မြင်းခွာရွက် အစွမ်း




မြင်းခွာရွက်ဟာ စားစရာ လဲဟုတ်၊ ဆေးလဲ ဟုတ်တယ် ဆိုတာ မြန်မာတွေ သာမကာ တခြား လူမျိုးတွေ ကပါ မှတ်ယူ ကြတယ်။ Sanskrit သင်္သက ရိုက်ဘာသာ နဲ့ Mandooka Parni ခေါ်တယ်။ Botanical ရုက္ခဗေဒလို Centella asiatica ခေါ်တယ်။ အင်္ဂလိပ်လို Asiatic pennywort ခေါ်ပြီး၊ စွယ်စုံကျမ်းမှာ Centella asiatica (Gotu Kola) လို့ ပါတယ်။

မြန်မာဆေး နားလည်သူတွေက သူ့အစွမ်းတွေကို ရေးကြ-ပြောကြတယ်။

1.အရည်ညှစ်၍ သကြား၊ ပျားရည်တို့ နှင့် ရောစပ်ပြီး နေ့စဉ် သောက်ခဲ့သော် ခွန်အား တိုးတက်စေ၏။

2.အခြောက်ပြုလုပ်၍ လက်ဖက်ရည်ခါး သဖွယ် သောက်သုံးခြင်းဖြင့် သွေးတိုးရောဂါကို သက်သာစေ၏။

3.ငရုတ်ကောင်း၊ ပျားရည်တို့ နှင့်စပ်၍ သုံးဆောင်က အသက်ရှည်၏။ အနာရောဂါ ကင်း၏။

4.အမှုန့်ကို အနည်းငယ် ပူအောင် ပြု၍ ရင်ဘတ်၌ လိမ်းကျံ ပေးသော် ကလေးများ ချောင်းဆိုး ရောဂါ၊ အဆုတ်နာ ရောဂါ ပျောက်၏။

5.အရည်ညှစ်၍ ရေနံဆီဖြင့် ဆတူ ရောစပ်ပြီး နှိပ်နယ် လိမ်းကျံပေးခြင်းဖြင့် အဆစ်တို့၌ ဖြစ်သော လေအဖု အကျိတ်များ ပျောက်၏။

6.အရည်ညှစ်၍ လက်ဖက် ဇွန်းငယ် တစ်ဇွန်းခန့် တိုက်ပါက ကလေးငယ်များ အအေးမိခြင်း၊ လေပြွန် ချောင်းပူခြင်း ပျောက်၏၊ ဝမ်းသက်၍ သလိပ်ကိုလည်း ပျောက်၏။

7.အရွက်ကို ညှစ်ရည်၍ အရေပြား ရောဂါများအတွက် လိမ်းကျံခြင်း စားသောက်ခြင်းဖြင့် ပျောက်ကင်း စေနိုင်၏။

8.အရွက်ကို ကြိတ်၍ ရုတ်တရက် ထိခိုက်ရှနာ ဒဏ်ဖြစ်ပြီး ရောင်ရမ်းခြင်းအား လိမ်းကျံပေးက ပျောက်ကင်း၏။

9.ဖျော်ရည် ပြုလုပ်၍ သောက်က သွေးဝမ်းသွားခြင်း၊ ဆီးချုပ်ခြင်း၊ နာကျင်-ကိုက်ခဲခြင်း၊ ဆီး၌ သွေးပါခြင်းတို့ ပျောက်၏။

10.အားတိုးဆေး၊ အဆိပ်ပြေဆေး၊ အနာပေါက်ကုဆေး အဖြစ်လည်း ဖော်စပ် သုံးနိုင်၏။ အရွက်စိမ်းကို ကြိတ်၍ အဝတ်ပါးပါးတွင် ထည့်ပြီး မျက်စိပေါ်တွင် အုံပေးခြင်း၊ သို့မဟုတ် အရည်ညှစ်၍ မျက်စိတွင် ခတ်ပေးခြင်းဖြင့် ပြင်းထန်စွာ မျက်စိနာခြင်း၊ မျက်စိကျိန်းခြင်းများကို ပျောက်ကင်း စေ၏။

အရှေ့တိုင်း ဆေးနည်း၊ Ayurvedic အာယုဗေဒဆေးနည်းမှာ Vayasthapana သတ္တိ အသက်ရှည်ဆေးအဖြစ် သုံးတယ်။ သုတေသန တစိတ်တပိုင်း ပြောနိုင်တာက ရောဂါပိုးတွေကို နိုင်တယ်၊ အနာကိုနိုင်တယ်၊ သွေး-အာရုံကြော ကောင်းစေတယ်၊ ဆီးရွှင်စေတယ်လို့ ဆိုပါတယ်။ ထိုင်းနိုင်ငံမှာ နေ့ခင်း စိတ်တက်ကြွစေတယ်လို့ ယုံကြတယ်။ ၁၉၆၆-၇၉ ထုတ် စာတအုပ်မှာ Youth Vitamin X လို့ ပြောသေးတယ်။ မဟုတ်ပါဘူးလို့ ငြင်းသူက ငြင်းတယ်။

ဆေးပညာခွဲ အစုံပါတဲ့ အိန္ဒိယက Med-India မှာ အာရုံကြောနဲ့ ဦးနှောက်ကို အားပေးတဲ့ Tonic အားဆေး၊ Aphrodisiac လိင်စိတ်ကို အားပေးတဲ့ဆေး၊ Anthelmintic သန်ချဆေး၊ laxative ဝမ်းနုတ်ဆေး၊ Expectorant အသက်ရှူလမ်းက ချွဲထုတ်ဆေး၊ Cooling ကိုယ် အေးစေတဲ့ဆေးအဖြစ် သုံးတယ်လို့ ရေးထားပါတယ်။ ဒါ့ကြောင့် Epilepsy ဝက်ရူးပြန်၊ Nervous debility အာရုံကြော မကောင်းတာ၊ Dyspepsia အစာမကျေတာ၊ Leprosy အနာကြီးရောဂါ၊ Elephantiasis ဆင်ခြေထောက်၊ Syphilis ဆစ်ဖလစ်၊ Ulcers အနာ၊ Abscess ပြည်တည်နာ၊ Carbuncle အနာပဆုပ်၊ Jaundice အသားဝါ၊ Dysentery ဝမ်းကိုက်၊ Eczema နှင်းခူနာ၊ ရောဂါတွေ အတွက် ပေးပါသတဲ့။

သိပ္ပံနည်းကျ ဆရာတချို့က တနေ့ ၃ ရွက်သာ စားသုံးပါ နုပျိုစေပါမယ်။ အသက်ရော Sex ရော ကောင်းစေ ပါတယ်လို့ အကြံပြု ချင်ပါတယ်။

မြ၀တီ

အမျိုးသမီးခေါင်းဆောင်နည်းရတာ စစ်အာဏာရှင်စနစ်ကြောင့်လို့ ဒေါ်စုပြော




မြန်မာ့နိုင်ငံရေးမှာ အမျိုးသမီးနိုင်ငံရေးခေါင်းဆောင်တွေ နည်းပါးနေခြင်းရဲ့ အဓိကအကြောင်းဟာ စစ်အာဏာရှင်စနစ်အောက်မှာ နှစ်ပေါင်းများစွာ နေထိုင်ခဲ့ရတာကြောင့်ဖြစ်တယ်လို့ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က နေပြည်တော်မှာ ဒီနေ့စတင်ကျင်းပတဲ့ "နိုင်ငံရေးတွင် အမျိုးသမီးများ ဦးဆောင်မှုဆွေးနွေးပွဲ" မှာ ပြောကြားလိုက်ပါတယ်။

မြန်မာနိုင်ငံက အမျိုးသမီး လွှတ်တော်ကိုယ်စားလှယ်တွေနဲ့ ဥရောပတိုက်က အမျိုးသမီး လွှတ်တော်ကိုယ်စားလှယ်တွေ တက်ရောက်နေကြတဲ့ ညီလာခံမှာ ဒေါ်အောင်ဆန်းစုကြည်က အခုလို ပြောဆိုခဲ့တာပါ။

“မြန်မာနိုင်ငံမှာ အမျိုးသမီးနိုင်ငံရေးခေါင်းဆောင်တွေ ဘာကြောင့်နည်းပါးနေသေးသလဲဆိုရင် နှစ် ၅၀ လောက် စစ်အာဏာရှင်စနစ်အောက်မှာ နေခဲ့ရလို့ဖြစ်ပါတယ်၊ စစ်အာဏာရှင် အစိုးရလက်ထက်က အန်အယ်လ်ဒီအပါအ၀င် ဒီမိုကရေစီရေးလှုပ်ရှားသူတွေကို အမြဲတမ်းလို ဖမ်းဆီးထိန်းသိမ်းထားခဲ့တာကြောင့် မိသားစုအိမ်ထောင်ရေးကိစ္စတွေကို အမျိုးသမီးတွေကပဲ ဦးဆောင်တာဝန်ယူဆောင်ရွက်နေခဲ့ကြရတာဟာ အကြောင်းရင်းတစ်ခုဖြစ်ပါတယ်”

၂ ရက်ကြာကျင်းပမယ့် အမျိုးသမီး လွှတ်တော်ကိုယ်စားလှယ်များအတွက် နိုင်ငံတကာညီလာခံကို ဥရောပသမဂ္ဂနဲ့ အာရှတိုက်နိုင်ငံပေါင်း ၁၃ နိုင်ငံက အမျိုးသမီးပါလီမန်အမတ်တွေ တက်ရောက်ခဲ့ကြပါတယ်။

မူရင်း RFA
Classic Burma News

မိုးစက်ဝိုင် ဘယ်သူလဲ။



အသက် - ၂၅
အရပ် - ၅ ပေ ၉ လက္မ
အလေးချိန် - ပေါင် ၁၃၀

မွေးသက္ကရာဇ် - မေလ ၂၀ ရက် ၁၉၈၈ ခုနှစ်
နိုင်ငံသား - မြန်မာနိုင်ငံသား

ပညာရေး - (ဒဂုံ တက္ကသိုလ် အင်္ဂလိပ်စာ အဓိက) (စီးပွားရေး ဝိဇ္ဇာဘွဲ့ - California Lutheran University, USA)

တခြား လုပ်ငန်းကျွမ်းကျင်မှု - အမေရိကန်က ကုမ္ပဏီ တခုမှာ တနှစ် လုပ်ငန်း အတွေ့အကြုံရှိ။

ရည်မှန်းချက် - ကိုယ်တိုင်အောင်မြင်မှုရရန်။ လိုအပ်မှုရှိနေသူတွေကို ကူညီရန်။

ဘာသာစကား - မြန်မာ၊ အင်္ဂလိပ်၊ တရုတ်။
BBC Burmese


ယခုလကုန်တွင် အင်တာနက် ပိုမို မြန်လာမည်ဟု ဆို


မြန်မာ့ ဆက်သွယ်ရေး လုပ်ငန်းက နိုင်ငံတကာနှင့် ဆက်သွယ်ထားသော ဖိုင်ဘာဆက်ကြောင်းတခု၏ Bandwidth ကို နှစ်ဆ တိုးလိုက်သည့်အတွက် ယခုလကုန်ပိုင်းမှစ၍ မြန်မာနိုင်ငံမှ အင်တာနက်သုံးစွဲသူများသည် သတင်း အချက်အလက်များကို ပိုမိုလျှင်မြန်စွာ ပေးပို့ ရယူနိုင်တော့မည် ဖြစ်ကြောင်း သိရသည်။

Bandwidth ဆိုသည်မှာ အင်တာနက်ဆက်ကြောင်း တလျှောက်တွက် သယ်ယူပို့ဆောင်ပေးနိုင်သည့် အချက်အလက် ပမာဏကို ဆိုလိုခြင်းဖြစ်သည်။ ၎င်းကို တစက္ကန့် အချိန်အပိုင်းအခြားအတွင်း စီးဆင်းနိုင်သည့် သတင်းအချက်အလက် ပမာဏကို မူတည်၍ တိုင်းတာဖော်ပြပြီး ကွန်ရက်၏ စွမ်းဆောင်ရည်ကို ကိုယ်စားပြုသည်။

