အားကစားပြိုင်ပွဲများက ပေးသော သင်ခန်းစာ
ပို့စ်တင်ချိန်
-
12/23/2013 05:15:00 PM
မြန်မာနိုင်ငံက အိမ်ရှင်နိုင်ငံအဖြစ် လက်ခံ ကျင်းပလျက်ရှိသည့် (၂၇) ကြိမ်မြောက် အရှေ့တောင်အာရှ အားကစားပြိုင်ပွဲ ပြီးဆုံးသွားပြီ ဖြစ်သည်။ မကြာသေးခင် အချိန်က ဝဏ္ဏသိဒ္ဓိ အားကစားပြိုင်ကွင်းအတွင်း ပိတ်ပွဲ အခမ်းအနားကို ခြိမ့်ခြိမ့်သဲသဲ ကျင်းပခဲ့သည်။ စုစုပေါင်း အားကစားနည်း ၄၄ မျိုးအတွက် ဆုတံဆိပ် ၅၅၄ ဆု ချီးမြှင့်ပေးခဲ့ရာ ဒီဇင်ဘာလ ၂၂ ရက် ပြိုင်ပွဲအားလုံး ပြီးဆုံးချိန်တွင် မြန်မာ အားကစားအဖွဲ့က ရွှေတံဆိပ် ၈၆ ခု၊ ငွေတံဆိပ် ၆၂ ခု၊ ကြေးတံဆိပ် ၈၅ ခု စုစုပေါင်း ဆုတံဆိပ် ၂၃၃ ဖြင့် နိုင်ငံအလိုက် ဒုတိယနေရာတွင် ရပ်တည်ခဲ့သည်။
ပြီးခဲ့သည့် ၂၀၁၁ ခုနှစ်က အင်ဒိုနီးရှား နိုင်ငံတွင် ကျင်းပခဲ့သော (၂၆) ကြိမ်မြောက် အရှေ့တောင်အာရှ အားကစားပြိုင်ပွဲတွင် ရွှေတံဆိပ် ၁၆ ခုဖြင့် အဆင့်ခုနစ် နေရာသာ ရရှိခဲ့ခြင်းနှင့် နှိုင်းယှဉ်လျှင် အဆပေါင်းများစွာ ခုန်ပျံ တိုးတက်လာခြင်းဟု ဆိုနိုင်သည်။ မြန်မာ ပြည်သူလူထု အများစု၊ မီဒီယာများနှင့် လေ့လာသုံးသပ်သူ များကမူ မြန်မာ အားကစားသမားများ ဤမျှလောက်အထိ ဆုတံဆိပ်များ ရယူနိုင်လိမ့်မည်ဟု မျှော်လင့်မထားကြပေ။ အမြင့်ဆုံးအဆင့် စတုတ္ထနေရာလောက်သာ ဝင်နိုင်လိမ့်မည်ဟု ခန့်မှန်းထားကြသည်။ သို့သော် ပြီးခဲ့သည့် စနေနေ့က ထိုခန့်မှန်းချက်များ မှားယွင်းကြောင်း မြန်မာ့ရိုးရာ လှေလှော်နှင့် မွေလက်ရွေးစင် အားကစား သမားများက သက်သေပြသွား ခဲ့ကြသည်။
စင်စစ်အားဖြင့် မြန်မာ့လက်ရွေးစင် အားကစားသမားများ ဤမျှလောက် အောင်ပွဲရခြင်းမှာ ပရိသတ်၏ အားပေးမှု၊ အားကစားသမားများ၏ စိတ်ဓာတ်၊ သက်ဆိုင်ရာ၏ ပံ့ပိုးကူညီမှု တို့ကြောင့်ဟူသော ယေဘုယျဆန်ဆန် အကြောင်းများထက် ပိုသည်ဟု ပြောနိုင်သည်။ ပွင့်လင်းစွာ ပြောရလျှင် မြန်မာအားကစားသမား အများစုမှာ လဲစရာဝတ်စုံ၊ လေ့ကျင့်စရာ နိုင်ငံတကာ အဆင့်မီ ကိရိယာ ပစ္စည်းများ၊ အာဟာရနှင့် ကျန်းမာရေးကို