မြန်မာ-ထိုင်း နှစ်နိုင်ငံ နယ်စပ်ဝင်/ထွက်ပေါက်များအား အပြည်ပြည်ဆိုင်ရာ ၀င်/ထွက်ပေါက်များအဖြစ် ယခုလအတွင်း သတ်မှတ်မည်

ပို့စ်တင်ချိန် - 8/26/2013 01:31:00 PM

တာချီလိတ်မြို့အနီး ရွှေတြိဂံဒေသတွင် လာရောက်လည်ပတ်နေသည့် ခရီးသွားအချို့ကို တွေ့ရစဉ်
မြန်မာ-ထိုင်းနှစ်နိုင်ငံ နယ်စပ်ဝင်/ထွက်ပေါက်များကို နှစ်နိုင်ငံ အစိုးရ သဘောတူညီချက်အရ ၂၀၁၃ ခုနှစ် သြဂုတ် ၂၈ ရက်မှစတင်၍ အပြည်ပြည်ဆိုင်ရာ ၀င်/ထွက်ပေါက်အဖြစ် သတ်မှတ်သွားမည်ဖြစ်ကြောင်း ပြည်ထောင်စုသမ္မတ မြန်မာနိုင်ငံတော် လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန၏ သတင်းထုတ်ပြန်ချက်များအရ သိရသည်။
သတ်မှတ်သွားမည့် နယ်စပ်များမှာ တာချီလိတ်-မယ်ဆိုင်၊ မြ၀တီ- မဲဆောက်၊ ထီးခီး-ဖူနာရွန်နှင့် ကော့သောင်း-ရနောင်းနယ်စပ်တို့ဖြစ်ကြောင်း သိရှိရပြီး သက်တမ်းရှိသော နိုင်ငံကူးလက်မှတ်နှင့် ပြည်ဝင်ဗီဇာ ပါရှိသူ မြန်မာ-ထိုင်းနှစ်နိုင်ငံ သားများနှင့် တတိယနိုင်ငံသားများကို ၀င်/ထွက်ခွင့် ပြုမည်ဖြစ်သည်။
ထိုသို့ အပြည်ပြည်ဆိုင်ရာ ၀င်/ထွက်ပေါက်များမှ ၀င်ထွက်သူများမှာ မြန်မာနိုင်ငံရှိ မည်သည့်အပြည်ပြည်ဆိုင်ရာ လေဆိပ်ဝင်/ထွက်ပေါက်များမှမဆို ပြန်လည်ဝင်/ထွက်သွားလာခွင့် ပြုသွားမည်ဖြစ်ကြောင်း သိရသည်။ မြန်မာနိုင်ငံ အတွင်းသို့ ၀င်ရောက်ရန် လျှောက်ထားရယူခဲ့သည့် ဗီဇာအမျိုးစားအလိုက် သတ်မှတ်ထားသော နေခွင့်သက်တမ်း၊ သက်တမ်းတိုးမြှင့်ခြင်းနှင့် ဗီဇာနှုန်းထားများမှာ ယခင်သတ်မှတ်ချက်များ အတိုင်းသာဖြစ်ပြီး နယ်စပ်ဝင်/ထွက်ပေါက်များတွင် ဆိုက်ရောက်ဗီဇာများကို လတ်တလော အခြေအနေရ ထုတ်ပေးခြင်း မပြုသေးကြောင်း သိရသည်။
ထို့အပြင် ၂၀၁၃ ခုနှစ် ဇန်န၀ါရီ လ၀က်အတွင်း ပြည်ထဲရေး ၀န်ကြီးဌာနမှ ထုတ်ပြန်ထားသော ကန့်သတ်နယ်မြေများမှလွဲ၍ ကျန်နယ်မြေ ဒေသများသို့ သွားလာနိုင်ပြီး အဆိုပါ ကန့်သတ်နယ်မြေ စာရင်းများကို နယ်စပ်ဝင်/ထွက်ပေါက်များတွင် စုံစမ်းနိုင်ပါကြောင်း ဖော်ပြပါရှိသည်။

Eleven