ဇာတ်ညွှန်းကတစ်ခုတည်း ဇာတ်လမ်းကများစွာ ဇာတ်ဆရာ ဘယ်သူလဲ

ပို့စ်တင်ချိန် - 7/19/2014 11:00:00 AM



အဓိကရုဏ်းများသည် လောင်ကျွမ်းလွယ်သည့်မီးစဆိုသည်ကို သူတို့(အစိုးရ အဖွဲ့)နားလည်ထားပြီး အခြေခံအားဖြင့် ခြုံငုံသုံးသပ်လျှင် အစိုးရအဖွဲ့ထဲတွင် နောက်ကြောင်း ပြန်လှည့်ချင်သူများ၊ အုပ်စုများသည် ရှိနေသည်ဟု ရွှေညဝါဆရာ တော် ဦးပညာသီဟက မိန့်ကြားခဲ့ဖူးသည်။

''အာဏာရှင်စနစ်ရဲ့အနှစ်အရသာကို ဆုံးရှုံးသွားလို့၊ စားမြုံ့ပြန်လိုတဲ့သူ တွေကလဲ သူ့အကန့်နဲ့သူရှိနေတယ်''ဟု ဆရာတော်က သုံးသပ်သည်။

နောက်ကွယ်မှ သွေးထိုးလှုံ့ဆော်ဇာတ်ဆရာကြီး၏ အဓိကရုဏ်းဇာတ်လမ်း များသည် ဇာတ်ညွှန်းတစ်ခုတည်းဖြစ်နေခြင်းကြောင့် လေ့လာစောင့်ကြည့်နေသူ နိုင်ငံရေးသမားများ၊ အရပ်ဘက်အဖွဲ့အစည်းမှ ခေါင်းဆောင်များ၊ ပဋိပက္ခဖြစ် ပွားရာ ဒေသခံများကိုယ်တိုင်က အဓိကရုဏ်းများ၏နောက်ကွယ်မှ လှုံ့ဆော်ကြိုး ကိုင်သူ ဇာတ်ဆရာကြီးများကို ပုံဖော်နိုင်နေကြပါပြီ။ သို့သော် နိုင်ငံတော်အစိုးရ ပိုင်းက ဘာကြောင့်မဖော်ထုတ်၊ အရေးမယူသေးသည်ကိုတော့ သူတို့က သံသယ ဝင်နေသည်။

''တခြားဒေသကလူတွေ လာပြီးသွေးထိုးလှုံ့ဆော်တာလို့ပြောကြတာပဲ။ အဲဒီ သတင်းက ဟုတ်ချင်မှဟုတ်မယ်။ မန္တလေးအနီးတစ်ဝိုက်မှာကို အခြေအနေမဲ့ နေတဲ့လူ ၂ဝဝလောက်ကို ဘာသာရေးလှုံ့ဆော်တဲ့နည်းစနစ်တွေကို လေ့ကျင့်ပေး နေတာရှိတယ်လို့လဲ ကြားတယ်။ ဘာသာရေးမှိုင်းတိုက်ထားတဲ့သူတွေပေါ့''ဟု မန္တလေးတိုင်းဒေသကြီး ဘာသာပေါင်းစုံချစ်ကြည်ညီညွတ်ရေးအသင်း ဒုဥက္ကဋ္ဌ လည်းဖြစ်သူ ဦးသိန်းဝင်းအောင်က သူ ကြားသိရသမျှကို ဖောက်သည်ချသည်။

မန္တလေးမြို့ အဓိကရုဏ်းကိုအခြေခံကာ တခြားသော မြန်မာပြည်၏နေရာ တော်တော်များများတွင် ဖြစ်ပွားခဲ့သော အဓိကရုဏ်းဖြစ်စဉ်များကို ထောက်ရှုပြီး မန္တလေးတိုင်းဒေသကြီး အမျိုးသားဒီမိုကရေစီအဖွဲ့ချုပ်မှ ပြန်ကြားရေးတာဝန်ခံ ဦးလှကောင်းကလည်း ယခုလို ကောက်ချက်ချသည်။

