အာရှတိုက်နိုင်ငံများသို့ခြေဆန့်လာသော EBOLA (သို့) သေမင်းဗိုင်းရပ်


မြန်မာ နိုင်ငံ ကျန်းမာ ရေး ၀န်ကြီး ဌာန နှင့် မြန်မာ ရုပ်မြင် သံကြား သတင်း များမှ ထို ရောဂါ အ ကြောင်း ကို ပြည်သူ များ အမြန် သိရှိနိုင် စေရန်အမြန် ဆုံး အထူး ထုတ်လွင့် ပေးသင့် နေပြီ ဖြစ် သည်၊၊

(1) EBOLA VIRUS - အီဗိုလာဗိုင်းရပ်ဆိုတာဘာလဲ
-------------------------------------------------
အီဗိုလာဗိုင်းရပ်ဆိုသည်မှာ သဘာဝ တိရိစ္ဆာန်များမှတဆင့် လူသို့ကူးဆက်သော ဗိုင်းရပ်ရောဂါပိုးတစ်မျိုးဖြစ်သည်။ ရောဂါ ကူးဆက်
ခံရသူ ၉၀ ရာခိုင်နှုန်း အသက်ဆုံးရှုံးကာ ရက်ပိုင်းအတွင်း သေဆုံးစေနိုင်သော AIDS ထက်အဆပေါင်းများစွာဆိုးရွားသော ဗိုင်းရပ်စ်
ရောပိုးဖြစ်သည် ။

အာဖရိကတိုက်အနောက်အလယ်ပိုင်း နိုင်ငံများရှိ လင်းနို့ ၊ မျောက်ဒရယ် ၊ မျောက်ဝံ စသော တိရိစ္ဆာန်များ တွင်အဆိုပါ အီဗိုလာ ဗိုင်းရပ်ပိုး
တွေ့ရှိရပြီး ရောဂါပိုး ရှိသည့် တိရိစ္ဆာန်အသားများကို စားသုံးရာမှ လူတွင်ကူးစက်ကာ ယခုအချိန်ထိ ကူးစက်ခံရသူ ၁၂၀၀ ကျော်သေဆုံးခဲ့ပြီးဖြစ်သည် ။

၂၀၁၄ တွင် အာဖရိက အနောက်ခြမ်း နိုင်ငံ ၃ နိုင်ငံအား ကန့်သတ် နယ်မြေမျာအဖြစ်သတ်မှတ်ကာ ထိုရောဂါကို စတင်ပိတ်ဆို့နေပြီဖြစ်သည်။.

အီဗိုလာသည်ှနှာခြေ ၊ ချောင်းဆိုး စသော လေထုထဲမှတဆင့်မကူးစက်သည်မှာအလွန်ကံကောင်းသည်ဟုဆိုရမည်။ ၄င်းသည်တုတ်ကွေးကဲ့သို့ ချောင်းဆိုးသူကြောင့် လေထဲမှတဆင့် မပျံနှံ့ပါ ။

သို့သော် EBOLA သည် ရောဂါရှိသော တိရိစ္ဆာန်များ ၏ အရည် ၊ သွေးသား တို့အား လက်ဖြင့်ထိခြင်း ၊ ထိုအသားအားစားခြင်း ။ရာဂါခံစားနေရသောသူ နှင့် လက်ခြင်းထိတွေ့ခြင်း ၊ အရေပြားပေါက်ပြဲသောနေရာအားထိတွေ့ခြင်း ၊ သွေးသားခြင်းထိတွေ့ခြင်း ၊ နမ်းခြင်း ၊ လိင်ဆက်ဆံခြင်းတို့စသဖြင့် ရောဂါရှိသူ၏ အသွေးသား ၊ သွေး ၊ အချွဲ ၊ ခန္ဒာကိုယ်မှထွက်သော
အရည်တို့ကို လက်ဖြင့် ထိတွေ့ရုံဖြင့် ရောဂါ ကူးဆက်နိုင်သည် ။

ထိုသို့ရောဂါကူးဆက်ပြီး ၂၁ ရက်အတွင်း ဝေဒနာစတင်ခံစားရမည်ဖြစ်ကာထိုသူမှတဆင့် ယခု နှုန်းထားအတိုင်း ၂.၅ ဦးအားဆက်လက် ကူးဆက်နေပြီးဆက်တိုက်ပျံ့ပွားသွားမည်ဖြစ်သည်ရောဂါခံစားရပြီးမကြာခင်ရက်ပိုင်းအတွင်း
သေဆုံးမည်ဖြစ်သည် ။

(2) ရောဂါလက္ခဏာတွေကဘယ်လိုလဲ
--------------------------------------
အီဗိုလာ ဗိုင်းရပ်စ် ကူးဆက်ခံရပြီး ၂၁ ရက်အကြာတွင် အပြင်းဖျားခြင်းမလှုပ်ရှားနိုင်အောင် အားအင်ကုန်ဆုံးခြင်း ၊ ကြွက်သားများ နာကျင်ခြင်းခေါင်းကိုက်ခြင်း ၊ လည်ချောင်းနာခြင်းတို့ ဖြစ်ကာ မကြာခဏ အော့အန်ပြီး
ဝမ်းသွားသည့် ရာဂါလက္ခဏာ ပြလိမ့်မည်။

ထိုမှတဆင့်ရောဂါပြင်းထန်လာကာ ကျောက်ကပ် ၊ အသဲ တို့၏ လုပ်ဆောင်ချက်များကို ဆိုးဝါးစွာ ပျက်ဆီးစေကာ မျက်လုံး ၊ ပါးစပ် ၊ နှာခေါင်းတို့စသော ဒွာရပေါက်များမှ သွေးထွက်ခြင်း ၊ အရေပြားပေါက်ပြဲကာ သွေးထွက် ခြင်း
စသည့် ခန္ဒာကိုယ် အတွင်းအပြင် တို့မှ သွေးထွက်ကာ နောက်ဆုံး သေဆုံး
စေမည်ဖြစ်သည်။

ထိုထက်ဆိုးဝါးသည်မှာ ရောဂါကူးစက်ခံရသော သူ ထိုင်သွားသည့် ခုံ ၊အိပ်ယာတို့မှတဆင့် ကူးဆက်ကြောင်းတွေ့ရသော အခါ အဆိုပါ နိုင်ငံ ၃ နိုင်ငံတွင်TAXI (တက္ကစီ) ၊ ကား၊ ရထား ၊ လေယာဉ် တို့ပါ ရောဂါစောင့်ကြည့် နေရသည့်
အခြေအနေ တွင်ရှိနေပြီဖြစ်သည် ။

ထိုအီဗိုလာ ဗိုင်းရပ်အား ကုသရန်ဆေးမရှိသကဲ့သို့ ။ရောဂါကူးစက်ခံရပါကမည်သို့မှ လုပ်မရတော့ပဲ သီသန့်ခန်းထဲတွင် ခွဲထားကာ သေဆုံးသည်ကိုစောင့်ရမည်ဖြစ်သည် ။ ရောဂါပိုး ကူးစက်သူ၏ ၁၀ ရာခိုင်းနှုန်းကိုသာ ကယ်
ဆယ်နိုင်ခဲ့သေးကြောင်းသင်သိရမည်ဖြစ်သည် ။

(3) ဘယ်နိုင်ငံတွေအထိ ကူးစက်လာခဲ့ပြီလဲ
--------------------------------------------
၂၀၁၄ ခုနှစ်၏အီဗိုလာ ဗိုင်းရပ်မြစ်ဖြားခံရာ Guinea နိုင်ငံမှတဆင့်ရောဂါဝေဒနာ ခံစားရသူများ ခရီးသွား သောကြောင့် ထိုနိုင်ငံ၏ အိမ်
နီးခြင်းနိုင်ငံများဖြစ်သော Liberia နှင့် Sierra Leone တို့အား အလျှင်
အမြန် ကူးဆက်လျှက် ရှိသည်။

အဆိုပါ ၃ နိုင်ငံတွင် ၂၀၁၄ မတ်လ မှ စတင်ကာယနေ့အထိ လူဦးရေ(၁၂၀၀) ကျော်အား ကူးစက်နေပြီး - ၇၀၀ နီးပါးသေဆုံးခဲ့ပြီဖြစ်သည် ။
၎င်းသည် နှစ် ၄၀ အတွင်း အဆိုးဝါးဆုံးသော ဗိုင်းရပ်ကူးစက် သေဆုံး
မှုဖြစ်ကြောင်း WHO မှထုတ်ပြန်ခဲ့ရသည်။

ရောဂါဆိုးဝါးသော ဒေသများသို့ ဆေးကုသပေးရန် ရောက်ရှိနေသော အထူးကု ဒေါက်တာတစ်ဦးအပါအဝင် နိုင်ငံခြားသား လုပ်အားပေး ၂ ဦးရေဂါကူးစက်ခံရသည်ဆိုသောအခါ ကမ္ဘာနိုင်ငံများကြား အီဗိုလာ သည်အထူး သတိထားကိုင်တွယ်ရမည့် ကြောက်စရာအကောင်းဆုံး ကူးစက်ဗိုင်းရပ်ဖြစ်လာခဲ့သည်။

အဆိုပါ ၃ နိုင်ငံသို့ စိုက်ပျိုးရေး ၊ ကျမ်မာရေ ၊ ပညာရေ တို့အတွက် လုပ်အားပေး ရောက်ရှိနေသော အမေရိကန် နိုင်ငံသား ၃၀၀ ကျော်ကို
ယခု အခါ အမေရိကန် က ပြန်လည်ခေါ်ယူနေပြီဖြစ်သည် ။

ယခု အမေရိက နိုင်ငံ ၊ လန်ဒန် ၊ ဥရောပနိုင်ငံများ ၊ တရုတ် ၊ ဖိလစ်ပိုင် တို့တွင် ရောဂါလက္ခာများစတင်တွေ့ရှိကြောင်း ယနေ့သတင်းစာများတွင်ကြော်ငြာအပြီး နိုင်ငံတကာလေကြောင်းလိုင်းများသည်အဆိုပါအီဗိုလာ ရောဂါ အား စောင့်ကြည့်ဖြေရှင်း ရန် အထူး ဆွေးနွေးပွဲများဖြင့် စတင်နေရပြီဖြစ်သည် ။

(4)မြန်မာနိုင်ငံတွင်ထိုရောဂါကူးစက်ပြန့်နှံ့မှုရှီနေပြီလား
-------------------------------------------------------
ကျွန်တော်တို့မြန်မာနိုင်ငံတွင်ထိုရောဂါကူးစက်ပြန့်နှံ့မှုမတွေ့ရသေးပါဟုပြောရပေမည်။သို့သော်မြန်မာနိုင်ငံအနေဖြင့် အာဖရိကနိုင်ငံများနှင့်လေကြောင်းအရဆက်သွယ်မှုတွေရှိသဖြင့် ဖြေရှင်းကိုင်တွယ်နိုင်ရန်အတွက် ထိုရောဂါနှင့်ပတ်
သည့်သည့်ကာကွယ်ရန်အသုံးအဆောင်များ၊ခေတ်မှီကရိယာများယခုအချိန်ကကတည်းကကျန်းမာရေးဝန်ကြီးဌာနအနေနှင့်ပြင်ဆင်
ထားရန်လိုအပ်နေပြီဖြစ်သည်။

