ကညွတ်ဟာ ဆီချိုရောဂါ အတွက် နောက်ဆုံးပေါ် လက်နက်ဟုဆို


ကညွတ်ဟာ ဆီချိုရောဂါ အတွက် နောက်ဆုံးပေါ် လက်နက်ဟုဆိုကညွတ်ကို ပုံမှန်စားသုံးတဲ့ သူတွေ ဟာ သွေးတွင်း သကြားဓာတ် ပုံမှန်ဖြစ် အောင် ထိန်းချုပ်နိုင်ပြီး ဂလူးကို့စ်ကို စုပ် ယူဖို့ ကူညီနိုင်တဲ့ အင်ဆူလင်ဟော်မုန်း ထုတ်လုပ်မှုလည်း မြင့်တက်လာ နိုင်တယ် လို့ သိပ္ပံပညာ ရှင်တွေက တွေ့ရှိခဲ့ပါ တယ်။ ဒါကြောင့် ကညွတ်ဟာ ဆီးချိုရော ဂါကို တွန်းလှန်ဖို့ နောက်ဆုံးပေါ်လက် နက်ဖြစ်လာမယ်လို့ သိပ္ပံပညာရှင် တွေက ယုံကြည်ကြ ပါတယ်။

ကမ္ဘာပေါ်မှာ လူ ပေါင်း တစ်သန်းကျော်ဟာ ဆီးချိုရောဂါ ဖြစ်နေမှန်း မသိရှိကြသူ တွေဖြစ်ပါတယ်။ မောပန်းတာ၊ ရေငတ်တာ၊ မကြာခဏ ဆီးသွားတာ၊ မှက္ခရုပေါက်တာနဲ့ အနာ ကျက်နှေးတာလိုမျိုး ဆီးချိုရောဂါရဲ့ လက္ခဏာတွေကို မသိရှိနားမလည်ကြ လို့ပါ။ အဲဒါတွေကို ကုသမှုမခံယူရင် အ မျိုးအစား (၂) ဆီးချို ရောဂါကြောင့် နှလုံးတိုက်ခိုက် ခံရတာ၊ အမြင်အာရုံ ဆုံး ရှုံးတာနဲ့ ခြေပြတ်လက်ပြတ်တွေ ဖြစ်လာ နိုင်ပါတယ်။

ကညွတ်ဟာ ခန္ဓာကိုယ်ကြွက်သားနဲ့ တစ်သျှူးတွေမှ ဂလူးကို့စ်သုံးစွဲနိုင်မှု ၈၁ ရာခိုင်နှုန်း ပိုမိုမြင့်မား စေတယ်လို့ ကရာချိ တက္ကသိုလ်မှ သိပ္ပံပညာရှင်တွေက တွေ့ရှိ ခဲ့ပါတယ်။ ကညွတ်အနှစ်ပမာဏများစွာ သုံးစွဲပါမှ မုန့်ချိုအိတ်မှ အင်ဆူလင်ထုတ် လုပ်မှုကို ထိရောက်စွာ အကျိုးရှိနိုင်တယ် လို့ သိရပါတယ်။

ဒေါက်တာခင်မိုးမိုး
Good Health

မြေယာသိမ်းမှုများ အတိတ်၏ အရိပ်မည်းကြီးထိုးနေဆဲလား


မြန်မာနိုင်ငံ၏ အဓိကမြို့တော်ဖြစ်သော ရန်ကုန် မြို့၏ အရှေ့တောင်ဘက်ရှိ စံရှားတင်၏ ချိချိ နဲ့နဲ့ ဝါးအိမ်ကလေးက သူ့အိမ်အပါအဝင် ပတ် ဝန်းကျင် ရှိ မြက်ခင်းပြင်ကြီးတစ်ခုလုံးအား ဝါးမျိုတော့မည့် စက်မှုတော်လှန်ရေးကို ထီးထီးကြီး ခြေကုပ်အန်တုနေ သည်။

သူ့မြေကွက်ကလေးအား ပိုက်ဆံပေးယူပြီး သူ့ကို ထွက်ခွာခိုင်းနေသည့် အစိုးရ၏ ကြိုးစားအားထုတ်မှုကို အသက် ၄၁နှစ်အရွယ်ရှိပြီဖြစ်သော သူက ပယ်ချလိုက် သည်။ ဂျပန်ကျောထောက်နောက်ခံပြုထားသော ထုတ် လုပ်ရေးဇုန်ကြီးတစ်ခုအတွက် ပထမအဆင့် လမ်းပွင့်သွား စေရန် အစိုးရက ဆောင်ရွက်နေခြင်းဖြစ်သည်။

''အစိုးရအရာရှိတွေက နည်းလမ်းနှစ်ခုရှိတယ်လို့ ပြောတယ်။ ပထမ နည်းလမ်း က အစိုးရရဲ့ညှိနှိုင်းမှုကိုလက် ခံဖို့နဲ့ နောက်နည်းလမ်းက အဲဒါမဟုတ်ရင် အဖမ်းခံဖို့ပဲ'' ဟု ၁၂ဧကအကျယ်ရှိသော သူ့မြေကွက် ကို ဒေါ်လာ ၈၀၀ ခန့်လျော်ကြေးပေးမည့်အစီအစဉ်ကို သူမက ရယ်မော စရာဟာသအဖြစ် ပြန်လည်သတိရရင်း ပြောပြသည်။

မစံရှားတင်နှင့် အခြားသောဒေသခံအချို့၏အန်တု မှုအပေါ် တစ်ဝက် တစ်ပျက်အရပ်သားအစိုးရနှင့် ယင်း၏ နိုင်ငံတကာ လုပ်ဖော်ကိုင် ဖက်များအနေဖြင့် အဆိုပါအငြင်း ပွားဖွယ်ကိစ္စအား အာဏာရှင် ဆန်သော အတိတ်နှင့် မည် သို့ခြားနားစွာ ကိုင်တွယ်ဖြေရှင်းမည်လဲဆိုခြင်းက အရေး ကြီးသော စမ်းသပ်မှုကြီးတစ်ခုအဖြစ် ပေါ်ထွက်လာနေ သည်။

ပြီးခဲ့သည့်စနေနေ့က နေပြည်တော်နှင့် တိုကျိုမြို့တော် နှစ်ခုမှ အရာရှိများသည် သီလဝါအထူးစီးပွားရေးဇုန်ဟု သိကြသည့် စက်မှုစီမံကိန်းကြီးအား အုတ်မြစ်ချဖို့ စုရုံးခဲ့ ကြသည်။ သူတို့အနေဖြင့် အလျင်အမြန် ဖွံ့ဖြိုးတိုးတက် ရေးနှင့် ယခင် စစ် အစိုးရများက ပုံမှန်စော်ကားမော်ကား လုပ်ခဲ့ကြသည့် နိုင်ငံသားအခွင့်အရေးနှစ်ခုအကြား မည် ကဲ့သို့ ချိန်ခွင်လျှာညှိလုပ်ဆောင်ကြမည်ဆိုသည့်အပေါ် မေးခွန်းများအထုတ်ခံခဲ့ကြရသည်။

''လူတွေကို စနစ်တကျ နေရာပြန် လည်ချ ထားမှု နဲ့ ပတ်သက်ရင် သီလဝါစီမံကိန်းက မှတ်တိုင်တစ်ခုပဲ''ဟု ထို စီမံကိန်းနှင့်ရင်းနှီးကျွမ်းဝင်နေသည့် ရန်ကုန်အခြေစိုက် ဝေဖန်သုံးသပ်သူတစ်ဦးကပြောသည်။  ''ဒါပေမဲ့ ခက်နေတာက အစိုးရ အနေနဲ့ အစီအစဉ် တကျ အလုပ်တွေ မလုပ်ခဲ့ကြ ဘူး။ အဲဒါကြောင့် ကောလာ ဟလတွေနဲ့ နားလည်မှုလွဲတာတွေအများကြီးဖြစ်နေတယ်'' ဟု သူကဆက်ပြောသည်။

ဟက်တာ ၂၄၀၀ ကျယ်ဝန်းသည့် သီလဝါစီမံကိန်း သည် သမ္မတဦးသိန်းစိန် အစိုးရအတွက် နိုင်ငံတကာစက် မှုဇုန်စီမံကိန်းအတွဲလိုက်တွင် အခရာကျသော စီမံကိန်း တစ်ခုဖြစ်သည်။ အစိုးရက ရာစုနှစ်ဝက်နီးပါး အထီးကျန် အုပ်စိုးမှုနှင့် အနောက် နိုင်ငံများ၏ အပယ်ခံအဆင့် အဆုံး သတ်ရေးအတွက် ကြိုးစားပြီး ရင်းနှီးမတည်မှုများပြုလုပ် နေသည်။ ဂျပန်အစိုးရနှင့် ဘဏ္ဍာအဆောက်အအုံကြီးများဖြစ် သော မစ်ဆူဘီရှီ၊ ဆူမီတိုမိုနှင့် မာရူဘီနီကုမ္ပဏီကြီးများ က ဇုန်နှင့် ဆိပ်ကမ်း ဖွံ့ဖြိုးရေးလုပ်ငန်းများအတွက်  အခြေခံ အဆောက်အအုံချေးငွေ ဒေါ်လာသန်း ၅၀၀ ထည့်သွင်း ထားသည်။ ထိုဇုန်က ကားမှအစ အထည်ချုပ်လုပ်ငန်း အထိ လုပ်ကိုင်မည့်သူများကို ဖိတ်ခေါ်ထားရာ ယင်း အတွက် စိတ်ချ အာမခံ နိုင်သော လျှပ်စစ်၊ ရေနှင့်ပို့ဆောင် ထောက်ပံ့မှုအစီအစဉ်များ ဆောင်ရွက်ရန်ဖြစ်သည်။ ယင်း တို့က မြန်မာနိုင်ငံအနှံ့ ခိျု့ယွင်းအားနည်းလျက်ရှိနေသည်။

အစိုးရအား တိုက်ပွဲဝင်နေသော သီလဝါဒေသခံအခိျု့ ပင် ယင်းစီမံကိန်းကို ကြိုဆိုကြောင်းပြောကြသည်။ စစ်တပ်ကပိုင်သော ခြောက်ကပ်ကပ်နိုင်လှသည့် သွပ်မိုးစက်ရုံ တစ်ရုံသည်သာ လှုပ်ရှားသက်ဝင်နေသော စက်ရုံအခိျု့ ထဲက တစ်ခုဖြစ် နေသော ထိုစိုက်ပျိုးရေး ဒေသ၌ ယခုစီမံ ကိန်းသည် အလုပ်အကိုင်အခွင့်အလမ်းအတွက် အရင်း အမြစ်နေရာတစ်ခုဖြစ်မည်ဟု သူတို့ကပြောသည်။

''ကျွန်တော်တို့က ဒါကို မဆန့်ကျင်ပါဘူး။ ဒါပေမဲ့ အစိုးရက လူ့အဖွဲ့အစည်းရဲ့အခွင့်အရေးတွေကို ချိုးဖောက် ခဲ့တယ်'' ဟု အသက် ၆၇ နှစ်အရွယ်ရှိပြီဖြစ်သော လယ် သမားကြီးလည်းဖြစ် ဒေသခေါင်းဆောင်လည်းဖြစ်သူ ဦးမြလှိုင် ကပြော သည်။

၁၉၉၇ ခုနှစ်တွင် စစ်အစိုးရက တစ်ဧကလျှင် ဒေါ်လာ ၂ဝခန့်နှင့် မြေများသိမ်းလိုက်ခြင်းအပေါ် သဘောမတူကြ သည့်အတွက် ဒေသခံများက ထိုနေရာများတွင် လယ်များ ပြန်စိုက်ခဲ့ကြသည်။ ဟင်းသီးဟင်းရွက်ခင်းများ စိုက်ခဲ့ကြ သည်။ စားကျက် မြေလုပ်ခဲ့ကြသည်။ အပေးအယူလုပ် သည်ဆိုခြင်းမှာ ဒေသခံများအား သူတို့အိမ်နှင့် စိုက်ပျိုးမှု ခြောက်နှစ်စာ ဆုံးရှုံးခဲ့ခြင်းများအပေါ်တွင် လျော်ကြေး ပေးခြင်းသာဖြစ်သည်ဟု အစိုးရက ပြောဆိုနေချိန်တွင် ဒေသခံအခိျု့က ဒီမြေများ ကို သူတို့သည် တရားဝင်အရ ရော၊ စိတ်ဓာတ်ရေးရာအရပါ ပိုင်ဆိုင်သည်ဟုပြောကြ သည်။ ထိုမြေများသည် ယခုအခါ ဒေါ်လာထောင်ချီတန် နေရာ အာဏာရှင်အလွန် အစိုးရခေတ် အိမ်ခြံမြေဈေး စန်းထမှုကို ကျေးဇူးတင်ရမည်။

စီမံကိန်း အကျိုးသက်ရောက်မှုနယ်မြေများအား ပုံနှိပ်ထားသည့် ဂူးဂဲလ်မြေပုံကြီးကို နံရံတွင်ကပ်ထားသည့် အိမ်တစ်အိမ်၌ နိုဝင်ဘာလက အစည်းအဝေးလုပ်ခဲ့ရာ ဒေသခံအခိျု့က အချိန်ကြာမြင့်နေသည့် တောင်းဆိုချက် နှစ်ချက်ကို ချပြခဲ့ သည်။ ပထမအချက်မှာ စစ်တပ်သည် သူတို့အား လျှော့ဈေးအများကြီးဖြင့် အဓမ္မရောင်းခိုင်းခဲ့ ခြင်းဖြစ်သည်။ ဒုတိယအချက်မှာ ၂၀၁၂ မြေယာဥပဒေ အရ အစိုးရက နှစ်ပေါင်း ၁၅နှစ်အတွင်း ဖွံ့ဖြိုးရေးမလုပ် နိုင်လျှင် ထိုမြေများအား သူတို့ဆီ ပြန်ပေးရမည်ဟုဆိုသည်။

သီလဝါလယ်သမား အစုလိုက်အပြုံလိုက်က အစိုးရ သစ်၏ လျော်ကြေးပေးအစီအစဉ်အား သဘောတူခဲ့ကြ သော်လည်း ဒေသဆိုင်ရာအာဏာပိုင်များက ခြိမ်းခြောက် သဖြင့် ခေါင်းညိတ်ခဲ့ကြရပါသည်ဟု အခိျု့ကပြောကြသည်။ ''ခင်ဗျားတို့ လက်မှတ်မထိုးဘူး ဆိုရင် အထက်အဆင့် ကို အစီရင်ခံစာပို့ရလိမ့်မယ်လို့ သူတို့ကပြောတယ်''ဟု အသက် ၃၉နှစ်အရွယ်ရှိ ဦးကျော်ဝင်းက ပြောသည်။လက်မှတ်ထိုးပြီးသား စာရွက်မိတ္တူကို သူ ဘယ်တုန်းကမှ မရခဲ့ဟု သူက ဖြည့်စွက် ပြောသည်။  ''စစ်အာဏာရှင်အောက် ကျွန်တော်တို့က အကြာ ကြီး နေခဲ့ကြရတာ။ အကျင့်ဟောင်းတွေ မပျောက်သေး ဘူး'' ဟု သူကဆက်ပြောသည်။

ထိုနေရာမှ ကီလိုမီတာအနည်းငယ်ခန့်အကွာသို့ နာရီများစွာနောက်ကျပြီး ရောက်သွားသည်။ ထိုနေရာ တွင် ရွှေ့ပြောင်းခံရသောဒေသခံများက ပျဉ်ပြားပုံများ၊ သံဆန်ခါလိပ်များနှင့် စွန့်ပစ်ထားသောဖရဲသီးခွံများကြား တွင်ရပ်နေကြသည်။ သူတို့အိမ်များကို အပြင်းအထန် တည်ဆောက်ပေးနေကြသော ဆောက်လုပ်ရေးလုပ်ငန်း များကို စောင့်ကြည့်နေကြခြင်းဖြစ်သည်။

အသက်၂၉နှစ်အရွယ်ရှိ မသီတာက သူ့အနေဖြင့် သီးနှံအတွက် လျော်ကြေးဒေါ်လာ ၃၀၀၀ ခန့်နှင့် အိမ် ဆောက်ရန်အတွက် ဒေါ်လာ ၂၅၀၀ ခန့်ရရှိကြောင်း ပြော ပြသည်။ သို့သော် သူ့အနေဖြင့် အစိုးရ၏လျော်ကြေး သို့ မဟုတ် အစိုးရက ဒေသခံများနှင့် တိုင်ပင်ပြောကြားရန် ပျက်ကွက်မှုတို့အပေါ် မကျေနပ်ဟုဆိုသည်။ ထိုသို့ဆို လျှင် သူ့အနေဖြင့် ဘာကြောင့်သဘောတူခဲ့ပါသလဲဟု မေးကြည့်ရာ မသီတာက- ''ကျွန်မတို့ မပြောင်းချင်ဘူးဆိုရင် သူတို့က ဘူဒိုဇာ နဲ့ ထိုးဖျက်ပစ်လိုက်မှာလေ''ဟု ပြောသည်။

သီလဝါစက်မှုဇုန် စီမံခန့်ခွဲရေးကော်မတီဥက္ကဌ ဦးဝင်စတန်ဆက်အောင်က ဒေသခံများအား ဆွေးနွေးတိုင် ပင်မှုများ ထပ်ခါထပ်ခါပြုလုပ်ခဲ့ပြီး လျော်ကြေးမှာလည်း မျှတမှုရှိကြောင်း ခိုင်ခိုင်မာမာပြောသည်။ မြန်မာနိုင်ငံမှာ တစ်ခါမျှ မကျင့် သုံးခဲ့ဖူးသော နိုင်ငံတကာစံနှုန်းများနှင့်ကိုက်ညီအောင် ပထမဆုံးလုပ်ဆောင်မှုဖြစ်သည့်အတွက် အာဏာပိုင်များအနေဖြင့် အခိျု့သောအမှားများ အခြေ အနေအရ လုပ်ခဲ့ကြသည်ဟု သူကဖြည့်စွက်ပြောသည်။  ''ဒါဟာ ပထမဆုံး အတွေ့ အကြုံပါ။ ခြေလှမ်းတိုင်း မှာ ကျွန်တော်တို့ ပြီးပြည့်စုံတယ်လို့ ကျွန်တော်တို့မပြော နိုင်ပါဘူး''ဟု သူက ဆက်ပြောသည်။

သီလဝါစီမံကိန်းတွင် မြန်မာအစိုးရနှင့် လက်တွဲလုပ် နေသည့် ဂျပန်နိုင်ငံတကာဖွံ့ဖြိုးရေးအေဂျင်စီ(ဂျိုက်ကာ) က ယင်းနှင့်ပတ်သက်ပြီး မှတ်ချက်ပေးရန်ငြင်းဆန်သည်။ နေပြည်တော်ရှိအစိုးရက ဒေသခံများအား ပြန်လည်နေရာ ချထားရေး ကို စနစ်တကျ ကိုင်တွယ်မည်ဟူသော အာမခံ ချက် တိုကျို(ဂျပန်အစိုးရ)ကလက်ခံရရှိထားကြောင်း ဂျပန် ကုန်သွယ်ရေးအေဂျင်စီ(ဂျက်ထရို) ရန်ကုန်၏မန်းနေဂျင်း ဒါရိုက်တာ မာဆာကီတာကာဟာရာကပြောသည်။

'အငြင်းပွား စရာတွေဖြစ်လာမယ်ဆိုရင် ဂျပန်ပုဂ္ဂ လိကကုမ္ပဏီတွေရဲ့ဂုဏ်သတင်းကို ထိခိုက်သွားလိမ့်မယ်။ အဲဒါကြောင့် ဒါကိုကောင်းကောင်းမွန်မွန် ဖြေရှင်းဆောင် ရွက်လိမ့်မယ်လို့မျှော်လင့်ပါတယ်'ဟု သူကပြောသည်။ မြန်မာအစိုးရသည် အရွှေ့ ပြောင်း ခံပြည်သူများအား ဒေါသအမျက်ခြောင်းခြောင်းထွက်စေခဲ့သည့် ယခင်စစ် အစိုးရ၏အစီအစဉ်များထက် ပိုမိုပြီး တာဝန်သိလုပ်ဆောင် မှုများရှိသည်ဟူသောအချက်ကို အခိျု့က ငြင်းပယ်ကောင်း ငြင်းပယ်နိုင်သည်။ သို့သော် သီလဝါ ကိစ္စ သည် အစိုးရနှင့် ယင်း၏မဟာမိတ်များအတွက် အတိတ်က မြေသိမ်းမှု၊ အကျပ်ကိုင်မှု၊ လှိျု့ဝှက်မှု၊ ပြီးတော့ ယင်းတို့နှင့်ပတ်သက်ပြီး ပြည်သူတွေက တေးမှတ်ထားမှုတို့အပေါ် သတိပေးချက် လည်းဖြစ်သည်။ မြန်မာနိုင်ငံသစ် အတွက် မဟာစီးပွားရေး စီမံကိန်းကြီးများအပေါ်တွင်လည်း အကျိုးသက်ရောက်မှု ဖြစ်ပေါ်စေလိမ့်မည်။ သူ့ကို ရွှေ့ပြောင်းစေဖို့ အာဏာပိုင်များက ဖိအား အလွန်အမင်းပေးခဲ့သည်ဟု ခံစားနေရသည့် စံရှားတင် က ယခုလိုပြောလေသည်။

''ကျွန်မကတော့ ဒါကိုမမျှော်လင့်ဘူး။ အပေါ်ပိုင်း က ပြောနေတာတွေနဲ့ အောက်ခြေကလုပ်နေတာတွေက ခြားနားနေတယ်''။

ဒီဇင်ဘာ ၅ရက်ထုတ်  FINANCIAL TIMES မှ Michael Peel  ရေးသားသည့် Memories of Myanmar's past cloud land deals  သုံးသပ်ချက်ဆောင်းပါးကို မြန်မာဘာသာသို့ ဆီလျော်အောင်ပြန်ဆိုပါသည်။

