Showing posts sorted by relevance for query မီးယပ်. Sort by date Show all posts
Showing posts sorted by relevance for query မီးယပ်. Sort by date Show all posts

စုံတွဲများ သိထားရမဲ့ ကိုယ်ဝန်ရှိတယ်ဆိုတာ ဘယ်အချိန်ကို ပြောတာလဲ


Pregnancy ကိုယ်ဝန်ရှိပြီဆိုတာ Sperm ကျား-သုက်ပိုး နဲ့ Egg မ-မျိုးဥတွေ Fertilization ပေါင်းစပ်ချိန် Conception သန္ဓေတည်ချိန်ကို ခေါ်တာလား။ အဲလိုဖြစ်လာပြီး နောက်တပါတ်အကြာ Embryo implantation သားအိမ်ထဲမှာ တွယ်ကပ်လိုက်ချိန်ကို ခေါ်တာလား။

ဒီအယူအဆ ၂ မျိုးကို University of Chicago ကနေ သုတေသနလုပ်တော့ ဆရာဝန်တွေ အမြင်မတူကြတာ တွေ့ရတယ်လို့ American Journal of Obstetrics and Gynecology မှာ ရေးသားလိုက်ပါတယ်။

ဒီမေးခွန်းနဲ့ အဖြေဟာ ဘာသာရေးအယူအဆက သက်ရောက်မှာဖြစ်သလို ကိုယ်ဝန်ကို မလိုချင်လို့ ဖျက်ပြစ်တာမှာလဲ လုပ်သင့်တယ်၊ မလုပ်သင့်ဘူး ဆုံးဖြတ်ရာမှာလဲ သက်ရောက်ပါတယ်။

အမေရိကားမှာရှိတဲ့ သားဖွါး-မီးယပ် အထူးကုဆရာဝန်ပေါင်း ၁၈ဝဝ ကိုမေးမြန်းခဲ့ပါတယ်။
- မေးခွန်းကို အဖြေပေးကြတဲ့ ဆရာဝန်ပေါင်း ၁၁၅၄ ဦးရှိတယ်။
- ၅၇% က ကိုယ်ဝန်ရှိပြီဆိုတာ ကျား-သုက်ပိုး နဲ့ မ-မျိုးဥတွေ ပေါင်းစပ်ချိန်၊ သန္ဓေတည်ချိန် ဖြစ်တယ်။
- ၂၈% က ကျား-သုက်ပိုး နဲ့ မ-မျိုးဥတွေ ပေါင်းစပ်ပြီး နောက်တပါတ်အကြာ သားအိမ်ထဲမှာ တွယ်ကပ်လိုက်ချိန် ဖြစ်တယ်။
- ၁၅% က မသေခြာဘူး

Conception သန္ဓေတည်ချိန်လို့ပြောတဲ့ ဆရာဝန်တွေက ဘာသာရေးဦးစားပေးသူတွေဖြစ်ပြီး Abortion ကိုယ်ဝန်ဖျက်တာကို အားမပေးကြဘူး။
ကောက်ချက်ချရရင် "သားဖွါး-မီးယပ် အထူးကုဆရာဝန်တွေဟာ ကိုယ်ဝန်ရှိတယ်ဆိုတာကို သတ်မှတ်တဲ့နေရာမှာ ကိုယ်ဝန်ဖျက်တာကို မလိုလားကြဘဲ၊ ဘာသာရေးအဆုံးအမ တည်ကြတယ်။"

Fertilization မျိုးပေါင်းစပ်ခြင်း
ကျန်းမာ-သန်စွမ်းတဲ့ Sperm ကျား-သုက်ပိုးတွေထဲက တခုဟာ ရင့်မှည့်နေတဲ့ Egg မ-မျိုးဥတခုထဲကို အောင်အောင်မြင်မြင် Penetration ထိုးဖေါက် ဝင်ရောက်ပြီး၊ Cell division (ဆဲလ်) ပွါးခြင်းဖြစ်စဉ် စတင်ပြီဆိုရင် Fertilization (ဖါတလိုက်ဇေးရှင်း) ပေါင်းစပ်ခြင်း လို့ခေါ်တယ်။ Embryo သန္ဓေဆိုတာဖြစ်ပြီ။ ဆက်ပြီး ကြီးထွားလာတော့မယ်။

ကျား နဲ့ မ ပုံမှန် Sexual intercourse လိင်ဆက်ဆံကြရင် Millions of sperm သန်းနဲ့ချီများတဲ့ ကျား-သုက်ပိုးတွေဟာ Vagina (ဗဂျိုင်းနား) ထဲကို စွန့်ထုတ်မယ်။ ဆက်ပြီး cervix သားအိမ်အဝထဲ ဝင်တယ်။ Uterus သားအိမ်ထဲဝင်လာမယ်။ Fallopian tubes သားအိမ်ပြွန်ဆီဆက်သွားမယ်။

အမျိုးသမီးဟာ ရာသီလလည်ရက်မှာဖြစ်တဲ့ Ovulation မျိုးဥထွက်ချိန်မှာ Hormones ဟော်မုန်းတွေ ထွက်လာတယ်။ ဒါ့ကြောင့် သားအိမ်အဝမှာရှိနေတဲ့ cervical mucus အချွဲရည်ဟာ ပြောင်းလဲလာပြီး သုက်ပိုး အလွယ်တကူ ဝင်လာစေအောင် ဖန်တီးပေးရာကျတယ်။ ကိုယ်ဝန်တားဆေးတွေက ဒီအလုပ်တာဝန်ကို ဆန့်ကျင်ပေးတာမို့ သုက်ပိုး အထဲကို မဝင်စေအောင် တားဆီးပေးတယ်။ သန်းနဲ့ချီများတဲ့သုက်ပိုးတွေထဲက ၂ဝဝဝ လောက်ကဘဲ လိုရာခရီးအထိ ရောက်နိုင်ကြတယ်။

သန္ဓေတည်စေဘို့ဆိုတာ ရက်ရွေးမှန်ရတယ်။ Ovum မ-မျိုးဥက Ovary မျိုးဥအိမ်ကနေ ထွက်ပြီးတဲ့နောက် ၁၈-၂၄ နာရီကြားမှာ Sperm သုက်ပိုးနဲ့တွေ့တာ အကောင်းဆုံး အချိန်ဖြစ်တယ်။ ယောက်ျား သုက်ပိုးတွေကလဲ ထွက်ပြီးတဲ့နောက် ၃-၅ ရက်သာ အသက်ရှင်နေမယ်။ ဒါ့ကြောင့် အကောင်းဆုံး ကိုယ်ဝန် ရစေနိုင်တဲ့ရက်ဆိုတာ ရာသီလတခုမှာ ၅-၆ ရက်သာရှိတယ်။ သုတေသနလုပ်ကြည့်တော့ ကျန်းမာသန်စွမ်းကြတဲ့ အတွဲတွေဟာ ပြောတဲ့ နေ့ကောင်း-ရက်သာမှာ အတူနေကြတာတောင်မှ ကိုယ်ဝန်ရလမ်း ၃ဝ-၅ဝ% သာရှိတယ်။

သုက်ပိုးနဲ့ အဲလိုပေါင်းစပ်ပြီးတဲ့နောက် Fertilized egg မ-မျိုးဥဟာ ကိုယ်ဝန်တည်စေဘို့ ခရီးဆက်ရသေးတယ်။ သားအိမ်ပြွန်ကနေ သားအိမ်ထဲအထိ ဝင်လာပြီး သားအိမ် အတွင်းဆုံးနံရံမှာ Implantation တွယ်ကပ်ဘို့ဆိုတာ ပျမ်းမျှ ၇ ရက်ကြာသေးတယ်။ ကိုယ်ဝန်တားဆေးတွေက တွယ်ကပ်မှာကို ဟန့်တားတယ်။

သားအိမ် အတွင်းဆုံးနံရံမှာ တွယ်ကပ်ပြီဆိုတာနဲ့ ဟော်မုန်းနောက်တမျိုး တိုးထွက်လာပြန်တယ်။ Human Chorionic Gonadotrophin (hCG) လို့ခေါ်တယ်။ ကိုယ်ဝန် ရှိ-မရှိ စစ်တဲ့အခါ အဲဒီ (hCG) ရှိ-မရှိကို စစ်တာ ဖြစ်တယ်။ ဒါ့ကြောင့် Pregnancy hormone လို့လဲ ခေါ်တယ်။ သူရှိနေမှသာ Pregnancy ကိုယ်ဝန် ဆက်တည်မယ်။ တရက်ထက် တရက် များများလာရတယ်။ တရက်မှာ ၂ ဆ တိုးတာဟာ နောက်ဆုံး ၆ဝ-၈ဝ ရက်မှာ အများဆုံး ရှိလာမယ်။

ယမုန်နာ ဆေးခန်း
By HIM

အပြည့်အစုံသို့ »

အကြောတက် ခြင်းနှင့် ကန်စွန်းရွက်


===================

မကြာခဏ ဇက်ကြောတက်ကြသူများ၊ ဇက်တောင့်တင်းခြင်း၊ ကိုယ်ငွေ့နွေးနွေးနှင့် ဖျားချင် သကဲ့သို့ ဖြစ်ပြီး ကိုယ်လက်များ လေးလံခြင်း၊ ချွေးငုပ် ခြင်းများ ခံစားရပါက သိန္ဓောဆား အနည်းငယ်မျှကို ကန်စွန်းရွက် ကြိတ်ညှစ်ရည် စပ်ပေးပါ။

ထိုဆေးရည်ကို လူကြီး ဆေးတစ်ခွက်စာ အတွက် ဟင်းစာ စတီးဇွန်းနှင့် တစ်ခွန်းကို နံနက် တစ်ကြိမ်၊ နေ့လယ် တစ်ကြိမ်၊ ညတစ်ကြိမ် တစ်နေ့ သုံးကြိမ် တိုက်ကျွေးပေးပါ။ အဆိုပါ လက္ခာဏာများ အတွက် ဤဆေးရည် တစ်စက်ကို သန့်ရှင်းသော ရေဆယ်စက်နှင့် ရောစပ်၍ မျက်စဉ်း ဆေးရည် အဖြစ် ခပ်ပေး နိုင်ပါသည်။

ဟင်းလျာတစ်ခွက် ကျန်းမာရေးအတွက်

လတ်ဆက်သည့် ကန်စွန်းရိုးနီ၊ ရွက်ကျ ပန်းလိန်ရွက်ကို ရေးနွေးနှင့် ဖျောပါ။ ထို့နောက် ပါးပါးလှီး ဖြတ်တောက်၍ ငါးကျည်းခြောက်၊ ငရုတ်၊ ကြက်သွန်နီ၊ ဆီ၊ ဆား ထည့်၍ သံပရာရည် ဆမ်းကာ အသုပ်အဖြစ် စားသုံးပေးခြင်းဖြင့် အူလမ်းကြောင်းတွင် ဖြစ်ပေါ် နိုင်သော ဝမ်းကိုက် ရောဂါ၊ သွေးဝမ်း ကိုက်ရောဂါ၊ အမျိုးသမီးတို့တွင် ဖြစ်ပေါ်တတ်သော မီးယပ် သွေးပုပ် ကျန်သော ရောဂါ၊ မီးယပ် သွေးမမှန်သော ရောဂါ၊ သားအိမ်လျှောကျသော ရောဂါ၊ သားမြတ်နာ (နို့အုံနာ)၊ နို့ထွက်နည်းခြင်း၊ ဇက်ကြောထိုးခြင်း၊ ဇက်ကြောတက်ခြင်း၊ ချောင်းဆိုးခြင်း၊ အသားအရေနှင့် ပတ်သက်သော အရေပြား ရောဂါများ၊ အသံဝင် အသံပျက် ရောဂါအပြင် ဆီးအိမ်နှင့် ပတ်သက်သော ရောဂါတို့တွင် ကုသရာ၌ အသုံးဝင် စေပါသည်။

