မြောက်ဥက္ကလာပမြို့နယ်၊ ရွှေပေါက္ကံ၌ မီးလောင်မှုဖြစ်ပွားစဉ် ၀ိုင်းဝန်းမီးငြိမ်းသတ်သူ အမျိုးသားတစ်ဦး ဓါတ်လိုက်သေဆုံး

ပို့စ်တင်ချိန် - 11/11/2013 11:07:00 AM

ရန်ကုန်၊ နိုဝင်ဘာ ၁၀

၁၀.၁၁.၂၀၁၃ရက်နေ့ ၁၅၄၀အချိန်မြောက်ဥက္ကလာပမြို့နယ်၊ ရွှေပေါက္ကံ၊ (၁၅)ရပ်ကွက်၊ န၀ရတ်လမ်း ရှိ ဦးဝင်းအောင် (ဘ)ဦးမောင်စိုး၏နေအိမ်တွင် မီးလောင်မှုဖြစ်ပွားသဖြင့် အဆိုပါနေရာသို့ မီးသတ်ဦးစီးဌာန လက်ထောက် ညွှန်ကြားရေးမှူး ဦးကြည်ဝင်းနှင့် မီးသတ်တပ်ဖွဲ့ဝင်များ၊ မြောက်ဥက္ကလာပမြို့နယ် ရဲတပ်ဖွဲ့မှူးနှင့်အဖွဲ့တို့ မှ အုပ်ချုပ်မှုယာဉ် (၃)စီး၊ မီးသတ်ယာဉ် (၁၃)စီးတို့ဖြင့် မီးငြိမ်းသတ်ခဲ့ရာ ၁၅၅၄အချိန်တွင် မီးငြိမ်းသွားခဲ့ပါသည်။

မီးလောင်ရာသို့ မီးသတ်တပ်ဖွဲ့ဝင်များနှင့်အတူ ၀ိုင်းဝန်းမီးငြိမ်းသတ်သူ မင်းဘိုဝင်း (ဘ)ဦးအောင်ဝင်း၊ (၁၅)ရပ်ကွက်၊ ရွှေပေါက္ကံနေသူပေါ်သို့ ဓါတ်ကြိုးမှာ မီးလောင်ပြုတ်ကျပြီး မင်းဘိုဝင်းတွင် ယာဘက်ပုခုံ၊ ၀ဲဘက်ရင်အုံနှင့် နှုတ်ခမ်းတို့တွင် ဓါတ်လိုက်ဒဏ်ရာများရရှိသဖြင့် မြောက်ဥက္ကလာပဆေးရုံသို့ ပိုအပ်စဉ်သေဆုံးသွားခဲ့ပါသည်။

အဆိုပါမီးလောင်မှုနှင့်ပတ်သက်၍စစ်ဆေးရာ နေအိမ်ရှိရေခဲသေတ္တာမှာ အပူချိန်လွန်ကဲပြီး ၀ါယာရှော့ဖြစ်ကာ မီးလောင်ခဲ့သဖြင့် မီးလောင်မှုကြောင့် တန်းဘိုငွေကျပ် (၃၈၇၅၀၀)ဆုံးရှုံးခဲ့သဖြင့် လျှပ်စစ်မီးအားပေါ့ဆစွာသုံးစွဲသူ ဦးဝင်းအောင်အား ရွှေပေါကံ္ကနယ်မြေရဲစခန်း(ပ)၂၀၄/၂၀၁၃၊ ပုဒ်မ ၂၈၅ဖြင့် အမှုဖွင့်အရေးယူဆောင်ရွက်လျက်ရှိကြောင်း သတင်းရရှိပါသည်။

Yangon Police