ရန်ကုန်မြို့၌ အမြင့်ဆုံး အဆင့်ဖြင့် လုံခြုံရေး ဆောင်ရွက်မှုကို ဆီးဂိမ်းပြီးသည်အထိ ပြုလုပ်မည်

ပို့စ်တင်ချိန် - 10/25/2013 11:20:00 AM



ရန်ကုန်တိုင်း ဒေသကြီးအတွင်း အမြင့်ဆုံး အဆင့်ဖြင့် လုံခြုံရေး ဆောင်ရွက်နေမှုကို ဆီးဂိမ်းပြိုင်ပွဲ ပြီးဆုံးသည်အထိ ဆောင်ရွက်သွားမည် ဖြစ်ကြောင်း ရန်ကုန်တိုင်း ဒေသကြီး ရဲတပ်ဖွဲ့မှူးရုံးမှ တာဝန်ရှိသူ ရဲမှူးမြင့်ထွေးက အောက်တိုဘာ ၂၄ ရက် နံနက်ပိုင်းတွင် ပြောကြားသည်။

ယင်းကဲ့သို့ လုံခြုံရေး ဆောင်ရွက်မှုကို အမြင့်ဆုံးအဆင့်ထိ သတ်မှတ်ပြီး တိုးချဲ့ဆောင်ရွက်မှုကို ရန်ကုန်တိုင်း ဒေသကြီး၌ အောက်တိုဘာလအတွင်း ဗုံးပေါက်ကွဲမှု ဖြစ်စဉ်များ ဖြစ်ပွားပြီးနောက် သတ်မှတ်ဆောင်ရွက် နေခြင်းဖြစ်ကြောင်း သိရသည်။

အဆိုပါဖြစ်စဉ်နှင့် ပတ်သက်၍ ရန်ကုန်တိုင်းဒေသကြီး အရှေ့ပိုင်းခရိုင် ရဲတပ်ဖွဲ့မှူး ဒုတိယရဲမှူးကြီး မြင့်အေးက ''ဒီလထဲက စပြီးတော့ ဆီးဂိမ်းပြိုင်ပွဲ ပြီးဆုံးတဲ့အထိ ရန်ကုန်မြို့ရဲ့ လုံခြုံရေး ဆောင်ရွက်မှုကို အမြင့်ဆုံးအဆင့် လုံခြုံရေးဆောင်ရွက်ချက်တွေကို သတ်မှတ်ပြီး လုပ်ဆောင်နေတယ်။ ဒီကာလ အတွင်းမှာ မြို့မရဲစခန်း အချင်းချင်း အင်အားပံ့ပိုးမှုတွေ၊ စစ်ဆေးမှုတွေ၊ ပညာပေး လုပ်ဆောင်မှုတွေကို အဓိကထားပြီး ဆောင်ရွက်နေတယ်'' ဟု အောက်တိုဘာ ၂၄ ရက် နံနက်ပိုင်းက ပြောကြားသည်။

အလားတူ ယင်းကဲ့သို့ လုံခြုံရေးတိုးမြှင့် ဆောင်ရွက်မှုနှင့် ပတ်သက်၍ ''ရန်ကုန်မြို့အတွင်း လုံခြုံရေး လိုအပ်ချက် ရှိနေမှုကြောင့်နဲ့ အခြားဖြစ်ပေါ်ခဲ့တဲ့ ဖြစ်စဉ်တွေကြောင့် ရဲတပ်ဖွဲ့အင်အားကို တိုးမြှင့်ပြီးတော့ လုံခြုံရေး ဆောင်ရွက်နေပါတယ်'' ဟု ရန်ကုန်တိုင်း ဒေသကြီး ရဲတပ်ဖွဲ့မှူးရုံးမှ တာဝန်ရှိသူ ရဲမှူးမြင့်ထွေးက ပြောကြားသည်။

ရန်ကုန်တိုင်း ဒေသကြီးအတွင်း ဖြစ်ပွားခဲ့သည့် ဗုံးပေါက်ကွဲမှု ဖြစ်စဉ်များမှာ အောက်တိုဘာ ၁၃ ရက် နံနက် ၁၂ နာရီခွဲခန့်တွင် ရန်ကုန်တိုင်းဒေသကြီး အင်းစိန်မြို့နယ် စော်ဘွားကြီးကုန်း အဝေးပြေးဝင်းရှေ့ ကားမှတ်တိုင်၌ ဗုံးတစ်လုံး ပေါက်ကွဲမှု ဖြစ်ပွားခဲ့ပြီး အနီးအနားတွင် မပေါက်ကွဲသေးသည့် အခြားဗုံး တစ်လုံးကို ထပ်မံတွေ့ရှိခဲ့မှု၊ အောက်တိုဘာ ၁၃ ရက် ညနေပိုင်းတွင် ရန်ကုန်တိုင်း ဒေသကြီး သာကေတမြို့နယ် ၃/မာန်ပြေရပ်ကွက်၊ ယမုံနာလမ်း၊ အခွန်လွတ်ဈေးရှေ့ လမ်းဘေးပလက်ဖောင်း အနီးတွင် ဗုံးပေါက်ကွဲမှု ဖြစ်ပွားခဲ့ကြောင်း၊ အောက်တိုဘာ ၁၄ ရက် နံနက် ၁၀ နာရီခန့်တွင် အလုံမြို့နယ်၊ ကမ်းနားလမ်း၊ စောရန်ပိုင် အနောက်ရပ်ကွက်၊ ဟာဘိဝင်းအတွင်း Western Park Ruby စားသောက်ဆိုင် အတွင်းရှိ စားပွဲခုံနံပါတ် ၁၉ အောက်တွင် မပေါက်ကွဲသေးသည့် ချိန်ကိုက်ဗုံး တစ်လုံးကိုလည်း ထပ်မံတွေ့ရှိခဲ့သည်။

ထို့ပြင် အောက်တိုဘာ ၁၄ ရက်ည ၁၁ နာရီခွဲ အချိန်တွင် ရန်ကုန်မြို့ ဆူးလေဘုရားလမ်းရှိ ကုန်သည်ကြီးများ ဟိုတယ် ၉ လွှာ အခန်းနံပါတ် ၉၂၁ ၏ ရေချိုးခန်းအတွင်း ဗုံးပေါက်ကွဲမှု ဖြစ်ပွားခဲ့ကြောင်း မြန်မာနိုင်ငံ ရဲတပ်ဖွဲ့ ဌာနချုပ်မှ သတင်းရရှိသည်။

(ရန်ကုန်မြို့အတွင်း ညပိုင်းလုံခြုံရေး စစ်ဆေးနေမှုကို အောက်တိုဘာ ၁၄ ရက်က မြင်တွေ့ရစဉ် (ဓာတ်ပုံ-အောင်မျိုးသန့်))
Eleven Media Group