ကျန်းမာရေး

မကြာခဏ ကန်စွန်းရွက်ကို စားသုံး ပေးခြင်းဖြင့် ကျန်းမာမှုကို မြှင့်တင် ပေးနိုင်ပြီး ခွန်အား ဗလရှိခြင်း၊ ဝမ်းတွင်း ရောဂါကို သန့်စင်ပေးခြင်း၊ အပူဒဏ်၊ အအေးဒဏ်ကို ခံနိုင်ရည် ရှိ စေခြင်း၊ ရောဂါ တစ်စုံတစ်ရာ လွယ်ကူစွာ ဝင်ရောက်မှုကို တားဆီး ကာကွယ် စေနိုင်ပါသည်။ ထိုကဲ့သို့ အသုံးဝင်သော ကန်စွန်းရွက်နှင့် တိုင်းရင်းဆေး ခေါင်းစဉ်ဖြင့် စာဖတ် ပရိသတ်များ ထံသို့ ရေးသား တင်ပြ လိုက်ရပါသည်။

Ref: Health Digest

Myawady Health

အပြည့်အစုံသို့ »

ဘေးမသန်းပဲ အေးချမ်းတဲ့ အလှပိုင်ရှင်ဖြစ်ဖို့ဆိုရင်



28.4.2014

ပူပြင်းလှတဲ့ နွေရာသီမှာ အေးမြတဲ့ အလှပိုင်ရှင်လေးဖြစ်ဖို့ ဘယ်လို ပြင်ဆင်ရမယ်ဆိုတာ ပျိုမေတိုင်း သိရှိလိုကြပါတယ်။ ဟုတ်ပါတယ်။
မြန်မာ့ရေမြေမှာတော့ မြန်မာအမျိုးသမီးလေး တွေ အေးမြတဲ့အလှပိုင်ရှင်လေးဖြစ်ဖို့ဆိုရင် သနပ်ခါးပါးကွက်လေးနဲ့ အလှဆင်နိုင်မှာဖြစ် ပါတယ်။

သနပ်ခါး လိမ်းခြယ်တဲ့နေရာမှာ တချို့တွေက သဘာဝ သနပ်ခါးကို သန့်စင်တဲ့ ရေကျဲကျဲနဲ့ သွေးပြီး လိမ်းခြယ်ကြသလို အချို့တွေကျတော့ လည်း အသင့်လိမ်းခြယ် နိုင်တဲ့ သနပ်ခါးတုံးလေး တွေကို ခပ်ပျစ်ပျစ်လေးလိမ်းခြယ်ကြတယ်။

လှပစေမယ့် သနပ်ခါးပါးကွက်

သနပ်ခါးလိမ်းတဲ့အခါ အချို့တွေက တော့ ရိုးရိုးအသားအရေလှအောင် မျက်နှာ တစ်ပြင်လုံးကို လိမ်းလိုက်ပေမယ့် အလှအပကို စိတ်ဝင်စားတဲ့ ပျိုမေတွေအတွက်တော့ ပါးကွက် လှလှလေးတွေနဲ့ အလှဆင်နိုင်မှာဖြစ်ပါတယ်။

''ကျွန်မငယ်ငယ်တုန်းက ပါးကွက် မျိုးစုံကို အဖေနဲ့အမေက ကွက်ပေးခဲ့ပါတယ်။ မှတ်မိသလောက်ကတော့ သစ်ရွက်ပုံလေးတွေ၊ စက်ဝိုင်းပုံလေးတွေ၊ လေးထောင့်ကွက်၊ အဝိုင်း ကွက်နဲ့ အသည်းပုံကွက်လေးတွေ ကွက်ပေးပါ တယ်''လို့ မန္တလေးမှာနေထိုင်ခဲ့သောအမျိုးသမီး ငယ်လေးတစ်ဦးက ပြောပြသည်။

ပါးကွက်ပုံလေးတွေ ဖော်ကြမယ်

ပါးကွက် လေးထောင့်လေးတွေ၊ အဝိုင်းပုံတွေကိုတော့ လူတိုင်း ပုံဖော်တတ်ကြ ပေမယ့် အသည်းပုံ၊ စက် ဝိုင်းအကွင်းကွင်းပုံ၊ သစ် ရွက်ပုံလေးတွေကို ပုံဖော်အလှဆင်ဖို့ နည်းနည်းစဉ်းစားကြရမှာ ဖြစ်ပါတယ်။
သစ်ရွက်ပုံသနပ်ခါးပါးကွက်ကို ပုံ ဖော်ချင်ရင်တော့ နည်းလမ်းနှစ်မျိုးရှိပါတယ်။ ပထမနည်းလမ်းက သစ်ရွက်တစ်ရွက်ကို ခူးပြီး သစ်ရွက်ပေါ်မှာ သနပ်ခါးတွေ ဖုံးအုပ်လိုက်ပါ။ သနပ်ခါးဖုံးထားတဲ့ သစ်ရွက်ကို မျက်နှာပေါ်မှာကပ် ပြီး ခွာလိုက်တာနဲ့ သစ်ရွက်ပုံပါး ကွက်လေး ရရှိမှာဖြစ်ပါတယ်။

အချို့တွေကျတော့ လက်နဲ့သစ်ရွက်ပုံဆွဲပြီး တုတ်တံလေး(စုတ်တံလေး)နဲ့ သစ်ရွက် သစ်ခက်တွေကို ရေးဆွဲကြတာမျိုး လည်း ရှိပါတယ်။
အသည်းပုံ သနပ်ခါးပါး ကွက်လေးရရှိဖို့ နှုတ်ခမ်းနီဆိုးဆေး အဖုံးလေးတစ်ခု လိုအပ်ပါတယ်။ အဲဒီအဖုံး လေးကို သနပ်ခါးအနှစ်ရည်တို့ပြီး မျက်နှာ ပြင်ပေါ် အဝိုင်းလေးနှစ်ဝိုင်းဖြစ်အောင်လုပ်လိုက် ပြီး အဝိုင်းရဲ့အောက်ခြေကိုဖျက်ပြီး အသည်းပုံ အောက်ခြေအချွန်ပုံစံလေးကို တုတ်ချောင်း(သို့ မဟုတ်) စုတ်တံနဲ့ရေးဆွဲနိုင်မှာဖြစ်ပါတယ်။

ငယ်ရွယ်တဲ့ မီးမီးလေးတွေအတွက် ကတော့ နှုတ်ခမ်းနီဆိုးဆေး အဖုံးလေးတွေနဲ့ အဝိုင်းအဝိုင်းပါးကွက်ပုံစံလေးတွေ ပြုလုပ်ပေး နိုင်မှာဖြစ်ပါတယ်။

သနပ်ခါးရဲ့အကျိုးကျေးဇူးများ

မြန်မာနိုင်ငံမှာ ပေါက်ရောက်နေတဲ့ သနပ်ခါးပင်တွေရဲ့ အရွက်၊ ပင်စည်၊ အခေါက်၊ အမြစ်တွေမှာ အေးမြပြီး ဆေးဖက်ဝင်စေတဲ့ အကျိုးကျေးဇူးတွေ ရရှိနိုင်ကြောင်း သိရပါ တယ်။

''သနပ်ခါးဆိုတာ နေလောင်ဒဏ်ကို ကာကွယ်ပေးတယ်။ ကျွန်တော်တို့ထုတ် ထားတဲ့ သနပ်ခါးကတော့ အသားအရေတွန့်တာတွေပါ ကာကွယ်ပေး နိုင်ပါတယ်''ဟု တောင်ကြီးမောက် မယ်သနပ်ခါးမှ တာဝန်ရှိသူတစ် ဦးက ပြောသည်။

သနပ်ခါးလိမ်းခြယ်ပါက

(၁) သင်းပျံ့တဲ့ရနံ့ကြောင့် စိတ် ကြည်လင်စေမှာ ဖြစ်ပါတယ်။

(၂) ရေ နဲ့သွေးပြီးလိမ်းခြယ်ရတဲ့အတွက် အေးမြမှုကို ရရှိစေမှာဖြစ်ပါတယ်။

(၃) နေရောင်ခြည်ဒဏ် ကိုလည်း ကာကွယ်ပေးမှာ ဖြစ်ပါတယ်။

(၄) ဝက်ခြံများကို ပျောက်ကင်းစေနိုင်မှာဖြစ်ပါတယ်။

(၅) အသားအရေ ချောမွတ်စိုပြည်စေမှာဖြစ်ပါ တယ်။

(၆) မှိုစွဲနာကိုကင်းစင်စေမှာဖြစ်ပါတယ် လို့ သနပ်ခါးရဲ့လျှို့ဝှက်ချက်အကြောင်းကို သိရ ပါတယ်။

ဆေးဖက်ဝင်တဲ့ မြန်မာ့သနပ်ခါး

သနပ်ခါးမှာ ငန်းမန်းကိုနိုင်စေသလို အပူနာ၊ အအေးနာနှစ်မျိုးစလုံး အတွက်လည်း အသုံးပြုနိုင်ပါတယ်။ ဝက်ရူးပြန်ရောဂါဆေးမှာ သုံးပြီး အနာကြီးရောဂါသည်များအတွက် သနပ် ခါးရွက်ပြုတ်ကာ ရေချိုးချွေးအောင်းနိုင်ပါတယ်။ ငှက်ဖျားနာအတွက် အရွက်ကို ဆားခတ်သောက် နိုင်ပြီး အမြစ်ကို နနွင်းနဲ့သွေးလိမ်းပါက မီးယပ် ရောဂါသည်များ ပျောက်ကင်းနိုင်တယ်။ ကလေး ငယ်တွေ ချွဲကျပ်ရင် ကွမ်းရွက်စိမ်းရည်နဲ့တိုက် လို့ရတယ်လို့ သိရပါတယ်။

အလှအပအတွက်သာမက ကျန်း မာရေးအတွက်လည်း အထူးအသုံးဝင်တဲ့သနပ် ခါးကို ရှေးမြန်မာဘုရင်များလက်ထက်ကတည်း က အသုံးပြုကြပြီး ယနေ့ခေတ်မှာ အသင့်လိမ်း သနပ်ခါးတုံး၊ သနပ်ခါး အနှစ်၊ အရည်များကို တိုးချဲ့ထုတ်လုပ်လာကြပါတယ်။

ခေတ်မီအသင့်လိမ်းသနပ်ခါးများ

ဓာတုဗေဒလုံးဝမပါတဲ့ သစ်မြစ်သနပ် ခါးတုံးကို လိမ်းခြယ်အလှဆင်ရတာ ကြိုက်နှစ် သက်သူများရှိသလို အသင့်လိမ်းရလွယ်ကူပြီး ကံ့ကော်၊ ရှင်မတောင်၊ စံပယ်၊ ခရေ၊ သံပရာ စတဲ့ရနံ့ပါဝင်တဲ့ အသင့်သုံးသနပ်ခါးခဲများကို သုံးစွဲသူများစွာရှိကြပါတယ်။

ယင်းသနပ်ခါးဘူးများကို ဈေးနှုန်း ကျပ် ၁၅ဝဝကျော်၊ ၂ဝဝဝနီးပါးဖြင့် ရောင်းချလျက်ရှိကြောင်းနှင့် ဈေး ကွက်အတွင်းမှာတော့ တောင်ကြီးမောက် မယ်၊ ရွှေပြည်နန်းနှင့် ရွှေဘိုမင်းသမီး သနပ်ခါးများကို လိမ်းခြယ်သူများပြား လှပါတယ်။

