နိုင်ငံတကာတွင် သဘာဝဘေးအန္တရာယ် ကျရောက်ပါက မြန်မာနိုင်ငံမှ သွားရောက်ကူညီနိုင်ရေး ကျန်းမာရေးအဖွဲ့ ဖွဲ့စည်းမည်
ပို့စ်တင်ချိန်
-
12/26/2013 09:00:00 PM
ဒေသတွင်း နိုင်ငံများသာမက ကမ္ဘာ့နိုင်ငံများတွင် သဘာဝဘေးအန္တရာယ် ကျရောက်ပါက မြန်မာနိုင်ငံမှ သွားရောက်ကူညီနိုင်မည့် နိုင်ငံတကာ ကျန်းမာရေးအဖွဲ့တစ်ခု ဖွဲ့စည်းနိုင်ရန် ဆောင်ရွက်မည်ဖြစ်ကြောင်း သတင်းရရှိသည်။ “နိုင်ငံတကာမှာ သဘာဝဘေးအန္တရာယ်တွေ ဖြစ်လာခဲ့ရင် မြန်မာနိုင်ငံအနေနဲ့ ကျန်းမာရေး စောင့်ရှောက်မှုတွေ ပေးနိုင်အောင် အဖွဲ့ဖွဲ့စည်းမယ့် အစီအစဉ်တွေ လုပ်ဖို့ရှိပါတယ်” ဟု ကျန်းမာရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာစိုးလွင်ငြိမ်းက ပြောသည်။ မြန်မာနိုင်ငံမှ ပြည်ပတိုင်းပြည်များတွင် ကြုံတွေ့ခဲ့သည့် သဘာဝဘေးအန္တရယ်များတွင် လူအားဖြင့် ကူညီပေးခြင်းမှာ ဖိလစ်ပိုင်တွင် ကြုံတွေ့ခဲ့သည့် မုန်တိုင်းသည် ပထမဆုံးအကြိမ်ဖြစ်ပြီး မြန်မာနိုင်ငံမှ အထူးကုဆရာဝန် ကိုးဦးပါဝင်သည့် ဆေးအဖွဲ့မှ သွားရောက် ကူညီခဲ့ခြင်းဖြစ်သည်။ ထိုဖိလစ်ပိုင်ခရီး အတွေ့အကြုံကိုရယူ၍ ကျန်းမာရေးအဖွဲ့ ဖွဲ့စည်းကာ နိုင်ငံတွင်းသာမက ပြည်ပနိုင်ငံများသို့ပါ ကျန်းမာရေးဆိုင်ရာ အကူအညီများပေးနိုင်ရန် လေ့ကျင့်ပြီး လိုအပ်သည့် ပြင်ဆင်မှုများ ဆောင်ရွက်မည်ဖြစ်ကြောင်း သိရသည်။ နာဂစ်မုန်တိုင်း တိုက်ခတ်ပြီးချိန်မှစ၍ မြန်မာနိုင်ငံတွင်းတွင် အမျိုးသားသဘာဝဘေး စီမံခန့်ခွဲမှုကော်မတီကို ဖွဲ့စည်းခဲ့သည်ဟု ၂၀၁၃ ခုနှစ် ဒီဇင်ဘာလ ၂၅ ရက်နေ့ထုတ် 7 Day News ဂျာနယ်တွင် ဖော်ပြထားပါသည်။ "
khit lu nge