လိုအပ်သည်များကို ဆောင်ရွက်ရန် နိုင်ငံတကာမြို့ပြ လေကြောင်း အဖွဲ့ချုပ်The International Civil Aviation Organization (ICAO) နှင့်လည်းဆွေးနွေးဆောင်ရွက်ရန်လိုအပ်နေပြီဖြစ်သည်။

(5) ရောဂါကူးစက်တဲ့ နိုင်ငံမှာ ဘာတွေဖြစ်နေပြီလဲ
--------------------------------------------------
Guinea, Liberia, Sierra Leone စသည့် အီဗိုလာ အဆိုးဆုံးကူးစက်ရာ ၃ နိုင်ငံတွင် ကျောင်းအားလုံး ပိတ်ပစ်ရပြီဖြစ်သည်။
အဆိုပါနိုင်ငံ ၃ ခု၏ ဒေသ အချို့တွင် ရောဂါထိန်းချုပ်နိုင်မှု မရှိတော့ပဲ ဆိုးဝါးစွာကူးစက်ပြီနေပြီဖြစ်ကြောင်း သိရသည် ။ ရောဂါကူးစက်မှုသည် ထိန်းချုပ်ကိုင်တွယ်နိုင်သည့်အဆင့်တွင်မရှိတော့ပါ ။ အခြေအနေ အလွန်ဆိုးဝါးနေပြီဖြစ်ကြောင်း ယေနေ့ နိုင်ငံတကာသတင်းဌာနများကကြော်ငြာနေသည် ။
အခြေအနေ ကောင်းမလာပဲ ပိုမိုးဆိုးဝါးကာ ကူးစက်သူ ၂.၅ ဆနှုန်းဖြင့် တိုးပွာလာကြောင်း ကြောက်မက်ဖွယ်သိရှိခဲ့ကြရသည် ။

Sierra Leone နိုင်ငံရှိ အီဗိုလာရောဂါ အတွက် အထူးကုသနေရသောထိပ်တန်း ဆရာဝန် တစ်ဦးသည်ယခု အီဗိုလာရောဂါကူးစက်ခံရကာ
သေဆုံးခဲ့ပြီးဖြစ်သည် ။
အမေရိကန် နိုင်ငံသား ကနေဒါမှ အဆိုပါ ၃ နိုင်ငံသို့ ရောဂါကုပေရန်လုပ်အားပေး သွားရောက်သော ဆရာဝန်တစ်ဦးသည်လည်း ယခုအခါ
ရောဂါကူးစက်ခံနေရပြီဖြစ်ကြောင်းတွေ့ရှိသောအခါ အီဗိုလာသည်

ကမ္ဘာကိုခြိမ်းခြောက်နေသော ဗိုင်းရပ် အဖြစ် သတ်မှတ်ရတော့သည် ။အဆိုပါ နိုင်ငံ ၃ နိုင်ငံ၏ ရောဂါကူးစက်ပျံ့ပွားမှု ထိန်းချုပ်ရေးသည် ယနေ့ ကမ္ဘာအရေးဖြစ်လာခဲ့သည်။

Liberia နိုင်ငံတွင်မူ ကျောင်းအားလုံး အကန့်အသတ်မရှိ ပိတ်ထားပြီးအစိုးရဝန်ထမ်းအားလုံး ခွင့် ရက် ၃၀ ပေးကာ လုပ်ငန်းအားလုံး ရပ်ဆိုင်းထားရပြီဖြစ်သည်။

Togo အခြေစိုက် pan-African လေကြောင်းလိုင်းဖြစ်သော ASKY,လေကြောင်းလိုင်းသည် အဆိုပါ ၃ နိုင်ငံမှ အခြား နိုင်ငံ ၂၀ သို့ ပြေးဆွဲ
ပျံသန်းနေသောလေကြောင်းဖြစ်ပြီး ယခု ASKY၏ လေကြောင်းအားလုံး ရပ်ဆိုင်းထားရပြီဖြစ်သည်။

အသက် ၄၀ ရှိ Liberia နိုင်ငံသားတစ်ဦး Nigeria သို့သွားရောက် လည်ပတ်အပြီး သေဆုံးခဲ့ကာ အဆိုပါသေဆုံးမှုသည် အီဗိုလာဗိုင်းရပ်ကြောင့်ဖြစ်ကြောင်း အတည်ပြုအပြီး Nigeria နိုင်ငံတွင် ယခု စောင့်ကြည့်ကွပ်
ကဲမှုများပြုလုပ်နေရပြီဖြစ်သည်။

လေကြောင်းလိုင်းများသည် နိုင်ငံတကာသို့ရောဂါကူးစက်စေသောရေသောက်မြစ်ဖြစ်လာသောအခါ IATA သည် လေကြောင်းလိုင်များအား
ထိရောက်စွာ ထိန်းချုပ်သွားရန် ယခု စတင်ဆောင်ရွက်နေပြီဖြစ်သည်။

ယနေ့မှစတင်ပြီး နေ့စဉ်ရောဂါ ပျံနှုံမှုကို စောင့်ကြည့်ကာ ဖြစ်ပွားသည့်နေရာများသို့ ပျံသန်သောလေကြောင်းများကို တားမြစ်သွားမည်ဖြစ်ကြောင်းနိုင်ငံတကာလေကြောင်းထိန်းချုပ်ရေးအေဂျင်စီသည် ယနေ့ကြော်ငြာချက်
ထုတ်ပြန်ခဲ့ရပြီဖြစ်သည်။

အထက်ပါအကြောင်းအရာများသည် EBOLA (အီဗိုလာဗိုင်းရပ်) အကြောင်းနှင့်လက်ရှိ နိုင်ငံတကာ အဖြေအနေဖြစ်ပြီး မြန်မာနိုင်ငံသားများအား သတိ၊ အသိ ၊ ဗဟုသုတ ရစေရန် သတင်းဌာနများ ၊ ကျမ်းမာရေးဆိုင်ရာအင်တာ
နက်စာမျက်နှာများ နှင့် ဆရာဝန်မိတ်ဆွေများ၏ အကူအညီ ရယူကာမြန်မာနိုင်ငံသားများ သိရှိရန် ဘာသာပြန် တင်ဆက်ပေးခြင်းဖြစ်သည် ။

ဤဆောင်းပါးအားမည်သူမဆို ကူးယူနိုင်သလို မသိရှိသေးသည့် နီးစပ်ရာသူငယ်ချင်း ၊ မိတ်ဆွေ အားလုံးသို့ ဆက်လက် လက်ဆင့်ကမ်း (SHARE) ကြရန်မြန်မာနိုင်ငံသားများ facebook စာမျက်နှာမှ အထူး တိုက်တွန်းသည် ။
ဆက်လက် ထူးခြားမှုများရှိပါက တင်ဆက်မည်၊၊
......................................
credit to - သား ငယ်

ooredoo ဆင်းကဒ်အလုံအလောက်ချပေးထားသည့်အတွက် ကျပ်၁၅၀၀ထက်ပိုပေး မ၀ယ်ကြရန် ကုမ္ပဏီမှ ပြောကြား


ရန်ကုန်- သြဂုတ် ၂
ဆင်းကဒ်များအားအလုံအလောက်ချပေးထားသည့်အတွက်ကျပ်(၁၅၀၀)ထက်ပိုမိုပေး၍မ၀ယ်ကြရန်အဆိုပါကုမ္ပဏီမှအမှုဆောင်အရာရှိချုပ် Ross Cormack
က ယနေ့ ပြုလုပ်သည့် ooredoo ဆင်းကဒ်များစတင်မိတ်ဆက်သည့်အခမ်းအနားတွင်ပြောသည်။
"ဒီဆိုင်မှာဈေးကြီးနေလို့ ရှိရင်နောက်တစ်ဆိုင်ပြောင်းဝယ်ကြပါ၊ဆိုင်တွေလည်းခြေလှမ်းအနည်းငယ်လှမ်းယုံနှင့်တွေ့ မှာပါ၊ဒါကြောင့်ဘယ်သူမှပိုမ၀ယ်ကြပါနဲ့ "ဟု၎င်းက
ဆက်ပြောသည်။
လက်ရှိတွင် ooredoo ဆင်းကဒ်များကိုရန်ကုန်မြို့ ၊မန္တလေးမြို့ နှင့်နေပြည်တော်တို့ တွင်စတင်ရောင်းချပေးလျှက်ရှိရာ
အချို့ သောဆိုင်များမှာသတ်မှတ်ထားသည့်ကျပ်(၁၅၀၀)
တန်နှုန်းထက်ပို၍ဈေးတင်ကာရောင်းချလျှက်ရှိနေကြောင်းဈေးကွက်အ
တွင်းမှသိရသည်။AZ

Popular Myanmar News Journal

အီဘိုလာဗိုင်းရပ်စ် ကာကွယ်ရန် နည်းလမ်းများ


လိုက်ဘေးရီးယားနိုင်ငံ မန်ရိုဗီယာမြို့ ဆေးရုံတွင် အီဘိုလာဗိုင်းရပ်စ်ကူးစက်ခံထားရသော ဝေဒနာရှင်များကို ဆရာဝန်တစ်ဦး ကုသနေစဉ် (Samaritan's Purse/REUTERS)
အနောက်အာဖရိကတွင် အီဘိုလာဗိုင်းရပ်စ်အကြီးကျယ် ဆုံး ပျံ့နှံ့နေသောကြောင့် ယင်းရောဂါပိုး နိုင်ငံတကာသို့ ပျံ့နှံလာနိုင်သည် ဆိုသော စိုးရိမ်မှုများ မြင့်တက်လာခဲ့သည်။
အီဘိုလာဗိုင်းရပ်စ်ကို ကာကွယ်ရန် ကမ္ဘာ့ကျန်းမာရေးအဖွဲ့(WHO) နှင့် အမေရိကန်ရောဂါထိန်းချုပ်ကာကွယ်ရေးဌာန (CDC)တို့၏ လမ်းညွှန်ချက်များကို ဖော်ပြပေးလိုက်သည်။