သို့ဖြစ်၍ မြန်မာ့ပျိုမေတွေအနေ နဲ့ မြင်သူတိုင်း ရင်မှာ အေးချမ်း တဲ့ အလှတရားများကို ပိုင်ဆိုင် နိုင်ကြစေဖို့ ယခုတစ်ပတ်အလှအပ ရေးရာ လမ်းညွှန်ကဏ္ဍမှလေ့လာ ဖော်ပြပေးလိုက်ပါတယ်။ ။

Flower News Journal | အတွဲ ၁၀ ၊ အမှတ် ၁၆



အပြည့်အစုံသို့ »

ဆူးပုပ်ရွက်၏ ကျန်းမာရေး စွမ်းပကားများ


ဆူးပုပ်ရွက်ဟာလည်း ကျန်းမာရေး အကျိုးကျေးဇူးတွေကို ပေးစွမ်းပါတယ်။

ချောင်းဆိုးရောဂါများကို ပျောက်ကင်းစေတဲ့ အပြင် မီးယပ်ရောဂါ အတွက်လည်းကောင်းမွန်တဲ့ ဆေးတစ်လက် ဖြစ်ပါတယ်။ ဒါ့အပြင် အစာမကြေ ရောဂါများ အတွက် ကောင်းမွန်တဲ့ ဆေးတစ်လက် ဖြစ်ပါတယ်။ လေရောဂါများ အတွက်လည်း ကောင်းမွန်စေပါတယ်။

အသားမာတက်ခြင်းနှင့် သွားဖုံ သွေးထွက်ခြင်းတွေ အတွက် မှီဝဲပေးသင့်သော
အစာအစာ တစ်မျိုးဖြစ်လို့ ရေးသားလိုက်ရပါတယ်။

ကျော်လင်းနိုင်
ကျန်းမာရေးနှင့် အလှအပ သတင်းများ

အပြည့်အစုံသို့ »

Abortion or not ကိုယ်ဝန်ဖျက်တယ်ဆိုတာ


(၁) ဆရာခင်ဗျား။ ကိုယ်ဝန်ဖျက်ချတာနဲ့ ပတ်သက်ပြီး လူသတ်မှု မြောက် မမြောက် သိချင်လို့ပါ။ ဆေးပညာအရ သန္ဓေတည်ခြင်း၊ လူ့အသက်၊ သေခြင်း စတာတွေကို ဘယ်လိုသတ်မှတ်သလဲ ရှင်းပြပေးပါခင်ဗျာ။
(၂) ကိုယ်ဝန်ဖျက်ချတာ လူသတ်မှု မမြောက်ပါ။ သို့သော် လူသတ်မှုကဲ့သို့ ပြစ်ဒဏ်ကြီးလေးပါသည်။ ပြစ်မှုပုဒ်မ ၃၁၃ တွင် မိခင်သဘောမတူဘဲ ပျက်စေလျှင် သေဒဏ်ထိပြဋ္ဌာန်းထားပါသည်။ ပုဒ်မ ၃၁၅ တွင် မိခင်ကိုယ်တိုင် ပျက်စေလျှင် ထောင်ဒဏ် ၁ဝ နှစ်ထိပြဌာန်းထားပါတယ်။ မိခင်အသက်ကယ်ရန်ဆိုရင် ကင်းလွတ်ခွင့် ရပါတယ်။

• ယောက်ျားကနေ လိင်ဆက်ဆံမှုဖြစ်စဉ် အဆုံးမှာ သုက်ရည်တွေ ထွက်တယ်။ တခါထွက်တာထဲမှာ သုက်အကောင်ရေ သန်း ၄ဝ ကနေ ၁၅ဝ ပါနေမယ်။
• မိန်းမမျိုးဥအိမ်ကနေ ရင့်မှည့်နေတဲ့ မျိုးဥထွက်လာတာနဲ့ သားအိမ်ပြွန်ထဲကို အဖျားမှာ လက်ဝါးလိုနေတဲ့ အပေါက်ဝကနေ ဝင်လာမယ်။
• အမျိုးသမီး ဗဂျိုင်းနာထဲမှာ အဲလို စွန့်ထုတ်-ပန်းထွက်မှု ဖြစ်တာနဲ့ သုက်ကောင်တွေဟာ သားအိမ်ဝကနေ သားအိမ်ထဲကို ရေကူးသလို တက်လာကြမယ်။ မ-မျိုးဥကို အငန်းမရ လိုက်ရှာနေကြတာ ဖြစ်တယ်။ အမြန်ဆုံး သုက်ပိုးဟာ နာရီဝက်သာ ကြာတယ်။ နှေးတဲ့ကောင်တွေက တရက်နဲ့ မရောက်နိုင်ဘူး။
• တခုတည်းသော သုက်ပိုးကနေ ရင့်သန်မှုရှိနေတဲ့ မျိုးဥထဲကို ထိုးဖေါက်ဝင်ရောက်တာနဲ့ Conception သန္ဓေဖြစ်ခြင်း ဒါမှမဟုတ် Fertilization မျိုးစပ်ခြင်းဖြစ်စဉ် စတင်ပါတော့မယ်။
• ဒီဖြစ်စဉ်က ၂၄ နာရီသာကြာတယ်။ ဒီအချိန်မှာ Genetic makeup မျိုးဗီဇအသစ်ပုံဖေါ်မှု ပြီးဆုံးသွားပြီ ဖြစ်တယ်။ ကလေးဟာ မိန်းကလေးလား၊ ယောက်ျားလေးလား သတ်မှတ်လိုက်ပြီ ဖြစ်တယ်။ စမ်းလို့တော့ မရနိုင်သေးဘူး။
• မျိုးဥထဲကို သုက်ပိုးတခု ဝင်ရောက်လာနိုင်တော့တဲ့နောက်မှာ မျိုးဥအဖုံးနံရံက ပြောင်းလဲလာမယ်။ နောက် သုက်ပိုးတွေ ဝင်မလာစေတော့အောင်လုပ်တာ ဖြစ်တယ်။
• ဆဲလ်တခုချင်းစီသာရှိတဲ့ သုက်ပိုးနဲ့ မျိုးဥဟာ တခုတည်းသာဖြစ်လာပြီး ချက်ချင်း ၁ ကနေ ၂ အဆင့်ကို ဒုတိယနေ့မှာ ဖြစ်မယ်။ ဆက်ပြီး ၂ ကနေ ၄ အဆင့်ကို ၃-၄ ရက်မှာဖြစ်ပြီး ၈ ကို ၄ ရက်မြောက်မှာဖြစ်လာမယ်။
• ဆဲလ်ပွါးခြင်းဖြစ်စဉ်အတွင်းမှာ သုက်ပိုးနဲ့ မျိုးဥတွေ့ဆုံခဲ့ကြတဲ့ သားအိမ်ပြွန်ဖျားပိုင်းလောက်ကနေ သားအိမ်ထဲ ဝင်လာမယ်။
• ဆလ်ပွါးခြင်းဖြစ်စဉ်ဆက်ဖြစ်ပြီး ထောင်ဂဏန်အရေအတွက်ကနေ သိန်း-သန်းအထိ တိုးတိုးလာမယ်။ ၅ ရက်ကနေ ၇ ရက်အတွင်း သားအိမ်အတွင်းနံရံကို လာပြီး တွယ်ကပ်မြုပ်ဝင်မယ်။
• Implantation သန္ဓေကပ်ပြီလို့ပြောနိုင်ပြီဖြစ်တယ်။ အတူနေပြီးနောက် ၆ ရက်လို့ ယူဆနိုင်တယ်။ ဒါကြောင့် အရေးပေါ် တားဆေးတွေကို အတူနေပြီး ၅ ရက် (၁၂ဝ နာရီ) အတွင်း အသုံးပြုဘို့ ညွှန်ရတာဖြစ်တယ်။

• (ဆဲလ်) ပွါးဖြစ်စဉ်က ရပ်မနေဘူး။ များသထက် များလာမယ်။ သားအိမ်အတွင်းဆုံးလွှာမှာ နစ်မြုပ်တွယ်ကပ်တာ ဖြစ်ပြီးနောက် (ဆဲလ်) တချို့က အချင်း၊ (ဆဲလ်) တချို့က ကလေးဖြစ်လာကြတယ်။
• ကိုယ်ဝန်ဆောင်တာနဲ့ ဟော်မုန်းတွေ အမျိုးမျိုးက အချိန်ကိုက်ထွက်လာမယ်။ သန္ဓေဖြစ်ခြင်းဖြစ်စဉ် ပဌမပတ်မှာ အသစ်ထွက်လာတဲ့ အချင်းနဲ့ဆိုင်တဲ့ ဟော်မုန်းတမျိုးက (hCG) ဖြစ်တယ်။ ဒီဟော်မုန်း သွေးထဲ၊ ဆီးထဲ ပါနေတာကို သိအောင် စစ်နည်းနဲ့ ကိုယ်ဝန် ရှိနေ-မနေ စမ်းကြရတယ်။ အဖြေမှန်ရအောင် ၃-၄ ပတ် စောင့်ရတယ်။
• ၄ ပတ်ရှိရင် ဦးခေါင်း၊ လည်ပင်း၊ မျက်နှာ သိသာလာပြီ။ ကလေးရဲ့ နှလုံးဟာ ၅ ပတ်အကြာမှာ ဖြစ်လာတယ်။ ဦးနှောက်၊ ခါးရိုးထဲက အာရုံကြောကြီးတွေလဲ ဆက်တိုက်ဖြစ်ပေါ်လာတယ်။ အဆုပ်၊ အသဲ၊ အစာအိမ်၊ အူ စတာတွေ ဖြစ်လာမယ်။
• ၈ ပတ်ဆိုရင် Fetus သန္ဓေသားလို့ခေါ်နိုင်ပြီ။ အရွယ်အစားအားဖြင့် လက္မဝက်မက ရှိလာပြီ။ ပါးစပ်၊ နှာခေါင်း ပီပြင်လာပြီ။ ၄ဝ-၄၂ ပတ်အထိ ဆက်ကြီးထွားလိမ့်မယ်။
• ၁၂ ပတ်ရောက်ရင် ၂ လက္မရှိပြီ။ လှုတ်ရှားမှုစလာပြီ။ မိခင်လောင်က မသိသေးဘူး။ ဗိုက်ကိုစမ်းရင် ဆီးစပ်ရိုးမှာ တခုခု ခံနေတာ (သားအိမ်အမြင့်ဆုံးနေရာ) ကိုစမ်းလို့ တွေ့နိုင်ပြီ။ ကရိယာနဲ့စမ်းရင် နှလုံးအလုပ်လုပ်နေတာ သိမယ်။ ကျား-မ ခွဲလို့သိမယ်။
• ၁၆ ပတ်ရှိရင် ၄့၃ ကနေ ၄့၆ လက္မရှိလာပြီ။ ၃့၅ အောင်စလေးနေပြီ။ ဗိုက်ကိုစမ်းရင် ဆီးစပ်ရိုးနဲ့ ချက်ကြားအထိ သားအိမ်က မြင့်တက်နေပြီ။
• ၂ဝ ပတ်ဆိုရင် သားအိမ်အမြင့်က ချက်အောက်တည့်တည့်မှာရောက်လာပြီ။ ၆ လက္မရှိပြီ။ မအေက အထဲမှာ ကလေးလှုတ်တာ သိနိုင်ပြီ။ (အာလ်ထွာဆောင်း) ရိုက်တာကို အများအားဖြင့် ၂ဝ ပတ်မှာ လုပ်တယ်။
• ၂၄ ပတ်ရှိရင် ၁့၎ ပေါင်လေးနေပြီ။
• ၂၈ ပတ်မှာ ၂ ပေါင် ၆ အောင်စလေးပြီ။ ကလေးက အထဲမှာ အနေအထား အမျိုးမျိုးပြောင်းနေမယ်။ အချိန်စောမွေးတာဖြစ်လာရင်လဲ ရှင်နိုင်စွမ်းရှိလာနေပြီ။
• ၃၂ ပတ်ဆိုရင် ၄ ပေါင်လေးပြီ။ အရေပြားအောက်မှာ အဆီစုလာရာကနေ အရေးအကြောင်းလေးတွေ ဖြစ်လာနိုင်ပြီ။
• ၃၆ ပတ် အကြောင်းခံ အမျိုးမျိုးကြောင့် ကလေးအရွယ်အစား အမျိုးမျိုးဖြစ်နိုင်တယ်။ ပျမ်းမျှ ၆ ပေါင်လေးပြီး၊ ၁၈့၅ လက္မရှည်မယ်။
• ၃၇ ပတ်ပြည့်တာကို ကိုယ်ဝန် အပြည့်သက်တမ်းလို့ ခေါ်နိုင်တယ်။ ANC မှတ်တမ်းမှာ ၄ဝ ပတ်ကို EDD ခန့်မှန်းခြေမွေးမဲ့ရက်လို့ တွက်ပေးထားမယ်။ တကယ်မွေးမှာက ၃၈ ပတ်ကနေ ၄၂ ပတ်အတွင်း ဖြစ်မယ်။