မြန်မာနိုင်ငံမှ အင်တာနက်သုံးစွဲသူများ လိုင်းကြပ်ခြင်း၊ နှေးကွေးခြင်း စသည့် ပြဿနာများ ကြုံတွေ့နေရခြင်းသည် လက်ရှိ Bandwidth ကျဉ်းမြောင်းနေသည့်အတွက် ဖြစ်သည်။ လူသုံးများသည့် နေ့ခင်း အချိန်များတွင် အင်တာနက် ပို၍နှေးသည်။

အစိုးရပိုင် မြန်မာ့ဆက်သွယ်ရေး လုပ်ငန်း၏ အဆိုအရ မြန်မာနိုင်ငံမှ တရုတ်နိုင်ငံသို့ နယ်စပ်ဖြတ်ကျော်၍ သွယ်တန်းထားသော အင်တာနက် ဆက်ကြောင်းသည် Bandwidth 2.5 Gbps (gigabytes per second)၊ SEAMEWE-3 ဟု သိကြသော ပင်လယ် ရေအောက် ဆက်ကြောင်းက Bandwidth 6.2 Gbps နှင့် ထိုင်းနိုင်ငံသို့ နယ်စပ်ဖြတ်ကျော် ဆက်သွယ်ထားသော ဆက်ကြောင်းက Bandwidth 8.5 Gbps ရှိသည်။

မြန်မာ့ဆက်သွယ်ရေးလုပ်ငန်း သတင်းအချက်အလက် နည်းပညာ ဌာနမှ အင်ဂျင်နီယာချုပ် ဦးမျိုးဆွေက ထိုင်းနိုင်ငံဖက်သို့ ဆက်သွယ်ထားသော ဆက်ကြောင်းကို ယခုလအတွင်းတွင် Bandwitdh 20 Gbps အထိ တိုးမြှင့်မည်ဖြစ်သည်ဟု ဧရာဝတီသို့ ပြောသည်။ စမ်းသပ်ခြင်းလုပ်ငန်းများ မည်သည့်နေ့တွင် ပြီးဆုံးမည်ကို တိကျစွာ မပြောနိုင်သေးသော်လည်း “အရှေ့တောင် အာရှ အားကစားပွဲ မတိုင်မီ ဖြစ်ပါလိမ့်မယ်” ဟု သူကဆိုသည်။ ဒေသတွင်း အားကစားပြိုင်ပွဲဖြစ်သည့် အဆိုပါ အားကစားပွဲကို ယခုနှစ် ဒီဇင်ဘာလတွင် မြန်မာနိုင်ငံ၌ ကျင်းပတော့မည် ဖြစ်သည်။

ထိုင်းနိုင်ငံ နှင့်ဆက်သွယ်ထားသည့် ဆက်ကြောင်းကို အဆင့်မြှင့်နိုင်ခြင်းမှာ အရှေ့တောင် အာရှ အားကစားပွဲ မတိုင်မီ မြန်မာနိုင်ငံ၏ အကြီးဆုံး မြို့ကြီး ၃ မြို့ဖြစ်သော နေပြည်တော်၊ ရန်ကုန် နှင့် မန္တလေးမြို့များတွင် အင်တာနက်အမြန်နှုန်းကို 20 Gbps အထိရှိအောင် လုပ်ဆောင်ပေးမည့် ဂျပန်အစိုးရမှ ကူညီသော စီမံကိန်းအရ ပြုလုပ်နိုင်ခြင်းဖြစ်သည်။ ဂျပန်နိုင်ငံ၏ အဆင့်မြှင့်တင်ရေး အကူညီဖြင့် ဆီးဂိမ်း အားကစားပွဲ ကာလအတွင်းတွင် 4G မိုဘိုင်းကွန်ရက်ကို ယာယီ အသုံးပြုနိုင်ရန်လည်း နောက်တဆင့်အဖြစ် မျှော်မှန်းထားကြောင်း သိရသည်။

Bandwidth ကို တိုးမြှင့်လိုက်ခြင်းအားဖြင့် ကွန်ရက်တခုလုံး၏ စွမ်းဆောင်ရည် တိုးတက်လာမည်ဟု သာမန်အားဖြင့် ဆိုနိုင်သော်လည်း ကွန်ရက်အတွင်း အချက်အလက်များ စီးဆင်းရန် ကြာမြင့်ချိန် (မြန်နှုန်း) နှင့် သုံးစွဲသူ ပမာဏ စသည့် အချက်များသည်လည်း စွမ်းဆောင်ရည်အပေါ်တွင် သက်ရောက်မှုရှိနိုင်ကြောင်း ထည့်သွင်းစဉ်းစားရန်လိုအပ်သည်။

မည်သည့်အချိန်တွင် စတင် အသုံးပြုနိုင်မည်ကို တိကျစွာ မသိသေးသော်လည်း အဆင့်မြှင့်မှုများ မည်သည့် အခြေအနေသို့ ရောက်ရှိနေပြီ ဆိုသည်ကို အင်တာနက် အသုံးပြုသူများအား အသိပေးထားသင့်ကြောင်း၊ သို့မှာသာလျှင် သူတို့ နောက်တကြိမ် အင်တာနက် ဖွင့်လိုက်တိုင်း ထူးခြားမှုကို ခံစားသိနိုင်ကြမည် ဖြစ်ကြောင်း အင်တာနက် သုံးစွဲသူများက ဆိုသည်။

irrawaddy

သမ္မတ အရည်အချင်း ပြင်ဖို့ သဘောမတူဘူး၊ ဒေါ်အောင်ဆန်းစုကြည်က ငြိစွန်းနေတာပဲ


ပြည်ထောင်စု လွှတ်တော်က ၂၀၀၈ ဖွဲ့စည်းပုံအခြေခံဥပဒေ လေ့လာသုံးသပ်ရေး ပူးပေါင်းကော်မတီဖွဲ့စည်းပြီး အခြေခံ ဥပဒေကို လေ့လာသုံးသပ်ရေး လုပ်ဆောင်နေချိန် လွှတ်တော်တွင် အမတ်  ၁၇ နေရာ ရရှိထားသော မြန်မာဆိုရှယ်လစ် လမ်းစဉ် ပါတီ၏ အမွေခံ တိုင်းရင်းသား စည်းလုံးညီညွတ်ရေးပါတီကလည်း အခြေခံဥပဒေနှင့် ပတ်သက်သော သဘော ထား များကို တရားဝင် ထုတ်ဖော် ပြောဆိုလာသည်။ ဖွဲ့စည်းပုံအခြေခံဥပဒေ ပြင်ဆင်ရေးတွင်  သမ္မတ အရည်အချင်း ကန့်သတ်ချက်ကို ပြင်ဆင်ရန် မသင့်ဟု ထုတ်ဖော်ပြောဆိုလာသော တိုင်းရင်းသား စည်းလုံး ညီညွတ်ရေးပါတီ၏ ဗဟို ကော်မတီဝင် ဦးဟန်ရွှေကို ဧရာဝတီသတင်းထောက် စနေလင်းက တွေ့ဆုံမေးမြန်းထားသည်။

မေး။     ။ တိုင်းရင်းသား စည်းလုံးညီညွတ်ရေးပါတီအနေနဲ့  ဖွဲ့စည်းပုံ အခြေခံ ဥပဒေမှာ ဘယ်အချက်တွေကို အဓိက ပြင်ချင်လဲ။

ဖြေ။     ။ အဓိက ပြင်ဆင်ရမှာက တိုင်းရင်းသားတွေ အပါအ၀င် တမျိုးသားလုံးအတွက် မဟာဗျူဟာဖြစ်နိုင်မယ့် အချက် အလက် တွေကို ပြင်ဆင်ဖို့လိုမယ်လို့ ပါတီရဲ့ ကြေညာချက်မှာ ပါတယ်။ ရှင်းအောင်ပြောရရင်  ဖွဲ့စည်းပုံ အခြေခံ ဥပဒေမှာ ပုဒ်မ ၉၆ က ပြည်ထောင်စုကနေ လုပ်ရမယ့် အုပ်ချုပ်ရေး၊ ဥပဒေပြုရေး၊ တရားစီရင်ရေး အာဏာတွေ။  ပုဒ်မ ၁၈၈ က တိုင်း ဒေသကြီး၊ ပြည်နယ်တွေက လုပ်ရမယ့် အာဏာခွဲဝေရေး ကိစ္စ။ ပုဒ်မ ၂၅၄ တို့မှာလည်း ဒီအတိုင်းပဲ။

ဒီနေ့ တိုင်းရင်းသား စည်းလုံးညီညွတ်ရေး ဆိုတဲ့ ရှုထောင့်ကနေ ပြန်ကြည့်မယ်ဆိုရင် ဒါတွေက လက်တွေ့မကျတဲ့ အခြေ အနေ တွေပါ။ အာဏာ ခွဲဝေရေး လုပ်တဲ့နေရာတွေမှာ တိုင်းဒေသကြီးနဲ့ ပြည်နယ်တွေမှာ လုပ်ပိုင်ခွင့် နည်းနေတယ်။ ဗဟိုကပဲ တော်တော် များများ ချုပ်ကိုင်ထားတယ်။ အဲဒါကို ပြန်ပြင်ဖို့လိုမယ်။ ဗဟိုချုပ်ကိုင်မှုကို လျှော့ပေးဖို့လိုမယ်။

ပြည်နယ် နဲ့တိုင်း တွေကို အုပ်ချုပ်ရေး၊ ဥပဒေပြုရေးတွေ ပိုပေးဖို့လိုမယ်။ ဒါတွေလုပ်မှ တိုင်းရင်းသားစည်းလုံး ညီညွတ်ရေး တွေကို လုပ်ဖို့ အထောက်အကူပြုမယ်။ အပစ်အခတ် ရပ်စဲရေး၊ လုံးဝငြိမ်းချမ်းရေး အလုပ်တွေ ရှိနေတဲ့အတွက် ဒါတွေက အရေးကြီး တယ်။ ဒါတွေကို ပြင်လိုက်ရင် အပစ်ရပ်တာ၊ ငြိမ်းချမ်းရေး လုပ်တာ၊ အမျိုးသားပြန်လည်သင့်မြတ်ရေး လုပ်တာ တွေကို အထောက် အကူပြုမှာ။

မေး။     ။ ဖွဲ့စည်းပုံအခြေခံ ဥပဒေ အသစ်ပြန်ရေးဆွဲမယ်လို့ တိုင်းရင်းသားအင်အားစုတွေက ပြောနေပါပြီ။ အဲဒီအပေါ်မှာ ဘယ်လို မှတ်ချက်ပြုချင်ပါသလဲ။

ဖြေ။     ။ ကိုယ့်စိတ်ကြိုက်၊ ကိုယ့်သဘောနဲ့မတွေ့တိုင်း တစ် ကနေပြီး ပြန်စနေရင် လိုရင်းကို ရောက်တော့မှာ မဟုတ်ဘူး။ ဒီထဲမှာ ပြင်လို့မရနိုင်ဘူးလား။ ဖွဲ့စည်းပုံအခြေခံဥပဒေကို  ပြင်ရင်း၊ ပြင်ရင်းနဲ့ ဆုတ်ပစ်လိုက်ပြီး အသစ်ပဲ လုပ်ရင် မကောင်းဘူး လားလို့ ပြောတာတွေရှိပါတယ်။ အဲဒီလို လူတွေက ဖွဲ့စည်းပုံအခြေခံဥပဒေကို လုံချည်စုတ်လောက်ပဲ သဘောထား နေကြတာလား။ ဒါက လက်တွေ့ကျတဲ့ ဥပမာတွေ မဟုတ်ပါဘူး။ အခုမှ ၂ နှစ်ခွဲ လောက် ပဲရှိသေးတယ်။
ဒါကိုအသစ်ပြန် လုပ်ဆိုတာ လက်တွေ့ကျတဲ့ နည်းလမ်းမဟုတ်ဘူး။ ဖွဲ့စည်းပုံအခြေခံဥပဒေကို ရေးဖို့ ဘယ်လောက် ကြာမလဲ၊ အချိန်ဘယ် လောက်စောင့်ရမလဲ၊ ကြားကာလ တခုစောင့်ရဖို့ မလိုဘူးလား။ ဒီကြားကာလမှာ ဘယ်သူက
တာဝန်ယူမှာလဲ။ ကျနော်တို့ တိုင်းပြည်မှာလည်း အကူးအပြောင်းကာလတွေဆိုတာ များလာပြီ။ အဲဒါကြောင့် ကျနော်တို့က သဘောမတူတာ။