ရောဂါလက္ခဏာများကို စောင့်ကြည့်ပါ


အီဘိုလာဗိုင်းရပ်စ် ကူးစက်ခံရသည့် ရောဂါလက္ခဏာများတွင် အဖျားတက်ခြင်း၊ ခေါင်းကိုက်ခြင်း၊ အဆစ်အမြစ်၊ ကြွက်သားများ ကိုက်ခဲနာကျင်ခြင်း၊ အားနည်းခြင်း၊ ၀မ်းလျှောခြင်း၊ အော့အန် ခြင်း၊ ဗိုက်နာခြင်း၊ အစာစားချင် စိတ်မရှိခြင်းနှင့် တစ်ခါတစ်ရံတွင် သွေးထွက်ခြင်းတို့ ပါဝင်သည်။
ရောဂါကူးစက်ခံထားရသူ၏ ကိုယ်ခန္ဓာမှထွက်သော အရည်များနှင့် တိုက်ရိုက်ထိတွေ့မိခြင်းကြောင့်(သို့မဟုတ်) ရောဂါကူးစက်ခံရသူအတွက် အသုံးပြုထားသည့် ဆေးထိုးအပ်များကဲ့သို့သော ပစ္စည်းများနှင့် ထိတွေ့မိခြင်းတို့ကြောင့် အီဘိုလာဗိုင်းရပ်စ် ကူးစက်ခံရနိုင်သည်ဟု CDC  ဒုတိယညွှန်ကြားရေးမှူး စတီဖန်မွန်ရိုးက ပြောသည်။
အီဘိုလာဗိုင်းရပ်စ်ရောဂါ ကူးစက်ခံထားရပြီး ရောဂါလက္ခဏာ မပြမီ အခြားသူတစ်ဦးထံ ရောဂါကူးစက်ခြင်း မရှိကြောင်း သိရသည်။

ကိုယ်ခန္ဓာမှ ထွက်သော အရည်များ


အီဘိုလာဗိုင်းရပ်စ်ပိုးသည် ချွဲ၊ သလိပ်၊ နှပ်၊ နှာရည်၊ သုက်၊ တွံတွေး၊ သွားရည်၊ ချွေး၊ အန်ဖတ်၊ မစင် (သို့မဟုတ်) သွေးမှတစ်ဆင့် ကူးစက်နိုင်သည်။
အီဘိုလာဗိုင်းရပ်စ်ကူးစက်ခံရသူ အများစုမှာ ရောဂါ ကူးစက်ခံထားရသည့် ရောဂါလက္ခဏာပြနေသူများကို ပြုစုပေးသူ၊ ၎င်းတို့နှင့်အတူ နေထိုင်သူများဖြစ်ကြောင်း မွန်ရိုးကပြောသည်။
ရောဂါပြန်ကောင်းလာသူများထံမှ ၎င်းတို့၏ သုက်ပိုးမှတစ်ဆင့် ပြန်ကောင်းပြီး သီတင်းခုနစ်ပတ်အထိ အခြားလူတစ်ဦးသို့ ကူးစက်နိုင်သေးကြောင်း WHO က သတိပေးထားသည်။
အီဘိုလာဗိုင်းရပ်စ်ကြောင့် သေဆုံးသူများ၏ အလောင်းကို မထိမိပါစေနှင့်။
ယင်းရောဂါဖြင့် သေဆုံးသူများ၏ အသုဘအတွက် ပြင်ဆင်ပေးစဉ် (သို့မဟုတ်) မြှုပ်နှံစဉ်တွင် ရောဂါပိုးကူးစက်နိုင်သည်။
အီဘိုလာ ဗိုင်းရပ်စ်ကြောင့် သေဆုံးသူများကို သေချာစွာ လုံခြုံစွာမြှုပ်နှံသင့်ကြောင်း  WHO က အကြံပေးထားသည်။


ကျန်းမာရေးလုပ်သားများ လိုက်နာရန်


အီဘိုလာဗိုင်းရပ်စ် ပျံ့နှံ့နေသည့် ဒေသမှ လူနာများနှင့် ရောဂါ လက္ခဏာပြနေသူများကို လူအများနှင့် သီးခြားထားသင့်သည်ဟု CDC  က ပြောသည်။
ကျန်းမာရေးလုပ်သားများအနေဖြင့် ရောဂါကူးစက်မှုကို ကြိုတင်ကာကွယ်ထားသင့်သည်။
မျက်နှာဖုံး၊ လက်အိတ်၊လက်ရှည် ၀တ်စုံတို့ ၀တ်ထားပြီးမှ လူနာများကို ကုသပေးသင့်သည်။
အီဘိုလာဗိုင်းရပ်စ်ကူးစက်ခံရသည့်အချိန်မှ ရောဂါလက္ခဏာပြသည့် အချိန်အထိ အချိန် ၂၁ ရက်ကြာကြောင်း သိရသည်။

အသားစိမ်းများ ရှောင်ပါ


အီဘိုလာဗိုင်းရပ်စ်ကူးစက်ခံထားရသည့် တိရစ္ဆာန်များ၏ သွေး၊ ခန္ဓာကိုယ် အစိတ်အပိုင်းများ (သို့မဟုတ်) ၎င်းတို့၏ ခန္ဓာကိုယ်မှထွက်သော အရည်များနှင့်အနီးကပ်ထိတွေ့ပြီးနောက် လူများရောဂါ ကူးစက်ခံရသည်။
အသီးစားလင်းနို့များမှာ အီဘိုလာဗိုင်းရပ်စ် သဘာဝ လက်ခံကောင်များ ဖြစ်သည်။
ဝက် (သို့မဟုတ်) မျောက်များသို့ အီဘိုလာဗိုင်းရပ်စ် ကူးစက်နေ သည်ဟု သံသယရှိပါက ယင်းနေရာကို ချက်ချင်းပိတ်ထားပြီး ရောဂါ ကူးစက်ခံထားရသည့် တိရစ္ဆာန်များကို သတ်ပစ်ပါ။ အသေကောင်ကို မြေမြှုပ်ရန် (သို့မဟုတ်) မီးရှို့ရန် သေချာစွာလုပ်ဆောင်ပါ။
လူ (သို့မဟုတ်) တိရစ္ဆာန်များအတွက် အီဘိုလာဗိုင်းရပ်စ် ကာကွယ်ဆေးမရှိပါ။

7day daily

လေယာဉ်ကွင်းတွင် မြန်မာတွေလာကြိုတာအရမ်းများ၍ ကမ္ဘာကျော်ကိုရီးယားအဆိုတော် 2NE1 အဖွဲ့ ငိုမလို ဖြစ်ခဲ့



ဇွဲဉာဏ်၊ အိဖြူလွင်
  နိုင်ငံတကာတွင် ထိပ်တန်း ရောက် အောင်မြင်နေပြီး မြန်မာကေပေါ့ပ်ပရိသတ်များ အကြိုက်ဖြစ်သော တောင်ကိုရီးယားကေပေ့ါပ် 2NE1 အဖွဲ့သည် ဇူလိုင် ၃၁ ရက်ညက ရန်ကုန်မြို့သို့ ရောက်ရှိလာသည်။ အခြားအမျိုးသမီးကေပေါ့ပ်အဖွဲ့များကဲ့သို့ အနုအရွအလှအပကို ဦးစားပေးသည့် ပုံစံမှ ခွဲထွက်ကာ တစ်မူထူးခြားသည့် ဖက်ရှင်နှင့် ကွဲပြားသော ဂီတဖန်တီးမှုများကြောင့် နိုင်ငံတကာ ဂီတရေစီးတွင် အောင်မြင်နေသော 2NE1 သည် ယနေ့ညတွင် မြန်မာပရိသတ်များကို Myanmar Event Park တွင် ဖျော်ဖြေတော့မည်ဖြစ်သည်။ ဖော်ရွေပြီး နှစ်လိုဖွယ်အပြုံးများဖြင့် ပြုံးပြတတ်သည့် အဖွဲ့ဝင် CL၊ Minzy၊ Dara၊ Bom တို့ လေးဦးဖြင့် ဖွဲ့စည်းထားသော 2NE1 အဖွဲ့ကို 7Day Daily က သီးသန့်တွေ့ဆုံခွင့်ရခဲ့သည်။ မေးမြန်းသော မေးခွန်းအများစုကိုအဖွဲ့ခေါင်းဆောင် CL က ဖြေကြားပေးခဲ့သည်။

မြန်မာနိုင်ငံကို လာပြီး ဖျော်ဖြေ မယ်ဆိုတော့ 2NE1 အဖွဲ့ရဲ့ ပရိ သတ်တွေ မြန်မာနိုင်ငံမှာ ဘယ် လောက်ရှိမယ်လို့ မျှော်မှန်းထား ခဲ့လဲ။

မြန်မာမှာ ဒီလိုအားပေးတဲ့ ပရိသတ်တွေရှိမယ်ဆိုတာ မသိခဲ့ ဘူး။ ညက လေယာဉ်ကွင်းမှာ လာ ပြီးကြိုတဲ့ပရိသတ်တွေ အရမ်း များတာကြောင့် ငိုမလိုတောင်ဖြစ် မိပါတယ်။

ဒီက ပရိသတ်တွေ အနေနဲ့က 2NE1 မြန်မာပရိသတ်တွေများ တာဆိုတော့ မြန်မာပရိသတ်တွေကို 2NE1 အဖွဲ့အနေနဲ့ ဖျော်ဖြေ ပေးချင်တဲ့ သီချင်းက ဘာများဖြစ် မလဲ။

ပထမဆုံးအကြိမ်လာရောက် ဖျော်ဖြေတာဖြစ်တဲ့အတွက် ပရိ သတ်တွေအားလုံးကလည်း နား ထောင်ချင်မယ်ဆိုရင် သီချင်းအ သစ်တွေ ဖျော်ဖြေပေးချင်တယ်။

မြန်မာနိုင်ငံကိုလာပြီး ဖျော်ဖြေရ မယ်လို့ သိလိုက်ရတဲ့အချိန်မှာ အ ဖွဲ့သားတွေရဲ့ အတွေးထဲကို အ ရင်ရောက်လာတဲ့ အရာက ဘာ များဖြစ်မလဲ။

လေဆိပ်မှာတော့ ပရိသတ် တွေအများကြီး တွေ့ခဲ့ရတယ်။ ဘုရားကို အရင်ဆုံး သွားကြည့် ချင်တယ်။ ပွဲပြီးရင်လည်း သွားဖို့ အစီအစဉ်ရှိပါတယ်။

ရွှေတိဂုံစေတီကို ကိုရီးယားမှာရှိတဲ့အချိန်ကတည်းက သိခဲ့တာလား။

ဘုရားကိုအရင်က ဓာတ်ပုံ တွေထဲမှာ တွေ့ဖူးပါတယ်။ အ ရမ်းကို သပ္ပာယ်ပါတယ်။ အရမ်း လည်းသွားချင်ခဲ့တာဆိုတော့ အ ခွင့်အရေး ရတဲ့အချိန်မှာ သွားပါ မယ်။

မြန်မာပရိသတ်တွေက 2NE1 အ ဖွဲ့ကို ကြိုက်တာက သူများတွေနဲ့ မတူတဲ့ ကွဲပြားနေတဲ့ ဖက်ရှင် ဒီဇိုင်းကြောင့် ကြိုက်ကြတယ်။ ဒီမှာလည်း 2NE1 ရဲ့ဖက်ရှင်တွေကို လိုက်ဝတ်ကြတာဆိုတော့ မြန်မာ ပရိသတ်တွေကို ဖက်ရှင်နဲ့ပတ် သက်ပြီး ဘယ်လိုအကြံပေးချင် လဲ။

