ဖုန်းပြောနိုင်မည့် Supersmoker Bluetooth e-cigarette
ပို့စ်တင်ချိန်
-
2/28/2014 10:43:00 AM
Supersmoker Club က ဆေးလိပ်သောက်ရင်း အဝင်ဖုန်းလက်ခံခြင်းနှင့် သီချင်းနားထောင်ခြင်းတုိ့ ပြုလုပ်နိုင်မည့် အီလက်ထရွန်နစ်စီးကရက်တစ်မျိုးကို မိတ်ဆက်ပေးခဲ့သည်။ နီကိုတင်းဓာတ်မပါဝင်သည့် အဆိုပါ အီလက်ထရွန်နစ်စီးကရက်တွင် Bluetooth ပါဝင်သောကြောင့် စမတ်ဖုန်းနှင့်ချိတ်ဆက်၍ ဖုန်းပြောခြင်း၊ သီချင်းနားထောင်ခြင်းတို့ ပြုလုပ်နိုင်သည်။ ဘက်ထရီ၏ အောက်ဘက်တွင် ခလုတ်သုံးခုပါဝင်ပြီး အလယ်ခလုတ်က Supersmoker Bluetooth ကို activate ပြုလုပ်ခြင်း ဖြစ်သည်။ ၎င်းခလုတ်ကိုနှိပ်လိုက်သည့်အခါ စမတ်ဖုန်းက အဆိုပါ device ကို သိရှိပြီး ချိတ်ဆက်မှုပြုလုပ်မည် ဖြစ်သည်။ ၎င်းခလုတ် ကို နှိပ်လိုက်သည့်အခါ တုန်ခါမှုဖြင့် သတိပေးမည်ဖြစ်ပြီး အဆိုပါ အလယ်ခလုတ်ကိုနှိပ်ရုံဖြင့် built-in microphone ဖြင့် ဖုန်းပြောဆိုနိုင်သည်။ ကျန်ခလုတ်နှစ်ခုက အသံ တိုး/ကျယ်နိုင်သည့် ခလုတ်များဖြစ်သည်။ ၎င်း Supersmoker Bluetooth ကို Android နှင့် iOS ထုတ်ကုန်များဖြင့် တွဲဖက်အသုံးပြုနိုင်သည်။ တန်ဖိုးက ယူရို ၇၉.၉၉ ဖြစ်သည်။
-နောင်နောင်
Ref: Coolest-Gadgets
Internet Journal
