ရွှေ့လျားစာသင်ကျောင်းနဲ့ လက်ဘက်ရည်ဆိုင်က ကလေးလုပ်သားတွေကို ပညာအလှူပြု

ဓာတ်ပုံ - My Me website

My ME ပရဟိတအဖွဲ့က စာသင်ခုံတွေ တပ်ဆင်ထားတဲ့ ရွှေ့လျားကားတစီးနဲ့ ရန်ကုန်မြို့ရှိ လက်ဘက်ရည်ဆိုင်က ကလေးတွေကို စာလိုက်သင်ပေးနေပါတယ်၊

Myanmar Mobile Education (My ME) လို့ခေါ်တဲ့ မြန်မာရွှေ့လျားပညာဒါန ပရဟိတအဖွဲ့ဟာ ၁ လအတွင်းမှာပဲ လက်ဖက်ရည်ဆိုင်တွေက ပညာသင်ချင်တဲ့ ဆရာမ ၄ ဦးနဲ့ စသင်နေတာ ဖြစ်ပါတယ်။

စာသင်ခုံ ၂၀ ဆံ့တဲ့ ဘီအမ်ကားတစီးနဲ့ လက်ဘက်ရည်ဆိုင် လုပ်သားတွေရဲ့ လုပ်ငန်းခွင်ထိ သွားရောက်ပြီး ကားပေါ်မှာ သင်ကြားကြပါတယ်။ ကားပေါ်မှာ ဆိုလာမီးပေး စနစ်ကို တပ်ဆင်ထားပါတယ်။
ဒီအစီအစဉ်ကြောင့် လက်ဘက်ရည်ဆိုင်မှာ စားပွဲထိုးလုပ်နေကြတဲ့ ကလေးငယ် ၁၂၀ လောက်ကို အလုပ်ပြီးချိန် ညနေပိုင်းမှာ စတင်သင်ကြားပေးနေတယ်လို့ ဆိုပါတယ်။

၁ ရက်ကို ၂ နာရီနဲ့ ၁ ပတ် ၆ ရက် ၆ လ သင်ရိုးနဲ့ သင်ကြားပေးနေတာ ဖြစ်ပါတယ်။

၃ ခုခွဲ သင်ကြားပေးနေတယ်လို့ My ME ရဲ့ ဒါရိုက်တာ တင်မောင်မောင်အေးက ဒီ ၆ လ သင်တန်းပြီးတဲ့အခါ လက်ဘက်ရည်ဆိုင်တွေ သာမကဘဲ စားသောက်ဆိုင်တွေက ကလေးတွေ ကိုပါ တိုးချဲ့သင်ကြားဖို့ စီစဉ်ထားတယ်လို့ ပြောပါတယ်။

ပညာရေးသုတေသနက research စမ်းသပ်ထားတဲ့သင်ရိုးတွေနဲ့ နိုင်ငံခြားကျောင်းတွေက သင်ရိုးညွန်းတမ်းတွေ ၂ ခုကို ပေါင်းပြီး ကျောင်းသားတွေရဲ့ လက်ရှိ အခြေအနေနဲ့ အဆင်ပြေ ဆုံး ဖြစ်အောင် ပြန်ပြင်ပြီး သင်ကြားပေးနေတာ ဖြစ်ပါတယ်။

အငယ်ဆုံး ၁၃ နှစ်ကနေ အကြီးဆုံး ၂၁ အရွယ်ရှိ ကျောင်းသားတွေ လာရောက် သင်ကြားပါတယ်။

My ME အဖွဲ့ကတော့ ကလေးတွေ စာသင်ခန်းဆီ မလာနိုင်ရင် ကလေးတွေဆီ စာသင်ခန်းက သွားမယ်ဆိုတဲ့ ဆောင်ပုဒ်နဲ့ လှုပ်ရှားနေကြတာ ဖြစ်ပြီး ဒီလို လုပ်ရခြင်းရဲ့ ရည်ရွယ်ချက်တွေကိုလည်း တင်မောင်မောင်အေးက ခုလို ပြောပါတယ်။

“လက်ဖက်ရည်ဆိုင်မှာ နေ့စဉ် နာရီပေါင်းများစွာ အလုပ်လုပ်နေရတဲ့ ကလေးသူငယ်တွေကို အခြေခံ ပညာပေးနိုင်မယ်ဆိုရင် သူတို့အနေနဲ့ လက်ရှိ ဘ၀လေးတွေ တိုးတက် သာယာလာနိုင်မယ်။ တကိုယ်ရေ သန့်ရှင်းရေးနဲ့ ပတ်သက်တာတွေ အထွေထွေ ဗဟုသုတလေး တွေ ပါလာနိုင်မယ်ဆိုရင် ဒီကလေးတွေ အလုပ်လုပ်နေတဲ့ လက်ဖက်ရည်ဆိုင်တွေမှာလည်း ချောချောမွေ့မွေ့ ဖြစ်လာမယ်ဆိုတဲ့ ရည်ရွယ်ချက်နဲ့ သင်နေတာပါ။ အခုလောလောဆယ် ဆိုင် ၂ ဆိုင်နဲ့ တပတ်ကို ၆ ရက် သင်နေပါတယ်။ နောက်အပတ်ကစတင်ပြီး တောင်ဥက္ကလာမှာ ရှိတဲ့ လက်ဖက်ရည်ဆိုင် ၅ ဆိုင်လောက်နဲ့ သဘောတူညီချက်ရထားပြီးပါပြီ။”

လက်ဖက်ရည်ဆိုင်တွေမှာ အလုပ်လုပ်နေရတဲ့ ကလေးတွေဟာ မိသားစု စားဝတ်နေရေး အခက်အခဲတွေကြောင့် စာသင်ကျောင်းကို စွန်ခွာပြီး အလုပ်ခွင်ဝင်လာရသူတွေလဲ ဖြစ်ပါတယ်။

သူတို့ ရရှိတဲ့လစာတွေကို နေအိမ်က မ်ိဘတွေနဲ့ မောင်နှမတွေကို့ ပြန်ထောက်ပံ့ ပေးနေကြရတာ ဖြစ်ပါတယ်။

စာသင်ကြားဖို့ လက်ဖက်ရည်ဆိုင်တွေကို သွားတဲ့အခါ ကလေးအများစုက ကျောင်းပြန်တက်လိုကြတယ်လို့ ဆိုပြီး တချို့ဆို သိမ်းထားတဲ့ ကျောင်းစိမ်းဝတ်စုံလေးတွေပါ ၀တ်ဆင်ပြီး လာတက်ကြတယ်လို့ သူက ဆိုပါတယ်။

My ME အဖွဲ့အနေနဲ့ လက်ရှိမှာ စာသင်ကြားတဲ့ ကား ၁ စီးသာ ရှိသေးပြီး ၄ စီးအထိ တိုးချဲ့သွားဖို့လဲ ရှိနေပါတယ်။

ရှေ့ပြေးအစီအစဉ်အဖြစ် ၆ လ ဆွဲထားတာဖြစ်ပြီး တခြားတိုင်းရင်းသားနယ်ပယ်တွေမှာ အလားတူ ဆောင်ရွက်ချင်ရင် ကူညီမယ်လို့ ဦးတင်မောင်မောင်အေးက ကမ်းလှမ်းလိုက်ပါတယ်။

ဆရာများသမဂ္ဂအဖွဲ့က လက်ထောက်ကထိက ဦးအာကာမိုးသူကတော့ ဒီလို လုပ်ဆောင်ချက်တွေဟာ ကလေးလုပ်သားတွေရဲ့ ဘ၀တဆစ်ချိုး ပြောင်းသွားနိုင်သလို အများအပြား ရှိသင့်တဲ့အရာမျိုးပါလို့ ပြောဆိုလိုက်ပြီး ဆရာများသမဂ္ဂအနေနဲ့လဲ ပညာရေး တိုးတက်ဖို့ ဒီလိုအဖွဲ့တွေနဲ့ ဆွေးနွေးလိုတယ်လို့ ဖိတ်ခေါ်ပါတယ်။
ဆရာများသမဂ္ဂအဖွဲ့က လက်ထောက်ကထိက ဦးအာကာမိုးသူ က “ပညာရေးတွေ မူဝါဒတွေကို ဒီလိုအဖွဲ့တွေက လုပ်ဆောင်ချက်တွေ အခက်အခဲတွေကို လာတင်ပြမယ်ဆိုရင် တော်တော်ထိရောက်မယ် ဟာမျိုးလို့ မြင်တယ်။ ကျနော်တို့လည်း အဲဒီလို အဖွဲ့တွေနဲ့ အများကြီးတွေ့ချင်တယ်။ ကျနော်တို့လည်း သူတို့ မူဝါဒတွေကို ရမယ်။ မူဝါဒတွေကို အပြန်အလှန် ဖလှယ်လို့ရမယ်။ ပြည်သူလူထုရဲ့ကောင်းကျိုးတွေကို အပြန်အလှန် ဆောင်ရွက်လို့ရတဲ့ အနေအထားတခုရမလာမယ်။ ကျနော်လက်ခံတယ် အဲဒီအမြင်ကို။ အရမ်းကောင်းတဲ့ အစီအစဉ်ပါ။ ဖိနှိပ်ခံနေရတဲ့ အလုပ်သမားဘ၀ကနေ ရုန်းထွက်သွားစေနိုင်တဲ့ အစီအစဉ်ပါ”လို့ ပြောပါတယ်။

မြန်မာပြည်မှာ ပညာသင်ကြားခွင့် မရရှိတဲ့ကလေးလုပ်သား များစွာရှိပြီး ကမ္ဘာတဝှမ်းတွင် အရွယ် မရောက်သေးသည့် ယောက်ျားလေး ၁၂၇ သန်းနဲ့ မိန်းကလေး ၈၈ သန်းတို့ ကလေး လုပ်သား ခိုင်းစေခြင်းခံနေရဆဲ ဖြစ်ကြောင်း အပြည်ပြည်ဆိုင်ရာ အလုပ်သမားအဖွဲ့ချုပ် (အိုင်အယ်လ်အို)ရဲ့ ထုတ်ပြန်ချက်အရ သိရသည်။

DVB Burmese

အရှိန်မထိန်းနိုင်သောကားချောက်ထဲထိုးကျ


နေပြည်တော်၊ ဇန်န၀ါရီ ၂၂

၂၀၁၄ ခုနှစ်၊ ဇန်န၀ါရီလ ၂၀ ရက်နေ့ နေ့လည် ၃ နာရီအချိန် ပဲခူးမြို့နယ်၊ ရန်ကုန်-မန္တလေး အမြန်လမ်းမိုင်တိုင်အမှတ်(၂၇/၂-၃)အကြား၌ ယာဉ်မတော်မဆဖြစ်ပွားကြောင်း သတင်းအရ ဘောနတ်ကြီး အမြန်လမ်းရဲစခန်းမှတပ်ဖွဲ့ဝင်များသည် သက်သေများနှင့်အတူ သွားရောက်စစ်ဆေးခဲ့သည်။ စစ်ဆေးချက်အရ နေပြည်တော်မှရန်ကုန်သို့ မင်္ဂလာတောင်ညွန့်မြို့နယ်၊ ကန်တော်လေးရပ်ကွက်နေ ဘုန်းမြတ်ဝင်း(၂၀)နှစ် မောင်းနှင်သော 9D/xxxx မတ်တူးမီးခိုးရောင်ယာဉ်မှာ အရှိန်မထိန်းနိုင်ဘဲ လမ်းယာဘက်ချောက်ထဲသို့ ထိုးကျ ရပ်တန့်သွားခဲ့ပြီး ယာဉ်ပေါ်ပါရှိသူ(၄)ဦးစလုံး ထိခိုက်ဒဏ်ရာရရှိမှုမရှိခဲ့သော်လည်း ယာဉ်မတော်တဆမှုကြောင့် 9D/xxxx မတ်တူးမီးခိုးရောင်ယာဉ်မှာ ရှေ့ဘန်ဘာပြုတ်ထွက်၊ ရေတိုင်ကီပေါက်၊ တန်ဘိုး ငွေကျပ်(၃)သိန်း ပျက်စီးဆုံးရှုံးခဲ့သဖြင့် ယာဉ်မဆင်မခြင်မောင်းနှင်သူ ဘုန်းမြတ်ဝင်းအား ဘောနတ်ကြီး အမြန်လမ်းရဲစခန်း ယာဉ်(ပ)၂/၂၀၁၄၊ ပြစ်မှုပုဒ်မ ၂၇၉ ဖြင့် အမှုဖွင့်အရေးယူထားကြောင်း သတင်းရရှိသည်။
ရဲဇာနည်

လမ်းလယ်ကျွန်းအားတိုက်မိ၍ယာဉ်တိမ်းမှောက်


နေပြည်တော်၊ ဇန်န၀ါရီ ၂၂

၂၀၁၄ ခုနှစ်၊ ဇန်န၀ါရီလ ၂၁ ရက်နေ့ နံနက် ၇ နာရီ ၂၀ မိနစ်အချိန် ဥတ္တရသီရီမြို့နယ်၊ ရန်ကုန်-မန္တလေးအမြန်လမ်း မိုင်တိုင်အမှတ်(၁၈၅/၂-၃)အကြား ယာဉ်တိမ်းမှောက်မှုဖြစ်ပွားကြောင်း သတင်းအရ ပန်းတင်အမြန်လမ်းရဲစခန်းမှတပ်ဖွဲ့ဝင်များသည် သက်သေများနှင့်အတူ သွားရောက် စစ်ဆေးခဲ့သည်။ စစ်ဆေးချက်အရ ရန်ကုန်မှပုဂံသို့ လှိုင်သာယာမြို့နယ်၊ (၁)ရပ်ကွက်နေ သိန်းမြင့်(၅၁)နှစ် မောင်းနှင်သော ၆ခ/xxxx လိုက်ထရပ်အဖြူရောင်ယာဉ်မှာ ရှပ်တန်းကျိုးပြီး လမ်းလယ်ကျွန်းကာရံ ထားသော အတားအဆီးများအားတိုက်မိကာ လမ်းပေါ်၌တိမ်းမှောက်သွားခဲ့သဖြင့် ယာဉ်ပေါ်ပါရှိသူ (၁၇)ဦးအနက် သိန်းမြင့်၌ ၀ဲဘက်လက်ခလယ်ပြတ်ရှဒဏ်ရာ၊ တစ်ရပ်ကွက်နေသူ များဖြစ်ကြသော ဒေါ်စန်းရီ(၇၆)နှစ်ပါ (၅)ဦးတို့တွင်ဒဏ်ရာများအသီးသီးရရှိခဲ့ကြပြီး ယာဉ်တိမ်းမှောက်မှုကြောင့် အဆိုပါ ယာဉ်မှာ ရှပ်တန်းကျိုး၊ ယာဘက်ရှေ့တံခါးပိန်ချိုင့်၊ တံခါးမှန်ကွဲ၊တန်ဘိုးငွေ (၁)သိန်းကျပ်ခန့် ပျက်စီးဆုံးရှုံး ခဲ့သဖြင့် ယာဉ်မဆင်မခြင်မောင်းနှင်သူ သိန်းမြင့်အား ပန်းတင်အမြန်လမ်းရဲစခန်း ယာဉ်(ပ)၁/၂၀၁၄၊ ပြစ်မှုပုဒ်မ ၃၃၇/၃၃၈ ဖြင့် အမှုဖွင့်အရေးယူထားကြောင်း သတင်းရရှိသည်။
ရဲဇာနည်

စိန်ပန်းပင်လဲကျပိမိ၍ ၁ ဦး ဒဏ်ရာရ


နေပြည်တော်၊ ဇန်န၀ါရီ ၂၂

၂၀၁၄ ခုနှစ်၊ ဇန်န၀ါရီလ ၂၀ ရက်နေ့ ည ၁၀ နာရီခွဲအချိန် ရန်ကုန်တိုင်းဒေသကြီး၊ ကြည့်မြင်တိုင်မြို့နယ်၊ ဘောဂရပ်ကွက်၊ ဗားကရာလမ်း၊ အမှတ်(၁)အခြေခံပညာအထက်တန်းကျောင်းဝင်း အတွင်းမှ လုံးပတ်(၃)ပေကျော်ခန့်ရှိစိန်ပန်းပင်မှာ ဗားကရာလမ်းဘက်သို့လဲကျခဲ့ရာ လမ်းပေါ်တွင်သွယ်တန်း ထားသော ဖုန်းကြိုးများပေါ်သို့လဲကျပြီး လမ်းလျှောက်လာသည့် ကြည့်မြင်တိုင်မြို့နယ်၊ ဈေးကလေး ရပ်ကွက်၊ ဈေးကလေးလမ်းနေ မဇင်မာ(၃၃)နှစ်၏ခါးပေါ်သို့ ထပ်မံပိမိခဲ့သည်။ စိန်ပန်းပင်လဲကျပိမိ မှုကြောင့် ကွန်ကရစ်ဖုန်းတိုင်(၂)တိုင်နှင့် ဓါတ်တိုင်မီးကြိုး(၁)တိုင် လဲကျပျက်စီးခဲ့ပြီး မဇင်မာတွင် ခါးနာကျင်၊ ၀ဲ/ယာခြေသလုံးပွန်းစုတ်ဒဏ်ရာများရရှိခဲ့သဖြင့် ရန်ကုန်ဆေးရုံကြီးသို့ တင်ပို့ကုသခဲ့သည်။ အဆိုပါ လဲကျခဲ့သည့်စိန်ပန်းပင်၊ ကွန်ကရစ်ဖုန်းတိုင်(၂)တိုင်နှင့် ဓါတ်တိုင်မီးကြိုး (၁)တိုင်တို့အား ကြည့်မြင်တိုင်မြို့မရဲစခန်းမှတပ်ဖွဲ့ဝင်များ၊ ယာဉ်ထိန်းရဲတပ်ဖွဲ့မှတပ်ဖွဲ့ဝင်များနှင့် မြို့နယ်လျှပ်စစ်ဝန်ထမ်း များမှ ၀ိုင်းဝန်းရှင်းလင်းခဲ့ရာ ဇန်န၀ါရီလ ၂၁ ရက်နေ့ နံနက် ၁ နာရီအချိန် ရှင်းလင်းမှုပြီးဆုံး ခဲ့ကြောင်း သတင်းရရှိသည်။
ရဲဇာနည်

ရွှေအတုနှင့်လဲလှယ်ယူသွားသူများအား အရေးယူ


နေပြည်တော်၊ ဇန်န၀ါရီလ ၂၂

၂၀၁၄ ခုနှစ်၊ ဇန်န၀ါရီလ ၁၇ ရက်နေ့ နံနက် ၉ အချိန်တွင် မကွေးတိုင်းဒေသကြီး၊ ရေနံချောင်းမြို့၊ မြို့တောင်ရပ်ကွက်ရှိ ရွှေဆိုင်သို့ အမျိုးသမီးတစ်ဦးနှင့် အမျိုးသားတစ်ဦးရောက်ရှိလာပြီး ရွှေဝယ်ချင်၍ လွင်မိုးကြိုး(ဘက်ကြိုး)အလေးချိန်(၅)ပဲ၊(၄)ရွေး၊ တန်ဘိုးငွေကျပ်(၂၆၀၀၀၀ိ/-)အား ပြသရန်ပြောသဖြင့် ဈေးရောင်းသူမအိအိအောင်မှ လွင်မိုးကြိုးအားထုတ်ပြခဲ့သည်။ ထိုသို့ ပြသနေစဉ် အခြားဆွဲကြိုးတစ်ကုံးကိုပါပြပေးရန်ပြောသဖြင့် ထပ်မံထုတ်ပြရာ ၎င်းတို့(၂)ဦးမှ နောက်ထုတ်ပြသော ဆွဲကြိုးအားယူမည်ဟုပြောဆိုသဖြင့် ဆိုင်အတွင်းသို့သွား၍ရွှေချိန်နေစဉ် အဆိုပါသူ (၂)ဦးမှာ ရွှေမ၀ယ်ဘဲထွက်သွားခဲ့ပြီးနောက် ဆိုင်ပိုင်ရှင်ဖြစ်သူ ဦးဝင်းနိုင်က ရွှေဆိုင်သိမ်းချိန်တွင် ရွှေထည် ပစ္စည်းများစစ်ဆေးရာ လွင်မိုးကြိုးဆွဲကြိုးမှာအတုဖြစ်နေကြောင်းတွေ့ရှိရသည့်အပြင် ဆိုင်တွင်တပ်ဆင် ထားသော CCTV တွင်လည်း ၎င်းတို့(၂)ဦးမှ ရွှေဆွဲကြိုးအားလဲသွားကြောင်းတွေ့ရှိရသည်။ ထို့နောက် ဇန်န၀ါရီလ ၂၁ ရက်နေ့ နေ့လည် ၁ အချိန်တွင် ထိုသူ(၂)ဦးထပ်မံရောက်ရှိလာပြီး လက်စွပ် ၀ယ်လိုကြောင်းပြောစဉ် မအိအိအောင်မှမှတ်မိ၍ ဆိုင်ပိုင်ရှင်အားအသိပေးပြီး ရေနံချောင်းမြို့မရဲစခန်းသို့ အကြောင်းကြားခဲ့သဖြင့် ရေနံချောင်းမြို့မရဲစခန်းမှတပ်ဖွဲ့ဝင်များရောက်ရှိလာပြီး ၎င်းတို့(၂)ဦးအားစစ်မေးရာ ရွှေလိမ်လည်သူ(၂)ဦးမှာ ရေနံချောင်းမြို့၊ ညောင်လှတောကျောင်းရပ်နေသူများဖြစ်သည့် သူဇာထွေး(ခ) ဂျူးဂျူး(၂၃)နှစ် နှင့်ခိုင်ထူးနောင်(ခ)နောင်နောင်(၃၂)နှစ်တို့ဖြစ်ကြောင်းသိရှိရသဖြင့် ရေနံချောင်းမြို့မရဲစခန်း (ပ)၇/၂၀၁၄၊ ပြစ်မှုပုဒ်မ ၄၂၀ ဖြင့် အမှုဖွင့်အရေးယူထားကြောင်း သတင်းရရှိသည်။
ရဲဇာနည်

ငုံးဖောက်စက်ဝင်ရိုးတွင် ဦးထုပ်ကြိုးရစ်ပတ်ပါသွားခဲ့သဖြင့် လည်ပင်းအားညှစ်မိကာ သေဆုံး


ရန်ကုန်၊ ဇန်န၀ါရီ ၂၂ ၂၂.၁.၂၀၁၄ ရက်နေ့ ၁၀၄၅အချိန်

မင်္ဂလာဒုံမြို့နယ်၊ ထောက်ကြန့် နယ်မြေရဲစခန်းမှူးနှင့်အဖွဲ့သည် မင်္ဂလာဒုံမြို့နယ်၊ ထောက်ကြန့်၊ ရွှေနံ့သာစံပြကျေးရွာတွင် အမျိုးသမီးတစ်ဦး ငုံးဖေါက်စက်နှင့်ဦးထုပ်ကြိုး တို့ ငြိကာလည်ပင်းအားရစ်ပတ်မိပြီး သေဆုံးသွားကြောင်းသတင်းအရ သွားရောက်စစ်ဆေးရာ သေဆုံးသူမှာ ငုံးဖေါက်စက်လုပ်ငန်းလုပ်ကိုင်သူ ဒေါ်အေးစန်းဖြစ်ပြီး ၎င်းတွင် နဖူးယာဘက်ဖူးရောင်ဒဏ်ရာဖြင့်လျှာထွက် လျက်သေဆုံးနေသည်ကိုတွေ့ရှိရပါသည်။ ဖြစ်စဉ်အားစုံစမ်းရာ ၎င်းသည် ငုံးဖေါက်စက်မော်တာ လည်ပတ်နေချိန် ငုံးဖောက်စက်အတွင်းသို့ဝင်ရောက်ခဲ့စဉ် ဦးခေါင်း၌ဆောင်းထားသော နီညိုရောင်သိုးမွှေးဦးထုပ်၏ အရှည်(၃)ပေခွဲခန့်ရှိမေးသိုင်းကြိုးမှာ ယင်းစက်၏ရှပ်တန်းဝင်ရိုးအစွန်းတွင် ရစ်ပတ်ကာပါသွားသဖြင့် လည်ပင်းအားညှစ်မိပြီး သေဆုံးခဲ့ခြင်းဖြစ်ကြောင်းသိရှိရပါသည်။ ၎င်းသေဆုံးရခြင်းနှင့်ပတ်သက်၍ ထောက်ကြန့်နယ်မြေရဲစခန်း သေမှုသေခင်းအမှတ်စဉ်(၁/၂၀၁၄) ဖြင့်ရေးဖွင့်ကာ စစ်ဆေးဆောင်ရွက်လျက်ရှိကြောင်း သတင်းရရှိပါသည်။
Yangon Police

စစ်တပ်သိမ်းမြေ ပြန်ရရေး ကာကွယ်ရေး ဦးစီးချူပ်ထံ တောင်းဆိုမည်


ရှမ်းပြည်နယ် တောင်ကြီးမြို့နယ်အတွင်းတွင် တပ်မြေအဖြစ် သိမ်းရန် ကျောက်တိုင် စိုက်ထူထားသော ပင်ငိုကျေးရွာ တောင်ယာဧက ၆၁၀ ဧကမှ တနေရာ (ဓာတ်ပုံ – ဧရာဝတီ)

စစ်ကိုင်းတိုင်း အရာတော်မြို့နယ် အခြေစိုက် စစ်တပ် သုံးခုက တပ်မြေအဖြစ် အဓမ္မ သိမ်းယူထားသည့် တောင်ယာခင်းများ ပြန် လည် လုပ်ကိုင်ခွင့် သို့မဟုတ် ထိုက်တန်သည့် လျော်ကြေးငွေ ရရှိရန် ဒေသခံ တောင်သူများက စုပေါင်း လက်မှတ်ရေးထိုးပြီး တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ထံ တောင်းဆိုသွားမည် ဖြစ်ကြောင်း သိရသည်။

အရာတော်မြို့နယ် အခြေစိုက် အမှတ်(၅၀၄)သံချပ်ကာတပ်၊ အမှတ်(၃၆၉) သစ်ကျင်းကြီး အမြောက်တပ်နှင့် အမှတ်(၁၀) စစ်အခြေ ခံ လေ့ကျင့်ရေး တပ်များက အရာတော်မြို့နယ် အတွင်းရှိ ဒေသခံများ၏ ပဲစင်းငုံ၊ နှမ်း၊ မြေပဲ၊ ပဲနောက်နှင့် ဝါ စိုက်ပျိူးမြေ ဧက ၂၀၀၀ ကျော်ကို တပ်မြေအဖြစ် သိမ်းဆည်းခံရခြင်း ဖြစ်ကြောင်း ကာယကံရှင် တောင်သူများက ပြောသည်။