မေး။     ။ ဖွဲ့စည်းပုံ အခြေခံ ဥပဒေမှာပါတဲ့ သမ္မတရဲ့ အရည်အချင်း ပြဋ္ဌာန်းချက်ကို  ပြင်ဆင်ဖို့ တောင်းဆိုမှုတွေလည်းရှိ နေပါတယ်။  တိုင်းရင်းသား စည်းလုံးညီညွတ်ရေး ပါတီအနေနဲ့ရော ဒီအချက်ကို ပြင်ဖို့ သဘောထားရှိပါသလား။

ဖြေ။     ။ သမ္မတအရည်အချင်း သတ်မှတ်ချက် ပြင်ဖို့ သဘောမတူဘူး။ အမျိုးသားညီလာခံမှာ သေချာညှိနှိုင်းပြီးတော့ ဆွေးနွေးခဲ့တဲ့ ဟာတွေပါ။ ဖွဲ့စည်းပုံအခြေခံဥပဒေက သမ္မတကို တိုက်ရိုက်ရွေးရတာ မဟုတ်ဘူး။ လွှတ်တော်ထဲကနေ တဆင့် ရွေးရတာ။ တိုက်ရိုက် ဆိုလို့ တပ်က ကိုယ်စားလှယ်တွေက သမ္မတလောင်း ၁ ဦးပဲ တပ်ဘက်က ပေးတာ။ တနည်း အားဖြင့် ပြည်သူ တွေက လွှတ်တော် ကိုယ်စားလှယ်ကို ရွေးချယ်ပေးရတယ်၊ အဲဒီ လွှတ်တော် ကိုယ်စားလှယ်တွေ အားလုံး ပေါင်းပြီးတော့မှ သမ္မတကိုရွေးပေး တယ်။ အရည်အချင်းသတ်မှတ်တာမှာ လွှတ်တော်ကိုယ်စားလှယ်ကို အရည် အချင်း တခုသတ်မှတ်ရတယ်။

လွှတ်တော်က နေ တဆင့်ရွေးတဲ့ နိုင်ငံရဲ့ အကြီးအကဲတွေဖြစ်တဲ့ သမ္မတ၊ ဒုတိယသမ္မတတွေကို အရည်အချင်းတခု သတ်မှတ် ရတယ်။ သူတို့က နိုင်ငံရဲ့ သင်္ကေတတွေ၊ ပြယုဂ်တွေ။ သိပ်အရေးကြီးတယ်။ သူလိုငါလိုမဟုတ်ဘူး။ နိုင်ငံတော် အကြီး အကဲ ဆိုတာ လွှတ်တော် ကိုယ်စားလှယ်အရည်အချင်းထက် တဆင့်တက်လိုက်ပြီးတော့ မိမိကိုယ်တိုင်သော် လည်းကောင်း၊ မိမိ၏မိဘ တပါးပါး သော်လည်းကောင်း၊ မိမိ၏ ဇနီး၊ ခင်ပွန်း၊ မိမိ၏တရားဝင် သားသမီးတဦးဦး သော် လည်းကောင်း၊ ထို တရားဝင် သားသမီးတ ဦးဦး၏ ဇနီး သို့မဟုတ် ခင်ပွန်းသော်လည်းကောင်း၊ နိုင်ငံခြား အစိုးရ၏ လက်အောက် ခံ၊ ကျေးဇူး သစ္စာခံ၊ တိုင်းတပါး၏နိုင်ငံသား မဖြစ်စေရလို့ ပါတယ်။ ဘာ့ကြောင့်လဲဆိုတော့ နိုင်ငံတော်ရဲ့ အကြီး အကဲ ဖြစ်တဲ့ အတွက် ကြောင့်ပဲ။ ဒီဥစ္စာက သမိုင်း ကြောင်းရှိတယ်။

လွတ်လပ်ရေး မရခင် ဖွဲ့စည်းပုံ အခြေခံ ဥပဒေ ရေးဆွဲဖို့ လုပ်တဲ့အခါမှာ ဗိုလ်ချုပ်အောင်ဆန်းက လွတ်လပ် ရေးရပြီးရင် နိုင်ငံကို နိုင်ငံရေး သြဇာသော် လည်းကောင်း၊ စီးပွားရေးအရသော်လည်းကောင်း လွှမ်းမိုး ချုပ်ကိုင် သြဇာသက် ရောက်မှာ သိပ်ကြောက်တယ်။  ၁၉၄၇ ဖွဲ့စည်းပုံအခြေခံဥပဒေမှာထဲက သတ်မှတ်ထားခဲ့တာ။ ဟိုတုန်းထဲက သတ်မှတ် ထားခဲ့တာ။ ဒါ့ကြောင့်မိုလို့ အခု ရေးဆွဲထားတဲ့အတိုင်းပဲ ဆက်သွားသင့်တယ်လို့ ခံယူထားတယ်။

မေး။     ။ နိုင်ငံတကာအသိုင်းအ၀ိုင်းက ဒေါ်အောင်ဆန်းစုကြည် အနေနဲ့ သမ္မတ အဖြစ် ရွေးချယ်ခံခွင့် ရသင့်တယ်။  ဒေါ်အောင်ဆန်းစုကြည် အနေနဲ့ အဲဒီလို ရွေးချယ်ခံခွင့်မရခဲ့ရင်  မြန်မာ့ဒီမိုကရေစီက တမျိုး ဖြစ်နိုင်မယ်ဆိုတဲ့ သုံးသပ် ဝေဖန်တာ တွေလည်း ရှိတယ်။  အဲဒီအပေါ်မှာ ဘယ်လိုသုံးသပ်ချင်ပါသလဲ။

ဖြေ။     ။ ဒီဟာမပြောင်းလဲဘူး ဆိုရင်တော့ သမ္မတဖြစ်ဖို့ သတ်မှတ်ချက်တွေနဲ့ ဒေါ်အောင်ဆန်းစုကြည်က ငြိစွန်းနေတာပဲ။ ဒါက ကျနော်တို့ နိုင်ငံရဲ့ အချုပ် အခြာအာဏာနဲ့ ဆိုင်တဲ့ဟာပဲ။ နိုင်ငံခြားက လွှမ်းမိုးလို့ ကျနော်တို့နိုင်ငံရဲ့ အချုပ်အခြာ အာဏာကို ထိခိုက် လို့ မရဘူး။ ပွင့်ပွင့်လင်းလင်း ပြောကြရရင် အဲဒီ ဖွဲ့စည်းပုံအခြေခံဥပဒေ ညှိနှိုင်းကြစဉ်က ဒေါ်အောင်ဆန်းစုကြည်က  အသိအမှတ် မပြုဘဲ၊ အယုံ အကြည် မရှိဘဲ အမျိုးသားညီလာခံကနေ နုတ်ထွက်သွားတယ်။ အဲဒီအချိန်တုန်းက သူ ကိုယ်တိုင် သမ္မတ ဖြစ်ချင်ပါ တယ် ဆိုတဲ့ ဆန္ဒလည်းမရှိသေးဘူး။

အဲဒီ အချိန်ထဲက ဆွဲခဲ့ကြတာ။ အခုချိန်မှာ ဖွဲ့စည်းပုံအခြေခံ ဥပဒေအရလုပ်တဲ့ ရွေးကောက်ပွဲ နဲ့ နိုင်ငံရေးထဲ ၀င်လာပြီ ဆိုတဲ့ အခါ ဖွဲ့စည်းပုံ အခြေခံဥပဒေကို လက်ခံတယ်ဆိုတဲ့ သဘောပါလာတယ်။ ဒီနှစ်ပိုင်း အတွင်းမှ သမ္မတ ဖြစ်ချင်တဲ့ ဆန္ဒနဲ့ ဖြစ် ပေါ်လာတာ။ ဒီဖွဲ့စည်းပုံအခြေခံ ဥပဒေကို နိုင်ငံတကာကသာ အသိအမှတ် မပြုဘူးဆိုရင် အခု ဦးသိန်းစိန် အစိုးရကို နိုင်ငံတကာက ဘယ်လက်ခံပါ့မလဲ။ စီးပွားရေးပိတ်ဆို့ထားတာတွေကို ဘယ်လိုလုပ် ဖြေလျှော့မလဲ။

နိုင်ငံတကာနဲ့ ဆက်ဆံနေ တာတွေနဲ့ အနီးစပ်ဆုံးပြောရရင် လာမယ့်နှစ်မှာ အာဆီယံ ဥက္ကဋ္ဌ ဖြစ်တော့မယ်။ ပင်စည်ကိုသာ လက်ခံလို့ရှိရင် အကိုင်းအခက်တွေ ပြောစရာလိုသေးလား။ ကျနော်တို့က ပုဂ္ဂိုလ်ရေးအရ ဒေါ်အောင်ဆန်းစုကြည်ရယ်လို့ မဟုတ်ပါဘူး။ သူ့ရဲ့ပြောရဲ ဆိုရဲ လုပ်ရဲ ကိုင်ရဲတာတွေ အများကြီး အသိအမှတ် ပြုလက်ခံပါတယ်။ ဘာပြဿနာမှ မရှိဘူး။ အဲဒါက ပုဂ္ဂိုလ်ရေးအရပဲ။ တခြားနိုင်ငံတွေမှာလည်း နိုင်ငံရဲ့ အကြီးအကဲနဲ့ ပတ်သက်လို့ သားသမီးတွေ၊ ဇနီးတွေနဲ့ ပတ်သက်လို့ သတ်မှတ်တာတွေ အများကြီးရှိနေတာပဲ။ ဒီလို အရည်အချင်း သတ်မှတ်ထားတာ ဒေါ်အောင်ဆန်းစုကြည် တဦးတည်း ကို ရည်ရွယ်သတ်မှတ် ထားတာလို့ တချို့က ပြောကြတာ တွေရှိတယ်။

လောလောဆယ်မှာ တောင် ရန်ကုန်တိုင်းဝန်ကြီးချုပ် ဦးမြင့်ဆွေဆိုရင် ဒီဟာ ကြောင့် ထိပြီး သွားပြီ မဟုတ်လား။ နောက် ဥပမာတခု ပြောရရင် ဆရာကြီး ဦးသိန်းဖေမြင့် ပြောခဲ့ဖူးတာပါ။ အဲဒီအချိန် က ဦးသိန်းဖေမြင့်တို့က ဗိုလ်တထောင် သတင်းစာ မှာ အယ်ဒီတာချုပ်လုပ်နေတဲ့အချိန်၊ ဦးလောရုံတို့က နေရှင်းသတင်းစာ လုပ်တယ်။ ဦးလောရုံတို့က စာနယ်ဇင်း ကောင်စီကို ချုပ်ကိုင်ထားတယ်။ ဗိုလ်တထောင်သတင်းစာနဲ့ စာနယ်ဇင်းကောင်စီနဲ့ ပြဿနာ ဖြစ်ကြတယ်။ တော်လှန်ရေး ကောင်စီကလည်း တက်ခါစအချိန် သတင်းစာက ရေးသားတာနဲ့ ပတ်သက်ပြီး ဥပဒေကို ထိခိုက်လာတဲ့အခါမှာ အရေးယူ တာ  ရှိခဲ့တယ်။

အဲဒီဟာကိုအကြောင်းပြုပြီး သပိတ်မှောက်ကြတယ်။ သတင်းစာတွေရဲ့ မျက်နှာဖုံးမှာ ဘာမှမရေးဘဲ အမည်းကွက်ကြီး လုပ်တယ်။ အဲဒီအချိန်မှာ ဦးသိန်းဖေမြင့်ပြောတာက “တည်ဆဲဥပဒေက ရှိနေပြီးသား ဖြစ်တော့ ဒါကို လိုက်နာ ရမယ့်တာဝန်က နိုင်ငံသားတွေရဲ့ တာဝန်ပဲ။ ဥပဒေဖောက်ဖျက်လို့၊ ဥပဒေစည်းကျော် လို့ရှိရင် အရေးယူခံရမယ် ဆိုတာ နိုင်ငံသားတိုင်း သိနေတာပဲ။ အဲဒါကြောင့်အရေးယူခံရတာကို ဘာလို့ မျက်နှာဖုံးတွေမှာ အမည်း တွေ လုပ်နေ တာလဲ။ ကိုယ့်မှာ အပဲ့ရှိလို့ ဆားထိတဲ့အခါ စပ်တာဟာ ဆားရဲ့အပြစ်မဟုတ်ဘူး” လို့ ဥပမာပေး ပြောသွားတယ်။ ပြောချင်တာ ကတော့ အဲဒါပါပဲ။