''အဓိကရုဏ်းက မိတ္ထီလာဖြစ်တုန်းကလိုပဲ၊ သဘောချင်းဆင်တယ်။ အစိုးရ က အချိန်မီမထိန်းသိမ်းနိုင်တာတွေ၊ တရားခံမဖမ်းမိသေးတာတွေ၊ ဘယ်ကလာ တဲ့သူတွေမှန်းမသိတဲ့သူတွေ လာရောက်အော်ဟစ်တာတွေက အတူတူပဲ''။
မိတ္ထီလာကယ်ဆယ်ရေးစခန်းများရှိ ဒုက္ခသည်များ ကူညီပံ့ပိုးရေးအကျိုး ဆောင် ဦးဆန်းဝင်းရှိန်ကလည်း ပဋိပက္ခများတွင် နောက်ကွယ်မှ ကြိုးကိုင်လှုံ့ ဆော်သူများရှိနေသည်ဟုယုံကြည်ပြီး ပဋိပက္ခတိုင်းသည် ကြိုတင်ပြင်ဆင်ပြီး အကွက်ချစီမံထားခြင်းဖြစ်သည်ဟု ထောက်ရှုသည်။

''ရုပ်ရှင်ဇာတ်ကားတစ်ကားလိုပဲ။ ဒါပြီးရင် ဘာလာမယ်၊ လူဆိုးလာမယ်၊ လူ ကောင်းနဲ့ ရန်ဖြစ်မယ်၊ ရဲကဝင်လာမယ်ဆိုတဲ့ မြန်မာဇာတ်ကားလိုပဲ။ ဒါမျိုးက ရိုးနေပြီ''ဟု ဦးဆန်းဝင်းရှိန်က ဥပမာပေးသည်။ တစ်ကြိမ်လည်းမဟုတ်၊ နှစ်ကြိမ် လည်း မကတော့သည့် အဓိကရုဏ်းဖြစ်စဉ်များကိုကြည့်လျှင် နိုင်ငံတော်သမ္မတ ကိုယ်တိုင်က အပြောနှင့်အလုပ် မညီသေးဘဲဖြစ်နေသည်ဟု ၄င်းကဆိုသည်။

''ပဋိပက္ခတွေရဲ့တရားခံတွေ၊ သွေးထိုးလှုံ့ဆော်သူတွေကို ဘယ်လောက်အထိ ဖော်ထုတ်နေပြီလဲဆိုတာသာ ကြည့်တော့။ နောက်ကွယ်က ကြိုးကိုင်သူတွေကို ဖော်ထုတ်နိုင်သင့်ပြီ။ အခုထိလဲ တရားခံတွေကို အပြည့်အဝမဖော်ထုတ်နိုင်သေး ဘူး''ဟု ဦးဆန်းဝင်းရှိန်က ထောက်ပြသည်။

ကြိုးကိုင်သူတွေ လွတ်နေသည်
=================

မိတ္ထီလာပဋိပက္ခတွင် ပြည်သူ့ရဲတပ်ဖွဲ့၏ အဓိကရုဏ်းနှိမ်နင်းရေးကို လုံးဝ အားမရဟု မိတ္တီလာခရိုင် ဘာသာပေါင်းစုံ ချစ်ကြည်ညီညွတ်ရေးအဖွဲ့၏ တွဲဖက် အတွင်းရေးမှူးလည်းဖြစ်သူ ဦးဆန်းဝင်းရှိန်ကဆိုသည်။

''မိတ္ထီလာမှာ ဖြစ်သွားတဲ့အဓိကရုဏ်းဆိုရင် ၂ဝ၊ ၂၁၊ ၂၂ ဒီသုံးရက်စလုံးက လုံးဝမင်းမဲ့စရိုက်လိုဖြစ်ခဲ့တာ။ စစ်မိန့်မထုတ်ခင်အထိပဲ။ လက်နက်ကိုင်ပြီး အထက်မိန့် ကို စောင့်နေတယ်တဲ့။ ပြည်သူ့ရဲတပ်ဖွဲ့က လက်ပိုက်ပြီး တော့ကို ကြည့်နေတာ''ဟု သူကိုယ်တိုင်ကြုံတွေ့ခဲ့ရသည် ကို ပြန်ပြောပြသည်။ပဋိပက္ခများတွင် တာဝန်အရှိဆုံးကတော့ နိုင်ငံတော်အစိုးရသာဖြစ်သည် ဟု သူကဆိုသည်။ ''အစိုးရကိုယ်တိုင်က တာဝန်မခံရဲတာ။ လောင်စေချင်လို့လွှတ် ထားတဲ့မီးစတွေကို အစိုးရအနေနဲ့ ဘယ်လိုမျိုးတားမှာလဲ''ဟု ဦးသက်ဆွေဝင်းက မေးခွန်းထုတ်သည်။

