ပြည်တွင်း လေဆိပ်များကို ပုဂ္ဂလိကသို့ လွှဲပြောင်း လုပ်ကိုင်ခွင့် ပေးရာတွင် နိုင်ငံခြားသား ရင်းနှီးမြှုပ်နှံမှုကို ရာနှုန်းပြည့် ခွင့်ပြုမည် မဟုတ်

ပို့စ်တင်ချိန် - 12/12/2013 09:28:00 AM

မြန်မာနိုင်ငံ၌ လေယာဉ်များ ဝင်ထွက် ဆိုက်ကပ် အသုံးပြုလျက် ရှိသည့် ပြည်တွင်း လေဆိပ်များကို ပုဂ္ဂလိကသို့ လွှဲပြောင်း လုပ်ကိုင်ခွင့် ပေးရာတွင် လေဆိပ် ဖွံ့ဖြိုးရေး စီမံကိန်း ပူးတွဲ တင်ပြမှသာ ဆောင်ရွက်ခွင့် ပေးမည် ဖြစ်ကြောင်းနှင့် ရာနှုန်းပြည့် နိုင်ငံခြားသား ရင်းနှီး မြှုပ်နှံမှုကို ခွင့်ပြုမည် မဟုတ်ကြောင်း လေကြောင်း ပို့ဆောင်ရေး ညွှန်ကြားမှု ဦးစီးဌာနမှ သိရသည်။

''ပြည်တွင်းမှာ လက်ရှိ ဆင်းသက် အသုံးပြုနေတဲ့ လေဆိပ် သုံးခုကို ပုဂ္ဂလိက လုပ်ငန်းရှင်တွေ အနေနဲ့ စိတ်ဝင်စားတဲ့ လုပ်ငန်းရှင်တွေက မိမိ လုပ်ကိုင်လိုတဲ့ လေဆိပ်ကို လာမယ့် ဇန်နဝါရီ ၁ ရက်မှာ လေကြောင်း ဦးစီးဌာနကို တင်ပြဖို့ ဖိတ်ခေါ် ထားတယ်။

ပုဂ္ဂလိကကို ပြောင်းလဲ လုပ်ကိုင်ခွင့် ပြုရာမှာ နိုင်ငံသား လုပ်ငန်းရှင်တွေကို ဦးစားပေးမယ်။ နိုင်ငံခြားသား တွေက ရင်းနှီးမြှုပ်နှံမှုမှာ ပါဝင်မယ်ဆိုရင် ရာနှုန်းပြည့် ရင်းနှီး မြှုပ်နှံမှုကို ခွင့်ပြုမှာ မဟုတ်ပါဘူး'' ဟု လေကြောင်း ပို့ဆောင်ရေး ညွှန်ကြားမှု ဦးစီးဌာနမှ ညွှန်ကြားရေးမှူးချုပ် ဦးတင်နိုင်ထွန်းက ပြောကြားခဲ့သည်။

ယခုကဲ့သို့ ပြည်တွင်း လေဆိပ်များကို လုပ်ကိုင်ခွင့် ပြုရာတွင် လေဆိပ် တစ်ခုလုံး လွှဲပြောင်း လုပ်ကိုင်ခွင့် ပြုသည့် နည်းလမ်းကို ဦးစားပေး သွားမည်ဟု သိရသည်။

''ပုဂ္ဂလိက လုပ်ကိုင်တဲ့ အခါ ဘယ်လောက် အနေအထား ရင်းနှီး မြှုပ်နှံရမယ်၊ ဘယ်လောက် ပြန်ရမယ် ဆိုတာကို သေချာ တွက်ချက် ပြီးတော့မှ ဆောင်ရွက် စေလိုပါတယ်'' ဟု ၎င်းက သုံးသပ် ပြောကြားခဲ့သည်။

အဆိုပါ လုပ်ကိုင်ခွင့်ကို စိတ်ပါ ဝင်စားသော အဖွဲ့အစည်း၊ ကုမ္ပဏီများ အနေဖြင့် သက်ဆိုင်ရာ လေဆိပ် များ၏ အခြေအနေ သတင်း အချက်အလက်များကို လေကြောင်း ပို့ဆောင်ရေး ညွှန်ကြားမှု ဦးစီးဌာနတွင် ရယူနိုင်ပြီး လေဆိပ်များကို ကွင်းဆင်း လေ့လာနိုင်ရန် ဌာနမှ ဖိတ်ခေါ်ထားကြောင်း သိရသည်။

Aသူ
Myawady News