ဖုန်းကတ် ပျောက်ဆုံးသူများကို စည်းကမ်းသစ်များ တိုးမြှင့်သတ်မှတ်
ပို့စ်တင်ချိန်
-
8/13/2013 11:39:00 AM
ငွေကျပ် ၅ သိန်းတန် မိုဘိုင်းဖုန်းလိုင်းများ ပျောက်ဆုံးမှုအတွက် အသစ်တဖန် ပြန်လည်လျောက်ထား
ရာ၌ ယခင်ကဝယ်ယူသည့် ကုမ္ပဏီထံမှ ထောက်ခံချက် ပြန်လည်တောင်းခံခြင်း မရှိသော်လည်း ယခု
အခါ ထောက်ခံချက်ကိုတိုးမြှင့်ကောက်ခံခဲ့သည်ဟု မိုဘိုင်းဖုန်းလိုင်းအကျိုးဆောင် လုပ်ကိုင်သူ တစ်ဦး
က ပြောသည်။
“ဝ၉ ၄၃ နဲ့ စတဲ့ ဖုန်းလိုင်းတွေ ပျောက်ရင်ဘယ်ကနေဝယ်လာလဲဆိုတာကို စစ်တယ်။ ကုမ္ပဏီကနေ ဝယ်လာတာဆိုရင် ဝယ်လာတဲ့ ကုမ္ပဏီကနေပြီး ထောက်ခံချက် ပြန်တောင်းခိုင်းတယ်။
ဒီလိုမျိုး အဆင့်ဆင့် ဟိုသွားခိုင်း ဒီသွားခိုင်း လုပ်နေတာ ဘာကြောင့်လဲဆိုတာ ကျွန်တော် နားမ
လည်ဘူး။ စာချုပ်ပေါ်မှာ ဘယ်ကနေ ဝယ်လာတယ်ဆိုတာ တစ်ခါတည်း တံဆိပ်နှိပ်ပြီးသား ပါ
တာပဲ။ ဒါကိုပဲ ပြန်ပြီးတော့ ထောက်ခံချက် သွားလုပ်ခိုင်းတယ်။ ဘာမှလည်း ထူးမယ်မထင်ဘူး”
ဟု အထက်ပါ အကျိုးဆောင်လုပ်ငန်း လုပ်ကိုင်သူက ဆိုသည်။
ရွှေဂုံတိုင် မိုဘိုင်းရုံးချုပ် အနေဖြင့် မိုဘိုင်းဖုန်းကတ် လျောက်ထားသူများကို ထောက်ခံချက်တောင်း
ရာ၌ ကုမ္ပဏီများမှ ဝယ်ယူထားသည့် မိုဘိုင်းဖုန်းလိုင်းများကိုသာ တောင်းခံခြင်းဖြစ်ပြီး ၎င်းတို့ဌာနမှ ဝယ်ယူထားသည့် မိုဘိုင်းဖုန်းကတ်များ အတွက်ကိုမူ ထောက်ခံချက် တောင်းခံခြင်း မပြုလုပ်ဟု သိ
ရသည်။
ပုံမှန်အနေဖြင့် ၂ သိန်းတန် ဖုန်းလိုင်းများ ဖြစ်ကြသည့် ဝ၉ ၄၂ ဖုန်းလိုင်းများ အတွက်သာ ထောက်ခံ
ချက် တောင်းခြင်း ဖြစ်သော်လည်း ယခုတစ်ပတ် အတောအတွင်း ၅ သိန်းတန် ဖုန်းလိုင်းများ ဖြစ်ကြ
သည့် ဝ၉ ၄၃ ဖုန်းလိုင်းများကို လိုင်းကတ်ပျောက်သည့်အခါ ထောက်ခံချက် တိုးမြှင့်တောင်းခံခဲ့ခြင်း
ဖြစ်သည်။
“ပြီးခဲ့တဲ့ တစ်လလောက်က ကတ်ပျောက်လျှောက်တာ စာချုပ်ရယ်၊ မှတ်ပုံတင်မိတ္တူရယ်၊ တစ်
သောင်းကျပ်ရယ်ပဲ လိုတယ်။ လူအနည်းအများပေါ် မူတည်ပြီး ၁၅ မိနစ်အတောအတွင်းလောက်
မှာ ရလာခဲ့တယ်။ ကတ်ကတော့ ဆက်သွယ်ရေးကဝယ်ထားတဲ့ကတ်ပါ” ဟု ရွှေဂုံတိုင်ရုံးသို့ ကတ်
ပျောက်သွားရောက်လျှောက်ထားခဲ့သူ ဦးထွန်းထွန်းက ပြောသည်။ ကတ်ပျောက် လျှောက်ထားရာ
၌ တိုးမြှင့် တောင်းခံသည့် ထောက်ခံချက်နှင့် ပတ်သက်၍ ဆက်သွယ်ရေးရုံးသို့ ဆက်သွယ်မေးမြန်း
ခဲ့သော်လည်း ဖြေဆိုမည့်သူ မရှိခဲ့၍ အကြောင်းအရာများကို မသိရှိနိုင်ခဲ့သော်လည်း ရတနာပုံ Call
Center သို့ ဆက်သွယ်မေးမြန်းရာ အဆိုပါ သတင်းသည် မှန်ကန်ကြောင်း ပြန်လည်ပြောဆိုခဲ့သည်။
မြင့်ကျော်လှိုင်