ပြီးခဲ့သည့်ရက်ပိုင်းကဖြစ်ပျက်ခဲ့သော မန္တလေးမြို့ပဋိပက္ခတွင်လည်း အော် ဟစ်ဆဲဆိုကြိမ်းမောင်းနေသော လူအုပ်ကြီးကို လူစုမခွဲဘဲ စောင့်ကြည့်နေသော ပြည်သူ့ရဲတပ်ဖွဲ့ကို ဂဠုန်နီဆရာတော်ဦးကာဝီယကလည်း အားမလိုအားမရဖြစ် ခဲ့သည်။

''ရဲတွေကတော့ အထက်ကအမိန့်စောင့်နေတယ်လို့ပဲပြောတယ်။ ပဋိပက္ခ က ဖြစ်နေပြီ၊ အမိန့်စောင့်နေလို့မရတော့ဘူး၊ အမိန့်စောင့်နေရင် သွေးချောင်းစီး သွားလိမ့်မယ်၊ မန္တလေးမြို့ပြာကျသွားလိမ့်မယ်''။

စိတ်ပေါက်ပေါက်နှင့် သေနတ်ကို ထောင်ဖောက်(ပစ်)ပြီး လူစုခွဲဖို့ ဆရာ တော်က ယခုလိုပြောလိုက်သည်ဟုဆိုသည်။ ''ဒီလောက်ဖြစ်နေတာကို ဘာလို့ လက်ပိုက်ကြည့်နေရလဲ၊ ဘာလို့မဖမ်းလဲ၊ သေနတ်တွေပါနေတာပဲ၊ နှစ်ချက်သုံး ချက်လောက် မိုးပေါ်ထောင်ဖောက်ပြီး လူစုခွဲပါလား''။ အကြိမ်ကြိမ်လူစုခွဲပေးဖို့ ရဲတွေကို မိန့်ကြားခဲ့သည့်တိုင် ရဲများက လိုက်မလုပ်သည်ကိုကြည့်လျှင် ဘာကြောင့် လဲဆိုသည်ကို ယခုထိအဖြေမရသေးဟု ဆရာတော်ဦးကာဝီယက ရန်ကုန်တိုင်းမ် သို့ မိန့်သည်။

နောက်ဆုံးတော့လည်း အဓိကရုဏ်းထိန်းသိမ်းရေးလုပ်ငန်းစဉ်အတိုင်း ရော်ဘာကျည်ဆန်ဖြင့် သေနတ်ပစ်ဖောက် လူစုခွဲခဲ့ရသည်ဟု မန္တလေးတိုင်းဒေသကြီး ရဲတပ်ဖွဲ့က သတင်းထုတ်ပြန်ခဲ့သည်။

အဓိကရုဏ်းဇာတ်လမ်း ဘာကြောင့်ဖြစ်
======================

ဘာမျှမဟုတ်သည့် လူမှုရေးပြဿနာများကိုအခြေခံ မတော်တဆအချင်း များရာက အကြောင်းပြုပြီး နောက်ဆက်တွဲ သွေးထိုးလှုံ့ဆော်မှုများကြောင့်သာ ယခုလို အဓိကရုဏ်းများဖြစ်ရသည်ဟု ဦးဆန်းဝင်းရှိန်ကဆိုသည်။

''တချို့က နိုင်ငံရေးဗန်းပြတယ်၊ တချို့က ဘာသာရေးဗန်းပြတယ်။ အားလုံး ကတော့ ကိုယ်ကျိုးရှာသမားတွေများတယ်။ အမြတ်ထုတ်ချင်တဲ့လူတစ်စုကြောင့် ပြဿနာကပိုကြီးသွားတာ''ဟု ၄င်းကယူဆသည်။