ယာမြေ ၅ ဧကကျော် အသိမ်းခံလိုက်ရသည့် အရာတော်မြို့နယ် ညောင်ဒူးကြီး ကျေးရွာသားတဦးက“မြေတွေက စစ်တပ် အုပ်ချုပ် တဲ့ အချိန်က သိမ်းထားတာဖြစ်ပေမယ့် အခု ဗိုလ်ချုပ်မှူးကြီး မင်းအောင်လှိုင်ကလည်း ဒီမိုကရေစီ လိုလားတယ်လို့ ပြောဆိုလာပြီ။ ဒါကြောင့် မြေတွေ အသိမ်းခံလိုက်ရလို့ ဆင်းရဲဒုက္ခရောက်ကုန်တဲ့ ကျနော်တို့တွေကို မြေတွေ ပြန်ပေးဖို့ စုပေါင်း လက်မှတ်ထိုးပြီး တောင်းဆိုဖို့ လုပ်တာပါ”ဟု ဧရာဝတီကို ပြောသည်။

ယာမြေတွေ အသိမ်းခံထားရသူများတွင် အရာတော်မြို့ခံများ အပါအဝင် မြို့နယ်တွင်းရှိ သစ်ကျင်းကြီး ကျေးရွာအုပ်စုရှိ ညောင်ဒူးကြီး၊ ငှက်ပျောခြံ၊ ကံသာ ကျေးရွာအုပ်စုရှိ တော်လှ၊ ရဲချင်း ကျေးရွာ အုပ်စုရှိ ဝါးတန်းလေး စသည့် ကျေးရွာများရှိ တောင်သူများ၏ ယာမြေများ ပါဝင်ကြောင်း သိရသည်။

စစ်အစိုးရ အုပ်ချုပ်စဉ် ၂၀၀၁ ခုနှစ်က အမှတ် (၅၀၄) သံချပ်ကာတပ်နှင့် အမှတ်(၃၆၉) သစ်ကျင်းကြီး အမြောက်တပ် တို့က တောင် သူများ၏ မြေဧက ၈၀၀ ကျော်ကို သိမ်းယူခဲ့ပြီး မြေယာနဲ့ သီးနှံလျော်ကြေး တပြားတချပ်မျှ ပေးလျော်ခြင်း မရှိခဲ့ကြောင်း ဒေသခံများက ပြောသည်။

တပ်သိမ်းခံထားရသည့် ယာမြေများသည် တပ်အဆောက်အအုံ ဆောက်လုပ်ရန်ထက် များစွာပိုလွန်နေပြီး ယင်းမြေနေရာတွင် စစ် တပ် ရန်ပုံငွေအဖြစ် သီးနှံများ စိုက်ပျိုးနေကြောင်း သိရသည်။

ယာမြေများအား စစ်တပ်က သိမ်းယူပြီးနောက်ပိုင်း မူလပိုင်ရှင်များကို သီးစားခယူပြီး စိုက်ပျိူးလုပ်ကိုင်ခွင့် ပြုခဲ့သော်လည်း ၂၀၁၂ ခုနှစ်တွင် လုံးဝရပ်ဆိုင်းလိုက်ကြောင်း ဒေသခံများက ဆိုသည်။

ယာမြေ ၁၇ ဧက အသိမ်းခံထားရသည့် ညောင်ဒူးကြီး ကျေးရွာသား ဦးကိုမြင့် က “အစိုးရက ပြည်သူတွေ အတွက် ဆင်းရဲမွဲတေမှု တိုက်ဖျက်နေတယ်ဆိုတာ ဘယ်လိုဟာလဲလို့တောင် စဉ်းစားမရ ဖြစ်မိတယ်။ ကျနော့်မှာ ယာတွေ မရှိတော့တဲ့အတွက် သူများအလုပ်တွေ လိုက်လုပ်၊ အလုပ် အဆင်မပြေတော့ ကလေးကို ၂ တန်းနဲ့ ကျောင်းထုတ်လိုက် ရတယ်၊ အခု နောက်တယောက်လည်း ၅ တန်းနဲ့ ထုတ်လိုက် ရပြန်ပြီ”ဟု ဧရာဝတီကို ပြောသည်။

အမှတ် (၁၀) စစ်အခြေခံ လေ့ကျင့်ရေးတပ်က တပ်မြေ နေရာအတွက် အကြောင်းပြကာ တောင်သူများ၏ မြေဧက ၁၀၀၀ ကျော်ကို ၁၉၉၁ ခုနှစ်တွင် သိမ်းယူခဲ့ပြီး သိမ်းယူစဉ်က ယာမြေ တဧကကို သီးနှံကြေး ကျပ် ၆၀၀ နှင့် မြေ လျော်ကြေး ကျပ် ၇၅၀ ပေးချေခဲ့ သော်လည်း ယင်းလုပ်ရပ်သည် အာဏာသုံးပြီး အတင်းအကျပ် လုပ်ဆောင်ခဲ့မှု ဖြစ်သည့်အတွက် နစ်နာကြေး ရရှိလိုကြကြောင်း ဒေသခံ ကာယကံရှင်များက ပြောဆိုကြသည်။

ယာမြေ အသိမ်းခံထားရသည့် တောင်သူများအပါအဝင် ဒေသခံ ၁၀၀ ကျော်က ၂၀၁၃ ခုနှစ် ဒီဇင်ဘာလ ၃၁ ရက်က အရာတော်မြို့ပေါ်တွင် တောင်သူ လယ်သမား အခွင့်အရေး အပြည့်အဝ ရရှိရေး၊ နစ်နာကြေးများ ရရှိရေး၊ တပ်သိမ်းမြေများ ပြန်လည် ရရှိရေး စသည့် ဆိုင်းဘုတ်များ ကိုင်ဆောင်ပြီး ဆန္ဒပြ တောင်းဆိုခဲ့ကြကြောင်း သိရသည်။

“ကျနော်တို့ရဲ့မြေတွေကို ပြန်မပေးနိုင်ဘူး ဆိုရင်လည်း ကာလပေါက်ဈေး အတိုင်း နစ်နာကြေးတွေ ပေးစေချင်တယ်၊ ယာ ပြန်ပေး ရင်တော့ ကောင်းတာပေါ့ဗျာ၊ ကိုယ့်ယာမြေပေါ်မှာ လုပ်ကိုင် စားသောက်ပြီး မိသားစု စားဝတ်နေရေး အခက်အခဲ ဖြေရှင်းနိုင်တာပေါ့၊ တကယ်လို့ တောင်းဆိုလို့ မရဘူးဆိုရင်တော့ ရတဲ့အထိ ကျနော်တို့ တပ်မတော်ကို ဆန္ဒပြရလိမ့်မယ်”ဟု ညောင်ဒူးကြီး ကျေးရွာသား ဦးကိုမြင့် က ပြောသည်။

၂၀၁၃ ခုနှစ် ဇန်န၀ါရီလ ၂၄ ရက် အထိ လွှတ်တော်စုံစမ်းရေး ကော်မရှင်သို့ စစ်တပ်နှင့် သက်ဆိုင်သည့် တင်ပြ တိုင်ကြားစာပေါင်း ၅၆၅ စောင်ရှိပြီး စစ်တပ်သိမ်းမြေ ဧကပေါင်း ၂၄၇၀၇၇. ၆၀ ရှိကြောင်း ယင်းကော်မရှင်က ပြည်ထောင်စု လွှတ်တော်သို့ တင်ပြသည့် အစီရင်ခံစာ အရ သိရသည်။

သမ္မတ ဦးသိန်းစိန်က ပြည်ထောင်စု လွှတ်တော် လယ်ယာမြေကော်မရှင် ဥက္ကဌထံသို့ ပြီးခဲ့သည့်နှစ် ဒီဇင်ဘာ ၂၂ ရက် နေ့စွဲဖြင့် ပေးပို့ခဲ့သော သဝဏ်လွှာတွင် နေပြည်တော် အပါအဝင် ပြည်နယ်နှင့် တိုင်းဒေသကြီး ၁၅ ခုတို့တွင် လယ်ယာမြေ အမှုပေါင်း ၇၄၅ မှု အနက် ၄၁၈ မှုကို ၂၀၁၃ ခုနှစ် အောက်တိုဘာ ၂၆ မှ ဒီဇင်ဘာ ၂၆ ရက် အတွင်း ရှင်းလင်းပေးပြီး ဖြစ်ကြောင်း ဖော်ပြပါရှိသည်။

အဆိုပါ အမှုများတွင် စစ်ကိုင်းတိုင်းတွင် ဖြစ်ပွားသည့် အမှု ၂၀ ပါဝင်ပြီး ၁၇ မှုကို ရှင်းပေးပြီးဖြစ်ကြောင်း ဖော်ပြထားသည်။

သို့သော်လည်း မြေအသိမ်းခံရသည့် ပြည်သူများကို စစ်တပ်က ဖြေရှင်းပေးသည့် ပုံစံသည် ပွင့်လင်းမြင်သာမှု မရှိကြောင်း လွှတ်တော် အမတ်များ၏ ထောက်ပြဝေဖန်မှုများ ရှိနေသည်။
Irrawaddy ဧရာဝတီ သတင်း

မွန် ၂ ပါတီ အဖွဲ့ဝင်များ ပူးပေါင်းသော မွန်အမျိုးသားပါတီ မှတ်ပုံတင်မည်


ဒေါက်တာ မင်း​စိုး​လင်း

မွန်ဒီမိုကရေစီပါတီနဲ့ မွန်ဒေသလုံးဆိုင်ရာ ဒီမိုကရေစီပါတီက အဖွဲ့ဝင်တွေ ပူးပေါင်းပြီး ဖွဲ့စည်းထူထောင်ထားတဲ့ မွန်အမျိုးသားပါတီဟာ လာမယ့် ရက်ပိုင်းအတွင်း တရားဝင်ပါတီ ထူထောင်ခွင့်ရဖို့ မှတ်ပုံတင်တော့မှာ ဖြစ်ပါတယ်။

ပါတီသစ်အမည်နဲ့ ပြန်လည် ဖွဲ့စည်းထူထောင်ဖို့ သဘောတူထားပြီးတဲ့နောက် ရဟန်းရှင်လူ မွန် ပြည်သူတွေကို တရားဝင် အသိပေးဖို့ လာမယ့် ဇန်န၀ါရီ ၂၆ ရက်နေ့မှာ ကြေညာချက် ထုတ်ပြန်မယ်လို့ ပါတီရဲ့ ဗဟိုကော်မတီဝင်တဦးဖြစ်သူ ဒေါက်တာ မင်းစိုးလင်းက ဒီဗွီဘီကို ပြောပါတယ်။
“၂၆ ရက်နေ့မှာ ၂ ပါတီပေါင်းစည်းပြီးကြောင်း ရဟန်းရှင် လူ ပြည်သူတွေကို အတိအလင်း ကြေညာမယ်။ ကြေညာပြီးနောက်ပိုင်းမှာ မွန်အမျိုးသားပါတီဆိုတဲ့ မှတ်ပုံတင်ကျဖို့ ဆက်လက် လုပ်ဆောင်သွားဖို့အတွက် သဘောတူချက်ရတယ်။ နေပြည်တော် ကော်မရှင်ကနေ အတည်ဖြစ် နိုင်ဖို့ ဆက်လက် မှတ်ပုံတင်သွားမယ်။”

ဒီဆုံးဖြတ်ချက်တွေကို ဇန်န၀ါရီ ၁၉ ရက်နေ့က မွန်ပြည်နယ် မော်လမြိုင်မြို့မှာ ကျင်းပတဲ့ အစည်းအဝေးမှာ ချမှတ်ခဲ့တာလို့ သူက ဆက်ပြောပါတယ်။

DVB Burmese

ငယ်စဉ်အခါက ရင်သားကြီးချင်လို့ဆုတောင်းခဲ့ရကြောင်းနဲ့ အသက် ၁၆ နှစ်အရွယ်တုန်းက ကားရှေ့ခန်းထဲမှာ အပျိုရည်ပျက်ခဲ့ကြောင်းပြောလိုက်တဲ့ Katy Perry


GQ မဂ္ဂဇင်း ရဲ့ ၂၀၁၄ ဖေဖေါ်ဝါရီလထုတ်အတွက် မျက်နှာဖုံးအကြောင်းမှာ Katy Perry က သူမဟာ ကြီးမားတဲ့ရင်သားတွေပိုင်ဆိုင်ဖို့ ဆုတောင်းခဲ့ရကြောင်းပြောပါတယ်။

ညတစ်ညမှာ ကျွန်မ ပက်လက်လှန်ပြီးကျွန်မရဲ့ခြေထောက်တွေကိုကြည့်လိုက်တယ်။ ပြီးတော့ ဘုရားသခင်ထံဆုတောင်းတယ်။ ‘အရှင်ဘုရား။ ကျွန်မလှဲနေတုန်း ကျွန်မခြေထောက်တွေကို လှမ်းကြည့်လို့မမြင်နိုင်လောက်အောင် ကြီးမားတဲ့ရင်သားတွေပိုင်ဆိုင်ခွင့်ပေးပါလို့ဆုတောင်းခဲ့ပါတယ်’ လို့ပြောပါတယ်။

အခုသင်မြင်နေရသမျှအရာ (သူမရဲ့ရင်သားတွေ)ဟာ သဘာဝအတိုင်းဖြစ်တယ်လို့ဆိုပါတယ်။

“ကျွန်မ ပလတ်စတစ်ဆာဂျရီမလုပ်ဖူးပါဘူး။ နှာခေါင်း၊ မေးစေ့၊ ပါး၊ ရင်သား နည်းနည်းလေးတောင်မလုပ်ပါဘူး” လို့ပြောပါတယ်။

Katy ဟာသူမရဲ့ အတွင်းရေးတစ်ခုကိုလဲဖွင့်ဟသွားပါတယ်။ သူမဟာ Nashville, Tennessee မှာ ၁၆ နှစ်သမီးတုန်းက အပျိုရည်ပျက်ခဲ့တာဖြစ်ပြီး နေရာကတော့ Volve seden ကားရှေ့ခန်းမှာဖြစ်ပါတယ်။ ပြီးတော့အဲ့ဒီ့အချိန်မှာ Jeff Buckley ရဲ့ Grace album ကိုဖွင့်ထားတာဖြစ်ပါတယ်။

‘ကျွန်မအဲဒီ့အခွေကို အရမ်းချစ်တယ်’ လို့ Katy ကနောက်ကြောင်းပြန်ပါတယ်။

Ref:starpulse
Trend Myanmar

ငွေကြေးခ၀ါချမှု တိုက်ဖျက်ရေးဥပဒေကြမ်း လွှတ်တော်တင်


ငွေကြေးခ၀ါချမှု တိုက်ဖျက်ရေးဥပဒေကို ဇန်န၀ါရီလ ၂၂ ရက်နေ့ ကျင်းပတဲ့ ပြည်သူ့လွှတ်တော်ထဲ တင်သွင်းလိုက်ပြီး လွှတ်တော်အနေနဲ့ ဖေဖော်ဝါရီလ ပထမပတ်အတွင်း အတည်ပြုနိုင်အောင် ကြိုးပမ်း သွားမယ်လို့ စုံစမ်းသိရှိရပါတယ်။

ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်မှူးချုပ်ကျော်ဇံမြင့်က ဥပဒေကြမ်းကို လွှတ်တော်မှာ တင်သွင်းတာဖြစ်ပြီး ဥပဒေကြမ်းတင်သွင်းပြီးတဲ့နောက် လွှတ်တော်ဥက္ကဌ သူရဦးရွှေမန်းက ပြောကြားလိုက်တာဖြစ်တယ်လို့ သီပေါမြို့နယ် ပြည်သူ့လွှတ်တော်ကိုယ်စားလှယ် ဦးရဲထွန်းက ပြောပါတယ်။

“ဖေဖော်ဝါရီ ပထမအပတ်ထဲလောက်ကို ပြတ်နိုင်အောင်တော့ ကြိုးစားပါ့မယ်လို့ လွှတ်တော် ဥက္ကဌကပြောတယ်။ တကယ်လို့ မပြတ်ခဲ့လို့ရှိရင်လည်း မြန်မြန်ထက်ထက် တက်နိုင်သလောက် ကြိုးစားပေးမယ်ပေါ့။ အပြီး ပြတ်နိုင်အောင် လုပ်မယ်လို့တော့ မပြောပါဘူး။ ဒီနေ့ ပြောသွားတာပါ။ လွှတ်တော်ကိုလည်း အသိပေးတာပေါ့။ ဒါက အရေးကြီးနေတယ်။ နိုင်ငံတကာ နဲ့ ဆက်ဆံတဲ့နေရာမှာ ဒီဥပဒေ မရှိတဲ့ အတွက်ကြောင့်မို့လို့ နိုင်ငံတကာ ဆက်ဆံရေးမှာ မျက်နှာပန်း မလှဘူးဖြစ်နေတယ်။ အဲဒါကြောင့် ဒီဥပဒေထွက်ဖို့ လိုနေတယ်ပေါ့။”

ငွေကြေးခ၀ါချမှု ဥပဒေအတည်ပြုပြီးရင် ငွေကြေးခ၀ါချမှု တိုက်ဖျက်ရေး စုံစမ်းရေးအဖွဲ့တွေက နိုင်ငံတကာနဲ့ချိတ်ဆက်ပြီး အရေးယူမှုတွေ ပြုလုပ်သွားနိုင်မယ်လို့ အမရပူရ မဲဆန္ဒနယ် ပြည်သူ့ လွှတ်တော်ကိုယ်စားလှယ် ဦးသိန်းထွန်းဦးက ပြောပါတယ်။

“ငွေကြေးခ၀ါချမှု တိုက်ဖျက်ရေး စုံစမ်းထောက်လှမ်းရေး အဖွဲ့ကို ဖွဲ့စည်းပြီးပါပြီ။ ဒီဥပဒေ သက်ဝင် လာပြီဆိုရင် ကျနော်တို့တွေ အပြည်ပြည်ဆိုင်ရာနဲ့ ချိတ်ဆက်လို့ရမယ်။ တပ်ဖွဲ့ဝင်တွေက စုံစမ်းပြီး တိတိကျကျရလာရင် ဒီဥပဒေနဲ့အညီ အရေးယူဆောင်ရွက်သွားမှာ ဖြစ်ပါတယ်။ နိုင်ငံတကာ ကလည်း မျှော်လင့်နေတဲ့ ဥပဒေတခုဖြစ်တဲ့အတွက် အမြန်ဆုံးအတည်ပြု ဆောင်ရွက်သွားမှာ ဖြစ်ပါတယ်။”

ငွေကြေးခ၀ါချမှု ဥပဒေမှာ ပုဒ်မပေါင်း ၇၃ ခုရှိပြီး ပုဒ်မငယ်ပေါင်း မြောက်များစွာပါတယ်လို့လည်း သူက ပြောပါတယ်။

ဥပဒေကြမ်းနဲ့ ပတ်သက်ပြီး ဆွေးနွေးလိုသူတွေ ဇန်န၀ါရီ ၂၆ ရက် နောက်ဆုံးထား စာရင်းပေးဖို့ ပြည်သူ့လွှတ်တော်က ကြေညာထားပါတယ်။

ပြည်သူ့လွှတ်တော်မှာ ဒီနေ့ တင်သွင်းတဲ့ ငွေကြေးခ၀ါချမှု တိုက်ဖျက်ရေးဥပဒေနဲ့ အမျိုးသား လွှတ်တော်မှာ ဇန်န၀ါရီ ၂၀ ရက်နေ့က တင်သွင်းခဲ့တဲ့ အကြမ်းဖက်မှု တိုက်ဖျက်ရေး ဥပဒေကြမ်းတို့ဟာ အရေးတကြီးပြဌာန်းဖို့ လိုတယ်၊အမြန်ဆုံး မပြဌာန်းနိုင်ရင် နိုင်ငံတကာက ပိတ်ဆို့အရေးယူတာတွေခံရနိုင်တာမို့ အမြန်ပြဌာန်းပေးဖို့ သမတက လွှတ်တော်ထံ သ၀ဏ်လွှာ ပေးပို့ထားပါတယ်။

အမျိုးသားလွှတ်တော်မှာ တင်သွင်းထားတဲ့ အကြမ်းဖက်မှု တိုက်ဖျက်ရေးဥပဒေကြမ်း အတည်ပြု နိုင်ခဲ့ရင် နိုင်ငံတကာအကြမ်းဖက်မှုနိုင်နိမ်းရေးအဖွဲ့တွေနဲ့ ပူးပေါင်း လုပ်ဆောင်နိုင်မယ်လို့ မကွေးတိုင်း အမျိုးသား လွှတ်တော်ကိုယ်စားလှယ် ဦးအောင်ကြည်ညွန့်က ပြောပါတယ်။

“အကြမ်းဖက်မှု တိုက်ဖျက်ရေး ဥပဒေကြမ်း ထွက်လာမယ်ဆိုရင် ရိုးရိုး အများပြည်သူ အကျိုးကိစ္စတွေတင် မကဘူး၊ နိုင်ငံတကာနဲ့ ဆက်သွယ်နေတဲ့ အကြမ်းဖက်မှုကို ရည်ရွယ်တဲ့ ပုဂ္ဂိုလ် အကြမ်းဖက်မှုဆိုင်ရာအဖွဲ့အစည်းတွေကို ကူညီခြင်း ထောက်ပံ့ခြင်း ဆက်သွယ်ခြင်း စတဲ့ ကိစ္စရပ်မျိုးတွေဟာ အကြမ်းဖက်ဆိုင်ရာ ကိစ္စတွေထဲ အကျုံးဝင်သွားမယ်။ အဲဒီအပြင်ကို အကြမ်းဖက်မှု တိုက်ဖျက်ရေးမှာ နိုင်ငံရဲ့ စီရင်ပိုင်ခွင့် အာဏာ ဘယ်လိုရှိတယ်ဆိုတာပါ အပြည့်အစုံ ပြဌာန်းထားတယ်။”

ဥပဒေကြမ်းတင်သွင်းတဲ့ ပြည်ထဲရေးဝန်ကြီးဌာနတာဝန်ရှိသူတွေနဲ့ လွှတ်တော် ဥပဒေကြမ်း ကော်မတီတို့ အကြေအလည်ညှိနှိုင်း ဆွေးနွေးထားကြတာမို့ ဥပဒေကြမ်း နှစ်ခုစလုံး အချိန်မီ ပြဌာန်းနိုင်မယ်လို့ ယုံကြည်နေကြပါတယ်။
DVB Burmese

ဗဟိုအာဖရိကတွင် ကြားဖြတ်အစိုးရတက် ပထမဆုံး အမျိုးသမီးသမ္မတ ဦးဆောင်မည်


ဘန်ဂူ၊ ဇန်နဝါရီ ၂၁

လမ်းမပေါ် အကြမ်းဖက်မှုများ ဖြစ်ပွားလျက်ရှိသည့် ဗဟိုအာဖရိက နိုင်ငံတွင် အားကောင်းသော အစိုးရမရှိဘဲ ဖြစ်လျက်ရှိရာ ဘန်ဂူမြို့တော်ဝန် ကက်သရင်း ဆမ်ဘာပန်ဇာ ဆိုသည့် အသက် ၅၇ နှစ်အရွယ် အမျိုးသမီး ခေါင်းဆောင်ကို ကြားဖြတ်အစိုးရ၏ သမ္မတသစ်အဖြစ် တင်မြှောက်လိုက် ကြောင်း BBC သတင်းတစ်ရပ်က ဖော်ပြထားသည်။

ကြားဖြတ် ပါလီမန်က ခေါင်းဆောင်သစ်ကို မဲဖြင့် တင်မြှောက်ခဲ့ခြင်းဖြစ်ကာ ၎င်းကပြိုင်ဘက် ဖြစ်သူကို ဒုတိယအကျော့မဲဖြင့် အနိုင်ရရှိသွားခဲ့ခြင်း ဖြစ်သည်။

ဥရောပသမဂ္ဂက ဗဟိုအာဖရိက နိုင်ငံသို့ တပ်ဖွဲ့များ စေလွှတ်ရန် အတွက် နိုင်ငံခြားရေးဝန်ကြီးများ အစည်းအဝေးက သဘောတူလိုက်ချိန်နှင့် သမ္မတသစ် မစ္စစ်ကက်သရင်းဆမ်ဘာပန်ဇာ တက်လာချိန် တိုက်ဆိုင်လျက် ရှိသည်။

ဗဟိုအာဖရိကတွင် လက်ရှိ ဖြစ်ပွားနေသည့် ပဋိပက္ခများသည် ဘာသာရေး၊ လူမျိုးရေးနှင့် ပတ်သက်သော အဓိကရုဏ်းများ ဖြစ်ကြပြီး ခရစ်ယာန်နှင့် မွတ်ဆလင် နှစ်ဖက်လုံး သေဆုံးမှုများ ရှိသည်။

ယင်းဘာသာရေး ပဋိပက္ခများကြောင့် လူတစ်သန်းခန့် နေအိမ်များကို စွန့်ခွာ ထွက်ပြေးကြရပြီး ယင်းပမာဏသည် နိုင်ငံလူဦးရေ၏ ၂၀ ရာခိုင်နူန်း ရှိသည်။

သမ္မတသစ်အဖြစ် ရွေးကောက် တင်မြှောက်ခံရသည့် အောင်ပွဲခံ မိန့်ခွန်းတွင် မစ်စ်ဆန်ဘာပန်ဇာက ခရစ်ယာန် ပြည်သူ့စစ် အဖွဲ့များနှင့် မွတ်ဆလင် ပြည်သူ့စစ်အဖွဲ့များ အချင်းချင်း တိုက်ခိုက်မှုများ ရပ်ကြပါရန် တိုက်တွန်း ပြောကြားသွားခဲ့သည်။
“ကျွန်မရဲ့ သားတွေကို ပြောချင်ပါတယ်။ အထူးသဖြင့် anti-balaka (ခရစ်ယာန် ပြည်သူ့စစ်) တွေကို ပြောချင်တာက လက်နက်မကိုင်ကြတော့ဘဲ တိုက်ခိုက်မှုကို ရပ်ကြပါ။ ex-Seleka (မွတ်ဆလင် ပြည်သူ့စစ်) တွေကိုလည်း ဒီအတိုင်းပဲ ပြောချင်ပါတယ်။ ကြောက်နေရတဲ့ အဖြစ်မျိုး မလိုလားပါဘူး။ လူသတ်မှု၊ လူသေမှုတွေအကြောင်း ကျွန်မထပ်ပြီး မကြားချင်တော့ပါဘူး” ဟု သမ္မတက ပြောကြားခဲ့သည်။

ဘန်ဂူမြို့တော်၏ မြို့တော်ဝန်ဖြစ်ကာ နှစ်ဖက်သော ပြည်သူ့စစ်များက လက်ခံကြသည့် ကက်သရင်း ဆမ်ဘာပန်ဇာသည် အောင်မြင်သော စီးပွားရေး လုပ်ငန်းရှင် အမျိုးသမီး တစ်ဦးလည်းဖြစ်ကာ ဥပဒေ ပညာရှင်လည်း ဖြစ်သည်။

