ဘာဝယ်ခဲ့လဲ . . . မောင်ရွှေသီး
ပို့စ်တင်ချိန်
-
7/13/2014 06:22:00 PM
ရွှေသီးရေ . . . ကိုယ့်အမျိုး မကောင်း ကြောင်းကိုယ်ပြောရ တာလောက် ရှက်စရာကောင်း တာမရှိဘူးကွ။ ဒါပေမဲ့လည်း ကိုယ်ကမကောင်းတာနဲ့ကြုံခဲ့ရလို့ မကောင်းတာပဲပြောရတာကိုး။ ဒါကြောင့်လည်း ရှေးမြန်မာကြီး တွေက ကိုယ့်ပေါင်ကိုယ်လှန် ထောင်းတယ်ဆိုတဲ့စကားမျိုး ပြောခဲ့ကြတာဖြစ်မယ်။
ပြီးခဲ့တဲ့ရက်ပိုင်းက ဈေးကြီး တစ်ဈေးထဲကိုရောက်သွားတယ်။ အိမ်မှာ လိုအပ်တာလေးဝယ်ဖို့ ပေါ့။ အဲဒီဈေးထဲမှာ မီးဖိုရောင်း တဲ့ဆိုင်နှစ်ဆိုင်ကပ်လျက်ရှိတယ် ကွ။ ဆိုင်ရဲ့အခြေအနေကိုကြည့် ပြီး ဆိုင်တစ်ဆိုင်ထဲရွေးဝင်လိုက် တယ်။ သူ့ဆိုင်ရှေ့မှာရှိနေတဲ့ မီး ဖိုတွေထဲမှာ ငါလိုချင်တဲ့မီးဖိုဆိုဒ် မတွေ့ရဘူး။ ဒါနဲ့ ငါကဆိုင်မှာရှိ နေတဲ့မီးဖိုတစ်လုံးကိုလက်ညှိုးထိုးပြပြီး ဒီထက်သေးတဲ့ဆိုဒ်ရှိ လားလို့မေးလိုက်တယ်။ သူကရှိ တယ်ဆိုပြီး ဆိုင်ထဲကမီးဖိုတစ်လုံး ကို လက်ညှိုးထိုးပြတယ်။ သူပြတဲ့ မီးဖိုက ငါလိုချင်တာထက်ကြီးနေ သေးတယ်။ ဒါနဲ့ ငါက နောက် တစ်ဆိုဒ်ကောရှိလားလို့မေးမိ တယ်။ သူက မျက်နှာခပ်တည် တည်နဲ့ ခင်ဗျားက နံပါတ်ဘယ် လောက်လိုချင်တာလဲတဲ့။
ကဲ. . . မင်းသာစဉ်းစား ကြည့်။ ငါတို့လိုဈေးဝယ်သူတွေ ဟာ အိမ်သုံးပစ္စည်းတွေရဲ့ဆိုဒ် နံပါတ်ကို ဘယ်သူကသေသေချာ ချာသိမှာလဲ။ တချို့ပစ္စည်းတွေက နံပါတ်ကြီးလေ ဆိုဒ်ကြီးလေဆို ပေမယ့် တချို့ကတော့ ပြောင်း ပြန်။ မီးဖိုနံပါတ် ၁၊ ၂၊ ၃၊ ၄ မှာ ဘယ်ဟာကအကြီး၊ အသေးဆို တာမသိနိုင်ဘူးလေ။ ဒါနဲ့ ငါက ရေနွေးအိုးဆိုင်ကပြောတာ ရေ နွေးအိုးဆိုဒ်က 7 တဲ့။ အဲဒါနဲ့ အဆင်ပြေတာလိုချင်လို့ဆိုပြီး အရွယ်အစားကိုတောင် လက်နဲ့ ဝိုင်းပြလိုက်တယ်။ ဒီမှာတင် ဆိုင် ရှင်က မျက်နှာထားတင်းတင်းနဲ့ ခင်ဗျားအိမ်ပြန်ပြီး ရေနွေးအိုးကို တိုင်းလာခဲ့။ ပြီးတော့မှလာဝယ် လို့ပြောပြီး ကုလားထိုင်မှာသွား ပြန်ထိုင်နေတယ်။ ငါ့ကိုလည်း လာရှုပ်တယ်ဆိုတဲ့ပုံမျိုးနဲ့ပေါ့ ကွာ။ ငါလည်း ဒေါသထွက်ထွက် နဲ့ သူနဲ့ကပ်လျက်ဆိုင်ဘက်ကို ကူးခဲ့ရတယ်။