ကိုယ်ဝန်ရှိပြီဆိုတာ ကျား-သုက်ပိုး နဲ့ မ-မျိုးဥတွေ ပေါင်းစပ်ချိန်၊ သန္ဓေဖြစ်ချိန်ကို ခေါ်တာလား။ သားအိမ်ထဲမှာ တွယ်ကပ်လိုက်ချိန်ကို ခေါ်တာလား။ ဒီအယူအဆ ၂ မျိုးကို သုတေသန လုပ်တော့ ဆရာဝန်တွေ အမြင်မတူကြတာ တွေ့ရတယ်လို့ အမေရိကန် သားဖွါးမီးယပ် ဂျာနယ်မှာ ရေးသားလိုက်ပါတယ်။

မေးခွန်းကို အမေရိကားမှာရှိတဲ့ သားဖွါး-မီးယပ် ဆရာဝန်ပေါင်း ၁၁၅၄ ဦးတို့ကနေ အဖြေတွေပေးခဲ့ကြတယ်။ ၅၇% က ကိုယ်ဝန်ရှိပြီဆိုတာ ကျား-သုက်ပိုး နဲ့ မ-မျိုးဥတွေ Fertilization ပေါင်းစပ်ချိန်၊ Conception သန္ဓေတည်ချိန် ဖြစ်တယ်။ ၂၈% က ကျား-သုက်ပိုး နဲ့ မ-မျိုးဥတွေ ပေါင်းစပ်ပြီး နောက်တပါတ်အကြာ သားအိမ်ထဲမှာ Embryo implantation တွယ်ကပ်လိုက်ချိန် ဖြစ်တယ်။ ၁၅% က မသေခြာဘူးလို့ ဆိုပါတယ်။

အဖြေတွေမှာ ဘာသာရေးအယူအဆ သက်ရောက်မှုရှိမှာဖြစ်သလို ကိုယ်ဝန်ကို မလိုချင်လို့ ဖျက်ပြစ်တာမှာလဲ လုပ်သင့်တယ်-မလုပ်သင့်ဘူး ဆုံးဖြတ်ရာမှာလဲ သက်ရောက်စေတယ်။

ဘာသာရေးတွေက မတူသလို ဥပဒေတွေကလဲ တနေရာနဲ့တနေရာမှာ မတူကြပါ။ မြန်မာဆရာဝန် တယောက်အနေနဲ့ ကျန်းမာရေးဒေါင့်ကနေပြောရရင် ယောက်ျား-မိန်းမ အတူနေကြပြီးနောက် အရေးပေါ်တားဆေး-တားနည်းကို (၅) ရက် အတွင်းလုပ်လို့ ကိုယ်ဝန်မရတာဟာ အပြစ်လွတ်တယ်။ ၆ ရက်ကနေစပြီး ကိုယ်ဝန် ဘယ်အဆင့်မှာဖြစ်ဖြစ် ဆက်မတည်နိုင်အောင် ဘယ်နည်းနဲ့လုပ်လုပ် ကိုယ်ဝန်ကို ဖျက်ရာရောက်တယ်။

Dr. တင့်ဆွေ
၁၉-၁၁-၂ဝ၁၁
၇-၄-၂ဝ၁၄

အပြည့်အစုံသို့ »

ရာသီသွေးဆင်းများခြင်း






ရာသီသွေး ဆင်းများခြင်းနဲ့ သွေးဆင်းရက် ကြာခြင်း တွေဟာ အများအားဖြင့် အပျိုဖော် ဝင်ခါစ မိန်းကလေး ငယ်တွေနဲ့ သွေးဆုံး ခါနီး

အမျိုးသမီး တွေမှာ ဖြစ်တတ်ပေမယ့် တစ်ခါ တစ်ရံ အသက်၂၀ ကျော်နဲ့ ၃၀ ကျော်အရွယ် အမျိုးသမီး တွေမှာလည်း ဖြစ်နိုင်ပါတယ်။ ရာသီသွေး ဆင်းများ လွန်ရင် ပြင်းပြင်း ထန်ထန် နာကျင်မှု၊ ပျို့ခြင်းနဲ့ မသက်မသာ ဖြစ်ခြင်းတွေကို ခံစားရပြီး ပုံမှန်နေ့စဉ် လုပ်ဆောင် နေကျ အလုပ်တွေကိုတောင် မလုပ်နိုင်တော့ တာမျိုး ဖြစ်တတ် ပါတယ်။ ပုံမှန်မဟုတ်ဘဲ ရာသီသွေး ရုတ်တရတ် အများကြီး ဆင်းရင် သားဖွား မီးယပ် အထူးကု ဆရာဝန်နဲ့ ပြသဖို့ လိုပါတယ်။

ဖြစ်နိုင်သော အကြောင်းရင်းများ

ရာသီသွေး များများ ဆင်းစေနိုင်တဲ့ အကြောင်းအရင်းတွေ ကတော့ မျိုးဥအိမ်ရဲ့ လုပ်ဆောင်မှု မမှန်ခြင်းကြောင့် ဟော်မုန်း မညီမျှခြင်း၊ သားအိမ် အတွင်းမှာ ကင်ဆာ မဟုတ်တဲ့ အကျိတ် ဖြစ်ခြင်း ဒါမှမဟုတ် သားအိမ်နံရံမှာ အဖု အသီးဖြစ်ခြင်း၊ သန္ဓေတားဖို့ အတွက် သားအိမ် တွင်းထည့် ပစ္စည်းသုံးခြင်း၊ အရောင်ကျ ဆေးနဲ့ သွေးမခဲ ဆေးတွေကို မှန်မှန်သောက်ခြင်း စတာတွေ ဖြစ်နိုင် ပါတယ်။

ဒီထက်ပိုပြီး ပြင်းထန်တဲ့ အကြောင်းရင်း တွေလည်း ဖြစ်နိုင် ပါသေးတယ်။ သားအိမ် ကြွက်သား ထဲကို သားအိမ် အတွင်းမြှေးမှ ဂလင်းတွေက ထိုးဖောက် ဝင်ရောက် ကြီးထွားခြင်း၊ မျိုးဥအိမ်၊ သားအိမ် ဒါမှမဟုတ် သားအိမ်ခေါင်း ကင်ဆာ တွေကြောင့်လည်း ဖြစ်နိုင်ပါတယ်။

တစ်ခါတစ်ရံမှာ အလုပ် ပြင်းပြင်း ထန်ထန် လုပ်ခြင်း ဒါမှမဟုတ် စိတ်ပိုင်း ဆိုင်ရာ အကြီးအကျယ် ထိခိုက် ခံစားရခြင်းတွေ ကြောင့်လည်း ရာသီသွေး ဆင်းများ နိုင်ပါတယ်။ ကိုယ်ဝန် ပျက်ကျခြင်း ကြောင့်လည်း သွေးအများကြီး ဆင်းနိုင်ပါတယ်။

ဆောင်ရန်၊ ရှောင်ရန်

ရာသီသွေး များများ ဆင်ခြင်းကြောင့် ခန္ဓာကိုယ်မှာ ရေဓာတ် ခန်းခြောက်မှုနဲ့ မရှိမဖြစ် အာဟာရ ဓာတ်တွေ ဆုံးရှုံးမှု ဖြစ်နိုင်ပါတယ်။ ဒါကြောင့် ရာသီသွေး ဆင်းများ သူဟာ ရေနဲ့ သစ်သီး ဖျော်ရည် များများ သောက်ဖို့၊ ဗီတာမင်နဲ့ သတ္တုဓာတ် ကြွယ်ဝတဲ့ အစားအစာတွေကို စားပေးဖို့ အလွန်အရေး ကြီးပါတယ်။

ရာသီသွေး ဆင်းများရင် သံဓာတ် ဆုံးရှုံးမှုလည်း များတဲ့အတွက် သံဓာတ် ချို့တဲ့ သွေးအား နည်း ရောဂါ မဖြစ်အောင် အသား၊ ငါး၊ ကြက်ဥ၊ ဘဲဥနဲ့ ပဲအမျိုးမျိုးတွေကို စားပေးဖို့ လိုပါတယ်။ ဒါမှ သွေးထဲက ဟေမိုဂလိုဘင် အဆင့်ကို ထိန်းသိမ်းပေးနိုင်ပြီး အားနည်းတာနဲ့ မောပန်း နွမ်းနယ် တာတွေ မဖြစ်အောင် ကာကွယ်နိုင်ပါမယ်။

စားတဲ့ အစားတွေထဲမှာ ချဉ်တဲ့ သစ်သီးတွေလိုမျိုး သဘာဝ ဗီတာမင်စီ ကြွယ်ဝတဲ့ အစာ တွေလည်း ပါဝင်သင့် ပါတယ်။ ရာသီလာစဉ် အတွင်း နာကျင်မှုနဲ့ စိတ်ဖိစီးမှု လျော့ပါးစေဖို့ ကဖင်းပါတဲ့ အရည်တွေ (ကော်ဖီ၊ လက်ဖက်ရည်၊ ကိုလာ)ရှောင်ပြီး သဘာဝ လက်ဖက်ရည် (Herbal Tea) သောက်ပေးပါ။

အကိုက်အခဲ ပျောက်ဆေးတွေကို တတ်နိုင်သမျှ မသောက်ပါနဲ့။ လေ့လာမှုတွေ အရ တက်ကြွတဲ့ ဘဝနေထိုင်မှု ပုံစံရှိသူ အမျိုးသမီး တွေဟာ အထိုင်များတဲ့ အမျိုးသမီး တွေထက် ဒီပြဿနာ အဖြစ်နည်းတာကို တွေ့ရပါတယ်။ ရွရွပြေးတာ၊ ရေကူးတာ၊ အေရိုးဗစ် လေ့ကျင့်ခန်း လုပ်တာ ဒါမှမဟုတ် ယောဂ ကျင့်တာလိုမျိုး လေ့ကျင့်ခန်း တစ်ခုခုကို နေ့စဉ် အနည်းဆုံး တစ်နာရီခန့် လုပ်ပါ။

Ref: Good Health


အပြည့်အစုံသို့ »

