချမှတ်ခံရသူ ဦးကျောက်ခဲတွင် ဇနီးဖြစ်သူ ဒေါ်ခင်ရီ၊ သမီးမညိုမာနှင့် သားဖြစ်သူ ဇင်မျိုးအောင်တို့ သုံးဦးရှိကြောင်း သိရသည်။
အိမ်ကို သူတို့ဆောက်ပေးမယ်လို့ ပြောပါတယ်။ အိမ်ဆောက်ဖို့အတွက် သစ်လည်းချပေးမယ်လို့ ပြောတယ်။ ရေဘုံပိုင်လည်း တူးပေးမယ်။ အဖေ့ကိုလည်း ထောင်ကလွှတ်ပေးမယ်လို့လည်း ပြောပါတယ် . . . . .
မုံရွာမြို့ အိုးဘိုတောင်ကွက်သစ် မြ၀တီရပ်ကွက် နယ်မြေ ၆ ရှိ ဦးရွှေရ (ခ) ကျောက်ခဲနေထိုင်သည့် အိမ်အမှတ် ၆၊ ၁၄၉ နေအိမ်ဝင်းကို အစိုးရပိုင် မြေနေရာ ဖြစ်သဖြင့် ၁၅ ရက်အတွင်း ဖယ်ရှားပေးရန်နှင့် ဖယ်ရှားခြင်း မပြုပါက အထက်မြန်မာပြည် မြေနှင့်အခွန်နည်း ဥပဒေ ၆၉ (၂) အရ တရားရုံးတွင် တရားစွဲဆို ခံရမှာဖြစ်ကြောင်း ပြီးခဲ့သည့် မေ ၃၁ ရက်က ကော်လိတ္တော် အရာရှိခရိုင် စီမံခန့်ခွဲမှု ကော်မတီ ဥက္ကဋ္ဌ (မုံရွာ) လက်မှတ်ဖြင့် အကြောင်းကြားစာ စတင်ရောက်လာကြောင်း သိရသည်။

Eleven

ပန်းကြာဝတ်မှုန် ဇာတ်ကားနှင့်ပတ်သတ်ပြီး စင်ရော်မောင်မောင်သို့ အိတ်ဖွင့်ပေးစာ


ကိုစင်ရော်၊ ခင်ဗျားဟာလေ မိုက်တာမှ တော်တော်လေးကို မိုိက်တယ်ဗျာ။ အရင်းမရှိ၊ အဖျားမရှိ မိုက်တယ် ပြောနေတာ ဘာပါလိမ့်လို့ ကို စင်ရော်တွေးနေရင် ဘာကို ပြောနေတာ လဲဆိုတာ ကျွန်တော်ရှင်းပြမယ်။
ကိုစင်ရော် ဖိတ်လို့ ပန်းကြာ ဝတ်မှုန် VIP ရှိုးပွဲကို ၁၂.၆.၂ဝ၁၃ က သမ္မတရုံမှာ သွားကြည့်ပြီး ပြန် အလာမှာ ပန်းကြာဝတ်မှုန် နဲ့ ခင်ဗျား အပေါ် ကျွန်တော့်ရဲ့ ခံစားချက် ကို ပြောတာဗျ။ ကျွန်တော်လည်း ရုပ်ရှင် ပြီးမှပဲ ကိုစင်ရော်နဲ့ မန္တလေး အကြောင်း ဟိုရောက်၊ ဒီရောက် စကားပြောတော့မယ်လို့ စဉ်းစား လိုက်မိပြီး နှစ်ပေါင်း များစွာ မရောက် ခဲ့တဲ့ သမ္မတရုံရဲ့ထိုင်ခုံမှာ ထိုင်လိုက်ပြီး ရုပ်ရှင် ကြည့်လိုက်ပါတယ်။ စကြည့် ကတည်းက ပန်းကြာဝတ်မှုန် ဇာတ် ကားထဲမှာ လုံးလုံးကို နစ်မျောလွင့်ပါ သွား မိပါတော့တယ် ကိုစင်ရော်ရယ်။
ခင်ခင်ထူး နဲ့ နေဝင်းမြင့်ဆိုတာ က ကျွန်တော့်ရဲ့ အသည်းစွဲ စာရေး ဆရာတွေလေ။ ကျွန်တော့် ဖေးဗရိတ် ခင်ခင်ထူး ရဲ့ဝတ္ထုနဲ့ နေဝင်းမြင့် ရဲ့ ဇာတ်ညွှန်း ကလည်း ရှယ် ပဲ။ အဲဒီ ပန်းကြာဝတ်မှုန် ဝတ္ထုနဲ့ ဇာတ်ညွှန်းကို ခင်ဗျား ဘယ်လိုများ ခံစားတင်ပြ လိုက်ပါလိမ့်လို့ တွေးမိတယ်။ ခင်ဗျား ရဲ့ ပန်းကြာဝတ်မှုန် ကိုကြည့်ပြီး ကျွန် တော် တကယ့်ကို အကြီးအကျယ် ဟတ်ထိ ခံစားမိတယ်ဗျာ။ ရုပ်ရှင်ပြီးသွားမှာကို ကျွန်တော်ကြောက်နေ တယ်။ သိပ်ကိုကျေနပ်မိတယ်။