ညီလတ်
Yangon Media Group

ယခင်အပတ်ထက် ဆန်တစ်အိတ် ကျပ်တစ်ထောင်ခန့် မြင့်တက်


ရန်ကုန်၊ ဒီဇင်ဘာ ၁၂။

ယခုအပတ် ဆန်ကုန်စည်ဒိုင်အဖွင့်တွင် ခြောက်သွေ့၍ အထားခံသော ဧရာဝတီပေါ်ဆန်း ဆန်သစ်များ ၀င်ရောက် လာသဖြင့် ယခင်အပတ်ထက် ဆန်ချော၊ ဆန်ကြမ်းတစ်အိတ် ကျပ်တစ်ထောင်ခန့်မြင့်တက် လာကြောင်း ၀ါတန်းလမ်း ဆန် ကုန်စည်ဒိုင်အတွင်းရှိ ဆန်ကုန်သည်များ ထံမှ စုံစမ်းသိရသည်။

ကုန်စည်ဒိုင်အတွင်း၌ ၀ယ်လက်များကြိုက်သည့် ဆန်သစ်များ ၀င်ရောက်နေသဖြင့် အရောင်းအ၀ယ်ကောင်းနေပြီး နယ်မှ ကုန်သည်များက လည်း တိုက်ရိုက်ရောင်းချမှုများရှိနေကြောင်း လပွတ္တာမြို့နယ်အတွင်းရှိ ၀ါရင့် ဆန်ကုန်သည်ကြီး ဦးဝင်းနိုင်က ပြောကြားသည်။

“ဈေးက ပစ္စည်းပြတ်လို့ မဟုတ်ဘူး။ ၀ယ်သူအကြိုက်ဆန် ဖြစ်လို့ပဲ ကုန်စည်ဒိုင်ကို ဆန်ရောက်တာနဲ့ ကုန်ဖြစ်နေတာ”ဟု ၎င်းက ပြောကြား သည်။

ယခုနှစ် ဆန်ဈေးမြင့်တက်ခြင်းသည် ယခင်နှစ်ထက် ဆန်ချော တစ်အိတ်ကျပ် ၃၀၀၀နှင့် ဆန်ကြမ်းတစ်အိတ် ကျပ် ၁၀၀၀ခန့် ဈေးပိုမြင့် ကြောင်း တောင်ဒဂုံမြို့နယ်အတွင်းရှိ ၀ါရင့်ဆန်ကုန် သည်ကြီးတစ်ဦးက ပြောကြားသည်။

“ယခင်နှစ်က မြောင်းမြပေါ်ဆန်းတစ်အိတ် ကျပ် ၁၉၀၀၀ ဒီနှစ်မှာက ၂၂၀၀၀က အနိမ့်ဆုံးပဲ၊ အကြမ်းဆိုရင် မြောင်းမြ ရွှေပြည့်စုံတစ်အိတ် ကျပ် ၁၈၅၀၀ပဲရှိတယ်၊ ဒီနှစ်ကတော့ တစ်အိတ်ကျပ် ၂၂၀၀၀အနိမ့်ဆုံးပဲ”ဟု ၎င်းက ပြောကြားသည်။

ယခုအပတ်အတွင်း ရွှေဘိုဆန်ဟောင်းတစ်အိတ် ၃၄၀၀၀ကျပ်မှ ၃၅၀၀၀ကျပ်၊ ဧရာဝတီပေါ်ဆန်းဟောင်း တစ်အိတ်ကျပ် ၂၇၀၀၀မှ ၃၂၀၀၀ ကျပ်၊ ဧရာဝတီပေါ်ဆန်းသစ်တစ်အိတ် ၂၁၀၀၀ကျပ်မှ ၂၄၀၀၀ကျပ်၊ တောင်ပျံဟောင်းတစ်အိတ် ၂၅၀၀၀ကျပ်မှ ၃၀၀ ၀၀ကျပ်၊ တောင်ပျံသစ် တစ်အိတ် ၂၀၀၀၀ကျပ်မှ ၂၄၀၀၀ကျပ်၊ ပေါ်ကျွဲတစ်အိတ် ၂၄၀၀၀ကျပ်မှ ၂၅၀၀၀ကျပ်နှင့် အကြမ်းဟောင်း တစ်အိတ် ၁၉၀၀၀ကျပ်မှ ၁၅၅၀၀ ကျပ်တို့ဖြင့် ရောင်းဝယ်လျက် ရှိကြောင်း ၀ါးတန်းလမ်းဆန်ကုန်စည်ဒိုင်အတွင်းမှ စုံစမ်းသိရသည်။

ရေးသားသူ- မျိုးပပစန်း၊
တည်းဖြတ်- နီတိုး
People power

အတိတ်သမိုင်း နှင့် သင်ခန်းစာ


အယ်ဒီတာ့အာဘော်ကဏ္ဍ
======================
မြန်မာရာဇဝင်တွင် နိုင်ငံအုပ်ချုပ်ရေးဆိုင်ရာတို့ကို ပြုပြင် ပြောင်းလဲ လိုစိတ်ရှိခဲ့သော ရှင်ဘုရင်များထဲတွင် မင်းတုန်းမင်း သည် တစ်ပါးအပါ အဝင်ဖြစ် သည်ဟုဆိုနိုင်သည်။

သူ့လက် ထက်တွင် ၁၂၁၉ခုနှစ်၌ အခွန်တော်စနစ်ကို ပြင်ဆင်ကောက် ခံခဲ့သည်။ ယင်းအပြင် ခေတ်မမီသော မြန်မာ့စီးပွားရေးစနစ် ကို စက်မှုထူထောင်ရေးနှင့် အသပြာသုံးစွဲရေးတို့နှင့် အစား ထိုးရန် လုပ်ဆောင်ခဲ့ကြသည်ကို တွေ့ရသည်။ ယင်းအတွက် စစ်ကိုင်းနှင့် ရွှေတချောင်းတို့တွင် ဒင်္ဂါးစက်ရုံ၊ စပါးကြိတ်စက် ရုံ၊ ရက်ကန်းစက်ရုံ၊ အမြောက်ဗုံးလက်နက်စက်ရုံ၊ လွှစက်ရုံ၊ သကြားချက်စက်ရုံ၊ မဲနယ်ချက်စက်ရုံ အစရှိသော စက်ရုံပေါင်း ၅ဝကျော်တို့ကို မြန်မာ့ရှေးဦး စက်မှုတော်လှန်ရေးဟု ဆိုနိုင် လောက်သည့် ပြုပြင်ပြောင်းလဲရေးခေတ်ကို ကုန်းဘောင်ခေတ် တွင် တွေ့မြင်နိုင်ပေသည်။

ထိုသို့ နိုင်ငံရေးနှင့် အုပ်ချုပ်ရေးအတွေးအခေါ်သစ်များ ထွန်းကားလာစေရန်၊ စီးပွားရေးခေတ်သစ်ထူထောင်နိုင်ရန်၊ မြန်မာ့ယဉ်ကျေးမှု ပြန်လည်ဆန်းသစ်လာစေရန် ဦးဆောင်ခဲ့ ကြသူများထဲတွင် မင်းတုန်းမင်း၊ ညီတော်ကနောင်မင်းသားနှင့် ယောအတွင်းဝန် ဦးဘိုးလှိုင်တို့ ပါဝင်ခဲ့ကြသည်ကို တွေ့ရသည်။

ယင်းတို့သည် ထိုခေတ်ထိုကာလက reformist ကြီးများဟု ဆိုရမည်။ ယင်းသို့ မင်းတုန်းမင်း၏ ခေတ်ကို ပြုပြင် ပြောင်း လဲရန်ဦးဆောင်မှုပေးခဲ့ သူမှာ ကနောင်မင်းသားဖြစ်ပြီး၊ သူက လက်တွေ့အကောင် အထည်ဖော်ဆောင် ရွက်သူ၊ ဦးဘိုးလှိုင်က အတွေးအခေါ် ဦးဆောင်မှုပေးသူအဖြစ် သတ်မှတ် ခဲ့ကြသည် ကို တွေ့နိုင်ပေသည်။

ထိုသို့ ထက်မြက်သောပုဂ္ဂိုလ်နှစ်ဦးက ပြုပြင်ပြောင်းလဲရေးခေတ်ကို ဦးဆောင်နေကြသည်ဖြစ်ရာ မြန်မာနိုင်ငံသည် တိုးတက်ခေတ်မီသော နိုင်ငံကြီးတစ်နိုင်ငံဖြစ် လာတော့မည်ဟု ထိုခေတ်ထိုအခါက ပြည်သူများ ကလည်း မျှော်လင့်အားထားကာ အိပ်မက်ကြီးကြီးမက်ခဲ့ကြသည် ကို မြန်မာ့သမိုင်းတွင် တွေ့မြင်နိုင်ပေသည်။

ထိုခေတ်တွင် အီတလီ၊ ပြင်သစ်၊ အင်္ဂလန်တို့သို့ ပညာတော်သင်များ အယောက် ၉၀ အထိ စေလွှတ်ခဲ့သည် ကို တွေ့ရသည်။ ခေတ်သစ် သိပ္ပံပညာရပ် များကို လေ့လာသင်ယူစေခဲ့သည်ကို တွေ့ရသည်။

ဆိုရလျှင် ကုန်းဘောင်ခေတ် ထိုအပိုင်းအခြားကာလသည် မြန်မာ့ရီနေး ဆွန်းခေတ်ဟုပင် အညွှန်းပြုခေါ်ဆိုနိုင်လောက်သည်။ သို့ရာ တွင် ထိုအိပ်မက်များသည် မြင်ကွန်းမြင်းခုံတိုင်အရေးကြောင့် ပျက်ပြယ်ဆိတ်သုဉ်းသွားခဲ့ရသည်ကို တွေ့ရသည်။

ယနေ့ခေတ် အခြေအနေ ကိုကြည့်လျှင် မြန်မာနိုင်ငံသည် အုပ်ချုပ်ရေး၊ စီးပွားရေး၊ နိုင်ငံရေးပြုပြင်ပြောင်းလဲရေး ကို ဖော် ဆောင်နေသည့် အချိန်ဖြစ်သည် ကို တွေ့နိုင်ပေသည်။ မြန်မာ နိုင်ငံသည် သမိုင်းကြောင်း တစ်လျှောက်တွင် ရှေးပဝေသဏီမှ စ၍ မျက်မှောက်ခေတ်ကာလ အထိ ခေတ်အဆက်ဆက်၊ စနစ် အဆက်ဆက်တွင် အကြောင်းကြောင်းသော အကြောင်းများ ဖြင့် ဂိုဏ်းဂဏကွဲ၊ အသင်းအဖွဲ့ကွဲများဖြင့် စည်းလုံးမှုပျက်ကာ ခေတ်နောက်ပြန် ကျရောက်ခဲ့ရသည်မှာ ယနေ့အချိန်ထိ ဖြစ် သည်။

ကုန်လွန်သွားခဲ့ပြီဖြစ်သော်လည်း အတိတ်ခေတ်သမိုင်း များသည် လျစ်လျူရှုပစ်ပယ်ထား၍ ရကောင်းသည်မဟုတ် ချေ။ ထိုအတိတ်သမိုင်းများမှ သင်ခန်းစာများကို ထုတ်ယူဆင် ခြင်ကာ လက်ရှိကာလ ပစ္စုပ္ပန်နှင့်အနာဂတ်ကို ကောင်းမွန်စွာ စီမံခန့်ခွဲနိုင်မှသာ တိုးတက်မှုကောင်းများ ရရှိမည်ဖြစ်သည်ကို ယနေ့ တိုင်းပြုပြည်ပြုပုဂ္ဂိုလ်များ နှလုံးသွင်းနိုင်စေရန် လိုအပ် လှပေသည်။

လေးစားစွာ

အယ်ဒီတာ
Yangon Media Group

ကျိုက်ထီးရိုး စေတီတော် ဘုရားဝင်းအတွင်း လုံခြုံရေးအရ မိုဘိုင်းဖုန်းနှင့် ကင်မရာ ယူဆောင်ခွင့် မပြု



မိုဘိုင်းဖုန်းနှင့် ကင်မရာများ ယူဆောင်ခွင့် တားမြစ်ထားသည့် ဘုရားဝင်းကို ဒီဇင်ဘာ ၆ ရက်နေ့ နံနက်ပိုင်းက တွေ့ရစဉ် (ဓာတ်ပုံ-၀င်းမြင့်ကျော်)
ဆံတော်ရှင် ကျိုက်ထီးရိုး စေတီတော် ပရိဝုဏ် စေတီတော် ဘုရားဝင်းအတွင်း လုံခြုံရေးအရ မိုဘိုင်းဖုန်းများနှင့် ကင်မရာများ ယူဆောင်ခွင့် တားမြစ်ထားကြောင်း မွန်ပြည်နယ်၊ သထုံခရိုင် ရဲတပ်ဖွဲ့မှူးရုံးမှ တပ်ဖွဲ့မှူး ဒုတိယရဲမှူးကြီး အောင်သန်းက ဒီဇင်ဘာ ၁၁ ရက် နံနက်ပိုင်းတွင် The Daily Eleven သို့ ပြောကြားသည်။

ယခုနှစ် ဘုရားဖူး ကာလတွင် ကျိုက်ထီးရိုး စေတီတော်၌ ဘုရားဖူး ခရီးသွား ဧည့်သည်များဖြင့် အလွန်စည်ကားနေပြီး လုံခြုံရေးအရ တင်းကျပ်စွာ ဆောင်ရွက်နေကြောင်း တွေ့ရှိရသည်။

ထို့ပြင် ဘုရားဖူးသူ များပြားသည့် ကာလဖြစ်သဖြင့် ခါးပိုက်နှိုက် အန္တရာယ်နှင့် ကြုံတွေ့မှု မရှိစေရန် ကျိုက်ထီးရိုးစေတီတော် ရင်ပြင်တော်၌ သတိပေးမှုများ အဆက်မပြတ် ဆောင်ရွက်နေကြောင်း သိရသည်။

"အခုနှစ် ကျိုက်ထီးရိုး ဘုရားပွဲတော် ကာလမှာတော့ လုံခြုံရေး အထူးတင်းကျပ် ထားပြီးတော့ စစ်ဆေးမှု ပြုလုပ်နေတယ်။ ကျိုက်ထီးရိုးစေတီတော် ဘုရားဝင်း အတွင်းကိုလည်း လုံခြုံရေးအရ မိုဘိုင်းဖုန်းတွေနဲ့ ကင်မရာတွေကို ယူဆောင်ခွင့် တားမြစ်ထားပါတယ်။ ဘုရားဖူးလာတဲ့ ပြည်သူတွေ အနေနဲ့ ကိုယ့်ရဲ့တန်ဖိုးကြီး ပစ္စည်းတွေကို သတိထား ထိန်းသိမ်းဖို့ လိုအပ်တယ်။ အခုအချိန်ထိတော့ ခါးပိုက်နှိုက်ခံရတဲ့ ဖြစ်စဉ်တွေ တစ်ခုမှ မဖြစ်သေးဘူး။ ဒါကိုလည်း ရဲတပ်ဖွဲ့ အနေနဲ့ စောင့်ကြည့်စစ်ဆေး နေပါတယ်" ဟု မွန်ပြည်နယ်၊ သထုံခရိုင် ရဲတပ်ဖွဲ့မှူးရုံးမှ တပ်ဖွဲ့မှူးဖြစ်သူ ဒုတိယရဲမှူးကြီး အောင်သန်းက ပြောကြားသည်။

ယခုနှစ် ဘုရားဖူး ကာလတွင် ကျိုက်ထီးရိုး စေတီတော်သို့ နေ့စဉ်ဘုရားဖူးဧည့်သည် အရေအတွက် သိန်းဂဏန်းအထိ လာရောက်ဖူးမြော်နေကြောင်း လုံခြုံရေးနှင့် စည်းကမ်းထိန်းသိမ်းရေး ဌာနမှ သတင်းရရှိသည်။

eleven media group

ဆယ်ကျော်သက် ၃၈ ရာခိုင်နှုန်း မျိုးဆက်ပွား ကျန်းမာရေး ပညာပေး အသိမရှိ


ယခုနှစ် ချစ်သူများနေ့က တွေ့ရသည့် လူငယ်များ (ဓာတ်ပုံ – ဂျေပိုင်/ ဧရာဝတီ)
မြန်မာနိုင်ငံတွင် လူဦးရေသန်း ၆၀ ကျော်ရှိသည့် အနက် ဆယ်ကျော်သက် အရွယ် ၃၈ ရာခိုင်နှုန်းခန့်မှာ မျိုးဆက်ပွား ကျန်းမာရေး အန္တရာယ် ရှိနေကြောင်း ၂၀၁၃ ခုနှစ် ကုလသမဂ္ဂ လူဦးရေ ရန်ပုံငွေအဖွဲ့ (UNFPA) ၏ ကမ္ဘာလုံးဆိုင်ရာ စစ်တမ်း ကောက်ယူချက်အရ သိရသည်။

မြန်မာနိုင်ငံရှိ ဆယ်ကျော်သက် အရွယ် ၃၈ ခိုင်နှုန်းခန့်မှာ တကြိမ်တခါ လိင်ဆက်ဆံမှု ပြုရုံဖြင့် ကိုယ်ဝန် ရရှိသွား နိုင်ကြောင်းကို မသိရှိကြကြောင်း၊ အမျိုးသမီးငယ် အရွယ် ၂၀ ရာခိုင်နှုန်းခန့်မှာ သားဆက်ခြားနည်းကို မသိရှိကြကြောင်း၊ အမျိုးသားငယ် ၁၇ ရာခိုင်နှုန်းခန့်မှာ အရေးပေါ် တားဆေး အကြောင်း ကြားဖူခြင်း မရှိကြောင်း ရန်ကုန်တိုင်း ကျန်းမာရေး ဦးစီးဌာနမှူး ဒေါက်တာ ဦးအေးကိုကိုက ပြောသည်။

မြန်မာနိုင်ငံတွင် လူဦးရေသန်း ၆၀ ကျော်ရှိပြီး လူငယ်လူရွယ်ထုသည် လူဦးရေအားလုံး၏ သုံးပုံတပုံခန့် ရှိသည်ကို ခန့်မှန်းတွက်ချက် ရရှိကြောင်း၊ ပျမ်းမျှ လူငယ်ဦးရေ သန်း ၂၀ ခန့် ရှိကြောင်း ဒေါက်တာ ဦးအေးကိုကိုက ဆိုသည်။

၂၀၁၃ ကုလသမဂ္ဂ ကမ္ဘာ့လူဦးရေ အစီရင်ခံစာအရ ဖွံ့ဖြိုးဆဲ နိုင်ငံများတွင် အရွယ်မရောက်မီ အိမ်ထောင်သည် ဘ၀ ရောက်ရှိသွားကြသည့် အမျိုးသမီးများ၏ အခန်းကဏ္ဍသည် အဓိက ပြဿနာ တရပ် ဖြစ်ကြောင်း သိရသည်။ ယင်းကဲ့သို့ အရွယ်မရောက်မီ ကိုယ်ဝန်ဆောင်ခြင်းသည် ဖွံ့ဖြိုးပြီး နိုင်ငံများထက် ဖွံ့ဖြိုးဆဲ နိုင်ငံများတွင် အဓိက ပြဿနာတရပ် အနေဖြင့် ရင်ဆိုင်နေရသည်ဟု အစီရင်ခံစာက ထောက်ပြထားသည်။

ဖွံ့ဖြိုးဆဲ နိုင်ငံများတွင် ပါဝင်သည့် မြန်မာနိုင်ငံတွင် ယင်းပြဿနာသည် အရေးကြီးသည့် အခန်းကဏ္ဍမှာ ပါဝင်နေပြီး ဖြေရှင်းနိုင်မည့် နည်းလမ်းများအား ရှာဖွေမှု ပြုလုပ်ကာ ဆောင်ရွက်သင့်ကြောင်း ကုလသမဂ္ဂ လူဦးရေ ရန်ပုံငွေအဖွဲ့ လက်ထောက် ဌာနေကိုယ်စားလှယ် ဒေါက်တာနေ၀င်းက ဧရာဝတီသို့ ပြောသည်။

“ဖွံ့ဖြိုးဆဲ နိုင်ငံတွေမှာ မြန်မာနိုင်ငံလည်း တခုအပါအ၀င် ဆိုတော့ ဒီပြဿနာက အရေးကြီးတယ်၊ အကြောင်းကြောင်း တွေကြောင့် အရွယ် မရောက်သေးဘဲ ၁၅၊ ၁၆၊ ၁၇ နှစ်တွေ အိမ်ထောင်သည်ဘ၀ကို ရောက်ကုန်တယ်၊ ပြီးရင် ကိုယ်ဝန် ဆောင်တယ်။ ဒါဟာ မိန်းကလေးတယောက်ရဲ့ ဘ၀ကို ရိုက်ချိုးလိုက်သလို ဖြစ်တယ်ဆိုတာ အသိပေးချင်တယ်” ဟု ဒေါက်တာနေ၀င်းက ပြောသည်။

UNFPA ၏ အစီရင်ခံစာသည် နှစ်စဉ် ကမ္ဘာ့နိုင်ငံ အသီးသီးသို့ ထုတ်ပြန်ခဲ့ပြီး အမျိုးသား၊ အမျိုးသမီး၊ ကိုယ်ဝန်ဆောင်နှင့် ကလေးသူငယ် ဆိုင်ရာ အချက်အလက် များအား ကမ္ဘာတ၀ှမ်းရှိ ပြည်သူများနှင့် အစိုးရဌာနမှ တာဝန်ရှိသူများ သိရှိနိုင်ရန် အတွက် ထုတ်ပြန်ခြင်း ဖြစ်ကြောင်း သိရသည်။

အစီရင်ခံစာ အရ မိဘများနှင့် ဆရာများက လူငယ်များ၏ အသက်အရွယ်နှင့် လိုက်လျောညီထွေမှု ရှိသော အသိပညာ ပေးမှုများကို ပြောကြားရန်နှင့် မြန်မာအမျိုးသမီးများ အနေဖြင့် မိမိကိုယ်ကိုယ် တန်ဖိုးထား စောင့်ရှောက်ရန် လိုအပ်ကြောင်း ရန်ကုန်တိုင်း ဒေသကြီး ကျန်းမာရေး ဦးစီးဌာနမှူး ဒေါက်တာ ဦးအေးကိုကိုက ဧရာဝတီသို့ပြောသည်။

“အဓိကကတော့ ကျန်းမာရေး ဗဟုသုတ နည်းတယ်၊ အသိနည်းတယ်၊ ငယ်ငယ်ရွယ်ရွယ်နဲ့ အိမ်ထောင်ပြုပြီး ကိုယ်ဝန်ဆောင်၊ မယူချင်တော့ ဖျက်ချတယ်၊ ဒါဟာ မိခင်နဲ့ ကလေး သေဆုံးမှုနှုန်း များလာနိုင်တယ်၊ တတ်နိုင်သမျှ နည်းနိုင်သမျှ နည်းအောင် လုပ်သွားရမယ်” ဟု ၎င်းက ဆိုသည်။