ခရစ်ယာန် ဘာသာကို ကိုးကွယ်သူ ဖြစ်သော်လည်း နိုင်ငံရေးအရ ဘာသာရေးစွဲများ ကင်းသူဖြစ်ကာ ၂၀၀၃ ခုနှစ် အမျိုးသား တွေ့ဆုံညှိနှိုင်းပွဲကိုလည်း သဘာပတိ လုပ်ခဲ့ဖူးသည်။

၁၉၅၄ ခုနှစ်၌ အာဖရိက ချက်ဒ်နိုင်ငံတွင် မွေးခဲ့ပြီး ဖခင်မှာ ကင်မရွန်းဇာတိဖြစ်ကာ မိခင်က ဗဟိုအာဖရိကနိုင်ငံမှ ဖြစ်သည်။
The Voice Weekly Myanmar

ငွေကြေးဖောင်းပွမှု နိမ့်ကျအောင် ထိန်းနိုင်မှ တိုင်းပြည်စီးပွားရေး တည်ငြိမ်မည်


နိုင်ငံတကာ ငွေကြေးရန်ပုံငွေအဖွဲ့ သတိပေးသလို မြန်မာနိုင်ငံမှာ ငွေကြေးဖောင်းပွမှုနှုန်းကို နိမ့်နိုင်သမျှနိမ့်အောင် ထိန်းထားနိုင်မှ တိုင်းပြည်ရဲ့စီးပွားရေးလည်း တည်ငြိမ်မှာဖြစ်တဲ့အကြောင်း ပြည်တွင်းစီးပွားရေးပညာရှင်တွေက ပြောဆိုလိုက်ပါတယ်။

မြန်မာနိုင်ငံမှာ နိုင်ငံတော်ရဲ့ လိုငွေကို ဗဟိုဘဏ်က ငွေစက္ကူရိုက်နှိပ်ပြီး ဖြေရှင်းတာမျိုးက ငွေကြေးဖောင်းပွမှုနှုန်းကို ပိုမိုကြီးမြှင့်စေတာကြောင့် လျှော့ချဖို့လိုတဲ့အကြောင်း မနေ့က နိုင်ငံတကာငွေကြေး ရန်ပုံငွေအဖွဲ့က သတိပေးထုတ်ပြန်ခဲ့ပါတယ်။

မြန်မာနိုင်ငံမှာ ငွေကြေးဖောင်းပွမှုနှုန်းက ၂၀၁၂ ခုနှစ်မှာ ၂ ဒဿမ ၈ ရာခိုင်နှုန်းဘဲရှိခဲ့ပေမယ့် ၂၀၁၃ခုနှစ် သြဂုတ်လမှာတော့ ၇ ဒဿမ ၂ ရာခိုင်နှုန်းအထိ မြှင့်တက်လာခဲ့လို့ ဒီအခြေအနေ အတိုင်းသာဆိုရင် လာမယ့်ဘဏ္ဍာနှစ်မှာ ၇ ဒသမ ၇၅ ရာခိုင်နှုန်းအထိ မြှင့်တက်လာနိုင်တယ်လို့ သတိပေးထားတာပါ။

ငွေကြေးဖောင်းပွမှုနှုန်းက နိုင်ငံတိုင်းလိုလို ရှိတာဖြစ်ပေမယ့်လည်း တက်နိုင်သမျှ နည်းအောင် ထိန်းသိမ်းဖို့လိုတဲ့ အကြောင်းနဲ့ မြန်မာနိုင်ငံရဲ့ ပကတိစီးပွားရေးအခြေအနေအရ ငွေကြေး ဖောင်းပွမှုနှုန်းက ၅ရာခိုင်နှုန်းထက် မကျော်ဖို့ လိုတဲ့အကြောင်း စီးပွားရေးမူဝါဒရေးရာ ကျွမ်းကျင်သူ ဒေါက်တာအောင်ကိုကိုက ဒီဗွီဘီကို ပြောပါတယ်။

ဒါကြောင့်ငွေကြေးဖောင်းပွမှုနှုန်းကို မထိန်းသိမ်းနိုင်ခဲ့ရင် တိုင်းပြည်ရဲ့ကုန်ထုတ်လုပ်မှုစွမ်းအားကို လျှော့ချစေတဲ့ အပြင် တိုင်းပြည်ရဲ့စီးပွားရေးတည်ငြိမ်မှုကိုလည်း အားနည်းစေတဲ့အကြောင်း သူက အခုလိုပြောပါတယ်။

“ငွေကြေးဖောင်းပွမှုကို မထိန်းနိုင်ခဲ့ရင် အထူးသဖြင့် ကုန်ထုတ်လုပ်မှုကဏ္ဍ ဖွံ့ဖြိုးတိုးတက်သင့် သလောက် မတိုးတက်နိုင်ဘူး။ ပြည်ပပို့ကုန်ဈေးကွက်ကို ပို့တဲ့အခါမှာ ကမ္ဘာ့ထုတ်ကို ဈေးကွက်မှာ အဓိက လွှမ်းမိုးနေတဲ့ တရုတ်နိုင်ငံ ထိုင်းနိုင်ငံတွေရဲ့ ထုတ်လုပ်တဲ့ ထုတ်ကုန်ရဲ့ စရိတ်ထက် မနိမ့်ဘူးဆိုရင် ဈေးကွက်တွေမှာ ထိုးဖောက်ဖို့ မလွယ်ဘူး။ ဈေးနှုန်းအရ ယှဉ်ပြိုင်ဖို့ ဆိုတာလည်း တဖက်မှာလည်း ကုန်ထုတ်လုပ်မှုစရိတ်ကို နိမ့်နိုင်သမျှနိမ့်အောင် လုပ်ရတယ်။ နောက် ကုန်ထုတ်လုပ်မှု စရိတ် နိမ့်ဖို့ဆိုတာလည်း ငွေဖောင်းပွမှုနဲ့လည်း အများကြီး ဆက်စပ်နေတယ်။”

ဒါဟာ စားသုံးသူတွေအတွက်လည်း ၀ယ်ယူနိုင်စွမ်းကိုလျှော့ကျစေပြီး လူနေမှုအဆင့်အတန်းကို ကျဆင်းစေလို့ ငွေကြေးဖောင်းပွမှုနှုန်းကို တတ်နိုင်သမျှ နည်းအောင်ထိန်းသိမ်းဖို့လိုပါတယ်လို့ ဒေါက်တာ အောင်ကိုကိုက ပြောပါတယ်။

ဗဟိုဘဏ်အနေနဲ့ ငွေကြေးဆိုင်ရာပေါ်လစီနဲ့ပတ်သတ်လို့ ဘယ်လိုကိုင်တွယ်ဖြေရှင်းမလဲဆိုတဲ့ အပေါ်မှာလည်း မူတည်တဲ့အကြောင်း ဒေါက်တာအောင်ကိုကိုက အခုလိုပြောပါတယ်။

“အစိုးရရဲ့ ဘဏ္ဍာရေး လိုငွေပြမှုကို ဘယ်လိုနည်းနဲ့ ဗဟိုဘဏ်အနေနဲ့ ပူးပေါင်း ဆောင်ရွက်မလဲပေါ့။ ပူးပေါင်းဆောင်ရွက်တယ်ဆိုတာက ဘဏ္ဍာရေး လိုငွေပြမှုကို ငွေကြေးရိုက်ထုတ်တဲ့ ပုံစံမျိုး မဟုတ်ပဲနဲ့ ဘယ်လိုနည်း ဒီ့ထက်မြင့်သွားရင်တော့ ပြည်သူတွေရဲ့ အခြေခံ ကုန်ဈေးနှုန်းတွေ မြင့်မားသွားစေနိုင်တယ်ဆိုတာ သိဖို့လိုတာပေါ့။ ”

ဒီ့နောက် နိုင်ငံတော်သမတရဲ့စီးပွားရေးဆိုင်ရာအကြံပေးအရာရှိ ဒေါက်တာအောင်ထွန်းသက်က ဗဟိုဘဏ်အနေနဲ့ ဒါကိုလည်း ကိုင်တွယ်ဖြေရှင်းနိုင်မယ်လို့ ယုံကြည်တဲ့အကြောင်း အခုလိုပြောပါတယ်။

“အခုဆိုရင် လွတ်လွတ်လပ်လပ် လုပ်ခွင့်ရှိနေပြီပဲ။ အခုဆိုရင် သူတို့မှာလည်း တချိန်တုန်းက ဗဟို ဘဏ်မှာ တာဝန်ယူခဲ့တဲ့သူတွေ တာဝန်ရှိတဲ့သူတွေ ရှိနေတာပဲ။ ယုံယုံကြည်ကြည်နဲ့ လုပ်နိုင်တဲ့သူတွေပါ။ သူတို့က အရည်အချင်းရှိတဲ့ သူတွေပါ။ ဆရာကတော့ စိတ်ချပါတယ်။”

မြန်မာနိုင်ငံမှာ ပြည်တွင်းငွေကြေးလှည့်ပတ်စီးဆင်းမှုက ၂၀၁၀-၁၁ဘဏ္ဍာနှစ်မှာ ကျပ် ၆၃၃၁ ဘီလီယံ ရှိခဲ့ပေမယ့် ၂၀၁၁ – ၁၂ ဘဏ္ဍာနှစ်မှာ ကျပ် ၆၇၂၂ ဘီလီယံ ရှိလာခဲ့ပြီး ၂၀၁၂ – ၁၃ ဘဏ္ဍာနှစ်မှာတော့ ကျပ် ၉၈၄၆ ဘီလီယံအထိ ရှိလာတဲ့အကြောင်း ဗဟိုစာရင်းဇယားအဖွဲ့က ထုတ်ပြန်တဲ့စာရင်းတွေအရ သိရပါတယ်။
DVB Burmese

မီးရထားတွဲဆိုင်းကြော်ညာ လေလံလျှောက်ထားရန် ၁၀ခု ကျန်ရှိနေသေး


ရန်ကုန်၊ ဇန်နဝါရီ  ၂၂။

မြန်မာ့မီးရထားလုပ်ငန်း ရန်ကုန်မြို့ပတ် နှင့် အထူးရထား၊ နယ်ဝေးရထားများအား တွဲဆိုင်းကြော်ငြာ ၂၃ ခုအား တင်ဒါခေါ်ယူထားသော်လည်း ၁၃ ခုသာ လေလံအောင်ကာ ရထားတွဲဆိုင်း ၁၀ ခု လေလံ လျှောက်ထားရန်ကျန်ရှိ သေးကြောင်း ရန်ကုန်တိုင်းဒေသကြီး မြန်မာ့မီးရထား လုပ်ငန်းမှ ဇန်နဝါရီ ၂၂ ရက်နေ့က စုံစမ်း သိရှိရသည်။

အဆိုပါ မြန်မာ့မီးရထားတွဲဆိုင်း ကြော်ငြာအား ၂၀၁၃ ခုနှစ် အောက်တိုဘာလကတည်းက လေလံ ခေါ်ခဲ့သော်လည်း ၁၃ ဦးကသာ လေလံအောင်ခဲ့ကြောင်း လေလံအောင်ခဲ့သော ကုမ္ပဏီများသည်လည်း ယခုလက်ရှိ အချိန်အထိ ရထားတွဲဆိုင်းများတွင် ကြော်ငြာကပ်ရန် ဒီဆိုင်းဆွဲနေလျက်ရှိပြီး တွဲဆိုင်းနှစ်စီးသာ ပြီးစီးသေးကြောင်း မြန်မာ့မီး ရထားလုပ်ငန်းမှ စီးပွားရေးမန်နေဂျာ ဗိုလ်မှူးစိုးမိုးအောင်က ပြောသည်။

“တစ်ဖက်တစ်လမ်းကနေပြီးတော့ မြန်မာ့မီးရထားလုပ်ငန်းရဲ့ဝင်ငွေ ရအောင်လို့ ပါ” ဟု ဗိုလ်မှူး စိုးမိုးအောင်က ဆိုသည်။

တစ်နေ့လျင် ခရီးသည် ၉၀၀၀၀ ခန့် စီးနင်းလျက်ရှိသည့် မြန်မာ့ မီးရထားလုပ်ငန်းသည် တစ်နေ့လျင် ကျပ် သိန်း ၂၀ ခန့် အရှုံးပေါ်နေလျက်ရှိကြောင်း ယင်းကဲ့သို့ အရှုံးပေါ်နေသည့် ငွေကြေးအား တစ်ဖက်တစ်လမ်း မှ ဖြည့်တင်း ရန်အတွက်ဖြစ်ကြောင်း အဆိုပါပုဂ္ဂိုလ်၏ ပြောပြချက်အရ သိရသည်။

၂၀၁၃ ဘဏ္ဍာ နှစ်အတွင်း  ရန်ကုန်တိုင်းဒေသကြီး မြန်မာ့မီးရထား လုပ်ငန်းအနေဖြင့် ကျပ် သိန်းပေါင်း ၂၀၀၀၀ ကျော်ရှာဖွေနိုင်ခဲ့ပြီး ရထားတွဲဆိုင်း ကြော်ငြာမှ ကျပ် သိန်းပေါင်း ၇၀၀ ကျော်အထိ ရှာဖွေနိုင်ခဲ့ကြောင်း ဗိုလ်မှူးစိုးမိုးအောင်က ဆက်လက် ပြောသည်။

“ကြော်ငြာအားလုံးကိုတော့ လက်ခံပါတယ် ဒါပေမယ့် မြန်မာယဉ်ကျေးမှုကို ထိခိုက်စေမယ့် အဝတ်အစားတွေ ဝတ်ဆင်ပြီး ရိုက်ထားတဲ့ စတေကာတွေနဲ့ အရက်၊ ဘီယာ၊ စီးကရက်၊ ကြော်ငြာတွေကိုတော့ ရထားတွဲဆိုင်းတွေ မှာ အကပ်ခံမှာ မဟုတ်ပါဘူး” ဟု ဗိုလ်မှူးစိုးမိုးအောင်က ထပ်လောင်း ပြောဆိုသည်။

ရန်ကုန်မြို့ပတ်ရထား၌ ယခင်က တစ်နေ့လျင် တွဲဆိုင်း ၂၁ ဆိုင်းဖြင့် အခေါက်ရေ ၂၀၀ ကျော်သာ ပြေးဆွဲနိုင် ခဲ့သော်လည်း ယခု ၂၀၁၄ ခုနှစ် တွဲဆိုင်းများ အသစ်ရောက်ရှိမှုကြောင့် တွဲဆိုင်း ၂၃ ဖြင့် အခေါက်ရေ ၂၁၅ ခေါက်အထိ ပြေးဆွဲလျက်ရှိကြောင်း သိရသည်။

ရထားအမျိုးအစားအလိုက် ကြော်ငြာလုပ်ငန်းလုပ်ပိုင်ခွင့် ရရှိသည့် ကုမ္ပဏီများမှာလည်း Paing&Paing Co,Ltd ABC Media Co,Ltd . New Life Advertising Co,Ltd . Myanmar Distribution . Meizau Co,Ltd  . ကစ္စပနဒီ ကုမ္ပဏီ . M.M.M Co,Ltd . Outdoor Network Co,Ltd တို့ဖြစ်ကြောင်း သိရသည်။

နှင်းနွယ်
The Myanma Age

ဒုတိယမြောက် ဂျီနီဗာ- အရှေ့အလယ်ပိုင်း ငြိမ်းချမ်းရေးဆွေးနွေးပွဲ


ဇန်နဝါရီလ ၂၂ ရက် ၂၀၁၄ ။

 မွန်တာရက်နန်းတော် – ဒုတိယမြောက်ဂျီနီဗာ ဆွေးနွေးပွဲကို ဆွစ်ဇာလန်ရှိ မွန်တာရက်နှင့် ဂျီနီဗာမြို့များတွင် ကျင်းပမည်။

ဆီးရီးယားရှိ နိုင်ငံရေး အကျပ်အတည်းများကို ဆွေးနွေးရန်အတွက် နိုင်ငံတကာ ဆွေးနွေးပွဲတစ်ရပ်ကို ၂၀၁၄ ဇန်နဝါရီ ၂၂ရက်တွင် ဆွစ်ဇာလန်၌ ကျင်းပမည်ဖြစ်သည်။ ကမ္ဘာ့ကုလသမဂ္ဂ၊ အမေရိကန်နှင့် ရုရှားနိုင်ငံတို့သည် ဒုတိယမြောက် ဂျီနီဗာဟု ခေါ်ဆိုကြသည့် ဆွေးနွေးပွဲကို တက်ရောက်ရန်အတွက် ဆီးရီးယားအစိုးရနှင့် အတိုက်အခံများကို လပေါင်းများစွာ ကြာမြင့်အောင် ပြောဆိုဆွဲဆောင်ခဲ့ကြရသည်။ “လူပေါင်းတစ်သိန်းကျော်ထက်မနည်း သေဆုံးပြီး၊ ၉၅သိန်းကျော် အိမ်ယာစွန့်ခွာ ထွက်ပြေးခဲ့ရတဲ့ စစ်ပွဲကို အဆုံးသတ်ဖို့အတွက် ဒီအခွင့်အရေးကို မယူတာဟာ ခွင့်လွှတ်နိုင်စရာမရှိဘူး” ဟု ကုလအထွေထွေ အတွင်းရေးမှုးချုပ် မစ္စတာ ဘန်ကီမွန်းက ပြောကြားခဲ့သည်။

အုပ်ချုပ်ရေးအာဏာ အပြည့်အဝရှိသော ဆီးရီးယား အကူးအပြောင်းကာလ အစိုးရ ဖွဲ့စည်းရန် ဆီးရီးယား အစိုးရနှင့် အတိုက်အခံများ နှစ်ဖက်စလုံးကို ဖိတ်ခေါ်ပြီး ပြည်တွင်းစစ်ကို အဆုံးသတ်စေရန် ရည်ရွယ်၍ ဂျီနီဗာတွင် ကမ္ဘာ့ကုလသမဂ္ဂမှ အထောက်အပံ့ပြုသည့် နိုင်ငံတကာ ဆွေးနွေးပွဲတစ်ရပ်ကို ကျင်းပရန်ဖြစ်သည်။ ကုလသမဂ္ဂမှ ဇန်နဝါရီလ ၂၂ ရက် ၂၀၁၄ ခုနှစ်တွင် ဆွေးနွေးပွဲကျင်းပရန် သတ်မှတ်ခဲ့သည်။

၁။ နောက်ခံအခြေအနေ

ဇွန်လ ၂၀၁၂ ခုနှစ် ဂျီနီဗာ လှုပ်ရှားမှုအဖွဲ့

ကုလသမဂ္ဂ၏ ဆီးရီးယားဆိုင်ရာ ငြိမ်းချမ်းရေးသံတမန် ကိုဖီအာနန်မှ အစပျိုးအကြံပြုမှုဖြင့်  အမေရိကန် နိုင်ငံခြားရေးဝန်ကြီး ဟီလာရီကလင်တန်၊ ရုရှားနိုင်ငံခြားရေးဝန်ကြီး ဆာဂီးလာရို့ဗ်၊ တရုတ်နိုင်ငံမှ ကိုယ်စားလှယ်၊ အင်္ဂလန်နိုင်ငံခြားရေးဝန်ကြီး ဝီလျမ်ဟေးဂ်နှင့် ကိုဖီအာနန်တို့ ပါဝင်သည့် လှုပ်ရှားမှုအဖွဲ့ဆွေးနွေးပွဲ (ယခုအချိန်၌ ပထမဂျီနီဗာဆွေးနွေးပွဲဟု ခေါ်ဆိုကြသည်)ကို ဇွန်လ ၃၀ ရက် ၂၀၁၂ ခုနှစ်က ဂျီနီဗာတွင် ကျင်းပခဲ့သည်။

“ဆီးရီးယားတွင် ဂျီနီဗာကြေငြာချက်များကို အကောင်အထည် ဖော်ရန်အတွက် ဖြစ်နိုင်သမျှ အမြန်ဆုံး ဆွေးနွေးရန် ဖိတ်ကြားမှု” “အားလုံးသော ဆီးရီးယားအဖွဲ့များ လေးလေးနက်နက် အပြုသဘော ပါဝင်စေရန်” “ပြန်လည်သင့်မြတ်စေရန်နှင့် တည်ငြိမ်မှုကို ရရှိရန်” စသည်များကို ဆွေးနွေးဆုံးဖြတ်ခဲ့ကြသည်။

“ဆွေးနွေးပွဲတွင် လက်ရှိဆီးရီးယားအစိုးရနှင့် အတိုက်အခံများ ပါဝင်သည့် လုပ်ပိုင်ခွင့်အာဏာ အပြည့်အဝရှိသော အကူးအပြောင်းကာလ အစိုးရတစ်ရပ် တည်ထောင်ရန် လိုအပ်ကြောင်း သဘောတူညီမှု ရရှိခဲ့သည်”ဟု မစ္စတာ အာနန်မှ ပြောကြားခဲ့သည်။

မစ္စတာအာနန်၏ ကြိုးစားအားထုတ်မှုကို ကုလသမဂ္ဂ အမြဲတမ်းလုံခြုံရေး ကောင်စီ အဖွဲ့ဝင်ငါးနိုင်ငံမှ ထောက်ခံကြောင်းကိုလည်း ဝီလျမ်ဟေးဂ်မှ ပြောဆိုသွားသည်။ မစ္စကလင်တန်မှ ဆီးရီးယားသမ္မတ အာဆတ်သည် အကူးအပြောင်းကာလ အစိုးရအဖွဲ့တွင် ပါဝင်မှုမရှိသင့်ကြောင်း အကြံပြုခဲ့ရာ မစ္စတာလာရို့ဗ်မှ ချက်ချင်း ကန့်ကွက် သွားခဲ့သည်။

“ဂျီနီဗာကြေငြာချက်”

ဂျီနီဗာကြေငြာချက်ကို ဇွန်လ ၃၀ရက် ၂၀၁၂ က ထုတ်ပြန်ခဲ့ခြင်းဖြစ်သည်။

မည်သည့်နိုင်ငံရေး သဘောတူညီချက်မဆို အကူးအပြောင်းကာလအတွက် အောက်ပါအချက်အလက်များ ပါဝင်ရမည်ဟု သတ်မှတ်ခဲ့သည်။

ဆီးရီးယားရှိ အားလုံးသောသူများ မျှဝေခံစားနိုင်သော အတွေးအမြင်ကို ကမ်းလှမ်းနိုင်ရမည်။
၎င်းအတွေးအမြင် အမှန်တကယ်ဖြစ်လာနိုင်ရန် တိကျသော အချိန်ဇယား၊ ရှင်းလင်းသော အဆင့်များ ရှိရမည်။
အားလုံးအတွက် တည်ငြိမ်စိတ်ချ၊ လုံခြုံသောအခြေအနေတစ်ရပ်ဖြစ်အောင် ဆောင်ရွက် အကောင်အထည်ဖော်နိုင်ရမည်။
ယုံကြည်စိတ်ချနိုင်ရမည် ဖြစ်ပြီး ထပ်မံသွေးမြေကျခြင်းများ မရှိဘဲ လျင်မြန်စွာ ရောက်ရှိနိုင်ရမည်။
အကူးအပြောင်းကာလအတွက် ပါဝင်ရမည့် အဓိကအဆင့်များ

အခြေခံအားဖြင့် အပြန်အလှန်ခွင့်ပြုမှုအရ အစိုးရနှင့် အတိုက်အခံများ နှစ်ဖက်စလုံး ပါဝင်သည့် အုပ်ချုပ်ရေးအာဏာ အပြည့်အဝရှိသော အကူးအပြောင်းကာလ အစိုးရကို တည်ထောင်ရန်။
အဓိပ္ပာယ်ပြည့်ဝသော နိုင်ငံအဆင့် ပြောဆိုဆွေးနွေးခြင်းတွင် ဆီးရီးယားရှိ အဖွဲ့အစည်းအားလုံး ပါဝင်ဆောင်ရွက်ရန်
ဖွဲ့စည်းပုံအခြေခံဥပဒေ အစီအစဉ်နှင့် တရားစီရင်ရေးတို့ကို ပြန်လည်သုံးသပ်ရန်။
ဖွဲစည်းပုံအခြေခံဥပဒေသစ်နှင့် တည်ထောင်ပြီးသည့် အစိုးရအတွက် လွတ်လပ်ပြီး မျှတသော ပါတီစုံ ရွေးကောက်ပွဲများ ကျင်းပရန်။
အကူးအပြောင်းကာလ ကဏ္ဍပေါင်းစုံ၌ အမျိုးသမီးများအား အပြည့်အဝကိုယ်စားပြု ဆောင်ရွက်မှုများ ပါဝင်ရန် တို့ဖြစ်သည်။
ဘရာဟီမီ အစပျိုးဆောင်ရွက်မှု

ဇွန်လ ၂၀၁၂ ခုနှစ် ဆွေးနွေးပွဲပြီးနောက် ကုလသမဂ္ဂမှ ဆီးရီးယားဆိုင်ရာ ငြိမ်းချမ်းရေး သံတမန်အသစ်အဖြစ် သြဂုတ်လ ၂၀၁၂ ခုနှစ်တွင် ခန့်အပ်ထားခဲ့သော လခ်ဒါဘရာဟီမီမှ အမေရိကန်နှင့် ရုရှားတို့၏ အနီးကပ် ပူးပေါင်းဆောင်ရွက်မှုများဖြင့် နိုင်ငံတကာ ဆွေးနွေးပွဲတစ်ရပ် ကျင်းပရန် စတင်ပြင်ဆင်ခဲ့သည်။ ဆီးရီးယား အစိုးရနှင့် အတိုက်အခံများ နှစ်ဖက်စလုံး၏ ကိုယ်စားလှယ်များ ပါဝင်တက်ရောက်ရန် ဆောင်ရွက်ခဲ့ခြင်းဖြစ်သည်။

မေလ ၂၀၁၃ ခုနှစ်အတွင်း နိုင်ငံခြားရေးဝန်ကြီး ဂျွန်ကယ်ရီနှင့် ရုရှားနိုင်ငံ နိုင်ငံခြားရေးဝန်ကြီး ဆာဂီးလာရို့ဗ်တို့သည် သွေးထွက်သံယို ပြဿနာများကို အဆုံးသတ်ရန်အတွက် ဆီးရီးယားအစိုးရနှင့် အတိုက်အခံများ နှစ်ဘက်စလုံးကို စားပွဲဝိုင်း ဆွေးနွေးပွဲသို့ ခေါ်ဆောင်ရန် သဘောတူညီခဲ့ကြသည်။ မစ္စတာကယ်ရီမှ ဆွေးနွေးပွဲ ကျင်းပခြင်းအားဖြင့် ဆီးရီးယားအနေနှင့် ချောက်နက်ထဲ ဦးခေါင်းငိုက်စိုက်ကျခြင်း၊ ပရမ်းပတာ ဖရိုဖရဲဖြစ်ခြင်းများမှ ရှောင်လွှဲနိုင်မည်ဖြစ်ကြောင်း ပြောဆိုခဲ့သည်။ သို့သော်လည်း ဆွေးနွေးပွဲကျင်းပရန် ဦးစွာဆောင်ရွက်မှုအချို့မှာ  အောင်မြင်ခဲ့ခြင်း မရှိပေ။

