အပြည်ပြည်ဆိုင်ရာ လိင်တူချစ်သူများ မုန်းတီးမှုပပျောက်ရေးနေ့ အထိမ်းအမှတ် ဆွေးနွေးပွဲတွင် လိင်တူချစ်သူများအပေါ် ခွဲခြားဆက်ဆံမှုများ ပပျောက်ရေးအတွက် ပူးပေါင်းလုပ်ဆောင်ကြဖို့ တိုက်တွန်း
ပို့စ်တင်ချိန်
-
5/22/2014 10:42:00 AM
ရန်ကုန်မြို့တွင် မတ်လဆန်းက မင်္ဂလာအခမ်းအနား ပထမဆုံးကျင်းပခဲ့သည့် လိင်တူချစ်သူ တင်ကိုကိုနှင့် မျိုးမင်းထက်။ ဘူးသီး/မြန်မာတိုင်း(မ်)
အမျိုးသားချင်း၊ အမျိုးသမီးချင်း သက်ဝင်မေတ္တာ သက်ဝင်ချစ်ခင်သည့် လိင်တူချစ်သူများအပေါ်
ခွဲခြားဆက်ဆံမှုများ ပပျောက်ရေးအတွက် ကဏ္ဍအသီးသီးက ပူးပေါင်းလုပ်ဆောင်ကြရန်
လိုအပ်ကြောင်း နယ်ပယ်အသီးသီးမှ ပညာရှင်များက အပြည်ပြည်ဆိုင်ရာ လိင်တူချစ်သူများ
မုန်းတီးမှုပပျောက်ရေးနေ့ အထိမ်းအမှတ် ဆွေးနွေးပွဲတွင် ပြောသည်။
"သာမန်အခြေအနေမှာတောင် တန်းတူ အခွင့်အရေးမရကြဘူး။ တန်းတူညီမျှရေးကို ကန့်သတ်
ပိတ်ပင်ထားတယ်၊ ဖိနှိပ်ထားတယ်။ လိင်တူချစ်သူတွေလည်း လူသားတွေပါ။ လူသားတွေဖြစ်တဲ့
အတွက် လူ့အခွင့်အရေးက ရှိရမှာပါပဲ။ လိင်စိတ်ခံယူချက် မတူတဲ့အပေါ်မှာ ခွဲခြားဆက်ဆံနေတာ
ဟာ လူ့အခွင့်အရေးနဲ့ မညီပါဘူး။ လူ့အခွင့်အရေးလို့ ပြောလိုက်ရင် လူတွေက ကိုယ့်အခွင့်အရေး
ကိုပဲ မြင်ကြတယ်။ သူ့အခွင့်အရေးဆိုတာကို ထည့်မစဉ်းစားကြဘူး။ လူအခွင့်အရေးမှာ လူများစု
အခွင့်အရေး ကိုပဲကြည့်နေကြတယ်။ လူနည်းစု အခွင့်အရေးကို လည်းကြည့်ကြပါ။ လူအခွင့်အရေး
လို့ အော်နေကြပြီး လူ့အခွင့်အရေးဆိုတာကို နားမလည်သူတွေ အများကြီးရှိတယ်။ အနည်းဆုံး
တစ်ဖက်မှာ တစ်ယောက်တည်း ရှိနေဦးတော့ အဲဒီ တစ်ယောက်ရဲ့ သဘောထားကိုလေးစားရမယ်။
လူလူချင်း ခွဲခြားနေကြတယ်။ ကန့်သတ်လို့မရတဲ့ အထဲမှာ ချစ်ခြင်းမေတ္တာ၊ သဘာဝ၊
ယုံကြည်ချက်၊ စိတ်ခံစားမှုတွေကို ကန့်သတ်ပိတ်ပင်လို့ မရဘူး။ လွှတ်တော်မှာ ဥပဒေပြဋ္ဌာန်း