၂၀၁၂ ခုနှစ် UNFPA အဖွဲ့၏ စစ်တမ်း ကောက်ယူချက် အရ မြန်မာနိုင်ငံတွင် မျိုးဆက်ပွား ကျန်းမာရေး စောင့်ရှောက်မှုနှင့် ပက်သက်ပြီး အဓိကထား လုပ်ဆောင်နေကြောင်း သိရှိရသည်။

ဧရာဝတီ သတင်း Myanmar News

သူရိယနေ၀န်းဂျာနယ်ကို အရေးယူပေးရန် စာနယ်ဇင်းကောင်စီထံသို့ ပြန်ကြားရေး တိုင်စာ ပို့

စာနယ်ဇင်းကျင့်ဝတ်ကို ချိုးဖောက်လျက်ရှိပြီး လက်ရှိ အစိုးရကို ထိခိုက်စေ သည့် အရေးအသားများ ပါဝင်နေသည့် သူရိယနေ၀န်း ဂျာနယ်ကို မြန်မာနိုင်ငံစာနယ်ဇင်းကောင်စီက အရေးယူ ရန် ပြန်ကြားရေးဝန်ကြီးဌာနက ယနေ့ စာတစောင် ပေးပို့ တောင်းဆိုလိုက်သည်။

သူရိယနေ၀န်းဂျာနယ်သည် အ၀ါရောင်စာပေဖြစ်ပြီး အမုန်းစကား များ ဖြစ်သည့်အတွက် လိုအပ်သလို အရေးယူရန် ဆောင်ရွက်ပေးပါရန် ပြန်ကြားရေးဝန်ကြီးဌာနက စာနယ်ဇင်းကောင်စီထံသို့ စာပေးပို့ တောင်းဆိုခြင်းဖြစ်ကြောင်း ပြန်ကြားရေးဝန်ကြီးဌာန၏ ၀က်ဘ်ဆိုက်တွင် ဖော်ပြထားသည်။

ဧရာဝတီ သတင်း Myanmar News

တနင်္သာရီမြို့နယ်၊ ကတော့ကမ်းရွာတွင် လမ်းဖောက်ရာမှ ရှေးမြန်မာဘုရင်များ ကိုင်ဆောင်သည့် ရွှေသန်လျက်ဟု ယူဆရသော အရာတစ်ခု တွေ့ရှိ


လမ်းဖောက်ရာမှ တူးဖော်ရရှိသော ရွှေသန်လျက်ဟု ယူဆရသော ပစ္စည်းအား တွေ့ရစဉ်
မြိတ်ခရိုင် တနင်္သာရီမြို့နယ် ကတော့ကမ်းရွာတွင် လမ်းဖောက်ရာမှ ရှေးမြန်မာ ဘုရင်များ ကိုင်ဆောင်သည့် ရွှေသန်လျက်ဟု ယူဆရသော အရာတစ်ခု တွေ့ရှိခဲ့ပြီး တနင်္သာရီမြို့နယ် အုပ်ချုပ်ရေးမှူးရုံးတွင် ထိန်းသိမ်းထားကြောင်း သိရသည်။

ဒီဇင်ဘာ ၇ ရက် ညနေပိုင်းက ကတော့ကမ်းရွာမှ အောက်ကမ်းသို့ မြေသားလမ်း ဖောက်လုပ်နေစဉ် တောင်စောင်းမှ မြေအောက်တစ်ပေခွဲ အနက်တွင် တွေ့ရှိခဲ့ခြင်းဖြစ်ကြောင်း သိရသည်။ "ကတော့ကမ်းမှာ လမ်းဖောက်နေတုန်း လူငယ်တစ်ဦးက ပေါက်တူးနှင့် တူးလိုက်တဲ့ အချိန်မှာ သန်လျက်လို့ ယူဆရတဲ့ အရာကို ထိမိပြီး တွေ့ရှိခဲ့တာပါ။ ပေါက်တူးနှင့် ထိမိခဲ့တာကြောင့် အဖျားပိုင်းမှာ ငါးလက်မလောက် ပဲ့ထွက်သွားပါတယ်။ ရှေးခေတ် တနင်္သာရီနယ်က မြန်မာဘုရင်တွေ ကိုင်ဆောင်တဲ့ ခရင်းပုံစံ သန်လျက်ဖြစ်ဖို့ များပါတယ်။ အဖျားကနေ အရင်းအထိ တစ်တောင်လောက် ရှည်ပါတယ်။ အရင်းပိုင်းက ရွှေထည်ဖြစ်ပါတယ်။ ရတနာတွေ ပတ်လည်မှာ စီခြယ်ထားတာပါတယ်။ ဒါကို ကျွန်တော်တို့ သေချာစွာ မှတ်တမ်းတင်ထားပါတယ်။ ယဉ်ကျေးမှု ၀န်ကြီးဌာနကိုလည်း ဆက်သွယ်ထားပြီး အခုလောလောဆယ် မြို့နယ်အုပ်ချုပ်ရေးမှူးရုံးမှာ သိမ်းဆည်းထားပါတယ်" ဟု တနင်္သာရီမြို့နယ် စာရေးဆရာအသင်း ဥက္ကဋ္ဌ ဦးသန်းစိုးဝင်းက ဒီဇင်ဘာ ၁၁ ရက်က ပြောကြားသည်။

ကတော့ကမ်းမှာ တနင်္သာရီမြစ်ကို ရေလမ်းဖြင့်သာ သွားရပြီး မော်တုန်းကျေးရွာ အုပ်စုအတွင်း ပါဝင်ကာ သမိုင်းမှတ်တမ်းများအရ ကောဇာသက္ကရာဇ် ၅၁၃ ခုနှစ်က ဗြစဣပိတ် မင်းကြီးမှာ ထောင့်ကွာမြို့မှ ပြောင်းရွှေ့လာပြီးနောက် ကတော့ကမ်းသို့ အရောက်တွင် မိမိ၏မယ်တော်နှင့် ဘေးလောင်းတော်များကို မှန်းဆရည်မှန်းကာ ကန်တော့ခဲ့သော နေရာဖြစ်ကြောင်း သိရသည်။ အဆိုပါ သန်လျက်ဟု ယူဆရသော လက်နက်မှာလည်း အရင်းပိုင်းတွင် အရိုးတပ်နိုင်သော သံလက်ကိုင် ပါရှိကာ ရာဇ၀င် မှတ်တမ်းများတွင် ပါရှိသော ဗြစဣပိတ်မင်းကြီးမှ နဂါးမင်းကြီးကို ထိုးသတ်ခဲ့သော ခရင်းပုံစံ လက်နက်မျိုးလည်း ဖြစ်နိုင်ကြောင်း သိရသည်။

eleven media group

ဆီးဂိမ်းဖွင့်ပွဲမကျင်းပမီ မြန်မာကိုအထင်သေးခဲ့ကြသော အာဆီယံဝန်ကြီးများ ယခုအခါ မြန်မာ၏ အဆင့်အတန်းမြင့်မားမှုကို ချီးကျူး၍ ကမ္ဘာ့အဆင့်ပြိုင်ပွဲများကို အိမ်ရှင်အဖြစ်ကျင်းပပေးရန် ကမ်းလှမ်း


ဆီးဂိမ်းဖွင့်ပွဲမကျင်းပမီ မြန်မာကိုအထင်သေးခဲ့ကြသော အာဆီယံဝန်ကြီးများ ယခုအခါ မြန်မာ၏ အဆင့်အတန်းမြင့်မားမှုကို ချီးကျူး၍ ကမ္ဘာ့အဆင့်ပြိုင်ပွဲများကို အိမ်ရှင်အဖြစ်ကျင်းပပေးရန် ကမ်းလှမ်း

စီမံခန့်ခွဲမှုများတွင် လိုအပ်ချက်များစွာရှိသဖြင့် ဝေဖန်ခံနေရသော ၂၇ ကြိမ်မြောက် SEA Games ပြိုင်ပွဲ အိမ်ရှင်မြန်မာနိုင်ငံမှာ အာရှအဆင့် အားကစားပြိုင်ပွဲများ လက်ခံကျင်းပနိုင်သည့် အနေအထားရှိနေပြီဟု အာဆီယံနိုင်ငံများမှ အားကစားဝန်ကြီးများက မှတ်ချက်ပြုခဲ့ကြောင်း အားကစားဝန်ကြီးဌာန ပြည်ထောင်စုဝန်ကြီး ဦးတင့်ဆန်းက ပြောကြားသည်။

SEA Games ပြိုင်ပွဲကျင်းပရန် တည်ဆောက်ထားသည့် အားကစားကွင်း၊ အားကစားရုံများမှာ နိုင်ငံတကာ အဆင့်ရှိပြီး အာရှအဆင့် ပြိုင်ပွဲများပင် လက်ခံကျင်းပနိုင်ပြီ ဖြစ်ရာ ယင်းပြိုင်ပွဲများ ကျင်းပပြုလုပ်ရန် ကမ်းလှမ်းမှုများရှိကြောင်း ၎င်းက ဆိုသည်။ ယင်းသို့ အာရှအဆင့်၊ ကမ္ဘာ့အဆင့် ပြိုင်ပွဲများ ကျင်းပနိုင်ခြင်းသည် နိုင်ငံဂုဏ်ကို မြင့်တက်စေကြောင်း၊ SEA Games ပြိုင်ပွဲ မကျင်းပမီ အစောပိုင်းကာလက ပြိုင်ပွဲဝင်နိုင်ငံများ၏ အားကစားဝန်ကြီးများအဆင့် တွေ့ဆုံပွဲတွင် အာဆီယံ နိုင်ငံများက အထင်အမြင် သေးခဲ့ကြသော်လည်း နောက်ဆုံးအကြိမ် တွေ့ဆုံပွဲတွင်မူ ၎င်းတို့၏ သဘောထား ပြောင်းခဲ့ပြီးဖြစ်ကြောင်း ၎င်းက ရှင်းပြသည်။

မြားပစ်အားကစားနည်းတွင်ကမ္ဘာ့အဆင့်ရှိသည့် တောင်ကိုရီးယား နိုင်ငံသည်ပင်
မြန်မာနိုင်ငံ၏ မြားပစ်ကွင်းကို အံ့သြခဲ့ရပြီး ကမ္ဘာ့မြားပစ်ပြိုင်ပွဲ ကျင်းပရန် ကမ်းလှမ်းခဲ့ခြင်းကြောင့် ပြိုင်ပွဲကျင်းပနိုင်ရန် ညှိနှိုင်းမှုများ ပြုလုပ်မည် ဖြစ်ကြောင်းလည်း ၎င်းက ထပ်လောင်း ပြောဆိုခဲ့သည်။ ၂၇ ကြိမ်မြောက် SEA Games ပြိုင်ပွဲ ကျင်းပနိုင်ရန် ဝဏ္ဏသိဒ္ဓိနှင့် ဇေယျာသီရိ အားကစားရုံများကို နေပြည်တော်တွင် အသစ်တည်ဆောက်ခဲ့ခြင်း ဖြစ်သည်။
The Voice Weekly Myanmar


The Ideal Beauty ၀က်ဘ်ဆိုဒ်၏ အချောဆုံးအလှမယ် ၅၀ တွင် “ခင်ဝင့်ဝါ” ထပ်မံရွေးချယ်ခြင်းခံရ


The Most Beautiful Woman အချောလှဆုံးစာရင်းတွင် မြန်မာနိုင်ငံမှ ခင်ဝင့်ဝါသည် top-50 တွင် ထပ်မံတည် ရှိနေပြန်သည်။ ယင်းသည် ကမ္ဘာ့အချောလှဆုံးအလှမယ် Top -100 စာရင်းတွင်လည်း ဆက်လက်တည်ရှိနေကြောင်း Miss Golden Land Myanmar Organization က မဇ္ဈိမသို့ပြောသည်။

ယင်းအလှမယ်များရွေးချယ်ရာတွင် Miss World, Miss Universe, Miss Supr-anational, Miss Earth, Miss International, Miss Grand International 2013 စသည့် အလှမယ်ပြိုင်ပွဲများ အားလုံးထဲက အလှမယ်များကို The Most Beautiful Woman အချောလှဆုံးအလှမယ်အဖြစ် ရွေးချယ်ခြင်းဖြစ်သည်။

အဆိုပါရွေးချယ်မှုတွင် The Ideal Beauty ၀က်ဘ်ဆိုဒ်သည် ၂၀၀၇ ခုနှစ်ကတည်းက အချောအလှဆုံး အလှမယ် များကို စတင်ရွေးချယ်ခဲ့ခြင်းဖြစ်ပြီး ယခု တစ်ကြိမ်တွင် ခုနစ်ကြိမ်မြောက်ရွေးချယ် ခဲ့ခြင်းဖြစ် သည်။ ၎င်းအပြင် ယင်းဝက်ဘ်ဆိုဒ်သည် တစ်နှစ်လုံးတွင် ကျင်းပပြုလုပ်ခဲ့သည့် နိုင်ငံတကာအလှမယ် ပြိုင်ပွဲများထဲက The Most Beautiful Woman အတွက်ရွေးချယ်ခြင်းဖြစ်သည်။

“ညီမ အရမ်းပျော်ပါတယ်။ ပထမဆုံး အယောက် ၁၀၀ ထဲပါတယ်။ အခု နောက်ထပ်အယောက် ၅၀ ရွေး တဲ့အထဲမှာလဲ ပါဝင်ခွင့်ရတဲ့အတွက် ၀မ်းသာမိတယ်။ နောက်ဆုံး ငါးယောက်ထဲမှာလဲ ညီမ ပါဝင်ဖို့က တော့ အဲဒီအဖွဲ့ရဲ့ရွေးချယ်မှုပါပဲ” ဟု ခင်ဝင့်ဝါကပြောသည်။

“ဒီနေ့မှာ The Ideal Beauty ၀က်ဘ်ဆိုဒ်က အယောက် ၅၀ ထပ်မံရွေးချယ်တဲ့စာရင်းမှာ ခင်ဝင့်ဝါ ထပ်မံ ပါဝင်ခဲ့တာ ပါ။ နောက်ထပ် အယောက် ၃၀ ကိုတော့ ဒီဇင်ဘာ ၁၉ ရက်မှာ ထပ်မံကြေညာမယ်လို့ သိရ ပါတယ်။ နောက်ဆုံးငါးယောက်အထိ ပါဝင်ဖို့ သူတို့ရဲ့ရွေးချယ်မှုပေါ်မှာပဲ မူတည်ပါတယ်” ဟု Miss Supranational Myanmar Organization မှ ဒါရိုက်တာ ကိုဝေယံအောင်ကပြောသည်။

The Ideal Beauty ၀က်ဘ်ဆိုဒ်သည် The Ideal Beauty 2013 က ဆန်ခါတင်အယောက် ၁၀၀ ကို ပထမဦးဆုံးစတင် ရွေးချယ်ခြင်းဖြစ်ပြီး ယခုနောက်တစ်ကြိမ် အဖြစ် အယောက် ၅၀ ကို ထပ်မံရွေး ချယ်ခဲ့ ခြင်းဖြစ်သည်။ ၎င်းင်းအပြင် နောက် ထပ် အယောက် ၃၀ ကို ဒီဇင်ဘာ ၁၉ ရက်တွင် ထပ်မံရွေးချယ်မည် ဖြစ်ပြီး ယင်းမှတစ်ဆင့် ငါးယောက်ထပ်မံရွေးချယ်ကာ The Most Beautiful Woman ကို တစ်ယောက် တည်းရွေးချယ်မည်ဖြစ်သည်။

Mizzima Burmese

ဒီဇိုင်နာတွေက သူဌေးတွေ မဟုတ်ဘူး


ဒီဇိုင်နာ ဆန်းဘောက်ရာ (ဓာတ်ပုံ – ဆန်းဘောက်ရာ facebook မှ)
ကချင်တိုင်းရင်းသူ ဒီဇိုင်နာ ဆန်းဘောက်ရာဟာ ၂၀၀၅ ခုနှစ်ကတည်းက စတင်ပြီး Shayi အမည်နဲ့ လက်ဖြစ် အမျိုးသမီး အဝတ်အထည် တွေကို ဖန်တီး ရောင်းချနေသူ ဖြစ်ပါတယ်။ Shayi ဆိုတာ ကချင်ဘာသာစကားအရ “မိန်းကလေး” လို့ အဓိပ္ပာယ် ရတဲ့အတွက် အဲဒီတံဆိပ်နဲ့ အမျိုးသမီး ဝတ်စုံတွေကိုသာ ထုတ်လုပ် ရောင်းချတယ်လို့ သိရပါတယ်။ သူ ဒီဇိုင်း ထုတ်လုပ် ရောင်းချတဲ့ဝတ်စုံတွေဟာ ရိုးရာ ဒီဇိုင်းကို အခြေခံပြီး ဆန်းသစ် ထုတ်လုပ်ထားတာဖြစ်လို့ လူကြိုက်များကြပြီး သုံးစွဲထားတဲ့ ပိတ်စနဲ့ Accessories တွေအပေါ် လိုက်လို့ တန်ဖိုးအားဖြင့် ကျပ်သောင်းဂဏန်းကနေ သိန်းဂဏန်း အထိ ရှိတယ်လို့လည်း သိရပါတယ်။ ပြည်တွင်းဈေးကွက်မှာ နေရာတနေရာ ခိုင်မာနေပြီဖြစ်တဲ့ Shayi ရဲ့ ဦးဆောင်သူ ဒီဇိုင်နာ မဆန်းဘောက်ရာကို လတ်တလော ခေတ်စားနေတဲ့ ကချင်ရိုးရာအထည် ဖက်ရှင်ရေစီး အကြောင်းနဲ့ မြန်မာနိုင်ငံကနေ နိုင်ငံတကာမှာ သွားရောက်ယှဉ်ပြိုင်ခဲ့တဲ့ Miss ပြိုင်ပွဲတွေမှာ ပရိသတ် ဝေဖန်မှုရှိခဲ့တဲ့ နိုင်ငံ ကိုယ်စားပြု အမျိုးသားဝတ်စုံ ဒီဇိုင်းတွေအကြောင်း၊ ကချင်တိုင်းရင်းသူတဦး ဖြစ်တဲ့အတွက် စစ်ဘေးဒဏ်သင့် ဒေသတွေက သူတို့ ကချင် တိုင်းရင်းသား တွေနဲ့ပတ်သက်လို့ ဧရာဝတီက မေးမြန်းထားပါတယ်။

မေး။ ။ လတ်တလောမှာ အနုပညာရှင် တော်တော်များများကို ကြည့်လိုက်ရင် ပြန်လည်ဆန်းသစ်ထားတဲ့ ကချင် ၀တ်စုံလေးတွေကို တော်တော်များများ ၀တ်လာကြတာတွေ့နေရတယ်။ ဒါဟာ အနုပညာရှင်တွေ အနေနဲ့ ကချင်ဝတ်စုံတွေအပေါ် စိတ်ဝင်စားမှု ပိုလာတယ်လို့ ပြောလို့ရမလား။

ဖြေ။ ။ ရပါတယ်။ အခု ၀တ်နေကြတာပဲလေ။ အနုပညာသမား Customer တွေ ကျမဆိုင်မှာ ရှိနေကြတာပဲ။ အခု Miss ပြိုင်ပွဲတွေမှာ ဆိုလည်း ကချင်ထည်တွေ ၀တ်ဖို့ဆိုပြီး ဂုဏ်ရည်အေးကျော် ဆိုလည်း သူ Miss International သွားပြိုင်ဖို့ အတွက် လုပ်ပေးရဖို့ ရှိတယ်ပေ့ါ။ နောက် ပြီးခဲ့တဲ့ နန်းခင်ဇေယျာတို့ ပွဲလုပ်တုန်းက၊ တခြား Miss တွေ မြန်မာပြည်ကို လာတုန်းက သူလည်း ကချင်ဝတ်စုံ ၀တ်တာပဲပေ့ါ။ ကချင်ဝတ်စုံက တခြားတိုင်းရင်းသား ၀တ်စုံတွေနဲ့ တန်းစီလိုက်ရင်တောင် ထင်းကနဲလင်းကနဲ ဖြစ်စေတာပေ့ါ။ အရမ်း အရောင်စုံ ဖြစ်တာတခုရယ်၊ နောက်ပြီး အရမ်းတန်ဖိုးရှိတယ်။ ကြည့်လိုက်ရင် ငွေထည်တွေ ပါမယ်၊ ဟန်းမိတ်တွေ အများကြီးပါမယ်၊ ပြီးရင် ပိတ်စတွေကအစ ဂျပ်ခုပ်ထည်တွေ ဖြစ်တယ်ဆိုတော့ ဒါက ဒီဇိုင်းတွေ ထူးပြီး မထွင်ထားဘူး ဆိုရင်တောင်မှ ဒီပစ္စည်းတွေနဲ့တင် ဈေးကြီးတဲ့ အရည်အသွေးက သူ့ဘာသာသူ ထွက်နေတာပဲ။ အဲဒါကြောင့်လည်း လူတွေစိတ်ဝင်စားမှု ပိုများလာတယ်လို့ မြင်တယ်။