ဒမတ်စကက် အစွန်အဖျားတွင် ၂၁ ရက် သြဂုတ်လ ၂၀၁၃ အတွင်း ဖြစ်ပွားခဲ့သည့် လူပေါင်းရာချီ သေဆုံးခဲ့သော ဓာတုဗေဒ လက်နက် အသုံးပြုတိုက်ခိုက်မှုက ၎င်းတို့ဆောင်ရွက်မှုကို တွန်းအားကြီးကြီးမားမား ဖြစ်စေခဲ့သည်။ ဘရာဟီမီမှ  သြဂုတ်လ ၂၀၁၃ ခုနှစ်တွင် ဆွေးနွေးပွဲကျင်းပရန် အဓိက အခက်အခဲမှာ ဆီးရီးယားရှိ အမျိုးမျိုး ကွဲပြားခြားနားသော အဖွဲ့အစည်းများနှင့် ၎င်းတို့အား ထောက်ပံ့သူများ “နိုင်ငံရေးဖြေရှင်းမှု၏ အဓိကအခြေခံစည်းမျဉ်း”ကို လက်ခံရန် ညှိနှိုင်းရခြင်းဟု ဆိုသည်။ ဆီးရီးယားစစ်ပွဲ စတင်သည့် အချိန်ကတည်းက ကုလသမဂ္ဂအနေဖြင့် ဤချဉ်းကပ်မှုကို အသုံးပြုခဲ့ကြောင်းဟုလည်း ပြောကြားခဲ့သည်။

“ဆီးရီးယားအဖွဲ့တွေ အားလုံးကို ပြောချင်တာက ဒီလိုနိုင်ငံကို ဖွတ်ဖွတ်ညက်ညက် ကြေမွပျက်စီးနိုင်တဲ့ ပဋိပက္ခအတွက် စစ်ရေးဖြင့် ဖြေရှင်းခြင်းဟာ လုံးဝမဖြစ်နိုင်ပါဘူး။ နိုင်ငံရေးဆိုင်ရာ ဆောင်ရွက်မှု တစ်ခုတည်းကသာ ဒီလိုအခြေအနေကို အဆုံးသတ်နိုင်မှာပါ။ ဒီလိုနိုင်ငံရေးဆိုင်ရာ ဆောင်ရွက်မှုအတွက် အခြေခံကတော့ ဇွန်လ ၃၀ ရက်၂၀၁၂ ခုနှစ်က ဂျီနီဗာမှာ မစ္စတာကိုဖီအာနန်ရဲ့ အစပျိုးအကြံပြုမှုအရ လှုပ်ရှားမှုအဖွဲ့လို့ ခေါ်ဆိုကြတဲ့နိုင်ငံတွေ ပါဝင်ဆွေးနွေးခဲ့ပြီး သဘောတူ ထုတ်ပြန်ခဲ့တဲ့ ကြေငြာချက်ပဲ ဖြစ်ပါတယ်”ဟု ပြောကြားခဲ့သည်။



၂။ မျှော်မှန်းချက်များ

ဒုတိယမြောက်ဂျီနီဗာ ဆွေးနွေးပွဲ၏ အဓိကရည်ရွယ်ချက်မှာ ဇွန်လ ၃၀ ရက် ၂၀၁၂ ခုနှစ်က ဂျီနီဗာကြေငြာချက်ကို အကောင်အထည်ဖော်ရန် (အကူးအပြောင်းကာလ အစိုးရ)နှင့် စစ်ပွဲကို အဆုံးသတ်ပြီး ဆီးရီးယားပြည်သူ့သမ္မတနိုင်ငံသစ် ဖြစ်ပေါ်လာမည့် လုပ်ငန်းစဉ်များကို စတင်ရန် အတွက် ဆီးရီးယားအစိုးရနှင့် အတိုက်အခံ နှစ်ဖက်စလုံး၏ ကိုယ်စားလှယ်များ ပါဝင်ဆွေးနွေးနိုင်ရန်ဖြစ်သည်။

အမေရိကန်၊ ရုရှားနှင့် အတိုက်အခံများ၏ အကူးအပြောင်းကာလအတွင်း သမ္မတအာဆတ်၏ အခန်းကဏ္ဍအပေါ် ကွဲပြားခြားနားသည့် သဘောထားများသည် ဆွေးနွေးပွဲ၏ အဓိကဆွေးနွေးရန် အကြောင်းအရာ ဖြစ်လာလိမ့်မည်ဟု အီကိုနော်မစ် မဂ္ဂဇင်းမှ ခန့်မှန်းထားသည်။

 ၃။ ပါဝင်မည့်သူများ

ငြိမ်းချမ်းရေးဆွေးနွေးပွဲတွင် နိုင်ငံတကာ အဖွဲ့အစည်းများဖြစ်သည့် ကမ္ဘာ့ကုလသမဂ္ဂ၊ ဥရောပသမဂ္ဂ၊ အာရပ်အဖွဲ့ချုပ်နှင့် အစ္စလာမ်မစ်ကောင်စီ အဖွဲ့ချုပ်တို့ ပါဝင်သည်။ နိုင်ငံများအနေဖြင့် အမေရိကန်၊ ရုရှား၊ တရုတ်၊ အင်္ဂလန်၊ ပြင်သစ်စသည့် အင်အားကြီးနိုင်ငံများ ပါဝင်ပြီး အများပြည်သူဆိုင်ရာ နိုင်ငံတကာဥပဒေအဖွဲ့ဝင်နိုင်ငံများ အပါအဝင် စုစုပေါင်း ၃၉ နိုင်ငံရှိသည်။



၎။ ဆီးရီးယား ပါဝင်မှု

ဆွေးနွေးပွဲတွင် ဆီးရီးယားအစိုးရနှင့် အတိုက်အခံတို့၏ ကိုယ်စားလှယ်များ တက်ရောက်မည်ဖြစ်ကြောင်း နိုဝင်ဘာ ၂၅ ရက် ၂၀၁၃ ခုနှစ်တွင် ကုလသမဂ္ဂအထွေထွေအတွင်းရေးမှုးချုပ် မစ္စတာဘန်ကီမွန်းမှ ကြေငြာသွားသည်။ သို့ရာတွင် မည်သည့် အတိုက်အခံအဖွဲ့အစည်းများ ပါဝင်မည်ကို ပြောဆိုသွားခြင်း မရှိပေ။



အဖွဲ့တွင်း တိုက်ခိုက်ခြင်းများ၊ နိုင်ငံတကာ ဖိအားပေးမှုများနှင့် ဆွေးနွေးပွဲအပေါ် သဘောထားမတူညီများကြောင့် အမျိုးသား မဟာမိတ်အဖွဲ့သည် လွတ်လပ်စွာ ဆောင်ရွက်နိုင်ခြင်း မရှိဘဲ နှောင့်နှေးလျက်ရှိသည်။

မတ်လ ၂၀၁၁ ကတည်းက စတင်ခဲ့သည့် လူပေါင်းတစ်သိန်းသုံးသောင်းကျော် သေဆုံးပြီး လူသန်းပေါင်းများစွာ အိမ်မဲ့ယာမဲ့ ဖြစ်စေသည့် ပဋိပက္ခများကို အဖြေရှာရန် ကျင်းပမည့် ဆွေးနွေးပွဲသို့ တက်ရောက်ရန်အတွက် အယူအဆများ ကွဲပြားခြားနားလျက်ရှိသည့် မဟာမိတ်အဖွဲ့သည် နိုင်ငံတကာ၏ ကြီးမားသော ဖိအားဒဏ်ကို ခံရလျက်ရှိသည်။ ဆွေးနွေးပွဲ မစတင်မီ အချိန်အနည်းငယ်အလိုမှသာ အမျိုးသားမဟာမိတ်အဖွဲ့အနေဖြင့် တက်ရောက်ရန် သဘောတူညီခဲ့သည်။

ညွန့်ပေါင်းအတိုက်အခံ အဖွဲ့အနေဖြင့် တက်ရောက်ရန် ငြင်းဆန်ခဲ့သော်လည်း အနောက်နိုင်ငံများနှင့် အာရပ်ကျောထောက်နောက်ခံများ၏ ပြင်းပြင်းထန်ထန် ဖိအားပေးမှုကြောင့် ဆွေးနွေးပွဲတွင် ပါဝင်ရန်အတွက် ဇန်နဝါရီလ ၁၈ ရက်က မဲခွဲဆုံးဖြတ်ခဲ့ရသည်။  “အမေရိကန်မှ အပြုသဘော မဲဆန္ဒပေးကြရန် တောင်းဆိုကြောင်း” မစ္စတာကယ်ရီမှ သောကြာနေ့ ကျင်းပသည့် မဟာမိတ်များ ဆွေးနွေးပွဲ မတိုင်ခင်တွင် ပြောကြားခဲ့သည်။

တောင်းဆိုချက်များကို မဆုံးဖြတ်နိုင်ခင်က ဇန်နဝါရီအစောပိုင်းတွင်  ကျင်းပခဲ့သော တွေ့ဆုံပွဲ၌ အဖွဲ့ဝင် အများစုမှာ တက်ရောက်ခြင်း မရှိဘဲ ထွက်ခွာခဲ့ကြသည်။ ၎င်းတို့အနေဖြင့် အဓိက တောင်းဆိုချက်မှာ အာဆတ်အား ဖယ်ရှားရေးဖြစ်ကြောင်း ပြောဆိုခဲ့သည်။ ဗုဒ္ဓဟူးနေ့တွင် စတင်မည့် ဒုတိယမြောက် ဂျီနီဗာဆွေးနွေးပွဲဟု ခေါ်ဆိုကြသည့် ဆွေးနွေးပွဲသို့ တက်ရောက်ရန်အတွက် အစ္စတန်ဘူလ်တွင် ပြုလုပ်သော အစည်းအဝေး၌ ထောက်ခံမဲ ၅၈ မဲ၊ ကန့်ကွက်မဲ ၁၄ မဲ၊ ကြားနေ ၂ မဲ နှင့် ဗလာမဲတစ်မဲတို့ဖြင့် ဆုံးဖြတ်ခဲ့ကြသည်။ အတိုက်အခံ အုပ်စုပေါင်း ၁၂၀ ခန့်ရှိသည့် အနက်မှ ၇၅ ဖွဲ့သာ မဲပေးကြသည့် အဓိပ္ပာယ်မှာ ပြင်းပြင်းထန်ထန် သဘောထားကွဲလွဲမှုများကြား လျှို့ဝှက်စွာ မဲပေးခဲ့ကြခြင်းပင်ဖြစ်သည်။

အနောက်အင်အားကြီး နိုင်ငံများမှ အတိုက်အခံများ၏ ဆုံးဖြတ်ချက်ကို ကြိုဆိုခဲ့ကြပြီး ကယ်ရီမှ “ဘာရှားအယ်လ်အာဆတ် ၏ လူမဆန်စွာ အုပ်ချုပ်မှုအောက်တွင် ခံစားခဲ့ကြရသည့် အားလုံးသော ဆီးရီးယားပြည်သူတွေရဲ့ အကျိုးကျေးဇူးများ အတွက်” ဟု ပြောဆိုခဲ့သည်။ “ခက်ခဲသည့် ဆုံးဖြတ်ချက်” ကိုချမှတ်နိုင်ခဲ့သည့်အတွက် အတိုက်အခံများကို  ဗြိတိန်နိုင်ငံခြားရေးဝန်ကြီး ဝီလျမ်ဟေးဂ်မှ ချီးကျူးခဲ့သည်။ ဂျာမန်နိုင်ငံခြားရေးဝန်ကြီး ဖရန့်ခ်ဝေါ်လ်တာစတိန်းမီယာမှလည်း ၎င်းဆုံးဖြတ်ချက်ဟာ ဆီးရီးယားပြည်သူ တွေအတွက် မျှော်လင့်ချက်ရောင်ခြည်၊ ပြင်သစ်မှ အဆင့်တူ လောရင့်ဖာဘီးယက်စ် မှ ရဲရင့်သော ရွေးချယ်မှုဟု ပြောဆိုခဲ့ကြသည်။

အဖွဲ့အစည်းအမြောက်အမြား ပေါင်းစည်းထားသည့် မဟာမိတ်အဖွဲ့သည် ပြည်တွင်းစစ်အတွင်း ပေါင်းစည်းနိုင်ရန် ကြိုးစားမှု၊ ခေါင်းဆောင်နေရာအတွက် တိုက်ခိုက်ခြင်းများ၊ ပြည်ပြေးအစိုးရ ဖွဲ့စည်းနိုင်ရန် အားထုတ်မှုများမှ ကြာမြင့်စွာ ရုန်းကန်ခဲ့ရသည်။ များစွာသော အဖွဲ့ဝင်များမှာ ၎င်းတို့ မုန်းတီးပြီး သုံးနှစ်လုံးလုံး ဖြုတ်ချရန် ကြိုးစားခဲ့သည့် အစိုးရမှ ကိုယ်စားလှယ်များနှင့် တစ်စားပွဲတည်း ထိုင်ဆွေးနွေးရန်ကို စိတ်ပျက်နေကြသည်။

Umbrella အဖွဲ့မှ ခေါင်းဆောင် အာမက်ဂျာဘာက အာဆတ်အား ဖြုတ်ချရန် ရည်ရွယ်ချက် တစ်ခုတည်းဖြင့်သာ သွားရောက်မည် ဖြစ်ကြောင်း ပြောဆိုခဲ့သည်။ ဒုတိယမြောက် ဂျီနီဗာဆွေးနွေးပွဲဟာ တော်လှန်ရေးရဲ့ မျှော်မှန်းချက်တွေ ရရှိဖို့၊ အာဆတ်ကို ဖယ်ရှားဖို့အတွက် ရည်ရွယ်ထားတဲ့ တစ်လမ်းသွားပဲ ဖြစ်ပါတယ်။

အမျိုးသား မဟာမိတ်အဖွဲ့ ဆွေးနွေးပွဲသို့ တက်ရောက်ရန် ဆုံးဖြတ်ချက်ကို မကျေနပ်သဖြင့် ဆီးရီးယန်း အမျိုးသားကောင်စီသည် မဟာမိတ်အဖွဲ့မှ နှုတ်ထွက်ခဲ့သည်။ အခြားသော အတိုက်အခံ အုပ်စုများမှ တွေ့ဆုံပွဲများကို ငြင်းပယ်ခဲ့ကြသည်။ အမျိုးသားညှိနှိုင်းဆောင်ရွက်မှု ကော်မတီမှ အတိုက်အခံညွှန့်ပေါင်းအဖွဲ့အတွင်း အမျိုးသား မဟာမိတ်အဖွဲ့၏ လုပ်ပိုင်ခွင့်ကို အသိအမှတ်မပြုကြောင်းနှင့် ၎င်းတို့တက်ရောက်မည် မဟုတ်ကြောင်း ဇန်နဝါရီ ၁၆ ရက်က ကြေငြာခဲ့သည်။ အနောက်မှ ထောက်ခံသည့် ဆီးရီးယန်းလွတ်မြောက်ရေးတပ်မှ ကောင်စီအကြီးအကဲက ၎င်းတို့နှင့် အဖွဲ့များသည် သမ္မတအာဆတ် နှုတ်ထွက်ခြင်း ရှိ/မရှိ ရေရာမှု မရှိသောကြောင့် ဂျီနီဗာဆွေးနွေးပွဲသို့ တက်ရောက်မည် မဟုတ်ကြောင်း နိုဝင်ဘာ ၂၆ ရက်ကတည်းက ကြေငြာထားခဲ့သည်။

အစ္စလာမ်မစ်အုပ်စုများ ဖွဲ့စည်းထားသော ရှေ့တန်းအစ္စလာမ်မစ်အဖွဲ့မှလည်း ဂျီနီဗာဆွေးနွေးပွဲသို့ တက်ရောက်ခြင်းအား သစ္စာဖောက်သော လုပ်ရပ်အဖြစ် စဉ်းစားရမည်ဖြစ်ကြောင်း သတိပေးပြောဆိုထားသည်။

ဒီဇင်ဘာ ၂၀ ရက် ၂၀၁၃ ခုနှစ်တွင် ကာ့ဒ်မျိုးနွယ် ဒီမိုကရက်တစ်ပေါင်းစည်းမှု ပါတီမှ ၎င်းတို့ ကာ့ဒ်အဖွဲ့များသည် မြောက်ပိုင်းဆီးရီးယားတွင် တစ်စိတ်တစ်ပိုင်း ကိုယ်ပိုင်အုပ်ချုပ်ခွင့်ရ ဒေသအနေဖြင့် တည်ရှိထားသောကြောင့် ဆွေးနွေးပွဲသို့ သီးသန့်ကိုယ်စားလှယ် စေလွှတ်ခွင့် တောင်းခံခဲ့သည်။

ဒုတိယမြောက် ဂျီနီဗာဆွေးနွေးပွဲသို့တက်ရောက်ရန် ဆီးရီးယားအစိုးရမှ သဘောတူညီပါသလား။



ဆီးရီးယားအစိုးရမှ အကြမ်းဖက်သမားများနှင့် ဆွေးနွေးမည်မဟုတ်ဟု ပြောကြားခဲ့သည်။

ဆီးရီယားအစိုးအစိုးရမှ ဆွေးနွေးပွဲတွင် ပါဝင်မည်ဖြစ်ကြောင်း သို့ရာတွင် ၎င်းတို့ တရားဝင် အစိုးရအဖွဲ့သည် မည်သူ့ကိုမျှ အာဏာလွှဲအပ်သွားမည် မဟုတ်ကြောင်း ဒီဇင်ဘာ ၂၇ ရက်နေ့က ကြေငြာခဲ့သည်။ ဆီးရီးယားပြည်သူများ၏ အကြမ်းဖက်သမား ချေမှုန်းခြင်းကို ဆောင်ရွက်ရန်အတွက် ကိုယ်စားလှယ်များကို သမ္မတဘာရှားအယ်လ်အာဆတ်မှ စေလွှတ်သွားမည်ဖြစ်ကြောင်း နိုင်ငံခြားရေး ဝန်ကြီးဌာနမှ ပြောဆိုခဲ့သည်။ မစ္စတာအာဆတ်ကို ဆန့်ကျင်သူတိုင်း အကြမ်းဖက်သမားများအဖြစ် ပြောဆိုခြင်းမှာ ဆီးရီးယားရှိ အစိုးရရုံးများ လုပ်ရိုးလုပ်စဉ်အတိုင်းပင် ဖြစ်သည်။

ဒမတ်စကတ်မှ တက်ရောက်မည်ဟု ပြောကြားထားသော်လည်း အမေရိကန်နိုင်ငံခြားရေးဝန်ကြီး ဂျွန်ကယ်ရီမှ အာရုံလွှဲပြောင်းသည့် ပရိယာယ်သာဖြစ်ပြီး မည်သူမျှ ယုံကြည်မည် မဟုတ်ကြောင်း စွပ်စွဲပြောဆိုခဲ့သည်။

အဓိက အတိုက်အခံ အမျိုးသားမဟာမိတ် အဖွဲ့ကို ထောက်ခံမှု၊ အနာဂတ်ဆီးရီးယားတွင် သမ္မတအတွက် နေရာမရှိကြောင်း ပြောဆိုမှုအတွက်များကြောင့်လည်း အနောက်နိုင်ငံများကို အဆိုပါဝန်ကြီးဌာနမှ ဝေဖန်ခဲ့သည်။ မည်သည့် သဘောတူညီချက် မဆိုကို ပြည်သူ့ဆန္ဒ ခံယူပွဲပြုလုပ်ပြီး အတည်ပြုသင့်ကြောင်း မစ္စတာအာဆတ်မှ သီးခြားအကြံပြုခဲ့သော် လည်း မည်ကဲ့သို့ကျင်းပနိုင်မည် ဆိုခြင်းမှာ ရှင်းလင်းမှုမရှိပေ။

ဆီးရီးယားအစိုးရအနေဖြင့် ဆွေးနွေးပွဲအတွက် ကြိုတင်သတ်မှတ်ချက်များမရှိပဲ တက်ရောက်သွားရန် အဆင်သင့်ဖြစ်နေကြောင်း ရုရှားနိုင်ငံခြားရေးဝန်ကြီး ဆာဂီးလာရို့ဗ်မှ ဇူလိုင်လ ၂၂ ရက်နေ့ ၂၀၁၃ ခုနှစ်တွင် ပြောကြားခဲ့သည်။

၅။ အီရန်

အီရန်သည် ဆီးရီးယားအစိုးရ၏ အရင်းနှီးဆုံး မဟာမိတ်ဖြစ်သည်။

မေလ ၂၀၁၃ ခုနှစ်က ကုလသမဂ္ဂဆိုင်ရာ အီရန်သံအမတ် မိုဟာမက်ခါဇာအီးမှ ဆွေးနွေးပွဲဆိုင်ရာ အချက်အလက်များများ ရရှိသည့်အခါတွင် ၎င်းအချက်အလက်များအပေါ်မူတည်၍ ဆွေးနွေးပွဲသို့ တက်ရောက်ရန် ရှိ/မရှိကို ဆုံးဖြတ်သွားမည် ဖြစ်ကြောင်း ပြောဆိုထားခဲ့သည်။

ဆွေးနွေးပွဲသို့ တက်ရောက်ရန် ကုလသမဂ္ဂအထွေထွေ အတွင်းရေးမှုးချုပ် မစ္စတာဘန်ကီမွန်းမှ အီရန်အား ဖိတ်ကြားခဲ့မှုကို ဇန်နဝါရီ ၁၉ ရက် ၂၀၁၄ခုနှစ်က ကြေငြာခဲ့သည်။ အိမ်နီးချင်းနိုင်ငံက ပြဿနာကို ဖြေရှင်းတဲ့နေရာမှာ အီရန်လည်း ပါဝင်သင့်တယ်လို့ ခိုင်ခိုင်မာမာ ယုံကြည်ကြောင်း၊ ဆွေးနွေးပွဲအတွင်း အပြုသဘောဆောင်၊ အထောက်အကူပြုသည့် နေရာမှ ပါဝင်သွားမည်ဟု တီဟီရန်မှ ကတိပေးခဲ့ကြောင်း  မစ္စတာဘန်ကီမွန်းမှ ပြောဆိုခဲ့သည်။

ဆီးရီးယန်းအုပ်ချုပ်မှု၏ အဓိကမဟာမိတ် အီရန်အား ဖိတ်ကြားမှုအတွက် အမေရိကန်နှင့် ဆီးရီးယား အတိုက်အခံများအား ထောက်ခံသည့် အနောက်နိုင်ငံများကို စိတ်ဆိုးစေခဲ့ပြီး မစ္စတာဘန်ကီမွန်း၏ လှုပ်ရှားမှုအပေါ် အမေရိကန်နှင့် အမျိုးသားမဟာမိတ် အဖွဲ့တို့မှ လျင်လျင်မြန်မြန် တုံ့ပြန်ခဲ့ကြသည်။

အမေရိကန်မှ ဖိတ်ကြားချက်အပေါ်တွင် “ ခြွင်းချက်အနေနဲ့ အပြန်အလှန် သဘောတူညီချက်အရ ဖွဲ့စည်းတဲ့၊ အုပ်ချုပ်ရေးအာဏာ အပြည့်အဝရှိတဲ့ ဆီးရီးယား အကူးအပြောင်းကာလ အစိုးရကို ဖွဲ့စည်းပြီး ဂျီနီဗာကြေငြာချက်ကို အကောင်အထည်ဖော် ဆောင်ရွက်တဲ့ နေရာမှာ အီရန်အနေနဲ့ သိသိသာသာ ပါဝင်ပူးပေါင်းဆောင်ရွက်မှု ရှိမှသာ လက်ခံနိုင်မှာ ဖြစ်ပါတယ်”ဟု ပြောဆိုခဲ့သည်။



အမျိုးသားမဟာမိတ်အဖွဲ့မှ ပြောရေးဆိုခွင့်ရှိသူက Twitter တွင် “မစ္စတာဘန်ကီမွန်းအနေနှင့် အီရန်အား ဖိတ်ကြားထားမှုကို ရုတ်သိမ်းခြင်း မပြုပါက ဆီးရီးယား ညွှန့်ပေါင်းအဖွဲ့ အနေနဲ့ ဒုတိယမြောက်ဂျီနီဗာ ဆွေးနွေးပွဲကို တက်ရောက်တော့မည် မဟုတ်ကြောင်း” ရေးသားခဲ့ပြီး အမျိုးသား မဟာမိတ်အဖွဲ့မှ အီရန်အစိုးရအား ဖိတ်ကြားမှုကြောင့် ဆွေးနွေးပွဲမှ နှုတ်ထွက်မည်ဟု ခြိမ်းခြောက်ခဲ့သည်။ ထို့ကြောင့် ဇန်နဝါရီလ ၂၀ ရက်တွင် ကုလသမဂ္ဂမှ အီရန်အား ဖိတ်ကြားထားမှုကို ပြန်လည်ရုတ်သိမ်းခဲ့ရသည်။ ဖိတ်ကြားထားခြင်းအား ပယ်ဖျက်မှုသည် မှန်ကန်သော လုပ်ဆောင်မှုဖြစ်ကြောင်း အမျိုးသား မဟာမိတ်အဖွဲ့၏ ခေါင်းဆောင်မှ BBC သို့ ပြောဆို ခဲ့သည်။

အီရန်အနေဖြင့် ဆွေးနွေးပွဲသို့ တက်ရောက်မှု ရှိခြင်း/မရှိခြင်းမှာ ရှင်းရှင်းလင်းလင်း မရှိသေးပေ။



၆။ အကျိုးသက်ရောက်မှုများ

ဆွေးနွေးပွဲဟာ အောင်မြင်နိုင်မှာလား





ပြီးခဲ့သော သုံးနှစ်ကတည်းက စတင်သည့် စစ်ပွဲအတွင်း လူပေါင်းတစ်သိန်းကျော်ထက်မနည်း သေဆုံးခဲ့ကြသည်။

“ဆီးရီးယားပြည်သူတွေရဲ့ တော်လှန်ရေး ရည်မှန်းချက်တွေကို ရရှိဖို့အတွက် အတိုက်အခံများရဲ့ အကောင်းဆုံးအခွင့်အရေး” ဟု ဆွေးနွေးပွဲကို ရည်ညွှန်းပြီး အမေရိကန်မှ ပြောဆိုခဲ့သော်လည်း သိသာထင်ရှားသည့် တိုးတက်မှုများ ဖြစ်ပေါ်လာရန်မှာ အလွန်ပင်ခက်ခဲလျက် ရှိသည်။