ရင်လည်း အဲဒါတွေကို ကန့်သတ်ပိတ်ပင်တဲ့ ဥပဒေတွေ မပြဋ္ဌာန်းကြပါနဲ့လို့ ပြောချင်တယ်" ဟု
ဘလော့ဘ်ကာ ကိုနေဖုန်းလတ်က မေလ ၁၇ ရက်နေ့က ကျင်းပသည့် ဆွေးနွေးပွဲတွင် ပြောသည်။
ကမ္ဘာ့နိုင်ငံအသီးသီးတွင် လူအခွင့်အရေးနှင့် ပတ်သက်၍ အမျိုးသမီး၊ ကလေး၊ မသန်စွမ်းသူ
စသည်ဖြင့် အမျိုးအစားများခွဲခြားကာ တန်းတူ ညီမျှရေးနှင့် ခွဲခြားဆက်ဆံမှုများ ပပျောက်ရေး
အတွက် အခွင့်အရေး ကြေညာစာတမ်းများ ပြဋ္ဌာန်းရေးဆွဲကြပြီး လိုက်နာဆောင်ရွက်ရန် အဖွဲ့ဝင်
နိုင်ငံများ ဖိတ်ခေါ်အတည်ပြုနေကြသလို နိုင်ငံအများစုကလည်း ထောက်ခံ လက်မှတ်ထိုးခဲ့ကြ
သည်။
သို့ရာတွင် လိင်တူချစ်သူများအား ခွဲခြား ဆက်ဆံမှု၊ မုန်းတီးမှုပပျောက်ရေးနှင့် ကာကွယ်
စောင့်ရှောက်ရေးအတွက် ဆွေးနွေးပြောဆိုကြရာတွင် ယနေ့ထက်တိုင် လက်မခံနိုင်သေးသော
နိုင်ငံများရှိနေဆဲဖြစ်သည်။
နိုင်ငံ ၄၁ နိုင်ငံ မှာ လိင်တူချစ်သူများအပေါ် တင်းကျပ်သည့် ဥပဒေများနှင့် ခွဲခြားထားဆဲဖြစ်သည်။
ယူဂန်ဒါ နိုင်ငံတွင် မိသားစုအတွင်း လိင်တူချစ်သူတစ်ဦး ရှိပါက မိသားစုအပါအ၀င် နီးစပ်ရာ
ပတ်ဝန်းကျင်က သက်ဆိုင်ရာသို့ အကြောင်းကြားရမည်ဟု သတ်မှတ်ထားပြီး အကြောင်းကြားမှု
ပျက်ကွက်ပါက ၎င်းတို့အား တရားဝင် အရေးယူနိုင်ကြောင်း ဥပဒေပြဋ္ဌာန်းထားသည်။
အဆိုပါ အခြေအနေများသည် လိင်တူချစ်သူများအား ကမ္ဘာက အပြည့်အ၀လက်မခံနိုင်သေး
ကြောင်း ဖော်ပြနေခြင်း ဖြစ်သည်။
လိင်တူအချင်းချင်း ချစ်ခင်မှုအပေါ် အမြင်မတူသည့်အတွက် ခွဲခြားဆက်ဆံမှုများ၊ အမုန်းပွားမှုများ
သည် လူအဖွဲ့အစည်းအတွင်း တစ်ဖက် နှင့် တစ်ဖက် စည်းခြားမှုများကို ဖြစ်ပေါ်စေပြီး စည်းလုံး
ညီညွတ်မှုကို ပျက်ပြားစေကြောင်း ကိုနေဖုန်းလတ်က ပြောသည်။
အလားတူ လူ့အဖွဲ့အစည်းအတွင်း လိင်စိတ်ခံယူမှု ကွဲပြားသူများအား တန်ဖိုးနှိမ့်ချထားမှု၊
ဖိနှိပ်ချိုးနှိမ်၍ လှောင်ရယ်စရာအနေဖြင့် လက်ခံထားသည့် အယူအဆကို မှန်ကန်သော