အမြဲတမ်း သူများနဲ့မတူ အောင် ၀တ်ဖြစ်တယ်။ ဒီဖျော် ဖြေပွဲမှာလည်း ဒီထက်ဖက်ရှင်ကျ တဲ့ ဒီဇိုင်းတွေကို ပြပေးသွားပါ မယ်။ သူများနဲ့မတူတဲ့ ဒီဇိုင်းတွေ ကို ၀တ်ရတာကလည်း စိတ်ဝင် စားဖို့ ကောင်းပါတယ်။

အဖွဲ့ရဲ့ You are the best, Do youLove Me, Come back home ဆိုတဲ့ သီချင်းတွေကို ဒီက ပရိသတ်တွေက အရမ်းကြိုက်ကြတယ်။ တစ်ဖွဲ့လုံးအနေနဲ့ရော ဘယ်လိုသီချင်းကို အကြိုက်တူကြလဲ။

2NE1 အဖွဲ့ရဲ့ သီချင်းတွေ အများကြီးရှိတာဆိုတော့ တစ်ပုဒ် တည်းကို ရွေးရမယ်ဆိုရင် နည်း နည်းတော့ခက်တယ်။

အခုလို ဆမ်ဆောင်းနဲ့တွဲပြီးတော့ အနုပညာအလုပ်တွေ လုပ်သွားဖို့ ရှိလား။ ဆမ်ဆောင်းနဲ့တွဲပြီး ဘယ် လိုခြေလှမ်းတွေ ဆက်လုပ်ဖို့ ရှိ လဲ။

မြန်မာပြည်မှာ ပထမဆုံး လုပ်တဲ့ ဖျော်ဖြေပွဲမှာ ဆမ်ဆောင်း နဲ့လက်တွဲပြီး လုပ်ရတယ်။ ပရိုမိုး ရှင်းပွဲတွေလည်း လုပ်ရတဲ့အတွက် ဂုဏ်ယူပါတယ်။ နောက်ပိုင်းမှာ လည်း ဆမ်ဆောင်းနဲ့ လက်တွဲပြီး လုပ်ဖို့ အစီအစဉ်တွေလည်းရှိ ပါတယ်။ လုပ်လည်းလုပ်ချင်ပါ တယ်။
ကျေးဇူးတင်ပါတယ်။

7Day Daily


NLD ပါတီဥက္ကဋ္ဌ ဒေါ်အောင်ဆန်းစုကြည် ၂၀၁၅ မှာ ကံဇာတာကောင်းမည်ဟု နိုင်ငံကျော် ဗေဒင်ဆရာပြော



ဒေါ်အောင်ဆန်းစုကြည် လာမည့် ၂၀၁၅ မှ သမ္မတ ဖြစ်နိုင်မဖြစ်နိုင် ဆိုတာ ပြည်သူတွေ
စိတ်ဝင်တစား စောင့်ကြည့်နေကြသလို ဗေဒင်၊ နက္ခတ် ၊ နိုင်ငံရေး ပညာရှင်တွေကလည်း သူတို့ တတ်ကျွမ်းရာ ပညာရပ်တွေနဲ့ သမ္မတ ဖြစ်နိုင် မဖြစ်နိုင်ဆိုတာကို တွက်ချက်လျက်ရှိကြပါတယ်။
ပညာရှင်တွေထဲမှာ နာမည်ကျော်ပညာရှင်များရဲ့ ဒေါ်အောင်ဆန်းစုကြည် သမ္မတ ဖြစ်မဖြစ် ဘယ်လို ဟောကိန်းထုတ်ထားသလဲဆိုတာ ကို မျှဝေလိုက်ပါတယ်။ ပညာရှင်တွေကိုယ်တိုင် တွက်ချက် ဟောကိန်းထုတ်ထားတာမို့ မှန်မမှန်ဆိုတာကိုတော့ လာမဲ့ ၂၀၁၅ ကို စောင့်ကြည့်ရမှာပဲ ဖြစ်ပါတယ်။

"ဒေါ်အောင်ဆန်းစုကြည်ရဲ့ ဇာတာအရ ၂၀၁၄ ဇူလိုင်လမှ ၂၀၁၅ ဇူလိုင်လအထိ အညံ့ပိုင်းကိုရောက်ရှိနေပြီး အတိုက်အခံများမည် ဖြစ်သော်လည်း ၂၀၁၅ ဇူလိုင်မှ ၂၀၁၆ သြဂုတ်လ အတွင်းတွင် ဘဝတစ်လျှောက် ကံဇာတာ အကောင်းဆုံး အခြေအနေတွင် ရှိနေပြီး တိုင်းပြည်အတွက် အရေးကြီးသော နေရာသုံးခု၊ နိုင်ငံတော်သမ္မတ၊ ပြည်သူ့လွှတ်တော် ဥက္ကဋ္ဌ၊ အမျိုးသားလွှတ်တော် ဥက္ကဋ္ဌ နေရာများမှ တစ်ခုကို ဆက်ခံရဖွယ် ရှိပါတယ်။" လို့
နာမည်ကျော် ဗေဒင်ပညာရှင် ဦးဇေယျာကိုက ပြောကြားခဲ့ပါတယ်။

ဦးဇေယျာကို နဲ့ ပတ်သက်လို့ ပြီးခဲ့တဲ့ မလေးရှားလေယာဉ် MH 370 ပျောက်ဆုံးခဲ့တုန်းက လေယာဉ်ပေါ်က လူတွေ အသက်ရှင်ပါသေးတယ်။ တွင်းနက်ထဲ ရောက်နေတာပါလို့ ဟောကိန်းတစ်ခုလည်း
လူမှုကွန်ယက်အပေါ် ပျံ့နှံ့ခဲ့ဖူးပြီး ၎င်းကမူ ထိုသို့ မပြောခဲ့ကြောင်း ငြင်းဆိုခဲ့သလို သတင်းမှာလည်း
အတုဖြစ်ကြောင်း ဖြေရှင်းမှုတွေ ထွက်လာခဲ့ဖူးပါတယ်။

ဦးဇေယျာကို ဟောထားတဲ့အတိုင်း ဒေါ်အောင်ဆန်းစုကြည် အနေနဲ့ သမ္မတနေရာကတော့ လက်ရှိ အခြေခံဥပဒေ ပုဒ်မ ၅၉(စ) အရ မရနိုင်ပေမဲ့ ကျန်တဲ့နေရာတွေ ဆက်ခံရနိုင်မလားဆိုတာကတော့ စောင့်ကြည့်ရမှာ ဖြစ်ပါတယ်။

ဒေါ်အောင်ဆန်းစုကြည်နဲ့ ပတ်သက်ပြီး နောက်ပြောဆိုမှု တစ်ခုက

"အတိုက်အခံခေါင်းဆောင် ဒေါ်အောင်ဆန်းစုကြည် အနေနှင့် မြန်မာပြည်တွင် သမ္မတ မဖြစ်နိုင်ကြောင်း၊ ဒေါ်အောင်ဆန်းစုကြည်တွင် မင်းဖြစ်နိုင်သော အခြေခံ အကြောင်းအရာများနှင့် ပင်ကိုဘုန်းကံများ မပါကြောင်း၊ မီဒီယာနှင့် နိုင်ငံတကာမှ အားပေး ထောက်ခံမှု အားများကြောင့်သာ ယခု အခြေအနေထိ ရောက်ရှိလာခြင်း ဖြစ်ပြီး ယင်းထောက်ခံမှုရှိရုံဖြင့် သမ္မတ မဖြစ်နိုင်ကြောင်း၊ အကယ်၍ သမ္မတ ဖြစ်ခဲ့လျှင်လည်း တိုင်းပြည်ကို နိုင်နင်းစွာ ကိုင်တွယ်နိုင်မည် မဟုတ်ကြောင်း၊ ထိုင်းဝန်ကြီးချုပ် ယင်းလပ်ကဲ့သို့ ဇာတ်သိမ်းမလှ ဖြစ်သွားနိုင်ကြောင်း " ဘဲလားလေဘာတီ (Astro-Political Scientist) က ဆိုပါတယ်။

ဘဲလားလေဘာတီ ပြောသလို မင်းဖြစ်နိုင်သော အခြေခံ အကြောင်းအရာများနှင့် ပင်ကိုဘုန်းကံများ ပါမပါဆိုတာ လူတိုင်းမသိနိုင်ပေမဲ့ မီဒီယာနဲ့ နိုင်ငံတကာမှ အားပေး ထောက်ခံမှု အားများကြောင့်သာ ယခုလို အခြေအနေအထိ ရောက်လာတယ်ဆိုတာ မှန်ပါတယ်။
နောက်တစ်ခုကတော့ ဗိုလ်ချုပ်အောင်ဆန်းသမီးဆိုတဲ့ ဂုဏ်ပုဒ်ဟာလည်းပဲ လူသိများထင်ရှားစေခြင်းအတွက် အချက်တစ်ခု ဖြစ်နိုင်ပါတယ်။ အကယ်၍ သမ္မတ ဖြစ်ခဲ့လျှင်လည်း တိုင်းပြည်ကို နိုင်နင်းစွာ ကိုင်တွယ်နိုင်မည် မဟုတ်ဘူးလို့ ဘဲလားလေဘာတီ ပြောခဲ့တာကလည်း
ဖြစ်နိုင်ချေရှိတယ်လို့ ဆိုရမှာပါ။ ဘာကြောင့်လဲဆိုတော့ လက်ပံတောင်း ကြေးနီစီမံကိန်းနဲ့ ပတ်သက်ပြီး
ဒေါ်အောင်ဆန်းစုကြည်အနေနဲ့ ကော်မရှင်ဥက္ကဋ္ဌလုပ်ပြီး စုံစမ်းရာမှာ ဒေသခံတွေနဲ့ အကြီးအကျယ်
ပြဿနာတက်ခဲ့ပြီး ဆန္ဒပြမှုတွေနဲ့ ကြုံခဲ့ရပါတယ်။ ဒေသတစ်ခုလေးရဲ့ အရေးကိစ္စအပေါ် ဖြေရှင်းနိုင်မှုဟာ
မပြေမလည် ဖြစ်နေရင် တစ်တိုင်းပြည်လုံးအတွက် ဆို နိုင်နင်းပါ့မလားဆိုတာဟာလည်းပဲ တွေးစရာ တစ်ခုဖြစ်ပါလိမ့်မယ်။

ဘယ်လိုပဲဖြစ်ဖြစ် ဘယ်သူဟောကိန်းက မှန်သလဲ။ ဘာတွေ ဆက်ဖြစ်လာမလဲဆိုတာ လာမဲ့ ၂၀၁၅ မှာ
စောင့်ကြည့်ရမှာပဲ ဖြစ်ပါတယ်။

အောင်ခင်ငြိမ်း

New Myanmar Pyi

မြန်မာလုပ်သား ၂၀ ကျော် ထိုင်းတွင်လစာမရ၍ သစ်ရွက်ပြုတ်စားနေရသည်ဆိုသော သတင်းကို အေဂျင်စီနှင့် လုပ်သားများ ပြန်ရှင်း


