ရေကျော်ဈေးရှိအငှားဆိုင်ခန်းများရွှေ့ပြောင်းမှုနှင့်ပတ်သက်၍ရှင်းလင်း
ပို့စ်တင်ချိန်
-
1/10/2014 09:00:00 PM
ရန်ကုန်၊ ဇန်နဝါရီ ၁၀။
ရေကျော်ဈေးရှိ အငှားဆိုင်ခန်းပေါင်း၂၇၀ဝန်းကျင်အား ရွှေ့ပြောင်းခဲ့ပြီး ယာယီအားဖြင့် အငှားဆိုင်ခန်း ၉၄ဆိုင်အား ရောင်းချခွင့်ပြုထားရာ ကျန်ဆိုင်ခန်းများအတွက် နစ်နာမှု ရှိနေသဖြင့် အငှားဆိုင်ခန်းသမား အယောက်၂၇ဦးနှင့်အတူ အငှားဆိုင်ခန်းသမားများ၏ ကိုယ်စားလှယ်ဦးကျော်ဆင့်တို့သည် ဇန်နဝါရီ ၁၀ရက်က ကျောက်တံတားမြို့နယ်၊ ၃၆လမ်းရှိ MJNရုံးခန်းတွင် သတင်းစာရှင်းလင်းပွဲတစ်ရပ် ပြုလုပ်ခဲ့သည်။
ယင်းရေကျော်ဈေးရှိ အငှားဆိုင်ခန်းပေါင်း၂၇၀ဝန်းကျင်အား ဇန်နဝါရီ(၄)ရက်နေ့မှ(၇)ရက်နေ့ နောက်ဆုံးထားပြီး ဖယ်ရှားပေးရန် စာကပ်ထားသည်က်ိုလည်း တွေ့ရသည်။ ယာယီဆိုင်ခန်းများ အနေဖြင့် ဆိုင်ခန်းပေါင်း(၉၄)ခန်းကို ရောင်းကျခွင့် ပေးထားသည်။
“ကျွန်မတို့ ရောင်းချနေတဲ့ ဒီဈေးကြီးကို ဖျက်လိုက်မယ်ဆိုရင် ဒီဈေးထဲမှာရှိတဲ့ လူတွေအတွက် နေရာကိုတော့ ပြန်ပေးသင့်တာပေါ့။ အခုကတော့ ကျွန်မတို့ကို ကျောသား ရင်သားခွဲခြား ခံနေရတယ်”ဟုပြောသည်။
ရေကျော်ဈေးဆိုင်ခန်း အငှားသမားများ၏ ကိုယ်စားလှယ် ဦးကျော်ဆင့်က “အခုဖြစ်နေတဲ့ ပြဿနာကို ကျွန်တော် ရန်ကုန်တိုင်း လွှတ်တော် ကိုယ်စားလှယ် ဦးထွန်းအောင်ကြည်ကို ပြောလိုက်တယ် ဒီကိစ္စခင်ဗျား တားလို့ရပါတယ် ဘာလို့မတားတာလဲလို့ ပြောလိုက်တယ် သူ့ကပြန်ပြောလိုက်တာကတော့ ငါ့ကိစ္စပြီးသွားပြီလို့ ပြောပါတယ် ဒါနဲ့၈၈ခေါင်းဆောင် ကိုမင်းကိုနိုင်ကိုလည်း ပြောပြန်တယ် သူ့ကလည်း ကျွန်တော်တို့ ဖြေရှင်းလို့ မရဘူး မီဒီယာတွေကိုပဲပြောမှရမယ်လို့ ပြောပါတယ်”ဟု ပြောသည်။
ယင်းနောက် ပြည့်သူလွှတ်တော်ကိုယ်စားလှယ် ပုဇွန်တောင်မြို့နယ်၊ NDFမှ ဦးအောင်ဇင်အား ၎င်းကိစ္စအား (၁၀.၁.၂၀၁၄)ရက် နောက်ဆုံးထား ဖြေရှင်းပေးနိုင်ရန်အတွက် တင်ပြသွားမည်ဖြစ်ပြီး စည်ပင်မှ အငှားဆိုင်ခန်း သမားများကို ၇.၁.၂၀၁၄ရက်နေ့တွင် ရွှေ့ပြောင်းရန် လာရောက်ပြောလျှင်လည်း ဖယ်ရှားမပေးကြရန် သဘောတူ လက်မှတ်ရေးထိုးထားကြသည်ဟု အငှားဆိုင်ခန်းရှင်များက ဆိုသည်။
ချစ်မင်းထွန်း
The Myanma Age