ဆွေးနွေးပွဲ၏ အဓိကဇာတ်ဆောင်အဖွဲ့ နှစ်ဖက်စလုံးတွင် စေ့စပ်ညှိနှိုင်း၍ မရသည့် ရည်မှန်းချက်များ ရှိနေသည်။ အမျိုးသား မဟာမိတ်အဖွဲ့မှ ဂျီနီဗာကြေငြာချက်အရ အကူးအပြောင်းကာလ အစိုးရအဖွဲ့တွင် သမ္မတအာဆတ်အတွက် နေရာမရှိဟု ရှင်းရှင်းလင်းလင်း ပြောဆိုထားချိန်တွင် ဆီးရီးယားမှလည်း သမ္မတကို ဖယ်ရှားရန် လုံးဝမဖြစ်နိုင်ဟု အကြိမ်ကြိမ်အခါခါ ပြောဆိုထားခဲ့သည်။

ဆွေးနွေးပွဲများ မစတင်မီ ရက်အနည်းငယ်အတွင်းက ဆီးရီးယားအမျိုးသား ပြန်လည်သင့်မြတ်ရေး ဝန်ကြီး အလီဟိုင်းဒါးမှ “ဒီဒုတိယဂျီနီဗာဆွေးနွေးပွဲကနေ ဘာမှကို မမျှော်လင့်ပါဘူး။ ဒုတိယဂျီနီဗာမှ မဟုတ်ဘူး၊ တတိယ၊ စတုတ္ထ နောက်ဆုံး ဒဿမဂျီနီဗာ ဆွေးနွေးပွဲကတောင် ဆီးရီးယားအကျပ်အတည်းကို ဖြေရှင်းနိုင်မှာ မဟုတ်ပါဘူး။ နိုင်ငံအတွင်း စစ်တပ်ရဲ့ အောင်မြင်မှုအတိုင်း ဆက်လက်လုပ်ဆောင်ခြင်းကသာ ဖြေရှင်းချက်ဖြစ်ပါတယ်”  ဟုပြောကြားခဲ့သည်။

လက်တလော တိုက်ခိုက်နေကြသည့် တိုက်ခိုက်ရေးအဖွဲ့များမှ ဆွေးနွေးပွဲမှာ လက်ရှိအခြေအနေနှင့် ဆီလျော်မှုမရှိဟု ပြောဆိုခဲ့ခြင်းမှာ ဆွေးနွေးပွဲအတွင်း နိုင်ငံရေးသဘောတူညီချက် တစ်စုံတစ်ရာ ရရှိခဲ့သည့်တိုင် ၎င်းသဘောတူညီချက်ကို လက်တွေ့အကောင် အထည်ဖော်ရန်မှာ မဖြစ်နိုင်သလောက်ပင်ဟု ပြသနေခြင်းဖြစ်သည်။

ဆီးရီးယန်းအမျိုးသားညီညွတ်ရေး ဥက္ကဌ အာမက်ဂျာဗာမှ ဇူလိုင်နှောင်းပိုင်း ၂၀၁၃ ခုနှစ်တွင် “၎င်းတို့အနေဖြင့် ဆွေးနွေးပွဲ၏ အောင်မြင်မှုသည် ပဋိပက္ခကို အဆုံးသတ်ရန်အတွက်ကိုမူ သံသယရှိသော်လည်း၊ ပြည်တွင်းစစ်ကို အဆုံးသတ်ရန်အတွက် အကူးအပြောင်းကာလအစိုးရတည်ထောင်နိုင်ရန် မျှော်လင့်လျက်ရှိကြောင်း” ပြောကြားခဲ့သည်။

REF:    Reuter/ AFP/ Wikipedia
ဘာသာပြန် – ကိုဒူး
The Myanma Age

တိုင်းရင်းသားလက်နက်ကိုင်အဖွဲ့ ညီလာခံ ရက်တိုးဆွေးနွေး


တိုင်းရင်းသား လက်နက်ကိုင်အင်အားစုတွေရဲ့ ညီလာခံကို ကရင်အမျိုးသား အစည်းအရုံးပိုင်နယ်မြေ လောခီးလာမှာ တတိယမြောက်နေ့အဖြစ် ဆက်လက်ကျင်းပခဲ့ပြီး သတ်မှတ်ရက်နဲ့ မပြီးပြတ်တာကြောင့် ရက်ထပ်တိုးဆွေးနွေးဖို့ ဆုံးဖြတ်လိုက်ကြပါတယ်။

ညီလာခံ တတိယမြောက်နေ့မှာ ညှိနှိုင်းရေးအဖွဲ့က ရေးသားပေးပို့ထားတဲ့ တစ်နိုင်ငံလုံး အပစ်အခတ် ရပ်စဲရေးဆိုင်ရာ သဘောတူညီချက် မူကြမ်းကို တိုင်းရင်းသားအဖွဲ့အစည်း အသီးသီးက ဆွေးနွေးသုံးသပ်ကြပြီး အပြီးမသတ်တာကြောင့် နောက်ရက်တွေကို ညီလာခံ ဆက်လက်ကျင်းပဖို့ ဆုံးဖြတ်ခဲ့တယ်လို့ ညီလာခံ ပြောခွင့်ရသူ ပဒိုစောကွယ်ထူးဝင်းက ပြောပါတယ်။

“တပြည်လုံး အပစ်အခတ်ရပ်စဲရေးဆိုင်ရာ သဘောတူညီချက်ကို ညှိနှိုင်းရေး အဖွဲ့ကနေ ရေးသားပြုစုထားတဲ့ တပြည်လုံးအပစ်အခတ်ရပ်စဲရေး ဆိုင်ရာ သဘောတူညီချက်စာချုပ် စာသား မူကြမ်းကို တိုင်ရင်းသားလက်နက်ကိုင်အဖွဲ့အစည်း အသီးသီးက အစုအဖွဲ့လိုက် ပြန်လည် သုံးသပ်ပြီး တင်ပြတဲ့ အစည်းအဝေးပါ။ သုံးသပ်တာနဲ့ ပြန်လည်တင်ပြတာနဲ့ အချိန်က ကုန်သွားတယ်။ သုံးသပ်ရာမှာ အချို့အဖွဲ့တွေက အဖွဲ့လိုက်သုံးသပ်တယ်၊ တချို့အဖွဲ့တွေ ကလည်း ၂ ဖွဲ့ ၃ ဖွဲ့ စုပေါင်းသုံးသပ်တာတွေရှိတယ်။ သူတို့ တင်ပြလို့ပြီးသွားပြီ မနက်ဖြန်မှာ ပြန်လည် ဆွေးနွေးသွားမှာ ဖြစ်ပါတယ်။”
ညီလာခံသုံးရက်အတွင်း မပြီးပြတ်တာကြောင့် အနည်းဆုံးတစ်ရက် နှစ်ရက် ထပ်မံ ရက်တိုးကြမယ်လို့ သူက ပြောပ့ါတယ်။

ဒီညီလာခံကနေ တိုင်းရင်းသားလက်နက်ကိုင်တွေဘက်က ကိုင်စွဲထားတဲ့ တနိုင်ငံလုံး အပစ်အခတ်ရပ်စဲရေး သဘောတူညီချက်စာတမ်းကိုတော့ ရလာမှာဖြစ်တယ်လို့ သူက ပြောပါတယ်။ ဒီစာတမ်းကို ကိုင်စွဲပြီး အစိုးရဘက်နဲ့ ညှိနှိုင်းမှာဖြစ်ပါတယ်။

တိုင်းရင်းသား လက်နက်ကိုင်အင်အားစုတွေရဲ့ ကေအိုင်အိုဌာနချုပ်လိုင်ဇာမှာကျင်းပတဲ့ ပထမအကြိမ် ညီလာခံမှာ တစ်နိုင်ငံလုံး အပစ်အခတ်ရပ်စဲရေး ဘုံသဘောထားကို ချမှတ်နိုင်ခဲ့ပါ တယ်။ အဲဒီ ညီလာခံမှာရော အခုကျင်းပတဲ့ ညီလာခံမှာပါ မြန်မာပြည်မှာ တိုင်းရင်းသား လက်နက်ကိုင်အင်အားစုထဲမှာ အင်အားအကြီးမားဆုံး ၀ပြည် သွေးစည်းညီညွတ်ရေးပါတီက တက်ရောက်တာ မရှိပါဘူး။

ဒါနဲ့ပတ်သက်လို့ ညီလာခံဆုံးဖြတ်ချက်တွေအပေါ် တစုံတရာ ထိခိုက်နိုင်ခြေရှိမလားလို့ မေးကြည့်တဲ့အခါ ပဒို စောကွယ်ထူးဝင်းက မထိခိုက်နိုင်ဘူးလို့ ထင်မြင်ကြောင်း ပြောပါတယ်။

“တိုင်းရင်းသားလက်နက်ကိုင်တွေရဲ့ မူကြမ်းပေါ့နော်။ အစိုးရဘက်က တူညီတဲ့အပိုင်းရှိသလို မတူညီတဲ့အပိုင်းလည်း ရှိမှာပေါ့။ ဒါက ဆက်ပြီး ညှိရမှာပေါ့။ ကိုယ့်ဘက်မှာတော့ ကိုယ့်မူကြမ်းနဲ့ ကိုယ်ပေါ့။ ဒါပေမယ့် ရေးဆွဲတဲ့နေရာမှာတော့ အစိုးရရဲ့ လက်ခံနိုင်တဲ့ အမြင်သဘောထားတွေကိုလည်း ကျနော်တို့ အလေးထားပြီးတော့ ရေးဆွဲတာပေါ့လေ။”

တိုင်းရင်းသားလက်နက်ကိုင်အင်အားစုတွေဟာ အမျိုးသားတန်းတူရေးနဲ့ ကိုယ်ပိုင်ပြဌာန်းခွင့် အတွက် နှစ်ပေါင်း ၆၀ ကျော် လက်နက်စွဲကိုင် တော်လှန်တိုက်ခိုက်နေကြတာဖြစ်ပြီး လက်ရှိကာလမှာ အစဉ်အဆက် ဖြစ်ထွန်းမှုမရှိဖူးတဲ့ တပြည်လုံးအပစ်ရပ်ရေးလုပ်ဆောင်ကြဖို့ နိုင်ငံရေးမူဘောင်ချမှတ်ရေးနဲ့ နိုင်ငံရေးအရ တွေ့ဆုံဆွေးနွေးရေးကို အမြန်ဆုံး လုပ်ဆောင်ရေးတွေကို အစိုးရနဲ့ သဘောတူညီနိုင်ခဲ့ကြပါတယ်။

The Myanma Age

တောင်ကိုရီးယားနိုင်ငံသား သန်း ၂၀ ခန့်၏ ကြွေးဝယ်ကတ် အသေးစိတ် အချက်အလက်များ ခိုးယူရောင်းစားခံရ


ဆိုးလ်၊ ဇန်နဝါရီ ၂၁

တောင်ကိုရီးယားနိုင်ငံသား သန်း ၂၀ ခန့်၏ ကြွေးဝယ်ကတ် (Credit Card) များမှ အသေးစိတ် အချက်အလက်များမှာ ခိုးယူခြင်းခံရပြီး ဈေးကွက်ရှာဖွေ ထူထောင်မှု လုပ်ကိုင်သော မားကက်တင်း လုပ်ငန်းများ (Marketing Firms) များထံသို့ပါ ရောင်းချခြင်း ခံခဲ့ရကြောင်း BBC သတင်းဌာနက ရေးသားဖော်ပြသည်။

တောင်ကိုရီးယားနိုင်ငံသား ထက်ဝက်ကျော်ခန့် (သန်း ၂၀ ခန့်) ကိုင်ဆောင်သော Credit Card များမှ အချက်အလက်များကို Korea Credit Bureau ဟုခေါ်သော Credit ထုတ်သည့် ကုမ္ပဏီတွင် လုပ်ကိုင်လျက်ရှိသော ကွန်ပျူတာ ကန်ထရိုက်တာတစ်ဦးက ခိုးယူသွားခြင်း ဖြစ်သည်။

Credit Card များမှ အမည်များ၊ လုံခြုံရေး နံပါတ်များနှင့် အခြားအသေးစိတ် အချက်အလက်များကို အဆိုပါ အိုင်တီကျွမ်းကျင်သူ ကန်ထရိုက်တာက ပွားယူသွားခြင်း ဖြစ်ကြောင်း တောင်ကိုရီးယား အာဏာပိုင်တို့က ဆိုသည်။

ထိုသို့ သန်းပေါင်းများစွာသော ကိုရီးယား နိုင်ငံသားတို့၏ Credit Card ဆိုင်ရာ အချက်အလက်များ ခိုးယူခံလိုက်ရသည်ဟူသော သတင်းမှာ အဆိုပါ အိုင်တီကျွမ်းကျင်သူအား ဖမ်းဆီး ထိန်းသိမ်းလိုက်ပြီးနောက် ထွက်ပေါ်လာခြင်း ဖြစ်သည်။

အဆိုပါ ကန်ထရိုက်တာထံမှ သတင်းအချက်အလက်များ ဝယ်ယူခဲ့သည့် မားကက်တင်း လုပ်ငန်းများမှ မန်နေဂျာများလည်း အလားတူ ဖမ်းဆီး ထိန်းသိမ်းခံခဲ့ရသည်။

ပထမပိုင်းတွင် ထွက်ပေါ်လာသော သတင်းများအရ ခိုးယူသွားသူ ကန်ထရိုက်တာသည် တောင်ကိုရီးယား ကြွေးဝယ်ကတ် လုပ်ငန်းကြီးသုံးခုက ကိုင်တွယ်ထားသည့် Database ထဲမှ ပွားယူသွားခဲ့ခြင်း ဖြစ်ကြောင်း၊ အဆိုပါ Database ကို Korea Credit Bureau ကအသုံးပြုခဲ့ခြင်း ဖြစ်ကြောင်း တောင်ကိုရီးယား အိုင်တီ နည်းပညာရှင်များက ပြောကြားသည်။

သို့အတွက်ကြောင့် အဆိုပါ Credit Card လုပ်ငန်းကြီးသုံးခုမှ လုပ်ငန်းရှင် အကြီးအကဲတို့က လူသိရှင်ကြား တောင်းပန်မှု ပြုလုပ်ခဲ့ကြသည်။

လက်ရှိ အနေအထားတွင် အာဏာပိုင်များက အဆိုပါ လုပ်ငန်းကြီးသုံးခုတွင် လုံခြုံရေး အစီအမံများ တိုးမြှင့် လုပ်ဆောင်သွားရန် စီစဉ်လျက်ရှိသလို ခိုးယူခံရမှုကြီးကြောင့် ဖြစ်ပေါ်လာနိုင်သည့် နောက်ဆက်တွဲ ဂယက်ရိုက်ခတ်မှုများကို စုံစမ်းစစ်ဆေးမည့် လုပ်ငန်းအဖွဲ့တစ်ခု ဖွဲ့စည်းရန်လည်း ပြင်ဆင်လျက် ရှိသည်။

ကိုရီးယား အမျိုးသား ငွေကြေးထိန်းချုပ်ရေး အဖွဲ့ဖြစ်သော ငွေကြေး ဝန်ဆောင်မှုများ ကော်မရှင် (FSC) ကကြေညာချက်တစ်ရပ် ထုတ်ပြန်ရာတွင် “ယခုဖြစ်ရပ်ကြောင့် Customer များတွင် ငွေကြေး ဆိုင်ရာ ပျောက်ဆုံးမှု ဖြစ်ပွားပါက Credit Card လုပ်ငန်းများက ပြန်လည် တာဝန်ယူ ဖြေရှင်းပေးမည် သို့မဟုတ် လျော်ကြေးပေးမည် ဖြစ်သည်” ဟု ဖော်ပြခဲ့သည်။

အဆိုပါ အချက်အလက်များကို အလွယ်တကူ ခိုးယူသွားနိုင်ခြင်းမှာ Data များကို Encrypt လုပ်ထားခြင်း မရှိသောကြောင့် ဖြစ်ကြောင်း၊ Credit Card လုပ်ငန်းကြီးသုံးခုသည် စုံစမ်းစစ်ဆေးရေး အဖွဲ့က ခိုးယူခံရကြောင်း အသိပေး အကြောင်းကြားမှု မပြုသေးမီအထိ ယင်း Data များအား ကော်ပီ ပွားယူနိုင်သည်ဟူသော အချက်ကို မသိခဲ့ကြကြောင်း FSC မှ အရာရှိကြီး တစ်ဦးက ပြောကြားသည်။

တောင်ကိုရီးယားနိုင်ငံတွင် ပြီးခဲ့သည့် ၂၀၁၂ ခုနှစ်ကလည်း မိုဘိုင်းလ် ကုမ္ပဏီတစ်ခုမှ ဖုန်းအသုံးပြုသူ ၈ ဒသမ ၇ သန်း၏ အချက်လက် အသေးစိတ်ကို Hacker နှစ်ဦးက ခိုးယူမှု ပေါ်ပေါက်ခဲ့သေးသည်။

The Voice Weekly Myanmar

စိတ်ကြွရူးသွပ်ဆေးပြားများ ဖမ်းဆီးရမိ


နေပြည်တော်၊ ဇန်န၀ါရီ ၂၂

၂၀၁၄ ခုနှစ်၊ ဇန်န၀ါရီလ ၂၀ ရက်နေ့ နံနက် ၉ နာရီ ၁၅ မိနစ်အချိန် ရှမ်းပြည်နယ်၊ အမှတ်(၂၄)မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့စု(လားရှိုး)မှတပ်ဖွဲ့ဝင်များပါဝင်သော ပူးပေါင်း အဖွဲ့သည် မူးယစ်ဆေးဝါးသတင်းအရ သက်သေများနှင့်အတူ လားရှိုးမြို့၊ ရပ်ကွက်(၅)နေ ဒုံယင်တာ (၆၃)နှစ်၏နေအိမ်သို့ဝင်ရောက်ရှာဖွေခဲ့သည်။ ထိုသို့ရှာဖွေရာ ၎င်း၏အင်္ကျီအိတ်အတွင်းမှ စိတ်ကြွ ရူးသွပ်ဆေးပြား(၁၅၁)ပြား၊ တန်ဘိုးငွေကျပ်(၃၀၂၀၀၀ိ/-)နှင့် မူးယစ်ဆေးဝါးရောင်းရငွေကျပ် (၃၀၀၀၀ိ/-)၊ နေအိမ်အိပ်ခန်းအတွင်းမှ စိတ်ကြွဆေးပြားသုံးစွဲရာတွင်အသုံးပြုသည့် ကြေးပိုက်တပ်လျက် ပုလင်းတစ်လုံးတို့အား တွေ့ရှိသိမ်းဆည်းရမိခဲ့သောကြောင့် ဒုံယင်တာအား လားရှိုးမြို့မရဲစခန်း မယ(ပ)၁၂/၂၀၁၄၊ မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေပုဒ်မ ၁၅/ ၁၉(က)/၂၁/၂၀(က)ဖြင့် အမှုဖွင့်အရေးယူထားကြောင်း သတင်းရရှိသည်။
ရဲဇာနည်

လိုင်စင်မဲ့ယာဉ်များ ဖမ်းဆီးရမိ


နေပြည်တော်၊ ဇန်န၀ါရီ ၂၂

၂၀၁၄ ခုနှစ်၊ ဇန်န၀ါရီလ ၂၀ ရက်နေ့ ည ၇ နာရီအချိန် မွန်ပြည်နယ်၊ ပေါင်မြို့နယ်၊ မုတ္တမ နယ်မြေရဲစခန်းမှတပ်ဖွဲ့ဝင်များ လှည့်ကင်းတာဝန်ဆောင်ရွက်နေစဉ် လက်ပံကျေးရွာ၊ ရန်ကုန်-မော်လမြိုင် ကားလမ်း၊ မိုင်တိုင်အမှတ်(၁၈၂/၃-၄)ကြား၊ လမ်းပေါ်တွင်ရပ်တန့်ထားသည့် မော်လမြိုင်မြို့၊ မန္တလေး ရပ်ကွက်နေ အောင်ကျော်ဦး(ခ)ဟာနစ်(၃၅)နှစ်၊ ကျော်စွာဝင်း(ခ)ဆွာဒစ်နှင့် ၀င်းဇော်နိုင်တို့ ၃ ဦး မောင်းနှင်သော ၅ဃ/xxxx Mark II အဖြူရောင်ယာဉ်ပါ ၃ စီးအား တွေ့ရှိစစ်ဆေးခဲ့သည်။ ထိုသို့ စစ်ဆေးရာ ယာဉ်များနှင့်ပတ်သက်သည့်အထောက်အထားတစ်စုံတစ်ရာ ပြောဆိုပြသနိုင်ခြင်းမရှိဘဲ လိုင်စင်မဲ့ ယာဉ်များဖြစ်ကြောင်း သိရှိရသဖြင့် အောင်ကျော်ဦး(ခ)ဟာနစ်အား မုတ်္တမနယ်မြေရဲစခန်း(ပ)၉/၂၀၁၄ ဖြင့်လည်းကောင်း၊ ကျော်စွာဝင်း(ခ)ဆွာဒစ်အား (ပ)၁၀/၂၀၁၄ ဖြင့်လည်းကောင်း၊ ၀င်းဇော်နိုင်အား (ပ)၁၁/၂၀၁၄ ဖြင့်လည်းကောင်း၊ ပို့ကုန်သွင်းကုန်ဥပဒေပုဒ်မ ၈ ဖြင့် အသီးသီးအမှုဖွင့်အရေးယူ ထားကြောင်း သတင်းရရှိသည်။

ရဲဇာနည်

မိုးကုတ်တွင် ဆိုင်ရှေ့ ကားပိတ်ရပ်ရာမှ စကားများပြီး ဓားထိုးမှုဖြစ်ပွား၊ လူတစ်ဦးသေ


မန္တလေး၊ ဇန်န၀ါရီ ၂၂

မိုးကုတ်မြို့တွင် ကားပိတ်ရပ်၍ စကားများရာမှ ဓားထိုးမှုဖြစ်ပွားပြီး လူတစ်ဦးသေဆုံးကာ တစ်ဦး လက်ကောက်ဝတ် ပြတ်ရှ ဒဏ်ရာရရှိမှု ယမန်နေ့က ဖြစ်ပွားခဲ့ကြောင်း မန္တလေးတိုင်း ဒေသကြီး ရဲတပ်ဖွဲ့မှူးရုံးမှ သတင်းရရှိသည်။

ဖြစ်ပွားပုံမှာ ယခုလ ၂၁ရက်နေ့တွင် အောင်ချမ်းသာ ၁၇ရပ်ကွက်နေ၊ မ----နှင့် ၄င်း၏အမျိုး သားဖြစ်သူ ကို---တို့မှာ လိုက်ထရက်အဖြူရောင်ယာဉ်ဖြင့် ဈေးဟောင်းရပ်ရှိ ဈေးဆိုင်တွင် ဈေးဝယ်ရန် ၄င်းဆိုင်အနီး I Laund ကွန်ပျူတာ အရောင်းဆိုင်ရှေ့တွင် ကားပိတ်ရပ်တန့်သောကြောင့် ဆိုင်ပိုင်ရှင်မှ မရပ်တန့်ရန်ပြောဆိုရာမှ အချင်းများခဲ့ပြီး ကွန်ပျူတာဆိုင်ပိုင်ရှင် ကို-----မှ ၁၈လက်မခန့်ရှိသော စတီးဓားဦးချွန်ဖြင့် ဦးအေးကိုကို၏ ၀မ်းဗိုက်ယာဘက်နှင့် ခါးယာ ဘက်ထိုးသွင်း ဒဏ်ရာများရရှိရ်ျ မ---မှ ၀င်ရောက်ဖြန်ဖြေရာ ယာလက်ညှိုးလက်ကောက်ဝတ်ပြက်ရှ ဒဏ်ရာများရရှိရ်ျ မိုးကုတ်မြို့နယ်ဆေးရုံသို့ ပို့ ဆောင်ကုသခဲ့ကြောင်း ရဲမှတ်တမ်းများတွင် ဖော်ပြထားသည်။ ဦး---မှ ရရှိသောဒဏ်ရာဖြင့် ဆေးရုံသို့ ပို့ ဆောင်ကုသစဉ် သေဆုံးသွားခဲ့သောကြောင့် ကွန်ပျူတာဆိုင်ပိုင်ရှင် ကို--------အား (ပ) ၁၉/၂၀၁၄၊ ပြစ်မှုပုဒ်မ ၃၀၂/၃၂၄အရ အမှုဖွင့် စစ်ဆေးလျှက်ရှိကြောင်း မန္တလေးတိုင်း ဒေသကြီး ရဲတပ်ဖွဲ့မှူးရုံးမှ သတင်းရရှိသည်။

၎င်းနေ့နေ့လည် (၁၃း၄၅) အချိန်ခန့်တွင် မီလျံရွှေဆိုင်နှင့် နဂါးရွှေဆိုင် တို့အားလုယက်မှု တစ်ချိန် တည်းဖြစ်ပွားခဲ့သည်။ ဖြစ်စဉ်မှာဓါးပြ (၇) ခန့်က သေနတ် (၂)လက်ဖြင့် လည်းကောင်းရွှေဆိုင် (၂) ဆိုင် အားတစ်ပြိုင်နက် တည်း ၀င်ရောက်လုယက်မှုဖြစ်ပွားခဲ့သည်။

ဖိုးလပြည့်
Popular Myanmar News Journal

မိုးကုတ်ရွှေဆိုင် လုယက်မှု တရားခံ မမိသေး


မန္တလေးတိုင်းဒေသကြီး မိုးကုတ်မြို့ အောင်ချမ်းသာရပ်ကွက်မှာ ရှိတဲ့ နဂါးနဲ့ မီလျံ ရွှေဆိုင်ကို လက်နက်ကိုင်ထားတဲ့ လူတစုက ၀င်ရောက်စီးနင်းပြီး ရွှေ ၆ ပိဿကို ယူဆောင် သွားပါတယ်။

ဇန်န၀ါရီ ၂၁ ရက်နေ့ နေ့လည် ၂ နာရီ အချိန်မှာ ဆိုင်ကယ် ၃ စီးနဲ့ ပစ္စတို သေနတ် ၄ လက် ကိုင်ဆောင်ထားပြီး မျက်နှာဖုံး စွပ်ထားတဲ့ အမည်မသိ လူတစုက ၀င်ရောက် စီးနင်းခဲ့တယ်လို့ မြန်မာနိုင်ငံရဲတပ်ဖွဲ့ရဲ့ ပြောခွင့်ရ ရဲမှူးချုပ် ၀င်းခေါင်က ဒီဗွီဘီကို ပြောပါတယ်။

မီလျံနဲ့ နဂါးရွှေဆိုင်ကို သေနတ် ပစ်ဖောက် ၀င်ရောက်ကာ မှန်ကောင်တာတွေကို ပါလာတဲ့ တူတွေနဲ့ ရိုက်ခွဲပြီး မီလျံရွှေဆိုင်က ရွှေ ၂ ပိဿ၊ နဂါးရွှေဆိုင်က ရွှေ ၄ ပိဿ စုစုပေါင်း ရွှေ ၆ ပိဿကို ယူဆောင်သွားခဲ့တယ်လို့လည်း သူက ပြောပါတယ်။

