တောင်ငူခရိုင် ကလေး ၁၀၀ ကျော် သွေးလွန်တုပ်ကွေးဖြစ် သုံးဦးသေဆုံး
ပို့စ်တင်ချိန်
-
7/05/2013 10:04:00 AM
ပဲခူးတိုင်း ဒေသကြီး တောင်ငူခရိုင် အတွင်းရှိ မြို့နယ် လေးမြို့နယ်တွင် လူ ၁၀၀ ကျော် သွေးလွန် တုပ်ကွေး ရောဂါ ဖြစ်ပွားခဲ့ပြီး သုံးဦးသေဆုံး ခဲ့ကြောင်း တောင်ငူခရိုင် ရောဂါပိုးမွှားမှ တစ်ဆင့် ကူးစက် တက်သော ပိုးမွှားနှိမ်နှင်းရေး အဖွဲ့ (ရ-ပ-က-န) က ထုတ်ပြန်သော အစီအရင် ခံစာအရ သိရှိ ရသည်။
တောင်ငူ၊ အုတ်တွင်း၊ ထန်းတပင်နှင့် ဖြူးမြို့နယ် တို့တွင် ဇွန်လပထမ ပတ်က သွေးလွန်တုပ်ကွေး ရောဂါဖြင့် ခရိုင်ဆေးရုံကြီးတွင် ကလေးငယ် ၁၀၀ ဦးကျော် တက်ရောက် ကုသခဲ့ပြီး ဇွန်လ ဒုတိယ ပတ်တွင် ဆေးရုံတက်ရောက် ကုသသူ လူနာ ၄၀ ခန့် ရှိခဲ့ကြောင်း၊ ဇွန်လ ၂၄ ရက်နေ့ တစ်ရက်တည်းတွင် အဆိုပါရောဂါဖြင့် အသက်ငါးနှစ် အရွယ်၊ ရှစ်နှစ်အရွယ်နှင့် လေးနှစ်အရွယ် ကလေးငယ်သုံးဦးတို့ သေဆုံးခဲ့ကြောင်း အဆိုပါ အစီအရင် ခံစာအရ သိရှိရသည်။
“တူမလေးကို ဆရာဝန်က သွေးလွန်တုပ်ကွေး သံသယရှိလို့ တောင်ငူဆေးရုံ တင်တာ ဆေးရုံထဲ ခြေချစရာ မရှိတော့ပါဘူး။ လူနာစောင့် ထိုင်ခုံတွေနဲ့တောင် ကလေးတွေကို ထားရတယ်” ဟု တောင်ငူမြို့နယ် ခပေါင်းကျေးရွာအုပ်စု ဆားကျင်းကျေးရွာတွင် နေထိုင် သူ ဒေါ်ချိုက ပြောကြားသည်။ သွေးလွန်တုပ်ကွေး ဖြစ်ပွားမှုနှုန်း မြင့်တက်လာရခြင်းကြောင့် ဇွန်လအတွင်း အခြေခံပညာကျောင်းပေါင်း ၃၂ ကျောင်းတွင် ဖုံး၊ သွန်၊ လဲ၊ စစ် ပြုလုပ်ခြင်း၊ ခြင်ဆေး ဖျန်းခြင်း၊ အဘိတ်စ်ဆေးခတ်ခြင်းများ ပြုလုပ်ခဲ့ကြောင်း တောင်ငူခရိုင် ကျန်းမာရေးဦးစီးဌာန ခရိုင်ဦးစီးမှူး ဒေါက်တာဒေါ်ခင်မေသွင်က ပြောကြားသည်။
THE VOICE JOURNAL