အသိပညာပေးမှုများဖြင့် ဖယ်ရှားသင့်ကြောင်း လူမှုရေးလှုပ်ရှားဆောင်ရွက်နေသော
ရုပ်ရှင် သရုပ်ဆောင် ဒေါ်ဆွေဇင်ထိုက်က ပြောသည်။
"ကျွန်မတို့က အကြောက်တရားနဲ့ နေလာရတော့ မပြောရဲခဲ့ကြဘူး။ ရုပ်ရှင်ဆင်ဆာမှာကိုက ဒီလို
အခြောက်မလေးတွေကို လှောင်ရယ်စရာ အနေနဲ့ ပြဖို့ ခွင့်ပြုထားတယ်။ ဇာတ်ညွှန်းရေး ဆရာ
ကလည်း အဲလိုမျိုးမှ ခွင့်ပြုတယ်။ ဒါဟာ စနစ်တစ်ခုရဲ့ အကျိုးသက်ရောက်မှုတွေပါ။ ဒါပေမဲ့
ဒါတွေကို တဖြည်းဖြည်းချင်း ပြုပြင်ရမှာပါပဲ။ အဓိကနားလည်အောင် အသိပညာပေးလုပ်ငန်းတွေ
ထိထိရောက်ရောက်လုပ်ဖို့ လိုတယ်။ ဒါ့ပြင် လိင်စိတ်ခံယူမှု ကွဲပြားသူတွေကလည်း
ကိုယ့်ကိုယ်ကိုယ် လူအထင်သေး မခံရအောင်၊ တန်ဖိုးရှိအောင် အချင်းချင်း စည်းစည်းလုံးလုံး
နေကြဖို့ လိုအပ်တယ်။ ဒါမှလည်း အများအမြင်မှာ လေးစားရမယ်။ မိမိကိုယ် မိမိလေးစားမှ
အများကလည်း လေးစားမှာပါ။ အခုဆို အဖွဲ့မျိုးစုံက လှုပ်ရှားမှုတွေ လုပ်နေကြတယ်။ ဒါတွေကို
စုပေါင်းပြီး campaign တစ်ခုလုပ်ဖို့ ကောင်းတယ်" ဟု ၎င်းက ပြောသည်။
ဆေးပညာရှုထောင့်အရ လိင်တူချစ်သူများသည် စိတ်ရောဂါဝေဒနာရှင်များ မဟုတ်ကြဘဲ သာမန်
လိင်စိတ်ခံယူမှု ကွဲပြားခြင်းသာဖြစ်ကြောင်း၊ ၁၉၉၀ ပြည့်နှစ်က ကုလသမဂ္ဂက ကြေညာခဲ့သော်
လည်း ယနေ့ထက်တိုင် လိင် စိတ်ခံယူမှုကွဲပြားနေသူများအား ရှေးအစဉ် အလာအစွဲများ၊
ကုထုံးများ၊ အစဉ်အလာ နည်းလမ်းများဖြင့် ပြုပြင်ရန်ကြိုးစားနေကြမှုများကြောင့် လိင်စိတ်ခံယူမှု
ကွဲပြားသူများအပေါ် အခြားမလိုလားအပ်သော ဆိုးကျိုးများ ဖြစ်နိုင်ကြောင်း စိတ်ပညာရှင်
ဒေါက်တာ နွယ်နီဝင်းက ပြောသည်။
ဥပဒေပညာရှင်ဖြစ်သော ဦးကျော်ဟိုးကမူ ဥပဒေများသည် အခြေအနေနှင့် လူ့အဖွဲ့အစည်း စံချိန်၊
စံနှုန်းများကြောင့် သတ်မှတ်ဖြစ်ပေါ်လာခြင်းဖြစ်ပြီး အဆိုပါ ဥပဒေများကို ပြင်ဆင်နိုင်ရန်
လူ့အဖွဲ့အစည်း၏ နားလည်မှုနှင့် တုံ့ပြန်မှုများ လိုအပ်ကြောင်း ပြောသည်။
Myanmar Times
