ရန်ကုန်မြို့တွင် တစ်ရက်အတွင်း ဒုတိယမြောက် ဗုံးပေါက်ကွဲမှု သာကေတမြို့နယ်၌ ဖြစ်ပွားရာ ကလေးငယ်နှစ်ဦး ဒဏ်ရာရ
ပို့စ်တင်ချိန်
-
10/14/2013 12:16:00 PM
ရန်ကုန်မြို့တွင် တစ်ရက်အတွင်း ဒုတိယမြောက် ဗုံးပေါက်ကွဲမှုအဖြစ် သာကေတမြို့နယ်၌ အောက်တိုဘာ ၁၃ ရက် ညနေပိုင်းက ဖြစ်ပွားခဲ့ရာ အသက် ၁၄ နှစ်အရွယ် ကလေးငယ်နှစ်ဦး ဒဏ်ရာရရှိခဲ့ကြောင်း သတင်းရရှိသည်။
အဆိုပါ ပေါက်ကွဲမှုဖြစ်စဉ်မှာ သာကေတမြို့နယ် ၃/မာန်ပြေရပ်ကွက်၊ ယမုံနာလမ်း အခွန်လွတ်ဈေးရှေ့ လမ်းဘေးပလက်ဖောင်း အနီးတွင် ရပ်ထားသော သစ်လုံးတင်ကား နောက်တွဲအောက်တွင် အမဲရောင် ကျွတ်ကျွတ်အိပ်ဖြင့် ထည့်ထားသော အထုပ်အား ဒေါပုံမြို့နယ် သင်္ဘောကျင်း ရပ်ကွက်တွင် နေထိုင်သည့် ထက်အောင်နိုင် (၁၄ နှစ်) နှင့် ၀င်းမင်းထွေး (၁၄ နှစ်) တို့ နှစ်ဦးမှ ကောက်ယူ၍ အိတ်အတွင်း ပါရှိသော အနီရောင် စားပွဲတင်နာရီ၏ လက်တံအား လှည့်ကြည့်စဉ် ပေါက်ကွဲမှု ဖြစ်ပွားခဲ့ခြင်း ဖြစ်သည်။ ကလေးငယ်နှစ်ဦးမှာ လက်နှင့် ခြေထောက်တို့တွင် ပေါက်ပြဲဒဏ်ရာများ ရရှိခဲ့သော်လည်း အသက်အန္တရာယ် မစိုးရိမ်ရကြောင်း ရန်ကုန်တိုင်းဒေသကြီး ရဲတပ်ဖွဲ့မှ သတင်းထုတ်ပြန်ချက်အရ သိရသည်။
အဆိုပါ ပေါက်ကွဲမှုဖြစ်စဉ်သို့ အမှတ် (၉၀၅) စစ်မြေပြင် အင်ဂျင်နီယာ တပ်ရင်းမှ မိုင်းရှင်းလင်းရေး အဖွဲ့ဝင် ၁၂ ဦး လာရောက်ကာ ဖြစ်စဉ်အနီး ၀န်းကျင်တွင် မိုင်းရှာဖွေမှုများ ပြုလုပ်ခဲ့သည်။
ရန်ကုန်တိုင်းဒေသကြီး စစ်ဌာနချုပ်မှ တာဝန်ရှိသူ တစ်ဦးက "ကနဦး အနေနဲ့ မိုင်းတပ်စု တစ်စုနဲ့ ရှင်းလင်းရေး ဆောင်ရွက်နေပါတယ်။ လက်ရှိရရှိတဲ့ အချက်အလက်တွေအရ နံနက်က ဖြစ်ပွားခဲ့တဲ့ ပေါက်ကွဲမှု ဖြစ်စဉ်က ဗုံးအမျိုးအစားနဲ့ အခုဖြစ်ခဲ့တဲ့ ဗုံးအမျိုးအစားက အတူတူပဲ ဖြစ်တဲ့အတွက် လုပ်တဲ့အဖွဲ့က တစ်ဖွဲ့တည်းလို့ သုံးသပ်လို့ ရပါတယ်။ လက်လုပ်ချိန်ကိုက်မိုင်းပါ။ အသေးစိတ် စစ်ဆေးဆောင်ရွက်နေဆဲ ဖြစ်ပါတယ်" ဟု အောက်တိုဘာ ၁၃ ရက် ည ၉ နာရီက ပြောကြားခဲ့သည်။
ရန်ကုန်တိုင်းဒေသကြီး နယ်မြေအတွင်း တစ်ရက်အတွင်း ပေါက်ကွဲမှု နှစ်ကြိမ်ဖြစ်ပွားခဲ့ရာ တိုင်းခရိုင်၊ မြို့နယ်များတွင် လုံခြုံရေး တိုးမြှင့်ချထားပြီး ပြည်သူများ အနေဖြင့်လည်း လူစည်ကားရာ နေရာများနှင့် လမ်းကြိုလမ်းကြားများတွင် မသင်္ကာဖွယ်ရာ အထုပ်များ တွေ့ရှိပါက ဖွင့်ဖောက်ခြင်း မပြုလုပ်ဘဲ သက်ဆိုင်ရာသို့ သတင်းပို့ရန် ရန်ကုန်တိုင်းဒေသကြီး ရဲတပ်ဖွဲ့မှ အောက်တိုဘာ ၁၃ ရက် ညတွင် သတင်းထုတ်ပြန်ခဲ့သည်။
အခင်းဖြစ်ပွားရာ နေရာ၌ အမှတ် (၉၀၅) စစ်မြေပြင် အင်ဂျင်နီယာ တပ်ရင်းမှ မိုင်းရှင်းလင်းရေး အဖွဲ့ဝင်များ မိုင်းရှာဖွေမှုများ ပြုလုပ်နေစဉ်
Eleven Media Group
