၂ နှစ်အတွင်း အခန်းပေါင်း ၃၅၀၀၀ တည်ဆောက်မည်
ပို့စ်တင်ချိန်
-
1/15/2014 06:29:00 PM
မြို့ရွာနဲ့ အိုးအိမ် ဖွံ့ဖြိုးရေးဌာနဟာ လာမယ့် ၂ နှစ်အတွင်း တန်ဖိုးနည်းနဲ့ အထပ်မြင့် အိမ်ရာစီမံကိန်းတွေကနေ အခန်းပေါင်း ၃ သောင်း ၅ ထောင် တည်ဆောက် ဖော်ထုတ်ဖို့ စီစဉ်နေတယ်လို့ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးကျော်လွင်က ပြောပါတယ်။
ဇန်န၀ါရီ ၁၄ ရက်နေ့က နေပြည်တော်မှာ ကျင်းပတဲ့ ပြည်ထောင်စုလွှတ်တော် အစည်းအဝေးမှာ ၂၀၁၄ – ၁၅ အမျိုးသားဘဏ္ဍာရေး ဥပဒေကြမ်းကိစ္စ ဆွေးနွေးတဲ့အခါ သူက ခုလို ပြောသွားတာ ဖြစ်ပါတယ်။
တည်ဆောက်ဖော်ထုတ်မယ့် စီမံကိန်းတွေထဲမှာ အကြီးဆုံးကတော့ ရန်ကုန်တိုင်း ဒဂုံဆိပ်ကမ်းမြို့နယ်မှာ ဖော်ထုတ်မယ့် ဧရာဝဏ်နဲ့ ရတနာ အထပ်မြင့်စီမံကိန်း ဖြစ်ပြီး ၁၈ ထပ် တိုက် ၄၉ လုံး ကနေ အခန်း စုစုပေါင်း ၂ သောင်းလောက် ပါဝင်မယ်လို့ သူက ပြောပါတယ်။
ကျန်တဲ့ စီမံကိန်းတွေကတော့ လှိုင်သာယာမြို့နယ်မှာ ထီးလှိုင်ရှင်နဲ့ ကျန်စစ်မင်း စီမံကိန်း၊ ဒဂုံဆိပ်ကမ်းမြို့နယ်မှာ ကျီစုအရှေ့စီမံကိန်းနဲ့ အခြား စီမံကိန်းတွေ ပါဝင်တယ်လို့ ပြည်ထောင်စုဝန်ကြီးက ရှင်းလင်း ပြောဆိုပါတယ်။
DVB