''ကုလားနဲ့ မြန်မာကိုပဲတိုက်ပေးနေတာ။ အခု နှစ်ဖက်စလုံး မှာ အကာအကွယ်မဲ့နေပြီ''။ ဦးဆန်းဝင်းရှိန်ကတော့ နိုင်ငံ တော်သမ္မတဦးသိန်းစိန်ပြောခဲ့သည့် နောက်ကွယ်ကကြိုး ကိုင်သူများကို ဖော်ထုတ်မည်ဆိုသည့်စကားကို စောင့်ကြည့် ဖို့ရှိတော့သည်ဟု ဆိုပါသည်။

ပဋိပက္ခများဖြစ်ပွားလာရခြင်း၏ အကြောင်းရင်းများ စွာ ရှိနိုင်ပါသည်။ မိမိတို့စုံစမ်းမေးမြန်းခဲ့သော ပုဂ္ဂိုလ်များ၏ ထင်မြင်ယူဆချက်များကို ထောက်ရှုကြည့်လျှင် တူညီသော ထင်မြင်ယူဆချက်တချို့ရှိပါသည်။ ပထမတစ်ချက်အနေ ဖြင့် ဦးသိန်းစိန်အစိုးရသစ်တက်လာပြီးနောက်ပိုင်း တိုင်း ပြည်ပြုပြင်ပြောင်းလဲရေးလုပ်ငန်းများ အရှိန်မြှင့်ဆောင် ရွက်နေခြင်းကို နှောင့်နှေးစေဖို့သို့မဟုတ် နောက်ကြောင်း ပြန်လှည့်စေလိုသည့် တချို့သော အင်အားစုများက တိုင်း ပြည်အတွင်း လူမျိုးရေး၊ ဘာသာရေး မီးများလောင်ကျွမ်း စေဖို့အတွက် နောက်ကွယ်မှ အကွက်ကျကျကြိုးကိုင်လှုပ် ရှားနေခြင်း ဖြစ်နိုင်သည် ဟုဆိုသည်။

''အစ္စလာမ်တွေထဲမှာ အစွန်းရောက်တွေ တချို့ရှိနေ တယ်။ မြန်မာဗုဒ္ဓဘာသာတွေထဲမှာလဲ အစွန်းရောက်တွေ ပေါ်လာအောင် သူတို့ကလုပ်နေတယ်။ ဒါကြောင့်ဗုဒ္ဓဘာ သာခေါင်းဆောင်တွေကို အစွန်းရောက်တွေလို့ စွပ်စွဲတာ တွေရှိလာတယ်''ဟု ဂဠုန်နီဆရာတော် ဦးကာဝီယကမိန့် သည်။ ''ဆိုတော့ သူတို့စွပ်စွဲသလိုမဖြစ်ရအောင် ကိုယ်တွေ က မညံ့ဖို့လိုတယ်။ တတ်နိုင်သလောက် စောင့်ထိန်းဖို့လိုတယ်''။

နောက်တစ်ကြောင်းကတော့ တိုင်းပြည်အတွင်း မပြေ လည်နိုင်သေးသော နိုင်ငံရေးအကျပ်အတည်းများကို အာရုံ ရောက်နေသည့် ပြည်သူလူထု၏ နား၊ မျက်စိတို့ကို အာရုံ လွှဲရန်အလို့ငှာ အကြောင်းရှာပြီး နောက်ကွယ်မှ အင်အားစု အချို့က လူမျိုးရေး၊ ဘာသာရေးအသွင်ဆောင်သည့် ပဋိပက္ခ များဖြစ်အောင် လှုံ့ဆော်ဖန်တီးနေသည်ဆိုသည့်ယူချက် ဖြစ်သည်။

''နိုင်ငံရေးလှည့်ကွက်ဆိုတာ ရှင်းနေတာပဲ။ ကုလားနဲ့ ဗမာကို တိုက်ပေးတာပဲ။ အခု၄၃၆ ပြင်ဆင်ရေးတွေ ရှုပ် နေတော့လေ''ဟု အစ္စလာမ်ဘာသာရေးဂိုဏ်းချုပ်ဆရာ တော်ဦးသိန်းဝင်းအောင်က တွက်ဆသည်။

