ဗုဒ္ဓဟောကြား ချမ်းသာကြောင်းအကျင့်များ

ပို့စ်တင်ချိန် - 2/28/2014 12:32:00 AM

   
       လူတစ်ယောက်က မေးလာပါတယ်။ ဗုဒ္ဓဘာသာမှာ ဘယ်လိုကံတွေလုပ်ရင် ယခုဘ၀လက်ငင်း စီးပွားချမ်းရေး လူမူရေး စသောအကျိုးစီးပွားကို ဖြစ်စေပါသလဲ၊ ဘယ်လိုကံတွေလုပ်ရင် နောင်သံသရာမှာ ကောင်းကျိုးကို ဖြစ်စေနိုင်ပါသလဲ။ နဗ္ဗာန် ချမ်းသာကို ယခုဘ၀မှာတင်ရအောင် လုပ်နိုင်ပါသလား။
       ဗုဒ္ဓက အပြည့်အစုံဟောထားပြီးသားပါ။ ပစ္စုပ္ပန်ဘ၀မှာ စီးပွားရေး၊ လူမူရေးစတဲ့ အကျိုးစီးပွားတွေ ဖြစ်ဖို့ဆိုရင် ပြည့်စုံရ မယ့်တရားလေးပါး အတိုင်းလုပ်ဆောင်ဖို့လိုပါတယ်။
       "ထကြွ၊ သိမ်းဆည်း၊ မျှသုံးစွဲ၊ ပေါင်းမြဲမိတ်ဆွေကောင်း"ဆိုသည့်အတိုင်း....
၁။ အလုပ်လုပ်တဲ့အခါမှာ ၀ီရိယနဲ့ ကြိုးစားပြီး တက်တက်ကြွကြွလုပ်ဆောင်ရမယ်။
၂။ လုပ်လို့ရလာတဲ့ဥစ္စာတွေကို ကာကွယ်ထိမ်းသိမ်းရမယ်။
၃။ ကုန်သင့်တာကိုကုန်၊ မကုန်သင့်တာကို မကုန်အောင် မျှမျှတတသုံးစွဲတတ်ရမယ်။ သုံးသာသုံးပါ မဖြုန်းပါနဲ့။
၎။ အကျိုးလိုလားတဲ့ အပေါင်းအသင်းကို ပေါင်းရပါမယ်။ အကျင့်စာရိတ္တဖျက်ဆီးမယ့် အပေါင်းအသင်းကိုတော့ ရှောင်ရှား ရပါမယ်။
       ဒါဆိုရင် ယခုဘ၀မှာပဲ သန့်ရှင်းသော စီးပွားရေး၊ လူမူရေး အကျိုးစီးပွားများ ရရှိမှာပါ။ နောင်သံသရာကောင်းကျိုးရဖို့ဆိုရင် ရတနာသုံးပါး၊ ကံ၊ ကံ၏အကျိုးကို ယုံကြည်တဲ့ သဒ္ဓါရှိရမယ်။ အခြေခံငါးပါးသီလမြဲရမယ်။ ဒါထက် တက်နိုင်ရင် ရှစ်ပါး၊ ဆယ်ပါး သီလစောင့်ထိန်းရမယ်။ အယုတ်အလတ်အမြတ်မရွေး ပေးကမ်းစွန့်ကြဲတဲ့ စာဂ၊ အကြောင်းအကျိုး၊ အကောင်းအဆိုးကို ခွဲခြား နားလည်နိုင်တဲ့ပညာရှိရမယ်။ ဒါဆိုရင် နောင်သံသရာကောင်းကျိုးအတွက် သေချာသွားပါပြီ။
       ယခုဘ၀ ဆင်းရဲအားလုံးက လွတ်မြောက်နိုင်ဖို့၊ နိဗ္ဗာန်ကို ရဖို့ဆိုရင် သီလသိက္ခာ၊ သမာဓိသိက္ခာ၊ ပညာသိက္ခာ ခေါ်တဲ့ အကျင့်မြတ်ကို နည်းလမ်းတကျ ကောင်းစွာကျင့်သုံးရမှာပါ။ ဒါဆိုရင် ဆင်းရဲအားလုံးက လွတ်မြောက်နိုင်ပါတယ်။
       ဒါကြောင့် ဘုရားရှင်က လောကလူသားတွေကောင်းကျိုးအတွက် နည်းလမ်းအဆင့်ဆင့်ကို စနစ်တကျ ချမှတ်ခဲ့တာပါ။ ဒီတိုင်းကျင့်သုံးမယ်ဆိုရင် ယခုဘ၀ရော၊ နောင်ဘ၀ရောအထက်တန်းကျကျ ချမ်းချမ်းသာသာနေနိုင်ပါလိမ့်မယ်။ နောက်ဆုံးဆင်း ရဲကင်းတဲ့ နိဗ္ဗာန်ချမ်းသာကိုလည်းပဲ ကျိုးစားရင် ဒီဘ၀မှာတင်ရနိုင်ပါတယ်။ ဒီဘ၀မရတောင် နောင်ဘ၀တွေမှာ အလွယ်တကူရ ဖို့အတွက် အထောက်အပံ့ဖြစ်သွားပါပြီ။


ရွှေစမ်းမြေ အရှင်က၀ိဓဇသာရ