လက်နက်ကိုင်လူတစုရဲ့ ပစ်ခတ်မှုကြောင့် လူ ၁ ဦး သေဆုံးခဲ့ပြီး တဦး ဒဏ်ရာရ ရှိသွားသလို ရဲတပ်ဖွဲ့က စုံစမ်းမှုတွေ လုပ်ဆောင်နေတယ်လို့ ပြောပါတယ်။

အရင်က လုယက်မှုတွေ ဖြစ်ပွားခဲ့ပေမယ့် ဓားပြမှုလို ဖြစ်ရပ်မျိုး ဖြစ်ပွားခဲ့ခြင်း မရှိသလို နေခင်းဘက်မှာ အခုလို ဖြစ်ပွားခဲ့တဲ့အတွက် မြို့ခံတွေအနေနဲ့ စိုးရိမ်ပူပန်နေတယ်လို့ မိုးကုတ်မြို့ခံ ဦးထွန်းဦးက ပြောပါတယ်။

လုယက်သူတွေဟာ လူစိမ်းတွေ ဖြစ်သလို အခုချိန်ထိ ဖမ်းဆီးနိုင်သေးတာ မရှိသေးဘူးလို့လည်း ဒေသခံတွေက ပြောဆိုနေကြပါတယ်။

By ဒီဗွီဘီ

အရောင်မပြယ်သေးသည့် အစိမ်းရင့်ရင့်


မြန်မာ့နိုင်ငံရေးအခန်းကဏ္ဍတွင် တပ်မတော်ပါဝင်ပတ်သက်နေခြင်းမှာ အရပ်သားအစိုးရလက်ထက် သုံးနှစ်ကျော်လာသည့်တိုင် ဒီမိုကရေစီအမှန်တကယ်လိုလားသူတို့ကြား မေးခွန်းထုတ်စရာ အဖြစ်ရှိနေဆဲပင်ဖြစ်သည်။

ဖွဲ့စည်းပုံအခြေခံဥပဒေ၏ အခြေခံမူများအခန်းတွင် “နိုင်ငံတော်၏ အမျိုးသားနိုင်ငံရေးဦးဆောင်မှုအခန်းကဏ္ဍတွင် တပ်မတော်မှပါဝင်ထမ်းဆောင်နိုင်ရေးကို အစဉ်တစိုက်ဦးတည်သည်” ဟု အတိအလင်းပါရှိနေခြင်းက လက်ရှိလျှောက်လှမ်းနေသည့် မြန်မာနိုင်ငံ၏ ဒီမိုကရေစီလမ်းကြောင်းကို တပ်မတော်က လမ်းပြနေသယောင်ပင်။

ပြီးခဲ့သည့်နှစ်ကုန်ပိုင်းက တပ်မတော်ကာကွယ်ရေးဦးစီးချုပ်က အရှေ့တောင်တိုင်းစစ်ဌာနချုပ်တစ်နေရာတွင် တပ်မိသားစုများနှင့် တွေ့ဆုံရာ၌ ဖွဲ့စည်းပုံအခြေခံဥပဒေတွင် ပြဋ္ဌာန်းထားသည့်အတိုင်း အမျိုးသားနိုင်ငံရေးအခန်းကဏ္ဍတွင် တပ်မတော်ပါဝင်နေရခြင်းမှာလည်း နိုင်ငံရေးတည်ငြိမ်မှုရင့်ကျက်စေရန်၊ ပြည်သူပြည်သားများ၏ ဒီမိုကရေစီကျင့်စဉ်များ၊ ဥပဒေနှင့်အညီ ကျင့်ကြံနေထိုင်ခြင်းများအတွက် ၀ိုင်းဝန်းထိန်းသိမ်းရန်ဖြစ်သည်ဟု ပြောကြားခဲ့ရာ ယခုနှစ်ပိုင်းများအတွင်း ကာချုပ်က တပ်မတော်၏အခန်းကဏ္ဍ တဖြည်းဖြည်းနောက်ဆုတ်သွားမည်ဟု ပြောကြားခဲ့သည်များနှင့် ကွဲလွဲနေသည်ကို တွေ့ရသည်။

ထိုသို့ပြောခြင်းသည် လက်ရှိဒီမိုကရေစီပြုပြင်ပြောင်းလဲရေးကာလတိုင် နိုင်ငံသားများနှင့် အရပ်သားနိုင်ငံရေးသမားများအပေါ်တွင် ယုံကြည်မှုကင်းမဲ့နေသေးကြောင်း ဖော်ပြရာရောက်နေသည်။ အရပ်သားနိုင်ငံရေးသမားများအပေါ်တွင် ယုံကြည်မှုအားနည်းနေသေးသမျှ နိုင်ငံရေးတွင် တပ်ကပါဝင်ပတ်သက်နေဦးမည်ဖြစ်ပြီး တပ်ကနိုင်ငံရေးအပေါ် သြဇာဆက်လက်လွှမ်းမိုးခဲ့သည့် နှစ် ၅၀ ကာလအတွင်း အဘက်ဘက်တွင် နိုင်ငံနောက်ကျကျန်ခဲ့သည်မှာ သမိုင်းသက်သေပင်ဖြစ်သည်။ ထို့ကြောင့် အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က နိုင်ငံရေးတွင် တပ်ကပါဝင်စွက်ဖက်ခြင်းမပြုရန်မှာ အင်န်အယ်လ်ဒီ၏မူဝါဒဖြစ်ပြီး နိုင်ငံရေးတွင်ပါဝင်စွက်ဖက်ခြင်းမပြုရန် တစ်နည်းမရပါက နောက်တစ်နည်းဖြင့် လုပ်ဆောင်သွားမည်ဟု ကရင်ပြည်နယ်ဟောပြောပွဲတစ်ခုတွင် ပြောကြားသွားခဲ့သည်။

“တပ်မတော်အနေနဲ့ အရပ်သားနိုင်ငံရေးသမားတွေအပေါ် ယုံကြည်မှုအားနည်းနေတာကတော့ အမှန်ပါ။ ယုံကြည်မှုတည်ဆောက်ဖို့ဆိုရင် တွေ့ဆုံဆွေးနွေးရေးက အရေးကြီးတာပါ”ဟု နိုင်ငံရေးလေ့လာသုံးသပ်သူ ဒေါက်တာရန်မျိုးသိမ်းကပြောသည်။

ခေတ်အဆက်ဆက်ဖြတ်သန်းလာခဲ့သည့် အခြေအနေများအရ မြန်မာ့တပ်မတော်သည် မြန်မာ့နိုင်ငံရေးသမားများ၏ နိုင်ငံရေးဦးဆောင်နိုင်မှုစွမ်းအားအပေါ် ယုံကြည်မှုရေချိန်နိမ့်ကျနေသေးသည်ဆိုသည်မှာတော့ ငြင်းနိုင်ဖွယ်မရှိပေ။

မြန်မာ့နိုင်ငံရေး၏ ခက်ခဲရှုပ်ထွေးသောအခြေအနေသည် စစ်တပ်၏ပြုပြင်ပြောင်းလဲရေးဖြစ်ပြီး တိုင်းပြည်ကို နှစ်ပေါင်း ၅၀ နီးပါး အုပ်ချုပ်ခဲ့သည့် မြန်မာ့စစ်တပ်သည် ယနေ့အချိန်အထိ အာဏာကို ကိုင်စွဲထားဖွယ်ရှိနေသည်ဟု အရှေ့တောင်အာရှဆိုင်ရာ ဗြိတိန်နိုင်ငံ၏ နိုင်ငံခြားရေးဝန်ကြီးဟူဂိုဆွိုင်းက ပြီးခဲ့သည့်သီတင်းပတ်တွင် ပြောကြားခဲ့သည်။

အလားတူပင် ရွေးကောက်ခံလွှတ်တော်ကိုယ်စားလှယ်များကြားတွင် ရွေးကောက်ခံမဟုတ်၊ မဲဆန္ဒနယ်လက်ကိုင်လည်းမရှိသည့် တပ်မတော်သားလွှတ်တော်ကိုယ်စားလှယ်များနေရာ ယူနေခြင်းက ဒီမိုကရေစီသရုပ်ပျက်ဖြစ်သည်ဟု နိုင်ငံရေးလေ့လာသူများက သုံးသပ်နေကြသည်။

နိုင်ငံသားများကို ဒီမိုကရေစီကျင့်စဉ်နှင့်အညီ နေထိုင်ရန်ဝိုင်းဝန်းထိန်းသိမ်းပေးမည့် တပ်မတော်သည် ဒီမိုကရေစီနည်းလမ်းမကျသည့် တပ်မတော်သားကိုယ်စားလှယ် ၂၅ ရာခိုင်နှုန်း လွှတ်တော်တွင်းရှိနေခြင်းက ရှေ့နောက်မညီပင်ဖြစ်သည်ဟု တပ်မတော်ကာကွယ်ရေးဦးစီးချုပ်ဟောင်း ဗိုလ်ချုပ်ကြီးဟောင်းသူရဦးတင်ဦးကပြောသည်။

“၂၅ ရာခိုင်နှုန်းထည့်ထားခြင်းသည် ရွေးကောက်တင်မြှောက်တာလည်းမဟုတ်ဘူး။ လူထုဆန္ဒနဲ့လည်းမဟုတ်ဘူးဆိုတာ သဘောပေါက်ပြီး ၂၀၁၅ ကျရင် မပါဝင်တော့ဘူးလို့ ဒီမိုကရေစီအရမြင်ပြီး ဖယ်ပေးရင် ပျိုတိုင်းကြိုက်တဲ့နှင်းဆီခိုင် ဖြစ်လာပါလိမ့်မယ်”ဟု သူရဦးတင်ဦးကပြောသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က မြန်မာနိုင်ငံသည် ဒီမိုကရေစီလမ်းကြောင်းပေါ်သို့ လျှောက်လှမ်းနေပြီဖြစ်၍ တပ်မတော်၏အခန်းကဏ္ဍကို လျှော့ချနေကြောင်း ၎င်း၏ပြည်ပခရီးစဉ်များတွင် ပြောကြားခဲ့သည်။

တပ်မတော်၏အခန်းကဏ္ဍသည် နိုင်ငံတော်ကိုကာကွယ်ရန် အဓိကတာဝန်ဖြစ်ပြီး တပ်မတော်သည် တာဝန်များဆောင်ရွက်စရာ များစွာရှိနေသဖြင့် မည်သူမဆို ကိုယ့်တာဝန်ကိုယ်ကျေပွန်ကြမည်ဆိုလျှင် တိုင်းပြည်တွင် မည်သည့်အဖွဲ့အစည်းမဆို သိက္ခာရှိသည့်အနေအထားဖြင့် လေးလေးစားစား ဆက်ဆံခံကြရမည်ဖြစ်သည်ဟု ပြည်သူ့လွှတ်တော်ကိုယ်စားလှယ် ဦးခိုင်မောင်ရည်ကပြောသည်။

“အနီးစပ်ဆုံးဥပမာပေးရရင် ထိုင်းနိုင်ငံရဲ့တပ်မတော် ဘယ်လိုရပ်တည်သလဲ။ သူ့အလုပ် သူလုပ်သွားတယ်။ လိုအပ်ရင် တိုင်းပြည်ကိုထိန်းပေးတယ်။ ဘက်မလိုက်တဲ့အနေအထားမျိုး၊ အာဏာမမက်မောတဲ့အနေအထားမျိုးမှာ ရှိနေတယ်။ အခုဖြစ်နေတဲ့ အနေအထားအရ ၂၀၁၅ မှာ အချင်းချင်းပွတ်တိုက်မှုတွေ များနိုင်တယ်။ တပ်မတော်က ကြားကနေ အကောင်းဆုံးကူညီပြီးတော့ ထိန်းညှိပေးဖို့ပဲလိုအပ်ပါတယ်”ဟု ဦးခိုင်မောင်ရည်ကပြောသည်။

တပ်မတော်က အမိန့်ပေးစနစ်ဖြင့် ပြည်သူလူထုအား စေခိုင်းခြင်းသည် သဘာဝမကျဘဲ ပြည်သူလူထုကသာလျှင် တပ်မတော်သည် မည်သည့်အခန်းကဏ္ဍတွင် ပါဝင်သင့်သည်ကို သင်ပေးရမည်ဖြစ်သည်ဟု ဗိုလ်ချုပ်ကြီးဟောင်းသူရဦးတင်ဦးကဆိုသည်။

“ပြည်သူလူထုကသာ တပ်ကိုသင်ပေးရမှာ။ အခုက တပ်က သူ့ခေါင်းဆောင်မှုနဲ့ ပြည်သူလူထုက နောက်ကလိုက်ရမယ်ဆိုတော့ ဒါကြီးက ဘယ်ဟုတ်မလဲ။ ပြောင်းပြန်ကြီးဖြစ်နေတယ်”ဟု ကာကွယ်ရေးဦးစီးချုပ်၏ တောင်ပိုင်းတိုင်းစစ်ဌာနချုပ်တစ်နေရာတွင် ပြောခဲ့သည့်စကားကို သူရဦးတင်ဦးက ပြန်လည်ချေပပြောကြားသည်။

မည်သို့ပင်ဆိုစေ လက်ရှိအခြေအနေတွင် အရပ်သားအစိုးရ တာဝန်ယူနေသည်ဆိုသော်လည်း အစိုးရအဖွဲ့ဝင်ဝန်ကြီးများ၊ လွှတ်တော်ကိုယ်စားလှယ်များ၊ တိုင်းဒေသကြီးဝန်ကြီးချုပ်များ အများစုသည် တပ်မတော်သားဟောင်းများဖြစ်နေသည်ကို ငြင်းနိုင်ဖွယ်မရှိချေ။

သမ္မတဦးသိန်းစိန်အနေဖြင့် ပြင်ပအရပ်သားပညာရှင်များ၊ နိုင်ငံရေးသမားများထက် စစ်ဗိုလ်ချုပ်ဟောင်းများကို အစိုးရအဖွဲ့အတွင်း နေရာပေးထားခြင်းမှာ အရပ်သားများအပေါ် အပြည့်အ၀ ယုံကြည်မှုမရှိသေးခြင်းဖြစ်နိုင်ကြောင်း တောင်သာမြို့နယ် ပြည်သူ့လွှတ်တော်ကိုယ်စားလှယ် ဦးအောင်သောင်းကပြောသည်။

အစိုးရအဖွဲ့တွင် ပြည်ထောင်စုအဆင့်ဝန်ကြီးဌာန ၃၆ ခု၌ ပြည်ထောင်စုဝန်ကြီး ၃၆ ဦးရှိပြီး ၎င်းတို့အနက် လက်ရှိယူနီဖောင်းဝတ်ထားသည့် ဒုတိယဗိုလ်ချုပ်ကြီးအဆင့် ၀န်ကြီးသုံးဦးအပါအ၀င် ဒုတိယဗိုလ်ချုပ်ကြီး၊ ဗိုလ်ချုပ်၊ ဗိုလ်မှူးချုပ်နှင့် ဗိုလ်မှူးကြီး အစရှိသည့် စစ်တပ်အဆင့်မြင့်ရာထူးများမှ အသွင်ပြောင်းထားသူ ၂၅ ဦးရှိသည်။ ပြင်ပမှ အရပ်သားပြည်ထောင်စုဝန်ကြီး ရှစ်ဦးသာပါရှိသည်။

အလားတူ ဒုတိယ၀န်ကြီး ၅၉ ဦးတွင်လည်း တပ်မှအသွင်ပြောင်းသူ အများစုပါဝင်နေသည်။ ပြည်နယ်နှင့်တိုင်း ၁၄ ခုရှိ တိုင်းဒေသကြီးနှင့် ပြည်နယ်ဝန်ကြီးချုပ်များတွင်လည်း အရပ်သားတစ်ဦးသာပါရှိသည်ဟု သိရသည်။

“အစိုးရအဖွဲ့ထဲမှာ အရပ်သားဆိုလို့ ရှစ်ယောက်၊ ကိုးယောက်လောက်ပဲပါမယ်ထင်တယ်။ ဒါကြောင့်မို့လို့လည်း မထူးပါဘူး၊ အလကားပါပဲ ဘောင်းဘီချွတ်တာကလွဲပြီး စစ်အစိုးရပါပဲလို့ ဝေဖန်နေကြတာလည်း အဲဒါလည်းပါတယ်”ဟု ဦးအောင်သောင်းက ဆက်လက်ပြောကြားသည်။

ထို့ကြောင့် လက်ရှိအစိုးရအဖွဲ့အတွင်းတွင် အခြေခံအာဏာတည်ဆောက်ပုံသည် ပြောင်းလဲခြင်းမရှိသေးဟု မြန်မာ့အရေးလေ့လာသူ သတင်းစာဆရာ မစ္စတာဘာတေးလင့်တနာကဆိုသည်။

“နိုင်ငံအတွင်းမှာ ပိုမိုလွတ်လပ်ပွင့်လင်းလာပါတယ်။ ဒါပေမဲ့ တပ်ကတော့ အဓိကသြဇာရှိအဖွဲ့အစည်းအဖြစ် ကျန်နေတုန်းပါပဲ”ဟု မစ္စတာဘာတေးလ်လင့်တနာကပြောသည်။

မြန်မာနိုင်ငံ၏ အမှန်တကယ်အပြောင်းအလဲသည် ဧကန်ရောက်ရှိလာမည်ဖြစ်သည်။ သို့သော် အချိန်ယူရမည်ဖြစ်ပြီး အရပ်ဘက်နှင့် တပ်တို့၏ အခြားမျိုးဆက်များတွင် ဖြစ်လာနိုင်သည်ဟု ၎င်းကသုံးသပ်သည်။

“နိုင်ငံဟာ တပ်မတော်ရဲ့အစေခံမဖြစ်ရဘူး။ တပ်မတော်ဟာ နိုင်ငံရဲ့အခြေခံဖြစ်ရမယ်”ဟု တပ်မတော်၏ဖခင် ဗိုလ်ချုပ်အောင်ဆန်း ပြောကြားခဲ့ဖူးလေသည်။

ရေးသားသူ- သီဟ
7Day News Journal

ဓာတ်ပုံ- ငြိမ်းချမ်းနိုင်/အီးပီအေ

လက်နှစ်ဖက်မဲ့ ရေကူးချန်ပီယံ


လက်နှစ်ဖက်မရှိသည့် ကိုအောင်ငြိမ်းဦးတစ်ယောက် ရေကူးကန်ထိပ်မှ သတ်မှတ်နေရာတွင် အသင့်ပြင်လိုက်ချိန်မှာတော့ အားကစားရုံတစ်ခုလုံး လက်ခုပ်သံနှင့် အော်ဟစ်အားပေးသံများ ဆူညံပွက်လောရိုက်သွားသည်။ ရေကူးကန်ထောင့်တစ်နေရာမှာ စုဝေးနေသော မြန်မာအသင်းနှင့် ပွဲကြည့်စင်ပေါ်မှ ပရိသတ်တို့ အားပေးသံများဖြစ်သည်။

“အောင်ငြိမ်းဦး”ဟူသည့်အမည်ကို အော်ဟစ်လျက်အားပေးနေသူများမှာ အများစုက ၀ှီးချဲပေါ်တွင်ဖြစ်ပြီး မတ်တတ်ရပ်နေသူတချို့ကတော့ ခြေလက်တစ်ခုခု မသန်စွမ်းသူများဖြစ်ကြသည်။

အသက်(၂၆)နှစ်အရွယ် ကိုအောင်ငြိမ်းဦးမှာ လက်နှစ်ဖက်လုံးမရှိ။ သို့သော် သူ့မှာ စိတ်ဓာတ်နှင့် ယုံကြည်ချက်ရှိသည်။ အခြားနိုင်ငံမှ မသန်စွမ်းသူများနှင့် ယှဉ်ပြိုင်ရာတွင် မြန်မာနိုင်ငံမှ မသန်စွမ်းအဖွဲ့များအနေဖြင့် နည်းစနစ်ပိုင်းဆိုင်ရာ အားနည်းချက်များစွာရှိခဲ့သော်လည်း ကိုအောင်ငြိမ်းဦးက ရေကူးအားကစားပြိုင်ပွဲကို လက်နှစ်ဖက်မရှိဘဲ ခြေထောက်ဖြင့် အားပြုကူးခတ်ပြီး မြန်မာနိုင်ငံအတွက် ရွှေတံဆိပ်ရယူ၍ နိုင်ငံ့ဂုဏ်ဆောင်ပေးခဲ့သည်။

မုံရွာသားအောင်ငြိမ်းဦးက ငယ်စဉ်ကပင် မိခင်ဖြစ်သူ ဆုံးပါးသွားသည့်အတွက် မန္တလေးမှ ဘုန်းတော်ကြီးတစ်ပါးက စောင့်ရှောက်ထားခဲ့သူဖြစ်သည်။ အရွယ်ရလာသည့်အခါ မန္တလေးရှိ မိဘမဲ့ကလေးကျောင်းသို့ ရောက်ရှိခဲ့သည်။

ကျောင်းအုပ်ဆရာမကြီး ပြောစကားနှင့် စည်းကမ်းများကိုမလိုက်နာဘဲ ကျောင်းမှထွက်ပြေးကာ ဘူတာတွင်နေထိုင်ခဲ့သည်။ ထိုအချိန်ထိ (၁၅)နှစ်အရွယ် အောင်ငြိမ်းဦးမှာ သန်သန်မာမာဖြစ်သည်။ ဘူတာတွင် ခြေသလုံးအိမ်တိုင်နေထိုင်ရင်း မီးရထားတွဲများပေါ် ကျင်လည်ကျက်စားခဲ့သည်။

တစ်နေ့တွင် အမြန်ရထားတစ်စီးနောက် ပြေးလိုက်ရင်း ရထားပေါ်ရောက်နှင့်နေသည့် သူငယ်ချင်းတစ်ဦးက အောင်ငြိမ်းဦးကို ရထားပေါ်တက်မည်အထင်ဖြင့် အင်္ကျီစလှမ်းဆွဲလိုက်သည်။ ရထားတွဲခြေနင်းခုံပေါ် ရောက်ရှိသွားသော်လည်း ကိုင်စရာတန်းမရှိသည့်အတွက် အရှိန်မထိန်းနိုင်ဖြစ်ကာ ရထားပေါ်မှ ခြေချော်ပြုတ်ကျခဲ့သည်။

ကံအကြောင်းမလှစွာပင် ထိုနေ့က အောင်ငြိမ်းဦးလက်နှစ်ဖက် ရထားဘီးအောက်တွင် ကျန်ရစ်ခဲ့ပါသည်။ ဘူတာအနီးရှိနေသည့် ကုန်သည်အချို့က အောင်ငြိမ်းဦးကို ဆေးရုံသို့ ပို့ဆောင်သော်လည်း ဆေးရုံမှ ဆရာဝန်များက လူနာရှင်မရှိလျှင် တက်ရောက်ခွင့်မပြုဟုဆိုသည့်အတွက် သူနှင့်သိသည့် မိဘမဲ့ကလေးအချို့က ကျောင်းအုပ်ဆရာမကြီးထံ ဖုန်းဆက်ပေးခဲ့သည်။ ဆရာမကြီးက သတင်းကြားကြားချင်း ဆေးရုံသို့ရောက်လာပြီး ဆရာဝန်များကို အပြစ်တင်ခဲ့သည်။ ဆရာမကြီးပေးသည့်အသက်နှင့် ရှင်သန်ခဲ့ရသည့် အောင်ငြိမ်းဦးက မိဘမဲ့ကျောင်းမှာပင် ဆက်လက်နေထိုင်ခဲ့သည်။

“ဆေးရုံကဆင်းပြီး စိတ်ဓာတ်တွေကျတယ်။ ဘာမှလုပ်ချင်စိတ်မရှိတော့ဘူး။ ကျောင်းမှာ လက်ဝှေ့ထိုးတဲ့ ထိန်လင်းငွေဆိုတာ ကျောင်းစံပြပဲ။ သူက ရွှေတံဆိပ်တွေရတယ်။ သူ့ကိုကြည့်ရင်းနဲ့ ငါလည်း ဘာလို့မလုပ်နိုင်ရမှာလဲဆိုပြီး အားတက်လာတာ။ ဆရာမကြီးကိုခွင့်တောင်းပြီး ၂၀၀၇ ခုနှစ်မှာ ရေကူးစသင်ဖြစ်တာပါ”ဟု အောင်ငြိမ်းဦးကပြောပြသည်။

၂၀၀၇ ခုနှစ်မှစတင်ကာ ပြည်တွင်းမသန်စွမ်းအားကစားပြိုင်ပွဲများ ဆက်တိုက်ယှဉ်ပြိုင်လာခဲ့ပြီး ရွှေ၊ ငွေ၊ ကြေးတံဆိပ်များစွာကို အောင်ငြိမ်းဦး ဆွတ်ခူးနိုင်ခဲ့သည်။ ၂၀၁၁ ခုနှစ် အင်ဒိုပါရာဂိမ်းပြိုင်ပွဲကြီးသို့ သွားရောက်ယှဉ်ပြိုင်ခွင့်ရခဲ့ပြီး မြန်မာနိုင်ငံအတွက် ရွှေတံဆိပ်နှစ်ခု ရယူပေးနိုင်ခဲ့သည်။ ယခုနှစ် မြန်မာနိုင်ငံက အိမ်ရှင်အဖြစ်ကျင်းပသည့် (၇)ကြိမ်မြောက် ပါရာဂိမ်းပြိုင်ပွဲတွင်လည်း ရွှေတံဆိပ်နှစ်ခု ရယူပေးလိုက်ပြန်သည်။

မန္တလေးမိဘမဲ့ကျောင်းမှ ကျောင်းအုပ်ဆရာမကြီး ဒေါ်နီနီထွေးကိုယ်တိုင် သားတပည့်ဖြစ်သူကို လာရောက်အားပေးခဲ့သည်ကလည်း အောင်ငြိမ်းဦးအတွက် တက်ကြွဖွယ်ရာ အားဆေးတစ်ခွက်ဖြစ်ခဲ့သည်။

“ဆရာမကြီးလာအားပေးတော့ အားတက်သွားတယ်။ ကျေးဇူးလည်းတင်တယ်။ ဆရာမကြီးအပေါ် ဆိုးခဲ့မိုက်ခဲ့ပေမယ့် ဆရာမကြီးက သဘောထားကြီးကြီးနဲ့ ကျွန်တော့်ကို ခွင့်လွှတ်ခဲ့တယ်”ဟု အောင်ငြိမ်းဦးက တိုးလျစွာပြောသည်။