ထိုင်းနိုင်ငံရောက် မြန် မာအလုပ်သမား ၂၀ ကျော် လုပ် ခလစာမရ၍ သစ်ရွက်များ ပြုတ် စားနေသည်ဟု အင်တာနက် ၀က်ဘ်ဆိုက်များတွင် ပျံ့နှံ့ခဲ့သည့် သတင်းမှာ မှန်ကန်မှုမရှိကြောင်း အဆိုပါ အလုပ်သမားများနှင့် ပို့ဆောင်ခဲ့သည့် အေဂျင်စီတို့မှ တာဝန်ရှိသူများက ပြောသည်။

ပြီးခဲ့သည့် တစ်နှစ်ခန့်က ထိုင်းနိုင်ငံတောင်ပိုင်းရှိ ဆောက် လုပ်ရေးကုမ္ပဏီသို့ တရားဝင်စေ လွှတ်ခဲ့သော အလုပ်သမား ၂၆ ဦးသည် အလုပ်ရှင်က လစာမပေး သောကြောင့် စားစရာမရှိ၍ ဟင်း သီးဟင်းရွက်များ ပြုတ်စားနေရ ပြီး အစိုးရ ပိတ်ပင်ထားသည့် မွတ်စလင်သောင်းကျန်းသူများရှိသော နေရာများတွင် အလုပ်လုပ်ကိုင်နေရကာ အေးဂျင့်များက ၀န်ဆောင်ခနှုန်းထားကို သတ်မှတ်နှုန်းထားထက် ပိုမိုကောက်ခံပြီး ပတ်စ်ပို့စာအုပ်များ ကိုင်ဆောင်ခွင့်မရကြောင်း စသည်ဖြင့် အင်တာနက် ၀က်ဘ်ဆိုက်များတွင် မမှန်မကန်ဖော်ပြခဲ့ပြီး ဇူလိုင် ၁၈ ရက်ထုတ် မြန်မာ့အလင်းသတင်းစာကလည်း ဖော်ပြခဲ့သည်။

အဆိုပါ သတင်းများမှာ မှန် ကန်မှုမရှိဘဲ သတင်းအမှားသာ ဖြစ်ကြောင်း ပို့ဆောင်ခဲ့သည့် ရေရွှည်ဖြိုးအောင်အေဂျင်စီနှင့် ယင်းအလုပ်သမား ၂၀ ခန့်က သြ ဂုတ်လ ၁ ရက်က ရန်ကုန်မြို့ရှိ ယုဇနဟိုတယ်တွင် သတင်းစာ ရှင်းလင်းပွဲ ပြုလုပ်ခဲ့သည်။

‘‘ငြင်းတာမဟုတ်ပါဘူး။ သ တင်းအမှန်ကို ချပြတာပါ။ နောက် ကျွန်တော်တို့သာ ဆက်သွယ် ရင် ချက်ချင်းဖြေရှင်းပေးမှာပါ’’ ဟု ရွှေရည်ဖြိုးအောင် ကုမ္ပဏီ ဒါ ရိုက်တာ ဦးမိုးကျော်က ပြောကြားသည်။

ဖြစ်စဉ်မှာ အဆိုပါ ထိုင်း တောင်ပိုင်းစတုံမြို့သည် အစိုးရ လုပ်သားစေလွှတ်ခွင့်ပြုထား ပြီး လုပ်ခလစာ မရရှိခြင်းမှာ နိုင်ငံ ရေးအခြေအနေကြောင့် လစာ ပေးရန် နောက်ကျခဲ့ခြင်းသာ ဖြစ် ပြီး သစ်ရွက်များ ပြုတ်စားနေရ သည်မှာ အလုပ်သမားများ အနေဖြင့် ခြိုးခြံချွေတာခြင်းသာဖြစ် ကြောင်း ၎င်းတို့က ပြန်လည်ချေပခဲ့သည်။

‘‘ကျွန်တော်တို့က ဟိုမှာဆို လက်ထဲမှာ ပိုက်ဆံသိပ်မထား ဘူး။ စုမိတာနဲ့ အိမ်ကိုပို့တယ်။ ဒါပေမဲ့ ဒီလမှာ ကျွန်တော့်အလုပ် ရှင်က လစာပေးဖို့ နောက်ကျ တော့ ကျွန်တော်တို့ ပိုက်ဆံမရှိ လို့ ဟင်းရွက်တွေ သုပ်စားတာပါ။ ကျွန်တော်တို့ လစာမရသေးတာ။ ကိုယ်စားလှယ်ကို ပြောတယ်။ သူ က အေးဂျင့်ကိုပြောတော့ မသိခဲ့ တာ’’ ဟု မကွေးတိုင်းတွင်နေထိုင် သော အလုပ်သမား ကိုဟန်အေး  ကပြောသည်။

ထို့အပြင် အဆိုပါ လုပ်သား များ ကြုံတွေ့နေသည့်ဖြစ်စဉ်ကို ထိုင်းရှိ မြန်မာအဖွဲ့အစည်းတစ်ခု က ဖုန်းဖြင့် ဆက်သွယ်မေးမြန်းခဲ့ ပြီးနောက် အရွက်များ သုပ်နေ သည်ကို ပြုတ်စားနေရသည်ဟု ဆို၍ လူမှုကွန်ရက် ဖေ့စ်ဘွတ်ခ် စာမျက်နှာတွင် စတင်ဖော်ပြခဲ့ခြင်း ဖြစ်သည်။ ယင်းဖေ့စ်ဘွတ်ခ်စာ မျက်နှာ အမည်မှာ ရွှေလုပ်သား၊ သစ်ထူးလွင်နှင့် ရွှေမြန်မာဝက်ဘ် ဆိုက်တို့တွင် ဖော်ပြခဲ့ခြင်းဖြစ် သည်။

‘‘အဲဒီအဖွဲ့အစည်းက တစ် ဖက်နိုင်ငံမှာ ဖြစ်နေတဲ့အတွက် သွားအရေးယူလို့  မရပါဘူး။ ကျွန်တော်တို့က ထိုင်းက အဖွဲ့အ စည်းတွေ အားလုံးကို ဖိတ်ခေါ် တယ်။ မတူတာဖယ်ပြီး တူရာ ပူး ပေါင်းဆောင်ရွက်မယ်။ ဦးတည် ချက်ချင်းတူပါတယ်။ အလုပ်သ မား ကာကွယ်စောင့်ရှောက်ဖို့ပါပဲ။ သူတို့ကို အရေးယူဖို့ဆိုတာ သက်ဆိုင်ရာ နိုင်ငံအစိုးရကိုပဲ အရေးယူလို့ရတာပါ’’ ဟု ပြည်ပအလုပ်အကိုင် အေဂျင်စီအသင်းချုပ် ဥက္ကဋ္ဌ ဦးမင်းလှိုင်က ပြောသည်။

လက်ရှိ အဆိုပါ လုပ်သား များသည် လုပ်ခလစာ ၁၅ ရက် စာ ရရှိထားပြီး ကျန် ၁၅ ရက် လုပ်ခလစာကို သြဂုတ်လ ၂ ရက် တွင် အပြီးရရှိမည်ဖြစ်ကြောင်း သိရသည်။ ယင်းအလုပ်သမား များသည် တစ်ရက်လျှင် ဘတ် ၃၀၀ ဖြင့် လုပ်ခလစာ ရရှိကြ ကြောင်း သတင်းရရှိသည်။

7day daily

လေးပွင့်ဆိုင်တွေ့ဆုံရေး အဓိက ကျကြောင်း ဒေါ်အောင်ဆန်း စုကြည်ပြော



အမျိုးသား ပြန်လည်ရင်ကြားစေ့ရေး အတွက် လေးပွင့်ဆိုင် တွေ့ဆုံဆွေးနွေးရေးဟာ အဓိကကျကြောင်း အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က ဒီနေ့ သတင်းထောက်တွေကို ပြောကြားခဲ့ပါတယ်။

ဒီကနေ့ ပြည်ထောင်စုလွှတ်တော် အစည်းအဝေးအပြီး လွှတ်တော်ဝင်းအတွင်းမှာရှိတဲ့ တရားဥပဒေ စိုးမိုးရေးနဲ့ တည်ငြိမ်အေးချမ်းရေး ကော်မတီအဆောင်မှာ သတင်းထောက်တွေနဲ့ တွေ့ဆုံစဉ် ဒေါ်အောင်ဆန်း စုကြည်က ပြောကြားခဲ့တာဖြစ်ပါတယ်။

"ဒီလေးပွင့်ဆိုင် ဆိုတာ လေးယောက်ထိုင်ပြီးတော့ စကားပြောတာ ပြီးတော့ ထမင်းစားချင်လို့ ဘာလို့ မဟုတ်ဘူး၊ နိုင်ငံတစ်နိုင်ငံရဲ့ ပြဿနာတွေကို နောက်ဆုံး ကျတော့ ဘယ်လိုဘက်ကနေ လှည့်ပတ်ကွေ့ကောက် ပြီး ပြောပြော၊ မညှိနှိုင်းပဲနဲ့ ဘယ်တော့မှ သဘော တူညီချက်မရဘူး၊ အဲဒီလို ဆွေးနွေးညှိနှိုင်းတိုင်ပင် ပြီးတော့ရတဲ့ သဘောတူညီချက်အရသာ နိုင်ငံတစ်နိုင်ငံမှာ တကယ့် ပြန်လည်ရင်ကြားစေ့ရေးနဲ့ တကယ့် ပဋိပက္ခများ ပြေငြိမ်းရေးကို လုပ်နိုင်မယ်၊ ဒါဟာ အတွေ့အကြုံအရ ပြောနေတာ၊ စိတ်ကူးယဉ်ပြီးပြောနေတာ မဟုတ်ဘူး"

ဒါ့အပြင် ရွေးကောက်ပွဲစနစ်ကို ပြောင်းလဲကျင့်သုံးဖို့ဆိုရင် ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်ဖို့ လိုအပ်ကြောင်း ပြောပါတယ်။

ဒေါ်အောင်ဆန်းစုကြည်ရဲ့ သတင်းစာရှင်းလင်းပွဲအကြောင်း RFA သတင်းထောက် ကိုကျော်သူ တင်ပြထားတာ နားဆင်နိုင်ပါတယ်။

RFA

ဝန်ကြီးသစ်နှစ်ဦး ခန့်အပ်ရေး လွှတ်တော် အတည်ပြု



လစ်လပ်နေတဲ့ ပြန်ကြားရေးဝန်ကြီးဌာနအတွက် ဒုတိယ၀န်ကြီး ဦးရဲထွဋ်နဲ့ ကျန်းမာရေးဝန်ကြီးဌာန အတွက် ဒုတိယ၀န်ကြီး ဒေါက်တာသန်းအောင် တို့ကို ပြည်ထောင်စုဝန်ကြီးတွေအဖြစ် ပြည်ထောင်စု လွှတ်တော်က ဒီနေ့ အတည်ပြုလိုက်ပါတယ်။