မေး။     ။ ဒေါ်အောင်ဆန်းစုကြည်သာ သမ္မတ မဖြစ်ရင် မြန်မာနိုင်ငံရဲ့ ဒီမိုကရေစီ အပြောင်းအလဲက ဝေဖန်စရာ ဖြစ်မယ်လို့  သုံးသပ်ချက်တွေနဲ့ပတ်သက်လို့ သဘောထားလေး တိတိကျကျ သိချင်ပါတယ်။

ဖြေ။     ။ အဲဒီကိစ္စ ကျယ်ကျယ်ပြန့်ပြန့်ပြောချင်တယ်။ ကျနော်တို့ တိုင်းပြည်မှာ ဟိုးတုန်းထဲက ပြောခဲ့ကြတာ “တို့လုပ်မှ လွတ်လပ် ရေးစစ်တယ်၊ တို့လုပ်မှ ကွန်မြူနစ် စစ်တယ်၊ တို့လုပ်မှ ဆိုရှယ်လစ်စစ်တယ်၊ တို့လုပ်မှ ဒီမိုကရေစီ စစ်တယ်” လို့ပြောခဲ့ကြ တယ်။ အဲဒီလိုနဲ့ နှစ် ၆၀ ပြည်တွင်းစစ်တွေ ဖြစ်ခဲ့ကြတာပဲ။ အခုလည်း ဒီမိုကရေစီအင်အားစုတွေက အားလုံး ပါဝင်တဲ့ ဖြစ်စဉ် လို့ ပြောနေကြပေမယ့် “တို့လုပ်မှ ဒီမိုကရေစီ” “တို့လုပ်မှ လွတ်လပ်ရေးစစ်တယ်၊ ပြည်ထောင်စုစစ်တယ်” နဲ့ အကြောင်းအရာထက်ကို “တို့” က ရှေ့ရောက်နေတယ်။ အဲဒါက နိုင်ငံရေးမှာလွဲမှားတဲ့အချက်ပဲ။ အဲဒီစကားနဲ့ပဲ ဒီလိုဝေဖန်နေတဲ့သူတွေကို ပြောချင်ပါတယ်။

irrawaddy

ရေးကူးဝတ်စုံ ၀တ်ရမှာရှက်တဲ့ Myanmar Miss Universe မိုးစက်ဝိုင်


၁၉၆၁ ခုနှစ်မှစတင်ပြီး ကမ္ဘာ့မယ်စကြ၀ဠာပြိုင်ပွဲသို့ မြန်မာနိုင်ငံက ပါဝင် ယှဉ်ပြိုင်ခြင်းမပြုခဲ့ရာမှ နှစ်ပေါင်း ၅၂ အကြာ ၂၀၁၃ ခုနှစ် ရုရှားနိုင်ငံတွင် ကျင်းပမည့် မယ်စကြ၀ဠာပြိုင်ပွဲတွင် မြန်မာနိုင်ငံကိုယ်စားပြု ယှဉ်ပြိုင်မည့် အလှမယ်ကို အောက်တိုဘာလ ၃ ရက်နေ့ညပိုင်း ရန်ကုန်မြို့ အမျိုးသားကဇတ်ရုံမှာ ရွေးချယ်ခဲ့ပြီး Miss Myanmar Universe 2013 အဖြစ် အသက် ၂၅ နှစ်အရွယ် မိုးစက်ဝိုင်က အရွေးချယ်ခံလိုက်ရသည်။ ကမ္ဘာ့ မယ်စကြ၀ဠာပြိုင်ပွဲတွင် မြန်မာနိုင်ငံ ကိုယ်စားပြု ယှဉ်ပြိုင်မည့် မိုးစက်ဝိုင်ကို ဧရာဝတီသတင်းထောက်မြတ်သူအောင်က တွေ့ဆုံမေးမြန်းထားသည်။

မေး။     ။ Myanmar Miss Universe အဖြစ် အရွေးချယ်ခံရတဲ့အတွက် ဘယ်လိုခံစားနေရလဲ။

ဖြေ။     ။ ဘယ်လိုခံစားရလဲဆိုတော့ အသက်၂၅နှစ် ကျမှ ဖြစ်လာတဲ့အတွက် ဒီအခွင့်အရေးက မိုးစက် အတွက် အချိန်ကောင်းမှာကြုံတယ် လို့ပဲထင်ပါတယ်၊ ငယ်ငယ်တုန်းကသာ ဆိုရင် ဒီလို Experience လည်းရှိမှာ မဟုတ်ဘူး၊ ကိုယ့်ရဲ့အရည်အချင်း ကလည်း အဲ့လောက်ပြည့်ဝမှာ မဟုတ်သေးဘူးလေ။ ကျောင်းမပြီးသေးလို့ကျောင်းနဲ့ တဘက်ဆိုရင် ကျောင်းဘက် ပဲရွေးချယ်မိမှာလေ၊ ဒါကြောင့် အချိန်ကောင်းနဲ့ကြုံရတာပါ။

မေး။     ။ မြန်မာနိုင်ငံကို ကိုယ်စားပြုတဲ့ Miss Universe တဦး အဖြစ် လူတွေရဲ့စိတ်ဝင်စားမှုခံနေရတဲ့ သူတယောက် ဖြစ်သွားပြီ ဆိုတော့ စောင့်စည်း ထိန်းသိမ်းရမှာတွေများသွားပြီ။ မိုးစက်ရဲ့ အနာဂတ်မှာ ဘယ်လိုနေထိုင်သွားမလဲ။

ဖြေ။     ။ တွေးထားပါတယ်၊ ဒီပွဲက တခြားပွဲတွေလို ဆုရရင်ပြီးသွားတာမဟုတ်ပါဘူး၊ တောင်တက်ဖို့အတွက် တောင်တက် ခွင့်ရသွားတဲ့ သဘောပါ၊ ကိုယ်ကတခြားနိုင်ငံတွေနဲ့ယှဉ်ပြိုင်ရတော့မယ်ဆိုတော့ ကိုယ့်ရဲ့ အဟြေအဆို၊ အပြုအမူတွေက မြန်မာနိုင်ငံ ရဲ့ကိုယ်စားပြုဖြစ်တဲ့အတွက် ကိုယ့်လူမျိုးကို ကိုယ်စားပြုတဲ့အတွက် စဉ်းစားရတော့မယ်၊ ကိုယ်လုပ်ချင်တာ လုပ်လို့တော့ မရတော့ဘူးပေါ့။

မေး။     ။ ကိုယ့်အလှကို ကိုယ်ယုံကြည်ပြီးတော့ Miss Universe ၀င်ပြိုင်ခဲ့တာလား။

ဖြေ။     ။ မိုးစက်အမြင်မှာ ဒီ Miss Universe Myanmar က အလှတခုတည်းနဲ့ မပြည့်စုံပါဘူး၊ အဓိက ကတော့ မြန်မာနိုင်ငံရဲ့ ယဉ်ကျေးမှုနဲ့ မြန်မာနိုင်ငံကို ကိုယ်စားပြု နိုင်မယ့်သူကိုရှာတာပါ၊ ညီမကတော့ ကိုယ့်ကိုယ်ကိုယ် ကိုယ်စားပြု နိုင်မယ် လို့တော့ ထင်ပါတယ်၊၊

မေး။     ။ ကမ္ဘာ့မယ်စကြ၀ဠာပြိုင်ပွဲမှာ ဆုရဖို့ မျှော်မှန်းထားလား။

ဖြေ။     ။ မိုးစက်က ဟိုမှာဆုရဖို့ထက် မြန်မာနိုင်ငံကို လူတွေပိုသိစေချင်ပါတယ်၊ ဟိုနိုင်ငံတွေကလာပြိုင်တဲ့ Miss တွေကို လည်း မြန်မာ့ ယဉ်ကျေးမှုလေး တော့ပြချင်ပါတယ်၊ ဘာပဲဖြစ်ဖြစ် မြန်မာလို့သိသွားဖို့က မိုးစက်ရဲ့ရည်ရွယ်ချက်ပါပဲ။

မေး။     ။ မယ်စကြ၀ဠာပြိုင်ပွဲဝင်ဖို့ ဘယ်လိုတွေ ပြင်ဆင်သွားမလဲ။

ဖြေ။     ။ မိုးစက်အဲ့လိုမျိုး အဓိကလေ့လာထားတာမရှိပါဘူး၊ ဟြေပြချင်တာက မြန်မာနိုင်ငံအကြောင်းဟြေပြချင်တယ်၊ ယဉ်ကျေးမှု ကတော့ မိုးစက်က မြန်မာနိုင်ငံမှာ ကြီးလာတဲ့အတွက်မြန်မာ့ယဉ်ကျေးမှုကတော့ ကိုယ့်ရဲ့အတွင်းပိုင်းမှာ ရှိပြီး သားပါ၊ ဒါကဖယ်ထုတ်လို့လည်းမရတဲ့ အရာပါ၊ ဖုံးလို့လည်းမရတဲ့ အရာပါ၊ အဲ့ဒါကိုတော့ တကူးတက လေကျင့်စရာမလိုဘူးလို့ထင်ပါတယ်။

မေး။     ။ ညီမလေးရဲ့ပညာရေး အကြောင်းပြောပြပါဦး။

ဖြေ။     ။ မိုးစက်က အမေရိကန်နိုင်ငံ လော့စ် အိန်ဂျလစ်မှာရှိတဲ့ ကယ်လဖိုးနီးယားလူဗန်တက္ကသိုလ်ကနေ Business Marketing နဲ့ဘွဲ့ရခဲ့တာပါ၊ ဒါပေမယ့် ရန်ကုန်မှာတော့ အဝေးသင် English Major တက်ခဲ့ပါတယ်။ ပြည်ပမှာ ကျောင်းတက်တာက ပြည်ပ အတွေ့အကြုံလိုချင်လို့ပါ၊ အဓိကကတော့ မြန်မာနိုင်ငံမှာ တက်တယ် ဆိုရင် မြန်မာစနစ် ပဲကြုံရမှာလေ၊ ကိုယ်ကပိုပြီးတိုးတက်ချင်တယ်၊ အတွေ့အကြုံလည်းပိုရချင်တယ်၊ ကိုယ့်ကိုယ် ကိုယ် အားကိုးချင် တဲ့စိတ် လည်း ရှိချင်တာကြောင့်လည်းပါပါတယ်၊၊

မေး။     ။ နိုင်ငံခြားမှာနေတော့ အဲ့ဒီမှာလိုလွတ်လွတ်လပ်လပ်နေချင်တဲ့စရိုက်တွေ ကူးစက်လာတာမျိုးရှိလား။

ဖြေ။     ။ မိုးစက်က ကိုယ်ကောင်းတယ်လို့ထင်တဲ့ဟာကိုပဲ ကိုယ်လက်ခံပါတယ်၊ ဥပမာ လူဆိုတာ အရှက်အကြောက် အရမ်းကြီးနေရင် ဘာပဲဖြစ်ဖြစ် မအောင်မြင်ဘူးပေါ့နော်၊ ဒါမျိုးတွေတော့ ဟိုရောက်တဲ့အခါမှာ ကိုယ်က ဟြေင်းရမှာပေါ့၊ သူများဟြေရင် ကိုယ် ဟြေရဲရမယ်၊ ဒါမျိုးလေးတွေကတော့ ဟြေင်းသင့်လို့ဟြေင်းတာပါ၊ ဟြေင်းနိုင်အောင်လည်း ကြိုးစား ထားပါတယ်၊၊

မေး။     ။ အနုပညာအလုပ်ကို ၀ါသနာပါလား။

ဖြေ။     ။ ၀ါသနာပါလားဆိုတော့ မင်းသမီးလုပ်ချင်တာတော့ မဟုတ်ပါဘူး၊ ဒီဟာကျတော့ ဘ၀မှာတခါကြုံတဲ့ အခွင့် အရေး၊ ပြီးတော့ ကိုယ့်နိုင်ငံ ကိုယ်စားပြု၊ ကိုယ့်လူမျိုး ကိုယ်စားပြုလို့ရမယ်၊ နိုင့်ငံ့ဝန်တခုကို ထမ်းဆောင်တဲ့ အခွင့်အရေး တခု အနေနဲ့ ကြုံတဲ့အတွက် လုပ်ဖြစ်သွားတာပါ။