ကိုအောင်ငြိမ်းဦးလိုပင် အာဆီယံမသန်စွမ်းအားကစားပြိုင်ပွဲ ၀င်ရောက်နေသည့် မသန်စွမ်းသူများမှာ စိတ်ဓာတ်တစ်ခုအရင်းပြု၍ နိုင်ငံအတွက် ကြိုးစားခဲ့ကြသည်။

ရေကူးအားကစားပြိုင်ပွဲတွင် ၀င်ရောက်ယှဉ်ပြိုင်သည့် အသက်(၁၇)နှစ်အရွယ် မအေးအေးသန်းမှာ ဆုတံဆိပ်တစ်ခုမျှ မရရှိခဲ့သော်လည်း စိတ်မပျက်ဘဲ နောင်လာမည့်ပြိုင်ပွဲများတွင် ဆုတံဆိပ်များရယူနိုင်ရန် ကြိုးစားသွားမည်ဟု ဆုံးဖြတ်ထားသည်။ မအေးအေးသန်းမှာ မွေးရာပါလက်နှစ်ဖက်မရှိသူဖြစ်ပြီး မသန်စွမ်းပြုစုစောင့်ရှောက်ရေးဂေဟာမှဖြစ်သည်။

သန်လျင်မြို့နယ်တွင်နေထိုင်ပြီး အတန်းပညာတစ်တန်းသာတက်ဖူးသည့် မအေးအေးသန်းက ရေကူးအားကစားလေ့ကျင့်ခဲ့သည်မှာ တစ်နှစ်သာရှိသေးသည်။ မိသားစုတွင် ညီမသုံးဦး၊ မောင်တစ်ဦးရှိပြီး သူက အကြီးဆုံးသမီးဖြစ်သည်။

မသန်စွမ်းပြုစုစောင့်ရှောက်ရေးဂေဟာသို့ ရောက်ရှိလာသည်မှာ ငါးနှစ်ပင်ရှိခဲ့ပြီဖြစ်ပြီး ထိုအကြောင်းကို မအေးအေးသန်းက အောက်ပါအတိုင်းပြောပြသည်။

“သူငယ်ချင်းတွေနဲ့ လမ်းဘေးမှာလျှောက်သွားနေလို့ စည်ပင်က ပိုက်ဆံတောင်းနေတယ်ဆိုပြီး ဖမ်းသွားတယ်။ စစ်တော့ မတောင်းပါဘူးပြောလည်းမရဘူး။ အရင်က အိမ်မှာအမေက နင့်ကို သင်တန်းကျောင်းပို့ပစ်မယ်လို့ ခဏခဏပြောတယ်။ သူငယ်ချင်းတွေကလည်း သင်တန်းကျောင်းမှာ လက်မှုပညာတွေ သင်ပေးတယ်လို့ပြောတာ ခဏခဏကြားနေတော့ သင်တန်းကျောင်းကို ရင်းနှီးနေတယ်။ အဲဒါနဲ့ စည်ပင်ကပို့တော့ တမင်လိုက်သွားတာ”

အေးအေးသန်းက ကန်တော်ကြီးအနီးရှိ နတ်မောက်မသန်စွမ်းကျောင်းတွင် လေးနှစ်နေထိုင်ခဲ့ပြီးမှ မသန်စွမ်းပြုစုစောင့်ရှောက်ရေးဂေဟာသို့ရောက်ရှိပြီး ကလေးဝိုင်းထိန်းပေးခြင်း၊ စာအိတ်များ ပြုလုပ်ခြင်းတို့ဖြင့် ဖြတ်သန်းနေသူဖြစ်သည်။ အိမ်က ခဏခဏလာခေါ်သော်လည်း အေးအေးသန်းကပြန်မလိုက်လိုပေ။ အိမ်ကလာခေါ်မှာကိုပင် ကြောက်နေမိသည်ဟု သူကဆိုသည်။ ပထွေးဖြစ်သူလည်းရှိတာမို့ သင်တန်းကျောင်းမှလူကြီးများကလည်း ပြန်မထည့်လိုပေ။

ရေကူးအားကစားနည်းကို အခက်အခဲများကြားမှ အားမလျှော့ဘဲ လေ့ကျင့်ခဲ့ပြီး အေးအေးသန်းတစ်ယောက် အာဆီယံမသန်စွမ်းအားကစားပြိုင်ပွဲတွင် နိုင်ငံကိုယ်စား ၀င်ရောက်ယှဉ်ပြိုင်ရသူတစ်ဦး ဖြစ်လာခဲ့သည်။

လိပ်ပြာကူးနည်းကို မကူးဖူးသော်လည်း ရအောင်ယှဉ်ပြိုင်ခဲ့ကာ ပြိုင်ပွဲအပြီးတွင် အားပြတ်ပြီးမူးလဲသွားခဲ့သည်။ ဆုမရရှိသော်လည်း အေးအေးသန်း စိတ်မပျက်။ “နောက်ပွဲတွေမှာ ကြိုးစားမယ်”ဟု သူကခိုင်မာစွာဆိုသည်။

မန္တလေးမြို့တွင် ၀ှီးချဲဖြင့် ထီလိုက်ရောင်းသူ မွေးရာပါမသန်စွမ်း ကိုသန့်ဇင်မှာ အာဆီယံပါရာဂိမ်းတွင် နိုင်ငံအတွက် ငွေတံဆိပ်နှစ်ခု၊ ကြေးတံဆိပ်တစ်ခု ရယူပေးလိုက်သည်။ ရေကူးအားကစားကို မသန်စွမ်းတစ်ဦးအနေဖြင့် ကိုသန့်ဇင် ၁၃ နှစ်တိုင် ကစားခဲ့သည်။ ယခုကဲ့သို့ နိုင်ငံတကာမှ အားကစားသမားများနှင့် ယှဉ်ပြိုင်ရသည့်အခါ သန်မာမှုနှင့် နည်းစနစ်ပိုင်းများ ကွာဟမှုများစွာရှိကြောင်း ကိုသန့်ဇင်ကဆိုသည်။

“မသန်စွမ်းတစ်ယောက်အနေနဲ့ ရေကူးတာ တော်ရုံမလွယ်ဘူး”ဟု ၀ှီးချဲပေါ်တွင် ဆုတံဆိပ်များချိတ်ဆွဲလျက် ထိုင်နေသည့် ကိုသန့်ဇင်ကပြောသည်။ ယခုကဲ့သို့ ဆုတံဆိပ်သုံးခုရရှိသည့်အပေါ် ကိုယ့်နိုင်ငံကို တစ်ဖက်တစ်လမ်းမှ မြှင့်တင်ပေးနိုင်သည်ဟုယူဆပြီး အလွန်ပျော်ရွှင်ဝမ်းသာနေကြောင်း သူက ဆက်လက်ပြောခဲ့သည်။

မသန်စွမ်းရေကူးအဖွဲ့မှာ ယခုပြိုင်ပွဲကြီးတွင် ရွှေတံဆိပ် ၁၅ ခု မှန်းထားသော်လည်း ၁၂ ခုသာ ရရှိခဲ့သည်။ ငွေတံဆိပ်ရှစ်ခုနှင့် ကြေးတံဆိပ် ၁၃ ခုကိုပါ ရရှိခဲ့သည်။ “ကိုယ့်နိုင်ငံက ဆေးအဆင့်နိမ့်နေတဲ့အတွက် အားနည်းချက်ရှိတယ်။ ဒါပေမဲ့ ငါတို့မြန်မာ နိုင်ရမယ်ဆိုပြီး စိတ်ဓာတ်ကို မြှင့်ထားခဲ့ကြတယ်”ဟု ရေကူးအသင်းနည်းပြခေါင်းဆောင် ဦးမြခိုင်ကဆိုသည်။

သံလုံးပစ်အားကစားယှဉ်ပြိုင်ခဲ့သည့် (၂၅)နှစ်အရွယ် ကိုအောင်သူရတစ်ယောက် အားကစားကွင်းအတွင်း စိတ်လှုပ်ရှားစွာဖြင့် မိဘဆွေမျိုးများထံ ဖုန်းဆက်နေသည်။ ဆေးအဆင့်နိမ့်လွန်းပြီး အစွမ်းကုန်ကြိုးစား၍ ယှဉ်ပြိုင်ခဲ့ရသည့်အတွက် မည်သည့်ဆုမှရရှိမည်ဟု သူ မထင်ထားခဲ့ပေ။ ပြိုင်ပွဲနောက်ဆုံးနေ့ဖြစ်သည့် ဇန်န၀ါရီ ၁၉ ရက်တွင်မှ သူ ကြေးတံဆိပ်ရရှိကြောင်း အကြောင်းကြားလာသဖြင့် ပျော်ရွှင်နေခြင်းဖြစ်သည်။

မွေးရာပါသူငယ်နာအကြောတင်းရောဂါဖြင့် ၀ှီးချဲပေါ်ထိုင်နေသည့် ကိုအောင်သူရက “ပထမတော့ စိတ်မကောင်းဘူးပေါ့။ အခု ပီတိဖြစ်နေတယ်။ နောက်ပွဲတွေမှာ ရွှေရအောင် ကြိုးစားမယ်”ဟု ပြောသည်။ သူက ပြည်တွင်းပြိုင်ပွဲများတွင် ရွှေတံဆိပ်နှစ်ခုရရှိထားသူလည်းဖြစ်သည်။ မသန်စွမ်းဖြစ်သည့်အတွက် တစ်ခါတစ်ရံ ၀မ်းနည်းစိတ်ဖြစ်ပေါ်မိသော်လည်း သူ့အပေါ်နားလည်အားပေးသည့် ပတ်ဝန်းကျင်တွင် နေထိုင်ခဲ့ရသည့်အတွက် အမြဲတမ်း ပျော်ပျော်ရွှင်ရွှင် နေထိုင်ပါသည်ဟု သူကဆိုသည်။

(၇)ကြိမ်မြောက် အာဆီယံမသန်စွမ်းအားကစားပြိုင်ပွဲတွင် မြန်မာနိုင်ငံမှ မသန်စွမ်းကစားသမားများအတွက် နည်းစနစ်ပိုင်းနှင့် အထောက်အကူပြုပစ္စည်းများ အားနည်းခဲ့သည်။ တချို့အားကစားနည်းများမှာ မြန်မာနိုင်ငံက ယခုနှစ်တွင်မှ ထည့်သွင်းကစားခြင်းဖြစ်သည့်အတွက် ကစားသမားတို့အတွက် အခက်အခဲရှိခဲ့သည်။ သို့သော်လည်း မြန်မာ့ဂုဏ်ဆောင် မသန်စွမ်းကစားသမားများသည် ပြိုင်ပွဲတိုင်းတွင် စိတ်မပျက်၊ ဇွဲမလျှော့ဘဲ အဆင့်အတန်းမီစွာ ယှဉ်ပြိုင်ခဲ့ကြသည်ကို တွေ့ရသည်။

ပြိုင်ပွဲအများစုတွင် အားနည်းချက်တစ်ခုမှာ ကစားသမားများအသုံးပြုသည့် ၀ှီးချဲများဖြစ်သည်။ နိုင်ငံအသီးသီးမှကစားသမားများ အသုံးပြုသည့် ၀ှီးချဲများမှာ အဆင့်မီကောင်းမွန်ပြီး မြန်မာကစားသမားများ၏၀ှီးချဲများမှာ အခက်အခဲရှိနေခဲ့သည်။

“အချိန်လည်းမလုံလောက်ဘူး။ ၀ှီးချဲကွာဟမှု၊ နည်းစနစ်၊ ခံစစ် အရမ်းအားနည်းခဲ့တယ်။ သူတို့နိုင်ငံတွေက ၀ှီးချဲတွေက သွားလာရလွယ်ကူပေါ့ပါးတယ်။ ကျွန်တော်တို့ ၀ှီးချဲတွေက ဘေးကိုကားပြီး အရမ်းကြီးနေတော့ ဒါကိုထိန်းနေရတာနဲ့တင် အလုပ်ရှုပ်နေတယ်”ဟု ၀ှီးချဲဘတ်စကက်ဘောအသင်းခေါင်းဆောင် ကိုမျိုးသိန်းကပြောသည်။

ကိုမျိုးသိန်းက သွေးကြောမျှင်လေးများ ပြတ်တောက်သည့် ရောဂါတစ်ခုဖြင့် ခြေထောက်နှစ်ဖက် ဖြတ်ထားရသူဖြစ်သည်။ မသန်စွမ်းဖြစ်ခဲ့သည်မှာ ၁၃ နှစ်ရှိခဲ့ပြီး ထိုမတိုင်မီကတည်းက တိုက်ကြီးမြို့နယ်မှ ဘော်လီဘောအားကစားသမားတစ်ဦးဖြစ်သည်။ မသန်စွမ်းဖြစ်သော်လည်း ၀ါသနာပါရာအားကစားကို ရသည့်နည်းဖြင့် ဆက်လက်ကစားနေခဲ့သည်။

ဝှီးချဲဘက်စကက်ဘောအားကစားနည်းသည် မြန်မာနိုင်ငံတွင် ပထမဆုံးထည့်သွင်းကျင်းပခြင်း ဖြစ်သည်။ ထို့အတူပင် ဂိုးလ်ဘောကစားနည်းကိုလည်း မြန်မာက ပထမဆုံးထည့်သွင်းကစားခဲ့သည်။ ယခုမှစတင်ကစားကြရသည့်အတွက် စတုတ္ထနေရာသာရရှိခဲ့ပြီး ဆုတံဆိပ်များနှင့် လွဲချော်ခဲ့ရသည်။ “ဂိုးလ်ဘောက မလေးရှားက အကောင်းဆုံးပဲ”ဟု ဂိုးလ်ဘောပြိုင်ပွဲကျင်းပရေးကော်မတီဥက္ကဋ္ဌကဆိုသည်။

မြန်မာနိုင်ငံ မသန်စွမ်းအားကစားသမားအများစုကို စီးပွားကူးသန်းဝန်ကြီးဌာန၊ လယ်/ဆည်ဝန်ကြီးဌာန စသည်တို့က ၀န်ထမ်းများအဖြစ် ခန့်အပ်ထားကြသည်။ ၀န်ကြီးဌာန၀န်ထမ်းများဖြစ်သော်လည်း လုပ်ငန်းခွင်ဝင်စရာမလိုဘဲ တချို့က နေ့စားအဖြစ်၊ တချို့က လခစားအဖြစ် အသီးသီးရှိနေကြသည်။ သူတို့တာဝန်မှာ နိုင်ငံ့အတွက် အားကစားဖြင့် မြှင့်တင်ဂုဏ်ဆောင်ပေးနိုင်ရန်ဖြစ်သည်။ အားကစားပွဲတွင် ဆုတံဆိပ်ရရှိပါက နေ့စားဝန်ထမ်းမှ လခစားအဖြစ် ရာထူးတိုးပေးလေ့ရှိပြီး သူတို့ကလည်း လခစားဖြစ်ရန် မျှော်လင့်ထားကြသည်။

ဘော်လီဘောအားကစားအသင်းမှ အများစုသော ကစားသမားများမှာ တပ်မတော်စစ်မှုထမ်းဟောင်းများ ဖြစ်ကြသည်။ သူတို့အထဲတွင် ဗိုလ်ကြီးအဆင့်မှ တပ်ကြပ်ကြီးအဆင့်ထိ ပါဝင်ကြသည်။ အများစုမှာ ရှေ့တန်းတွင် တာဝန်ထမ်းဆောင်ရင်း မိုင်းဒဏ်၊ ဗုံးဒဏ်ကြောင့် ခြေပြတ်လက်ပြတ် ဖြစ်ခဲ့ရသူများဖြစ်သည်။

(၇)ကြိမ်မြောက် အာဆီယံမသန်စွမ်းအားကစားပြိုင်ပွဲသည် ယခုနှစ်မှ အိမ်ရှင်အဖြစ် စတင်လက်ခံကျင်းပခြင်း ဖြစ်သည့်အတွက် ပြည်သူများ သိရှိမှုနည်းပါးနေခဲ့သည်။ သို့သော်လည်း ပရိသတ်စိတ်ဝင်စားမှုများပြားသည့် ပြိုင်ပွဲများလည်းရှိခဲ့သည်။ မျက်စိကိုစည်း၍ ဘောလုံးကိုချူဆွဲကာ အသံနားထောင်၍ ယှဉ်ပြိုင်ရသည့် မျက်မမြင်ဘောလုံးပွဲစဉ်များမှာလည်း လက်ခုပ်သံမစဲခဲ့။ ခြေထောက်မသန်သူများ မြေပေါ်လှဲအိပ်၍ ဂိုးသွင်းဂိုးဖမ်းသည့် ဂိုးလ်ဘောပွဲမှာလည်း အားပေးသူများခဲ့သည်။ ဘော်လီဘောအားကစားပွဲတွင်လည်း အားပေးသူပြည့်ခဲ့သည်။

အာဆီယံနိုင်ငံအသီးသီးမှ အားကစားသမားများသည်လည်း စိတ်ပျက်အားငယ်မှုမရှိ၊ ၀မ်းနည်းမှုမရှိ တက်ကြွပျော်ရွှင်စွာ ပြိုင်ပွဲဝင်ပြိုင်ခဲ့ကြသည်။

မွေးရာပါမသန်စွမ်းသည့် ကိုသန့်ဇင်က “မသန်စွမ်းညီအစ်ကိုမောင်နှမတွေ ကြိုးစားကြပါ။ မသန်ပေမယ့်၊ မလုပ်နိုင်ပေမယ့် ကိုယ်နိုင်တဲ့ဝန်ကိုထမ်းကြပါလို့ ပြောချင်ပါတယ်”ဟု အားပေးစကားဆိုသည်။

အားကစားပြိုင်ပွဲကြီးအပြီးတွင် အင်ဒိုနီးရှားနိုင်ငံက ပထမ၊ ဗီယက်နမ်နိုင်ငံက ဒုတိယ၊ ထိုင်းနိုင်ငံက တတိယ၊ မလေးရှားနိုင်ငံက စတုတ္ထရရှိခဲ့ပြီး မြန်မာနိုင်ငံက အဆင့်ငါးနေရာတွင် ရပ်တည်ခဲ့သည်။ မြန်မာနိုင်ငံမှ မသန်စွမ်းကစားသမားများက ရွှေတံဆိပ် ၃၄ ခု၊ ငွေတံဆိပ် ၂၆ ခုနှင့် ကြေးတံဆိပ် ၃၆ ခုကို ရယူပေးနိုင်ခဲ့သည်။

နေပြည်တော် ၀ဏ္ဏသိဒ္ဓိအားကစားကွင်းအတွင်းရှိ သက်ဆိုင်ရာအားကစားရုံများ၌ ၀ှီးချဲတွန်း၍ သွားလာနေသံများ တဂျစ်ဂျစ်နှင့်ဆူညံနေသည်။ ချိုင်းထောက်ဖြင့် သွားလာသံတဂျောက်ဂျောက်က စည်းချက်မှန်မှန်ထွက်နေသည်။ သက်ဆိုင်ရာနိုင်ငံအဖွဲ့များက ဘာသာစကားအစုံဖြင့် ကိုယ့်အသင်းသားများကို အော်ဟစ်အားပေးသံများ ပွက်လောရိုက်နေသည်။ ရွှေတံဆိပ်ရရှိသွားသည့် နိုင်ငံများအလိုက် နိုင်ငံတော်သီချင်းများလည်း မကြာခဏထွက်ပေါ်လာသည်။

မသန်စွမ်းသူအချင်းချင်း ဖေးမကူညီရင်း အားကစားစိတ်ဓာတ်နှင့် ချစ်ကြည်ရင်းနှီးမှုကို မြင်တွေ့ရသည်။ တစ်နေရာမှတစ်နေရာသို့ ၀ှီးချဲကိုယ်စီဖြင့် သွားလာနေကြသည့် အာဆီယံကစားသမားများသည် မျက်နှာချင်းဆိုင်မိပါက မသန်စွမ်းသူအချင်းချင်း စိတ်ပါလက်ပါ နှစ်လိုဖွယ်ပြုံးပြနှုတ်ဆက်ကြသည်။ အားကစားရုံများအတွင်း နွေးထွေးမှုတစ်ခု ပျံ့လွင့်လျက်ရှိသည်။

ပြိုင်ပွဲများအပြီးတွင် ရေကူးအားကစားနည်းဖြင့် ရွှေတံဆိပ်နှစ်ခုရယူသွားခဲ့သည့် ကိုအောင်ငြိမ်းဦးတစ်ယောက် ရုပ်သံနှင့် ဂျာနယ်သတင်းထောက်တို့ရှေ့တွင် ဓာတ်ပုံအရိုက်ခံလျက်ရှိသည်။ သူက ပျော်ပျော်ရွှင်ရွှင်နေတတ်သူဖြစ်ပြီး ဓာတ်ပုံအရိုက်ခံနေရင်းမှပင် ပိုလီယိုအကြောဆွဲသည့်ပုံစံများပြုလုပ်ပြ၍ မျက်နှာပြောင်လိုက်သေးသည်။

“မိဘမဲ့ကျောင်းမှာနေရတော့ အဲဒီမှာမနေချင်တော့ဘူး။ အခုလို အမြဲထပ်ကြိုးစားမယ်။ ဆုတွေယူပြီး ရရှိလာတဲ့ငွေတွေစုပြီး မြေကွက်လေးတစ်ကွက်ဝယ်မယ်။ ကိုယ့်လိုမိဘမဲ့တွေကို ပြန်လှူမယ်”ဟု အောင်ငြိမ်းဦးက သူရည်မှန်းထားသည့်အတွေးကို ပြောပြသည်။

လွန်ခဲ့သည့် ၂၂ နှစ်ကာလက ဘူတာတွင် ခြေသလုံးအိမ်တိုင်နေထိုင်ပြီး ရထားတွဲများပေါ် ကျင်လည်ကျက်စားခဲ့ကာ ပတ်ဝန်းကျင်က ဆိုးသွမ်းသူဟု သတ်မှတ်ခံခဲ့ရသည့် လူငယ်လေးတစ်ဦးသည် ယနေ့အချိန်မှာတော့ နိုင်ငံ့ဂုဏ်ဆောင် အားကစားသမားတစ်ဦးအဖြစ် ဘ၀ကိုရပ်တည်နေပါပြီ။

အောင်ငြိမ်းဦးလိုပင် မသန်စွမ်းအားကစားသမားအားလုံးသည် နောက်ခံအကြောင်းအရ၊ ဘ၀ပေးအခြေအနေအရ ကြမ်းတမ်းခက်ခဲစွာဖြင့် ဖြတ်သန်းလာခဲ့ရသူများဖြစ်သည်။ မသန်စွမ်းဘ၀ကို စိတ်မပျက်၊ အားမငယ်ဘဲ ဇွဲလုံ့လဖြင့် ကြိုးစားခဲ့ကြသဖြင့် နိုင်ငံ့ဂုဏ်ဆောင်အားကစားသမားများအဖြစ် ရပ်တည်ခွင့်ရရှိလာကြသူများဖြစ်သည်။

မသန်စွမ်းအားကစားပြိုင်ပွဲကျင်းပရာ အားကစားရုံအသီးသီးတွင် ချိတ်ဆွဲထားသော ဆောင်ပုဒ်များလိုပင် “မသန်သော်လည်း စွမ်းပါသည်၊ နိုင်ငံ့ဂုဏ်ကို မြှင့်တင်မည်”၊ “မသန်လည်းလူ၊ သန်လည်းလူ၊ စွမ်းဆောင်မှုသာအဓိက” ဖြစ်ပါသည်။

ရေးသားသူ- ဥက္ကာကိုကို၊ ချစ်ဝိုင်း

7Day News Journal

လယ်ယာမြေပြဿနာများ ဖြေရှင်းမှု ပြီးစီးကြောင်း အစိုးရအစီရင်ခံစာ လွှတ်တော်ကိုယ်စားလှယ်များ ကန့်ကွက်


    တပ်မတော်၊ အစိုးရနှင့် ပုဂ္ဂလိက စီးပွားရေးလုပ်ငန်းရှင် အချို့က သိမ်းယူထားသော လယ်ယာမြေများကို အစိုးရက ပြန်လည်ပေးအပ်ပြီး ဖြစ်ကြောင်း အစီရင်ခံစာကို ဇန်နဝါရီလ ၂၁ ရက်နေ့တွင် ကျင်းပသော ပြည်ထောင်စု လွှတ်တော် အစည်းအဝေးသို့ တင်သွင်းရာ လွှတ်တော်ကိုယ်စားလှယ်များက အုပ်ချုပ်ရေး တာဝန်ရှိသူများ၏ လယ်ယာမြေ ပြဿနာဖြေရှင်းမှုမှာ ပွင့်လင်းမြင်သာမှု မရှိဟုဆိုကာ ဝိုင်းဝန်း ကန့်ကွက်ခဲ့ကြောင်း လွှတ်တော်ကိုယ်စားလှယ်များက ပြောကြားသည်။

    ဇန်နဝါရီလ ၂၁ ရက်နေ့တွင် ပြုလုပ်သော ပြည်ထောင်စုလွှတ်တော် အစည်းအဝေးတွင် နိုင်ငံတော်သမ္မတ ပေးပို့လာသော လယ်ယာမြေနင့် အခြားမြေများ သိမ်းဆည်းခံရမှုများ အုပ်ချုပ်ရေးအဖွဲ့ အစည်း၏ ဖြေရှင်းမှု အခြေအနေအစီရင် ခံစာကို လယ်ယာစိုက်ပျိုးရေးနှင့် ဆည်မြောင်း ဝန်ကြီးဌာန ဒုတိယဝန်ကြီး ဦးအုန်းသန်းက ရှင်းလင်းတင်ပြရာတွင် လွှတ်တော် ကိုယ်စားလှယ်များက ယင်းကဲ့သို့ ကန့်ကွက်ခဲ့ကြခြင်း ဖြစ်သည်။

    အုပ်ချုပ်ရေး အဖွဲ့အစည်းများက ပြည်နယ်နှင့် တိုင်းဒေသကြီး အသီးသီးတွင် သိမ်းဆည်းထားသော လယ်ယာမြေ အမှုပေါင်း ၇၄၅ မှုတွင် ၃၇၃ မှု ဖြေရှင်းပြီး ဧကပေါင်း သိန်းနှစ်ထောင်ကျော် ပြန်လည် ပေးအပ်ပြီး ဖြစ်ကြောင်း ဒုတိယဝန်ကြီး ဦးအုန်းသန်းက ဆိုသည်။

    ယင်းသို့ ဖြေရှင်းမှုများ ရှိသော်လည်း သက်ဆိုင်ရာ မူလပိုင်ရှင်များက လယ်ယာမြေ ပြန်လည်လုပ်ကိုင်ခွင့် မရရှိဘဲ စာရွက်များသာ ရကြောင်း ပုသိမ်မြို့နယ် ပြည်သူ့ လွှတ်တော်ကိုယ်စားလှယ် ဦးဝင်းမြင့်က ထောက်ပြ ပြောဆိုသည်။
    "မူလပိုင်ရှင်တွေ အနေနဲ့ အဲဒီ လယ်မြေအပေါ်မှာ ကျူးကျော်ပါတယ် ဆိုပြီး တရားစွဲဆို ခံရတဲ့အထိ ဖြစ်ပွားနေပါတယ်။ ပေးကားပေး၏ မရ ဖြစ်နေပါတယ်" ဟု ၄င်းကဆိုသည်။