ပြည်ထောင်စုလွှတ်တော်မှာ နာယက သူရဦးရွှေမန်းက အခုလိုကြေညာခဲ့ပါတယ်။

"လစ်လပ်နေတဲ့ ပြန်ကြားရေးဝန်ကြီးဌာန ပြည်ထောင် စုဝန်ကြီး ရာထူးနေရာတွင် ယင်းဌာန၏ ဒုတိယဝန်ကြီး ဦးရဲထွဋ်နှင့် ကျန်းမာရေးဝန်ကြီးဌာန  ပြည်ထောင်စု ဝန်ကြီး ရာထူးနေရာတွင် ယင်းဌာန၏ ဒုတိယ ဝန်ကြီး ဒေါက်တာ သန်းအောင်တို့ကို ခန့်အပ် တာဝန်ပေးခြင်းကိစ္စနဲ့ စပ်လျဉ်းပြီး နောက်ဆုံး သတ်မှတ်ချိန်အထိ ကန့်ကွက်ချက် တစုံတရာမရှိတဲ့ အတွက် ပြန်ကြားရေးဝန်ကြီးဌာန ပြည်ထောင်စုဝန်ကြီးအဖြစ် ဦးရဲထွဋ် အား၎င်း၊ ကျန်းမာရေးဝန်ကြီး ဌာန  ပြည်ထောင်စုဝန်ကြီးအဖြစ် ဒေါက်တာ သန်းအောင် တို့အား၎င်း ခန့်အပ်တာဝန်ပေးရန် လွှတ်တော်က သဘောတူကြောင်း ကြေညာပါတယ်"

နိုင်ငံတော်သမ္မတ ဦးသိန်းစိန်က ပြန်ကြားရေးဝန်ကြီး ဦးအောင်ကြည်နဲ့ ကျန်းမာရေးဝန်ကြီး ဒေါက်တာဖေသက်ခင် တို့ကို ရာထူးကနေ နှုတ်ထွက်ခွင့်ပြုလိုက်ကြောင်း ပြီးခဲ့တဲ့ ၃ ရက်က နိုင်ငံပိုင်မီဒီယာတွေကနေ ကြေညာခဲ့ပြီး ဒုတိယ၀န်ကြီးတွေဖြစ်တဲ့ ဦးရဲထွဋ်နဲ့ ဒေါက်တာ သန်းအောင်တို့ကို အစားထိုးခန့်အပ်ပေးဖို့ ပြည်ထောင်စုလွှတ်တော် ထံ အဆိုပြုတင်ပြခဲ့တာ ဖြစ်ပါတယ်။

RFA Burmese

အတိုးနှုန်းသက်သာသော နိုင်ငံများမှ မကြာမီ ငွေချေးယူနိုင်တော့မည်



 မြန်မာနိုင်ငံက ဥရောပ သမဂ္ဂနိုင်ငံများ အပါအ၀င် အတိုး နှုန်းသက်သာသော နိုင်ငံများမှ ချေးငွေများကို မကြာမီ ချေးယူ နိုင်တော့မည်ဖြစ်ကြောင်း နိုင်ငံ တော်သမ္မတ၏ စီးပွားရေး အကြံ ပေးအဖွဲ့ဝင် ဒေါက်တာဇော်ဦးက ပြောကြားသည်။

‘‘နိုင်ငံတကာ ငွေကြေးရန်ပုံငွေ အဖွဲ့က စောင့်ကြည့်တာ တစ်နှစ်ပြည့်သွားပြီ။ မကြာခင်မှာ အတိုးနှုန်း သက်သာတဲ့ ချေးငွေ တွေ ချေးနိုင်တော့မှာပါ’’ ဟု အ ထက်ပါပုဂ္ဂိုလ်က ဆက်လက်ပြောကြားသည်။

မြန်မာနိုင်ငံကို ချေးငွေပေး ရန် ပါရီကလပ်က အကြွေးငွေ လျော်ပြီးသည့်အချိန်မှစ၍ ဆွေးနွေးခဲ့ပြီးနောက် ချေးငွေများပေးရန် ထပ်မံစောင့်ကြည့်လေ့လာခဲ့သည်။ မြန်မာနိုင်ငံ၏ နိုင်ငံရေး အပြောင်းအလဲဖြစ်စဉ်သည်ရေရှည်ခိုင်မာမှု ရှိနိုင်မည်ဟု သုံးသပ်ချက်များ၊  မြန်မာနိုင်ငံ၏ စီးပွားရေး ပြုပြင်ပြောင်းလဲမှုများ ကြောင့် နိုင်ငံတကာ ငွေကြေးရန်ပုံငွေအဖွဲ့က မြန်မာနိုင်ငံကို ငွေချေးနိုင်သော နိုင်ငံအဖြစ် သတ်မှတ်ခဲ့သည်။

ဥရောပသမဂ္ဂနိုင်ငံများ အပါအ၀င် နိုင်ငံတကာမှ ချေးငွေ များကို မကြာမီ ချေးယူနိုင်မည်ဖြစ်သည်။ သို့သော် အစိုးရသည် တရုတ်နိုင်ငံမှ ချေးငွေများကိုသာ အတိုးနှုန်းပိုများသော်လည်း ချေးယူနေသည်။

တရုတ်နိုင်ငံမှ ချေးငွေများရယူနေမှုသည် ၀န်ကြီးဌာန တစ်ခုချင်းစီမှ ချေးယူသည့် ပုံစံဖြစ်သည်။ ပါရီကလပ်မှ လက်ကျန်အကြွေးများ ရှင်းပြီးသော်လည်း မြန်မာနိုင်ငံမှ ပေးဆပ်ရန် အကြွေးမှာ အမေရိကန်ဒေါ်လာ ခြောက်ဘီလီယံခန့်ရှိကြောင်း  သိရသည်။

အစိုးရသစ်လက်ထက်တွင် တရုတ်နိုင်ငံမှ ချေးငွေရယူသုံးစွဲ နေသော ၀န်ကြီးဌာနများ၌ သမ၀ါယမ၀န်ကြီးဌာနမှာ အများဆုံးဖြစ်ပြီး လက်ရှိအချိန်တွင် တရုတ်နိုင်ငံ ပို့ကုန်သွင်းကုန်ဘဏ် (Ex−am Bank) မှ ချေးငွေ အမေရိကန်ဒေါ်လာသန်းတစ်ရာ ရယူထားသည်။ ထို့အပြင် သမ၀ါယမ ၀န်ကြီးဌာနက ယင်းတရုတ်ဘဏ်မှပင် အမေရိကန်ဒေါ်လာ သန်းခုနစ်ရာ ချေးယူရန် ကြိုးပမ်းနေသည်။

အစိုးရ၀န်ကြီးဌာနများ အ နေဖြင့် ပြည်ပ  ချေးငွေများကို ရယူသုံးစွဲရာတွင် လွှတ်တော်၏ သဘောတူညီမှုကို ရယူပြီးမှသာ ချေးယူနိုင်သည်။ လက်ရှိအချိန် တွင် တရုတ်နိုင်ငံမှ ချေးငွေရယူ သုံးစွဲမှုကို ၀န်ကြီးဌာနများအနေ ဖြင့် ပွင့်လင်းမြင်သာစွာ ထုတ်ပြန်ခြင်း မရှိသဖြင့် ပမာဏ မည်မျှရယူထားသည်ကို အတိအကျမသိရကြောင်း လူမှုအခြေပြုအဖွဲ့အစည်းအချို့က ဝေဖန်နေကြသည်။ ကမ္ဘာ့ဘဏ်နှင့် အာရှဖွံ့ဖြိုး ရေး ဘဏ်တို့မှ အကြွေးများ၊ဂျပန်နိုင်ငံမှ ချေးငွေများ၊ ပါရီကလပ်အဖွဲ့ဝင် နိုင်ငံများမှ အကြွေးများကို ပြန်ဆပ်ခြင်း၊ စာရင်းရှင်းလင်းခြင်းများ ပြုလုပ်ကာထုတ်ပြန်သော်လည်း တရုတ်နိုင်ငံမှ အကြွေးများနှင့် ပတ်သက်၍ သတင်းထုတ်ပြန်လေ့မရှိပေ။

7day daily

မြင်သမျှ ကြားသမျှ



ဘီလျံနာတဲ့လား

အခုတလော ထွက်ပေါ်နေတဲ့ သတင်းကလည်း အံ့သြစရာပါပဲ။

နှစ်ရှည်ထောင်ဒဏ်ကျပြီး ပြန် လွတ်လာတဲ့ အာဏာရှင်တစ်ဦးရဲ့ မြေး က ဘဏ်တစ်ခုထဲက ရှယ်ယာအများဆုံး ကို ဝယ်ယူလိုက်တယ် ဆိုတာပါပဲ။

ဘယ်အချိန်မှာ ဘာစီးပွားရေး တွေ လုပ်ပြီး ဘာတွေ ဘယ်လိုပိုင်ပြီး ဘယ်လောက် ချမ်းသာနေတယ်ဆိုတာ  ကတော့ စဉ်းစားစရာပါပဲ။

ထောင်က ပြန်ထွက်လာပြီး ဘယ် လောက်မှ မကြာခင်မှာ ဒေါ်လာ ဘီလျံ နဲ့ချီပြီး ဘဏ်လုပ်ငန်းကို ထည့်ဝင်တယ် ဆိုတာ ကတော့ ဘယ်လိုနားလည်ရ မှန်းကို မသိေ လာက်အောင်ပါပဲ။ မျိုးရိုး စဉ်ဆက်ကပဲ ပိုချမ်းသာလို့လား။ ဒါမှ မဟုတ် ရွှေအိုးကြီးပဲတူးမိတာလား ဆို တာ ပြောမပြတတ်တော့အောင်ပါပဲ။

ကျွန်တော် ရေးဖူးပါတယ်။ သူတို့ တွေဟာ မျိုးရိုးစဉ်ဆက် ချမ်းသာတာ၊ ဒါမှမဟုတ် ရတနာသိုက် တူးမိတာမှ မဟုတ်ရင် ဒီလောက်များတဲ့ ငွေကြေးဆို တာ ဘယ်လို နည်းနဲ့မှကို မရနိုင်ပါဘူး။

ဆိုပါတော့ဗျာ။ စစ်ဗိုလ်ချုပ်ရဲ့လစာ က ဘယ်လောက်များ ရှိတာတုန်း။ ရတဲ့ လခကို ဘာမှမစားမသုံးနဲ့ဦး။ တစ်သက် တာလုံးစု၊ ပြီးရင် သားသမီးတွေကို အဲဒီ အမွေပေး ဦး၊ အဲဒီအမွေအားလုံးနဲ့ လက်ဖက်ရည်ဆိုင်ကြီးကြီး တစ်ဆိုင် တောင် ဖွင့်နိုင်မှာမဟုတ်ပါဘူး။

အဲဒီ လက်ဖက်ရည်ဆိုင်တောင်  ကောင်းကောင်း မဖွင့်နိုင်တဲ့သူရဲ့ သား သမီးတစ်လှေကြီးကို အမွေပြန်ခွဲရင်၊ ကွမ်းယာဆိုင် ဖွင့်ရင်တောင် ပစ္စည်းစုံ အောင် တင်နိုင်မှာ မဟုတ်ပါဘူး။ ကွမ်း ယာဆိုင်ဖွင့်ရုံမျှနဲ့တော့ ဒေါ်လာဘီလျံချီ ချမ်းသာလာမှာလည်းမဟုတ်ပါဘူး။

