မြန်မာပြည်ကိုယ်စားပြုပြီး ဆီးဂိမ်းဝင်ပြိုင်သူတိုင်းကို တသိန်းစီ ဆုချ

ပို့စ်တင်ချိန် - 12/12/2013 09:17:00 AM




လက်ရှိ ကျင်းပနေပြီဖြစ်တဲ့ ၂၇ ကြိမ်မြောက် အရှေ့တောင်အာရှအားကစားပြိုင်ပွဲမှာ မြန်မာပြည်ကိုယ်စားပြု ပါဝင်ယှဉ်ပြိုင်သူတိုင်းကို အားကစားဝန်ကြီးဌာနက ၁ ဦးကို ၁ သိန်းစီ ဆုချခဲ့တယ်လို့ သိရပါတယ်။

၈၃၄ ဦးအတွက် ငွေကျပ် ၈၃၄ သိန်း ပေးအပ်ခဲ့တာလို့ အားကစားဝန်ကြီးဌာန ဒုတိယ၀န်ကြီး ဦးသောင်းထိုက်က ဧရာဝတီကို ပြောပါတယ်။

“မလျှော့တဲ့ ဇွဲ၊ သတ္တိနဲ့ နိုင်အောင်ယှဉ်ပြိုင်ကြပါ မောင်တို့မယ်တို့ဆိုပြီးတော့ ၁ သိန်းစီ ဆုချတာပါ... ကစားသမားအားလုံး ပွဲတိုင်းကို အကုန် လိုက်ပေးတာပါ။ အဓိကက သူတို့အနိုင်ရဖို့ အားတခုဖြစ်စေချင်လို့ပါ”လို့ သူက ပြောပါတယ်။

အားကစား ဒု ၀န်ကြီး ဦးသောင်းထိုက်ဟာ မနေ့က ငွေဆောင်မှာကျင်းပတဲ့ ရွက်လှေပြိုင်ပွဲ ဖွင့်ပွဲအခမ်းအနားကို တက်ရောက်ခဲ့ပါတယ်။
မြန်မာ့လက်ရွေးစင် ရွက်လှေအသင်းက ကစားသမားအားလုံးကို ဒီလိုပေးအပ်ရာမှာ ဒုဝန်ကြီးကိုယ်တိုင် အားကစားသမားနာမည်ကို အော်ခေါ်ပြီး ကစားသမား လက်ထဲအရောက် ရင်းရင်းနှီးနှီးနဲ့ ပေးအပ်ခဲ့တာကို တွေ့ရပါတယ်။
ဒါ့အပြင် “မြန်မာ - နိုင်ရမည်” ဆိုတဲ့ သံပြိုင်ဟစ်ကြွေးတာတွေကို ၀န်ကြီးက တိုင်ပေးပြီး ကစားသမားတွေက လိုက်အော်ခဲ့ပါတယ်။

ဆီးဂိမ်းမှာရွှေရဖို့ အဖက်ဖက်က ပံ့ပိုးပြင်ဆင်မှုတွေအပြင် ဒီလို စိတ်ဓာတ်ခွန်အားပေးမှုတွေဟာ ၀င်ပြိုင်မယ့်ကစားသမားတွေကို စိတ်ဓာတ်တက်ကြွစေမှာ အမှန်ပဲဖြစ်ပါတယ်။

မြန်မာနိုင်ငံအနေနဲ့ လက်ရှိမှာ ရွေတံဆိပ် ၁၈ ခု ရရှိထားတာကြောင့် ၂၀၁၁ ခုနှစ် အင်ဒိုနီးရှားနိုင်ငံ ဂျကာတာမြို့မှာ ပြုလုပ်ခဲ့တဲ့ ၂၆ ကြိမ်မြောက် ဆီးဂိမ်းထက်တော့ သာသွားပါပြီ။
အဲဒီတုန်းက မြန်မာနိုင်ငံက ရွှေဆု ၁၆ ခုပဲ ရခဲ့တာဖြစ်ပါတယ်။

၁၉၈၁ ခုနှစ်ကတည်းက ရွှေတံဆိပ် ၂၀ ခုထက် ပိုမရဖူးတော့တဲ့ မြန်မာနိုင်ငံအနေနဲ့ နှစ်ပေါင်း ၃၂ နှစ် အကြာမှာတော့ ဒီရလာဒ်ဆိုးကို ချေဖျက်နိုင်ဖို့ နီးစပ်နေပါပြီ။

တကယ်ဖြစ်လာမလားဆိုတာတော့ မကြာခင်ရက်ပိုင်းအတွင်း အဖြေပေါ်တော့မှာပါ။ ဆက်လက်စောင့်ကြည့်ကြဦးစို့လား...

ဆလိုင်းသန့်စင်
ဧရာဝတီ သတင်း Myanmar News