အရည်အသွေးမကောင်းသည့် ကွန်ကရစ်ဓာတ်တိုင်များ ရောင်းချသည့် ကုမ္ပဏီများကို နာမည်ပျက် စာရင်းသွင်းမည်ဟုဆို

ပို့စ်တင်ချိန် - 6/02/2014 03:49:00 PM


မန္တလေး ဇွန် ၁

မန္တလေး တိုင်းဒေသကြီးတွင် လျှပ်စစ်ဓာတ်အားသွယ်တန်းသည့် ကွန်ကရစ်ဓာတ်တိုင်တချို့သည် အရည် အသွေးကောင်းမွန်ခြင်းမရှိသည်ကို တွေ့ရှိရ၍ စစ်ဆေးသွားမည့်အပြင် ရောင်းချသည့်ကုမ္ပဏီကို နာမည် ပျက်စာရင်း သွင်းမည်ဖြစ်ကြောင်း မန္တလေးတိုင်းဒေသကြီး အစိုးရအဖွဲ့ လျှပ်စစ်နှင့် စက်မှုလက်မှုဝန်ကြီးဌာနမှ သိရသည်။

“ကွန်ကရစ်ဓာတ်တိုင်တွေလဲ သွားတာတွေ့လို့ ကြည့်လိုက်တော့ အထဲမှာ သံချည်သံကွေးမပါဘူး။ ဒါဆိုဘယ်လို ခိုင်ခံ့မှာလဲ။ အရည် အသွေးကောင်းမ ကောင်း စစ်ဆေးဖို့ ဆိုတာ အပြင်ကကြည့်လို့ မသိနိုင်ဘူး။ စက်နဲ့စစ်မှ ရမယ်။ ထုတ်လုပ်တဲ့ကုမ္ပဏီကတော့ သိမှာပါ။ ဈေးသက်သာအောင် ရောင်းကြရင်း အရည်အသွေး ကျဆင်း လာတယ်။ ဒါမျိုးဖြစ်လာရင် ထုတ်လုပ်ရောင်းချတဲ့ ကုမ္ပဏီကို နာမည်ပျက်စာရင်း သွင်းမယ်” ဟု လျှပ်စစ်ဝန်ကြီးဦးကျော်မြင့်က ပြောသည်။

လက်ရှိအချိန်တွင် ဈေးကွက် စီးပွားရေးစနစ်အရ ကွန်ကရစ်တိုင်များကို မည်သည့်ကုမ္ပဏီက ဝယ်ယူ ရမည်ဆိုသည့် သတ်မှတ်ချက်ထားရှိခြင်းမရှိဘဲ တိုင်းဒေသကြီး/ခရိုင် လျှပ်စစ်ဌာနများက စစ်ဆေးသွား မည်ဖြစ်ကြောင်း အရည်အသွေးကို အဓိကထား ဝယ်ယူအသုံးပြုသွား ကြရန် လမ်းညွှန် ထားကြောင်း၊ အရည် အသွေးမပြည့်သော ပစ္စည်းများတပ်ဆင်အ သုံးပြုပါက စစ်ဆေးရေး အဖွဲ့များနှင့် ပူးပေါင်းအရေးယူမှုများ လုပ်ဆောင်သွားမည်ဟု သိရသည်။

“မန္တလေးမှာ မေ ၁၀ ရက် ညနေ ပိုင်းက မိုးသည်းထန်ပြီးလေပြင်း တိုက်တော့ မြောက်ပြင် ၁၂ လမ်းနဲ့ ကမ်းနားလမ်းမှာ ကွန်ကရစ်ဓာတ်တိုင်နှစ်တိုင် ကျိုးသွားတယ်။ အဲဒီညပိုင်း ကတည်းက စောင်းနေပြီး မနက်ကျ တော့ ဝုန်းခနဲလဲသွားတယ်။ ထိခိုက်တာတွေရှိတယ်” ဟု မြို့ခံတစ်ဦးကပြောသည်။
ကွန်ကရစ်တိုင်များ၏ ခံနိုင်ရည်အား တိုင်းတာသည့်စက်သည် ရန်ကုန် မြို့တွင်သာရှိ၍ စမ်းသပ်စစ်ဆေးမှုများ လုပ်ဆောင်ပေး နေခြင်းဖြစ်ရာ မန္တလေးတိုင်းဒေသကြီးအတွင်းအသုံးပြုမည့် ကွန်ကရစ်တိုင်များကို ရန်ကုန် မြို့တွင် စစ်ဆေးနိုင်ကြောင်း သိရသည်။

“ကျေးရွာမီးလင်းရေးကော်မတီ တွေက သူတို့ငွေအားနဲ့လုပ်တဲ့အခါ ဈေးနှုန်းသက်သာတဲ့ ကွန်ကရစ်တိုင် တွေဝယ်ကြတော့ စံချိန်မမီတာ တွေဖြစ်လာတာပါ။ ဒါမျိုးတွေဖြစ်လာရင် ထုတ်လုပ် ရောင်းချတဲ့ ကုမ္ပဏီမှာ တာဝန် ရှိတယ်။ လျှပ်စစ်အင်ဂျင်နီယာတွေသုံးတဲ့ ဓာတ်ကြိုးနဲ့ပစ္စည်းတွေ အပြင် ကွန်ကရစ်တိုင်တွေကိုလည်း စစ်ဆေးတာ လုပ်သွားမယ်” ဟုလျှပ်စစ်ဝန်ကြီးက ပြောသည်။

မန္တလေးတိုင်းဒေသကြီးအတွင်း သစ်သားဓာတ်တိုင်များအစား နိုင်ငံတကာစံချိန်မီ ကွန်ကရစ်ဓာတ်တိုင် များဖြင့် လဲလှယ်စိုက်ထူအ သုံးပြုသွားမည်ဖြစ်ပြီး လာမည့်ဘတ်ဂျက် နှစ်တွင် တိုင်းဒေသကြီးအတွင်းရှိ ၂၈ မြို့နယ်တွင် လျှပ်စစ်ဓာတ်အားလုံ လောက်စွာရရှိရန် ထရန်စဖော်မာများ တပ်ဆင်နိုင်ရေးအတွက် ရန်ပုံငွေ တောင်းခံသွား မည်ဖြစ်ကြောင်း သိရသည်။


MOI Webportal Myanmar