မူးယစ်ဆေးဝါးကိစ္စအကြောင်း ပရိသတ်ကို ဖြေရှင်းလိုက်တဲ့ မင်းမော်ကွန်း
ပို့စ်တင်ချိန်
-
12/05/2013 03:17:00 PM
အခုတလော နာမည်ကြီး အနုပညာရှင်တွေ ရဲ့ ယခင် မူးယစ်ဆေးဝါး စစ်ဆေးချက် မှတ်တမ်းတွေ ထွက်လာတဲ့အပေါ် ဖေ့စ်ဘွတ်ခ် ရပ်ဝန်းမှာ ဟိုးဟိုးကျော်ခဲ့တဲ့အတွက် အနုပညာရှင်တွေအနေနဲ့လည်း ပရိသတ်ကို ပြောစရာစကားတွေ ရှိလာပါတယ်။
မှတ်တမ်းထဲမှာ ပါဝင်သူတစ်ဦးဖြစ်တဲ့ အကယ်ဒမီ မင်းမော်ကွန်း ကတော့ သူနဲ့ပတ်သက်တဲ့ ခံစားချက်အကြောင်း sunday journal ကိုအခုလို ရှင်းပြခဲ့ပါတယ်။
@@``အဲဒီအထဲမှာမှ ကျွန်တော့်နာမည်ကို ထိပ်ဆုံးက တင်ထားကြတယ်။ သြော်.. အဲဒါမျိုးကျတော့ ကျွန်တော့ကို ထိပ်ဆုံးကနေ သတိရကြတဲ့အတွက် တော်တော်လေးကို ချစ်ဖို့ကောင်းကြတယ်ပေါ့။ အနုပညာရှင်တွေနဲ့ပတ်သက်ပြီး ဒီလို မူးယစ်ဆေးတွေ သုံးတယ်ဆိုတဲ့ သတင်းတွေ ထွက်လာတာက တကယ်လုပ်ခဲ့တဲ့ လူတွေကတော့ ဘာမှ မဖြစ်လောက်ဘူး။ ဒါပေမယ့် မလုပ်တဲ့လူတွေ အတွက် အရမ်းကို ဒေါသထွက်ဖို့ကောင်းတယ်။ လူပဲဗျာ မှားတဲ့အချိန်တုန်းကလည်း မှားတာမျိုးတွေရှိခဲ့တာပေါ့။ အမြဲတမ်းချည်းတော့လည်း အားလုံးက မှားမနေကြဘူး။ အမြဲတမ်းမှန်နေတဲ့လူလည်းမရှိဘူးလေ။ တကယ်တော့ ကျွန်တော်တို့ အနုပညာရှင်တွေက သားကောင်တွေလိုဖြစ်နေတာ။ တခြားသူတွေရဲ့ မူးယစ်ဆေးဝါးနဲ့သော်လည်းကောင်း၊ တခြား ပယောဂတွေနဲ့သော်လည်းကောင်းမှိုင်းတိုက်တာကို ခံနေရတဲ့ သားကောင်တွေ ဖြစ်နေတယ်။ ဒါကို ကျွန်တော်တို့လောကသားတွေကို တရားခံတွေလိုစွပ်စွဲပြီး ခေါင်းစဉ်တပ်လို့မရပါဘူး။ နောက်တစ်ခုက ကျွန်တော်တို့ လောကမှာ မူးယစ်ဆေးဝါးကို စီးပွားဖြစ်ဖြန့်ဝေရောင်းချပြီး လူမျိုးဖျက်နေတဲ့လူတွေ တစ်ယောက်မှ မရှိဘူး။ မူးယစ်ဆေးက မရောင်းဘူး ဆိုတာ လူတိုင်းသိတယ်။ ဒါပေမယ့် အဲဒါကို မလွန်ဆန်နိုင်တဲ့ သူတွေသာ ၀ဋ်ကြွေးတစ်ခုလို ငြိတွယ်နေကြတာပါ။ ကျွန်တော်အနေနဲ့တော့ ၀ါးလုံးရှည်နဲ့ မရမ်းစေချင်ပါဘူးဗျာ ...ကျွန်တော်တို့က ပရိသတ်အတွက် အမြဲသစ္စာရှိပါတယ်။ ပရိသတ်တွေ အားပေးရကျိုးနပ်အောင်လည်း အမြဲကြိုးစားနေပါတယ်။ ကျွန်တော်ပြောချင်တာက အနုပညာရှင်တွေကလည်း လူသားတစ်ယောက်ဖြစ်လို့ အမှားနဲ့တော့ မကင်းနိုင်ကြပါဘူး ´´@@ လို့ sunday journal ကို ဒီဇင်ဘာ 4ရက်နေ့က ဖြေကြားခဲ့ပါတယ်။
သတင်း၊ ပိုင်နိုင်သူ
Sunday Journal