ဇာတ်ဆရာ(ဝါ)ကြိုးကိုင်သူကို ဖော်ထုတ်ပေး
=======================

မည်သို့ဆိုစေ ပဋိပက္ခမဖြစ်ဖြစ်အောင် လှုံ့ဆော်နေသူ တွေရှိနေတယ်ဆိုတာတော့ အသေအချာပဲဟု Center for Youth Harmong မှ ဦးသက်ဆွေဝင်းက ယုံကြည် နေသည်။ တမင်တကာကို ရည်ရွယ်ချက်ရှိရှိလုပ်နေသည် ဟု ကြိုးကိုင်သူများကို ၄င်းကစွပ်စွဲသည်။

''အကုန်လုံးကို ပပျောက်အောင်လုပ်ဖို့က တော်တော် ခက်ပါတယ်။ အစိုးရကိုယ်တိုင်က လုပ်ရမှာ၊ အစိုးမှာ တာ ဝန်ရှိတယ်''ဟု ၄င်းက ဆိုသည်။ ထိုအချက်ကို အမျိုးသား ဒီမိုကရေစီအဖွဲ့ချုပ်(မန္တလေး)မှ ပြန်ကြားရေးတာဝန်ခံဦး လှကောင်းကလည်း လက်ခံသည်။

''အစိုးရမှာ တာဝန်အရှိဆုံးပဲ။ ပြည်သူက ဘာမှကို မသိဘူး။ ကုလားက စတာလဲမဟုတ်ဘူး၊ ဗမာကစတာလဲ မဟုတ်ဘူး။ ဘယ်ကလာတဲ့ သူမှန်းမသိတဲ့သူတွေ လာပြီး လုပ်သွားတာ''ဟု ဦးလှကောင်းက မန္တလေးမြို့ပဋိပက္ခဖြစ် စဉ်ကိုအခြေခံပြီးပြောသည်။

''နောက်ကွယ်က ကြိုးကိုင်လှုံ့ဆော်သူများ၊ ပဋိပက္ခ တရားခံများကို ဘာကြောင့်မဖော်ထုတ်နိုင်ရသေးတာလဲ'' ဟုဆိုတာ နိုင်ငံတော်အစိုးရကို ဦးလှကောင်းက မေးခွန်း ထုတ်သည်။ ''သာမန်လူသတ်မှုတောင် ချက်ချင်းမိသေးတာ ပဲ။ အစိုးရအဖွဲ့ရဲ့ပဋိပက္ခကြိုတင်ကာကွယ်မှုက တော်တော် ကိုအားနည်းတယ်''ဟု သူက ဝေဖန်သည်။

ယခင်တုန်းကဆိုလျှင် လူနည်းနည်းစုလျှင်တောင် ဖမ်းနိုင်ခဲ့သည့်အစိုးရအနေဖြင့် အခုမှတရားခံကို မဖော် ထုတ်နိုင်သေးခြင်းကို စဉ်းစားလို့ပင်မရဟု ဦးသက်ဆွေ ဝင်းကဆိုသည်။ အမုန်းစကားတွေကို ဖြန့်ဝေပေးနေသူ တွေကို ဘာကြောင့်မတားဆီးနိုင်သေးတာလဲ စသောမေးခွန်း များကိုသာ ဦးသက်ဆွေဝင်းက အဖြေရှာနေတော့သည်။

ဒီပဋိပက္ခ၊ အဓိကရုဏ်းများ၏ နောက်ကွယ်တွင် သွေးထိုးလှုံ့ဆော်သူများသည် အစုအဖွဲ့လိုက်ကို ရှိနေသည် ဟု ဂဠုန်နီဆရာတော်ဦးကာဝီယကလည်း ယူဆသည်။ နိုင်ငံတော်သမ္မတကိုယ်တိုင်က နောက်ကွယ်မှာ ကြိုးကိုင် လှုံ့ဆော်သူများရှိနေသည့်အကြောင်း ပြောထားပြီးသားပေ မို့ ဆရာတော်က ယခုလိုပဲခပ်ပြတ်ပြတ်မိန့်ကြားခဲ့ပါသည်။

******* ''တရားခံကို ဖော်ထုတ်ပေးပါ၊ ပြပေးပါလို့တောင်း ဆိုတယ်'' *******

Yangon Media Group
ရန်ကုန်တိုင်းမ် ဂျာနယ်