ကွန်ပျူတာအော်ပရေတာများအတွက် ကျန်းမာရေးသတိပေးချက်
ပို့စ်တင်ချိန်
-
11/13/2013 09:11:00 AM
ကွန်ပျူတာရှေ့ထိုင်ပြီး အချိန်ကြာ ကြာ စာရိုက်ရသူများမှာ မျက်လုံးကြွက် သားများ အားကုန်ခြင်း၊ အညောင်းမိ/ ခါးနာခြင်း၊ အရိုးကျီးပေါင်းတက်ခြင်း၊ လက်ချောင်းများနှင့် လက်ကောက်ဝတ် များနာကျင်ခြင်း စသည့်ဝေဒနာများ ဖြစ်လာစေပါတယ်။
သတိပေးချက်(၁)
==========
ကွန်ပျူတာကို မိနစ် ၂ဝ လောက် ကြည့်ပြီးတိုင်း အခြားတစ်နေရာသို့ မျက်နှာ မူ၍ ပေ ၂ဝ အကွာရှိ ပစ္စည်းတစ်ခုခုထံ အကြည့်လွှဲပါ။ ဒီနည်းက မျက်လုံးအိမ်ထဲ ရှိမှန်ဘီလူးကို ပြေလျော့စေပါတယ်။
သတိပေးချက်(၂)
==========
ကွန်ပျူတာကို မိနစ် ၂ဝ လောက် ကြည့်ပြီးတိုင်း မျက်လုံးအိမ်စိုစွတ်စေဖို့ မျက်တောင်အကြိမ် ၂ဝ ခတ်ပေးပါ။ ဒီနည်းက ကွန်ပျူတာစိုက်ကြည့်ခြင်း ကြောင့် မျက်စိခြောက်ခြင်းနှင့် အခြား နောက်ဆက်တွဲ မျက်စိဝေဒနာများမဖြစ် အောင် ထိန်းသိမ်းပေးပါတယ်။
သတိပေးချက်(၃)
==========
ကွန်ပျူတာခုံမှာ မိနစ် ၂ဝ လောက် ထိုင်ပြီးတိုင်း ခြေလှမ်း ၂ဝ ထလျှောက် ပေးပါ။ ဒီနည်းက ခြေထောက်နဲ့ခန္ဓာကိုယ် အောက်ပိုင်းမှာ သွေးများစုပုံမနေတော့ဘဲ ခန္ဓာကိုယ်တစ်ခုလုံးသို့ သွေးလည်ပတ်မှုပြန်လည်မျှတလာစေပါတယ်။
သတိပေးချက်(၄)
==========
အလုပ်ချိန်ပြီးပြီဆိုရင် လက်ကောက် ဝတ်ကို နာရီလက်တံလည်ပတ်သည့် လားရာအတိုင်း ၁ဝ ကြိမ်စက်ဝိုင်းပုံစံ လှည့်ပေးပါ။ ပြီးရင် နာရီလက်တံ ပြောင်းပြန် ၁ဝ ကြိမ်စက်ဝိုင်းပုံစံလှည့် ပါ။ ဒီနည်းက လက်ချောင်း၊ လက်ဆစ် များနှင့် လက်ကောက်ဝတ်နာကျင်ခြင်းကို သက်သာစေပါတယ်။
သတိပေးချက်(၅)
==========
တစ်နေ့တာအတွက် တာဝန်ချိန်ပြီး ဆုံးသွားပါက လည်ပင်းကိုငြိမ်ငြိမ်ထား ပြီး ခေါင်းကို ယာဘက်သို့ ၁ဝ ကြိမ် ဖြည်းဖြည်းချင်းရွှေ့ပါ။ ပြီးရင်ခေါင်းကို အပေါ်-အောက် ၁ဝ ကြိမ်ဖြည်းဖြည်း ချင်းရွှေ့ပါ။ ဒီနည်းက ဇက်ကြောတက် ခြင်း၊ လည်ပင်းအရိုးအဆစ်များညောင်းညာ ခြင်း စသည့်ဝေဒနာများကိုချက်ချင်း သက်သာသွားစေပါတယ်။
ပေါက်ပေါက် - The Union Daily