ကလေးငယ်ကို ခိုးယူပြီး လူကုန်ကူးတဲ့သူဆီ ပြန်ရောင်းတဲ့ သားဖွားမီးယပ်ဆရာဝန်


တရုတ် နိုင်ငံ မှာ လူကုန် ကူးမှု နဲ့ ပတ်သက် ပြီး သေဒဏ် ပြစ်ဒဏ် အထိ ချမှတ် နေ ပေမယ့် တစ် အိမ် ထောင် ကို ကလေး တစ်ယောက် သာ ယူရမယ့် မူဝါဒ ကြောင့် ထိရောက် စွာ ဟန့် တား နိုင်ခြင်း မရှိ သေး ဘူး လို့ သိရပါတယ်။ လူကုန် ကူးတွေထဲမှာ ဆရာဝန်တွေလည်း ပါဝင် ပတ် သက် နေ တာ မို့ တရုတ် အာဏာ ပိုင် တွေ အတွက် သတိပေး တပ်လှန့်သလို ဖြစ်ခဲ့ရပါတယ်။ တရုတ်နိုင်ငံက သားဖွား မီးယပ် ဆရာဝန် တစ် ဦးဟာ သူ့ အနေနဲ့ လူကုန်ကူးမှုတစ်ခုမှာ ပါဝင် ပတ်သက်ခဲ့တယ်လို့ ထွက်ဆိုခဲ့တာကြောင့် တရားရုံးမှာ စစ်ဆေးမှုတွေ စတင်ပြုလုပ်နေ ပြီဖြစ်ပါတယ်။ ဒီဆရာဝန်ရဲ့ အမည်က Zhang ဖြစ်ပြီး မွေးရာပါ နာမကျန်း ဖြစ်နေ တယ်ဆိုပြီး ကလေးမိဘတွေကို ပြောဆိုပြီးတဲ့နောက် ကလေးငယ်ကို ခိုးယူကာ လူကုန်ကူးသူတွေ ထံ ရောင်းချခဲ့တာ ဖြစ်ပါ တယ်။

Zhang ဟာ အငြိမ်းစား ယူတော့မယ့် ဆရာဝန်တစ်ဦးဖြစ်ပြီး အခုလို ဖြစ်ရပ်ပေါ်ပေါက် ခဲ့တာမို့ သူ တာ ၀န် ထမ်းဆောင်ခဲ့တဲ့ ဆေးရုံအ ချို့မှာ လူကုန်ကူးမှုတွေ ပေါ်ပေါက် ခဲ့သလား ဆိုတာ စုံစမ်း မှုတွေ ပြုလုပ်သွား မှာဖြစ်ပါ တယ်။ Zhang ဟာ ကလေး မိဘတွေကို မွေး ဖွားလာ တဲ့ကလေးက နာမကျန်း ဖြစ်နေ လို့ စွန့်လွှတ် ရန် (သို့မဟုတ်) ပေးပစ်ရန် စည်းရုံး ခဲ့သေးတယ်လို့ သိရပါတယ်။ ၂၀၁၁ ခုနှစ်၊ နိုဝင် ဘာလ ကနေ ၂၀၁၃ ခု နှစ်၊ ဇူ လိုင်လအထိ ကလေးငယ်တွေကို လူကုန်ကူးမှု(၇)မှုကို ဖော် ထုတ်နိုင်ခဲ့ပြီး ကလေးတစ်ယောက်ကတော့ ကယ် တင်ပြီး ရက်ပိုင်းအကြာမှာပဲ သေဆုံး သွားခဲ့ပါတယ်။ Zhang ဟာ ကလေးငယ်ကို ပြီးခဲ့တဲ့ ဇူလိုင် လမှာ ခိုးယူခဲ့ တာဖြစ်ပြီး အိမ်နီး နားချင်းတစ်ဦးထံ ဒေါ်လာ ၃၆၀၀ နဲ့ ရောင်းချ ခဲ့ပါတယ်။ ဒီနောက် အဲဒီလူက အခြား သူတစ် ဦးထံ ဒေါ်လာ ၉၉၀၀ နဲ့ ပြန်လည်ရောင်းချခဲ့ ပါတယ်။ ဒီအမှုနဲ့ ပတ်သက်ပြီး တရုတ်ပြည်သူ တွေ က ဆရာဝန် တွေ အပေါ် မကျေမနပ်ဖြစ် နေတာမို့ မျှတတဲ့ တရားစီရင်မှု ပြုလုပ်သွားဖို့ ဘေဂျင်းတိုင်းမ် သတင်း စာက တိုက် တွန်း ရေးသားခဲ့ပါတယ်။

New Myanmar Pyi

အပြည့်အစုံသို့ »

သန္ဓေတားသောအခါ


သန္ဓေတားခြင်း နည်းလမ်းပေါင်း များစွာရှိပါသည်။ မည်သည့်နည်းလမ်းဖြင့် သန္ဓေတားမည်ကို ဆုံးဖြတ်သော အခါ မိမိ၏ ကျန်းမာရေး အခြေအနေ၊ လိင်ဆက်ဆံသည့် အကြိမ်ရေနှင့် ကလေးလိုချင်စိတ်ရှိ/မရှိ စသည့် အချက် မြောက်မြားစွာပေါ် မူတည်၍ ဆုံးဖြတ် ရပါသည်။ သန္ဓေတားနည်း တစ်ခုခုကို ရွေးချယ် တော့မည်ဆိုလျှင် မိမိ ရွေးချယ်မည့် နည်းလမ်းသည် ထိရောက်မှု ရှိရဲ့လားဟု စတင် စဉ်းစားရပါမည်။

မိမိ ရွေးချယ်မည့် နည်းလမ်းသည် ကိုယ်ဝန်မရစေရန် မည်မျှ ကာ ကွယ်ပေးနိုင် မည်လဲ။ ဤအချက်ကို သိရှိရန် အတွက် မိမိရွေးချယ်မည့် သန္ဓေ တားနည်းကို အသုံးပြု လျက်ရှိသော အမျိုးသမီးဦးရေ (၁၀၀)ကို လေ့လာ ကြည့်ရပါမည်။ တစ်နှစ် ကြာသောအခါ အမျိုးသမီးဦးရေ (၁၀၀) အနက် ဦးရေ မည်မျှတွင် မလိုချင်ဘဲ ကိုယ်ဝန်ရရှိ သွားသည်ကို သိရှိရန်လိုပါသည်။ မလိုချင်ဘဲ ကိုယ်ဝန်ရရှိသူ အရေအတွက် များလျှင် သင်ရွေး ချယ်မည့် နည်းလမ်းသည် ထိရောက်မှုနည်းသည်ဟု ကောက်ချက် ချရပါမည်။ မလိုချင်ဘဲ ကိုယ်ဝန်ရရှိသူ အရေအတွက် နည်းလျှင် သင်ရွေးချယ်မည့် နည်းလမ်းသည် ထိရောက်မှု ရှိသည်ဟု ကောက်ချက် ချရပါမည်။

အကယ်၍ သင်တို့ စုံတွဲသည် မရည်ရွယ်ဘဲ ကိုယ်ဝန် ရရှိခြင်းကို လုံးဝ လက်မခံ နိုင်သော သူများ ဖြစ်ပါက ထိရောက်မှု အရှိဆုံးသော သန္ဓေတား နည်းလမ်းကို အသုံးပြု သင့်ပါသည်။ အကယ်၍ သင်တို့စုံတွဲသည် ကိုယ်ဝန် ရခြင်းကို ရှောင်ရှားလိုသည်။ သို့သော် မရည်ရွယ်ဘဲ ကိုယ်ဝန် ရရှိလာ ပါကလည်း ၀မ်းမြောက် ၀မ်းသာ လက်ခံနိုင် သည်ဆိုပါက ထိရောက်မှု နည်းပြီး သက်သောင့်သက်သာ ရှိသော သန္ဓေတား နည်းလမ်း ကို အသုံးပြု နိုင်ပါသည်။

မိမိ အသုံးပြု လိုသည့် သန္ဓေတား နည်းလမ်းသည် ထိရောက်မှု ရှိ/မရှိ ရွေးချယ် ဆုံးဖြတ် ပြီးသောအခါ နောက်တစ်ဆင့် အားဖြင့် ကုန်ကျ စရိတ်ကို စဉ်းစား ရပါမည်။ ကုန်ကျစရိတ်သည် ရေရှည်တွင် မိမိ တတ်နိုင်သည့် ပမာဏ အတွင်း ရှိနေရန် လိုအပ် ပါသည်။ နောက်ထပ် စဉ်းစားရန် တစ်ခုမှာ ကျန်းမာရေး ထိခိုက်မှု ရှိ/မရှိ ဖြစ်ပါသည်။ ဥပမာ- အသက် (၃၅)နှစ် ကျော်နေပြီ ဖြစ်သော အမျိုးသမီးသည် ဆေးလိပ် သောက်တတ်သူ အမျိုးသမီး ဖြစ်ပါက သန္ဓေတား သောက်ဆေးများ သုံးစွဲရန် မသင့်လျော်ပါ။

အမျိုးသား ဖြစ်သူ၏ အခြေအနေ ကိုလည်း ထည့်သွင်း စဉ်းစား ရပါမည်။ သင်၏ အမျိုးသားသည် သင်ရွေးချယ် သော သန္ဓေတားနည်းလမ်းကို ကျေနပ်လက်ခံသူဖြစ်ပါက သင့်အဖို့ ရွေးချယ်ရ လွယ်ကူ ပေလိမ့်မည်။ သန္ဓေ တားနည်းကို ဘယ်လောက်ကြာကြာ အသုံးပြုမည်ဟူသော သင်၏ဆုံးဖြတ်ချက်သည် သင်ရွေးချယ်မည့် သန္ဓေ တားနည်းလမ်းအပေါ် သက်ရောက်မှုရှိပါသည်။ သင်သည် ယာယီသန္ဓေတားလိုပါက ထိရောက်မှု နည်းသော နည်းလမ်းများ ကို အသုံးပြုရမည်ဖြစ်ပြီး တစ်သက်လုံး သန္ဓေတားလိုသည်ဆိုပါက ထိရောက်မှုအရှိဆုံး သန္ဓေတားနည်းများကို အသုံးပြု နိုင်မည် ဖြစ်ပါသည်။

HIV ကူးစက်ရောဂါနှင့် လိင်မှတစ်ဆင့်ကူး စက်တတ်သောရောဂါများအား ကာကွယ်နိုင်မှု ရှိ/မရှိကိုလည်း ထည့်သွင်း စဉ်းစားရန် လိုအပ်ပါသည်။ သန္ဓေတားနည်း အများစုသည် ကူးစက်ရောဂါများကို ကာကွယ်နိုင် စွမ်းမရှိပါ။ ယေဘုယျအားဖြင့် မြန်မာနိုင်ငံတွင် အဖော်ဟု ခေါ်ဆိုကြသော ကွန်ဒုံးများက ကူးစက်ရောဂါများကို အထိရောက်ဆုံး ကာကွယ်ပေးနိုင်ပါသည်။ အဖော်ကို အဖိုသုတ်ကောင်သတ်ဆေးရည် (Spermicide) များနှင့် တွဲဖက်အသုံးပြုပါက လိင်မှတစ်ဆင့် ကူးစက်တတ်သော ရောဂါများကို ကာကွယ်ရာတွင် ပိုမိုထိရောက်မှု ရှိပါသည်။

အလွယ်တကူ ရရှိနိုင်မှုသည်လည်း အရေးကြီးပါသည်။ မိမိရွေးချယ်သည့် သန္ဓေတားနည်းလမ်းသည် ဆရာဝန်ညွှန်မှ အသုံးပြု၍ ရနိုင်သလား၊ အဖွဲ့အစည်းများထံမှ အခမဲ့ အလွယ်တကူ ရနိုင်သလား၊ ၀ယ်ယူ အသုံးပြုနိုင်သလား စသည်တို့ အပေါ်မူတည်၍ ရွေးချယ်ဆုံးဖြတ်ရမည် ဖြစ်ပါသည်။ အထက်ဖော်ပြပါ အချက်များအပေါ် မူတည်၍ မိမိနှင့် သင့်လျော်သည့် သန္ဓေတားနည်းကို စနစ်တကျ စဉ်းစားရွေးချယ် အသုံးပြုခြင်းသည် မရည်ရွယ်ဘဲ ကိုယ်ဝန်ရရှိခြင်းကို ရှောင်ရန်အတွက် အကောင်းဆုံး အထောက်အကူ ဖြစ်စေပါသည်။