မေး။ ။ သာမန်လူတန်းစားတွေအနေနဲ့ ကချင်ဝတ်စုံတွေအပေါ် စိတ်ဝင်စားမှု အနေအထားကရော။

ဖြေ။ ။ ကျမရဲ့ Customer က အယောက် ၁၀၀ ရှိရင် ၉၉ ယောက်က သာမန်လူတွေပဲလေ။ တယောက်လောက်သာ အနုပညာရှင် ဖြစ်မယ်။ ၉၉ ယောက်တောင် ပြောလို့မရပါဘူး၊ ၁ ထောင်မှာ ၉၉၉ ယောက်က သာမန်လူတွေ ချည်းပါပဲ။ ကျမရဲ့ Shayi တံဆိပ်ကို စိတ်ဝင်တစားနဲ့ အားပေးပြီး ၀ယ်ယူနေကြတဲ့သူ အကုန်လုံးကတော့ ဒီကချင်ရိုးရာရဲ့အရသာကို ကြိုက်ကြလို့သာ အားပေးနေကြတယ် ဆိုတော့ တလကို ကျမ အင်္ကျီ တသောင်း ရောင်းရတယ်ဆိုရင်၊ ဒါက လူအယောက်တသောင်းက ဒါကို စိတ်ဝင်စားလို့ပေ့ါ။ ကျမ ဆိုင်ကလည်း ရောင်းနေရတာပဲ ၀တ်နေကြတာပဲ ဆိုတော့ သာမန်လူတွေ စိတ်ဝင်စား လို့သာ ဒီဈေးကွက်ကြီးက ရှိနေတာပါ။ နောက် ကျမအထင်ကတော့ ဒီ ကချင်ထည်တွေကို တခြားတိုင်းရင်းသားလူမျိုးတွေရဲ့ အထည်တွေထက် ပိုပြီး ၀တ်လာကြတာ၊ လူတွေအမြင်မှာ ဒီဇိုင်းလှတယ်လို့ မြင်ပြီး ပိုဝတ်ချင်လာတာဟာ ဒီဇိုင်နာတွေကြောင့် ဖြစ်လိမ့်မယ်လို့ ထင်ပါတယ်။ ကျမတို့ တိုင်းရင်းသား မျိုးနွယ်စုတွေထဲမှာ ဒီဇိုင်နာတွေ ရယ်လို့ ထွက်လာတာ မရှိဘူး။ ကျမတို့ ကချင်မှာဆိုရင် ကျမ အပါအ၀င် တခြားကလေးတွေလည်း ရှိသေးတယ်ဆိုတော့ ကျမတို့က မီဒီယာတွေမှာပဲ ဖြစ်ဖြစ်၊ မဂ္ဂဇင်းတွေမှာပဲဖြစ်ဖြစ် ကချင်ထည်တွေကို များများ ဒီဇိုင်းထွင်ပြီး များများချုပ်ပြလေလေ၊ လှတယ်လို့ မြင်လာပြီး လူတွေက လိုက်ဝတ်ချင် လေလေ ဖြစ်မှာပဲ။ အဲဒီအတွက် ဒီဇိုင်နာတွေက တော်တော်ကို တာဝန် ရှိတယ်လို့ ထင်ပါတယ်။ ဒီဈေးကွက်ကြီး ဖြစ်လာဖို့၊ မဖြစ်လာဖို့ဆိုတာပေ့ါ။ ဥပမာ – ချင်း ထည်တွေဆိုလည်း တော်တော် လှတာတွေ ရှိပါတယ်။ ဟန်းမိတ်တွေမှာဆိုလည်း လှတာတွေ ရှိတာပဲ။ ဒါပေမယ့် အဲဒီ ချင်းထည်အတွက်ကို သီးသန့် ဒီဇိုင်နာရယ်လို့ မရှိပါဘူး။ ကျမဆိုရင် နိုင်ငံတကာ ပွဲတွေမှာ ဒီ ကချင်ထည်ကို အဓိကထား ပြပေးတယ်ဆိုတော့ ဈေးကွက် ကနေ ကျမဆီကို Customer တွေ မလာခဲ့ရင်တောင်မှ နီးစပ်ရာတိုင်းမှာ ဒီကချင်ထည်တွေ ချုပ်ဝတ်ကြတယ်။ ဥပမာ – ဈေးထဲမှာဆို ကချင်ထည်တွေ၊ ပိတ်စတွေ ပိုပြီး ရောင်းကောင်း လာတယ် ဆိုတာမျိုးပေ့ါ။ ကျမ ချုပ်ပေးလိုက်ရတာမျိုး မဟုတ်ဘဲ ကျမလုပ်ထားတဲ့ ဒီဇိုင်းကို လူတွေမြင်ပြီး ၀တ်ချင်လာတယ်။ ကျမကတော့ အဲဒီလိုမျိုး မြင်မိတယ်။

မေး။ ။ အခုလို ကချင်ဝတ်စုံတွေကို စိတ်ဝင်တစားနဲ့ အလေးထား ၀တ်ဆင်လာမှုအပေါ် ကချင်တိုင်းရင်းသူ တယောက် အနေနဲ့ ဘယ်လိုခံစားရလဲ။

ဖြေ။ ။ ကျမကတော့ နိုင်ငံခြားက ပစ္စည်းတွေကို အားပေးနေမယ့်အစား၊ ကိုယ့်ပြည်တွင်းဖြစ်ကို အားပေးမယ်ဆိုရင် နိုင်ငံ တခုလုံးရဲ့ စီးပွားရေးနဲ့ ယှဉ်ကြည့်လိုက်ရင် ဒါက အကျိုးရှိပါတယ်။ နောက် လူမျိုးအနေနဲ့ ကြည့်မယ်ဆိုရင်လည်း ကျမတို့ ကချင် ၀တ်စုံကို လူတိုင်းလူတိုင်းက ၀တ်ကြတယ်ဆိုရင် ကချင်ဆိုတာကို မကြားဘူး၊ မသိဖူးတဲ့သူတောင် ဒါကိုတွေ့ရင် ဒါကဘာဝတ်စုံလဲ၊ လှတယ်ဆိုပြီး သိသွားတာပေ့ါ။ အဲဒီအတွက် ကချင်လူမျိုးတယောက်အနေနဲ့လည်း ဂုဏ်ယူတယ်။ တနိုင်ငံလုံးရဲ့ စီးပွားရေးအမြင်နဲ့ကြည့်မယ်ဆိုရင်လည်း သူများနိုင်ငံကို ပိုက်ဆံရောက်သွားမယ့်အစား ကိုယ့်နိုင်ငံမှာပဲ ပြည် တွင်းဈေးကွက်ကြီး ကြီးလာတယ်ဆိုတာက နိုင်ငံရဲ့ စီးပွားရေးအနေနဲ့လည်း ကောင်းတယ်။ ပြည်တွင်းမှာ ဈေးကွက် ကြီးလာလေ၊ ပြည်တွင်းကလူတွေ၊ ၀န်ထမ်းတွေ အလုပ်ရလေပေ့ါ။ အဲဒီလိုမျိုး ဆိုတော့ အကုန်လုံးအတွက် အကျိုးရှိတဲ့ အရာတွေ အများကြီးပါပဲ။ နိုင်ငံတခုလုံး အတွက်လည်း အကျိုးရှိတယ်၊ လူမျိုးတခုလုံး အတွက်လည်း အကျိုးရှိပါတယ်။ ကျမက ကချင် တိုင်းရင်းသူလည်း ဖြစ်တဲ့အတွက်ကြောင့် ကချင်ဝတ်စုံကို လူတွေဝတ်လေ ကျမကတော့ ကြည့်ပြီး ဂုဏ်ယူလေပါပဲ။ အဲဒီအတွက်ကြောင့် ကျမ နိုင်ငံခြားပွဲတွေမှာပဲ ဖြစ်ဖြစ် ပြည်တွင်း ရှိုးမှာပဲဖြစ်ဖြစ်၊ ဒီ ကချင်ထည်ကို ထည့်ဖြစ်အောင် ထည့်ဖို့ ကြိုးစား ပါတယ်။ ဒါကို တန်ဖိုးတက်သထက် တက်အောင်၊ လှသထက်လှအောင် အမြဲကြိုးစားပြီး လုပ်လေ့ရှိပါတယ်။

မေး။ ။ ဧရာဝတီအတွက် သီးသန့် ဓာတ်ပုံရိုက်ထားတဲ့ မော်ဒယ်လ် ဆောင်းဝတ်ရည်မေရဲ့ ၀တ်စုံကိုကော ဘယ်လိုစိတ်ကူးနဲ့ လုပ်ဖြစ်တာပါလဲ။

ဖြေ။ ။ ကျမ အမြဲတမ်း လုပ်နေကျပုံစံ၊ ကြည့်လိုက်ရင် ရိုးရာရဲ့ Taste လည်း မပျက်ဘူး။ ပြီးတော့ ဒါသည် ပွဲလည်း တိုးလို့ရတယ်။ ကြည့်လိုက်ရင် ဒါဟာ Handmade မို့လို့ ဈေးကြီးမှန်းလည်းသိတယ်။ ကျမတို့ရဲ့ ရိုးရာပစ္စည်းတွေက တန်ဖိုး အရမ်းရှိပြီးတော့ လူတွေအမြင်မှာ ၀တ်လို့မရတဲ့ ၀တ်စုံမျိုး မဖြစ်ချင်ဘူး။ ရိုးရာပုံစံလည်း မပျောက်ရဘူး။ သူသည် ထသွားထလာပဲ ၀တ်မလား၊ အဲဒီလိုပုံစံမျိုးလည်း လုပ်ပေးလို့ရတယ်။ ပွဲနေပွဲထိုင် သွားမလား။ ပွဲနေပွဲထိုင်ဆိုတဲ့ နေရာ မှာလည်း Dinner သွားမလား၊ မင်္ဂလာဆောင်ပွဲပဲ သွားမလား။ နိုင်ငံတော်ပွဲပဲ သွားမလား၊ Miss ပြိုင်ပွဲကြီးပဲ ပြိုင်မလား။ ဒီရိုးရာ ပုံစံလေးလည်း မပျက်အောင်၊ သူဝတ်ချင်တဲ့ နေရာအနေအထားနဲ့ အကုန်လိုက်ဖက်အောင်၊ တန်ဖိုး နည်းတာပဲဖြစ်ဖြစ် တန်ဖိုး ကြီးတာပဲ ဖြစ်ဖြစ် နေရာတိုင်းမှာ ရိုးရာပုံစံလေးတွေကို ၀တ်လို့ရအောင် ကျမလုပ်တဲ့ Shayi Brand က အမြဲတမ်း အဲဒီလို ပုံစံမျိုးပဲ သွားလေ့ရှိတယ်။ အခု သူဝတ်ထားတဲ့ ဂါဝန် အတိုလေးဆိုရင် ဟိုတယ်ပွဲဆိုလည်း တက်လို့ရပြီး နိုင်ငံတော်ပွဲရဲ့ Dinner ပွဲ တခုခုမှာဆိုလည်း သူသွားလို့ရပြီ။ ကြည့်လိုက်ရင် ရိုးရာပုံစံလည်း မပျက်ဘူး၊ ခေတ်လည်းမီတယ်။ တန်ဖိုးရှိရှိ လည်း ၀တ်လို့ရတယ်။

မေး။ ။ ပြီးခဲ့တဲ့ Miss ပြိုင်ပွဲတွေမှာ ဒီဇိုင်နာတွေရဲ့ အားနည်းမှုတွေ ရှိတယ်။ နိုင်ငံတကာနဲ့ ယှဉ်ရတဲ့ Miss တွေကို ဘယ်လို ဒီဇိုင်းမျိုးတွေ ချုပ်ပေးလိုက်တာလဲ ဆိုတဲ့ ပြည်သူတွေရဲ့ ဝေဖန်သံတွေ ညံသွားခဲ့တာ အားလုံးလည်း အသိပါပဲ။ အထူးသဖြင့် နိုင်ငံတနိုင်ငံရဲ့ ရိုးရာကို ချပြရတဲ့ တကယ့် အမျိုးသားဝတ်စုံကို ဖန်တီးပေးမှုတွေအပေါ် အားရကျေနပ်မှုမရှိကြဘူးပေါ့။ ဆိုတော့ … ဒါတွေက ဒီဇိုင်နာတွေရဲ့ ဖန်တီးမှုအပိုင်း အားနည်းချက်တွေလား။ ဒါမှမဟုတ် ဘယ်လို အကြောင်းအရာတွေက နိုင်ငံရဲ့ ရိုးရာဝတ်စုံကို နိုင်ငံတကာက လူတွေအမြင်မှာ “ဟာ” ကနဲ ဖြစ်သွားအောင် မချပြနိုင်ရလဲဆိုတာ ဒီဇိုင်နာ တယောက် အနေနဲ့ ဘယ်လို သုံးသပ်ချင်ပါလဲ။

ဖြေ။ ။ မြန်မာလူမျိုးတွေမှာ နည်းနည်း ရှေးရိုးစွဲတာတွေ၊ ရှေးရိုးဆန်တာတွေ ရှိတယ်ပေါ့။ ဆီးဂိမ်းနဲ့ ပတ်သက်တာပဲ ဖြစ်ဖြစ်၊ ကျမတို့ တိုင်းရင်းသား ၀တ်စုံတွေကို လုပ်ရတယ်။ အဲဒီမှာ ၀တ်စုံတစုံ ဖန်တီးဖို့ဆိုရင် ကျမတို့မှာ အဆင့်ဆင့် ၀န်ကြီးကို အကြိမ်ကြိမ် ပြရတယ်။ ပြီးတော့ ကချင်ဆိုရင်လည်း ကချင်တိုင်းရင်းသား စာပေ ယဉ်ကျေးမှုတွေရှိတယ်။ တိုင်းရင်းသား စာပေယဉ်ကျေးမှု ဘက်ကအစ အဆင့်ဆင့်စစ်ပြီးတော့ ဒါဆိုရင် ဘယ်လိုလုပ်ရမယ်၊ ဒါဆိုရင် ဘယ်လိုဆိုတာမျိုးတွေ ရှိတယ်။ ကျမတို့ဆီမှာ အဲဒီလိုမျိုး ရှေးရိုးစွဲနေတဲ့ လူကြီးတွေက ရှိနေတယ်ဆိုတော့ မြန်မာ ၀တ်စုံတွေဆိုရင် အဲဒီလိုမျိုး မထွင်တာ ဖြစ်လိမ့်မယ်။ ဒါက ကျမတို့ ဆီးဂိမ်းမှာ ဒီဇိုင်နာတွေ အကုန် ၀ိုင်းလုပ်ရတဲ့ပွဲမှာ အဲဒါမျိုးကြီးက အရမ်းကြုံရပြီးတော့ ရှေ့ကို မရောက်တော့ဘဲနဲ့ တက်လိုက်ရတဲ့ အဆင့်ဆင့်တွေ။ ဒီဝတ်စုံ တခု ထွက်လာရဖို့ အရေး အတွက်ကိုလေ။

ကျမ ပြောချင်တာက ကျမတို့ ကချင်ဝတ်စုံကို ဆန်းသစ် ပေးပါဆိုရင် ဒါက ဆန်းသစ်ထားတဲ့ ၀တ်စုံလေ။ ရိုးရာအတိုင်း ချွတ်စွပ်လိုချင်ရင် ကျမတို့ ဒီဇိုင်နာတွေ မလိုဘူးလေ။ အင်္ကျီချုပ်တဲ့ သူတွေကို အပ်လိုက်လို့ရတယ်။ သူတို့က ဒီဇိုင်နာရဲ့ ဒီဇိုင်းလည်းပဲ လိုချင်သေးတယ်။ ရိုးရာအတိုင်း ခေါင်းပေါင်းဆိုရင် ဘယ်ဘက်ကို သွားရမယ်၊ အမြိတ်ဆိုရင် ဘယ်လိုချရတယ် ဆိုတာကအစ လိုက်ပြီး ပြောနေတဲ့ဟာတွေက အများကြီးရှိပြီး ကျမတို့ အရမ်းကို ရင်ဆိုင်ပြီး လုပ်ရတဲ့ အပိုင်းတွေ များပါတယ်။ အဲလိုမျိုးတွေ ရှိနေသေးတဲ့ အတွက်ကြောင့်မို့လို့၊ အဲဒီလို နိုင်ငံတော်ပွဲတွေမှာ ကျမတို့ ၀တ်စုံလုပ်ရရင် အခက်အခဲတွေ တော်တော်များများ ရှိပါတယ်။

ကျမဆိုရင် ကချင်ဝတ်စုံကို တော်တော် ကွဲကွဲပြားပြား လုပ်လေ့ရှိတယ်။ ဘာကြောင့်လဲ ဆိုတော့ ကျမတို့ ကချင်ဝတ်စုံက ကျမတို့ဆီမှာ မျိုးနွယ်စုက အများကြီး ရှိတဲ့အတွက်ကြောင့်မို့၊ နိုင်ငံတော် လူကြီးတွေက အဲဒီလောက် အများကြီး ဘယ်သူမှ မသိနိုင်တဲ့ အတွက်ကြောင့်မို့ ကျမကို ဘယ်သူမှ လက်ညှိုးမထိုးနိုင်ဘူး။ မြန်မာဝတ်စုံဆိုရင် Point ၀ိုင်းလုပ်မယ့်သူတွေ အများကြီးပဲ။ ဒီဇိုင်နာတွေက အဲဒီပေါ်မှာလည်း အများကြီး မူတည်ပါတယ်။ လုပ်ရကိုင်ရတာ အရမ်းခက်ပါတယ်။

အခု ဆီးဂိမ်းဆိုရင် ကွင်းထဲမှာ ကတဲ့သူတွေ အကုန်လုံးရဲ့ ၀တ်စုံတွေကို ကျမတို့ ဒီဇိုင်နာတွေ အကုန်လုံးက ၀ိုင်းလုပ် ပေးရတယ်။ အစကတည်းက ဒီဇိုင်နာတွေခေါ်ပြီး လုပ်ခိုင်းတယ် ဆိုကတည်းက သူတို့က ဆန်းသစ်ချင်လို့၊ ဒီဇိုင်း ဆန်းဆန်းလေး လိုချင်လို့ လို့ထင်တယ်။ ဒါပေမယ့် ကျမတို့က ဒီဇိုင်းဆန်းလိုက်ရင် လူကြီးတွေက အကုန် ပြန်ဝေဖန်ပြီး အကုန်ပြန်ပြောင်းခိုင်းတယ်။ ၀တ်စုံတစုံဖြစ်ဖို့ကို ကချင်ဆို ကချင်က လူကြီးတွေ ဆင်းလာတယ်။ ချင်းဆို ချင်းလူကြီးတွေ အကုန်လုံး ရန်ကုန်မှာ အစည်းအဝေး အကြိမ်ကြိမ်ထိုင် ဆုံးဖြတ်ပြီး နောက်ဆုံး သူတို့ရိုးရာ ဘောင်ထဲပဲ ပြန်ဝင်သွားတာပဲ။ အဲဒီလိုမျိုးတွေ အများကြီးရှိတဲ့အခါမှာ ဒီဇိုင်နာတွေ လုပ်ရတဲ့အပိုင်းတွေမှာ အခက်အခဲ အများကြီးရှိပါတယ်။

နောက်တခုက Miss ပြိုင်ပွဲပဲဖြစ်ဖြစ်၊ နိုင်ငံတော်ပွဲ ဆီးဂိမ်းလိုဟာမျိုးပဲ ဖြစ်ဖြစ်၊ အဲဒီအချိန်မှာ ကျမတို့က ဘတ်ဂျက် ကန့်သတ်ချက် အရမ်းရှိတယ်။ ဥပမာ – ကချင်ဝတ်စုံဆိုရင် ငွေမောင်းလည်း ပါရသေးတယ်၊ ကချင်ထမီလည်း ဖြစ်ရ သေးတယ်၊ အင်္ကျီ၊ ခေါင်းပေါင်း ခြေစွပ်လည်း ပါရတယ်။ အဲဒါကို ကျမတို့ကို ဘတ်ဂျက်ချပေးတာ အရမ်းနည်းတယ်။ လုံးဝ မဖြစ်နိုင်တဲ့ ဈေးမျိုး ချပေးတာဆိုတော့ ကျမတို့ ဒီဇိုင်နာတွေက သူဌေးတွေ မဟုတ်ဘူးလေ။ နောက် နိုင်ငံတော်ပွဲ သွားပြိုင်ရတဲ့ Miss တွေဆိုရင် အကုန်လုံး စပွန်ဆာပေးရတာ။ သူများနိုင်ငံမှာ အဲဒီလို စပွန်ဆာပေးရတယ်ဆိုတာ ရှိမယ်မထင်ဘူး။ သူတို့ နိုင်ငံတော်က ပံ့ပိုး ပေးတာလေ။

ကျမတို့ဆိုရင် နိုင်ငံတကာကို ရှိုးသွားပြတာပဲ ဖြစ်ဖြစ်၊ ဘာဖြစ်ဖြစ် နိုင်ငံတော်က ထောက်ပံ့ ပေးတယ်ဆိုတာ ဘယ်တော့မှ မရှိဘူး။ ပိုက်ဆံဆို တပြားမှ ရတယ်ဆိုတာမရှိခဲ့ဘူး။ ၀တ်စုံတခု ကောင်းဖို့ဆိုတာ Creation ကောင်းရုံ၊ Idea ကောင်းရုံနဲ့ မရပါဘူး။ ထောက်ပံ့ပေးရတဲ့ အရာတွေ အများကြီးရှိတယ်ဆိုတော့ ကျမတို့ဆီမှာ ဘောင်က အရမ်း ကျဉ်းလွန်းတဲ့ အခါကျတော့ လုပ်ရကိုင်ရတာ အရမ်းခက်တယ်။ အဲဒီအထဲကမှ ကျမတို့က ရအောင် ထိုးဖောက်ရပါတယ်။

မေး။ ။ ဒီလို နိုင်ငံတနိုင်ငံရဲ့ ရိုးရာတွေကို နိုင်ငံတကာသိဖို့ ချပြရတဲ့ နိုင်ငံတကာပွဲတွေ အတွက်ကိုတောင် ကျမတို့ နိုင်ငံတော် အနေနဲ့ ပံ့ပိုးမှု မရှိတဲ့အပေါ် ဘာပြောချင်ပါသေးလဲ။

ဖြေ။ ။ ကျမတို့က ရိုးနေပြီမို့လို့ ဘာမှ မပြောချင်တော့ပါဘူး။ ကျမဆိုရင် နိုင်ငံတော် ပွဲတွေကို ၂၀၀၉ ကတည်းက သွားရပါတယ်။ ၂၀၀၉ မှာ ပထမဆုံး အာဆီယံပွဲကို မြန်မာ ဒီဇိုင်နာတွေ စလွှတ်ကတည်းက အခု အချိန်အထိ တောက်လျှောက် ပါရတာပေ့ါ။ ပါရတာ၊ သွားရတာ မှန်တယ်၊ ဒါပေမယ့် ဘယ်တုန်းကမှ ဘာမှမရဖူးဘူး။ အခုနောက်ဆုံး ဂျပန်က အာဆီယံဖက်ရှင်ရှိုးပွဲဆိုရင် ကျမတို့သွားရတယ်။ ဘာမှကို မရဘူး။ ထိုင်းကိုသွားရင် ထိုင်းကလူတွေက ဟိုတယ်တွေ ဘာတွေ ပေးတယ်ပေ့ါ။ ဂျပန်သွားရင် ဂျပန်က လူတွေက စီစဉ်ပေးတယ်။ တခါမှ မြန်မာပြည်က ဘာဆိုဘာမှ ထောက်ပံ့ပေးတယ် ဆိုတာ မရှိဘူးလို့ ကျမတို့က ရိုးတောင် ရိုးနေပြီဆိုတော့ ဘာဆို ဘာမှကို မပြောချင်ပါဘူး။ ကျမတို့ တတွေက ကိုယ့်ကချင် ၀တ်စုံကို နိုင်ငံတကာက သိစေချင်လို့ သွားတယ်။ ဒါမျိုးတွေ လုပ်ရတာပေ့ါ။ အဲဒီမှာ ဘာပြန်ရလဲ ဆိုတော့ ကိုယ်ဖြစ်စေချင်တဲ့ ဒီဈေးကွက်ကြီး ကြီးလာတယ်။ ဒါကတော့ ပီတိကိုစား အားရှိ၏ပေ့ါ။ ကျန်တာကတော့ ကျမတို့အတွက် အကျိုးအမြတ်ဆိုတာ ဘယ်တုန်းကမှ ဘာမှကို မရခဲ့ပါဘူး။