    ထို့အပြင် ဖြေရှင်းပြီး လယ်ယာမြေ အမှုများကို သက်ဆိုင်ရာဒေသ လွှတ်တော်ကိုယ်စားလှယ်များ သိရှိခြင်းမရှိဘဲ အမှုတွဲများ ထပ်မံတိုင်ကြားမှု များသာ တိုးလာကြောင်း ဇဗ္မူသီရိမြို့နယ် ပြည်သူ့လွှတ်တော် ကိုယ်စားလှယ် ဒေါ်စန္ဒာမင်းက ပြောကြားသည်။
    "ဇမ္ဗူသီရိမြို့ တစ်ခုတည်း တင်ထားတာတောင် အမှုတွဲပေါင်း ၁၀၀ ကျော် ရှိပါတယ်။ ရှင်းလင်းပြီးစီးခြင်းလည်း မရရှိ သေးပါဘူး။ သက်ဆိုင်ရာနယ်မြေ ကိုယ်စားလှယ်တွေ အနေနဲ့လည်း သိထားခြင်း မရှိပါဘူး။ အဲဒါကြောင့် လယ်ယာ စိုက်ပျိုးရေး ဒုတိယဝန်ကြီး တင်ပြသွားတဲ့ အဖြေကို ကျွန်မအနေနဲ့ ကန့်ကွက်ပါတယ်" ဟု ၄င်းက ဆိုသည်။

    ထို့အပြင် အုပ်ချုပ်ရေး အဖွဲ့အစည်း များက ဖြေရှင်းရာတွင် သိမ်းဆည်းခံရသော လယ်သမားများကို အခန်းပိတ်ကာ တရားခံ စစ်သည့်သဖွယ် စစ်ဆေးလေ့ရှိပြီး ပြန်လည်ပေးအပ်ခြင်း များတွင် ပွင့်လင်း မြင်သာမှု မရှိကြောင်း ဘားအံမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်နန်းဆေးဟွာက ဆိုသည်။

    အဆိုပါ သိမ်းဆည်းခံရသော လယ်မြေအမှု များမှာ ၂၀၁၃ ခုနှစ် ဒီဇင်ဘာလ ၂၅ ရက်နေ့အထိ ဖြစ်ပြီး တပ်မတော်မှ သိမ်းဆည်းခံထားရမှု ၅၆၅ မှုတွင် ၃၃၂ မှု ဖြေရှင်းခဲ့ပြီး၊ နိုင်ငံတော်ပိုင် စီမံကိန်း များနှင့် ပတ်သက်သောအမှု ၂၆ မှုတွင် ရှစ်မှု ဖြေရှင်းပြီးစီးကာ မြို့ပြနှင့် စက်မှုဇုန်များ တည်ဆောက်ရေး သက်ဆိုင်သော အမှု ၆၃ မှုတွင် တစ်မှု ဖြေရှင်းပြီးစီးကြောင်း လယ်ယာစိုက်ပျိုးရေးနှင့် ဆည်မြောင်း ဝန်ကြီးဌာန ဒုတိယဝန်ကြီး ဦးအုန်းသန်းက ဆိုသည်။
    ပုဂ္ဂလိက ကုမ္ပဏီများက သိမ်းယူထားသော လယ်ယာမြေအမှု ၉၁ မှုတွင် ၃၆ မှုဖြေရှင်းပြီး ဖြစ်ကြောင်း ၄င်းက ထပ်လောင်း ပြောကြားသည်။

    နိုင်ငံတော်သမ္မတ ဦးသိန်းစိန်ကို ပြည်ထောင်စုလွှတ်တော် လယ်ယာမြေနှင့် အခြားမြေများ သိမ်းဆည်းခံရမှုကြောင့် ပြည်သူများ မနစ်နာစေရေး စုံစမ်းရေး ကော်မရှင်က အစိုးရ၊ တပ်မတော်နှင့် အခြားစီမံကိန်း များကြောင့် သိမ်းယူထားသော လယ်ယာမြေများကို ၂၀၁၃ ခုနှစ်အတွင်း ပြန်လည်ပေးအပ်ရန် တိုက်တွန်းထားသည်။

The Voice Weekly

ဘတ်စ်ကားများအတိုင်ခံရဆုံးမှာ ယာဉ်စီးခပိုတောင်းခြင်းဖြစ်


ရန်ကုန်၊ ဇန်န၀ါရီ ၂၂

ယခုလအတွင်း ဘတ်စ်ယာဉ်စီး ခရီးသည်တိုင်ကြားမှု ထက်ဝက်ခန့်မှာ ယာဉ်စီးခပိုတောင်းခံရခြင်းဖြစ်ကြောင်း မထသ(ဗဟို)မှ သိရသည်။

မထသ(ဗဟို)ဥက္ကဋ္ဌဦးလှအောင်က``ယာဉ်ငယ် (၃)ဟိုင်းလပ်ကားဆိုရင် ခရီးသည်ဆီက ၂၀၀ ကျပ်တောင်းလို့ တိုင်ကြားထားတာရှိတယ်။ အဲဒီယာဉ်တွေကို တစ်ခါတည်းခေါ်ယူပြီး ဆွေးနွေးတယ်။ မထသမြို့တွင်းဆိုရင် ဒဏ်ငွေဆောင်ခိုင်းတယ်။ လိုင်းပိတ်တယ်။ ဒဏ်ငွေမဆောင်တဲ့ ယဉ်နောက်လိုက်ကို ထုတ်ပယ်တယ်´´ဟု ပြောသည်။

၂၀၁၄ ခုနှစ် ဇန်န၀ါရီ် ၁ရက်မှ ၂၁ ရက်အထိ ခရီးသည်ထံမှ တိုင်ကြားမှုပေါင်း ၄၀ ရှိပြီး တိုင်ကြားမှု ၂၀ မှာ ယာဉ်စီးခပိုတောင်းခံခြင်းဖြစ်ကြောင်း မထသ(ဗဟို)မှ ဥက္ကဋ္ဌဦးလှအောင်ထံမှ သိရသည်။

မထသ(ဗဟို)၊ စီမံမှုအောက်ရှိ ယာဉ်လိုင်းများသို့ ၂၀၁၃ ခုနှစ် ဇန်န၀ါရီမှဒီဇင်ဘာလအထိ ခရီးသည်များမှ တိုင်ကြားမှု ၃၃၀ မှုရှိကြောင်း ၄င်းတိုင်ကြားမှုများတွင် ယာဉ်စီးခပိုတောင်းမှု ၁၃၅ မှု၊ မချေမငံ/ရိုင်းပျစွာဆက်ဆံမှု (၈၄)မှု၊ သတ်မှတ်လမ်းကြောင်းမမောင်းနှင်မှု (၄၃)မှု၊ သတ်မှတ်မှတ်တိုင် မရပ်မှု (၃၀)မှု၊ အရှိန်ပြင်း မောင်း/ယှဉ်ြ့ပိုင်မောင်းနှင်မှု (၁၉)မှု၊ ကားအိုး မိုးယိုမှု (၁)မှု၊ မဆင်မခြင်မောင်း(၁၀)မှု၊ အရက်မူးပြီးမောင်း (၁)မှုနှင့် ယာဉ်ပေါ်တွင် ကွမ်းတံတွေးထွေး (၁)မှုတို့ ရှိကြောင်း သိရသည်။

၂၀၁၃ ခုနှစ်အတွင်း ယာဉ်တိုက်မှု (၂၁၇)မှု၊ ယာဉ်တိမ်းမှောက်မှု (၄၅)မှု၊ ဒဏ်ရာရရှိသူ (၈၃၀)ဦးနှင့် သေဆုံးသူ (၉၁)ဦးရှိခဲ့ပြီး ယာဉ်လုပ်သား (၃၀၉)ဦးအား ထုတ်ပယ်ခဲ့ကြောင်း သိရသည်။

Popular Myanmar News Journal

ဘန်ကောက်တွင် မှောင်ခိုသွင်းထားသည့် လက်နက်နှင့် ဗုံးများတွေ့ရှိ၍ ထိုင်းစစ်တပ် အရေးပေါ်တပ်လှန့်


ဘန်ကေက်၊ ဇန်နဝါရီ ၂၁

ဝန်ကြီးချုပ် ယင်းလပ်ရှင်နာဝပ် အစိုးရ ဖြုတ်ချရေး ဆန္ဒပြပွဲကြီးတွင် ဗုံးခွဲ တိုက်ခိုက်မှုကြောင့် စိုးရိမ်ပူပန်မှုများ ဖြစ်ပေါ်နေစဉ်အတွင်း မြို့တော် ဘန်ကောက်သို့ လက်နက်များနှင့် ဖောက်ခွဲရေးပစ္စည်းများ ဝင်ရောက်လာလျက် ရှိကြောင်း ထောက်လှမ်းရေးဘက်က စုံစမ်းတွေ့ရှိခဲ့ပြန်ရာ ထိုင်းစစ်တပ်က ဖြစ်ပေါ်လာနိုင်ခြေရှိသော ဆူပူအုံကြွမှုများအတွက် အရေးပေါ် တပ်လှန့်လိုက်ကြောင်း Bangkok Post သတင်းစာက ရေးသားဖော်ပြသည်။

“စိတ်ထားယုတ်ညံ့တဲ့ အုပ်စုတစ်စုက လက်နက်တွေနဲ့ ဗုံးတွေကို စုစည်းပြီး အကြမ်းဖက်မှုတွေ ဖန်တီးကာ ပြိုင်ဘက် အင်အားစုတွေကို တိုက်ခိုက်ဖို့ လုပ်ဆောင် နေပါတယ်” ဟု ထိုင်းစစ်တပ်မှ ပြောရေးဆိုခွင့်ရှိသူ ဝီထိုင်းဆူဝါရီးက ထုတ်ဖော်ပြောကြားသည်။

မြို့တော် ဘန်ကောက်တွင် လွန်စွာ အကဲဆတ်သည့် နိုင်ငံရေး အခြေအနေ ဖြစ်ပေါ်နေစဉ်အတွင်း ထိခိုက်နစ်နာစေရန် ဦးတည်ချက်ဖြင့် အင်အားပြင်းသော လက်နက်များ မှောင်ခိုတင်သွင်းမှု ဖြစ်ပေါ်လျက် ရှိကြောင်း ၎င်းကဆက်လက် ပြောဆိုသည်။

သို့သော် မည်သည့်အုပ်စု သို့မဟုတ် နိုင်ငံရေးအင်အားစုက ယင်းသို့ လက်နက်များနှင့် ဗုံးများ တင်သွင်းနေသည်ဟူသော အချက်ကို ထိုင်းစစ်တပ်က အသေးစိတ် ထုတ်ဖော် ပြောဆိုခြင်းမရှိပေ။

စစ်တပ်ဘက်က ထိုသို့သတိပေး ပြောဆိုမှုကြောင့် နဂိုကတည်းက ပေါက်ကွဲလုမတတ် အခြေအနေသို့ ရောက်ရှိနေသော ထိုင်းနိုင်ငံရေး ပဋိပက္ခတွင် အန္တရာယ်ဆိုးကြီး ထပ်မံရောက်ရှိလာမည်ကို လေ့လာ စောင့်ကြည့်သူများနှင့် အာဏာပိုင်တို့က အထူးပင် စိုးရိမ်လျက်ရှိသည်။

ပြီးခဲ့သည့် သောကြာနှင့် တနင်္ဂနွေနေ့တို့တွင် ပြည်သူ့ ဒီမိုကရက်တစ် ပြုပြင်ပြောင်းလဲရေး ကော်မတီ (PDRC) ကိုပစ်မှတ်ထားသည့် လက်ပစ်ဗုံးဖြင့် တိုက်ခိုက်မှု နှစ်ရပ် ဖြစ်ပေါ်ခဲ့သည်။

အဆိုပါ ဖြစ်ရပ်များနှင့် ပတ်သက်၍ PDRC ကို ထောက်ခံသူများက ထိုင်းအစိုးရနှင့် ရှပ်နီ အင်အားစုဖြစ်သော အာဏာရှင် ဆန့်ကျင်ရေး ဒီမိုကရက်တစ် ညီညွတ်ရေးတပ်ဦး (UFDAD) တို့သည် နောက်ကွယ်မှ ကြိုးကိုင်နေခြင်း ဖြစ်သည်ဟု စွပ်စွဲပြောဆိုကြသည်။

သို့သော် အဆိုပါ တိုက်ခိုက်မှုများကို PDRC နှင့် စစ်ဘက်ခေါင်းဆောင်များက အကွက်ချ စီစဉ်ခဲ့ခြင်း ဖြစ်သည်ဟု ရှပ်နီအင်အားစုများက တုံ့ပြန် ပြောဆိုခဲ့ကြသည်။

ထိုင်းစစ်တပ်မှ ပြောရေးဆိုခွင့်ရှိသူ ဝီထိုင်းစူဝါရီးက တစ်ဖက်နှင့်တစ်ဖက် လက်ညှိုးထိုးစွပ်စွဲမှုများ ရပ်ဆိုင်းကြပြီး တရားခံ အစစ်ကို ရှာဖွေထုတ်ဖော်ကြရန် တနင်္လာနေ့က တိုက်တွန်း ပြောဆိုခဲ့သည်။

ထိုင်းစစ်တပ် အကြီးအကဲ ဗိုလ်ချုပ်ကြီး ပရာရွတ်ချန်အိုချာက အုပ်စုတစ်စုသည် လက်ရှိ နိုင်ငံရေး အခြေအနေနှင့် ဆက်နွှယ်သော ပြဿနာများကို ဖြေရှင်းနိုင်ရေးအတွက် အကြမ်းဖက်သည့် နည်းလမ်းကို အသုံးပြုလိုသည်မှာ ထင်ရှားကြောင်း ပြောကြားသည်။

ထို့နောက် ထိုင်းနိုင်ငံရေး ပဋိပက္ခတွင် စစ်တပ်အနေနှင့် ဝင်ရောက်ဖြေရှင်းမှု ပြု၊ မပြုဟူသော မေးခွန်းနှင့် ပတ်သက်၍ ၎င်းက “အခြေအနေက ကျွန်တော်တို့ ပါဝင် ပတ်သက်မှု ပြုရမယ့်အဆင့်ကို မရောက်ရှိသေးပါဘူး” ဟု ဆိုပြီး အများပြည်သူများ အနေနှင့် ထိုင်းစစ်တပ်၏ တာဝန်ဝတ္တရား အတိုင်းအတာကို နားလည်မှု ရှိကြရန် တိုက်တွန်းခဲ့သည်။

စစ်တပ်က ဝင်ရောက် ဖြေရှင်းမှု ပြု၊ မပြုဟူသည်မှာ ဆူပူအကြမ်းဖက်မှု အတိုင်းအတာပေါ်တွင် မူတည်ကြောင်း၊ လက်ရှိ အခြေအနေ အရပ်ရပ်မှာ ထိန်းချုပ်မှုရှိသည့် အနေအထားတွင်ပင် ရှိနေသေးကြောင်း စစ်တပ် အကြီးအကဲက မှတ်ချက် ပေးပြောဆိုသည်။

The Voice Weekly

ရန်ကုန်ဆေးရုံကြီးအား နိုင်ငံ၏ စံပြဆေးရုံအဖြစ် ဆောင်ရွက်ရန် အလှူငွေများ ရရှိနေပြီဟု ဒေါ်အောင်ဆန်းစုကြည် ပြောကြား


ရန်ကုန်ဆေးရုံကြီး ပြုပြင်မွမ်းမံရန် အလှူငွေများ ကောက်ခံ ရရှိ နေပြီဟု ဒေါ်အောင်ဆန်းစုကြည်က ပြောသည်။ ရန်ကုန်ဆေးရုံကြီး ကို မြန်မာနိုင်ငံ၏ စံပြဆေးရုံဖြစ်ရန် ဆောင်ရွက်မည်ဟု ပြောကြားခဲ့သည့်
ရန်ကုန်ဆေးရုံကြီးပြန်လည်ပြုပြင်မွမ်းမံရေးကော်မတီဥက္ကဋ္ဌ ဒေါ်အောင် ဆန်းစုကြည်က ''ရန်ကုန်ဆေးရုံကြီး ပြုပြင်မွမ်းမံတဲ့နေရာမှာ တိုးတက်မှုတွေ ရှိနေပါပြီ။ ပြောရမယ်ဆိုရင် အလှူငွေတွေတော်တော်ရနေပြီ'' ဟုပြောသည်။

ဆေးရုံကြီး ပြုပြင်ရေးအတွက် ရန်ပုံငွေရှာဖွေရေးမှ NLD ပါတီ ဝင် ဒေါက်တာတင်မျိုးဝင်းကလည်း ဆေးရုံကြီးပြုပြင်ရန် လက်ရှိတွင် JICA နှင့် အင်္ဂလန်နိုင်ငံတို့မှ အကူအညီများရရန် ဆွေးနွေးနေကြောင်း ပြော ည်။ UK နိုင်ငံကလည်း ရန်ကုန်အထွေထွေရောဂါကုဆေး ရုံကြီး ပြန်လည် မွမ်းမံရေးနှင့် အဆင့်မြှင့်တင်ရေးအတွက် ဘဏ္ဍာရေးအရ ကူညီမည်ဟု ယခင်နှစ် အောက်တိုဘာလက ကြေညာချက်ထုတ်ခဲ့သည်။

ပြည်သူ့လွှတ်တော်ကိုယ်စားလှယ်တစ်ဦးလည်းဖြစ်သည့် ဒေါ်အောင် ဆန်းစုကြည်သည် လွှတ်တော် (ပထမအကြိမ်ပြည်သူ့လွှတ်တော်ပဉ္စမ ပုံမှန်အစည်းအဝေး)တွင် ပထမဆုံးအနေဖြင့် အဆိုနှစ်ခု တင်သွင်းရာ၌ ရန်ကုန်ဆေးရုံကြီးကို ပြုပြင်မွမ်းမံ၍ အဆင့်မြင့်ဆေးရုံကြီးတစ် ခု ဖြစ် မြောက်ရန် ပြည်ထောင်စုအစိုးရကို တိုက်တွန်းသည့်အဆို တင်သွင်းခဲ့ ခြင်းဖြစ်သည်။

ရန်ကုန်ဆေးရုံကြီး ပြန်လည်ပြုပြင်မွမ်းမံရေးကော်မတီ ကို ၂ဝ၁၃ ခုနှစ်တွင် ဖွဲ့စည်းခဲ့သည်။

ဝေမာထွန်း

Popular Myanmar News Journal

သန်းခေါင်စာရင်း ကောက်ယူရာမှာ ဘယ်လို ကန့်သတ်ချက်တွေ ကြုံနိုင်လဲ


ဝန်ကြီးဦးခင်ရီ။
မြန်မာနိုင်ငံမှာ လာမယ့် မတ်လအတွင်း သန်းခေါင်စါရင်း ကောက်ယူ တော့မှာ ဖြစ်ပါတယ်။ ဒီလို ကောက်ခံတာဟာ နိုင်ငံဖွဲ့ဖြို့ရေးနဲ့ စီမံကိန်း ချရေး အတွက် လုပ်တာလို့ အစိုးရ ကပြောပါတယ်။

တဖက်မှာလည်းတိုင်းရင်းသား အမျိုးအမည် အရေအတွက်တို့ကို ပြင်ပေးရေးအတွက် တိုင်းရင်းသားတွေက တောင်းဆိုနေပါတယ်။

ပြည်ထောင်စုဝန်ကြီးဦးခင်ရီကတော့ သန်းခေါင်းစာရင်းကောက်တာဟာ နိုင်ငံရေး လူမျိုးရေးကိစ္စနဲ့ မသက်ဆိုင်ဘူးလို့ပြောပါတယ်။

ဒါပေမယ့် ကောက်ခံရရှိတဲ့အချက်တွေကို နိုင်ငံရေး လူမျိုးရေးမှာသုံးပြီး ကန့်သတ်မှုတွေ လုပ်လာမှာစိုးရိမ်တဲ့ အသံတွေကြားနေရပါတယ်။

ဒီလို ကန့်သတ်မှုတွေ မလုပ်နိုင်အောင် အာမခံဖို့ ဘယ်လိုဆောင်ရွက်သင့်တယ်လို့ ထင်မြင်ယူဆပါသလဲ။

သောတရှင်တို့ရဲ့အမြင်တွေကို လာမယ့် ဇန္နဝါရီလ ၂၅ရက်လွတ်လပ် အတွေးဆွေးနွေး ဖလှယ်အစီအစဉ်မှာ ပါဝင်ဆွေးနွေးဖို့ ဖိတ်ခေါ်လိုက်ပါတယ်။

ပါဝင်ဆွေးနွေးလိုတဲ့ သောတရှင်တွေ burmese @ bbc . co . uk ကို အီးမေးနဲ့ ဆက်သွယ်နိုင်သလို တယ်လီဖုန်းနံပတ် ၀၀၄၄ ၂၀၃ ၆၁ ၄၄၀၆၄ ကို ဆက်သွယ်ပြီး အသံဖမ်းစက်ထဲမှာ ကိုယ်ပြောလိုတဲ့ အကြောင်းအရာ၊ နိုင်ငံနဲ့ တယ်လီဖုန်းနံပတ်ကို အသံသွင်းထားခဲ့ရင် ဘီဘီစီ က ပြန်ခေါ်မှာ ဖြစ်ပါတယ်။

BBC Burmese

၁၃၀၀ပြည့် အရေးတော်ပုံနေ့တွင် ကျဆုံးခဲ့သည့် အာဇာနည် ၁၇ဦးကို ဂါရဝပြု ချီတက်ပွဲပြုလုပ်မည်


အောင်ကိုဦး| ဗုဒ္ဓဟူးနေ့၊ ဇန်နဝါရီ ၂၂ရက်၊ ၂၀၁၄ခုနှစ်။

မန္တလေး၊ မဇ္ဈိမ။ ။ ၁၃၀၀ပြည့် အရေးတော်ပုံတွင် ကျဆုံးခဲ့သည့် မန္တလေးမှ အာဇာနည်၁၇ဦးကို ဂါရဝပြုသည့် အနေဖြင့် ဖေဖော်ဝါရီလ ၂၁ရက်တွင် အဖွဲ့၁၇ ဖွဲ့မှ မဟာမုနိဘုရားကြီး သာသနာ၂၅၀၀မှ အာဇာနည် ၁၇ဦးအား ဂုဏ်ပြုထားရှိသည့် မန္တလေး-စစ်ကိုင်းလမ်းရှိ အာဇာနည် ဗိမ္မာန်သို့ ချီတက်လမ်းလျှောက် အလေးပြုမည်ဟု ပွဲဖြစ်မြောက်ရေးကော်မတီမှ ဦးမင်းထက်ငြိမ်းချမ်းက ဇန်နဝါရီလ ၂၂ရက်တွင် မဇ္ဈိမကို ပြောသည်။

"ဒီပွဲက ကိုယ့်မြို့ကိုယ့်ရွာ သမိုင်းဖြစ်သလို မြန်မာ့သမိုင်းမှာလည်း အကြီးမားဆုံး ပြယုတ်တစ်ခုပါ။ ဒါကြောင့် အားလုံးပါဝင်သင့်ပါတယ်။ အားလုံးပူပေါင်းပါဝင်စေချင်တယ်"ဟု ဦးမင်းထက်ငြိမ်းချမ်းက ဆိုသည်။

ဂါရဝပြုချီတက်မည့် အဖွဲ့၁၇ဖွဲ့သည် အာဇာနည် ၁၇ဦး၏ ဓါတ်ပုံများ ကိုင်ဆောင်ပြီး အာဇာနည်ဗိမ္မာန်ရှိရာသို့ ချီတက်ဂါရဝပြုကြမည်။ ထိုသို့ ချီတက်ဂါရပြု အဖွဲ့များတွင် ရဟန်းပြည်သူများ၊ နိုင်ငံရေး အဖွဲ့အစည်းများနှင့် လူမှုရေးအသင်းအဖွဲ့များ ပါဝင်မည်ဖြစ်ကာ အဖွဲ့များ၏ အင်အားကို သတ်မှတ်ထားခြင်းမရှိဟု ဆိုသည်။

ယင်းသို့ ချီတက်ဂါရပြုမည့် တပို့တွဲလပြည့်ကျော် ၇ရက် (ဖေဖော်ဝါရီလ ၂၁ရက်) နံနက်တွင် ၁၃၀၀ ပြည့်အရေးတော်ပုံကို ဂုဏ်ပြုသောအားဖြင့် သံဃာအပါး ၁၃၀၀ကို ဆွမ်းလောင်းလှူ သွားမည်ဖြစ်သည်။

၁၃၀၀ပြည့် စိန်ရတုအခန်းအနားသို့ ဟံသာဝတီ ဦးဝင်းတင်နှင့် သမိုင်းပညာရှင် ဒေါက်တာတိုးနိုင်တို့ တက်ရောက်ကြမည်ဖြစ်ပြီး ဒေါ်အောင်ဆန်းစုကြည်ကိုလည်း ဖိတ်ကြားထားသည်ဟု ဦးမင်းထက်ငြိမ်းချမ်းက မဇ္ဈိမကို ပြောသည်။

ထိုနေ့တွင် ရဲဘော်ဗဟိန်းကိုလည်း ဂုဏ်ပြုသောအားဖြင့် အာဇာနည်ဗိမ္မာန်တွင် အထိမ်းမှတ်ကျောက်စာ စိုက်ထူသွားမည်ဖြစ်ပြီး ထိုကျောက်စာတိုင်ကို မူရင်းစာသားများအတိုင်း တမ္ပဝတီ ဦးအောင်မင်းက ထုဆစ်နေကြောင်း သိရသည်။

၁၃၀၀ပြည့် ရေနံမြေအရေးတော်ပုံတွင် အသက်ပေးခဲ့သည့် မန္တလေးမှ အာဇာနည် ၁၇ဦးသည် ဥူးပဏ္ဍိတ၊ ဥူးပညာဇောတ၊ ဥူးဝေပုလ္လ၊ ဥူးဇနိတ၊ ဥူးအာလောက၊ ဥူးကေလာသ၊ ဥူးကေတု၊ ဦးထွန်းအိ၊ ကိုခင်မောင်(ခေါ်)ကိုရွှေအိုး၊ ဗိုလ်ဘလွန်း၊ ဗိုလ်မူ၊ ဗိုလ်အောင်ထူး၊ ဗိုလ်ခင်မောင်၊ ဗိုလ်ဘဌေး၊ ဗိုလ်ထွန်းအောင်၊ ဗိုလ်လှမောင်နှင့် ဗိုလ်တင်အောင်တို့ဖြစ်သည်။
Mizzima - News in Burmese