ဒီရုပ်ရှင် ကတော့ မကြည့် မဖြစ် ကြည့်ရမယ့် ရုပ်ရှင် ဇာတ်ကားဖြစ် နေတယ်လို့ ခံစားမိတော့ ဌာနက လူ အားလုံးကို ပန်းကြာဝတ်မှုန် ရုံတင် တဲ့နေ့မှာ ငါလက်မှတ် ဝယ်ပြီး အားလုံး ကို ရုပ်ရှင်ပြမယ်လို့ ပြောလိုက် တော့ ကျွန်တော်နဲ့အတူ VIP ရှိုးကို ကြည့်တဲ့ တပည့်ရေးချယ်က “ဆရာကြီး.. သမီး ပန်းကြာဝတ်မှုန် မကြည့်တော့ဘူး” လို့ပြောပါတယ်။ အဲဒါနဲ့ ကျွန်aတ်ာက ကျွန်တော့်တပည့်ဖြစ်တဲ့ လူစီကို တိုးတိုးတိတ်တိတ် နဲ့ ရေးချယ် ဘာဖြစ်လို့ ပန်းကြာ ဝတ်မှုန် မကြည့်aတာ့ဘူး လို့ပြောတာ လဲလို့ မေး ကြည့်လိုက်ပါတယ်။ “ရေးချယ် ဒီနေ့ မနက် ဆရာကြီးနဲ့ အတူ ပန်းကြာဝတ်မှုန် ရုပ်ရှင်ကို ကြည့်ပြီး သူတော်တော် ခံစား သွားရတယ်။ အဲဒီ ရုပ်ရှင်က သူ့ရဲ့ စိတ်ကို သိပ်လှုပ်ရှား ရိုက်ခတ်သွားတော့ သူ ပန်းကြာဝတ်မှုန်ကို ထပ်မကြည့်ရဲတော့ဘူး” လို့ လူစီက ပြောပါတယ်။ စင်ရော်မောင်မောင် ရဲ့ တင်ပြချက်က သိပ်ကောင်း လွန်း တာကြောင့် ရေးချယ် သိပ်ခံစား သွားရတယ်တဲ့။ ဒါကြောင့် သူ ပန်းကြာဝတ်မှုန် ကို နောက်တစ်ခါ မကြည့်ရဲတော့တာတဲ့။ သူတို့ တစ်တွေ ပန်းကြာ ဝတ်မှုန် ဇာတ်ကား ကို ကြည့်ပြီး ဘယ်လောက်တောင် ခံစား ရတယ် ဆိုတာကို ကျွန်တော်ကိုယ်ချင်း စာနားလည်မိပါတယ် ကိုစင်ရော်ရယ်။
ပန်းကြာဝတ်မှုန် ဘာလို့ ဒီ လောက်ကောင်းသလဲ ဆိုတော့ အဓိက ခံစားတင်ပြတဲ့ ကိုစင်ရော် ရဲ့ အနုပညာ စွမ်းပကားကြောင့်ဖြစ် သလို ကိုစင်ရော် နဲ့ အတူ တွဲဖက်ပါဝင် တဲ့ ပရိုဂျူဆာ၊ ဓာတ်ပုံ၊ အသံ၊ တေးဂီတ၊ ခေတ်မီ ရုပ်ရှင်ရိုက်ကူးရေး စနစ် တွေကြောင့် ဆိုတာကိုလည်း ကျွန်တော် သဘောပေါက် မိပါတယ်။ ကျွန်တော် ပန်းကြာ ဝတ်မှုန် ကို စွဲလမ်းနစ်မျော သွားရတဲ့ နောက်ထပ် အကြောင်း တစ်ခု ကတော့ သရုပ်ဆောင်တွေပါ။ အဓိက ပါဝင် သရုပ်ဆောင်သွားတဲ့ နိုင်းနိုင်း နဲ့ သက်မွန်မြင့်ဟာ တကယ့် ကို အသက်ပါ၊ သဘာဝကျ၊ အပိုအလို မရှိ ကောင်းမှ ကောင်းပဲ။ နိုင်းနိုင်းရဲ့ ပန်းကြာဝတ်မှုန် ထဲက သရုပ်ဆောင်ပုံ ဟာ ကျွန်တော့် ရင်ထဲမှာ စွဲသွားစေ ပါတယ်။ သက်မွန်မြင့် ကလည်း