သန္ဓေတားနည်းလမ်းများစွာကို စုစည်း၍ အဓိကအားဖြင့် အုပ်စုသုံးစုခွဲ၍ ပြောနိုင်ပါသည်။ ၎င်းတို့မှာ -
၁။ အကာအကွယ် အသုံးပြုခြင်း (Barrier Method)

၂။ ဟိုမုန်းဓာတ်ဖြင့် သန္ဓေတားခြင်း (Hormonal Method)

၃။ သားကြောဖြတ်ခြင်း (Permanent Method) စသည်တို့ ဖြစ်ကြပါသည်။

၁။ အကာအကွယ် အသုံးပြုခြင်း

(က) ကွန်ဒုံး

ကွန်ဒုံးတွင် အမျိုးသားများ အသုံးပြုသော ကွန်ဒုံး(အဖော်)နှင့် အမျိုးသမီးများ အသုံးပြုသော ကွန်ဒုံးဟူ၍ နှစ်မျိုးရှိ ပါသည်။ ကိုယ်ဝန်ရှိခြင်းကို ကာကွယ်ရန်အတွက် လိင်ဆက်ဆံသည့် အကြိမ်တိုင်းတွင် အမျိုးသား ကွန်ဒုံး (သို့မဟုတ်) အမျိုးသမီး ကွန်ဒုံး တစ်မျိုးမျိုးကို အသုံးပြုရပါမည်။ ကွန်ဒုံးကို ဆေးဆိုင်များတွင် ဆရာဝန် ညွှန်ကြားချက် မလိုဘဲ လွတ်လပ်စွာ ၀ယ်ယူ ရရှိနိုင် ပါသည်။ အချို့ ဆေးခန်း များတွင် အခမဲ့ ပေးဝေလေ့ ရှိပါသည်။

 (ခ) သားအိမ်ခေါင်းဖုံး

 သားအိမ် ခေါင်းဖုံးသည် ကွေးခေါက်၍ရသော သားရေ အဖုံးဖြစ်ပြီး အဖို သုတ်ပိုးကို သေစေနိုင်သည့် ကရင်မ် သို့မဟုတ် ဂျယ်လီ သုတ်လိမ်းထားပါသည်။ အဖိုသုတ်ကောင်များ သားအိမ်ခေါင်းသို့ မရောက်စေရန် အတွက် လိင်ဆက်ဆံခြင်း မပြုမီတွင် သားအိမ်ခေါင်းဖုံးကို သားအိမ်ခေါင်းတွင် တပ်ဆင် ထားရပါသည်။ လိင်ဆက်ဆံပြီးသောအခါ ချက်ချင်း ပြန်မထုတ်ရပါ။ ၆ နာရီမှ ၈ နာရီခန့်ကြာအောင် ဖုံးထားရပါသည်။ သားအိမ်ခေါင်းဖုံးကို အသုံးပြုမည်ဆိုပါက မိမိနှင့်သင့်တော်သော အရွယ်အစားနှင့် အမျိုးအစားကို ကျွမ်းကျင်သော သူ၏ ညွှန်ကြားချက်ဖြင့်သာ အသုံးပြုသင့်ပါသည်။ သားအိမ်ခေါင်းဖုံး အသုံးပြု ခြင်းကြောင့် သားရေ သို့မဟုတ် ဂျယ်လီနှင့် ဓာတ်မတည့်ခြင်းကြောင့် ယောင်ယမ်းယားယံခြင်းဖြစ်နိုင်ပါသည်။ ဆီးလမ်း ကြောင်းပိုးဝင်နိုင်ရန် အခွင့်အရေး များစေပါသည်။ အချို့သောသူများတွင် သားအိမ်ခေါင်းဖုံးကို အချိန်ကြာမြင့်စွာ မဖြုတ်ဘဲ ထားမိပါက (Toxic shock syndrome) ဟုခေါ်သော အသက်အန္တရာယ်ရှိသည့် ရောဂါဖြစ်နိုင်ပါသည်။

(ဂ) သုတ်ပိုးသတ်သည့်ဂွမ်း

သုတ်ပိုးသတ်သည့် “ဂွမ်း” ဆိုသည်မှာ နူးညံ့သော စက်ရုံထုတ်ဂွမ်းဖြစ်ပြီး သုတ်ပိုးသတ်သည့် ဆေးရည်ဖြင့် စိမ်ထား ပါသည်။ လိင် ဆက်ဆံခြင်း မပြုမီ သုတ်ပိုး သတ်သည့် ဂွမ်းကို စွတ်စိုအောင် ပြုလုပ်၍ အမျိုးသမီး အင်္ဂါအတွင်းရှိ သားအိမ်ခေါင်း အ၀အနီးသို့ ထည့်သွင်းထားရပါမည်။

 ၂။ ဟော်မုန်းဓာတ်ဖြင့် သန္ဓေတားခြင်း

 ဟော်မုန်းဓာတ်ပါဝင်သော သန္ဓေတားဆေးများတွင် ပရိုဂျက်စတင် တစ်မျိုးတည်းပါသော သန္ဓေတားဆေးများ ရှိသကဲ့သို့ ပရိုဂျက်စတင်နှင့် အီထရိုဂျင် နှစ်မျိုးလုံးပါဝင်သော ဆေးလည်းရှိပြီး အမျိုးသမီးများ၏ သားဥ အိမ်မှ သားဥကြွေကျခြင်းကို တားဆီးပေးပါသည်။ ပရိုဂျက်စတင် တစ်မျိုးတည်းပါဝင်သော ဆေးများသည် အမျိုးသမီး၏ သားအိမ်ခေါင်း အနီးတစ်ဝိုက်ရှိ သဘာဝအတိုင်း ထွက်ရှိသော အကျိအချွဲများကို ပိုမို ထူပျစ်စေးကပ်အောင် ပြုလုပ်ခြင်းဖြင့် အမျိုးသား၏ သုတ်ပိုးများအား အမျိုးသမီး၏ သားအိမ်အတွင်းသို့ မ၀င်ရောက်နိုင်အောင် တားဆီးပေးပါသည်။

ပရိုဂျက်စတင် ပါဝင်သောကိရိယာ (Implant) ကို ခန္ဓာကိုယ် အရေပြားအောက်တွင် ခွဲစိပ်ထည့်သွင်းရသည့် နည်းလမ်းလည်း ရှိပါသည်။ ၎င်းကိရိယာမှ ပရိုဂျက်စတင် ပမာဏကို စဉ်ဆက်မပြတ် ထုတ်လွှတ်ပေးခြင်းဖြင့် သန္ဓေတားပေးပါသည်။ တစ်လခံဆေး၊ သုံးလခံဆေး စသည်ဖြင့် အလွယ်တကူခေါ်ကြသော ဒီပို (Depo Injection) ဆေးများကို ကြွက်သား အောက်သို့ တစ်လတစ်ကြိမ် သို့မဟုတ် သုံးလတစ်ကြိမ်ထိုးခြင်းဖြင့် သန္ဓေတားနိုင်ပါသည်။ ဒီပိုထိုးဆေးသည် ပရိုဂျက်စတင် ပါဝင်သော ထိုးဆေးဖြစ်ပါသည်။

အရေပြား ပေါ်တွင် ကပ်ခွာ ပုံစံဖြင့် ကပ်ထား နိုင်သည့် သန္ဓေတား နည်းလည်း ရှိပါသည်။ ၎င်းကပ်ခွာမှ ပရိုဂျက် စတင်နှင့် အီစထရိုဂျင် ဟော်မုန်း ဓာတ်များကို အဆက်မပြတ် ထုတ်လွှတ် ပေးခြင်းဖြင့် သန္ဓေတားပေး ပါသည်။ အခြားသော ဟော်မုန်း တားဆေးများ ကဲ့သို့ပင် ကပ်ခွာ ပုံစံသည်လည်း ဆရာဝန် ညွှန်ကြားချက်ဖြင့်သာ အသုံးပြု ရပါမည်။ Vaginal Ring ဟုခေါ်သည့် ဟော်မုန်း ဓာတ်ပါသော ကွင်းငယ်အား အမျိုးသမီး အင်္ဂါအတွင်းသို့ ထည့်သွင်းခြင်းဖြင့် သန္ဓေတားနိုင် ပါသေးသည်။ ၎င်းကွင်းငယ်မှ ပရိုဂျက်စတင်နှင့် အီစထရိုဂျင် ဟော်မုန်း ဓာတ်နှစ်မျိုးလုံး ထုတ်လွှတ်ပေးခြင်းဖြင့် သန္ဓေတားနိုင်ပါသည်။  အရေးပေါ်တားဆေး ဟုခေါ်ဆိုသည့် Emergency Pill များသည်လည်း ဟော်မုန်းဓာတ်ဖြင့် သန္ဓေတားသောဆေးများ ဖြစ်ပါသည်။

Intra Uterine Device (IUD) ဟုခေါ်သည့် သန္ဓေတား ပစ္စည်း များလည်း ရှိပါသည်။ IUD သည် သေးငယ် သော ပလတ်စတစ် (သို့မဟုတ်) ကော့ပါး ကိရိယာ တစ်ခု ဖြစ်ပါသည်။ IUD ကို အမျိုးသမီး၏ သားအိမ်ခေါင်း အား ဖြတ်သန်းကာ သားအိမ် အတွင်းသို့ ရောက်အောင် ကျွမ်းကျင်သော ဆရာဝန်များမှ ထည့်သွင်း ပေးပါသည်။ အချို့သော IUD များတွင် ပရို ဂျက်စတင် ဟော်မုန်း ပမာဏ အနည်းငယ် ထုတ်လွှတ် ပေးအောင် ဖန်တီး ထားပါသည်။ IUD တစ်ကြိမ် ထည့်သွင်း ထားလျှင် ၅နှစ်မှ ၁၀နှစ်အထိ သန္ဓေတား ပစ္စည်းအဖြစ် အသုံးပြု နိုင်ပါသည်။

IUD အသုံးပြု ခြင်းသည် ထိရောက်သော သန္ဓေတား နည်းတစ်ခု ဖြစ်ပါသည်။ IUD နည်းဖြင့် သန္ဓေတားလျက် ကိုယ်ဝန် ရရှိနှုန်း တစ်နှစ် အတွင်း၌ အမျိုးသမီး (၁၀၀)တွင် (၁) ယောက် ထက် နည်းပါသည်။ ဆိုးကျိုး အနေနှင့် ဆီးစပ် ကိုက်ခြင်း၊ သွေးဆင်းခြင်းတို့ ဖြစ်ပေါ်နိုင်ပြီး အခန့်မသင့်လျှင် သားအိမ်ပေါက် ခြင်းမျိုး ဖြစ်နိုင် ပါသည်။ ပရိုဂျက်စတင် ဟော်မုန်း ထည့်သွင်း ထားသော IUD များသည် သားအိမ် အတွင်း ထည့်သွင်း ပြီးနောက် အချိန်မှန် မဟုတ်ဘဲ သွေး အနည်းငယ် ဆင်းနိုင် ပါသည်။ ၎င်းသန္ဓေ တားနည်း အသုံးပြုသူ အမျိုးသမီး ဦးရေ၏ ထက်ဝက်ခန့်တွင် IUD ထည့်ပြီး တစ်နှစ်ကြာသောအခါ သွေးပေါ်ခြင်း လုံးဝမရှိတော့ပါ။ IUD ကို ပြန်ထုတ် လိုက်လျှင် သွေးပေါ်ပါသည်။

