မောင်တောခရိုင် အမျိုးသား လူမူကူညီ စောင့်ရှောက်ရေးအသင်း ဆန္ဒပြခံရ

ပို့စ်တင်ချိန် - 1/14/2014 11:55:00 AM


(နိရဉ္စရာ- ၁၄ ဇန်န၀ါရီ ၂၀၁၃)

“ ပေးထားသော ကတိမတည်” ဟုဆိုကာ မောင်တောခရိုင်အမျိုးသားလူမှုကူညီစောင့်ရှောက်ရေးအသင်းအား ဒေသခံအချို့ လာရောက် ကန့်ကွက် ဆန္ဒပြခဲ့ကြသည်ဟု သိရသည်။

ဆန္ဒုပြသူများမှာ မောင်တောမြို့နယ် တောင်ပိုင်းရှိ ဘင်္ဂလီတို့၏ အကြမ်းဖက်မှုခံခဲ့ရသော ရွှေရင်အေးနတလ စံပြ ကျေးရွာနှင့် ခရေမြိုင် နတလ စံပြကျေးရွာတို့မှ ရွာသားများ ဖြစ်ကြသည်ဟု ဆန္ဒပြရာတွင် ပါဝင်သူ ကိုမောင်ကြီးက ပြောသည်။

“ စုစုပေါင်း လူ ၅၀ ပူးပေါင်းပါဝင်ပြီး ဆန္ဒပြကြတာ ဖြစ်ပါတယ်။ အဲဒီအသင်းရဲ့ ရုံးရှေ့မှာ ဒီလ ၁၃ ရက် နေ့လယ် ၁ နာရီ ၂၀ မှာ စပြီး ပြပါတယ်။ ဆန္ဒပြရတဲ့ ရည်ရွယ်ချက် ပေးထားတဲ့ ကတိအတိုင်း အကောင်အထည်ဖေါ် ဆောင်ရွက်ပေးဖို့ အတွက် ဖြစ်ပါတယ်” ဟု ယင်းက ဆိုသည်။

၎င်းရုံးသည် မောင်တောမြို့ ရပ်ကွက်(၄) ဦးဥတ္တမလမ်းတွင် တည်ရှိပြီး UN နှင့် အိုင်အန်ဂျီအိုနောက်ခံဖြင့် ဖွဲ့စည်းထားသော အသင်းဖြစ်ပြီး ဘင်္ဂလီဝန်ထမ်း (၂) ဦးက ကြီးကြပ်ဆောင်ရွက်နေသည်ဟု ဆိုသည်။

“ အဲဒီ အသင်းက ကျွန်တော်တို့ကျေးရွာတွေက အိမ်ထောင်စုတစ်စုကို ကျပ် တစ်သိန်း ငါးသောင်းစီ ထောက်ပံ့ ပေးမယ်လို့ ပြောပါတယ်။ ပေးတော့ အိမ်ထောင်စု ၂၁၂ စုအထဲက ၁၇၅ စုကိုဘဲ ပေးတယ်။ ဒါ့အပြင် သူတို့ပေးထားတဲ့ တစ်သိန်း ငါးသောင်းမှာလည်း ကျပ် တစ်သိန်းနှစ်သောင်းကိုပေးတယ်။ တစ်ခါ ပေးပြီးသားငွေတွေကို လွတ်လွတ်လပ်လပ် ထောက်ပံ့တာမျိုး မဟုတ်ဘဲနဲ့ တလအတိုးနုန်း ၁၂၀၀ ပေးရမယ်ဆိုပြီး လာပြန်တယ်။ ခုတမျိုး၊ တော်ကြာတမျိုး လုပ်နေတဲ့အတွက် ဒါကို ပြတ်ပြတ်သားသားသိချင်တယ်။ ဒါကို လာပြီးတောင်းဆိုတာ ဖြစ်ပါတယ်” ဟု ကိုမောင်ကြီးက သူတို့ ဆန္ဒလာပြရခြင်း၏ အဓိက အသေးစိတ် အကြောင်းအရင်းကို ဆက်လက် ပြောဆိုသည်။

ငွေကြေးထောက်ပံ့ပေးမူကို ကြိုဆိုသော်လည်း ခုတမျိုး၊ တော်ကြာတမျိုး ဖြစ်နေ၍ ကျေးရွာသားများအကြားတွင် ရှုပ်ထွေးမူများ ပေါ်ပေါက်နေသဖြင့် ယခု ငွေကြေးထောက်ပံ့မူနှင့် ပတ်သက်ပြီး တိတိကျကျ ပြတ်ပြတ်သားသား မိမိတို့အား ရှင်းပြစေလို၍ ဆန္ဒဖေါ်ထုတ်ရခြင်း ဖြစ်ကြောင်း ဆန္ဒပြပွဲတွင် ပါဝင်သူ ဦးကျော်က ပြောသည်။

အဆိုပါ ဆန္ဒပြမူနှင့် ပတ်သက်ပြီး သဘောထားကို သိရှိနိုင်ရန် ဆန္ဒပြခံရသည့် မောင်တောခရိုင် အမျိုးသား လူမူကူညီ စောင့်ရှောက်ရေးအသင်းအား ဆက်သွယ်သော်လည်း အဆက်အသွယ် ရရှိခဲ့ခြင်းမရှိပါ။