မေး။ ။ ကချင်ရိုးရာတွေကို ပြန်ပြီး ဆန်းသစ်တဲ့ နေရာမှာရော မဆန်းဘောက်ရာ အနေနဲ့ တာဝန်ကြီးတယ်လို့ ခံစားမိလား။

ဖြေ။ ။ ကျမကတော့ ဒီကချင်ဝတ်စုံကိုပဲ စိတ်ဝင်စားပြီး ဒီဇိုင်းလုပ်မယ် ဆိုတဲ့အခါမှာ ဒီ ကချင်ဝတ်စုံအကြောင်းကို သေချာ သိတဲ့သူ ဖြစ်တယ်ပေ့ါ။ ပြီးတော့ ကျမ ငယ်ငယ်ကတည်းက ထိတွေ့လာတဲ့အရာ ဖြစ်တယ်ဆိုတော့ ဒါသည် ပွဲတက်ရင် ၀တ်ရတယ်၊ ဒါမျိုးသည် မင်္ဂလာဆောင်မှာ ၀တ်ရတာဖြစ်တယ်၊ ဒါသည် ခေါင်းမှာထားရတယ်၊ ဒါသည် ခြေထောက်မှာထားရတယ်ဆိုတာကို ကျမကို သင်ပေးစရာမလိုဘဲ သိပြီးသား ဖြစ်တဲ့အတွက်ကြောင့်မို့လို့ ကျမအတွက်က ထူးပြီး သတိထားစရာ မဟုတ်ဘူးပေ့ါ။ ကျမအတွက်ကတော့ တာဝန်မကြီးပါဘူး။

ဒီလို ၀တ်စုံဒီဇိုင်းတွေကို လုပ်ရတာကိုပျော်တယ်။ ပြီးတော့ ခုနကပြောခဲ့သလိုပဲ ရိုးရာပုံစံ အစစ်ကိုလိုချင်ရင် ရိုးရာပုံစံပဲယူလေ။ ဒါက ဒီဇိုင်နာရဲ့ ဆန်းသစ်ထားတဲ့ အ၀တ်အစားဖြစ်လို့ ခေါင်းမှာ ထားတဲ့အရာကို ကျမက ခြေထောက်မှာ သွားမတပ်လိုက်ရင် ပြီးရောပေ့ါ။ ကျမအတွက်က ဘယ်တော့မှ ဒီဟာသည် တာဝန်ကြီးတယ်လို့ မခံစားရဘူး။ ဒီဇိုင်းလုပ်သမျှထဲမှာ ကချင်ဒီဇိုင်းလုပ်ရတာ အပျော်ဆုံးပါပဲ။

မေး။ ။ ကချင်ဒီဇိုင်းတွေ ဆန်းသစ်တီထွင်မှုနဲ့ ပတ်သက်လို့ ရိုးရာကို ဖျက်ဆီးပြီး ဆန်းသစ်တယ်လို့ အထင်ခံရတာမျိုး၊ အပြောခံရတာမျိုး ကြုံခဲ့ရတာမျိုးတွေ ရှိခဲ့ဖူးလား။

ဖြေ။ ။ အဲဒီလိုမျိုး မရှိခဲ့ဖူးဘူး။ ကျမတို့ ကချင်လူမျိုးတွေက အချင်းချင်း ချစ်ကြတယ်။ တယောက်က အောင်မြင်လာရင် နောက် တယောက်က လိုက်ပြီး အပုပ်ချတယ်ဆိုတာ မရှိသလောက် ရှားတဲ့အတွက်ကြောင့်ပါ။ မြန်မာနိုင်ငံမှာ ကချင်လူမျိုးက လူနည်းစုလည်း ဖြစ်တဲ့အတွက်ကြောင့် တယောက်က ထွန်းပေါက်လာပြီ ဆိုရင် တယောက်က လိုက်ပြီး Appreciate လုပ်ပေးဖို့ပဲ ၀ိုင်းပြီး စဉ်းစားကြတာ။ အပြင်က လူတွေကျတော့ ကချင်ဒီဇိုင်းကို ဒါက ရိုးရာနဲ့ မကိုက်ညီဘူးလို့ ပြောရအောင် သူတို့က ဒီရိုးရာအကြောင်း သိတာ မဟုတ်ဘူးလေ။ ကချင်လူမျိုးတွေပဲ ရိုးရာအကြောင်းသိတယ်။ ခုနက ကျမပြောသလိုပဲ ခေါင်းမှာ တပ်ရမယ့်ကိစ္စကို ခြေထောက်မှာ မတပ်ဘူးလေ။ ဆိုတော့ … ပြောစရာကြီးလည်း အဲဒီလောက်အထိ ရှိမနေပါဘူး။ ကျမအထင်တော့ ကျမကိုယ်တိုင် မကြားခဲ့ရဖူးသလို၊ သူများပြောတာလည်း မရှိဘူးလို့တော့ ထင်တာပဲ။ ကျမ နောက်ကွယ်မှာ ပြောကြရင်တော့ မသိဘူးပေ့ါ။

မေး။ ။ လက်ရှိ မြန်မာနိုင်ငံမှာလည်း ကချင်ပြည်နယ်က မပြီးသေးတဲ့ စစ်မီးတွေနဲ့ ပတ်သက်လို့ မဆန်းဘောက်ရာရဲ့ အမြင်ကို သိချင်ပါတယ်။

ဖြေ။ ။ ကျမဆိုရင် အခုလောလောလတ်လတ် တင်ပဲ အဲဒီ ဒေသကနေ ပြန်ရောက် ထားတာလေ။ စစ်ဖြစ်တဲ့ နေရာတို့ စစ်ဘေး ဒုက္ခသည်စခန်းတို့ကို တော်တော်များများကို ကျမ အကုန်ရောက်ခဲ့တယ်။ ပြီးခဲ့တဲ့ ၁၀ ရက်နေ့က ဆိုရင် ရှိုးပွဲ သွားလုပ်တယ်ပေ့ါ။ ကချင်ရှိုးပွဲ သွားလုပ်ပြီးတော့ ဒုက္ခသည်စခန်းက ကလေးတွေအတွက် ရံပုံငွေ ရှာပေးခဲ့ပါတယ်။ ပြီးရင် ကျမ ရန်ကုန်မှာလည်း ရံပုံငွေရှာတဲ့ပွဲလေး ထပ်လုပ်ဖို့ရှိတယ်ဆိုတော့ ကျမတို့က စစ်ဖြစ်တာနဲ့ပတ်သက်လို့ နိုင်ငံရေးကတော့ သိပ်နားမလည်ပေမယ့် ကိုယ့်လူမျိုးကို ထိရင်တော့ ဘယ်သူမှ မကြိုက်ဘူး။ ဘယ်သူမှတော့ မခံချင်ဘူး။ စိတ်ဆင်းရဲရတာ မျိုးတော့ ရှိတာပေ့ါ။ ကျမကတော့ ကျမတို့ လူမျိုးတွေ ဒုက္ခရောက်နေတာကို ထိုင်ပြီး လက်ပိုက် ကြည့်နေမှာတော့ မဟုတ်ဘူး။ တတ်နိုင်သလောက် ကတော့ ကိုယ်က ရန်ပုံငွေ ရှာပေးတာပဲ ဖြစ်ဖြစ်၊ ကျမတို့ ကိုယ်တိုင် ကိုယ်ကျ သွားပြီးတော့ စိတ်ဓာတ် ရေးရာ အားပေးခဲ့တာပဲ ဖြစ်ဖြစ်၊ ကျမကတော့ စစ် စဖြစ်ကတည်းက ကျမတို့ စပြီးလုပ်ခဲ့တယ်။ အခုချိန်ထိလည်းလုပ်တယ်။ နောက်လည်း လုပ်မှာပါပဲ။ သေနတ် မကိုင်ရုံတမယ်ပဲ။ ကျန်တာတော့ ကျမတို့ အကုန်လုံး လုပ်မှာပါပဲ။

မေး။ ။ ကချင် တိုင်းရင်းသူ တယောက်အနေနဲ့ ဒုက္ခသည်စခန်းက ကချင်တိုင်းရင်းသားတွေ ကိုယ်စား ဘာပြောချင်ပါ သလဲ။

ဖြေ။ ။ ကျမတို့ ကချင်တိုင်းရင်းသားတွေက ဘုရားသခင်ကို ယုံကြည်တဲ့ ခရစ်ယာန် ဘာသာဝင်တွေ ဖြစ်တဲ့အတွက်ကြောင့် မို့လို့ ဒီအချိန်မှာတော့ အားလုံးကို သည်းခံ၊ ကြိတ်မှိတ် သည်းခံဆိုပြီး ကျမတို့က အချင်းချင်း အားပေးနေကြတယ်။ ဒီအချိန် မှာတော့ အားတင်း ထားဖို့ပေ့ါ။ စစ်ဘေး ဒုက္ခသည်စခန်းမှာ စစ်ဘေး ဒုက္ခရောက်နေတဲ့ သူတွေ၊ သူတို့တွေပဲ ဒုက္ခ ရောက်နေတာ မဟုတ်ဘူး။ သူတုို့ ခံစားရသလိုပဲ ကျမတို့ ကမ္ဘာအနှံ့မှာ ရှိနေတဲ့ ကချင်လူမျိုးတွေ အကုန်လုံးရဲ့ ခံစားချက်ကလည်း အတူတူပါပဲ။ သူတို့ကို နှိပ်စက်ရင် ကျမတို့ကို နှိပ်စက်သလိုပဲ ခံစားရတယ်။ အဲဒီအတွက်ကြောင့်မို့လို့ ကျမတို့က ဘယ်တော့မှ ငြိမ်နေမှာ မဟုတ်ဘူး။ တကမ္ဘာလုံးမှာ ရှိနေတဲ့ ကချင်တွေလည်း ငြိမ်နေကြမှာမဟုတ်ဘူး။ အကုန်လုံး ၀ိုင်းပြီးတော့ အကောင်းဆုံးဖြစ်အောင် လုပ်နေကြတယ်ဆိုတော့ ဒုက္ခသည်စခန်းက လူတွေကို ဘာမှ အားငယ်စရာမလိုဘူးလို့ ကျမက ပြောချင်ပါတယ်။ တချိန်ချိန်မှာတော့ ကျမတို့ အလှည့်ရောက်မှာပေ့ါ။

ဧရာဝတီ သတင်း Myanmar News

ထိုင်းစစ်တပ် ဘက်မလိုက်ကြောင်း ပြသ

ထိုင်းစစ်တပ် အကြီးအကဲတွေက တွေ့ဆုံဆွေးနွေးဖို့ ဆူထေ့ပ် သပ်ဆူဗန်ရဲ့ တောင်းဆိုချက်ကို လက်မခံ ပဲ ငြင်းဆိုထားတယ်လို့ သိရပါတယ်။ ဒါဟာ ထိုင်းစစ်တပ်က ဘက်မလိုက်ကြောင်း ပြသမှု တခုလို့ ပြောကြ ပါတယ်။

ဘန်ကောက်မြို့တော်မှ ဆန္ဒပြသူများ (ဓာတ်ပုံ – Steve Tickner / ဧရာဝတီ)


လတ်တလော အခြေအနေမှာ ဆန္ဒပြသူတွေကို ဦးဆောင်နေတဲ့ ဆူထေ့ပ်ကို တွေ့ဆုံဖို့ အချိန် မတန်သေး ဘူးလို့ စစ်တပ်အကြီး အကဲတွေက ပြောဆိုတဲ့အကြောင်း ဒီကနေ့ ထိုင်းသတင်းတွေမှာ ရေးသား ထားပါ တယ်။

ဆူထေ့ပ် သပ်ဆူဗန်က ထိုင်းစစ်တပ်မှာ တာဝန်ရှိတဲ့ အကြီးအကဲ Prayuth Chan-ocha နဲ့ တခြား
ခေါင်းဆောင်တွေကို ယနေ့ တွေ့ဆုံခွင့် တောင်းထားတာလည်း ဖြစ်ပါတယ်။

လတ်တလော အခြေအနေကို ကြည့်ပြီးတော့ တောင်းဆိုထားတဲ့ ဆူထေ့ပ်ကို တွေ့ဆုံဖို့ အချိန် မတန်သေး ဘူးလို့ မြင်တယ်၊ စစ် တပ် အနေနဲ့ သီးခံထားရမယ်၊ ဘက်မလိုက်ဘူးလို့ ထိုင်းစစ်တပ်အကြီးအကဲတွေ က ပြောကြားကြောင်း ထိုင်း သတင်းတွေက ရေးကြပါတယ်။

ထိုင်းစစ်တပ်မှ အကြီးအကဲတွေက ဆက်လက်ပြီး ဆူထေ့ပ်အနေနဲ့ နိုင်ငံအတွင်းမှာ ရှိတဲ့ အဖွဲ့အစည်း တချို့နဲ့ အရင် ပူးပေါင်းပြီး တော့ ဖြေရှင်းသင့်တယ်လို့လည်း ပြောပါတယ်။

ဆန္ဒပြသူတွေ အနေနဲ့ကတော့ ဘန်ကောက်မြို့မှာ အစိုးရ နှုတ်ထွက်သွားတဲ့ အထိ ဆန္ဒပြသွားမယ် လို့ ပြောဆိုထားပြီး ကနေ့အထိ ဆက်လက် ဆန္ဒပြနေဆဲ ဖြစ်ပါတယ်။

အမျိုးသား ပြန်လည်သင့်မြတ်ရေး အတွက် စားပွဲဝိုင်းပေါ်မှာ အတိုက်အခံပါတီနဲ့ တွေ့ဆုံ ဆွေးနွေးဖို့ ၀န်ကြီးချုပ် ယင့်လပ်က ပြော ကြားခဲ့ပေမယ့် တွေ့ဆုံဆွေးနွေးမှုတွေ ဖြစ်မလာပါဘူး။

အစိုးရက ထိုင်းလွတ်တော်ကိုလည်း ဖျက်သိမ်းထားပြီး ၂၀၁၄ ခုနှစ် ဖေဖော်ဝါရီလ ၂ ရက်နေ့ ကို
ရွေးကောက် ပွဲ အသစ် ကျင်းပဖို့ ပြန်လည် သတ်မှတ်ထားပါတယ်။

ထိုင်းဝန်ကြီးချုပ် မစ္စ ယင့်လပ် ရှင်နာဝပ်က“ရွေးကောက်ပွဲ အသစ် ပြန်လည်ကျင်းပဖို့ သတ်မှတ်လိုက်တာ ဟာ ထိုင်းနိုင်ငံရဲ့ ထွက် ပေါက် တခုဖြစ်တယ်”လို့ ယမန်နေ့က ထိုင်းနိုင်ငံ မြောက်ပိုင်း ချင်းမိုင်မြို့သို့ မထွက်ခွာခင် ပြောကြားခဲ့ပါတယ်။

ဆူထေ့ပ်က စစ်တပ်အကြီးအကဲတွေကို တွေ့ဆုံခွင့် တောင်းခံထားတဲ့ ကိစ္စနဲ့ ပတ်သက်ပြီးတော့လည်း သတင်းထောက်တွေရဲ့ မေးမြန်းမှုကိုလည်း မစ္စ ယင့်လပ်က ပုဂ္ဂိုလ်ရေး အရ စစ်တပ်ကိုယ်စား ပြောခွင့် မရှိပါဘူး၊ ဒါပေမယ့် စစ်တပ်နဲ့ အစိုးရ တာဝန်ရှိသူ အာလုံး ကိုယ့်တာဝန် ကိုယ်သိကြပါတယ်လို့ ဆိုပါတယ်။

လက်ရှိမှာတော့ ထုတ်လွှင့်ပြသနေပြီး ဘယ်လို အဆုံးသတ်မလဲကြမလဲဆိုတာ မသိရသေးပါဘူး။

ထိုင်းသတင်းတွေအရ လာမည့် ရွေကောက်ပွဲမှာ လက်ရှိ အစိုးရ ဖုယားထိုင်း ပါတီကပဲ ထပ်ပြီးတော့ အနိုင်ရမယ်လို့ ပြောဆိုနေကြပါတယ်။

ထိုင်းနိုင်ငံရေး မတည်မငြိမ် ဖြစ်လာတာဟာ ပြည်ပမှာ တိမ်းရှောင်နေရတဲ့ ထိုင်းဝန်ကြီးချုပ်ဟောင်း သက်ဆင် ရှင်နာဝပ် ထိုင်းနိုင်ငံ ပြန်လာ နိုင်ရေးအတွက် လွတ်ငြိမ်းချမ်းသာခွင့် ဥပဒေကြမ်းကို ညီမတော် စပ်သူ ထိုင်းဝန်ကြီးချုပ် ယင့်လပ်က လွှတ်တော်ထဲမှာ အတည်ပြုခဲ့ရာကနေ စတင်ခဲ့ တာ ဖြစ်ပါတယ်။

ဝန်ကြီးချုပ်ဟောင်း သက်ဆင် ရှင်နာဝပ်ဟာ ၂၀၀၆ ခုနှစ်က အာဏာ အလွဲသုံးစားလုပ်မှုနဲ့ အဂတိ လိုက်စား မှုတွေကြောင့် စွပ်စွဲခံ ရပြီး စစ်တပ်က အာဏာသိမ်းတာ ခံခဲ့ရပါတယ်။


သန်းထိုက်ဦး ~
ဧရာဝတီ သတင်း Myanmar News

ကျားဟော်မုန်းများခြင်းက အသက်တိုခြင်းနှင့် ဆက်စပ်နေ


တက်စတို စတီးရုန်း၊ (ကျားဟော်မုန်း)ဟာ နှလုံး၏ လုပ်ငန်းဆောင်တာ များကို ထိန်းညှိရာတွင် အကူအညီ ပေးပါတယ်။ သုက်ပိုး ထုတ်လုပ်ခြင်း၊ အရိုး ကျန်းမာရေး၊ စွမ်းအင်ပမာဏ၊ အာရုံစူးစိုက်ခြင်းနှင့် ကြွက်သားထု ထည်တို့တွင် တစ်စိတ်တစ်ပိုင်း ပါဝင် ဆောင်ရွက်ပါတယ်။
အမျိုးသား အများစုဟာ အသက် ကြီးလာတာနဲ့ အမျှ သဘာဝအရ ထိုဟော်မုန်းပမာဏ လျော့နည်းလာ ခြင်းကို ကြုံတွေ့ရ ပါတယ်။ ဟော်မုန်း ပမာဏကို ထိန်းညှိရန် ဆေးဝါးများ သောက်သုံးကြရပါတယ်။ သုတေသီများက တက်စတို စတီရုန်းပမာဏ အလွန်နည်းခြင်းက မကောင်းသော အရာတစ်ခုဖြစ်သလို အလွန်များခြင်းကလည်း မကောင်း နိုင်ပါဘူးလို့ ဆိုတယ်။
တက်စတို စတီရုန်း ပမာဏ သင့်တင့်မျှတသော အဘိုးအို များဟာ အသက်ရှည်နိုင်ဖွယ်ရာရှိကြောင်း တွေ့ရှိခဲ့ကြ ပါတယ်။ ခန္ဓာကိုယ်မှ ထိုဟော်မုန်းကို ချေဖျက်တဲ့ အခါ Dihydrotesto sterone (DHT) လို့ခေါ်တဲ့ နှလုံး သွေးကြော ရောဂါဖြစ်နိုင်ခြေနှင့် ဆက်စပ်နေတဲ့ ဓာတု ပစ္စည်းထုတ် လုပ်ပါတယ်။ ကျားဟော်မုန်း ပမာဏ သင့်တင့်စွာရှိခြင်းနှင့် DHT ပမာဏ မြင့်မားခြင်းဟာ အမျိုးသား များတွင် အသက်ကြီး လာတာနဲ့အမျှ ကျန်းမာ ရေး ကောင်းစေနိုင်ကြောင်း တွေ့ရှိ ခဲ့ကြပါတယ်။

Health Digest

တကယ်တော့ အမေဆိုတာ


သင့်အမေက ၉ လလောက် ဝမ်းထဲမှာ လွယ်ပြီး ၁၀ လမြောက်လောက်မှာ မွေးတယ်။ အဲဒီ ၉ လအတွင်းမှာ
(၁) ပျို့အန်တယ်။
(၂) အစားရှောင်ရတယ်။
(၃) အနေအထိုင်၊ အသွားအလာ ဆင်ခြင်ရတယ်။
(၄) ကျန်မာရေးကိုလည်း ဂရုစိုက်ရပါ သေးတယ် အစဖြင့် အများကြီး ရှိပါတယ်။
အမေဟာ သင်၏
(၁) အကောင်းဆုံး မိတ်ဆွေ
(၂) အကောင်းဆုံး သူငယ်ချင်း
(၃) အကောင်းဆုံး ပဲ့ကိုင်ရှင် ဖြစ်ပါတယ်။
အမေဟာ သူမ၏ ဝမ်းထဲမှာ သင်ရှိနေပြီ ဆိုတဲ့အသိ ရှိနေစဉ် ကတည်းက သင့်ကို ဂရုစိုက် လာလိုက်တာ ယနေ့ထိ တိုင်ပေါ့။ သူမပင်ပန်းတာတွေကို သင်မသိခဲ့ဘူး။ သူမဟာ သင့်ကို လူတော် လူကောင်းတစ်ယောက်ဖြစ်စေ ချင်တယ်။ ပညာတွေ တတ်စေချင်တယ်။ ဘဝမှာ အပှုအပင်တွေ ကင်းဝေး စေချင်တယ်။
ဒါဟာ သူမက သင့်အပေါ်မှာ ထားတဲ့ စိတ်ဆန္ဒလေးတွေပါ။ ယခု သင့်အမေ အတွက် ဘာတွေများ လုပ်ပေးပြီးပြီးလဲ။ ဘယ်လောက်များ ကျေးဇူး ဆပ်ပြီးပြီးလဲ။ အချိန်မီသေး ပါတယ်။ သင့်အမေ အတွက် တစ်ခုခုတော့ ပြန်လည်ပေးဆပ် လိုက်ပါ။
ကျော်လင်းနိုင်
Yoyarlay