၃။ သားကြောဖြတ်ခြင်း

 အမျိုးသားဖြစ်စေ၊ အမျိုးသမီး ဖြစ်စေ၊ နှစ်ဦး စလုံးဖြစ်စေ နောင်အနာဂတ်တွင် ကလေး မယူတော့ရန် သေချာ သောအခါ ဤနည်းလမ်းကို အသုံးပြု နိုင်ပါသည်။ အမျိုးသား၏ ကပ္ပါယ်အိတ် အတွင်းမှ သုတ်ပြွန် တစ်ခုကို ဖြတ်တောက်ခြင်း (Vasectomy) ဖြင့် အမျိုးသားအား တစ်သက်လုံး ကလေးမရစေရန် ပြုလုပ် နိုင်ပါသည်။ အမျိုးသမီး၏ ၀မ်းဗိုက် ကိုဖွင့်၍ သားအိမ်၏ ဘေးတစ်ဖက် တစ်ချက်မှ သားဥ ပြွန်နှစ်ချောင်း ကို ဖြတ်တောက် ခြင်းဖြင့် အမျိုးသမီးများအား တစ်သက်လုံး ကလေး မရစေရန် ပြုလုပ်နိုင်ပါသည်။

 ၄။ မမှန်ကန်သောနည်းလမ်းများ

တချို့ အမျိုးသား များသည် အကာအကွယ်မဲ့ လိင်ဆက်ဆံပြီး သုတ်လွှတ်ကာနီးတွင် အမျိုးသမီး အင်္ဂါတွင်းမှ ထုတ်ကာ သုတ်လွှတ်လေ့ ရှိကြပါသည်။ ဤသို့ ပြုလုပ်ခြင်းဖြင့် ကလေး မရနိုင်ဟု မှားယွင်းစွာ မှတ်ယူ တတ်ကြ ပါသည်။ သုတ်လွှတ်ခြင်း မပြုလုပ်မီ အမျိုးသား အင်္ဂါမှ ထွက်သော အကျိအချွဲတွင် သုတ်ကောင် အနည်းငယ် ပါဝင် နိုင်ပြီး ထိုပမာဏသည် အမျိုးသမီးအား ကိုယ်ဝန် ရရှိစေ နိုင်ပါသည်။

တချို့သော စုံတွဲများတွင် အကာအကွယ်မဲ့ လိင်ဆက်ဆံ ပြီးသောအခါမှ ပြီးလျှင်ပြီးချင်း အမျိုးသမီး အင်္ဂါဇာတ်ကို ရေဆေးခြင်းဖြင့် ကိုယ်ဝန် မရနိုင်ဟု မှားယွင်းစွာ မှတ်ယူ တတ်ကြပါသည်။ အမျိုးသားမှ သုတ်လွှတ်ပြီး စက္ကန့် (၉၀)အတွင်း၌ သုတ်ကောင်သည် သားအိမ်ခေါင်းကိုဖြတ်ကာ သားအိမ်အတွင်းသို့ ၀င်ရောက်ပြီး ဖြစ်သည့်အတွက် ရေဆေးခြင်းဖြင့် ကိုယ်ဝန် ရရှိခြင်းကို မတားဆီးနိုင်ပါ။ ကလေးမွေးပြီး ကလေးအား အမေနို့ တိုက်နေစဉ် ကာလ အတွင်း လိင်ဆက်ဆံလျှင် ကလေး မရနိုင်ဟု ယူဆသူများ ရှိပါသည်။ ကလေးအား နို့တိုက် နေသည့် ကာလအတွင်း လိင်ဆက်ဆံပါက ကိုယ်ဝန် ရရှိ နိုင်ခြေ ရှိပါသည်။

ကလေး မလိုချင်သော မောင်နှံများ မမှန်ကန်သော အယူအဆ များကို ရှောင်ကြဉ်ကာ စနစ်ကျသော သန္ဓေ တားနည်း များကို အသုံးပြုခြင်းဖြင့် မရည်ရွယ်ဘဲ ကိုယ်ဝန်ရရှိခြင်းကို ရှောင်ရှားသင့်ပါသည်။ အထက် တွင် ဖော်ပြခဲ့သော သန္ဓေ တားသည့် နည်းလမ်းများ အကြောင်း ပိုမို သိရှိ လိုပါက တတ်ကျွမ်း နားလည်သည့် သားဖွား မီးယပ် အထူးကု ဆရာ ၀န်ကြီးများနှင့် ဆက်လက် တိုင်ပင် သင့်ပါသည်။


အကယ်၍ သင်သည် သန္ဓေတားနည်း တစ်မျိုးမျိုးကို အသုံး မပြုဘဲ အကာအကွယ်မဲ့ လိင်ဆက်ဆံမိ လျှင်သော် လည်းကောင်း၊ ကွန်ဒုံး အသုံး ပြုသော်လည်း ကွန်ဒုံး ပေါက်ပြဲခြင်း ဖြစ်ခဲ့လျှင်သော် လည်းကောင်း (၇၂) နာရီထက် နောက်မကျစေဘဲ တတ်နိုင်သမျှ ဆောလျင်စွာ ဆရာဝန်နှင့် အမြန်ဆုံး တွေ့ဆုံဆွေးနွေး သင့်ပါ သည်။ စာဖတ် ပရိသတ်များ မှန်ကန်သော နည်းလမ်းများဖြင့် သန္ဓေတားနိုင်ကြပါစေ။
mmforward

အပြည့်အစုံသို့ »

တားဆေးမသောက်ချင်သော အမျိုးသမီးများအတွက်


ချစ်သူ နှစ်ဦးပေါင်းဖက်လို. အိမ်ထောင်တစ် ခုထူထောင်ကြ ရာမှာ ကလေးယူမယ်. အချိန်ဟာ နှစ်ယောက် လုံး သဘောတူ ထားတဲ.အချိန်ဖြစ်သင့် သလိုကြို တင်ပြင်ဆင်ပြီး မှရတဲ.ကိုယ်ဝန်ဖြစ်ဖို.လဲ လိုပါတယ်။သမီးရည်းစားဘ၀မှာ ဘယ်လိုပဲ တစ်ယောက် အကြောင်း တစ်ယောက် သိစေကာမူ အတူနေ
လင်မ ယား ဘ၀လောက် ထဲထဲ ၀င်ဝင် သိမှာ မဟုတ်ပါဘူး။ ဒါကြောင့် လက်ထပ် ပြီး ကလေး မယူ တာဟာ တစ်ယောက်အကြောင်း တစ်ယောက်လေ့လာဖို့ တစ်ယောက်ရဲ့ အားနည်းချက်ကိုတစ်ယောက်က အလိုက် သိဖြည်.ဆည်းပေး နိုင်ဖို့၊ တစ်ယောက်ရဲ့ အားသာချက်ကို တစ်ယောက်က ဖော်ထုတ်ချီးကျူးပေး
နိုင်ဖို့ အချိန် ကာလ တစ်ခုကို ရစေပါတယ်။

၁။လူကြိုက်များလာတဲ.နည်းလမ်းသစ်

ဒါကြောင့် ကိုယ်ဝန် တားနည်းတွေထဲ ကတစ်ခုခု သုံးဖို့ လိုအပ် လာပါပြီ။ လက်မောင်းထဲ ကိုယ်ဝန်တားတဲ့ ပစ္စည်း(အပ်)ထည့် တာဟာ အခုနောက်ပိုင် ခောတ်စား လာသလိုမြန်မာပြည်မှာ တောင်လုပ်လို.ရနေပါပြီ။အရင်ကနည်းတွေထက်စာရင်သူ.မှာအားသာချက်တွေရှိပါတယ်။ဥပမာ-ထိုးဆေးလို(၃)လတစ်ခါ ဆရာဝန်ဆီ သွားပြီး ထိုးစရာ မလိုပါဘူး။ သားအိမ် ထဲပစ္စည်းထည်.သလို(IUCD, Intrauterine Contraceptive Device) မိန်းမကိုယ်ကိုအပေါက်ချဲ.ပြီးမှထည်.စရာမလိုပါဘူး။သားအိမ်ထဲ ပစ္စည်းထည့် တာမျိုး ကို ကလေးတစ်ယောက်မှမမွေးဘူးတဲ့ အိမ်ထောင် ကျခါ စအမျိုး သမီးတွေ မလုပ်ချင်ကြ ပါဘူး

၁-၁။ ဘာကို လက်မောင်းထဲ ထည့်ရမှာလဲ
ကိုယ်ဝန်တား အချောင်းလေး

ပရိုဂျက်စတင်(progestin) ဆိုတဲ့ အမျိုး သမီးဟော်မုန်း ပါတဲ့ မီးချစ်ဆံ အရွယ် လောက်ရှိတဲ့ အချောင်း လး (Implanon) ကိုလက်မောင်းအရေပြားအောက်
ထည်.သွင်းတာဖြစ်ပါတယ်။တစ်ခါထည်.ထားရင် သုံးနှစ်လောက်ကိုယ်ဝန်
တားနိုင်ပါတယ်။အီစထရိုဂျင် (Estrogen)ဟော်မုန်းပါတဲ.ကိုယ်ဝန်တားဆေး
(သောက်ဆေး)တွေနဲ.မတည်.တဲ.သူတွေအတွက် အထူးသင်.တော်ပါတယ်။

၁-၂။ထည်.ပြီးရင်ဘယ်လိုနေမှာလဲ

လက်မောင်းထဲထည်.ပြီးတာကိုကြည်.ရုံနဲ.မသိနိုင်ပါဘူး။ဒါပေမယ်.စမ်းကြည်.
လို.တော.ရပါတယ်။သတိပြုဖို.ကတော. လေ.ကျင်.သင်ကြားထားတဲ.ကျွမ်း
ကျင်သူတွေနဲ.သာထည်.သင်.၊ထုတ်သင်. ပါတယ်။ထည်.ဖို.လက်မောင်းကို
ဓားနဲ.လှီးစရာမလိုပဲ တစ်မိနစ်အတွင်းအပြီးထည်.နိုင်သလိုနာကျင်မှုလဲမရှိ
ပါဘူး။ပြန်ထုတ်မယ်ဆိုရင်လဲ သုံးမိနစ်လောက်ပဲကြာပါတယ်။

၁-၃။ဘယ်လောက်စိတ်ချရလဲ

ဒီနည်းကထိရောက်မှုအလွန်ရှိပါတယ်။ထည်.ပြီးကိုယ်ဝန်ရှိသူ ၀.၀၅% ပဲရှိ
ပါတယ်။

၁-၄။ဘယ်လိုအန္တရာယ်တွေရှိနိုင်သလဲ

သုံးလခံထိုးဆေးနဲ.ပါဝင်တဲ.ဟော်မုန်းတူပေမယ်. ဒီနည်းကိုရေရှည်သုံးစွဲလို.
သွေးပြန်ကြောတွင်း သွေးခဲခြင်း၊အရိုးသိပ်သည်းဆလျော.နည်းသွားခြင်းတွေ
မဖြစ်နိုင်ဘူးလို. သုတေသန တွေကဆိုပါတယ်။

၁-၅။ဘေးထွက်ဆိုးကျိုးဘာတွေရှိနိုင်မလဲ

တခြားပရိုဂျက်စတင် ပါတဲ.ကိုယ်ဝန်တားဆေးတွေလိုပဲ ဒီနည်းသုံးရင် မီးယပ်
ငုပ်တာ၊မီးယပ်မမှန်တာဖြစ်တတ်ပါတယ်။