မေး။     ။ နိုင်ငံတကာနဲ့ ယှဉ်ပြိုင်ဖို့   ကိုယ့်ကိုယ်ကိုယ် ယုံကြည်မှုရှိရဲ့လား။

ဖြေ။     ။ မိုးစက်က နိုင်ငံတကာနဲ့ Compare လုပ်တယ်လို့မမြင်ပါဘူး၊ မြန်မာနိုင်ငံကို ကိုယ်စားပြုတဲ့အတွက် မြန်မာ့ ယဉ်ကျေးမှု ကိုပဲ သိစေချင်ပါတယ်၊ ကမ္ဘာကကြည့်နေတဲ့အတွက် မြန်မာ့ယဉ်ကျေးမှု၊ မြန်မာလူမျိုး၊ မြန်မာ့ ထုံးတမ်း ဓလေ့တွေ ကိုပဲ မြင်စေချင်ပါတယ်။

မေး။     ။ ဘယ်နိုင်ငံက Miss Universe တွေကိုသဘောကျလဲ။

ဖြေ။     ။ မိုးစက် အမြဲသဘောကျတာကတော့ ဗင်နီဇွဲလားက Miss တွေကို သဘောကျပါတယ်၊ သူတို့ကအရမ်း ချော တယ်၊ သူတို့ရဲ့ Body ကလည်း သေသေချာချာအချိုးကျကျကိုလှပတယ်၊ သူတို့ Work က တကယ့် Professional  ပဲ။

မေး။     ။  မယ်စကြ၀ဠာပြိုင်ပွဲ သွားပြိုင်ပြီး ပြန်လာရင်ရော ဘာတွေလုပ်မယ် စဉ်းစားထားလဲ။

ဖြေ။     ။ အဓိကကတော့ ညီမလူမှုရေးလုပ်ငန်းတွေပဲ လုပ်ချင်ပါတယ်၊ Miss ရထားတဲ့အချိန်မှာ လူမှုရေး လုပ်ရင် ပိုလွယ်တယ် လို့ထင်ပါတယ်၊ လူတွေကိုပိုစည်းရုံးနိုင်မယ်၊ ကိုယ်ဟြေတာကိုလက်ခံလာမယ်လို့ထင်ပါတယ်၊ မင်းသမီး လုပ်ချင်ရင် ရုပ်ရှိရင်လုပ်လို့ရပါတယ်၊၊

မေး။    ။ ရုရှား မယ်စကြ၀ဠာပြိုင်ပွဲမှာ ဘယ်လို Talent တွေလုပ်မယ်လို့စဉ်းစားထားလဲ။

ဖြေ။     ။ မိုးစက်ကြည့်ဖူးတဲ့ Miss Universe ကတော့ Talent မပါဘူး၊ တကယ်လို့ Talent ပါရင်တော့ ညီမ မြန်မာ အကနဲ့ ဖျော်ဖြေ တင်ဆက်ကပြမှာပါ။ ကျွမ်းကျွမ်းကျင်ကျင်တော့ မကတတ်ပါဘူး၊ ဒါပေမယ့် ငယ်ငယ်တုန်းက သင်္ကြန်ယိမ်းအက ကိုတော့ အထက်တန်းကျောင်းမှာတုန်းကပါဝင် ကပြဖူးပါတယ်။

မေး။     ။ မိုးစက်မှာ ဘယ်လို အားနည်းချက်တွေရှိလဲ။

ဖြေ။     ။ အားနည်းချက်က မိုးစက်ရှက်တတ်ပါတယ်၊ နောက်တခုက မိုးစက်ရဲ့ Walking Skill သိပ်မကောင်းသေးပါဘူး၊၊

မေး။     ။ ရှက်တတ်တယ်ဆိုတော့ ရေကူးဝတ်စုံ ၀တ်တော့ ဘယ်လိုခံစားရလဲ။

ဖြေ။     ။ အဲ့ဒါကတော့စိတ်ထဲမှာ Mood တခုသွင်းရပါတယ်၊ ရေကူးဝတ်စုံဝတ်တာ အစကတော့ ရှက်တယ်၊ နောက်ပြန် စဉ်းစားကြည့်တော့ ဒါအားကစား တခု၊ ရေကူးတယ်လို့ကိုယ့်ကိုယ်ကိုယ်သတ်မှတ်ထားပါတယ်၊ လူတိုင်းရေကူးရင် ရေကူး ၀တ်စုံပဲဝတ်တယ်၊ ဒါကြောင့် အဲ့လိုရေကူးတယ်လို့ စိတ်သွင်းလိုက်တဲ့ အတွက်မိုးစက်အဆင်ပြေသွားပါတယ်ရှင့်။

မေး။     ။ ဘာကိုဝါသနာပါတာလဲ။

ဖြေ။     ။ မိုးစက်သီချင်းဆိုတာ ၀ါသနာပါပါတယ်။

 မေး။     ။ မြန်မာနိုင်ငံက မီဒီယာတွေအပေါ်ရော ဘယ်လိုမြင်လဲ။

ဖြေ။     ။ အခုမီဒီယာတွေဝိုင်းနေတယ်ဆိုတော့ အကောင်းဖြေရမယ် ထင်တယ်နော်(ရယ်လျှက်)၊ အကောင်း မဖြေရင်အကုန်လုံးဝိုင်းပြီးတော့ ပြဿနာရှာမှာလေ၊ မီဒီယာတွေက အကုန်လုံးအရမ်းကောင်းပါတယ်။

မေး။    ။ ပရိသတ်ကို ဘာပြောချင်လဲ။

ဖြေ။     ။ ညီမပရိသတ်အားလုံးကို ကျေးဇူးတင်ပါတယ်၊ Vote ပေးတာလည်းကျေးဇူးတင်ပါတယ်၊ နိုင်ငံ ကိုယ်စားပြု ဖြစ် အောင် ကြိုးစားပါ့မယ်လို့ကတိပေးပါတယ်

The Irrawaddy (Burmese Version)

မြန်မာ သံဃာတော်များကို ထိုင်းသာသနာရေးရုံးက တောင်းပန်


ထိုင်းနိုင်ငံ တနိုင်ငံလုံးမှာတော့ မြန်မာနိုင်ငံသား သံဃာတော် စုစုပေါင်း ၅၀၀ ခန့်ရှိပါတယ် (ဓာတ်ပုံ – Reuters)
ထိုင်းနိုင်ငံမှာ သတင်းသုံး ပညာသင်ကြားနေကြတဲ့ မြန်မာသံဃာတော်တွေကို မချေမငံ ပြောဆိုမှုတွေပြုလုပ်ခဲ့တဲ့အတွက် ထိုင်းနိုင်ငံ ဆိုင်ရာ သာသနာရေးရုံး Office Of National Buddhism ရဲ့ အထွေထွေ ညွှန်ကြားရေးမှူး နိုင်နုတ်ဖလက် ဘင်ကျဝပ်ထနာနန် (Mr.Nopparat Benjawatananun) က တရားဝင် တောင်းပန်လိုက်ပါတယ်။

ထိုင်းနိုင်ငံ မြောက်ပိုင်း လန်ပန်းမြို့ ဝပ်ထာ့မအိုးကျောင်းမှာ သီတင်းသုံး ပညာသင်ကြားနေတဲ့ မြန်မာ၊ လာအိုနဲ့ ကမ္ဘောဒီးယား သံဃာတော်တွေ နေထိုင်ခွင့်ဗီဇာ ရရှိရေးအတွက် ထောက်ခံချက်သွားယူတဲ့ မြန်မာသံဃာတော်တပါးကို ထိုင်းသာသနာရေးရုံးရဲ့ အမျိုးသမီး ဝန်ထမ်းတဦးက မချေမငံ ပြောဆိုမှုတွေ ပြုလုပ်ခဲ့တာကို တောင်းပန်တာဖြစ်တယ်လို့ သိရပါတယ်။

ဒီလိုပြောဆိုခံရမှုနဲ့ ပတ်သက်ပြီး မြန်မာသံဃာတော်တွေဘက်က ထိုင်းသာသနာရေးဌာနကို ဒီနှစ်ဧပြီလထဲမှာ တိုင်ကြားခဲ့တာ ဖြစ်ပြီး စက်တင်ဘာလ ၁၉ ရက်နေ့က အထွေထွေ ညွှန်ကြားရေးမှူး နိုင်နုတ်ဖလက် ဘင်ကျဝပ်ထနာနန် အပါအဝင် ပြောဆိုခဲ့တဲ့ အမျိုးသမီးဝန်ထမ်းတို့က တရားဝင်အကြောင်းပြန် တောင်းပန်ခဲ့တာဖြစ်တယ်လို့ ဒီအဖြစ်အပျက်ကို တိုင်ကြားရာမှာ သက်သေအဖြစ် တာဝန်ယူခဲ့တဲ့ အရှင်ဇနက္ကက မိန့်ကြားပါတယ်။

အရှင် ဇနက္ကက “ဦးဇင်းတို့ ပထမဆုံး tourist visa ကနေ non-imigrant visa ပြောင်းတဲ့အချိန်ကြရင် အဲဒီကိုသွားရတာကိုး။ အဲဒီတုန်းက စာရွက်စာတမ်းတွေ ၁၄ ပါးစာ ပေးလိုက်တော့ များလှချည်လား၊ ဘယ်နိုင်ငံကလဲလို့ မေးတယ်။ မြန်မာပြည်ကဆိုတော့ ဟာ အာဆီယံသာ ဖွင့်လိုက်ရင်တော့ ပိုတောင်များလိမ့်ဦးမယ်ပေါ့လေ။ တခြားနိုင်ငံသားတွေက ထိုင်းကျောင်းတွေမှာဆိုရင် ထိုင်း သံဃာတွေထက် မများစေရဘူးတဲ့။ ဒီဘန်ကောက် ဝပ်တလုံးကျောင်းမှာဆိုရင်လည်း ကိုယ်တော်တွေက နေတာထိုင်တာ ကြည်ညိုဖွယ်ရာမရှိဘူးဆိုပြီး အဲလိုပြောတယ်။ အဲဒီအပေါ်မှာ ဦးဇင်းတို့ကတိုင်လိုက်တာ၊ အခုတောင်းပန်စာ ပြန်လာတာပေါ့လေ” လို့ ဧရာဝတီကို ရှင်းပြပါတယ်။

ထိုင်းနိုင်ငံထဲမှာရှိတဲ့ ဘုန်းကြီးကျောင်းတွေမှာ နိုင်ငံခြားသား သံဃာတော်တွေဟာ နိုင်ငံသားသံဃာတော်တွေထက် မများရဘူး ဆိုတာ နိုင်ငံတော်က ထုတ်ပြန်ထားတဲ့ ဥပဒေဟုတ်မဟုတ်၊ ဝပ်တလုံးကျောင်းက မြန်မာသံဃာတော်များ အပေါ် အကြည်ညို ပျက်အောင် ပြောဆိုရတဲ့ အကြောင်းရင်းနဲ့ ၂၀၁၅ အာစီယံမှာ ပိုများလာမယ်လို့ ပြောဆိုတဲ့ အဓိပ္ပာယ်ဟာ ဗီဇာ မပေးလိုတဲ့ အတွက် ခြိမ်းခြောက်မှုလား စသဖြင့် အချက်သုံးချက်ထောက်ပြပြီး တိုင်ကြားခဲ့တာလို့ သိပါတယ်။

အဲ့ဒီ့တိုင်ကြားစာကို ဝပ်ထာ့မအိုးကျောင်းက မြန်မာသံဃာတော် အရှင် ဇနက္က က သက်သေအဖြစ်ပြုလုပ်ပြီး ဝပ်ထာ့မအိုး ကျောင်းထိုင် ဆရာတော်က တိုင်ကြားခဲ့တာလို့ သိရပါတယ်။

