တရုတ် ရေနံပိုက်လိုင်း ပေါက်ကွဲမှု လူ ၄၀ ကျော်သေဆုံး

ပို့စ်တင်ချိန် - 11/24/2013 08:00:00 PM


ဘေဂျင်း၊ နိုဝင်ဘာ ၂၂

တရုတ်နိုင်ငံ ကွမ်ဒေါင်း ဆိပ်ကမ်းမြို့ရှိ ရေနံပိုက်လိုင်း ပေါက်ကွဲမှုကြောင့် လူ ၄၀ ကျော် သေဆုံးသွားကြောင်း ဒေသခံ အာဏာပိုင်များ ပြောကြားချက်ကို ကိုးကားပြီး CNA သတင်းတွင် ဖော်ပြထားသည်။

ပေါက်ကွဲမှုကြောင့် လမ်းများ ပျက်စီးသွားပြီး ကားများ တိမ်းမှောက်သွားကာ မီးခုံးလုံးကြီးများ ပေါ်ထွက်လာသည်ကို ဓာတ်ပုံများတွင် ဖော်ပြထားသည်။

သောကြာနေ့ ညနေပိုင်းအထိ နောက်ဆုံး ရရှိထားသည့် သတင်းများအရ သေဆုံးသူပေါင်း ၃၅ ဦးထိ ရှိပြီး ၁၆၆ ဦး ဒဏ်ရာရရှိထားကြောင်း သိရသည်။

တရုတ်အစိုးရပိုင် Sinopec ကုမ္ပဏီ၏ ရေနံပိုက်လိုင်း ယိုစိမ့်မှု ဖြစ်ပွားနေသည်ကို အလုပ်သမားများက ပြင်ဆင်ရန် ကြိုးပမ်းရာမှတစ်ဆင့် သောကြာနေ့တွင် ပေါက်ကွဲမှု ဖြစ်ပွားခဲ့ခြင်း ဖြစ်ကြောင်း ကွမ်ဒေါင်း မြူနီစီပယ် အစိုးရအဖွဲ့က ပြောကြားသည်။

ပေါက်ကွဲမှု ဖြစ်ပွားသည့်အတွက် လွန်စွာဝမ်းနည်းကြောင်း၊ သေဆုံးသွား သူများ၏ မိသားစုဝင်များကို ကူညီ ထောက်ပံ့ပေးသွားမည် ဖြစ်ပြီး တိုင်းပြည်ကိုလည်း တောင်းပန်ကြောင်း Sinopec ကုမ္ပဏီ ဥက္ကဋ္ဌ ဖူချန်ယူက ပြောကြားသည်။
“မတော်တဆမှု ဖြစ်ပွားရခြင်း အကြောင်းကို ရှာဖွေသွားမှာ ဖြစ်ပါတယ်။ အားလုံးကို ရှင်းလင်း အသိပေး သွားပါမယ်” ဟု ၎င်းက ပြောကြားသည်။

တရုတ်နိုင်ငံ၏ စက်မှုလုပ်ငန်း ဘေးအန္တရာယ် ကင်းရှင်းမှု မှတ်တမ်းများမှာ ဆိုးရွားလျက် ရှိပြီး စီးပွားရေး လုပ်ငန်းရှင်များက လာဘ်ငွေပေးခြင်းဖြင့် စည်းကမ်း သတ်မှတ်ချက်များကို ရှောင်ရှားလေ့ရှိကာ ဥပဒေ လိုက်နာမှုလည်း လျော့ရဲလျက် ရှိကြောင်း CNA သတင်းတွင် ဖော်ပြထားသည်။

၂၀၁၃ ခုနစ်အတွင်း လုပ်ငန်းခွင် မတော်မဆ ဖြစ်ရပ်များကြောင့် လူပေါင်း ၂၈,၀၀၀ ခန့် သေဆုံး သို့မဟုတ် ပျောက်ဆုံး ခဲ့ရကြောင်း တရုတ်အစိုးရပိုင် မီဒီယာများတွင် ဖော်ပြထားသည်။

The Voice Weekly