အခုဟာက အလုပ်ဆိုလို့ ကွမ်း ယာဆိုင်တောင် ဖွင့်သံ မကြားဖူးတဲ့ သူ တွေက ဘဏ်ဖွင့်မယ်ဆိုတော့ စဉ်းစား သာကြည့်။ ဘယ်ကရခဲ့တဲ့ ငွေကြေး တွေလဲ။ ဒါဟာ   ထောင်နှစ်ရှည်ကျပြီး ဟိုးလွန်ခဲ့တဲ့ နှစ်ပေါင်း သုံးဆယ်နီးပါးကအာဏာရှိခဲ့တဲ့လူတစ်ယောက်ရဲ့ မြေး ပိုင်ဆိုင်မှု တစ်ခုပါပဲ။

ကဲ..ဒါဆို ထောင်မကျသေးတဲ့ အာဏာရှိ လူအများရဲ့ သားတွေ မြေး တွေပါ ပေါင်းလိုက်ရင် သူတို့တွေ လက် ထဲက ပိုင်ဆိုင်မှုက ဘယ်လောက်တောင် ဖြစ်နေမလဲ။

ဒါတွေ ဘယ်ကရထားကြတာလဲ။

မြန်မာပြည်ကြီး ဆင်းရဲမွဲတေပြီး ဟိုလူ့ဆီက ပိုက်ဆံချေး၊ ဒီလူ့ဆီက ပိုက် ဆံချေးနဲ့ လုပ်နေရတဲ့အချိန်မှာ ကွက်ပြီး ချမ်းသာနေတဲ့သူတွေ ဘယ်လောက် တောင်များနေ သလဲ။

တွေးလိုက်မိတိုင်း မမျှတမှုတွေကို  နာကြည်းနေရုံမှတစ်ပါး ဘာများ တတ် နိုင်ကြမှာလဲ။

သိပ်လည်း မပြောရဲပါဘူး။ နိုင်ငံ တော်လျှို့ဝှက်ချက် ပေါက်ကြားလို့ဆို ပြီး လာဖမ်းနေရင် ဒုက္ခ။

မမျှတမှုတွေ

ရဲတစ်ယောက်က မိန်းကလေး တစ်ယောက်ကို မုဒိမ်းကျင့်မှုနဲ့ထောင်ဒဏ် လေးနှစ် ချမှတ်လိုက်တယ်ဆိုတဲ့ သတင်း ကိုလည်း ကြားရပြန်ပါတယ်။

အမှန်တော့ ပြည်သူတွေကို အကာ အကွယ်ပြုဖို့ တာဝန်ယူထား ဥပဒေတွေ သင်ထားပြီး ပြည်သူတွေက လစာပေး ထားရတဲ့ ပြည်သူ့ရဲတစ်ယောက်က ဒီလို ပြစ်မှုမျိုး ကျူးလွန်တာ လွန်လွန်းလှပါ တယ်။ ပြစ်ဒဏ်လည်း ကျထိုက်ပါတယ်။ ဒါပေမဲ့သတင်းတစ်ပုဒ်ကြောင့် ထောင် ဒဏ်ဆယ်နှစ်ကျခံရတဲ့ မီဒီယာသမား နဲ့စာရင် နည်း နည်းလေးပါ။

ဒီထက်ပိုဆိုးတာက မုဒိမ်းမှု ကျူး လွန်တာကို ဝင်ကယ်ခဲ့တဲ့သူတွေကို ရဲ က တရားပြန်စွဲပြီး ထောင်ထဲမှာ ဆယ် လကျော်နေပြီးမှ အပြစ်မရှိကြောင်း အမိန့်ချပြီး ပြန် လွှတ်ပေးလိုက်သတဲ့။

ကဲဗျာ။ အပြစ်ရှိသူကို လေးနှစ်၊ အပြစ်မရှိသူက ဆယ်လဗျာ။ ဒါ့အပြင် အဓမ္မပြုကျင့်စဉ် ရှိနေတယ်လို့ ယူဆရတဲ့ အခြားရဲဝန်ထမ်းနှစ်ဦးကို ထောင်ဒဏ် ခြောက်လစီချ မှတ်သတဲ့။ ကဲ ပြန်စဉ်းစား ကြည့်ပါဗျာ။ ဝင်ကယ်သူက ဆယ်လ၊ အလိုတူ အလိုပါက ခြောက်လဗျာ။

ဘယ်လိုမှကို စဉ်းစားလို့ မရတော့ ပါဘူးဗျာ။ ကျွန်တော်တို့ဆီမှာ ရှိတဲ့ တရားဥပဒေဆိုတာ ဘာလဲဗျာ။ ကဲ.. သိရင် ပြောကြပါဦး။

ဘယ်သူက ဒီလိုထင်သလို ဥပဒေ ချမှတ်ရအောင် တရားဥပဒေ ဘယ်သူ ကများ စိုးမိုးထားတာလဲ ခင်ဗျာ။

ဆက်စပ်ပြီး ပြောပါရစေ…

ဒီကြားထဲ လွှတ်တော် နာယက ကနေပြီး မီဒီယာကိစ္စကို သမ္မတရုံးကို တင်သွင်းရာမှာ ဒီကိစ္စတွေဟာ တရား ရေးမဏ္ဍိုင်နဲ့ပဲဆိုင်ပြီး အုပ်ချုပ်ရေးမဏ္ဍိုင် နဲ့ မသက်ဆိုင်ဘူး ဆိုတာကြောင့်လည်း ဘယ်လို စဉ်းစားရမှန်းမသိ ဖြစ်ရပြန်ပါ တယ်။

အစက ပြောခဲ့တာက မဏ္ဍိုင်ကြီး လေးရပ် ဒေါက်တိုင်သဖွယ် အမှီသဟဲ ပြုရမယ်လို့ဆိုခဲ့ပြီး အခုကျမှ ဒီဒေါက် တိုင်တွေ တို့နဲ့မဆိုင်ဘူး ဆိုလာပြန်တော့ နေတတ် လိုက်၊ ပြောတတ်လိုက်တာလို့ပဲ ဆိုရမလားပဲ ခင်ဗျာ။

ဒီဒေါက်တိုင်တွေ အချင်းချင်း ညီ ညွတ်မှ နိုင်ငံတစ်နိုင်ငံ တိုးတက်မယ်လုိ့  တရားဝင်ဆိုခဲ့ပြီး အခုလိုဖြစ်မှ ချက်ချင်း သူစိမ်းဆန်လိုက်တာကတော့ ရုပ်ရှင် ထဲမှာလို အက်ဆီးဒင့်ဖြစ်ပြီး ခေါင်းကို ထိ၊ ချက်ချင်းများ အတိတ်မေ့သွား တာလားလို့တောင်ထင်လိုက်မိပါတယ်။ နောက်ထပ် စဉ်းစားမိတာက ဒီဒေါက် တိုင်တွေကမှ မညီညွတ် ရင်ကျန်တာတွေ ညီညွတ်ဖို့ဆိုတာ ပြောမနေပါနဲ့တော့ ဗျာ။

ဒီထက် ပြောစရာကတော့

ဒီလို ထောင့်လေးထောင့်က ပြော စရာ ရှိနေရတဲ့ကြားထဲ အသိရခက် လှတဲ့ တရားစီရင်ရေး မဏ္ဍိုင်က လုပ် သမျှကို ဘယ်သူ့ကိုမှ သိခွင့်မပေးတာ လည်း အံ့သြစရာပါပဲ။

တစ်နိုင်ငံလုံး စိတ်ဝင်စားကြတဲ့ တရားစီရင်မှုတွေမှာ တရားရုံးတွေက သတင်းထောက်တွေ၊ စတုတ္ထမဏ္ဍိုင် တွေ ဝင်ပြီး သတင်းယူဖို့ မပြောပါနဲ့။ တရားခံရဲ့ မိသားစုတွေ ကိုတောင် ပေး မတွေ့ဘူးဆိုတာကြောင့် တရားကို တံ ခါးပိတ်ပြီး စီရင်တာလားလို့တောင် ပြောရမလိုပါပဲ။

အများပြော၊ အမြဲပြောနေကြတဲ့ ပွင့်လင်းမြင်သာမှုဆိုတာ တရားစီရင် ရေးမဏ္ဍိုင်မှာ မရှိဘူးလားလို့ စဉ်းစားမိ ပြန်ပါတယ်။

တရားစီရင်တာဗျာ။ ဘယ်သူမဆို ကြားချင်နာချင်ကြမှာပဲ။ ဒါကို မိဘ အသိုင်းအဝိုင်းကတောင် နားမထောင် ရဘူးဆိုတော့ အမှန်တရားဆိုတာ ဘယ် သူတွေက သိနိုင်ေ တာ့မှာလဲ။

ဒါကို ပွင့်လင်းမြင်သာမှု ဆိုရင် ဘယ်လို စကားမျိုးနဲ့ ပြောရမှာလဲ။ အံ့ သြစရာတော့ အကောင်းသား။

ဒီကြားထဲ မိုးသည်းထန်နေမှ ဓာတ်ကြိုးတွေလည်း အတော်ပြတ်ကျပြီး မှ ဓာတ်တိုင်တွေ ဓာတ်ကြိုးတွေကို ပြင် ဆင်ဖို့ ကြိုးစားနေပြီ ဆိုတာကြောင့် လည်း ရယ်စရာများ လုပ်နေတာလား လို့ပဲ မေးချင်တယ်။ ဒါပေမဲ့ပေါ့လေ။ ဒီ နှစ်ပြင်ရင် နောင်နှစ်ပြီးနိုင်တာမို့ နောက်နှစ်မိုးတွင်းမှာ စိတ်ချမ်းသာရ မယ် ဆိုတာလောက်ပဲ တွေးပြီး ကြည်နူး ရပါတယ်။ ဒါတောင် အပြည့်အဝ ကြည်နူးရတာ မဟုတ်ပါဘူး။ ဟိုနိုင်ငံ ဒီနိုင်ငံက ဒီအတွက်ကို ငွေလှည့်ချေး ရဦးမယ်ဆိုတာကြောင့် ဘယ်လိုမှကို မစဉ်းစားတတ်အောင် ပါပဲ။ ခုနက အပေါ်မှာ ရေးခဲ့သလို ထောင်ကထွက် လာတဲ့ လူဟောင်းကြီးရဲ့ မြေးက တောင် ဘီလျံချီပြီး ချမ်းသာနေတာကို တို့အစိုးရက သူတို့လောက်တောင် မချမ်းသာ ဘူးလားလို့ မေးကြည့်ချင်ပါ တယ်။ မကြာသေးခင်ကလည်း ဝန်ကြီး တစ်ယောက်ရဲ့ မိသားစုတွေထဲက တစ် ယောက် နိုင်ငံခြားမှာ အဲဒီလိုပဲ ဘီလျံ ချီပြီး ငွေစုထားတယ် လို့လည်း သိထားရ တာကြောင့် အစိုးရထက် စာရင်တောင် အစိုးရသားသမီးတွေက ပိုပြီးများ ချမ်း သာနေသလားလို့ပဲ မေးကြည့်ချင်ပါ တယ်ဗျာ။