နောက်တစ်ဆိုင် ရောက် တော့ ခုနဆိုင်မှာ ငါပြောခဲ့တဲ့ အတိုင်းပဲပြောတာပါပဲ။ ဆိုင်ရှင် က အစ်ကို ခဏနော်ဆိုပြီး သူ့ဆိုင် ထဲက မီးဖိုတစ်လုံးဆွဲထုတ်လာ တယ်။ ရေနွေးအိုးဆိုဒ် 7 ဆိုရင် ဒီ မီးဖိုနဲ့ကွက်တိပဲ။ မရရင်ပြန်လာ လဲ။ အစ်ကို့ဆိုက်ကားခ ကျွန်တော်ပြန်ပေးမယ်လို့ပြောပြီး မီးဖိုဆို ဘယ်လိုဟာမျိုးကိုသုံး အကြမ်းခံ တယ်။ ဘယ်လိုဟာမျိုးကိုတော့ မသုံးနဲ့ဆိုပြီး စိတ်ရှည်လက်ရှည် ရှင်းပြနေသေးတယ်။ ငါလည်းသူ့ ဆီကမီးဖိုအကြီးတစ်လုံး အသေး တစ်လုံးဝယ်လာခဲ့တယ်။
ငါ နောက်ထပ်ပန်းကန်ဆိုင် ဘက်ကိုကူးတယ်။ အချိုပန်းကန် ပြားအချပ်သုံးဆယ်မှာတယ်။ငါ လိုချင်တဲ့အဆင်လေးရွေးပြီး ဈေးညှိပိုက်ဆံပေးပြီးတခြားပစ္စည်း ဝယ်ဖို့သွားမယ်ဆိုတော့ ပန်းကန် ဆိုင်ရှင်က အိုကေ အစ်ကို။ ကျွန် တော်သေသေချာချာစစ်ပြီးထည့် ထားလိုက်မယ်တဲ့။ ငါဈေးတစ် ပတ်ပတ်ပြီးပြန်လာတော့ ပန်း ကန်တွေထုပ်ပိုးပြီးနေပြီ။ အိမ် ရောက်လို့ အချိုပန်းကန်ပြားတွေ ဖြေကြည့်လိုက်တော့ ငါပြခဲ့တဲ့ အဆင်ဒီဇိုင်းက ငါးချပ်ပဲပါတယ်။ ကျန်တာတွေက တခြားဒီဇိုင်းတွေ ဖြစ်နေတယ်။ ငါ့မှာ ပစ္စည်းတွေ ကလည်းအရေးတကြီးလိုနေချိန်၊ အလုပ်ကလည်းရှုပ်နေချိန်ဆို တော့ ဆိုင်ကိုဘယ်လိုမှသွားပြန် လဲဖို့မလွယ်ဘူး။ ဒါပေမဲ့လည်း ပန်းကန်လုံးက ဆင်တူ။ အောက်ခံ ပန်းကန်ပြားကတကွဲတပြားဖြစ် နေတဲ့အခြေအနေကို မင်းမျက်စိ ထဲမြင်ကြည့်လိုက်လေ။ ဒါနဲ့ ဆိုက်ကားဆရာကိုလွှတ်ပြီး ပန်း ကန်လဲရင်လဲပေး၊ မလဲရင်လည်း ပိုက်ဆံပြန်ပေးပါလို့ခိုင်းရတော့ တယ်။
ရွှေသီးရေ . . . လူမှုကွန်ရက် တွေပေါ်မှာ၊ ကျေးရွာရပ်ကွက် တွေမှာ ဘာသာခြားဆိုင်ကပစ္စည်းတွေမဝယ်ဖို့၊ ဘာသာခြားပစ္စည်းကိုမသုံးဖို့ လှုံ့ဆော်အော်ဟစ် နေသူတွေကို ငါသတိရမိတယ်။ ဆောင့်ကြီးအောင့်ကြီးနဲ့ မချေမငံပြောလိုက်တဲ့မီးဖိုဆိုင်က ဗုဒ္ဓဘာ သာဝင်ရောင်းတဲ့ဆိုင်။ ငါဝယ်ခဲ့တဲ့ဆိုင်က ဘာသာခြားရောင်း တဲ့ဆိုင်ကွ။ ဒီလိုပဲ ပန်ကန်ပြားလဲလိုက်တဲ့ဆိုင်ကလည်းဗမာ ဗုဒ္ဓဘာသာဆိုင်ပဲလေ။ ကိုယ်နဲ့ဘာသာတူ၊ မျိုးနွယ်တူသူတွေက ကိုယ့်ကို လာအားပေးတဲ့ဖောက်သည်ကို ရန်သူသဖွယ်ဆက်ဆံပြီး ဘာသာခြားကနှိမ့်ချရိုကျိုးစွာနဲ့ ပြည့်ဝတဲ့ ဝန်ဆောင်မှုပေးနေ တာကို တို့ကဘာကိုရွေးချယ်မှာ လဲ။ မျက်စိမှိတ်ပြီး တို့ဘာသာ မှတို့ဘာသာ၊ တို့အမျိုးမှ တို့ အမျိုးလို့ အံကြိတ်သည်းခံပြီးအမျိုး ဘာ သာကို ချစ်ပြရမှာလား ရွှေသီး။