ဝပ်ထာ့မအိုး ကျောင်းထိုင်ဆရာတော်ဟာ ထိုင်းနိုင်ငံသားဖြစ်ပြီး ဒီကျောင်းကို အရင်ကျောင်းထိုင်ခဲ့တဲ့ မြန်မာနိုင်ငံသား ဘုန်းကြီး တပါးဖြစ်တဲ့ ဒေါက်တာ ဓမ္မာနဒ္ဒ ပျံလွန်တော်မူပြီးတဲ့နောက် ကျောင်းထိုင်ဆရာတော်ဖြစ်လာတာပါ။ သူဟာ ပျံလွန်တော်မူသွားတဲ့ ဆရာတော် ဒေါက်တာ ဓမ္မာနဒ္ဒ ရဲ့ လမ်းညွှန်မှုနဲ့ မြန်မာနိုင်ငံက ဘုန်းကြီးစာသင်ကျောင်းတွေမှာ နှစ်ပေါင်းများစွာ ပညာသင်ယူ ခဲ့တာပါ။

“တောင်းပန်စာနဲ့ အတူ တိုင်ထားတဲ့ အချက်တွေကိုလည်း ပြန်ဖြေရှင်းထားပါတယ်။ ဘယ်နိုင်ငံသားမဆို ထိုင်းနိုင်ငံကို ရောက်လာရင် သူတို့သာသနာရေးဌာနက ထုတ်ပြန်ထားတဲ့ စည်းကမ်း ဥပဒေတွေကို လိုက်နာရင် ပေးနေပါတယ်တဲ့။ သူတို့ ဝန်ထမ်း ဒကာမ ပြောဆိုမှုနဲ့ ပတ်သက်ပြီး စိတ်မကောင်းဖြစ်မိတယ်၊ တောင်းပန်ကြောင်းပေါ့။ ညွှန်ကြားရေးမှူးရဲ့ လက်မှတ်ပါတယ်။ နောက်တရွက်က ပြောဆိုခဲ့တဲ့ ဒကာမကိုယ်တိုင် တောင်းပန်စာပါ” လို့ အရှင် ဇနက္က က မိန့်ပါတယ်။

ဝပ်ထာ့မအိုးကျောင်း ဟာ ထိုင်းနိုင်ငံမြောက်ပိုင်း လန်ပန်းမြို့ပေါ်မှာ တည်ရှိပြီး မြန်မာသံဃာတော် ၁၄ ပါး၊ လာအို သံဃာတော် ၉ ပါးနဲ့ ကမ္ဘောဒီးယား သံဃာတော်တစ်ပါးတို့ စာသင်ကြားနေပါတယ်။ ဝပ်ထာ့မအိုးကျောင်းကိုတော့ လွန်ခဲ့တဲ့ နှစ်တစ်ရာကျော် ကတည်းက မြန်မာသံဃာတော်တွေအဆင့်ဆင့် ကျောင်းထိုင်ခဲ့ကြပြီး လန်ပန်းမြို့ပေါ်မှာတော့ ထင်ရှားတဲ့ ကျောင်းတစ်ကျောင်းဖြစ်ပါတယ်။

ထိုင်းသာသနာရေး ဌာနဘက်က တာဝန်ရှိသူတွေအနေနဲ့ ခုလိုတရားဝင်တောင်းပန်လိုက်တာကို ထိုင်းနိုင်ငံ တက္ကသိုလ်တွေမှာ ပညာဆည်းပူးနေတဲ့ မြန်မာသံဃာတော်တွေကလည်း ကြိုဆိုကြပါတယ်။ သူတို့လည်း ထိုင်းလဝကမှာ ဗီဇာသွားလျှောက်တဲ့ အခါ အဲဒီလို ပြောဆိုခံခဲ့ကြရတာမျိုး တွေကြုံခဲ့ရတယ်လို့ ဘန်ကောက်မြို့ပေါ်ရှိ ဝပ်တလုံး ကျောင်းတိုက် က အရှင် တေဇ က မိန့်ပါတယ်။

“ထိုင်းလဝကမှာ ဦးဇင်းတို့ ဗီဇာသွားတိုးတဲ့အခါမှာ ဦးဇင်းတို့ ဒီမှာ ဘာလုပ်တာတုန်း၊ ဘယ်လိုနေတာတုန်းဆိုပြီးတော့မေးတယ်။ သူတို့ထင်တာက ဒီမှာ နေ၊ ဆွမ်းခံထွက်၊ ရတဲ့ပိုက်ဆံစုပြီး မြန်မာပြည်ပြန်ပို့ အဲလိုထင်တာ။ ဦးဇင်းတို့က ပြောပြရတာပေါ့၊ ငါတို့က ဒီမှာ ဆွမ်းမခံဘူး၊ တက္ကသိုလ်တွေမှာကျောင်းတွေမှာ တက်နေကြတာ။ မင်းတို့ဆီမှာ ငါတို့က တောင်းစားတာ မဟုတ်ဘူး။ သေချာရှင်းပြမှ ဗီဇာတွေ ဘာတွေပေးတယ်။ ဒီမှာရောက်လာတဲ့ သံဃာအကုန်လုံးလိုလို ကြုံရပါတယ်” လို့ အရှင်တေဇ က မိန့်ကြားပါတယ်။

ဆက်ပြီး “ဦးဇင်းတို့ဆိုရင် အထောက်အထား အပြည့်အစုံရှိတာကို စိတ်ပျက်အောင် ရစ်တာ၊ တော်တော်နဲ့ လုပ်မပေးဘူး။ ဦးဇင်းတို့ ကျောင်းကို စစ်ဆေးရေးဝင်တယ်ဆိုလို့ရှိရင်လည်း ဘုန်းကြီးတွေကို အောက်မှာအထိုင်ခိုင်း သူတို့က ဖိနပ်တွေနဲ့ အပေါ်ကသွား ဗုဒ္ဓဘာသာ နိုင်ငံလို့ပြောရမှာတောင် ရှက်စရာပါဗျာ။ ဦးဇင်းတို့ကို ဒီမှာ အလကားနေတယ်လို့ ထင်တယ်။ စကားအသုံးအနှုန်းကအစ သူတောင်းစားလို့ သုံးပြောတာမျိုးကြုံဖူးတယ်” လို့ ရှင်းပြပါတယ်။

ဝပ်တလုံးကျောင်းတိုက်မှာတော့ မြန်မာနိုင်ငံသား သံဃာတော် အပါး ၂၀၀ ကျော်ရှိပြီး ထိုင်းနိုင်ငံ တနိုင်ငံလုံးမှာတော့ မြန်မာနိုင်ငံသား သံဃာတော် စုစုပေါင်း ၅၀၀ ခန့်ရှိတယ်လို့ လေ့လာ သိရှိရပြီး အများစုက ထိုင်းနိုင်ငံမှာရှိတဲ့ Mahachulalongrajavidyalaya University၊ Mahamakut Buddhist University နဲ့ Siam University တို့မှာ တက်ရောက်နေကြတယ်လို့ သိရပါတယ်။
irrawaddy

သဘောတူညီချက်ရရှိသွားပြီဖြစ်၍ မြို့တော်ခန်းမရှေ့ မိချောင်းကန်သပိတ်စခန်းကို ယနေ့ညနေတွင်ပိတ်သိမ်းမည်


မြို့တော်ခန်းမရှေ့တွင် ဖွင့်လှစ်ထားသောမိချောင်းကန် ဆန္ဒဖော်ထုတ်သူများ၏ သပိတ်စခန်းကို သက်ဆိုင်ရာနှင့်သဘောတူညီချက်ရရှိသွားပြီဖြစ်၍ ယနေ့ညနေတွင်
အဆိုပါ သပိတ်စခန်းကို ပိတ်သိမ်းမည်ဟု ဆန္ဒဖော်ထုတ်သူတစ်ဦးကပြောသည်။
မြေယာသိမ်းဆည်းမှုစုံစမ်းဖော်ထုတ်ရေးကော်မရှင်အဖွဲဝင်
ဦးအောင်သိန်းလင်း၊ဦးခိုင်မောင်ရည်နှင့်တာဝန်ရှိသူများက လာရောက်ညှိုနှိုင်းခဲ့ခြင်းဖြစ်သည်။
မိကျောင်းကန် ဘိုးဘွားပိုင်မြေကို တပ်ပိုင်မြေဟု အတင်းအဓမ္မ သိမ်းယူသွားသည်ဟု ခေါင်းစဉ်တပ်၍ သပိတ်စခန်းကို မြို့တော်ခန်းမရှေ့တွင် အောက်တိုဘာ၂ရက်ကစတင်ဖွင့်လှစ်ခဲ့ခြင်းဖြစ်သည်။
မိကျောင်းကန် ဘိုးဘွားပိုင်မြေအတွက် မိကျောင်းကန် ရပ်ကွက်နေ ပြည်သူများသည် ဆန္ဒဖော်ထုတ်မှုများကို အကြိမ်ကြိမ်ပြုလုပ်ခဲ့ကြပြီး ယခုအကြိမ်တွင်မူ ၈ ကြိမ်မြောက် ဆန္ဒဖော်ထုတ်ခဲ့ခြင်း ဖြစ်ကြောင်းသိရသည်။၀၅၁

Popular Myanmar News Journal

ဘယ်တော့မှအရှုံးမပေးနဲ့



- အသက် ၉ နှစ်အရွယ်တုန်းက ကျွန်မ အဓမ္မပြုကျင့်ခံခဲ့ရပါတယ်...
>>>Oprah Winfrey<<<

- တက္ကသိုလ်ပညာရေးကိုတောင် ကျွန်တော်ဆုံးခန်းမတိုင်ခဲ့ပါဘူး...
>>>Bill Gates<<<

- ကျွန်မသိတတ်တဲ့အရွယ်ကစပြီး အသက် ၁၈ နှစ်အရွယ် အိမ်ကမထွက်
လာခင်အထိ ကျွန်မအဖေရဲ့ စိတ်ပိုင်းဆိုင်ရာ၊ ခံစားမှုပိုင်းဆိုင်ရာနဲ့ လိင်ပိုင်း
ဆိုင်ရာ ပြောဆိုပုတ်ခတ်မှုတွေ အနိုင်ကျင့်မှုစော်ကားမှုတွေကို အကြိမ်ကြိမ်
ခံခဲ့ရပါတယ်...
>>>Joyce Meyer<<<

- မူလတန်းကျောင်းသားဘဝတစ်လျှောက်လုံး စာလိုက်နိုင်ဖို့ ကျွန်တော်
ရုန်းကန်ကြိုးစားခဲ့ရပါတယ်...
>>>Dr Ben Carson<<<

- ကျွန်တော် ဘောလုံးလေ့ကျင်နိုင်ဖို့အတွက် ဆိုင်တစ်ဆိုင်မှာ လက်ဖက်ရည်ဖျော်ပေးတဲ့ အလုပ်ကို

မကြာခဏလုပ်ခဲ့ရဖူးပါတယ်...
>>>Lionel Messi<<<

- ကျွန်တော့်သူငယ်ချင်းရဲ့ အခန်းကြမ်းပြင်ပေါ်မှာ ကျွန်တော်အိပ်ခဲ့ရတယ်... Coke ဗူးခွံတွေပြန်သွင်းပြီး ပိုက်ဆံရှာ...

စားစရာတွေဝယ်ခဲ့ရတယ်... ပြီးတော့ အပတ်စဉ် အလကားကျွေးတဲ့ အနီးအနားက ဘုရားကျောင်းလေးမှာ

ပုံမှန်သွားစားသောက်ခဲ့ဖူးတယ်....
>>>Steve Jobs<<<

- ကျွန်တော့်ဆရာတွေက ကျွန်တော့်ကို အရှုံးသမားလို့ ခေါ်လေ့ရှိတယ်...
>>>Tony Blair<<<

- ကျွန်တော် ၂၇ နှစ်လုံးလုံး ထောင်ထဲမှာ နေခဲ့ရတာပါ....
>>>Nelson Mandela<<<

ဘဝမှာ အခက်အခဲတွေအများကြီး တွေ့ကြုံပေမဲ့ ကျွန်တော်တို့ လက်မလျှော့သင့်ပါဘူး... ဘာကြောင့်လဲဆိုတာ့ ဘဝဆိုတာ

အခုအချိန်အထိ သင်မတတ်နိုင်ခဲ့တဲ့ အရာတွေကို ကိုယ်စားပြုနေတာမဟုတ်ဘူး.... ဘဝဆိုတာ သင်အခုအချိန်အထိ

ဘာလုပ်နိုင်သေးလဲဆိုတာပေါ် မူတည်နေလို့ပါပဲ....