ဆား လျော့စားခြင်းက သေချာပေါက် အကျိုးရှိ


ဆားကို ကန့်သတ် စားသုံးခြင်းက သင့်သွေးပေါင်ချိန်ကို ထိန်းနိုင်၊ မနိုင်ဆိုတာက သင့်တစ်ဦး ချင်းစီရဲ့ ဇီဝဗေဒ သဘောတုံ့ပြန် မှုပေါ် မူတည် ပါတယ်။ သို့ပေမယ့် သင့်မှာ သွေးတိုး မရှိသည့်တိုင် ဆားလျှော့ စားခြင်းက အကျိုးရှိ ပါတယ်။
ဘာကြောင့်ဆိုတော့ ဆားထဲမှာ ဆိုဒီယမ် (ဆား = ဆိုဒီယမ် ကလိုရိုဒ်)က သွေးပေါင်ချိန် မြင့်တက်တဲ့ နည်းလမ်းနှင့် မဟုတ်ဘဲ အခြားနည်းလမ်း များနှင့် ဦးနှောက် သွေးကြောများ ထိခိုက်ပျက်စီး မှုနှင့် လေဖြတ်ခြင်းကို အားပေး ပါတယ်လို့ မင်နီဆိုဒါ တက္ကသိုလ် သွေးတိုးရောဂါ ဌာန အကြီးအကဲ Dr.louis Tobian က ဆိုပါတယ်။
သင့်မှာ သွေးတိုး အပြင် ကျောက်ကပ် ဒါမှမဟုတ် နှလုံး ပြဿနာများ ရှိနေရင်တော့ ဆားကို သေချာပေါက် လျှော့စား သင့်ပါတယ် လို့ Dr.louis Tobian က သတိပေးလိုက် ပါတယ်။

Health Digest

နှလုံးခုန်နှုန်း အသက်ရှုနှုန်း တိုင်းရန်အတွက် တီထွင်လိုက်တဲ့ဖျာ


လူတစ်ယောက်၏ နှလုံးခုန်နှုန်း၊ အသက်ရှူနှုန်း၊ လှုပ်ရှားမှုများ စသည် တို့ကို တိုင်းတာ မှတ်တမ်းတင်ရန် ယခင် တုန်းကလို ပစ္စည်းကိရိယာ တစ်ခုခုကို တိုင်းလိုသော သူ၏ လက် ပေါ်တွင် တင်ထားပေးရတာမျိုး လုပ်စရာမလိုတော့ဘဲ အလွယ်ကူဆုံး တိုင်းနိုင်တဲ့ နည်းတစ်ခုကို တီထွင် လိုက်ကြပြီ ဖြစ်ပါတယ်။
အာရုံခံကြိုးမျှင်များ တပ်ဆင် ထားတဲ့ ဖျာကဲ့သို့ A 3 စာမျက်နှာ အရွယ် အခင်းတစ်ခု ပေါ်တွင် ထိုင်ခြင်း သို့မဟုတ် လဲလျောင်းလိုက်ခြင်းဖြင့် လိုအပ်တဲ့ တိုင်းတာမှုများကို စက္ကန့် ပိုင်းအတွင်း တိုင်းပေးနိုင်မှာဖြစ်ပါ တယ်။ ဝါယာကြိုး တပ်ရန်မလိုတဲ့ အာရုံခံစားလွယ်သော အဲဒီ ဖျာ သို့မဟုတ် အခင်းကနေ ကွန်ပျူတာ ကို သတင်းအချက်အလက်များ ပို့ပေး မှာဖြစ်ပါတယ်။
ဘက်ထရီလျှပ်စစ်အား နဲ့ အသုံးပြုမှာဖြစ်သော အဆိုပါဖျာ များကို နောက်နှစ်တွင် ဈေးကွက် အတွင်း ရောင်းချနိုင်တော့မှာဖြစ် ကြောင်း သိရပါတယ်။ ဒီဖျာများဟာ ဆေးရုံများနဲ့ လူနာပြုစုစောင့်ရှောက် ရေး ဂေဟာများမှာ အထူးသဖြင့် အသုံးဝင်မှာဖြစ် ပါတယ်။
သူနာပြုများ အတွက်လည်း အလုပ်ရှုပ်သက်သာ ပြီး လူနာ အတွက်လည်း ကရိကထ မများပါဘူး။ အခြားသော အသုံးဝင်မှု များအဖြစ် အိပ်စက်ခြင်းကိုလည်း စောင့်ကြပ်ကြည့်ရှုပေးနိုင်မှာ ဖြစ်ရာ အိပ်ပျော်ရင်း အသက်ရှူရပ်သည့် (Apnoea) ရောဂါမျိုးကိုလည်း ထောက်လှမ်း ပေးနိုင်မှာဖြစ်ပါတယ်။


health digest

7 Day News Journal vol.12-no.40 (11-Dec-2013)


ယူကရိန်းတွင် အစိုးရဆန့်ကျင်ရေး ဆန္ဒပြသမားများကို ရဲတပ်ဖွဲ့ အင်အားသုံးဖြိုခွင်း


ကိယက်ဗ်၊ ဒီဇင်ဘာ ၁၁

ယူကရိန်းနိုင်ငံ မြို့တော်ကိယက်ဗ် တွင် အစိုးရဆန့်ကျင်ရေး ဆန္ဒပြသမား များကို အဓိကရုဏ်း နှိမ်နင်းရေး ရဲတပ်ဖွဲ့က ဗုဒ္ဓဟူးနေ့ နံနက်အစောပိုင်းတွင် အင်အားသုံး၍ ဖြိုခွင်း ခဲ့ကြောင်း CNN သတင်းဌာနတွင် ဖော်ပြထားသည်။

ဆန္ဒပြသမားများက ၄င်းတို့၏ ဆုံရပ်အဖြစ် သတ်မှတ်ထားသော လွတ်လပ်ရေး ရင်ပြင်ကို ကာရံထားသော အရံအတား များကို လက်ကိုင်လွှစက်များ အသုံးပြု၍ ဖျက်ဆီးရန် ကြိုးစားခဲ့ရာမှ ရဲတပ်ဖွဲ့ဝင်များနှင့် ဆန္ဒပြသမားများ ထိပ်တိုက် ရင်ဆိုင်မိကြခြင်း ဖြစ်သည်။

ဥရောပသမဂ္ဂသို့ ယူကရိန်းနိုင်ငံ ဝင်ရောက်ခွင့်ရရန် အတွက် လိုအပ်သော သဘောတူညီမှု လက်မှတ် ရေးထိုးရန် လက်ရှိ အာဏာရအစိုးရက ငြင်းဆန်လိုက်ခြင်းကို မကျေနပ်သူများက ယခုကဲ့သို့ ဆန္ဒပြပွဲများ ဆင်နွှဲနေခြင်း ဖြစ်သည်။

ဗုဒ္ဓဟူးနေ့မနက် ဒေသစံတော်ချိန် နံနက် ၁ နာရီ မှ ၄ နာရီ အတွင်းက ရဲတပ်ဖွဲ့ဝင် များနှင့် ဆန္ဒပြသမား များကြား ဖြစ်ပွားခဲ့သော ပဋိပက္ခတွင် ရဲတပ်ဖွဲ့ဝင် ၁၀ ဦး ဒဏ်ရာရရှိခဲ့သည်ဟု ယူကရိန်းပြည်ထဲရေး ဝန်ကြီးက ပြောကြားသည်။

ရဲတပ်ဖွဲ့ဝင် များသည် တရားရုံးအမိန့် အရ ယာဉ်ကြောပိတ်ဆို့မှု မဖြစ်စေရန် အတွက် ဆန္ဒပြသမားများကို မြို့လယ်ကောင် အချက်အချာကျသော နေရာမှ ဖယ်ရှားရန် ကြိုးစားစဉ်တွင် ယခုကဲ့သို့ အဓိကရုဏ်း ဖြစ်ပွားခဲ့ခြင်း ဖြစ်သည် ဟုလည်း ၄င်းက ပြောကြားသည်။

ဆန္ဒပြသမား များသည် ရေခဲမှတ် ရောက်နေသော အအေးဒဏ်ကို အန်တု၍ ဆီးနှင်းများ ဖုံးလွှမ်းနေသော လွတ်လပ်ရေး ရင်ပြင်တွင် စခန်းချကာ ဆက်လက်ဆန္ဒပြရန် ဆုံးဖြတ်ထားခဲ့ကြခြင်း ဖြစ်သည်။
ယခုကဲ့သို့ ယူကရိန်းရဲတပ်ဖွဲ့က ဆန္ဒပြသမားများကို အင်အားသုံး ဖြိုခွဲခဲ့ခြင်းကို အမေရိကန် နိုင်ငံခြားရေးဝန်ကြီး ဂျွန်ကယ်ရီက ပြင်းထန်စွာ ရှုတ်ချပြစ်တင်လိုက်သည်။
"အခုလို တုံ့ပြန်မှုဟာ လက်ခံနိုင်စရာ မရှိသလို ဒီမိုကရေစီနဲ့လည်း ညီညွတ်မှုမရှိပါဘူး " ဟု ဂျွန်ကယ်ရီ က ပြောကြားသည်။

အမေရိကန် ဒုသမ္မတ ဂျိုးဘိုင်ဒင် ကလည်း လွတ်လပ်စွာ စုဝေးခွင့်ပြုခြင်း၊ ယူကရိန်းပြည်သူတို့၏ အသံကို နားထောင်ခြင်း အပါအဝင် ဒီမိုကရေစီ အခြေခံကျင့်ဝတ် များကို လေးစားမှုရှိရန် ယူကရိန်း သမ္မတကို ဒီဇင်ဘာလ ၁၀ ရက်နေ့က ဖုန်းဆက်၍ ပြောကြားခဲ့သည်။

အတိုက်အခံများက ရုရှားသြဇာခံဟု စွပ်စွဲထားသော လက်ရှိ အစိုးရအဖွဲ့က ဥရောပသမဂ္ဂသို့ ဝင်ရောက်ရေး သဘောတူ ညီမှုလက်မှတ်ရေးထိုးရန် ငြင်းဆန်လိုက် ခြင်းကြောင့် ယူကရိန်းနိုင်ငံ၏ ဥရောပနိုင်ငံ များနှင့် ကဏ္ဍအသီးသီးတွင် ပူးပေါင်း ဆောင်ရွက်မှုတိုးမြှင့်နိုင်ရေး ကြိုးပမ်းမှုမှာ အဟန့်အတား ဖြစ်သွားခဲ့ရသည်။
သို့သော် ဥရောပသမဂ္ဂနှင့် ဆက်ဆံ ရေးတိုးမြှင့်ခြင်းက ရုရှားနိုင်ငံနှင့် ဆက်ဆံရေး ကို ထိခိုက်စေနိုင်သည်ဟု ယူကရိန်းသမ္မတ ယာနူကိုဗစ်ခ်ျက အင်္ဂါနေ့က ပြုလုပ်သော ဆွေးနွေးပွဲတစ်ခုတွင် ထည့်သွင်း ပြောကြားခဲ့သည်။

အအေးဒဏ်ကို ပြင်းပြင်းထန်ထန် ခံရလေ့ရှိသော ယူကရိန်းနိုင်ငံသည် တိုင်းသူပြည်သားများကို အနွေးဓာတ်ပေး ရာတွင် မရှိမဖြစ်ပစ္စည်း ဖြစ်သော သဘာဝ ဓာတ်ငွေ့ကို ရုရှားနိုင်ငံထံမှ ဝယ်ယူနေရပြီး ရုရှားနိုင်ငံက သဘာဝဓာတ်ငွေ့ ဈေးနှုန်း တိုးမြှင့် လိုက်မည်ကိုလည်း စိုးရိမ်နေရသည်။
The Voice Weekly Myanmar

လေဖြတ်ထားခြင်းရှိမရှိ ဘယ်လိုသိနိုင်မလဲ


အသားကင်ဆိုင်တွင် အမျိုးသမီးတစ်ဦး ချော်လဲကျသည်။ ဖိနပ်အသစ်စီးလာ၍ ခြေချော်လဲကျတာပါဟုပင် သူမကပြန်ပြောလိုက်သေးသည်။ သူမကအ၀တ်အစားတွင် ကပ်နေသောဖုန်များကိုခါ၍ သန့်ရှင်းလိုက်ပြီး ပန်းကန်ပြားတစ်ချပ်ဆွဲကာ ညနေစာစားသည်။ သူမကိုကြည့်ရသည်မှာ တစ်ညနေလုံးအေးအေး ဆေးဆေး။ ညနေခြောက်နာရီရောက်တော့ သူမအမျိုးသားက အသားကင်ဆိုင်ကို ဖုန်းဆက်သည်။ ညနေခြောက်နာရီမှာ သူမဆုံးပါးသွားခဲ့သည်ဟူ၍။ ဆရာဝန်၏အဆိုအရ လေဖြတ်ခြင်းကြောင့် သူမလဲကျခဲ့ခြင်းဖြစ်ပြီး သုံးနာရီအတွင်း ဆေးရုံရောက်ရှိလာပါက အသက်မသေအောင် ကယ် ဆယ်နိုင်သည်ဟုဆိုသည်။ သိုိ့ဆိုလျှင် အချိန်မီကယ်တင်နိုင်ရန် လူတစ်ဦးလေဖြတ်မဖြတ် ဘယ်လိုစမ်းသပ်သိရှိနိုင်မည်လဲ။ ဦးနှောက်နှင့် အာရုံကြောဆရာဝန်များက အဆင့် (၃) ဆင့်ပါဝင်သော စမ်းသပ်နည်းတစ်ခုကို တီထွင်ထားသည်။ အတိုကောက်အားဖြင့် STR ဟု မှတ်နိုင်သည်။ (၁) S – SMILE၊ လေဖြတ်မဖြတ်သိရှိနိုင်ရန် ဒဏ်ရာရသူကို ပြုံးခိုင်းပါ။ (၂) T – TALK၊ ၀ါကျတစ်ခွန်းကို သဒ္ဒါမှန်မှန်၊ ယုတ္တိကျကျပြောခိုင်းပါ (ဥပမာ။ ။ ယနေ့နေသာသည်) (၃) R – RAISE BOTH ARMS၊ လူနာကို လက်နှစ်ဘက်လုံးမြှောက်ခိုင်းပါ။ အထက်ပါစမ်းသပ်မှု သုံးခုစလုံးအနက် တစ်ခုခုမလုပ်နိုင်ပါက ဆေးရုံချက်ချင်းပို့ပါ။ ထိုနည်းများနှင့် စမ်း၍ မသေချာပါက လူနာကိုလျှာထုတ်ခိုင်းပါ။ လျှာလိပ်နေလျှင်ဖြစ်စေ၊ လျှာတစ်ဖက်ဖက်သို့စောင်းနေလျှင်ဖြစ်စေ လေဖြတ်နေခြင်းဖြစ်နိုင်သည်။ အထက်ပါနည်းလမ်းများကို သိထားသူအနေနှင့် အခြားလူ (၁၀) ဦးကိုမျှဝေပေးပါက အနည်းဆုံး အသက်တစ်ချောင်းကို ကယ်တင်နိုင်မည်ဖြစ်ကြောင်း ဆရာဝန်များက တိုက်တွန်းထားသည်။
Health Updates Journal

Sea Games အခမ်းအနားကို အပြည့်အစုံ ပြန်လည်ကြည့်လိုသော ပရိတ်သတ်များ အတွက်


(၂၇)ကြိမ်မြောက် SEA Games ပြိုင်ပွဲ ဖွင့်ပွဲ အခမ်းအနားအား အစအဆုံး ပြန်လည် ကြည့်ရှုလိုသော ပရိတ်သတ်များအတွက် SingaporeSports မှ ကူးယူတင်ဆက် ပေးလိုက်ပါသည်။


Auto World Car Journal (13-Dec-2013)


မင်းလှဘူတာအနီး လူတစ်ဦး ရထားတိုက်မိ သေဆုံး


နေပြည်တော်၊ ဒီဇင်ဘာ ၁၁

၁၀-၁၂-၂၀၁၃ ရက်နေ့ ၁၆၅၀ အချိန် မင်းလှမြို့နယ်၊ မင်းလှဘူတာအနီး ရထားသံလမ်းတွင် လူတစ်ဦးရထားတိုက်မိကြောင်းသတင်းအရ မင်းလှမြို့မရဲစခန်းမှတပ်ဖွဲ့ဝင်များသွားရောက်စစ်ဆေးခဲ့သည်။ စစ်ဆေးချက်အရ ရထားလမ်းမိုင်တိုင်အမှတ်(၃၂၉/၂၀-၂၁)အနီးတွင် အရက်ကြောင်နေသည့် မင်းလှမြို့၊ ရုံးရပ်မြောက်ပိုင်းရပ်ကွက်နေ ဇော်ဝင်းမောင်(၄၀)နှစ်သည် ရထားလမ်းဖြတ်ကူးစဉ် မင်းဘူးဘက်မှ မင်းလှဘူတာသို့မောင်းနှင်လာသော မင်းဘူး-သရက်ရထားဖြင့်တိုက်မိခဲ့ကြောင်း၊ ထိုသို့တိုက်မိသဖြင့် ဇော်ဝင်းမောင်တွင် ယာဒူးပြတ်၊ ၀ဲခြေထောက်/၀ဲလက်ဖ၀ါးကျိုးကြေ၊ နဖူးပေါက်ပြဲဒဏ်ရာများရရှိ၍ သေဆုံးသွားခဲ့သဖြင့် ဓမ္မတာအတိုင်းသေဆုံးခြင်းဟုတ်/မဟုတ် မင်းလှမြို့မရဲစခန်း၊ သေမှုသေခင်း အမှတ်စဉ်(၁၆/၂၀၁၃)ဖြင့် အမှုဖွင့်စစ်ဆေးလျက်ရှိကြောင်း သိရှိရသည်။

ထို့ပြင် ထိုနေ့ ၁၇၀၀ အချိန် မကွေးတိုင်းဒေသကြီး၊ မြိုင်မြို့နယ်၊ ဒဟတ်ချောက်ကန် ကျေးရွာအုပ်စု၊ စိုင်ကောင်းကျေးရွာနေ တင်ဇော်ထွန်း(၁၆)နှစ်သည် ရွာသူ/သားများရေချိုးသည့် ကျစ်ကန်၌ရေဆင်းချိုးစဉ် ရေနစ်သေဆုံးကြောင်းသတင်းအရ ကိုင်းတောမရဲကင်းရဲစခန်းမှတပ်ဖွဲ့ဝင်များနှင့် ဒဟတ်ချောက်ကန်ကျေးရွာ အုပ်ချုပ်ရေးအဖွဲ့ဝင်များ သွားရောက်စစ်ဆေးခဲ့သည်။ စစ်ဆေးချက်အရ အကျယ်(၂)ဧက၊ အနက်(၁၂)ပေခန့်ရှိ မြေသားတမံကန် ““ကျစ်ကန်””၌ တင်ဇော်ထွန်းသည် ရေဆင်းချိုးရာမှရေနစ်သွားခဲ့သဖြင့် ရွာသားများမှ ၀ိုင်းဝန်းဆယ်ယူခဲ့ပြီး ရေမွန်းသေဆုံးခဲ့ကြောင်းသိရှိရသဖြင့် ဓမ္မတာအတိုင်းသေဆုံးခြင်း ဟုတ်/မဟုတ် မြိုင်မြို့မရဲစခန်း၊ သေမှုသေခင်းအမှတ်စဉ် (၈/၂၀၁၃)ဖြင့် အမှုဖွင့်စစ်ဆေးလျက်ရှိကြောင်း သတင်းရရှိသည်။

ရဲဇာနည်

ရေချိုးခြင်းနှင့် ကျန်းမာရေး ရုပ်ပိုင်းဆိုင်ရာ


အလုပ်ပင်ပင်ပန်းပန်းလုပ်တာပဲဖြစ် ဖြစ်၊ အားကစားလုပ်ပြီးတဲ့ အခါမှာ ပဲဖြစ်ဖြစ် ရေချိုးလေ့ရှိကြပါတယ်။ အဓိကရည်ရွယ်ချက်ကတော့ လန်း ဆန်းသွားစေဖို့ပါပဲ။ ဒါပေမယ့် အခု လို ပင်ပင်ပန်းပန်းတစ်ခုခုလုပ်ပြီးမှ ရေချိုးခြင်းက အခြားအကျိုးကျေးဇူး များစွာကိုလည်း ဖြစ်ပေါ်စေပါတယ်။

(၁)တကိုယ်ရေသန့်ရှင်းမှု-ဒါကတော့ လူတိုင်းသိပြီးသားပါ။ ရေချိုးခြင်း အားဖြင့် တကိုယ်ရေသန့်ရှင်းမှုရရှိ စေပြီး အဓိကအားဖြင့် အားကစား သမားတွေအတွက် ပိုပြီးလိုအပ်တယ်။ ဒါပေမယ့် လူအများစုကတော့ တကိုယ်ရည်သန့်ရှင်းရေးထက် အနံ့ အသက်ဆိုးများပျောက်ဖို့ကို ရည်ရွယ် ပြီး ချိုးလေ့ရှိပါတယ်။