စနစ်တကျ တွက်ချက် ကျွေးမွေးသော အစားအသောက်နှင့် စိတ်ဓာတ် လုံခြုံမှု ရှိစေရန်ပေးသော နေ့တွက်စရိတ် အစရှိသည်တို့ကို ပြိုင်ဘက် နိုင်ငံများကဲ့သို့ လုံလောက်စွာ မရရှိခဲ့ပေ။ ငါးပိရည်၊ တို့စရာနှင့် ထန်းလျက်ခဲစားကာ ဝတ်စုံတစ်စုံကို ဖန်တစ်ရာတေ ဝတ်ဆင်ပြီး စိတ်ဓာတ်သက်သက်ဖြင့် ပြိုင်ပွဲဝင် အနိုင်ရခဲ့သည့် မြန်မာ အားကစားသမားများ၏ စွမ်းဆောင်ရည်မှာ များစွာ ထူးကဲလှသည်ဟု ဆိုနိုင်သည်။
ဤအားကစားပြိုင်ပွဲသည် အနှစ်လေးဆယ်ကျော်ကြာ တိမ်မြုပ်နေခဲ့သော မြန်မာတို့၏ ပင်ကို စွမ်းရည် များကို ဖော်ထုတ် ပြသလိုက်သည့်ပွဲ ဖြစ်သည့်အပြင် နိုင်ငံရေး အယူအဆနှင့် အခြားအခြားသော ကွဲပြားခြားနား အရေးကိစ္စများစွာ ရှိနေသော်လည်း အားကစားပြိုင်ပွဲ ခေါင်းစဉ်အောက်တွင် တစ်မျိုးသားလုံး တစ်စိတ်တည်း တစ်ဝမ်းတည်း အားပေးပံ့ပိုးခဲ့ကြသည့် ပွဲဟုလည်း ဆိုရပေမည်။
အနှစ် ၅၀ ကျော်ခန့် ဗဟိုက တင်းကျပ်စွာ ချုပ်ကိုင်မှုနှင့် စစ်အာဏာရှင် စနစ်အောက်တွင် ရှိနေခဲ့သော နိုင်ငံတစ်နိုင်ငံ အနေနှင့် အနှစ်လေးဆယ်ကျော်ကြာမှသာ အိမ်ရှင်အဖြစ် ပထမဦးဆုံးအကြိမ် အိမ်ရှင်အဖြစ် လက်ခံကျင်းပခဲ့ခြင်း ဖြစ်သောကြောင့် အားနည်းချက်များစွာ ရှိနေသေးသည်။ ထိုအားနည်းချက် များကိုလည်း သင်ခန်းစာအဖြစ် မှတ်ယူပြီး နောင်ပြိုင်ပွဲများတွင် အားသာချက်အဖြစ် ပြောင်းကာ ယခုထက် သာလွန်သော အောင်မြင်မှု ရရှိရန် စွမ်းဆောင် နိုင်လိမ့်မည်ဟု မျှော်လင့်သည်။
ထို့အတူ လက်ရှိ အခြေအနေအရ လိပ်ခဲတည်းလည်း ဖြစ်နေသော မြန်မာ့နိုင်ငံရေး မရေရာ မသေချာမှုများ၊ ပုဂ္ဂိုလ်ရေး အားပြိုင်မှု များကိုလည်း အရှေ့တောင်အာရှ အားကစားပြိုင်ပွဲတွင် ရှိခဲ့သော တစ်စိတ်တစ်ဝမ်းတည်း စိတ်မျိုးဖြင့် အမျိုးသား စည်းလုံး ညီညွတ်ရေး၊ ငြိမ်းချမ်းရေး၊ ဒီမိုကရေစီအရေး၊ လူ့အခွင့်အရေးတို့ကို သန်းခြောက်ဆယ်သော ပြည်သူလူထုအတွက် ဆောင်ကြဉ်း ပေးကြပါမည့် အကြောင်း အထူးတိုက်တွန်း အပ်ပေသည်။
အယ်ဒီတာ (၂၂-၁၂-၂၀၁၃)
The Voice Weekly Myanmar