ဒါကြောင့်... ဘယ်တော့မှ အရှုံးမပေးပါနဲ့...

Ref: Daily Health Tips
နှိုင်းရင့်နွေ

(Share from:MyanmarDaily.net)

မရမ်းကုန်းမှ မြင်းသောင်းကျန်း လူခုနှစ်ဦးကို ကိုက်

စိုင်းဟန်

ရန်ကုန် ၊ အောက်တိုဘာ ၄။ ။ မ ရမ်းကုန်းမြို့နယ် အမှတ်(၁)ရပ် ကွက်အတွင်း မြင်းတစ်ကောင်က အရိုင်းစိတ်ဝင်ကာ ရပ်ကွက်အတွင်း သွားလာနေသော လူခုနစ်ဦးအား လိုက်လံကိုက်ခဲ့သည့် ဖြစ်စဉ်တစ် ခု ယနေ့နံနက် ၇ နာရီခန့်က ဖြစ် ပွားခဲ့ ကြောင်း ဒေသခံများထံမှ သိရသည်။

''ဒီနေ့မနက်က အဲဒီ့ မြင်း က ရူးပြီးတော့ လမ်းမှာသွားနေတဲ့ သူတွေကို လိုက်ကိုက်တယ်။ မ နက်ခင်းဖြစ်တော့ တော်တော်များ များအလုပ်သွားတဲ့အချိန်ဖြစ်တဲ့ အတွက် အကိုက်ခံရတော့ ထိခိုက် ဒဏ်ရာတွေရတာများတယ်။ ပုံစံ ကခွေးရူး အကိုက် ခံရလို့ ခွေးရူး ပြန်ပြီး လိုက်ကိုက်တာလို့ ထင် တယ်''ဟု အမှတ်(၁)ရပ်ကွက်နေ ဒေါ်သက် က ပြောသည်။ ယင်းဖြစ်ရပ်အား မြို့နယ် အုပ်ချုပ်ရေးမှူးရုံးမှ တာဝန်ရှိသူ တစ်ဦးက မှန်ကန်ကြောင်း အတည် ပြုပြောကြားသည်။ အဆိုပါမြင်း သည် အမှတ် (၁) ရပ်ကွက်အတွင်း နေအိမ်တစ် အိမ်မှ မွေးမြူ ထားသော မြင်းဖြစ် ကြောင်းနှင့် အကိုက်ခံရမှုကြောင့် ဒဏ်ရာရရှိသူ ခုနစ်ဦးအထိရှိပြီး ယင်းတို့အထဲ တွင် အသက်၁ဝနှစ်အောက် ကလေး လေးဦးရှိကြောင်း သိရ သည်။

''ဒဏ်ရာရတဲ့ သူတွေထဲက လေးဦးကို အင်းစိန်ဆေးရုံပို့ပေး တယ်။ တစ်ဦးကို ရန်ကုန်ဆေးရုံ ကြီးကို ပို့လိုက်တယ်။ ကျန်တဲ့နှစ် ယောက်ကတော့ အပြင်ဆေးခန်း မှာပဲပြလိုက်တယ်။ မြင်းကို ဝိုင်းပြီး ရိုက်သတ်လိုက်ကြတယ်။ ခွေးရူး ပြန်ကာ ကွယ်ဆေး တော့ ထိုးပြီး သွားပြီလို့သိရတယ်''ဟု အနီးရှိ မျက်မြင်တစ်ဦးက ပြောသည်။ ရန်ကုန်ဆေးရုံကြီးအရေး ပေါ်ဌာနမှ တာဝန်ကျတစ်ဦးက ''ဟုတ်တယ်။ နံနက်ကဖြစ်တာပါ။ ပြင်ပလူနာဌာနကိုပြပြီးတော့ ပြန် သွားပြီ''ဟု အတည်ပြု ပြောသည်။
Yangon Media Group


သိပ္ပံနဲ့ နည်းပညာနဲ့ ဂျပန်အပြည်ပြည်ဆိုင်ရာပူးပေါင်းဆောင်ရွက် ရေးအေဂျင်စီ(JICA)တို့ပူးပေါင်းပြီး မန္တလေးနည်းပညာတက္ကသိုလ်တို့ ကိုပညာရေးနဲ့ နည်းပညာကဏ္ဍတွေမှာ ကူညီပံပိုးမှုတွေပြုလုပ်သွားမယ်


သိပ္ပံနဲ့ နည်းပညာနဲ့ ဂျပန်အပြည်ပြည်ဆိုင်ရာပူးပေါင်းဆောင်ရွက်
ရေးအေဂျင်စီ(JICA)တို့ပူးပေါင်းပြီး ရန်ကုန်
နဲ့ မန္တလေးနည်းပညာတက္ကသိုလ်တို့ ကိုပညာရေးနဲ့ နည်းပညာကဏ္ဍတွေမှာ
ကူညီပံပိုးမှုတွေပြုလုပ်သွားမယ်
လို့ ယနေ့ ရန်ကုန်နည်းပညာတက္ကသိုလ်မှာ
ပြုလုပ်ခဲ့တဲ့သတင်းစာရှင်းလင်းပွဲမှသိရပါတယ်။
"JICAနဲ့ ပူးပေါင်းပြီးလုပ်မယ့်ပရောဂျက်က
ငါးနှစ်လုပ်သွားမယ်၊အဆင့်မြင့်နည်းပညာဋ္ဌာနကတော့ကိုး ခုရှိပါတယ်။ပရော့ဂျက်အကြီးထဲကဆိုရင်JICAနဲ့ အပြင်အိန္ဒ်ိယနဲ့ လည်းပူးပေါင်းဆောင်ရွက်နေတာတွေရှိ တယ်"
လို့ သိပ္ပံနှင့်နည်းပညာဝန်ကြီးဋ္ဌာန၀န်ကြီးဒေါက်တာကိုကိုဦးကပြောပါတယ်။
Author မြင့်ဟိန်း၊မိုးမြင့်ဇော်

မန်းကားလောက၏ အကြီးမားဆုံး လိမ်လည်မှုအဖြစ် ကျပ်သိန်းလေးသောင်းကျော် အလိမ်ခံရမှု ၀ယ်ရောင်းသမား သုံးဆယ်ခန့် ယနေ့ စာနယ်ဇင်းရှင်းပြီ


မန္တလေးကားလောကတွင် အကြီးမားဆုံးလိမ်လည်မှုအဖြစ် ငွေကျပ် သိန်းလေးသောင်းကျော်အလိမ်ခံရမှုကားဝယ်ရောင်းသမား သုံးဆယ်ခန့် ယနေ့ နေ့လည်က
သတင်းစာရှင်းလင်းပွဲတစ်ရပ်ပြုလုပ်ခဲ့သည်။
သြဂုတ် ၁ရက်နေ့တွင် လင်းကမ္ဘာကုမ္မဏီနှင့် ထူးပီတိ ကုမ္မဏီမှ ပြုလုပ်သည့် ကားအရောင်းပြပွဲတွင် ကားဝယ်ရောင်းအများစု ရန်ကုန်ဈေးနှင့် ဈေးကွာခြားကာ ၁၀သိန်းမှ သိန်း ၅၀ခန့်အထိ တခြားကုမ္မဏီများနှင့် ဈေးကွာခြားကာ သက်သာသောကြောင့် ၀ယ်ရောင်းသမားအများစု ၀ယ်ယူခဲ့ကြသည်။
ကားဝယ်ယူရာ စာချုပ်ချုပ်ဆိုရာတွင် ထူးပီတိနှင့် စာချုပ်ချုပ်ပြီး ကားအား လင်းကမ္ဘာကုမ္မဏီတွင် သွား ရောက်ထုတ်ယူရကြောင်း ကားအား ၀ယ်ယူပြီး သုံးပတ်အတွင်း လိုင်စင်၊ Ownner Book အပြီးစီးလုပ်ပေးမည် ဖြစ်ပြီး သုံးပတ်အတွင်း ယာယီလိုင်စင်ဖြင့် စီးနင်းရမည်ဖြစ်ကာ ငွေအား အပြီးစီးပေးချေရကြောင်း အဆိုပါရှင်း လင်းပွဲတွင် ကားဝယ်ရောင်းသမား များက ပြောသည်။
ယခု နှစ်လခန့်ကြာသည်အထိ လိုင်စင်ရရှိခြင်းမရှိသေးသောကြောင့် အဆိုပါကားကုမ္မဏီနှစ်ခုအား ဆက်သွယ်သောအခါ ထူးပီတိ ပိုင်ရှင် ကိုကျော်နိုင်စိုး ဆိုသူမှာ တိမ်းရှောင်နေပြီး
လင်းကမ္ဘာကုမ္မဏီပိုင်ရှင်ဟု ဆိုသူ ဦးအောင်ရဲလင်းအား ဆက်သွယ်သောအခါ ၄င်းနှင့် ဦးကျော်နိုင်စိုးမှာ ယခုကိစ္စနှင့် ပတ်သက်ပြီး သက်ဆိုင်ခြင်းမရှိကြောင်း ယခုကားကိစ္စတွင် ၄င်းလက်မှတ်ထိုး၍ ချုပ်ဆိုထားသော ကား ၃၅စီးကိုသာ ဖြေရှင်းပေး သွားမည်ဖြစ်ကြောင်း ကားဝယ်ရောင်းသမားတစ်ဦးက ဆိုသည်။
ယခုကားစလစ်၊ ယာဉ်စစ်၊ နံပါတ်ရပြီး ယာဉ်လိုင်စင်မရသေးသည့် ကား ၉၃စီး၊ ယခုကားစလစ်၊ ယာဉ်စစ်၊ နံပါတ်၊ ယာဉ်လိုင်စင် မည်သည်မျှမရသေးဘဲ ကားချည်း သက်သက်သာရထားသည့် ကားအစီးရေ ၁၅၀ရှိကြောင်း ကားဝယ်ရောင်းသမားများက ဆိုသည်။ ကားသွားထုတ်တော့ သော့ကိုင်ကတစ်ယောက်၊ တံခါးဖွင့်ပေးသူကတစ်ယောက်၊ စာချုပ်ချုပ်တော့ လည်း ၀န်ထမ်းတွေနဲ့ပဲချုပ်ရတယ်။ အဲ့ကတည်းက တော့ နည်းနည်းရိပ်မိတယ်။ အခု ဘယ်သူ့ကို အဖေခေါ် ရမှန်းမသိဘူး။ အခုလိုင်စင်ပြန်လျှောက်မယ်ဆိုလည်း ကားဖိုးလောက်ထပ်ကျနေတော့ အဆင်မပြေပြန်ဘူး။ အမှုဖွင့်ရင်လည်း သက်သေခံအဖြစ်ကားကို သိမ်းထားမှာလည်းစိုးရသေးတယ်။ အခု အလိမ်ခံရသူအားလုံး တိုင်ပင်ပြီးတစ်ခုခုတော့လုပ်မယ်။ နည်းနည်းတော့ စောင့်ကြည့်ဦးမယ်ဟု ကျပ်သိန်း ၈၀၀ကျော်တန်ဖိုးဖြင့် ကား ငါးစီးဝယ်ထားသူ တစ်ဦးက ပြောသည်။ ယခုကိစ္စတွင် လင်းကမ္ဘာကုမ္မဏီပိုင်ရှင် ကိုအောင်ရဲလင်းနှင့် ထူးပီတိပိုင်ရှင် ကိုကျော်နိုင်စိုး ပတ်သက်မှု မရှိဟု ကိုအောင်ရဲလင်းက ပြောကြားသော်လည်း ၄င်းတို့မှာ လွန်ခဲ့သည့် ၁၅နှစ်ခန့်မှ လုပ်ငန်းများအတူတွဲလုပ် ကြကြောင်း ယခုကားလုပ်ငန်းမှမဟုတ်ဘဲ တခြားလုပ်ငန်းများလည်း တွဲဖက်လုပ်ငန်းများလည်း လုပ်ကိုင်ကြောင်း ထူးပီတိပိုင်ရှင် ကိုကျော်နိုင်စိုးနှင့် နှစ်သုံးဆယ်ခန့် တပည့်အဖြစ်လုပ်ကိုင်ခဲ့သော ကိုစိုးမင်းက Popular News Journal သို့ ပြောသည်။ ကိုကျော်နိုင်စိုးဝယ်တဲ့အချိန်က စလစ်ဈေးတွေက ၉၀ကျော်ပဲရှိသေးတာ။ နောက်ပိုင်း စလစ်ဈေးတွေက တစ်ဖြေးဖြေးတက်လာတယ်။ အဲ့တော့ သူဘက်က အရှုံးပြလာတယ်။ အဲ့ဒါကြောင့် ဒီလိုလုပ်လိုက်တာဖြစ်နိုင် တယ် ဟု ကိုစိုးမင်းက ပြောသည်။ဖိုးလပြည့်
Popular Myanmar News Journal