(၂)ကြွက်သားနာမှုကို သက်သာစေ နိုင် – လူတွေက လေ့ကျင့်ခန်းပြင်း ပြင်းထန်ထန်လုပ်ပြီး နောက်တစ်နေ့ မှာ ကြွက်သားနာကျင်မှုကို ခံစားရ လေ့ရှိပါတယ်။ အဲဒီလိုမခံစားရအောင် လေ့ကျင့်ခန်းလုပ်ပြီးတဲ့ နောက်မှာ ရေအေးအေးနဲ့ရေချိုးပေးနိုင်ပါတယ်။ တစ်နေ့ထဲ လေ့ကျင့်ခန်းတစ်ခုပြီး တစ်ခု ဆက်လုပ်ရတဲ့ အားကစား သမားတွေမှာလည်း လေ့ကျင့်ခန်း တစ်ခုနဲ့တစ်ခုကြား ရေအေးအေးနဲ့ ချိုးပေးခြင်းအားဖြင့် ပင်ပန်းမှုကို လျော့ကျစေပါတယ်။ လေ့ကျင့်ခန်း လုပ်တာများပြီး ကိုယ်လက်ကိုက်ခဲ သူများမှာ ရေအေးနဲ့ချိုးပေးတာ တောင် မသက်သာလျှင် နောက် တစ်နေ့နံနက်၌ ရေနွေးနွေးဖြင့် ပြန် ချိုးပေးသင့်ပါတယ်။ ယင်းကဲ့သို့ ချိုးခြင်းအားဖြင့် ကြွက်သားများကို သွေးလှည့်ပတ်မှုကောင်းစေပြီးနာကျင်မှုကို လျော့ကျစေပါတယ်။

(၃)အဆီကျစေနိုင်-တကယ်လို့လေ့ကျင့် ခန်းလုပ်ရတဲ့ရည်ရွယ်ချက်က အဆီ ကျစေဖို့ဆိုရင် လေ့ကျင့်ခန်းလုပ်ပြီး ချိန်မှာ ရေအေးအေးနဲ့ချိုးပေးသင့်ပါ တယ်။ ရေအေးအေးနဲ့ ရေချိုးနေတဲ့ အချိန်မှာ ခန္ဓာကိုယ်က အပူချိန်ကို ထိန်းထားဖို့အတွက် ဇီဝရုပ်ဖြစ်ပျက် မှုကို ၅၅၀%ခန့်ပိုမြန်စေပြီး ကယ်လို ရီတွေကို လောင်ကျွမ်းစေပါတယ်။ ဒါ့အပြင် ခန္ဓာကိုယ်ရဲ့ ကြွက်သားတွေ ကိုလည်း တင်းရင်းစေပါတယ်။

ref:IANS
Health Updates Journal

သန္ဓတားဆေးများက ရာသီလာစဉ် ကိုက်ခဲမှုကို သက်သာစေနိုင်


သန္ဓတားဆေးများက ရာသီလာစဉ် ကိုက်ခဲမှုကို သက်သာစေနိုင်သန္ဓေတားဆေးများ သောက်ခြင်း ဖြင့် ရာသီလာစဉ် အမျိုးသမီး အချို့ခံ စားရသော ကိုက်ခဲခြင်း၊ နာကျင်ခြင်း၊ ဗိုက်ပွခြင်းစသည့် လက္ခဏာများအား သက်သာစေကြောင်းကို ထောက်ခံသည့် အချက်အလက် သစ်များ ပေါ်ထွက်လာ ခဲ့သည်။ ဆွီဒင် ပညာရှင်များက နှစ်ပေါင်း ၃ဝ ကျော်ကြာလေ့လာ ခဲ့သော အချက် အလက်များအရ သန္ဓေတားဆေးမ သောက်သူ အမျိုးသမီး များနှင့်နှိုင်းယှဉ် လျှင် ဆေးသောက်သူ များတွင် နာကျင်မှု ပိုနည်းကြကြောင်း တွေ့ရှိခဲ့ရသည်။

ယခု လေ့လာမှုကို Human ဂျာနယ်တွင် ဖော် ပြခဲ့ခြင်းဖြစ်သည်။ အမေရိကန်နိုင်ငံတွင် ရာသီလာစဉ်နာကျင် မှုကြောင့် တစ်နှစ် လျှင် အမျိုးသမီးများ၏ အလုပ်ချိန် သန်း ၆ဝဝနှင့် ကုန်ထုတ်လုပ်မှု ဒေါ်လာနှစ် ဘီလီလျံ ဆုံးရှုံး သွားကြောင်း စာရင်းများ က ဖော်ပြနေသည်။

ဆွီဒင်သုတေသီ များက ၁၉၈၁၊ ၁၉၉၁ ခုနှစ်နှင့် ၂ဝဝ၁ ခုနှစ်တို့တွင် ၁၉နှစ်ပြည့်ခဲ့သော အမျိုး သမီးအုပ်စု သုံးစုအား လေ့လာခဲ့ကြ သည်။ တစ်အုပ်စုလျှင် အမျိုးသမီး ၄ဝဝ မှ ၅၂ဝ အထိပါဝင်ပြီး ၎င်းတို့၏ ရာသီ စက်ဝန်းပုံစံ၊ ရာသီလာစဉ်နာကျင်မှု၊ သန္ဓေတားဆေးသုံးမသုံး၊ အရပ်၊ ကိုယ် အလေးချိန်စသည့် မေးခွန်းများအား မေးမြန်းခဲ့သည်။ ၎င်းတို့ အသက်၁၉ နှစ် မှ၂၄နှစ်အကြားတွင် နှစ်စဉ်မေးခွန်းများ မေးမြန်းခဲ့သည်။ ထိုအခါ သန္ဓေတား ဆေးသုံး၊ မသုံးဆိုသည့် ကိစ္စပေါ်မူတည် ၍ရာသီ လာစဉ်နာကျင်ကိုက်ခဲမှု အတိုင်း အတာသိသိသာသာကွာခြားကြောင်း တွေ့ရှိခဲ့ရသည်။

သို့သော် သားဖွားမီးယပ် ပညာရှင်များကမူ ဤကိစ္စသည် မထူး ဆန်းကြောင်း၊ သူတို့သည် ယခင်က တည်းက စာအုပ်ထဲရေး မထားသည့်တိုင် ရာသီလာစဉ်နာကျင်ကိုက်ခဲမှု များသက် သာအောင် သန္ဓေတားဆေးများ ပေးခဲ့ လေ့ရှိကြောင်း၊ ယခု တွေ့ရှိချက်မှာ ပိုမို ခိုင်မာအောင် သိပ္ပံနည်း ကျဖော်ထုတ် ပေးခြင်းဖြစ်ကြောင်းနှင့် ဆရာဝန်များအ နေဖြင့် လူနာများအား သန္ဓေတားဆေး ၏ကောင်းကျိုး၊ ဆိုးကျိုးများအား ရှင်း ပြရာတွင် ယခုအချက်အား ထည့်ပြော ပေးခြင်းဖြင့် လူနာ၏ စိတ်ဝင်စား မှုကို ပိုရနိုင်ကြောင်း ပြောပြခဲ့ကြ ပါသည်။
Good Health

နေတိုးပြောတဲ့ အချစ်အကြောင်း


နေတိုးပြောတဲ့ အချစ်အကြောင်းလူရယ်လို့  ဖြစ်လာရင် အချစ်ဆို တာကို မခံစားတတ်သူ မရှိသလောက် ရှားမယ်ထင် ပါတယ်။ တချို့ ကတော့လည်း ပိုင်ဆိုင်ရမှ အချစ်၊ မပိုင်ဆိုင်ရဘဲ ခွင့်လွှတ် အနစ်နာခံ တာကိုလည်း အချစ်လို့ဆိုပြန်ပါ တယ်။ အချစ်ဒဿန ဆရာတွေက အချစ်ကို အမျိုးမျိုး အဓိပ္ပာယ်ဖွင့်ဆို ကြသလိုချစ်ခြင်းနဲ့ အိမ်ထောင်ပြု ခြင်းကြားမှာ ဘယ်လို ဆက်နွယ်မှု တွေရှိနေလဲ အနုပညာရှင်တွေကို တီးခေါက်ကြည့်တဲ့ အခါ...

ခံယူနား လည်ထားတဲ့ အချစ်ဆိုတာ

အချစ်အပေါ်မှာ ခံယူထား တယ်ဆိုတာ မျိုးတော့ မရှိပါဘူး။ ထိတွေ့မှု ဖြစ်ပေါ်လာမှု အပေါ် ဘယ်အလုပ်မဆို အကောင်းဆုံးဖြစ် အောင် တည်ဆောက် သွားရမှာပါ ပဲ။ ချစ်သူ ဘဝဆိုလည်း ချစ်သူဘ ဝ၊ အိမ်ထောင်သည် ဘဝဆိုရင်လည်း အိမ်ထောင်သည်ဘဝ အလျောက် ပေါ့။ အဓိကကတော့ တစ်ဦးအပေါ် မှာ တစ်ဦးနားလည်နိုင်မှု ရှိရမယ်။ နှစ်ဦးနှစ်ဖက် အားသာချက်၊ အား နည်းချက်တွေနဲ့ တစ်ဦးနဲ့ တစ်ဦး အ တွင်းစိတ်တွေကို မြင်နိုင်ဖို့လိုတယ်။ သိနိုင်ဖို့လိုတယ်လို့ အိမ်ထောင်တစ် ခုနဲ့ ပတ်သက်ပြီး ကျွန်တော်မြင်တဲ့ ယူဆချက်ပေါ့။

မြင်မြင်ချင်း ချစ်တယ်ဆိုတာကို ယုံကြည်ပါတယ်

 မြင်မြင်ချင်း ချစ်တယ်ဆိုတာ ကို ယုံကြည်တယ်။ ရှိလည်းရှိပါ တယ်။ ဘာဖြစ်လို့လဲဆိုတော့ အ ချစ်ဆိုတာ မြင်မြင်ချင်းမှာလည်း ချစ် မိသွားနိုင်သလို သံယောဇဉ်တွေနဲ့ ထိတွေ့မှုများပြီးတော့ အိုးချင်းထား အိုးချင်းထိ၊ ကြိုးချင်းထား ကြိုးချင်း ငြိ ဆိုသလိုမျိုးရှိတာပဲ။ ဒါပေမဲ့ မြင် မြင်ချင်း ချစ်တယ်ဆိုတာရှိလို့ပဲ မြင် မြင်းချင်းပဲချစ်မိတယ် ဆိုတဲ့ သီချင်း ရှိတာပေါ့။ အဲဒီလိုပဲ အချိန်ကြာမြင့် တာနဲ့ သံယောဇဉ်ဆိုတာဖြစ်လာကြ တယ် ဒါကြောင့် ကျွန်တော်တို့က ရှေးထုံးလည်း ပယ်လို့မရပါဘူး။ မိမိအနေနဲ့ အချစ်ကို ဘယ်လိုခံ ယူလဲဆိုတာထက် နှစ်ဦးစလုံး ပေါင်း ဖက်ဖို့ကတော့ တစ်ယောက်အ ကြောင်းကို တစ်ယောက်သိဖို့လို အပ်ပါတယ်။ မသိဘူး ဆိုရင်တော့ သူတို့နှစ်ယောက်ရဲ့ တန်ဖိုး၊ ခံစားမှုတွေက ကြာရှည်စွာရပ်တည် လို့မရပါဘူး။ အချစ်ရဲ့ ခံယူချက်က တော့ တစ်ယောက်နဲ့ တစ်ယောက် အတွင်းကျကျ နားလည်နိုင်ဖို့ လို အပ်တယ်လို့ ကျွန်တော်မြင်ပါတယ်။

အချစ်နဲ့ အိမ်ထောင်ပြုချင်းမှာ ခြားနားချက်တွေ ရှိပါတယ်

အချစ်နဲ့ အိမ်ထောင်ပြုခြင်း ကွဲပြားခြားနားချက်ကိုပြောရမယ် ဆိုရင်တော့ အချစ်ဆိုတာက ရင် ခုန်မှုကနေ နှလုံးသား စိတ်ခံစားမှု ပေါ့။ အိမ်ထောင်ရေးဆိုတာက တော့ ဘဝတစ်ခု တည်ဆောက် တာပေါ့။ လေးနက်မှု ကွာသွားတယ် လို့ ကျွန်တော်ထင်တယ်။ ခဏတာ လိုချင်တက်မက်မှု တဏှာကနေ သစ္စာတရားနဲ့ ပြန်လည်ပေါင်းစပ် တာကို အိမ်ထောင်ရေးလို့ ကျွန် တော်မြင်ပါတယ်။
8 DAYS A WEEK ENTERTAINMENT

နေပြည်တော် တိရစ္ဆာန်ဥယျာဉ်၌ ဆီးဂိမ်းကာလအတွင်း မြန်မာ့ဆင်အကြောင်း မှတ်တမ်း ရုပ်ရှင်များ ပြသမည်

နေပြည်တော် တိရစ္ဆာန်ဥယျာဉ်အတွင်း ပြသထားသည့် ဆင်များကို တွေ့ရစဉ်။ ပြည့်သက်ဖြိုး/မြန်မာတိုင်း(မ်)

နေပြည်တော်၊ တိရစ္ဆာန်ဥယျာဉ်၌ (၂၇)ကြိမ်မြောက် အရှေ့တောင်အာရှ အားကစားပြိုင်ပွဲ ကျင်းပ
နေစဉ်ကာလအတွင်း ပြည်တွင်း၊ ပြည်ပမှ လာရောက် လည်ပတ်သည့် ဧည့်သည်များ စိတ်ဝင်စား
စေမည့် မြန်မာ့ဆင်အကြောင်းကို ပြင်သစ်နိုင်ငံအခြေစိုက် ရုပ်ရှင် ကုမ္ပဏီတစ်ခုဖြစ်သည့်
Compass Film နှင့် ပူးပေါင်းကာ 'ထူး'ဖောင်ဒေးရှင်းက နက္ခတ်တာရာပြခန်းတွင် ပြသသွားမည်ဟု
သိရသည်။

အဆိုပါ ရုပ်ရှင်တွင် ဆင်များအား မည်သို့ ထိန်းသိမ်းစောင့်ရှောက်ပုံများကို အဓိကထား ရိုက်ကူး
ထားသည့် The Elephant Power နှင့် Life Size Memory ရုပ်ရှင်များကို ပြသမည် ဖြစ်သည်။

မြန်မာနိုင်ငံအနေဖြင့် အာရှတွင်သာမက ကမ္ဘာပေါ်တွင် အာရှဆင်များ ဒုတိယအများဆုံး ပိုင်ဆိုင်
ထားသည့် နိုင်ငံဖြစ်ကြောင်းကို သိရှိစေနိုင်ခြင်း၊ ဆင်များ၏ သဘာဝကို လေ့လာထိတွေ့စေနိုင်ခြင်း၊
ဆင်များနှင့် လူသားများ၏ ဆက်နွှယ်မှုများ သိရှိစေနိုင်ခြင်း တို့အပြင် အာရှမျိုး ဆင်များအား ယခု
ထက်ပိုမို၍ မျိုးပွားတိုးတက်စေပြီး ရေရှည်တည်တံ့နိုင်ရေးအတွက် ပြည်သူများ ပိုမိုသိရှိကာ
ထိန်းသိမ်းစောင့် ရှောက်မှုလုပ်ငန်းများတွင် ပါဝင်ဆောင်ရွက်လာစေနိုင်ခြင်းစသည့် ရည်ရွယ်ချက်
များဖြင့် ပြသခြင်းဖြစ်သည်ဟု တိရစ္ဆာန်ဥယျာဉ် အုပ်ချုပ်ရေးမှူး ဦးခင်မြင့်က ယခုလ ၉ ရက်နေ့က
ပြောသည်။

"အခု ဆီးဂိမ်းကာလကို ဦးစားပေးတဲ့ အနေနဲ့ ပြသသွားမယ်။ အရင်ပြနေတဲ့ နက္ခတ်တာရာ
အစီအစဉ်တွေ ကြားထဲမှာ ထည့်သွင်းပြသသွားမှာပါ။ ပြီးတော့ လာရောက် ကြည့်ရှုသူတွေ
အဆင်ပြေအောင် ကြည့်ရှုခနှုန်းထားတွေကိုလည်း လျှော့သွားမှာပါ။ နောက်ပိုင်းမှာ အဆင်ပြေရင်
ဆက်ပြီး ပြသသွားမယ်" ဟု ၎င်းက ပြောသည်။

တိရစ္ဆာန်ဥယျာဉ်ဝင်ကြေးမှာ လူကြီး ကျပ် ၁,၀၀၀ နှင့် ကလေး ကျပ် ၅၀၀ ဖြစ် ပြီး နက္ခတ်တာရာ
ပြခန်းအတွင်း ကြည့်ရှုခ နှုန်းထားမှာ ကျပ် ၅,၀၀၀ သတ်မှတ်ထားသော်လည်း ဆီးဂိမ်းကာလ
အတွင်း ကြည့်ရှုသူများ အဆင်ပြေစေရန် ကျပ် ၂,၀၀၀ အထိ လျှော့ချကောက်ခံသွားမည်ဟု
ဦးခင်မြင့်က ပြောသည်။

လက်ရှိ နေပြည်တော် တိရစ္ဆာန်ဥယျာဉ်အတွင်းတွင် ဆင်အထီး ငါးကောင်နှင့် အမ ခြောက်ကောင်၊
စုစုပေါင်း ၁၁ ကောင်ရှိသည်။

ပြည့်သက်ဖြိုး
မြန်မာတိုင်း(မ်)

ဆံပင်ဖြူရခြင်း


ဆံပင်ဖြူရခြင်းဆံပင်ဖြူခြင်းကို ဖြစ်စေနိုင် သည့် အကြောင်းရင်း များမှာ

- မျိုးရိုးလိုက်ခြင်း

- စိတ်ဖိစီးမှု များခြင်းနှင့် အလုပ်မှ ဖိအားများခြင်း

- ကျန်းမာရေးနှင့် မညီညွတ်သော စားသောက်မှုပုံစံကြောင့် အရွယ် မတိုင်မီ ဆံပင်ဖြူနိုင်ပါတယ်။

- အချို့အခြေအနေများတွင် စိတ် ခံစားမှု အလွန်ပြင်းထန်ခြင်း ဥပမာမမျှော်လင့်ထား သော တစ်စုံတစ်ခု ကြောင့် Shock ရခြင်း၊ စိတ်ဒဏ်ရာ ရခြင်းတို့ကြောင့်လည်း ဖြစ်နိုင်ပါ တယ်။

- ဆံပင်ဖြူတစ်ချောင်းကို နုတ် လိုက်ရင် နှစ်ချောင်းထပ်ပေါက်လာ တယ်ဆိုတဲ့ အချက်ဟာ လုံးဝမှားပါ တယ်။

- မယ်လနင်ဓာတ် လျော့နည်း သွားခြင်းကြောင့် ဆံပင်ဖြူများဟာ အရောင်ဆိုးဖို့ ခက်ခဲပါတယ်။

- ဆံပင်ဖြူခြင်းဟာ ဗီတာမင် B12 ချို့တဲ့ခြင်း၊ သိုင်းရွိုက်မမျှတခြင်း စသည့် ဆေးဘက်ဆိုင်ရာ အခြေ အနေ၏ ရလဒ်ကြောင့် ဖြစ်နိုင်ပါ တယ်။

- ဆေးလိပ်သောက်သူ များဟာ မသောက်သူများနှင့် ယှဉ်လျှင် ဆံ ပင်ဖြူနိုင်ခြေ ၄ ဆ ပိုများပါတယ်။ ဆေးလိပ်သောက်ခြင်းဟာ ဆံပင် ကျွတ်ခြင်းနဲ့လည်း ဆက်စပ်နေပါ တယ်။

- ညတွင်းချင်း ဆံပင်ဖြူလာ တယ်လို့ လူတွေပြောနေကြတာဟာ မဖြစ်နိုင်ပါဘူး။ ဆံပင်ဟာ တဖြည်း ဖြည်းချင်း ဖြူလာတာပါ။ အသက် ကြီးလာတာနဲ့အမျှ ရောင်ခြယ် ပစ္စည်း ထုတ်လုပ်မှု လျော့ကျလာပြီး ဆံပင် တွေ စဖြူလာ တာဖြစ်တယ်။
Health Digest

Theme Song ဆုရ ရောင်စုံဥယျာဉ် သီချင်းနဲ့ ပတ်သက်ပြီး ပြောစရာတွေ အများကြီးရှိနေ ကြောင်း လင်းထက်ဖွင့်ဟ


မကြာမီကျင်းပတော့မယ့် ၂၇ ကြိမ်မြောက် အရှေ့တောင် အာရှအားကစားပြိုင်ပွဲရဲ့ဖွင့်ပွဲမှာ တေးသံရှင်ထူးအယ်လင်း၊ ဆုန်သင်းပါရ်၊ ဂီတမိတ် အဖွဲ့ပါဝင် သီဆိုကြမယ့် ဆီးဂိမ်း Theme Song ” ရောင်စုံ ဥယျာဉ်” တေးသီချင်းဖန်တီးရှင် လင်းထက်က ဆီးဂိမ်းပြိုင်ပွဲမှာ ဖွင့်ပွဲ၊ ပိတ်ပွဲနဲ့ အားကစားပွဲတွေကို လိုက်လံအားပေးမှာ ဖြစ်ကြောင်း သိရပါတယ်။ ဒါ ကြောင့် ဆီးဂိမ်း Theme Song ဖန်တီးရှင်ဖြစ်တဲ့ လင်းထက်ရဲ့ ဆီးဂိမ်းပွဲတော်ကြီးနဲ့ ပတ်သက်ပြီး ကြိုးစားထားပုံတွေကို မေးကြည့်တဲ့အခါ ” ကျွန်တော့် ရဲ့ ရောင်စုံဥယျာဉ်သီချင်းလေးကို ဖွင့်ပွဲမှာ ဆိုမယ်ဆိုတာကိုတော့ ကြားထားတယ်။ ကျွန်တော်ကတော့ ဘယ်အပိုင်းမှာ ဘယ် လိုပါရမလဲဆိုတာကိုတော့ မသိသေးဘူး။

