ဖယောင်းတိုင်မီး တဲအိမ် ၁၂ လုံးမီးလောင်ကျွမ်း
ပို့စ်တင်ချိန်
-
2/26/2014 08:50:00 AM
ရေစကြို ဖေဖော်ဝါရီ ၂၅
မကွေးတိုင်းဒေသကြီး ရေစကြိုမြို့ ချင်းတွင်းမြစ်ကမ်းဘေးရှိရေလုပ်ငန်း မိသားစုများနေထိုင်သောဇီးကျွန်း ရပ်ကွက်တွင် ဖေဖော်ဝါရီ၂၅ ရက် ၄ နာရီခွဲခန့်တွင် ကိုသက်မောင်မောင် (၂၀ နှစ်)၏ အိမ်မှဖယောင်းတိုင် မီးထွန်းညှိ အိပ်ပျော်ရာမှ မီးစတင်လောင်ကျွမ်းရာ တဲအိမ် ၁၂ လုံး လောင်ကျွမ်းပြီး အမျိုးသား ၁၇ ဦး၊ အမျိုးသမီး ၃၇ ဦး စုစုပေါင်း၅၄ ဦးတို့ အိုးမဲ့ အိမ်မဲ့ဖြစ်ခဲ့ကြရပြီးတာဝန်ရှိသူများက မီးဘေး သင့်ပြည်သူ များအား တောထဲ လေးမျက်နှာ ဘုရား အာရုံခံတွင် ယာယီနေရာချထား၍ စားသောက်ရေးအတွက် ထမင်းထုပ်များ စီစဉ်ပေး ထားကြောင်း သိရသည်။
အဆိုပါ မီးလောင်မှုသတင်းရလျှင်ရချင်း မြို့နယ်မီးသတ် တပ်ဖွဲ့မှဦးစီးမှူး ဦးညီညီအောင်နှင့် သန္ဓေတပ်ဖွဲ့ဝင် ၁၂ ဦး၊ အရန်မီးသတ်တပ်ဖွဲ့ဝင် ၃၅ ဦးတို့သည် မီးသတ်ယာဉ်နှစ်စီး၊ ဈေးမီးသတ်ယာဉ် တစ်စီးတို့ဖြင့်ပြည်သူ အင်အား ၁၀၀ခန့်က ဝိုင်းဝန်းငြှိမ်းသတ်ခဲ့ရာ ၄ နာရီ ၄၅ မိနစ်ခန့်တွင် ငြှိမ်းသတ် နိုင်ခဲ့ကြောင်း နှင့်မြို့နယ် အုပ်ချုပ်ရေးမှူး ဦးခိုင်ထွန်း၊မြို့နယ် ရဲတပ်ဖွဲ့မှူး ရဲမှူးတင့်ဆွေနှင့် ရဲတပ်ဖွဲ့ဝင်များက လိုအပ် သည်များ စီမံဆောင်ရွက်ပေး ခဲ့ကြောင်း သိရသည်။
MOI Webportal Myanmar