Early Pregnancy Signs and Symptoms (20) ကိုယ်ဝန်ရှိခြင်း လက္ခဏာ (၂ဝ)


ရာသီမလာခင်တစ်ရက် ကိုယ်ဝန်စစ်တော့ မရှိပါ။ အခု ရာသီလာမဲ့ရက်ထက် သုံးရက်လောက် ကျော်နေပါပြီ။ မစစ်ရဲသေးလို့ပါ။ ကိုယ်က ကိုယ်ဝန်လိုချင်တာဆိုတော့ မရှိရင် ငိုမိမှာစိုးလို့ပါ။ ရင်သားတွေကတော့ အရမ်းနာကျင်ပါတယ်။ အဖြူကလည်း တော်တော်ဆင်းပါတယ်။ အဲဒါ ရာသီနောက်ကျတာပါလားရှင်။

(မှတ်ချက်။ မေးခွန်းထဲက “ဆိုးလို့ပါ” ကို “စိုးလို့ပါ” လို့ ပြင်လိုက်ပါတယ်။ “ဆိုး” တာက မကောင်တာကိုဆိုလိုပြီး “စိုး” တာက စိုးရိမ်တာကို ဆိုလိုပါတယ်။)

ကိုယ်ဝန်ရှိခြင်း လက္ခဏာ (၂ဝ)
၁။ ရာသီမလာဖြစ်မယ်၊ ရာသီ မမှန်ဖြစ်မယ်၊ ပေါင်းစပ်ပြီးသား မျိုးဥက သားအိမ် အတွင်းဆုံးလွှာကို လာပြီးတွယ်ကပ်ချိန်မှာ သွေးနဲနဲ စွန်းမယ်။ ဆီးစပ်နေရာကလဲ နာတာခံစားရနိုင်တယ်။ ရာသီလာလို့နာတာနဲ့ ခွဲခြားရမယ်။ မျိုးဥထွက်ချိန်ဆိုတာ (လလည်ရက်) နဲ့ ၆-၁ဝ ရက်မှာဖြစ်တယ်။
၂။ ကိုယ့်ကိုယ်ကို ကိုယ်ဝန်ရှိနေတယ်လို့ထင်ခြင်း၊
၃။ ပျို့-အန်ခြင်း၊ အစားမစားချင်ဖြစ်လာခြင်း၊
၎။ အတူနေချင်စိတ် ပြောင်းလဲလာခြင်း၊
၅။ ရင်သားနာခြင်း၊
၆။ ရင်သား ပိုကြီးထွားလာခြင်း၊
၇။ ရင်သား အရောင်ရင့်အဝိုင်းမှာ အသီးငယ်လေးတွေ ထွက်လာခြင်း၊ ရှိပြီးသားတွေက ပိုပြီးသိသာလာခြင်း၊
၈။ ညှစ်ရင် နို့ရည်ကြည် နဲနဲထွက်နိုင်ခြင်း၊
၉။ ဆီးခဏခဏသွားရခြင်း၊ ကိုယ်ဝန်ဆောင် အများစုက ၆-၈ ပါတ်မှာ ဖြစ်ကြတယ်။ ဆီးလမ်းပိုးဝင်တာ၊ ဆီးချိုရောဂါ နဲ့ ဆီးသွားစေတဲ့ဆေးတွေကြောင့်လဲ အဲလို ဆီးခဏခဏသွားချင်တာနဲ့ ခွဲခြားရမယ်။
၁ဝ။ ချင်ခြင်းတပ်ခြင်း၊
၁၁။ အားကုန်ခြင်း၊
၁၂။ အသားအရေပြောင်းလဲလာခြင်း၊
၁၃။ မတ်တပ်ရပ်လိုက်ရင် ခေါင်းမူးမယ်၊ သတိလစ်ချင်သလိုဖြစ်မယ်။
၁၄။ ဆီး-သွေးစစ်လျှင် အပေါင်းပြခြင်း၊
၁၅။ ဗိုက်ထဲက ကလေးလှုတ်တာကိုသိနေခြင်း အများဆုံးက ၂ဝ ပါတ်ကျော်မှသာ သိတယ်။၊ ၁၃-၂၅ ပါတ်အထိလဲ ဖြစ်နိုင်တယ်။
၁၆။ ဗိုက်ကြော စသည်ပြတ်ခြင်း (နောက်ပိုင်းမှသာဖြစ်တယ်)၊
၁၇။ ဓါတ်မှန်ရိုက်ရင် မြင်ရခြင်း၊
၁၈။ (အာလ်ထွာဆောင်း) ရိုက်လျှင်တွေ့ရခြင်း၊ ကိုယ်ဝန် ၄ ပါတ်ခွဲမှာ Gestational sac မြင်ရပြီ။ Yolk sac ကို ၅ ပါတ်၊ Embryo ကို ၅ ပါတ်ခွဲမှာမြင်ရပြီ။
၁၉။ ကလေးနှလုံးခုန်သံ နားထောင်၍ရခြင်း၊ Doppler ကရိယာနဲ့နားထောင်ရင် ၈-၁ဝ ပါတ်အထိ မကြားနိုင်သေးပါ။ ၁၂-၁၄ ပါတ်ရောက်မှသာ ကြားရတာများတယ်။ စကြားရချိန်မယ် တမိနစ်ကို ၁၈ဝ အထိမြန်တယ်။ နောက်ပိုင်း ပုံမှန် ၁၂ဝ-၁၆ဝ အထိရှိတယ်။ (အာလ်ထွာဆောင်း) နဲ့စမ်းရင် ၆ ပါတ်မှာ ၉ဝ-၁၁ဝ၊ ၉ ပါတ်မှာ ၁၄ဝ-၁၇ဝ၊
၂ဝ။ သားအိမ်ကြီးလာခြင်း၊ ကိုယ်ဝန် ၁၂ ပါတ်ကစပြီး ဆီးစပ်နေရာကနေ သားအိမ်အမြင့်ကို လက်နဲ့စမ်းလို့ရပြီ။

သိပ်မသိသာတဲ့၊ လူတိုင်းဖြစ်ချင်မှဖြစ်မဲ့ အချက်တွေကတော့ -
ခေါင်းကိုက်တာ၊ စိတ်မူပြောင်းခြင်း၊ စိတ်တိုခြင်း၊ (ဒီအချက်တွေဟာ ရာသီမလာခင်ဖြစ်ချင်တာတွေနဲ့ အတူတူဖြစ်တယ်။) ဝမ်းချုပ်တာ Progesterone ကြောင့်ဖြစ်တယ်။ ဒီဟော်မုန်းက အစာကိုအောက်ဆင်းတာ နှေးစေတယ်။ (ဗဂျိုင်းနား) နံရံတွေက ပိုထူလာတယ်။ (ဗဂျိုင်းနား) ပိုပြီးစိုတာ၊ ဖြူတဲ့ နို့လိုဆင်းတယ်။ ကိုယ်ဝန်ရှိနေတဲ့ကာလ တလျှောက်လုံးမှာလဲ အဲလိုရှိနေနိုင်တယ်။ ဆေးကုစရာ မလိုပါ။ ဒါပေမဲ့ အနံ့ဆိုးလာရင်၊ ယားယံလာရင်၊ ဆင်းတာက အရောင် ပြောင်းလာရင်တော့ ဆေးစစ်ပြီး ကူသမှုခံယူရမယ်။

Pregnancy Test ကိုယ်ဝန်ရှိ-မရှိ စမ်းသပ်ခြင်း
• ဆီးစစ်နည်းကို သိပ်စောစောစမ်းရင် ကိုယ်ဝန်ရှိနေပေမဲ့ အနုတ်ပြနိုင်တယ်။
• Quantitative blood tests ဟော်မုန်းအနည်း-အများကို စမ်းတဲ့သွေးစစ်နည်းကတော့ မျိုးစပ်ပြီးသား သန္ဓေက သားအိမ်အတွင်းဆုံးလွှာကို လာကပ်ပြီဆိုတာနဲ့ သိနိုင်တယ်။
• အဲဒီရက်ဆိုတာ မ-မျိုးဥထွက်ချိန် (လလည်ရက်) ရဲ့နောက် ၆-၁၂ ရက်မှာဖြစ်တယ်။ ဒိထက်စောပြီး ဘယ်နည်းနဲ့ စမ်းစမ်း မသိနိုင်ဘူး။
• မ-မျိုးဥက ပုံမှန် ၁၄ ရက်မှာ ထွက်ပေမဲ့ နောက်ကျနေသူတွေဆိုရင် မတူနိုင်ဘူး။
• ကိုယ်ဝန် ရှိ-မရှိ စမ်းတယ်ဆိုတာ တိကျဘို့ရာ ဘယ်ရက်မှာ အတူနေခဲ့သလဲဆိုတာထက် ဘယ်ရက်မှာ မျိုးဥထွက်သလဲက အရေးပါတယ်။
• သုက်ပိုးတွေက ပုံမှန်ဆိုရင် သားအိမ်ပြွန်ထဲမှာ မျိုးဥထွက်အလာကို စောင့်နေရင်း ၅ ရက်အထိ ရှင်နေနိုင်တယ်။
• သားအိမ်အတွင်းလွှာမှာ လာတွယ်ကပ်ဘို့ နောက်ထပ် ၁၂ ရက်ကြာစောင့်ရသေးတယ်။ ဆိုလိုတာက ဘယ်လောက်တိကျတဲ့ နည်းနဲ့ဖြစ်ဖြစ် သုက်ပိုးဝင်လာပြီးနောက် (၅ + ၁၂ = ၁၇) ရက်ထက်စောပြီး မသိနိုင်ဘူး။
• တချို့စမ်းသပ်နည်းက hCG ဟော်မုန်း (100 mIU/mL) ရှိရင်စမ်းလို့ရတယ်။ ဒါကြောင့်နောက်ထပ် ၃-၄ ရက် စောင့်ရပြန်သေးတယ်။ ဒါကြောင့် လိင်ဆက်ဆံမှုပြုပြီးတဲ့နောက်မှာ ၃ ပါတ် (၂၁ ရက်) အတွင်းစမ်းရင် မမှန်တဲ့ အနုတ် ပြနိုင်တယ်။
• ရာသီလာရမဲ့ရက်ထက် တပါတ်နေလို့ မလာသေးရင် စမ်းပါ။ ကိုယ်ဝန်ရှိမယ်ထင်ပေမဲ့ အနုတ်ပြနေရင် နောက်တပါတ် အကြာမှာ တခါထပ်စမ်းပါ။ မနက်ခင်းသွားဆီးကို စစ်ပါ။)

ဒေါက်တာတင့်ဆွေ
၅-၁ဝ-၂ဝ၁၃

လေပေါ်ပျံဝဲပြတဲ့ မျက်လှည့်ဆရာ မစ္စတာတော့ပ်





မြန်မာနိုင်ငံရဲ့ မျက်လှည့်ကို ဟာသနှင့်တွဲစပ်၍ ဖျော်ဖြေရင်း နာမည်ကျော် ကြားလာသည့် မျက်လှည့်ဆရာ မစ္စတာတော့ပ်ဟာ အောက်တိုဘာ (၅) ရက် နံနက် ၆ နာရီမှစ၍ (၁) နာရီခွဲခန့် ကွန်တိန်နာကားတစ်စီးကို လက်ဖြင့်ကပ်ကာ လေပေါ်ပျံပြီး ဆူးလေဘုရားနှင့် ကမ်းနားလမ်းကိုပတ်ပြခဲ့ရာ လူအများ အံ့ဩတကြီး ကြည့်ရှုခဲ့သည်ကို တွေ့မြင်ခဲ့ရသည်။
News Watch(စောင့်ကြည့်သတင်းဂျာနယ်)