ကျေးဇူးပါ။

အကြည်တော်

Popular journal

ဘာသာကူးပြောင်းမှုကြောင့် သေဒဏ်ချမှတ်ခံရသူ အမေရိကန် ရောက်ရှိ


ပြီးခဲ့တဲ့ဇွန်လက ဆူဒန်နိုင်ငံမှာ ဘာသာပြောင်းလဲကိုးကွယ်မှုနဲ့ သေဒဏ်ချခံခဲ့ရတဲ့ မရ်ယမ် ယာရ်ယာ အီဗရာဟင်ဟာ ပြီးခဲ့တဲ့ ဇူလိုင် ၃၁ ရက်နေ့က အမေရိကန်နိုင်ငံကို ဆိုက်ရောက်လာခဲ့ပါတယ်။

နယူးဟတ်ရှိုင်းယားပြည်နယ် မန်ချက်စတာမြို့လေဆိပ်ကို ဆိုက်ရောက်လာချိန်မှာ အီဗရာဟင်ရဲ့ ဆွေမျိုးတွေက လာရောက်ကြိုဆိုခဲ့ကြပါတယ်။

မန်ချက်စတာလေဆိပ်မှာ အီဗရာဟင်ရဲ့ အမျိုးသားကို ဘယ်လိုခံစားရလဲလို့ မေးမြန်းခဲ့ရာ ဘယ်လိုမှ ဖော်ပြလို့ မတတ်နိုင်အောင်ပါပဲ လို့ ပြောဆိုပါတယ်။

အစ္စလာမ်ဘာသာကို စွန့်လွှတ်လိုက်တယ်ဆိုတဲ့ စွဲချက်နဲ့ သေဒဏ်ပေးခဲ့တဲ့အမှုဟာ နိုင်ငံတကာက စိတ်ဝင်တစား စောင့်ကြည့်ခံခဲ့ရပြီး ကမ္ဘာ့တ၀န်း အကြီးအကျယ် ပြစ်တင် ဝေဖန်ခံခဲ့ရတာလည်း ဖြစ်ပါတယ်။

ဆူဒန်အစိုးရဟာ အီဗရာဟင်ကို သေဒဏ်ကနေ လွှတ်ပေးလိုက်ပေမယ့် ဆူဒန်နိုင်ငံက အထွက်မှာ ခရီးသွားလက်မှတ်အတုကိုင်ဆောင်မှုနဲ့ တခါ ဖမ်းဆီးဖို့ ကြိုးစားခဲ့ပါသေးတယ်။

ဒါပေမယ့် အီဗရာဟင်နဲ့ သူမိသားစုဟာ ဆူဒန်နိုင်ငံဆိုင်ရာ အမေရိကန်သံရုံးထဲမှာ ၁ လ ကြာ ခိုလှုံခဲ့ပါတယ်။

ဆူဒန်နိုင်ငံက ထွက်ခွာလာပြီး ပထမဆုံး အီတလီနိုင်ငံကို သွားရောက်ခဲ့ပြီး ပုပ်ရဟန်းမင်းကြီးနဲ့ တွေ့ဆုံခဲ့ပါတယ်။

အီဗရာဟင်ရဲ့ မိတ်ဆွေတဦးက လွတ်လပ်ခွင့်ကို ရရှိသွားတာ ဖြစ်တယ်လို့ ပြောဆိုပါတယ်။

DVB Burmese

K Pop ထိပ်တန်းအဖွဲ့ 2NE1 မြန်မာပရိသတ်များ၊ မီဒီယာများနှင့်တွေ့ဆုံခဲ့ကာ မြန်မာနိုင်ငံသို့ အခွင့်အရေးရရှိပါက ထပ်မံလာရောက်လိုကြောင်း ပြောကြား




2NE1 အဖွဲ့ဝင်များ Facebook Fan ကံထူးသူများအား အမှတ်တရလက်မှတ် ရေးထိုးပေးနေစဉ်

K Pop ထိပ်တန်းအဖွဲ့ 2NE1 သည် မြန်မာပရိသတ်များ၊ မီဒီယာများနှင့် ဩဂုတ် ၁ ရက် မွန်းလွဲ ၂ နာရီတွင် ရန်ကုန်မြို့ မြေနီကုန်းရှိ Myanmar Event Park ၌ ပြုလုပ်ခဲ့ကာ မြန်မာနိုင်ငံသို့ အခွင့်အရေးရရှိပါက နောက်တစ်ကြိမ် ထပ်မံလာရောက်လိုကြောင်း ပြောကြားသည်။ အဆိုပါ ပရိသတ်များ၊ မီဒီယာများနှင့် တွေ့ဆုံပွဲသို့ 2NE1 ပရိသတ် အများအပြား ကြိုတင်လာရောက် စောင့်ဆိုင်းခဲ့ကြပြီး 2NE1 အဖွဲ့ သီဆိုထားသည့် သီချင်းများကို အော်ဟစ်သီဆိုရင်း စောင့်ဆိုင်းခဲ့ကြသည်။ ထို့အပြင် 2NE1 အဖွဲ့သားများဖြစ်သည့် Dara၊ Bom၊ CL နှင့် Minzy တို့၏ နာမည်များကိုလည်း အော်ဟစ်ကာ ကြိုဆိုခဲ့ကြသည်။

2NE1 အဖွဲ့သားများ၏ ပရိသတ်များ၊ မီဒီယာများနှင့် တွေ့ဆုံမှုကို ညနေ ၃ နာရီဝန်းကျင်တွင် စတင်ခဲ့ပြီး အဖွဲ့ဝင်တစ်ဦးချင်းက ပရိသတ်များအား နှုတ်ဆက်ခဲ့သည်။ ထို့နောက် မီဒီယာများမှ မေးမြန်းထားသည့် မေးခွန်းများအနက်မှ မဲနှိုက်၍ကျရာမေးခွန်းကို ဖြေကြားခဲ့ရာ ၎င်းတို့အောင်မြင်နေသည့် အဓိကလျှို့ဝှက်ချက်မှာ ပရိသတ်များ အားပေးမှုကြောင့်ဖြစ်ကြောင်း၊ ပရိသတ်အားပေးမှုမရှိလျှင် 2NE1 အဖွဲ့ ရပ်တည်နိုင်မည် မဟုတ်ကြောင်း၊ ဖက်ရှင်နှင့်ပတ်သက်၍ ၎င်းတို့ကိုအားပေးသည့် ပရိသတ်များမှာ ဖက်ရှင်ကျနခြင်းကြောင့် ၎င်းတို့လည်း ယုံကြည်ချက်အပြည့်ဖြင့် ဖက်ရှင်ကျနစေရန် ဝတ်ဆင်ရခြင်းဖြစ်ကြောင်း၊ မြန်မာနိုင်ငံကို ဖျော်ဖြေပွဲပြုလုပ်ရန်အတွက် ဖြစ်စေ၊ ပရိသတ်များနှင့် တွေ့ဆုံရန်အတွက် ဖြစ်စေ နောက်တစ်ကြိမ် ထပ်မံလာရောက်လိုကြောင်း ပြောကြားသည်။

ဩဂုတ် ၂ ရက်တွင်ပြုလုပ်မည့် ဖျော်ဖြေပွဲနှင့် ပတ်သက်၍လည်း ပရိသတ်များ နားထောင်လိုသည့် တေးသီချင်းများကို သီဆိုပြသွားမည်ဖြစ်ကြောင်း၊ ပရိသတ် နားထောင်ချင်သရွေ့ သီဆိုပေးသွားရန် စီစဉ်ထားကြောင်း၊ မြန်မာနိုင်ငံသို့ ပထမဆုံး အတွေ့အကြုံဖြစ်၍ စိတ်လှုပ်ရှားမိကြောင်း၊ အကောင်းဆုံး အတွေ့အကြုံများအား ထပ်မံရယူနိုင်မည်ဟု မျှော်လင့်မိကြောင်း၊ လေဆိပ်တွင် ပရိသတ်များမှ နွေးထွေးစွာ လာရောက်ကြိုဆိုခဲ့သည့်နည်းတူ ဖျော်ဖြေပွဲတွင်လည်း နွေးထွေးစွာကြိုဆိုသွားမည်ဟု မျှော်လင့်ထားပါကြောင်း၊ ပရိသတ်များနှင့်ပတ်သက်၍ အားပေးသည့် ပရိသတ်များ ရှိသဖြင့်သာ ၎င်းတို့ရပ်တည်နိုင်ခြင်းဖြစ်ကာ ပရိသတ်များမရှိပါက 2NE1 ရပ်တည်နိုင်မည်မဟုတ်ဟု ပြောကြားခဲ့သည်။

ထို့နောက် မေးခွန်းများဖြေဆိုမှုအပြီးတွင် Facebook Fan များအနက်မှ ကံထူးသူများကို အမှတ်တရ လက်မှတ်ရေးထိုးပေးခြင်း၊ ဓာတ်ပုံတွဲဖက် ရိုက်ကူးခွင့်ပေးခြင်းများကို ပြုလုပ်ခဲ့သည်။

2NE1 အဖွဲ့သည် ဩဂုတ် ၁ ရက် ညပိုင်းတွင် ပြုလုပ်သည့် Pre Party Program သို့လည်း တက်ရောက်ခဲ့ပြီး အဆိုပါအစီအစဉ်တွင် အနုပညာရှင်များ၊ VVIP လက်မှတ်ဝယ်ယူထားသူများ တက်ရောက်ခဲ့ကြသည်။ 2NE1 အဖွဲ့၏ ဖျော်ဖြေပွဲကို ဩဂုတ် ၂ ရက်တွင် ရန်ကုန်မြို့ Myanmar Event Park ၌ပြုလုပ်မည်ဖြစ်သည်။

2NE1 KPop Girl Band အဖွဲ့သည် မြန်မာနိုင်ငံတွင် ပထမဆုံးအကြိမ် လာရောက်ဖျော်ဖြေမည်ဖြစ်ပြီး လက်ရှိအချိန်တွင် စင်ကာပူ၊ ဂျပန် စသည့်နိုင်ငံများသို့ World Tour အစီအစဉ်အဖြစ် လှည့်လည်ဖျော်ဖြေလျက်ရှိကြောင်း သိရသည်။ 2NE1 KPop Girl Band အဖွဲ့သည် ၂ဝဝ၉ ခုနှစ်တွင် စတင်ဖွဲ့စည်းခဲ့ခြင်းဖြစ်ပြီး CL၊ Bom၊ Dara၊ Minzy တို့ဖြင့် ဖွဲ့စည်းထားခြင်းဖြစ်သည်။ 2NE1 KPop Girl Band အဖွဲ့၏ I Don’t Care၊ I am the Best တေးသီချင်းများသည် Song of the Year ဆုများကို ရရှိခဲ့သည်။

Eleven Media