အရင် ကျွန်တော်ကြည့်ဖူးတဲ့ ကားတွေထဲက သက်မွန်မြင့် နဲ့မတူ တစ်မူထူးပြီး သရုပ်ဆောင်တာ ကောင်းလှပါတယ်။ သူတို့နဲ့အတူ ပါဝင် သရုပ်ဆောင်သွား တဲ့ ရဲအောင်၊ ဖြိုးငွေစိုး၊ မင်းထက် ကျော်ဇင်၊ စည်သူမောင်၊ ကျော်ကျော်  ပိုင်မှူး၊ မေကဗျာ၊ သင်းသင်းယုလှိုင်၊ သီရိရှင်းသန့်၊ ဟေမာန်အောင် အောင်၊ ခင်လေးနွယ်၊ မေချိုသော်၊ အောင်အောင် (မြင်စိုင်းသား) တို့က လည်း သူ့နေရာနဲ့သူ အကွက်ကျကျ ဆိုသလို သရုပ်ဆောင်သွားကြတာဗျ။
ရုပ်ရှင်ကို စကြည့်လိုက်ကတည်း က ရုပ်ပုံတွေ ကြည်ရှင်းပြီး High Definition ပဲ။ အသံတွေကလည်း တော်တော်ကို ပီပြင်ပြီး ခြေလှမ်းသံ၊ သစ်ရွက်ကြွေသံ ၊ လေတိုးသံ၊ လှိုင်း ပုတ်သံတွေ ဟာလည်း အရင်တုန်းက ကျွန်တော် ကြည့်ခဲ့ဖူး၊ သိခဲ့ဖူးတဲ့ မြန်မာ ဇာတ်ကားတွေနဲ့မတူ ဘယ်လို ကောင်းနေမှန်း မသိဘူးဗျာ။
 မြင်ကွင်းတွေ ရွေးထားတာက လည်း မန္တလေးသား ကျွန်တော့်ရဲ့ နှလုံးသားကို ကိုင်လှုပ်သလို စွဲ ဆောင်နိုင်ခဲ့ပါတယ်။ နောက် ကျွန်တော် ကြိုက်တာ ရှိသေးတယ်ဗျ။ အဲဒါ ကတော့ မြင်ကွင်းတွေ၊ ရိုက်ကွက် တွေမှာ သူ့နေရာနဲ့ သူ နောက် က ဖန်တီး ထားတဲ့ အသံတွေ၊ ဂီတတွေ၊ သီချင်းတွေက ဘယ်လိုပြော ရမှန်း မသိ လောက်အောင် ကြိုက်တယ်ဗျာ။
ဒီလိုအနုပညာ နောက်ခံ ဖန်တီး မှုတွေ နဲ့အတူ ပန်းကြာဝတ်မှုန် ဇာတ်ကားကို ခင်ဗျား ခံစားတင်ပြ တာက သိပ်မိုက်လွန်းတယ်။ ကျွန် တော် ကိုယ်တိုင် ရုပ်ရှင်ထဲမှာ ဇာတ် ကောင်တွေ နဲ့အတူ ပါသွားသလို ခံစားရပြီး အိပ်မက် မက်နေသလား၊ ရုပ်ရှင်လား၊ တကယ်လား ဘာမှကို မသိ ဘဲခံစားမိခဲ့တယ်ဗျာ။ ပန်းကြာ ဝတ်မှုန် ဇာတ်ကား ကြီး ကို ကြည့်နေရင်း နဲ့ ဒီဇာတ်ကားက တော့ လက်ရှိ မြန်မာကားတွေရဲ့ အဆင့်ကို ကျော်လွန်ပြီး မြန်မာ့ ရုပ်ရှင် သမိုင်းမှာ ခေတ် တစ်ခေတ်ကို ရောက်အောင် ကိုစင်ရော် ဖန်တီး လိုက်ပြီလို့ ပြောချင်စိတ်တွေ တဖွား ဖွားပေါ်လာပါတယ်။ ရုပ်ရှင်ပြီး တော့ ဒီ ဇာတ်ကားဟာ ဘာလို့ဒီ လောက်တောင် အရောင်အသွေး၊ အသံတွေ အဆင့်မြင့် တာလဲလို့ မေးကြည့်လိုက်တော့မှ ကိုစင်ရော်က Sound System၊ Music၊ Sound Effect တွေအားလုံးကို နောက်ဆုံး ပေါ် Digital 5.1 စနစ် နဲ့ ထုတ်လုပ် ထားတယ် ဆိုတာ သိရပါတော့တယ် ကိုစင်ရော်ရယ်။