-မီးယပ်အများကြီးဆင်းတာမဟုတ်ပဲ တစ်စက်၊နှစ်စက်နဲ.
ပြတယ်ဆိုရုံပဲပြတတ်ပါတယ်။ထည်.ခါစမှာအမျိုးသမီးတစ်ဝက်လောက်
ဖြစ်တတ်ပေမယ်. ခြောက်လအကြာမှာတော.သုံးပုံတစ်ပုံလောက်ပဲ
ဖြစ်ပါတော.တယ်။

-အမျိုးသမီး ၂၀%လောက်ကတော.မီးယပ်လုံးဝငုတ်သွားတတ်ပါတယ်။

-မီးယပ်ဆင်းတဲ.ရက်တွေများလာတတ်ပါတယ်။(၂၀% လောက်မှာဖြစ်လေ.
ရှိပြီး ၃လ အကြာမှာတော. ၁၀% လောက် ပဲဖြစ်ပါတော.တယ်။)

-မီးယပ်လာမယ်.ရက်ကိုတွက်လို.မရပဲဖြစ်တတ်ပါတယ်။

-အထက်ပါမီးယပ်သွေးဆင်းမှုမမှန်တာတွေဖြစ်လို. ဗိုက်ထဲမှာသွေးခဲ၊သွေး
လုံးဖြစ်တာ စပျစ်သီးသန္ဒေတည်.မှာတို.ကိုတော.စိုးရိမ်စရာမလိုပါဘူး။

၂။ ကိုယ်ဝန်တားပလာစတာ

ကိုယ်ဝန်တားပလာစတာဆိုတာ အမျိုးသမီးရဲ.ဗိုက်၊တင်ပါး၊လက်မောင်းရဲ.
ပေါ်ပိုင်းအပြင်ဖက် ၊ရင်သားအပါအ၀င် ရင်သားအပေါ်ပိုင်းတို.ရဲ.အရေပြား
ပေါ်မှာကပ်ပြီးသုံးရတာပါ။သူ.မှာဟော်မုန်းနှစ်မျိုးပေါင်းစပ်ပါဝင်ပါတယ်။ပလာ
စတာကို ခုနှစ်ရက်တစ်ခါအသစ်လဲကပ်ရပါမယ်။သုံးပတ်ဆက်တိုက်ကပ်ရပြီး
တစ်ပတ်တိတိမကပ်ပဲနေရပါမယ်။

၂-၁။ဘယ်လိုသုံးရမလဲ

ကပ်ထားတုန်းကွာကျသွားရင်ချက်ချင်းပြန်ကပ်နိုင်အောင်ကိုယ်ဝန်တားပလာစတာအသစ်တစ်ခုကိုအမြဲဆောင်ထားသင်.ပါတယ်။လေ.ကျင်.ခန်းလုပ်နေ
ချိန်၊ရေချိုးချိန်၊ရေကူးချိန်တွေမှာလဲ ကပ်ထားလို.ရပါတယ်။ပူနေလို.၊စိုထိုင်း
နေလို.၊လေ.ကျင်.ခန်းလုပ်လို. ပလာစတာကွာကျတာမျိုးမရှိပါဘူး။

၂-၂။ထိရောက်မှုကဘယ်လောက်ရှိလဲ

အလွန်ထိရောက်မှုရှိပါတယ်။တစ်ရက်တစ်လုံးသောက်ရတဲ.ဟော်မုန်းနှစ်မျိုး
ပေါင်းကိုယ်ဝန်တားဆေးနဲ.တန်းတူလိုက်ပါတယ်။သေချာသုံးမယ်ဆိုရင်လွဲ
ချော်မှုနှုန်းက ၀.၃% ပဲရှိပါတယ်။ကိုယ်အလေးချိန် ၁၉၈ ပေါင်အထက်ရှိသူ
အမျိုးသမီးတွေသုံးရင်ထိရောက်မှုအနည်းငယ်ကျတယ်ဆိုပေမယ်.ပြောပ
လောက်အောင်မဟုတ်ပါဘူး။သူတို.တွေသုံးမယ်ဆိုရင်တော.အခြားနည်းတွေ
နဲ.အကျိုးအပြစ်တွေနှိုင်းယှဉ်ပြီးရွေးချယ်နိုင်ပါတယ်။

၂-၃။ဘေးထွက်ဆိုးကျိုး

တစ်ခြားဟ်ာမုန်းနှစ်မျိုးပေါင်းကိုယ်ဝန်တားဆေးတွေလိုပဲ ဒီပလာစတာ
ကြောင်.သွေးအနည်းငယ်ဆင်းတာ၊ကိုယ်အလေးချိန်အတက်အကျဖြစ်တာ၊
အသားအရည်ပြောင်းလဲတာ၊ရင်သားနာကျင်ကိုက်ခဲတာတွေဖြစ်တတ်ပါတယ်
ပလာစတာကပ်ထားတဲ.အရေပြားတစ်ဝိုက်မှာယားယံတာမျိုးကြုံတဲ.သူလဲရှိပါတယ်။

၂-၄။ကောင်းကွက်များ

ပလာစတာကို ခုနှစ်ရက်တစ်ခါအသစ်လဲပေးဖို.လိုတယ်ဆိုပေမယ်.သူ.ရဲ.အာ
နိသင်က ကိုးရက်လောက်အထိခံလို. မေ.ပြီးအသစ်မလဲမိလဲနှစ်ရက်လောက်
အပိုဆောင်းပြီး ကိုယ်ဝန်တားပေးနိုင်ပါတယ်။တစ်လမှာပလာစတာသုံးခု
လောက်ပဲကပ်ပေးဖို.လိုတဲ.အတွက် အချိန်မှန်သုံးပေးဖို. မခဲယဉ်းပါဘူး။

၂-၅။ချို.ယွင်းချက်များ

ကိုယ်ပလာစတာကပ်ထားတာကို အမျိုးသားအဖော်ကသိနိုင်ပါတယ်။လက်
မောင်းမှာကပ်ထားရင်တစ်ခြားသူစိမ်းတွေပါသိနိုင်ပါတယ်။အရေပြားနဲ.ဓာတ်
မတည်.တာ၊ကပ်ထားရင်းကွာကျတာမျိုးတွေ ဖြစ်နိုင်ပါတယ်။နှစ်မျိုးပေါင်း
ကိုယ်ဝန်တားဆေးလိုပဲ သွေးခဲစေမှုဖြစ်နိုင်ခြေကိုအနည်းငယ် မြှင်.တတ်စေ
ပါတယ်။

၂-၆။သတိပြုစရာများ

-ပလာစတာကို သန်.ရှင်းပြီးခြောက်သွေ.တဲ. ဗိုက်၊တင်ပါး၊လက်မောင်းအပေါ်
အပြင်ဘက်၊ရင်ဘတ်အပေါ်ပိုင်းကအရေပြားပေါ်မှာပဲကပ်သင်.ပါတယ်။ပွတ်တိုက်မှုများတဲ.နေရာမျိုးမှာတော.မကပ်သင်.ပါဘူး။ဥပမာ-ဘရာစီရာကြိုး
ရဲ.အောက်မှာပေါ.။

-ပလာစတာကို ခုနှစ်ရက်တစ်ခါပြောင်းကပ်ရပါမယ်။

-ပလာစတာကိုခုနှစ်ရက်ပြည်.လို.ခွာပြီးရင် ဟော်မုန်းတွေတစ်ခြားပြန်.မသွား
အောင် ခေါက်ပြီးမှအမှိုက်ပုန်းထဲထည်.ရပါမယ်။မြေကြီးထဲနဲ. ရေမြောင်းရေ
တွင်းတွေဆီ ဟော်မုန်းပျံနှံ.မသွားအောင် အိမ်သာထဲကို မစွန်.ပစ်သင်.ပါဘူး။

-ရာသီသွေးစလာတဲ.ပထမဆုံးရက်မှာ ပလာစတာစကပ်ရင် ကွန်ဒုံးပါတွဲသုံး
စရာမလိုပါဘူး။

-ပလာစတာကွာသွားရင်ချက်ချင်းကပ်ပေးဖို.လိုပါတယ်။ ၂၄ နာရီကျော်မှပြန်
ကပ်နိုင်ရင်တော.တစ်ခြားတားဆေးတစ်နည်းနည်း ဥပမာ-ကွန်းဒုံးကိုခုနှစ်
ရက်လောက်တွဲသုံးဖို.လိုပါတယ်။

-ဒီပလာစတာသုံးတာကကိုယ်ဝန်တားနိုင်ပေမယ်.ကာလသားရောဂါတွေကို
တော.မကာကွယ်နိုင်ပါဘူး။

ကိုယ်ဝန်တားဆေးသောက်စရာမလိုတဲ.တစ်ခြားနည်းလမ်းတွေကိုဆက်လက်
ဖော်ပြပေးပါမယ်။

ဒေါက်တာဥာဏ်ပေါ်

အပြည့်အစုံသို့ »

ကလေးငယ်အား ရောင်းချသူ သားဖွားမီးယပ် ဆရာဝန်ကို ရဲတပ်ဖွဲ့ဖမ်းဆီး ကလေးအား မိဘထံ ပြန်အပ်


တရုတ်နိုင်ငံမှ ရဲတပ်ဖွဲ့ ဝင်များသည် သားဖွားနှင့် မီးယပ် ဆရာဝန် တစ်ဦးကတရားမဝင် ရောင်းချလိုက်သည့် ကလေး ငယ် တစ်ဦးကို ကယ်တင်နိုင်ခဲ့ကာ ကလေး၏ မိဘများထံ ပြန်လည်အပ်နှံ နိုင်ခဲ့ကြောင်း သြဂုတ် ၅ ရက်တွင် တရုတ် သတင်း မီဒီယာ တစ်ခု၏ ထုတ်ပြန်ချက်အရ သိရသည်။

အဆိုပါ ကလေးငယ်သည် ယောက်ျားလေး ဖြစ်ပြီး ရှန်ဇီပြည်နယ်တွင် ဇူလိုင် ၁၆ ရက်က မွေးဖွားခဲ့သူဖြစ်ကြောင်း၊၎င်းကလေးငယ် ကို ဟေနန် ပြည်နယ်တွင်သြဂုတ်၎ရက်အစောပိုင်းက တွေ့ရှိခဲ့ခြင်း ဖြစ်ကြောင်း၊ ကလေးငယ်၏ မျိုးရိုး ဗီဇနှင့် ပတ်သက်၍ အတည်ပြုချက် ရယူနိုင်ရန် DNA စစ်ဆေးမှု များ ပြုလုပ်ခဲ့ကြကြောင်း ၎င်းသတင်း ဌာနက ပြောကြား ခဲ့သည်။

ဖြစ်စဉ်မှာ အဆိုပါ သားဖွားမီးယပ် ဆရာဝန်သည် ကလေးငယ်၌ အလွန်ဆိုးရွားသော မွေးရာပါ ရောဂါ ပါလာခြင်းကြောင့် ကလေးငယ်ကို ၎င်းထံတွင်အပ်နှံ၍ ဆေးကုသမှု ပြုလုပ်ပေးရန်မိဘများအား ပြောကြားခဲ့ခြင်း ဖြစ်ပြီး မိဘများကလည်း ကလေးငယ်ကို ဆရာဝန်ထံတွင် အပ်နှံခဲ့ကြောင်း၊ အပ်နှံခဲ့ပြီးနောက် မိဘ နှစ်ပါးသည် ၎င်းတို့ အလှည့်စားခံ လိုက်ရ သည်ဟု သံသယဖြစ်ရာမှ ရဲတပ်ဖွဲ့ထံ အကြောင်းကြား ခဲ့ခြင်းဖြစ်ကြောင်း သိရသည်။

မြ၀တီ

အပြည့်အစုံသို့ »