လက်ပံတောင်းတောင် လယ်တီသိမ် စတင်ပြောင်းရွှေ့
ပို့စ်တင်ချိန်
-
5/01/2014 06:09:00 PM
လက်ပံတောင်းတောင် ကြေးနီ စီမံကိန်း တောင်ကြားရှိ လယ်တီသိမ် ရွှေ့ပြောင်းခြင်းကို ဧပြီလ နောက်ဆုံး သီတင်းပတ်က စတင်ရွှေ့ပြောင်းနေပြီ ဖြစ်ရာ ယင်းလုပ်ငန်းများကို နေ့ည လုပ်ဆောင်လျက် ရှိကြောင်း စစ်ကိုင်းတိုင်းဒေသကြီး ဘဏ္ဍာရေးနှင့် သာသနာရေး ဝန်ကြီးဌာန ဝန်ကြီး ဦးတင်ဝင်းက ပြောကြားသည်။
“လုပ်ငန်းက ဘယ်လောက် ကြာမယ်ဆိုတာ အတိအကျ ပြောလို့မရဘူး။ ရာသီဥတု အခြေအနေက ရှိသေးတယ်၊ သိမ်ဟောင်းနေရာမှာ အုတ်တစ်ချပ်တောင် ချန်ခဲ့မှာ မဟုတ်ဘူး။ ကျန်ခဲ့ရင် နင်းမိတဲ့သူတွေ အပြစ်ဖြစ်မှာမို့ ဆရာတော်ကြီးတွေရဲ့ အနီးကပ် ကြီးကြပ်မှုနဲ့ ဆောင်ရွက် နေပါတယ်” ဟု ၎င်းက ဆက်လက် ပြောဆိုသည်။
ယင်းတောင်ကြားရှိ လယ်တီသိမ်မှ ဌာပနာများကို စေတီသစ်တွင် ပြောင်းရွှေ့ ဌာပနာမည် ဖြစ်ပြီး၊ သိမ်ပြောင်းရွှေ့ခြင်း လုပ်ငန်းများကိုလည်း ဆရာတော်ကြီးများ၏ သြဝါဒနှင့်အညီ ဆောင်ရွက်မည်ဟု ဝန်ကြီးက ရှင်းပြသည်။
လယ်တီသိမ်နုတ်ခြင်းအား မတ်လ ၃၀ ရက်နေ့ နံနက်ပိုင်းနှင့် ညပိုင်းအချိန်များတွင် လက်ပံတောင်းတောင် ဒေသရှိ သံဃာအများစု ပါဝင်ပြီး သံဃာတော် ၂၇ ပါးဖြင့် သိမ်နုတ်ခြင်း ပြုလုပ်ခဲ့ပြီး ဧပြီလ နောက်ဆုံးပတ်တွင် စတင်ပြောင်းရွှေ့ကြောင်း ဒေသခံများက ပြောကြားသည်။
“သိမ်ရွှေ့ဖို့ အစီရင်ခံစာမှာ ဖော်ပြထားတာက မူလပုံသဏ္ဌာန်မပျက် ပွင့်လင်းမြင်သာစွာ ရွှေ့ပြောင်းရမယ်ဆိုတဲ့ အချက်ပါတယ်။ အခုလုပ်ဆောင် နေတာလည်း မသိဘူး။ ရွှေ့နေတာလဲ မသိရဘူး၊ ညမှာပဲ လုပ်ငန်းလုပ်နေတယ် ဆိုတဲ့ သတင်းတွေ ကြားနေရတယ်” ဟု လက်ပံတောင်းတောင် ဒေသခံတစ်ဦးက ပြောဆိုသည်။
လက်ပံတောင်းတောင် ကြေးနီ စီမံကိန်း ဧရိယာအတွင်း ကျရောက်နေသော ဗုဒ္ဓသာသနိက အဆောက်အအုံများ ဖြစ်သည့် စေတီတော်၊ သိမ်ကျောင်းဆောင်၊ ဂန္ဓကုဋိကျောင်းဆောင်၊ အုတ်တံတိုင်းနှင့် အဝင်မုခ်ဦးများကို ရွှေ့ပြောင်းလျှင် မြတ်စွာဘုရား ဟောတော်မူသည့်အတိုင်း ပါဠိတော်ပါ အဋ္ဌကထာ ဋီကာများနှင့်အညီ ရွှေ့လျှင် ရွှေ့ပြောင်းနိုင်ကြောင်း၊ နိုင်ငံတော် သံဃမဟာနာယက အဖွဲ့ဝင် ဆရာတော်ကြီးများက ဖေဖော်ဝါရီလ၂၅ ရက်နေ့တွင် ဆားလင်းကြီးမြို့ ကံစွယ်ကျောင်းတိုက်၌ ပြုလုပ်ခဲ့သော သြဝါဒခံယူပွဲတွင် မိန့်ကြားပြီး ဖြစ်သည်။
လက်ရှိအချိန်၌ လက်ပံတောင်း တောင်ကြားတွင်ရှိသော သာသနိက အဆောက်အအုံများကို မူလနေရာနှင့် ကိုက် ၁၅၀၀ ခန့်အကွာရှိ ကျော်ရွာ၏ တောင်ဘက် ပေ ၃၀၀ ခန့်အကွာ ညောင်ပင်ကြီး- ယင်းမာပင်ကားလမ်း အနီးရှိ မြေဧက ၁ ဒသမ ၈၄ ကျယ်ဝန်းသည့် မြေနေရာသို့ ရွှေ့ပြောင်း တည်ဆောက်မည် ဖြစ်ပြီး စေတီတော်၏ အမြင့်ပေမှာ လက်ရှိထက်၂ ဆမြင့်ကာ ဉာဏ်တော် ၅၄ ပေမြင့်မည် ဖြစ်သည်။ တည်ဆောက်မည့် မြေနေရာအတွက် အခွန်လွတ် သာသနာ့မြေဂရန် ရရှိပြီးဖြစ်ကာ သိမ်ဆောက်လုပ်မည့် မြေဧရိယာ ၀ ဒသမ ၀၅ ဧကအတွက် ဝိသုံဂါမ သိမ်ဂရန် ရရှိပြီး ဖြစ်ကြောင်း အစီရင်ခံစာအပေါ် အကောင်အထည်ဖော် ဆောင်ရွက်မည့် ကော်မတီ၏ ထုတ်ပြန်ချက်များအရ သိရသည်။
The Voice