တို့ကြည်ညိုကိုးကွယ်တဲ့ ဗုဒ္ဓ က လောကုတ္တရာသံသရာအကျိုး ကိုတင်မဟုတ်ဘူး။ လောကီပစ္စု ပ္ပန်အကျိုးအတွက်လည်း ညွှန်ပြ ခဲ့တာပဲလေ။ ဈေးသည်တွေမှာရှိ အပ်တဲ့အင်္ဂါရပ်တွေကို အဂုင်္တ္တရ နိကာယ်၊ တိကနိပါတ်၊ ပါပဏိက သုတ်မှာဟောကြားခဲ့သတဲ့။ အဲဒါကို မဟာသဒ္ဓမ္မဇောတိကဓဇ သရက်ဆရာတော်ရှင်ပညာဝရ က ကြီးပွားချမ်းသာရေးအတွက် ဈေးသည်ကုန်သည်၏အင်္ဂါရပ် ခြောက်ပါးဆိုပြီး ဆောင်းပါးတစ် ပုဒ်ရေးခဲ့ဖူးတယ်ကွ။ ဈေးသည်ရဲ့ အင်္ဂါရပ်တွေထဲမှာ နံပါတ်(၁)က ပညာမျက်စိတဲ့။ ဘယ်ကုန်ကို ဘယ်ကယူပြီး ဘယ်မှာဘယ်ဈေး နဲ့ရောင်းမယ်ဆိုတာမျိုးပေါ့။ နံပါတ်(၂)က လုံ့လဝီရိယတဲ့။ ဒါကတော့ ရှင်းပါတယ်။ သုံးက ကျတော့ အမှီရှိခြင်းတဲ့။ ဒါကငွေ ကြေးအရင်းအနှီးအဆက်အသွယ်ပံ့ပိုးတဲ့လူပေါ့။ နံပါတ် (၄)က ပုဗ္ဗ ဏှသမယံသက္ကစံ္စကမ္မံအဓိဋ္ဌာတိ လို့ဆိုတယ်။ နံနက်အခါရိုသေစွာ ရောင်းဝယ်ခြင်းအမှုကိုပြုစီရင် ခြင်း၊ နံပါတ် (၅)က နေ့အခါ၊ နံပါတ်(၆)ကညချမ်းချိန်ခါမှာ ရိုသေစွာရောင်းဝယ်ခြင်းအမှုကိုပြုပြင်စီရင်ခြင်းလို့ဟောကြားခဲ့သတဲ့။
ပြောရရင်တော့ ဈေးရောင်း သူတစ်ယောက်ဟာ နံနက်အခါ ဖြစ်စေ၊ နေ့လယ်အခါဖြစ်စေ၊ ည ချမ်းအခါဖြစ်စေ ဈေးရောင်းတဲ့ကိစ္စကို ရိုသေစွာပြုရမယ်ဆိုတာပါပဲ။ ဈေးဝယ်လာသူတွေရဲ့ဈေး ဆစ်တာ၊ စူးစမ်းမေးမြန်းတာနဲ့ပတ်သက်ပြီးဝယ်သူရဲ့အပြော အဆို အယွင်းအမှားချို့ယွင်းချက် တွေ ကို စိတ်မတို၊ အမျက်မပွားဘဲ စိတ်ရှည်ရှည်သဘောထားကြီး ကြီးလိုက်လျောဆက်ဆံရမယ်။ ဈေးဝယ်ဖို့လာတဲ့လူအားလုံးဟာ မိမိကြီးပွားတိုးတက်စေဖို့ လာ ရောက်ချီးမြှောက် အားပေးနေ တယ်ဆိုတာကို အမြဲတစေအမှတ် ရနေရမယ်။ အဲဒါဟာ ရိုသေစွာ ရောင်းဝယ်ခြင်းအမှုကိုပြုတာပဲ ပေါ့။