ဖွင့်ပွဲအခမ်းအနားနဲ့ပိတ်ပွဲ အခမ်းအနားသွားကြည့်မယ်။ နောက်တစ်ခုက အားကစားပွဲတွေ လိုက်အားပေးမယ်။” လို့ ပြောပါ တယ်။ ဆီးဂိမ်း Theme Song ဖြစ်တဲ့ “ရောင်စုံ ဥယျာဉ်” သီချင်းနဲ့ ပတ်သက်ပြီး ဘဝမှာ အမှတ်တရတွေ အများကြီးရှိခဲ့တဲ့ လင်းထက်က ” ဆီးဂိမ်းသီချင်းနဲ့ ပတ်သက်ပြီး ကျွန် တော့်မှာ ပြောစရာတွေအများ ကြီးရှိပါ တယ်။ ကျွန်တော့် ဘဝအတွက် တကယ်ကို အမှတ်တရ တွေ များခဲ့လို့ပါ။ ဒီသီချင်းလေးကြောင့်လည်း ဒီလောကထဲမှာ ကျယ်ပြန့်တဲ့ အသိုင်းအဝိုင်း ထဲကို ရောက် လာခဲ့ တယ်။ တကယ်တမ်းကျတော့ သီချင်း ပြိုင်ပွဲတစ်ခုလုံးကလည်း အခက်အခဲဖြစ်ခဲ့တယ်။ အားစိုက်မှုတွေ အားလုံးက ကျွန်တော့် တစ် ယောက် တည်း တင် မဟုတ်ပါဘူး။ ဝိုင်းပြီးအား စိုက်ပေးကြတဲ့ ပုဂ္ဂိုလ်တွေအများကြီးရှိပါတယ်။ ရာနဲ့ချီသော လူတွေဟာ ဒီသီချင်း အပေါ်မှာ အားစိုက်ခဲ့ကြ တယ်။ အဲဒီအ တွက်ကြောင့်မို့လို့ အကျိုး ဆက် လေးခံစားရတယ်လို့ပဲ မှတ်ယူပါ တယ်။ ပရိသတ်တွေဆီ ကလည်း အများကြီး အသံကြားရသလို အားကစားသမား တွေ ဆီက လည်း ပြန်ကြားရတဲ့ အ သံ လေး တွေရှိ တော့ ပိုပြီးတော့ ပျော်ပါတယ်” လို့ လင်းထက် က ပြောပါ တယ်။

မျိုးမောင်
Popular Myanmar News Journal

မြဝတီ သတင်းစာ (12-12-2013)


ရတနာပုံ သတင်းစာ (၁၂-၁၂-၂၀၁၃)


အားကစားမြင်ကွင်း ဂျာနယ် - sports view journal (12-Dec-2013)


The Leader ရှေ့ဆောင် သတင်းဂျာနယ် (13-Dec-2013)


The Leader ရှေ့ဆောင် သတင်းဂျာနယ် (၆-ဒီဇင်ဘာ-၂၀၁၃)


စာမရတဲ့ ကျောင်းသူတွေကို နမ်းခိုင်းပြီး အိမ်ပြန်တိုင်လို့ ရက်ရက်စက်စက် ရိုက်ခဲ့တဲ့ ကျောင်းဆရာကို အရေးယူမှု မရှိသေး




သင်္ချာမေးခွန်း မဖြေနိုင်တဲ့ကျောင်းသူ(၅)ယောက်အား အတန်းဖေါ်ကျောင်းသား(၅)ယောက်ကို ဖက်နမ်းခိုင်းပြီး ထိုဖက်နမ်းသည့်ကိစ္စ မိဘများကို ပြန်ပြောသည်ဆိုပြီး
တင်ပါး၊ကြော၊ဦးခေါင်းတို့ကိုပြင်းထန်စွာရိုက်နှက်ခဲ့သည့် ဖြစ်ရပ်အပေါ် အတန်းပိုင်ကျောင်းဆရာအား ကသာမြို့နယ်တရားရုံးတွင် ၁၉၊၁၁၊၂၀၁၃ရက်နေ့က ဥိးတိုက်လျှောက် တိုင်ကြားခဲ့ရာ
ကသာမြို့နယ်ဒုတိယတရားရုံးမှ ၁၂၊၁၂၊၁၃ရက်နေ့တွင်စတင်စစ်ဆေးနေပြီဖြစ်ကြောင်း သတင်းရရှိပါသည်၊
ထိုသို့တရားရုံးမှ စစ်ဆေးနေသလို ဌာနဆိုင်ရာစစ်ဆေးမှုလည်း ပြုလုပ်သွားခဲ့ပြီးဖြစ်သည်၊ ထိုသတင်းသည့် ပညာရေးလောက ပြုပြင်ပြောင်းလဲရေးအတွက် တပ်လန့်သံ တဖွယ်ဖြစ်ကုန်ကြရသော်လည်း
ထိုဆရာအား ပညာဌာနအနေဖြင့် ယနေ့အချိန်အထိ တစ်စုံတရာ အရေးယူမှု မရှိသေးကြောင်း သိရှိရပါသည်၊(ဟာဂျူလီ-ကသာ)
မှတ်ချက်။ ။7 days မျက်နှာဖုံးသတင်းတွင်တော့ ပညာရေးဌာနမှ အရေးယူထားပြီးဖြစ်ကြောင်း ဖေါ်ပြရေးသားခဲ့ပါသည်၊
ဟာဂျူလီ ကသာ

တ​ရုတ်​လုပ်​ငန်း​ရှင်​များ​ကို ​တာဝန်​သိ ​ရင်း​နှီး​မြှုပ်​နှံ​မှု ​လုပ်​စေ​လို


တ​ရုတ်​လုပ်​ငန်း​ရှင်​တွေ​အ​နေ​နဲ့ ​မြန်​မာ​နိုင်​ငံ​မှာ ​ရင်း​နှီး​မြှုပ်​နှံ​တော့​မယ်​ဆို​ရင် ​နိုင်​ငံ​တ​ကာ ​စံ​ချိန်​စံ​ညွှန်း​တွေ​နဲ့​အ​ညီ ​တာဝန်​သိ​သော ​ရင်း​နှီး​မြှုပ်​နှံ​မှု​ကို​ပဲ ​လုပ်​စေ​ချင်​တဲ့​အ​ကြောင်း ​မြန်​မာ​နိုင်​ငံ ​ကုန်​သည်​များ​နဲ့ ​စက်​မှု​လုပ်​ငန်း​ရှင်​များ ​အ​သင်း​ချုပ် (UMFCCI ​ရဲ့ ​တွဲ​ဖက်​အ​တွင်း​ရေး​မှူး ​ဦး​အေး​လွင်​က ​ပြော​ပါ​တယ်။

တ​ရုတ်​နိုင်​ငံ ​ကွမ်​ကျိုး​မြို့​က ​စီး​ပွား​ရေး​လုပ်​ငန်း​ရှင် ၇၀ ၀န်း​ကျင် ​ရန်​ကုန်​ကို ​လာ​ရောက်​ပြီး ​မြန်​မာ ​စီး​ပွား​ရေး​လုပ်​ငန်း​ရှင် ၅၀ ​လောက်​နဲ့ ​ရန်​ကုန် ​ဆီ​ဒိုး​နား​ဟို​တယ်​မှာ ​ဒီ​ဇင်​ဘာ ၁၁ ​ရက်​နေ့​က ​တွေ့​ဆုံ​ဆွေး​နွေး​ချိန် ​သူ​က ​ခု​လို ​ပြော​လိုက်​တာ ​ဖြစ်​ပါ​တယ်။

လက်​ရှိ ​အ​ချိန်​မှာ ​တ​ရုတ်​တင်​မ​က ​ဂျ​ပန်၊ ​တောင်​ကို​ရီး​ယား​နဲ့ ​အ​နောက်​နိုင်​ငံ​က ​ရင်း​နှီး​မြှုပ်​နှံ​မှု​တွေ ၀င်​ရောက်​စ​ပြု​နေ​ပြီ ​ဖြစ်​လို့ ​တ​ရုတ်​လုပ်​ငန်း​ရှင်​တွေ​ကို ​ခု​လို ​သ​တိ​ပေး ​ပြော​ကြား​လိုက်​တာ ​ဖြစ်​ပါ​တယ်။

အဲ​ဒီ ​တွေ့​ဆုံ​ဆွေး​နွေး​ပွဲ​မှာ ​စက်​မှု​လုပ်​ငန်း​၊ ​လယ်​ယာ​မြေ​လုပ်​ငန်း​၊ ​ရေ​အား​လျှပ်​စစ်​လုပ်​ငန်း ​နဲ့​  ​လျှပ်​စစ်​ပ​စ္စည်း​ထုတ်​လုပ်​တဲ့​လုပ်​ငန်း ​အ​ပါ​အ၀င် ​လုပ်​ငန်း​ပေါင်း​များ​စွာ ​လုပ်​ကိုင်​နိုင်​မယ့် ​ကိ​စ္စ​တွေ​ကို ​ဆွေး​နွေး​ခဲ့​ကြ​ပါ​တယ်။
ဒီဗွီဘီ

အလယ်တန်း ကျောင်းသားများ ကျောင်းလခ ကင်းလွတ်ခွင့်ပေးမည်


ရန်ကုန်၊ ဒီဇင်ဘာ ၁၁

အခြေခံပညာ အလယ်တန်းအဆင့် ကျောင်းသား၊ ကျောင်းသူ များ ကျောင်းနေ နှုန်းမြဲစေရန် ပညာရေးဝန်ကြီးဌာနက ကျောင်းလခ ကင်းလွတ်ခွင့်နှင့် ပြဋ္ဌာန်းစာအုပ်များ အခမဲ့ပေးသွားမည် ဖြစ်ကြောင်း အမှတ် (၁) အခြေခံပညာ ဦးစီးဌာနနှင့် မြန်မာနိုင်ငံ ပညာရေး သုတေသနအဖွဲ့ ဦးစီးဌာန ပူးတွဲ ညွှန်ကြားရေးမှူးချုပ် ဒေါက်တာမျိုးသိမ်းကြီးက ပြောကြားသည်။

ကျောင်းထွက်နှုန်းမြင့်သော အလယ်တန်း ပညာရေးကို တားဆီးရန် လာမည့် ပညာသင်နှစ်များတွင် ကျောင်းလခ ကင်းလွတ်ခွင့်များ၊ ပညာသင်ဆုများ၊ ပညာသင် ထောက်ပံ့ကြေးများ တိုးမြှင့် ပေးသွားရန် စီစဉ်ထားကြောင်း ၎င်းက ထပ်လောင်းပြောဆိုသည်။

ယခင်က အလယ်တန်း ကျောင်းအပ်စဉ်တွင် ကျောင်းလခကြေး၊ မိဘဆရာ အသင်းကြေးနှင့် အားကစား၊ စာရေး ကိရိယာနှင့် စာကြည့်တိုက်ကြေး တို့ကို ကောက်ခံခဲ့ရာမှ လာမည့် ပညာသင်နှစ်များတွင် ကျောင်းလခကြေး မကောက်ခံဘဲ ကျန်ရန်ပုံငွေ များကိုသာ ကောက်ခံမည် ဖြစ်ကြောင်း၊ ယင်းသို့ ကောက်ခံငွေများနှင့် အလယ်တန်း ပြဋ္ဌာန်းစာအုပ်များကို အခမဲ့ ပေးသွားရန်လည်း ရှိကြောင်း ၎င်း၏ ပြောကြားချက်များအရ သိရသည်။

အလယ်တန်းအဆင့် ပညာသင် ထောက်ပံ့ကြေးများအတွက် ကမ္ဘာ့ဘဏ်နှင့် နိုင်ငံတကာ အဖွဲ့အစည်းများ အကူအညီ ယူဆောင်ရွက်သွားရန် စီစဉ်ထားကြောင်း၊ လာမည့်နှစ်တွင် အလယ်တန်းနှင့် အထက်တန်း အဆင့်အတွက် ပညာသင်ဆု ငါးဆုစီ တိုးပေးရန် ရှိကြောင်း ဒေါက်တာမျိုးသိမ်းကြီးက ဆိုသည်။
“ပညာရေးဘက်က စီမံကိန်း ဆွဲပြီးပြီ။ ဘတ်ဂျက်ရတဲ့အပေါ် ပြန်ချိတ်ဖို့ပဲ ရှိတော့တာပါ” ဟု ဒေါက်တာမျိုးသိမ်းကြီးက ပြောကြားသည်။

ပညာရေးဝန်ကြီးဌာနက လာမည့် ပညာသင်နှစ်တွင် ပြဋ္ဌာန်းစာအုပ် ဒီဇိုင်းနှင့် စာရွက်သားများကို ပြန်လည် မွမ်းမံထားပြီး ဈေးနှုန်းလည်း ပိုမြင့်သွားနိုင်ကြောင်း ပညာရေး စီမံကိန်းနှင့် လေ့ကျင့်ရေး ဦးစီးဌာနထံမှ သိရသည်။

အခြေခံပညာ အလယ်တန်း အဆင့်တွင် ပဉ္စမတန်း ကျောင်းလခအတွက် ကျပ်ငါးရာ၊ ဆဋ္ဌမတန်း ကျောင်းလခအတွက် ကျပ်ခြောက်ရာ၊ သတ္တမတန်း ကျောင်းလခအတွက် ခုနစ်ရာ၊ အဋ္ဌမတန်း ကျောင်းလခအတွက် ကျပ်ရှစ်ရာ သတ်မှတ်ထားကြောင်း အခြေခံပညာ စာသင်ကျောင်းများထံမှ စုံစမ်းသိရှိရသည်။
The Voice Weekly Myanmar

အကျဉ်းစခန်းများ အချုပ်စခန်းများတွင် ညှင်းပန်းနှိပ်စက်မှုများ ဖမ်းဆီးထားစဉ်သေဆုံးမှုများရှိနေဆဲ ဟု ပြောဆို


မြန်မာနိုင်ငံရှိ အကျဉ်းစခန်း များ အချုပ်စခန်းများတွင် ညှဉ်းပန်း နှိပ်စက်မှု များ ဖမ်းဆီးထားစဉ် သေဆုံး မှုများ ရှိနေဆဲဖြစ်ကြောင်း လူ့အခွင့် အရေးကာကွယ်မြှင့်တင်သူများအဖွဲ့ အမှုဆောင်ဒါရိုတ်တာ ဦးမြင့်အေးက ဒီဇင်ဘာ ၁ဝရက်အပြည်ပြည်ဆိုင်ရာ လူ့အခွင့်အရေးနေ့အခမ်း အနားတွင် ပြောကြားခဲ့သည်။

၂၀၁၃ခုနှစ် ဒီဇင်ဘာ ၁၀ ရက် တော်ဝင်နှင်းဆီစားသောက်ဆိုင်တွင် ကျင်းပသော အပြည်ပြည်ဆိုင်ရာလူ့ အခွင့်အရေးနေ့အခမ်းအနားတွင် ယင်းကပြောကြားလိုက်ခြင်း ဖြစ်သည်။

''အချုပ်တို့၊ အကျဉ်းစခန်းတို့တွေ မှာ အချုပ်သား၊ အကျဉ်းသားတွေကို အခုအချိန်အထိ နှိပ်စက်တာတွေရှိနေ သေးတာကြောင့် တာဝန်ရှိသူတွေက ဘာပဲပြောပြော ဒါတွေဟာ လူသားတစ် ယောက်ရဲ့အခွင့်ရေးကို ချိုးဖောက် တာအပြင် တရားဥပဒေရဲ့ကာကွယ် ပေးမှုဟာ အားနည်းနေတယ်''ဟု ဦးမြင့် အေးက ပြောသည်။

တပ်မတော်မှာ ၁၈နှစ်အောက် စစ်မှုထမ်းများကို ပြန်လည်တပ်ထွက် ခွင့်ပေးထားသော်လည်း ကလေးစစ် သားသစ်စုဆောင်းမှုနှင့်ပတ်သက်၍ မိမိတို့ဆီ ယခုအချိန်အထိ မိဘများ မိသားစုများမှ မိမိတို့ထံ လာရောက် အကူအညီတောင်းခြင်း၊ တိုင်ကြားခြင်း များရှိနေဆဲဖြစ်ကြောင်း ယင်းက ဆက်လက်ပြောကြားသည်။

ယင်းကလေးစစ်သားသစ် စု ဆောင်းခံရမှုနှင့်ပတ်သက်၍ လူ့အခွင့် အရေးကာကွယ်မြှင့်တင်သူများအဖွဲ့ အား ယခုနှစ်အတွင်း တိုင်ကြားစာ ၁၃ စောင်ရှိပြီး သမ္မတအမိန့်ဖြင့် ဖွဲ့စည်း ထားသော မြန်မာနိုင်ငံအမျိုးသားလူ့ အခွင့်အရေးကော်မရှင်ထံတွင်မူ ကလေး စစ်သားစုဆောင်းမှုနှင့်ပတ်သက်၍ တိုင်ကြားမှုမှာ ယခင်နှစ်ကထက် လျော့ နည်းလာကြောင်း သိရသည်။

ယခင်ကာလက အုပ်ချုပ်သူ အစိုးရ၊ လက်နက်ကိုင်အဖွဲ့အစည်းများ ကသာ လူ့အခွင့်အရေးချိုးဖောက်မှု အ များဆုံးတွေ့ရှိရသော်လည်းယခုအချိန် တွင် စီးပွားရေးလုပ်ငန်းရှင်များ၏ လူ့အ ခွင့်အရေးချိုးဖောက်မှုမှာ ပိုမိုများပြား လာကြောင်း လူ့အခွင့်အရေးလှုပ်ရှား သူ ဦးအောင်မျိုးမင်း (Equality Myanmar) ကပြောသည်။

၁၉၄၈ခုနှစ် ဒီဇင်ဘာ ၁၀ ရက် တွင် ကမ္ဘာ့ကုလသမဂ္ဂအဖွဲ့အစည်းက လူ့အခွင့်အရေးကြေညာစာတမ်းအား အတည်ပြုကြေညာခဲ့ပြီး ယခုအချိန် တွင် (၆၅)နှစ် ပြည့်မြောက်ခဲ့ပြီဖြစ်ကာ ယင်းနေ့၌ ကမ္ဘာတစ်လွှား တွင် ဟော ပြောပွဲများ၊ အထိမ်းအမှတ်ပွဲများ နှစ် စဉ်ကျင်းပကြသော် လည်း မြန်မာနိုင်ငံ တွင်မူ ကျင်းပခွင့်ရရှိသည်မှာ နှစ်နှစ် တာကာလမျှပင် ရှိသေးကြောင်း သိရ သည်။

ရည်မွန် ၊ဟေမန်
Yangon Media Group

လူမှုဖူလုံရေး အာမခံထားသော အမျိုးသမီးများ မီးဖွားခွင့် သုံးလခွဲအတွက် ခံစားခွင့် ရရှိတော့မည်


လူမှုဖူလုံရေး အာမခံထား ရှိသူအမျိုးသမီးများသည် လာမည့်နှစ်မှစ၍ ကိုယ်ဝန်ဆောင်မှုနှင့်မီး ဖွားမှုများအတွက် ထည့်ဝင်ကြေး ၏ရာခိုင်နှုန်းရ၀ အကျိုးခံစားခွင့် နှင့် မီးဖွားခွင့်သုံးလခွဲအကျိုးခံစား ခွင့်ရရှိတော့ မည်ဖြစ် ကြောင်း သိ ရသည်။ လက်ရှိတွင် လူမှုဖူလုံရေး အာမခံအကျိုးခံစားခွင့်အနေဖြင့် မီးဖွားခွင့်စုစုပေါင်း သုံးလ ၁၂ပတ် နှင့် ထည့်ဝင်ကြေး၏ ၆၆ဒသမ ၆ရရာခိုင်နှုန်းရရှိကြပြီး ၂၀၁၄ခုနှစ် ဧပြီလမှစကာ ယင်းသို့အကျိုးခံစား ခွင့်များ တိုးမြှင့်ရ ရှိ မည်ဖြစ် ကြောင်း လူမှုဖူလုံရေးအဖွဲ့ ဒုတိယညွှန်ကြား ရေးမှူး ဒေါက်တာလွင်လွင်ဦးလှိုင် (ဆေးဌာန)က ပြောသည်။

''၂၀၁၄ခုနှစ် ဧပြီလလောက် မှာ စနစ်သစ်ပြောင်းရင်တော့ မမွေးခင် ခြောက်ပတ်၊ မွေးပြီးရှစ် ပတ်ပေးတော့မှာမို့ စုစုပေါင်းမီး ဖွားခွင့် ၁၄ပတ်ရမှာပါ။ ထည့်ဝင် ကြေးကိုလဲ အမှန်တကယ်ဝင်ငွေ ရဲ့ ငါးရာခိုင်နှုန်းကောက်ခံပြီးခံ စားခွင့်ပေးတဲ့အခါ အဲဒီဝင်ငွေ ရဲ့ ရာခိုင်နှုန်း ရဝရမှာပါ။ လစာတစ် သိန်းဆိုရင် တစ်လ၅ဝဝဝကျပ် ထည့်ဝင်ပြီး မီးဖွားခွင့် ၁၄ပတ် (သုံးလခွဲ)အတွက် တစ်လခုနစ် သောင်းကျော်ပြန်ရမှာပါ''ဟု ယင်း က ထပ်မံပြောသည်။

ယင်းအပြင် အာမခံထားရှိ သူအလုပ်သမားများအနေဖြင့် ကိုယ်ဝန်ဆောင်နေစဉ်နှင့် မီးဖွား သည့်အခါခွင့်ပြုသည့်ဆေးရုံ၊ ဆေး ခန်း၌ အခမဲ့ဆေးကုသခြင်း၊ မီးဖွား ပြီး တစ်နှစ်တိတိအထိ ကလေးကို ဆေးကုသမှု ခံယူနိုင်သည့်အပြင် အမြွှာ ကလေးမွေး ပါက မီးဖွားခွင့် ခံစားပြီးနောက် ဆက်လက်၍ ကလေးစောင့်ရှောက်မှုအတွက် ခွင့်လေးပတ် ထပ်မံခံစားခွင့်ရရှိ မည်ဖြစ်ကြောင်း သိရှိရသည်။

ကိုယ်ဝန်ပျက်ကျခြင်းကိစ္စ များကြောင့် ခံစားခွင့်ရှိသောမီး ဖွားခွင့်ကာလအတွင်း ပျမ်းမျှလုပ် ခ၏ ရာခိုင်နှုန်း ရဝကိုခံစားခွင့်ရှိ မည်ဖြစ်ကြောင်း၊ ယင်းအကျိုးခံ စားခွင့်များနှင့်ပတ်သက်၍ ငွေ ကြေးအကျိုးခံစားခွင့်ကို ခွင့်စတင် ခံစားသည့် နေ့မတိုင် မီ သက်ဆိုင် ရာအလုပ်ဌာနတွင် အနည်းဆုံး တစ်နှစ်လုပ်ကိုင်ပြီး အဆိုပါကာလ အတွင်း အနည်းဆုံးခြောက်လ အတွက် ထည့်ဝင်ကြေးငွေပေး သွင်းပြီးသူဖြစ်မှသာလျှင် အကျိုး ခံစားခွင့်ရှိမည်ဖြစ်သည်။

ခင်သက်မွန်
Yangon Media Group