တရားစီရင်ရေး လွတ်လပ်မှုမရှိကြောင်း ပညာရှင်တွေ သူရဦးရွှေမန်းနဲ့ ဆွေးနွေး

ပို့စ်တင်ချိန် - 6/08/2014 12:39:00 PM


 အနာဂတ် မြန်မာနိုင်ငံ ဖွံ့ဖြိုးတိုးတက်ဖို့ဆိုရင် ဥပဒေရေးရာနဲ့ ပတ်သက်ပြီး တတ်သိကျွမ်းကျင်တဲ့သူတွေ ပူးပေါင်းပါဝင်ဖို့ လို့အပ်ကြောင်း ပြည်ထောင်စုလွှတ်တော် နာယက သူရဦးရွှေမန်းက ဒီနေ့ တိုက်တွန်းပြောဆိုလိုက်ပါတယ်။

ဒီနေ့ ရန်ကုန်တက္ကသိုလ် စိန်ရတုခန်းမမှာကျင်းပတဲ့ ဥပဒေပြုရေးနဲ့ တရားဥပဒေ စိုးမိုးရေးဆိုင်ရာ ဆွေးနွေးပွဲမှာ သူရဦးရွှေမန်းက အခုလို တိုက်တွန်းပြောဆိုခဲ့တာပါ။

"အနာဂတ် မြန်မာနိုင်ငံ ဖွံ့ဖြိုးတိုးတက်ဖို့ဆိုရင် ကျနော်တို့နိုင်ငံသားတွေ တရားဥပဒေစိုးမိုးရေးအတွက် အားလုံးပါဝင်ဆောင်ရွက်နိုင်ဖို့ဆိုရင် ဥပဒေကို သိဖို့ တတ်ဖို့၊ ကျွမ်းကျင်တဲ့ပုဂ္ဂိုလ်များ ဦးဆောင်ပါဝင်နိုင်မှ ဒီအခြေအနေမျိုးရောက်နိုင်မှာ"

လက်ရှိတရားစီရင်ရေးဟာ လွတ်လပ်မှုမရှိဘဲ အုပ်ချုပ်ရေးရဲ့ သြဇာလွှမ်းမိုးမှုအောက်မှာ ရောက်နေကြောင်း တက်ရောက်လာသူ ဥပဒေပညာရှင်တွေက ပြည်ထောင်စု လွှတ်တော် နာယကကို တင်ပြခဲ့ကြပါတယ်။
ဒီနေ့ဆွေးနွေးပွဲကို အမျိုးသားဒီမိုကရေစီအဖွဲ့ချုပ်က ဥပဒေပညာရှင်တွေ၊ ရှေ့နေတွေနဲ့ တက္ကသိုလ်တွေက ဥပဒေဆရာ၊ ဆရာမတွေ ကျောင်းသူကျောင်းသားတွေ တက်ရောက်ခဲ့ကြပါတယ်။

RFA Burmese