ရွှေသီးရေ နောက်ထပ်ငါ ကြားဖူးတာလေးတစ်ခုရှိသေး တယ်။ တို့ငယ်ငယ်က တို့ကိုစာ သင်ပေးခဲ့တဲ့ ဘုန်းတော်ကြီးနှုတ် တိုက်ချပေးခဲ့တာကွ။ ဆရာတော် ကတော့ ဘုရားဟောလို့ပြောတာ ပဲ။ ဘယ်ပါဠိမှာပါတယ်တော့ မပြောခဲ့ဘူး။ ဈေးသည်အင်္ဂါ ခြောက်ပါးကို လင်္ကာလေးနဲ့ရွတ် ရတယ်။ ဈေးသည်တွေဆောင်ရန် ကဖိတ်ခေါ်၊ မေးမြန်း၊ စုံစမ်း၊ ရွေး ချယ်၊ မေးဖွယ်အပို၊ ဆိုဖွယ်လော ကွတ်၊ ဈေးသည်ဝတ်တဲ့။ နောက် ရှောင်ရန်ခြောက်ပါးက ရန်လိုညှိုး ရော်၊ ဆိုင်ပေါ်ပွေရှုပ်၊ ကိုယ်နေ မသစ်၊ ပုဆစ်ကြွေအန်၊ မတန် ဝတ်စား ဤခြောက်ပါး ရှောင်ရှား ဈေးသည်ဝတ်တဲ့လေ။
ဗုဒ္ဓဟာ တရားတွေကို ဟောဖော်ညွှန်ပြတဲ့အခါမှာ ဗုဒ္ဓဘာသာဝင်တွေအတွက်ဆိုပြီး ဟောကြားခဲ့တာမဟုတ်ဘူး။ ဗုဒ္ဓဝါဒကို သက် ဝင်သည်ဖြစ်စေ၊ မသက်ဝင်သည် ဖြစ်စေ ဗုဒ္ဓရဲ့အဆုံးအမသြဝါဒနဲ့ ညီနေရင် လောကကောင်းကျိုး ဖြစ်ထွန်းစေတာပဲ။ လူမှုဝန်းကျင် ကိုယ်စိတ်နှစ်ပါးချမ်းသာတာပဲ လေ။ ငါတို့က ဗုဒ္ဓဘာသာကွဆို ပြီး ဗုဒ္ဓရဲ့အဆုံးအမသြဝါဒဆိုတာ ကို နည်းနည်းမှမသိ၊ နည်းနည်းမှ မကျင့်သုံးရင်တော့ လူမှုဝန်းကျင် ရဲ့အန္တရာယ်၊ လောကကိုဆိုးကျိုး သယ်ဆောင်လာသူသာဖြစ်မှာ ပေါ့။ ခုပဲကြည့်လေ ဗုဒ္ဓရုပ်ပွား တော်မြတ်ကို ဆိုင်ပေါ်တင်ကိုး ကွယ်ထားတဲ့ဆိုင်တစ်ဆိုင်က ဗုဒ္ဓ ဟောကြားတဲ့ဈေးသည်ကျင့်ဝတ် နဲ့ဖီလာတဲ့အပြုအမူကိုပြုမူလိုက် ချိန်မှာ ဗုဒ္ဓတရားဆိုတာကို နကန်းတစ်လုံးမှမသိတဲ့ တခြားဘာသာ ဝင်တစ်ဦးက ဗုဒ္ဓသြဝါဒနဲ့ညီတဲ့ ဈေးသည်အင်္ဂါနဲ့ မေးဖွယ်အပို၊ ဆိုဖွယ်လောကွတ်လုပ်လိုက်တဲ့ အခါမှာ ဈေးဝယ်သူတွေဘယ် လောက်စိတ်ချမ်းသာရသလဲ။
ရွှေသီးရေ . . . လူမျိုးကို အကြောင်းပြု၊ ဘာသာကိုရှေ့ တန်းတင်ပြီး ဟိုဆိုင်မှာမဝယ်နဲ့ ဒီဆိုင်ကိုအားမပေးနဲ့၊ ဟိုပစ္စည်း မသုံးနဲ့လို့ မစ္ဆရိယတွေနဲ့ တားဆီး နှောင့်ယှက်နေမယ့်အစား ဗုဒ္ဓ ဟောကြားခဲ့တဲ့ဈေးသည် အင်္ဂါ ရပ် လက္ခဏာတွေကိုသာ မင်း ကျင့်သုံးထိန်းသိမ်းနိုင်ခဲ့ရင် မင်း ဆိုင်မှာဝယ်သူတွေတန်းစီစောင့် ဆိုင်းနေပါလိမ့်မယ်။ မင်းကိုယ် တိုင်လည်း ဈေးဝယ်ချိန်မှာ ဈေး သည်အင်္ဂါရပ်နဲ့ပြည့်စုံတဲ့ဆိုင်ကို သွားမှာမဟုတ်လား။ မင်းဈေးက ပြန်လာတဲ့အခါမှာ လူတွေကမင်း ကိုဘယ်ဘာသာဝင်ဆိုင်ကဝယ်ခဲ့ သလဲလို့ ဘယ်တော့မှ မမေးဘူး။ ဘာဝယ်ခဲ့သလဲလို့ပဲမေးမှာ မောင်ရွှေသီး။ ။
7day daily