ဒီလိုဇာတ်ကားကြီးကို စွန့်စွန့်စားစား ငွေကုန်ကြေး ကျခံပြီး ထုတ်ရဲတဲ့ ချင်းတွင်း ရုပ်ရှင်ကိုလည်း ဒီ နေရာကနေ မှတ်တမ်းတင် ချီးမွမ်း လိုက်ချင်တယ်ဗျာ။ ပရိုဂျူ ဆာ ဒေါ်အေးစုကြည် ကိုလည်း ဒီလို ဇာတ်ကား အခံ့စား၊ အကောင်းစားကြီးတွေ ဆက်ထုတ်ပေးပါလို့ မေတ္တာရပ်ခံ လိုက်ချင်ပါသေးတယ်။ ကျွန်တော်သာ ဆုတွေပေး ခွင့် ရမယ်ဆိုရင် တော့ ပန်းကြာဝတ်မှုန် ဇာတ်ကားကြီး ကို ဇာတ်ကား၊ ဒါရိုက်တာ၊ ဓာတ်ပုံ၊ သရုပ်ဆောင် နိုင်းနိုင်း နဲ့ သက်မွန်မြင့်၊ အသံနဲ့ ဂီတဆုတွေကို ပေး လိုက် မိတော့ မှာပဲ ကိုစင်ရော်ရယ်။
ပန်းကြာဝတ်မှုန်လို တကယ့် နိုင်ငံတကာ အဆင့်မီ ဇာတ်ကားကြီး ကို ထုတ်လိုက်တဲ့ ကိုစင်ရော်တစ် ယောက် အနုပညာ လမ်းခရီးမှာ ဘာ အခက်အခဲတွေ၊ ဘယ်လို အတား အဆီးတွေကို ရင်ဆိုင်ရ၊ ရင်ဆိုင်ရ စိတ်ဓာတ် မကျဘဲ တစ်စိုက်မတ်မတ် ခွန်နဲ့အားနဲ့ ဆက်လျှောက်ဖို့ တိုက် တွန်းအားပေး ချင်သေးတယ်ဗျာ။ ဘာဖြစ်လို့လဲ ဆိုတော့ ခင်ဗျားကို ချစ် တဲ့၊ ခင်ဗျား ခံစားတင်ပြချက်တွေကို သိပ်ပြီး နားလည် သဘောကျ လက်ခံ ပြီး ခံစား အားပေးတဲ့ ခင်ဗျားရဲ့ပရိသတ် ပြည်သူ လူထုကြီး ရှိနေ လို့ပါ။ ဒါကြောင့် ကိုစင်ရော် ရဲ့အနုပညာ လုပ်ဆောင်ချက်တွေကို ခင်ဗျားကို ချစ်တဲ့၊ အသိအမှတ်ပြု ထောက်ခံအား ပေးတဲ့ ပြည်သူတွေ အတွက်လို့ စိတ်ထဲမှာ စွဲပြီး ဆက်လုပ် သွားပါလို့ တိုက်တွန်းလိုက်ချင်ပါတယ်။
ကိုစင်ရော်တစ်ယောက် ထာဝရ အောင်မြင်ပါစေ။
ပါမောက္ခ ခင်မောင်ဝင်း (အသည်း)
မှတ်ချက်- ကျွန်တော် ဒီလောက်တောင် ပန်းကြာဝတ် မှုန် ရုပ်ရှင်ကို ဇာချဲ့ အမွှမ်း တင်နေတာဟာ ကိုစင်ရော် နဲ့ရင်းနှီးလို့၊ ကိုစင်ရော် က ဒါမှမဟုတ် တစ်စုံ တစ်ယောက်က ပန်းကြာဝတ်မှုန် အကြောင်း ရေးပေးပါ  ပြောလို့ရေး တာ လုံးဝမဟုတ်ပါ။ ကျွန်တော်ဟာ ဘယ်တော့မှ သူများပြောလို့ တစ်စုံ တစ်ခု အကြောင်း ရေးမယ့် သူတစ်ယောက် မဟုတ်ပါ။ ကျွန်တော့် ရင်ထဲမှာ ပန်းကြာဝတ်မှုန် ရုပ်ရှင် ဇာတ်ကားကြီးကို ကြည့်ပြီး တကယ့်ကို စိတ်ထဲမှာ ခံစားကျေနပ်၊ နှစ်သက် အားရမိလို့  မြန်မာ့ ရုပ်ရှင် အဆင့်အတန်း တိုးတက်ပြီး ကမ္ဘာ့ အလယ်မှာ ဝင်ရောက် နေရာယူနိုင်စေဖို့ ဆိုတဲ့ စိတ်တွေပေါ်လာလို့ ဒီစာကို ရေးဖြစ်တယ် ဆိုတာ အမှန် တကယ် ရိုးသား စွာပြောလိုက်ချင်ပါတယ်။

Popular Myanmar